رواية عهد بحب كاذب الفصل الاول حتى الفصل العاشر بقلم مريم أحمد حصريه وجديده على مدونة النجم المتوهج للروايات والمعلومات
 |
كنت ديما اسمع عن اللحظة اللي بتغير حياتك كلها
ابتسمت بسخرية و هي بتكمل و بتقول
داليا...بس عمري ما كنت اتخيل ان لحظتي انا هتيجي بالطريقة دي يا عهد
سكتت و مردتش عليها لأنها مكنتش عارفة تقولها ايه ف فضّلت انها تسكت و تخلي داليا بنت عمها تكمل كلامها احسن يمكن الحزن الي ف قلبها يروح
اتكلمت داليا و هي دموعها نازلة و بتسألها و بتقول
داليا...هو انا وحشة اوي كدا عشان كل حاجة بحبها تبعد عني !!!
هزت عهد راسها يمين و شمال بنفي و قالتلها بسرعة
عهد...لا يا حبيبتي متقوليش كدا
اتكلمت داليا بعياط و هي بتقولها بحزن و قهر
داليا....اومااال سابني لييه !! ليييه مرداش يجي يتقدملي زي م اي واحده الشخص الي بتحبه بيروح يتقدملهااا !! ...
طبطبت عهد علي ايديها و قالتلها بحزن عليها
عهد...متزعليش يا داليا دا اصلا كان بني ادم فاشل و حتى لو كان جيه اتقدملك بابا عمره ما كان هيوافق عليه ابدا
هزت داليا راسها يمين و شمال و هي باصة قدامة و عيونها محمرة من كتر العياط و اتكلمت بحزن و هي سرحانة و كأنها مكانتش سامعة عهد اصلا
داليا...دا انا حكيتلوا عن بابا و قولتله متعملش زيه و متسبنيش
بصت لـ عهد و قالتلها و هي دموعها بتنزل بقهر
داليا...طب مادام هو مان مقرر انه يسيبني زي ابويا قالي حاضر ليه يا عهد
حضنتها عهد بحزن عليها و قالتلها
عهد...اهدي يا داليا و بطلي عياط و احمدي ربنا دا اكيد خير ليكي و زي م قولتلك بابا مكانش هيوافق
راحت داليا خدت كوباية الماية الي كانت على الطربيزة و قالت لـ عهد
داليا...لأ انا كنت هقنع عمو صادق و كان هيوافق
ضحكت عهد و قالتلها بمرح عشان تخرجها من مود العياط الي هي فيه
عهد...ااه لو سمعك و انتي بتقولي عليه عمو هيزعل منك اوي
مسحت داليا عيونها و هي مبتسمة بالرغم من حزنها و قالت لـ عهد
داليا...شكرا يا عهد انكوا خدتوني اعيش معاكوا لولاكو كنت هبقى مرمية ف اي دار ولا اي ملجأ
بصتلها عهد بلوم و قالتلها
عهد...بطلي كلام اهبل و بعدين متشكرينيش قولي الحمدلله بس
هزت داليا راسها بتفهم و قالتلها
داليا...الحمدلله
بس للأسف كانت زعلانة جدا و كل الي ف بالها هو ليه ابوها مبيسألش عنها و كأنها ميـ ته و امها كذلك هي مش فاكرة اصلا امتى كانت اخر مرة سمعت صوتهم فيها
اتكلمت عهد بابتسامة و هي بتقولها
عهد...النتيجة قربت تطلع ان شاء الله تجيبي المجموع الي كنتي بتحلمي بيه و تدخلي كلية الاعلام و تبقى مذيعة قد الدنيا
ابتسمتلها داليا و قالتلها
داليا...ندخل نفس الكلية زي م كنا ف نفس المدرسة
ابتسمت عهد و قالتلها
عهد...بإذن الله يا حبيبتي
كملت كلامها و هي بتقولها بفرحة
عهد...يلا بقى ننزل نخرج انهاردة
داليا...هنروح فين ؟
هزت عهد راسها يمين و شمال بمعنى معرفش بس ف النهاية قالتلها
عهد...تعالي نروح الزمالك
قفلت داليا حواجبها باعتراض و قالتلها
داليا...لا يا ستي دي بعيدة و هتاخد مننا مصاريف قد كدا
سكتت عهد باحباط و هزت راسها بمعنى ايوا
بس داليا اتكلم و هي بتقولها
داليا...تيجي نروح الكافية الي ف مدينة نصر ؟
هزت عهد راسها بمعنى ماشي و قالتلها
عهد...ايوا يلا
....سبحان الله و بحمده سبحان الله العظيم
في التجمع تحديدا ف قصر الحديدي
كان الكل متجمع على السفرة بس محدش كان بدأ بالاكل ابدا لأن كبير العيلة مكنش موجود
اتكلمت سارة و هي بتقول لأخوها
سارة...م تقول لـ جدو يسيب الشغل دلوقتي لحد م نفطر بس ..انا خلاص همـ وت من الجوع !!
بصلها يوسف و قبل م يرد عليها كان فاروق جيه و انضم معاهم للفطار
اتكلمت سارة و هي بتقول لـ جدها بلوم
سارة...يعني الشغل مكانش ينفع يتأجل يا جدو
بصلها يوسف بحدة ممزوجة بغضب عشان تسكت و فاروق ابتسم و قالها
فاروق... معلش يا سيرا حقك عليا
ابتسمتله سارة و قالتله بمرح
سارة...خلاص سماح المره دي
ضحك فاروق و كلهم بدأوا يفطروا
اتكلمت عمتها و هي بتقول لبنتها بضيق
مروة...معرفش بيعديلها كلامها الي زي الدبش دا ليه و اشمعنى هي بس ليه مش انتي
بصت ندى لأمها بلوم و قالتلها
ندى...عادي يعني يا ماما مفرقتش
اتكلمت مروة بغضب و هي بتقولها
مروة...لأ مش عادي !!
بصلها فاروق باستغراب و قالها
فاروق...في حاجة يا مروة؟
رسمت على وشها ابتسامة و قالتله
مروة...ابدا يا بابا
هز راسه بمعنى تمام و متكلمش بس كان فاهم كويس ان بنته مضايقة من سارة
اتكلم يوسف و هو بيقولهم
يوسف...انا هروح الشركة
هزوا راسهم بمعنى ماشي و محمد ابن عمته و الي بيكون ظابط قاله
محمد...انا كمان رايح القسم
و خرجوا هما الاتنين من البيت
و مروة بصت لـ سارة بحقد بس اتفاجئت لما لاقيت رقية ام سارة و يوسف بصالها و كأنها بتقولها انها واخده بالها من نظراتها لبنتها
اتكلمت ندى و هي بتقول لـ سارة بابتسامة
ندى...مبارك يا سارة عرفت انك جبتي العربية الجديدة الي كنتي عايزاها
ابتسمتلها سارة و قالتلها
سارة ...الله يبارك فيكي يا حبيبتي نبقى نخرج بيها ان شاء الله
ابتسمت ندى و سكتت و مروة كانت هتموت من كتر الغيظ
اتكلمت رقية و هي بتقول لـ مروة
رقية...ايه يا مروة مش هتقولي لـ سارة مبارك ولا ايه
ابتسمت مروة و هي بتتصنع عدم الفهم و قالت
مروة....على ايه اصلي مركزتش ف كلامهم
هزت رقية راسها بمعنى تمام و مردتش عليها
اتكلمت سارة بابتسامة و هي بتقول لعمتها
سارة...جبت عربية جديدة يا عمتووو
رسمت مروة على وشها ابتسامة و قالتلها بحب مزيف
مروة...مبااارك يا حبيبتي
ابتسمتلها سارة بحب و مروة قالتلها
مروة...بس خلي بالك و انتي بيها ف الطريق بقى
ضحكت سارة و قالتلها
سارة...يا عمتو م انا كان معايا عربية قبلها و بعرف اسوق كويس
ضحكت مروة و ردت عليها و هي بتقولها
مروة...في حاجة مبتبقيش متوقعاها و بتحصل و الي انتي مش واخده بالك منه او مش متوقعاه هيحصل و هتشوفي
بصت رقية لـ مروة بعدم اطمئنان بعد م سمعت الكلام دا
و ساره استغربت كلام عمتها جدا و قالتلها
سارة...يعني ايه؟
ابتسمت مروة ابتسامة مش مفهومة و قالتلها
مروة...مالك اتخضيتي كدا ليه!!
ظهر على ملامح وش سارة الازعاح و عدم الفهم و قالت
سارة...خلاص حصل خير
و بصت لـ ندى و هي بتقولها بابتسامة
سارة...انتي كمان هاتي عربية جديدة زي بتاعتي عشان نبقى زي بعض
كانت لسه ندى هتتكلم و تقولها ماشي بس ملحقتش لأن امها اتكلمت بدالها و هي بتقول
مروة...لا لأ انا بنتي عمرها م هتكون زي اي حد ابدا انا بنتي ديما المميزة و لو حد فكر انه يكون احسن منها هيبقى الجا.ني على نفسه وووووو
يتبعععع
2
مروة...لا لأ انا بنتي عمرها م هتكون زي اي حد ابدا انا بنتي ديما المميزة و لو حد فكر انه يكون احسن منها هيبقى الجا.ني على نفسه
خبط فاروق السفرة بغضب و هو بيقول
فاروق...هوو في ايييه يا مروة!!!!
بصت مروة لأبوها و هزت راسها يمين و شمال بنفي و قالتله
مروة....ولا حاجة
اتكلم بغضب و هو بيقولهاا
فاروق...احسن ..و ياريت لو عندك كلمة حلوة تقوليها غير كدا يبقى. تسكتي احسن
بصت ندى لـ رقية و سارة بأسف و احراج و بعدين بصت لأمها بلوم و قالتلهم و هي بتقوم من على السفرة
ندى...عن اذنكوا
قالت جملتها و طلعت على اوضتها على طول من غير م تسمع ردهم حتى
بصت رقية لـ بنتها و قالتلها
رقية...خلصتي فطار ؟
هز سارة راسها و هي باين على وشها الحزن من الكلام الي مروة سمعتهولها
ردت عليها رقية و هي بتقولها
رقية...طب يلا عشان متتأخريش على الكلية و متروحيش الجامعة بالعربية الجديدة خلي السواق يوصلك و يبقى معاكي حراسة
ردت عليها سارة بحزن و هي بتقولها
سارة...بس انا كان نفسي اروح بيها انهاردة و....
قاطعتها امها و هي بتقولها بحدة
رقية...سمعتي انا قولت ايه !
سكتت سارة بحزن و طلعت على اوضتها عشان تاخد شنطتها و تروح الجامعة
و رقية بصت لـ مروة و قالتلها
رقية...لولا ان ابوكي رد عليكي كنتي هتزعلي مني اوي يا مروة
رفعت مروة حاجبها باستنكار لـ كلام رقية الي مكنش مش عاجبها
و رقية بصت لـ فاروق و قالتله
رقية...عن اذنك يا عمي
هز راسه بمعنى ماشي و هو بيقولها
فاروق...مفيش داعي للإستإذان كدا كدا انا كنت رايح الشركة دلوقتي
و مشيوا كلهم و اتبقت مروة لوحدها فضلت مضايقة جدا و هي مش عارفة هما ليه كلهم ضدها كدا بس ف نفس الوقت كانت مصرة انها متخليش حد يكون احسن من بنتها ولا منها و فضلت تفكر ازاي تتخلص من سارة
....لا اله الا الله محمد رسول الله
كانت عهد و داليا ماشيين ف الشارع و هما بيضحكوا و مبسوطين
اتكلمت عهد و هي بتقول لـ داليا
عهد...تعالي نعدي الشارع و نروح نشوف المحل الي هناك دا
هزت داليا راسها
و فضلوا مستنيين شوية العربيات تهدى و بعدين مسكت عهد ايد داليا و قالتلها
عهد...يلا
و اتحركوا بس و هما ف نفس الشارع جت عربية بسرعة جدااا لدرجة انها كانت هتخبط عهد بس العربية وقفت ف الوقت المناسب و صوت الفرامل ملى الشارع لدرجة ان الناس اتجمعت
اتكلمت داليا بغضب و هي بتقول
داليا...هو اعمى ولاااا ايه دا كان هيمو.تنا!!!
بس هو مهمهوش اصلا اللي حصل ولا انه كان هيبقى سبب ف مو.ت حد و دور العربية و اتحرك بيها على طول من غير حتى م يقول معلش او اسف
بقت الناس مصدومة و بتضرب كف بكف
و داليا قالت بغضب
داليا...عالم معندهاش دم صحيح
بصت لـ عهد و قالتلها
داليا.. انتي كويسه
هزت عهد راسها بمعنى ايوا بس كانت بتترعش من الخضة
...لا اله الا الله وحده لا شريك له
كان سايق العربية بسرعة جنونية عشان يلحق يوصل الشركة ف معادوا و ميتأخرش مكنش فارق معاه اي شئ تاني
و بالفعل ف خلال نص ساعة كان بيرمي مفاتيح العربية لحد من الامن عشان يوديها جراج الشركة
دخل الشركة بكل هيبه و اللي اول م الموظفين عرفوا انه جيه سكتوا كلهم و بقوا بصيت ف شغلهم و بس و يحلفوا انه سامع نبضات قلوبهم خايفة من غضبوا
اما هو ف مكنش فارق معاه ولا اهتملهم حتى كدا كدا نفس المشهد بيتعاد كل يوم
قال للسكرتير بأمر
يوسف...هاتلي ورق الصفقة جديدة على المكتب و قول لـ عم حشين يعملي قهوة
هز مروان راسه بطاعة و قاله
حسن...حاضر يا يوسف بيه
...استغفر الله العلي العظيم الذي لا اله الا هو الحي القيوم و اتوب اليه
كانت عهد و داليا ف الكافية
اتكلم داليا و هي بتقولها
داليا...تفتكري يا عهد امي عامله ايه
ابتسمتلها عهد و قالتلها
عهد..اتصلي اسألي عليها
ضحكت داليا بحزن و اتكلمت بسخرية و هي بتقولها
داليا...على اساس اني اعرف رقمها اصلا
سكتت عهد بحزن عليها و بعدين قالتلها
عهد...هنحاول نتصرف و نعرف رقمها
هزت داليا راسها يمين و شمال بحزن و قالتلها
داليا...لا يا ستي هي لو كانت عايزة تكلمني كانت كلمتني من بدري اوي
عهد...متظلميهاش يا داليا ممكن تكون هي كمان مش عارفة توصلك برضو
ابتسمت داليا بحزن و عيونها دمعت
قالت عهد بهزار عشان متخليش داليا تعيط
عهد...لا لو كدا يلا نروح احسن انا مش عايزاكي تعيطي و تفرجي الناس علينا
بصتلها داليا بحزن و بعدين رسمت على وشها الابتسامة و قالتلها
داليا...يلا
دفعت عهد حساب مشروباتهم و خرجت هي و داليا خدوا تاكسي عشان يروحوا
اتحرك التاكسي بعد م عهد قالتله عنوان بيتهم
و داليا كانت بتبصلها و هي اادموع ف عيونها
طبطبت عهد على ايديها و قالتلها
عهد...متزعليش نفسك كل حاجة و ليها حل
مردتش داليا عليها و بصت للشباك
....سبحان الله و بحمده سبحان الله العظيم
كانت ندى قاعده ف اوضتها و هي ماسكة تليفونها
دخلت امها و هي باين على ملامح وشها الضيق
سابت ندى التليفون و بصتلها احتراما ليها
اتكلمت مروة و هي بتقولها
مروة...مروحتيش الكلية ليه انهاردة؟
هزت ندى راسها يمين و شمال و قالتلها
ندى...مش عايزة اروح
زاد غضب مروة اللي قالتلها بحدة
مروة...يعني ايييه!!
استغربت ندى و قالتلها
ندى...يعني مش عايزة اروح يا ماما تقى هتبعتلي المحاضرات و هبقى اذاكرها و خلاص
مسكتها امها من دراعها و هي بتديها شنطتها و قالتلها
مروة...و اشمعنى سارة راحت كليتها امسكي شنطتك دي و اتفضلي انزلي روحي كليتك زيك زيها و اياكي اسمع منك كلمة يا ندى
بصتلها ندى بحزن و هي الدموع ف عيونها و خدت مفاتيح عربيتها عشان تنزل بس وقفت مكانها و بصت لأمها لما لاقيتها بتقولها بتساؤل
مروة...انتي بتعملي ايه؟؟
ردت عليها باستغراب و هي بتقولها
ندى...رايحة الكلية!!
اتكلمت مروة بأمر و هي بتقولها
مروة...سيبي مفاتيح عربيتك و خلي عم رفعت يوصلك و يبقى معاكي عربييتين حراسة
استغربت ندى اكتر و قالتلها
ندى...ليه يعني م انا كل مرة بروح بعربيتي ايه الجديد
ردت مروة عليها بحدة و قالتلها
مروة...انا مش عايزة كلام كتير اسمعي الكلام و انتي ساكته فاهمه
زادت الدموع ف عيون ندى بس هزت راسها راسها بطاعة و سابت مفاتيح عربيتها على التسريحة و قالت لأمها
ندى...عن اذنك
و خرجت من الاوضة شافها فاروق و قالها بقلق لما شاف دموعها
فاروق...مالك يا ندى!!
هزت ىاسها يمين و شمال بنفي و قالتله
ندى...مفيش حاحة يا جدو
اتكلم فاروق و هو بيقولها بشك
فاروق...متأكدة؟
مسحت عيونها و هزت راسها بتأكيد و قالتله
ندى...متأكدة
اتكلم بقلق و قالها
فاروق...طيب مش هضغط عليكي لما تحبي تتكلمي تعالي احكي لـ جدو ف اي وقت
ابتسمتله ندى و هزت راسها بمعنى حاضر و فاروق قالها بأمر
فاروق...و متروحيش بعربيتك الكلية عشان عياطك دا ممكن يخليكي متشوفيش الطريق كويس خلي صابر يوصلك
بس رجع صحح كلامه لما افتكر و قالها
فاروق...دا صابر بيوصل سارة صحيح خلاص خلي رفعت يوصلك
هنا فهمت ندى سبب اصراؤ امها انها متروحش بعربيتها اتنهدت بحزن و هزت راسها لـ جدها و هي مبتسمة و قالتله
ندى...شكرا يا جدو انك خايف عليا
ابتسملها فاروق و قالها
فاروق...انتي حبيبة جدو بلاش شكر بلا كلام ملوش لازمة
ابتسمتله و قالتله
ندى.. عن اذن حضرتك
و خرجت من القصر و فاروق كان فاهم ان بنته هي السبب ف حزن ندى اتنهد بضيق و خرج هو كمان عشان يروح الشركة
...لا اله الا الله محمد رسول الله
كانت سارة ف المدرج و كانت ساكته و مبتتكلمش
قالتلها صاحبتها باستغراب
شمس...مالك يا سارة
هزت سارة راسها يمين و شمال بنفي و هي بتقولها
سارة...مفيش حاجة
ابتسمت شمس و قالتلها
شمس...متخانقة انتي و يوسف ولا ايه
ابتسمت سارة و قالتلها
سارة...أبيه طيب و مش بيحب يزعلني حتى لو اتعصب عليا ف مرة ف بيحاول بعدها يراضيني بأي شكل
بصتلها و ابتسمت بفرحة و هي بتقولها
سارة...تخيلي امبارح كان عنده ضغط شغل و اتعصب عليا غصب عنه انهاردة لاقيته بيديني مفتاح عربيتي الجديدة
اتكلمت شمس بزهول و هي بتقولها
شمس...جابلك عربية جديدة عشان اتعصب عليكي من غير م يقصد!!
هزت سارة راسها بتأكيد و هي بتقولها
سارة...ايوا.. و كمان ...
بس قاطع كلامها دخول دكتور المادة و اللي طبعا كلهم سكتوا عشان ميطردش حد فيهم
بدأ أنس يشرح على طول و سارة كانت مركزة ف الشرح عشان ميتقالش عليها انها بتنجح ف امتحاناتها بالواسطة
كانت طيبة و بريئة لدرجة ان كل حاجة حلوة ف حياتها بتروح تحكيها لصحابها بالذات شمس الي كانت بتبصلها بحقد معرفتش تخفيه
و اتكلمت ف نفسها و هي بتقول
شمس...اخوكي جابلك عربية عشان زعقلك من غير قصد و انا الي اخويا مش بيهتم بيا اصلا ولا يعرف انا ف سنة كام ولا ف كلية ايه!! وووو
يتبعععع
عهد بحب كاذب
البارت التاني
بقلمي مريم احمد
لو لاقيت تفاعل حلو على البارت هنزل بارت كمان بإذن الله♥️♥️♥️
3
كانت عهد واقفه ف المطبخ مع امها و بتتكلم معاها على داليا و هي بتقولها
عهد...داليا صعبانة عليا اوي يا امي
بصتلها هالة باستغراب و قالتلها
هالة...ليه ؟
ردت عليها عهد بحزن و هي بتقلب الاكل و بتقولها
عهد...امها مبتسألش عنها خالص يا ماما و عمو رياض برضو مبيسألش عنها
كملت بأستغراب و هي بتاخد علبة الملح و بتقولها
عهد...مش فاهمه بجد مش معنى انهم انفصلوا انهم ميسألوش عنها كدا !
ردت عليها هالة و هي بتقولها
هالة...معاكي حق
بصتلها عهد و قالتلها
عهد...متعرفيش رقم طنط هدى ؟
كانت لسه هالة هترد عليها بس حست ان داليا جاية ف بصت لـ عهد بمعنى انها تسكت
و بالفعل دخلت داليا المطبخ و بصتلهم من سكوتهم المفاجئ
داليا...في ايه ؟
هزت هالة راسها يمين و شمال و قالتلها
هالة...ابدا يا حبيبتي عشر دقايق و الغدا هيكون جاهز
تجاهلت داليا كلام هالة و سألتهم و هي بتقولهم
داليا...كنتوا بتتكلموا عني صح ؟
بصت عهد لأمها و سكتوا هما الاتنين معرفوش يردوا عليها
و داليا حست بالاحراج و حاولت تغير الموضوع و قالتلهم
داليا...اساعدكوا ف حاجة
ابتسمتلها هالة و قالتلها
هالة...جهزي السفرة بس
هزت داليا راسها بطاعة و خرجت من المطبخ
و هالة بصت لـ عهد و قالتلها بحدة
هالة...مش عايزة كلام ف الموضوع دا تاني
هزت عهد راسها و خدت اطباق عشان تحط فيها الاكل
و بقوا بيحولوا الاكل على السفرة
قالت عهد لأمها و هي بتحط طبق المخلل على السفرة
عهد...يلا اندهوا لبابا
داليا...يلا يا عمـ يلا يا بابااا الاكل جهز
بصتلها عهد و هي مبتسمة و بتقولها بضحك
عهد...لحقتي نفسك
ابتسمت داليا و اللي بيكون صادق ابو عهد و عم داليا جيه
صادق...ايوا لحقت نفسها
ضحكوا كلهم عليه و داليا قالتله بابتسامة
داليا...احلى بابا
ابتسمتلخا صادق و قالهم
صادق...يلا كلوا مستنيين ايه صنية البطاطس شكلها يفتح النفس تسلم ايدك يا هالة
ابتسمت هالة و قالتله
هالة...بالهنا و الشفا
و بدأوا بتغدوا ف جو اسري جميل
....سبحانك اللهم و بحمدك
بليل كانت سارة ف اوضتها ماسكة تليفونها
خبط الباب و دخلت ندى
ابتسمتلها سارة و قالتلها
سارة...تعالي يا ندى
راحت ندى و قعدت جمبها و هي بتقولها
ندى...عملتي ايه انهاردة ف الكلية
هزت سارة راسها بمعنى تمام و قالتلها
سارة...و انتي
ابتسمتلها ندى و بعدين قالتلها بأسف
ندى...اسفة
استغربت سارة و قالتلها
سارة...على ايه !!
ردت عليها ندى بتوتر و احراج و هي بتقولها
ندى...على الي ماما قالته انهاردة
ابتسمتلها سارة بعدم اهتمام و قالتلها
سارة...عادي اصلا طنط مروة ديما بتقول كلام غريب كدا مببقاش فاهماه
معرفتش ندى تقولها ايه ف سكتت
سألتها سارة باستغراب و هي بتقولها
سارة...انتي كنتي جاية ليه
اتحرجت ندى و قالتلها
ندى...انا .. انا قولت اجي اقعد معاكي مكنتش اعرف انك هتبقي مضايقة
ابتسمت ف محاولة منها انها تداري خجلها و كملت كلامها و هي بتقول
ندى...مش مشكلة هروح اوضتي
كنت اسه هتقوم بس سارة مسكت ايدها بسرعة و قالتلها
سارة...انا مقصدش حاجة خليكي
ابتسمتلها ندى و سكتت
اتكلمت سارة و هي بتقولها
سارة...ايه رأيك نخرج
سألتها ندى باستغراب و قالتلها
ندى..هنروح فين ؟
اتكلمت سارة بصوت واطي كأنها بتقولها سر و هي بتقولها
سارة...في محل كبدة و سجق فتح جديد لازم نجرب ساندويتشاته
بصتلها ندى و هي بتقولها بابتسامة و كأنها فاهمه دماغ صاحبتها
ندى...محل؟
ابتسمت سارة و قالتلها
سارة...لا بصراحة عربية
ضحكت ندى عليها و سارة قالتلها بلوم
سارة...هتروحي بقى تقوليلهم و يفضلوا يسمعوني كلام ملوش لازمة و الاكل بيبقى ملوث و مش عارفة ايه !!
ندى...كنت قولتيلهم من زمان يا سارة
حضنتها سارة و ضحكت و هي بتقولها
سارة...انتي حبيبتي يا ندى
اتكلمت ندى و هي بتقولها
ندى...طيب يلا نروح ناكل
هزت سارة راسها بحماس و خدت مفاتيح عربيتها الجديدة و شنطتها و التليفون و نزلت هي و ندى
بس قابلهم يوسف اللي كان لسه راجع من الشركة هو و جدهم و قالهم باستغراب
يوسف...على فين؟؟
سارة...هنخرج ناكل بره
رفع حاجبه باستنكار من كلامها و قالها
يوسف...و ليه متتغدوش هنا على الاقل الاكل مضمون نضافته؟
بصت سارة لـ جدها بمعنى انه يقول ليوسف حاجة و بالفعل فاروق اتكلم و قاله
فاروق...سيبهم يا يوسف
بص يوسف لـ جده و هز راسه بالموافقة لأنه مبيحبش يزعل اخته بس قالها
يوسف...خلي معاكوا حراسه
ردت عليه بسرعة و هي بتقوله
سارة...لأ
يوسف..نعممم؟؟
ادركت غباءها و قالتله بسرعة و تصحيح
سارة...انا بتخنق منهم مبحبش امشي و تبقى الناس خايفة مني عشان الحراس يا يوسف انا زيي زي اي انسان طبيعي على فكرة من حقي اخرج انا و ندى من غيرهم!!
يوسف...الي عندي قولته يا كدا يا مفيش خروج اصلا سمعتي؟
دمعت عيونها و هزت راسها بمعنى ماشي و قالتله
سارة...يكون احسن برضو
و طلعت على اوضتها ،فضلت ندى تنده عليها بس سارة مردتش ف طلعتلها
بص فاروق لـ يوسف بلوم و قاله
فاروق...ليه زعلتها كدا بس
رد عليه يوسف بزهول و هو بيقوله
يوسف...بجد بتسأل ؟؟ مش حقي اخاف عليها افرض حد من اعدائنا ضرب عليها نار لا قدر الله عشان ينتقم مننا م كانت هتخصل قبل كدا !!
هز فاروق راسه بموافقه على كلام يوسف بس رجع اتكلم و قاله
فاروق...بس خليك ديما فاكر ان الحراسة دي عمرها م هتحمينا 100% .. ربنا هو اللي بيحفظنا من الشر يا يوسف الحراسة دول مجرد انهم سبب مش اكتر لكن اللي مكتوبلنا هنشوفه كدا كدا
هز يوسف راسه بتفهم لكلام جده و طلع على اوضته
....سبحان الله و بحمده سبحان الله العظيم
في بيت عهد
كانت داليا واقفه ف البلكونه هي و عهد
لاحظت عهد سكوت داليا ف اتكلمت و هي بتقولها
عهد...مالك يا داليا
بصتلها داليا و متكلمتش و رجعت بصت قدامها تاني
عهد...دا انتي مخصماني بقى ؟
ردت عليها داليا بنفاذ صبر و هي بتقولها
داليا...يا ستي مش مخصماكي ولا حاجة بس بجد كل شوية تسأليني السؤال دا و اقولك اني زعلانة بسبب ان رحيم اختفى فجأة و ابويا الي بشحت منه المكالمة و امي الي متعرفش انت بقى عندي كام سنه اصلا !!
كملت بقهر و هي الدموع ف عيونها
داليا...كل شوية تسأليني نفس السؤال و اقولك نفس الاجابة كأنها شمتانه فيا يا عهددد !!!
اتصدمت عهد من الي داليا قالتلهولها و قالتلها بحزن
عهد...انا يا داليا!!
مردتش داليا عليها و بصت قدامها
قالتلها عهد بزعل
عهد..كتر خيرك
كانت هتخرج من البلكونة بس وقفتها داليا بفرحة لما تليفونها رن و كان رحيم و قالتلها
داليا...عهد بيرن!!
بصتلها عهد من فرحتها و كانت لسه داليا هترد عليه بس عهد شدت منها التليفون و قالتلها
عهد...بتعملي ايه
قالتلها داليا باستغراب
داليا...هرد عليه!!
قالتلها عهد برفض
عهد...لا طبعا مش اول م يتصل كدا تجري تردي عليه متحسسيهوش انه محور الكون
سكتت داليا و متكلمتش و عهد كملت كلامها و هي بتقولها
عهد...داليا انتوا مكنتوش مرتبطين انتوا يا دوب اتكلمتوا كلمتين و مكنش كلام رسمي ف افضلي معززة نفسك زي م انتي كدا و قوليله لو فعلا بيحبك يجي يطلب ايدك من بابا غير كدا ميكلمكيش تاني
داليا...و افرضي مرضاش يجي يتقدملي
عهد...يكون احسن دا اصلا بني ادم فاشل معرفش انتي بتحبيه ليه
سكتت داليا و متكلمتش و عهد قالتلها بتأكيد
عهد...اسمعي الكلام لو فضلتي تتكلمي معاه صدقيني مش هيجي يتقدملك يا داليا
هزت داليا راسها بمعنى حاضر و عهد ابتسمتلها و اديتها التليفون
دخلت داليا على الواتساب و منه على شات رحيم و كتبتله
داليا...لو فعلا بتحبي يا رحيم تعالى اتقدملي غير كدا كل واحد يشوف طريقه
فضلت شوية على م تبعت الرسالة كانت خايفة تبعتها احسن ميرضاش يروح يتقدملها و يسيبها زي ابوها و امها
بس لاقيت ايد عهد بتدوس على " ارسال " و الرسالة اتبعتت
بصتلها داليا لاقيتها بتهزلها راسها بتأكيد ان دا افضل حل رجعت بصت للشاشة لاقيت الرسالة عملت علامة زرقه بمعنى انه قرأها و فضلت مستنية تشوف ردة
قلبها دق بخوف لما لاقيت تحت اسمه كلمة " يكتب " و دمعت عيونها لما لاقيت وووو
4--5-6
داليا..." لو فعلا بتحبني تعالى اتقدملي يا رحيم غير كدا يبقى كل واحد يشوف طريقه "
فضلت باصة للرساله شوية و هي خايفة تبعتها احسن ميرضاش يروح يتقدملها و يسيبها زي م ابوها و امها سابوها
كانت هتمسح الرسالة بس لاقيت عهد داست على " ارسال " و الرسالة اتبعتتله
بصت داليا لعهد بمعنى " ليه كدا " و عهد هزتلها راسها بتأكيد و هي بتقولها
عهد...دا الصح يا داليا
بصت داليا للتليفون و دق قلبها بخوف لما لاقيت تحت اسمه كلمة " يكتب "
و رجعت بصت لـ عهد تاني و قالتلها
داليا...تفتكري هيقولي ايه
عهد...لو بيحبك هيقولك حاضر
هزت داليا راسها بمعنى ماشي بخوف و عهد كانت بتدعي انه ميوافقش عشان داليا متفرحش و ف الاخر ابوها يرفضه
سمعت داليا صوت بيعلن عن وجود رده
بصت لشاشة التليفون و هي الدموع مالية عيونها بخوف احسن تلاقيه كاتبلها لأ او كل واحد يشوف حياته او الكلام دا كله
بس بصت لعهد بفرحة كبيرة و هي بتقولها
داليا...قالي حاااضر يا عهددد قالي حاااضر
حضنتها عهد بفرحة لفرحتها بس لكن هي مكنتش عايزاه يوافق لأنه من وجهة نظرها انسان فاشل و مش مناسب لبنت عمها
بصت داليا على التليفون تاني لما بعتلها رسالة تانيه و الي كان بيقولها فيها
رحيم..." خلي عمك يحدد معاد و هاجي انا و اهلي عشان اتقدملك "
كانت مبسوطة اوي و هي بتقرأ الرسالة كانت حسه انها هتطير من كتر فرحتها
بصت لعهد و هي بتسألها و بتقولها
داليا...اقولك ايه
عهد...قوليله ماشي و متتكلميش تاني لحد م بابا يقولك معاد و وقتها قوليله
هزت داليا راسها بطاعة و عملت زي م عهد قالتلها بالظبط
ابتسمتلها عهد و قالتلها
عهد...مبسوطة؟
هزت داليا راسها بتأكيد و قالتلها
داليا...جدااا
سكتت عهد و بعدين قالتلها
عهد...تعالي نقول لبابا
هزت داليا راسها و خرجوا من البلكونة و راحوا للصالة
لاحظ صادق ان عهد عايزة تقوله حاجة و داليا كمان كان شكلها فرحان
اتكلم صادق و هو بيقولهم
صادق...عايزين تقولوا ايه ؟
بصت داليا لعهد و قالتلها
داليا...قوليله انتي
هزت عهد راسها بابتسامة و بدأت تتكلم و هي بتقولهم
عهد...في عريس عايز يجي يتقدم لداليا
زغرطت هالة بفرحة و داليا ابتسمتلها و هي فرحانة
اتكلم صادق و هو بيقول لهالة
صادق...استني بس يا هالة
بصتله داليا بخوف انه يرفض و هو كمل كلامه و هو بيسألهم و بيقولهم
صادق...مين دا نعرفه؟
عهد...مش اوي
استغرب صادق و قالها
صادق...ما هو يا نعرفه يا لأ ايه مش اوي دي
اتكلمت عهد و هي بتقوله بتوضيح
عهد...دا يبقى ابن اخت طنط سميحة جاريتنا
هز صادق راسه بتفهم و سألها و هو بيقولها
صادق...عمر؟
هزت عهد راسها نفي و قالتله و هي عارفة انه هيرفض
عهد...لأ رحيم اخوه
اتصدم صادق من الي سمعه لأن معروف عنه انه فاشل و مبيشتغلش غير اخوه خالص الي كان صادق بيتمنى ان يكون هو العريس لأنه ناجح ف شغله و طموح
اتكلم صادق بصدمة و هو بيقول لـ داليا
صادق...رحيم!!
بصت داليا لـ عهد و رجعت بصت لعمها تاني و هزت راسها بمعنى ايوا بس خافت لما لاقيت عمها اضايق
اتكلم صادق و هو بيقولها
صادق...جاب رقمك منين ؟
داليا...يوم قراية فاتحة سلمى بنت طنط سميحة هما كانوا هناك و بعد م مشينا لاقيت سلمى بعتالي انها اديتله رقمي لأن طنط صفاء مامته يسألتهم عني
هز صادق راسه بتفهم و هي كملت كلامها و هي بتقوله بتوتر من خوفها انه يرفض
داليا...انا قولتله لو هو بيحبني يجي يتقدملي غير كدا ميكلمنيش تاني
ابتسملها صادق بفخر و قالها
صادق...و قالك ايه
هزت راسها بتأكيد و هي بتقوله
داليا...قالي اخد من حضرتك معاد
اتكلم صادق برغم من عدم موافقته بس محبش يزعل بنت اخوه و قالها
صادق...قوليله يوم الجمعة الجاية الساعة 7
ابتسمتله داليا بفرحة و قالتله
داليا...شكرا يا بابااا
ابتسملها صادق و هالة كمان و كانت هي فرحانة اووي
...سبحان الله و بحمده سبحان الله العظيم
تاني يوم الصبح
في بيت فاروق الحديدي
كانوا كلهم متجمعين على السفرة عشان يفطروا معادا سارة الي مكنتش نزلت
اتكلمت ندى و هي بتقولهم
ندى...هروح اشوف سارة
هز فاروق راسه بمعنى ماشي و كانت ندى لسه هتقوم بس ايد امها منعتها لما مسكت ايديها و قالتلها
مروة...اقعدي كلي هي لو كانت جعانة كانت نزلت تاكل
ندى...بس اصل امبارح هي زعلت عشان كدا منز....
قاطعتها امها و هي بتقولها
مروة...انا مليش دعوة بكل الكلام الي ملوش لازمة
سكتت ندى و باحراج و فاروق بص لـ يوسف بلوم
و يوسف مكنش فارقله اصلا كان بيقول لنفسه انها كدا كدا هتجوع و هتاكل
ف الوقت دا نزلت سارة و هي معاها شنطتنها بتاعة الكلية و قالتلهم
سارة...صباح الخير
ردوا عليها كلهم و هما بيقولولها ...صباح النور
اتكلم فاروق و قالها
فاروق...تعالي يلا افطري
هزت راسها برفض و قالتله بأدب عشان متحرجهوش
سارة...ميرسي يا جدو بس مش جعانة ..همشي قبل م اتأخر على الكلية
كانت هتمشي بس اتكلم يوسف و قالها
يوسف...اقعدي افطري قبل م تروحي الكلية
كانت زعلانه منه بس ف نفس الوقت مكانش ينفع متردش عليه ف قالتله
سارة..شكرا
و كانت هتمشي بس سمعت صوته الحاد و هو بيقول
يوسف...انااا قوولت افطررري الاووول !!!
استغرب الكل من غضبه و سارة حست الاحراج
اتكلمت رقية بسرعة عشان يوسف ميتعصبش اكتر من كدا على سارة و قالتلها
رقية...اقعدي يا حبيبتي كلي اخوكي خايف عليكي
قعدت سارة بحزن و هي الدموع ف عيونها و بدأت تفطر عشان ميزعقلهاش تاني
و فاروق بص ليوسف بغضب و يوسف وجه كلامه لسارة و هو بيقولها
يوسف...تخلي عم مروان يوصلك و يكون معاكي الحراسة مفهوم
هزت راسها بطاعة و هو قالهم
يوسف...عن اذنكوا
و خد مفاتيح عربيته و خرج من القصر
ابتسمت ندى لـ سارة بشفقة عليها بس سارة مبتسامتلهاش بسبب حزنها و احراجها من زعيق يوسف ليها قدامهم
و دا طبعا خلى مروة تضايق من ندى جدا و قالتلها بضيق
مروة...كلي عشان متتأخريش على الكلية
هزت ندى راسها و رجعت كملت فطار
....لا اله الا الله محمد رسول الله
في نفس الوقت عهد كانت بتسلم على اهلها عشان نازلة الكلية و اللي بتكون ف اخر سنة ف كلية اعلام
داليا...هتيجي امتى ؟
ابتسمتلها عهد و قالتلها
عهد...مش هتأخر انهاردة معنديش مخاضرات كتير ممكن على 3 كدا
هزت داليا راسها و قالتلها
داليا...متتأخريش
ابتسمتلها عهد و قالتلها
عهد...ان شاء الله نتيجتك تظهر و تدخلي كلية الاعلام برضو زي م كان حلمك
ابتسمتلها داليا بفرحة و عهد خدت شنطتها و نزلت
...سبحان الله و بحمده سبحان الله العظيم
عدى وقت مش قليل و وصلت عهد الكلية
حمدت ربنا انها متأخرتش
و اتجهت ناحية المدرج على الطول
في نفس الوقت كانت سارة ف المدرج و باين انها زعلانه
سألتها شمس باستغراب و هي بتقولها
شمس...مالك يا سارة
هزت سارة راسها يمين و شمال و قالتلها
سارة...مفيش حاجة
شمس...مفيش حاجة ازاي يعني دا انتي الدموع ف عيونك و هتعيطي خلاص
كلمتها خلت سارة تعيط و شمس سألتها و هي بتقولها
شمس...اتخانقتي انتي و اخوكي ولا ايه
هزت سارة راسها بمعنى ايوا و شمس قالتلهت بفرحة مقدرتش تخبيها
شمس...بجدد!!!
بصتلها سارة باستغراب و شمس خدت بالها من الي قالته و حاولت تصلح دا و قالتله
شمس...ليه بس
هزت سارة راسها برفض و قالتلها
سارة...مش عايزة اتكلم يا شمس بعد اذنك
سكتت شمس بضيق لأنها كانت عايزة تعرف و سارة لاقيت حد بيمدلها ايده بباكيت مندايل بصت لاقيتها بنوته مبتسملها
قالتلها سارة بشكر
سارة...ميرسي
و خدت منها الباكيت
عهد...متزعليش كلنا عندنا مشاكل المهم متعيطيش عشان تركزي ف المحاضرة الي هتبدأ و كله هيتحل
بصتلها سارة بشكر و كانت مبسوطة من كلامها و انها متطفلتش ولا سألتها مالك زي م شمس بتعمل ديما
اتكلمت شمس باستغراب و هي بتقول لعهد
شمس...و انتي مين بقى؟؟؟
ردت عليها عهد و هي بتقولها
عهد...انا معاكوا هنا
هزت شمس راسها بعدم اهتمام و سارة بصت لعهد و قالتلهت بابتسامة
سارة...اسمك ايه ؟
عهد...عهد
ابتسمتلها سارة و قالتلها
سارة...شكرا يا عهد
عهد...العفو يا ...
سكتت لأنها متعرفش اسمها ف اتكلمت سارة قالتلها
سارة...سارة
ابتسمتلها عهد و سكتت و الدكتور بدأ و بدأت المحاضرة
....سبحانك اللهم و بحمدك
عدت الساعات و خلص اليوم كانت عهد هتمشي بس لاقيت سارة بتندهلها
سارة...عهد
بتصلها عهد و راحتلها و هي بتقولها
عهد...نعم
سارة...انتي هتروحي ازاي
كانت عهد هترد عليها بس قاطعها تليفون سارة الي رن
بصت سارة ف التليفون لاقيته يوسف
ردت عليه و هي زعلانه و قالتله
سارة...الو يا ابيه
جالها صوته و هو بيقولها
يوسف...خلصتي محاضراتك؟
هزت راسها و قالتله
سارة...ايوا و هروح اهو
يوسف...انا بره الكلية
اتفاجئت سارة لأنها عارفة انه لسه مخلصش شغل الشركة و كمان السواق بره
و ابتسمت بفرحة لما عرفت انه جيه ياخدها من الكلية عشان يصالحها زي زمان لما كان بيروح ياخدها من المدرسة بالرغم من وجود السواق برضو
ردت عليه بفرحة و قالتله
سارة...انا جاية اهو
ابتسم و قفل المكالمة و هي بصت لعهد و قالتلها
سارة...انتي معاكي حد ؟؟
هزت عهد راسها يمين و شمال بنفي
و سارة قالتلها
سارة....طب تعالي
استغربت عهد و ملحقتش تسألها هيروحوا فين لأن سارة قالت كدا و مسكت ايدها و مشيت على طول و لما عهد جت تسألها كانت شمس كلمتها و هي بتقولها
شمس...اخوكي بره ؟
هزت سارة راسها بتأكيد و هي مبتسمة و قالتلها
سارة...ايوا جيه عشان مزعلش
ابتسمتلها شمس بس طبعا دا خلاها هتموت من غيظها
خرجوا من الكلية و عهد لاقيت شخص واقف عند عربية فاخمة جدا
راح يوسف لسارة و قالها
يوسف...متزعليش انا خايف عليكي
هزت سارة راسها بابتسامة و قالت لعهد
سارة...يوسف اخويا يا عهد
ابتسمتلها عهد و متكلمتش
وسارة بصت ليوسف و قالتله
سارة...عهد زميلتي ف الكلية و غالبا هنكون صحاب
اضايق يوسف و قالها باستغراب
يوسف...صحاب؟
اتفاجئوا من ردوا و عهد حست بالاحراج ف قالت لسارة
عهد...معلش انا كدا هتأخر ف مضطرة امشي سلام
بصتلها سارة بابتسامة و عهد مشيت و شمس كمان
بصت سارة ليوسف و قالتله
سارة...احرجتها يا أبيه !!
اتكلم يوسف بعدم اهتمام و قالها
يوسف...م تغور المهم انتي...انا مش قولتلك متصاحبيش اي حد كدا و خلاص
ردت عليه سارة بزهول و هي بتقوله
سارة...و ايه المشكلة يعني دي طيبة و بعدين معملتليش حاجة يعني عشان اعتبرها عدويتي
اتكلم يوسف بنفاذ صبر و قالها
يوسف...اياكي تصاحبي حد من غير م تعرفيه كويس يا سارة فاهمه
بصتله سارة بزهول و حزن و متكلمتش
كانت هتروح للعربية بس يوسف قالها بضيق من زعلها
يوسف...اسمها ايه
سارة...عهد
ردت عليها بنفاذ صبر
يوسف...اسمها ربااااعي
هزت سارة راسها يمين و شمال بعدم معرفة. و هو قالها
يوسف...ابقي اعرفي اسمها ايه و قوليلي
هزت سارة راسها بطاعة و هو قالها
يوسف...كنتي عايزة تروحي فين امبارح
هزت راسها بلا مبالاه و قالتله
سارة...ولا حاجة
يوسف...تحبي نتغدى بره ؟
لمعت عيونها بفرحة و قالتله
سارة...موافقة طبعااا
ضحك عليها و راحوا للعربية
...استغفر الله العلي العظيم
رجعت عهد. من الكلية و كانت طول الطريقة تفتكر كلمة اخوا سارة لما قالها باستنكار
يوسف..."صحاب؟"
كانت كل م تفتكر كلمته تصعب عليها نفسها و تحس قد ايه هي قليلة يعني انها تكون صاحبة سارة
بس كانت بتشيل الكلام دا من دماغها و تقول ان كدا كدا دي اخر سنة ليها ف الكلية و خلاص قربت تخلص
اول م فتحت باب الشقة سمعت صوت عياط
راحت بسرعة لأوضة داليا لاقيتها منهارة من العياط وووو
يتبعععع
عهد بحب كاذب
البارت الرابع
بقامي مريم أحمد
5
اتصدمت عهد لما سمعت صوت داليا بتعيط
راجتلها بسرعة و هي مخضوضة عليها و قالتلها
عهد...مالك يا داليا في ايه!!
بس داليا مكنتش بترد عليها كانت بتعيط بس
دخلت هالة باستغراب و هي بتقول لداليا
هالة...في ايه !
بصتلها عهد بعدم معرفة و رجعت بصت لداليا انها تتكلم بس داليا بصت لهالة و هالة طبعا استغربت
اتكلمت عهد بحدة خفيفة من الخضة و هي بتقول لداليا
عهد....م تنطقييي!!
بصت داليا لهالة و قالتلها و هي الدموع مغرقة وشها
داليا...انا سمعت بابا و هو بيقولك انه مش موافق على رحيم
سكتت هالة و مردتش و عهد معرفتش تقول ايه ف قالتلها بابتسامة
عهد...بابا مينفعش يرفضه من غير م يجوا و يتقدموا يا داليا الاصول بتقول كدا ..مش يمكن لما يجوا بابا يلاقيه مناسب و يوافق!!
بصتلها داليا بأمل و قالتلهم و هي مش مصدقة
داليا...بجد
هزت عهد راسها بشك بس حاولت انها متخليش داليا زعلانة
و هالة سابتهم و خرجت و هي زعلانة على داليا
حاولت عهد تغير الموضوع و قالتلها
عهد...امتحاناتي قربت و هخلص الدراسة و انتي لسه
ضحكت داليا عليها و عهد كمان بس اختفت ابتسامة عهد تدريجيا لما افتكرت يوسف و كلمته اللي قالها اللي لسه لحد دلوقتي ف بالها
سألتها داليا باستغراب لما لاحظت حزنها المفاجئ
داليا....مالك؟
بصتلها عهد و ابتسمت و هزت راسها بنفي و هي بتقولها
عهد...مفيش يا حبيبتي
ردت عليها داليا بشك و هي بتقولها
داليا...بس انا متأكدة ان في حاجة زعلتك
كملت و هي بتسألها و بتقولها
داليا...حصل حاجة زعلتك انهاردة ولا ايه ؟
ردت عليها عهد و هي بتحاول متبقاش زعلانة و بتقوله
عهد...حاجة مش مهمة اوي يعني بس من وقتها و انا صعبان عليا نفسي
كملت كلامها و هي بتقولها بتبرير و حزن
عهد...غصب عني م انا برضو انسانة و عندي شعور
كلمها خلى داليا تزعل عشانها و قالتلها بحب و هي مبتسمة
داليا...احكيلي طيب انا سامعاكي
هزت عهد راسها و بدأت تحكيلها. من اول م اتكلمت هي و سارة لحد م مشيت
ردت عليها داليا بلامبالاه و هي بتقولها
داليا...كبري دماغك منه يا عهد فكك اصلا بلا غرور بلا قرف
ابتسمت عهد عليها و قالتلها
عهد...على رأيك
....استغفر الله العظيم و اتوب اليه
في فصر فاروق الحديدي
كانت ندى ف اوضتها ماسكة تليفونها و بتشرب شاي
لاقيت الباب بيتفتح فجأة و بتظهر امها الي كان باين عليها الغضب
استغربت و راحت لأمها و هي بتسألها باستغراب
ندى...مالك يا ماما
قبضت امها على دراعها جامد لدرجة ان ندى صرخت بألم و هي مش فاهمه في ايه
ندى...فهميني طيب في ايه ؟؟
ردت عليها مروة بغضب و هي بتقولها
مروة...ف حياتي كلها مشوفتش واحده بتحب تقلل من نفسها زيك
اتصدمت ندى من كلام امها و قالتلها
ندى...ليه انا عملت ايه !!
ابتسمت امها بغضب و هي بتضغط على دراعها اكتر لدرجة ان ندى صرخت و هي حسه ان دراعها هيتكـ سر ف اي لحظة
مروة...كنتي فرحانة و انتي عمالة تكلميها انهاردة على الفطار و هي مبتردش عليكي
كملت بغضب و عصبية و هي بتقولها
مروة...فرحانة انك خليتي واحدة زي دي تقلل منك قدامنا كلناااا
فهمت ندى ان امها بتتكلم عن سارة و قالتلها و هي دموعها نازلة على خدها
ندى...سارة كانت بتعيط يا ماما
مروة...حتى لو كانت بتمو.ت مش بتعيط انتي مالك بيها
بصتلها ندى بصدمه و قالتلها
ندى...سارة اختي مش بنت عمي او صحبتي بس يا ماما و اكيد لو انا كنت بعيط مكنتش سابتني !
ردت عليها امها بحدة و هي بتقولها
مروة..لأاااا
استغربت ندى و مروة كملت كلامها و هي بتقولها
مروة...هي ولا اختك ولا صاحبتك دي عدوتك فااااهمه!!
كانت ندى بصالها بصدمة و مش بتنطق بس اتنفضت من مكانها بخوف لما امها زعقتلها و هي بتقولها
مروة...فااااهمه ولااا لأااا!!!
هزت ندى راسها كذا مرة بخوف من امها
و مروة سابت ايدها بغضب لدرجة ان ندى رجعت لورا كذا خطوة و خرجت مروة و رزعت الباب
قعدت ندى على الكنبة و هي بتعيط بحزن و هي مش فاهمه ليه امها مصرة تكرهها ف سارة اوي كدا
....لا اله الا الله وحده لا شريك له له الملك و له الحمد يحيي و يميت و هو على كل شئ قدير
تاني يوم كانت سارة ف الجامعة و كانت مستنية تشوف عهد عشان تاخد رقمها و يبقوا صحاب بس عهد اتأخرت
اتكلمت شمس بضيق و هي بتقول لسارة بغضب بعد م لاحظت ان سارة مكنتش مركزة معاها اصلا و لا سامعة الكلام الي هي بتقوله مجرد انها بتنقل نظرها على زمايلها يمكن تلاقي عهد
شمس....هووو في ايييه يا سااارة؟؟؟
بصتلها سارة باستغراب من غضبها و قالتلها
سارة...نعم
اتكلمت شمس بسخرية و هي بتعيد كلام سارة و بتقولها
شمس...نعم؟؟
اتأفأفت سارة بضيق و بعدين بصت لشمس و سألتها و هي بتقولها
سارة...مشوفتيش عهد؟؟
بصتلها شمس باستغراب و سألتها
شمس...عهد مين؟
اتكلمت سارة و هي بتحاول تفكرها و هي بتقولها
سارة...عهد البنت هي جاتلنا امبارح
رفعت شمس حاجبها باستغراب و هي بتسألها
شمس...و انتي بتسألي عنها ليه؟
سارة...عادي يعني يا شمس مالك
مردتش شمس عليها بس سكتت لما لاقيت عهد داخلة المدرج
بصت لسارة عشان تتكلم معاها عشان متشوفش عهد بس اتصدمت لما ملقتش سارة اصلا
بصت مكان عهد لاقيت سارة واقفه بتتكلم معاها و هي مبتسمة و دا خلى شمس نفسها تروح تضرب عهد
اما بالنسبة لسارة ف اول م شافت عهد راحتلها بسرعة و هي مبتسمة
ابتسمتلها عهد و سارة قالتلها و هي لسه مبتسمالها
سارة...عاملة ايه
ابتسمتلها عهد و قالتلها
عهد...الحمدلله انتي ايه اخبارك
سارة...الحمدلله
كملت كلامها باحراج و هي بتقولها
سارة...اتمنى متكونيش زعلتي من چو
ظهر على وش عهد الاستغراب و قالتلها
عهد...مين چو؟
سارة... دا أبية يوسف اخويا
كملت و هي بتحاول تخلي عهد تفتكر
سارة... الي جي امبارح
هزت عهد راسها بتذكر و قالتلها بابتسامة
عهد... لا ابدا عادي حصل خير
ف الوقت دا جت دكتور المادة و طلبت من الطلبة يقعدوا عشان تبدأ تشرح المحاضرة
قالت سارة لعهد بابتسامة
سارة... تعالي اقعدي معايا انا و شمس
بصت عهد لشمس لاقيتها باين عليها الضيق بس محبتش ترفض طلب سارة خصوصا كمان ان الدكتورة هتبدأ المحاضرة و هي مكنتش عايزة تعمل شوشرة
... سبحانك اللهم و بحمدك
عدى وقت المحاضرة و سارة قالت لعهد و شمس
سارة... فاضل ساعتين على المحاضرة الجاية هتعملوا ايه
سكتت شمس تشوف رد عهد ايه الأول
و سارة بصت لعهد بمعنى انها تتكلم
عهد... انا مش هقدر اروح لأن على م اروح فيها ساعتين اصلا ف ممكن اقعد ف كافيتيريا الجامعة
سارة... طب انا بيتي قريب اوي من الكلية نص ساعة تقريبا او ساعة الا ربع بالكتير اوي تعالي معايا نروح نقعد شوية و بعدين نيجي و كمان اعرفك على مامي
ابتسمتلها عهد بشكر و قالتلها باعتذار لطلبها
عهد... شكرا جدا يا سارة بس خليها مرة تانية
هزت سارة راسها بحزن بس كانت متفهمه ان عهد مش عايزة تروح هناك ف قالتلها
سارة... عموما عادي لو جيتي محدش هيقول حاجة بالعكس دا الكل هيرحب بيكي و انتي هتحبي عيلتي اوووي
اكتفت عهد بانها تبتسملها و خلاص عشان متحرجهاش للمرة التانية
قلبت شمس عيونها بملل من كلامهم الي مش بيخلص و سارة افتكرت ان يوسف قالها تقوله اسم عهد ف سألتها و هي بتقولها
سارة... صحيح يا عهد هو انتي اسمك ايه؟
بصتلها عهد باستغراب و سارة ضحكت على سؤالها و قالتلها
سارة... مقصدش اسمك انتي لأ.. انا عارفة انك اسمك عهد بس عهد ايه؟
هزت عهد راسها بمعنى انها فهمتها و قالتلها
عهد.. عهد صادق الأنصاري
فضلت سارة تكرر الاسم ف بالها كتير عشان تحفظه و تقوله ليوسف
و سكتوا كلهم عشان دكتور نورا كانت بدأت شرح المحاضرة
ف استغلت سارة انشغال عهد بتليفونها و كتبت ليوسف اسم عهد ف رسالة و بعتتهاله و سابت التليفون و قالتلهم
سارة... خلاص مادام عهد مش عايزة تيجي البيت تعالوا نروح نتغدى ف اي مكان
اتفجئت عهد من اللي سمعته لأن بالتأكيد كل المطاعم الي هنا اسعار اكلها مش هيبقى معاها ربع تمنه حتى
بس اتطمنت لما لاقيت سارة بتقولها بابتسامة
سارة... بتحبي سندويتشات الكبدة و السجق؟
هزت عهد راسها بتأكيد و هي مصدومة ان سارة بتاكل الاكل دا عادي
اتكلمت سارة بخبث و ابتسامة و هي بتقولها
سارة... عرفت من فترة ان في عربية جديدة ف شارع ***
ابتسمتلها عهد و قالتلها
عهد... بس دي بعيدة اووي و هتاخد الوقت الي باقي للمحاضرة الجاية
بصتلها سارة بفرحة و هي بتقولها
سارة...طب كويس انك تعرفي المكان دا دا انا كنت همشي ورا الGPS
ضحكت عهد و قالتلها
عهد... اكيد عارفة المكان لأن دا مكان بيتي
اتصدمت سارة لأن لسه قايلالها ان بيتها ف كومباوند قريب من الكلية و ابتسمتلها عشان متحرجهاش
بس شمس اصرت انها تحرجها عشان تبعد عنهم و تبطل تكلم سارة و قالتلها بخضة ممزوجة بالصدمة
شمس... بتهزررري!!!
بصتلها عهد باستغراب و قالتلها
عهد... لأ ليه؟
ردت عليها شمس بصدمة و هي بتقولها
شمس.... انتي ساكنة ف منطقة شعبية يا عهد مش ف كومباوند زينا !!
بصتلها سارة بصدمة من الي قالته و قالتلها
سارة... ايه الي انتي بتقوليه دا يا شمس!!
بصتلها شمس بدهشة مصطنعة و هي بتقولها
شمس... اتصدمت بس اصل عمري م كنت اتوقع دا بجد
متنكرش عهد انها حست بالاهانة لدرجة انها عيونها دمعت بس قدرت انها تخفي دموعها ببراعة و ردت على شمس و هي بتقولها
عهد... ايوا عايشة ف منطقة شعبية و الحمدلله عندي انتماء للمكان الي كبرت و اتربيت فيه ف اكيد مش هتحرج اني اقولكوا اني عايشة هناك و مع ذلك لو حبيتوا تاكلوا من عند عم ربيع كلموني و انا هقوله انكوا تبعي و وقتها من اول م تيجوا المنطقة الشعبية دي لحد م ترجعوا التجمع بالسلامة هتعرفوا اننا ناس جدعة و بتعرف تضايف ضيوفها احسن من اغنى الاغنياء كمان ووووو
يتبععععع
عهد بحب كاذب
البارت6
رجعت سارة البيت بعد م خلصت الجامعة بس برضو مروحتش على طول خرجت مع صحابها و دا خلاها تتأخر
اتصدمت لما لاقيت يوسف ف البيت و شكله مضايق و من الواضح انه كان مستنيها
يوسف...رجعتي اخيرا ؟
استغربت سارة و بصت لأمها و هي مش فاهمه حاجة بس اتنفضت بخوف لما سمعته بيزعقلها و هو. بيقولها
يوسف....انااا اللي بكلمك مش امك!!
دمعت عيونها و قالتله
سارة...الوقت متأخرش ..الساعة 9 !
رد عليها بسخرية و هو بيقولها
يوسف...و كليتك المفروض كانت هتخلص امتى انهاردة
سارة...4 العصر
رفع حواجبه بسخرية و هي قالتله
سارة...انا خرجت مع صحابي
رد عليها بحدة و هو بيقولها
يوسف...اللي هما مييين
اتوترت سارة لأنه قالها متتكلمش مع عهد و ردت عليه بتهتهه و هي بتقوله
سارة...شمس و..و..
يوسف...و ميين
ردت عليه بخوف و هي بتقوله
سارة....عـ..عهد
اتحولت ملامح وشه لغضب شديد لدرجة انها كانت حسه انهم سامعين ضربات قلبها من كتر خوفها من غضب اخوها
صرخت بخضة لما زعقلها و هو بيقول
يوسف....انااا مش قووولت البنت دييي متكلميهااااش
هزت راسها بمعنى ايوا و هي دموعها نازلة و قالتله بحزن
سارة....بس انا مبقتش صغيرة عشان تختارولي صحابي
بصت لأمها و قالتلها
سارة....انا مبقتش صغيرة يا ماما عشان تقولولي كلمي دي و متكلميش دي انا بعرف اختار صحابي كويس مش محتاجاكوا تحذروني عشان لو خالفت تعليماتكوا تزعقولي كأني طفلة لسه ف الحضانة انا تعبت سيبوني اختار اللي انا عايزه اصاحبهم و اللي انا شايفاهم شبهي!!
بصتلها امها بحزن و قالتلها
رقية...اخوكي خايف عليكي يا حبيبتي
رد عليها يوسف بسخرية و هو بيقولها
يوسف... ما هي شمس كويسة اهي و بتحبك و من نفس مستوانا الاجتماعي ملقيتيش غير دي و تصاحبيها
ردت عليه و هي عيونها مليانة دموع و هي بتقوله
سارة...شمس اللي انتوا شايفينها شبهي دي مبتحبينيش اصلا و انا عارفة دا كويس و ديما تسأل عن علاقتي بيكوا و تقارن بيني و بينها و ديما تحكيلي عن اخوها انه مش بيكلمها و امها اللي سايباها و ابوها اللي ديما مشغول ف شغله و انا فاهمه انها بتحقد عليا و بتكرهني و ساكتة عشانكوا ...عشان عارفة انكوا لما هاجي و اقولكوا اني مش عايزة اتكلم معاها تاني ماما هتقولي مامتها صاحبتي و هتزعل و يوسف هيقولي اصلها من نفس مستوانا الاجتماعي و شبهك و جدو هيقولي في شغل بين شركتنا و شركة ابوها ف بسكت و مبتكلمش لكن انتوا ولا مرة فكرتوا فيا اناا ولا مرة سألتوني انا عايزة ايه لأ ديما تختارولي اللي انتوا شايفينه من وطهة نظركوا كويس و خلاص مش مهم رأيي...
قال يوسف لأمه بسخرية على كلام اخته
يوسف...و البت اللي راحة تصاحبها دي اللي اصلا من منطقة شعبية و في فرق ف المستوى زي الفرق بين السما و الأرض مش هتحقد عليها صح
ضحك بسخرية و بص لأخته و قال
يوسف....ساذجة و غبية
اتكبم فاروق بغضب و هو بيقول
فاروق...يووووسف
نزلت دموع سارة بصدمة من كلمته و هو مهتمش لحد فيهم و خد مفاتيح عربيته و خرج من القصر كله
و سارة كل دا واقفة مكانها باصة للفراغ و هي دموعها بتنزل و سرحانة ف كلمته ليها
كانت ندى هتروحلها بس مروة منعتها لما قبضت على ايدها جامد لدرجة ان ندى ملامح وشها كرمشت بألم
اتكلمت رقية بحزن على بنتها و هي بتقولها
رقية...سارة حبيبتي متزعليش من يوسف يوسف خايف عليكي بجد
هزت سارة راسها بمعنى ماشي و هي مبتسمة لأمها بحزن و خيبة امل و طلعت على اوضتها بسرعة و هي صوت شهقاتها مالي المكان
في الوقت دا دخل محمد اللي كان لسه راجع من القسم و حس ان في حاجة من سكوتهم و شكلهم
سألهم باستغراب و هو بيقولهم
محمد...في ايه؟
بصتله ندى و متكلمتش و محدش رد
وجه كلامه لندى و هو بيقولها
محمد...ايه اللي حصل يا ندى
ندى...يوسف اتخانق هو و سارة
ساب مفاتيحه على الطربيزة بضيق لأنه عارف ان سارة بتزعل على طول و اقل حاجة بتخليها تعيط و عارف يوسف لما بيتعصب ف قالها
محمد...اطلعي شوفيها اكيد بتعيط
بصت لأمها بقلق بس رجعت بصت لأخوها تاني اما قالها
محمد...سمعتي انا قولتلك ايه
هزت راسها بطاعة و راحت لسارة و طبعا مروة كانت مضايقة جداا
...سبحان الله و بحمده سبحان الله العظيم
كانت قاعدة ف اوضتها منهارة من العياط لدرجة انها مكنتش قادرة تاخد نفسها من كتر شهقاتها
خبط الباب اتكلمت بغضب و حزن و هي بتقول
سارة...مشش عاااايزة اتكلم مع حد
فتحت ندى الباب و قالتلها
ندى...دي انا يا سارة
بصتلها سارة و رجعت بصت قدامها تاني و هي بتعيط
صعبت على ندى جدا و رحاتلها و فضلت تطبطب عليها و هي بتقولها
ندى...حقك عليا انا متزعليش
بس دا طبعا خلى سارة تعيط اكتر و هي زعلانة
...استغفر الله الغظيم و اتوب اليه
اما عند عهد ف اول م دخلت من باب الشقة دورت ب عيونها على داليا و لما ملقتهاش ندهت عليها
عهد...داليااا ..دودووو
جت داليا و اتفاجئت من الشنط اللي عهد كانت شايلاها
داليا...ايه دا يا عهد!!
ابتسمتلها عهد و قالتلها
عهد...تعالي معايا
و دخلت اوضتها و داليا راحتلها
ادتلها عهد شنطة و قالتلها
عهد...خدي
خدت داليا الشنطة و هي مستغربة و عهد مبتسمالها بس اتفاجئت لما لاقيته دريس شكله جميل اوويي
بصت لعهد بفرحة و قالتلها
داليا...دا ليا !!!
هزت عهد راسها بابتسامة و قالتلها
عهد...ايوا عشان بعد بكرة ان شاء الله لما الناس تيجي
حضنتها داليا بفرحة و هي بتقولها
داليا...شكرا اوي يا عهد
ضحكت عهد و قالتلها
عهد...مفيش شكر بين الاخوات يا هبله انتي
ابتسنتلها داليا و عهد قالتلها بحب
عهد...مبارك يا حبيبتي
ابتسمت داليا بفرحة كبيرة و قالتلها
داليا...الله يبارك فيكي يا عهودة
بصتلها باستغراب و سألتها و هي بتقولها
داليا...طب و انتي !!
هزت عهد راسها بعدم اهتمام و قالتلها
عهد...مش مشكلة هشوف اي دريس من اللي هنا انتي اولى
ابتسمتلها داليا بامتنان و سكتت
...لا اله الا الله محمد رسول الله
تاني يوم ف قصر فاروق الحديدي
كانت الكل متجمع على السفرة عشان الفطار ماعادا سارة اللي منزلتش و مخرجتش من اوضتها من امبارح
اتكلمت رقية و هي بتقولهم
رقية...هي سارة منزلتش تفطر ليه
مردش يوسف و كمل اكله عادي ولا كأن امه سألت عن حاجة و ولا كأن اللي زعلانة دي تبقى اخته
بصله فاروق بضيق و حزن ف نفس الوقت لأنه عمره م زعل اخته كدا و سابها و ديما بيحاول يراضيها بأي شكل
اتكلمت مروة بلامبالاه و هي بتقولها
مروة...شوية و هتلاقيها نازلة رايحة الكلية و يوسف هيقولها تقعد تفطر و هتفطر متقلقيش كفاية دلع ليها بقى خليتوها من اقل نقاش بينها و بين اخوها تتقمص و تعيط و تخاصمنا كمان ايه اصله دا
بص يوسف لمحمد بضيق هو بالرغم من انه متضايق من سارة انها كسرت كلمته الا انه ميقبلش ان حد يقول عليها كلمة متعجبهوش ابدا و محمد اتحرج من كلام امه خصوصا بعد نظرة يوسف ليه
و رقية بصتلها بضيق و كانت لسه هترد عليها و تعرفها مقامها و انها متتكلمش على بنتها كدا بس فاروق سبقها لما زعق لبنته بغضب و قالها بحدة
فاروق...مروووة!
بصت مروة لأبوها اللي كان بيبصلها بنظرات غاضبة و رقية قامت و سابت الأكل
اتكلم يوسف و هو بيقولها
يوسف....رايحة فين يا ماما
ردت علية بضيق و هي بتقوله
رقية...رايحة اشوف اختك اللي لو مكنتش عايزة تنزل تفطر معانا على الأقل كانت نزلت راحة كليتها اللي مبتحبش تفوت يوم من غير م تروحها
بص يوسف ف ساعة ايده و لاقى ان فعلا اخته اتأخرت جدا على معاد كليتها بس مظهرش قلقه عليها و قال انها بتعمل كل دا عشان اللي حصل امبارح
بس اتنفض هو و الكل بخوف و طلعوا بسرعة على اوضة سارة لما سمعوا صوت رقية اللي بيصرخ و هي بتقول بانهيار بان ف نبرة صوتها
رقية...ســـااااااااااااارةةة!!! وووو
تفاعل ♥️
استغفر الله العلي العظيم الذي لا اله الا هو الحي القيوم و اتوب اليه عدد خاقه و رضى نفسه و زنة عرشه و مداد كلماته
7-8-9-10
خبطت رقية على اوضة سارة بقلق لما منزلتش ..بس زاد خوفها و قلها اطتر لما ملقتش رد
ندهت عليها و هي حسة ان قلبعا بيتحر.ق من كتر خوفها على بنتها و هي بتقول
رقية...سارة حبيبتي ؟
بس ملقتش رد برضو فتحت باب الأوضة و هي بتدعي ف نفسها ان بنتها تكون كويسة بس اتصدمت و محستش بنفسها غير و هي بتصرخ بأسم بنتعا برعب لما لاقيت علبة المهدئ اللي الدكتورة كانت كاتباهولها و اللي كانت سارة لسة جايباه خلصان و سارة فاقدة الوعي
رقية...ســااااااارةة!!
جريت عليها بسرعة و هي بتمسك وشها و بتضربها براحة عشان تحاول تفوقها بس سارة مكنتش بترد
اتكلمت رقية و هي الدموع ف عيونها و بتقولها بحزن و خوف
رقية ...ردي عليا يا حبيبة مامااا ...رديييي علياااا يااا ساااارة
ف ثواني لاقيت العيلة كلها موجودة و يوسف اللي اول م شاف اخته شبه ميـ ته كدا و ولا هو عارف هي عايشة ولا لأ حس انه اتشـ ل بس فاق على صوت امه اللي كانت بتنادي على اخته و هي بتعيط
جري بسرعة شال سارة و نزل جري على اقرب مستشفى و الكل وراه
...استغفر الله العظيم و اتوب اليه
ف الكلية
كانت عهد مستغربة عدم وجود سارة كل دا هي اصلا ديما بتيجي تلاقيها موجودة بالعكس دي عهد هي اللي ديما بتتأخر كمان
بصت عهد حواليها لحد م لاقيت شمس اللي كانت ماسكة تليفونها و من الواضح انها بترن على حد
راحتلها عهد و هي بتقولها
عهد...ازيك يا شمس
بصتلها شمس و اكتفت انها تهز راسها بمعنى تمام و رجعت بصت ف تليفونها تاني
اتكلمت عهد و هي بتسألها و بتقولها
عهد...متعرفيش سارة اتأخرت ليه؟؟
بصتلها شمس شوية و بعدين قالتلهت
شمس...لأ انا اصلا برن عليها و مش بترد
عهد...ممكن تكون راحت عليها نومة ؟
هزت شمس راسها و اتكلمت بسخرية و هي بتقولها
شمس...اكيد لأ يعني
هزت عهد راسها بمعنى ماشي و شمس اتأفأفت بضيق من عدم رد سارة
ف اقترحت عهد عليها حل و قالتلها
عهد...لو معاكي رقم حد من عيليتها كلميهم
لمعت عيون شمس بتذكر لما افتكرت ان رقم ندى معاها و هزت راسها بتأكيد و رنت على ندى مرة و اتنين و تلاتة بس ندى مردتش
اتكلمت شمس بغضب و هي بتقول
شمس....هو في ايييه م تردييي !!
بصتلها عهد باستغراب و ضيق ف نفس الوقت من زعيقها و صوتها بس قالت انها عشان اكيد قلقانة على سارة
بس رجعت بصتلها تاني بتركيز و اهتمام لما لاقيتها بتتكلم و عرفت انها وصلت لحد من اهلها
شمس...اي يا ندى هي سارة فين كل دا و مش بترد عليا ليية
جالها صوت ندى اللي كانت بتعيط بخوف و قلق على سارة و هي بتقولها
ندى...احنا مع سارة ف المستشفى يا شمس
اتصدمت شمس و قالتلها
شمس...ايييه مستشفى !!... مستشفى ايه طيب و لية اصلا
ردت عليها ندى بإنهيار و هي بتقولها
ندى...معرفش يا شمس معرفش هبعتلك اللوكيشن
هزت شمس راسها بمعنى ماشي و قفلت مع ندى
سألتها عهد بقلق لما سمعت كلمة " مستشفى "
عهد...في ايه يا شمس
ردت عليها شمس بقلق و هي بتقولها
شمس....سارة ف المستشفى
خدت شنطتها و قالتلها بعد م ندى بعتتلها اللوكيشن
شمس...انا رايحالها
قالت جملتها و مشيت و عهد هي كمان خدت شنطتها و هي بتقولها
عهد...استني انا جاية معاكي
و راحت معاها هي كمان
....لا اله الا الله محمد رسول الله
ف المستشفى
كان الكل اعصابه متوترة من كتر القلق و يوسف كان رايح جاي ف الترقة و هو ندمان أشد الندم و عمال يقول لنفسه بحزن و ندم
يوسف ...انا السبب ..انا السبب كله بسببي
و رقية كانت بتعيط و ندى كمان بس ندى كانت واقفة بعيد شوية عنهم عشان امها متشوفهاش
بس مروة شافتها و راحتلها و قالتلها بضيق و هي ماسكة دراعها بغضب
مروة...مش كفاية نكد بقى ولا ايه
بصتلها ندى بزهول من اللامبالاه اللي امها فيها و قالتلها
ندى...كفاية ايه !! سارة ممكن تمـ وت و حضرتك بتقوليلي كفاية نكد!!
اتكلمت مروة بغل و هي بتقولها
مروة...سبق قبل كدا و قولتلك اني مش فارقلي تمـ وت ولا تتحر.ق بجاز حتى
ابتسمت ندى بسخرية و هي بتقولها
ندى...مش هستغرب م انا كدا كدا شوفت ابتسامتك لما دخلتي اوضتها و لاقيتيها مرمية على الارض اكيد كنتي بتدعي انها تكون ما.تت عشان ترتاحي منها
ردت عليها امها بضيق و هي بتقولها
مروة ...حسابي معاكي ف البيت على كلامك دا
كلمت بغل و هي بتقولها
مروة...و اه كنت بدعي انها تكون ما.تت ايييه هتعمليلي ايه يعني ؟
خافت ندى منها و سكتت و مروة سابتها و راحت عند رقية و فضلت تطبطب عليها و تقولها كلام من الواضح انها بتهديهة و ان سارة هتبقى كويسة
كل دا كان تحت نظرات ندى اللي كانت حسة انها هيجرالها حاجة من اللي امها بتقوله و بتعمل عكسه
...لا اله الا الله محمد رسول الله
عدى وقت و خرجت الدكتورة من اوضة العمليات
جريوا عليها و رقية كانت منهارة من العياط ف معرفتش تتكلم و يوسف كان خايف يسألها احسن تقوله خبر يندمه اكتر م هو ندمان
اتكلم فاروق و هو بيقولها
فاروق...سارة عاملة ايه يا بنتي
هزت الدكتورة راسها و ردت عليه و هي بتقوله
نرمين...عملنالها غسيل معدة ان شاء الله هتبقى كويسة ..بس هنخليها تحت الملاحظة يومين تلاتة كدا نتأكد انها بقت بخير و بعدين تقدروا تاخدوها معاكوا
حمدوا ربنا بشكر و فرحة و نرمين قالتلهم بحزن
نرمين...و ياريت متسيبوهاش لوحدها كتير انتوا لولا انكوا جيتوا ف الوقت المناسب كان زمانها متوفية الحمدلله انكوا لحقتوها
بصت رقية لمروة بغضب وسط دموعها لأن مروة كانت بتقولها انها هتنزل و ان محدش يطلعلها و لو كانوا سمعوا كلامها كان زمان بنتها ميـ تة
اتكلم يوسف بقلق و هو بيقولها
يوسف...نقدر نشوفها؟
هزت نرمين راسها بمعنى ايوا و قالتلهم
نرمين...عن اذنكوا عشان اشوف باقي المرضى
فاروق...اتفضلي يا بنتي
ابتسمت بمجاملة و مشيت على طول و يوسف خبط على الباب و دخل الاوضة بس حس ان قلبه بيتحر.ق على منظر اخته و كمية الاجهزة الي حواليها و هي نايمة بسبب البينج
خد كرسي و حطه جمب السرير و قعد جمبها و هو ماسك ايدها بحزن و ندم و قالها و عيونه مدمعة
يوسف...حقك عليا يا حبيبتي انا اسف
كلمة اعتذار مقالهاش من و هو عنده 3 او 4 سنين تقريبا
دخلوا بقيت العيلة و هما زعلانين عليها جدا عدت نص ساعة كانت سارة فاقت
و اول حد شافته اخوها اللي كان قاعد قدامها على الكرسي
دمعت عيونها لما افتكرت و قالتله بحزن و هي تقريبا صوتها مش طالع
سارة...ابيه
بصلها بسرعة اول م حس انها بتندهله ابتسملها بحزن و هو بيقولها و نبرة صوته كلها اسف
يوسف...سارة
راحتلها امها بسرعة اول م سمعت يوسف بيقول كدا و قالتلها بلوم و هي بتعيط
رقية...ليه كدا يا حبيبتي بس عايزة تحر.قي قلب امك عليكي يا سارة
نزلت دموعها بحزن و قالتلها بندم و اسف
سارة...انا اسفة
خبط الباب و دخل حد بس يوسف مبصش يشوف مين كل اللي كان مهتم بيه هو اخته و بس
بس قفل حواجبه باستغراب لما سمع صوت هو متأكد انه سمعه قبل كدا
عهد...سلامتك يا سارة
لاقيت نظرات الاستغراب من العيلة و بالذات رقية ف ابتسمتلها عهد و قالتلها
عهد...ازي حضرتك يا طنط انا عهد صاحبة سارة
جملتها خلته يتأكد من شكوكه و قال بصدمة و غضب
يوسف...انتييي !!ووووو
يتبععععع
8
اتأكد من شكوكة اما سمعها و هي بتعرف نفسها لوالدته
اغمقت عيونه من غضبه و اختفت لمعة الخوف و القلق اللي كان ف عيونه على اخته و اتكلم بغضب جحيـ مي و هو بيقولها
يوسف ...انتييي!!!
استغربت عهد و ف نفس الوقت اتحرجت و هو مش فاهمه حاجة
و سارة اتكلمت باحراج و هي بتقوله
سارة...ابيه ممكن تهدى
بصلها بغضب و هو بيقول بعصبية و ضيق
يوسف....اهدى ايييه م كل اللي حصلك دا بسببها هييي
بصت سارة لعهد بأسف و احراج و عهد حست انها مشلو.له حرفيا من زعيقه و غضبه منها و هي مش عارفة تدافع عن نفسها ولا فاهمه حاجة من اللي بتحصل
اتكلمت عهد اخيرا و هي حسه بالاحراج من غضبه منها و نظرات العيلة كلها اللي وقعت عليها
قالت لسارة بابتسامة
عهد...قلقنا عليكي انا و شمس و لما عرفنا انك ف المستشفى جينا نشوفك ...الف سلامة عليكي
ابتسمتلها سارة و هي بتقولها بشكر و احراج من اللي اخويا عمله
سارة...شكرا يا عهد
ابتسمتلها عهد و بصت للكل و قالتلهم
عهد...عن اذنكوا لازم امشي انا بقى
محدش رد من احراجهم و ف نفس الوقت مش ضامنين لو ردوا ردة فعل يوسف هتبقى ايه
و رقية كانت عايزة تقولها تقعد بس ملحقتش لأن عهد خرجت من الاوضة على طول تحت نظرات سارة اللي عيونها مدمعة
و اول م عهد قفلت باب الاوضة بصت لأخوها بحزن و هي بتقوله بلوم و الدموع نازلة من عيونها
سارة....ليه يا أبيه ؟!...ليه مُصر تحرجني قدامها و تحرجها هي كمان كتر خيرها انها جتلي
سكت و مردش هو اصلا سبب زعيقه انه كان زعلان على اخته و اللي حصل و انها كان ممكن تمـ.وت
اما رقية ف خرجت من الاوضة بسرعة عشان تكلم عهد بس ملقتهاش و كأنها اختفت فضلت تبص ف الطرقة يمين و شمال يمكن تلاقيها بس برضو ملقتهاش ف رجعت تاني لأوضة بنتها
....سبحانك اللهم و بحمدك
اما عند عهد ف اول م خرجت من الاوضة و قفلت باب الاوضة وراها
الدموع ملت عيونها و راحت بسرعة للحمام عشان محدش يشوف دموعها
فضلت تعيط بحزن من احراجها قدام عيلة سارة كلها
دلوقتي بس عرفت ليه مكنش عابز اخته تصاحبها و اتأكدت لما شافت شكل عيليتها و شكل المستشفى نفسها اللي سارة فيها
فضلت تسأل نفسها هل هي غلطت لما جت بس ف النهاية وصلت للاجابة و هي ان كل واحد بيتعامل مع الناس بأصله
بصت لوشها ف المراية و زعلت لما لاقيت عيونها احمرت لدرجة انها كان شكلها تقريبا مرعب من كتر م بياض عيونها اتحول للأحمر الداكن بسبب عياطها و وشها اللي كان برضو لونه متغير بسبب عياطها
بصت للحنفية و حطت ايديها قدامها لما ملقت اوكرة ليها و تلقائيا نزلت الماية .. غسلت وشها و هي بتحاول تهدي نفسها عشان تعرف تمشي و تروّح رجعت بصت تاني لنفسها ف المراية و كان لون عيونها رجع شوية لما الاحمرار قل بصت على تصميم المراية اللي كانت مطلعة اضاءة هادية و شكلها جميل مع شكل المراية نفسها اللي مشافتش زيه قبل كدا ابدا
خدت منديل و مستحت وشها و بعدين حطت ايديها عند مجفف الأيد اللي اول حطت ايديها عنده خرج هوا ف لحظتها
ابتسمت بسخرية على حالها و هي بتقول ف نفسها و هي خارجة من الحمام
عهد...الفرق واضح يا عهد
و خرجت من المستشفى و هي ناوية تروح بيتها لأنها لو راحت الكلية مش هتفهم حاجة اصلا بسبب الصداع اللي جالها من العياط
...لا اله الا الله محمد رسول الله
اما عن شمس اللي اول م كانت ف الكلية و ندى قالتلها انهم بسارة ف المستشفى حست بقلبها طاير من الفرحة
و قررت انها تروحلها مش عشان تطمن عليها لكن عشان تطمن عليها لكن عشان تفرح شوية و هي شايفاها مرمية ف المستشفى
بس اتصدمت و الحقد رجع تاني ملى قلبها لما لاقيت العيلة كلها حرفيا موجودة عشانها لدرجة انها لحد م عهد مشيت متكلمتش ولا نطقت بحرف واحد حتى
فاقت من غلها و ابتسمت لسارة و قالتلها
شمس...ايه اللي حصل يا حبيبتي كنت همـ وت من قلقي عليكي لما ندى قالتلي انك ف المستشفى
ابتسمتلها سارة و متكلمتش كان عقلها مشغول بعهد و انها اكيد زعلت و احتمال كبير متكلمهاش تاني
بصت رقية لشمس و كأنها بتحقق مع نفسها اذا كانت شمس فعلا بتكرهه بنتها ولا بتحبها
قالت شمس لسارة بابتسامة
شمس...فوّقي كدا عشان عايزة اخدك معايا و اخد رأيك انا بشتري العربية
هزت سارة راسها و قالتلها
سارة...حاضر
ابتسمت شمس ليها و هي بتطبطب على ايديها
....استغفر الله العظيم و اتوب اليه
في بيت صادق
كانت داليا قاعدة ف الصالة و مشغلة تلتليفزيون على قناة الطبخ المفضلة ليها
بس مكنتش مركزة اصلا كان كل اللي ف بالها بكرة لما رحيم هيجي هو و اهله يتقدمولها
ابتسمت بفرحة لما تخيلت ان عمها وافق و هي و رحيم اتخطبوا بس اختفت ابتسامتها لما اتخيلت ان عمها هيرفض و بكرة هيتقلب بنكد ليها و هتفضل تعيط
فاقت من تفكيرها على صوت باب الشقة اللي بيتقفل
بصت لاقيتها عهد اللي كان باين عليها التعب
اتكلمت باستغراب و هي بتقولها
داليا...عهد ؟؟!! انتي كويسة ؟؟
اكتفت عهد بانها هزتلها راسها و دخلت على اوضتها من غير ولا كلمة
خرجت هالة من المطبخ لما حست ان في حاجة برة استغربت لما لاقيت داليا بس
سألتها و هي مستغربة و بتقولها
هالة...في ايه يا داليا!!
ردت داليا عليها بعدم فهم و هي بتقولها
داليا...معرفش عهد رجعت و شكلها زعلان بس بتقول انها كويسة
استغربت هالة و قالتلها
هالة...هروح اشوفها
مسكت داليا ايديها بسرعة و هي بتقولها
داليا...لأ سيبيها
بصتلها هالة باستغراب و داليا ابتسمتلها و قالتلها
داليا...عهد مبتحبش تتكلم و هي زعلانة استني تهدى شوية و نشوفها مالها
هزت هالة راسها باقتناع و قالتلها و هي داخلة المطبخ
هالة....طب تعالي ساعديني ف الغدى
اتكلمت داليا و هي رايحة للمطبخ هي كمان
داليا....عيوني ليكي يا هالوله
ضحكت هالة على داليا و بدأوا يكملوا الغدى
....سبحان الله و بحمده سبحان الله العظيم
خلص اليوم من غير اي احداث تذكر غير ان عهد حكت لداليا اللي حصل و داليا اضايقت جدا و فضلت تقولها متزعلش رغم ان هي نفسها كانت مضايقة بس محبتش تكون عهد زعلانة كدا
جية تاني يوم و داليا كان باين عليها الفرحة من اول م صحيت لدرجة ان صادق مبقاش عارف يوافق على رحيم لما يجوا عشان فرحتها ولا يرفض و وقتها هيبقى كسر قلب بنت اخوه
اتكلمت عهد بسخرية و هي بتهزر و بتقول لداليا
عهد...هتفضلي مبتسمة للحياة كدا كتير
بصتلها داليا بغيظ و قالتلها
داليا...و انتي مالك انتي و بعدين النتيجة بكرة سيبيني افرح بقى
ضحكتلها عهد و قالتلها
عهد...و بإذن الله بكرة هتفرحي برضو و تدخلي كلية الاعلام اللي انتي عايزاها من زمان
ابتسمتلها داليا و سكتت
عدى الوقت و جيه ميعاد وجود رحيم و اهله و اول م الساعة دقت 7 بالظبط الباب خبط لدرجة ان صادق اتخض و هو مدهوش
كانت داليا ف اوضتها فرحانة و ف نفس الوقت بتفرك ف ايديها بتوتر
طبطبت عهد على كتفها و قالتلها
عهد...بلاش التوتر دا و اهدي كدا
هزت داليا راسها بابتسامة و لا ارادي بصت ناحية باب اوضتها لما سمعت صوت عمها و مراته بيرحبوا بالناس
فضلت تدهي ف نفسها ان المقابلة تعدي على خير و ان عمها يوافق لأنها عارفة ان عمها مش حابب رحيم اصلا و ديما بيقول عليه فاشل
كانت سامعة صوت عمها و هو بيتكلم مع رحيم و بيسأله اسئلة كتير وترتها هي شخصيا زي " متخرج من كلية ايه ؟ " و اسئلة تاني بتأدي للكلام و التعارف اكتر بين العيلتين لحد م سأل صادق سؤال خلى داليا ضربات قلبها ضربت بتوتر و خوف
صادق... بس انت مقولتليش يا رحيم شغال ايه ولا ف انهي مكان ؟
اتكلم رحيم ببعض التوتر و ف نفس الوقت بثقة و هو بيقول لصادق
رحيم...لأ الحقيقة انا سبت شغلي من فترة كدا
اتصدم صادق و هالة و صادق رد عليه بسؤال تاني بس سؤاله نفسها مليان سخرية. و هو بيقوله
صادق...اومال دالبا هي اللي هتصرف عليك و على البيت ولا ايه !!
مسحت داليا وشها بتوتر من الموقف اللي حصل و دا معجبش عهد ابدا ف قالتلها
عهد...اهدي يا داليا و خليكي واثقة انه لو مناسب ليكي بابا مش هيتردد لحظة انه يوافق
هزت داليا راسها و هي مش مقتنعة بكلام عهد اصلا
و سمعت صوت رحيم و هو بيقول لصادق بثقة
رحيم...لا العفو يا عمي ازاي طبعا
صادق...اومال ايه طيب م انت اللي بتقول اهو
هز رحيم راسه بتأكيد و هو بيقول لصادق
رحيم...عمر شافلي وظيفه معاه ف الشركة بمرتب كويس و هبدأ شغل من الاسبوع الجاي بإذن الله
هز صادق راسه بتفهم و صفاء مامة رحيم اتكلمت و هي بتقول لهالة
صفاء...اومال فين العروسة با هالة
هزت هالة راسها و هي الابتسامة على وشها و قالتلها
هالة...ثانية واحدة
و دخلت لداليا اللي كانت متوترة لما عرفت انهت هتخرج
هالة...صفاء بتسأل عنك
بصت داليا لعهد بتوتر و عهد قالتلها بحكمة و هي مبتسمة
عهد... مش عايزاكي تتوتري خليكي عندك ثقة ف نفسك كدا هما اللي جايين يطلبوا ايديكي و هما اللي متوترين مش عارفين هتقبلي ولا هترفضي
ابتسمتلها داليا و هزت راسها بعد م كلام عهد شجعها. و قالتلها
داليا....تعالي اخرجي معايا
هزت عهد راسها و طلعت معاهم و اول م صفاء شافتها فضلت تمدح فيها و تقول كلام زي " تبارك الله " " الله اكبر جميلة اوي " و كلامها خلى داليا تتكسف
سلمت داليا عليهم و عهد ابتسمتلهم و فضلوا قاعدين شوية ميتعدوش العشر دقايق و رجعت هي و عهد للأوضة تاني و هي فرحانة
عدى وقت بسيط و مشي رحيم و اهله و اول م داليا سمعت صوت باب الشقة بيتقفل خرجت بسرعة لعمها عشان تشوف رأيه بس وقفت مكانها بصدمة و خوف لما شافت تعابير وش صادق غير راضية بتاتا و باين عليه انه مش موافق و دا خلاها خايفة تسأله حتى احسن يقولها انه مش موافق و ف نفس الوقت ابتسمت على نفسها بسخرية لما افتكرت امبارح و هي خايفة عمها يرفض و بالفعل اللي كانت خايفة منه حصل من وجهة نظرها ووووو
يتبعععع
9
وقفت داليا قدام صادق و هي خايفة تسأله عن رأيه و اذا كان هيوافق على رحيم ليها ولا لأ
بس حست بغصة ف حلقها لما شافت تعابير الضيق و الرفض على وشه
جت عهد و لما شافت ابوها كدا هتحط ايدها على كتف داليا و قالتلها
عهد...خشي جوا و انا هشوف في ايه
بصتلها داليا و الدموع ف عيونها و قالتلها بحزن
داليا...حاولي تقنعيه ارجوكي
سكتت عهد بجزن عليها و بعدين هزت راسها بمعنى حاضر و داليا دخلت اوضتها
راحت عهد لأبوها و قعدت جمبه
بصلها بضيق و هز راسه بمعنى انه مش راضي
هزتله راسها بتأكيد على كلامه و قالتلها
عهد...كلنا مش راضيين يا بابا بس للأسف هي بتحبه
بصلها بدهشة و قالها
صادق...عشان بتحبه ارميها لواحد فاشل
عهد...بص كدا كدا في فترة خطوبة حاول تطولها عشان تعرفه اكتر و اكيد وقتها هتعرف انه فعلا مش مناسب ليها
هز صادق راسه و قالها
صادق...انا كدا كدا قولت للولد يسيبنا يومين نفكر و اقوله رأيها ايه
هزت راسها بابتسانة و قالتله
عهد...ماشي يا حبيبي هروح انا بقى اطمنها احسن دي خرجت و لاقيتك مضايق خافت اوي
هز راسه بقلة حيلة و قالها
صادق...ماشي يا بنتي
ابتسمتله و قالتله
عهد...عن اذنك انا بقى
و قامت دخلت اوضة داليا
و داليا اول م شافتها راحتلها بسرعة و هي بتقولها
داليا...طمنيني بالله عليكي و قوليلي انه وافق ها
عهد...هو مقالش موافق
ظهرت تعابير الحزن على ملامح وجها و قالتلها بخوف
داليا...يعني ايه
ضحكت عهد و قالتها
عهد...اهدي انتي هتعيطي !! انا مقولتش انه رفض برضو
بصتلها داليا باستغراب و قالتلها بضيق
داليا...م تتكلمي يا عهد انا مش فاهمه منك حاجة !!
هزت عهد راسها بابتسامة و قالتلها
عهد...هو قالي هيفكر و ان شاء الله هيوافق
اترسمت بسمة فرحة على وش داليا و حضنت عهد بفرحة كبيرة و هي بتقولها
داليا...بجد يا عهددد بجدد!!
هزت عهد راسها بابتسامة لفرحة داليا و قالتلها
عهد...بجد يا حبيبتي
كملت بتحذير و هي بتقولها
عهد...بس اياكي تقولي لرحيم حاجة بابا قاله يومين و نبقى نرد عليكم نفذي كلام بابا يا داليا ماشي
هزت داليا راسها بطاعة و هي بتقولها بابتسامة
داليا...اوكية
....سبحان الله و بحمده سبحان الله العظيم
تاني يوم
خرجت عهد من اوضتها بخضة بعد م صحيت من النوم على صوت صريخ داليا بس خضتها اتحولت لفرحة لما لاقيتهم فرحانين و عرفت ان النتيجة ظهرت و بعد م كانت خلصت من قلق داليا بسبب النتيجة لاقيت داليا قلقانة انها متدخلش كلية الاعلام و تبقى مذيعة بس عهد حاولت تطمنها بكل م قدرت
و عدت الايام و كانت و سارة خرجت من المستشفى و كانت عهد كل يوم بتتصل بيها تطمن عليها لكن مبتروحلهاش المستشفى عشان متتحطش ف موقف محرج تاني بسبب يوسف
و صادق وافق على رحيم بعد م داليا فضلت تقنعه و عهد قالتله ان كدا كدا في فترة خطوبة و ف النهاية لو هو نصيبها ف الوضوع هيتم و اللي ربنا كاتبه هو اللي هيكون
...لا اله الا الله محمد رسول الله
و ف يوم كانت عهد ف الكلية و بعد م خلصت محاضراتها كلها
كانت بتتمشى هي و سارة و شمس
اتكلمت سارة بحماس و هي بتقولهم
سارة...خلونا بقى نخرج بما اننا خلصنا انهاردة بدري
ابتسمت عهد و متكلمتش و شمس اتكلمت و هي بتقولها
شمس...اوكية موافقة بس بجد بلاش المطاعم الغريبة اللي بتروحيها دي يا سارة
بصتلها سارة بسخرية و هي بتقولها
سارة...و مالها المطاعم دي بقى يا شمس ؟؟
قلبت شمس عيونها بملل و اتكلمت و هي بتقول
شمس...يا ستي ملهاش بس ايه رأيك نروح ناكل سوشي مثلا او نروح ناكل من عند المطعم الجديد اللي فتح عندنا ف التجمع
ردت عليها سارة بضيق و هي بتقولها
سارة...شمس بجد انا بستنى كل يوم اخرج من البيت عشان اكل الاكل اللي بحبه ف بليز متخليناش نروح ناكل نفس الاكل اللي بناكله ف البيت
مسكت ايد عهد و قالت لشمس و هي بتبص لعهد
سارة...انا هروح مع عهد و كدا كدا معايا العربية نروح ناكل من عند عربية عم ربيع
ابتسمتلها عهد و هزت راسها بترحيب و شمس ظهر على وشها الضيق
بس وقفت سارة هي و البنات لما لاقوا يوسف مستني سارة برا الكلية
اتكلمت سارة بحزن و هي بتقول
سارة...كدا مفهاش خروجة
بصتلها شمس و قالتلها بسخرية
شمس...احمدي ربنا ان اخوكي معبرك يا سارة غيرك بتتمنى اخوها يسألها عاملة ايه حتى
هزت سارة راسها و عهد اتكلمت و. هي بتسلم عليهم و بتقول لسارة
عهد...انا همشي يا سارة
فهمت سارة انها هتمشي عشان يوسف موجود و شمس سلمت عليها و مشيت
و سارة راحت ليوسف اللي كان باين عليه الضيق و هي فهمت انه مضايق عشان عهد بقت صاحبتها
اتكلمت سارة بابتسامة و هي بتقوله
سارة...هاى يا چو
هزلها راسه و متكلمش و هي سكتت عشان ميتخانقوش
اتكلم يوسف و هو بيقولها
يوسف.... خلصت الشركة انهاردة بدري و قولت اعدي عليكي اخدك معايا
هزت راسها بابتسامه و قالتله
سارة... شكرا أبية
ابتسملها و راحلوا للعربية و مشيوا
.... سبحان الله و بحمده سبحان الله العظيم
رجعت سارة البيت هي و يوسف و رقية اول م شافتعا راحتلها بسرعة حضنتها و قالتلها
رقية... حمدالله على السلامة ياقلبي
ابتسمت سارة و قالتلها
سارة... الله يسلمك يا ماما
سألتها رقية بقلق و هي بتقولها
رقية... عاملة ايه انهاردة حسيتي انك تعبانة و انتي ف الكلية
هزت سارة راسها يمين و شمال بنفي و رقية قالتلها
رقية... ماشي فرحة قالتلي ان ساعة بالكتير و الاكل هيكون على السفرة
هزت سارة راسها و قالتلها
سارة... طيب انا هطلع اوضتي على م الاكل يجهز
هزت رقيو راسها و سارة طلعت بس بعد م كانت هتدخل اوضتها راحت لأوضة ندى تقعد معاها و بالمرة تقولها متاكلش كتير عشان يروحوا سوا عند عهد
... لا إله إلا الله وحده لا شريك له له الملك وله الحمد يحيي و يميت و هو على كل شيء قدير
ف اوضة ندى
كانت قاعدة باصة لأمها بخوف و هي شايفه كمية الغل ف عيونها و سامعة كمية الحقد اللي ف الكلام اللي بتقوله لبنتها
مروة... زمانها دلوقتي راجعة من كليتها اياكي ثم اياكي يا ندى تتكلمي معاها فاااهمه و لو هي كلمتك تردي هلى قد السؤال سامعاني
ردت عليها ندى بحزن و هي بتقولها
ندى... ليه.. هي مأذتنيش ف حاجة عشان اجرحها كدا
ردت عليها امها بضيق و هي بتقولها
مروة... مأذتكيش ف حاجة ازاي دا كفاية حب جدها ليها و ان كل طلباتها اوامر
دمعت عيون ندى و قالتلها
ندى... ليه مُصرة تزعليني منهم و خلاص انا جدو بيعاملني كويس انا كمان على فكرة
ردت عليها مروة بغيرة و حقد و هي بتقولها
مروة... بس مش زييها
بصت ندى للناحية التانية و دموعها نزلت بحزن
و مروة قالتلها بضيق و هي بتنهي الكلام
مروة... نهاية الكلام.. لو لاقيتك عملتي عكس اللي قولتلك عليه يا ندى متلوميش وقتها الا نفسك فاهمه
هزت ندى راسها بحزن و مروة راحت ناحية باب الاوضة
فتحت الباب عشان تخرج بس اتصدمت لما لاقيت سارة ف وشها و بتبصلها و هي باين عليها الغضب و الحزن ف نفس الوقت وووو
يتبععععع
10
اتصدمت مروة لما فتحت الباب و لاقيت سارة ف وشها
مكنتش عارفة هي سمعت اللي اتقال ولا لأ بس حاولت متبينش توترها و اتكلمت بحدة و هي بتقول لسارة
مروة...نعم ؟؟
بصتلها سارة و مرديتش و مروة اتكلمت بضيق لما شافت سارة ساكتة
مروة...خير القطة بلعت لسانها ولا اية ؟
اتكلمت سارة بضيق و هي بتقولها
سارة...هو في ايه يا طنط ؟؟..هو حضرتك هتفضلي تغلي مني كدا كتير ولا ايه !
اتصدمت مروة و ندى بصت لسارة بأسف و احراج ف نفس الوقت
اتكلمت مروة بعصبية و زعيق و هي بتقول لسارة
مروة...نعممم يا حبيبتييي !! اغل منك ؟؟؟ لا حقيقي برافو بجددد
اتكمعت العيلة على صوتها و رقية قالت لمروة باستغراب
رقية ...في ايه يا مروة صوتك عالي على بنتي ليييية !!!
ردت مروة بغضب و هي بتقولها
مروة...كويس انك جبتي عشان احيكي على تربيتك لبنتك اللي مش متربية اصلا
اتعصبت رقية جدا و قبل م ترد كان بوسف سبقها لما قال لمروة بغضب
يوسف ... مرات عمي انا ساكتلك من الصبببح بس لووو قولتي كلمة متعجبنيييش عن اهلييي يبقى هتشوفي مني وش عمرك ف حياتك ما شوفيه فااااهمه
كانت مروة بصاله بدهشة و خوف ف نفس الوقت من زعيقه
بس اتكلمت بضيق و هي بتقوله
مروة...طب مش تسأل هي عملت ايييه
رد عليها بضيق و غضب و هو بيقولها
يوسف....ايا كان اللي عملته صوتك ميعلاش عليها و متكلميهاش اصلا تيجي تقوليلي او تقولي لأمب و احنا نتصرف انما صوتك ظا تعليه على بنتك مش على اختي
سكتت مروة بغضب و سارة سابتهم و نزلت بسرعة و هي بتعيط
ندهت عليها رقية بخوف و انها تخرج برة القصر و تسوق و هي مضايقة بس سارة مكنتش سامعاها اصلا و فعلا خرجت من البيت
بصت رقية ليوسف و هي بتقوله
رقية... روح شوف اختك
هز راسه و خرج بسرعة يلحقها قبل م تمشي بالعربية بس للأسف لما خرج ملقاش عربيتها اصلا معرفش يعمل ايه راح لعربيته و انطلق بالغربية على اقصى سرعة و هو بيدور عليها
اما فاروق ف بص لمروة بغضب و قالها
فاروق...كفاية ظلم ف البت بقى و كفاية حقد يا مروة
قال كلامه و مشي و ندى بصت لأمها و هي دموعها نازلة بحزن و قالتلها
ندى...مبسوطة دلوقتي صح
مروة...احترمي نفسك و انتي بتتكلمي مع امك يا ندى
هزت ندى راسها و بصت قدامها تاني و هي بتعيط و مروة خرجت و سابتها ولا كأن بنتها بتعيط و زعلانة
....سبحان الله و بحمده سبحان الله العظيم
عن سارة
كانت بتسوق عربيتها على طريق سريع و هي دموعها نازلة بحزن بعد م سمعت اللي مروة قالته لندى عنها
مسكت تليفونها و رنت على عهد و استنت ترد و هي الدموع ف عيونها
و بعد وقت عهد ردت عليها
عهد...ازيك يا سارة
اتكلمت سارة بحزن و احراج و هي بتقولها
سارة...عهد انا اسفة بس ممكن اجيلك
سكتت عهد و هي مش فاهمه حاجة و سارة كملت كلامها بتصحيح و هي بتقولها
سارة....او او نخرج ف اي مكان عادي
ردت عليها عهد بسرعة و هي بتقولها
عهد...لأ لأ تعالي عادي تنوري طبعا كدا كدا مفيش حد غير امي و داليا بنت عمي بس
هزت سارة راسها و سكتت و عهد سألتها بقلق عليها و هي بتقولها
عهد. .انتي كويسة ؟؟
ردت عليها سارة و هي صوتها كله مخنوق
سارة...لما اجي هحكيلك كل حاجة
سمعت صوت ف المكالمة بيدل على ان في اتصال من حد
بصت لشاشة التلبفون لاقيته يوسف اخوها
و عهد ردت عليها بابتسامة و هي بتقولها
عهد...ماشي يا حبيبتي هبعتلك اللوكيشن
هزت سارة راسها و قفلت المكالمة و كل دا يوسف بيحاول يرن عليها و هي مش بترد
اول م عهد بعتتلها اللوكيشن مشيت بالعربية ف الاتجاه بسرعة
....استغفر الله العظيم و اتوب اليه
عند يوسف اللي كان سايق العربية و هو هيتجنن من اختافئها و عدم ردها على اتصالاته
فضل يلف بالعربية ف الكومباوند بتاعهم كله و حوالبن الكومباوند كمان و ف اي مكان توقع انها تروحه بس ملقاهاش
ضرب الدركسيون بغضب و هو بيلص للتليفون و بيتصل بيها تاني للمرة العاشرة
يوسف...ردييييييي
....لا اله الا الله محمد رسول الله
في بيت صادق
راحت عهد بسرعة لأمها اللي كانت ف المطبخ بتعمل كيكة و قالتلها
عهد...ماماوفي واحدة صاحبتي جيالي
هزت هالة راسها و قالتلها
هالة...تنور يا حليلتي بس مين دي ؟
عهد...واحدة معايا ف الكلية من التجمع
حطت هالة ايدها على بوقها بصدمة و كسوف و قالتلها
هالة...يلاهوي يا عهد هتجيلك هنا و هي من التجمع
ابتسمتلها عهد بمعنى ان دا غصب عنها و قالتلها
عهد...هي كويسة عموما
اتكلمت هالة و قالتلها
هالة ...ربنا يستر
هزت عهد راسها و قالتلها
عهد...ابقي عرفي داليا بقى
هزت هالة راسها بمعنى حاضر و رجعت تكمل الكيكة
...سبحانك اللهم و بحمدك
كانت سارة باصة للشارع باستغراب و هي ماشية بالعربية بالراحة و خايفة العربية تبوظ بسبب العيال اللي عماله تلعب ف الشارع و صوت ضحكهم. العالي
اتوترت من نظرات الناس المستغربة منها و من العربية
رنت على عهد بتوتر و قالتلها
سارة...عهد انا وصلت بس مش فاهمه انتي انهي عمارة
عهد...انتي فين طيب
بصت سارة جمبها لاقيت محل منظفات بصت على اليافطة و قالت لعهد و هي بتقرأ الاسم
سارة...محل الأفضل للمنظفات
هزت عهد راسها و قالتلها
عهد...طيب انا نازلالك
هزت سارة راسها و قالتلها بسرعة و هي خايفة من نظرات العيال اللي بقت باصة للعربية بزهول
سارة...بس بسرعة يا عهد ماشي
هزت عهد راسها و خدت المفاتيح و نزلت بسرعة راحت لسارة اللي اول م شافتها ابتسمت و نزلت بسرعة من العربية و راحتلها
سلمت عهد عليها و قالتلهت بابتسامة
عهد...تعالي يلا
هزت سارة راسها و رجعت بصت للعربية تاني و بصت لعهد
بصت عهد للعيال اللي كانوا باصين لسارة باستغراب و قالتلهم بتهديد
عهد...لو حد فيكوا فكل بس مجرد تفكير انه يقرب من العربية بس هقول لأمه و ساعتها بقى الشبشب هو اللي هيتكلم
بصتلها سارة بزهول ان دي عهد و العيال هزوا راسهم ليها بخوف و مشيوا بسرعة
بصت عهد لسارة تاني و قالتلها
عهد...يلا
راحت سارة معاها و طلعوا البيت
كانت سارة بتبص حواليها على المكان و هي حسه فيه بدفى عمرها م حسيته ف بيتها و قد ايه رغم ان المكان بسيط الا انه جميل جدا و حست انها ف بيتها
ابتسمتلها عهد و قالتلها
عهد...معلش يا سارة
بصتلها سارة باستغراب و قالتلها
سارة...على ايه
ابتسمت عهد و قالتلها
عهد...شكل المكان و دوشة الشارع و كل دا مش من مقامك
حطت سارة ايدها على بوقها بصدمة من كلام عهد و قالتلها بأسف و حزن
سارة...لا خالص ...و بعدين دا انا اللي اسفة اني جيت فجأة كدا بس بجد محتاجة اتكلم مع حد و ملقتش حد غيرك
طبطبت عهد عليها و قالتلها
عهد...تحبي نقعد ف البلكونة ؟
هزت سارة راسها و قالتلها
سارة...لا لا عادي اي مكان
ف الوقت دا جت هالة و قالتلها
هالة...ازيك يا سارة
اول م سارة شافتها قامتلها على طول
و هالة قالتلها بابتسامة
هالة...انا هالة مامة عهد
ابتسمتلها سارة و قالتلها
سارة...ازي حضرتك يا طنط
ابتسمت هالة و ردت عليها بترحيب و هي بتقولها
هالة...الحمدلله ازيك انتي يا حبيبتي
هزت سارة راسها و قالتلها
سارة...الحمدلله بخير
ابتسمتلها هالة و قالتلها
هالة...نورتي البيت يا حبيبتي
سارة...بنورك يا طنط
بصت هالة ليها هي و عهد و قالتلهم
هالة...هسيبكوا انا بقى
وجهت كلامها لسارة و هي بتقولها
هالة...البيت بيتك
ابتسمتلها سارة بشكر و هالة مشيت
بصت عهد سارة اللي عيونها دمعت مرة واحدة
اتكلمت عهد و هي بتقولها
عهد...تشربي ايه
هزت سارة راسها يمين و شمال و قالتلها
سارة.. ولا اي حاجة
مسكت عهد ايدها و قالتلها
عهد...طب تعالي نفكر ف المطبخ نعمل عصير ايه
مستنتش تسمع رد سارة و خدتها بسرعة للمطبخ
اتكلمت عهد و هي بتعمل العصير و بتقولها
عهد...احكي يلا سامعاكي
هزت سارة راسها و بدأت تحكيلها من اول م رجعت القصر لحد م سمعت كلام مروة و خناقتهم و هي الدموع ف عيونها
قالتلها عهد بزهول و هي بتقطع الكيكة و بتحطها ف اطباق
عهد...يعني انتي متأكدة انها كانت بتقول الكلام دا عليكي انتي !!
هزت سارة راسها و قالتلها و هي بتعيط
سارة...ايوا طبعا يا عهد دا غير انها بتتكلم معايا وحد جدا و انا كنت حسه انها بتبعد ندى عني و بتخليها متكامهاش بس عمري م كنت اتوقع انها هتكون بتغل و تحقد عليا للدرجادي بجد
حضنتها عهد بحزن عليها و سارة فضلت تعيط كتير جدا
بصتلها عهد و هي بتديها كوباية ماية و بتقولها
عهد...اهدي طيب و اشربي ماية
هزت سارة راسها و خدت الماية تشرب و بعدين عهد اتكلمت بعد م اديتلها العصير و طبق الكيك
عهد...محدش منهم كلمك خالص
سارة...لا أبيه كلمني بس انا مردتش عليه
اتصدمت عهد و قالتلها
عهد...طب لية اكيد هيضايق منك كدا
هزت سارة راسها و قالتلها
سارة...يا عهد لو كنت رديت عليه كان هيخليني اروح و انا كنت محتاجة اتكلم مع اي حد
هزت عهد راسها بتفهم و سارة قالتلها بقلق
سارة...انا بس قلقانة انه يعرف مكاني من التليفون
بصتلها عهد بقلق و قالتلها
عهد...لأ متهزريش
سكتت سارة بقلق و عهد قالتلها
عهد...طب من فضلك يا سارى كلميه عشان انا مش ناقصة يجي يهيني ف بيتي كمان
سكتت سارة باحراج من يوسف و هزت راسها و هي بتاخد التليفون عشان ترن عليه
سمعت صوت بنت بتقول و هي داخلة المطبخ
داليا...ايه ريحة الكيك الحلوة دي
بس وقفت مكانها بصدمة لما لاقيت سارة و بصت لعهد بمعنى مين دي
اتكلمت عهد و هي بتقولهم
عهد...سارة داليا بنت عمي اللي قولتلك عليها
رجعت بصت لداليا و قالتلها
عهد...داليا سارة صاحبتي معايا ف الكلية
بصت داليا لسارة و ابتسمت و هي بتقولها
داليا...هاي
هزت سارة راسها و شاورتلها بايديها و هي مبتسمة
ادت عهد طبق كيك لداليا و داليا قالتلهم
داليا...هسيبكوا انا بقى
و شاورت لسارة بمعنى باي
شاورتلها سارة هي كمان و هي مبتسمالها و رنت على يوسف اللي اول م شاف اسمها رد عليها بسرعة و هو بيقولها بغضب لدرحة ان صوته خرج من التليفون و عهد سمعته
يوسف...مبترديييش على الزفت التليفوووون ليييييه
ردت عليه سارة بحزن و هي بتقوله
سارة...سوري يا أبية بس بجد حسيت اني مخنوقة و مش عايزة اتكلم مع حد خالص
سكت بغضب و بعدين قالها بزعيق
يوسف....انتيييي فييين دلوقتييي
بصت سارة لعهد بزعل انه هيخليها تمشي و يوسف اتكلم و هو بيقولها
يوسف...الوو؟؟
ردت عليه بحزن بعد م وطت صوت التليفون شوية عشان لو زعق او قال اي حاحة عهد متسمعش
سارة...روحت عند عهد يا أبيه
سمعت صوت خبطت ايده على الدريكسيون بغضب و هو بيكرر كلامها تاني بسخرية و. حمدت ربنا ان الصوت مش ظاهر لعهد
اتكلمت بحزن و هي بتقوله
سارة...بعد اذنك انا مش هتأخر بس انـ...
قاطع كلامها و هو بيقولها
يوسف...لينا كلام تاااني يا سارة
اتنهدت بحزن و قالتله
سارة...تمام
لاقيته قفل التليفون و هي نزلت التليفون من على ودنها بحزن
عهد...زعقلك عشان جيتي صح ؟
مرديتش سارة عليها و دموعها نزلت بغزارة و حزن
زعلت عهد عليها جدا بس لمعت ف مخها فكرة عرفت انها هتخلي سارة تفرح
اتكلمت عهد بحماس و هي بتقولها
عهد...انتي مش كنتي عايزة تاكلي ساندويتشات من عند عم ربيع يلا بينا
و بصتلها سارة و هزت راسها برفض و. قالتلها
سارة...مش عايزة اكل حاجة
اتكلمت عهد بنفي و هي بتقولهة
عهد...ابدا يلا بسرعة
و خدتها و نزلوا بسرعة بعد م عرفت امها انها نازلة
....سبحان الله و بحمده سبحان الله العظيم
عند يوسف
اول م قفل المكالمة مع سارة كلم محمد و قاله
يوسف....محمد انا لسه مكلم سارة دلوقتي اعرفلي العنوان اللي هي موجودة فيه بسرعة فاهمني
محمد... حاضر يا يوسف بس هو في حاجة ولا ايه !!!
ردت يوسف بغضب و عو بيقوله
يوسف....بسرعة يا محمد بقووولك انت لسة هترغي معايااا
هز محمد راسه بتوتر و قاله
محمد...عشر دقايق و هبعتلك العنوان بالتفصيل
و قفل المكالمة و يوسف عيونه بتطلع شرارات غضب و هو بيتوعد لأخته
....استغفر الله العظيم و اتوب اليه
بعد وقت كانت سارة بتبص حواليها على الناس و المحلات و الأطفال
فاقت على صوت اطباق الأكل اللي اتحطت على الطرابيزة بتاعتها هي و عهد
بصت لعهد بابتسامة و قالتلها
سارة...يا بختك يا عهد
قفلت عهد حواجبها باستغراب و قالتلها
عهد...على ايه
سارة ... على المكان اللي انتي عايشة فيه
ضحكت عهد و قالتلها
عهد...دي اخر حاجة كان ممكن اتوقع اني اسمعها منك بجد
ابتسمتلها سارة و قالتلها
سارة...حقيقي يا بختك يا عهد دا كفاية الناس اللي تحسيهم كلهم اهلك و الناس اللي بتسلم عليكي و كلكه عارفين بعض و زي م تكونوا عيلة و المكان دا بيتكوا ...عكس عندنا خالص محدش عارف حد ولا حد بيسأل عن حد حتى ف البيت نفسه محدش بيسأل ف حد غير وقت الأكل بس هو دا الوقت الي بنتجمع كلنا فيه غير كدا كل واحد لوحده مفيش غير أبيه بس هو اللي بيكلمني و لما بيبقى فاضي
ابتسمت عهد و قالتلها
عهد...طب كلي يلا
و خدت سارة ساندويتش و عهد كمان
و كانت عهد بتاكل و هي بتبسم ف نفسها بسخرية ان محدش عاجبه حاله و كل واحد شاسف عيشة غيره احسن منه
سابت سارة السندويتش و هي باصة قدامها بقلق و خوف استغربت عهد و قالتلها
عهد...مالك يا سارة
بس سارة مردتش عليها و فضلت باصة قدامها
بصت عهد مكان م سارة باصة لاقيت عربية فخمة جدا بس مقدرتش تشوف مين صاحب العربية
رجعت بصت لسارة و قالتلها
عهد...مين دا ؟
بس سارة قالتلها بسرعة
سارة....انا لازم امشي
استغربت عهد و قالتلها
عهد...في ايه بس يا سا...
بس سكتت لما سمعت صوته الغاضب و هو بيقول لسارة
يوسف....انتي ازاااي تيجي مكان مقرف و بيئة زي داااا !!!!!
بصت سارة لعهد بأسف و هي الدموع ف عيونها و رجعت قالت ليوسف بحزن
سارة....ابية من فضلك خلينا نتكلم ف البيت بلاش هنا بلاش تخرجها وسط جرانها و اهلها من فضلك
هز يوسف راسه ليها و وجهه يوسف كلامه لعهد و هو بيقول
يوسف....اسمعي يا بت انتي ...اخر مرة الاقيكي بتتكلمي مع اختي فاااهمه ولا لأ
مردتش عهد عليه و بصت لسارة اللي كانت بتعتذرلها بأسف و احراج و قالتلها و هي حسه بكسرة و احراج و حزن و كمية مشاعر متلغبطة قدرت بكل براعة تخفيها و تتكلم بثقة
عهد...عن اذنك يا سارة
قالت كلامها و راحت بيتها و سارة فضلت تقولها كلمة واحدة بس و هي
سارة...معلش يا عهد متزعليش بالله عليكي
رد عليها يوسف بغضب و هو بيقولها
يوسف...انتي بتعتذري لمييين دي مشيت و سابتني و انا بتكلم هي متعرفش انا مين ولا ايه دا انا ادفنها هي و شارعها دا كله
كان قصده على الناس اللي كانت واقفة بتبص عليهم بسبب صوته العالي و اللي كلهم شافه عهد لما مردتيش عليه و مشيت و دا خلاه يتعصب جدا لأن الكل بيعمله الف حساب و بيحترمه
ردت سارة بدموع و هي بتقوله
سارة...كفاية تهزيق لحد كدا و خلينا نروح يا أبية و انا اللي بقولك وقتها زعقلي براحتك وووو
يتبععععع
عهد بحب كاذب
البارت العاشر
بقلمي مريم أحمد
اتفاعلوا يا جماعة ♥️♥️
استغفر الله العلي العظيم و اتوب الليه عدد خلقه و رضى نفسه و زنة عرشه و مداد كلماته
الفصل الحادي عشر حتى الفصل التاسع عشر من هنا
❤️🌺❤️💙🌺❤️💙🌺❤️💙🌺❤️💙🌺❤️💙🌺
الروايات الكامله والحصريه من هنا
انضموا معنا على تليجرام ليصلكم اشعار بالروايات فور نزولها من هنا
❤️💙🌺❤️💙🌺❤️💙🌺❤️💙🌺❤️💙🌺❤️💙🌺
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
