رواية خيانة الوعد الفصل الثاني بقلم الكاتبه داليا منصور الفرجاني حصريه وجديده في مدونة النجم المتوهج للروايات والمعلومات

مين اللي هرب يا مرات أبوي..

مرات ابوها وهي بتزقها:

- جوزك يا مدام سابك وهرب ..

وقعت جميلة على الأرض وهي بتصرخ وتلطم وتقول:

- يامصيبتي يلهوي ليه يعمل كده لو أنت مش رايدني ليه تتجوزني، يا صالح تعمل كده عاد بقى ده ستر بنت عمك وشرفها..

مرات ابوها مسكتها من شعرها وشدتها لأوضتها والمعازيم كلهم خرجوا من الأحراج بسبب اللي بيحصل بس كان في حد واقف مبسوط من اللي بيحصل..

- اخيرا يا بنت أبوي هشمت فيكي وسيرتك بقت على كل لسان الحمد لله جت من عند ربنا وأنا لساتني معملتش حاجة واصل، اما اروح عند أمي اولعها اكتر جايز تموتها ونخلص منيها...

... في مكان تاني خالص كان قاعد وهو حاطط رجل على رجل وبيضحك..

- مفكرين نفسهم هيغصبوني على الجواز من بنت عمي اللي عمري مشوفتها..

- بس يا صالح عيب تعمل كدا دي شرفك قبل متكون مراتك ليه تخلي سيرتها على لسان الكل كدا...

- اخرص يا زياد بنت عمي وأنا حر فيها اتجوزها متجوزهاش ملكش دعوة بينا..

صاحبه سابه وخرج من الشقة وصالح كان بيضحك ومبسوط من اللي حصل وهو بيقول:

- مرن بقى على البت شوشو وحشتني بنت الأيه..

عند جميلة كانت قاعدة في اوضتها ومحروق قلبها على اللي حصل من اسبوعين وكلام الناس اللي بقى زي السهام بتغرز في قلبها، فجأة دخل ابوها وقعد جنبها..

- سمحيني يا جميلة بسبب اهمالي وجبروتي وقعتك الواقعة المهببة دي يا بنتي، بس بوعدك اني هجوزك سيد سيده بس يجي واطلقك منيه ابن الكل*ب ده..

- مش زعلانة يابوي أنا أصلاً مكنتش ريداه من الأول بس كلمتك سيف على رقبتي لازم انفزها..

كانت بتقول كده وقلبها بيتقطع لأنها حبت صالح من وهي طفلة، هو أه غاب سنين ومشفتهوش لم كبر بس جواها حب الدنيا كلها...

- ربنا يراضي قلبك يا بنتي..

وكان هيمشي وقفته جميلة وهي بتقول:

- أنا يابوي كنت عاوزة اقولك حاجة مخبياها عنك وخايفة منك..

استغرب كامل بس قال:

- في ايه يا جميلة ايه اللي رايده تقوليه..

اتوترت وكانت هتقوله عن كليتها بس توهت وقالت حاجة تانية:

- بوي كنت حابه اكمل علامي..

حس كامل باستغراب من كلام بنته:

- مش كنا قفلنا السيرة دي يا بنتي من سنة..

- بس أنا مقفلتهاش أنا سمعت كلامم مرة واديك شفت اللي حصل فيا أنا هكمل علامي، هروح اقعد عند خالي مؤمن وهو هيقدملي على كلية زينة اتعلم فيها..

- هفكر يا جميلة وارد عليكي...

وخرج كامل وقفل وراه الباب وجميلة دفنت راسها في المخدة وفضلت تبكي وهي مش عارفه المرة الكان بس عيونها حمرة زي الدم، تاني يوم كانت

جميلة واقفة في المطبخ بتطبخ وفجأة..

- بنت ابوي ايه البرنسيسة اخيرا اتكرمت وجت تعملنا الوكل..

جميلة مردتش عليها لانها عارفه اختها وطبعها..

- ايه بتحدت مع حالي أياك يابنت ابوي..

مسكتها أميرة من شعرها وكانت هتنزل وشها في طاسة الأكل بس سمعت صوت برة زقت جميلة وحرقت اديها ووقعت نفسها على الأرض ساعة دخول امها..

- بتي كيفك مين عمل فيكي كده..

اميرة وهي بتتصنع البكاء:

- شوفتي ياما خيتي عملت فيا ايه أنا كنت ريداها تفك ومتفكرشي في الراجل اللي خانها وهرب قامت زقتني وكوت يدي..

وعملت نفسها بتبكي وجميلة كانت مصدومة جداً من عمايل اختها..

سعيدة قامت ضربت جميلة كف وهي بتصرخ وتقول:

- رايده تموتيلي بنتي والله منا سيباكي ياللي جبتلنا العار..

وفضلت تضرب جميلة وجيه كامل على صوت صريخ بنته وهو بيقول:

- في ايه يا سعيدة بتضربي البنية كده ليه هي عملتلك ايه عاد..

- تعالى شوف بنتك وجبروتها عملت ايه في يد بنتي كل ده وهي بتواسيها بس...

جميلة كانت لسة هتقول انها معملتش حاجة لقت كف على وشها:

- جايز انا اتساهلت معاكي اليومين اللي فاتوا وبقيتي محدش قادر يكلمك واصل قومي جهزي خلجاتك هوديكي عند خالك تكملي علامك غوري..

جميلة كانت زعلانة بسبب الظلم اللي اتعرضتله بس فرحت بأنها هتكمل تعليمها وجرت تلم هدومها.

سميرة باستغراب:

- وليه هتوديها عند خالها يا كامل..

كامل:

- علشان رايدة تكمل علامها ومنها تغور من اهنيه ومتأذيش اختها تاني واصل لم تبعد عنينا هتحس

سميرة بصدمة:

- انا مش ريداها تكمل علامها البنت معدناش هنقدر نكلمها تاني اقطع رجليها ومتخلهاش تمشي كلمتها عليك..

- اخرسي يا سميرة أنا عارف كيف أربي بنتي أنتي ادخلي عالجي حرق يد بنتم وانا هاخدها واوديها لخالها في القاهرة...

... بعد يوم طويل وصلت جميلة وابوها على حارة شعبية في القاهرة وراحوا عند بيت خال جميلة وخبط على الباب..

- مين على الباب جاية حاضر..

فتحت ريهام الباب وشافت جميلة وابوها اتصدمت!

- خير يابو جميلة ايه جابك في الوقت ده في حاجه ياخوي..

- ايه اللي بتقوليه ده يا ريهام ده بدل مترحبي بيها واتخليهم يدخلوا الأول..

- احم متواخزنيش ياخويا بس اتصدمت من جيتهم متأخر كده ومعاه جميلة كمان..

ابتسم شوقي باحراج وهو بيقول:

- ادخل يا خوي بيتك ومترحك..

دخل كامل وهو مخنوق بس ما باليد حيلة..

- انتي عاملة ايه يا جميلة.

ابتسمت لخالها وقامت حضنته وهي بتقول:

- بخير والله يا خالي بس أنت كيفك وبنت خالي كيفها..

- كلنا بخير يا عيون خالك...

- احم انا عارف يا شوقي أنا جاي ليه وانا بجد حاسس اني متقل عليك قوي..

- ايه اللي بتقوله ده يا كامل يا خوي بنتك هي بنتي وكمان هي بنت اختي فعيب لم تقول كده..

- اصيل يابو زينة..

شوقي وهو بيكلم مراته:

- قومي يا ريهام اعملي الأكل للجماعة علشان جاين من مشوار كبير ولازم ياكلوا..

كامل:

- لاء ياخوي اقعدي يا مرت اخوي أنا معاود البلد تاني بس كنت جايب جميلة وهمشي علطول..

وفعلا قام وخرج وجميلة قعدت عند خالها، وريهام شدت شوقي ودخلته الأوضه وهي متنرفزة:

- بقى جايبلي قرايبك يقعدوا عندنا انت مش عارف مصاريفنا قد ايه مبالك بمصاريف بنت اختك..

- ايه اللي بتقوليه ده يا ريهام عيب عليكي اللي بتقوليه ده دي بنت اختي وده خيرها مهما كان..

- اختك ماتت يا خويا وبنتها ملهاش حاجة عندنا يا تطلع تقلها يا اطلع انا اقلها..

اتنرفز شوقي بس سمع صوت باب الشقة بيتقفل وخرج شاف الشنطة بتاعت جميلة وجميلة مش موجودين، خرج وراها بسرعة وهو مش عارف لو مشيت هيقول لجوز اخته ايه..

..... في الشارع..

كانت جميلة ماشية وهي بتجر شنطتها وبتفتكر اللي حصل معاها كله من كلام الناس وازيت مرات ابوها ليها واللي اختها عملته، وخزلانها من جهة ابوها رمت الشنطة ووقعت على الأرض وفضلت تسرخ وهي بتقول..

- يارب أنا منبوزة محدش بيحبني خالص اهلي كلها بيكرهوني وامي ماتت وسبتني وخالي كمان مش قادرة اقعد عنده علشان انا حمل عليه، وجوزي سابني وهرب يا رب انا تعبت...

وبعد مخلصت بكاء قامت ومسكت شنطتها وهي دموعها نازلة على عيونها ومش شايفة حاجة حوليها خالص وطلعت الموبايل ورنت على زمايلها اللي اتعرفت عليهم اون لاين وفي نفس الجامعة وقالتلهم على مكانها وهما قالولها انهم هينزلوا من السكن الجامعي ويروحوا يخدوها..

وهي واقفة مستنية صحابها:

- ايه ده انا عاوزة اشرب كويس الحسنة الوحيدة ان ابويا سابلي فلوس علشان اصرف على نفسي..

وكانت معدية الشارع علشان تروح تجيب حاجه تشربها بس فجأة..

-حااااسب....

ياتري ايه اللي حصل مع جميلة؟ وهل ابوها هيعرف انها سابت بيت خالها؟ وهل جوزها هيرجعلها هنعرف ده بالتفصيل...؟؟

تابعوووووووني

بداية الرواية من هنا

إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇