جميع الروايات كامله

رواية عهد بحب كاذب الفصل الحادي عشر حتى الفصل التاسع عشر بقلم الكاتبه مريم أحمد حصريه وجديده على مدونة النجم المتوهج للروايات والمعلومات 

رواية عهد بحب كاذب الفصل الحادي عشر حتى الفصل التاسع عشر بقلم الكاتبه مريم أحمد حصريه وجديده على مدونة النجم المتوهج للروايات والمعلومات

دخل البيت بغضب و هو بيزقها لدرجة انها كانت هتقع 

بس رقية لحقتها لما مسكتها بسرعة

يوسف....اتفضليييي 

اتكلمت رقية و هي بتقولها بخضة

رقية...في ايه !!

مردتش سارة عليها كانت ساكتة تماما و باصة لأخوها بحزن و دموع حاولت تخفيهم 

وجهة رقية كلامها ليوسف اللي كان باين علية الغضب الشديد و هي قالتله

رقية....فهمني يا يوسف في ايه 

ابتسم يوسف بسخرية و قالها 

يوسف....اسأليها مصاحبة مين ولا مصاحبة ناس عاملة. ازاي اصلا ناس بيئة و مش شبهنا ولا شكلنا ميت مرة اقولها تبعد عن اللي سمها زفت عهد دي و هييي برضو مُصرة تكلمها و تكسر كلامي 

ودت سارة وشها للناحية التانية بضيق و هي لسة زعلانة

و رقية بصت لسارة و قالتلها

رقية... اية يا سارة !! 

كملت كلامها و اتفاجئت بسارة بتقول معاها نفس الكلام اللي هي بتقوله بالحرف و كأنها حفظت كلامهم ليها 

رقية و سارة ....مبتسمعيش كلام اخوكي لية ؟؟...

اتصدموا منها و يوسف قالها بغضب و سخرية

يوسف...طب كويس ان حفظتي ياريت تنفذي بقى

مردتش سارة عليه و امها قالتلها بغضب 

رقية...متستهزقيش بكلااامي ليكي و لما اخوكي يكلمك تردي عليه 

هزت راسها بغضب و اتكلمت بقلة حيلة و هي بتقولهم 

سارة...انتوا اللي متستهزقوش بيا بقى و كفاية اوي احراج ليا لحد كدا !!

ردت عليها رقية بغضب و هي بتقولها

رقية....دلوقتي بقينا بنحرجك ؟؟؟ اومال اهل البنت البيئة اللي روحتيلها و دخلتيها حياتنا دي يبقوا ايه

سارة....متتكلميش عنهم كدا من فضلك انا اصلا مكنتش عايزة امشي من هناك من كتر م بيتهم مليان حب و مودة 

ابتسمت بسخرية و كملت 

سارة...لكن هنا كل واحد ف حاله محدش بيسأل غن التاني ولا بنتجمع كلنا زي عندهم لأ احنا بنتجمع بس ياما وقت الغدى او لو في خناقة زي دلوقتي غير كدا كل واحد عايش لنفسه و بس متعرفيش عهد بتقولي ايه ولا بتعمل ايه عشان بس بنت عمها تكون فرحانة و دي بنت عمها كمان مش اختها كل واحد فيهم بيحاول يسعد التاني بأي طريقة لكن هنا لأ.. تعرفي اني بستنى وقت سفر يوسف عشان احس بحريتي و اني مش مقيدة بتحكمات و تعليمات و كل الكلام اللي بتخنقوني بيه دا 

بصلها يوسف و تعابير وشه مرسوم عليها الجمود ولا كأنه سمع حاجة بس ف الحقيقة هو كان قلبه مصدوم من كلامها اللي جرحه جدا 

و رقية قالتلها بزهول

رقية...بتستني اخوكي يمشي و يسيبنا يا سارة عشان تحسي بحريتك اخوكي اللي طول عمره بيشقى و يشتغل و يروح من البلد دي للبلد دي عشان يشوف باقي الشركات و يغيب عن البيت بالشهور عشان يجيبلك انتي بالذات فلوس عشان تقدري تتعلمي و تخرجي و تفرحي و تشتري كل اللي انتي عايزاه بعد كل الاهتمام دا بتستنيه يمشي و يسيبك !!

دمعت عيون سارة و قالتلها 

سارة...لو الاهتمام بالمنظر دا ف انا مش عايزاه 

بصت لأخوها و كملت و هي بتقول

سارة....لو الاهتمام ف انه يحرجني قدام صاحبتي و يهينها هي كمان ف اي مكان يشوفنا موجودين فيه او حتى ف المكان اللي هي عايشة فيه يبقى شكرا اوي 

ضحكت بسخرية و بصت لأمها و قالتلها

سارة....اصلا ايه الاهتمام ف انكوا تقولولي كلمي دي و متكلميش دي ...لا سارة هتروحي هنا متروحيش هنا ...اشتري دي يا سارة بلاش دي شكلها مش حلو....ابعدي عن دي عشان مش شبهنا و مش نفس مستوانا الاجتماعي و كلمي دي ... ايييه الاهتمام ف كدا قولولييي و لما اروح اشتكي لماما تروح قايلالي اسمعي كلام اخوكي من غير حتى م هي تسمع الكلام اللي عايزة اقولهولها 

بصتلهم هما الاتنين و هما كانوا ساكتين تماما و هي قالتلهم بزهق

سارة....مين اداكوا الحق انكوا تتحكموا ف حياتي بالمنظر دا !!... 

كملت بسخرية و هي بتقولهم

سارة....مفتكرش اني مضيتلكوا على عقد احتكار لحياتي الصراحة 

محدش فيهم رد عليها و هي كلمت كلامها و هي بتنهي الموضوع و بتقولهم

سارة...من فضلكوا سيبوني اعيش حياتي زي م انا عايزة و اكلم الناس اللي انا عايزة اكلهم انا مش صغيرة انا بقى عندي 22 سنة و السنادي هتخرج يعني اذن اني بقيت كبيرة كفاية اني اختار الناس اللي انا عايزة اكلمهم متطرونيش اني اتعب تاني من كتر العياط و الزعل و افضل كل شوية ف نفس الثانية اخد ف المهدئ اللي الدكتورة كتبتلي عليه لحد م اتعب و يغمى عليا زي المرة اللي فاتت بس الفرق ان المرة اللي فاتت انتوا لحقتوني الله اعلم المرة دي هتلحقوني ولا لأ

بصتلها رقية بخوف و حمدت ربنا انها خدت كل علب الادوية بتاعت سارة من اوضتها اول م سارة خرجت من المستشفى 

سارة...عن اذنكوا

قالت كلامها و طلعت على اوضتها و يوسف خد مفاتيح العربية و خرج من البيت 

و ندى كانت عايزة تروح لسارة بس قالت انها هتبقى تروحلها بعد شوية عشان امها و طلعت على اوضتها 

مفضلش الا مروة و فاروق اللي بصت لرقية و قالتلها

مروة...صدقتي بقى انك معرفتيش تربي

بصتلها رقية بغضب و قالتلها

رقية...انا ساكـ....

قاطعتها مروة لما قالتلها بسخرية

مروة....انتي ايه ؟؟ انتي ام فاشلة يا رقية لا عرفتي تربي ابنك انه ميهينش حد يحترم الناس و ميجرش اخته و يرميها كدا ولا كأنها حمار زي م حصل دلوقتي و ولا عرفتي تربي بنتك على انها تعتمد على نفسها و تعرف تتصرف و تواجهه الناس و تحل مشاكلها اللي حصلتلها من اختياراتها لأ...طلعتيها ضعيفة الشخصية مبتقولش غير نعم و حاضر و بس ...بس هي يا روح قلبي زهقت من تحكماتكوا اللي خنقتها زي حبل

 المشنـ قة و اتكلمت بقى و واجهتكوا بغضبها منكوا و دي اخر حاجة كان ممكن اتوقعها الصراحة 

سقفت و قالتلها بفخر مصطنع

مروة...لا بس حقيقي برافو بجد عندك ابنك شخصيته قوية لدرجة انه بقى قليل الذوق و مش محترم و بيهين الناس ف بيوتها و عندك بنتك الطفلة اللي شخصيتها ضعيفة و ديما بتتحكموا ف حياتها لدرجة انها بقت بتخاف تقول على اللي هي عايزاه احسن تحرجوها و تقولولها لأ ...من الاخر الاتنين بقوا عايزين دكاترة نفسيين تعالجهم 

بصتلها بزهق و هي بتكمل كلامها و بتقولها

مروة.... بلا قرف 

قالت كلامها و طلعت 

و فاروق كل دا كان ساكت و دا اللي خلى رقية تستغرب لأن ديما كل م كانت مروة تتكلم او تقول كلمة تضايق كان فاروق بيزعقلها

اتكلم فاروق و قالها

فاروق....للأسف قالت الكلام اللي كنت عايز اقولهولك 

مستناش يسمع ردها حتى و طلع على مكتبه يكمل شغله 

و هي فضلت لوحدها ف الريسبشن حسة انها هتتجن من اللي حصل و من اللي بنتها قالتهولها دا غير كلام مروة ليها

فضلت كلمة مروة تتردد ف بالها و هي بتقولها

مروة...." انتي ايييه؟؟ انتي ام فاشلة يا رقية "

حست بدوخة و كانت هتقع

راحتلها الخدامة بسرعة و مسكت ايديها و هي بتقولها بخوف

فرح...رقية هانم حضرتك كويسة اطلب الدكتورة؟

هزت رقية راسها برفض و قالتلها

رقية....طلعيني اوضتي 

هزت الخدامة راسها و فعلا بدأت تمشي بالراحة و هي ماسكة ايدها لحد م تطلعها اوضتها

....استغفرك اللهم و اتوب اليك 

كانت عهد ف اوضتها و هي مضايقة جدا من زعيق يوسف ليها

خبط الباب و دخلت داليا باستغراب و قعدت جمبها و هي بتقولها

داليا...مالك طلعتي مضايقة يعني

حكيتلها عهد و داليا قالتلها بزهول

داليا....هي اللي جت دي تبقى اخته !!

هزت عهد راسها و داليا ضحكت و هي بتقولها

داليا....لا بس بجد برافو عليكي

سألتها عهد و هي مستغربة و بتقولها 

عهد...ليه يعني ؟؟

داليا...يا بنتي واحد زي دا بيتعمله الف حساب و الناس بتحترمه و مشهور لما انتي مترديش عليه و تتجاهليه دي ف حد ذاتها اهانة كبيرة اوي ليه

سكتت عهد و هي بتفكر ف كلام داليا و داليا قالتلها

داليا...انتي اصلا لو كنتي رديتي كان هو اللي هيحرجك قدام الناس لأنه واضح انه قليل الذوق و بجح بس عدم ردك دا بجد تحفه اوي 

كملت كلامها بفرحة و هي بتضحك و بتقولها

داليا...بجد فخورة بيكي

ضحكت عهد على كلام بنت عمها و صاحبتها المفضلة 

اتكلمت عهد و هي بتسألها و بتقولها

عهد..اخبار رحيم ايه و طنط صفاء 

هزت داليا راسها بابتسامة و قالتلها

داليا...كلهم كويسين و طنط صفاء بتسلم عليكي

ضحكت و هي بتقولها

داليا...غالبا كدا كلهم هيجوا تاني 

استغربت عهد و قالتلها

عهد...ينوروا بس ليه ؟ 

ابتسمت داليا و قالتلها

داليا...عشان طنط صفاء عايزة تخطبك لعمر 

ضحكت عهد و قالتلها 

عهد...ايه دا دي طنط صفاء بتحلم بقى 

ضحكت داليا على كلامها و بعدين قالتلها 

داليا...لية بس يا بنتي 

عهد...يا داليا انا مش عايزة اتخطب بقى و الكلام دا دلوقتي

داليا...لية يعني دا انتي ف اخر سنة حتى و تلت او اربع شهور تقريبا و تتخرجي

بصتلها عهد و قالتلها بسخرية و هي بتضحك

عهد...يعني عشان هتخرج يبقى انخطب دلوقتي !!

ضحكت داليا و عهد قالتلها. بنفي

عهد...لأ طبعا و بعدين انا لسة 22 سنة و لسة ان شاء الله هشتغل و كل الكلام دا

ردت عليها داليا بسخرية و هي بتقولها

داليا...الطموح بقى

ضربتها عهد ف كتفها و داليا ضحكت و عهد قالتلها برفض 

عهد...دا غير اصلا ان عمر دا ماما و بابا نفسهم لاحظوا انه ساكت كدا و اللي هو الانسان الماجح ف حياته العاقل كدا 

داليا...انتي عايزة تتخطبي لي بني ادم تافهه يعني بيتكلم و خلاص ولا ايه

هزت عهد راسها و قالتلها

عهد..اكيد لأ

ضحكت و كملت كلامها و هي بتقولها

عهد...بس انا برضو كنت برن الجرس على الجيران و بطلع اجري قبل م يعرفوا ان انا

ضحكت داليا على كلامها و بعدين قالتلها

داليا...بس بجد فكري و وافقي عشان انا و انتي نبقى عايشين ف نفس البيت مش كل واحدة ساكنة ف مكان مختلف

لفت انتباه عهد كلمة "نفس البيت" بصت لداليا و قالتلها

عهد...هو بيت عيلة !!

هزت داليا راسها بمعنى " ايوا " و عهد قالتلها بزهول 

عهد...انتي هبلة يا داليا !!

اتصدمت داليا و قالتلها

داليا...لية بس في ايه

عهد...انتي مش شايفة رحمة بنت طنط احلام حماتها مبهدلاها ازاي و كل شوية طلبات بسبب انها ف بيت عيلة !! دا غير ان كل شوية حماتها تحرقلها دمها هي و اخوات جوزها !!

سكتت داليا بخوف لأنها عارفة رحمة و قد ايه هي مخنوقة من فكرة بيت العيلة بس قالت لعهد

داليا...مش كل بيوت العيلة وحشين كدا يا عهد

هزت عهد راسها و قالتلها

عهد...ماشي بس دا نادرا يعني 

سكتت داليا و هي مش عارفة تعمل ايه و عهد قالتلها

عهد...خلي بابا يتكلم مع رحيم 

داليا...بس هو اكيد مش هيوافق عشان ميسبش اهله

عهد..يبقى احسن مع السلامة

اضايقت داليا منها و خرجت من الاوضة و راحت لهالة تقولها يمكن يلاقوا حل 

...لا اله الا الله محمد رسول الله

تاني يوم صحيت سارة و نزلت عشان تروح كليتها 

سمعت صوت جدها و هو بيقولها

فاروق...تعالي يا سيرا عشان تفطري معانا 

هزت سارة راسها برفض و قالتلها

سارة....ميرسي يا جدو 

فاروق...بس جدو قالك تعالي كلي يا سيرا 

ابتسمتله سارة و هزت راسها بقلة حيلة و راحت قعدت جمبه 

لاحظت عدم وجود يوسف فضلت شوية مكلتش و فاروق قالها

فاروق...يلا يا حبيبتي كلي عشان متتأخريش ع الجامعة 

هزت راسها و قالتله

سارة...مستنية أبية يجي عشان افطر متعودتش افطر و هو مش موجود 

ابتسمت رقية بسخرية و قالتلها

رقية...لا يا حبيبتي اخوكي عملك اللي انتي عايزة و سافر عشان لما تصحي تبقي مبسوطة و حسه بحريتك كدا و بيعتذرلك على انه كان محسسك انك مقيدة بسبب خوفه عليكي وووو

يتبعععع

عهد بحب كاذب

البارت الحادي عشر

بقلمي مريم احمد 

تفاعل♥️♥️

استغفر الله العظيم و اتوب الية عدد خلقه و رضى نفسه و زنة عرشة و مداد كلماته و عدد قطرات الماء و عدد الحركات و السكون

12

رقية... اخوكي يا حبيبتي عملك اللي انتي عايزة و سافر عشان لما تصحي تبقي مبسوطة و حسه بحريتك كدا و بيعتذرلك على انه كان محسسك انك مقيدة بسبب خوفه عليكي 

بصتلها سارة و هي مصدومة لدرجة ان الدموع اتجمع ف عيونها 

حمحمت زورها و قالت لأمها بتوجس

سارة...احم يعني ايه ؟؟

ردت عليها رقية بضيق و غضب و هي بتقولها 

رقية...يعني حسي بحرييتك براحتك 

قالت كلامها و قامت من على السفرة و طلعت لأوضتها 

طبطب فاروق على ايد سارة و قالها

 فاروق...يلا يا حبيبتي افطري

اتكلمت ندى و قالتلها 

ندى...مش شرط يكون زعلان منك هو كدا كدا كان قايل انه هيسافر

هزت سارة راسها يمين و شمال بنفي و قالتلها

سارة...بس كان لسة فاضل على سفره اسبوعين 

سكتت ندى بحزن عليها و هي وجهت كلامها لمحمد و هي بتقوله

سارة...هو كلمك او قالك حاجة يا محمد

هز محمد راسه بنفي و قالها

محمد...لأ خالص انا اتفاجئت انه سافر اصلا 

سكتت سارة و الدموع زادد ف عيونها و فاروق قالها و هو بيحاول يخليها متعيطيش

فاروق...امتحاناتك فاضلها كام يوم ف بلاش تفكري ف اللي فات

هظت راسها بمعنى " حاضر " و خدت شنطتها و قالتله

رقية...عن اذنك يا جدو 

و خرجت من القصر و هي بتحاول ترن على يوسف و هو مكانش بيرد عليها خالص 

نزلت دموعها بحزن و راحت للعربية و السواق راح للجامعة بتاعتها كل دا و هي بترن على اخوها و بتعيط عشان زعل منها 

اتكلم رفعت و هو بيقولها

رفعت...مالك يا سارة يا بنتي 

اتكلمت سارة و هي بتعيط و بتقوله

سارة...ابيه زعل مني و سافر و كمان مش بيرد عليا يا عم رفعت 

ضحك رفعت بخفة و قالها

رفعت... يا سارة البية بيحبك جدا و عمره م يزعل منك حتى لو زعل مبيبقاش من قلبه و حتى لو كان زعلان منك بجد ف كلها يومين و ينسى زعله دا 

مسحت سارة دموعها و قالتله

سارة...بجد يا عم رفعت

هز رفعت راسه و قالها

رفعت...طبعا 

وقف العربية قدام الكلية و قالها

رفعت...يلا يا وصلنا اهو ركزي ف محاضراتك عشان تعرفي تحلي ف امتحاناتك و اخوكي يفرح منك

هزت راسها بابتسامة و شكرته و نزلت من العربية و هو ابتسم عليها و هو بيدعي. ان اخوها ميبقاش زعلان منها 

....سبحان الله و بحمده سبحان الله العظيم

في ايطاليا كان وصل يوسف بقاله فترة مش كتيرة كان ف العربية اللي رايحة لفيلتهم اللي هناك 

كان باصص للشارع و هو بيحاول ينسى كلام اخته بس كان كل م يحاول ينسى يلاقي صوتها بيتكرر تاني ف باله و هي بتقول 

سارة..." انا اتخنقت من تحكماته يا ماما .. انا بستناه يسافر عشان احس بحريتي و محسش بقيود "

غمض عيونة بألم من كلامها بس سمع كلامها تاني و هي بتقول

سارة..." لو الاهتمام بالشكل دا اللي يخليني حسه بخنقة كدا ف انا مش عايزاه " ... " انا مبقتش صغيرة عشان تفضلوا تقولولي اعمل ايه و معملش ايه " 

ابتسم بسخرية على نفسه و انه كان ديما بيفكر ف ازاي يسعدها 

سارة..." مفتكرش اني مضيتلكوا على عقد احتكار لحياتي الصراحة "

اتكلم بسخرية و هو بيقولها و كأنها موجودة 

يوسف...اهو مشيت خالص يا سارة عشان متحسيش انك مخنوقة 

سمع صوت السواق اللي سأله باستغراب و هو مش فاهم كلامه 

مايكل...عذرا سيدي ؟

هز يوسف راسه و قاله

يوسف...لا شئ اكمل طريقك 

هز مايكل راسه و كمل طريقه من غير ولا كلمة 

و بعد وقت مش قليل نهائي وقفت العربية قدام فيلا اللي يشوفها يفتكرها قصر من جمالها 

نزل مايكي و فتح ليوسف باب العربية 

نزل يوسف بكل هيبة و ثقة ف نفسه ترعب اي حد يشوفه بالرغم من التشدد اللي ف دماغه بسبب كلام اخته 

سابه السواق و راح لشنطة العربية عشان ياخد شنط يوسف 

دخل يوسف القصر و اول م الخدام شافوه قالوله كلهم

الخدام...مرحبًا سيدي

مردش على حد فيهم و طلع اوضة المكتب خد كام ملف و نزل تاني و هو بيقول للسواق

يوسف...اذكب باتجاه الشركة ...ليس لدي وقت كافي 

هز مايكل راسه بطاعة فورا و انطلق بالعربية ف اتجاه شركة يوسف الحديدي

.....لا اله الا الله محمد رسول الله

في مصر و تحديدا ف كلية الاعلام 

كانت سارة بتتكلم مع عهد اللي كانت لسة جاية 

سارة...يا عهد متزعليش مني بقى 

هزت عهد راسها و قالتلها

عهد...هزعل منك لية يا سارة !!

سارة...عشان ابيه

هزت عهد راسها يمين و شمال بنفي بس قالتلها

عهد...بصراحة يا سارة اخوكي قليل الذوق جدا 

سكتت سارة باحراج و عهد قالتلها

عهد...اتمنى انهاردة ميتكلمش كلمة تضايقني عشان حقيقي مش هسكتله بقى عشان انا سكت كتير

نزلت دموع سارة و هي بتقولها

سارة...لأ هو ساب مصر و سافر اصلا

هزت عهد راسها بلا مبالاه بس لفت انتباهها عياط سارة 

اتكلمت عهد بقلق و هي بتقولها

عهد...سارة مالك

عيطت سارة اكتر و ردت عليها و هي بتقول

سارة...اتخانقنا امبارح و انا قولتله اني اتخقنت من تحكماته هو و ماما و انهم ديما يقولولي اعمل ايه و معملش ايه و اني ...اني ...

مقدرتش تكمل كلمتها اللي بسببها اخوها سابها و سافر و عيطت اكتر 

طبطبت عهد عليها بحزن و قالتلها

عهد...انك ايه ؟؟

اتكلمت سارة وسط شهقاتها و هي بتقولها

سارة... و اني بستناه يسافر عشان احس بحرييتي 

سكتت عهد بحزن عليها و سارة كملت كلامها بندم و هي بتقولها

سارة... صحيت انهاردة ملقتهوش و لاقيتهم بيقولولي انه سافر عشان مبقاش مضايقة من وجوده هنا

زعلت عهد جدا عشانها و قالتلها بحزن

عهد...طب خلاص طيب متظعليش هو بيحبك و اكيد هيرجع تاني

هزت سارة راسها بنفي و قالتلها

سارة...لأ يا عهد هو اكيد زعلان مني و اصلا ابيه من الشخصيات اللي لما بيزعل من حد مبينساش 

قفلت عهد حواجبها بضيق من شخصيته بس قالت لسارة عشان متزعلش

عهد...بس الاكيد اكتر انه بيحبك و انه هينسى. زعله منك يا سارة 

هزت سارة راسها و هي بتتمنى دا و عهد قالتلها بابتسامة

عهد...بس يا حبيبتي خلاص متعيطيش 

و طلعت من شنطتها شطنة تانية صغيرة و اديتها لسارة اللي قالتلها باستغراب

سارة...ايه دا 

و بصت للشنطة و ابتسمت لما قرأت عليها جملة " سندويتشات عم ربيع للكبدة و السجق "

اتكلمت عهد بابتسامة لما لاقيت سارة فرحت 

عهد...كنت عارفة انك هتحبي السندويتشات ف قولت اجيبلك منها انهاردة تفطري

ضحكت سارة و حضنتها و قالتلها بحب و هي بتقولها

سارة... انتي احلى اخت ف الدنيا

ضحكت عهد عليها و قالتلها 

عهد...و انتي كمان 

مسحت سارة دموعها و هي فرحانة و مبتسمة و مكنتش تعرف ان كان في قلب بيدق بحزن لما سمع صوتها بتعيط و رجع حس انه هيطير من الفرحة لما سمع صوت ضحكتها

....سبحانك اللهم و بحمدك

ف بيت صادق 

كانت داليا هتمو.ت من الفرحة لما لاقيت ان مجموعها يدخلها كلية الاعلام اللي كانت بتحلم بيها

خرجت من اوضتها بفرحة عشان تقول لعمها و مرات عمها 

بس وقفت مكانها بصدمة و حزن لما سمعت صادق بيقول لهالة بحزن

صادق...مصاريف كلية عهد كتير اوي علينا يا هالة و لسة داليا

اتكلمت هالة بحزن هي كمان بس كانت بتحاول تخليه ميشيلش الهم

هالة...عهد خلاص يعتبر ف ايام امتحاناتها و هتخلص تعليمها اهي يا صادق

هز صادق دماغه ليها و قالها

صادق...و تكاليف الخطوبة و جهاز داليا دا ايه م برضو محتاجله فلوس 

سكتت هالة بحزن و بعدين قالتله

هالة...كله هيتعدل بإذن الله

هز صادق دماغه و قالها

صادق....و نعم بالله 

رجعت داليا اوضتها بحزن و هي عيونها مدمعة و بتفكر ف ابوها او امها يمكن يساعدوها او حد فيهم يدفعلها مصاريف خطوبتها  بس ابتسمت بسخرية و هي بتقول

داليا...كانوا سألوا عليا اولى

....لا اله الا الله محمد رسول الله

ف شركة يوسف الحديدي تحديدا فرع ايطاليا

كان ف مكتبه بيشتغل خبط الباب اتكلم يوسف و هو بيقول

يوسف...تفضل!

اتفتح الباب و ظهر ادوارد و دا بيكون صاحب يوسف و ف نفس الوقت بيدير الشركة لما يوسف مبيكنش ف ايطاليا

اتكلم ادوارد بمرح و هو بيقول

ادوارد...رأت الموظفين ترتجف اوصالهم رعبا علمت فورا بوجود جوزيف بايطاليا

اكتفى يوسف بابتسامة و متكلمش و دا خلى ادوارد يتسغرب جدا 

اتكلم ادرارد و باستغراب و هو بيقوله

ادوارد....ما بك ؟!

رد عليه يوسف و هو باصص للورق اللي قدامه

يوسف...لدي مشاكل مع احد افراد عائلتي

اتأفأت ادوارد بضيق من صديقه و دا خلى يوسف يبصله بغضب 

اتكلم ادوارد و هو بيقوله بحكمة

ادوارد...كف عن معاملة عيلتك كصفقة جوزيف

قفل يوسف حواجبه باستغراب من كلام ادوارد و ادوارد وضح كلامه و هو بيقوله

ادوراد...جوزيف انت دائما تعامل كل شئ كصفقة حتى عائلتك دائما تضع جملة واحدة ف عقلك فقط و هي" كل كلمة يقولها جوزيف يجب تنفيذها " و لكن هذا خطأ جدا صديقي ف حقا يجب على كل فرد اتخاذ قراراته من تلقاء نفسه فقط هم ليس صغارا كي تتعامل معهم هكذا

سكت يوسف و سرح ف كلام ادوارد و كلام اخته ف نفس الوقت و بدأ يحس انه فعلا غلطان 

ضحك ادوارد و هو بيسأله و بيقوله

ادوارد...انا لم اعلم عن ماذا حدثت المشكلة و لكن اليس كما توقعت انها من اسلوبك الفظ مع الجميع ؟!

هز يوسف دماغه بتأكيد لكلام ادوارد و ادراود قاله بابتسامة

ادوارد...لا تنتظر حتى تخسر جميع من يحبوك جوزيف فقط تغير من اجلك اولا ثم من اجلهم 

سكت يوسف و بعدين قاله و هو بينهي الكلام 

يوسف...اذهب لعملك

هز ادوارد راسه و قام خرج من المكتب و يوسف باله فضل مشغول بكلام ادوارد بس افتكر المكان اللي كانت اخته موجودة فيه و قد ايه من وجهة نظره ان المكان دا بيئة و مش من مقامهم و ف ثواني نسي كلام ادوارد ليه

....سبحانك اللهم و بحمدك

عدى تلت شهور كانت عهد خلصت فيهم امتحانات و حاولت تحل مشكلة داليا بعد م حكت لسارة و سارة قالت لمحمد و بحكم شغله عرف يجيب رقم اهل داليا و عهد فضلت تكلم عمها شوية عشان تقعنه يدفع مصاريف كلية داليا بس هو مرضاش بحجة انه معهوش فلوس و شوية كانت تكلم هدى مامة داليا و برضو كانت بتقول انها معهاش فلوس و انها ملهاش دعوة بداليا اصلا و دا زعل عهد جدا و قررت انها متقولش اي حاجة لداليا عن انها كلمت ابوها او امها عشان متزعلش و بعد حزن دام ف البيت كتير قدمت داليا ف كلية تانية غير كلية الاعلام اللي كانت بتحبها و راحت لكلية تانية مصاريفها اقل عشان عمها 

 ....سبحانك اللهم و بحمدك 

اما ف قصر فاروق الحديدي

كان كل دا يوسف مرجعش ولا كلم اخته خلال التلت شهور دول و دا طبعا اثر على نفسيتها جدا و خلاها مبتتكلمش مع حد 

و كانت قاعدة ف اوضتها و ندى كانت موجودة و هي بتحاول تتكلم معاها لأنها كانت ديما ساكته 

ندى...يا سارة خلاص بقى بالله عليكي 

بس سارة فضلت ساكته و هي الدموع ف عيونها و دا زعل ندى جدا 

اتكلمت ندى و قالتلها برجاء

ندى...طب اتكلمي طيب قولي اي حاجة 

مسحت سارة دمعتها اللي خانتها و نزلت من عيونها و قالت لندى بحزن

سارة...مكلمنيش طول التلت شهور دول و مش بيرد على مكالماتي ولا رسايلي حتى كل يوم بفضل ابعتله فوق الألف رسالة تقريبا يمكن يرد عليا بس برضو مش بيرد يا ندى 

زعلت ندى عليها جدا و قالتلها

ندى...معلش يا حبيبتي

اتكلمت سارة و هي دموعها نازلة بحزن

سارة...انا حتى معرفش هو هيرجع امتى ولا ف انهي بلد ولا اي حاجة

سكتت ندى بحزن عليها و ف الوقت دا سارة جالها رسالة 

خدت تليفونها بسرعة يمكن يكون يوسف بس اترسمت على ملامح وشها تعابير خيبة الامل 

ندى....هو ؟

هزت سارة راسها بنفي و قالتلها

سارة...لأ دا جروب الدفعة بيقوله ان حفلة التخرج الاسبوع الجاي

ابتسمتلها ندى بحماس يمكن تحاول تخرجها من حزنها و قالتلها

ندى...طب دا مفيش وقت يلا ننزل نشوفلك دريس حلو بقى

هزت راسها برفض و قالتلها

سارة...مش هروح اصلا

اتكلمت ندى بزهول و هي حسه انها هتتجنن و قالتلها

ندى...انتي يا بنتي مش كنتي هتجننينا من اول م السنة بدأت و متحمسة من حفلة التخرج!!

هزت سارة راسها و بعدين قالتلها بحزن 

سارة...دا لما كان يوسف هنا و قالي انه هيحضرها و هيلغي كل مواعيده يومعا عشاني لكن دلوقتي فين يوسف ؟ انتي تعرفي هو ف انهي بلد ؟

كملت كلامها بحزن و هي دموعها نازلة لما ندى مردتش. عليها

سارة...محدش عارف هو سابني و سافر انهي بلد حتى 

خرجت ندى بعد م قالتلها انها هتروح اوضتها و اتصلت بمحمد اللي اول م قال الو لاقاها بتسأله و هي بتقوله

ندى...محمد انت بتكلم يوسف؟

سكت محمد و ندى قالتله

ندى...بالله عليك رد بصراحة

رد محمد و هو بيقولها

محمد...ايوا يا ندى بكلمه

ردت ندى بفرحة بعد م عرفت انه على تواصل معاه

ندى...طب بالله عليك قوله يجي عشان يحضر حفلة تخرج سارة لأنها مش عايزة تحضرها عشان هو مسافر

محمد...حاضر يا ندى 

....سبحان الله و بحمده سبحان الله العظيم

عند يوسف اللي كان سافر امريكا بعد م خلص شغل الشركة ف ايطاليا

كان قاعد ف مكتبه بيشتغل و فجأة سمع صوت رسالة من تليفونه

خد تليفونه يشوف في ايه لاقى الرسالة من التقويم و اللي كانت بتفكره ان حفلة تخرج اخته بعد اسبوع بالظبط 

اتنهد بحزن و هو مش عارف يعمل اية و بقى ف حيرة هو وعدها انه هيحضر الحفلة دي و هيلغي كل مواعيده و ف نفس الوقت مش عايزها تحس انها مقيدة و عايزها تبقى فرحانة ميعرفش انها بتعيط و مش عايزة تروح عشان هو مش هيكون موجود معاها ف الحفلة 

كان هيرجع التليفون مكانه على المكتب بس لفت انتباهه رسالتها اللي لسة بعتهاله و هي بتقوله

سارة..." فاضل على حفلة التخرج بتاعتي اسبوع بس انت وعدتني انك ختحضرها يا ابيه ! " ووووو

يتبعععععع

عهد بحب كاذب

البارت الثاني عشر

بقلمي مريم احمد

13

عدى خمس ايام و مكانش فاضل على حفلة التخرج بتاعتهم غير يومين بس و كل دا يوسف ولا رجع من السفر و ولا رد على اخته حتى و طبعا كل دا خلاها تزعل اكتر م هي زعلانة و قررت متروحش حفلة التخرج !

كانت قاعدة ف اوضتها و بتتكلم ف التليفون مع عهد اللي م اول م خلصوا امتحانات مسبوش يوم غير و اتكلموا عكس شمس اللي سارة مكلمتهاش اصلا 

اتكلمت عهد بضيق و هي بتقولها

عهد...يعني ايه يعني مش هتيجي الحفلة يا سارة انتي بتهزري !!!

ردت عليها سارة بحزن و هي بتقول

سارة...يا عهد بقولك أبيه كل دا مرجعش.... ولا رجع ولا بيرظ عليا حتى و اكيد مش هروح افرح و هو زعلان مني يعني

ردت عليها عهد بزهق و هي بتقولها

عهد....هو ايه جو القمص اللي اخوكي عايشه دا !

جالها صوت سارة الغاضب و هي بتقولها

سارة....بعد اذنك يا عهد انا مسمحلكيش تتكلمي عن اخويا كدا 

ضحكت عهد على غضب سارة و قالتلها

عهد...سوري يا سارة بس يعني م هو غريب برضو دا عدى اربع شهور تقريبا و هو مُصر على رأيه و انه ميتكلمش ولا اي حاجة !

سارة...عشان انتي بس متعرفيش ابيه ...هو طيب اوي

قفلت عهد حواجبها باستنكار على كلمة " طيب اوي " 

و سارة كملت كلامها و هي بتقولها

سارة... و انا الصراحة رديت عليه و اتكلمت معاه بأسلوب وحش اوي انا حقيقي زعلانة من نفسي اوي

عهد...لأ متزعليش و هو هيكلمك انا واثقة من حاجة زي دي 

سكتت سارة و هي بتتمنى ان دا يحصل فعلا و عهد اتكلمت و هي بتقولها بتهديد

عهد...مش هتحضري حفلة التخرج و قولنا ماشي بس خطوبة داليا و كريم كمان اسبوع و لو عايزة تشوفي غضب داليا بقى و الزعل اللي على حق متجيش يا سارة

ضحكت سارة و قالتلها

سارة...قوليلها سارة بتقولك الف مبروك

ضحكت عهد و قالتلها 

عهد...الله يبارك فيكي يا حبيبتي 

ف الوقت دا جت هالة و قالت لعهد باستغراب لما سمعت صوت ضحكتها

هالة...بتكلمي مين خضتيني!

ابتسمتلها عهد و قالتلها

عهد...دي سارة 

هزت هالة راسها و قالتلها

هالة...سلميلي عليها

اتكلمت عهد و هي بتقول لسارة

عهد...ماما بتسلم عليكي

شغلت عهد الاسبيكر و ظهر صوت سارة اللي بالرغم من انها كانت مبتسمة الا ان صوتها كان باين عليه الحزن

سارة...الله يسلم حضرتك يا طنط

استغربت هالة و قالتلها و هي بتسألها

هالة...مال صوتك !!

سكتت سارة و عهد قالتلها 

عهد...زعلانة شوية بس 

هزت هالة راسها برفض و قالتلها

هالة....لأ زعلانة ايه قال زعلانة قال خليها تاخد عربيتها و تيجي فورا حالا

سمعت صوت سارة و هي بتضحك و تلقائي ابتسمت و هي فرحانة انها قدرت تخليها متزعلش

اتكلمت سارة و هي بتقولها

سارة...تسلميلي يا طنط 

هالة... لأ بعيدا عن الهزار بجد تعالي ...قولي لمامتك عشان تبقى عارفة انك هتخرجي و تعالي

ابتسمت سارة بحزن و قالت لهالة 

سارة...لأ م هي مامي اصلا مش بيفرق معاها انا خرجت ولا لأ 

كملت بحزن من قلبها طلعته بشكل هزار 

سارة...اصلا تلاقيها فاكراني مش ف البيت هنا 

بصت هالة لعهد بصدمة و حزن و عهد كمان زعلت على سارة

سمعوا صوت شهقات خفيفة عرفوا انها بتعيط 

اتكلمت هالة و قالتلها

هالة...عهد قالتلي ان الكيكة المرة اللي فاتت عجبتك يلا تعالي و انا هروح المطبخ اهو اعملك واحدة تانية عاى م تيجي

ابتسمت سارة على كلام هالة و هي مبسوطة لعهد ان عندها ام زي دي و عهد قالتلها بأمر 

عهد...يلا ساعة بالكتير اوووي و تبقي هنا

هزت سارة راسها و قالتلها

سارة...حاضر

....استغفر الله العظيم و اتوب اليه 

في امريكا و تحديدا ف فيلا يوسف 

كان قاعد ف اوضة مكتبه و هو بيشتغل 

قطع تفكيره خبط على الباب ...اتكلم و هو مركز ف الورق و بيقول

يوسف....تفضل 

اتفتح الباب و كانت الخدامة اتكلمت و هي بتقول

اوليفيا....سيدي سيد ادوارد هنا و يريد مقابلتك

هز يوسف راسه و هو لسة باصص ف الورق اللي قدامه و رد عليها و هو بيقولها

يوسف...دعيه يأتي الى هنا 

هزت اوليفيا راسها و خرجت من المكتب و معداش دقايق و كان ادوارد قاعد على الكرسي اللي قدام مكتب يوسف 

اتكلم يوسف بزهق و هو بيقول له

يوسف...هيا دع الصداع يفجـ ـر رأسي من احاديثك التافهه 

ضحك ادوارد على كلام يوسف و ف ثواني سكت عن الضحك و رد على يوسف بزعل و هو بيقوله

ادوارد...اذا سوف اذهب الى منزلي 

كان هيقوم و يمشي لولا يوسف اللي مسك دراعه و قاله بزهول 

يوسف...ادوارد حقا بدأت اتأكد من شكوكي بأن لديك انفصام ف الشخصية

ضحك ادوراد على كلامه و يوسف رجع بص للورق تاني باستغراب من المجنون اللي قاعد قدامه دا 

اتكلم ادوراد اخيرا و قاله

ادوارد...حسنا ليس لدي الكثير من الحديث و لكن جئت فقط لأعطيك ورق الصفقة الجديدة و ايضا لأعلم هل حليت مشكلتك مع عائلتك ام لأ

قلب يوسف عيونه بملل من فضول صاحبه و بعدين اتكلم و هو بيقوله 

يوسف...ادوراد انا حقا تفكيري مشتت جدا ولا اعلم ماذا عليّ فعله 

اتكلم ادوارد و هو بيقوله بحكمة اللي يشوفه و هو بيتكلم كدا يقسم انه مش نفس الشخص اللي كان بيضحك من شوية 

ادوارد...رتب افكارك جوزيف و تحدث و انا مستمع لك 

هز يوسف راسه و قال لأدوراد

يوسف...ف البداية سبب المشكلة من وجهة نظر سارة هو انا و....

قاطع كلامه ادوارد اللي سأله باستغراب

ادوراد...سارة هذه هي اختك اليس كذلك؟

هز يوسف راسه بضيق و اتكلم و هو بيجز على سنانه و بيقول

يوسف....نعم صحيح ...و اياك و مقاطعة كلامي ثانيا ادوارد 

رجع كمل كلامه و هو بيقول

يوسف....هي ترى انني ا...

قطع ادوارد كلامه تاني و هو بيقوله بابتسامة 

ادوارد...عذرا لمقاطعة كلامك جوزيف و لكني اتذكر بأن لديك ابنة عم او ابنة خال ليس متذكر ف الحقيقة و اردت التأكد فقط

فضل يوسف باصصله بغضب لأن اكتر حاجة هو بيكرهها انه يكون بيتكلم و حد يقطع كلامه خصوصا لو كلام تافهه من وجهة نظره زي اللي ادوارد بيقوله

اتكلم ادوراد بتلعثم من نظرات الغضب اللي ف عيون يوسف 

ادوراد...حسنا اعتذر تفضل اكمل حديثك

رد عليه يوسف بتأكيد و قاله

يوسف...اعطيتك فرصتين و هذا شئ لم يحدث ف حياتي مطلقا ف لا تظن انني سأسمح لك بفرصة ثالثة حسنا

هز ادوراد راسه و قاله

ادرواد...حسنا 

رجع يوسف يكمل كلامه و هو بيقوله باختصار

يوسف...المهم ف كل هذه المشكلة ان سارة قالت لي كلام حقا طعن قلبي مثل انها لا تريدني ان اخاف عليها و تقول عني انني متحكم بها و هي لا تريد كل ذلك و فقط تنتظر وقت سفري كي تشعر بحرييتها و لذلك انا فورا يومها سافرت حتى لا اكون سبب في شعورها بالاختناق او الضيق 

قفل ادوراد حواجبه بزهول من كلام سارة لأخوها و بعدين اتكلم و هو بيقوله

ادوارد... و ماذا فعلت هي حينما علمت بسفرك ؟

يوسف...ظلت ترسل لي العديد من الرسائل و المكالمات و لكني لم اجيب على اي منهم.. 

مداش فرصة لأدوارد انه يتكلم و كمل كلامه و هو بيقول

يوسف...منذ خمسة ايام و هي ترسل لي عن حفلة تخرجها التي ستكون بعد غد و انني وعدتها بحضورها معها و انا ايضا لم ارد عليها فقط قرأت رسائلها و لم اجيب لأني مشتت و لم اعلم ماذا افعل هل اذهب لحضور الحفلة معها ام اتركها تذهب هي بدوني لتشعر بحرييتها و لا تشعر بأنها مقيدة بتحكماتي كما تقول

كان لسة ادوارد هيتكلم بس سمعوا صوت رسالة من تليفون يوسف 

شاف يوسف الرسالة و ابتسم بسخرية و دا خلى ادوارد يستغرب و يسأله و هو بيقوله

ادوارد...ماذا ؟!

لف يوسف ليه التليفون و ادوارد بص للرسالة و رجع بص تاني ليوسف و تعابير الضيق و اللامبالاه الاتنين مرسومين على وشه 

قفل يوسف حواجبه باستغراب من ريأكشن ادوراد و انه حتى ملحقش يقرأ الرسالة 

يوسف...ما بك !!!

رد عليه ادوارد بجنون و هو بيقوله

ادوارد...اتعااايرني بعدم معرفتي للغة العربية ام مااااذااا !!!

انفجر يوسف ف ضحك هستيري على شكل ادوارد و كلامه و دا خلى ادوارد يقلب عيونه بملل و يقوله

ادوارد...اذا انتهيت من ضحكك و سخرييتك عليّ فلتترجم لي ماذا تقول اختك في الرسالة

رفع يوسف حاجبه باستنكار و هو بيقوله

يوسف...أهذا أمر ؟؟

نفخ ادوارد بضيق و يوسف قاله بغروره المعتاد

يوسف...اتعلم لم يستجرأ احد بأمري او بالتأفأف على حديثي هكذا

هز ادوارد راسه بملل و قاله

ادوارد...حسنا و انا فعلت ...هيا قم بترجمة رسالة سارة اريد المغادرة

بص يوسف للرسالة تاني و رجع بص لادوارد و قاله

يوسف...تقول لي بانها لم تذهب للحفل و انها لا تريد ان تفرح لطالما انا مازلت غاضب منها 

اتكلم ادوارد و هو بيقوله

ادوارد...جوزيف دعني اقول لك شئ ...لا لا شيأن

هز يوسف راسه و ادوارد قاله بابتسامة و هو بيعد الكلام اللي بيقولهم على صوابع ايده

ادوارد....انت غبي و احمق ....

اتصدم يوسف من شتيمة ادوارد ليه و اتفاجئ اكتر لما لاقاه شتمه تاني و هو بيقوله

ادوارد...و اناني بعض الشئ

شاورله يوسف بغضب و هو بيقوله

يوسف...قلت شيأن !

هز ادوارد راسه و قاله بلامبالاه

ادوارد...و قمت باضافة شئ ثالث ماذا ستفعل

اتحولت نظرات يوسف للغضب و ادوارد قاله قبل م يقوم يمشي

ادوارد...حسنا اذا كنت تريد معاقبتها او ايا كان بعدم ردك على رسائلها فيكفي الى هذا الحد و انا سأقوم بحجز طيارة لك و لتذهب الى مصر من اجلها

كمل كلامه بتساؤل و هو بيقوله

ادوارد...اليس هذه سارة التي كنت تشتعل غضبا لرؤية دموعها !! اذا. لماذا اصبحت انت السبب بوجود دموعها جوزيف ؟

سكت يوسف و سرح ف كلام ادوارد و هو ندمان و ادوارد قاله 

ادوارد...حسنا سأغادر انا و انت فكر جيدا ف كلامي 

هز يوسف راسه و هو فعلا بيفكر و ادوارد مشي 

 ....سبحانك اللهم و بحمدك

كانت سارة بتعيط بعد حكت لهالة اللي حصل و هالة طبعا اضايقت عشان بنتها و ف نفس الوقت زعلت عشان سارة 

زاد عياط سارة اكتر لما لاقيته شاف رسالتها عن انها مش هتروح الحفلة و مردش و قالتلهم 

سارة....مردش عليا

طبطبت هالة عليها و قالتلها

هالة...طيب معلش اكيد هيكلمك

هزت سارة راسها يمين و شمال بحزن و قالتلها

سارة...دا عمره م كان كدا و كان ديما بيزعل لما بيلاقيني زعلانه انا زعلته مني يا طنط

خرجت داليا لما سمعت صوت عياط و اتخضت لما لاقيت سارة بتعيط بالشكل دا 

اتكلمت باستغراب و هي بتقولهم

داليا....في ايه مالها!!

وجهت كلامها لسارة و هي بتقولها

داليا....مالك يا سارة 

هزت سارة راسها يمين و شمال و قالتلها

سارة...ابية زعلان مني و مش بيكلمني

سكتت داليا بحزن عليها و بعدين قالتلها

داليا...طب اهدي طيب اشربي ماية 

اديتلها كوباية الماية و سارة خدتها منها و شكرتها بالرغم من انها بتعيط اصلا و مش مركزة 

ابتسمت هالة على سارة و قد ايه هي لطيفة 

اتكلمت داليا و هي بتقولها

داليا...بصي احنا لما بنبقى مخنوقين كدا بننزل نتمشى ف الشارع و بنشتري حاجات كتير

مسحت سارة دموعها و قالتلها بابتسامة 

سارة...اه شوبينج يعني

هزت داليا راسها بتأكيد و هالة قالتلهم

هالة...خدوها و انزلوا على م اعملكوا الغدى 

اتكلموا عهد و داليا بحماس و هما بيقولوا لسارة 

عهد...ايوا يلا 

مسكت داليا ايديها و شدتها و هي بتقولها

داليا....ايوا تعالي دا انتي هتفرحي اووي

ضحكت سارة و ف ثواني نسيت زعلها و نزلوا هما التلاتة

و هالة اتنهدت بحزن على سارة و دخلت المطبخ 

....سبحانك اللهم و بحمدك

عدى ساعتين تقريبا كانوا كل دا بيتمشوا بعد م عهد و داليا رفضوا انهم يتحركوا بعربية سارة و قالولها ان الاحلى انهم يتمشوا و وهما بيتمشوا لو عجبتهم حاجة هيشتروها و هي راحت معاهم و كانت مبسوكة جدا خصوصا انها اتبهرت بإن الاسعار اقل بكتييييير جدااا من المولات اللي هي بتروحها ...مش هتنكر ان في بعض الحاجات كانت وحشه جدا و بس برضو كان في حاجات كتير شكلها جميل و عهد و داليا خدوها عند محل عصير قصب 

و هي كانت مستغربة و قالتلهم

سارة....ايه دا 

ردت عليها داليا و قالتلها

داليا...دا قصب

هزت سارة راسها و خدت الكوباية و شكرتها 

اتكلمت عهد و هي بتقولهم

عهد...ماما بتتصل 

داليا...اكيد خلصت الغدى 

عهد.. طيب يلا نرجع

اتلكمت سارة باحراج و هي بتقولهم

سارة...طيب انا همشي انا بقى 

داليا....تمشي تروحي فين انتي عايزة ماما تزعل ولا ايه 

اتكلمت سارة و هي بتقولهم باحراج و اسف ف نفس الوقت 

سارة....لا بس اصل يعني ...

قاطعتها عهد و هي بتقولها 

عهد...بقولك ايه يلا عشان نتغدى

و مسكوا ايديها و مشيوا بيعا للبيت 

...سبحانك اللهم و بحمدك

كانوا كلهم متجمعين على السفرة معادا صادق اللي كان ف الشغل 

هالة...معرفتش اعمل اكل ايه ف عملت اكتر اكلة الكل بيحب ياكلها من ايدي 

ابتسمت سارة بحماس و قالتلها

سارة...اييه!

ابتسمت هالة و هي بتقلب الرز و بتقولها

هالة...افتحي الفرن كدا و شوفي

راحت سارة عند الفرن الكهربائي اللي كان قدامها على تربيزة المطبخ و اتفاجئت لما لاقيت صينية كبيرة فيها بطاطس و فراخ و شكلها تحفة بسبب تحميريتها من الفرن 

شمت سارة ريحتها اللي كانت تجنن و قالت لهالة بابتسامة

سارة...ريحتها تحفة اوي يا طنط تسلم ايدك

ضحكت هالة و راحت طلعت صينية تاني من الفرن 

سألتها سارة باستغراب و هي بتقولها

سارة...دا جلاش؟

هزت هالة راسها بنفي و ضحكت و هي بتقولعا

هالة...لأ دا رقاق

سألتها سارة باستغراب و هي بتقولها

سارة...بتفرقوهم ازاي بجد

ضحكت هالة و قالتلها

هالة...هقولك بس يلا قبل م الاكل يبرد 

جت عهد و داليا عشان يخرجوا الاكل و سارة خدت طبقين تخرجهم بس وقفها صوتهم لما رفضوا و هي زعلت و قالتلهم

سارة...لو سمحتوا خلوني اساعدكتوا

سكتوا و مردوش و هي خدت الاطباق تاني و خرحت من غير م تديهم فرصة يرفضوا

ابتسمت هالة و قالتلهم

هالة...يلا خدوا باقين الحاجة خرجوها

و بعد وقت قليل كانوا كلهم متجمعين على السفرة بيتغدوا وسط حكاوي داليا اللي مبتخلصش و ضحكهم عليها 

اتكلمت سارة بابتسامة و هي بتقولهم برجاء

سارة...انتوا جمال اوي بجد مينفعش تيجوا تعيشوا معانا ف القصر 

ضحكت هالة على كلام صاحبة بنتها الرقيقة و قالتلها بضحك

هالة....للأسف مبنفعش بس انتي اول م تحسي انك عايزة تقعدي معايدنا تعالي فةرا من غير تردد حتى لو هتيجي كل يوم

ابتسمتلها سارة بفرحة و حب و قالتلها بتساؤل

سارة...هو انا ممكن لما ابقى هنا اقولك يا ماما؟

كلمتها خلتهم كلهم يبطلوا اكل من دهشتهم و هي كملت كلامها بأسف و هي بتقولها

سارة...انا اسفة طبعا بس اصل ماما مش بتقعد معايا خالص و ولا حتى تعرف اني خرجت اقولك على حاجة بصي انا قاعدة هنا بقالي كام ساعة و هي متصلتش ولا مرة بيا حتى

زعلوا عليها جدا و هالة طبطبت على ايديها و قالتلها بابتسامة

هالة...قوليلي اللي اتي عايزاه يا حبيبتي حتى لو هتقوليلي هالة بس من غير طنط

ابتسنت سارة بفرحة و حضنتها و هي بتقولها بحب

سارة...شكرا يا اجمل ماما

طبطبت هالة عليها و هي مزهولة من الام اللي تخلي بنتها تطلب من واحدة غريبة انها تقولها يا ماما

عدى الوقت و سارة فضلت قاعدة معاهم شوية و بعدين روحت و طبعا ملقتش امها مستنياها ولا اي حاجة و طلعت على اوضتها على طول

....سبحانك اللهم و بحمدك

تاني يوم صحيت سارة و هي زعلانة و بتفكر ف انها لو مكانتش ردت على اخوها و زعلته كان هيبقى موجود دلوقتي

دخلت الحمام غسلت وشها و طلعت تاني 

بس اتفاجئت لما لاقيت فستان شكله جميل اوي محطوط قدامها على شماعة 

مسكت الفستان بزهول من جماله و هي مستغربة ازاي و امتى جيه هنا

بس اتخضت لما لاقيت صوت بيسألها و بيقولها

" شكله حلو ؟! "

بصت لمصدر الصوت بسرعة و حطت ايدها على بوقها بصدمة و دموع و قالت بصوت يكاد يكون مسموع

سارة...أبيه!!! ووووو

14-15-16

مسكت الفستان بزهول من جماله و هي مستغربة ازاي و امتى جيه هنا

بس اتخضت لما لاقيت صوت بيسألها و بيقولها

" شكله حلو ؟! "

بصت لمصدر الصوت بسرعة و حطت ايدها على بوقها بصدمة و دموع و قالت بصوت يكاد يكون مسموع

سارة...أبيه!!

مكنش على ملامح وشه اي تعابير مرسومة غير الجمود و دا أكدلها انه لسه زعلان منها 

راحتله سارة و قالتله بأسف

سارة...أبيه انا مكنتش اقصد ازعـ....

قاطع كلامها لما قالها 

يوسف...مفيش داعي للكلام دا كله 

بصتله بحزن و هو خرج من غير ولا كلمه

مسجت وشها بايديها دليل على تشتت تفكيرها و انها مش عارفة تعمل اية 

اتكلمت و هي بتقنع نفسها و بتقول

سارة...اكيد طالما سمع كلامي و رجع مصر يبقى مش زعلان مني اكيد

خدت تليفونها و نزلت

لاقيتهم كلهم متجمعين على السفرة ماعادا فاروق اللي كان لسة ف المكتب بيراجع شغلة و يوسف برضو كان واقف ف الجنينة بيتكلم ف التليفون 

هي عارفة انه بيقعد على الكرسي اللي على يمين الكرسي الرئيسي بتاع فاروق .راحت للكرسي اللي جمبه زي زمان 

سمعت صوت ضحكة خفيفة مليانة سخرية من مروة

بصتلها سارة و قالتلها بحدة خفيفة

سارة...خير يا طنط؟

بصتلها مروة باستنكار و قالتلها

مروة...و انا كلمتك

ف الوقت دا جيه يوسف و فاروق برضو و السفرة اماكنها اتملت بوجود العيلة 

اتكلم فاروق بفرحة و هو بيقول

فاروق...اخيرا السفرة رجعت تاني

ابتسموا كلهم و يوسف ابتسم هو كمان بمجاملة ليهم

اتكلمت رقية و هي بتقوله بلوم

رقية...كدا يا يوسف تغيب كل الشهور دي و متنزلش مصر

رد عليها يوسف و هو باصص للاكل اللي قدامه

يوسف...معلش محبتش اكون خانقكوا بوجودي

بصتله سارة من كلامه و رجعت بصت قدامها تاني و رقية ردت عليه و هي بتقوله

رقية...ازاي تقول كدا بس 

اتكلم محمد بهزار عشان ميحصلش زعل تاني و قال

محمد...م خلااااص هو ناقص غرور عشان تقعدوا تلوموه اكتر و تخلوا يتكبر علينا اكتر و اكتر

ضحكوا على كلامه و من ضمنهم يوسف اللي قاله بهزار

يوسف....خليك ف حالك يا حضرة الضابط

ضحكوا على كلام يوسف و معداش عشر دقايق و سارة قالتلهم بابتسامة 

سارة...عن اذنكوا

و طلعت على اوضتها و هي بتحاول تمنع دموعها من النزول 

بص فاروق ليوسف اللي كان ولا همه اصلا و قاله

فاروق...عايز اتكلم معاك بعد الفطار

هز يوسف راسه بالموافقة و رجعوا كلهم كملوا فطارهم

....سبحانك اللهم و بحمدك

عند عهد كانت قاعدة ف البلكونة و هي بتكلم سارة 

عهد...ايوا يعني انا مش فاهمه انتي زعلامة ليه دلوقتي ما هو رجع اهو و هيحضر معاكي الحفلة

ردت عليها سارة بحزن و هي بتقولها

سارة...يا عهد مبيتكلمش معايا خالص متجاهلني بس بيتكلم مع باقي العيلة و بيهزر كمان 

ردت عليها عهد بزهق من غرور يوسف

عهد...سارة حبيبتي متزعليش مني بس اخوكي بنس ادم مغرور اكيد بعد كلامك ليه هيبقى زعلان شوية بس اطمني طالما رجع عشان متزعليش و الحفلة و الجو دا يبقى هو مش زعلان منك بس بيعمل كدا عشان تحسي انك علطانة و مترديش عليه تاني

هزت سارة راسها و قالتلها

سارة...معاكي حق انا فكرت ف كدا برضو 

ابتسمت عهد و قالتلها بهزار

عهد...يلا هقفل انا بقى بدل م يعرف انك بتكلميني و يقتـ لك و يقتـ لني انا كمان 

ضحكت سارة و قالتلها بسرعة 

سارة...طب بصي عايزة ابقى اعرفك على بنت عمي

عهد...مفيش مشكلة ابقي ابعتيلها رقمي لأن طبعا مش هنعرف نخرج دلوقتي عشان اخوكي 

هزت سارة راسها و قالتلها

سارة...ماشي زي الفل

و قفلت المكالمة مع عهد 

جت داليا و قالت لعهد

داليا...كلمي سارة عشان تيجي معايا و انا بشتري فستان الخطوبة

هزت عهد راسها بنفي و قالتلها

عهد...مش هينفع للأسف

قالتلها داليا بحزن..

داليا...ليه

ردت عليها عهد بزهق لما افتكرت يوسف

عهد...عشان البيه اخوها رجع 

ضحكت داليا على زهق عهد و قالتلها 

داليا...معرفش لية حسه انكوا هتتخطبوا ف الاخر

بصتلها عهد من اللي قالته و بعدين ابتسمت بسخرية و هي بتقولها

عهد...داليا يا حبيبتي انتي عبيطة؟

ضحكت داليا و بعدين قالتلها

داليا....انا بتكلم جد على فكرة

ردت عليها عهد بضيق و هي بتقولها

عهد...يبقى متتكلميش احسن عشان دا اكتر بني ادم انا بكرهه

قالتلها داليا و هي بتقنعها بكلامها

داليا...م في مثل بيقولك ما محبة الا بعد عداوة بقى 

هزت عهد راسها يمين و شمال من داليا و خرجت من البلكونة

و داليا خرجت هي كمان و فضلت تضحك عليها 

....سبحانك اللهم و بحمدك

عدى وقت كانت سارة قاعدة ف الجنينة هي و ندى و كل دا يوسف مبيتكلمش مع سارة 

قالت ندى بزهول

ندى...حقيقي مش متخيلة ان كل الزعل اللي حصل دا عشان صاحبتك اللي مش عايزك تكلميها

هزت سارة راسها يمين و شمال بقلة حيلة و قالتلها

سارة...مع ان عهد دي كويسة جدا هي و اهلها و مامتها دي زي السكر بجد 

قالتلها ندى بصوت واطي عشان محدش يسمع

ندى...بصراحة يا سارة يوسف بيحب يعمل مشكلة من لا مشكلة 

قفلت سارة حواجبها بضيق من كلام ندى على اخوها..بس رجعت ابتسمت تاني و قالتلها

سارة...صحيح عايزة اعرفك عليها

هزت ندى راسها و سارة بعتتلها رقم عهد و قالتلها

سارة...دا رقمها بعتهولك ابقي كلميها واتس بقى ولا مكالمة لحد م المشكلة. دي تتحل و نعرف نخرج تاني 

هزت ندى راسها و سجلت رقم عهد و بعتتلها

ف الوقت دا جيه محمد و قعد معاهم و هو بيقولهم 

محمد...بترغوا ف ايه

قالت سارة بحزن

سارة...ف اخرة زعل ابية

سكت محمد و بعدين قالها

محمد...صحيح هما كلموا اهل داليا ؟

هزت سارة راسها بمعنى ايوا 

و ندى رفعت حاجبها باستنكار لسؤال اخوها و قالتلها

ندى...و انت بتسأل لية معلش

هز دماغه و رد عليها و هو بيقولها

محمد...عادي يعني

هزت راسها و هي بتكرر كلمته بس بصيغة سؤال و بتقول

ندى...عادي يعني ؟ ..طيب و ماله عادي

بصتلها سارة و ابتسمت و هي بتقولها

سارة...دا ايه الرخامة اللي انتي فيها دي !!

بصت ندى لمحمد و ابتسمت و محمد قبل عيونه بملل منها

...استغفر الله العلي العظيم و اتوب اليه

خلص اليوم بظون احداث تذكر و جيه تاني يوم 

كانوا الطلبة كلهم متجمعين ف مكان و كانت عهد خدت داليا معاها و طبعا صادق كان ف شغله و هالة مرضيتش تروح و قالت لعهد انها هتعملهم غدى حلو عشان لما يرجعوا يلاقوا اكله حلوة ياكلوها

كانت داليا بتبص للطلبة و هي شايفة حلمها اتحقق لناس تاني 

بصتلها عهد و ابتسمتلها و هي بتقولها

عهد...الخير فيما اختاره الله لنا

ابتسمت داليا ليها و هزتلها راسها و قالتها

داليا..اكيد طبعا و نعم بالله

ابتسمت عهد و لاقيت سارة جت و كان معاها يوسف

ابتسمتلها عهد من بعيد و سارة كذلك

فضلت عهد تتكلم مع داليا بحكويهم اللي مبتخلصش و سارة استغلت ان يوسف مشغول بمكالمة و راح لعهد حضنتها بفرحة و قالتلها

سارة...شكلك جميل اوي

ابتسمت عهد و قالتلها

عهد...و انتي كمان 

ابتسمتلها سارة و بصت لداليا و قالتلها بابتسامة

سارة...عاملة ايه يا دودو

هزت داليا راسها بابتسامة و قالتلها

داليا...الحمدلله انتي عاملة ايه

هزت سارة راسها و قالتلها

سارة...الحمدلله

بصت ليوسف لاقيته خلص تليفونه و باصصلها بصتلهم تاني و قالتلهم

سارة...همشي انا بقى

هزت عهد راسها و سلمت عليها و سارة رجعت تاني ليوسف اللي بص للناحية التانية بعد م شاف فرحتها و هي بتتكلم مع اللي اسمها عهد دي و ابتسامتها اللي كانت منورة وشها

اتكلمت سارة باسف و قالتله

سارة...اسفة

مردش عليها و هي زعلت و قالتله

سارة...يلا نمشي يا أبية

رفع حاجبه باستنكار و قالها

يوسف...نعم..انا سبت الشركة ف امريكا و نزلت عشانك و ف الاخر تقولي يلا نمشي يا ابيه؟!

ردت عليه سارة بحزن و هي بتقوله

سارة...م هو انا كل شوية بتأسفلك و انت مش راضي تسامحني و بعدين عشان بس انت بتقولي سبت الشركة و نزلت من امريكا هو اصلا انت ساكت كأنك جيت بس عشان توفي بوعدك

هز يوسف راسه بتأكيد على كلامها و قالها

يوسف...ما انا فعلا حاجز طيارتي انهاردة الساعة 10 

رفعت حواجبها بصدمة و دهشة من كلامه و قالتله

سارة...انت بتتكلم جد !

هز راسه ليها و رجع بص للتليفون تاني بس اتصدم لما نتشت منه التليفون و سألته تاني و هي بتقوله

سارة...ابية انت فعلا حجزت طيارة تاني ؟!

رد عليها بكلمتين و هو بيقولها

يوسف...هاتي التليفون

هزت راسها برفض و قالتله

سارة... لأ يا أبية 

رفع. حاجبه بغضب و قالها

يوسف...هو ايه دا اللي لأ؟

سارة...لأ مش هتسافر و تسيبني تاني يا أبية و لأ مش هديك التليفون عشان متتشغلش بيه عني !

ضحكت بسخرية من كلامها و قالها

يوسف...انتي غريبة اوي يا سارة ..دلوقتي مش عايزاني اتشغل عنك م انتي كنتي مخنوقة من وجودي و من اهتمامي بيكي

هزت راسها بنفي و قالتله

سارة...كنت غبية لما فكرت اقولك كدا 

بصلها و متكلمش و هي قالتله بحزن

سارة...يا ابية انا كنت مصدقت لاقيت صاحبة تحبي من قلبها بجد و مامتها دي جميلة اوي و بتحبني

بصلها بسخرية من كلامها و هي قالتله

سارة...متستهزقش بكلامي مامتها اللي انت مش حاببها لا هي ولا بنتها دي بتسأل عليا كل يوم و لما بروحلهم بتستقباني احسن استقبال و بتعملي الاكلات اللي بحبها و لما باجي امشي بتتصل كل شوية تطمن عليا وصلت ولا لأ ماما بقى مبتعملش كدا بتبقى ف البيت ولا عارفة انا موجودة ولا لا ولا بترن تسأل عني اصلاةو انت عملت زيها

رد عليها بزهول و هو بيقولها

يوسف...م انتي اللي طلبتي دا !!

هزت راسها بنفي و قالتله

سارة...لأ انا مطلبتش انك متسألش عليا يا أبية انا كل اللي طلبته انك تخليني اختار صحابي زي م انا عايزة من غير م تكون مضايق و تحرجها و تحرجني انا كمان 

سكت و مردش و هي قالتله برجاء

سارة...من فضلك متسافرش و تسيبني تاني 

بصلها و هز دماغه بالموافقة بعد تردد و هي اترسمت على وشها ابتسامة فرحة عمره م هينساها ابدا

قالتله سارة بحب و الابتسامة لسة مرسومة على وشها

سارة...شكرا يا ابية

ابتسملها و قالها بحب

يوسف...العفو يا روح ابية

ابتسمت و هو قالها

يوسف...لو عايزة تروحيلها روحي 

هزت راسها برفض بالرغم من انها كانت عايزة تروح لعهد بس ف نفس الوقت مكانتش عايزة تسيبه و هو قالها 

يوسف...روحي يا سارة انا كدا كدا هعمل كام مكالمة للشغل و كمان هعمل مكالمة الغي حجز. الطيارة ف هبقى مشغول

هزت راسها ليه و راحت لعهد و هي مبسوطة 

ابتسمتلها عهد و هي قالتلها

سارة...ابية مبقاش زعلتن مني و كمان وافق ان انا و انتي نتكلم

بصتلها عهد بدهشه و عدم تصديق و هي هزتلها راسها بتأكيد على كلامها و قالتلها

سارة...هو اللي قالي اجيلك دلوقتي كمان

ضحكت داليا و عهد و سارة بصولها باستغراب 

قالت داليا لعهد باستفزاز

داليا...مش بقولك ما محبة الا بعد عداوة 

بصتلها عهد بغضب و سارة قالتلها بعدم فهم

سارة...يعني ايه

ردت عليها عهد بسرعة و هي بتقولها

عهد...ولا حاجة ولا حاجة

هزت سارة راسها ليها و هي مبتسمة 

و قالت لعهد

سارة...عايزين نشتغل سوا 

ردت عليها عهد بتأكيد و هي بتقولها

عهد...اكيد طبعا 

سمعت صوت رسالة من تليفونها

بصت تشوف مين لاقيت رقم غريب و ملامح وسها اتحولت للصدمة لما قرأت محتوى الرسالة و اللي كانت بتقول

" كلمة يوسف الحديدي مبتتكسرش بالساهل و حساب كلمتي اللي خليتيني اكسرها عشان مزعلش اختي دي غالي اووي و هتشوفي قدامها الويل " ووو

يتبعععع

عهد بحب كاذب

البارت الرابع عشر

بقلمي مريم أحمد

15

بصت عهد للرسالة بصدمة من تهديده ليها بعد م عرفت ان دا رقم يوسف 

هزت راسها بسخرية من الكلام اللي كاتيبهولها و داست على رقمه عشان تعمله حظر و بالفعل حظرته و سابت التليفون و رجعت تتكلم مع سارة و داليا تاني 

اما عن يوسف اللي كان واقف بعيد عنهم و اول م شاف الرسالة عملت علامتين زرق عرف انعا قرأتها و استنى يشوف ردها بس اتفاجئ لما لاقى الصورة اللي كانت حطاها اختفت و كلمة " متصل " الي كانت تحت رقمها برضو اختفت داس على رقمها ملقاش السيرة الذاتية مش موجودة اتأكد انها حظرته قفل التليفون و رماه على التربيزة اللي قدامه بغضب و هو بيتوعد لها من اهانتها ليه كل شوية بالمنظر دا

اما عند عهد ف كانت بتتكلم هي و سارة اللي سألتها و هي بتقولها

سارة...ندى كلمتك؟

هزت عهد راسها بتأكيد و قالتلها

عهد...ايوا دي طلعت سكر اوي بجد

ضحكت سارة و هزتلها راسها بتأكيد بس رجعت كشرت تاني و هي بتقولها

سارة...بس امها بقى 

نهت كلامها و هي بتحط ايدها على رقبتها دليل على خنقتها من مروة و عهد و داليا ضحكوا عليها 

اتكلمت سارة بفرحة و هي بتقولها

سارة...بما ان ابية وافق اننا نتكلم يبقى لازم نخرج احنا الاربعة سوا هي اصلا كانت عايزة تخرج معاكي

هزت عهد راسها بترحيب للفكرة و قالتلها

عهد...اوكية معنديش مشكلة 

ابتسمتلها سارة و فضلوا يتكلموا هما التلاتة

....استغفر الله العظيم و اتوب اليه

ف القسم

كان محمد ف مكتبه بيعمل تحريات عن حياة داليا بعد م فضوله أمره انه يعرف كل المعلومات عن حياتها بعد م سارة طلبت منه يجيبلها رقم باباها و مامتها و طبعا بعد علامات الاستغراب و الاستفهام اللي ظهرت على وشه وقتها و سؤاله ب كلمة " لية ؟! " خلصت سارة تقوله انها ابوها و امها منفصلين و محدش فيهم بيسأل عنها و انها عايشة مع عمها 

كان بيقرأ عن حياتها و هو مفيش اي تعبيرات تذكر على وشه لحد م ف ثواني تعبيرات وشه قلبت للغضب لما قرأ كلمة " مخطوبة " و اسم خطيبها " رحيم أيمن الطيب " قرأ باقي المعلومات قراءة سريعة و بدأ انه يعمل تحريات عن رحيم و هو ناوي انه يجيب اي خبر عنه يخلي داليا تفسخ خطوبتها منه خصوصا بعد م حس ان اسمه مش غريب عليه و انه غالبا جيه القسم هنا قبل كدا حاول يفتكر بس معرفش بس كان شاكك انه كان جاي ف قضية سرقة 

اخد تليفونه و عمل مكالمة لزميلة ف القسم و معداش دقايق و سمع صوت صاحبة اللي قاله

وائل...اهلا يا حضرة الظابط

ابتسم محمد و قاله

محمد...سيبك من الرسميات دي عايز اطلب منك خدمة

جاله صوت وائل اللي قاله فورا 

وائل...اكيد طبعا اتفضل 

رد عليه محمد و هو باصص على اسم رحيم و بيقوله

محمد...في واد اسمه رحيم أيمن الطيب عايزك تجيبلي كل المعلومات عنه و خصوصا لو كان جاي ف اي قضية سرقة او غيره قبل كدا

هز وائل راسه و قاله

وائل...ف خلال 24 ساعة هتكون عندك كل معلومة عن حياته

شكره محمد و قفل المكالمة

 ...سبحانك اللهم و بحمدك

عدى وقت و خلصت الحفلة و عهد خرجت هي و داليا بعد م طلبوا عربية توصلهم للبيت و طبعا سارة كانت مشغولة بشمس اللي كانت بتعاتبها انها مبتسألش عنها من ساعة م عرفت عهد 

رن تليفون داليا و كان رحيم 

بصت داليا لعهد و قالتلها بضيق من صوت كلام الناس اللي ازعجها

داليا...هروح مكان بعيد عن الدوشة دي عشان اعرف ارد على رحيم

هزت عهد راسها بمعنى ماشي و داليا مشيت 

معداش دقايق و سمعت صوته بيقولها بضيق

يوسف...مفضلش غير بت بيئة زيك تعملي انا بلوك و تتجاهل كلامي !!

اتنهدت عهد بضيق و هو كمل كلامه بغضب و هو بيقولها

يوسف...اسمعي يا بت انتـ....

فاطعت عهد كلامه بغضب و هي بتقوله

عهد...اسـمـعـنـي انـت ... 

اتصدم من مقاطعتها لكلامه و غضبها اللي بتتكلم بيه و صدمته زاظد اكتر من كلامها و هي بتقول

عهد....انا الفترة اللي فاتت دي مكنتش برد على كلامك اللي زي السم اللي بتقوله مش خوف منك لأ بس مكنتش عايزة اعمل مشاكل و خلاص.. بس زي م انت قولت كدا انا بيئة و البيئة دي مبتسبش حقها و لو فكرت تاني يا يوسف مجرد تفكير انك تهيني او تقلل مني هتلاقي عهد تانيه خااالص ..عهد اللي من مكان شعبي مش عهد اللي موجودة دلوقتي ف حفلة التخرج و الابتسامة على وشها 

ابتسم و رد عليها بسخرية و هو بيقولها

يوسف...اه طبعا م دا اساسك اصلا

ابتسمت و قالتله بكل كبرياء 

عهد...انك تتعامل مع الناس بمدى غناهم دا ملوش غير تحليلين اما انك بنتي ادم مريض نفسي و لازم تشوفلك دكتور نفسي عشان غرورك و جنون العظمة دا  او انك اتهانت كتير اوي و انت صغير لدرجة بقى عندك عقدة من حاجة اسمعى مستوى معيشة متوسط و اعتقد انك كدا 

خلصت كلامها مع وجود داليا اللي بلغتها ان العربية وصلت و مشيوا هما الاتنين اما يوسف ف كان واقف مكانه مصدوم من اللي سمعه و كانت جملة واحدة بتتردد ف باله و هي " اتهانت كتير اوي و انت صغير لدرجة بقى عندك معقدة من كلمة مستوى معيشة متوسط " افتكر القهوة اللي كان بيشتغل فيها و هو طفل عنده 12 سنة تقريبا عشان يعرف يجيب فلوس لدروسه و دروس اخته بعد م ابوه مات و سابهم من غير حتى ولا مليم و هو فضل يذاكر و يشتغل لحد م وصل اسمه للشرق الاوسط و خارج الشرق الاوسط كمان و بقى من انجح رجال الاعمال برغم صغر سنه 

رن على سارة عشان تيجي و يروحوا بعد الكلمتين اللي سمعهم و. فاكروه بمدى المعاناة اللي كان بيعانيها من شتايم صاحب القهوة ليه و غضبه من يوسف و انه كان ديما يزعقله من غير سبب

 ...سبحانك اللهم و بحمدك

تاني يوم كانت داليا ف البلكونة بتكلم رحيم 

سألته داليا باستغراب و هي بتقوله

داليا...يعني ايه عايز الدهب ؟

رحيم...يا داليا بقولك عايز قرشين اعرف اروح بيهم الشغل مش معايا فلوس !!

ابتسمت داليا بسخرية و قالتله

داليا...لا بجد يعني انت متقدرش تستلف من عمر ولا من طنط صفاء مثلا؟

جالها صوته الغاضب و هو بيقولها

رحيم...هو انتي بتعايريني يا داليا ولا ايه

ردت عليه داليا بزهول من قلبه للطربيزة و قالتله

داليا...بعايرك ف ايه الخطوبة كمان خمس ايام يا رحيم و بعدين مش كفاية اني مخبية عليهم هنا ان الدهب اللي انت جايبهولي دا صيني كمان عايزني اقولهم اني هبيع الدهب قبل الخطوبة انت عايز عمي يفسخ الخطوبة ولا ايه و هو اصلا مش موافق

خلصت كلامها و لاقيت ايد ماسكة كتفها ..بصت جمبها بسرعة بخوف من ان حد يكون سمعها و لاقيتها عهد اللي كان على ملامح وشها الصدمة و الزهول 

قالت داليا لرحيم 

داليا...سلام يا رحيم

قفلت داليا المكالمة و بصت لعهد بقلق و عهد مسكت ايدها و خرجوا من البلكونة و راحت بيها لأوضة داليا 

و طبعا داليا كانت ماشية معاها من غير م تنطق بحرف واحد عشان مرات عمها متاخدش بالها ان في مشكلة و تعرف حوار الدهب دا

قفلت عهد باب الاوضة و بصت لداليا بزهول و قالتلها

عهد...ايه اللي انا سمعته دا !!

سكتت داليا و مردتش و عهد قالتلها بضيق

عهد...ما تنطقييي

اتكلمت داليا و هي بتقولها بقلق

داليا...ايه ؟

هزت عهد راسها و هي بتقولها

عهد...ايه ..ايه؟ هو الدهب بتاعك فعلا صيني!!

هزت داليا راسها بخوف و قالت لعهد

داليا...متقوليش لعمي بالله عليكي

مسكت عهد دراعها بغضب و قالتلها

عهد...انتي لييه مصرة تقللي من نفسك هااا

بصت داليا على باب الاوضة بخوف ان عالة تسمع و قالت لعهد بحزن

داليا...وطي صوتك طيب 

هزت عهد راسها يمين و شمال بعدم تصديق و زهول و قالتلها

عهد...يا داليا يا حبيبتي انتي بني ادمة ناجحة و بتتعلمي ف كلية كويسة ليه مصرة تهيني نفسك اوي كدا صدقيني يا داليا رحيم من قبل م تتخطبوا و هو عمال يستغل حبك ليه و انك بتخبي على اهلك الدهب و انه مكنش شغال و كل الكلام دا صدقيني بعد كدا هيعايرك بكل دا و انك بتخبي علينا و قللتي من نفسك هفضل لحد امتى اقولك عززي نفسك هااا

نزلت دموع داليا بحزن و عهد حضنتها و هي بتطبطب عليها

اتكلمت عهد و قالتلها

عهد...لازم بابا يعرف

هزت داليا راسها يمين و شمال برفض و قالتلها برجاء

داليا...لأ يا عهد متقوليلهوش بالله عليكي 

ضربت عهد كف بكف بزهول من داليا و داليا قالتلها

داليا...هو وعدني ان اول م يبقى معاه فلوس و مرتب كويس هيجبلي دهب اصلي بدل الصيني دا 

ضحكت عهد بسخرية على سذاجة داليا و قالتلها

عهد...انتي ازاي ساذجة كدا 

هزت داليا راسها و سألتها بحزن و هي دموعها نازلة و بتقولها

داليا...لية !!

قالتلها عهد بزهول 

عهد...عشان وقتها هيقولك انا بشتري العفش مش معايا دلوقتي فلوس اغير دهب اللي هو اصلا  مش هيبقى موجود عشان البية هيخده منك يبيعه !!

عيطت داليا بحزن و قالتلها برفض لكلام عهد

داليا...لأ انتي بس بتقولي كدا عشان شايفاه وحش و اناني كلكوا شايفينه كدا معرفش ليه

زقت عهد كتف داليا بغضب و حزن عليها و هي بتقولها

عهد...انتي اللي مغفلة يا داليا ماشية ورا قلبك و لاغية عقلك زي العيال الصغيرة 

فضلت داليا تعيط بس اتخضوا هما الاتنين لما لاقوا الباب بيتفتح و صادق باصص لداليا بغضب وووو

يتبعععع

عهد بحب كاذب

البارت الخامس عشر

بقلمي مريم أحمد

تفاعل ♥️🫶🏻

استغفر الله العلي العظيم الذي لا اله الا هو الحي القيوم و اتوب اليه عدد خلقه و رضى نفسه و زنة عرشة و مداد كلماته و عدد الحركات و السكون و حبات الرمال و قطرات المياة 🩵

16

اتكلمت داليا و هي دموعها نازلة و بتقول لعهد

داليا...انا معرفش انتوا ليه شتيفين رحيم وحش و اناني

زقت عهد كتف داليا بغضب و حزن عليها و هي بتقولها

عهد...انتي اللي مغفلة و ماشية ورا قلبك. و لاغية عقلك زي العيال الصغيرة

بصتلها داليا و فضلت تعيط ..بس اتخضوا الاتنين لما باب الاوضة اتفتح و ظهر صادق اللي كان باصص لداليا و عيونه بتطلع شرارات غضب 

اتكلمت داليا بخوف و هي بتقوله

داليا...بابا 

بصلها صادق و مردش عليها و هي رجعت خطوتين لورا بخوف 

بصت عهد لأمها اللي كانت واقفة جمب ابوها و باين على وشها الحزن 

اتكلمت عهد و هي بتقولهم

عهد ... هو في ايه

بصلها صادق و قالها

صادق...في ان كان صوتكوا عالي و سمعنا كل حاجة

بصت عهد لداليا اللي بصتلها بلوم و صادق قال لعهد

صادق...سيبيني مع اختك يا عهد عايز اتكلم معاها

كانت عهد خايفة انه يزعل داليا ف اتكلمت بتهتهه و هي بتقوله

عهد...با..با اا...

قاطعها صادق لما قالها بحدة

صادق...في ايه !! بقولك عايز اتكلم معاها

هزت عهد راسها بالموافقة و بصت لداليا و خرجت من الاوضة 

بص صادق لداليا و قالها كلمة واحدة بس 

صادق...ليه ؟

سؤاله كان وراه حزن كبير جدا و داليا مردتش عليه كانت بس دموعها نازلة 

سألها صادق بلوم و هو بيقولها

صادق...ليه تقبلي انه يجيبلك دهب صيني و انه ياخده يبيعه و ليه تخبي علينا اصلا يا داليا

بصتله داليا بحزن و قالتله و هي دموعها نازلة 

داليا...عشان بحبه ..كنت خايفة اقولكوا كل دا لأني عارفة انكوا مش هتوافقوا

صادق...ف تروحي تقللي من نفسك صح ؟

سكتت و مردتش و راحت فتحت الدولاب خدت منه علبة الشبكة بتاعتها و اديتها لعمها

استغرب صادق و قالها

صادق...ايه دا؟

هزت راسها و هي مبتسمة و علامات الحزن مرسومة على وشها و قالتله

داليا...اختصار للكلام الكتير انا كدا كدا متأمدة انك مش هترضى اكمل 

اتنهد بحزن عليها بس طبطب على كتفها و قالها كلمة واحده قبل م يخرج 

صادق...هيجي وقت و تعرفي ان دا القرار الصح يا حبيبتي

ابتسمت بسخرية و هي دموعها نازلة بصمت و هو خرج 

و اول م قفل باب الاوضة قعدت على الكنبة اللي وراها و فضلت تعيط بقهر و حزن 

.....سبحانك اللهم و بحمدك 

في قصر فاروق الحديدي

كانت سارة قاعدة ف الريسيبشن هي و ندى اللي كانت بتحكيلها عن عن واحد زميلها ف الكلية و انه عايز يتقدملها

ندى... و هو بقى طلب رقمي 

بصتلها سارة باهتمام و قالتلها

سارة...و انتي اديتيله رقمك؟!!

هزت ندى راسها بنفي كذا مرة بسرعه و قالتلها

ندى...لا طبعا دا كان محمد يقطـ ع رقبتي

ضحكت سارة على كلام ندى و ندى قالتلها

ندى...قولتله اني مش بقبل على نفسي اني اكون مرتبطة بحد و مفيش حاحة رسمي و انه لو عايز يتقظم ممكن اديله رقم اخويا 

هزت سارة راسها و قالتلها بفضول

سارة...جميل و بعدين

كملت ندى كلامها و هي بتقولها

ندى...سكت شوية و بعدين وافق و انا اديتله رقم محمد و قولتله يستنى يومين كدا اعرف اخويا و بعدين يبقى يكلموا و يتفقوا على معاد يجي هو و قاله

هزت سارة راسها و قالتلها بفضول

سارة...و انتي عرفتي محمد؟

هزت ندى راسها بفي و قالتله

ندى...لأ

ردت عليها سارة بسخرية و هي بتقول

سارة...و مستنية ايه بقى لما يكلم اخوكي و محمد ميبقاش فاهم حاجة ؟

سكتت ندى و سارة قالتلها

سارة...اول م يرجع من الشغل انهاردة قوليله

هزت ندى راسها بمعنى ماشي و ف الوقت دا جية فاروق و قعد معاهم و هو بيقولهم

فاروق...شايفكوا من و انا ف الجنينة من ساعتين عمالين ترغوا 

ضحكوا على كلام جدهم و هو سألهم و هو بيقول

فاروق...بترغوا ف ايه

سكتت ندى و سارة بصتلها و بصت لجدها و هي بتقول بابتسامة

سارة...في حد عايز يجي يتقدم لندى 

بص فاروق لندى و ندى بصت للأرض بكسوف و فاروق قالها بحب و هزار

فاروق...ايه دا ايه دا و انا اخر من يعلم بقى ولا ايه

هزت ندى راسها يمين و شمال بنفي و قالتله بسرعة 

ندى...لأ يا جدو محدش يعرف خالص غير سارة 

ابتسم فاروق و قالها

فاروق...احكيلي بقى مين دا

ردت عليه ندى بكسوف و توتر و هي بتقوله

ندى...هو واحد زميلي ف الكلية و كان عايز رقمي بس انا اديته رقم محمد و هو هيكلمه بس لسه مقولتش لمحمد

هز فاروق راسه بتفهم و قالها

فاروق...لو عايزاني انا اقوله معنديش مشكلة

هزت راسها كذا مره بسرعة بترحيب للفكرة و قالتله

ندى...اه ياريت

ضحك فاروق و قالها

فاروق...اسمه ايه الولد دا

ندى...اسمه سليم

سألها و هو بيقولها

فاروق...سليم ايه؟

هزت راسها بعدم معرفة و قالتله

ندى...لا معرفش اللي اعرفه انه اسمه سليم معرفش اسم باباه

هز فاروق راسه و قالها

فاروق...مش مشكلة كدا كدا هيجي و هنعرف

ابتسمتله ندى و سارة كمان 

....لا اله الا الله وحده لا شريك له

في شركة يوسف الحديدي

كان ف مكتبه بيتابع شغله بتركيز تام لدرجة انه مخدش باله من الباب اللي كان بيخبط و اتفاجئ بموسى صاحبه و اللي بيكون شغال معاه ف الشركة قاعد قدامه و بيخبط بايده على المكتب بغضب

بصله يوسف بحده و قاله

يوسف...مش في حاجة اسمها تخبط على الباب ولا هي وكالة من غير بواب؟

ردت عليه موسى بضيق و هو بيقول

موسى...طب بس بس ابقى روح عن دكتور اذن يشوف ودنك اطرشت ليه 

بصله يوسف بغضب و قاله

يوسف...اطلع برا

هز موسى راسه برفض و قاله

موسى...راجي دويدار جاي انهاردة الساعة 6 عشان الاجتماع 

هز يوسف راسه و قاله

يوسف...هاتلي كل الورق المهم اراجعه 

حطله موسى الورق عاى المكتب و قاله

موسى...اهو 

خد يوسف الورق و بص فيه و موسى قاله

موسى...خلي بالك عشان راجي بني ادم مش سهل و حقود و عايز يوقعلك شركتك 

هز يوسف راسه بلامبالاه و قاله

يوسف...عارف

اتكلم تاني بكل غرور و كبرياء و هو بيقوله

يوسف...مش اول واحد يعني يبقى عايز يوقع الشركة

ابتسم موسى بسخرية من غرور صاحبه و قاله

موسى...ماشي يا عم همشي انا بقى

هز يوسف راسه و مردش عليه

....استغفر الله العظيم و اتوب اليه

في بيت صادق

كانت عهد زعلانة ان داليا حابسة نفسها ف اوضتها و سامعين صوت عياطها و مش عارفين يعملولها ايه

اتكلم صادق بضيق و هو بيقول

صادق...عشان كدا مكنتش عايز اوافق عليه من الاول

قالتله هالة بحزن

هالة....بقالها ساعتين بتعيط كدا

راحت عهد و خبطت على باب الاوضة و دخلت 

بصتلها داليا بلوم و قالتلها

داليا...من فضلك اطلعي بره

راحتلها عهد و قعدت جمبها و قالتلها

عهد...والله يا داليا ربنا هيجبر بخاطرك و هيرزقك باللي احسن منه و اللي يقدرك و يجيبلك اغلى حاجة

سكتت داليا و مردتش عليها 

و عهد طبطبت على ايدها و قالتلها

عهد...انتي عارفو اني بحبك و غصب عني اتعصبت لنا لاقيتك بتقللي من نفسك كدا مكنتش اقصد اعرفهم بجد و بعدين هما كدا كدا كان لازم يعرفوا 

هزت داليا راسها ليها و قالتلها

داليا...ماشي لو سمحتي بقى سيبيني و اطلعي بره ممكن 

اتنهدت عهد بحزن و خرجت من الاوضة 

....لا اله الا الله محمد رسول الله

في القسم 

كان محمد ف مكتبه بيتابع شغله بس قطع تركيزه صوت تليفونه اللي بيعلن عن وجود اتصال من حد

بص محمد على التليفون و رد بسرعة لما لاقاه وائل

اتكلم محمد و هو بيقوله

محمد...ايه يا وائل جبت الاخبار اللي قولتلك عليها؟

ردت عليه وائل بتأكيد و قاله

وائل...ايوا طبعا طلع عيل اهبل و اتقبض عليه قبل كدا ف قضية سرقة 

ابتسم محمد بعد م اتأكد من شكوكه و وائل كمل كلامه و هو بيقوله

وائل...كويس جدا انك فكرتنا بيه لأنه كان هربان من قضية سرقة برضو

رد عليه محمد بسرعة و هو بيقوله

محمد....و مستنيين اي اقبضوا عليه فورا

وائل...تم اصدار قرار بالقبض عليه بالفعل يا حضرة الضابط و رايحين دلوقتي 

رد عليه محمد و هو بياخد مفاتيحه و سلاحه و بيخرج من المكتب

محمد...ابعتلي العنوان انا جاي حالا 

....سبحانك اللهم و بحمدك

كان صادق قاعد مع ابوا رحيم على القهوة و بيقوله

صادق...للأسف. يا استاذ أيمن كل شئ اسمه و نصيب

و اداله علبة الشبكة

سأله ايمن باستغراب و قاله

ايمن...ايه اللي حصل بس يا صادق ما العيال بيحبوا بعض و رحيم نزل شغل اهو 

رد عليه صادق بضيق و هو بيقوله

صادق...اللي حصل ان رحيم غفلنا كلنا و كدب علينا و فهمنا انه مشتري لبنت اخويا دهب اصلي و هو صيني و انا بنت اخويا مش قليلة عشان ميجلهاش دهب اصلي يا ايمن

سكت ايمن باحراج من الكلام اللي اول مرة يسمعه

و و هما قاعدين بيتكلموا سمعوا صوت عربيات بوليس بصوا لاقوها وقفت تحت العمارة اللي ساكن فيها رحيم و اهله 

اتكلم ايمن باستغراب و هو بيقول

ايمن...ايه كل عربيات الحكومة دي !!

رد عليه صادق باستغراب هو كمان و قاله

صادق...مش عارف 

ضرب ايمن كف بكف و هو بيقول

ايمن ...تفتكر جايين لمين ؟

هز صادق راسه بعدم معرفة 

بس اتصدم ايمن و صادق لما لاقوا ظابط باين عليه الحدة جارر رحيم من دراعه و رحيم كانت ايده فيها كلبشات و صفاء و عمر نازلين وراهم و هما مش فاهمين حاجة

راح ايمن و صادق ليهم و هما مخضوضين

اتكلم ايمن باستغراب و هو بيقول

ايمن...في ايه يا حضرة الظابط واخدين ابني ليه عمل ايه !!

رد عليه محمد بحدة و هو بيقوله

محمد...ابنك حرامي يا حاج دا غير انه هربان من قضية قبل كدا

حطت صفاء ايدها على بوقها بصدمة اما ايمن ف نزل على وش رحيم بقلم عمره م هينساه و قاله بحزن و غضب

ايمن...لييييه تعمل كدااا !!

مردش رحيم و محمد قال للعساكر

محمد...خدوه على البوكس

جت العساكر و خدوا رحيم و عمر قال لمحمد

عمر... يا حضرة الظابط اكيد في سوء تفاهم

بصتله محمد بسخرية و قاله

محمد...لأ متقلقش احنا متأكدين من شعلنا كويس اوي و اخوك هيتجازى على اللي عمله 

و مشي و سابه و راح للعربية 

و ايمن بص حواليه لاقى الناس اللي ف الشارع كلهم حرفيا كانوا واقفين و البلكونات مليانة ناس حس انه هيغمى عليه و بالفعل الرؤية بدأت تتشوش ف نظرة لحد م فقد وعيه من صدمته 

اما ف بلكونة من البلكونات كانت واقفه داليا اللي عيونها مدمعة و حطة ايدها على بوقها بصدمة من اللي شافته و كان معاها عهد و هالة اللي مكانوش مستغربين اوي.. طبطبت هالة على كتفها و قالتلها

هالة...الحمدلله ان ربنا نجدك 

....استغفر الله العظيم و اتوب اليه 

عدى يوم و فاروق عرف محمد ان سليم هيكلمه و محمد وافق انه يقابله و فرح من تصرف اخته 

كانت سارة قاعدة ف الجنينة ماسكة التليفون و بتشرب عصير و اتفاجئت لما لاقيت مامتها جت قعدت جمبها 

بصتلها سارة باستغراب و سابت التليفون و فضلت بصالها شوية يمكن تتكلم و تعرف هي جاية ليه بس ملقتش منها اي رد ف رجعت بصت قدامها تاني 

و معداش دقايق و اخيرا رقية اتكلمت و قالتلها

رقية...عاملة ايه يا سارة

هزت سارة راسها و قالتلها باستغراب

سارة...الحمدلله

هزت رقية راسها و بعدين سألتها تاني و هي بتقولها

رقية...خرجتي انهاردة ؟

هزت سارة راسها بعدم فهم و قالت

سارة...مش فاهمه يعني لية ؟

ردت عليها رقيه بزهول و هي بتقول

رقية...لية؟؟!!!

اتكلمت سارة بسرعة و هي بتقول

سارة...لا اكيد مقصدش بس اصل حضرتك عمرك م جيتي سألتيني السؤال دا قبل كدا و بعدين اصلا عمرك م قعدتي معايا ف مستغربة بس !!

اتنهدت رقية بحزن و هي بتحاول تنسى كلام بنتها ليها هي و يوسف ساعة الخناقة 

بصت لسارة و ابتسمتلها و قالتلها

رقية...خلينا ف انهاردة و قوليلي بقى 

بصتلها سارة باهتمام و هزت راسها بمعنى نعم ؟ 

و رقية اتكلمت و هي بتقولها

رقية...هي اللي اسمها عهد دي كويسة فعلا ؟

هزت سارة راسها و قالتلها

سارة...جدا يا ماما هي و داليا بنت عمها و مامتها اللي كل م اروحلهم الاقيها عاملالي اكل انا بحبه و تقعد تهزر معانا و تتكلم معانا بجد بحبهم اوي 

سألتها رقية رقية بحزن لما عرفت ان بنتها بتروحلهم و هي متعرفش

رقية...هو انتي روحتيلهم قبل كدا؟

هزت سارة راسها و رقية اتنهدت بحزن و قالتلها

رقية...ابقي كلميها خليها تيجي هنا عايزة اقعد معاها و اتعرف عليها

بصتلها سارة بابتسامة فرحة و قالتلها بعدم تصديق

سارة...بتتكلمي جد يا ماما !!

هزت رقية راسها و حضنتها و هي بتقولها

رقية...متزعليش مني 

طبطبت سارة عليها و هي مبتسمة بفرحة

....سبحانك اللهم و بحمدك 

تاني يوم الصبح 

كانت سارة بتتكلم مع عهد و هي مبسوطة جدا و بتتمشى ف الجنينة 

اتكلمت عهد بهزق و هي بتقولها

عهد...بقالي حرفيا نص ساعة بتقوليلي عهد عايزة اقولك حاجة و مش بتنطقي !

حطت سارة ايدها على بوقها بفرحة و هي بتقولها

سارة....يا عهد م انا مش مصدقة نفسي بجددد

اتكلمت عهد و هي بتحاول تخليها تحكي و بتقولها

عهد...طب م تقوليلي عشان انا كمان مبقاش مصدقة نفسي زيك

ضحكت سارة و قالتلها

سارة....بصي يا ستي انا امبارح بليل كنت قاعدة ف الجنينة و لاقيت مين بقى جت قعدت جمبي

قالتلها عهد بعدم معرفة 

عهد..مين؟ ندى؟

هزت سارة راسها يمين و شمال بنفي و قالتلها بفرحة

سارة...لأ يا عهد ماما

ابتسمت عهد بفرحة و قالتلها

عهد...بجدد

ضحكت سارة و قالتلها

سارة...بجد لا و كمان اتكلمت معايا و سألتني عنك 

استغربت عهد و قالتلها

عهد...ايه دا ليه ؟

اتكلمت سارة بفرحة و هي بتقول

سارة...عشان كانت عايزة تتكلم معايا و ملقتش غيرك و كدا و بعدين بقى قالتلي انها عايزة تقعظ معاكي لما عرفت ان ماما هالة بتقعد معانا لما بجيلكوا

ابتسمت عهد و قالتلها بأسف

عهد...ايوا يا سارة بس انا للأسف مش هقدر اجي

قالتلها سارة بحزن 

سارة...ليه يا عهد بس دا انا مصدقت انها تقعد تتكلم معايا 

اتأسفتلها عهد بحزن و هي بتقولها

عهد...سوري يا سارة بجد بس انا اكيد مش هدخل بيتكوا دا و اخوكي موجود

هزت سارة راسها بنفي و قالتلها

سارة...اسمعي بس ابيه كل يوم بينزل الصبح بدري الشركة و مش بيرجع غير بليل و محمد برضو مش هنا ف القسم ف انا دلوقتي هاخد العربية و اجيلك تكوني جهزتي و اخدك و نيجي ماشي ؟

سكتت عهد و هي مش عارفة تقولها ايه و سارة قالتلها

سارة...يلا بقى يا عهد بطلي رخامة 

كملت كلامها و هي بتاخد مفاتيح عربيتها من على التربيزة و بتقولها

سارة...يلا انا جاية باي 

مدتش فرصة لعهد انها تتكلم و ترفض و قفلت المكالمة على طول

و عهد قامت خرجت الصالة لأمها 

بصتلها هالة و قالتلها

هالة...عايزة تقولي ايه

عهد...سارة جاية

ابتسمت هالة بترحيب و قالتلها

هالة...تنور طبعا هروح احضر الغدى

كانت هتروح المطبخ بس عهد منعتها و هي بتقولها

عهد...استني بس هي جاية عشان تاخدني و اروح عندهم

اتكلمت هالة بغضب و هي بتقولها

هالة...نعمم؟

ردت عليها عهد و هي بتقولها

عهد...انا كمان مكنتش عايزة اروح بس دا طلب مامتها 

استغربت هالة و قالتلها 

هالة...امها؟

هزت عهد راسها و قالتلها

عهد...ما هي بقى قعدت اتكلمت معاها امبارح و لما عرفت انها بتيجي هنا طلبت منها اني اروحلهم و انا لمت سارة قالتلي رفضت طبعا بس هي كانت مبسوطة اوي عشان مامتها و كدا و قالتلي انها جاية تاخدني و نروح هناك

هزت هالة راسها و قالتلها

هالة...بس متتأخريش

هزت عهد راسها و قالتلها 

عهد...خلي بالك من داليا متخليهاش تقعد ف اوضتها عشان بتعيط خليها قاعدة معاكي هنا

هزت هالة راسها و عهد مشيت ف اتجاه اوضتها بس غيرت اتجاهه و راحت لأوضة داليا 

خبطت على الباب و دخلت لاقيت داليا قاعدة على الكنبة و ساندة راسها على الشباك على وراها و باصة للشارع

راحت عهد و قعدت جمبها و قالتلها

عهد...دودو 

مردتش داليا عليها و فضلت باصة للشارع 

اتكلمت عهد و هي بتقولها

عهد...الشارع اهم مني يعني 

بس برضو داليا مردتش عليها و كأنها مكنتش سامعاها اصلا كانت عيونها مدمعة و محمرة 

اتنهدت عهد بحزن عليها و طبطبت على كتفها و قامت خرجت من الاوضة 

....سبحانك اللهم و بحمدك

عدى ساعتين كانت عهد و سارة وصلوا القصر 

و على عكس توقع سارة بس عهد مفضلتش تبص على القصر ولا شكله ولا اي حاجة كانت باصة قدامها و بس 

جت رقية و هي مبتسمة بمجاملة و اول م عهد شافتها قامت و مدتلها ايدها

سلمت رقية عليها و قالتلها

رقية...انتي بقى عهد

هزت عهد راسها بابتسامة و قالتلها

عهد...بالظبط

ابتسمت رقية و قالتلها

رقية...اهلا بيكي انا رقية مامة سارة

ابتسمت عهد و قالتلها

عهد...اهلا بحضرتك

اتكلمت رقية. و هي بتقولهم

رقية...ايه رأيكوا نقعد ف الجنينة ف الهوا

اتكلمت سارة بوافقة و هي بتقول

سارة...ايوا يلا

و خرجوا هما التلاتة للجنينة و فضلوا يتكلموا و كتير و بالرغم من ان رقية كانت بتتكلم معاها بس مكنتش حباها اوي ك صاحبة لبنتها و طبعا عشان مسوى المعيشة 

عدى الوقت و الساعات بسرعة و يوسف خلص شغله ف الشركة و رجع البيت

دخل القصر بس استغرب لما ملقاش حد شاف ندى اللي كانت رايحة للجنينة و الابتسامة عل. وشها

سألها باستغراب و هو بيقولها

يوسف...ندى هو في ايه

هزت ندى راسها و قالتله بعدم فهم

ندى...ايه؟

بص يوسف على القصر اللي كان تقريبا فاضي و قالها

يوسف...القصر فاضي ليه

ندى...ابدا جدو راح يزور اونكل اشرف و ماما خرجت مع طنط نورا صاحبتها و محمد ف القسم و انا و طنط رقية و سارة قاعدين ف الجنينة مع عهد و انت لسة جاي

اتصدم يوسف و قالها

يوسف....ايه عهد ؟؟؟؟ ووووو🩵

تفتكروا يوسف هيكون ردة فعله ايه 😂😂

استغفر الله العلي العظيم الذي لا اله الا هو الحي القيوم و اتوب اليه عدد خلقه و رضى نفسه و زنة عرشه و مداد كلماته و عدد حبات الرمال و قطرات المياه و الحركات و السكون

17-18-19

كانت عهد بتتكلم هي و سارة بعد م رقية سابتهم لما عرفت ان يوسف رجع 

اتكلمت سارة و هي بتقولها

سارة... هنشتغل ف تخصص ايه بقى يا عهد

هزت عهد راسها بعدم معرفة و سارة قالتلها

سارة....ايه رأيك نشتغل ف الاذاعة و التليفيزيون ؟

هزت عهد راسها برفض تام عشان داليا كان نفسها تبقى مذيعة و قالتلها

عهد...لا لا لا استحالة طبعا

استغربت سارة و قالتلها

سارة...طب ناوية على ايه و انا هاجي معاكي

عهد...غالبا صحافة

سمعت صوته و هو بيقول و هو بيقعد جمب سارة

يوسف...لا لا صحافة ايه بس و قرف ايه

رفعت عهد راسها باستنكار و سارة ابتسمت على كلام اخوها بعد م فهمت انه بيضايقهم

تجاهلت عهد كلامه و كملت كلامها و قالت لسارة

عهد...هو مجال مجال الصحافة حلو اوي 

هزت سارة راسها و يوسف قال و هو بيكرر كلامها

يوسف...اه غعلا هو مجال الصحافة حلو اوي

قلبت عهد عيونها بملل و سارة اتكلمت و هي بتقولها

سارة...خلاص ماشي نشوف مكان تدريب كويس و نروح

هزت عهد راسها ليها بالموافقة على كلامها و سارة قالت ليوسف

سارة...ابية تعرف تدريب مكان كويس؟

هز راسه ليها و هو بيقول

يوسف...هبقى اسألك

ابتسمتله سارة و قالتله

سارة...اه ياريت عشان نروح انا و عهد ف اسرع وقت 

هز يوسف راسه و قالها

يوسف...احسن مكان تدريب هتروحوا ان شاء الله

ابتسمت سارة و شكرته و هي بتقوله

سارة....شكرا يا ابية بجد

ابتسملها يوسف و وجه كلامه لعهد و هو بيقولها

يوسف...و انتي مفيش شكرا ؟

ابتسمت عهد بضيق و قالتله بمجاملة

عهد...شكرا

هز راسه و بعدين قالها باستنكار 

يوسف...مالك كدا بتقوليها بضيق يعني

رفعت عهد حواجبها بملل و متكلمتش و يوسف سألها باستفزاز

يوسف...متخانقة انتي و امك قبل م تيجي ولا ايه ؟

بصت لسارة بملل و بعدين ابتسمت و ردت عليه و هي بتقول

عهد...معلش هو حضرتك مالك؟!

ابتسمت سارة و بصت لأخوها اللي من حسن حظه ان ف نفس الوقت تليفونه رن بس قبل م يرد عليه رد عليها و هز بيقولها

يوسف...عادي يعني بسأل مينفعش اسأل ؟

هزت راسها بتأكيد على كلامه و قالتله

عهد...اه مينفعش تسأل تبقي اسأل على اختك انا لأ 

مردش عليها و حط التليفون على ودنه و مشي 

و سارة بصتلها شوية و بعدين فضلت تضحك و دا عصب عهد 

عهد...انتي بتضحكي على ايه يا سارة ؟؟؟

هزت سارة راسها بنفي و عهد قالتلها بتحذير

عهد...طب بطلي ضحك ياختي 

هزت سارة راسها و هي بتحاول تبطل ضحك و عهد بصت لفوق بملل و ضيق و بعدين بصتلها تاني 

ردت عليها سارة و. هي بتسألها و بتقولها

سارة...هو انتي ليه مش عايزة مجال الاذاعة و التليفزيون 

عهد...سارة كانت عايزة تدخل اعلام و تتخرج و تبقى مذيعة و للأسف ظروف بابا مسمحتش ف دخلت كلية تانية بمصاريف اقل من اعلام 

هزت سارة راسها بتفهم و هي زعلانة على داليا و عهد قالتلها بحزن

عهد...دا غير انها حاليا نفسيتها متدمرة حرفيا ف اكيد مش هشتغفل ف مجال هي كانت بتحلم بيه و احزنها اكتر م هي حزينة 

سألتها سارة بقلق و هي بتقول

سارة...نفسيتها مدمرة ليه بس مالها ؟

عهد...فسخت الخطوبة هي و خاطبها دا غير انه اتقبض عليه عشان سرق 

حطت سارة ايدها على بوقها و قالتلها

سارة...يا حبيبتي دي تلاقيها بتعيط اوي 

هزت عهد راسها بتأكيد و هي زعلانه و قالتلها

عهد...ولا عايزة تكلم حد ولا اي حاجة و لما بنكلمها مش بترد بتعيط و بس

زعلت سارة جدا و قالتلها

سارة...تعالي نروحلها عايزة اطمن عليها و نحاول نخرجها من مود الزعل دا 

هزت عهد راسها بالموافقة و سارة راحت تقول لأمها و اخوها و الغريب ان يوسف ممانعش و قالها تروح و طبعا استغربت بس متكلمتش

....استغفر الله العظيم الذي لا اله الا هو الحي القيوم و اتوب اليه

في العربية 

قالت سارة لعهد 

سارة...عرفتي طنط اني جاية 

هزت عهد راسها بمعنى ايوا و سارة هزت راسها و هي بتقولها

سارة....كويس

ابتسمت عهد و سكتت و سارة قالتلها

سارة...انتي ساكته ليه يا عهد هو في ايه

هزت عهد راسها ينفي و قالتلها

عهد...يا سارة زعلانه عشان داليا جدا انتي مش متخيلة منظر وشها بقى عامل ازاي من كتر العياط

اتنهدت سارة بحزن عليها و قالتلها

سارة...اهدي بس كدا ان شاء الله هتبقى كويسة المهم دلوقتي لازم نجيبلها اي حاجة هي بتحبها 

هزت عهد راسها و فضلت ثواني تفكر و بعدين ضحكت 

ابتسمت سارة على ضحكتها و قالتلها باستغراب

سارة...في ايييه

ردت عليها عهد و هي بتقولها

عهد...بتحب الشاورما

ابتسمت سارة و غيرت اتجاه العربية و هي ناوية تروح على مطعم شاورما هي عارفاه تشتري منه ليهم كلهم

.....سبحانك اللهم و بحمدك

بعد وقت كانت سارة و عهد قاعدين ف اوضة داليا بعد م اتغدوا كلهم سوا من الاكل اللي جابته سارة 

اتكلمت سارة و هي بتقولها

سارة...خلاص بقى يا داليا بالله عليكي م تزعلي 

بصتلعا داليا و هزتلها راسها بهدوء و سكتت و سارة اتنهدت بحزن و قالتلها

سارة...احمدي ربنا انكوا فسختوا الخطوبة قبل م يتسجن الحرامي دا 

سكتت داليا و مردتش و عهد قالت

عهد...على فكرة بقى انتي لو مبطلتيش نكد و عياط انا هعيط معاكي

ضحكت سارة على كلامها و بعدين قالتلهم 

سارة...بقولكوا اية انا عايزة انزل لمحل ام علياء

ضحكت عهد و قالتلها

عهد...عجبتك الرنجة المرة اللي فاتت ولا ايه

ضحكت سارة و هزت راسها بمعنى ايوا و عهد قالتلها

عهد...دي عندها فسيخ و ملوحة انما ايه خطيييرة 

مسكت سارة ايد داليا بحماس و قالتلهم

سارة...يلا ننزل!

مدتش لداليا فرصة انها ترفض و بعدين نزلوا كلهم 

....لا اله الا الله محمد رسول الله

عدت الساعات و داليا كانت فكت شوية و بطلت عياط 

و سارة رجعت بيتها و الغريب انها لما رجعت لاقيت امها مستنياها هي و الكل

رقية...تعالي يا سارة

راحت سارة و قعدت جمبها

و رقية اتكلمت و هي بتقولها

رقية...كانت مالها بقى داليا 

هزت سارة راسها بحزن و قالتلها

سارة...مموته نفسها من الزعل بجد

سكتت رقية و سألتها ندى باهتمام و هي بتقولها

ندى...مين داليا دي

سارة...بنت عم عهد

هزت ندى راسها بتذكر و قالتلها

ندى...ايوا افتكرتها

و بصت لاخوها بس محمد كان باصص للتليفون اصلا رجعت بصت لسارة تاني و قالتلها

ندى...كانت مالها بقى زغلانة ليه

هزت سارة راسها بحزن و قالتلها

سارة...بابا فسخ خطوبتها و وهو بيتكلم مع بابا خطيبها جت البوليس و قبضه عليه و هي طبعا بتعيط جدا

هزت ندى راسها بحزن عليها و مروة قلبت عيونها بملل من حكاويهم 

و طبعا محمد كل دا قاعد ساكت

بصت ندى لسارة و غمزتلها و بعدين اتكلمت و هي بتقول

ندى...اصلا عهد و هي هنا حاكيتلي على خالد ابن عمتهم 

قفلت سارة حواجبها باستغراب و قالتلها

سارة...ايه دا مقلتليش انها عندها عمة اصلا

بصتلها ندى بحدة خفيفة و هي بتقولها

ندى...لأ ازااي بس يابنتي افتكري.. خالد يا سارة مش عهد قالت انه بيحب داليا و لما عرف مستنيها تتخطى حزنها دا و هيروحوا يتقدمولها

كانت لسة سارة هترد عليها بنفي و هي مش فاكرة ان عهد قالت حاجة زي دي بس ملحقتش تتكلم لما سمعت صوت محمد و هو بيقول بصدمة ممزوجة بغضب

محمد...ايييه!!

بصتله ندى و هي رافعة حاجبها و هي مبتسمة باتصار انها عرفت توقعه و تخليه يعترف انه حب داليا وووو

يتبعععععع

عهد بحب كاذب

18

بصت ندى لمحمد و هي رافعة حاجبها و هي مبتسمة بانتصار انها عرفت توقعه و تخليه يعترف انه حب داليا

اتكلمت و هي بتقوله

ندى...ايه ؟

هز محمد راسه بتوتر و قالتلها

محمد...نعم ؟

ابتسمت سارة و ندى قالتله

ندى...هو ايه دا اللي نعم هو مش انت اتعصبت فاجأة و احنا بنتكلم لما عرفت ان خالد هيخطب داليا

بصلها محمد شوية و سكتت و هو مش عارف يقول ايه و يوسف طبطب على كتفه و هو بيقول بسخرية 

يوسف... طلعت مغفل و عيلة عرفت توقعك بالكلام يا حضرة الظابط

ضحكوا على كلام يوسف الا مروة اللي كانت مضايقة جدا 

قالت ندى بتعديل على كلام يوسف

ندى...لأ و ظابط مباحث من فضلت

كلمتها حالتهم يضحكوا اكتر و محمد بصلها بغضب و قالها

محمد... متهزريش معايا ماشي 

و وجه كلامه للكل و هو بيقول

محمد... محدش يصدق كلامها داليا اللي بتقول عليها دي انا ولا مرة شوفتها ولا كلمتها اصلا عشان احبها 

قال كلامه و طلع اوضته و سابهم

قال يوسف بسخرية عليه

يوسف...قماص اوي 

ابتسمت سارة لندى عشان متزعلش و ندى هزتلها راسها بمعنى عادي 

بس سمعوا كلهم صوت ضحكة فاروق تاني على الموقف اللي حصل و ضحكوا كلهم تاني

....لا اله الا الله محمد رسول الله 

تاني يوم الصبح كانت سارة قاعدة ف اوضتها و بعدين نزلت بس اتفاجئت من وجود يوسف

راحتله و هي بتقوله باستغراب

سارة... ايه دا يا ابيه مش المفروض تكون ف الشغل 

هو راسه بتأكيد على كلامها و قالها

يوسف... المفروض بس للاسف عمك سليمان جاي هو و عيله ف طبعا مش هروح

سألته بإستغراب و هي بتقوله

سارة... ايه دا مش المفروض انهم ف انجلترا؟؟؟

هز راسه و قالها

يوسف.... ما هما نزلوا اجازة بقى ف هيروح اوتيل مثلا؟

هزت راسها بنفي و هي بتضحك و بتقول

سارة... اكيد لا 

هز راسه بتأكيد على كلامها و هي قالتله

سارة... معرفش فين مامي؟؟

يوسف.... هتلاقيها ف الجنينة

هزت راسها و قامت راحت الجنينة و هو رجع بص للابتوب تاني و هو بيكمل شغله بس قطع تركيزه صوت تليفون سارة اللي كان بيرن 

بص على التيليفون و لاقاه رقم عهد مكانش هيرد عليها و رجع تاني بص للابتوب بس ابتسم لما جت ف باله فكرة و مسك التليفون و فتح المكالمة 

....لا اله الا الله محمد رسول الله

في بيت صادق كان عهد واقفه ف البلكونه و هي بترن على سارة عشان تسألها هيروح التدريب امتى 

جالها صوت ان حد رد على الاتصال 

اتكلمت عهد بضيق و هي بتقول

عهد.... خير يا سارة هانم سنة عشان تردي!!؟؟؟

بس الغريبة انها ملقتش رد .. اتكلمت تاني و هي بتقول

عهد... ماتنطقي يابنتي هو في اييييه بجد !

فضلت ثانيتين مش سمعة رد  لحد م سمعت صوته و هو بيقولها

يوسف... انتي بتزعقي لأخت يوسف الحديدي كدا عادي

اتصدمت و معرفتش اعمل ايه رحت قفلت المكالمة فورا

و هو اتفاجئ جدا من ردة فعلها و بص على شاشة التليفون يتأكد انها فعلا قفلت المكالمة 

ابتسم لما لاقى ان فعلا المكالمة اتقفلت ف رن عليها هو 

مرة و اتنين بس هي مكانتش بترد !! اضايق بس جت ف باله فكرة و ف ثواني كان فاتح الواتساب بتاع اخته و هو ف شات عهد 

اما عهد ف كانت لسة مصدومة و. باصة للتليفون و هي شايفة اتصالات من رقم سارة بس مكنتش عابزة ترد عشان ميبقاش هو 

بصت للتليفون تاني لما سمعت صوت رسالة و لاقيتها سارة اللي كانت كاتبالها

سارة..." ايه يا دودي مش بتردي عليا ليه ! "

قفلت حواجبها و هي مش عارفة اذا كان دا يوسف ولا سارة بس ابتسمت و قالت لنفسها 

عهد...ايه يا عهد غباءك دا محدش بيقولك دودي دي غير سارة اكيد هي الي كانت بتتصل يعني

سمعت صوت التليفون و لاقته بيرن برقم سارة 

ردت عليها فورا و هي بتقولها

عهد... انتي ازاي تسيبي تليفونك مع اخوكي يا سارة و هو الي يرد عليا يعني

بس برقت بصدمه لما سمعت صوته و هو بيقولها

يوسف... بقى بتزعلي اختي مني و تخلي يحصل بينا خناقة 

معرفتش ترد تقوله ايه و هو قال بضيق

يوسف... كنتي بتكلميها ليه؟؟

ردت عليه باستنكار لسؤاله و هي بتقوله

عهد...و انت مالك ؟ 

كملت بضيق و هي بتقول

عهد...و بعدين ازاي اصلا انت اللي بتكلمني و محدش يعرف اسم دودي دا غير سارة 

رد عليها بسخرية و هو بيقولها

يوسف...اعمى انا يعني مش شايف انها مسجلاكي دودي ؟؟

سكتت و هي بتلعن غباءها و هو اتكلم و هو بيقولها بحدة عشان يعرف كانت بترن على اخته ليه

يوسف...اخلصيي كنتيي بترنييي لييه !!

عهد..كنت عايزة اسألها احنا هننزل تدريب امتى بس

حاول انه ميضحكش و هي اكتشفت انها قالتله و انه كمان زعقلها 

اتكلمت بحدة و هي بتقوله

عهد...هو انت مالك اصلا و بعدين انت بتزعق لمين كدا

رد عليها بضيق و هو بيقول

يوسف...بزعقلك انتي و يلا بقى مع السلامة عشان صدعتيني

مستناش يسمع ردها و قفل السكة ف وشها 

اما عهد ف بصت على التليفون بصدمة و قالت بضيق

عهد...بني ادم قليل الذوق بجد 

و خرجت من البلكونة و راحت لأمها بس اتفاجئت لما لاقيت امها واقفة عند باب الشقة و نازلة 

سألتها عهد باستغراب و هي بتقولها

عهد...ايه دا انتي رايحة فين

ردت عليها هالة بضيق و هي بتقولها

هالة...بقالي ساعة بنادي عليكي و انتي ولا هنا

ردت عليها عهد بأسف و هي بتقول

عهد...معلش يا ماما بس كنت بكلم يوسف

هالة...ايييه !!!

ادركت عهد اللي قالته و قالتلها بتصحيح

عهد...لا انا كنت فاكراها سارة بس هو اللي رد يعني

هزت هالة راسها بمعنى ماشي و عهد سألتها و هي بتقولها

عهد...انتي رايحة فين ؟

ردت عليها هالة بحزن و هي بتقول

هالة...رايحة ازور اخوكي

سكتت عهد بحزن و بعدين هزتلها راسها بمعنى ماشي و هالة اتنهدت بحزن و قالت بقهر

هالة...ربنا يفك سجنه اتسجن ظلم يا عهد

هزت عهد راسها و قالتلها 

عهد...كلنا متأكيد من حاجة زي دي سيف عمره م يسرق ابدا انتوا مربتوناش على حاحة زي كدا ابدا 

هزت هالة راسها و قالتلها 

هالة...اهو فاضل كام شهر و يخرج من السجن بالسلامة 

ابتسمتلها عهد بأمل و قالتلها

عهد...ان شاء الله يا حبيبتي

كملت كلامها و هي بتقولها

عهد...استنيني هاجي معاكي

هزت هالة راسها برفض و قالتلها

هالة...لأ كدا هتأخر المرة الجاية بقى ان شاء الله

هزت عهد راسها بالموافقة و هالة قالتلها 

هالة... اعملي انتي بقى الغدى انهاردة

هزت عهد راسها بطاعة و قالتلها

عهد... عيوني حاضر هتيجي تلاقي الاكل جاهز ان شاء الله

سلمت هالة عليها و مشيت و عهد دخلت اوضة داليا اللي لاقيتها برضو قاعدة عن الشباك و مش بتتكلم

راحت عهد قعدت جمبها و هي بتقولها

عهد...ايه يا دودو هنفضل ساكتين كدا تاني

بصتلها داليا و متكلمتش و عهد قالتلها

عهد...خلاص بقى بالله عليكي مش هنفضل نعيط و ننسى حياتنا و بعدين هو لو كان بيحبك عمره م كان سرق ولا زعلك منه اصلا

هزت داليا راسها و هي بتقولها بخنقة و دموع

داليا... ما دا اللي انا مستغرباه يا عهد انه كان بيقولي انه بيحبني و غير كدا انهم عيشيتهم كويسة ف ليه يسرق

ردت عليها عهد بحكمة و هي بتقولها

عهد...ساعات السرقة بتبقى مرض يا داليا في ناس بتسرق و بعد م تسرق بترمي الخاجة اللي سرقتها دي اصلا 

هزت داليا راسها ليها و عهد قالتلها

عهد...تعالي ساعديني ف الغدى

هزت داليا راسها و راحوا هنا الاتنين للمطبخ 

....لا اله الا الله محمد رسول الله

في قصر فاروق الحديدي 

كانوا متجمعين كلهم بعد م سليمان جيه هو و مراته و بنته جولين 

اتكلم فاروق و هو بيقول

فاروق...اخيرا رجعت يا سليمان يا بني

ضحك سليمان و قاله

سليمان...متأخرتش اوي يعني يا بابا دا هما اربع سنين بس 

ضحكوا عليه و فاروق قاله

فاروق....برضو كتير

اتكلمت بدرية مرات سليمان و هي بتقول

بدرية...دا انا صحابي هناك كلهم بيقولولي اننا منطولش ف مصر

ابتسمولها مجاملة و هي كملت كلامها و هي بتقول

بدرية...انتوا مش مصدقين ولا ايه دي حتى اليزا قالتلي بالحرف كدا متتأخريش في مصر يا دانا لأني هقفل الشركة لحد م ترجعي

استغربوا كلامها جدا و سارة قالتلها 

سارة...معلش بس مين دانا هو حضرتك مش اسمك بدرية برضو ولا ايه؟

حاولوا كلهم انهم ميضحاكوش على كلام سارة و و بدرية قالتلها 

بدرية..حبيبتي اكيد ف انجلترا مش هيعرفوا يقولوا بدرية يعني ف بيقولولي دانا و ساعات برضو بيقولوا لجولين جوليا و جولي

هزت سارة راسها و سكتت و يوسف اتكلم و هو بيقول

يوسف...بعيدا بقى عن داناو و بدرية و كل الكلام دا بس حقيقي اوعي تصدقي كلام صاحبتك دي لأن مش منطقي خالص انها تقفل شركة تعبت عشان تحققها و ترفد الموظفين اللي شغالين هناك عشان حضرتك رجعتي بلدك برضو ؟

هنا ضحك محمد غصب عنه و فاروق بصله بحدة و طبعا بدرية معرفتش تقول ايه ف سكتت

بصت ندى لجولين و هي مبتسمة و قالتلها

ندى...ازيك يا جولي

هزت جولين راسها و قالتلها

جولين...الحمدلله انتي عاملة ايه 

هزت ندى راسها و قالتلها

ندى...الحمدلله 

بصت لسارة و جولين و قالتلهم

ندى...ما تيجوا طيب نقعد فوق احنا 

هزت سارة راسها بسرعة بتأكيد لكلام ندى و قالتلها

سارة...اه بجد يا ريت

ابتسمت ندى عشان متضحكش و طلعوا هما التلاتة 

....لا اله الا الله وحده لا شريك له له الملك و له الحمد يحيي و يميت و هو على كل شئ. قدير

في بيت صادق 

خرجت عهد و داليا من المطبخ اخيرا بعد م خلصوا الغدى 

راحت عهد خدت تليفونها و رنت على امها اللي قالتلها انها خلاص جاية 

بصت داليا لعهد و قالتلها

داليا....هي فين دلوقتي 

ردت عليها عهد و هي بتقول

عهد...جاية اهي خلاص

هزت داليا راسها و عهد جالها رسالة الواتس

بصت لاقيتها من سارة قلبت عيونها بملل و قرأت الرسالة 

سارة..." ايه يا عهد مكلمتينيش انهاردة يعني "

ابتسمت عهد بسخرية و مردتش على الرسالة لأنها متأكدة انه يوسف 

رن تليفونها و كان رقم سارة بس برضو عهد مردتش

استغربت داليا و قالتلها

داليا... ما تردي يا بنتي على التليفون

هزت عهد راسها بمعنى لا و قامت دخلت المطبخ تحضر الاكل

راحت داليا للتليفون و ردت على السارة 

داليا... الو يا سارة

ردت عليها سارة و هي بتقول

سارة.... داليا هي عهد مبتردش عليا ليه

هزت داليا راسها بعدم معرفة و قالتلها 

داليا... معرفش هي اصلا ف المطبخ

اتنهدت سارة بضيق و قالتلها

سارة... طب ممكن اديها التليفون

هزت داليا راسها و قالتلها

داليا... طب ثواني

و راحت المطبخ و قالت لعهد

داليا... سارة عايزة تكلمك

بصتلها عهد و بصت التليفون تاني و هي مش عارفة ترد ولا لا

فاقت من تفكيرها على صوت داليا اللي قالتلها

داليا... ما تخلصي يا عهد في ايه البت ع الخط

خدت عند التليفون منها بسرعة و ردت على سارة و هي بتقول بتوجس

عهد... الو يا سارة 

قلبت داليا عيونها بملل منها و خرجت من المطبخ 

اتكلمت سارة و هي بتقولها

سارة...انتي مبترديش عليا ليه بجد

ردت عليها عهد و هي بتقولها

عهد...يعني مش عارفة مبردش عليكي ليه؟

قفلت سارة حواجبها باستغراب و قالتلها

سارة...لا مش عارفة مبترديش عليا ليه

رفعت عهد حواجبها بدهشه و قالتلها

عهد...مشوفتيش ماسدج مبعوته على الواتساب منك و مش انتي اللي باعتاها يعني ؟؟

هزت سارة وشها بزهول و هي مش فاهمه حاجة و قالتلها

سارة ...عهد حبيبتي انتي بتتكلمي عن ايه اخر حاجة مبعوته على الواتساب امبارح لما كتبتيلي ان داليا مبقتش بتعيط زي الاول و بعدين انا لسة كاتبالك من ربع ساعة كدا 

هزت عهد راسها بعد م فهمت ان يوسف مسح الرسالة من عند اخته 

اتكلمت عهد و قالتلها

عهد...خلاص يا سارة انسي اللي قولته

هزت سارة راسها بمعنى ماشي و قالتلها

سارة...مش هينفع نخرج انهاردة للأسف

استغربت عهد و قالتلها

عهد...ليه ؟

اتكلمت سارة بزهق و هي بتقول

سارة...انكل سليمان رجع من السفر 

ضحكت عهد و قالتلها

عهد...طب و انتي مالك بتقوليها بزهق كدا ليه

ردت عليها سارة و هي بتقولها

سارة...بجد يا عهد محدش فينا بيحب طنط بدرية خالص حقيقي شايفة نفسها جدا و مغرورة بطريقة غبية بجد 

ضحكت عهد و قالتلها

عهد...عادي يعني يا سيرا ما انتوا عندكوا يوسف برضو نفس الحكاية 

ضحكت سارة و قالتلها

سارة....لأ لأ استحاااله بجد حتى لو ابية مغرور شوية بس على الاقل الناس بتحبه يعني

ردت عليها عهد بسخرية و هي بتقولها

عهد...محدش بيحبوا غيركوا عموما 

ضربتها داليا ف كتفها و هي بتبصلعا بحدة بعد م كانت دخلت المطبخ تاني عشان تجيب ماية و قالتلها بصوت واطي

داليا....انتي عبيطة حد يقول كدا!!

ردت عليها سارة و هي بتقولها بضحك

سارة...يا ستي حتى لو متقوليهاش ف وشي و عمتا على الاكل في ناس بيحبوه 

ضحكت عهد على كلامها و سارة قالتلها

سارة...بس جولين كويسة غير امها خالص

هزت عهد راسها و قالتلها

عهد...طيب حلو اتكلمي معاها انتي و ندى لحد م يرجعوا يسافروا تاني

هزت سارة راسها بنفي و قالتلها

سارة...المشكلة انها مش بتحب تتكلم معانا كتير

استغربت عهد و قالتلها

عهد...و دا ليه 

ردت عليها سارة و هي بتقولها

سارة...هي اصغر مننا قد داليا تقريبا ف مش بتحب تتكلم معانا بقى فهمتي

استغربت عهد لأن داليا بتتكلم مع اللي اكبر منها عادي بس قالت ان كله بني ادم و ليه شخصيته 

خرجت عهد من المطبخ و هي لسة بتكلم سارة بس اتفاجئت لما لاقيت داليا خارجة من البلكونة بسرعة و بتقولها

داليا....عهد عمو أيمن بابا رحيم مات وووووو

يتبعععععع

عهد بحب كاذب

البارت الثامن عشر

بقلمي مريم احمد

تفاعل🩵

19

اتكلمت داليا بحزن و هي بتقول

داليا... عهد عمو ايمن مات

بصتلها عهد بصدمة بعد م كانت بتتكلم مع سارة و هي بتضحك و بتهزر 

دمعت عيون داليا بحزن و عهد قالتلها بعدم ادراك للي داليا قالتله

عهد...عرفتي ازاي

شاورتلها داليا على البلكونة و هي بتقولها

داليا...عربية الاسعاف لسة ماشية من قدام بيتهم و طنط صفاء كانت بتعيط 

ف الوقت دا باب الشقة اتفتح و ظهرت هالة اللي كان على وشها تعابير الحزن 

اتكلمت عهد و هي بتقولها

عهد...ماما عرفتي اللي حصل عمـ...

هزت هالة راسها و قالتلها بحزن

هالة...ايوا عرفت ربنا يرحمه و يغفرله 

بصت لعهد و قالتلها

هالة...هاتيلي كوباية ماية و خدوا مني اكياس الخضار دي عشان هنزل لصفاء

هزت عهد راسها و دخلت تجيبلها ماية و داليا خدت منها الشنط و دخلت المطبخ

خرجت عهد بكوباية الماية و اديتها لأمها و هي بتقولها

عهد...هو احنا كدا نيجي معاكي؟

هزت هالة راسها بمعنى لأ و قالتلها

هالة...لأ وقت م يعملوا عزا تبقوا تنزلوا تروحوا و خلاص 

هزت عهد راسها و قالتلها

عهد...طيب

هزت هالة راسها و نزلت و عهد قفلت الباب بحزن و هي بتدعي لأيمن بالرحمة 

لاقيت تليفونها بيرن ..راحت خدته من على التربيزة و لاقيتها سارة 

ردت عليها و سمعت صوتها و. هي بتقولها بقلق

سارة...عهد في ايه قفلتي مرة واحدة هو في حاجة !!

ردت عليها عهد بحزن و هي بتقولها

عهد...عمو ايمن بابا رحيم اتوفى 

سكتت سارة بحزن و بعدين قالتلها

سارة...ربنا يرحمه يا رب

ابتسمت عهد و قالتلها

عهد...امين يا رب

.....سبحانك اللهم و بحمدك 

عدى تلت ايام كان العزا خلص بس طبعا الحزن كان مالي قلوب الكل لأن ايمن كان معروف بعطفه على كل الناس و انه طيب و الكل زعل لما اتوفى 

خرجت عهد الصبح لأمها و ابوها و هي بتقولهم

عهد...انا نازلة انهاردة

استغربوا و قال صادق

صادق...ليه ؟

ردت عليه عهد و هي بتقوله

عهد... نازلة تدريب للشغل 

هز صادق راسه بالموافقة و قالها

صادق...ربنا يوفقك يا حبيبتي

ابتسمتله عهد و قالتله

عهد...يا رب

بصت لداليا و قالتلها

عهد...يلا انزلي معايا عشان تروحي الجامعة 

هزت داليا راسها برفض و قالتلها

داليا...مش عايزة اروح 

استغربوا كلهم و عهد قالتلها

عهد..لية بقى ؟

هزت داليا راسها بنفي و قالتلها

داليا...عادي مش عايزة انزل انهاردة يا عهد و دوشة و ارجع مصدعة على ايه يعني

هزت عهد راسها برفض للكلام اللي داليا بتقوله و قالتلها

عهد...مفيش الكلام دا يلا اخلصي 

هزت داليا راسها و قامت راحت اوضتها تجيب شنطتها و نزلوا هما الاتنين بعد م سلموا على ابوهم و امهم 

اتكلمت عهد مع داليا و هي بتقولها و هما بيتمشوا لموقف المكروباصات 

عهد...قوليلي بقى مكونتيش عايزة تروحي الجامعة ليه 

ردت عليها داليا بلا مبالاة و هي بتقولها

داليا...ما انا قولت و احنا فوق 

هزت عهد راسها بعدم اقتناع و قالتلها

عهد...مقولتيش الحقيقة 

اتنهدت داليا بحزن و قالتلها

داليا...اصل هنزلها ليه و مش هي اللي كنت بحلم بيها يا عهد

زعلت عهد جدا عشانها و قالتلها

عهد...ارضي باللي ربنا كاتبهولك يا داليا عشان ربنا يكرمك في حياتك وارد جدا كنتي تدخلي كلية اعلام و متنجحيش فيها زي م هتنجحي ف كليتك دي 

هزت داليا راسها بمعنى حاضر و عهد قالتلها بابتسامة

عهد...يلا سلام

هزت داليا راسها و قالتلها

داليا....سلام 

و كل واحدة راحت ف اتجاه الميكروباص اللي رايح لوجهتهم

....لا اله الا الله وحده لا شريك له 

كانت سارة بتتصل بعهد و هي سايقة العربية ف اتجاه المؤسسة الاعلامية اللي يوسف قالها انهم هيتدربوا فيها هي و عهد 

جالها صوت عهد و هي بتقولها

عهد...مش كنا خلصنا من الصحيان بدري دا

ضحكت سارة و قالتلها

سارة...كل م اقول لأبية كدا يقولي مش هيحصل و اجباري لازم اصحى بدري ان مكانش عشان المدرسة هيبقى عشان الكلية و ان مكانش عشان الكلية هيبقى عشان الشغل

هزت عهد راسها و قالتلها

عهد...طيب يا ستي ربنا يسامحه 

ضحكت سارة على كلامها و قالتلها

سارة...انتي وصلتي لفين دلوقتي

هزت عهد راسها بنفي و قالتلها

عهد...لسة ف المكروباص الاولاني اهو 

هزت سارة راسها و قالتلها

سارة...طيب احسن لما المكروباص دا يوصل رنيلي و هتلاقيني مستنياكي بالعربية

هزت عهد راسها و قالتلها

عهد...خلاص اتفقنا 

.....لا اله الا الله وحده لا شريك له 

كانت داليا باصة للشباك و هي سرحانة وو ف نفس الوقت بتحاول تتقبل الكلية اللي هي فيها 

قلبت عيونها بملل لما المكروباص وقف عشان كمين 

اتكلم للظابط و اللي كان محمد و هو بيقول للسواق

محمد...هات الرخص

هز السواق راسه بطاعة و اداله الرخص و محمد بص فيها شوية و بعدين قاله

محمد...الرخص منتهية مجدتهاش ليه ؟

رد عليه السواق بزهول و هو بيقوله

السواق...لسة منتهية امبارح يا حضرة الظابط و كنت هجدتها انهاردة!!

هز محمد راسه و السواق قاله

السواق...معلش يا حضرة الظابط في سؤال

بصله محمد و قاله بحدة

محمد....اخلص

رد عليه السواق بسؤال و هو بيقوله

السواق...هو مش حضؤتك ظابط مباحث تقريبا ؟

رد عليه محمد بغضب و هو بيقول

محمد... و واقف كمين في حاجة يا روح امك ؟؟؟

اضايق السواق و قاله

السواق...ايه لازمة تجيب سيرة امي بس يا حضرة الظابط كان مجرظ سؤال بس

شاورله محمد انه يمشي و داليا كانت مضايقة منه جدا بسبب زعيقه و حدته ف الكلام 

.... لا اله الا الله محمد رسول الله 

وصلت سارة مع وقت وصول عهد 

راحتلها عهد و سلمت عليها و راحوا هما الاتنين لعربية سارة 

اتكلمت عهد و هي بتقول 

عهد...يا رب التدريب ميطولش بجد

ضحكت سارة و قالتلها

سارة...من اربع لتمن ساعات

بصتلها عهد بزهول و هي بتقولها

عهد...نعممم

ضحكت سارة و قالتلها

سارة....بيقولوا لسه مش متأكدة هنروح دلوقتي و نعرف

هزت عهد راسها و هي مبتسمة 

....لا اله الا الله محمد رسول الله 

نزلت عهد هي و سارة و بصت للشركة برهبة من. شكلها 

اتكلمت سارة و هي بتقولها

سارة....يلا

راحت هي و عهد ف اتجاه بوابة الشركة 

و اول م دخلوا لاقوا موظفة استقبال رايحالهم و هي بترحب بيهم و بتقولهم

نيفين...اهلا بيكوا اكيد حضراتكوا سارة هانم و عهد هانم صح 

قفلت عهد حواجبها باستغراب من كلمة " هانم " اما سارة ف ابتسمتلها و قالتلها

سارة...بالظبط

ابتسمت نيفين و قالتلهم

نيفين...طيب اتفضلوا معايا 

راحوا معاها و عهد كانت شايفة كمية النظام اللي ف الشركة و قد ايه الشركة مرتبة و منظمة

اتكلمت نيفين و هي ماشية معاهم ف اتجاه مكتب و بتقولهم

نيفين...دلوقتي هتلاقوا ف المكتب مساعدين هيعرفوكوا كل حاجة 

سألتها عهد و هي بتقولها

عهد...طيب معلش هو وقت التدريب هيكون قد اي

ابتسمت نيفين و قالتلها

نيفين...المساعدين جوا هيقولولكوا كل حاجة 

هزت عهد راسها و نيفين مشيت و عهد و سارة دخلوا المكتب

....لا اله الا الله وحده لا شريك له 

عدى خمس ساعات كانت سارة و عهد خلصوا التدريب 

اتكلمت سارة و هما ماشيين ناحية العربية و هي بتقول

سارة..انا جعانة جدا

هزت عهد راسها و قالتلها

عهد...و انا كمان

بس اتصدمت لما سمعت سارة بتقولها

سارة...خلاص تعالي نروح عند اي مسمط ناكل طاحن ورق عنب بالكوارع و فتة كبدة

بصتلها عهد بدهشة و قالتلها

عهد...نعم؟

قالتلها سارة بسخرية

سارة...خير مبتكليش كوارع ؟

هزت عهد راسها بنفي و قالتلها

عهد...لأ

قلبت سارة عيونها بملل و قالتلها

سارة...مبتفهميش عموما

ردت عليها عهد بزهول و هي بتقولها

عهد... مش عارفة انتي ازاي من التجمع بجد

سارة... ما عشان انا من التجمع بستنى اخرج عشان اكل براحتي 

سألتها عهد و هي بتقولها

عهد... انتي اهلك عارفين انك بتاكلي الاكل دا ؟

هزت سارة راسها بنفس و قالتلها

سارة...انتي اكيد مش هتقوليلهم صح

كانت لسة عهد هترد عليها بنفي بس سمعوا هما الاتنين صوت يوسف و هو بيقول لسارة

يوسف...على ايه يا سارة هانم وووو

يتبع

استغفر الله العلي العظيم الذي لا إله الا هو الحي القيوم و اتوب اليه عدد خلقه و رضى نفسه و زنة عرشه و مداد كلماته و عدد قطرات المياة و حبات الرمال و الحركات و السكون♥️🥰

الفصول الاخيره من هنا

بداية الروايه من هنا

❤️🌺❤️💙🌺❤️💙🌺❤️💙🌺❤️💙🌺❤️💙🌺

الروايات الكامله والحصريه من هنا

انضموا معنا على تليجرام ليصلكم اشعار بالروايات فور نزولها من هنا

❤️💙🌺❤️💙🌺❤️💙🌺❤️💙🌺❤️💙🌺❤️💙🌺

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

روايات جديده هتعجبكم من هنا

أجدد وأحدث الروايات من هنا

روايات كامله وحصريه من هنا

روايات ممتعه جداً من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

تعديل المقال