رواية فلانتيمو الحلقة التاسعه بقلم الكاتب عادل عبدالله حصريه وجديده
 |
رواية فلانتيمو الحلقة التاسعه بقلم الكاتب عادل عبدالله حصريه وجديده
تامر يفكر .... " هعمل انا ايه دلوقتي بقي وههرب منها ازاااي ؟؟؟ " .
شيماء " هو دلوقتي هيحاول يقرب مني وانا لازم اعمل نفسي مكسوفة ، مش هسلم كده بسهولة " .
تقف شيماء للحظات وبجوارها تامر ، ثم تقول : انا هدخل اغير الفستان .
تامر : ماشي خدي راحتك .
تدخل شيماء تحاول تبديل ملابسها ثم تبتسم و تناديه : تامر ، تامر تعالي ساعدني مش عارفة اقلع الفستان .
يدخل تامر بتأفف : فيه ايه ؟؟
فيجد غرفة النوم مزينة بالفوانيس البيضاء والزهور الحمراء .
شيماء : سوستة الفستان مش عارفة افتحها !!
تامر : يفتح لها سوستة الفستان ثم يتركها ويخرج : فتحتلك السوستة خلاص ممكن دلوقتي تق.لعي الفستان بسهولة .
تتعجب شيماء من هذا العريس متبلد الاحساس !!!!!
للكاتب عادل عبد الله
ثم تخلع عنها فستانها وتقف امام المرأة سعيدة بجمالها ثم تتجه الي دولاب الملابس وتفتحه وتخرج منه العديد من ملابس النوم المثيرة .
تقف امامهم حائرة ايهم اكثر جمالا واثارة ؟!
ثم تبتسم وتنادي : تامر ، تامر ، تعالي انت بتعمل ايه عندك ؟؟
يأتي تامر بخطي بطيئة ويقف عند الباب : نعم ؟
شيماء : بتعمل ايه عندك يا تامر ؟ يلا تعالي اختارلي واحد من دول البسه .
تامر : البسي اللي تحبيه .
ثم يتركها ويخرج فتظل الافكار تطاردها !!!
ثم تقف وتقول : مش هسيب نفسي الخجل و الأوهام تضيع فرحتي ، انا لازم اكون اجرأ من كده .
ترتدي اكثر الملابس اثارة و تألقا وتخرج من الغرفة لتجده مازال جالسا مرتديا بدلته ممسكا بهاتفهه !!
شيماء " بابتسامة " : ايه ده ؟؟ انت مش هتغير البدلة ؟؟
تامر : هغير كمان شوية ،تعالي اقعدي يا شيماء عايز نتكلم كلمتين مهمين .
تنظر شيماء إليه بتوتر وقلق !!!
تامر : طبعا المفروض اننا اتجوزنا زي ماما كانت عايزة .
شيماء : ماما !!! تقصد ايه ؟ انتي مكنتش عايز تتجوزني ؟؟
تامر : شيماء انتي عارفة وكل الناس عارفين اني كنت مش عايز اتجوز .
شيماء : لكن احنا اتجوزنا فعلا !!!
تامر : اتجوزنا ارضاءا لأمي وأمك ، انما انا لأ .
شيماء : انت لأ !!! وأنا ذنبي ايه ؟؟ ازاي تسمح لنفسك تلعب بمشاعري ؟!
تامر : انا مش لعبت بمشاعرك و كنت صريح معاكي ومقولتش ولا مرة في كلامنا اني بحبك .
شيماء : صريح !!! ولما جيت تخطبني ؟؟ ده مش معناه انك عايزني ؟!!!
تامر : علشان ارضيها مش اكتر .
شيماء : وانا بقي كب.ش الفدا. علشان ترضي الست امك !!! صح ؟؟
تامر : أنااا ...
شيماء : خلاص كفاية مش عايزة اسمع منك حاجة تاني .
تتساقط دموعها علي وجنتيها وتشعر بمرا.رة وأسي حتي يشفق عليها تامر ويقترب منها قائلا : انا اسف ، انا ااا ...
شيماء : لو عايز تطلقني دلوقتي اتفضل طلقني .
تامر : لأ مينفعش علشان سمعتك وكلام الناس .
شيماء " بدموع " : ملكش دعوة بالناس ،طلقني .
تامر : لأ طبعا مينفعش اطلقك دلوقتي خالص ، سمعتك هي سمعتي ومسمحش لحد يتكلم عنك كلمة واحدة .
شيماء : يبقي من الليلة انا هنام في اوضة الاطفال ، اللي المفروض كانت هتكون لأولادنا لحد ما تطلقني .
تامر : لأ ، انتي نامي في اوضة نومك وفي سريرك وانا هنام في اوضة الاطفال .
قامت شيماء تمشي بخطي ثقيلة حتي وصلت غرفة النوم وبعدما دخلتها اغلقتها والقت بنفسها علي الفراش تبكي بأنهيا.ر !!!
جلس تامر يشعر بتأ.نيب ضميره علي كلماته القا.سية وكسره لخاطرها دون ذنب لها !!! و نهض من مكانه ذاهبا اليها ومشي حتي وقف امام باب الغرفة المغلق قليلا قبل ان يتراجع ويعود الي مكانه مرة اخري !!!
جلس تامر ممسكا بهاتفهه وبمجرد ان فتحه اذا برسائل كثيرة تأتيه من منال!! فبادر بالرد عليها ...
تامر : ايه ده كله ؟؟ كل دي رسايل ؟!!
منال : كنت فين وبتعمل ايه ؟؟
تامر : كنت ب...
منال " مقاطعة " : اوعي تكدب !!!
تامر : حاضر ، كنت بتكلم معها .
منال " بغ.ضب " : كنت بقولها اني اتجوزتها علشان ارضي امي مش اكتر .
منال : و رد فعلها ايه ؟؟
تامر : كانت مصد.ومة في اول الكلام ، لكن انا فهمتها كل حاجة بهدوء .
منال " بسخرية " : اتفقتوا علي ايه ؟؟ هتلعبوا عريس. وعروسة ؟!!
تامر : انا عايزك تهدي علشان ن...
منال : متقوليش اهدي ولا ز.فت !!! انا هادية اهو .
تامر : كانت عايزاني اطلقها الليلة لكن طبعا انا رفضت علشان كلام الناس ، واتفقنا نتطلق لما تعدي فترة من جوازنا .
منال " بعصبية " : فترة اد ايه يعني ؟؟
تامر : متفقناش .
منال : لازم في اسرع وقت يا تامر ، فاهم ؟؟
تامر : انتي متضايقة ليه ؟؟ انا معاكي اهو وسايبها وبكلمك !!
منال : انت جوزي انا ، فاهم ؟؟
تامر : حاضر يا منال ، اهم حاجة تهدي .
منال : انت فين دلوقتي وهي فين ؟؟
تامر : هي في اوضة النوم وانا في اوضة الاطفال .
منال : طيب صور نفسك في المكان اللي انت فيه حالا علشان اتأكد أنك مش بتكدب عليا .
تامر : حاضر ، وهفضل اتكلم معاكي للصبح كمان علشان تطمني خالص .
الساعة ١١ ظهرا
يستيقظ تامر بعد نوم قليل متقطع ، يخرج من الغرفة ليجد شيماء تعد الفطور علي مائدة الطعام .
تامر : صباح الخير .
شيماء : انا جهزتلك الفطار اهو ولما تخلص تحب تشرب شاي ولا قهوة ؟
تامر : مفيش لزوم تتعبي نفسك تاني ، انا بعد كده هجهز لنفسي كل حاجة .
شيماء : لأ ، انا اللي المفروض اعملك كل حاجة .
تامر : مش عايز اتعبك .
شيماء " بصوت باكي " : علي الاقل احس اني متجوزة .
بعد ساعتين من الصمت ...
تأتي مامت شيماء وباباها واخوتها .
يستقبلهم تامر بالترحاب والابتسام ، تخرج اليهم شيماء وعلي وجهها ابتسامة مصطنعة ويقوم العروسان بتقديم واجبات الضيافة .
وقبل انصرافهم تقول ام شيماء " بابتسامة " : مش هوصيك علي شوشو يا تامر يا ابني ، شوشو بنت خالتك قبل ما تكون مراتك .
تامر : طبعا طبعا شوشو في عينيا .
ام شيماء : ربنا يهدي سركم يا ولادي .
ينظر تامر لشيماء التي عاد الحزن الي وجهها سريعا وقال : متشكر اوي انك مش قولتلهم حاجة .
تنظر له شيماء وتشير برأسها بالايجاب بلل مبالاة منها .
بعد ساعة ...
تأتي ام تامر فيستقبلها تامر بالترحاب ولكن بوجه عابس !!!
ام تامر : الف مبروك يا تموره ، اخيرا !!! انا مش مصدقة انك اتجوزت !!!
ينظر لها تامر بسخط.
ام تامر : اومال فين عروستنا الحلوة ؟؟
تخرج شيماء وعلي وجهها نفس الابتسامة المصطنعة !!!
ام تامر : ما شاء الله عروستك زي القمر يا تامر ، طول عمري اقول شوشو اجمل بنت في العيلة ، واهي في الاخر تطلع من نصيبك يا حبيبي .
تبتسم شيماء بينما يظل تامر ساخطا !!!
ام تامر : مالك يا تامر ؟
تامر : عايزة ايه يا ماما ؟ مش انا اتجوزت اهو علشان ارضيكي !! سبيني في حالي بقي !!!
ام تامر : انت بتتكلم كده ليه ؟؟؟ ايه اللي حصل ؟؟؟
ينظر لها تامر في صمت تااام !!!
ام تامر : قوليلي انتي يا شيماء ايه اللي حصل ؟؟؟
لم تستطيع شيماء السيط.رة علي د.موعها وتنهض مهرولة الي غرفتها وتغلقها سريعا !!!
تنهض خلفها ام تامر وتدق علي بابها عدة مرات لكن دون اجابة !!!
تعود ام تامر الي ابنها لتسأله : فهمني ايه اللي حصل ؟؟ شكلكم كده ميطمنش ابدا !!!
تامر : انا قولت لبنت اختك كل حاجة .
ام تامر : يعني ايه ؟؟ قولتلها ايه ؟؟
تامر : قولتلها اني اتجوزتها غ.صب عني علشان ارضيكي .
ام تامر : ايييه !!! قولتلها كده ؟؟؟
تامر : ايوه ، عايزاني اغشها واخدعها ؟!!
ام تامر : ود.خلت عليها ؟؟؟
تامر : لأ .
ام تامر : روح يا ابني منك لله كسر.ت خاطر البنت ليلة فرحتها !!!
تامر : انتي السبب .
ام تامر : انا السبب ليه ؟؟ جوزتك عروسك الف واحد يتمناها ، ده جزائي ؟؟ بدل ما تشكرني علي النعمة دي ؟!!!
تامر : انا قولتلك اني مش عايز اتجوز وانتي اللي صممتي !!!
ام تامر : يكون في علمك يا تامر قدامك يومين وهرجعلك لازم تراضي مراتك وتد.خل عليها وتحسسها انها عروسة والا مش هتكون ابني ولا اعرفك !!!
يتبع
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
