رواية رقم سبعه الفصل التاسع والعاشر بقلم جمانه السعيدي حصريه وجديده على مدونة النجم المتوهج للروايات والمعلومات
 |
فرح وعيت لكيت نفسي بلمستشفى عدلت نفسي اريد اكوم
راسا اجاني معتز
معتز...هااا حبيبتي
فرح...ماما وبابا وين اخذني الهم
معتز..ليش ماترتاحين
فرح...عدلت نفسي شفت الطرف الصناعي مشلوع
وين الطرف اريد اروح اشوف ماما وبابا
معتز...هسه دار للجهه الثانيه وطلعه ولبسني
ورجع انطاني ايده وكومني من السرير
مشينا بلممر
فرح...طلعو من العمليات
معتز اي
فرح....وشلونهم
معتز....سكت
فرح...احجي معتز لاتشلع كلبي
معتز....امج عدها هواي كسورات وجرح ابطنها الدكتور بقاها بلعنايه
فرح...وبابا
معتز...سكت
فرح...فدوه احجي
جمانه السعيدي
معتز بابا انطاج عمرا الضربه القويه علي لان السياره ضارب سيارته من الجهه الي يسوق بيها
فرح...بابا مات...اني يتيمه بابا راح وعافني
انت شكاعد تكول معتز انت متوهم بابا مايعوفني ابد
وكفت ونتجت على الحايط
فرح معتز اكيد تشاقه مو
عموري حبيبي ما يموت
ولك هذا صديقي وحبيبي واخوي وابوي
الصبح مايطلع اله يبوسني واول مايدخل للبيت اول شي يسئل على اني
شوفني شكبرني وهو يشيلني ويبوسني
اذا يطلع كل ربع ساعه يخابرني
بليل يجي الغرفتي يغطيني يله يروح ينام
تعرف من راحت رجلي بطل شهر ما راح للشركه مكابلني وكاعد
ايبوس رجلي ويكول ياريت رجلي ولا رجلج
ياريت رجليه اثنينهن
ياريت رجليه واديه ولا بنتي الحلوه تنجرح
ما اذكر طلبت منه شي وتعذر لو كال ما اكدر
اذا اصخن يكابلني ويكعد
وبليل يخليني بحضنه خاف حرارتي تصعد
معتز ليش تكول مات معقوله واحد هلكد يحب واحد يفاركه
امشي اخذني اله اني احاجي وشوف شلون راح يكوم ويحاجيني
مستحيل يسمع صوتي ويبقى نايم
جمانه السعيدي
اخذني وشوف شلون راح يكوم ويحضني
عموري مايعوفني لان روحي وروحه متعلقات سويه
اذا مات اني ليش عايشه ليهسه
اذا مات اني اموت ويا
معتز...جنت اتخيل نفسي قوي بس ما كدرت اسيطر على نفسي واني اشوفها تحجي عن ابوها
كمت ابجي وياها
مشت وتسحبني من ايدي وتكول تعال خل انروح يمه اني احاجي
معتز...وبن رايحه خلوه بلثلاجه الحد مايكملون الاجراءات
فرح....انت ماتفتهم هذا مو بابا
بابا مايعوفني بابا يحبني انتم متوهمين اكيد
معتز...اوكفي ماكو فايده من روحتج اصلا وجه اتشوه من الحادث
فرح....كعدت بلكاع وكمت اصيح اريد بابا جيبولي بابا
شبيكم مايعوفني اني فروحه حبيبته
معتز.....حسيته اتهسترت وكامت تعيط بصوت عالي وتملخ بوجها وشعرها
حقه الصدمه ابد مو هينه عليها
كان يعاملها اكثر من اب
معتز عفته ورحت جبت الدكتور شافها تعيط وتملخ لنفسها
كال اخذءوها رجعوها للغرفه
حاولت اكومها وماقبلت تكوم
تصبح اخذني البابا اريد بابا
دنكت عليها وشلته وهي ترافس وتضرب بيه
بل كوه يله كدرت ارجعها للغرفه خليتها على السرير ولزمت اديها لان تملخ بنفسها تملخ
جرحت خدودها ونجرحت شفتها بسبب الضرب على وجها
اجت السستر وضربته ابره
بقت اصرخ شويه وهدئت سكتت بس ادموعها ماسكتن
طول ماهي نايمه ادموعها تجري منا ومنا
نص ساعه يله سكتت
طلبت من السستر تعقيم وكطن لان وجها كام يخر دم
نضفت الجروح بوجها واحد منهن قوي السستر خلتله لزكه
خابرت بابا كال كملت الاجراءات راح نروح ندفن وطلب مني ابقى مراقب فرح وامها
شويه واجت امي وراي للمستشفى
عهود...ياحبيبي ابتليت بلوه بهاي النماذج
معتز...انت صدك تحجين احنا بيا مصيبه وانتي هيج تحجين
عمي مات تفتهمين
عهود...اوي شخبصتنا بلكت الهام وبتها تلحكه
معتز...انت شني من بشر الغريب يبجي على حالهم وانتي جايه تتشمتين
روحي منا روحي الخاطر الله اني الي بيه مكفيني
عهود...خير انشاء الله شكو انقلب السحر على الساحر
بسلا كمت تحب هاي المعوقه
باع معتز اهد المعبد عليكم شغلت الحب شيله من عقلك
انت تمثل عليها حتى ترجع كلشي فهمت
معتز....يمه ليش اطلعيني من عقلي روحي منا خليني الي بيه مكفيني روحي رحمه الله
عهود...رايحه بس ما اعوفك تحب وتتمعشك بكيفك
معتز...راحت امي وحسيت بلفرق الفضيع بينها وبين فرح والهام
امي ماعدها مشاعر اهم شي عدها الفلوس
جمانه السعيدي
شويه واجت سعاد للمستشفى بالاول رايحه تشوف الهام وهسه جايه على فرح
اول ماشافتها كامت تبجي
سعاد...سوده عليه انتي ماعندج حظ من الاول والنوب راحت رجلج وهسه راح الحنيين
يامسكينه وين ترحين ومنو اللج من بعد عمار
كعدت شويه وبجت وراحت للالهام تطمن عليها
الهام...بعدها ماتدري بلي صار سولها عمليتين وبعد تحتاج وحدا ومن المسكنات نايمه تكعد شويه وترجع تنام
سعاد بقت يم الهام ومعتز باقي يم فرح يخاف عليها
بليل كعدت فرح فتحت عيونها
معتز....فرح حبيبتي شلون صرتي
فرح....اريد بابا شبيك معتز انت موتحبني اخذني اشوفه مره اخيره
معتز...لو يصير بعيني بس ولله مايصير
فرح...ليش مايصير زين هو يدري بيه مريضه ونايمه مستشفى وما اجاني ولا كال اروح اشوف فروحتي
معتز...حرام عليج هذا الكلام
خلاص افتهمي هذا يومه وكلنا انموت محد يبقى عايش للابد
فرح...اخذني اشوفه حتلو ميت ميخالف اشوفه للمره الاخيره
معتز...طلعو راحو يدفنونه
فرح...لا على بختك اخذو يدفنو واني ما شايفته
ليش هيج معتز تستكثرون عليه لحظة وداع
لحظه اودع بيها بابا لا اودع حبيبي
معتز...انتي لازم تكونيين قويه لان امج محتاجتج صيري قويه وحافضي على امج لان هي الشي الوحيد الباقي من بابا
ليش تخسريهم اثنيينهم
اذا ماما شافتج بهذا حالج راح تموت
تقبلين تخسرينهم اثنيينهم
فرح...اسكت بس خل نروح نودع بابا واني اسكت
معتز...ولله مانلحك اكيد هسه كملو الدفن
بعدين اكرام الميت دفنه
فرح...خابر عمو خالد اسئله دفنو لو بعدهم ولله تبقى حسره بكلبي اذا ما اودعه
معتز...ميخالف
فتحت التليفون واتصلت بابا رد وكال تونا كملنا دفن
فرح...زين ميخالف اخذني اودعه وهو بلكبر
معتز...ميخالف بس اتصيرين زينه اني اخذج تودعينه
دارت وجها وتغطت وقطعت كلشي
قطعت الكلام والاكل حتى العلاج ماتقبل تاخذا
وكأنه تعاقبني لان ما اخذتها تودع ابوها
جمانه السعيدي
مر عشر ايام والهام سوت العلميه الثالثه ونجحت والحمد لله
واني وفرح وخال فرح وسعاد مقابلتها وقاعدين
بس فرح حيل تغيرت وجه اصفر وما تقبل تاكل اوتحجي ويه اي واحد
كنت خايف عليه لايصير بيه شي
قررت اخذها الكبر ابوها اتزوره بلكت تتحسن حالته شويه
معتز فرح ترحين اوديج البابا
فرح باوعت عليه وكنما ما مصدكه تحجي صدك
معتز اكيد بس بشرط تاكلين وتشربين وترحين للبيت تغيرين ملابسج
فرح موافقه
طلعنا اني وياها وكعدنا بمطعم اكلت وبعدين اخذته للبيت خذت شاور وبدلت وطلعنا للمقابر
طول الطريق وهي ساكته ما تكلمت ولا كلمه
اول ما وصلنا نامت على الكبر وكانما تعرف المكان
وتبجي وتحاجي ابوها
بابا اني فروحتك ليش عفتني وليش رحت وما ودعتني
زين ما فكرت بيه اني منو اليه من بعدك وين اروح
عموري حاجيني حبيبي اني فرح
انت ضجت مني وعفتني زين اني شسويت ليش عفتني
اني اريد اموت ويدفنوني بحضنك
مثل ما جنت تاخذني بحضنك وتنام
مو بس اني حتى ماما موزينه بعدك
انت مو تكول ما اكدر افاركج شو فاركتني
انت مو كذا ابد ما تكذب بس هلمره كذبت عليه
كتلي ما اعوفج وعفتني
ارجعلي الله يخليك ارجعلي اني تعبانه بعدك
معتز شفته انهارت كوه شلته من الكبر وخليته بلسياره
اباوع بيدها صم تراب
معتز هذا شنووو
فرح هذا من ريحة بابا اشمه كلما اشتاقله
للحكايه بقيه احبكمممممم
تفاعل حلو مثلكم
#البارت العاشر
#رقم سبعه
جمانه السعيدي
معتز رجعنا للبيت وهي تعبانه وعيونها مورمه وملابسها كلها تراب
نزلته وكتلها غسلي وبدلي ونامي ارتاحي باجر الصبح اجي اخذج للمستشفى
ماردت ولاكلمه بس هزت راسها
دخلت جوا واني دخلت غسلت اديه
سمعتها تبجي دخلت للغرفه شفتها تشم بلتراب وتبجي
كعدت يمها وكتلها كافي ترا حتى عمو مايرضا بلي كاعد يصير
فرح...رجعت بدونه معتز عفته ورجعت وحدي
ليش ماكسرت خاطره منو اليه بعده
معتز...فدوه كافي راح يصير بيج شي من ورا البجي
فرح....ابد مامتخيله راح يعوفني بيوم من الايام
تصدك هلكد مايحبني ومداريني دائما اكول ليش ماما ماتغار مني...ماجنت حاسبته اب متخيله اعرفه من زمان قبل لا انولد اني احبه
ليش الوكت وياي قاسي لو اني ميته ولاهو
معتز...كومي اسبحي بماي بارد واني راح اعصرلج ليمون حتى تهدء اعصابج
سحبته ودخلته للحمام
ورحت طلعت ليمون وعصرته وخليت علي شكر وخليته بلثلاجه حتى يبقى بارد
اتاخرت بلحمام دكيت الباب عليها
معتز...فرح بيج شي
فرح...لا هسه طالعه
شويه وطلعت وراحت للغرفه شويه انتضرتها تطلع وماكو
جنت خايف لايصير بيها شي لو تفكر اتاذي نفسها
دكيت باب الغرفه
جمانه السعيدي
فرح...ادخل
معتز...هذا ليمون اشربي يهدي اعصابج اباوع عليها لابسه تراك اسود و
كاعده بلكاع وخاله ركبها بطنها
وشعرها مبلل
اخذت اليمون مني وشربت شويه
فرح...معتز بعد مايرجع
معتز...استغفر الله العظيم شبيج تخبلتي
فرح...شسوي العقلي مايقبل يرضا ويصدك
معتز...كومي توضي وصلي واقري قراءن واهدي ثوابه الروحه
بلكت نفسج تطمئن شويه
كامت توضت ولبست ثوب الصلا وكامت اتصلي
اسمعها تصلي وتناشغ تمسح ادموعها وترجع تبجي
بعدين كامت تقرا قران
خلصت وكامت تدعيله
بعدين كالت روح انت ارتاح اني راح انام
دخلت جوه البطانيه وتغطت
وصلت للباب ردت اطلع بعدين ما كدرت اعوفها وحدها بلبيت
دخلت بلصاله نزعت سترتي ونمت
فرح نمت من كد ماتعبانه وبجيت هواي شفت بابا اجاني
طفرت حضنته وكتله رجعت همزين رجعت
كلهم يكولون بعد مايرجع بس اني اعرفك ماتتركني
اشرلي على طريق طويل كدامه وكال اني رايح
كتله اخذني وياك
كال لا انتي ابقي يم امج وديري بالج عليها واني اراقبج
وابد ما اعوفج
وراسا اختفه من كدامي
طفرت لكيت الدنيا صبح بس احس جسمي مكسر
كمت رحت اشرب ماي لكيت معتز نايم بلصاله ومكرفص
رحت جبت غطه وغطيته
بعدين توضيت وصليت ورجعت حضرت الريوك ورجعت اكعد معتز
اباوع علي تعبان وصاير شحاله تورط بينا ورطه ونسلبت راحته من ورانا
فرح....معتز معتز
راسا طفر وصاح بيج شي
فرح...لا مابيه شي اكعد خل نتريك ونروح الماما
معتز...صرتي احسن
فرح...مال ارجع مثل قبل مستحيل بس احاول لان بابا وصاني اهتم بامي
معتز...وصاج
فرح...لاتشغل بالك بلحلم
تريكنا ورحنا للمستشفى معتز وصلني ورجع البيتهم يسبح ويبدل
اسبوعين وطلعت ماما من المستشفى بس شنو على كرسي متحرك
انسانه حزينه فاقده زوجها وحبيبها وفاقده صحتها
كلشي تغير بلحضه
من قمة السعاده الى قمة الياس
شلون راح تكدر تكمل حياتها وشريكها بهاي الحياة ماكو
خمسه وعشرين سنه زواج وحب
تنتهي بلحضه
طلعت النتيجه ونجحت بس ماحسيت بطعم النجاح ابد لان بابا ماكو
صمم معتز نرجع نشتغل بلشركه لان هواي تركنا الشغل وهملنا
معتز...ردت فرح ترجع للشغل حتى تطلع من جو الحزن وتلتهي شويه
جمانه السعيدي
اختارينا مدبرت منزل تكعد يم الهام لمن نرجع من الشغل وكل ساعتين نتصل بيها ونفتح كامره نطمن عليها
معتز...شكد حسيت بندم على الاتفاق ويه ماما على بيت عمي حسيت نفسي تافه وبلا شخصيه
جنت بلا ضمير واني مامفكر بس بلاملاك وما هامني بيت عمي ابد
حسيت هاي التجربه كبرتني وعقلتني
وخلتني افتهم الحياة موبس فلوس
الحياة حب وصداقه وتعلق
شويه شويه بدت حالة فرح تتحسن مو يعني نست ابوها
بلعكس على طول تذكره وماغيرت الملابس الاسود ابد
مرت سنه على وفاة عمي
ورجعت فتحت الموضوع ويه فرح
بس رفضت وكالت اني مامستعده اخطو هاي الخطوه
اصبر عليه شويه
بيومها رجعت للبيت ضايج وتلكتني ماما
عهود....يمته تفضها لان تعبت
معتز...رفضت تتزوجني ارتاحيتي
عهود...عشتو على اساس اليدي اديانه كلها سمل معوقه
معتز....انتي ليش كارهته هي بيش ماذيتج
عهود...اكرها واكره امه واكره الكاع الي تمشي عليها
واريدك تخلص بسرعه لان فلوسنا بلمصرف خلصت واخوك داز يريد حواله
وابوك يكول نبيع العماره
فضها قشمرها خلي تسويلك توكيل ورجع كلشي المكانه
معتز...افلوسنا خلصت بسبب تبذيرج بسبب ابوي الي مخلص فلوسه على شغلات مالها داعي
وامجد يكدر يشتغل ويصرف على نفسا ابدال ماجاي يصرف يمين وشمال بدون وجع كلب
وفرح شيليها من عقلج كافي مصيبة فقد ابوها ومرض امها وانتي تردين تكملين عليها
عهود...ترا ذني فلوسنا ماجابتهن من شيب الخلفوها وغصبن عليها ترجعهن فهمت
جمانه السعيدي
معتز...النقاش وياج عقيم وبلا فائده تردين تعيشين على حساب غيرج
وعفتها وطلعت
مستحيل اشارك بهاي الجريمه مستحيل اضلم فرح مسكينه
كل يوم مصيبه جديده
فات شهرين واني ابد مافتحت هذا الموضوع وياها ابد مره ثانيه عفتها على راحتها
كعدت الصبح وامي رادت تحجي وياي واني عفتها وطلعت
اعرف بابا عارض العماره للبيع
بس فرح مالها ذنب همه ماعدهم حكمه بلتصرف ابد
ليش يحملون غيرهم أخطائهم
وصلت للشركه قبل فرح وما احس اله امي جايه وراي
معتز...خير شكو لاحكتني
عهود ...اريدك تخلص الي اتفقنا علي باسرع وقت
معتز...انتو حلو مشاكلكم بينكم
عهود...هاااا صارت هيج الشغله تتبرا منه وتعوفنه نغرك وحدنا
معتز...انتم غركتم نفسكم بنفسكم
انتم اصحاب المشكله وانتم حلوها اني طلعيني منها
عهود....اذا ماتنفذ كلشي باسرع وقت لاخرب عليك كلشي
وهذا اخر انذار الك
وانت الي عفت الاتفاق مو اني والي يعوف كلشي بعد الاتفاق
خسران فكر زين واستعجل بلتنفيذ
معتز...واذا مانفذت شسوين
اخرب كلشي انت مو تحبها انت تريد تكوش على كلشي الوحدك مو
راحت امي وحسيت نفسي بورطه
منا اهلي راح يخسرون كلشي
ومنا فرح احبه وتعلقت بيه حيل وما اكدر افاركها ابد ولا اكدر اغدر بيه
شويه ووصلت فرح
فرح هلووو عزوزي شبيك ضايج
...لا ماكو شي مشكله تخص اهلي
...اكدر اساعدك
...لا ماتكدرين بس تكدرين اطلعين كلبي من حيرته واتوافقين على زواجنا
...اوعدك اليوم راح افتح هذا الموضوع ويه امي
فرح بيومها رجعت للبيت وبس وصلت وسلمت على ماما
فتحت هذا الموضوع وياها
فرح ماما اريد احجي وياج بموضوع
...اي كولي
...معتز حيل جاي يلح بموضوع زواجنا
...ولله معتز شاب والنعم منه وكف ويانه باصعب الضروف وما شفنه منه غير كلشي زين
.. ما كان هذا رائيج بلبدايه
...يامامه الناس معادن والبشر ماتعرف معدنه الحقيقي اله اجربه
ومعتز ما شفنه منه شي موزين ابد عكس امه تماما
اني اكول وافقي احسن ما يمل من الانتضار
فرح انشاء الله باجر ارجعله الخبر
...ليش ما تتصلين بي هسه
...لا اريد اشوف الفرحه بعيونه من يسمع الخبر
...انشاء الله خير
للحكايه بقيه احبكمممممم
تفاعل حلو مثلكم
الفصل الحادي عشر والثاني عشر والاخير من هنا
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
