رواية اسيرة عشقه الفصل الاول والثاني والثالث بقلم أم ريماس صلاح حصريه وجديده على مدونة النجم المتوهج للروايات والمعلومات
 |
اولا ده فصل كده لتعريف الشخصيات وخلفيه عن الروايه وابطالها .
..............
................
عائله الدميري من اكبر العائلات في البلد
ناصر الدميري :رجل بالستون من عمره مراته سابته وسافرت بره مع واحد كانت بتحبه وسابت له ابنه كان طفل عنده 3سنين واتجوزت اللي سافرت معاه واستقرت بره وخلفت بنتين .
فهد ناصر الدميري وشهرته (الفهد)وهو بيحب ينادوله فهد الدميري وده البطل .
تعريفه فهد عنده 30سنه اعزب طويل عريض رياضى جداا بيعشق الرياضه وشغله ماسك شغل ابوه كله وهو ممشى الشركه كويس جدااا وناجح جدااا في شغله بيكره الستات اوى اوى وبيكره سيرتهم بسبب امه وانها سابته وسافرت
ورمته وهو طفل 3سنين واتخلت عنه وربته عمته .
عمته مدام كريمه
كريمه :ست كبيره وطيبه جدااا في الخمسينات من عمرها
عندها اربع اولاد ولدين وبنت وجوزها متوفي وحاليا ساكنه هيا واولادها مع اخوها في فيلته .
اولاد كريمه .
على الكبير دكتور اطفال
ومروان الاصغر فشل في الكليه كذا مره وبيشتغل في الشركه مع فهد
وشهد شغاله في شركه محاسبه لانها بتحب تستغل بنفسها
وهاجر الصغيره.لسه بتدرس
......
.........
............
في مكان اخر في حي من احياء القاهره في حته وسط وراقيه الاحد ما .
تصرخ فتاه فى الخامسه والعشرون من عمرها مش هتجوزو لو مت مش هتجوز اسامه.
يشدها من شعرها اخوها يبقي هتموتى ليبعده يد اخوه الاخر ممدوح انت اتجننت يامصطفي هتضرب اختك قدامنا
مصطفي :هضربها وهكسر رقبتها كمان لتاتى امهم من بره على صوتهم ويصحى اخوهم الاصغر ادم فيه ايه .
ساره :البطله تبكى ساره وبدموع وتتكلم بصوت عالى ابنك عايزنى اتجوز اسامه ابن عمى غصب عنى .
ام ساره:كلام ايه يامصطفي ده .
مصطفي :ايوه هتجوزيه برضاكى غصب عنك هتجوزيه ده ابن عمك واولى بيكى .
ساره:مش هتجوزه مبقبلوش انا بكرهوا ياخى وبعدين اسامه ده اتجوز تلات مرات وطلق .
مصطفي :الراجل راجع من امريكا وعلى قلبه فلوس قد كده وشاريكى وعايزك وطلب منى ايدك وانا وافقت .
ساره :،هتتكلم قاطعها اخوها الكبير ممدوح .
ممدوح :استنى بايده ممدوح يتكلم انت ايه ياعم مصطفي ملكش كبير خلاص بتتصرف في امور البيت من دماغك وبعدين اسامه مجاش كلمنى انا ليه مش انا الكبير برضه .
مصطفي :فيه ايه يااخويا انا وانت واحد وبعدين انت مش فاضى وانا قابلته صدفه وطلب منى ايدها ومستعد يعمل اللي نقوله.وطلباتنا كلها مجابه .
ممدوح :طلباتنا اه طلباتنا طلبات مين بقي .
ادم:مصطفي عنده حق البنت دى هتقعد لاامتى دى عندها 24سنه وكل عريس بترفضه ماله اسامه بقي .
ساره :لقيت الموضوع في الجد وبيحاولوا يقنعوا ممدوح وادم ومصطفي موافقين ولو اخوها ممدوح وافق هيجوزوها غصب عنها ساره بصوت عالى ماما قولى حاجه انا مش هتجوز اسامه ده لو اتطبقت السماء على الارض .
امها محتاره نفسها تفرح ببنتها واسامه مناسب للكل وغنى جدااا وابن عمها وفي نفس الوقت خايفه انها تكسر بنتها وتجوزها غصب عنها .
مصطفي :انتى يبنت انتى مش عايزه تجوزى ليه اكيد الموضوع فيه انه انتى غلطتى مع حد وخايفه تنكشفي كل عريس يجيلك تطلعى فيه مليون عيب .
ام ساره :تخرج عن صمتها وتلقي على وجهه ابنها مصطفي بقلم قوى اخرس ياحيوان اخر الزمن بتتهم اختك بكده .
مصطفي :يوضع يده على وجهه بتضربينى يماما ودينى مانا قاعدلك فيها .
ويطلع بسرعه لبره .
يطلع وراه اخوه ادم مصطفي استنى بس انت رايح فين .
ام ساره :تقعد على الكرسي وتبكى بحرقه اول مره تضرب ابنها .
ممدوح :يقرب من امه ويحط ايده عليها يهديها .
وعلى كرسي تانى ساره بتبكى .
............
ساره :عندها 24سنه في اخر سنه اعلام نفسها تكون مذيعه مشهوره مهوسه بالتلفزيون جداا وحلم حياتها انها تكون مذيعه.
.
امها ربه منزل وربتهم هى وابوهم كان لواء في الجيش اتوفي من سنتين تقريبا .
ممدوح :ظابط صغير لكن ملتزم جداا في شغله وهو الكبير فيهم اكبر واحد في اخواته .
نفسه يطلع ذي ابوه ويكون كبير في شغله .
مصطفي :شغال اعمال حره مع نفسه مره ومع جماعه اصاحبه مره بيستورد ويبيع وبيحلم انه يعمل شركه لنفسه لكن اصحابه اللي بيشتغل معاهم بيسلطوه انه يشتغل معاهم في شغل التهريب والممنوعات لو عايز يكبر وهو يعتبر بيفكر لانه بيعشق الفلوس.
ادم :بيدرس في هندسه .
............
ساره جميله جدددااا جدااا وعنيها ملونه وشعرها طويل جدااا واسود ناعم وتشبه ملكات الجمال وعارضات الاذياء.
........
تخبط على الباب ام محمود ودى جارتهم وصاحبه ام ساره.
يفتح لها ممدوح اتفضلى ياخالتى فهيا جارتهم من ثلاثون عام وبيعتبروها في مقام خالتهم لانها بتحبهم جدا .
ام محمود :فين والدتك وفيه ايه يابنى صوتكم جاى لااخر الدنيا ليه طول عمركم هادين .
ممدوح :مصطفي يخالتى انتى متعرفهوش ويشير بيده اتفضلى ماما جوه في اوضه ساره.
ام محمود تدخل :تلاقي ام ساره عينيها كلها دموع وساره لسه بتزعق ابنك عايز يبيعنى لااسامه ابنك طول عمره عايز يخلص منى .
ام محمود :فيه ايه مالكم .
ام ساره :تحكيلها اللي حصل .
..........
الفصل الثانى ..
ام محمود :قاعده تهدى في ساره وامها والامور هديت تماما خلاص وغيرو الموضوع وخلاص كله تمام .
...
يرجع ادم وفي يده اخوه مصطفي من بره .
ممدوح طبعا فتح لاام محمود الباب وخرج راح الشغل.
مصطفي والشر يتطاير من عينيه من غير اي كلام ويبص لاامه بصه كلها عتاب انها اذاي تضربه وهو في السن ده دى عمرها معملتها ويمسك ساره اخته من دراعها ويقومها من فوق الكرسي قومى فذي كده انتى هتقابلى اسامه دلوقتى وهنتفق.
.
ساره :متنطقش من هول الصدمه مش عارفه تعمل ايه .
ام ساره :تقف بينه وبينها ايه اللي جرالك فيه ايه انت اتجننت ابعد عن اختك .
ام محمود :واقفه محتاره مش عارفه تعمل ايه ساره بتعيط تانى .
ام ساره :قول حاجه ياادم ابعد اخوك عن اختك عاجبك اللي بيحصل ده .
ادم :مصطفى عنده حق اسامه عريس ميترفضش
ساره :يعنى ايه يعنى هتجوزونى غصب عنى يعنى انا هتجوز اسامه.
ام محمود جارتهم:استهدى بالله يامصطفي يابنى امك تعبانه انتوا بتعملوا كده ليه .
مصطفي :اسامه هيعيشها احسن عيشه اسامه هيسفرها تعيش معاه بره اسامه الف واحده تتمناه.
ساره :الف واحده بس مش انا انا مبقبلوش مبحبوش.
مصطفي :ابقي حبيه بعدين براحتك بصي ويبص في ساعته قدامك ساعه لو مجهزتيش نفسك هدخل اشقك نصين اقسم بالله هقتلك ويشير بايده وطالع بره وانتى كمان لاامه البسي هنخرج نقابله في فيلته بره ده مش غريب ده ابن عمنا .
ويخرج بره ويسبهم .
ساره:تترمي في حضن امها ماما انا هموت نفسي لو جوزتونى اسامه انا هموت .
ام ساره؛معلش ياحبيبتى اتخطبي له وبعدين سيبيه مش قدامنا حل تانى .
ام محمود :انتى ازاى هترضى بالوضع ده ياام ممدوح ازاى تبيعى بنتك كده اتصلي بممدوح يجى يوقف المهزله دى.
ام ممدوح:لا مستحيل ممدوح لو جا هنا ولادى هيكونوافي بعض وهتحصل كارثه انا مش مستغنيه عن ولادى.
ساره:تبعد قليلا عن امها مش مستغنيه عن ولادك ومستغنيه عنى انا صح .
ساره:مش كده يابنتى بس انتى عارفه مصطفي وجنانه .
ساره:عارفه طول عمرى عارفه وساكته وبعمل اللي بيقولوه اولادك اوك تمام انا هلبس وهروح اقابل اسامه تمام .
ام ساره:ربنا يكملك بعقلك يابنتى وانا كمان هطلع اشوف اخواتك بره واقول لمصطفي انك وافقتى.
ساره :امها خرجت هيا وام محمود ع الصالون بره وهتتجنن ازاى امها وكلهم موافقين ان هما يبيعوها كده ويجوزوها واحد متجوز تلات مرات قبل كده لمجرد انه مليونير وشغال في اميركا ومش مهم اخلاقه هما من امتى بيفكروا كده.
ساره:تقول لنفسها بس انا مش هسكت اكيد مش هسكت لازم اتصرف انا مش هسيبهم يعملوا اللي عايزين يعملوه فيا ده مستحيل.
................
ف بيت فهد
فهد نازل من السلالم بيصفر يقابله ابن عمته مروان
مروان :رايق ياعم شكلك رايح تقابل المزه .
فهد :مزه ايه بس هو انا بتاع الكلام ده .
مروان :امال رايح فين .
فهد:رايح الشغل .
مروان :هتستهبل شغل بعد المغرب احنا بنخلص من اربعه العصر معروفه يعنى .
فهد:يلمس على خده وينزل من السلم لما تكبر هقولك .
مروان :بضحك بقي كده.
فهد :يشير بيده رايح اقابل الدسوقي في بيته لواتاخرت ابقي بلغ.
مروان ينزل وراه يخرب بيتك مش ده اللى كان معاه مشاكل مع ماجد اللبنانى ده ومراته .
فهد :هههههههههههههه انت تعرف ماجد .
مروان :اه اعرفه شوفته مره هو ومراته وواحد صاحبي حكالى ان الدسوقي ده ضربها وكان عايز يقتلها وفقدت الذاكره واتجوزت ماجد بعد ملقاها .
فهد:انت هتحكيلى قصه حياه ماجد انا مش فاضيلك .
مروان :ماشى قصاد فهد لبره .
فهد:لا متخافش عليا اطمن انا اعرف اتعامل مع الاشكال دى انا بعرفك بس على فكره انا رايح فين علشان انت فضولى اوى ومش هتحل عنى .
مروان :اسمع الكلام خدنى معاك.
فهد:ركب عربيته لا مش هينفع سلام ابعد كده بقي من الطريق .
مروان ياخد جمب كده ويشير بايده انت حر سلام .
فهد :يشير له بايده ويضحك ويمشى .
..................
في فيلا الدسوقي رجل الاعمال النصاب .
احد رجاله من بره يتصل بيه فهد الدميري بره ياباشا .
الدسوقي :خليه يدخل .
رجل الامن :لحظه وقف فهد .
فهد:فيه ايه
رجل الامن يشير على السلاح يعنى هاته لغايه متطلع .
فهد:مرضيش يكتر معاه في الكلام وكبر دماغه وادهوله لان هو متكبر ومش بيخاف من حد مهما كان مين حتى لو كان معاه مليون سلاح .
.............
مصطفي يلا جهزتوا
ساره :تهز براسها بايوه ومش طايقه تبص على مصطفي اخوها
مصطفي :يقرب منها اضحكى يابت ليه محسسانى انى رايح اقتلك انا عايز افرح بيكى
ساره :تضحك ضحكه صفرا كده وناويه على حاجه في دماغها بس بتجاريهم .
..
كلهم نزلوا الاربعه ومتجهين الا فيلا اسامه
مصطفي في العربيه وادم جمبه وساره وامها في الخلف .
مصطفي فونه يرن عشر دقائق واكون عندك .
اسامه :اوك حبيبي مستنى انا .
مصطفي :مع السلامه .
اسامه :شاووو .
.. ...........
وصلوا بيت اسامه وقابلهم احسن استقبال وفيلته رؤعه حاجه فوق الوصف من افخم مايكون لاكن كل ده مااغراش ساره الي عينه منزلتش من عليها من اول مدخلوا حتى حست انها متضايقه من نظراته عايزه تقوم تقتله ماسكه نفسها بالعافيه .
طول ماهم قاعدين مع اسامه في الصالون يشير بايده من غير مايتكلم وياتوا الخدم باارقي واحسن المقبلات والمشروبات .
..............
في الفيلا المجاوره اعتلى صوت فهد
فهد لا طلبك مرفوض .
الدسوقي :فكر بس خد وقتك .
فهد:قام وقف سورى من غير تفكير طلبك مش عندى .
الدسوقي :انا مستنى رد تانى .
فهد:وانا معنديش غيره بعد ازنك .
الدسوقي استنى بس كلمتين اقعد .
فهد لا قولهم انا وواقف اهو معنديش وقت يلا .
الدسوقي:هقول اهو اسمعنى.
.............
ساره:عايزه الارض تنشق وتبلعها مش عارفه تعمل ايه واخيراا
ساره:ممكن اروح الحمام .
اسامه :طبعا ويشير للخادمه توريها المكان
ساره:مفيش داعى هروح لوحدى .
اسامه :لا هتروح معاكى .
ساره :اوك وتمشي معاها وتقول مع نفسها وبعدين بقي في الورطه دى .
الخادمه :تشير لها ع الحمام .
ساره :باب ايه ده .
الخادمه :ده باب بيؤدى الاالجنينه .
ساره :تقول مع نفسها حلو اوى ده المطلوب .
ساره:ممكن تجبيلى ميه .
الخادمه :انتى مش قلتى حضرتك انك عايزه تروحى الحمام .
ساره :انتى مالك ياستى عايزه اشرب اتفضلى جبيلى ميه .
الخادمه :حاضر .
ساره :تطلع بسرعه على الجنينه وتمشي عادى جداا من غير متظهر انها مرتبكه علشان الامن ميحسش بحاجه وتطلع من قدامهم عادى ميحاولوش يمنعوها .
ساره:سلام عليكم .
الامن :وعليكم السلام .
ساره:اول ماتطلع من قدامهم تاخد نفس عميق وتحمد ربنا انها قدرت تخلص .
عارفه انهم هيلاقوها بسرعه فلازم تتصرف قبل مالخادمه تروح تقلهم ويلحقوها عينها جات على عربيه فهد فتحتها حمدت ربنا ان العربيه مفهاش انذار وفتحت معاها بسهوله واستخبت في المقعد الخلفي ..
............
فهد طالع متعصب جدااا وموافقش ع حاجه جوه وقال انا ايه جابنى للراجل النصاب الواطى ده .
يمد ايده لبتاع الامن هات بمعنى هات السلاح ..
ياخد سلاحه ويركب عربيته ويتحرك بسرعه .
في الوقت اللي مشى فيه الخدامه رجعت ملقتش ساره وقالت لهم .
الفصل الثالث .
(
.......
فهد:ركب عربيته ومشى بسرعه .
الشغاله :جات تجرى الهانم اللي كانت معايا طلعت ومعرفش راحت فين .
اسامه :انتى بتقولى ايه طلعت ازاى شوفيها يمكن هنا ولاهنا.
مصطفي:هيتشل لو كان اللي في دماغه صح وهربت مش عارف ينطق.
ام ساره:تحط ايدها على قلبها ومزهوله .
الشغالين كلهم بيدوروا عليها فى البيت يمكن هنا او هنا لاكن دون جدوى .
واخيراا عرفوا انها هربت امها انهارت بنتى ضاعت منى .
اسامه :هربت يعنى ايه هيا مش عايزه تجوزنى انتوا جايبينها هنا بالعافيه .
ادم:يخرج عن صمته ايوه يااسامه مصطفي جابها هنا بالعافيه.
اسامه :يقعد على الكرسى ويحط ايديه الاتنين على اطراف الكرسي والكبرياء هيقتله ازاى واحده ترفض اسامه.
ام ساره:لاادم اتصل على اخوك ممدوح بسرعه يتصرف.
اسامه :وقف انا لسه هستنى ممدوح يتصرف انا هجيبها هنا واتجوزها غصب عنها انا هخليها تندم.
يتوجهه اسامه للخارج وبيكلم نفسه انا اسامه الغرباوى تيجى واحده اخر الزمن تهرب علشان متجوزنيش انا هوريها.
مصطفي :جوه وجن جنونه ضرب كل حاجه فوق الترابيزه جوه على الارض بايده ذي المجنون انا هقتلها وعهد الله هقتلها .
ادم:اقعد بقي اهدى جنانك ده هو سبب كل حاجه .
..
اسامه :ركب عربيته ووصل عند باب فيلته بيكلم الامن والبودى جارد .
الست اللي كانت هنا ازاى طلعت .
الامن :عادى يباشا واحده قالت سلام عليكم وعدت .
اسامه :بزعيق جامد انتوا اي حد يطلع او يدخل كده تطلعوه عادى وكاله من غير بواب هيا .
الامن :يباشا احنا بنمنع اللي يدخل بنبلغك الاول اللي يخرج ملناش دعوه بيه .
اسامه :انت هتناقشنى اخرصوا خالص شوفهالى مشيت في اي داهيه تنتشرو هنا حوالى الببت هيا متعرفش حد هنا ومش هتكون بعدت نص ساعه تجبوهالى .
الامن :امرك يافندم .
اسامه :ركب عربيته هو كمان وطلع يدور عليها ومتوعد لها
مصطفي :شال مفاتيحه من جمبه انا هفضل قاعد كده هجيبها وهدبحها
ام ساره:اختك يامصطفي متعملش حاجه في اختك حرام عليك .
ادم :يطلع وراءه وامهم تقعد على الكرسي في فيلا اسامه وتعيط لتاتى احد الخادمات متابعه صعبت عليها تقعد جمبها وتهديها.
...............
فهد ولا عليه ولا على باله سائق العربيه يقاله فتره مل مد ايده فتح اغانى لاام كلثوم .
يلمح واحده في المرايه وراءه .
فهد يوقف العربيه فجاءه وينزل يفتح الباب الخلفي لتتفاجا ساره تفزع من كده .
فهدوساره تيجى عينيهم في بعض للحظه ليتكلم فهد .
فهد:انتى مين وايه دخلك هنا في عربيتى انطقي .
ساره :عرفت انها في ورطه وان فهد شكله شرس شويه وهيتعامل معاها كانها مصيبه وجاتله وهينزلها او هيعمل لها مشكله فكرت للحظه تعمل ايه واخيرااا جاتها فكره عملت نفسها خرسا.
فهد:يشير بايده حوال وجهها انتى ايه انا مش بكلمك انتى مين وبتعملى ايه في عربيتى اطلعى بره .
ساره:تهز راسها بعدم فهم وتدعى انها خرساء مش عارفه تتكلم .
فهد :بصى انا عارف الحركات دى كويس اتفضلى انزلى حالا يلا بدال مانزلك بالقوه مع انى مش بحب امد ايدى على واحده ست بس متطرنيش اعمل كده .
ساره:تعيط وتتوسل فيه بايدها انه يخليها .وتشير بايدها بتقوله ان حد بيطاردها.
فهد :مين بيطاردك ده اوديكى الاسم على وهناك يشوفوكى عايزه ايه .
ساره:تهز بدماغها بمعنى ارجوك لا.
فهد:بصى انا مش ناقص وجع دماغ ويمسك ايدها انزلى تتوسل له لاكن لايبالى وينزلها غصب عنها ويركب ويمشى .
ساره :تبص حواليها وتبص على الارض تلاقي حجر صغير تشوطه برجلها كانها بتشوط كوره .
ساره :مع نفسها ابن الرخم ده انسان واطى صح ينزل واحده الوقت ده في الحته دى يالهوى اعمل ايه دلوقتى وتبص حواليها الحته مقطوعه ولوحدها تقعد كده على جمب بتفكر تعمل ايه وحتى الفون والشنطه سابتهم في فيلا اسامه وممكن هنا يلقوها دلوقتى ومش عارفه تعمل ايه .
فجاءه تسمع صوت من الخلف ثلاث شباب واضح انهم سكرانين الحلوه بتعمل ايه بقي هنا لوحدها اكيد مستنيانا .
ساره:تبص عليهم بصدمه ومش عارفه تعمل ايه .
.....
فجاءه واحد فيهم يمسكها من دراعها هتركبي معانا العربيه بالذوق ولا تركبي بالعافيه .
ساره:بتبعد ايده وتعيط بتبعده عنها مش عارفه تخلص ايدها منه فجاءه تلاقي واحد مسكه من ايده وشده ولف له ايده وراء ظهر اللي كان ماسكها وبيضرب فيه والاتنين التانين بيهجموا عليه تتفاجا بيه فهد رجع تانى .
ضربهم التلاته ضرب مبرح جدااا .
واخيرااا سابهم التلاته ع الارض وفتح باب عربته اركبي.
ساره :نفسها تشكره انه انقذها في الوقت المناسب بس خايفه تتكلم ويقول انها كدبت عليه في الاول وينزلها تانى فضلت الصمت .
فهد :سايق ويبص لها في المقعد الخلفي خلاص اهدى خلاص لانها بتعيط وخايفه ومش عارفه هتعمل ايه ولا هتروح فين وكله .
وفهد :كمان مش عارف يعمل معاها ايه ولا عارف يوديها فين ولا قصتها ايه من اساسا .
فهد:هما دول اللي كانوا بيطاردوكى وركبتى عربيتى .
ساره:تهز راسها بمعنى لا
فهد:وبعدين بقي يتصل على مروان .
مروان:ايه يابنى متصلتش ليه قلقتنى عليك .
فهد:مش وقته بص فيه كافي في الحته الفلانيه اركب عربيتك وتعاله بسرعه ومتقولش لحد اوك مستنيك فيه.
مروان :فيه ايه طيب وانت متجيش البيت ليه .
فهد:لما توصل هقولك باي ويقفل قبل مامروان يتكلم .
فهد:يبص فيها ممكن تنزلى متخافيش .
ساره:تنزل معاه باستسلام لان مفيش حل تانى .
يشاور على الكرسي :اقعدى هنا .
ساره:تبص حواليها وتقوله براسها لا انها تفضل تقعد جوه خايفه ان حد يشوفها .
فهد،: فهمها اوك اتفضلى على جوه اما نشوف حكايتك ايه بالظبط ويقول مع نفسه انا ناقص يارب مصائب.
...........
ام ساره :تلمح موبايل ساره جمبها بيرن تفتح الحقنى ياممدوح .
ممدوح :فيه ايه ياامى انتى فين وكلكم مش بتردو ليه .
ام ساره:تحكيله اللي حصل ممدوح بزعيق ازاى يحصل كل ده من ورايا وانتوا ايه وداكم هناك من اساسا حسابك معايا بعدين يامصطفي .
ام ساره:تعيط اختك ضاعت ياممدوح
ممدوح:متقلقيش ياامى اقفلي دلوقتى انا جاى اخدك .
ممدوح:اتوجه بسرعه ليجيب امه واتصل بزمايله في الاسم وبلغهم بمواصفات ساره .
والمكان وظابط زميله وعده انه هيجبهاله قبل الصبح لان ممدوح خلوق جدااا وكلهم نفسهم يخدموه .
...........
مروان :وصل للمكان لمح فهد اللي شاورله .
مروان :قرب من فهد وبيتكلم او مشاف ساره قلتلك يابنى رايح تقابل مزه كدبتنى ادينى شفت بعينى اهو تقولى رايح شغل سبحان الله ربنا بيحبنى انى اكشفك اهو واحتجتلى ونادتنى بنفسك علشان امسكك متلبس .
فهد:كان ساكت مستنى مروان يخلص كلام
فهد:خلاص خلصت خلاص الموال بتاعك ممكن تقعد بقي .
مروان:اسلم على الجميل الاول ونتعرف .
فهد:بتفاذ صبر ممكن تقعد بقا متخلينيش اندم انى كلمتك .
مروان :بضحك لا متندمش انا كنت هندم لو مكلمتنيش.
فهد:اووف بقي .
مروان :خلاص اهو سكت قعدت وسكت عايزينى ليه بقي .
فهد:يحكيله كل حاجه .
مروان :والله بجد دى خرسا حرام والله الجمال ده كله وخرسا يخساره الحلو ميكملش والله .
فهد؛على فكره هيا سمعاك ممكن تتلم شويه بقي .
ساره:تحط ايدها ع بوقها وتضحك من خفه دم مروان وفهد القفل برغم انه قفل بس كلامه خفيف وكومدى.
مروان :بجد سمعانى طيب متسمع وانا بغلط فيها انا بقول جميله .
مروان:طيب يابنتى بحيث ان ده مش بيعرف يتصرف وبيغرق في شبر ميه بالذات المواقف اللي فيها نسوان بس انا اعجبك اوى .
فهد:يضربه على كتفه اتنيل بقي وشوف هنعمل ايه في الكارثه دى
الفصل الرابع والخامس والسادس من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
