رواية رقم سبعه الفصل السابع والثامن بقلم جمانه السعيدي حصريه وجديده على مدونة النجم المتوهج للروايات والمعلومات
 |
فرح .... دخلت معهد سنه اولى ما اخفي عليكم نضرات البنات ولولد
بس اني ماما معلمتني مايهزني اي شي
ما طول اني مامسويه غلط خلاص كلشي مايهمني اهم شي اتفوق بدراستي
ابن خالد الجبير سافر الامريكا يكمل دراسته
اما معتز تحاول عهود ادخله بخطتها الجديده حتى تسترجع الاملاك الي عد عمار والهام وفرح
عهود....معتز اذا انت ابني وتحبني تسمع كلامي وتنفذه وبدون علم ابوك فهمت
معتز... خلي افتهم بالاول
عهود...انت كملت كليه والحمد لله وشاب حلو ومرتب
هسه اجا دورك ترجع املاكنا من الهام وفرح
معتز...شلون
عهود...اريدك تقرب من فرح وتخليها تتعلق بيك وتتزوجها
وبعدين تخليها تكتبلك توكيل وتحول كلشي باسمك وطلكه وترجعها للزباله الي اجت منها زين
جمانه السعيدي
معتز...اولا اني ماشايف فرح ولا اعرفها دوم انتي باعدتنا عنهم ودائما تحجين عنهم وماترديهم
بعدين انتي موتكولين معوقه
بشرفج واحد بجمالي وشخصيتي وشهادتي تردي يزوج وحدا معوقه
عهود...هاي شبيك اكلتني حاصل فاصل مو كلنا زواج موقت
الحد ماتحصل توكيل
وترجعلنا املاكنا وساعتها نشمرها بلشارع هي وامها
معتز....اني احب وحده جانت تدرس وياي ومتفقين على الزواج شلون راح اكلها انتضريني خل ازوج بت عمي موقت وبعدين ارجع ازوجج
عهود...لاتصير غبي هاي الاملاك بلاخير راح تصير الفرح احسن مايجي واحد غريب ويكوش على كلشي وحلالنا يصير الغيرنا احنا اولى بي فهمت
زين موافق بس زواج موقت
عهود...اكيد اصلا اني لاطايقتها ولا طايقه امها
خوب الهام مدري شمسويه العمك لفلفته تلفلف يمكن مسويتله عمل خلت الرجال مايندل راسه من رجلي والنوب جابت بت اخوها حتى يكوشن على كلشي
عاد مدري صدك بت اخوها مدري لكتها بلشارع وتجذب على هذا المسكين مو اكلك ثولته ثول
جمانه السعيدي
هسه ماعلينا اريدك تتقرب منها وتخليها تحبك وساعتها كلشي راح يصير مثل ما اني اريد بلضبط
اريدك تبدي ازورهم بلبيت وتقرب منهم
معتز...صار بس اي شي احصله منها راح يكون اليه وباسمي فهمتي
عهود...ميخالف بس شوفني شطارتك
معتز...وبعد عندي شرط ثاني اريد شقه بعمارة بابا نلتقي بيها اني وجماعتي
عهود...اكو شقه بلطابق العاشر فارغه اني اجيبلك المفتاح واخذها اللك انت وجماعتك
معتز....خلاص اتفقنا مايكون خاطرج اله طيب ياست الكل
ثاني يوم قرر معتز يروح البيت عمه زياره حتى يشوف فرح
بليل بدل وتانق ووصل ودك الباب
فتحت الباب فرح لابسه تراك قديفه نيلي وبي شرايط وردي فاتح وفاتحه شعرها نازل على ضهرها
فرح....نعم تفضل
معتز...صافن وساكت ومامصدك الشي الي شافته عيوني
فرح...نعم تفضل اخي رايد شي
معتز...العفو هذا بيت عمو عمار ابو فرح
فرح..اي تفضل رايد منو
معتز...رايد عمو عمار
فرح....منو حضرتك
معتز....اني اني معتز خالد ابن اخو
فرح...انت ابن عمو خالد فرصه سعيده اعذرني اني مشايفتك قبل
معتز...انتي فرح
فرح...ابتسمت اي اني فرح تفضل
دخلت تمشي كدامي وتكول تفضل البيت بيتك
معتز امشي وراها واكول ياعيني عليك معتز جاي تصيدها صادتك يامسكين خرب هبل هاي بت عمي
ياربي شني كمر خرب حضك معتز وانت مجلب الانمار وهاي الكمر بت عمك
فرح...تفضل اكعود هسه اناديلك بابا ياهلا وسهلا
معتز...اهلا بيج
طلعت وبقيت وحدي واكول
وينج عهود عن هذا المقترح من زمان جان من زمان رسمتي هاي الخطه الحلوه
شويه واجا عمو عمار
جمانه السعيدي
عمار...اهلا معتز شلونك
....الحمد لله تمام انت شلونك
...بخير اليوم شنو ذكرك بينا
...صار فتره مشايفك وهسه فتت قريب عليكم وقررت اسلم عليك ولله تريد الصدك عمو اني حيل مقصر وياك لا اسئل ولا امر عليك
...لا انشاء الله ماكو اي تقصير بس الدنيا مشاغل وكلمن ملتهي بهمه
...لاولله اني ماعندي بس انت عمي
واني مبتعد
بس انشاء الله بعد اكون قريب عليك
اني السنه تخرجت كلية اداره واقتصاد واذا تقبل اشتغل وياك بلشركه اكون ممنون حتلو بدون راتب اهم شي اكتسب خبره منك لان تعرف بلعراق ماكو تعيين ابد
وانت بكيفك تريد تقبلني تريد ترفضني
...لا ليش ارفضك ابن اخوي يشتغل وياي احسن من الغريب على الاقل اكدر اامنك على حلالي ومالي
دخلت فرح وبيدها صينية الجاي تفضلو
معتز...ما اكدر انزل عيني منها ابد كل تفاصيلها حلو والاحلى ضحكتها تخبل
معتز من خلال حديثي وياها عرفت وين اداوم
ثاني يوم تعمدت انتضرها باب المعهد بما ان شركة عمي بلعشره يله يبدي الدوام بيها
جمانه السعيدي
الهام شعجب معتز جاينه
عمار...متخرج وماكو شغل ويريد يشتغل وياي
الهام....شذكره بينا
عمار...عادي يدور شغل
الهام...اني اي واحد من ريحة عهود اكرها
وكفت باب المعهد ومن شفته درت وجهي وسويت نفسي ماشفتها لزمت تليفوني وعلى اساس اخابر
من قربت تعمدت احجي بصوت عالي حتى تنتبهلي
ما احس اله تندسني من ضهري
التفتت عليها
معتز....اه فرح هاي انتي
فرح...صباح الخير
معتز...صباح الانوار
فرح...ليش هنا واكف
معتز...منتضر صديقي وانتي ليش هنا
فرح...اني هنا اداوم نسيت موكتلك البارحه
معتز...اه انتي هنا اداومين تدرين نسيت من كتيلي
فرح...ادخل وانتضره جوا
معتز...خاف ااخرج على الدوام
فرح...لاماكو اي تاخير
معتز يله ندخل
فرح اي
معتز...اكول سبحانه من كملج وجملج
فرح...نعم كلت شي
معتز...لا اكول ذكرتيني باجواء الكليه
فرح....اي حلوه اجواء المعاهد والكليات
معتز ممكن تنطيني فونج
فرح...ليش
معتز ... اريد اسجل رقمي اذا تحتاجين شي اتصلي عليه
فرح...شكرا
معتز...ممكن اطلب منج طلب ثاني
فرح...تفضل اكيد
معتز...ممكن انكون اصدقاء
فرح...اكيد ممكن
معتز...احسج فاهمه وواعيه ممكن اذا تصادفني مشكله اتصل بيج واخذ رائيج
فرح...ولو ماعندي تجارب بلحياة هواي بس ممكن
معتز...هسه عن اذنج لان دوامي راح يبدي واذا اتاخر بليوم الاول يمكن ابوج يرفضني من الدوام
فرح...وصديقك
معتز...اخابره واعتذر منه يله بااااااي
فرح...بااااي
جمانه السعيدي
معتز من تقربت من بيت عمي شفت أشياء حلوه
غير الصوره الي رسمته اليه امي عنهم
عمي انسان متسامح وكلبه طيب
والمفاجئه الي كلبت كياني ابد ما متوقع فرح هلكد حلوه
مو بس حلوة شكل لا كلشي بيه حلوووو
تصرفاته وعقله اسلوبها ثقته بنفسها
حسيت نفسي اول مره بحياتي جاي امشي بلطريق الصح
بس امي ما تقبل تعوفني بحالي تحرض بيه على عمي وعلى فرح
بليل اتصلت بفرح
معتز هلو فروحتي
فرح هلو عزوزي
...هاااااا شنو
...مو انت دلعني فروحتي واني ادلعك عزوزي
....تماااام شلونج
...الحمد لله
...اريد تشدين حليج وتكونين من الاوائل
...مايحتاج توصي حريص انت شلونك بلشغل ويه بابا
...تعرفين عمي من تقربت منه حبيته وحبيت شخصيته وحبيت بنته
....نعمممم شنوووو
...قصدي حبيت بيته ...بيته... الي ساكن بي
....هاااااا
.....زين تصبح على خير خل اروح اقرا شويه وانام لان عندي دوام الصبح
...اوكي تصبحين على خير
...وانت من اهل الخير
للحكايه بقيه احبكمممممم
تفاعل حلو مثلكم
#البارت الثامن
#رقم سبعه
جمانه السعيدي
عهود....هاااا بشر شنو سويت بموضوعنا
معتز...ماشي على الخطه الي رسمناها اني وياج
عهود...اي عفيه هذا ابني السبع
معتز... شتتصورين وحده مثل هاي ما اكدر عليها اصلا كلمتين مني وكعت بلفخ
عهود...عرفتك رجال وراح اترجع املاكنا الك عليه بس ترجع كلشي لا اسويلك عرس انت ومنار خيالي بغداد كله تسولف بي
معتز...بس اصبريلي خليه تكمل معهد لان عمو عمار ناوي يسجل الشركه باسمها بس تتخرج هدية التخرج
وساعته تعرفين معتز منو وشلون يشتغل
عهود....انت ابني الي علة كلبي
جمانه السعيدي
ثاني يوم اتصلت على فرح
معتز...هلو فروحتي الحلوه
فرح...هلو عزوز
معتز...اريد نطلع اني وياج احنا مو اصدقاء ونسولف ونتونس ونفتر بغداد
خل تخلص امتحاناتي ونطلع اوكي
معتز...اوكي
الهام حسيت معتز موطبيعي اكو شي بينه وبين فرح ما مرتاحه الجيته البيتنا
وتقربه من عائلتنا اي شي يجي من جهة عهود اخاف منه
واذا جاي يتقرب النا بدون علمها فاكيد اذا عرفت مراح تقبل
واذا بعلمها الله يستر منها
الهام...صعدت الغرفة فرح.....فرح ممكن احجي وياج بموضوع
فرح...طبكت الكتاب اكيد ماما تفضلي
الهام....ماما شنو علاقتج بمعتز
فرح...ماما ابن عمي وماكو شي بينا مجرد صداقه
الهام...ماما انتي حقج ماتعرفين عهود عهود حيه مسمومه
وماتحبني ولاتحبج واني مامطمنه الهاي العلاقه
فرح...ماما اي علاقه ترا احنا ماصار بينا اله كل خير الولد حباب ومؤدب وما بدر منه اي شي مزين بلعكس حباب واخلاق
الهام...تقربه منا المفاجى وتردده علينا اني حاسه اكو شي بلموضوع يكفي امه عهود
فرح...هسه شنو مطلوب مني
الهام...لاتعمقين العلاقه ويا خلي علاقتكم صطحيه
فرح...تدللين ماما مايصير خاطرج اله طيب
ثاني يوم لكيت معتز واكف اباب البيت ويريد يوصلني للمعهد
معتز...صباح الخير فرح
فرح...صباح النور شكو
معتز...اصعدي اوصلج للمعهد
فرح...لا شكرا السايق يوصلني
معتز...هاي شبيج فرح ليش ماتصعدين وياي
فرح...ماكو داعي
معتز...نزلت وسحبتها من ايدها وصعدتها للسياره
ورجعت للسايق وكتله انت روح اني اوصلها
صعدت وشغلت السياره وانطلقنا
جمانه السعيدي
فرح...ممكن اسئلك سوال
...اكيد اسئلي
...انت شتريد مني
...ليش هيج تكولين بدر مني شي زعجج
....صار فتره اعرفك وما اخفي تعودت عليك بس اريد اعرف انت شتريد مني
...الصراحه احبج اي احبج من اول يوم شفتج تعلقت بيج
كنت اسمع عندي بت عم بس مامتخيل هلكد حلوه
بلبدايه انشديت الشكلج بس من تعرفت عليج
عرفت مضمونج احلى من شكلج بهواي
واذا أستمرت علاقتنا وتعرفتي عليه اكثر وقتنعتي ناوي اجيب اهلي واجي اتقدملج
لان فعلا انتي انسانه تنحبين
فرح....امي وامك العلاقه بينهن كلش سيئه
....واحنا شعلينا بيهن نزوج ونبتعد عنهن اثنيينهن
فرح...وصلنا نزلني اريدك تنطيني مجال افكر لان اني ما اكدر افوت بعلاقه بدون علم اهلي
معتز...براحتج
خلصت فترة الامتحانات ونجحت والحمد لله
ماباقي غير سنه واتخرج واساعد بابا بادارة الشركه
معتز...الوووو شلونها فروحتي مبروك النجاح
فرح...الله يبارك بيك
معتز...كله سنه وتصيرين صاحبت اكبر شركة سفر وسياحه بلعراق واكيد انتي كد المسئوليه
فرح...شكرا على فكره راح تشوفني يوميه
معتز...اه شلون
فرح...لان راح اداوم بلشركه وياكم حتى اكتسب خبره منكم
معتز...هذا اجمل خبر سمعته بحياتي لعد راح تلكيني واكف بلباب قبل الفراش
شنو رائبج امر واخذج للشركه
....لا اروح ويا بابا شكرا
جمانه السعيدي
فرح بفترة العطله علاقتي بمعتز حيل قوة وصرت ما استغني عنه لان هو محاوطني ومهتم بيه
صار يعرف كلشي يخص حياتي وشنو احب وشنو اكره
ما انكر حيل تعلقت بي وحبيته
وما كان يترك فرصه اله يعترفلي بحبه وجنت احس هذا الحب بتصرفاته
بديت اداوم سنه اخيره معهد ومعتز ما فاركني ابد
يوميه اشوفه ونحجي بلتليفون
كملت دراسه ومتحنت وكنت منتضره النتيجه حتى اشوف الفرحه بعيون ماما وبابا
ومعتز مصمم يخطبني بس انجح
قبل النتيجه بيومين
واحد من اصدقاء بابا ابنه ازوج وكان ساكن بديالى قرر بابا يروح يبارك الهم هو وماما
اني ماقبلت اروح وياهم بقينا بلشركه اني ومعتز
طلعو الساعه ١١ الصبح وكالو نرجع بليل
بقينا اني ومعتز بلشركه طول النهار سوالف وضحك
بلعشره بليل رحنا مطعم نتعشى ومعتز كال اذا خلصنا عشى نفتر شويه بغداد منا لمن يرجع بابا وماما
ما اعوفج وحدج
جاي نتعشى ومعتز يخطط الحياتنا سوا اني ويا
فرح...اني ما اكدر اعوف ماما وبابا
معتز...خلاص نكعد على كلبهم بعد الزواج وله اكلج ننطيهم اجازه واني وياج ندير الشركه
فرح...الله كريم خل تطلع النتائج بالاول وبعدين نقرر
وين نسكن
جمانه السعيدي
شويه ورن تليفوني مكتوب بابا
فرح...هلوووو حبيبي اشتاقيتلك
بابا...واني اكثر وين انتي
فرح...جاي نتعشى اني ومعتز شكد بعد وتوصلون
بابا...ساعه ونوصل انشاء الله
الهام....انطيني التليفون هلو فروحتي
فرح...هلو ياست الحبايب اخر مره اطلعون بدوني مامتعوده افاركم
الهام...اني اصلا ماتونست لان انتي مو ويانه فاتج العرس يخبل
فرح...على الجايات رجلي على رجلكم
سديت التليفون وكملنا عشى باوعت للساعه فات نص ساعه
ياربي شيخلص هاي الساعه ويرجعون
شويه ورجع دك التليفون مره ثانيه
فرح...هلو عموري وينك
...عيوني صاحب التليفون وويا وحده تعرضو الحادث واحنا هسه بطريقنا للمستشفى
فرح يبست بمكاني ما حجيت بس دموعي نزلن
معتز...شبيج فرح شصاير انطيني التليفون
الوووو شكو...شصار منو انت
شنو شكاعد تكووول انت متاكد
فرح كعدت على الكرسي وبس ينزلن دموعي بدون اي ردت فعل
معتز....فرح...حبيبتي حاجيني انشاء الله ماكو شي
فرح فدوه شبيج حاجيني لزمته من ايدها وفتحت التليفون
جمانه السعيدي
الو بابا الحكلي عمو عمار والهام تعرضو الحادث ونقلوهم للمستشفى وفرح ما ادري شبيها ماتحجي
....شنو انت متاكد
..اي مع الاسف
....حاول اجيبها للمستشفى وتجي اني رايح قبلك
معتز...فرح فدوه احجي وياي انشاء الله ماكو شي اطمني
فرح...اهي ا اهي صحيح الي سمعته يعني ماما وبابا ماتوو
معتز لا تكولين هيج ايجوز حادث بسيط هسه انروح ونطمن عليهم
يله امشي نروح للمستشفى ونشوف شكووو
صعدنا بلسياره ورحنا للمستشفى
وصلنا ولكينا عمو خالد واكف بابا العمليات
معتز هااا بابا شكووو طمنا
...دخلوهم للعمليات وما اعرف اي شي عنهم الله يستر وتعدي هذا الحادث على خير
فرح بس سمعت عمو كال دخلوهم للعمليات والخوف واضح علي
ووكعت من طولي وما حسيت باي شي
للحكايه بقيه احبكمممممم
تفاعل حلو مثلكم
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
