رواية رقم سبعه الفصل الثالث والرابع بقلم جمانه السعيدي حصريه وجديده على مدونة النجم المتوهج
 |
استمرت المشاكل بين عهود وعمه الهام
وبعد سنه ونص زواج
قرر ابو خالد يقسم الاملاك كلها بين عمار وخالد بوجوده حتى لاتصير مشاكل بعد وفاته
وفعلا قسم كلشي بلتساوي البيت الجبير الي كاعدين بي
قرر يسجله باسم عمار ويبقون ام عمار وابو كاعدين ويا
خالد قبل بس عهود تخبلت
عهود...عود ليش البيت الجبير الهم ليش مو النا انت الجبير
ولازم يكون البيت الك
خالد...امي وابوي كاعدين وياهم وهمه خادميهم انتي لو باقين امي وابوي وياج تخبلتي
جان كلتي ليش اني اخدمهم
عهود...اي ما اخدمهم شنو اخدمهم
خالد خلاص اسكتي انطونا بيت حديث وعماره بعد شتريدين
عهود...اي عمار وهاي بت الفكر الهم البيت الجبير وشركة السياحه
خالد...اني ماليه خلك الشركه وما اكدر اديرها عمار احسن يعرف يدير الشركه لان يشتغل من زمان ويا الوالد ومتعود عليها
عهود...طبعا مالك خلك الشركه الك خلك جماعتك والونسه وبس
خالد...سدي الموضوع احسن اللج واليه
جمانه السعيدي
عهود...معليه اريد البيت الجبير ليش هاي بت الفكر تاخذه وتكعود بي اني اولى منها
خالد كمت اخذت السويج وطلعت
عهود.. اي مايعجبك كلامي حقك
خالد وهو يفتح باب السياره ياربي هاي شني من مره
شكد اداهر وتحب المشاكل مللتني
الهام...من طلعت عهود من البيت ارتاحيت وستقرت نفسيتي اكثر بقه شي واحد مضوجني صار سنه ونص وماكو جهال
بدينا نراجع اني وعمار
سوينا كل الفحوصات عد احسن الدكاتره
وهنا كانت الصدمه القاتله
صدمت عمري شي ابد مو بلحسبان ولا متوقعته
طلع عمار نسبة صفر
اكثر من عشر دكاتره اكدو ان مستحيل يصير اطفال
جنت اتكطع من داخلي واني اشوف حبيبي وسندي جاي يتغير كدامي شويه شويه
جاي يذبل وحزين صار اكله قليل ويسرح هواي وباله مو يمي
من ازوجنا ليهسه ماينام اذا ما اني انام على صدره
كام يدخل للغرفه يتغطى وينام
يضل يحوس اعرفه مانايم بس يمثل انه نايم حتى لا احجي وياااااا
والمصيبه الثانيه عمي ابو خالد تعارض فجئه ونقلنا للمستشفى ومات
بيتنا صار كئيب ماتسمع بي بس صوت البجي والنحيب
واني انهاريت فد مره
لكيته حجه بحجتين ابجي على عمار
وابجي لان انحرمت من حلم الامومه للابد
اصعب حرمان تتعرض اله المراءه هو حرمانه ان تكون ام
مستحيل اكو شعور يعوض هذا الإحساس
والاصعب ما اكدر اعبر عن حزني لان اخاف على عمار لايضوج بلزايد
هو ماله اي ذنب الاطفال رزق من رب العالمين
ولي ماينطي رب العالمين خسران
خلصت الفاتحه وحالت عمار ادهورت فد مره
كطع الاكل ولحيته طولانه
حتى الكلام ويانه كلش قليل
واني حزينه اكثر منه منا على عمي الي عمرا ماسمعني كلمه موزينه ومنا على زوجي وحالته تبجي الصخر
ومنا على مصيبتي الي ماتتسولف
جمانه السعيدي
كان لازم اكون قويه واحاول ارفع معنويات عمار
كل الي صار هو ماله ذنب بي ابد
عمتي ماجانت تدري بلتحاليل الي سويناهن وماتعرف النتيجه
وكلما تسئلني اكله اثنيينا مابينا شي
لاتخافين عمه الله ماينسانه
حسيت عمار دخل مرحلة صعبه
وصار انسان ثاني
دخلت للغرفه لكيته متغطي ومن حس بيه سووا نفسه نايم
اني دخلت سبحت وبدلت وتعطرت وشلت الغطى ودخلت بحضنه
وشلت ايده خليته على خصري
الهام...تدري شكد احبك لا مو حب عادي انت اهلي وناسي
انت وطني وما ابدلك بكل كنوز الارض
عمار...اسمعها وحسيت راح اضلمها وياي
الهام...اعرف تسمعني جيب ايدك سحبت ايدا وخليتها على كلبي اسمع كلبي شلون يدك باسمك
عمار...ما اريد اضلمج
الهام..وين الضلم بلموضوع الله ماقاسم النا هو بكيفه يريد ينطينا يريد يمنع
عمار...انتي بعدج زغيره ومن حقج تكونيين ام
الهام...ماراح اكون غير زوجتك وما ااكون غير ام اطفالك
غير هذا ماعندي
عمار...راح تتندمين هسه ماخذج الحماس احساس الامومه مايتعوض
الهام...انت ابني وزوجي واخوي وابوي واهلي فدوه هذا الموضوع خل انسدا وبعد مانحجي بي ابد
اني بدونك اموت ماعرفت طعم الحياة اله وياك
عمار..اذا تردين ننفصل عادي اني اكدر انطيج حقوقج كلها
وارتبطي وكوني اسره انتي بعدج زغيره والحياة كلها كدامج
الهام...هاااااا تحجي صدك انت تريد تعوفني
صدك زعلت بعد ما احجي وياك
شنو معنى الحياة وانت مو بيها
درت وجهي عنه وكمت ابجي
عمار...ليش تبجين
الهام...لاتحجي وياي انت هانت عليك العشره والحب وتربد تعوفني
جمانه السعيدي
عمار قربت عليها وسحبتها الحضني
انتي مخبله اني احبج ومتمسك بيج بس خايف اشوف نضرات الندم بعيونج يوم من الايام
اذا شفت بعيونج نضرت ندم اموت انتهي لان انتي سبب تمسكي بهاي الحياة فهمتي
الهام...العيون الي ماتباوع عليك بحب اعميهن
اني اعميهن وما اتندم ابد
عمار...كل يوم اتاكد ان اختياري صح انتي نصفي الثاني
انتي الي تكملين نقصي
الهام...انت الكمال كله ولله الكمال
بس انت مابيك اي نقص حتى اكملك انت الي كملتني
واتمنى الله يطول عمرك ومايحرمني منك ابد
حاولنا من هاي اليله نطوي حزنا ونبدي صفحه جديده
ونعوف الباقي على رب العالمين هو خلقنا وهو يتكفل بينا
خالتي ادهورت حالتها بعد وفاة عمي وصحتها بلنازل
اخذناها الاحسن الدكاتره بس ماكو فايده
جسمها مايستجيب للعلاج وكل الدكاتره اكدووو ان حالته النفسيه هي السبب الرئسي
لعدم استجابت جسمها للعلاج
وكانت عهود تجي بحجت تشوف خالتي وتسمعني كلام على
الاطفال مثل السم لان الكل مايعرف الحقيقه
ماحبت اكول الحقيقه واجرح عمار
جمانه السعيدي
عهود...اكول الهام ليش ماتحبلين
الهام..بيد رب العالمين
عهود...خاف عاكر وماتكولين
الهام...وليش ما اكول هذا رزق من رب العالمين وهو بكيفه يوزعه على البشر
عهود...اذا تردين اكو دكتوره زينه اروح وياج
الهام...لاشكرا عمار ياخذني
عهود....بكيفج ردت اساعدج وقربت ابنها الزغيره وباسته
افيش ياريحتك ما كو اعز من الولد
الهام...لوما عمتي نايمه جان ركعت راسها بلحايط
ما اعرف من شنو مخلوقه هاي الانسانه متعبه بشكل وتنشر طاقه سلبيه بلمكان الي تكعد بي
ما اعرف شلون متحمله ووجها
للحكايه بقيه احبكمممممم
تفاعل حلو مثلكم
#البارت الرابع
#رقم سبعه
جمانه السعيدي
هنا امي كانت حامل وماتعرف نفسها الى ان بدت اعراض الوحام تبدي عليها
قررت ماتكول البابا لان تخاف من ردت فعله
وبنفس الوقت كانت خايفه لاتجي البنيه السابعه هلمره الله يعلم بابا شراح يسوي بيها
طول فترت الحمل تفكر وكلها قلق الحد ما بدت بطنها تبين
بلشهر السادس
يوم رجع بابا من السوك ولفت انتباها بطن ماما الي موطبيعيه
بابا...سعاد انتي حامل
امي...هااا يمكن
بابا...شنو يمكن قابل متعرفين نفسج
امي...اي حامل بس ولله بدون قصد
بابا...اذا ولد هلمره اجيبلج هديه كلاده ذهب واذا بنيه ما اريدها فهمتي
امي شلون ماتريدها
بابا...يعني انطيها ذبيها مو مشكلتي المهم اني بعد ما اريد بنات كافي ذني السته الي عندي
بس اني اكد واتعب ويجي الرجال ياخذها على الجاهز
وبس يضوج منها ما نحصل بس المسبه
اني كتلج وانتي حره
جمانه السعيدي
هذا الكلام قلق ماما بلزايد ماتدري رقم سبعه جايه بلطريق
الحاله الصحيه الخالة الهام بلنازل والهام واكفتلها وكفه ومداريتها حيل
لكن بعد ست اشهر من وفاة ابو خالد اتوفت ام خالد
ورجع البيت حزين وكئيب
البيت صار موحش وخالي
ونوب مابي اطفال يخففون من هاي الوحده
ورا الاربعين حجزو عمار والهام بشركتهم التركيا
حتى يطلعون من جو الحزن وخصوصا همه صار الهم ست اشهر مشدوده اعصابهم ويه ام خالد ومرضها
بقو شهر ورجعو للعراق
قررت الهام ادور عمل بتخصصها حتى تتخلص من الوحده والالم
بس مالكت عمل يناسبها ابد
الهام....شلون عمار دا اضوج من كعدت البيت ومالكيت شغل
عمار...شنو رائيج تشتغلين وياي بلشركه
الهام...اني تخصصي هندسه شمعرفني بشغلكم
عمار...بسيطه اني اعلمج شغله سهله
تتصلين بشركات السفر وتاكدين المواعيد
وتستلمين جوازات المسافرين وتسجلين الاسماء
الحد مانلكه شغله تتلائم ويه تخصصج
الهام...قربت علي وكعدت على رجله وكتله افكر
عمار...حضني وباسني وكال خوش فرصه لاتفوتيها وراح انطيج راتب
الهام...لازم تنطيني راتب قوي حتى اقبل اشتغل وياك بشركتك
عمار...اني وكل ما املك اللج ياحلوت الحلوات
الهام...خلاص اني موافقه
عمار...يله نوقع العقد
الهام...هاااا بيها عقد
عمار...اكيد....ويحتاج ختم واحد منا وباسني بخدي
وواحد منا باسني بخدي الثاني
هذا العقد توقع من حقج اطالبين بحقوقج كامله
الهام اتفقنا
بعدا فتره امي دخلت بشهرها والقلق دمرها وهي كل شويه
تستذكر كلمات بابا
وبيوم عدها وجع قوي وحانت لحضة الولاده خابرت عمه الهام وطلبت منها تجي تساعدها
ماما ماكانت محتاجه مساعدا بس رادت الهام تخفف عنها
وتقنع بابا اذا طلعت بنيه
لان مصمم يشمرها بلشارع
وفعلا وصلت الهام بسيارتها واخذت ماما للمستشفى
ودخلت غرفة الولاده
وهي خايفه من رقم سبعه
جمانه السعيدي
جابت بنيه ومن لحضة الي عرفت ان رقم سبعه اجت للدنيا
وهي تبجي
بس على شنو تبجي على حضها الي ماصار عدها ولد
لو على هاي البنيه الي ابوها ميريدها
حتى وجع الولاده نسته من الهبطه وخوفتها من ردت فعل زوجها
لفو البنيه رقم سبعه وانطوها العمتها
كانت جميله بشكل موطبيعي بيضه وشكرا وتخبل
فرحت عمتها بيها حيل
ساعه وطلعن من المستشفى ورجعن للبيت
ماما..الهام فدوه اريدج تقنعين اخوج يريد يشمرها بلشارع
الهام...يمه تحجين صدك
ماما...اي ولله لو اشمرها بلشارع لو يعوف البيت وبعد مايرجع ابد
اذا عاف البيت منيين اعيش السته العندي
الهام....كولي يالله هذا كلام بس من يشوف هذا الجمال راح يغير رائيه
شويه ورجع بابا اول مادخل كال ها بشري
الهام...بنوته مثل الكمر احلى اخواتها كلهن
بابا...ما اريدها
الهام...ليش هيج تكول دشوفها تخبل
بابا...ما اريدها يعني ما اريدها اشمروها بلشارع خل الجلاب تاكلها
ليش ياربي ليش اني عايز بنات يوميه وحدا
هسه شيصير لو ولد
الهام...ايجوز البنيه احسن من الولد شمدريك
بابا...ابنيه مو سته وهاي السابعه
ما اريدها وين تردين توديها وديها مو مشكلتي
الهام...انطيني اياها اني اريدها اربيها واسجلها باسمي
بابا...اخذيها بس كون ما اشوفها
ماما...اي فدوه العينج الهام اخذيها احسن ما اشمرها بلشارع
جمانه السعيدي
الهام..من كلت اخذها ردت اشوف ردت فعل ابوها وما جنت مصدكه راح ينطونيها
بس.شفت ردت فعلهم حقيقيه
الصراحه حيل فرحت بيها
بقيت عدهم يومين وخليت امها ترضعها وتاخذ الصمغ من صدر امها
الهام....انتي موافقه اخذها
امي...اي همزين راح تاخذيها احسن ماتنشمر بلشارع وما اعرف مصيرها
ثالث يوم اخذتها ورجعت البيتي
دخلت سمعت صوت عمار جوه صاح
عمار...هاي انتي حبيبتي اشتاقيتلج موووت
الهام...اني اكثر انت وين
عمار...بلغرفه تعاي اكو اوراق ضايعه وجاي ادور عليهن
دخلت للغرفه هلوووو حبيبي
عمار التفتت شفتها شايله جاهل هاي شنوووو
الهام...هاي بتنا الله دزها النا
عمار قربت شفتها تخبل الوجه ملائكي
تحجين صدك
الهام...طبعا احجي صدك تصور هذا الجمال واخوي يريد يشمرها بلشارع
عمار...لا لا لا شلون
الهام...يكول هاي رقم سبعه ما اريدها
واني كتلهم اريدها من بعد اذنك حبيبي
عمار...اكيد راح تنور بيتنا شنو سميتيها
الهام...بعدني بس يمكن اسميها فرح لان راح اجيب الفرح البيتنا شنو رائيك
عمار...موافق
للحكايه بقيه احبكمممممم
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
