رواية فلانتيمو الحلقة الثامنة بقلم الكاتب عادل عبدالله حصريه وجديده
 |
رواية فلانتيمو الحلقة الثامنة بقلم الكاتب عادل عبدالله حصريه وجديده
تامر : مكنتش بدي للولد الدرس .
معتز : اومال كنت بتعمل ايه ؟؟
تامر : كنت في اوضة النوم مع امه .
معتز : يخربيييتك يا تيمو ، معقول !!!
تامر : احنا اتجوزنا عرفي ، لكن مفيش حد يعرف الا انا وهي والشهود وانت اوعي تقول لحد يا معتز !!
معتز : وامك متعرفش ؟؟
تامر : لأ واوعي تقولها ولا تعرفها حاجة !!!
معتز : ولما انتوا عايزين تتجوزوا متجوزتوش رسمي ليه وفي العلن وكل الناس تعرف ؟
تامر : علشان اخو جوزها ، لو عرف مش هيسكت .
معتز : كمل يا تيمو ، وايه اللي حصل بعد كده ؟
تامر : الولد كان نايم في اوضته واحنا في اوضة النوم وفجأة سمعنا جرس الباب ، منال قامت بصت من العين السحرية قالتلي طارق اخو المرحوم بره علي الباب !!! لبست هدومي ووقفت في البلكونة وهي لبست وراحت فتحت الباب ، دخل طارق وسألها مين اللي عندك جوه ؟ ودخل يفتش الشقة !!،ولما سمعت صوته دخل الأوضة طلعت علي ماسورة الغاز علشان ميشوفنيش وفقدت توازني و بعدها مش حسيت بحاجة الا في المستشفي !!!
معتز : كنت هتمو.ت يا تيمو بسبب الشقاوة !!!
تامر : لأ بسبب الحب .
معتز : وانت دلوقتي ناوي تعمل ايه ؟ هتكمل معها ولا هتسيبها ؟؟
تامر : مش عارف يا ميزو ، انا بحبها جدا وهي كمان بتحبني واتعلقت بيا ، لكن طارق اخو جوزها مصمم يتجوزها !!
معتز : مفيش قدامك الا حل من اتنين اما انكم تتجوزوا رسمي وتواجة اخو المرحوم ده لغاية ما يسلم ويسكت ويبعد عنكم وفي الحالة دي هتواجة مشاكل كتير !! واما انكم تقطعوا ورق الجواز العرفي وتنفصلوا وكل واحد يروح لحاله .
تامر : و فيه حل تالت انا فكرت فيه .
معتز : ايه هو ؟؟
تامر : اننا نتجوز رسمي ونمشي ونسيب الحتة ونبعد عن المشاكل .
معتز : يعني دلوقتي انت بفتكر تتجوز بجد ؟؟
تامر : ايوه ، لكن اتجوز منال بس ، غيرها لأ .
معتز : و شيماء بنت خالتك اللي خلاص دلوقتي في حكم خطيبتك ؟!!
تامر : مش عارف يا ميزو !! امي هي السبب .
بعد شهر ...
ام تامر : الف حمدلله ع السلامة يا حبيبي .
تامر : الله يسلمك يا ست الكل ، الجبس كان مضايقني جدا لكن الحمد لله باقي الخلع اللي في كتفي و حاجات بسيطة وارجع الشغل تاني .
ام تامر : قبل ما ترجع شغلك لازم تقعد مع خالتك وجوز خالتك علشان تتفقوا .
تامر : نتفق علي ايه ؟؟
ام تامر : علي الشبكة وكتب الكتاب والعفش .
تامر : يا ماما ارجوكي اعتذري لخالتي وقوليلها اني مش هتجوز دلوقتي .
ام تامر : ازاي بعد ما كلمتها وعشمتها وعشمت العروسة اكسر بخاطرهم ؟!!!
تامر : وانا ذنبي ايه ؟؟
ام تامر : انا مش هقولهم ان ابني طلع عيل ورجع في كلامه .
تامر : خلاص متقوليش كده ، قوليلهم ان الدكتور قال ان الحادث سبب لي مشكلة ومش هقدر اتجوز ، ايه رأيك في الحل ده ؟؟؟
ام تامر : يا مصيب.تي !! وليه يا ابني تقول علي نفسك كده ؟!!
تامر : ريحي نفسك يا ست الكل انا مش هتجوز .
ام تامر : ريح نفسك انت يا تامر ، ورحمة ابوك لو مش اتجوزت شيماء بنت خالتك لا انت ابني ولا اعرفك وهغضب.عليك ليوم الدين .
تامر : بقي كده !! خلاص خلاص ، اعملي اللي نفسك فيه .
ام تامر : تقوم تلبس وتيجي معايا نروح نقعد مع خالتك وجوزها وتشوف عروستك .
تامر : طيب اعملي حسابك من اولها انا مش معايا فلوس للجواز !!
ام تامر : مش مهم هجوزك في شقتك اللي فوق وانا اللي هدفع كل حاجة .
تامر : شكلك مصممة ومفيش امل تغيري رأيك ؟
ام تامر : ايوه .
تامر : حاضر يا ماما .
بعد شهور ...
في منزل منال
منال : انا مش مصدقة ان فرحك بعد يومين ؟!!
تامر : ولا انا كمان مصدق .
منال : يعني ايه يا تامر ؟؟ هتتجوزها بردو ؟؟
تامر : ما انتي عارفة انه غ.صب عني ، امي حكمت رأيها و حلفت اني لو سمعت كلامها هتتبرا مني !!
منال : وانا يا تامر ، خلاص هتبعد عني وتسيبني ؟؟
تامر : اوعي تقولي كده يا قلب تامر ، ده انتي روحي اللي عايش بيها .
منال : يعني ايه ؟ هتتجوزنا احنا الاتنين ؟؟
تامر : مؤقتا بس يا حبيبتي ، وبعد الجواز اكرها فيا واخليها بنفسها تطلب مني الطلاق .
منال : لا يا تامر ، انا مش متخيلة انك تكون مع واحدة غيري !!! انا كده همو.ت بالبطئ .
تامر : لا لا اوعي تزعلي ابدا يا قلبي ، انا هتجوزها جواز صوري بس .
منال : بتتكلم جد ؟؟ يعني معقول مش هتلمسها ؟!!!
تامر : ايوه بجد .
منال : طيب اوعدني انك مش هتلمسها فعلا .
تامر : اوعدك يا حبيبتي مش هلمسها ابدا .
منال " تبتسم " : يا حبيبي يا تيمو .
تامر : حبيبة قلب تيمو .
يوم الزفاف
يقف تامر امام المراة يرتدي بدلة عروسه ويبدو علي وجهه السخط !!!
بينما تقف والدته تساعده يمتلأ وجهها بالبهجة والسرور !!!
ينتهي تامر من ارتداء كامل زينته فتضضمه والدته قائلة : ربنا يحرسك من العين يا قلب امك ، احلي عريس في الدنيا ابني الليلة .
يبتسم تامر ابتسامة مصطنعة فتلاحظها والدته !!!
ام تامر : مالك يا تموره مش فرحان ليه ؟؟
تامر : فرحان يا ماما ، فرحان اوي .
ام تامر : مش باين عليك !!!
تامر : انا لو اتكلمت هنزعل مع بعض ، وانا مش عايزك تزعلي مني ارجوكي .
ام تامر : طيب يا تامر براحتك ، اهم حاجة تبتسم كده قدام الناس والمعازيم .
تامر : حاضر .
ام تامر : والعروسة وامها .
تامر : حاضر يا ماما ، عايزة حاجة تاني ؟
ام تامر : يحضرلك الخير يا حبيبي .
في قاعة العرس
يجلس تامر بجوار عروسته شيماء يتظاهر بالسعادة امام الحضور بينما شيماء تبدو عليها السعادة البالغة !!
تجذبها بعض صديقاتها وتقف بينهم تتر.اقص معهم في سعادة غامرة ، بينما يحاول معتز واصدقاء تامر جذبه للر.قص معهم الا انه يرفض !!!
بعد مرور بعض الوقت يري تامر منال تدخل القاعة وعيونها ثابتة عليه لا تتحرك !!! حتي تجد ام تامر فتقبل عليها تحاول اصطناع الابتسامة وتهنئها بزواج ابنها .
ام تامر : انا اسفة والله مشغوليات الفرح نستني اعزمك علي الفرح .
منال : ولا يهمك ، انا مش محتاجة عزومة ، انا لما عرفت قولت لازم اجي ارد جزء من جمايلك وجمايل ابنك عليا انا وابني .
ام تامر : بنت اصول وصاحبة واجب يا حبيبتي ، تعالي اتفضلي .
حين يشاهدها تامر يزداد شعور السخط لديه ويحاول عابثا طمئنتها بعينيه .
ينتهي الحفل و يقوم الاهل والاصدقاء بتوصيل العريس وعروسه الجميلة الي منزل الزوجية ، تبدأ شيماء في ملاحظة الحز.ن علي وجه تامر بعد ابتعاد صديقاتها عنها !!
شيماء : مالك يا تامر ؟ في حاجة ضايقتك في الفرح ؟؟
تامر : لا لا ابدا .
شيماء : اومال مالك زعلان ليه ؟
تامر : لا ابدا مش زعلان .
يصل موكب العروسين الي المنزل ويصعظوا جميعا الي شقة العريس ، يدخل العريس وعروسه منزلهما ويبدأ الجميع في المغادرة .
في شقة تامر
تدخل شيماء ببتها الجديد ويدخل تامر خلفها ثم يغلق الباب بهدوء .
كلا منهما تتزاحم الافكار داخل رأسهما !!!
تامر يفكر .... " هعمل انا ايه دلوقتي بقي وههرب منها ازاااي ؟؟؟ " .
شيماء " هو دلوقتي هيحاول يقرب مني وانا لازم اعمل نفسي مكسوفة ، مش هسلم كده بسهولة " .
تقف شيماء للحظات وبجوارها تامر ، ثم تقول : انا هدخل اغير الفستان .
تامر : ما ......
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
