رواية 30 يوم حياه البارت السابع عشر حتى البارت الرابع والعشرين حصريه وجديده في مدونة النجم المتوهج للروايات والمعلومات

خرج زين من البيت..

صباح الفل يا عم حسني

حسني...صباحك رضا يازين

زين...عامر عامل ايه انهرده

حسني...في نعمه يا ابني احسن الحمد لله

زين...يارب ديما البوب نزل

حسني...اه ده رايح متأخر نص ساعه

زين...ربنا معاه يارب

حسني...ومعاك ياحبيبي

زين...صباحك عسل ياراجل طيب

حسني...صباحك رزق

زين...حاج فاروق صباح الفل

فاروق...صباح النور يا زين يا ابني

زين...صالح لاحه

صالح...صباح الفل يا صاحبي

صلاحه...صباح الفل يازين صالح...هديي القهوه مسحه واظبط الكراسي وهجبلك الشاي بتاعك

زين...ماشي ياصاحبي يلا صباحكم فل.

راح زين علي باب الورشه كان عمر واقف مستنيه

صباح الفل ياعمر ايه لسه جاي

عمر...لا ياعم زين انا واقف بقالي ربع ساعه

زين...طيب ومخبطتش ليه تاخد المفتاح

عمر..ما انا مرضتش بقي قولت استناك

زين...ماشي فطرت

عمر...اه الحمد لله فطرت مع امي واخواتي

زين...امك عامله واخواتك

عمر...الحمد لله كويسين ومبسوطين عشان شغلي اوي

زين...لو احتاجو اي حاجه ياض وانت هتأثر فيها قولي

عمر...لا متقلقش ياعم زين انا والله ما حارمهم من اي حاجه والحمد لله مش محتاجين اي حاجه خالص

زين...جدع ياض كنت خايف تقصر رقبتي طلعت راجل

عمر...كله بسببك ياعم زين وعم ادهم وعم هيما وعم كيمو كلكم والله جدعين اوي

زين...حبيبي ياعمر المهم ملتزمين في موضوع السجاير ولا اقول لهيما وادهم يرفعوك🤨🤨

عمر...لا والله ابدا الحمد لله انا ملتزم معاهم فالچيم وانت يا عم زين مبتسبنيش وحاج سعيد راجل طيب حتي من بعد رمضان مخلي دروس الدين ماشيه اتعلمت منه حجات كتير اوي وعرفت يعني ايه حلال وحرام وبحفظ قرأن وبصلي الوقت بوقته يعني السجاير دي كانت فكره هبله وشيلتها من دماغي انا مبسوط الوقت اوي الحمد لله

زين...انت عارف الكلام اللي بسمعه منك الوقت مخليني مبسوط اد ايه

عمر...بأبتسامه أنا بحبك اوي ياعم زين

زين...بحب وانا بحبك اوي ياعمر عشان انت راجل مش عيل واد كلمتك والاهم من كل ده بتفكرني بنفسي شايل المسؤوليه من بدري

عمر...لو علي المسؤوليه اشيلها بس اطلع زيك

زين...ياض انت هتبقي احسن مني واشطر مني بكره اشوفك عندك ورشه واتنين ومتخرج ومجوز اخواتك كمان

عمر...يارب ياعم زين

زين...طب يلا عشان ورانا شغل روح هاتلي من لاحه الشاي بتاعي لحد ما افتح

عمر...طيب اساعدك

زين.. لا روح انت يلا

عمر...ماشي

راح زين فتح المفتاح وفتح ورشته وأبتدا يومه

خرج يوسف فالوقت ده

صباح الفل ياعم حسني

حسني...صباح الفل يا يوسف

راح يوسف القهوه

يوسف...صباح الفل ياحاج فاروق

فاروق...صباح السعاده

يوسف...ايه يا مقاطيع عاملين ايه

صالح...تمام الحمد لله هعملك شايك حالا اديني خمسه بس يا چو

يوسف ..لا تعالي هنا شاي ايه انا يادوب امشي

صلاح...خارج متأخر ليه ياچو

يوسف....علي ما فاطرت روحيه ورجعت نامت تاني وكل شويه ابص من الشباك اشوف زين خرج ولا لا عشان امشي وانا مطمن اتأخر انهرده فالفتح

صلاح...ليه ياروح امك هو زين بس اللي بيخلي باله منها ولا ايه😒

يوسف...بني ادم براس بغل😏 ياض مش قصدي بس انا بحب اخرج وانتوا كلكم فاتحين عشان لو سرحت من واحد التاني يقفشها

صلاح...اه بحسب🤨

يوسف...ولا يا صالح اخوك ده

صالح وهو بيمسح الترابيزات للأسف يا چو

يوسف...ربنا يعينك عليه يلا اشوفكم بليل يامقاطيع امي امانه في رقبتكم

صالح ..في عنينا ياصاحبي

صلاح...متخافش هنقتلهالك عشان نريحك ونرتاح

يوسف...يارب تصحي و تسمعك يا لاحه

صلاح بضحك...ربنا يجعل كلامنا خفيف عليها

يوسف...صباح الفل يا زين

زين...ايه اللي مأخرك يالا

يوسف...انت يا اخويا اللي أخرتني

زين...انا ليه يا ابن روحيه🤨

يوسف...مش عايز امشي غير وانت بره عشان ابقي مطمن علي روحيه

زين...معلش حقك عليا راحت عليا نومه

يوسف...وهو بيغمزله😉 ليه الناموسيه كانت كحلي ولا ايه

زين...ماتحترم نفسك ياض🤨 منا سهرانين نمت متأخر فا مقدرتش اصحي

يوسف...ماشي ياعم والعه

زين...حسدوا الاقرع علي شعره ياض مين فينا اللي يحسد التاني

يوسف...عقبال ما احسدك يا صاحبي يارب

زين...بقولك ايه انت مش ناوي تنجز بقي البت مأعدها جمبك بقالها 3 سنين

يوسف...خايف والله يازين علي روحيه

زين...ليه ان شاء الله

يوسف...خايف مريم تبقي مضايقه وحاسس ان روحيه هتتعب لو اتجوزت خصوصا انها مش راضيه ابدا تطلع الشقه فوق معايا بتقولي هفضل في شقتي وانا مش هيجيلي قلب اسيبها وانا نايم فوق ولا هبقي مبسوط وهي لوحدها تحت

زين...اولا مريم بنت اصول وهي وامها مبيقصروش معاها وبيساعدو امي والكل بيحب روحيه وانت عارف وبيبدلوا عليها واللي مشغول ومش عارف ينزلها بيروح يخدها اما بقي بخصوص روحيه روحيه لا هتتعب ولا حاجه انت عارف هيبقي يوم المني عندها لما تشوفك في بيتك وحوار الشقه انا شايف ان هي صح خليها في بيتها انت عارف امك مش هتقدر تسيب شقتها وانت ومريم هتبقوا معاها وست ناريمان لما بنتها تتجوز هتبقي عندكم علي طول هي معندهاش غيرها وعم عيسي طول اليوم في محله يعني هتبقي زهقانه فا هتيجي تقعد مع امك مع مريم وامك معاهم لو عالنوم هتسيبها لما تنام والبيت تتفق انت والجيران تعملوله مفتاح واللي يطلع او ينزل معاه مفتاح البيت روحيه بس اللي مش هتاخد

يوسف...حلوه فكره المفتاح دي

زين...تمام انجز بقي خلينا نفرح بيكم

يوسف...ادعيلي يا صاحبي

زين...ربنا يرزقك ويريح بالك يارب

يوسف...انا وانت والمقاطيع يارب

زين...بقول ايه عايزين بليل ننزل عامر وكيمو شويه تحت كيمو نفسيته زفت عادل بيقولي مخنوق من اعده البيت

يوسف...خلاص لما اجي نأعد مع بعض شويه

زين...ماشي يلا اتكل علي الله يومك رزق ان شاء الله

يوسف...صباحك فل يا صاحبي صباحك فل ياعمر

عمر...صباح الفل ياعم چو

يوسف...حبيبي.... سلام يازين

زين...مع السلامه

ابتدا زين شغله واندمج فيه لاكن فضل عقله مع وعد

...........

وعد....اديني حكيتلك اللي حصل ادام الحمام واللي حصل فالاوضه قوليل بقي اعمل ايه يامنه زين ناوي يعرف مني انهرده

منه...هتسمعي كلامي

وعد...اه

منه...انا لو مكانك قولتلك هعمل ايه مش هسيب فرصه زي دي تضيع وزي ما قولتلك قيل كده بردو انا عندي يرفض الموضوع واتعب شويه بس بعد كده ارتاح او يتقبل الموضوع و يفكر فيه وبردو انتي هترتاحي

وعد...يامنه كل واحد فينا ليه شخصيه مختلفه واللي انتي تقدري تعمليه انا مقدرش ويمكن لو انتي في نفس موقفي هتعملي زيي

منه..بصي انا قولتلك اللي عندي حابه تعمليه جربي مش هتخسري حاجه مش حابه متعمليش بس اعملي حسابك لو دخلتي نمتي عشان تهربي زين هيجيبك انتي عارفه دماغه وساعتها انا هخلع مليش فيه وهنام وبصراحه لو دخل وانا مش نايمه هعمل نفسي نايمه عشان يعرف يقررك كويس

وعد...علي فكره بقي انتي ندله😔

منه...مش نداله ياوعد بس عيزاكي ترتاحي

وعد...عارفه اللي انا فيه ده مفكرني بمنار

منه...لا يا اختي منار وضع وانتي وضع وانا واثقه منار لو عندها ربع فرصتك دي هتستغلها وهتنطق بس منار بتحب عامر وعامر شايفها اخته بتحبه من طرف واحد مجروحه وموجوعه ومقهوره وهو ولا هنا ومش ذنبه بس هو مبيحبهاش معتبرها اخته انما انتي يا اختي لسه متعرفيش زين انتي بالنسباله ايه

وعد...بردو اخته يامنه طول عمره بيعاملني عالاساس ده وشايفني كمان اخته الصغيره ياريته حتي شافني بنت خالته والله كنت فرحت عالاقل كان هيبقي في امل وكله كوم والسن اللي بينا ده كوم تاني احنا بينا 13 سنه يعني انا لو سمعت كلامك وروحت قولتله اني بحبه هيديني قلمين عشان يفوقني

منه...لنفسها والنبي انتي غبيه ولا فاهمه حاجه

ياستي جربي ولو علي القلمين متقلقيش زين مبيمدش ايده علي حد فينا ولا عمره عملها

وعد...ربنا يحلها من عنده بقي يلا تعالي نروق لحد ما خالتو تجيب الغدا

منه...ماشي انا شويه كده وهروح لتوته المحل

وعد...ليه

منه...يابت هكون راحه ليه اشتري لب يخربيت الغباء

وعد...مقصدش فكراكي راحه تأعدي معاها

منه...مانا هأعد معاها شويه بردو ماتيجي معايا

وعد...لا انا هاعد اعمل الغدا وخالتو هتروح تأعد مع روحيه لحد ما اخلص الغدا وبعدين انا متفقه مع البت منار ورحاب هنروح نأعد مع شهد شويه

منه...خلاص ماشي هروح انا شويه لتوته وهبقي اعدي عليكم

وعد...ماشي تعالي يلا نخرج نروق الشقه لحد ما خالتو تيجي عشان اعمل الاكل علي طول

منه...ماشي يلا

..............

فاطمه...يا ابني هتفضل اعد مضايق كده

كريم...عيزاني اعمل ايه يا امي وبعدين انا مش مضايق ولا حاجه

سعيد...في ايه ياولا يا كريم مالك محسسني انك مش هتفتح المحل تاني

فاطمه...بعد الشر عليه

سعيد..فك كده يا ابني واوعي تعترض علي وضع ربنا هو اللي حطك فيه

كريم...ياحاج انا مش معترض بس انت عارف انا بكره اعده البيت ومش واخد عالاعده اتخنقت

سعيد...يا ابني ما أنت حتي لو نزلت مش هتقدر تشتغل

انت شغلك كله معتمد علي ايدك والمحل محتاج تظبيط انت قافل من اخر يوم في رمضان يعني المحل محتاج تنضيف وحجات كتير وحتي لو حد هيساعدك فالمحل شغلك هتعمله بأيدك

كريم....ماشي يا حاج انا اعد اهو لحد ما ربنا يكرم

منار...مالك كده يا قلبوظتي فك بقي والنبي انا مش واخده عليك كده

كريم...بأبتسامه طيبه حاضر هفك يامنار

منار...ايوه كده اضحك مبحبش اشوفك زعلانه

كريم...والله ما زعلان ياحبيبتي انا بس اتخنقت

منار...طيب واتخنقت ليه انزل بليل مع صحابك اعد معاهم عالقهوه زي ما بتأعدوا غير جو او اقولك تعالي نطلع السطح فوق واظبطهولك وامسحه واخليه فله وبليل اطلع انت وصحابك كلهم فوق وانا هعملك حاجه حلوه واظبطكم

كريم...حلوه الفكره دي بس خليها بكره احسن

منار...اشمعني بقي

كريم...يابت كلهم بكره اغلبهم اجازه واللي مش اجازه هيخلص ويجي بليل

منار...خلاص ياسيدي بكره الصبح هطلع اظبطهولك وانت انهرده انزل اعد عالقهوه واتفق معاهم علي بكره السهره تبقي عالسطح

سعيد...اهي حلتهالك يا خويا اضحك بقي ولو انا سهرت شويه هطلع اعد معاكم ونتعشي كمان كلنا سوا

فاطمه...ابسط ياعم

منار...حلوه الفكره دي وانا هقول للبنات والنبي

ونتعشي معاكم ونتجمع احنا من يوم ما فطرنا في رمضان مع بعض متجمعناش

كريم....اه حلوه اوي يابت يامنار واقولك علي حاجه حلوه انا هطلع الشاشه بتاعتي ومحمل كام فيلم رعب لسه جداد ونقضي السهره بكره فالسطح

فاطمه..نعم يا خويا علي جثتي شاشه ايه يا اخويا اللي انت عايز تاخدها دي بتاعت جوازك

سعيد...بلاش حاجتك يا ابني حرام

منار...اه صح يا كيمو خساره احنا ممكن نطلع بتاعتنا دي فوق ونتفرج

كريم...يابت بتاعتنا دي 42 بوصه لاكن بتاعتي 65 اكبر واحدث حاجه كده جامده

فاطمه...ياواد انت عايز تشلني

كريم...في ايه بس يا بطوط

فاطمه...في ان دي بتاعت جوازك ولو عايز تلفزيون زي ماقالولك خد دي مش لازم الكبيره يعني

كريم...يابطوط ياحبيبتي اولا انا لما جبتها وقتها كان معايا فلوسها وانتي عارفه اني غاوي تلفزيون وافلام اجنبي وانتي لما شوفتيها صممتي اني اشيلها وسمعت كلامك وريحتك بس انا من البدايه جايبها لينا هنا وبعدين يا بطوط انتي عارفه ان حوار الجواز ده مش في دماغي وانا مش هفضل شايل حاجه بحبها محدش ضامن عمره يابطوط مش يمكن اموت قبل ما الحق اتمتع بيها

فاطمه..حطت ايدها علي قلبها اخس عليك يا ابني ليه كده توجع قلبي ربنا يجعل يومي قبل يومكم ياحبيبي

سعيد...بعد الشر عنك يا ابني

منار...بعد الشر عنك يا كيمو والنبي ما تقول كده

كريم...ربنا يخليكم ليا بس انا بتكلم جد انا جايبها عشان اتمتع بيها وياستي لما ابقي اجي اتجوز يبقي يحلها ربنا يابطوط

فاطمه...خلاص يا ابني اعمل اللي يريحك بس متقولش كده والنبي والمهم تخلص فرجه وبعد كده رجعها تاني في علبتها زي ما كانت حرام يا ابني يجرالها حاجه ودي مش رخيصه

كريم....ماشي يابطوط كلامك اوامر تتشال علي طول

وبص لمنار هنخربها بكره يا بت يامنار

سعيد...ربنا يسعد قلبكم يارب يا ابني

كريم...ويخليكم لينا يارب ياحاج

بصي يامنار بكره بأذن الله عادل اجازه هطلع انا وانتي وهو نظبط الاعده ونروق السطح وانتي ياست الحبايب اعمليلنا عشوه حلوه كده لزوم السهره

فاطمه...انا هظبطكم وهقول لصحابي انا كمان هي جت عليا

كريم...ايوه بقي يا بطوط

سعيد...طيب هقوم انا بقي اتوضا وانزل اصلي العصر فالمسجد والحق اروح لعادل عشان نروح مشوارنا

كريم...مشوار ايه

سعيد...انت متعرفش لا امك تحكيلك بقي عشان يادوب الحق اغير وانزل

كريم...ماشي ياحاج ايه الحوار يا بطوط

فاطمه...ده راجل غلبان يا ابني راح لاخوك عشان يساعده ولاده عايزين يرفعوا عليه قضيه حجر والراجل خايف منهم لدرجه انه حاسس انهم ممكن يموتوه وعادل قاله نحلها ودي الاول فا واخد ابوك عشان يروحوا يكلموا ولاده يمكن ربنا يحنن قلبهم علي ابوهم الغلبان ده

كريم...ياساتر يارب هو في كده

فاطمه...الدنيا مليانه بلاوي ياابني ربنا يعافينا

كريم...انا عرفت الوقت ليه الواد عادل بيكتئب

فاطمه...ماللي بيشوفه ويسمعه يا ابني يلا انا هقوم اشوف الغدا

منار...عايزه اي مساعده يا امي

فاطمه...لا ياحبيبتي خليكي مع اخوكي

قامت فاطمه وفالوقت ده رن تليفون زين

كريم...ايوه زين عامل ايه

زين...بخير يا كيمو طمني انت عليك دراعك عامل ايه الوقت

كريم...تعبان والله يا زين الشرايح اللي متركبه دي بتشد عليا واوقات بحس انها مسخنه دراعي

زين...معلش ما الدكتور قال متتعرضش لاي حراره

كريم...والله انا اعد فالتكيف وشويه وازهق اخرج اعد فالصاله معاهم لما هطق خلاص

زين...عارف والله يا كريم عموما احنا اتفقنا نأعد عالقهوه وننزلك انت والواد عامر عشان تغيروا جو شويه

كريم...اه ما الواد چو كان بيطمن عليا من شويه وقاللي

زين...خلاص هستناكم بليل

كريم...ماشي يا صاحبي

زين...مش عايز حاجه

كريم...بقولك ايه انت فاضي

زين...معايا عربيه شغال فيها بس صاحبها سايبهالي لسه هياخدها بليل ايه عايز حاجه اجبهالك

كريم...لا بس كنت عايز انزلك اتكلم معاك في موضوع كده يعني

زين...طب تعالي انزل بس طمني في ايه

كريم...لما تن لك بقي

زين...خلاص مستنيك يلا سلام

كريم...سلام

.......

قفل زين مع كيمو واتصل بعامر يطمن عليه

عامر بصوت نايم الووو

زين...ايه ده انت نايم طب خلاص روح

عامر...لا ياعم خليك انا عيني بس غفلت شويه عامل ايه

زين...بخير طمني انت عليك

عامر...احسن الحمد لله بس زهقان اقوم من الاوضه اخرج الصاله ادخل من الصاله عالاوضه لما اتخنقت

زين...الواد كيمو جاب اخره هو كمان

عامر...اه مانا كلمته امبارح كان علي اخره

زين...طب اسمع بليل هنتجمع عالقهوه عشان تفكوا كده شويه وتغيروا جو هتقدر تنزل

عامر...ولو مش هقدر هنزل بردو انا جايب اخري

زين....خلاص هبقي اطلع اخدك

عامر...ماشي

زين...يلا روح كمل نوم عشان تضيع وقت

عامر...ماشي ياصاحبي سلام

زين...سلام ياعامر

...........

دخل كريم غير هدومه بمساعده والدته ونزل لزين

زين...عم حسني عامل ايه

حسني...كريم عامل ايه ياابني

كريم..في نعمه ياعم حسني

حسني ..ربنا يديمها عليك يا ابني ويكمل شفاك علي خير انت وعامر

حسني...يارب

صالح...كفاره ياكيمو

لاحه...ولا ياكيمو عامل ايه انهرده

كريم...الحمد لله يامقاطيع

صالح...رايح فين يالا اوعي تقول هتفتح المحل

كريم...لا محل ايه انا قولت انزل امشي رجلي شويه وزين قاللي انزل اعد معاه

صلاح...طب ماتيجي هنا هو شغال

كريم...هاعد معاه شويه وكده كده هنتجمع بليل

صلاح...ماشي اوصلك

كريم...لا انا تمام وافهم بقي يابغل الكسر في ايدي مش في رجلي

صلاح....حقك عاللي خلفوني انا متربتش🤨

كريم...بضحك ايوه صح صالح بس اللي اتربي يلا سلام

صلاح...سلام

راح كريم علي زين

كريم...سلام عليكم

زين...وعليكم السلااااام ايه الاخبار

كريم...اعد عالكرسي اااه الحمد لله ازيك ياض ياعمر

عمر...الحمد لله ياعم كيمو الف سلامه عليك

كريم....حبيبي ياعمر الله يسلمك يارب

زين شد كرسي واعد جنبه

زين...عمر روح هات كوبايتين شاي من صالح

عمر...هوااا احلي كوبايتين شاي

زين...ايه الحوار قلقتني

كريم...ياعم انت علي طول قلقان كده مفيش انا اصلا مخنوق من الاعده قولت اعد معاك شويه واخد رأيك في حاجه كده

زين....اوباااا تبقي عروسه

كريم...هو انتو ليه محسسني ان انا اعد علي قلبكم كل ما اكلم حد يقولي عروسه الله يخربيت الجواز عاللي عايز يتجوز

زين...بضحك ياض مانت بني ادم تافه هيكون ايه الموضوع المهم في حياتك غير ان ربنا يكرمك وتفكر في عروسه

كريم....منار يازين الاهم

زين...بأستفهام منار اختك مالها

كريم...بتحب عامر

زين..نعم

كريم...زي مابقولك

زين..وانت عرفت ازاي في بينهم حاجه يعني وانت مضايق من عامر يعني ولا ايه

كريم...ياريت وعموما لا مفيش بينهم حاجه بس عرفت ازاي دي بقي كنت شاكك فالحوار من فتره كبيره وكل مره بنتجمع بتأكد أكتر من اختي واخر مره اتأكدت اوي يوم حادثه عامر خوفها عليه وعياطها وانهيارها أكدولي ده

زين...طيب وهي قالتلك حاجه او انت فاتحتها في حاجه

كريم...لا لا خالص منار متعرفش اصلا اني عارف ولا هي قالت حاجه

زين...ايوه بس انا بردو مش فاهم حاجه

كريم...بص ياصاحبي انا اصلا معرفش انا بحكيلك ليه والله العظيم

بس يمكن انت عارف لما بكون محتاج اتكلم في موضوع جد مبلاقيش غيرك انت وعامر بس عامر الوحيد اللي مقدرش اروح اقوله لانه طرف فالموضوع بس منار صعبانه عليا اوي يازين مش عارف اعملها حاجه انت عارف ان انا وعامر قريبين اوي من بعض بس انا مقدرش اقوله اي حاجه ولا حتي اقدر ارخص اختي اصل هروح اقوله ايه اختي بتحبك كلنا عارفين ان عامر مش حاطط الفكره اصلا في باله خالص وعايز يحقق حلمه ويبني مستقبله و اصلا يا زين هو بيعتبر منار اخته يعني مقفله من كل حاجه زعلان اوي علي اختي وفنفس الوقت مش قادر يازين ازعل من عامر لانه اصلا ميعرفش انها بتحبه ولا قاصد انه يوجعها منار طيبه اوي يازين تبان بتحب الضحك والهزار ومهيبره وبتملأ المكان طاقه وبهجه بس اختي مطفيه من جوه يازين منار بالنسبالي مش اختي دي بنتي الصغيره انا عندي استعداد اعمل اي حاجه عشان بس احس ان الفرحه طالعه من قلبها بجد وعلي فكره الموضوع عندي مش كرامه اني اروح افاتح عامر بس انا اختي مينفعش تتفرض علي اي حد يازين منار تستاهل ان الواحد يعافر عشانها انا مش عارف اعمل ايه يازين

زين...بحزن علي فكره انت ضايقتني عشانها بجد ويمكن انا اتمنيت قبل كده انهم يرتبطوا ببعض يعني علي اعتبار انهم الاتنين مش مرتبطين وكلنا واخدين من بعض وبحسهم فيهم من بعض بس عمري ما توقعت ان منار تكون بتحبه اوي كده

كريم...

كريم...لا يازين منار بتعشقه مش بتحبه علي فكره لو حصل بينهم ارتباط انا اكتر حد فالدنيا هيكون طاير من الفرحه عشان منار اغلي حد عندي فالدنيا يمكن اكتر من امي وابويا وعادل وعامر انت عارف هو قريب مني ازاي

زين...طيب تحب اتكلم مع عامر من غير ما أجبله سيره انك عارف يعني زي جس نبض كده

كريم..مسح علي وشه مش عارف يازين مش عارف اذا كان حل صح ولا غلط بس يمكن انا خايف اسمع رده اللي انا اصلا عارفه

زين...مش هنخسر حاجه يا كيمو يعني حتي لو هي مش في باله يمكن المحاوله دي تخليه يركز معاها

كريم...هتقوله ايه

زين...مش عارف اكيد الكلام هيجي لوحده هحاول الفت نظره أساله عن موضوع الارتباط تاني هقوله يفكر في منار يعني هتيجي بالكلام مش هعرف أرتبها الوقت

كريم...طيب بس اوعي يا زين يحس حتي ان انا عارف اي حاجه ولا حتي تحسسه ان منار بتحبه

زين...ياجدع انت بتكلم عيل صغير لا طبعا منار زي منه ووعد وزي اي بنت من اخوات صحابنا لازم يفضلوا غاليين واحنا اللي نجري وراهم

كريم...طيب بمناسبه الجري مفيش جديد بينك انت ووعد

زين...مش عارف والله ياكيمو انا تعبت اوي وانت بتتكلم عن منار كنت حاسس انك بتتكلم عليا مع وعد ويمكن عشان كده اتوجعت عليها عشان انا حاسس بكل اللي هي حاسه بيه الوقت

كريم...لما كنا بنقولك صارح وعد واتكلم معاها وكنت مبترضاش وتقول مش هقدر خايف تخاف مني واخسر اللي بينا الوقت بس فهمتك وحسيت احساسك يازين انا كمان مش قادر اصارح عامر خايف اخسر اللي بينا وخايف اصارح اختي واقولها تنسي حبه خايف اخسرها هي شخصيا انا في حيره والله العظيم

زين...ان شاء الله هتتحل وانا هتكلم مع عامر ويارب يحصل اللي بنتمناه عشان خاطر منار

كريم...يارب يا صاحبي

صالح...احلي فنجانين قهوه

تحيه مني لكيمو

زين...اه ياواطي لكيمو بس

صالح...وليك ياصاحبي طبعا

زين...مالك ياض وشك من الصبح مش مريح شايفك بتنضف القهوه بنص عقل والنص التاني مش معاك

صالح...بتنهيده عادي هيكون في ايه

زين...اهي التنهيده دي فيها كتير

صالح....شاديين انا وبوسي شويه

زين...ليه بس كده

كريم... البت غلبانه وشقيانه وطالع عين امها بلاش ترخم عليها

صالح...انا لا رخمت ولا اتهببت يا كيمو هي اللي عايشه عيشه مش عيشتها وباصه لفوق ومش عايزه تسكن فالشقه ولا فالحاره اصلا ومن البدايه هي عارفه ظروفي وراضيه بسها وانا استحاله اسيب شقتي واسيب القهوه واسيب الحته واهلي استحاله ياكيمو

زين...ياض انت هتفضل حمار لحد امته قولتلك قبل كده بوسي عندها طموح ونفسها تغير حالها وده مش غيب علي فكره

صالح...طب والحل يازين انا مش نافع معايا اللي هي طلباه ده

زين...الحل أنك تسايسها حاول تعيش معاها حلمه حققلها منه اللي في مقدرتك وتقدر عليه حسنوا من مستقبلكم مع بعض بش من غير ما تتخلي عنها او هي تتخلي عنك

صالح...ودي اعملها ازاي

زين...اتكلم معاها بالعقل ومن غير عصييه متبقاش حمئي يا لا زي اخوك انا بقول عليك اعقل منه وبتقدر تسايس امورك اكتر منه قولها انك مش هتقدر تعمل كده بس هنقدر نرفع من نفسنا اكتر واحنا وسط اهلنا وصحابنا قولها ان الفلوس اللي هتروح تضيعها في شقه ممكن تكبر شغلك بيها وتكبرها معاك قولها ان ولادكم هتأمنوا مستقبلهم علي اكمل وجه قولها ان الفلوس اللي هتتصرف في مكان تاني هتقدر تسعدها بيها وانتوا في مكانكم في كلام كتير يا صالح تقدر تقنعها بيه

صالح...ولو مقتنعتش

زين...أعدني معاها هعمل محاوله واكلمها انا وانت الستات بتيجي بالمسايسه والحنيه والطبطبه يا صالح الستات عقلهم صغير الكلام بيفرحهم بس بشرط ميبقاش كلام ياصاحبي

صالح...ايوه بس في حاجه كمان بوسي مش عايزه تسيب شغلها يازين بعد الجواز ودي حاجه مرفوضه بالنسبالي

زين...مش من حقك يا صاحبي ترفض

صالح...ليه مش خطيبتي وهتبقي مراتي

زين...ياض قولتلك متبقاش حمار انت بتحب بوسي وهي بتشتغل اتخطبتلها وهي بتشتغل يعني ارتبط بيها وهي شغاله اصلا فا مينفعش تيجي الوقت تقولها بعد الجواز مفيش شغل ومفيش مفيش مفيش هتخوفها منك ولو بتموت فيك ياصالح هتسيبك عشان مستقبلها الست اللي عندها طموح يا صالح مفيش حاجه بتوقفها ومش عيب ان مراتك تكون بتشتغل وتحت عينك خصوصا ان شغلها ده ما بتحتكش فيه برجاله كله حريم يبقي ليه لا وليه تقفلها منك وتخوفها من قبل ما تدخل حياه جديده اصلا مش يمكن بعد الجواز تخلف وتتعب وهي اللي متكملش وبعدين حوار الشغل ده هيخليكم توحشوا بعض هيخليها تتلهي في حاجه بتحبها مش هيبقي في وقت للخناق و المناقره بينكم والوقت اللي هتشوفو فيه بعض هتبقوا واحشين بعض

وبتستنو الوقت اللي بيجمعكم كل يوم بفارغ الصبر طمنها ياصالح بوسي واخواتها وامهم شقيانين من صغرهم تعبوا اوي عشان يوصلوا للي هما فيه دي كبروا نفسهم بنفسهم اشتغلوا واجتهدوا وطلع عين اللي خلفوهم وهما من غير راجل وكانوا عما بميت راجل فا متجيش انت الوقت تقتل طموحها ده يا صالح وتضيع تعبها ومجهودها عشان تبقي فالاخر مرميه في بيت مستنياك تطلعلها قرب الفجر بعد ما تشطب قهوتك في ستات بترضي وفي ستات عايشه بس اللي اشتغل وجرب الشغل صعب تأعده يا صالح

كريم...زين معاه حق في كلمه ياصالح

صالح...يعني لو انت مكاني ووعد قالتلك عايزه تشتغل هتوافق

ابتسم زين بحب ياعم هي بس تحس بحبي وتوافق وانا والله العظيم لو طلبت ايه ما هتأخر وهقف معاها واشجعها واخليها تكبر واللي هقدر عليه هعمله بس تكون مبسوطه واكيد نجاحها ده هينعكس عليا وهنبقي اسعد زوجين كبر بوسي ياصالح ولو حكمت تكبرلها محلها وتدعمها اكتر اعمل كده

أبتسم صالح لزين ربنا يخليك ليا زين

زين...ويخليكم ليا واشوفكم كلكم مبسوطين يلا روح كلمها وراضيها واتفق معاها تخرجوا في يوم واتكلم معاها واطمنها متخوفهاش منك بوسي ملهاش حد وملهاش راجل غيرك ومينفعش الراجل الوحيد اللي يبقي في حياتها يخوفها بدل ما يطمنها

صالح...ماشي ياصاحبي هعمل كده يلا هسيبكم بقي وبليل نتقابل عالقهوه

زين...ماشي ياصالح

كريم...غلبان صالح

زين..والبت غلبانه بس عندها طموح وده ميعبهاش ياصاحبي

كريم...عندك حق كل واحد فينا بيحلم انه يكبر وده اقل حقوقنا احنا بنشتغل وبنعافر عشان نعيش عيشه مرتاحه عالاقل نكون راضيين عنها

زين...فعلا

.............

عند سعيد وعادل

سعيد....صدقني يا ابني ابوكم راجل طيب وبيحبكم وبعدين اللي معاه ده كله مسيره يكون ليكم متخلهوش يسيبلكم ماله. هو مش راضي ساعتها ربنا عمره ما هيباركلكم فيه ابوكم راجل كبير عمره ما هيعيش اد ناعاش صدقوني العمر اللي بيعدي مبيرجعش واحنا الناس الكبار ايامنا فالدنيا مش كتير حافظوا علينا يا ابني متخلوناش نحس اننا تقال اوي عليكم صدقوني كما تدين تدان واللي بتعملوه مش هيروح وانتوا عندكم ولاد احسنوا معامله ابوكم عشان ربنا يحنن قلب ولادكم عليكم وبعدين الاب والاب بيشيلوا ولادهم وهما صغيرين لحد ما يوصلوهم بر الامان وبكده بيحس ان رسالته خلصت بس بردو بيفضل شايل همكم والمفروض لما انتوا تكبروا تشيلوهم في عينكم عشان هما بيبقي اكتر من الاطفال محتاجين حب واهتمام ازاي توصلوا ابوكم انه يحس انكم ممكن تموتوه ازاي هان عليكم متسألوش عليه بالشهور ازاي توصلوه لاحساس الخوف ده

عادل...انتو عارفين المشكله في ايه انه مش خايف من الموت هو خايف عليكم من ربنا

سعيد...عرفتوا بقي هو بيحبكم لدرجه ايه وانتوا ولا مهتمين بيه

البنت عيطت والله مكنتش اقصد اوصل لبابا الاحساس ده

سعيد....معني انك بتعيطتي يبقي ندمانه والندم ده بيقول انك جواكي حد كويس يابنتي وانت يا ابني حط ابوك في عينك ابوك راجل طيب اوي ومحتاجك انت الراجل بتاعه الوقت اللي تحميه من اي حد مش تيجي عليه ومتزعلوش مني يمكن يابنتي جوزك يكون بيقويكي ويمكن انت كنان يا ابني مراتك تكون مقوياك صدقوني او اتحطيت ا في موقف وحش هما اول ناس هيتخلوا عنكم عارفين ليه عشان هما لما شافوكم بتقفوا ادام ابوكم مخافوش منكم وبعدوا بالعكس دول شجعوكم والنوع ده يتخاف منه لانهم اول ما هيطولوا الفلوس هيرموكم ولو فضلوا مكملين هيجي عليكم وقت توصلوا لسن والدكم وهيتعمل فيكم زي ما انتوا عملتوا فيه واكتر صدقوني الدنيا دواره ولازم تدوقوا من نفس الكاس اللي دوقتوه لابوكم وساعتها هيجيلكم طيفه في عينكم وكأن ربنا بيقولكم افتكروا عملتوا ايه في ابوكم زمان

انهارت البت وبان علي وش الولد الحزن

سعيد...اهدي يا بنتي وبدل ما تعيطي روحي خدي ابوكي في حضنك وطمنيه

واوعي تخافي من جوزك معاكي اخوكي راجل يحميكي منه ومعاكي ابوكي ياخدك في حضنه ويطمنك

البنت...انا مش خايفه منه انا بس خايفه يقف قصادي ويهددني بولادي

عادل...لا فالحاله دي متخافيش القانون في صفك والاطفال من حقك وصدقيني اللي يعمل كده ميهتمش بأطفال هو مش اد المسؤوليه اصلا

الولد...ميقدرش يعمل حاجه ليكي ولولادك متخافيش

سعيد...بفرحه اهو قالك اهو يابنتي كنت متأكد لما شوفتكم من معدنكم يمكن الدنيا بتعمل شويه غشاوه عالعين مش عيب بس العيب اننا نفضل ملهيين قوموا ياولاد خدوا ابوكم في حضنكم عوضوه عيشوا معاه اللي باقي من عمره وهو فرحان اتلموا واضحكوا واخرجوا مع بعض عشان اللي بيروح عمره ما بيرجع صدقوني وهتعيشوا حياتكم في ندم وتتمنوا لو يرجع الزمن وتغيروا حاجه فيه بس هيبقي خلاص الوقت راح

الولد...انا مش عارف اشكرك ازاي يا استاذ عادل بجد انت عندك اب ربنا يخليهولك يارب لولاه مكنش قلبي اتغير طول حياتي حاسس ان ابويا مقصر ومهمل معانا عشان كده عمره ما صعب عليا

سعيد...الدنيا كبيره يا ابني علينا بنفضل نسعي ورا الرزق عشان الفلوس وابوكم مغلطش لما جري ورا لقمه عيشه ماهو كان عشانكم يا حبيبي

الولد...شكرا يا عم سعيد بجد وانا هروح الوقت لابويا وهبوس رجله وصدقني بعد الكلام اللي سمعته ده انا خلاص مش عايز حاجه من الدنيا غير انه يسامحني وبس واحاول اعوضه عاللي عملناه فيه

سعيد...ربنا يرضي عنك يا ابني انت واختك ويلا تعالوا نروحله مع بعض انا عايز اسلم عليه ونعمله مفجأه تفرحه

البنت...يلا نروحله الوقت

قام سعيد وعادل معاهم راحوا علي بيت الراجل مع بعض

خبط عادل وهما كانوا مش ظاهرين

حاج محسن مين

عادل...افتح يا حاج محسن انا عادل المحامي

فتح محسن

حاج محسن بابتسامه طيبه اهلا يا ابني عامل ايه ياحبيبي انا قولت نسيتني تعالي ادخل

عادل...مقدرش انساك ياراجل ياطيب بس والدي كان معايا وجاي يسلم عليك

حاج محسن...اهلا وسهلا يا الف مرحب

سعيد...ازيك يا حاج محسن

محسن...في نعمه والله يا خطوه عزيزه من زمان محدش زارني والله مش قادر اقولكم علي فرحتي اتفضلوا تعالوا واقفين ليه عالباب

سعيد...هنتفضل بس قبل ما نتفضل احنا معانا ضيوف تاني وطبعا بستأذنك قبل ما ندخلهم

حاج محسن...ده انتو وضيوفكم علي راسي

سعيد..تعالوا ياولاد ظهر ولاد حاج محسن اللي اول ما شافهم عيط ودموعه نزلت

سعيد...ولادك يا حاج محسن عرفوا ان ملهمش فالدنيا حد غيرك وجايين يطلبوا السماح ويترموا في حضنك ايه ليهم مكان في حضنك ولا لا

حاج محسن بدموع وصوت

باكي طول عمري حضني مفتوحلهم وطول الخمس سنين اللي فاتوا حضني مشتاقلهم وحشتوني اوي

اترموا فاللحظه دي ولاده في حضنه وافضلوا يعيطوا ويبوسوا في ايده ورجله ويطبطبوا عليه وحسوا فعلا اد ايه قلبهم كان معمي بالطمع وبعد وقت طويل

حاج سعيد...انا كده اطمنت وحاسس اني عملت حاجه كويسه طبعا انا عرفتكم علي نفسي وعرفتكم احنا منين بالظبط واي وقت تحتاجوني في اي حاجه تعالولي وانت يا حاج محسن تعالي واعد معانا احنا ورجاله الحته ناس طيبين ميتخيروش عنك هتحبهم ووقت ما يكون ولادك مش هنا هتحس معانا بالونس وانتوا ياولاد اوعي تتلهوا في دنيتك و تخسروا

اخراكم ابوكم تحطوه جوه عينكم وتخافظوا عليه حاول يا ابني تحنن قلب مراتك اوعي تخسرها او تطلقها الغشاوه اللي مانت علي قلبك هي نفس الغشاوه اللي علي قلبها وانتي كمان يا ابنتي وربنا يصلح حالكم يارب

محسن...انا مش عارف اقولكم ايه لساني عاجز عن التعبير بس اللي اقدر اقوله انكم رديتوا فيا الروح من تاني ورجعتولي حته من قلبي وانت يا عادل يا ابني ربنا يحميك ويحفظك لابوك وتبقي اكبر محامي فالدنيا دي كلها ويرضيك ويرضي عنك يارب

عادل...وانا كفايه عليا الدعاوي الحلوه دي واقدر اقولك الوقت ان تقريبا كده دي اكبر واهم قضيه كسبتها ربنا يجمعكم ديما علي خير

سعيد...يلا ياعادل يا ابني

محسن...لسه بدري

سعيد...بدري من عمرك يا راجل يا طيب هما مش وحشينك ولا ايه خدهم في حضنك يلا سلام عليكم

الجميع...عليكم السلام ورحمه الله وبركاته

نزل عادل وسعيد وهما مبسوطين انهم عملوا حاجه للراجل ده

.......

عند زين وكيمو كانوا اعدين لسه بيتكلموا

كريم...انا هقوم بقي اطلع وبليل نتقابل

اتصل فالوقت ده يوسف

زين...الواد چو بيتكلم

كريم...اكيد هيسأل علي روحيه

زين...ايه ياچو

يوسف...زين الحقني بسرعه انا فالقسم

زين...ايه قسم😳😳🙆‍♀️🙆‍♀️🙆‍♀️🙆‍♀️

البارت الثامن عشر..

عند زين وكيمو كانوا اعدين لسه بيتكلموا

كريم...انا هقوم بقي اطلع وبليل نتقابل

اتصل فالوقت ده يوسف

زين...الواد چو بيتكلم

كريم...اكيد هيسأل علي روحيه

زين...ايه ياچو

يوسف...زين الحقني بسرعه انا فالقسم

زين...ايه قسم😳 ليه

كريم.. في ايه يازين

يوسف...مش وقته يا زين شوف عادل فين بسرعه وتعالالي

زين...طيب انت في قسم ايه

يوسف..في قسم النزهه في مصر الجديده

زين...طيب جايلك حالا

كريم...في ايه

زين...يوسف مقبوض عليه في قسم النزهه

كريم....طب قالك ليه

زين...ماقلش حاجه وبعدين يلا نروحله الاول بس واتصل علي عادل

عادل...ايوه يا صاحبي

زين...عادل انت فين

عادل...في ايه يا زين في حاجه

زين...يوسف مقبوض عليه في قسم النزهه

عادل...بتقول ايه طب ليه

زين...ماقالش بس بلغني وقاللي اقولك

عادل...طب اقفل انا داخل عالبيت هوصل الحاج واروح

زين..لا تعالي علي هنا احنا كده كده لسه هنتحرك يلا بسرعه

عادل...تمام يلا سلام

زين....كيمو انا رايح اقول لادهم وهيما بسرعه

كريم...ماشي وانا رايح اقول لصالح ولاحه

فالوقت ده جه ايهاب

ايهاب...في ايه مالكم واقفين كده ليه

زين....تعالي معايا يا ايهاب بسرعه يوسف مقبوض عليه

ايهاب...ايييييه😳

جري زين بسرعه علي ادهم وهيما

ادهم....ايه زين

زين...حد فيكم يجي معايا بسرعه

هيما...في ايه ياجدع حصل حاجه

زين...يوسف مقبوض عليه في قسم النزهه

ادهم ..ايه

هيما...اتقبض عليه ليه

زين...معرفش هو قاللي اخد عادل واروحله يلا بسرعه

ادهم طب يلا

هيما...استنوا هخرج الناس واقفل واجي

زين...تقفل ايه انت عبيط لا خليك انت وهنتابع معاك بالتليفون

ادهم...خليك انت الناس كتير جوه.

هيما...طب طمنوني

ادهم...تمام زين هطلع بسرعه اجيب فلوس واجي

زين...انا داخل انا كمان بسرعه يلا اجري

صالح...في ايه يوسف ماله

زين...معرفش هجيب بسرعه فلوس. واجي

ايهاب...خليك يا صالح انت ولاحه فالقهوه

صلاح...ابويا واقف متقلقش

.........

دخل زين بسرعه الشقه امه كانت عند روحيه ومنه ووعد اللي جوه دخل جري من غير ما يكلمهم علي اوضته وبعد ثواني خرج

منه...في ايه يازين انت بتجري كده ليه في حاجه

زين...متقلقوش يوسف اتقبض عليه وانا رايحله بسرعه

منه...يانهار اسود ليه

زين...معرفش يا منه اديني رايحله يلا سلام اوعوا روحيه تعرف

منه...ماشي ماشي

زين...يلا بينا

ايهاب...ادهم منزلش

زين...يا ادهممممم

زين...اطلع انت يا كيمو

كريم...انا جاي معاكم

زين...ياجدع اطلع تيجي فين وبعدين احنا هنركب وراهم مفيش مكان خليك انت وبعدين خلي بالك انت وعم حسني واللي فاتحين من الورشه عينك عالورشه يا عمر اي حد يسأل قوله بيجرب عربيه وجاي

عمر...حاضر يا عم زين

ادهم...يلا

زين...يلا ركب زين ورا ادهم الموتسيكل بتاعه وركب ايهاب ورا صلاح وعادل ورا صالح

كريم...طيب طمنوني وردو عليا

زين...ماشي اطلع يلا

بعد وقت وصلوا ادام القسم ركنوا وطلعوا جري عالقسم

كان يوسف واقف بره ادام باب المكتب

زين..والشباب جريوا عليه يوسف في ايه

يوسف...زين امي كويسه

زين...اه كويسه اطمن

يوسف...اوعوا تكون عرفت حاجه

زين...والله ابدا امي معاها وامي اصلا متعرفش

ادهم ايه اللي حصل

عادل...في ايه يايوسف

يوسف...كنت بوصل زبون شارع الحجاز ونزلته واستنيت شويه لقيت زبون تاني بعت اتواصلت معاه وروحتله ركب معايا كان في شارع الحجاز بردو قاللي عايز يروح. شارع دمشق ركب ومشينا جه ينزل مدفعش الحساب ناديت عليه قولتله الحساب قاللي دفعتلك ولا انت نايم علي نفسك

يوسف...مسكت نفسي وقولتله لا انا مخدتش حاجه انا يادوب وقفت انت نزلت فضلت كلمه مني كلمه منه ابتدت الناس تتلم وتتفرج فضل يشتم ويقل ادبه وانا ساكت اعد يقولي انت مبرشم انت حرامي وفضل يقول للناس ده كان بيكلم واحد وبيتفق معاه يقفله واعد يلف بيا من بدري والله اعلم كان بيتفق مع صاحبه علي ايه عايز يقنع الناس اني بتفق عليه هسرقه بقي هتاجر في اعضائه المهم فالاخر شتمني بأمي محستش بنفسي غير وانا بضرب في كل حته في وشه فالوقت ده جت الشرطه وخدوني انا وهو وطبعا هو سايح في دمه وخرشمت وش امه فا الحق معاه

عادل...طيب حد خد اقوالك

يوسف...اه وبعد كده دخلوه والظابط قاللي هدخله تاني

عادل...طيب تمام هو ركب معاك امته بالظبط تقدر تحدد

يوسف...اه طبعا هو متصل بيا كانت الساعه بالظبط 45..2

عادل...المسافه بين الشارعين اد ايه. بالظبط

يوسف...هو كان باعتلي اللوكيشن اللي هينزل فيه بالظبط 18 دقيقه

عادل...تمام

يوسف...عادل انا مش هينفع اعد هنا لحظه امي ياعادل مقدرش اسيبها

عادل...اطمن متقلقش في ايه

يوسف...امي لو عرفت هتروح فيها

ايهاب...اهدي ياعم ان شاء الله خير

زين...اهدي يا يوسف متقلقش

بعد شويه دخل تاني يوسف ومعاه عادل

عادل...مساء الخير يا حضره الظابط عادل سعيد الشرقاوي محامي حاضر مع يوسف

الظابط..اتفضل بس ده مش تحقيق ده مجرد محضر تقدر تحضر معاه لما يتعرض علي النيابه

يوسف...ياباشا نيابه ليه هو اللي غلطان مش انا

عادل...لحظه يا يوسف حضرتك اظن مفيش مشكله لو حضرت المحضر

الظابط ...لا مفيش.

عادل...طيب اقدر اعرف ايه التهمه المتوجه ليوسف

الظابط... الاستاذ طبعا اكيد شايف اللي في وشه يعني تعدي بالضرب ادام الناس كلها في عز الضهر والاستاذ بيوجهله تهمه اختطاف وبيقول انه كان بيتفق علي خطفه مع واحد صاحبه وبقاله اكتر من ساعتين بيلف بيه وهو اصلا ميعرفش المكان وقال انه راكب الساعه 12ونص معاه من المقطم وهو بيلف بيه ولما شك فيه عمل معاه مشكله واللي خلاه يوقف العربيه انه الاستاذ هدده بفتح الباب فا وقف العربيه

يوسف...ايه انت بتقول ايه يا باشا ده كداب وبعدين يا باشا انا سواق اوبر مش تاكسي انا شغال تبع ابلكيشن يعني كل حاجه متوصله بيه

عادل...ياباشا الاخ ركب معاه من شارع الحجاز وقاله يوصله لشارع دمشق ركب معاه كانت الساعه 45..2 يعني مش الساعه 12ون2 زي ما قال والمسافه بين شارع الحجاز لشارع دمشق حوالي 18 دقيقه قول تلت ساعه يعني مبيلفش بيه بقاله ساعتين ولا حاجه واللي حصل ده حصل بسبب ان الاستاذ نزل ومدفعش الحساب ولما يوسف طالبه منه فضل يشتمه واتعمه في وسط الناس انه عايز يخطفه

الظابط...ايه رأيك يا استاذ

الشخص...كداب طبعا محصلش

يوسف...ياباشا انا راجل مليش فالمشاكل والحمد لله من يوم ما اشتغلت الشغل ده مجاش مني شكوه واحده وحضرتك تقدر تتأكد بنفسك من الشركه والحمد لله كل تعليقات العملاء عليا كويسه جدا ياباشا انا نازل اشوف اكل عيشي مش عشان اتخانق ولو علي اني ضربته اه ضربته ياباشا انا فضلت ساكت علي كل الشتايم اللي شتمها وكل التهم اللي وجههالي من سرقه لخطف بس مقدرتش اسكت ياباشا لما شتم امي

الظابط...طيب وايه اللي يثيت الكلام ده انتوا مفيش معاكم شهود وحتي لو فيه اللي كان موجود شاف اللي حصل فالشارع لاكن ميعرفش الحوار ده كله ولا فيهم حد كان معاكم وقت الرحله بتاعت الاستاذ

عادل...زي ما يوسف قال لحضرتك هو شغال تبع ابلكيشن يعني يقدر يحدد الوقت اللي الاستاذ اللي طلبه فيه وبعتله اللوكيشن طبعا بالمكان اللي هيوصله فيه والمده اللي يوصل فيها كل حاجه متسجله وطبعا لما اتقبض علي يوسف يوسف كان اخر رقم متصل بيه هو الاستاذ وبعدها اتصل علي صاحبه يقوله انه اتقبض عليه وده اكيد حضرتك شاهد عليه وطبعا الوقت اللي اتصل فيه كان هنا فالقسم مش وهو راكب مع الاستاذ وبيقول اتفق عليه

يوسف...اهو اتفضل يا باشا بص الرساله جاتلي بالظبط2.40دقيقه وانا اتصلت علي طول بيه الساعه 2.41 دقيقه وهو كان جمبي وصلت لمكانه بالظبط 2.45دقيقه وأبتدت الرحله في نفس الوقت يعني هو راكب من الحجاز مش المقطم وبالمناسبه يا باشا انا مش عامل اي اوردر للمقطم ولا انهرده ولا حتي كول الاسبوع اللي فات ده وطبعا الرحله انتهت بعد 18 دقيقه مانت الساعه 3.10تقريبا وبعدها فضلنا فالحوار ده حوالي تلت ساعه وبعدها الشرطه اتدخلت وجابونا علي هنا وبعد ما دخلت لحضرتك خدت اقوالي كانت الساعه بقت اربعه وربع

وطول الفتره دي التليفون في ايد حضرتك مكلمتش اي حد انا متكلم الساعه كانت 4.30 ده اللي حصل والله العظيم

الظابط...ايه رأيك يا استاذ يعني لا ركبت من المقطم ولا انت راكب من 12 ونص ولا فضل يلف بيك ساعتين

الشخص...ده كدب

الظابط...لا مش كدب الابلكيشن ادامك اهو واظن ده مفيهوش كدب ايه رأيك الاستاذ الوقت ممكن هو اللي يكتب يقدم فيك محضر اتهام بسرقه واتهام باطل بخطفه ليك وتهرب من دفع رسوم الرحله اللي ركبتها وطبعا ممكن يتقدم فيك بعد الدليل ده تهمه ازعاج سلطات لانك قولت قصه مش حقيقيه وضيعت وقتنا كلنا

الشخص..ياباشا ماهو ضربني

بردو

الظابط...والله حابب تكمل المخضر بتاع التعدي معنديش مشكله حقك بس بردو هو كمان هيقدم فيك محاضر ومش هتخلصوا

حس يوسف براحه وابتسم للظابط لما حس انه وقف معاه وصدقه وبص لعادل ابتسمله ابتسامه هديه وهو بيطمن بأشاره من عينه

الظابط...لو حابين تعملوا محضر صلح معنديش مانع

يوسف...لا مفيش صلح الحق كله معايا وانا هاخد حقي منه

الشخص...يا استاذ الكلام بهدوء انا بقول بلاش بهدله ويمكن انا مخدتش بالي اني مدفعتش و مستعد الوقت اديك تمن الرحله ولو تحب ادفعلك تمن الوقت اللي ضاع ده

يوسف...بيتهيألك انك دفعت ماشي طب وبيتهيألك انك ركبت معايا من المقطم واني لفيت بيك ساعتين وانتي اتكلمت اتفقت مع حد نخطفك انا مش هتنازل انا محتاج حقي

الظابط...والله زي ما تحبوا

الشخص..لعادل يا متر فهمه اني خلاص هدفع وهتنازل

عادل...ابتسم ليوسف يوسف انا شايف ان مفيش داعي خلاص وبعد كلام كتير ويوسف نشف ريق الراجل وخلاه ندم عاللي عمله اخيرا تم الصلح بينهم واتقفل المحضر واتحفظ شكر يوسف الظابط علي وقفته جمبه والشخص ده حاسب يوسف علي فلوسه واداله زياده بس يوسف رفض وخد حقه بس وبعد وقت بسيط خرج هو وعادل

زين...ايه اللي حصل

عادل...عيب عليك الحوار خلص

ادهم..الحمد لله نشفت ريقي

يوسف...مش عارف اقولك ايه ياعادل انت طلعت داهيه

الراحل كان ناقص يبوس ايدي جوه بعد ماكان بيكتب محضر فيا والتهم اللي اتهمهالي

عادل...ياعم انا معملتش حاجه الدور والباقي عالي ساق فيها جوه وبقي يتشرط واحنا نتحايل عليه يقفل المحضر

يوسف.. ياعم انت كنت عايز اروق عليه بعد اللي عمله فيا قولت انشق ريقه شويه وبصراحه لما حسيت ان الظابط صدقني وبقي في صفي سوقت فيها براحتي بس كنت هوافق عالصلح اصلا انا مليش فالاذي وبصراحه مش فاضي اضيع وقتي في الاقسام والمحاضر كفايه عليا روحيه اللي طالبه تاكل من كنتاكي

صلاح...نعم ياروح امك

صالح...كنتاكي روحيه عيارها فلت خلاص يا يوسف

ادهم...😂😂كنتاكي ياروحيه

زين...حسبي الله يعني اسيب ورشتي وجاي قلقان عشان وفالاخر انت عايز تخرج عشان تجيب كنتاكي لروحيه

يوسف...ياجدع امي ونفسها فيه مقدرش اتأخر عليها يمكن ربنا خرجي عشان اروح اجبلها

زين...المهم انك بخير يا صاحبي

ايهاب..الحمد لله يلا نمشي بقي من هنا

يوسف...اه والنبي يلا من هنا

وحد فيكم هيوصلني لمكان العربيه

صالح...يلا تعالي ورايا انا وعادل

يوسف...يلا بينا

.......

رجعوا الشباب علي المنطقه

وفرحوا كلهم بخروج يوسف

كمل زين العربيه اللي كانت في ايده بسرعه عشان الزبون كان قري يجي ياخدها وراح كل واحد علي شغله ودخل يوسف شقته

يوسف....ياروحيه ياروحيه

روحيه...ميييين

يوسف...مين ايه ياروحيه انا دخلت خلاص أزيك يا خالتي مديحه

مديحه...بضحك ازيك يا يوسف وكملت بصوت واطي حمدالله عالسلامه كنت هتجنن عشانك لما زين قاللي

يوسف...بنفس الصوت روحيه معرفتش

مديحه...لا متقلقش

يوسف...طيب الحمد لله ...يلا ياروحيه جبتلك الاكله اللي نفسك فيها

روحيه...اكله ايه ياولا

يوسف...لحقتي تنسي ياروحيه الكنتاكي اللي كنتي عيزاه

مديحه...طيب انا هروح اشوف البنات بقي استلم مني روحيه

يوسف...لا وربنا ما هيحصل ابدا انتي هتتغدي معانا

مديحه...لا غدا ابه انا يادوب اروح البنات مستنيني عالغدا وعشان زين كمان ياكل

يوسف...وراه شغل مش هيدخل الوقت مليش فيه كلمي البنات ولا انتي مش عايزه تاكلي معانا

مديحه...لا والله يا يوسف مش كده بس البنات مبياكلوش غير لو كلت معاهم

يوسف...معلش مجتش من يوم يلا كلميهم هروح اغسل ايدي ووشي واجيل التربيزه لحد ما تكلميهم

مديحه...بقله حيله ماشي يا ابني ومسكت موبايلها كلمت منه مردتش اتصلت علي وعد

مديحه...ايوه يا عد

وعد...ايوه ياخالتو

مديحه...خلصتوا الغدا

وعد...اه وقفلت عليه من عشر دقايق كمان

مديحه...طيب معلش يا بنتي كلوا انتوا بقي عشان لو هتروحي لشهد ومنه تروح لتوته

وعد...طب وانتي ياخالتو

مديحه...يوسف ماسك فيا اكل معاه هو وروحيه معلش سماح انهرده بقي

وعد...ايه ده هو خرج

مديحه...اه الحمد الله

وعد...طيب الحمد لله خلاص كلي معاهم يا خالتو واحنا هناكل وسكتت ثانيه ااا طب وزين فين

مديحه...هكلمه الوقت بس يوسف بيقول مش هيدخل بيخلص الشغل اللي في ايده بسرعه عشان متأخر

وعد...ماشي يا خالتو

مديحه...سلام يا حبيتي

وعد...سلام

منه...في ايه

وعد.. دي خالتو لتقول كلوا انتوا هتاكل مع روحيه ويوسف عشان ماسك فيها

منه...الحمد لله خرج

وعد...اه يلا بقي نحضر عشان هلاقي رحاب بتخبط عليا الوقت

منه...طيب يلا عشان انا كمان عايزه اروح لتوته

.................

بعد مده بسيطه

يوسف...ايه رأيك يا اما

روحيه...في ايه يا واد

يوسف...فالاكل يا اما

روحيه...وانت بتسمي ده اكل يا واد ده طعمه استغفر الله😒

يوسف...مش انتي اللي طلباه

روحيه..انا ياواد بتكدب وانت في سنك ده

مديحه...بتضحك وكاتمه ضحكها

يوسف...وربنا با روحيه انتي مفتريه وانا غلطان عشان جبتلك الاكل واياك تطلبي مني حاجه تاني

روحيه...هطلب ايه يا حسره وبعدين هو انا لو طلبت انتي بتجيب حاجه😒

مديحه...ياوليه يا مفتريه الواد مش بيستخسر فيكي حاجه

يوسف...قوليلها. والنبي يا ديحه اصل روحيه دي عامله زي القطط تاكل وتنكر🤨

قام يوسف يغسل ايده وعمل الشاي

يوسف...اتفضلي يا خالتي

مديحه...تسلم ايدك يا حبيبي

يوسف...اتفضلي ياروحيه هانم

روحيه...شكرا😏

فضل يوسف وروحيه يضحكوا عليها

.........

خلصت منه ووعد الاكل ودخلت وعد تغسل المواعين ومنه راحت لبست وخرجت راحت لتوته

وعد خلصت ودخلت لبست نزلت رحاب فالوقت ده

رحاب....مسا مسا خلصتي

وعد...اه خلصت يلا بينا هروح بس الاول اقول لزين

رحاب...ماشي وانا هروح لمنار اجيبها وانزلك نروح لشهد سوا

وعد...تمام يلا بينا خرجوا سوا وراحت رحاب علي منار

ومشيت وعد بخطوات بطيئه علي زين كانت لابسه بنطلون چينز وتيشرت ابيض بنص كم وسايبه شعرها ولابسه كوتڜي ابيض مشيت وهي ماسكه ايدها الاتين في بعض زي الاطفال

كان زين خلص العربيه وواقف مع الزبون

زين...للزبون ايه جربتها

الزبون...اه كده تمام طبعا ده صوتها كان فظيع

وعد...سلام عليكم

زين...بصلها عليكم السلام

فضل الزبون باصصلها

زين...عمر هات كرسي بسرعه

وبصلها ادخلي اعدي جوه احد ما اخلص

وعد...بارتباك حاضر

خلص زين مع الزبون وحاسبه ومشي مسح زين ايده فالفوطه ودخل لوعد

زين...خير يا وعد رايحه فين

وعد...انا ورحاب ومنار كنا هنروح نأعد مع شهد شويه انا كنت هقولك بس اللي حصل ليوسف نساني وانت كنت متوتر معرفتش اقولك

زين...تمام

وعد...يعني اروح

زين...بأبتسامه والله انتي خارجه لابسه وجاهزه يعني مش مستنيه تسألي انتي بتبلغيني

وعد...لا خالص لو مش عايزين اروح عادي هدخل

زين...ومن امته قولتلك لا علي حاجه انا بهزر روحي طبعا

وعد...شكرا

زين..هتتأخري

وعد...لا شويه بس كده

زين...كلتي

وعد...بارتباك وهي بتحاول متبصش لعينه كتير اه كلت انا ومنه خالتو كلت مع يوسف وروحيه

زين...اه ماهي كلمتني

وعد...ليه مش دخلت تاكل

زين...عشان كان لسه ورايا شغل انا سبت كل حاجه وروحت ليوسف والزبون كان قرب يجي مكنش في وقت اكل

وعد...هو انت خلصت شغل

زين...اه خلاص هظبط الورشه بس وهقفل بقي وادخل اخد شاور واظبط نفسي وبعدين هخرج عشان هنأعد علي القهوه شويه

وعد...تمام

زين...لسه تعبانه

وعد...لا انا بخير الحمد لله

زين...الحمد لله

وعد..لمحت منار ورحاب نزلوا من البيت

وعد...طيب انا هروح بقي عشان منار ورحاب نزلوا

زين...وعد

وعد...نعم

زين...متنسيش اجي الاقيكي مستنياني

خدت وعد نفس طويل حاضر

زين..يلا علي فوق علي طول

وعد...حاضر سلام

زين...سلام

وهي بتمشي كانت مرتبكه جدا وحاسه ان رجلها مش شيلاها لدرجه انها مشافتش التوكتوك اللي كان بسرعه

منار شافتها من بعيد اعدت تقولها باي بأيدها وهي بتضحك وعد شاوتلها وهي بتبتسم كل ده تحت عين زين اللي مبتسم وفجأه شاف التوكتوك بيقرب منها مشي وراها بسرعه وشدها

زين...حاسبيييي وشدها خبطت في صدره وهي مرعوبه

منار. ورحاب وعددددد وجريوا عليها وفي اقل من ثانيه الدنيا اتلمت وزين مسك الولد اللي راكب التوكتوك كان هيموته حري عليه صالح ولاحه بسرعه فكوه من ايده بالعافيه

وعد...زين خلاص خلاص والنبي

صالح...خلاص يازين بقي

زين...امشي غور في داهيه

حري الواد بتاع التوكتوك بسرعه

منار...انتي كويسه

زين..فيكي حاجه

وعد...بخضه لا انا كويسه

صلاح...اتخبطتي طيب

وعد...لا والله بخير

صالح...خلاص يا جدعان يلا بقي كل واحد يشوف رايح فين

جه صلاح بسرعه بكوبايه مايه اشربي ياوعد

وعد...شكرا يا صلاح انا بخير والله انا بس اتخضيت

رحاب...طيب اشربي بس شويه انتي وقعتي قلبي انا ومنار

شربت وعد وادتها لصلاح شكرا ياصلاح

زين...بخوف متأكده انه ملمسكيش

وعد...والله انا كويسه

زين...الحمد لله

صالح...طيب يلا يابنات شوفوا كنتوا رايحين فين

زين...يلا وعد عشان متتأخروش خلوا بالكم

وعد..حاضر سلام

خدتها رحاب ومنار ومشيوا وأعد زين عالكرسي وهو مخضوض

صلاح...ايه ياعم خلاص مفيهاش حاجه

زين...الحمد لله لو كنت دخلت الورشه مكنتش لحقتها

صالح ..الحمد لله هما مقرفين بتوع التكاتك دول يلا حصل خير يلا قوم خلص بقي العيال شويه وهيظهروا

زين...انا هلصت خلاص هقفل الورشه وادخل اغير واجي

صالح...اشطا مستنيك

صلاح...انا رايح عشان الحاج لوحده

صالح...وانا كمان يلا متتأخرش

زين...ماشي

..........

توته...ايه رأيك كده يابت

منه..بصت فالمرايه علي حواجبها اه حلوين اوي تسلم ايدك

توته...طب تعالي ندخل جوه علي ما بوسي تخلص الزبونتين دول نتكلم شويه

منه...يلا ياقلبي

توته...بوسي احنا جوه

بوسي..ماشي يا توته

دخلت توته ومنه اعدوا جوه

توته..ايه يابت عملتي ايه اوعي تكوني يا منيله بوظتي الخطه

منه...يا اختي انتي كمان خطه ايه هي فين الخطه دي

انتي كل اللي قولتوه محدش يقول لزين ولا حد يقول لوعد

توته...يابت انتي غبيه يا منه احلي لحظه فالحب اللحظه اللي يعترفو بيها لبعض اولا انتي لو روحتي قولتي لوعد هتفرح بس وعد مش من النوع اللي يبين انها عرفت وعد هاديه وخجوله ووقتها هتتعب لانها عرفت ومستنيه انه يجي يصارحها ولو ادهم وهيما قالو لزين هيفرح ويا يروح يقولها وهو ضامن حبها لا هو كمان ممكن ياخد وقت لحد ما يعرف يصارحها وساعتها المصارحه هتبقي رخمه لان دخل في اعترافهم وسيط

منه ..طب وهنسبهم كده يبقو مش هينطقوا ابدا

توته...لا يا ام مخ تخين هنحاول بقي احنا نظبطلهم جو حلو الايام الجي خروجات اعده حلوه انا وادهم نخرج وانتي وزين ووعد وهيما وكل واحده فينا هتبقي مع خطيبها وهما مع بعض وانا قربت اتجوز هعزمكم علي عشا تيجي انتي وهو ووعد وهيما

منه...علي اساس زين هيسبني في حالي مع هيما🙈

توته...لا يا اختي هيسيبك متقلقيش ادام بيحب وعد ولا هيشوفك اصلا

وانتي يا اختي لو اعدين سهرانين شويه وادخلي اوضتك طول ماهما بيتكلمو وبيأعدو هيعترفوا لبعض وادام بيحبوا بعض هيبان عليهم وهتيجي لوحدها

منه...ماشي كلامك يا معلمه😉

توته...ايوه كده

..........

شهد...وحشتوني يا عيال بقالنا كتير مأعدناش مع بعض

وعد...انتي كمان وحشتيني

منار...ابسطوا وبكره كمان هنتجمع عندنا عالسطح

رحاب...بجد

شهد...الله احنا متجمعناش من يوم ما فطرنا في رمضان

منار...لا وايه مش احنا بس كلنا هناعشي سوا.عشان كيمو علي اخره ده كان اقتراحي هنظبط الدنيا ونتعشي وهنطلع الشاشه بتاعت كيمو ونتفرج علي افلام رعب جديده

رحاب...ايه ده الله يعني ايهاب هيكون موجود

شهد...شوفي البت مصدقت

رحاب...ايوه يا اختي ما صدقت

ابتسمت وعد بفرحه

منار...ابسطوا اعده حلوه وافلام رعب اي خدمه

خرج فالوقت ده عامر

عامر...اموت انا في افلام الرعب

ابتسمت منار بحب اول ما شافته

شهد...يخربيتك خضتني انت بتطلع كده مره واحده

ايهاب...مسا مسا عالقمر😉 وغمز لرحاب

شهد ..انهي قمر فينا يا سي بوب🤔

ايهاب...انتي طبعا هو في قمر غيرك 🙄 سامحني يارب

ضحكوا البنات

شهد...بقي كده ماشي يابوب والله لا هفتن لاخواتها

ايهاب...مابخفش احنا جامدين اوي لاموأخذه🤨

شهد...ماشي هنشوف

ايهاب...رخمه وبص لرحاب ازيك يارحاب

رحاب...الحمد لله بخير

ايهاب...عاملين ايه يابنات

منار ووعد الحمد لله

عامر...ايه رحوب عامله ايه

رحاب...الحمد لله ياعامر انت عامل ايه الوقت

عامر...لسه عايش بسبع ارواح

رحاب...يارب ديما

عامر...ازيك يامنار عامله ايه يامصيبه ازيك يا وعد

وعد...الحمد لله ياعامر بخير

منار...بأبتسامه الحمد لله انت عامل ايه الوقت والجرح عامل ايه

عامر...والله سعات بيبقي تمام وسعات بيشد عليا اوي

منار...انت مش هتفك السلك

عامر...لا لسه يومين تلاته كده

منار...علي خير يارب

عامر...يارب افلام رعب ايه بقي انا عايز اتفرج هموت من الزهق

منار...بكره بأذن الله السهره هتبقي عندنا عالسطح وهنتعشي سوا

عامر...ايه ده الله مين صاحب الفكره اكيد كيمو

منار...لا يا سيدي انا صاحبه الفكره عشان كيمو صعبان عليا اوي علي اخره.وعايزه اعمل اب حاجه تفرحه

عامر...وانا لا انا كمان علي اخري وغلبان والله

بصتله منار بحب لا وانت كمان اقصد كلنا اصلا هو كان هيعرفكم اصلا بس انا سبقته وانا هقول للبنات وماما هتقول لابله مديحه وابله فاطمه وباقي الناس وبابا كمان هيبقي يقول لعمو حسني والباقي

عامر...احيه حاج حسني بقي عمو العب يا عم حسني قوليها تاني كده😂

ابتسمت منار باحراج

ايهاب...ياض بطل رخامه واخلص

شهد...انتو نازلين القهوه

ايهاب...اه هننزل نأعد شويه

شهد...طب وانت هتقدر يا عامر

عامر...ولو مش هقدر هننزل بردو انا حبت اخري

شهد...طيب انزل يا حبيبي غير جو بس لو الاعده تعبتك اطلع

عامر...ماشي

ايهاب....يلا بقي

عامر...انا هنزل كده بالشبشب

ايهاب...عايز ايه يعني

عامر...لبسني الجزمه بتاعتي🙄

ايهاب...ليه ياروح امك اتشليت وضربه علي قفاه

عامر...اااااه وغني في اديك قوه تهد جبال في ايديك قوه وعليك صبر وطولت بال و..قاطعه ايهاب والبنات ميتين من الضحك

ايهاب...ماتخلص يالا هنزل واسيبك وربنا

عامر...والمصحف ما قادر اوطي البس الكوتش

رحاب...حرام عليك يا بوب ساعده

ايهاب...وهو بيقلدها حرام عليك يا بوب ساعده 😏

حنينه اوي🤨

ضحكت رحاب عليه

عامر...منك لله يا ايهاب

شهد...استني ياواد ياعامر انا هساعدك ولا الحوجه لسي بوب

عامر...مسكها من قفاها استني بس استني ايه الثقه اللي قاتلاكي دي هو ايه اللي ياواد يا عامر انتي يابت هتصاحبيني

شهد...طب تصدق ان انا متربتش ومش عملالك حاجه ساعد نفسك بنفسك ياابو دم خفيف

عامر...استني بس مالك كده بتاخدي علي خاطرك بسرعه ليه انا بهزر ده انتي حبيبتي🙄

شهد...ايوه كده اتعدل😒

عامر...بصوت واطي اه ياصرمه قديمه ليكي يوم

شهد..بتقول حاجه

عامر...وحيات خالي حسن ما نطقت

شهد..خالك حسن مين

عامر...انا عارف

ضحكوا عليه البنات ساعدته شهد ولبس

ايهاب ..يلا

عامر...يلا. نورتو يا بنات ونتقابل بكره ان شاء الله واحذروا مني مع احلي مقالب ان شاء الله

منار...ربنا يستر

عامر...لا متخافيش انتي بره كفايه عليكي الفكره الحلوه دي😉😉 شوفتي انا كيب ازاي

ايهاب...اسمعي مني ده متدلهوش امان

منار...مانا حاسه ده انا ياما خدت منه مقالب واحنا صغيرين

عامر...اسكتييي مش انا عقلت

شهد...نفسي تحصل

ايهاب...اخلص يالا امشي ادامي...سلام ياقلبي😉

عامر...وبنا لا اقول اخواتها 😒

رحاب...عامر احنا صحاب

عامر...معرفكيش سلام

نزل عامر وايهاب والبنات فضلوا يضحكوا ومنار فرحتها انها شافته خلت قلبها طاير بس هي عارفه انه من غير فايده💔

.........

عند الشباب كانو مبسوطين واتقابلو كلهم مع بعض كيمو وعامر كانو مبسوطين وحسوا انهم غيروا جو

زين ..امك كلت الكنتاكي يا يوسف

يوسف...متفكرنيش يا هساره الفلوس اللي رمتها الارض

ايهاب...ليه

يوسف...معجبهاش وتقولي ايه اللي انت جايبه ده

عامر...وهي روحيه من امته بيعجبها حاجه دي علي طول قرفانه من نفسها ومننا ومن الناس

يوسف...انت هتقولي دي عليها لويه بوز😂

فتحت روحيه الشباك فالوقت ده بصت منه

يوسف...احيه دي جت عالسيره وربنا سايبها نايمه

يوسف...بصوت عالي ايه اللي صحاكي يا روحيه

روحيه....انت يا اد مجبتليش چيلاتي ليه😒

ضحكوا الشباب كلهم

ادهم...امك عايزه ايس كريم وواكله كنتاكي لا كده كتير

عادل...هي ثانيه كنان وتقولك عايزه عريس

يوسف...وانا موافق ونجوزها لابوك والله بص ادب اخلاق بترضي بقليله بتضحك طول الوقت لسانها مش طويل مطرح ما تأعدها تلاقيها

زين...ياض بطل كدب دي مفيهاش صفه واحده من اللي قولتها

كريم...ليه بس يازين دي روحيه بنت حلال وتستاهل

قام يوسف باسه وحضنه

كريم...اه ايدي

يوسف.. الهي ياابني يسترك دنيا واخره علي شهاده الحق

عامر...طب وربنا انت وهو فالنار حدف

راح ايهاب في البقاله بتاعت ابوه حبلها ايس كريم وعصير وشنطه حلويات زي الاطفال وراح وقف عالشباك

اداها الشنطه

ايهاب...اي خدمه يا احلي روحيه وادي الايس كريم

روحيه...ان شالله يخليك كل ده ليا ياولا

ايهاب..خلصيهم انتي بس واجبلك تاني

روحيه...والنبي تلاقيك جايبهم من ابوك من غير ما تدفع😒

ايهاب...هو اكل وبحلقه ياروحيه وبعدين افتكرتي الوقت ان ابويا عنده بقاله🤨مش سهله انتي يا روحيه

روحيه.. ليه ياواد قالولك عني بنسي

ايهاب...لا طبعا مين دول اللي قالو وانا اكسر دماغهم ويلا بلاش رغي الايس كريم هيسيح

روحيه...ايه الكرسم ده ياواد بتاع شعر

ايهاب...اللي في ايدك ده ياروحيه اسمه ايس كريم هو ايه ده اللي كريم شعر

روحيه...انت يا واد بتتمسخر عليا كريم ايه ده اسمه چيلاتي

ايهاب...ماشي يا ستي چيلاتي انا الحق عليا حمار بقي

روحيه...طب افتحهالي ياولا بلاش خوتت دماغ ألا قولي

ايهاب...وهو بيفتح ايه

روحيه...فيها بسكوته دي🤔

ايهاب...بضحك اه ياستي فيها بسكوته😂 وربنا ياروحيه انتي قمر

روحيه...انشالله يخليك يا حبيبي يا امير يا ابن الامره

كلت روحيه الايس كريم...اللله

ايهاب...مش هسألك عشان لو قولتلك حلوه هتقوليلي تقرف

روحيه...بقي انا ياواد هقول علي نعمه ربنا تقرف اخس علي تربيتك دي طعمه اوي

ايهاب...تصدقي بالله انا حاسس اني عندي تهيؤات

انا هروح اعد مع الشباب وانتي اعدي فالهوا كده كليها

روحيه...ماشي

راح ايهاب والشباب ميتين من الضحك ويوسف مش قادر يمسك نفسه

ايهاب وهو بياعد انا ابويا مربانيش اصلا😂

يوسف...يدوم يا صاحبي

ايهاب...عيب ياض دي امي

عادل...ايه يا عريس جاهز

كلها اربع ايام

ادهم...جاهز يا عم عقبالك يارب لما افرح فيكم

عامر...بعينك انا عمري ما هعملها

بص زين لكيمو حس ان كيمو وشه اتغير وهو بيبتسم بحزن

ادهم...ليه ان شاء الله ناوي تترهبن

عامر...مش كده والله بس مينفعش الوقت يا ادهم لسه ادامي مشوار

زين...المشوار لما بيتقسم علي اتنين يا صاحبي بيبقي اسهل واسرع

عامر...ده لو بتحب يا زين هتبقوا انتوا الاتنين مبسوطين بالخطوات دي ومفيش حد محسس التاني بالمسؤوليه لاكن انا مفيش حد في حياتي يعني المشوار هيبقي تقيل

ضحك كريم ضحكه حزن لزين

هيما...اوعي يا ض تكون كده ولا كده

صلاح...والنبي شكلها كده ياهيما

عامر...لا بقول ايه انا جامد اوي عيب عليكم

هيما.. اتلهي لا جامد ولا نيله خليك يااخويا انت وكيمو كده

كريم ..بقول ايه بكره السهره عندنا فالسطح كلنا ومنار هتقول للبنات وهنتعشي سوا ونتفرج علي افلام يعني نغير جو شويه جايبلكم افلام رعب من الاخر وامي هتقول لامهاتكم والحاج كمان هيقولهم

ادهم...اشطا حلو ده

صالح...اوعي خلاص ان شاء الله بقالنا كتير مأعدناش مع بعض

زين...ان شاء الله اخلص شغل بكره وابقي اطلع

كريم...تمام

كملوا الشباب سهرتهم كانوا البنات نزلوا من بدري روحوا

وبعد وقت طويل دخل زين البيت

كانت امه نايمه مرهقه من بدري وهي مع روحيه حست انها مصدعه دخلت نامت ومنه كانت في اوضتها نايمه عالسرير بتلعب في موبايلها مستنيه هيما يطلع يكلمها وسايبه وعد لوحدها بعد ما قالتلها انها هتعترف لزين واللي يحصل يحصل طبعا منه ما صدقت وسابتها لوحدها..

فضلت وعد اعده فاتحه التلفزيون ومش معاه في دنيا تانيه لحد ما عينها راحت في النوم

فتح زين الباب وهو عارف انها هتهرب ومش هتستناه

اتفاجئ بيها نايمه علي الكنبه حاطه أيدها الاتنين تحت راسها وضامه رجلها وشعرها نازل علي وشها

أبتسم زين قفل الباب وراح اعد جمبها كانت راسها جمب رجله حط ايده علي شعرها بابتسامه

زين...وعد...وعد

فتحت عينها وابتسمت اول ما شافته

🙄🙄🙄🙄

اظن اهو عرفتكم خطه توته

19و20

البارت التاسع عشر..

البارت التاسع عشر.

فضلت وعد اعده فاتحه التلفزيون ومش معاه في دنيا تانيه لحد ما عينها راحت في النوم

فتح زين الباب وهو عارف انها هتهرب ومش هتستناه

اتفاجئ بيها نايمه علي الكنبه حاطه أيدها الاتنين تحت راسها وضامه رجلها وشعرها نازل علي وشها

أبتسم زين قفل الباب وراح اعد جمبها كانت راسها جمب رجله حط ايده علي شعرها بابتسامه

زين...وعد...وعد

فتحت عينها ورفعت عينها لفوق لقيته فوقيها باصصلها ابتسمت اول ما شافته وقامت بسرعه اعدت عالكنبه تظبط في هدومها حطت شعرها ورا ودنها بأحراج

وعد...احممم انت جيت امته

زين...بابتسامه حب لسه حالا ولقيتك نايمه وواضح انك لسه مغيرتيش كمان ايه اللي منيمك هنا

وعد...كنت مستنياك وتقريبا راحت عليا نومه

زين...انتي كويسه

وعد...اه الحمد لله

زين...اتعشيتي ولا لا

وعد...احممم مش جعانه

زين...بس انا جعان اوي انا مكلتش من الصبح من ساعت ما فطرنا

وعد...طب ليه مكلتش لما خلصت شغل

زين...ماهو انا جيت ملاقتش حد انتي ومنه خرجتوا ومديحه راحت لروحيه وانتي عارفه انا مش بعرف اكل لوحدي ولا حتي احضر

وعد...خلاص قوم غير يلا وانا هروح اعملك عشا حلو

زين...بس هتاكلي معايا

وعد...بس انا مش جعانه والله

زين...خلاص اعمليلي شاي مش عايز اكل

وعد...طيب خلاص هاكل معاك

أبتسم زين بحب وفضل باصصلها حست وعد انها اتوترت لمحت جمبه شيكولاته فا حبت تغير الموقف بسرعه

وعد...بأبتسامه طفوليه الشوكولاته دي بتاعتي طبعا

بص زين جمبه...وابتسم اه نسيت ادهالك ومسكها مدلها ايده ايوه بتاعتك يا ستي اتفضلي

وعد...شكرا هروح اعملك العشا وانت ادخل غير

زين..مسكها من ايدها استني ياوعد مش مهم الاكل الوقت هناكل بعدين

اتوترت وعد من لمست ايده سحبت ايدها براحه ورجعت شعرها ورا ودنها وفضلت باصه ادامها وهي بتاخد نفسها بسرعه

زين....قوليلي مالك يا وعد

وعد....مفيش انا كويسه

زين...عارف انك كويس ومقصدش كده اقصد تحكيلي ياوعد

وعد...في لحظه حست انها مش هتقدر تقوله ورجعت في كلامها مع منه ونفسها تجري عالاوضه كالعاده بس مش عارفه

وعد...زين انا..

زين...انتي ايه قولي مالك

وعد...صدقني مفيش بس مش عارفه يمكن في حاجه جوايا مخلياني متلغبطه

زين...وانا عايز اعرفها يا وعد مش يمكن اساعدك او احلك اللغبطه اللي جواكي دي من امته وانتي بتخبي عني حاجه ياوعد

وعد...والله مش بخبي بس يازين انا بجهز نفسي عشان اتكلم معاك واول ما بشوفك بحس ان الكلام راح ومش بعرف اتكلم

زين...ليه ياوعد هو موضوع كبير اوي كده وبعدين انتي كده بتقلقيني اكتر ياوعد انا بقالي كذا يوم مش بنام كويس مش عارف اركز فالشغل قلقان عليكي حاسس انك في مشكله ومش عارفه تقولي وده في حد ذاته تاعبني بجد

وعد...علي فكره انا معنديش مشكله خالص ولا عندي حاجه تقلقك متخافش يازين والله مافي اي حاجه وحشه ممكن تيجي في بالك بس زي ما قولتلك المشكله فيا انا محتاجه اتكلم ومش عارفه

زين....طيب ممكن سؤال

وعد...اتفضل

زين...انتي مش عارفه تتكلمي عموما ولا مش عارفه تتكلمي معايا انا بالذات

سكتت وعد شويه وبعدت عينها عنه باحراج

زين...مسك وشها بأيده عشان تبصله ردي عليا ياوعد

بلعت وعد ريقها بصعوبه...معاك يازين

زين...خد نفس طويل انتي بتخافي مني ياوعد

وعد...انا عمري ماخوفت منك يازين

زين...طيب امال ايه اتكلمي ياوعد وصدقيني لو في حاجه انتي عيزاها هعملهالك من غير ما افكر

وعد...اتوترت اكتر وحبت تهرب طيب انا هقوم احضر العشا

مسكها زين بعصبيه وكان غصب عنه شدها من ايدها أعدها تاني

زين...مش عايز اكل قولتلك خليكي هنا😡 وردي عليا

حست وعد انها خافت وبسرعه اتجمعت الدموع في عينها

اول ما شاف زين الدموع بتلمع في عينه قلبه وجعه وحس انها خافت منه

زين..اتنهد تنهيده طويله وبصلها انا اسف مقصدش والله العظيم بس انتي تعبتيني ياوعد اوي ياوعد انتي مش لازم تقوليلي فيكي ايه بالتفصيل بس ممكن عالاقل تقوليلي الموضوع ايه ويا فهمت لوحدي يا بعد كده تحكيلي او لو مش عايزه تحكي خالص خلاص بس عالاقل ابقي فاهم في ايه.

نزلت دموعها مسحتها وهي من جواها في صراع بين انها تقول وتخلص او تسكت لاكن اتفاجئت بكلمه زين

زين...وعد هو انتي معجبه بحد او في حد في حياتك ومش قادره تقولي

بصتله وعد بصدمه وسكتت

زين...ابتسم بحزن تمام ياوعد انا كده فهمت

وعد...لا لا انت فهمت غلط اصلا الموضوع مش كده والله

زين...وانا مش عايز اعرف حاجه ياوعد خلاص بس لو حسيتي في اي وقت انك في مشكله تعاليلي علي طول واحكيلي مفيش مشكله وحابه تتكلمي مع حد ومحرجه اتكلمي مع منه اظن انتو صحاب غير كده انا مش هضغط عليكي انا هقوم عشان انام تصبحي علي خير

فضلت بصاله وعد واتجمعت الدموع في عينها اكتر لحد ما دخل زين الاوضه عشان يجيب غيار قفل وراه باب الاوضه

اعدت وعد عالكنبه ونزلت دموعها.وهي بتعنف نفسها

غبيه غبيه ورفعت رجلها الاتنين علي الكنبه وضمتهم بايدها وفضلت تعيط وهي سانده راسها علي رجلها

دخل زين وهو متعصب وحاسس انه علي اخره خلاص لاكن من جواه حاسس بشعور غريب من ناحيتها حاسس ان وعد مخبيه حاجه تخصه هو شخصيا واللي أكدله ده أنها قالتله انها مش عارفه تتكلم معاه هو بالذات فضل زين يهز راسه شمال ويمين عشان يوقف تفكير فتح دولابه وطلع غيار وراح عشان ياخد دش فتح باب الاوضه لقاها لسه اعده وضامه رجلها زي الاطفال بس سمع صوتها بتعيط مقدرش يتجاهلها خصوصا لانه مش عارف مالها وكل اللي مسيطر عليه انه خايف تكون في مشكله وخايفه تتكلم ساب هدومه عالكرسي وراح اعد ادامها ونزل لمستواها رفع وشها

زين...انتي كده بتموتيني علي فكره حرام عليكي ياوعد وحياه غلاوه زين عندك قوليلي مالك

وعد...هو انا ممكن اقولك حاجه

زين...طبعا ياوعد

وعد...انا جوايا كلام عايزه اقولهولك والكلام ده والله ماوحش ولا في مشكله او حاجه تقلق انا بس اللي خايفه اقوله خايفه تفهمني غلط او تزعل مني او علاقتك بيا تتوتر عشان ساعتها يازين انا ممكن اموت

زين...بعد الشر متقوليش كده وبعدين ياستي انا لو ايه حصل عمري ماهتغير معاكي ولا علاقتنا هتتغير بس عالاقل هرتاح ياوعد

وعد..بص يازين الشعور اللي انافيه ده يمكن يكون اصعب شعور مريت بيه لاني جوايا كلام محتاجه اقولهولك اوي ومش عارفه ومضايقه عشان انت بتزعل مني بس هو غصب عني

زين...طيب اهدي شويه وبطلي عياط عشان نعرف نتكلم لو حابه متتكلميش خلاص ياستي متتكلميش ادام زي ما بتقولي مفيش حاجه وحشه ولا تقلق بس متعيطيش واب وقت هتحبي تتكلمي انا موجود ولو ورايا ايه يا ستي هفضيلك نفسي عشان اسمعك اتفقنا

وعد...هزت راسها

أبتسم زين وشدها في حضنه

لفت وعد ايدها علي رقبته ودفنت وشها جوه رقبته وغمضت عينها

خدها زين جوه حضنه اكتر وفضل يطبطب علي ضهرها

وبعد مده مش صغيره الاتينن نسيوا نفسهم واخيرا فاقت وعد وخرجت من حضنه وهي محرجه

زين...بأبتسامه مش ناويه تأكليني ولا ايه

وعد وهي دموعها علي خدها ابتسمت ناويه تحب تاكل ايه

زين قري ايده من وشها مس دموعها وهو بيفكر امممم اي حاجه ياستي انا موافق المهم تاكلي معايا

وعد...حاضر

زين...هدخل اخد شاور تكوني جهزتي الاكل تمام

وعد...تمام

زين....ااااه رجلي مش قادر قومي شديني🤨

ضحكت وعد وقامت تساعده

دخل زين خد شاور وهي حضرت اكل خفيف وخرجوا الاتنين بعد شويه كلوا مع بعض

وعد...اعملك شاي

زين...لا انا شارب شاي كتير انهرده

وعد...هتنام

زين...انا مش قادر فصلت وانتي

وعد...لا مش جايلي نوم هتفرج علي اي فيلم لحد ما احس اني عايزه انام هدخل

زين...ده انا جيت لقيتك نايمه خالص

وعد...النوم راح خلاص

زين...خلاص هاعد معاكي شويه لحد ما تيجي تنامي

وعد...بأبتسامه بجد

زين...بادلها نفس الابتسامه بجد يلا شغلي اي فيلم

وعد...صحيح منار بتقول ان بكره هنتجمع عالسطح ونتعشي سوا

زين...اه ما هو كيمو قالنا

وعد...يعني هنروح

زين ..اه هنروح طبعا سيبي الفيلم ده حلو

وعد...لا ده يخوف

زين...جبانه🤨 وبعدين ادام بتخافي بكره تتعشي وترجعي كيمو ناوي يرعبكم بكره هو والواد عامر

وعد...لا بلاش رعب والنبي

زين...ده تمثيل ياهبله🤨

وعد...انا هبله🥺

زين...بحب احلي هبله فالدنيا

ابتسمت وعد ..زين هو انا ممكن أسالك سؤال شخصي يعني مش حابب تجاوب متقولش

زين...أسالي يا ستي

وعد...هو انت ليه مش ارتبطت او حبيت يعني عمري ماشوفتك بتتكلم في تليفون ولا عمري سمعت انك بتحب اصلا

زين...كل دي أسأله وبعدين انتي مالك 🤨

وعد...انا مالي🥺

زين...عايزه تعرفي عني حاجه ليه ده انتي عشان تعرفيني مالك كنت هتشل جمبك

ابتسمت وعد...علي فكره انا قولتلك أسألك سؤال قولت اوك مش عايز تجاوب خلاص براحتك

زين ..🤨علي فكره انا هرد عشان انا احسن منك

وعد...بضحك ماشي

زين...اولا عمري ما اتكلمت فالتليفون ده حقيقي لاني مش مرتبط وعمري ما فكرت ارتبط او باختصار انا ليا مواصفات خاصه

حست وعد بغيره بانت علي ملامحها وكلامها غصب عنها. وايه هي المواصفات بقي ان شاء الله

زين...هو انتي عندك عروسه ليا ولا ايه مالك بقيتي شبه الخاطبه كده

وعد...اجبلك لو تحب😡

زين...بضحك انتي هتتحولي ولا ايه

وعد ..هاا قولي المواصفات يمكن الاقيها

زين....مبدأيا كده بجد والله نفسي اتجوز واحده نفس طولك مش عايزها طويله

وعد...تتجوز 😡 كنا بنتكلم في ارتباط الوقت بسرعه بقي جواز وثانيا

زين...شعرها يبقي بردو نفس طول شعرك

سكتت وعد وانتبهت لزين

زين...وواخده من طباعك هاديه علي مجنونه علي خوافه علب رقيقه علي طفله يعني ميكس كده

أبتسمت وعد وبعدت عينها عنه

زين...بصي لو تعرفي تلاقيلي عروسه فيها منك انا موافق

وعد...ااااه قولي بقي انك بتهرب من سؤالي بهزارك ده عشان متردش

زين...والله العظيم مش بهرب انا قولتلك المواصفات اللي انا عايزها وبعدين مش بيقولوا يخلق من الشبه اربعين يلا دوريلي علي واحده من الاربعين دول

وعد...وادور واتعب نفسي ليه انا موجوده

زين....بصلها بحب وانا موافق

وعد...حست بأرتباك بس حبت تقلبها هزار طيب يلا لو سمحت روح هاتلي الفستان وجهز الفرح

زين...خلاص بكره اخدك تروحي تختاري الفستان

وعد...ماشي

زين...يعني موافقه

وعد...امممم افكر

زين...صحيح ياوعد سؤال بقي زي ما سألتيني

وعد...ماشي اتفضل

زين...هو لو اتقدملك حد نفس سني توافقي يعني الفرق بينكم يكون 13 سنه

وعد...سرحت في عينه من غير ماتحس وليه لا يعني حساه مش فرق كبير وفنفس الوقت هو انت ليه فجأه حسستني انك راجل كبير

زين...يعني السن ده مش عائق

وعد...لا طبعا

زين....امممم تمام

وعد...من غير ما تفكر طب وانت يازين

زين...انا ايه

وعد...لو العكس تقبل

زين...تقصدي لو اصغر مني يعني

وعد...اه يعني لو نفس السن وانت اكبر ب13 سنه توافق

زين...اكيد انا نفسي اصلا اتجوز بفرق السن ده

ابتسمت وعد غصب عنها وبصت عالتلفزيون😍

فضلت وعد وزين يتكلمو كتير لحد ما وعد غلبها النوم من تاني أبتسم زين لوعد بحب ومرضيش يصحيها تنام فالاوضه ولا رضي يقوم هو وفضل نايم جمبها لحد الصبح

.............

في صباح يوم جديد

صحيت مديحه من نومها كالعاده عشان تحضر الفطار وتصحيهم

خرجت مديحه من اوضتها سمعت صوت التلفزيون

مديحه...مين اللي صاحي بدري ده ولا نسيو التلفزيون

خرجت مديحه الصاله

لقت زين نايم ووعد سانده علي صدره وراحه فالنوم🙈

مديحه...ايه اللي منيمكم كده ياولاد

زين يازين وعد قومي يابنتي

زين قوم ياحبيبي

فتح زين عينه بصعوبه صباح الخير يامديحه

مديحه...صباح النور يا حبيبي ايه اللي منيمك هنا يا حبيبي

زين...بعدم فهم وهو بيفتح عينه بالعافيه هنا فين يامديحه وحس في حاجه تقيله علي صدره بص براحه لقي وعد نايمه في حضنه🙄

حاول يبان عادي

زين...اااه شكلي كده راحت عليا نومه انا ووعد

مديحه...ياوعد

وعد...امممم ايه ياخالتو

مديحه...قومي ياحبيبتي يلا انتي راحت عليكي نومه ولا ايه ولسه نايمه بهدومك كده ومغيرتيش

فتحت وعد عينها بهدوء بصت لخالتها وهي لسه مش فايقه فجأه اتصدمت لما لقت نفسها في حضن زين وهو اعد ولا كأن في اي حاجه ومبتسم

وعد..قامت بسرعه عدلت شعرها والتيشرت وهي مرتبكه

وعد...صباح الخير ياخالتو انا معرفش نمت ازاي كده

مديحه...انتو ايه اللي سهركم ده كله

وعد...بارتباك كنا اعدين بنتفرج علي فيلم واتعشيت انا وزين ومعرفش نمت ازاي

زين...الابتسامه مكانتش مفارقه وشه خصوصا بسبب ارتباكها ده وسايبها هي تتكلم وهو ساند عالكنبه وفارد دراعه زي ماكان وولا هنا

مديحه...معلش يا بنتي اكيد النوم غلبكم يلا هروح احضر الفطار وابقي روحي صحي منه اغسلوا وشكم يلا

وراحت مديحه عالمطبخ

وعد كانت مرتبكه جدا بالرغم انها ياما نامت هي ومنه في حضن زين وياما سهروا ادام التلفزيون وراحت عليهم نومه الوضع مكانش غريب بالنسبه لمديحه لاكن وعد اتوترت عشان حست ان وضعها بالنسبه لزين بقي غريب وكأن الناس كلها عينها عليها حست بالاحراج

حطت وعد ايدها علي قلبها وغمضت عينها وهي بتاخد نفس طويل ونفسها الارض تتشق وتبلعها من كتر الاحراج بصت لزين لقيته باصص عليها ومبتسم

وعد...انت نمت ازاي وازاي تسبني انام كده وخالتو تشوفنا خالتو تقول ايه الوقت

زين...بأبتسامه وايه اللي فيها يعني مانتي ياما نمتي في حضني ايه الجديد

وعد...بأرتباك مفيش بس يعني اقصد يعني

زين...في ايه مالك مرتبكه كده ليه

وعد....هو ايه اللي في ايه وبعدين انت بتضحك علي ايه

زين...أبتسم اكتر هو الضحك ممنوع

وعد...زين متضايقنيش بجد

زين...اضايقك ليه وبعدين انتي ليه متوتره كده ياعروسه

بصتله وعد بصدمه نعم

زين...بضحك ايه مش قولتي انك موافقه وعايزه الفستان😉

وعد...علي فكره انا مش بهزر وزعلانه منك بجد

زين...طب ليه طيب انا عملت ايه بس

وعد...انا مش فاكره انك نمت قبل ما انام يعني انا نمت قبلك ليه مصحتنيش

زين...صعبتي عليا اصحيكي وعارف انك بتخافي تبقي لوحدك يا خوافه🤨 فانمت جمبك يعني تعبت نفسي عشانك وفضلت نايم وانا أعد عشان مسبكيش وفالاخر زعلانه مني طب انا الحق عليا المفروض كنت سبتك نايمه لوحدك وعلي فكره بقي انا اللي زعلان منك ياعروسه

وعد...أبتسمت وعد غصب عنها ووشها احمر انت بتهزر يا زين صح

زبن...بحب اه عندك مانع وبعدين حسك عينك اشوفك مره تانيه متوتره ومرتبكه بالشكل ده تاني طول مانتي مش بتعملي حاجه غلط اياكي تخافي من اي حاجه

مفهوم🤨

وعد...بحب حاضر

زين...اهو كده بقي اقدر اقول صباح الفل

وعد...صباح النور😍

زين...يلا ياحبيبتي قومي غيري هدومك واغسلي وشك

حست وعد ان عينها بتطلع قلوب من كلمه حبيبتي بالرغم من ان زين ديما يقولهالها بس المرادي كانت حاسه بحاجه مختلفه خصوصا مع تغيير زين اللي هي مش قادره لسه تفهمه

وعد...حاضر سابته وعد وهي طايره من الفرح ودخلت تصحي منه وتحكيلها اللي حصل منه كانت مش طيقاها عشان متكلمتش بس كانت حاسه ان توته عندها حق وانهم خلاص قربوا يعترفوا لبعض وكانت مبسوطه لفرحه وعد

فكروا وابتدا كل واحد فيهم عنده شغل يخرج يشوف رزقه..

عدي اليوم بسرعه

كانت منار طلعت بنشاط هي وكيمو وعادل ظبطوا السطح وحضر ا الاعده وجهز ا كل حاجه طلع كيمو الشاشه ووصلها وظبط كل حاجه

دخل زين خد شاور بعد يوم شغل متعب كان صابح تاني يوم عليه اجازه فكان مستعد للسهر وسط اللمه اللي بيستونها كلهم

مديحه...زين يازين

فتح زين الباب ايوه يا امي

مديحه...انا راحه يا ابني لست فاطمه عشان لو محتاجه مساعده

زين...ماشي يا امي فين وعد

مديحه...وعد لسه بتلبس ومنه راحت من شويه لمنار هي ورحاب ومريم وشهد وانا هروح للست مينفعش افضل سيباها لوحدها عيب

انت هات وعد في ايدك علي ما تلبس تكون هي كمان لبست

زين...ماشي يا امي

مشيت مديحه ودخل زين الاوضه بتاعته عشان يلبس

وبعد شويه خرج زين من الاوضه بتاعته ولع سيجاره واعد علي ايد الكرسي مستني وعد اللي كل ده بتلبس ومخلصتش

زين...بصوت عالي شويه يلا ياوعد بقي بتعملي ايه كل ده

وعد من الداخل حاضر خلصت اهو

زين...فضل اعد مستنيها احد ما اخيرا خرجت

وعد...بهدوء اسفه عالتأخير انا خلصت يلا عشان منتأخرش

زين...كل ده ياوعد يلا وركز معاها 🤨ايه اللي انتي لبساه ده

وعد...ماله

زين...هو ايه اللي ماله ادخلي غيري بسرعه يا وعد والطقم ده ميتلبسش تاني اخلصي بسرعه

وعد...ايوه ماله يعني هو انا اول مره اخرج بيه

زين...نعم وانتي خرجتي بيه امته اصلا

وعد...طيب ممكن اعرف ماله

زين...البنطلون ضيف والتيشرت قصير ومبين صدرك

برقت وعد من كلامه وحست بأحراج

زين...يلا اخلصي غيري حتي التيشرت

وعد....حاضر ودخلت وعد بسرعه غيرت التيشرت ولبست بداله شيميز ابيض اوسع حاجه بسيطه واطول شويه وخرجت

وعد...كده كويس

بصلها زين من فوق لتحت ورجع بصلها تمام يلا بينا

وعد...بابتسامه يلا

طلع زين مع وعد كان كلهم فوق فالسطح والكل جه خلاص

زين...السلام عليكم جميعا

الجميع عليكم السلام دخل زين ووعد سلموا عالموجودين

عامر...كل ده امال لو مكانتش حالتي النفسيه وحشه كنت عملت فينا ايه

زين...ياعم اتلهي مانت زي القرد اهو

حاج سعيد...منوريين يا جماعه

احمد العربي بنورك يا حاج سعيد

عيسي بنورك يا حاج سعيد ياللي ديما مجمعنا

منار...لا بقي معلش المرادي انا اللي جمعتكم انا صاحبه الفكره

كيمو...اه بصراحه منار صاحبه الفكره

سهير...يارب ديما متحمعين فالخير ويارب ديما عامر بحسك يا حاج سعيد وبحسك يا ست فاطمه

فاطمه...تسلمي يا سهير يارب ربنا يفرحك بالبنات ويفرحك بتوته يارب

سهير...يارب هانت خلاص وهنكسر وراها قله

توته...كده بردو ياما بكره تقولي يوم من ايامك يا توته

سهير...يابت بهزر انتي حبيبتي

مديحه...مبروك يا توته انتي وادعم يارب يتمملكم علي خير

توته...الله يبارك فيكي يا ابله مديحه عقبال ماتفرحي بزين ومنه ووعد يارب

مديحه...يارب يا بنتي

ادهم...الله يبارك فيكي يا ديحه عقبال مانخلص من زين ويحصلني

مديحه...يارب يا ادهم يسمع منك ربنا

زين...ايه يا ديحه عايزه تكسري ورايا قله زي ست سهير ماهاتكسر ورا توته ولا ايه

مديحه...انا اقدر بردو

توته...نعم يا سي زين انت كمان هي الحفله عليا ولا ايه

زين...يابت القله اللي هتتكسر دي حب احنا ما هنصدق بصراحه نخلص منكم انتوا الاتين

ادهم...بقي كده يا صاحبي ماشي ليك يوم

توته...سيبه يا ادهم هيجي عليه الدور وليك عليا هقف من الشباك ارمي القله بأيدي

ضحك زين هو وكل الموجودين

فاروق...عقبال الكل يارب

حسني...يارب زود افراحنا واجعل كل ايامنا الجايه فرح

الجميع...امين

فاطمه...بقول ايه يلا بقي ناكل عشان العشا ميبردش

قاموا كلهم كلوا مع بعض وسط ضحك الشباب والبنات ومناقره روحيه ليوسف وعامر وكيمو

خلصوا عشا وصالح ولاحه ظبطوا اعده كراسي وترابيزات زي اعده القهوه وحطولهم طاوله وكوتشينه

عشان مالهمش فالافلام

ودي كانت اعده خاصه باحمد العربي حاج فاروق حاج سعيد حسني وعيسي.

اما فاطمه فا خدت جمب هي ومديحه ونعمه وناريمان وسهير وروحيه فرشوا فالارض سجاده وحواليهم مخدات زي الاعده العربي

اما البنات كانوا اعدين ملمومين حوالين توته اعده توصفلهم الفستان اللي جابته واتفقوا انهم بكره هيروحوا يفرش لها الشقه اخيرا❣️🙈

سهير...بقول ايه بكره ان شاء الله هنفرش لتوته شقتها مش محتاجين اقولكم ان الفاضي يجي طبعا

فاطمه...طبعا يا اختي دي توته فرحتها علي عيني

ناريمان...ربنا يارب يتمملها علي خير

مديحه...ان شاء الله هكون معاكي بكره

سهير...اه والنبي يا ست مديحه انتي ذوقك بيعجبني وفرشك كمان شوفته في كذا عروسه فالحته حاجه كده ولا الممثلين

مديحه...ربنا يجبر بخاطرك ياسهير ان شاء الله هفرشلها احلي فرش

سعي ...عقبال مانفرش لمنه ووعد يارب

عمل صالح شاي للرجاله وفاطمه راحت جابت فاكهه وحاجه ساقعه

وعملتلهم فشار

اما الشباب كانوا اعدين يضحكوا وميتين من الضحك علي عامر وهو ماسك كريم تريقه

يوسف...الله يخرب بيت عقلك

زين...مش هيعقل ابدا

عامر...انا الحق عليا اني بضحكم طب بزمتكم مش شكله كان مسخره يوم العمليه وهو لابس لبس العمليات

كريم...لا ياراجل وبالنسبه لشكلك

عامر...ماهو كان مسخره بردو بس انت وربنا ياكريم كل ما افتكرك اقع من الضحك

هيما....بصراحه شكلك يا كريم كان يفطس من الضحك

عامر...ولا ياهيما عارف كان شبه مين

هيما...وهو بيضحك مين

عامر...كان كله يونس الشلبي في مسرحيه العيال كبرت وهو لابس جلبيه وبيغني رمضان جانا😂😂😂😂

ادهم...طب وربنا صح وانا اقول كيمو شكل مين😂😂😂😂😂

عادل...لاده انت مشوفتش شكله ياض ياعامر وهو رايحلك قبل مايدخل يعمل العمليه عشان يطمن عليك لما خرجت ماشي فالطرقه الطويله لابس شبشب واللبس بتاع العمليات قصير واصل لحد ركبته أقسم بالله لولا الموقف اللي كان حاصل كنت فطست من الضحك

عامر...بضحك اخس عليك طب كنت صور فديو لحبيبك

عادل...كان نفسي والله 😂😂

كريم...انت ياض ياعادل بتتريق عليا طب عامر واطي ومعروفه انت بتعمل كده في اخوك

احمد العربي من بعيد تصدقوا بالله اليوم اللي بتتجمعوا فيه لو محصلش المناقره دي بينكم بحس ان في حاجه نقصاني انتو الاتنين مصايب بتفكر ني بهيما ورحاب طول اليوم يناقروا في بعض كده

هيما...احنا ياحاج ده انا ورحاب نسمه محدش بيحس بينا

احمد العربي...وحيات امك بأماره ايه انا طول اليوم شايف مخدات بتتحدف مايه بتتحدف صوت اقلام ضرب ولا كأنكم عيال صغيره وخصوصا انت يا ابن الكلب لو ساب ياحاج سعيد الصاله شويه وطلع ياخد دش ولا ياكل البيت يتقلب مسرح ببقي اعد انا والبت في امان الله يطلع يعفرت البيت

رحاب...الحمد لله عشان تعرف ان هو اللي بيجر شكلي

هيما...طب بزمتك هو انتي تعرفي تاعدي من غيري

رحاب...بضحك صراحه لا وحطت أيدها علي قفاها بضحك ولو مخدتش التحيه بتاعت كل يوم يبقي في حاجه مضيقاه 🙄😂😂

ناريمان ربنا يارب يخليكم لبعض

هيما...يارب يا ام مريم

كريم...ايه مش يلا بقي نبتدي الحفله ولا ايه انا مجهزلكم فيلمين رعب احلي من بعض وانهرده السهره صباحي انا واحد مكتئب ولازم كلكم تفضلوا معايا

نعمه...بضحك الله يجازيك يا كريم

روحيه...رعب ايه ياولا مش كفايه انتوا موجودين

ضحك المل علي روحيه

فاطمه....والنبي صدقتي ياروحيه

كريم...في ايه ياروحيه اول ما تفوقي هتفوقي عليا

روحيه...روحيه كده حاف

عامر...ما تحرم نفسك يا كريم بتقول روحيه حاف كده

روحيه...جدع ياولا اديله

عامر...المره الجايه هات رغيفين عيش معاك متقولهاش حاف

روحيه...انت ياواد وحش العصايه😒

عامر...لا ياروحيه انا حبيبك

يوسف..اتلم ياض انت وهو مالكم بأمي

روحيه...انت مين ياولا وبتدافع عني ليه هو انا مفيش لسان

يوسف...نهار اسود انا يوسف ابنك ياروحيه وانا غلطان اني بدافعلك

زين...خلاص ياض محدش ليه دعوه بروحيه حبيبتي

روحيه...بكسفوف انشالله يخليك ياحلو انت😍

يوسف...عيب كده ياروحيه انا واقف بردو مش ادامي انا ابنك احترميني

روحيه....شوف الواد ابن الكلب بيكبرني ادام الشاب الحليوه ده ويقولي ابنك امشي ياواد من ادامي😒

يوسف...احيه عاوزه تباني صغيره ادامه ليه يا اما احترمي طولي وانت ياعم الرومانسي بعنيك دي اللي روحيه مبتقدرش تقاومهم اسمت شويه

زين...حاضر هسكت خلاص

كريم..انا هشغل الفيلم افضلوا ارغوا

ايهاب...يا عم ما تشغل واخلص انت هتقرفنا ليه

كريم...بصوت واطي لولا ابوك اعد كنت روقتك

ايهاب...طب يلا شغل انجز

فتح كريم الشاشه. اعدوا البنات والشباب مع بعض

الستات اندمجوا فالرغي مع بعض والرجاله فاللعب

واعد الشباب والبنات مع بعض ادام التلفزيون يشوفوا الفيلم الجديد

زين..بصوت واطي بقولك ايه

كريم...قول

وين...شيكت علي الافلام دي قبل ما نشوفها احسن يكون فيها حاجه كده ولا كده معانا بنات وحريم

كريم...لا متقلقش اطمن كله تمام

زين...ماشي

منار وكريم وعامر كانو اعدين عالارض ساندين علي مخدات وباقي الشباب اعدين علي الكراسي وراصينهم كانها سينما

توته جمب ادهم وجمبهم عادل وشمس

ادامهم بوسي وصالح وصلاح وشهد ورحاب وايهاب وادامهم هيما ومنه ووعد وزين

وعد..لمنه انا عايزه اقوم امشي

منه...ليه انا بخاف من الافلام دي انتي عارفه

منه...يابت بطلي جبن بقي وبعدين ياختي انتي بتنامي لوحدك مانا بنام معاكي يعني العفريت اللي هيطلعلك هيمسي عليا قبلك

هيما...بضحك اسمعي كلام الوحش وبعدين منه معاكي وتخافي ده العفريت يخاف منها

منه...ليه ان شاء الله بوعبوع😡

هيما...بضحك لا ياقلبي اقصد انك جدعه

زين..قلبك مين ياروح امك

هيما...طب انت اعد فالاخر رامي ودنك ليه

زين...اتمسي ياهيما

هيما...خبيبي يا ابو نسب اخوكي قالب علي عادل امام في عريس من جهه امنيه

زين...ولو طولت هعمل زيه يوم دخلتكم🤨

هيما...ما تبصي ادامك يا منه الفيلم هيبتدي😒😒

منه...ضحكت وبصت ادامها

ابتسم زين عليهم بحب وبص لوعد

زين...وانتي يا خوافه مش ناويه تكبري بقي

وعد..مش بحب افلام الرعب دي

زين...لا متخافيش

واندمجو مع الفيلم اللي ابتدا من اوله علي مشهد كله إثاره ويحبس الانفاس مع صوت السماعات العالي كانهم في سينما

في الفيلم...حست البنت بصوت معاها في البيت فضلت تمشي براحه وهي مرعوبه تدور في البيت لحد ما حست ان مفيش حاجه ولقت قطتها موقعه علبه بتلعب بيها وعامله صوت اتنفست براحه وخرجت بره الاوضه وهي خارجه فجأه شافت خيال عدي من ادام الازاز راحت بسرعه تشوف ملاقتش اي حاجه والدنيا ادامها هاديه والظلام مالي المكان والاشجار راحه جايه من الهوا وفجأه سمعت صوت الباب بيخبط راحت فضلت تسأل مين بره مكنش حد بيرد مسكت مضرب تنس في ايدها وفتحت الباب ملاقتش حد راحت تشوف البيت من الجنب مفيش حد راحت الجنب التاني ملاقتش حد خدت نفسها براحه ودخلت تاني عالبيت قفلت وراها الباب بكذا ترباس وبالمفتاح ومسكت موبايلها تلعب فيه وفجأه رن موبايلها برقم غريب

البنت...هاي

الخط ساكت خالص مفيش غير نفس

البنت...مرحبا انا سامعه صوتك مين انت

الشخص....انا الموت

قفلت البنت بسرعه التليفون وهي مرعوبه وفضلت تبص حواليها وهي مرعوبه لقت فجأه رساله اتبعتت لها عالموبايل فتحتها

الشخص...انا قادر احس بخوفك من بعيد سامع صوت انفاسك وانصحك بلاش تتلفتي كتير وتبذلي مجهود انصحك بتوفير المجهود للجوله القادمه وبالمناسبه انا معاكي فالبيت👹

قامت بسرعه البنت من مكانها ومسكت في ايدها سكينه وراحت بسرعه تبص من الشباك تاني وفجأه ظهر من وراها الشخص لمحت خياله فالازاز وعرفت انا وراها

فاللحظه دي اتخض البنات وصرخوا مسكت وعد من غير تردد في دراع زين

زين...بضحك خضتيني حرام عليكي

وعد...زين والنبي اقفلوه او نروح بقي

زين...شششش متخافيش ياوعد انا معاكي وبعدين ده مش عفريت يعني ده شخص عايز يقتلها

وعد...لا والنبي

زين..مدلها كف ايده وابتسملها هاتي ايدك

اتوترت وعد وفضلت تبص جمبها وتشوف مين شايفها

زين...مسك ايدها من غير ما هي تدهاله وشبكها في كف ايده وفضل يمشي صوابعه بحنيه علي ايدها وهو مبتسم وعينه كلها حب

طبعا الكل كان كل واحد فيهم مندمج اللي فاللعب واللي فالكلام والبنات والشباب كل اتنين بيتكلموا مع بعض مكانوش مع زين ووعد ولا وعد وزين معاهم

فالحظه دي وعد نسيت الفيلم ونسيت الدنيا وفضلت بصاله وهي ضربات قلبها سريعه

زين...وعد انا عايز اتكلم معاكي في اقرب وقت ممكن

وعد...هزت راسها وهي باصه في عينه

أبتسم زين وبص للفيلم وهي لسه بصاله لاكن فجأه زين بانت عليه ملامحه الصدمه اول ما سمع كلام وعد

وفضل زي ماهو باصص ادامه وبيسمع بس كلامها

وعد...بصوت واطي انا عارفه انك قلقان ومضايق مني عشان مقولتكش اللي فيا وعارفه انك هتتجنن وتعرف فيا ايه بس انا عايزه اقولك علي حاجه انا عايزه اقولك اللي جوايا اكتر بكتير مانت عايز تعرف و يمكن لو انا وانت لوحدنا الوقت حالا كنت هفضل زي مانا مش قادره اتكلم عشان وقتها كنت هترد عليا وانا اللي هقوله لا عيزاك تعلق عليه ولا عايزه اقولهولك واحنا لوحدنا عشان انا اضعف بكتير من اني اواجهك بعد اللي هقوله يمكن اللي هقوله مش هيعجبك ويمكن يضايقك ويمكن حجات كتير مجاتش في بالي بس انا مش هقدر اسكت اكتر من كده وايآ كان رد فعلك كفايه اني اقولك يازين اني بحبك 🥺❣️

وعد...بحبك يازين ولو هعيش عمري كله اتمني راجل يدخل حياتي مش هتمني راجل غيرك

خدت وعد نفس طويل ودمعه من عينها نزلت بسرعه وبصت بسرعه ادامها عشان تهرب من مواجهه عينه

زين...كان مصدوم وكأن لسانه اتلجم بصلها بصدمه وقلبه بيرقص من الفرحه ومش مصدق اللي سمعه وحاسس انه بيحلم أبتسم وخرجت منه تنهيده طويله براحه كبيره مد ايده مسح الدمعه اللي نزلت من عينه وقرب كف ايدها لشفايفه باسها بوسه طويله وهو بيتنهد غمض وعد عينها بفرحه وحست انه مضايقش من اللي قالته نزلت دموعها اكتر وهي لسه باصه ادامها وقلبها هيخرج من مكانه من كتر الدق نزل ايدها وبصلها كتير وقرب من ودنها

زين....يمكن تكوني انتي في نظري اقوي واجرأ كتير اوي من اي بنت فالدنيا و مني انا شخصيا عشان طول عمري نفسي اقول الكلميتن اللي قولتيهم دول وخايف من رد فعلك ويمكن لما قولتلك اني عايز اتكلم معاكي في اقرب وقت كنت نقرر اني اقولك وزي ما تيجي تيجي بس انتي سبقتيني ياوعد وقولتي اللي مقدرتش اقوله

بصتله وعد بصدمه وبأستفهام من الكلام اللي قاله ودموعها نازله

أبتسملها زين بحب وهز راسه ايوه ياوعد انا كمان بحبك❣️

وعد...😳🥺🥺🥺🥺🙈😍

البارت العشرين..

انتهت السهره بتاعتهم ونزلوا الجميع من بيت حاج سعيد

وعد بعد ماقالت كلامها لزين فضل ساكته وزين بعد ما رد علي وعد واعترفلها هو كمان بحبه فضل ساكت مكانش في كلام يتقال بالنسبالهم خلاص كان اعترافهم لبعض بالنسبالهم مفيش كلام بعديه

لاكن نظراتهم لبعض كل ثانيه والتانيه بتقول كلام كتير

وعد كانت حاسه ان فرحتها محدش يقدر يوصفها وزين كان حاسس ان حلمه اللي فضل يحلمه طول السنين اللي وعد كانت بتكبر فيهم ادام عينه خلاص اتحقق ومش عايز حاجه بعده

نزلوا الجميع مع بعض

راح ادهم وصالح مع توته واخواتها ووالدتهم يوصلوهم بيتهم عشان الوقت كان اتأخر ومشي الجميع لبيوتهم بعد ما سلموا علي بعض

اما زين فا مشيومع والدته ومنه ووعد واحمد العربي وهيما ورحاب لانهم كانو ساكنين في نفس البيت

راح كل واحد علي شقته

دخلوا كلهم

مديحه...والله كان بوم جميل واعده حلوه السطح بتاع حاج سعيد ده ديما مجمعنا فالخير الهوا في يرد الروح

منه...فعلا ياماما والله انا اكتر حاجه بحبها اليوم اللي نتلم فيه كلنا انا بجد بحس اننا مش مجرد جيران انا بحس اننا اهل وقرايب

مديحه...يابنتي النبي وصي عالجار ودول ونعم الجيره الشهاده لله مفيش فيهم حد وحش كلهم شبهنا ومننا بنخاف علي بعض فرحنا واحد وحززنا واحد ربنا يديمها علينا نعمه

زين...يارب

منه ووعد...يارب

مديحه...انا هدخل انام بقي عشان مش قادره حد فيكم جعان ياولاد

منه...لا جعان ايه انا مش قادره اخد نفسي ابله فاطمه اكلتنا كتير مش قادره خلاص انا عايزه بس ادخل اغير هدومي وانام عشان بكره كمان هنروح بدري مع توته نفرش

مديحه....اه ده بكره يوم طويل

زين...هتفرش بكره خلاص

مديحه...اه يا ابني خلاص مفيش وقت كلها اربع ايام ولسه يوم الحنه ده مش هتبقي فاضبه فيه خالص المفروض نكون مقفلين الشقه

زين...علي خير يارب

مديحه...عقبال ما افرح بيك يا زين

بص زين لوعد بطرف عينه وهو مبتسم يارب يا امي

مديحه....يلا تصبحوا علي خير ويلا نامو انتو كمان

دخلت مديحه اوضتها

منه...انا داخله انام بقي مش قادره

وعد...احممم استني انا هدخل اخد غيار واروح اخد دش واجي انام

منه...ماشي يلا تصبح علي خير يازين

زين....وانتي من اهل الخير يا منه.

اعد زين عالكرسي ولع سيجاره

دخلت وعد وهي ساكته فتحت الدولاب وطلعت غيار

منه كانت بتغير هدومها

منه...ايه ناويه تسهري يا اختي ولا هتنامي

وعد...لا هاخد شاور واجي انام

منه...ماشي الا قوليلي شيفاكي انتي وزين كنتوا بتتكلموا ايه مفيش جديد

وعد...هروح اخد شاور واجيلك متناميش

منه...ماشي انتي وحظك انا مش قادره اصلا

وعد...لا هاجي بسرعه متقلقيش انا كمان عايزه انام

منه...ماشي مستنياكي

خدت وعد غيارها وخرجت من الاوضه لقت زين اعد عالكرسي اللي ادام اوضتها وباصصلها وفي ايده السيجاره ومبتسم بعدت وعد عينها بسرعه باحراج ومشيت مكان الحمام سابها خالص

دخلت وعد خدت شاور بسرعه وكانت بتحاول تأخر نفسها عشان تخرج تلاقيه مش موجود بعد مده بسيطه

خرجت واتفاجئت بوجوده عالكرسي مبقتش عارفه تقوله تصبح علي خير وتهرب بسرعه من ادامه ولا تتكلم معاه حست تفكيرها وقف لدرجه انها وقفت مكانها مش عارفه تقول ايه فضلت ساكته وباصه عليه وشعرها بينزل نقط مايه

أبتسم زين ليها وحس انها متوتره وعارف انها عايزه تهرب باي طريقه من ادامه بهدوء شاورلها ومدلها ايده وهو بيهز راسه عشان تجيله

بلعقت وعد ريقها بصعوبه ومشيت بخطوات بطيئه ناحيته مسك أيدها واعدها جمبه فضل باصصلها شويه كأنه بيتأمل كل جزء فيها وهو ساكت ومبتسم ولسه ماسك ايدها

زين...بحبك يا وعد❣️

بصتله وعد وهي عينها بتلمع بالدموع ومشاعرها كلها متلغبطه

زين...طول عمري بحبك ومبقدرش اشوف غيرك لما سألتيني هو انت ليه مش بتحب ولا مرتبط كان نفسي اقولك اني بحبك انتي ومرتبط بيكي انتي لما سألتيني ليه مش بشوفك بتتكلم مع حد فالموبايل كان نفسي اقولك عشان اللي بحبها معايا بكلمها ديما ومش محتاج تليفون عشان اسمع صوتها لان صوتها معايا علي طول لما كنتي بتقوليلي ابيه زين كنت ببقي هاين عليا امشي ومرجعش تاني بس انتي اللي كنتي بتمنعيني من غير ما تحسي الكلمه دي كنت بكرهها اوي عشان كانت بتحسسني بفرق السن اللي بينا كنت نفسي تشوفيني حبيبك مش ابن خالتك اللي اكبر منك لما سألتيني وقولتيلي هو انت ممكن ترتبط بواحده اصغر منك ب13 سنه قولتلك طبعا كان نفسي اقولك انا اللي بتمني توافقي مش انتي لما قولتيلي بضحك عشان تهربي انا العروسه رديت قولتلك موافق بس كنت بقولها بجد ومن قلبي عرفه ياوعد زمان لما أتولدتي وشوفتك كان وقتها عندي 13 سنه

كنت طاير من الفرحه مكنتش اعرف يعني ايه حب وقتها بس مكنتش بسيبك من ايدي كنت علي طول شايلك كانوا بيفضلوا يضحكوا عليا ويقولوا زين جتله لعبه ومش قادر يسيبها بس هما مكانوش قادرين يفهموا وقتها انك كنتي هديت ربنا ليا يوم عيد ميلادي ياوعد ويمكن ده اللي خلاني وقتها اتعلقت بيكي كاطفل انك اتولدتي يوم عيد ميلادي❣️ كان جوايا احساس كبير ان ربنا اللي بعتك ليا اليوم ده لما كنا بنروح من عندكم كنت ببقي ماشي مضايق وبفضل طول الاسبوع باكل وبشرب بالعافيه كانت روحي بتتردلي لما بشوفك ونفسي بتتفح عالدنيا بحالها مش بس الاكل والشرب يمكن اللي هقوله يزعلك بس ده اللي كان جوايا وقتها بتفكير طفل لما امك وابوكي عملوا حادثه وماتوا يومها امك جابتك عندنا وقالت انهم رايحين مشوار والجو حر وخايفه عليكي وعشان وقتها كان عندك ست شهور وابتديتي تاكلي هي اطمنت وسابتك عندنا وبعدها بكام ساعه جالنا خبر موتهم علي اد ماكنت بحبهم اوي بس من جوايا كنت طاير من الفرحه انك هتفضلي معايا وفعلا فضلتي معايا وعشان ابوكي ملوش اخوات غير عمتك بس ومسافره مع جوزها احنا خدناكي عشان وقتها جدتك كانت عايشه وهي ست كبيره مش هتقدر تقوم بتربيتك امي قالت انا هاخد وقتها الدنيا دي مكانتش سيعاني ياوعد لما كنتي تعيطي بليل كنت اروح اخد من امي بحجه انها تنام وترتاح كنت بخادك معايا فالاوضه اعملك الببرونه والعبك لحد ماتروحي فالنوم ووقتها انتي كنتي متعلقه بيا اوي مكنتيش بتسكتي غير معايا عشان كده امي كانت بتطمن عليكي وانتي معايا طول الوقت كنتي بتنامي في حضني ياوعد وبعدها بمده بسيطه ابويا مات وابتديت انا اشيل المسؤوليه كنت بعمل كل حاجه اقدر اعملها عشان اجبلك اللي تحتاجيه بقيت اكبر وانتي تكبري دخلت ثانوي كنت ببقي محتاج اركز اوي لاني كنت علمي مكنتيش بتسبيني ياوعد كنت بذاكر وانتي نايمه علي كتفي لما كبرتي ياوعد وامي قالت لازم تنامي مع منه فالاوضه كنت حزين بس مكنتش اقدر اعترض ولا اقول لا لان مكنش اصلا صح بس كنت بشوفك معايا وحواليا في كل مكان فالاوضه لدرجه ان كنت سعات بفضل اطبطب علي صدري وانسي انك مش في حضني لما كبرتي وروحتي المدرسه كنت بوصلك انتي ومنه وافضل باصص عليكي لحد ما تختفي كنت بهد الدنيا لما حد يضايقك واروح اقلب المدرسه ارتباكي بيكي من وانتي صغيره كان حاجه ولما بقيتي تكبري ادام عيني بقي حاجه تانيه كنت بحس ان كل يوم بيعدي حبي ليكي بيتضاعف اوقات كتير كنت بحاول اقنع نفسي ان الاحساس اللي بحسه بيكي ده مش اكتر من انه اهتمام بطفله صغيره ابوها وامها ماتوا وملحقتش تتربي وسطهم وبنت خالتي بس كنت برجع اقول لا الاحساس اللي بيكبر جوايا ده اكبر بكتير خصوصا ان منه كانت اكبر منك بسنه وهي كمان يعتبر اتحرمت من ابويا بس احساسي بيكي كان غير ياوعد لما قررتي تدخلي علمي عشان تبقي مهندسه زيي كنت طاير من الفرحه وكنت ببقي طاير اكتر لما بأعد اذاكرلك او اشرحلك حاجه لما دخلتي الجامعه كنت مرعوب ياوعد تحبي حد وتتعلقي بأي حد من سنك كنت واثق من تربيتي ليكي بس كنت خايف

حد يشغلك لما اتأكدت من حبي ليكي كنت خايف اقولك واخسر العلاقه اللي بينا كنت خايف تقوليلي انك مبتحبنيش كنت خايف تفكريني بال13 سنه اللي بينا كنت خايف تخافي مني لما تلاقيني بصتلك بنظره تانيه غير انك اختي يمكن الخوف اللي منعني طول الفتره دي اني اقولك اد ايه بحبك انتي ياوعد بالنسبالي مش حبيبتي وبس انا لو لاقي كلمه اكبر بكتير من كلمت حبيبتي دي كنت قولتها والاهم من كل ده ياوعد اني بحسك بنتي الصغيره اللي بخاف عليها من الهوا اللي نفسي اخبيها في حضني طول عمري بس من غير ما اخنقها انتي بنتي وعد انتي اتولدتي علي اديا اتربيتي علي اديا كبرتي علي اديا اتشكلتي علي اديا

وعد...كانت بتسمعه ودموعها نازله ونظره الحب في عينها

زين...باختصار ياوعد لو في حد في الدنيا دي بيحب اوي ميتهيأليش ياوعدالحب اللي في قلبه ده هيعادل واحد فالميه من حبي ليكي

بحبك ياوعد❣️ ومحتاج ميت سنه عشان احكيلك عن كل تفصيله عشتها معاكي من وانتي صغيره لحد ما كبرتي ادام عيني

نزلت دموع وعد بغزاره وهي بتسمع كلام زين

مد ايده مسحلها دموعها وشدها في حضنه وضغط عليها بكل قوته

زين...انا حلمت باليوم ده كتير اوي يا وعد واهو اتحقق يا احلي حاجه في حياتي

بعدت وعد عن حضنه

وعد....انا مش لاقيه كلام اقوله انت عارف اني بتوتر وبتلغبط والكلام بيروح مني بس يمكن المرادي الكلام راح مش عشان متوتره اد ماهو عشان انا مش مصدقه الكلام اللي انت قولته الوقت وحاسه اني بحلم كلام ده كتير عليا اوي يازين انا اتمنيت اقل منه بكتير اتمنيت اني اعرفك اني بحبك وايآ كان ردك متزعلش دي كانت امنيتي الوحيده انا لو كنت عارفه ان كل ده جواك مكنتش اترددت ثانيه في اني اقولك اني بحبك يمكن فالاول كنت بتمني اسمعها منك انت الاول بس كنت خايفه لما صحابك واحد ورا التاني بيخطب واللي قرب يتجوز كنت خايفه تعمل زيهم كنت خايفه خالتوا تشجعك تاخد الخطوه دي فقررت اني اقولك يمكن الحق مكان في قلبك طول اليومين اللي فاتوا بحاول بس برجع في كلامي علي اخر لحظه يمكن لنفس الاسباب الانت كانت تصارحني عشانها ويمكن انهرده اعترافي ليك ولا كان ولا كان مكانه بس مقدرتش اسكت ويمكن مش انا اللي اتكلمت قلبي طلع اقوي مني وهو اللي خلي لساني ينطق

انا كمان يازين بحبك من زمان اوي وكل ماكنت بكبر كان حبك في قلبي بيكبر بس كنت خايفه انت ترفض

زين...انتي مينفعش تترفضي ياوعد انتي في مكان تاني لوحدك انتي تربيت زين ياوعد انتي تعبي وشقايا وفرحتي انتي كل حاجه حلوه يابنت عمري

وعد...بحبك اوي يازين

زين...وانا مبحبش حد ادك

قربها زين من حضنه كانت سامعه دقات قلبه وهي سانده علي صدره وهو كان قادر يسمع دقات قلبها ويشوف فرحتها...

زين...وعد

وعد...اممم

زين...احنا لازم نتجوز

قامت وعد بصتله بفرحه ايوه بس انا لسه بدرس يازين وانتي اصلا رافض الموضوع ده لمنه خالص لما توافق انت هي ممكن تزعل

زين...وعد احنا هنكتب الكتاب وبس عشان احنا وضعنا الوقت بقي مختلف وانا معنديش استعداد حد يبصلك بصه مش حلوه وعد تقريبا كل صحابي عارفين اد ايه بحبك ومن زمان اوي عارفين اد ايه اتمنيت اللحظه دي واستنتها كتير واظن حقهم عليا اني افرحهم لانهم عاشوا معابا اوقات كتير في زعل وحزن وخنقه شافوني اد ايه بتعذب من حلم مكنش عندي يقين انه يتحقق فالازم يعيشوا معايا كمان فرحتي ياوعد انا واثق وعارف تفكيرهم وعارف ان عمرهم ما هيبصوا بصه مش حلوه بس بردو انا مش ضامن كل الناس ومش ضامن تفكير اي حد احنا مش بنحب بعض واحنا بعيد احنا بنحب بعض واحنا تحت سقف واحد فا معنديش استعداد حد يبصلك بصه مش خلوه فهمتيني وعموما ياستي انا مش هتجوزك غير لما تخلصي عشان معنديش استعداد انك تتشغلي

وعد...بس انت طول عمرك يا زين بتقف معايا وبتذاكرلي وعمرك ماعطلتني

زين...ولو اتحوزتك يا وعد وانتي بتدرسي هخليكي تطلعي الاولي كمان بس خلينا نعدي اطول وقت ممكن لحد مانحس ان خلاص كفايه بعد بقي الفتره الجايه دي هنبتدي نجهز الاول نكتب الكتاب وبعد كده نشوف شقه ونبتدي نجهز فيها براحتنا لحد ما تكوني خلصتي شويه من دراستك

وعد...بحب زين هو انا مش بحلم صح

ضحك زين ضحكه كلها حب لا ياوعد واوعدك الفتره الجايه كلها هبقي بس بحقق احلامك

وعد...احمم طيب مش يلا بقي ننام النهار طلع

زين...🤨انتي عايزه تسبيني بعد ماحلم السنين دي كلها اتحقق

وعد...انا لو عليا مش عايزه اسيبك خالص بس يعني لو نمنا زي امبارح كده اظن شكلنا هيبقي وحش اوي كفايه عليا مره كان نفسي الارض تتشق وتبلعني لما خالتو صحتني

زين...ده علي اساس انك اول مره تنامي في حضني يا بت ده انتي محدش خدك في حضنه ادي🤨🤨 كنت بشيلك واكلك وانيمك واغيرلك واحميكي

وعد...بأحراج ،بسسسسس اسكت خلاص انا اسفه

زين...بضحك ايوه كده 🤨

وعد ..يلا قوم بقي

زين...حاضر ياقلبي

ابتسمت وعد باحراج

زين...بحبك ياوعد

وعد...وانا كمان

باسها زين من راسها وقام هو وهي دخل كل واحد فيهم علي اوضته وهو طاير من الفرحه❣️❣️❣️❣️❣️❣️❣️❣️❣️❣️❣️❣️❣️❣️

في صباح يوم جديد

صحي ابطالنا بنشاط وفرحه

لاكن النصيب الاكبر من الفرحه كان عند زين ووعد وادهم وتوته

خرج كل واحد من ابطالنا علي شغله واتجمعوا البنات وامهاتهم في شقه توته اللي كانت ضحكتها مبتفارقش وشها اخيرا هتفرش شقتها هي وادهم اللي حلمت بيها كتير واللي موجوده في نفس البيت اللي ساكن فيه زين واحمد العربي وولاده

البنات كانوا اعدين يزغرطوا ومشغلين اغاني

وصوتهم جايب الحته كلها

سهير....يلا يابنات فكوا الكراتين ورانا شغل كتير اوي

مديحه...بس خلوا بالكم لا تكسروا حاجه ابعدو انتوا خالص عن حاجت النيش والمطبخ

توته...طب يبقوا يكروا حاجه وربنا اكسر رقابتكم بت انتي وهي كل حاجه في الجهاز ده انا جيباها بشقايا نفسي تتكسر حاجه عشان اقطع شعركم ده

بوسي...ابعدوا بسرعه يا بنات توته بتتحول

ضحكوا عليها كلهم

شمس...في ايه يابت مالك عامله كده ليه ياختي ماللي يتكسر يتكسر يامعظوله فداهم انتي اول ولا اخر عروسه هيتكسر من فرشها حاجه

توته...طب يبقوا يكسروا حاجه يا سهير واه انا هبقي اول عروسه مايتكسرش منها حاجه

شمس...البت اتجننت

توته....ياختي انتي وهي افرشوا بس ولما اتجوز كل يوم حد فيكم يجي يكسرلي حاجه بس افرح بيها وهي مفروشه

مديحه...متخافيش يابت ياتوته انا اللي هرصلك بنفسي النيش انا ووعد وعد بتحب الحجات دي واشطر مني كمان

توته...هتعرفي يابت في ليلتك ولا ايه

وعد...بثقه طبعا انتي ناسيه اني مهندسه ديكور اد الدنيا🤨

توته...ديكور ايه يابت انتي هتصيعي عليا انتي مش هتبقي ميكانيكي زي زين🤔

منه...بضحك يخربيتك انتي كل ده مش عارفه وعد بتدرس ايه

توته...لا والمصحف ما اعرف غير انها مهندسه زي زين

شمس...يابت هي الهندسه دي قسم واحد دي فيها كذا قسم

توته...والله ما حد قاللي

وعد...انا كنت عايزه ادخل زيه والله بس هو مرضيش واقنعني بالديكور قاللي ان دراستها اخف مع اني كنت عايزه اشتغل زيه

توته...لا ياشيخه دي شغله رجاله خليكي كده فالديكور اهو حاجه حلوه واديكي نفعتيني يابت شقتي هتتفرش علي ايد مهندسه ديكور يا ناس وراحت مزغرطه

ناريما...الله يخربيت شيطانك يا توته😂

توته...عليا النعمه اللي ما هتزغرط لا هروقها اصل هيبقي عيب في حقي اوي استني ده كله ومحدش يزغرطلي

فاطمه...والنبي لا نملالك بابت الدنيا زغاريط وراحت مزغرطه هي والبنات وتوته واقفه تتنطط وترقص بفرحه

سهير...يلا يابنت الهبله اخلصي ورانا شغل كتير ده مش بعيد نخلص بكره

مديحه...لا بصي احنا ماشاء الله كتير لو كل واحد فينا مسك حاجه هنخلص

ناريمان...طيب بصي اناو مريم واي حد تاني يجي وندخل اوضه الاطفال نفرش الستاير ونرص الدولاب ونفرش السريرين وتتمسح والخشب يتلمع ونعطرها ونخرج ونقفلها

مديحه...طيب كده حلو اوي

فاطمه...وانا ومنار هنيجي معاكم

ناريمان...يلا بينا

رحاب...طيب وانا وابله نعمه وشهد ومنه نروح نظبط الانتريه فالصالون ونظبطهم ولما نخلص نيجي نساعد في حاجه تانيه

مديحه...تمام يلا مع بعض

منه.. استعني عالشقا بالله

توته...اتلمي يابت

منه...حاضر ربنا عالمفتري😒

سهير...انا هفتح معاكم الكراتين واللي يطلع المه وراكم عشان ميزحمش المكان

روحيه...وانا هعمل ايه جايبني منظر 😒😒

روحيه...انتي تيجي معايا ياروحيه هأعدك علي سريري اللي مكنتش ناويه حد يأعد عليه غيري انا وادهم بس انتي حبيبتي انتي والبت شمس وبوسي تطلعو الهدوم من الشنط وتطبقوها عشان ابله مديحه تيجي ترص علي طول

روحيه....طيب فين الاوضه دي

توته...تعالي معايا يلا

ابتدوا كل واحد فيهم يعمل حاجه رصت مدبحه النيش هي ووعد ولمعوا الازاز وخلصوا ظبطوا السفره وبوسي لمعت الارض فرشوا السجاده وراحوا مع بعض علي اوضه النوم رصوا الهدوم بتاعتها مع بعض وصممت هي اللي ترص هدوم ادهم وهي مبسوطه

ركبوا الستاير ولمعوا الخشب وخرجوا من الاوضه بعد ما فرشوها ودخلوا عالمطبخ فتحوا فالكراتين وابتدوا يرصوا كل حاجه وهي توته معاهم عشان تعرف مكان حاجتها

عدي وقت طويل وساعات اكتر لحد ما الليل دخل المغرب أذنت عليهم كانوا بيشطبوا في اخر حاجات خلاص فالوقت ده رن ادهم الجرس كان جاي وجايبلهم اكل...

راحت شمس فتحت

شمس...ده العريس ياتوته

توته..بصوت عالي مدخليهوش اوعي تدخل يا ادهم

وجريت عالباب زي الهبله زقت شمس وردت الباب شويه عايز ايه

ادهم...في ايه يابت دي مقابله تقابليهالي في بيتي🤨

توته.. لا بقولك ايه البيت ده بيتي انا والشقه دي علي جثتي تشوفها غير يوم الفرح

ملهم كانوا واقفين يضحكوا جوه عليهم ويزغرطوا

ادهم...يابت انتي عبيطه مانا ممكن اطلع بليل بالمفتاح اللي معايا

توته...طلع المفتاح يا ادهم🤨

ادهم.. اعقلي ياتوته

توته...بقولك ابه طلع المفتاح بالذوق

ادهم...وهو بيضحك يابنت المجانين

توته...اخلص😡🗡️

ادهم...اتفضلي ربنا يكون في عوني هتجوز مجنونه

توته...وهي بتضحك زي العبيطه حلوه هتجوز دي

ادهم...طب يلا ياعبيطه امسكي الاكل ده اكيد جعتوا

سهير...ليه بس كده يا ادهم انا مرضتش اطبخ قولت هنطلب اكل بعد ما نخلص

ادهم...واحد يا سهير

مديحه...طيب خليه عندي عشان توته متقتلناش يا ادهم بعد ما شقتها اتفرشت

ادهم....ليه هتيجي لاغلب منكم ياكل فيها ياديحه

توته...اخس عليكي يا ابله مديحه طب ده انا فرحتي وانتوا بتاملوا فالشقه هنا متتوصفش

مديحه...ربنا يفرحك بيها يا لنتي وتبقي قدم الخير عليكي انتي وادهم

ادهم...يارب ياديحه يلا هسيبكم تكملوا بقي

وبص لتوته. طب ابص بصه طيب

توته...ولا بصه

ادهم...يابت انا بحبك متعمليش معايا كده

توته...علي تحت يا اخويا يلا😡

ادهم...اه يابنت الجزمه ماشي يا توته وحيات امك يتقفل علينا باب واحد بس وانا هخليكي تقولي ان الله حقك😡

توته...بحب المهم يتقفل علينا باب واحد يا ادهم

أبتسم ادهم بحب وقرب منها باس راسها هيتقفل ياتوته ان شاء الله وهفرحك يابت وهعوضك عن كل السنين اللي فاتت

توته...ربنا يخليك ليا يارب

ادهم...في اي حاجه نقصاكي

توته...لا كل حاجه عندي وكملت بدموع شقتنا حلوه اوي يا ادهم انا حاسه اني هموت من الفرحه

ادهم شدها في حضنه بعد الشر يابت متقوليش كده وان شاء الله هخليها ديما في عينك احلي شقه يلا روحي بدل ما نتقفش عالسلم كده ويبقي شكلنا وحش

ضحكت توته..ماشي يلا روح شوف اللي وراك

ادهم...بحبك يا توته وهقطعك يابت 😉😉

توته...احترم نفسك🙈

ادهم...يلا سلام روحي كلي يلا

توته...حاضر..

خلص اليوم اخيرا بعد تعب يوم طويل ومجهود واخيرا خلصت شقه توته

سهير..تسلم ايدكم يارب تعبناكم بس اليوم مكنش هينفع من غيركم

فاطمه...ربنا يارب يتمملها علي الف خير ويفرح قلبها ويجعل الشقه وش الخير عليها هي وادهم

سهير...يارب ياست فاطمه

مديحه...ابه ياتوته في حاجه نش عجباكي نظبطها قبل مانمشي

توته...ربنا يخليكوا ليا الشقه بقت حلوه اوي مش كده يابنات

بوسي...والله جميله ماشاء الله

مريم...طبعا حلوه اوي ياتوته ربنا يباركلك فيها يارب

وعد...واهو ياستي اي خدمه مكسرناش اي حاجه

توته...ايوه صح😂😂🙈🙈 بس اسمعي بما انك رصيتي المطبخ اي حاجه هعطل فيها مش هفضل ادور هكلمك تقوليلي هي فين علي طول

وعد بضحك...مانا رصيت وانتي جنبي

توته...ياختي وانا مخي دفتر هحفظ كل ده

ناريمان...هتاخدي وقت شويه لحد ما تتعودي علي مكان كل حاجه

نعمه...يابت هما يومين اتنين وتحفظي

شهد...وشويه يا اختي هتلاقي نفسك مسكتي حاجه حاجه رصتيها بأيدك تاني ويروح تعبنا فالارض

توته...تصدقي يابت اني كنت بفكر في كده🤔

مديحه...يا ستي ابقي ضيعي وقتك وانتي هيبقي وراكي ايه اهو ليتك وانتي حره فيه

توته...انا فرحانه اوي

مديحه...ربنا يفرح قلبك ياتوته يابنت سهير كمان وكمان

توته...ربنا يخليكي ليا با اخلي ديحه

روحيه...وانا يابت اللي شقيت معاكي مفيش ربنا يخليكي ليا🤔

توته....بضحك يالهوي ده انتي اللي خليتي اليوم وربنا يا روحيه

روحيه...ربنا يسعدك يا بنتي ويعمر بيتكم

توته...هترقصيلي يا روحيه

روحيه...انا هرقصلك واهزلك للصبح المهم في جاتوه😒

كلهم صحكوا علب روحيه

سهير...في حاتوا وعشا وساقع وسخن وكل حاجه ياروحيه

نعمه...مبروك يا عروسه زغرطولها يابنات انا صوتي راح

فضلوا البنات يزغرطولها وهي واقفه طايره من الفرحه

خلص اليوم علي كده وقفلوا الشقه وراحت كل واحده فيهم علي شقتها

وعدي يوم تاني من غير اي جديد غير ان زين ووعد نفسيتهم بقت احسن كتير بعد اعترافهم توته طايره من الفرحه وادهم فرحان اكتر منها والكل بيستعد لاكبر فرح في الحته كلها وجه يوم الحته فضلوا الشباب بتوع الحته كلهم بيحضروا للفرح والناس بتوع الفراشه بقالهم يوم بيفرشوا وهيما مش اعد وتقريبا مش بينام عشان فرح اخوه ورايح جاي يعزم كل الناس اللي يعرفها واقف بنفسه يجهز لفرح اخوه هو وزين كانوا مش بيأعدوا لحظه والكل مشغول وتوته بتجهز ليوم فرحها وبتجهز للحنه اللي كانت هتتعمل فالبيت عندهم للبنات وبس🙈🙈🙈🙈🙈🙈🙈

21و22

البارت الواحد وعشرين

في صباح يوم جديد تحديدا يوم حنه توته😍

الكل كان قايم بنشاط علي غير العاده اخيرا الفرح المنتظر فرح توته وادهم اللي فضلوا يحلموا كتير باللحظه دي الشارع كله حرفيا كان مشغول وكأن كل بيت فالحاره الفرح ده يخصه الشباب كلهم كل واحد فيهم كان بيعمل حاجه من كبير لصغير البنات كلهم مش سايبيين توته وبيحضروا لفرحها وحنتها ستات الحاره واقفين مع سهير رجاله الحاره مش سايبن احمد العربي وولاده الشباب كلها كانوا متجمعين فالشارع هما والاطفال الصغيره كل واحد فيهم ماسك كيس و بيلم الورق اللي فالشارع وبيكنسوا التراب وبيرشوا الشارع بالميه وابتدت الفراشه تخلص والشارع يبان

واتحول الشارع فجأه لأكبر قاعه افراح النور في كل مكان كل ركن في سماعه الترابيزات بتتجهز عشان تتفرش بالمفارش البيضه وادهم وصحابه لسه بيكملوا عزومه للناس والمعارف...

في منزل زين كان زين واخد اجازه وقفل الورشه بتاعته خرج من اوضته كانت وعد بره بتحضر السفره عشان يتغدوا

زين...بابتسامه بتعملي ايه

وعد...بصتله بحب لاكن لسه نبره التوتر والاحراج ظاهره علي صوتها

وعد...اااه مش بعمل اناااا انا بجهز السفره

زين...بحب طب ومالك متوتره كده ليه

وعد...زين اسكت بقي عشان خاطري

زين...بضحك حاضر ياستي فين مديحه

وعد...خالتو دخلت تصلي العصر فالاوضه جوه

زين...ومنه فين

وعد...منه جوه فالاوضه بتجهز الفستان اللي هتحضر بيه الحنه

زين...صحيح بخصوص الحنه انتي هتلبسي ايه🤨

وعد...فستان

زين...ايوه شكله ايه

وعد...لا مينفعش تعرف علي فكره

زين...نعم يا حلوه🤨

وعد..ضحكت اقصد يعني دي حنه للبنات بس وانت عارف كده يعني اكيد مش هنلبس بكم

زين...اه ومعناه ان عادي تلبسي اللي انتي عيزاه واي حد يشوفك

وعد...حتي لو حد شافني عادي يعني كلنا بنات

زين...بس انا مش عايز حد يشوفك ياوعد وعشان لو حد صور

وعد...اولا مينفعش تغير من بنات ثانيا مفيش تصوير طبعا انتي ناسي ان كلنا اكيد هنلبس لبس مينفعش نتصور بيه

زين...ماشي ياوعد عموما بلاش تلبسي حاجه اوڤر يعني

وعد...انت عارف اني مش بحب الحاجه الاوڤر

زين...طبعا عارف

وعد...خلاص يبقي تثق فيا

زين...انا بثق فيكي وانا مغمض ياوعد انا بس خايف عليكي وبعدين صحيح انتوا هتخرجوا ازاي باللبس ده

وعد...عادي هلبس فستان طويل فوق اللبس او عبايه اي حاجه

زين...ماشي انا هشوف مديحه عشان عايز اخرج اشوف ايه الاخبار بره

وعد...طيب نتغدي الاول

زين...انتي بس حضري انتي ومنه وهناكل علي طول

وعد...تمام

سابها زين ودخل الاوضه لمديحه...لقاها بتصلي اعد علي طرف السرير يستناها

اما عند وعد فا بعد ما زين دخل الاوضه حطت ايدها علي قلبها وهي مبتسمه بحب ومغمضه عينها خرجت منه فالوقت ده وفضلت بصالها وساكته🤔🤔🤔

فتحت وعد عينها اخيرا واتخضت لما شافت منه الله يخربيتك سرعتيني

منه...وده اسمه ايه يا اختي ان شاء الله

وعد...هو ايه🙄🙄

منه...انتي هتستعبطي يابت واقفه حاطه ايدك علي قلبك وسرحانه في دنيا تانيه وبتضحكي في ايه وعلي فكره انا زعلانه منك

وعد...ليه بس انا عملت ايه

منه... لما رجعنا من يوم ما اتجمعنا كلنا مع بعض قولتيلي هتحكيلي و محكتيش روحنا اول امبارح فرشنا لتوته وبردو محكتيش

امبارح عدي محكتيش

وعد...والله اما رجعنا من العشا قولتلك هاخد شاور وهاجي احكيلك زين ندهلي وفضلنا نتكلم كتير ولما دخلت كنتي في سابع نومه تاني يوم خالتو صحتني وخرجنا فطرنا وروحنا علي بيت توته نفرشلها رجعنا بليل مش قادرين ونمنا تاني يوم روحنا نجيب الحاجه اللي نقصانا للفرح والحنه مكنش في وقت لاي حاجه حقك عليا بقي

منه...طب طمنيني انا شيفاكي مبسوطه وبتضحكي خير اوعي تقولي انه حصل

هزت وعد راسها بفرحه بسرعه

منه...😳😳طب احلفي

وعد...والله العظيم

حضنتها منه وهي مبسوطه

منه...لا بقولك ايه انتي تحكيلي كل حاجه الوقت ومش هسيبك مليش فيه عشان اطمن هيما وادهم وتوته

وعد...بصدمه نعم وانتي كنتي مسيحالي يا بت

منه...🙄🙄🙄هاا لا

وعد...بت انتي قولي في ايه

منه ..طب احكيلي انتي الاول😁

وعد... ماشي بس والله لو ما حكيتي لا هخاصمك بجد

منه...هقولك والله

وعد...ماشي هحكيلك من البدايه بصي ياستي.

.......

في اوضه مديحه

زين...حرمآ يا امي

مديحه...جمعا ياحبيبي ان شاء الله في حاجه ولا ايه مش بعاده يعني تدخل وتفضل اعد مستنين كده

زين....ايوه ياست الكل عايز اتكلم معاكي في موضوع مهم تعالي جمبي مدلها ايده

مسكت مديحه ايده وراحت اعدت جمبه

مديحه....خير ياابني

زين..عايز أفرحك يا مديحه

مديحه...انت طول عمرك يازين مفرحني ومفرح قلبي

زين...بس عايز افرحك فرحه اتمنتيها كتير

مديحه...🥺🥺🥺🥺اوعي تقول انك

زين....ايوه يا امي عايز اتجوز

مديحه..خدته في حضنها جامد وهي دموعها نازله مكنتش اعرف يارب انك كريم اوي كده مكنتش اعرف انك هتقبل دعوتي في اقل من ثانيه

زين...قام من حضنها كنتي بتدعيلي يا مديحه

مديحه...عمري ما بطلت ادعيلك يا حبيبي بس انهرده بالذات لما شوفت الشارع وهو مفروش علي اد فرحتي بأدهم علي اد ما اتمنيت ان اشوف الشارع مفروشلك كده يا ابني نفسي اشوفك فالكوشه جمب عروستك

زين...بحب عشان كده انا جتلك يا مديحه

مديحه...وانا موافقه طبعا ياحبيب قلبي ده يوم المني عندي

زين...مش لما تعرفي العروسه الاول

أبتسمت مديحه بحب...مين اعرفها يا زين

زين...تعرفيها اوي يا مديحه

مديحه...ضحكت وبصتله يمكن قلبي حاسس بس مش عارفه اذا كنت صح ولا لا فا هسيبك تقولي انت

زين...بس انا عايز اعرف امي حست صح ولا لا

مديحه...قلب الام عمره ما كدب يازين.

زين....طب قوليلي

مديحه....وعد يازين

اتصدم زين وبصلها وسكت😳

مديحه...ايه مالك سكت ليه

احساسي طلع صح ولا غلط

زين...مستغرب احساسك يامديحه

مديحه...طب وطلع ايه وايه اللي مخليك مستغرب

زين...صح يامديحه ومستغرب عشان طول الوقت عمري مابينت ده ولا حتي لوعد نفسها

مديحه...يمكن كنت حاسه بس انا معرفتش منك يا زين

زين...وعد قالتلك😳

مديحه...لا يازين انا كنت حاسه بيها من فتره كبيره واتأكدت انها بتحبك اوي

زين...وقولتلها حاجه

مديحه...لا اصل بصراحه كنت نفسي تحس بيها وبحبها عشان انت مش هتلاقي زيها

زين...انا بحب وعد من زمان اوي يا امي وكنت خايف ترفض عشان فرق السن اللي بينا بس انا اتأكدت انها هي كمان بتحبني عشان كده انا عايز اخد خطوه

مديحه...بفرحه...انا معنديش مانع خالص بس هي بتدرس

زين...عارف يا امي بس انا عايز عالاقل نكتب الكتاب

مديحه...طيب ليه

زين...عشان الوضع الوقت بقي مختلف يا امي الاول هي كانت ادام الناس اختي بنت خالتي مش اكتر من كده وانا تقريبا كل صحابي عارفين اني بحبها ومعنديش استعداد لما اقول ان وعد كمان بتحبني وعد تتشاف بطريقه مش حلوه

مديحه...عندك حق يازين طيب ناوي علي ايه

زين...ماهو ده اللي انا جايلك عشانه

مديحه...ايه هو

زين...عايز اعملها مفجأه لوعد واكتب عليها يوم فرح توته وادهم

مديحه...بصدمه مختلطه فرحه و زهول انت بتتكلم جد يازين كده بسرعه

زين...مفيش سرعه ولا حاجه يا امي وبعدين يوم فرح ادهم وتوته هيبقي يوم عيد ميلادي انا ووعد وبصراحه بقي عايز تاريخ جوازنا يبقي مميز فرحه بعيد ميلادها وعيد ميلادي وفرح ادهم وتوته وكمان كتب كتابنا

ابتسمت مديحه وهي مش مصدقه نفسها ايوه بس يازين بيتهيألي ان المفروض نسألها منعملهاش مفجأه ده جواز يا ابني انا اه حاسه انها بتحبك بس اخاف يا ابني نحطها ادام الامر الواقع

زين...من الناحيه دي اطمني يا امي انا وعد اتكلمنا مع بعض امبارح وانا اكيد مش هاخد خطوه زي دي إلا لو كنت واثق انها هتفرحها ولا ايه

مديحه...انا مش قادره اصدق من كتير الفرحه حاسه ان هيجرالي حاجه

زين...ابتسم وباس ايدها بعد الشر عنك يا امي متقوليش كده أحنا ملناش بركه إلا انتي

مديحه...ربنا يخليك ليا يا فرحه عمري كله طيب قولي المفروض الوقت اعمل ايه اعرفها اني عرفت ولا لا

زين...حوار كتب الكتاب لا طبعا بس حابه تعرفيها اني قولتلك عالموضوع اصلا قوليلها مش حابه وحابه تخليها مفجأه خلاص

مديحه...لا مفجأه ايه انا عايزه اروح اخدها في حضني انت عارف يعني ايه يا زين ان ابني وفرحت عمري وسندي فالدنيا يتجوز وعارف يعني ايه ان وعد بنتي اللي ربتها وحبتها من قلبي تتجوزك انا مش عارفه انت حاسس بقلبي الوقت ولا لا بس انا فرحانه اوي يازين

زين...بحب ربنا يفرحك ديما يا امي واقدر ديما اسعدك خلاص ياستي عرفيها وهنعرف منه كمان وانا هعرف الشباب وهفهمهم علي حوار كتب الكتاب ده وطبعا من غي رما اي حد يجيب لاي بنت سيره عشان انتي عارفه البنات فضيحه ومبيخبوش عن بعض حاجه

مديحه...اطمن ان شاء الله

هيفضل سر لحد بكره

زين...ان شاء الله

يلا نخرجلهم

اما فالخارج كانت وعد كل حاجه لمنه اللي طارت من الفرحه وفضلت تحضن فيها وعرفتها منه اللي حصل بينا هي وهيما وادهم وتوته

منه...خلاص بقي حقك عليا

وعد...بردو مش هكلمك بقي تسبيني كده ومتقوليليش عشان اطمن

منه...كب بزمتك لو كنت قولتلك كنتي هتقوليله

وعد...بصراحه لا كنت اه هطمن بس كنت هفضل مستنيه هو اللي يقولي

منه...شوفتي بقي

وعد...ايوه بس كان ممكن ادهم وهيما يقولوله وهو اللي يجي يصارحني

منه...وكانت ممكن هو كمان اطمن وقضل سايبك توته كانت عندها حق اعترافكم لبعض هيفضل احلي واجمل ذكري

وعد...انا فرحانه اوي

منه...وانا هقتلك لو اتجوزتي قبلي😡

ضحكت وعد ومنه وخرج زين مع مديحه وهو حاطط ايده علي كتف مديحه والاتنين مبتسمين

بصولهم وعد ومنه وحست وعد ان مديحه عرفت كان نفسها الارض تتشق وتبلعها

قربت منها مديحه وخدتها في حضنها من غير اي كلمه

وعد كانت باصه علي زين بتحاول تفهم منه

زين...غمزلها 😉

مديحه...انا فرحتي مش سيعاني ياوعد هتبقي بنتي وبنت اختي وصحبتي وكمان مرات ابني

برقت وعد لزين😳

ضحك زين عليها وفضلت منه تتنطط وراحت علي زين اتشعلقت في رقبته وهي فرحانه اما وعد كانت محرجه جدا والكلام راح منها قرب زين منهم هو ومنه

مديحه...لا بقولك ايه اوعي تعملي فيها اني حماتك وتتكسفي مني والكلام ده احنا زي ما احنا بس زاد علينا الفرحه يا وعد

وعد...انا بحبك اوي ياخالتو🥺

مديحه...وانا لحبك اكتر

زين...لمنه اهو الاتنين دول يا منه يفرحوا يعيطوا يزعلوا يعطيوا

منه..تحسهم نكديين شويه

زين...لا كتير

مديحه...احنا حساسين ياعديمه الاحساس🤨

وعد...ماشي يارخمه

مديحه...يارب ياولاد يفرح قلبكم ويفرحني بيكم واعيش لليوم اللي اشوفكم انتوا التلاته في بيوتكم

وقف وسطهم زين حضن امه وحضن وعد ومنه

زين...يارب يا امي ويخليكي لينا ونفضل ديما مع بعض بقول ايه بلاش نكد بقي يلا ناكل بسرعه الوقت بيجري وانا عايز اخرج اشوف الدنيا بره وانتوا كنان تجهزوا للحنه

مديحه...طيب يلا بينا

راحو كلهم اعدوا يتغدوا وبعد مده..

خرج زين الشارع كان الشباب واقفين بيتكلموا مع كيمو وشكلهم فرحانين

زين...ايه ياعريس

ادهم...زينووو

يوسف...هو ايه اللي ايه عريس واحنا مش ماليين عينك ولا ايه

زين...انت فين من بدري ياض مشوفتكش لما كنا واقفين الصبح

يوسف...انا لسه صاحي من نص ساعه

عامر...ده نايم من امبارح

زين...الله يخربيتك بتقدر علي سهر ويوم ما تنام مابتقومش

يوسف...والله كنت تعبان اوي

زين....ايه الاخبار ياكيمو عملت ايه عند الدكتور

كريم...الحمد لله الدكتور فكلي انهرده الحامل وشاف الجرح وطمني الحمد لله زين...طيب الحمد لله وانت ياعامر ايه اخبار الجرح

عامر...لا انا احسن كتير وانهرده بردو فكيت البلاستر ده وطهرلي الجرح وقاللي انه الحمد لله لم خالص

زين....وشك حلو عليهم يا ادهم

ادهم...طول عمري ياصاحبي وشي حلو🤨

فالوقت ده قرب منهم احمد العربي وحاج سعيد وحاج فاروق اول ما الشباب شافوهم رموا السجاير من ايدهم

سعيد...السلام عليكم

الشباب عليكم السلام

احمد...عاملين ايه ياولاد

الشباب...الحمد لله

هيما..انتو كنتو فين كل ده

احمد...كنا بنعزم باقي الناس عشان محدش يزعل

عادل...هو لسه في حد تاني متعزمش دي مصر كلها اتعزمت خلاص

ادهم...ربنا يزيد ويبارك ياعم

عادل...اتنيل وانا هحسد معازيمك انت اللي هتلبس

ادهم...اهي لابسه مره فالعمر ياعم عادل

عادل...بضحك علي رأيك اهو فالاخر كلنا هنلبس😂

انضم عليهم فالوقت ده عيسي وحسني

حسني...سلام عليكم متجمعين عند النبي

الجميع....عليكم السلام ورحمه الله وبركاته

عيسي...مبروك يا ابو العريس

احمد....الله يبارك فيك يا عيسي عقبال ماتفرح بمريم ويوسف

عيسي...يارب في حياتكم جميعا

حسني...ماشاء الله الشارع بقي شكله يفرح

ادهم...ايه رأيكم في حاجه ناقصه

فاروق...لا ده كده حلو اوي فاضل نشوف العريس والعروسه

ادهم...هانت ياحاج فاروق

احمد...ايه يا ادهم لسه في حاجه ناقصه

ادهم...لا خلاص بتوع الفراشه خلصو بس بكره بقي قبل الفرح هيجوا يرصوا الترابيزات ويظبطوا المفارش انت عارف لو ده اتعمل الوقت عيال الحته مش هيسيبو مفرش علي تربيزه وبكره بامر الله هيفرشوا الجزء الخاص بالبوفيه والطباخين هيجوا من بدري يجهزوا

احمد...علي خيره الله

زين...بقول ايه بما اننا كلنا متجمعين كده فا كنت عايز اقولكم حاجه وأستأنك يا عم احمد انت وادهم لو هتوافقو

ادهم...في ايه

احمد...في ايه يازين

صالح...طب ماتيجوا نروح عالقهوه بدل وقفتنا دي

زين...اه ياريت

احمد...طيب يلا بينا

راحو كلهم عالقهوه صالح ولاحه زودوا الكراسي واعدوا كلهم

سعيد...خير يا ابني في ايه

زين....ابتسم انا عارف ان اللي هقوله ده اغلبكم مستنينه من زمان

هيما...اوعي تقول حصل

ادهم...احلف يازين

ضحك زين

يوسف...لا مش وقت ضحك وربنا شكله حصل

ايهاب...ماتقول ياعم

زين...بضحك طب براحه عليا بس وبعدين ايوه حصل

الشباب..كلهم هييييييييييه وقامو علي زين حضنوه وباسو

احمد...متفهمونا طيب

حسني...في ايه اولاد

زين...الله يخربيتكم استكتوا طيب بلاش سياح

هيما...سياح ايه ياعم وربنا انا عاين عليا امسك ميكرفون واغني فالشارع

زبن...يطب اعدوا بس الناس بتتفرج علينا وبعدين عشان افهمهم

اعدوا تاني كلهم

حاج فاروق ماتفهمونا ياولاد في ايه

زين....انا ناويت اتجوز

سعيد...يالف مبروك

احمد...مبروك يا زين يا ابني

حسني...ايوه كده هي دي الاخبار ولا بلاش مبروك ياحبيبي

عيسي...انا لسه بقول ربنا يكتر افراحنا

احمد...مين العروسه نعرفها

زين...وعد ياعم احمد

احمد...بنت خالتك

هيما...هو في مليون وعد ما تركز ياحاج احمد

احمد...بس يا ابن الكلب مش بفهم

زين...انا هفهمك انا بحب وعد من زمان اوي ومكنتش قادر اصارحها ولا اقول ادام اي حد مفيش غير الشباب بس اللي كانو عارفين وطبعا اللي كان مانعني فرق السن كنت خايف

سعيد...السن عمره يا ابني ما كان فارق ابدا انا بيني وبين حاجه فاطمه 16 سنه

زين...عارف يا حاج سعيد بس كنت قلقان ولحد فتره بسيطه منه ووعد كانو بيقولولي ابيه زين فا كنت مش قادر واضطريت اني اسكت لحد ما اتأكدت ان هي كمان بتحبني وطبعا عرفت امي كل حاجه وحبيت اعرفكم

سعيد....وعد بنت جميله ومؤدبه والاهم من ده كله انكم ربتوها صح ودي بنتنا علي خيره الله

زين....عشان كده كمان انا حبيت استأذن

احمد...الف مبروك يازين والله الفرحه عندي بقت فرحتين

هيما...استأذن ادهم واستأذنك يا عم احمد لو مش هيضايقكم اكتب عليها بكره مع ادهم وتوته

ادهم...طب احلف بالله كده

زين...بابتسامه جميله اه والله العظيم

احمد...ايه الانت بتقوله ده يازين بتستأذن في ايه بس

انك تزود فرحتنا

ادهم...انت عبيط يا جدع انا اطول انا وانت نتجوز نفس اليوم

زين...لا هو هيبقي مجرد كتب كتاب بس انا طبعا معايا فلوس الشفه والفتره الجايه هشتريها ان شاء الله وابتدي اجهز فيها

وطبعا انا مش عايز اب حد يجيب سيره للبنات خالص عشان انا عايز اعملها مفجأه لوعد

هيما...استني بس ياعم الجواز حلي الوقت وعلي حظ اهلي انا رافض ده علي جثتي

ضحكوا عليه كلهم

هيما...بتضحكوا علي ايه ده مانعني اخد خطوه بحجه الدراسه ولبست دبل بالعافيه عشان بس لو جبنا حاجه فالعفش اقدر اخدها والوقت هو يقول جواز

زين...افهم بس يا هيما هفهمك

هيما....تفهمني ايه ده انت نهارك مش فايت🤨

زين...بضحك والله كنت عامل حساب طولت لسانك دي. احضرنا ياحاج سعيد

سعيد...قول يا ابني

زين...وعد الاول ادام الكل كانت بنت خالتي زمتربيه وسطنا ومكنش اي حد يقدر يبصلها بصه وحشه ولا حتي يجي في باله اي حاجه وحشه لاكن الوقت الوضع اتغير اتحولنا من انها بنت خالتي وانا ابن خالتها لاتنين عايشين تحت سقف واحد وبيحبوا بعض وانت فاهم ان في ناس الكلام عالناس عندهم غيه وانا عايز احميها من اي كلمه وحشه او اي حد يسئ الظن بينا وانا قررت اننا بس نكتب الكتاب فالاول والاخر انا هبقي جوزها وطبعا هي بس تخلص الدراسه اكون جهزت الشقه وظبطنا نفسنا براحتنا

سعيد...جدع يازين طول عمري نظرتي فيك عمرها ماخيبت انت صح يا ابني الناس مبترحمش وسمعه البنت اهم حاجه

صالح...هو حد يقدر يتكلم علي وعد ولا زين احنا كنا قطعناه

حاج فاروق...يا ابني فارده الدراع والصدر دي مش حلوه وهو بيتكلم صح هو بيحميها بطريقه حلال

حسني...عندكم حق وقرارك صح يازين ادام كمان مش هتيجي علي مستقبلها ياابني

زين...انا عمري ما هاجي علي مستقبلها ياعم حسني مستقبل وعد يهمني اوي وعمري ما هفكر اني اخليها تشيل مسؤوليه غير لما اطمن علي دراستها يعني اطمن ياهيما مش هتجوز قبلك

هيما...طب ما تخليني اكتب انا كمان

زين...ليه انت معندكش مبرر للسرعه اصلا انت ومنه مش عايشين مع بعض ثم ان منه فالدراسه ضرباها صرمه يعني لو اتجوزتوا هتتلهي واللي عملته عشانها طول السنين دي هيطير انا عارف اختي لما اقولها مفيش جواز غير لما تخلصي هتاكل الكتب بأيدها وسنانها عشان تخلص وتتجوزا انما وعد بتحب اللي هي بتعمله بتحب دراستها فاعارف انها مش هتقصر فهمت مش عايزك تكون زعلان ياصاحبي فرحتي بيك انت واختي انا مستنيها بفارغ الصبر واكيد كش حابب لنفسي حاجه وهحرمها عليكم انتو بس انا شرحتلكم ظروفي

هيما...بأبتسامه حب وانا مش زعلان يازين والله العظيم انا هاين عليا والمصحف اقوم ارقصلك انت وادهم وسط الشارع بس انت مش عايز تعرفها

زين...عارف يا هيما والله العظيم بس ابوس ايدك اوعي تقول لمنه الاتنين مبيخبوش عن بعض حاجه

ولا رحاب ولا شهد ولامنار الله يباركلكم

سعيد...اطمن الكلام مش هيخرح مننا كلنا ولا ايه ياجماعه

الكل...تمام ياحاج سعيد

زين...وهستأذنك يا حاج سعيد بما انك كبيرنا وهتبقي وكيل توته عايزك تبقي وكيل وعد

سعيد...من العين دي قبل العين دي انا جاهز ان شاء الله

عامر....وبالمناسبه دي بقي هغني لاحلي عرسان بكره انا والبوب وهنواع الفرح

يوسف...ما احنا فيها يا خويا من الوقت يلا غني.

عامر....قرب منه التربيزه وفضل يطبل عليها.

عم ياصاحب الجمال ارحمنى دنا ليلى طال شوفلى جمال على اد الحال يعوض صبرى اللى طال عم ياصاحب الجمال الجمال اسح ادح امبو ادى الواد لابوهم ياعينى الواد بيعيط الواد عطشان اسقوه ماتشيلو الواد من الارض الواد لسه فى اللفه وعاملو ظيطه وزفه

الشباب كلهم وقفوا وبقوا يلفوا حوالين زين وادهم وهما ميتين من الضحك والشباب كل واحد فيهم كاسك حاجه بيطبل عليها واللي بيسقف وبيرددوا ورا عامر

السح ادح امبو ادي الواد لا ابوه

فضلوا يضحكوا ويضحك عليهم احمد العربي وحاج سعيد وكل الموجودين

..........

عدي الوقت بسرعه والبنات جهزوا اخيرا عشان يروحوا حنه توته لبسوا فساتين قصيره ومن فوقيها عبايات عشان ميبقوش ظاهرين واتجمعوا كلهم وراحوا علي بيت توته وعد كانت بتحاول تخرج بسرعه قبل ما زين يرجع عشان ميشوفهاش هي ومنه وفعلا مرجعش كان مختفي هو والشباب وبيجهزوا نفسهم للفرح

..........

عند توته كانت الزغاريط مسمعه الشارع كله وصوت الاغاني مسمع الدنيا كانت توته كل شويه تغير مره لبست ساري هندي ومره لبست قفطان مغربي ومره فستان قصير كانت كل شويه تلبس وتغير فالهدوم ورسم الحنه كان بارز علي جسمها بشكل جميل هي والبنات وبان علي ملامح توته فرحه العروسه اخيرا اتجمع الامهات كلهم حوالين سهير اللي كانت بترقص هي وتوته بفرحه وانضملهم اخواتهم بوسي وشمس وفصلت روحيه ترقص هي والبنات مع بعض وكل شويه توته تشد حد من البنات اشتغلت اغاني للحنه الكل كان فرحان ومبسوط وفضلوا وقت طويل يرقصوا ويضحكوا ويرقصوا توته الزغاريط مكانتش بتوقف

توته كانت طايره من السعاده

مش مصدقه ان فاضل يوم وتبقي في حضن ادهم وفي بيته فاضل بوم بيفصلها عن حياه اتمنتها اكتر من 14 سنه

أستنوني بكره في اطول واحلي بارت وحضروا نفسكم عشان هخليكم تعيشوا يوم ولا فالاحلام وتحضروا فرح شعبي علي حق😉😉😉

البارت الثاني والعشرين..

في صباح يوم جديد اشرقت شمس السيده زينب علي شوارعها وحواريها

اليوم ده بالنسبه للكل مكانش يوم عادي الي يوم ده كان يخص كل بيت وكل حاره كل ست وراجل وطفل اليوم ده كان بالنسبالهم فرحه كبيره مش بس عشان هو فرح ادهم وتوته اد ماهو ده كان العادي بينهم الفرح يخص الكل صحيوا ابطالنا بنشاط غير العادي كان الوقت لسه طويل علي معاد الفرح لاكن الكل كان حاسس ان الوقت بيجري ومفيش خلاص وقت ويادوب يجهزوا صحيوا الجميع فكروا وابتدوا البنات يجهزوا عشان يروحوا مع بعض الكوافير طبعا ده كان يوم توته وزي ما ياما جهزت العرايس ليله عمرهم كان من حقهم تجرب احساسهم عشان كده اختارت بنفسها احسن كوافير واتفقت هي والبنات يروحوا مع بعض واتفق الشباب بما انهم هيبقوا مشغولين جدا فا يجيلولهم عربيه كبيره تاخدهم كلهم مع بعض

.......في منزل سهير

كان الوضع ملئ بالتوتر والقلق والسرعه

رغم ان كل حاجه خلصانه

سهير....يابت واحده واحده انتي وهي خيلتوني بتجروا كده ليه

توته...يا اما احنا يادوب ننزل الوقت ولسه بنلم فالحاجه

سهير...وملمتوش حجاتكم ليه بليل

توته...ياختي ياما انتي كمان هو كان في وقت يادوب الحنه خلصت نمت زي القتيله

بوسي...انا كمان مدرتش بنفسي يادوب غيرت هدومي واتقتلت

شمس...بت ياتوته متنسيش الجزمه بتاعتك اللي واقعه دي

توته...اهي ام الجزمه دي انا عندي احساس اني هنساها كل شويه تضيع مني

سهير...طب ماتشيليها يابنتي مع الفستان

توته...بقولكم ايه والنبي تعالوا راجعوا معايا كده احسن اكون ناقصني حاجه

شمس...تعالي طيب

توته ..بصي ادي الفستان والطرحه والاكسسوارات وادي ام الجزمه والتاج في ايه تاني

بوسي...مش هتاخدي البرفيوم

توته...ايوه صح نسيته

بوسي...كده انتي تمام مفيش حاجه شيليهم بقي كلهم يلا عشان الوقت ننزلهم علي فكره العربيه مستنيانا تحت وصالح لسه قافل معايا

شمس...هو احنا رايحين لوحدنا محدش فيهم هيوصلنا

بوسي...صالح جاي معانا هو وايهاب تقريبا

شمس...ادهم مش جاي معانا

توته...لا مش هيعرف لسه عايز يروح يحلق ولسه هيبص عالطباخين اللي تحت وهيروح يجيب البدله مش هيلحق الكوافير في مدينه نصر

سهير....مش مهم سيبيه يخلص اللي وراه اليوم بيجري هوا

توته...ماشي يا اما ايه يابنات ناقصكم حاجه ولا خلصتوا

شمس...انا خلصت خلاص

بوسي...وانا كمان مخلصه من بدري

توته...طب يلا يابنات بسرعه

سهير...يابنتي واحده واحده وبعدين تعالي أفطري ياتوته مينفعش تنزلي من غير فطار يابنتي

توته...مش عايزه اكل والله يا اما مليش نفس

سهير...يابنتي هتفضلي كده علي لحم بطنك طول اليوم

بوسي...ياما متقلقيش نروح بس هناك وانا هظبطها واجبلها اكل

سهير...طيب اكليها والنبي كلي يابت عشان وشك يبقي شكله حلو بليل ميبقاش شكلك تعبانه وخلوا بالكم من نفسكم

شمس...حاضر يا امي يلا سلام

توته...سلام يا اما

سهير...سلام ياحبايبي ربنا يفرح قلبي بيكي ياتوته يابنت بطني واشوفك اسعد الناس يارب....

نزلوا البنات تحت لقوا البنات واقفين تحت هما والشباب

توته...كان باين عليها انها مش علي بعضها خالص متوتره وشها في حاجه مش مظبوطه

ادهم...صباح الخير كل ده

صالح ...ايه يابوسي مكلمك من امته انا

بوسي...والله انا مخلصه من ساعت ما كلمتني بس توته معرفش من ساعت ماصحيت وهي موقفانا علي رحلنا وبنجري فالشقه كأننا عندنا مسابقه ومش علي بعضها

صالح...يابت مش عروسه🤨

ادهم...مالك ياتوته

توته...مفيش يا ادهم

ادهم...مفيش ايه يابت انتي مش شايفه شكلك ولا ايه

توته...والله مافي متوتره بس وحاسه لني ناسيه حاجه

ادهم...اجمدي يابت اول مره تبقي عروسه ولا ايه

توته...بضحك اه يا اخويا وربنا اول مره

ضحك ادهم ولف ايده علي رقبتها وباسها من راسها طب يلا عشان متتأخروش

توته...مش هتيجي معانا

ادهم...مش هلحق ياتوته انا عايز اخلص بسرعه عشان احي اخدك فالمعاد متنسيش اننا لسه هنتصور

توته...طيب خلاص متتأخرش بليل

ادهم...متقلقيش ولو نسيتي اي حاجه اوعي تتوتري عادي في اقل من نص ساعه هبعتلك اي حد بيها

توته...ماشي ياادهم

ادهم...فطرتي ولا لا

ايهاب...ماتخلص يا عم الحبيب مش وقتك

ادهم....ابو برودك يا شيخ

ايهاب...تصدق اني غلطان اني مأعدتش اظبط نفسي ورايح معاهم انا مالي انا بالتوصيل و الكوافيرات

توته...مالك يا عم ايهاب عالصبح في ايه بقولك ايه انا صاحبه عفاريت الدنيا بتتنطط في وشي وربنا اطلعهم عليك😡

ايهاب..لا اهدي يامعلمه كده مش عايزينك تتعصبي خالص وبعدين انا اقصد ادهم

هيما...مالك ياتواه عالصبح بتقولي ياشر ليه في ايه اشحال ان مكنتيش عروسه

انهرده🤨🤨

توته ..بصت لادهم وسابت من ايدها الشنطه هو يوم مطلعلوش شمس انهرده

ادهم...مسكها وهو بيضحك اهدي يابت اهدي يابنت المجنونه خلاص حقك عليا انا

البنات كانوا ميتين من الضحك

زين...ماتسكت ياعم انت وهو شكلكم غاويين تهزيق عالصبح خلاص ياتوته حقك عليا انا

توته...عشان خاطرك انت يازين

ادهم...طلع فلوس اداها لصالح

صالح...ايه دول

ادهم...هليهم معاك انت وادهم معلش قبل ما تمشوا شوفوا البنات ياكلوا ايه ظبطوهم يعني لسه يومهم طويل

ايهاب....ماتحترم نفسك بالا خلاص كبرت وعملت فيها عريس

صالح...ايه ياعم ماشين مع ولاد اختهم مش ماليين عينك احنا ولا ايه اتكل يالا

ادهم...ريحوني بس بالله عليكم

ايهاب...اقسم بالله هزعلك يلا ياعم بقي من هنا

زين...خلاص يا ادهم

ادهم...يدوم يا رجاله

ايهاب...هنخلص ونرجع بسرعه

ادهم...مستنيكم ركبوا البنات

العربيه وركب صالح وايهاب ادام جمب السواق وشغل ايهاب اغنيه شعبيه وبص لتوته وهو بيضحك اهو بصالحك اي خدمه

ضحكت...عليه توته ماشي يا خويا هعديهالك😂 وكملت بضحك زغرطولي يابنات احيه وانتو هتحضرا فرح كلبه محروقه ما تصقفي يا اختي انتي وهي 😡😡

بص ايهاب لرحاب وشهد اخته صقفوا بدل ما تكالكم😂😂😂😂😂😂

وفضلوا البنات يغنوا ويصقفوا وهي تزغرط لحد ما وصلوا الكوافير جايلهم ايهاب اكل وصالح راح جابلهم بيبسي وشيبسي وحجات حلوه واطمنوا عليهم وسابوهم ومشيوا لحد ما يرجعولهم تاني.

..............

اما فالحاره كان بتوع الفراشه رجعوا ظبطوا الترابيزات كلها فرشوا مفارش بيضه وابتدت الشمس تهدا شويه الشيفات اللي بتعمل الاكل والمساعدين بتوعهم كانوا بيشتغلوا من نار عشان يلحقوا يخلصوا وفي مكان تاني كانت بيتجهز ركن للشاي والقهوه والمشروبات والحاجه الساقعه والحلو وركن تاني كانوا بيعملوا اطباق فاكهه تتحط عالترابيزات

راح ادهم للحلاق وكان الشباب واقفين فالشارع شويه وشويه يروحوا يبصوا علي ادهم اما زين كان واقف مع الشباب وكان هيسيبهم ويروح يجيب المنديل بتاع كتب الكتاب اللي وصي عليه في وقت قياسي

سعيد...ماشاء الله الله اكبر

كريم...ايه رأيك يا ابا الشارع بقي حلو

سعيد...اه اوي ربنا يفرحكم يارب عقبالك ياعادل انت وشمس وعقبالك ياكريم يا ابني لما ربنا يهديك

كريم...بقول ايه مانشوفلك عروسه يا ابا وانت خالق ومروق كده وزي القمر

سعيد....اتلم ياولا عروسه في عينك طب هو في زي امك والله انا لو لفيت الدنيا بحالها ماهلاقي ضفرها

زين...ربنا يخليهالك يارب ياحاج سعيد سيبك منه ده واد ضايع خليه كده

كريم...انا عايز اعيش براحتي ياعم

زين...بكره تيجي تقول جوزوني واحنا هنقولك لا

خرج عامر من الصوان بتاع الفرح فالوقت ده وسمع زين...مين ده كيمو يتجوز با ابني انا لو اتجوزت هو مش هيتجوز

كريم...انا عارف يا صاحبي شغالين دماغهم بينا ليه

عامر...سيبك منهم احنا كده في دنيا تانيه

سعيد...والنبي انتوا الاتنين عايزين كسر دماغكم

ضحكوا الشباب.

سعيد...المهم بقولك يا زين يا ابني

زين...قول ياحاج سعيد.

سعيد...اكدتوا با ابني عالشباب صحابكم والناس اللي جايه ان مفيش اي حاجه تتشرب كده ولا كده

زين...لا ياحاج متقلقش المل عارف نظامنا واللي جاي عارف احنا مين لا شرب ولا نقطه ملناش فيها اللي جاي جاي يجامل بحب وبس واللي عايز ينقط ينقط في بيت العريس او لما يخلص اجازته وينزل شغله

سعيد...ماشي يا ابني الحمد لله

زين...هستأذنكم انا بقي اروح اجيب المنديل بتاع كتب الكتاب بسرعه الوقت خلاص بيجري

كريم...طيب يلا بسرعه الاسطول قرب يوصل ياعم

زين...طيب يلا سلام

سعيد...اسطول ايه يا ولا

كريم..بص لعامر وضحك بيقولك اسطول ايه لا انا احب اخليهالك مفجأه واتفرج عالشارع ده بعد ساعتين كده 😂😂😂

سعيد...ربنا يهديكم انا عارف جنانكم هروح اشوف عمكم احمد

عامر...جوه مان واقف مع الشيفات بيتابع وراهم ومعاه عم حسني وعم عيسي

سعيد...ماشي انا داخلهم

اما مديحه وفاطمه ونعمه وناريمان راحوا لسهير يشوفوها لو محتاجه حاجه ويخلصوا معاها العشا بتاع العرسان😉😉

.............

يوسف...ايه رأيك كده يا اما دوختيني

روحيه...اه حلو اوي اللون ده

يوسف...طيب يلا نحاسب ابوس ايدك بسرعه عشان الحق

روحيه...مالك ياولا متسربع علي ايه هو انت العريس

يوسف...لا ياروحيه مش انا بس شويه صغيره لو مخلصتش مش هحلق اجهز والعريس هيسبني ويخلعوبعدين يا اما حبكت الوقت تختاري عبايه وجزمه غير اللي جبتيهم

روحيه...الله مش عاجبني التانين

يوسف...ماشي يا اما المهم دول حلوين

روحيه...بابتسامه طفوليه اه حلوين اوي

يوسف...وهو هيعيط خلاص طب يلا ابوس ايدك لسه هحلق بسرعه اخلصي يلا

روحيه...يالا ياولا

.............

عدي الوقت بسرعه البنات كانوا فالكوافير كلهم مع بعض وخلاص بيجهزوا ويبتدوا يلبسوا

الشباب...خلصوا اللي بيحلق واللي بيجهز والكل بيلبس خلاص

ستات الحاره ساعدو سهير وخلصوا كل خاجه معاهم وهما كنان ابتدوا يلبسوا عشان ينزلوا يستقبلوا المعازيم اللي هتبتدي تيجي

ورجاله الحاره كمان ابتدوا ينزلوا

الشباب كانوا مأجرين عربيات كلهم شكل واحد ولون واحد عربيات بيضه ازازها فيميه اسود وكلهم مزيننها بالورود وكأنهم كلهم عرسان.

خلص ادهم شاور وخرج يلبس بسرعه هيما كان خلص وابتدا يساعده ويربطله الجرافته وهو عينه مدمعه وفرحان لاخوه

ادهم....خلص وحط البرفيوم بتاعه وبص لهيما ايه رايك ياض انفع عريس

هيما....مينفعش حد غيرك عريس يا ادهم...البيت هيبقي وحش اوي من غيرك يا ادهم حتي الچيم هتبقي وحشه طول نانت واخد اجازه

ادهم...خده في حضنه وفضل يطبطب علي ضهره...مالك ياض محسسني اني هموت ليه ياض انا عريس انهرده وبعدين انا الشقه اللي فوقيك ياابن الهبله ومتقلقش هو اسبوع بالكتير ان مكانش اقل انت عارف انا بتخنق من الاعده

فك بقي وعلي فكره انت كمان شكلك حلو اوي

مسح هيما دموعه وهو بيضحك بجد والنبي الصرف باين

ادهم...اه والله عريس طبعا

دخل احمد عليهم فالوقت ده وهو لابس

احمد...ماشاء الله ربنا يحميك يا ابني احلي عريس

راح ادهم باس ايد ابوه وفضلوا الاتنين يطبطبوا علي ضهر بعض بحب

احمد....حلمت باليوم ده كتير اوي يا ادهم واديني اهو عشت لحد ما شوفتك عريس

ادهم...وهتفضل عايش لحد ما تشوف اصغر حفيد في عيالنا بيتجوز

هيما...ربنا يديك طولت العمر بلاش نكد بقي انا فرحان اوي

احمد...لا مفيش نكد انهارده فرح وبس وانت كمان يارب اشوفك احلي عريس قريب

هيما...يارب يا حاج

احمد...يلا انزلوا عشان متتأخروش ده الشارع كله مستنيكم

هيما...بضحك ايه رأيك فالشارع يا حاج بزمتك

احمد...ايه ده كله يا ابني جبتوهم منين

ادهم...بضحك والله يا حاج ده بس عشان الفرح عالضيق كل واحد فينا عزم شويه بس

احمد...كده شويه وكده عالضيق يلا ياولاد الكلب ادامي

ضحك ادهم وهيما ونزلوا مع بعض خبطوا علي زين فتحلهم كان شكله يجننننن😍

ادهم...اوعي وشك

هيما... ياعريسسسس

احمد...بسم الله ماشاء الله مين فيكم العريس

مديحه...هما الاتنين 😂

احمد...ربنا يفرح قلوبكم يارب زي القمر

مديحه...مبروك يا ادهم يا حبيبي طالع زي القمر

ادهم...يعني هعجب المزه يا ديحه 😉😉

مديحه...ياواد انت تعجب الباشا

ادهم...باشا مين يا مديحهاللي اعجبه لا احنا ملناش فالبشاوات لا موأخذه🤨🤨🤨

ضحكوا كلهم علي ادهم

احمد...يلا يا ولاد هتتأخروا

نزلوا مع بعض واول ما نزلوا اتفجأوا كلهم من منظر الشارع اللي كان عباره عن أسطول من العربيات والموتسيكلات واول ما شافوا كلهم ادهم بقوا يدوسوا علي ملامسات العربيات وكلعم في نفس واحد ...هاااااااااااااي وكأنها خناقه

ادهم....يدوم يارجاله مش وقت سلام الله يباركلكم متأخرين يلا علي هناك

سهير...قربت من ادهم باسته وحضنته مبروك ياجوز بنتي زي القمر الله اكبر

ادهم...باس راسها انتي اللي قمر ياسهير

يوسف...والنبي ياخالتي خلي بالك من امي

مديحه...متخافش يا يوسف هتاعد معايا

سهير...متقلقش هي في وسطنا يا يوسف

ركب ادهم عربيه لوحده وهيما لوحده ويوسف لوحده زين لوحده صالح لوحد صلاح لوحده عادل لوحده ايهاب لوحده عامر وكيمو ركبوا سوا وراحوا بنفس العربيات لدرجه ان اللي يشوف العربيات يحتار مين فيهم عربيه العروسه

شباب من معارفهم فضلوا يخمسوا بالعربيات في قلب الشارع والشباب يقفوا عالموتسيكلات

....وانطلقوا وطول الطريق كأنه موكب من المنظر اللي كانوا فيه وطول الطريق موقفين الشوارع من الزفه اللي عملينها بالعربيات

لحد ما اخيرا وصلوا ادام الكوافير..

.....

في الكوافير عند توته كان الكل جهز ولبنات طالعين قمرات وتوته كانت قمر البنات حواليها بيزغرطوا وهي واقفه تزغرط معاهم وكل اللي شغاليين فالكوافير ميتين من الضحك عليها

بوسي....توته صالح بيقولي وصلوا خلاص

توته...حطت ايدها علي قلبها احيه يا اما مش قادره حاسه اني مش قادره اقف علي رجلي

منه ..يابت في ايه اجمدي كده

رحاب...واللي يشوفها وهي علي كول مروقانا🤨

توته...يابت هجيبك من شعرك اللي فرحانه بيه ده

شهد...في ايه ياتوته اهدي كده شويه

شمس ..بصي اقرأي اي قران في سرك كده واهدي

مريم....سيبوها يابنات هي اول ما تشوف ادهم هتهدي

توته...وحيات امك يابت العدي عني السعادي

مريم...بضحك الله مش دي الحقيقه

وعد...سيبوها يابنات مترخموش عليها بحد والله انا مش العروسه وحاسه باللي هي حاسه بيه

توته....والنبي مافي حد غيرك ياعاقله انتي

بنت من اللي شغالين بلا يابنات وسعوا للعريس عشان يدخل يلا ياعروسه ادينا ضهرك بسرعه كده عشان نفاجئ العريس

توته...ياختي انتي كمان نفجأه بايه وانا عفريت

البنت...بضحك لا انتي زي القمر بس يعني شو كده

توته...ماشي يا اختي دخليه

وقفت توته واديت الباب ضهرها والبنات ظبطوها ضربات قلبها كانت هي نفسها مش متحملاها وحاسه انها هتقع من طولها خلاص

وعد...اهدي ياتوته وظبطي نفسك شويه كده

توته...مش قادره يا وعد حاسه اني هيغم عليا

وعد...بأبتسامه لا ماقلقيش بس تشوفيه وهتاهدي شويه عالجو والتوتر هيروح بس المهم خليكي واثقه في نفسك انتي زي القمر والله العظيم

توته...والله العظيم انتي اللي قمر وانتي الوحيده اللي بتهديني مش زي الجزم دول❣️

وفجأه الكل بقي يزغرط اول مادخل ادهم. البنات اللي شغالين في الكوافير والبنات كلها وسط صوت الاغاني

وراح ادهم وقف ادامها واول ما شافها فضل مبرق من جمالها😳😳

بصتله توته وهي عينها كلها دموع

بنت من اللي فالكوافير لا ياعروسه بلاش دموع الميكب هيبوظ زغرطولها يابنات

ادهم....اوعي تعيطي يابت انا دافع دم قلبي فالكوافير

توته...ضحكت توته وهي عينها كلها دموعشكلك حلو اوي

ادهم...بغرور بجد الصرف باين يعني

البنات كانوا مركزين معاهم اللي عينه مدمعه مع توته واللي بيضحك عليهم واللي مبتسم واللي بيزغرط

توته...اه طبعا زي القمر

ادهم...طب ايه معندكيش عروسه ليا

توته...طب هلي حد يقرب منك وانا اجيب بطنها بالسكينه

ادهم....ايه هتجوز ريا وسكينه يابت

توته...شكلي حلو

ادهم...شبه الملايكه 😉

توته...انا مش بحلم يا ادهم صح

قرب منها ادهم وخدها في حضنه كده انتي صاحيه صح حضنته توته ولفت ايدها على رقبته وفضلوا اللنات يصوتوا ويصقفوا وبعد فتره بسيطه خرجت توته من الكوافير اخيرا وسط ضرب الصواريخ وصوت الكلاكسات

اما الشباب كل واحد فيهم كان واقف مستني حبيبته

اول ما شاف زين وعد وقف مكانه وعينه عليها وهو مبتسم بانبهار 😍

ابتسمت وعد بأحراج وقربت منه

مسكها زين من ايدها من غير ولا كلمه ودور بعينه علي اخته شافها جايه من جوه باسها في راسها

زين...ايه القمر ده

منه...قمر ايه انت اللي قمر يهربيت جمالك يازين مين فيكم اللي عريس

زين...ضحك يلا يابكاشه

منه....🙄انا عايزه اركب مع هيما ممكن

أبتسم زين وهو رافع حواجبه....🤨🤨ممكن وانا عارف اصلا انك هتركبي معاه بس برخم عليكي

هيما...جه من وراه طول عمرك يا صاحبي

زين...طول عمري ايه ياض🤨🤨🤨

هيما...كول عمرك صاحبي وحبيبي وكفائه يلا بسرعه قبل ما يرجع في كلامه مجنون ويعملها

زين....بضحك لا ياصاحبي انهرده انا مش ناوي ارخم عليك خالص

هيما....والله انت حبيبي ايه ياوعد مين فيكم اللي عروسه انتي ولا توته

زين...انت بتعاكسها وانا واقف🤨

هيما...منه يلا بسرعه حاسس انه هيتحول

ومشيوا بسرعه ومشي زين عالعربيه ركب وعد وقفل عليها واستني صحابه يركبوا

يوسف...طب واللي خلق الخلق انتي العروسه انهرده

مريم...بابتسامه بجد ياچو

يوسف...بجد يا قلب چو

مريم...يعني مش بايره زي ما بتقول

عامر....جه من وراهم بايره ايه والنبي ده مابيفهم

يوسف...بضحك انت ياض رامي ودنك معانا

عامر...بضحك وهو بيجري طب واللي خلق الخلق صوتك كان عالي يلا ياكيمو يلا منار

منار....هو احنا هنركب مع عامر ياكيمو

كريم...اه انتي عارفه مليش فالسواقه وانا اللي قولتله نركب سوا احنا التلاته

ابتسمت منار بفرحه وهي فاكره ان محدش عارف حبها لعامر.

ابتسم كريم بوجع عليها وخدها وراحوا ورا عامر...

لاحه....ايه يابت الحلاوه دي

شهد..ايه رايك انفع عروسه

ايهاب...احلي عروسه يا اخواتي

شهد...ايه الحلاوه دي يابوب

لاحه...يابت انك ماقولتيلي ايه الحلاوه دي🤨

ايهاب...اعوذ بالله الله اكبر في عينك طب انا قمر ولازم اتعاكس

صلاح...خديه من وشي يارحاب بدل ما ابوظلك وشه

رحاب...وعلي ايه الطيب احسن يالا يا ايهاب🤣

هيما من بعيد..ما تيلا يلا يا بوب اخلص 🤨🤨🤨

ايهاب...يلا قبل ما اخوكي يرفعنا 😂

عادل....يلا ياشموسه بسرعه

شمس..جايه اهو كنت بجيب حاجتنا

عادل...ايه الحلاوه دي

شمس...باحراج بجد

عادل...والله زي القمر

شمس...طب يلا بقي لحسن يمشوا

عادل...مايمشوا😉

شمس...يوووه يلا بقي وراحت ركبت بسرعه وهي بتضحك

ركبوا كلهم واتحركوا كن عند الكوافير طول الطريق يزنقوا بالعربيات علي بعض وايدهم مش بتتشال من عالكلاكسات

لحد ما وصلوا عند التصوير اتصورا وخلصوا وزين خد وعد اتصور معاها كانت طايره من الفرحه بس مكانتش فاهمه ان زين حابب يخلي كتب كتابهم ليه ذكري وصور....

خلصوا تصوير وراحوا اخيرا علي الشارع عشان يبدأوا الفرح فالحاره كان الشارع اتملي ناس وهما لسه موصلوش بالموكب اللي معاهم بعد مده اخيرا وصلوا الشارع وبمجرد ما وصلوا الشارع بطوله مان مستنيهم شباب تانيه ومعاهم العاب ناريه واول ما ادهم وصل هو والشباب الصواريخ نورت السما بانوارها والوانها وفجأه الشارع اتحول من الصوت كأن الحرب قامت

واشتغلت اغنيه تعلن عن وصول العريس

نزل ادهم وراح نزل توته سهير راحت علي توته بفرحه حضنتها وهي عينها مدمعه وابتدوا الكل يسلم عليهم

سهير...الله اكبر الله اكبر زغرطوا يانسوان

الكل بقي يزغرط توته كانت مش قادره من فرحتها وخلاص حاسه ان هيجرالها حاجه من كتر الفرحه دخلوا بيها البنات شدوها وابتدوا يرقصوا والشباب خدوا ادهم فضلوا يشيلوه ويحدفوه لفوق احمد العربي كان طاير من الفرحه.....مكانش في حد اعد فالفرح من بدايه ما دخلوا الكل كان بيرقص ومبسوط طول الوقت الصواريخ مش بتبطل

لحد...ما جه معاد كتب الكتاب وابتدا المأذون يجهز الورق اعد ادهم وتوته وكل رجاله الحته توته ابتسامتها مكانتش مفارقاها من كتر الفرحه...ابتدت اجواء كتب الكتاب وحط ادهم ايده في ايد حج سعيد وابتدوا يرددوا كلام المأذون لحد ما ردد المأذوون

بارك الله لكما وبارك عليكما وجمع بينكم في خير..

شد هيما المنديل فالوقت ده والكل زغرط وابتدوا يسلموا عليهم ويحضنوهم

ادهم...خد توته في حضنه بقيتي مراتي يابت

توته...انا مش مصدقه نفسي يا ادهم حاسه اني بحلم

ادهم...لا يا اختي مش بتحلمي ولما نطلع شقتنا هأكدلك

توته...بضحك اتلم يا ادهم

ادهم...بحبك يا احلي توته فالدنيا

توته...وانا بحبك اوي ياأدهم

سمعوا فالوقت ده صوت حاج سعيد

حاج...سعيد...معلش يا جماعه عايزكم بس تسمعوني هدوء شويه عايز اقولكم حاجه مهمه ابتدا الصوت يهدي شويه شويه لحد كا الكل سكت وكلهم ركزوا مع حاج سعيد مكنش في حد عارف اي حاجه غير الشباب ورجالت الحته ومديحه والدت زين اما الباقي كانوا مركزين وعايزين يعرفوا حاج سعيد بيقول ايه.

حاج سعيد...طبعا انهرده احنا عارفين انه كتب كتاب ودخله ادهم وعروسته بس انا عايز اقولكم ان انهرده مش بس فرح ادهم في حد تاني غالي عندنا كلنا وهيكتب كتابه الوقت ادام الكل وهو هيبقي مجرد كتب كتاب لحد ما نعمله الفرحه الكبيره يوم فرحه...

الكل ساكت وابتدوا يتكلموا بصوت واطي وصوت الوشوشه يعلي والتساؤلات تزيد وعد مبتسمه ومركزه هي كمان مع البنات والكل بيسأل مين وهي ولا في بالها اي حاجه...

حاج سعيد...طبعا الكل بيسأل عموما انا هريحكم عموما عايزكم كلكم تباركوا لحبينا وابن حتتنا وزين الرجال الكل برق فالوقت ده اول ما سمع لقب زين

حاج سعيد....مبروك يا زين يا ابني

الشباب كلها فضلت تهيص والصواريخ زادت والزغاريط زادت ووعد برقت وراحت من وشها الضحكه وبقت تسأل نفسها هي العروسه ولا حد تاني زين كان قايلها بس متوقعتش يبقي بالسرعه دي وفالوقت ده حاله من الصمت اتملكت وعد وكانها اتحولت لانسان آلي..

زين..كان باصصلها بأبتسامه واعد جمب المأذون بصلها مش يلا يا عروسه

فضلوا البنات يزغرطوا ويزقوها وهي بتتحرك بالعافيه لحد ما اعدت وهي باصه عالتربيزه وساكته

المأذون...فين بطاقتك ياعريس وبطاقه العروسه

مديحه....باستها في خدها ووشوشتها عجبتك المفجأه

وعد....خالتوا اللي بيحصل ده بجد

مديحه....اه بجد وانا ماليش دعوه زين اللي خطط لكل ده وقولتله اقولك قاللي لا خليها مفجأه

ابتسمت وعد غصب عنها وبصت لزين وهي عينها كلها دموع وابتدت فعلا دموعها تنزل وكل دمعه تنزل تمسحها بسرعه والبنات واقفين ادامها فرحانين وجمبهم توته وادهم

المأذون...بطاقه العروسه

طلعها زين بسرعه من جيبه اتفضل

المأذون...واضح ان العريس مستعجل

ضحكوا كلهم وفضلوا البنات يزغرطوا وستات الحاره لحد

ما بدأ المأذون في كتب الكتاب ووعد دموعها مش بتقف خالص زين بيردد ورا المأذون وعينه عليها وهاين عليه يقوم ياخدها في حضنه..واخيرا

المأذون بارك الله لكما وبارك عليكما وجمع بينكم في خير

الكل زغرط الشاب ورجالت الحته اتلموا علي زين وفضلوا يباركولوا والبنات اتلموا علي وعد وستات الحته وهي مش مصدقه اللي بيحصل اصلا ضرب النار والصواريخ اشتغلوا تاني بعد سلامات كتير بص زين لوعد وراح عليهم وخدها في حضنه وهي فضلت تعيط

زين...كنتي بتاعتي ياوعد والوقت بقيتي بتاعتي وعلي اسمي بحبك يا بنت عمري

وعد...بحبك يازين❣️❣️❣️❣️❣️🥺

هيما مسك المايك...انا بشكر كل الناس اللي جت وشرفتنا انهرده وجود كل واحد فيكم من كبير لصغير علي راسي انا انهرده فرحتي فرحتين فرحتي بأخويا ابن امي وابويا وفرحتي بصاحب عمري واخويا زين ربنا يفرح قلبكم واشوفكم احسن الناس ويلا يابوب عامر

طلع ايهاب وعامر وابتدوا يغنوا والكل متفاعل معاهم وبعد وقت راح هيما شغل اغنيه ونادي لادهم ورقصوا سوا ومعاهم احمد العربي وحواليه صحابه الشباب وبعدها اهدالهم ادهم اغنيه لصحابه ورقص معاهم كلهم

ورقص ادهم وزين بالعصيان وحواليهم الشباب في دايره...

ونزل يوسف يأعد روحيه اللي هدت الدنيا رقص

يوسف...يا انا عيب كفايه رقص

روحيه...سيبني ياولا

يوسف...هاتي ايدك يا اما

روحيه...بزعل هتدخلني يا يوسف

يوسف...بابتسامه ادخلك ايه بينا نرقص ياروحيه وطلعها عالمسرح وسط الشباب وفضلوا يرقصوا وهي ترقص وسطهم بفرحه

وفضل الفرح شغال لحد الفجر الكل فرحان والناس ما بتقلش والعدد زي ماهو واخيرا خلص الفرح واشتغلت الزفه

ادهم فضل يسلم علي صحابه وعالناس اللي جاتله وعلي اي حد يقابله.كان التعب واضح عالكل

واخيرا طلع ادهم وتوته شقتهم ادام الشقه

ادهم...بقولك ايه اصبري اعمل رومانسي واشيلك

توته...تشيلني ده ايه ابقي شيلني جوه الوقت غمض عينك يا اخويا

ادهم...ليه يابت اوعي تكوني هتضربي🤨

توته...ضحكت لا هوريك الشقه

ادهم...ضحك هتوريني الشقه تقومي تغمضي عيني ذكيه اوي

توته...بلاش رخامه بقي اقصد اعملهالك مفجأه

ادهم...ماشي يا ستي خدي افتحي

توته...جبت المفتاح ده منين اوعي تكون دخلت وانا فالكوافير😡😡

ادهم...والمصحف ماحصل امك لسه مدياهولي حالا وقالتلي انك موصياها

توته....ضحكت زي الاطفال جدعه يا اما😁

ادهم...يابنت المحانين هنفضل واقفين كده كتير

توته...طب حط ايدك علي عينك

ادهم...اهو يارب نخلص

فتح توته ومسكت ايده هدخلك اوعي تفتح غير لما اقولك

ادهم...مش هفتح والله

دخلت توته ودخلته وقفلت الباب..

توته...يلا افتح

فتح ادهم عينه وفضل يبص عالشقه وهو من جواه فرحان وعجباه الشقه اوي

توته...ايه رأيك

ادهم....ايه ده الله دي حلوه اوي

توته..والنبي صحيح

ادهم...والله العظيم تجنن

ورجع بصلها...مبروك ياتوته

توته...انا بقالي 14 سنه مستنيه اللحظه دي يا ادهم مستنيه اتكتب علي اسمك انت عارف انا لو موت الوقت والله العظيم ما هزعل عشان بقيت مراتك

ادهم...بعد الشر يا بت ومتقوليش كده وعايز اقولك ان انا استنيت اليوم ده اكتر منك بكتير وحيات ربنا واهو ربنا جمعنا علي خير ياتوته اخيرا نورتي بيتك يا احلي عروسه واتمني من ربنا اني ابقي ديما ضيف خفيف علي قلبك

توته...ضيف في بيتك يا ادهم

ادهم...ده بيتك انتي يا توته واه انا ضيف فيه المهم انتي تكوني مبسوطه فيه

توته...ربنا يخليك ليا يا ادهم

ادهم...الفرح عجبك

توته...يالهوي ده كان يجنن يا ادهم مفيهوش غلطه ولا الزفه كل حاجه كانت جميله

ادهم...بقول ايه طب ما نسيبنا من الفرح والزفه وتعالي جوه اقولك كلمتين كده محشورين في زوري بقالهم 14 سنه

توته...بضحك لا مصدعه

ادهم...وحيات امك🤨🤨🤨 ادامي يابت

توته...بدلع طب براحه متزأش كده 😉

وسكتت شهرزاد عن الكلام الغير مباح😍😍😍😍😍

23و24

البارت الثالث والعشرين...

أشرقت شمس يوم جديد علي حاره السعاده الدنيا كانت هاديه فاليوم ده الحركه لسه بسيطه فالشارع اغلب المحلات لسه قافله وعلي غير العاده قهوه حاج فاروق الكل كان تعبان من الفرح محدش فتح وفيهم اللي كان واخد اجازه كان يوم متعب كله حركه ونشاط وقبلها كان تحضيرات وفالاخر الطاقه نفذت وقرروا يرتاحوا ...أذن الضهر علي ابطالنا ولأول مره يصحوا متأخر..

منه....وهي بتدعك في عينها صباح الخير ياماما

مديحه...صباح الفل علي الحلويين كل ده نوم

منه....والله كنت لسه هكمل نوم بس ريحه الفول والطعميه صحوني من النوم وانا حاسه اني جعانه اوي

مديحه...انا قربت اخلص اهو احلي فطار وانهرده بقي فطار ايه ملوكي كل حاجه هتلاقيها عالفطار

منه...وليه الرضا ده كله ياست ماما

مديحه...زين اجازه انهرده وبعدين بيني وبينك انا فرحتي بأخوكي امبارح مخليه مزاجي حلو وبالي مرتاح

منه...وانا كمان ومش مصدقه اللي حصل وبعدين زعلانه منك يا ديحه كده بردو تخبي عليا

مديحه...والله يا بنتي ماخبيت بس زين عارف ان انتي ووعد مش بتخبوا حاجه عن بعض وكان عايز يعملهالها مفجأه خاف تقوليلها

منه...طب والله ابدا يمكن كنت افتنلها في اي حاجه إلا دي وبعدين مانا عارفه من وعد انها بتحب زين ومقولتلكوش وعرفت ان زين كمان بيحبها ومقولتش لوعد اتفقت عليهم انا وتوته وادهم وهيما.

فالوقت ده قفشها زين من قفاها صرخت وعد اول ما حست حد بيمسكها

مديحه...بسم الله الرحمن الرحيم خضتنا يازين سرعت اختك حرام عليك

زين...صباح الخير🤨

مديحه...صباح الفل يا حبيبي مالك ماسكها زي الحراميه كده ليه

زين.بص لمنه وهو بيرفعها من قفاها. قولتيلي بق اتفقتي عليا انتي ومين

منه...بلعت ريقها وعلي وشها ابتسامه خوف. اهدي بس ياوحش العصبيه مش حلوه عشانك انت عريس

زين...وحيات امك لا موأخذه ياديحه

مديحه...وهي بتقلب الفول براحتك ياحبيبي

منه...افهم بس هفهمك

زين...قولي ده انتي ليلتك سوده انتي والاتنين اللي فوق دول يعرفوا ان وعد بتحبني وميقولوش وانتي عرفتي اني بحبها ومقولتلهاش

منه...افهم بس هقولك اولا دي فكره توته

زين...نهارها اسود.هي كمان

مديحه...بضحك يا ابني حرام عليك ده بدل ما تقول صباحيتهم مباركه

زين...مباركه 🤨🤨 ده انا هطلع انفخه قولي يابت

منه...مش قادره تمسك نفسها من الضحك

زين...يابت انطقي بتضحكي علي ايه

منه...اصلي متخيبه منظر ادهم وانت طالعله يوم صباحيته ومجرجره من السرير😂😂😂😂

أبتسم زين غصب عنه....تصدقي هيبقي مسخره😂😂وسكت فجأه🤨🤨🤨قولي يابت

منه...اسمع يوم كنت سهران انت ووعد ودخلت وعد متأخر الاوضه ولقتها بتعيط جامد صحيت من النوم علي صوت الباب وهو بيتقفل وهي منهاره من العياط..وهي طبعا كانت معرفاني انها بتحبك ومش قادره تقولك وفاليوم ده كانت هتقولك ومقدرتش والنبي اوعي تقولها اللي بحكيهولك ده

زين...كملي ده انتي ليلتك سوده😒

منه...المهم حكتلي اللي حصل فضلت اقولها انتي غلطانه كنتي قولتيله وهو قبل خلاص مقبلش تبقي ارتاحتي وبعدها ...سكتت شويه

زين...بعدها ايه🤨

منه...هيما لقيته بيكلمني🙄

زين...ليه هو بيكلمك متأخر يابت

منه...لا والله افهم بس هو اصلا كان عارف اني نايمه وفعلا لما وعد دخلت كنت نايمه اللي صحاني صوت الباب المهم لما شاف نور البلكونه منور لقيته بيكلمني يشوفني صاحيه ليه

زين...علي اساس هيما هيشوف بلكونتنا وهو ساكن فوقنا

منه...اه علي فكره بيشوفها عادي من الجنب مش بكدب انا😒

زين...طب كملي كملي متستعجليش علي ليلتك السوده انتي وهو

منه...ضحكت ..بس حس ان صوتي متغير قولتله مضايقه عشان وعد فا سألني ليه حلفته مايقولش وحكيتله ومره واحده اللي اقول عليه ايه دخل جوه وهو بينادي علي ادهم. وبيحكيله وانا فالموبايل اقوله لا متقولش انا خلفتك وهو ابدا وحكاله وتوته طلت مع ادهم عالتليفون

زين...ااااه اتعمل عليا انا ووعد حفله من الاخر اتقلي عليا😒

منه..والله ابدا انا كنت مضايقه عشان وعد وحكيتله

فضلت منه تكمله الحكايه وهو رافع حواجبه ومتوعدلهم..

منه....ودي كل الحكايه ومشينا ورا كلام توته واهو جه بفايده كان عندها حق اظن اعترافكم لبعض احلي بكتير من ان يكون في وسيط بينكم..

زين....ماشي يامنه بصي بقي

منه...ايه🙄

زين...عايزه تنفدي بعمرك

منه...ياريت والله يبقي كرم اخلاق منك

مديحه...يازين سيبها حرام عليك لقت شبه الفار المبلول كده

زين...اصبري يامديحه.وبص لمنه قولتيلي اه ..يبقي تنفذي اللي هقوله

منه...اعتبره اتنفذ ياسيد المعلمين

ضحك.زين غصب عنه عارفه انا لو مش بحبك كنت هرفعك بس هكتفي برفع ادهم وزين

منه...ربنا يخليك للغلابه يارب

زين...اسمعي بلاش غلبه حرف واحد من اللي اتقال ده يتقال لادهم هقتلك مش عايزهم يعرفوا اني عرفت مفهوم

منه...مفهوم وانا اقدر اتكلم بس انا وتوته عفيت عننا🙄

زين...هفكر 😒 من هنا لحد ما نطلعلهم ميتقالهمش حرف

منه...وربنا ماهنطق هو العمر بعزقه ياجدع😁

مديحه...صحيح يا زين هتباركلهم امته

زين...لسه يا امي كام يوم كده دول لسه عرسان

مديحه...اصل خالتك سهير مصممه تاخدنا انهرده وبيني وبينك انا محرجه ومش عارفه في نفس الوقت اقولها ايه

زين...طب ومحرجه ليه اطلعي معاها شويه وانزلي انتوا مش هتباتو معاهم يعني

مديحه...طيب

زين...هي وعد لسه نايمه

منه....اه

زين...طيب روحي صحيها يلا

منه...وانا مالي يا اخويا مش بقت مراتك😏

زين...يابت اصحي مين ومرات مين ماتتلمي وروحي صحيها

مديحه...صحيح يا زين هي مش بقت مراتك روح صحيها مفيهاش حاجه

زين...جرالك ايه يامديحه هو ايه اللي مراتي مراتي🤨🙄

يامديحه احنا من كان يوم عرفنا ان كل واحد فينا بيحب التاني وفجأه اول امبارح طلع في دماغي اكتب عليها وفجأه هي اتفاجئت باللي حصل ادام خلق الله دي كلها مهما كان حبنا لبعض يا امي مينفعش مره واحده ادخل وافتح الباب بحجه انها مراتي لسه في حواجز يا امي مكسرنهاش مع بعض امبارح كتبت عليها ادام كل الناس وده اكبر اشهار يعني لو اتجوزت وعد جواز جواز يا امي مش حرام لان اهم شرط وهو الاشهار متوفر بس زي ماقولتلك في لسه حواجز واهم حاجز فيهم ان يبقي عندنا شقه واعملها فرح وتتجوز وتدخل شقتها زي اي عروسه فهمتوا

مديحه..طول عمرك كبير في نظري يا زين وعلي فكره انا كنت بهزر

زين...ليه بتختبريني يا مديحه🤨🤨 فكراني هعمل كده

مديحه...لا والله مش بختبرك انت راجل يا زين مش عيل عشان اختبرك بس علي فكره انا كنت بتكلم جد مش بهزر بس مقصدتش حاجه انا اقصد ان خلاص هي بقت مراتك عادي لو دخلت صحتها شوفتها بس احرجتني بكلامك يازين

زين...ولا حتي لو اختي لوحدها ادخل عليها يا امي في حاجه اسمها خصوصيه والاهم من كل ده يا امي وعد عندي غاليه اوي مقدرش اعمل اي حاج تسيئلها ومهما كنت بدخل بيت ربنا ياامي بس الشيطان مش حلو وممكن في لحظه يحللنا جوازنا ده ونغلط انا لما بقفل الدنيا مع هيما ومنه مش عشان انا مبثقش في صاحبي ولا عشان مبثقش في اختي انا بثق فيهم جدا بس بحميهم من شيطانهم ومن نفسهم الغلط بيجي في ثانيه يا امي بس الندم بيلازمنا طول حياتنا...👌

ومش هما بس زي ماقولتلك انا كمان مهما كنتوا بتشوفوني كويس مهما كنت بحاول ارضي ربنا ديما بس انا بني ادم ممكن اغلط وهي بني ادمه وممكن تضعف

مديحه...ايوه ياابني بعد الشر عليكم من الغلط ومن الضعف يمكن كلامك صح علي منه وهيما لانهم مخطوبين بس انت ووعد الوقت متجوزين مش بقولك كده عشان تغلط لاسمح الله انا عايزه افرح بيكم وباليوم ده بس اقصد انكم خاليا متجوزين.

زين....تمام يا امي انتي صح ويمكن نغلط نضعف ومش هيبقي حرام افرضي كده انا ضعفت وهي ضعفت بأسم اننا متجوزين ومش حرام بس ادام الكل عارفين اننا كتبنا الكتاب...وجيت بعد علي طول انا موت

مديحه ومنه ...بعد الشر

زين...ساعتها الوضع هيبقي ايه لوعد اه معملناش حاجه عيل ولا حرام بس المنظر العام مش حلو وانا هروح وهي اللي هتواجه .

مديحه...انت ياصح يا ابني ربنا يبعدنا عن الفضايح وشر الشيطان

منه...علي فكره بقي انا كل يوم بأستفاد منك حاجه

زين...وعلي فكره بقي انا طول عمري بتكلم معاكي في اي حاجه عشان احنا اخوات واصحاب يعني لو انا مفهمتكيش ابقي غلط

منه...انت طول عمرك صح يازين واوعي تفكر اني بزعل لما بترخم عليا انا وهيما انا بجد عارفه ان ده حب وحتي والاه مش بيزعل منك ابدا

زين...بأبتسامه عارف ياحبيبتي ويلا بقي هموت من الجوع صحي وعد🙈

منه...هوا

مديحه...بسرعه يا بنتي الاكل بيبرد اهو.

.............

في منزل سهير

شمس...صباح الخير يا امي بتعملي ايه

سهير...صباح الخير ياشمس بشوف الفطار ناقصه ايه

شمس...فطار ايه 🤨

سهير...يابت فطار العرسان هيكون فطار ايه

شمس....ياسهير اللي بتعمليه ده انتهي من زمان هو لسه في حد بيجهز الفطير والقشطه ويحط الصنيه علي دماغه ويروح للعرسان في عز الضهر

سهير...يابت من فات قديمه تاه وبعدين ده فطار ملوكي فطير وقشطه وعسل ومربي وزبده وجبن وكل حاجه وبعدين اديكي قولتي اهو في عز الضهر يعني زمانهم صحيوا

شمس...يا سهير الله يهديكي اللي بتقوليه ده كان زمان الوقت العريس والعروسه بيقوموا يحضروا مع بعض الفطار ويعملوا جو رومانسي وام العروسه بتروحلها اخر النهار او علي 8 كده

بوسي...صباح الخير راحه فين ياسهير

شمس...الحقي دي راحه لتوته

بوسي...الوقت 🤨🤨استهدي بالله ياسهير

سهير....هو ايه يابت انتي وهي فايقين عليا ليه وانتي يامزغوده ساعه 8 ايه اللي اروح لها فيها امال سموها الصباحيه ليه

شمس...يا انا صباحيه ليهم مش ليكي في ايه ياسهير انتي هتبقي حماه من اولها ولا ايه

سهير...انتي بتقولي كده غنتي وهي غشان مش عايزني اجيلكم الصبح لما تتجوزوا انما توته تلاقيها مستنياني قلب امها

بوسي...ياسهير عيب توته ابه اللي مستنياكي دي تلاقيها نايمه مقتوله طالعين بعد الفجر وطول الفرح مأعدناش انا صاحيه مش حاسه بجسمي كأني واكله علقه مابالك هي طلعت شقته بعد الفرح ودخلت في معركه مؤجله بقالها 14 سنه مش عايزه افسر اكتر من كده ياسوسو🤨

سهير...شوفي البت وقلت ادبها بردو هروح

شمس...بضحك علي بوسي يا انا بوسي عندها حق طب حتي روحي بعد العصر يكونوا صحيوا

اعدت سهير عالتربيزه ادام صنيه الأكل وحطت ايدها علي خدها وعيطت. بصراحه بقي لنا مش قادره استحمل عايزه اشوف بنتي

بوسي...ايه ده احيه سهير بتعيط

شمس..راح خدتها في صدرها في ايه بس يا اما وحدي الله

سهير...طول الليل منمتش وبدور عليها وكل شويه ادخل اوضتها مش قادره اتخيل ان توته خلاص سابتني وراحت بيت تاني توته دي مش بنتي بس دي اختي وصحبتي واوقات كنت بحسها هي اللي أمي توته دي انا جبتها وانا لسه متمتش ال14 كانت في حضني وانا15 سنه كنت لسه عيله كبرت وهي كبرت معايا اول فرحتي واول كل حاجه حلوه بنتخانق انا وهي كتير بس انا من غيرها اموت والله العظيم وحشني صوتها ومناقرتها وعصبيتها وطيبتها وحنيتها حاسه ان شامه ريحتها في كل مكان طول الليل اخرج ابص علي بلكونتها واعيط عايزه اروح اشوفها يابنات والنبي

فضلت بوسي وشمس يعيطوا عليها وهي بتعيط

بوسي...مسحت دموعها ايه كل ده يا اما مش انتي حلمتي باليوم ده كتير يعني كنتي عيزاها تفضل جمبك يعني بزمتك انتي مش فرحانه لفرحتها

سهير...فرحانه طبعا بس قلبي واجعني اوي حاسه ان هيجرالي حاجه من غيرها يابوسي

شمس...وهي بتعيط وتضحك علب كده بقي ياست سهير هتعملي علينا كده لما نتجوز ولا هي ست توته بس اللي خدت الحب كله

سهير...يابت ده انتوا حته من قلبي انا محلتيش غيركم فالدنيا..بس توته كانت واخده بحسي علي طول اعده معايا لما كانت اي واحده فيكم تخرج مع خطيبها كنت ازهق واروح اعد معاها فالمحل ونأعد نتكلم ونرغي لما كنتوا تناموا كان يصعب عليها تسبني وتنام كنت بس اقولها نفسي في حاجه الاقيها جت في ثانيه وتأملني بايدها وتقولي بألف هنا يا اما

بوسي...توته طول عمرها حنيه الدنيا دي كلها فيها حنينه علي الكبير والصغير واللي في ايدها عمره ماكان ليها والتبي ياما ماتعيطي يوم صباحيتها انتي بتبشري عليها ادعيلها يا اما ربنا يهدي سرها ويسعدها

سهير...بدعيلها من قلبي البت كانت حته قمر امبارح الله اكبر شوفتها قلبي كان بيرقص احساس محدش هيحسه وانا شيفاها جايه من اول الشارع بالابيض شبه الملايكه لقيت نفسي بجري عليها واخدها في حضني

شمس...بكره يا اختي ربنا يرزقها وتحمل وتسيب ادهم وكل شويه تيحي وتقول تعبانه ولا تولد وتسبلك ابنها ولا بنتها وتقولك خليه معاكي

سعير...يا اختي يارب يسمع منك ربنا ياشمس ويفرحني بيكم ياشمس انتي وبوسي

بوسي...يارب يا اما بصي بقي قومي شيلي الصنيه دي وانا ياستي هغسل وشي واجي نفطر مع بعض وبعد كده نحط الحاجه دي في اطباق جاهزه ونقفلها ونغلفها ولما تطلعي وديهملها واهو برده الشكل يبقي احلي

شمس...صح يابوسي

سهير...ماشي ياولاد اللي تشوفوه

.................

وعد...بأبتسامه جميله صباح الخير

مديحه...صباح الفل علي احلي عروسه فالدنيا

زين...بحب صباح النور ياوعد

راحت وعد غسلت وشها ورجعت اعدت جمب منه وهي ساكته ومحرجه

مديحه...يلا ياولاد افطروا

منه...انا هموت من الجوع معرفش ليه

مديحه...عشان امبارح اليوم كان طويل وسهرتوا كتير ونمتوا اكتر فاطبيعي تحسوا بالجوع...كانت مديحه ومنه اعدين يتكلموا ووعد وزين مبتسمين ونظراتهم لبعض كلها حب..

بعد ما خلصوا فطار.

زين...وعد ممكن تعمليلي فنجان القهوه بتاعي

وعد...حاضر هشيل مع خالتو ومنه وهعمله علي طول

مديحه...لا روحي ياوعد اعمليه انتي احنا هنشيل

وعد...حاضر ياخالتو

دخلت وعد تعمل القهوده ودخل زين البلكونه يشرب سيجاره ومديحه ومنه كانوا بينضفوا السفره

خلصت وعد القهوه وراحت تديها لزين

وعد...هو فين زين ياخالتو مش في اوضته

مديحه...فالبلكونه ياوعد

راحت وعد عالبلكونه كان زين بيلعب فالموبايل اول ماشافها

زين....تسلم ايدك خد منها الفنجان حطته عالسور

وعد....عايز حاجه تاني

زين...راحه فين خليكي

وعد ..بابتسامه هروح اساعد خالتو ومنه

زين...تعالي بس منه خلصت بره خلاص

وقفت جمبه وعد وهي بتحاول متبصلوش فا فضلت باصه عالشارع وشيفاه بطرف عينها وهو مركز معاها

زين...بحب مبسوطه ياوعد

بصتله وعد بأحراج وهزت راسها

زين....لا انا عايز اسمع صوتك

مبسوطه

وعد....اوي بس حاسه اني بحلم ومتوقعه اصحي من الحلم ده اي وقت

زين...بس انتي مبتحلميش ياوعد

وعد...عارفه بس المفجأه كانت مش متوقعه

زين...حبيت افرحك

أبتسمت وعد...وانا فرحت يازين اقولك علي حاجه ومتضحكش عليا

زين...بحب قولي ياحبيبي

اتنهدت وعد من كلمته😍❣️🙈 وكملت كلام

وعد...امبارح لما حاج سعيد قال كتب كتاب زين الرجال بسرعه عرفت ان انت طبعا بس وقتها اتصدمت مكنتش عارفه انك بتعملهالي مفجأه بس اللي جه في بالي وقتها انك هتتجوز حد تاني

زين...بضحك حد تاني غيرك وانا اللي كنت فاكرك ذكيه امال لو مكنتش قولتلك اننا لازم نكتب الكتاب قريب

وعد...ماهو انا مكنتش متخيله ان قريب ده اللي هو بعد يومين انا لحد ما كتب الكتاب خلص وباركولنا كان عندي زهول انا الوقت لما صحيت مش مصدقه

زين....بحبك ياوعد

ابتسمت وعد باحراج وبعدت وشها

مسك زين ايدها وهو رافع حواجبه...بقولك بحبك

وعد...وشها احمر واتكسفت اسكت بقي

زين...مش هسكت غير لما تردي عليا

وعد...وانا كمان

زين...وانتي كمان ايه🤨🤨

وعد...بحبك ارتحت بقي

زبن...اه ارتاحت بقولك ايه

وعد...نعم

زين...اعملي حسابك اننا بعد شويه الشمس تهدا كده وهنخرج

وعد...بفرحه انا وانت

زين...اه وهو بيقلدها ااه انا وانتي😉

وعد...هنروح فين

زين...لا مفجأه

وعد...عشان خاطري

زين...لا مفجأه قولت🤨 المهم اننا مش هنتغدي هنا

وعد...طيب ممكن تقول لخالتو

زين...اقولها ايه

وعد...يعني تستأذنها اننا نخرج

زين...انتي عبيطه ياوعد انتي مراتي😉

وعد...ماشي بس لازم تعرف

زين...ماشي ياستي عموما هي عارفه انا قولتلها جهزي انتي بس نفسك وعلي سته كده هنخرج

وعد...بفرحه ونشاط وحماس مااااشي هروح اجهز لبسي

زين...ماشي ياعبيطه يلا روحي😉😉

..............

اما عند العرسان

توته كانت رايحه فالنوم وملامحها باين عليها الفرح ووشها مبتسم

لاكن كان واضح ان في حاجه بتضايقها وكل شويه تضرب بايدها وشويه وتخبي وشها...لحد ما اخيرا فتحت عينها بالعافيه وفضلت حاطه ايدها علي وشها من النور ياما قولتلك ميت مره متفتحيش الشباك اهو الدبان دخل فالاوضه

ضحك ادهم عليها امك ايه قومي يابنت الهبله

فتحت توته عينها بصدمه. ادهم 😳 انا فين

ادهم...بضحك صباحيه مباركه ياعروسه انتي في حضني

قفلت توته مابين حواجبها وهي بتحاول تفتكر وبعدين رجعت بصتله وهي مبتسمه

توته...صباح الخير

ادهم...قرب مناخيره من وشها وهو بيلاعبها صباح الفل علي احلي عروسه فالدنيا كلها صباحيه مباركه ياعروسه

توته...باحراج الله يبارك فيك

ادهم...هتفضلي نايمه كده كتير

توته...هي الساعه كام

ادهم...مش عارف تقريبا واحده ونص

توته..انت لسه صاحي

ادهم...لا لسه صاحي ايه انا بقالي ساعه قومت خدت دش وصليت وبعدين ياستي دخلت عالمطبخ قولت احضرلك الفطار وفعلا حضرتلك احلي فطار

توته...ده ايه الدلع ده كله ياسي ادهم انا لو خدت علي كده هسوق فيها

باسها ادهم بوسه بسيطه علي شفايها...ياباشا انتي تسوقي فيعا براحتك بس العقبه بقي مكانتش في الفطار

توته...بدلع امال كانت في ايه

ادهم...فالاطباق لسه مش حافظ المطبخ ولا عارف انتو راصين الدنيا ازاي

توته...بكره تتعود بس المهم انك لقيتهم فالاخر

ادهم...بثقه لا لقيتهم ايه والله مالاقيت اي حاجه اخر ما دوخت روحت عالنيش طلعت منه

توته...قلبت وشها وقامت اعدت جمبه وهي بصاله وعينها بتطلع شرار...بتقول ايه روحت ايه

ادهم...بأرتباك ابدا. ببقول روحت عال. انتي بصالي كده ليه انتي هتتحولي يابت ولا ايه

توته...طلعت اطباق النيش يا ادهم😡

ادهم...يابت مالك في ايه هي عليها رهن ولا جيباهم قسط

توته...النيش يا ادهم😡

ادهم...يابت مالي النيش انتي مستلفاه من حد طيب فهميني

توته...ده انت نهارك مش فايت وهتبقي صباحيه سوده عليك يا ادهم

ادهم....في ايه يابنت الجزمه

انتي هتتحولي فهميني طيب

توته...النيش ده بيجي الشقه وبيترص ويتقفل عليه المفتلح ويترمي وميتفتحش طول العمر أعتبر كده المنطقه بتاعته محظوره ملغمه او اقولك اعتبرها كده حتت أثار بتروح المتحف تشوفها انما تلمسها ومسكته من التيشرت😡😡😡🗡️اقتلك

ادهم...نهار اسود ومنيل انا راجل مش مظبوط عشان فكرت اعملك جو رومانسي انا اصلا راجل مش تمام عشان فكرت اتجوز اصلا عايزه تموتيني ياتوته عشان خاطر حتت نيش يابت انا الحب يا بت🙄

توته...شوف العب بأي حاجه فالمطبخ ألعب بأي حاجه فالبيت كله أقولك العب بيا انا شخصيا انما النيش لا

ادهم...العب بيكي ازاي😳🙄

توته...انا هعتبر المرادي تحذير عشان مكنتش تعرف انما المره الجايه قول علي نفسك يارحمن يارحيم

ادهم...تسلم ايدك ياسيد المعلمين صباح فل يا توته قام خرج من الاوضه وهو بيشتم وهي وقعت من الضحك

ادهم...ابو الجواز عاللي عايز يتجوز علي ابو النيش انا عشان لحظه رومانسيه طايشه كان هيطلع اخباري فالجرايد انهرده ويكتب جمبي قتل زوجه لزوجها يوم صباحيتهم عشان اتجنن وفكر يفتح النيش

منكم لله وانا مني لله😒😒

البارت الرابع والعشرون...

عدي الوقت بسرعه جهز زين ولبس وفضل مستني وعد لحد ما اخيرا خرجت

وعد....بأبتسامه و احراج انا جاهزه

زين....اخيرا

وعد...انا متأخرتش علي فكره

زين...ماشي ياستي يلا بينا

مديحه...خلي بالك منها يازين

زين...في عيني يا امي هتطلعوا لادهم وتوته امته

مديحه الساعه الوقت سته هدخل البس زمان سهير هتعدي عليا الوقت

زين...ماشي يا امي خدي منه معاكي متسبيهاش لوحدها

منه...لا انا عايزه اطلع معاكو انتو احنا متفقين الكبار يطلعوا واحنا نطلع شباب مع بعض كده😉😉

زين...قصدك ان مديحه كبرت

منه...لا طبعا دي لسه موزه شباب اطلع منها انت متوقعناش في بعض

مديحه...بكاشه اوي البت دي

زين...بضحك ماشي ياستي هظبط مع الشباب واعرفك وانتوا اتفقوا مع بعض عشان بصراحه انا عايزكم كلكم تبقوا موجودين عشان الحفله اللي هتتعمل عليكم

منه...لا بقولك ايه احنا اتفقنا اني احكيلك وابقي براءه

زين...وانا قولتلك انتي وحظك

منه...قول انك عفيت عني احسن اقول لادهم وهيما

زين...طب جربي كده تقوليلهم وحيات امي لا ععفي عنهم واعلقك انتي ادامهم😡

وعد....بضحك احسن😛

ضحك زين علي وعد

منه...كده ياوعد انا حبيبتك وصحبتك

وعد...لا مش خبيتي عليا تستاهلي

منه ..ماشي ياجزمه😡

وعد...😂😂

زين...يلا ياوعد البت دي هتأخرنا

وعد...يلا عايزه حاجه ياخالتو

مديحه...لا ياحبيبتي اتبسطي

وعد...باستها وباست منه وخرجت مع زين.

وعد...هو احنا هنروح فين وهنمشي ازاي

زين...هنروح فين دي سبيها الوقت خليها مفجأه اما هنمشي ازاي احنا مش هنمشي احنا هنركب العربيه يلا اطلعي

وعد....احنا هنركب العربيه اللي كنا راكبنها امبارح

زين...اه مالك مستغربه ليه

وعد...مش المفروض كنت سلمتها الفرح خلص خلاص

زين....اه بس انا مأجرها انهرده كمان عشان كنت عامل حسابي اننا نخرج مع بعض يلا بقي اركبي ركبت وعد وركب زين واتحركوا بالعربيه

وعد...هو انا ممكن أسالك سؤال

زين...طبعا

وعد...هو انت ليه مش عندك عربيه مع انك يعني شغلك كله فالعربيات وانت بتحب العربيات جدا وكنت بسمعك كتير بتقول ناس بيجو يعرضوا عندك عربيات تبيعهالهم ليه مشتريتش حتي عربيه مستعمله

زين...كل دي أسأله🙄

وعد...بضحك خلاص رد علي اي واحد فيهم

زين...بحب لا ياستي هرد علي كله اولا مش عشان شغلي كله فالعربيات يبقي لازم يبقي عندي عربيه وفعلا انا بحب العربيات جدا وبحب اشوف ايه احدث حاجه نزلت وايه الامكانيات الخلوه في كل عربيه بس برده انا مليش فالمستعمل يمكن عدي عليا مستعمل كتير وحالته حلوه جدا بس انا مش مع المبدأ ده انا بحب الجديد..مشترتش ليه بقي انا يمكن كنت بفكر ويمكن بردو قبل ما اخد خطوه كتب الكتاب دي كان ممكن بس الوقت لا

وعد...مش فاهمه تقصد ايه

زين...يعني انا معايا فلوس ياوعد اجيب شقه واجيب عربيه بس لو جبت عربيه مش هنفرش الوقت الشقه فا انا مأجل موضوع العربيه ده وزي ماقولتلك لو كنت فاتحتك فالموضوع ده ياوعد وحسيت انك رافضه كنت هشتري العربيه ومكنتش هفكر خلاص فالشقه بس الوقت الموضوع اتغير

وعد...اممم تقصد تقول ان انا اللي خليتك متجبش العربيه🤨

زين...ايوه طبعا

وعد...نعمم😳

زين...بضحك لان الوقت اني ابقي معاكي وبسرعه ده اهم من العربيه

وعد...طب ولو كنت رفضت ليه بتقول كنت هتجيبها ومكنتش هتفكر فالشقه

زين...عشان انا يوم ما هجيب شقه يا وعد هجيبها عشان انتي هتعيشي معايا فيها بس لو انتي مش معايا يبقي الشقه ملهاش لزوم

وعد...بمشاغبه ايه مكنتش هتتجوز يعني

زين...زين مينفعش يتجوز اي بنت غير وعد

أبتسمت وعد لزين بحب ووشها احمر.

ركن زين العربيه وبصلها بحب يلا انزلي

وعد...انزل فين

وعد...انزلي بس هتعرفي الوقت

نزلت وعد وهي الفضول هيقتلها مش شايفه اي حاجه فالشارع مميزه كله محلات وزحمه ناس وطريق رايح جاي

مسكها زين من ايدها وراحوا علي مكان المحلات

وعد...زين احنا رايحين فين

زين...تعالي بس يلا

وقف زين ادام محل دهب وبص لوعد...يلا

وعد...بعدم فهم يلا ايه

زين...ادخلي اختاري شبكتك ياعروسه😉

وعد...😳شبكتي انا

زين...اه شبكتك انتي انتي مش عروسه ولا ايه

وعد...ايوه بس

زين...بس ايه في عروسه تكتب الكتاب وهي لسه ملبستش شبكه ولا حتي لبست دبله

وعد...بلغبطه ايوه يا زين بس انا يعني مش عايزه حاجه والله

زين...هو ايه اللي مش عايزه حاجه والله احنا هنفاصل🤨

مرات زين تلبس احلي شبكه انتي متجوزه اي حد ولا ايه🤨 يلا ادامي

أبتسمت وعد بحب ودخلت معاه وهي محرجه ومش علي بعضها ولا جه في بالها اصلا موضوع الشبكه ولاحتي انها مش لابسه دبله

دخل زين وسلم علي الصائغ واعد هو ووعد.

الصائغ أؤمرني اساعدك ازاي

زين...الامر لله انا معرفش فالحوار ده خالص فا هسيبها هي تختار

الصائغ طيب يعني حضرتك عايز هديه ولا ايه بالظبط

زين...انا عايز احلي شبكه عندك وبصراحه انا معرفش الشبكه بتبقي عباره عن ابه غير ان بيبقي في دبل فالاول خلينا نبدأ بالدبل وبعد كده هي تعيش بقي

الصائغ...بتفهم تمام لنا كده فهمت عموما في تشكيله حلوه لسه جايه من يومين وليه حتي متعرضتش هوريكم الاول الدبل وبعد كده هفرجكم عالشبكه

زين...بأبتسامه معاك كل الوقت

قام الصائغ يجيب طلب زين وفضلت وعد بصاله وبتدعك ايدها في بعض بتوتر

زين...وعد مالك متوتره ليه

وعد...زين ممكن طلب

زين...عيوني

وعد...انا مش عايزه شبكه والله العظيم كفايه عليا اني البس دبلتك واي فاوس تانيه وفرها للشقه والحجات اللي لسه هتيجي

زين....وعد شبكتك هتيجي وزي ما لنتي هتختاريها زيك زي اي عروسه فالدنيا اما الشقه فا طلعيها من دماغك انا عامل حسابي عليها وحتي الشبكه فلوسها ملهاش علاقه بالشقه

وعد...ماشي تمام بس الفلوس دي ممكن تخليها لاي حاجه في تجهيز الشقه عشان خاطري

زين...عشان خطري انتي ريحيني واختاري عشان لو مختارتيش هختار انا واعملي حسابك مش هنخرج من هنا غير وانتي جايبه اللي انا عايزه فهمتي🤨

الصائغ قطع كلامهم ورص ادامهم كذاعلبه للدبل وابتدا زين يتفرج هو ووعد وعد كانت مكسوفه جدا لاكن زين حاول يخرجها من المود ده لحد ما اخيرا اختارت

وعد...طيب شوف دي

زين...حلوه بس خفيفه اوي وممكن تتكسر بسهوله

وعد...بقله حيله يا زين

زين...اختاري عدل ياوعد عشان خاطري يلا بقي مش عايزين نتأخر

بصي دي كده

الصائغ ...انا شايف انها حلوه اوي وبعدين دي موديل جديد

زين...ها ياوعد ايه رأيك

وعد...حلوه اوي

زين...بأبتسامه تمام هناخدها اختاري معايا بقي دبله.

حطت وعد ايدها بسرعه علي واحده عجبتها من اول ماشافتها انا عجباني دي اوي حساها أستايلك وبردو براحتك

زين...بأبتسامه وهناخد دي كمان.

الصائغ تمام هشيل العلب دي واجبلكم أطقم الشبكه تختارو منها

زين...تمام معلش تعبناك

الصائغ...لا ابدا تعبكم راحه ربنا يتمملكك بخير

زين...دبلتك عجبتك

وعد...حلوه اوي

زين...مبروك عليكي ياقلبي

وعد...الله يبارك فيك

رجع تاني الصائغ وحط ادامهم علب كتير بأشكال دهب تجنن

زين...يلا بقي اختاري اللي يعجبك

بصت وعد عالعلب بقله حيله ومكانتش عارفه تختار كلهم احلي من بعض

زين...ايه اختاري

الصائغ...لو مش عجبينك في تشكيله تانيه احلي

وعد...لا بالعكس حلوين اوي بس مش عارفه اختار

زين...طيب شوفي ده كده حاسس انه هادي

وعد...حلو اوي بس انا شايفه ممكن اجيب خاتم وبس يازين

زين...بجديه وعد اختاري لو سمحت

خدت وعد نفس طويل وبصتله ماشي يا زين ده حلو

زين...اكيد ولا عايزه تريحيني وخلاص

وعد...لا والله ابدا هو عجبني اصلا اكتر واحد

أبتسم زين...طيب الحمد لله وبص للصائغ وده كمان مع الدبل..عايز بقي انا اشوف سلسله كويسه

وعد...بصتله ليه سلسله

زين...لا دي انا عايزها

بصتله وعد وسكتت بس الفضول كان هيموتها وتعرف لمين بس اتحرجت تسأله

رجع الصائغ ومعاه السلاسل فضل زين يختار لحد ما وقع عينه علي سلسله علي اد الرقبه عجبته وبص عالدلابات عجبه قلب بيتقسم نصين

زين...هو ده علي بعض كده

الصائغ ...لا ممكن تاخد نص واحد وفي منه كمان فضه لو تحب

زين...في من ده فضه

الصائغ... ايوه اهو هو ده

زين...يعني ممكن اخد نص فضه ونص دهب

الصائغ ...طبعا اللي يريحك

زين...حلو اوي كده تمام عايز بقي الدبل يتكتب عليها تاريخ بتاخد وقت

الصائغ لا خالص يعني ممكن ساعه ونص بالكتير هبعت حد الصاغه بسرعه يطبعهم اكتبلي بس هنا التاريخ

زين...تمام احسب بقي كل ده

حسب الصائغ كل حاجه اختاروها وقاله عالمبلغ

وعد...تنحت😳 وبقت مضايقه جدا

زين...بأبتسامه تمام طلع شنطه صغيره كانت في ايده وفتحها طلع منها رزمتين فلوس واداهم للصائغ يعدهم

الصائغ تمام ورجعله جزء من الفلوس

زين...ايه ده

الصائغ...ده تخفيض بسيط من المحل عشان حضرتك اول مره تتعامل معانا وعشان اي شبكه بتعدي مبلغ معين بنعمل عليه تخفيش

زين...بأبتسامه شكرا ليك

الصائغ...العفو والف مبروك هلفلك الشبكه حالا مبروك ياعروسه

وعد...بأبتسامه ميرسي.

خرج زين ووعد من المحل بعد ما خدو الشبكه واتفقو مع الصائغ انهم هبرجعو يخدوا الدبل بعد كام ساعه

راحوا عالعربيه ومشي زين وطول الطريق وعد ماسكه الشنطه بتاعت الشبكه مبتسمه وساكته لحد ما وصل زين لمطعم عالنيل

زين...يلا ياستي وصلنا

وعد...زين انا بقول كده كفايه ويلا نروح

زين...هو ايه اللي كفايه احنا لسه خرجنا وبعدين انا ميت من الجوع انتي مش جعانه ولا ايه

وعد...زين انت مش شايف انت صرفت فلوس اد ايه

زين...هو انتي ممكن تنسي حوار الفلوس ده انهرده خالص وعد انا مبسوط اوي وعايزك انتي كمان تتبسطي ولو عالفلوس ياستي فالفلوس دي انا اللي جبتها عشان اعرف اتبسط بيها

وعد...حاضر يازين

زين...اضحكي بقي

وعد...أبتسمت بحب لزين انا بحبك اوي يازين

زين....يااااه اخيرا ضحكلها بحب وانا بموت فيكي ياقلب زين

وعد...طيب يلا

زين...استني افتحي الشنطه بتاعت الشبكه هاتي منها العلبه الصغيره

وعد....اتفضل

زين...خدها منها زين مسألتنيش يعني دي بتاعت مين

وعد...عادي يعني انت ماقولتش قولت بس انك عايزها

زين...وليه مسألتنيش مش عايزه تعرفي

وعد...لا بس محبتش تشوفي بتدخل في حاجه متخصنيش

زين...انتي مفيش حاجه متخصكيش ياوعد وبعدين مش يمكن اكون جايبها لعروسه تانيه

وعد...كشرت وشها عروسه مين😡

زين...دي عروسه زي القمر لو شوفتيها هتحبيها اوي

وعد...بأبتسامه لا والله طب ما تعرفني عليها

زين...ياسلام بس كده انتي تؤمري..فتح زين العلبه وركب فيها نص القلب الدهب وطلع من جيبه ميداليه مفاتيحه ركب فيها نص القلب الفضه وبصله وقرب منها لبسها السلسله ورجع بصلها وهو بيغمزلها😉 شوفتي العروسه الحلوه دي

وعد...حطت ايدها عالسلسله وهي مبرقه😳🙄 زين بتاعت مين دي

زين...قولتلك بتاعت عروستي وادي عروستي لبستها

وعد...زين كده بجد مش هينفع انت صممت تجبلي الشبكه والدبله واختارتهم تقال خالص واديك شوفت انت دفعت اد ايه دي ايه لزومها بقي.

زين...الشبكه والدبله دول شبكتك ياوعد وكان لازم يجولك يا احلي عروسه اما دي بقي هديت عيد ميلادك اكيد منستهوش

وعد...عيد ميلاد مين😳

زين...عيد ميلادك ايه نستيه ولا ايه

وعد...عيد ميلادي انا وانت لا مش ناسيه بس مش مركزه فالتاريخ انا جبتلك هديتك انا ومنه من قبل فرح توته وادهم بس وسكتت شويه وبصت فالموبايل 😳😳هو كان امبارح

زين...بأبتسامه امم بس انا كنت مشغول الفتره اللي فاتت مع ادهم حقك عليا

وعد...زين هو احنا اتجوزنا في نفس يوم عيد ميلادنا

زين...ضحك انتي لسه واخده بالك🤨

وعد...أبتسمت اه والله العظيم

زين...طب ايه رأيك عجبتك المفجأه

وعد...طبعا انا والله مخدتش بالي يعني نتجوز في نفس يوم فرح ادهم وتوته ونفس يوم عيد ميلادي انا وانت انا مبسوطه اوي دي احلي ذكري في حياتي كلها😍

زين....انا مبسوط اوي عشان انتي مبسوطه ياوعد

وعد....ربنا يخليك ليا ❣️

زين...ويخليكي ليا يابنت عمري يلا بقي ندخل

وعد...بفرحه يلا

..............

عند توته وأدهم...

صوت الزغاريط كان مسمع الشارع كله

توته...وحشتيني يا امي

سهير...وخداها في حضنها انتي اللي وحشتيني يانور عيني البيت وحش اوي من غيرك

توته...والنبي ايه ياسوسو مش بردو كنتي عايزه تكسري ورايا قله

سهير...لا يا اختي البيت من غيرك ملهوش طعم

توته...نورتوني كلكم والله

فاطمه...مبروك يابت ياتوته احلويتي الله اكبر

توته...ليه بقي ياست بطوط وانا كنتي وحشه

فاطمه...فشر كنتي قمر وبقيتي قمرين

روحيه...مبروك يابت ياتوته عقبال عوضك

توته...حبيبتي ياروحيه منوراني وفرحانه انك طلعتي معاهم بس بقولك ايه وقربت منها وهي بتزغزها من جمبها كنتي مولعاها امبارح فالفرح

روحيه...ضحكت من حركتها يابت اختشي والنبي صحيح

توته...اه والله كنت بترقصي وسط الشباب ومش همك حد

نعمه...روحيه خلاص باظت بتدخل اي فرح تهز

مديحه...ربنا يفرحها يارب

ناريمان...مبروك ياتوته عقبال مانفرح بعوضك يارب

توته...يارب يا ابله ناريمان ادعولي والنبي

فاطمه...متقلقيش يابت ربنا هيراضيكي ياتوته ويفرح قلبك الابيض

مديحه...توته دي جدعه وحنيه الدنيا فيها وربنا هيفرح قلبك يابت

سهير...ياااااااارب ده هيبقي احلي يوم في حياتي كلها وانا شايله عوض توته علي ايدي

توته...بتمني ياااارب هما فين البنات مجوش معاكم ليه

مديحه...قالوا متفقين يطلعولكم مع بعض هما والشباب

توته....اه صح

فالوقت ده خرج أدهم

أدهم...سلام عليكم منورين جميعا

مديحه...مبروك يا ادهم

ادهم...الله يبارك فيكي يا مديحه

فاطمه...مبروك ياحبيبي ربنا يجعل حياتكم الجديده كلها بركه وخير

ادهم...الله يخليكي يا بطوط عقبال ماتفرحي بعدوله والواد كيمو ومنار

فاطمه...يارب ياحبيبي

ناريمان...مبروك يا ادهم الف مبروك

ادهم...الله يخليكي يا ام مريم

نعمه...عقبال مانشيل عوضك يا رب يا ادهم

ادهم...حبيبتي يانعمه عقبال صالح ولاحه يارب

نعمه...يارب ياحبيبي

ادهم...منوره ياروحيه

روحيه....انت مين يا ولا

ضحكوا كلهم

أدهم...بضحك انا العريس يا روحيه

روحيه...مبروك ياولا

ادهم...كنتي مولعاها انتي أمبارح

توته...مانا لسه بقولها

أدهم...روحيه خلاص عيارها فلت مبقاش ليها ظابط ولا رابط

روحيه...بضحك اختشي ياوالا مش فرحانه

أدهم...ربنا يفرح قلبك ويروق بالك

وبص لتوته...ايه ياتوته انتي مقدمتيش حاجه هنبتديها توفير ولا ايه

سهير...انا عارفه يا اخويا ريقي نشف من الزغاريط والبت مناولتنيش كوبايه مايه🤔

توته...بضحك يالهوي يا اما انا اقدر والله فرحتي بيكم نستني انا راحه اهو

سهير...استني اجي معاكي اساعدك واشيل الحاجه دي فالتلاجه

أدهم...ايه ده كله ياسهير التلاجه مليانه

سهير...ديما عامر يارب دي حاجه بسيطه ألحاجه اللي هناك دي ست مديحه وست فاطمه وست نعمه وست ناريمان وروحيه هما اللي جابوها

ادهم....ايه ده كله بس والله ماينفع كده

توته....ايه كل ده صحيح أشحال ان مكنتوش فرشتو معايا وشايفين الحاجه اد ايه

فاطمه...با اختب الله اكبر ربنا يكتر خيركم ويرزقكم

نعمه....دي حاجه بسيطه باولاد وانتو عرسان محتاجين تتغذوا

ضحكت توته وقامت دخلت المطبخ هي وسهير وفضل ادهم معاهم بره.

توته...أتأخرتي ليه كده يا اما

سهير...والنبي كنت عايزه اجيلك من بدري بس اخواتك قالولي ميصحش دول عرسان

توته...ودول ايش فهمهم بتسمعي كلامهم يا اما بردو

سعير...يابت مانا جتلك اهو المهم طمنيني

توته...بعدم فهم اطمنك علي ايه

سهير...شوفو البت هتعمل هبله

توته...والنبي يا اما ما فهماكي

سهير...يابت عملتي أيه طمنيني

توته...فهمت قصد سهير اتحرجت ووشها احمر...ياما ايه اللي بتقوليه ده

سهير...يابت بلي ريقي بكلمه

توته...بأبتسامه الحمد لله تمام يا أما.

وفالوقت ده سابت سهير اللي في ايدها وفصلت تزغرط تزغرط ادهم وستات الحاره فهموا حس ادهم بألاحراج قام يفتح البلكونه والشباك بحجه انه يدخل الهوا وهو كان محرج...

..........

خلص اليوم ورجع زين ووعد فرجوهم عالشبكه كانت وعد محرجه وخايفه مديحه تضايق من اللي زين جابه ده كله لاكن مديحه كانت طايره من الفرحه وفضلت هي ومنه يزغرطولهم ابتسمت وعد براحه

عدي يومين كل حاجه ماشيه طبيعيه توته وادهم غرقانين فالعسل زين ووعد طايرين من السعاده الشباب والبنات كل واحد فيهم مستقر مع خطيبته

اتصل ادهم علي زين وهو فالشغل

زين...ياعرييييس ليك وحشه ياواطي

ادهم...وحشتني ياض انتو ايه مصدقتوا خلصتوا مني ولا ايه

زين...لا ياراجل ولا انت اللي مصدقت اتجوزت

ادهم...طب بقولك ايه انا زهقان ماتكلعوا انهرده نأعد مع بعض

زين...بضحكايه لحقت زهقت ولا ايه. توته مارست مهامها الزوجه عليك

توته...من بعيد اتلم يازين انا سمعاك

ادهم...بضحك متخبطتش انا فاتح الاسبيكر

زين...حبيبتي ياتوته مبروك ياعروسه

توته...الله يبارك فيك ياعريس

زين...لحقتي تزهقي الواد يا توته

توته...والله ابدا اسأله بس بصراحه لنا كمان زهقانه

زين....الله ربنا يبشركم بكل خير

ادهم...بضحك ياض الجواز حلو مفيش كلام بس الاعده تزهق انت عارفني مكنتش بأعد وهي كمان مكانتش بتأعد ده حتي يوم اجازتنا كنا بنقضيه كلنا مع بعض وماشوفناكوش من يوم الفرح بقالنا اربع ايام اهو اتفق بقي مع الشباب واطلعوا انهرده وتوته هتكلم اخواتها والبنات وتعالو نسهر سوا

توته...اه ومتتعشوش هعشيكم انا يازين

زين...بقولك ايه كله إلا العشا انا طول اليوم باكل اي حاجه فا مش ناقصين وجع بطن لو ملكيش فالاكل بلاش

توته...شايف صاحبك

أدعم...معلش زله لسان يا معلمه

زين...بضحك خلاص هقول انا الوقت للعيال وهنطلعلك بليل

توته...بقولك ايه عشان كمان نتفرج مع بعض عالفرح

زين...ايه ده جبتوه

ادهم...اه الواد هيما راح حابهولنا امبارح هو والصور وتوته مرضيتش تفتحه غير واحنا كلنا مع بعض

زين...تصدق ياض يا ادهم اخوك ده واطي مجابليش صوري انا ووعد ليه

ادهم....ياعم هيما كان تحت واحنا بنتصور ميعرفش انك اتصورت اصلا لو يعرف كان جابهملك

زين...ظلمته كنت ناوي انكد عليه يلا فلت مني ابن الجزمه

ضحك ادهم وتوته

ادهم...يلا هنستاكم بليل واعملوا حسابكم السهره صباحي

زين...مش صباحي اوي يعني في شغل وبعدين انت عريس واللي عندم دم احسن من اللي عنده فلوس ولا ايه

ادهم...بضحك لا با اخويا ملكش انت دعوه اطلع ومتتحججش

زين...بضحك ماشي ياصاحبي اشوفك بليل

توته...متتأخروش يازين بدل ما اقتل ادهم من كتر الزهق

ادهم...سامع حياتي امانه في ايدك يا صاحبي مفتريه وتعملها

زين...ماشي مش هتأخر وهطلع انقذك😂😂

ادهم... سلام يا صاحبي

زين...سلام ياحبيبي...

عامر...بتكلم مين قفشتك وهروح اقول لمراتك

زين...ايه يا ابن المجانين سرعت اهلي

عامر...اتخضيت يبقي بتعمل حاجه غلط وانا مش هسكت عالغلط وهدخل لوعد ومديحه الست الكمل دي

زين..قفشه من قفاه خد ياض هنا رايح فين وربنا اقتلك فيها

عامر...بضحك ايه ياعم بهزر ابو اللي يهزر معاك ياوحش

زين...ايوه كده😒😒 بقولك ايه

عامر...قول ياقلب اخوك

ايهاب....أس اس السلام عليكم

زين...كنت فين ياض

ايهاب...لسه جاي انا وعامر من الشغل بس كنت بكلم حسنييييي

زين...ماشي يا اخويا المهم ادهم لسه قافل معايا وعايزنا نطلعلو بليل

ايهاب...في حاجه ولا ايه

زين...لا بيقول زهقان

عامر...احييييه هو لحق عرفتوا اني انا صح بلا جواز بلا هم

زين...خبطوا علي دماغو اتنيل انت انا ليا معاك اعده أصلا ...بيقول زهقان هو وتوته وهنطلع نأعد معاهم ونتعشي سوا وجابوا الفرح عايزنا نشوفه مع بعض

ايهاب...طيب اشطه انا معنديش مانع وكويس معندي اي حاجه بليل

عامر...ولا انا

زين...خلاص يبقي نطلع بليل وهقول لباقي العيال الوقت

ايهاب...ماشي هطلع انا بقي اخد دش وانام شويه

عامر...وانا كمان

زين...لا استني انت عايزك

ايهاب...طيب هخلع انا سلام

زين...عمر هات كرسي لعامر

عمر...عيني ياعم زين

أتفضل

عامر...ازيك ياض ياعمر

عمر...الحمد لله ياعم عامر

زين...اعد

عامر...في ايه مش مرتاحلك🧐🧐

زين....مضايق منك

عامر...ليه بس عملت ايه

زين...عشان مكبر لنت من موضوع الجواز

عامر...اه انت كتبت الكتاب وهتبتدي تتكلم زيهم بعقل والجواز مهم والحوارات دي

زين...لا يا اخويا مش هتكلم زيهم بس عايزك تفكر

عامر...يا جدع افكر ايه بس هي ناقصه هم

زين...طيب ممكن سؤال

عامر...اتفضل انت ياض حبيت قبل كده وخدت علي قفاك وجاتلك عقده مثلا

عامر...بضحك لا والمصحف اطفحها

زين...طيب امال ايه بس

عامر...والله يازين زي ماقولتلك انا مبفكرش في اي حاجه غير الشغل الوقت عايز احط رجلي عالطريق اللي انا مخططله وبعد كده اي حاجه تانيه تيجي بعد كده ويمكن يازين لو كنت حبيت كان الموضوع اتغير ونظرتي اتغيرت بس انت عارف انا مفيش حد

زين...مش يمكن عشان انت مدورتش

عامر...ومش هدور يا زين الحب بيجي في لحظه ومن غير استأذان ولا حتي من غير مجهود اننا ندور عليه

زين...ايوه ياعامر بس

قاطعه عامر ما تجيلي دوغري يا عم عندك عروسه ولا ايه😉😉😉

زين....اه عندي

عامر...هو ده اللي بقوله ومين بقي تعيست الحظ دي🤔

زين...منار

عامر...🧐منار مين

زين...لا بروح امك انت هتستعبط ولا ايه منار بنت حاج سعيد

سكت عامر وملامحه اتغيرت

زين...ايه سكت واتغيرت كده ليه

عامر...بلاش يازين وبلاش الكلام فالموضوع ده اصلا

زين...ايوووووه افهم بقي

عامر...والله مافي حاجه بس انتوا مش فاهمين حاجه منار دي اختي يا زين مش اكتر من كده ولا انا هقدر اشوفها غير كده

زين...انتو مين وهو حد قالك حاجه

عامر...لا واقصد انت يعني ووو 🙄 منار يازين

زين...😳هي منار قالتلك حاجه

عامر...لا طبعا بس انا عارف يازين ان منار بتحبني ومن زمان كمان

زين...مش فاهم

عامر...بص يازين انت عارف اني مبفكرش في حوار الجواز ومنار بالنسبالي مش اكتر من اختي وبس ومقدرش اخليها اكتر من كده عشان منار اخت صحابي يا زين عادل وكيمو وخصوا كيمو مقدرش اخون ثقتهم فيا واكلم اختهم واستغفلهم

زين...ومين قالك تكلمها ولا تمشي معاها لو انت حاطط الموضوع في دماغك هتطلبها رسمي وبكده مش هتخون ثقتك فيهم وبعدين ما هيما قبل ما يطلب منه ويلبسها الدبل كنت عارف انهم بيحبوا بعض وهيما قاللي انه بيحب منه قبل ما يخطبها بكتير وانتوا كنتوا عارفين وعندك ايهاب اخوك ماهو بيحب رحاب بقاله كتير وبرده قبل ما يطلبها ولاحه وشهد اختك يعني الحوار ادامنا يا صاحبي واحنا مفيش خد فينا طبعه الخيانه او اللعب ببنات الناس

عامر...عارف يا زين بس مش قادر زي ماقولتلك عمري ما فكرت في منار بالطريقه دي منار انا اكبر منها ب3 سنين كنا مع بعض في مدرسه واحده اه كنت اكبر منها بس طول عمرنا صحاب وبهزر ونضحك سوا مش عارف اشوفها غير اختي

زين...بس انا كنان لاحظت انها بتحبك يا عامر

عامر...عارف يازين ودي اكتر حاجه تعباني مش عايزها تتعذب عشان هي تستاهل حد يحبها بجد

زين...طب ما تدي نفسك فرصه ياعامر البت بتشوفك بتتغير يا عامر ويمكن انا حاسس بيها عشان لحد من اسبوع تقريبا كان حالي نفس حالها بالظبط وكنت شايف اني بحب ومتعلق بحد انا مش في دماغه اصلا

عامر...مش عارف يازين صدقني

زين...هسيبك تفكر يا عامر وصدقني لو خدت خطوه فالموضوع ده تبقي امك دعيالك

عامر...بقولك ايه هو كيمو او عادل عارفين اللي انت بتقوله ده

زين...بجديه لا طبعا انت عبيط هما هيدللوا علي اختهم ولا ايه اصحي ياض دي الف واحد يتمناها

عامر...طيب الحمد لله

زين..فكر عشان خاطري

عامر...هحاول يازين انا اصلا بتعمد أعاملها علي انها اختي وبس عشان تنساني وتفقد الامل وتشوف نصيبها

زين...وهي مش هتعمل كده يا عامر اللي بيحب ياعامر ومتمسك باللي بيحبه عمر الامل ما بيتقطع عنده صدقني انا

عامر....ان شاء الله يا زين

زين...يلا اطلع ونتقابل بليل

عامر...ماشي يلا سلام

زين...سلام...واعد زين بقله حيله يفكر هيقول ايه لكيمو😔 يتبع

بداية الروايه من هنا

إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇

❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺

جميع الروايات الحصريه والكامله من هنا

انضموا معنا علي قناتنا بها جميع الروايات على تليجرام من هنا

❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺

تعديل المقال

النجم المتوهج The glowing star

رواية 30 يوم حياه البارت السابع عشر حتى البارت الرابع والعشرين حصريه وجديده في مدونة النجم المتوهج للروايات والمعلومات

مقالات قد تهمك

أقسام الوصول السريع ( مربع البحث )

رواية 30 يوم حياه البارت السابع عشر حتى البارت الرابع والعشرين حصريه وجديده في مدونة النجم المتوهج للروايات والمعلومات

مقالات قد تهمك