رواية ندم لايفيد الفصل الأول والثاني والثالث بقلم مارينا علي حصريه وجديده على مدونة النجم المتوهج للروايات والمعلومات
الاكل كله بقى جاهز والشقة اتروقت اتبقى.. اتبقى ايه تانى اعمله
=ياحبيبتي ياملك مفضلش حاجة بس اهدى شوية
لا لا انا حاسة ان العيال بهدلوا الدنيا انا لازم امسح الشقة تانى
=ملك والله كل حاجه زى العسل دى المرة الرابعة الل تمسحى فيها
جلست الاخرى على المقعد وقالت بتوتر
انا خايفة اوى ياكيان دى دى اول مرة اشوفه بعد 8 سنين مش مصدقة انى اخيرا هشوفه
قالت الاخرى بابتسامة: للدرجادى بتحبيه
ملك بعشق: يزن كل حياتى انا مش بس بحبه انا بعشقه
كملت بتذمر: كنت عايزه اروح استقبله فى المطار بس حكم القوى
ضحكت كيان وقالت
=تقصدى ماما صح
ملك: بصراحه ايوا يعنى ايه المشكلة لو كنت روحت معاهم
كيان: ياحبيبتي ماما متقصدش انها تزعلك بس عشان العيال وانتى عارفه محدش بيقدر على عيالك دول مابيطبلوش شقاوة بيفكرونى بيزن وهو صغير
ملك بتذكر: يااه ده كان شقى اوى وكان دايما يفضل يستفزنى
قاطع كلامهم دخول ست كبيرة وفى ايدها سبحه من ينظر لها يشعر بالسلام النفسى
=انتم لسة هنا ياعيال انزلوا زمان جوزك على وصول يابنتى
ملك وهيا بتقوم
=حاضر ياماما نازلين اهو
وبالفعل نزلت قعدت مع عيلتها وكلهم مستنيين وصول يزن
ايه ياملك الل انتى عاملاه فى روحك ده
كانت لسة ملك هترد بس كيان سبقتها وقالت
واحدة جوزها جاى من سفر ياحبيبتي مش لازم تستقبله وهيا فى اجمل صورة قدامه ولا ايه؟
ثنية : ايوا طبعا مظبوط بس متبقاش اوفر كدة عاملة زى عروسة المولد
ملك بحزن: الله يسامحك ياثنية انا مش هرد عليكى
حست كيان بتوتر الاجواء خصوصا انها عارفه ان اختها ثنية بتكره ملك كره شديد وده لسبب لايعلمه سواها
كيان بمرح: تفتكروا يزن اخويا شكله اتغير
ملك بحب: اكيد لسة قمر زى ماهو
سمعوا صوت العربيات فقامت ملك بفرحة
اكيد وصلوا يز.. يزن جه ياكيان
كيان بفرحة: ايوا ياحبيبتي جم
طلعوا كلهم يبصوا من الشباك ولقوا يزن ووالدته ووالدة لكنهم ملاحظوش ان كان معاهم بنت شقرا كانت بتبص للمكان بغرابة
اول مايزن دخل سلم على اخواته باشتياق كبير جدا
كيان وهيا بتحضنه: ياحبيبى اخيرا جيت حمد لله على سلامتك
يزن بحنان: وحشتينى اوى ياروحى
كانت ملك بتبصله بشوق كبير ودموعها نازلة وعيالها ماسكين فى ايدها
قرب يزن من ملك وابتسم اول ماشاف عياله الل بقاله سنين مشافهومش لكن العيال اول ماشافوه حضنوا ملك بخوف فدموع ملك نزلت اكتر حتى يزن عينه دمعت وحس بنزغة فى قلبه
يزن بحنان: حبايبى انا بابا مش هتسلموا عليا
ملك مكنتش قادرة تنطق حرف كانت بس بتبصله بحب واشتياق كبير مش قادرة تصدق انها فعلا شايفاه
بص العيال لوالدتهم فهزت راسها ليهم انهم يحضنوا ابوهم ومياخفوش
خدهم يزن فى حضنه بلهفة وفضل يبوس فيهم وجت اللحظة الل مفروض يزن يسلم على زوجته بصلها يزن وقال برسمية: ازيك ياملك
انصدمت من طريقته معقول هو ده اللقاء الل كانت منتظراه هل يعقل انه لم يشتاق لها مثلما اشتاقت هى له لكن الل زاد صدمتها لما جت البنت الشقراء الجميلة بملامحها الاجنبيه وقالت ليزن بلغة عربية مقطعه
=يزن قول مراتك مش مفروض انتى تخب عليها اكتر كدة
ملك بصدمة تكاد تقتها: مين ده يايزن وتقولى ايه
يزن ببرود: روز تبقى مراتى
الفصل الثاني
مين دى يايزن وتقولى ايه
يزن ببرود: روز تبقى مرات
رددت ملك كلامه بعدم تصديق: مراتك!!
يزن: ايوا روز تبقى مراتى
ملك وهيا بتهز راسها بعدم تصديق: لا... لا انت اكيد بتهزر معايا مستحيل انك تعمل فيا كدة انت بتهزر ياحبيبى صح؟؟
يزن ببرود: ملك الافضل اننا متكلمش قدام العيال
ملك بصراخ: يعنننى اييييه انت بتتتكلم بجد انت فعلاااااا اتجوزتها عليا ليه يايزن ليييه وعيااااالنا طب انت بتحبنى ازاااار تعمل كدة
رودى بدموع: ماما هو بابا اجوز واحدة غيرك وخلاص هسيبنا
يزن: كيان من فضلك دخلى العيال
ملك بعياط: لا سييبى العيال خليهم يشوفوا باباهم الل مستنييه من 8 سنين كسر فرحتنا ازاى
يزن: من فضلك ياملك دول اطفال بلاش نأثر على نفسيتهم
ملك بصراخ: وانت رااااعيت انهم اطفال ليييه يايزن تعمل فينا كدة
والدة يزن: ماخلاااص بقى ياحبيتى كفاية دراما قالك انه اجوز مفيش داعى لكل الل بتعمليه ده لانه مش هيغير حاجة
والدة ملك: انتى ايه ياشيخه شيطااانة طول عمرك بتكرهى بنتى وبنتى مستحملاكى وساكته عشان جوزها وعيالها لكن حصلت انك تقفى جمب ابنك وهو بيظلم واحدة
يزن: لو سمحتى يامرات عمى متكلميش ماما بالطريقه دى
اتكلمت روز برقه واستغراب: يزن هو ليه الكل استغرب من احنا
راحت ملك قدامها بعصبية وكانت لسة هتجيبها من شعرها بس يزن وقف قدامها ومنعها
يزن: ملك لو سمحتى اهدى مينفعش كدة دى متتحملش الل انتى بتعمليه
ملك وهيا بتزيح دموعها بقوة: يزن طلقنى انا مش هعيش مع واحد زيك
بص يزن لاخواته بنظرات غير مفهومه
مراد (اخو يزن): ملك اهدى واحنا هنفهمك كل حاجة عشان حتى خاطر العيال
ملك بغضب: تفهمنى ايييه... لحظة واحدة هو انتم كنتم عارفين ان يزن مجوز علياااا...
سكت مراد بخجل هو وريان اخو يزن الاخر
ملك بدموع: يعنى كلكم كنتم عارررفين ان البيه الل انا مستنياه م 8 سنين اجوز عليا ومخبيين عشان كدة مكنش بيكلمنى خالص ولما كنت بسألكم كنتم تقولوا انه مش فاضى وعنده شغل... منك لله يايزن انا عمرى ماهسامحك
كانت لسة ملك ماشية بس والدتها وقفتها
هتروحى فين يابنتى!
هسيب البيت وامشى ياماما
ردت والدتها بعصبية: ده بيتك يابنتى زى ماهو بيته انتى ناسية ان لينا فى الييت ده زيهم واذا كان حد مفروض يمشى فهو والاجنبية دى الل جابها معاه
(ملك تبقى بنت عم يزن والبيت الل هما فيه بيت عيلة عشان كدة ملك معندهاش اى مكان تانى تروحه لان ده يعتبر بيت اهلها وجوزها فى نفس الوقت)
والدة يزن: ابنى مش هيمشى ويروح فى مكان ياست خديجة
ولا بنتى هتمشى وياريت ابنك يسيب بنتى فى حالها ويطلقها
يزن: خلاص يامرات عمى كفاية وبالنسبة لملك انا مليش دعوة ببنتك خالص وفى اقرب وقت هطلقها
ملك بكسرة: وقدرت تقولها بكل بساطة كدة اكننا محبناش بعض خالص انا.. انا عمرى ماهسامحك يايزن
حست ملك بدوخه وفقدت وعيها
خديجة ببكاء: بنتى.. بنتى
مراد بخوف:حد يجيب علاجها بسرعة
مر يومين وكانت الاوضاع لسة متوترة ومش عارفين هيعملوا ايه بالظبط كانت ملك رايحه اوضه مامتها فسمعتها وهيا بتكلم يزن
خديجة بتوسل: يابنى حرام عليك ملك عندها القلب ولو عرفت حاجة زى دى ممكن تروح فيها
يزن ببرود: ماهى قدرت تستحمل خبر جوازى ومحصلهاش اى حاجة وبعدين مش ذنبى انكم معرفتوهاش انا قايل لعمى قبل ماسافر
خديجة وهيا بترجاه: طيب اصبر شوية وبوعدك انى بنفسى هعرفها
وفى لحظة اقتحمت ملك الغرفه وقالت
=تعرفينى ايه ياماما!؟
تفتكروا ايه الل ملك متعرفهوش تانى
الفصل الثالث
خديجة وهيا بتترجاه: طيب اصبر شوية وبوعدك انى بنفسى هعرفها
وفى لحظة اقتحمت ملك الغرفه وقالت
=تعرفينى ايه ياماما!؟
خديجة بتوتر: ولا.. ولا حاجة يابنتى
ملك باصرار: لا ياماما فى ايه الل لسة انا معرفوش
يزن: بصراحه فى حاجة ياملك انتى لازم تعرفيها
ملك بغضب: انا سألت ماما مسألتكش انت.. وبعدين انا مش قولتلك تطلقنى ورقة طلاقى فين
يزن بهدوء: ماهو ده الل كنت عايز اكلمك فيه بس طنط الل مش موافقه
خديجة: لايايزن بلاش
ملك بعدم نفهم: مش فاهمه بتتكلم عن ايه
يزن: بصراحه ياملك انا طلقتك قبل ماسافر
ملك بصدمة: ايييه!! انت بتقول ايه
يزن: دى الحقيقة ياملك انا... انا عمرى ماحبيتك اجوزتك لان بابا الل كان عايز كدة وقالى لو انا مجوزتكيش هيحرمنى من الورث عشان كدة كنت دايما ممانع انك تخلفى منى بس انتى عملتى الل فى دماغك وحملتى واول ماجالى فرصة انى اسافر مترددتش لحظة بس قبلها كنت طلقتك والل ساعدنى انى آخد القرار ده ان بابا كان مات
نزل كل الكلام ده على ملك زى الصاعقه معقول مكنش بيحبها من الاول لا وكمان طلقها
بصت ملك لوالدتها بعتاب شديد وكسرة
ليه ياماما... ليه خبيتى عليا شايفانى بتعذب طول السنين دى وهو بعيد عنى وسايبانى اعيش فى الوهم
وبعدها جريت ملك من الفيلا كلها
خديجة وهيا بتمشى وراها بتحاول تلحقها وتفهمها
=بنتى استى انا... انا مكنتش اعرف ابوكى وعمك الل كانوا عارفين انا معرفتش.. غير من فترة صغيرة
مراد بقلق: فى ايه يامرات عمى هيا ملك مالها؟؟
خديجة بعياط : الحقها بسرعه يامراد عرفت ان يزن مطلقها ومعرفش راحت فين الحقها يابنى لاتعمل حاجة فى نفسها
مراد بااستعجال: حاضر حاضر متقلقيش انا هروح وراها
كانت روز فى اوضتها بتبص من الشباك فشافت ملك وهيا بتركب عربيتها وطالعه بعدها أجرت اتصال
روز: ايوا خرجت دلوقتي روح وراها
مجهول:......
روز: ياريت تخلص عليها مش عايزها تكون عايش تانى خلاص اكلمك بعدين
بتكلمنى ياحبيبتي
التفتت روز بتوتر: انا... كنت اكلم ماما
يزن باستغراب: بتكلمى مامتك بالعربى!!
ارتبكت روز شوية بعدها ردت بسرعه
ماما بتعلم أربى عشان نازل مصر فقولت اعلمها
يزن:دى تنور طبعا ياحبيبتي
لفت ايدها حوالين رقبته بدلال فبصلها يزن بعشق
روز: بحبك اوى يايزن
يزن وهو بيقرب منها اكتر: وانا بعشقك
كيان بغضب وهيا بتقتحم الاوضه: انتم قاعدين هنا بتحبوا فى بعض وملك مختفية
روز بغضب: انت ازاى تدخل من غير ماتخبط انت حيوا*ن
يزن: روز عيب تقوليها كدة... وانتى ياكيان عايزانى اعمل ايه ملك انا مطلقها
كيان بصدمة: يعنى الكلام الل بيقوله صحيح انت فعلا مطلق ملك ليه يايزن حرام عليك دى ملك بتحبك اوى دى كانت هتموت وتشوفك
يزن ببرود: كيان ياريت متدخليش
كانت ملك بتسوق عربيتها بسرعه جدا حتى انها خالفت اشارات المرور ومراد كان ماشى وراها بعربيته ورن عليها على موبايلها كتير بس مكنتش بترد لحد ماضطر هو كمان ان يسرع شوية وبقى قريب جدا من ملك
مراد بصوت عالى: ملللللك الل انتى بتعملييييه ده هددددى السررررعه كدة هتعملللى حاااادثة
كانت ملك متجاهلاه تماما وضغطت على فرامل العربية فزادت سرعه العربية
لاحظ مراد حاجة غريبة ان فى عربية ماشية ورى ملك ولاحظت ملك برضه نفس الحاجة كانت العربية بتزق فى عربية ملك وحاولت انها تخفف السرعه وتبعد عن العربية لكن العربية استمرت فى ملاحقتها فلقت مراد بيرن عليها ردت عليه ودموعها نازلة
مراااد فى عربية عمالة تخبط فى عربيتى
مراد: ايوا ياملك شوفتها بس انتى سرعتى اوى وبقيتى بعيدة عنى
ملك بهلع: مراد اعمل ايه انا خايفه اوى
مراد: هدى السرعه ياملك لحد ماوصلك... او اقولك واقفى بعربيتك وانزلى منها بسرعه
حاولت ملك تتوقف العربية بس العربية موقفتش وكانت لسة العربية التانية بتخبط
ملك برعب: العربية مش بتقف يامرا... اااااااه
مراد بخوف: ملللك
بيبص قدامه لقى عربية ملك كانت انقلب والناس بدأت تتجمع
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
متخرجوش واتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق