جميع الروايات كامله

رواية كياني الفصل الاول حتى الفصل التاسع بقلم ابتسام نصيرات حصريه وجديده على مدونة النجم المتوهج للروايات والمعلومات 

رواية كياني الفصل الاول حتى الفصل التاسع بقلم ابتسام نصيرات حصريه وجديده على مدونة النجم المتوهج للروايات والمعلومات 

((في كندا ))

سمير...الحمدلله على سلامتك يا حلو 

انور .. الله يسلمك ، وبعدين معك ما بكفي غربه مش ناوي ترجع للبلد

انور... لا ابدا انا ما صدقت تركت البلد والي فيها والعادات والتقاليد الي بتخزي، بدك ارجع هو انا مجنون ، هون مكيف وعايش زي ما بدي اما هناك بعيش زي ما بدهم همه، الواحد مش ناقصه ، كمان انا هون الي شغلي الخاص وبكبر كل يوم عن يوم 

انور .. يا اخي الله يرزقك ، بس انت غير عن الكل عند اهلك الي محلل الك محرم لغيرك ، وكلمتك مسموعه عند الكل حتى عند امي وابوي 

سمير.... حتى ولو ، هون اهدالي راس 

انور.... طيب شو اخبار البنت تبعتك 

سمير .. عادي بس هي فريه كثير، وشغلها بجبرها تلتزم بشغلات انا ضدها 

انور ... شو بتشتغل حضرتها

سمير ... صاحبة محل 

انور(بشك).... وضح اكثر محل شو!!!! 

سمير.... تصميم ازياء وبتعرض تصاميمها بنفسها 

انور... شو هي الشغلات الي انت ضدها 

سمير.... يعني اذا نويت الارتباط فيها حضرتها ما بدها تخلف لتحافظ على جسمها ورشاقتها 

انور.... يا سلام ، وكيف اهلك بدهم يتقبلوها هاي ، فريه،!!!والله اعلم شو لبسها ، فوق هيك خلفه فيش 

سمير... بتقبلوها 

انور.... بدك تتجوزها رسمي ؟! 

سمير ...مش رسمي يعني ، لانه هذا الشغل ممنوع تكون متجوزه 

انور.... يا صلاة النبي عليك ، الغربه ببلاد الكفر كُفر 

انور ..  لا احنا تجوزنا عرفي ما في حدا بيعرف 

انور ... شو؟!!!!  وانت شو مجبرك على هيك اشي ، من متى في عنا زواج عرفي؟!  لتكون بتحبها؟! 

سمير... لا شو حب ما حب بس بتقدر تحكي تعودت عليها وهي كمان أتعودت عليه وكل واحد حر بيعمل الي بدو اياه 

انور.... شو هالعيشه هاي لو ابوك او امك عرفوا بهيك اشي بتقرأ على حالك الفاتحه 

سمير... انت ثمك لا تفتحوا بس ، وانا بس انوي ارجع بعرف اتصرف معهم، واتركني من هالقصه ، خلينا فيك ، ليش اتصلت فيه وطلبت تيجي لعندي ضروري 

انور(اخذ نفس عميق)... اسمع يا سمير انت اخوي واقرب شخص الي بالدنيا كلها ، ما لقيت طبعا الا انت ، الموضوع كثير محرج وبدي دكتور 

سمير ... محرج كثير؟! بعتقد اني افهمتك 

انور.... اها بلاش نحكي اكثر  

سمير...خليتني اقلق فعلا ، رح اخذك على افضل استشاري متخصص بهالموضوع 

.

.

في المستشفى 

الدكتور.... حالتك مستغربها ، ليش من لما لاحظت على حالك هالشي ما شفت دكتور ، الوضع اتفاقم كثير وصعب علاجه، الحاله غريبه وصارت معقده ومستحيله، والنتيجه عجز كامل 

سمير.... شو يعني؟! 

 الدكتور... يعني الزواج والخلفه مستحيله 

 

نزلت الكلمات صاعقة على راس انور وسمير

أنور...طيب يا دكتور يعني عمليه او اي ادويه؟؟  

الدكتور ....للاسف مستحيل ، ما في امل والحاله ميؤوس منها تماما 

طلعوا من المستشفى بحالة حزن تام 

سمير ... رح نشوف كمان دكتور 

انور... لا تغلب حالك الدكتور حكى مثل ما حكى الدكاترة ببلدنا ما تغير اشي 

سمير ... حتى ولو،  لازم نشوف بدل الواحد الف 

آصر سمير يشوف اكثر من دكتور ، ولكن النتيجه وحده ، لا اختلاف بآراء الدكاتره.

**************

((لجزء الاول ))

**************

كيان(بغضب)... مستحيل مستحيل 

نهال... عمك قرر وانتهى

كيان... شو قرر ما قرر؟! هي لعبه؟! هاي حياتي مستقبلي

نهال(بقلة حيله)... حكالي اخبرك وبس

كيان... وانا مش موافقه نهائي

دخل عمها بغضب ومن وراء الغضب ضعف

العم...مش ضروري موافقتك ، انا وافقت وخلصت 

قربت من عمها ومسكت ايده 

كيان .. شو صارلك انا بنت اخوك مش وحده من الشارع انت بتبيعني؟

العم .. اكيد لا، بس اجى الوقت الي ارد المعروف

كيان.. صحيح ربيتني وعلمتني لحتى وصلت للي بدي اياه

وتعبت عليه بعد وفاة اهلي ، بس مش معناته تجوزني غصبن عني

العم.... في وعد مني لازم اوفيه 

كيان... وعد شو!!!  

العم... وعد بدو يتنفذ 

كيان...طيب انا شو دخلني بوعد بخصك؟ 

العم... اذا بدك انتهي وادخل السجن لا توافقي على هالجيزه 

كيان....مش فاهمه! 

العم... كان في اتفاق وانتي فيه بالنص وحان وقته ، انا ما برميك انتي رح تصيري جزء من عيلة الــ ..... عيله كبيره ومعروفه وغنية 

كيان.... وانا شو بهمني اصير او لأ ، بدك ترميني ببلده الي عاداتها وتقاليدها من ايام الجاهليه، عقولهم صخر لا بوخذو ولا بعطو

العم... بتوكيلك الي معي وافقت ، وكتبنا الكتاب والعريس اعطى توكيل لابوه لانه بره البلد

نهال...يا كيان عمك مجبر

كيان.... يعني التوكيل العام الي اعطيتك اياه مشان شغلي استغليته لتجوزني بدون علمي  

العم... ما في كلام خلص ،الاسبوع جهزو حالكم نسافر على بلدتنا وبنزفك للعريس وبنقعد اسبوع وبنرجع للعاصمه

كيان من الصدمه قعدت بدون وعي وفاتحه عيونها الي انقلبت حياتها باللحظه 

كيان(بصدمه)... لاااا لااا مش مصدقه !!  

العم ... انكتب كتابك وخلص الك زوج مسؤول عنك بقدر 

بأي لحظه يطلبك 

كيان... يبقى انا مش بنت اخوك 

نغزه قلبه وقرب منها

العم... انتي بنت اخوي الغالي، بس الوعد لازم يتنفذ ولا حياتي بتنتهي بلحظه  

كيان.... يعني قصة ثار ؟! 

ابو كيان....يعني مثل هيك

كيان ... وبدك تبعثني عند هيك ناس بعدها بعاداتها القديمه

كيف بدي اعيش بينهم ومعهم؟!

نهال...  بتتعودي يا بنتي ، وحسب ما عرفت انه ابنهم الكبير متعلم بره البلاد زيك واكيد عقليته مش مثلهم

كيان.... يعني حصل حاصل لا الي اعترض ولا كلمه ، انتهت حياتي 😔

وصارت تبكي ، عمها شد على قلبه واخذ نفس طويل وبآلم 

العم.... جهزو حالكم معكم اسبوع

وتركهم وطلع 

كيان... شو يا مرت عمي انا كبش فداء ، ولا حيوانه ما الي رأي ؟!

نهال(بحزن)...امر واقع يا حبيبتي، ما طلع بأيدي اعمل اشي 

وتركتها وطلعت 

.

.

العم ... ما بعرف انه متذكر الماضي فكرت نسي كل الحدث 

نهال ... شو بصير اذا رفضت يعني؟!

العم ... بصير انه ابو انور بطلع كل الاوراق وبثبت عليه 

كل اشي والجريمه الي كنت السبب فيها 

العم...  ما كنت قاصد قتله 

نهال... وقتها بأمكانه يثبت اني قاصد بنفس الاوراق الي بين ايده بس وعدي اله انها تكون بنت اخوي لواحد من اولاده ما تطلع من عيلتهم مهما يكون 

نهال....كان حكمه قاسي عليك، طلوعك من البلده الي ممنوع تسكن فيها، ولا نسيت، كيف تركنا بيتنا واراضينا وطلعنا للعاصمه، ما نروح للبلد الا زيارة عابرة 

العم...هذا الحكم كان بالبداية قاسي بس صار بعدين لصالحنا ، عشنا بهدوء وتعلمت البنت وتركنا العادات الي بتكسر الظهر 

نهال... لا تحكيلي انه كيان بس تزوج رح نرجع لهون ونتركها لحالها بالبلد 

العم... اذا رفض ابو انور اكيد رح نرجع، لانه اتفاق

نهال(ببكاء)...ضاعت البنت ضاعت 

.

.

انور.. الو كيفك يا سمير شو اخبارك 

سمير... اهلا الحمدلله طمني عنك رجعت للبلد 

انور... اخباري!! زفت والحمدلله مصيبه وقعت على راسي  بعد يومين راجع ويا ريت ما ارجع 

سمير... شوي شوي اهدا شو صاير ؟! فهمني

انور.... ابوك 

سمير... ايوا يبقى في اشي لانه اتصل ابوك فيه وصوته عالي وصار يحكي ما فهمت اشي منه ، انت اهدا وفهمني شو فيه بالضبط 

انور.. انا بمصيبه يا سمير ، وشكله رح انفضح 

سمير ... يبقى ابوك ناوي يجوزك مره ثانيه 

انور... قصدك الف مره 

سمير... ما صار اشي ارفض ورجع سافر ، ولا احكيلك تعال عندي على كندا شهر وبعدها بترجع بكون ابوك هدي

انور....المصيبه العروس من عيلة الـــ .... اكيد سمعت عنها  من أكبر واغني العائلات هون ، والمشكله الاكبر انه بين ابوها وأبوي وعد واتفاقات، من هالحكي الي ما بدخل المخ، وانت بتعرف ابوك اذا حط اشي براسه بدنا نرضخ غصب عنا ، الله يسامحهم بتفقوا طبعا لانهم مش خسرانين اشي، والمطلوب مني انقلع واتجوز ، غصب عني، هو يا ربي في زلمه بتجوز غصب عنه !! لاااا والي العن بدي اخلف مشان العيلتين يصير بينهم علاقه اقوى، شوفت المصيبة الي انا فيها!! 

سمير... ايوااا هيك الامور معقده ، طيب شو ناوي تعمل ؟! 

انور(بحيره).... مش عارف 

سمير.... انا بحكي تحكي لابوك الحقيقه ولـــ...

قاطعه انور 

انور.... انت مجنون يا سمير !!! بدك اروح واحكيله يا ابوي انا عاجز وما بزبط اتجوز 

سمير...طيب شو بدك تعمل لانه اذا ما حكيت اله رح تنفضح فعلا  

انور....الي عرفته انها من بلدنا يعني عارفه العادات منيح ، واكيد مش متعلمه ، وانا رح اكسر خشمها من اول ليله وافرجيها العين الحمرا ، وقتها بتخاف ما بتحكي اشي 

سمير... بس حرام يا انور البنت شو ذنبها تكسرها 

انور.... مهو اذا ما كسرتها رح انفضح انا، كل مواجهه فيها ضحايا، وانا لازم اكون الفائز مش الضحيه 

سمير...مش عارف احكيلك شو!!!  الا انه هاي البنت ذنبها برقبتك 

انور...اتركك مني بدبر حالي ، المهم انت كمان لازم تستقر وتتزوج ، هوليا هاي الي ناوي تتجوزها ما بتنفع تكون أسره وتخلف 

سمير... بعرف لهيك ما رح اجيب سيرة الخلفه معها لحتى اتاكد منها واعرف انها قد المسؤولية ، شغلها ماخذ كل وقتها وتفكيرها ، اتركك مني ومنها ، شو ناوي تعمل لموضوع جيزتك وقصة الخلفه ؟! بدك تحكي الهم انه العيب منها؟! 

انور... لوقتها الله بفرجها ، بس اذا وصلت معي ممكن انفضح رح اطلعها هي الي ما بتخلف 

سمير... هالبنت احزنت عليها قبل ما اعرفها 

انور.... طيب طيب مع السلامه قبل ما اغلط عليك 

.

.

في البلده ..

عائلة الـــ..... بيتهم الكبير اكبر بيت بالبلده شبه القصر ، الكل بجهز لاستقبال ابنهم الكبير انور الــ...

ابو انور... يا اهلا وسهلا بابني الغالي يا هلا 

انور.... انا اجيت مشان خاطرك  ما بدي اكسر كلمتك وحطيتني تحت الامر الواقع ، يعني انت اصريت على هالجوازه

ابو انور... بعدين معك مش خلصنا من هالموضوع والخميس العرس ، وبعدين هيك الي بستقبل ابوه 

انور.... انا لاشفتها ولا بعرفها كيف بدي اتقبلها كيف؟! 

ام انور... الخميس بتشوفها زي ما بدك، خلصنا بدنا ننهي هالموضوع الي اله سنين 

انور اخذ نفس وشاف انه مصر والموضوع اصلا انتهى ونكتب الكتاب

انور.... طيب حاضر 

ابو انور .. بس دير بالك انا بدي حفيد باسرع وقت شد حيلك 

انور.... هذا بأيد ربنا 

ام انور... على الله يا ابني 

.

.

(ام سهم العيسى (ابتسام نصيرات))

يوم العرس..

كانت التجهيزات على قدم وساق ، اما كيان كانت مش مصدقه كأنها بتحلم ، وكيف صار كل هالاشي بسرعه 

نهال.... يا حبيبتي خلص الي صار صار وامر واقع وكمان عمك ما بقدر يرجع بكلمته 

كيان... لو سمحتي انتم بعتوني وخلص ما بدي حدا يحكي معي، وزي ما بدكم بتجوز بس اول ما رح اطلع من هون انسو انكم بتعرفوا كيان واعتبروني متت  

نهال.. ليش بتحكي هيك ،انتي قلبي وروحي حرام عليكي انتي مش عارفه انا كمان بټعذب مشانك

كيان... شو هالعذاب هذا الي بتحكي عنه عذاب يخليكم ترموني وانتي ما دافعي عني وتلاقي مبررات لعمي  ترميني لواحد لابعرف شكله ولا حتى اسمه 

نهال... مشان الله لا تزوديها عليه 

كيان ..  لااا ليكون ضميرك وجعك عليه لا سمح الله  !؟! الله لا يريح ضميرك من ناحيتي 

نهال... شو يا كيان انتي نسيتي اني مثل امك

كيان...اكيد ما نسيتش بس انتو الي نسيتو انه مثل بنتكم الي ضحتوا فيها مشان وعود قديمه ،وديون عفا عليها الزمن.

 

دق الباب

العم(بصوت عالي)... بعدين معك الوقت بمر يلا البسي فستان عرسك الجماعه على وصول وام العريس اول ما بتوصل طلبت تشوفك

وطلع العم

اخذت نفس والدموع بعيونها وبلشت بلبس الفستان وكأنه كفن بلف حولين جسدها مش فستان العرس الي كل بنت بتحلم تلبسه 

نهال(بدموع)...سامحيني يا كيان غصب عني ما بقدر اعترض على قرار عمك 

كيان(بدموع مريره ).... اليوم يوم وفاتي يا مرت عمي، انا مش مسامحكم كلكم مش مسامحه اي حدا غلط او رح يغلط بحقي

بعد فتره وجيزة فتح الباب ودخلت سيده كبيره بالعمر ام العريس، وبكل هيبه وباين عليها القوة والتسلط 

ام انور(بأبتسامه)... ما شاء الله عليك، زي ما توقعت انك حلوة مثل امك 

نهال.... اهلا وسهلا تفضلي نورتينا

ام انور ... منور بصحابه، ممكن تتركيني مع العروس شوي 

نهال... طبعا  طبعا تفضلي صارت بنتكم  

تركت نهال الغرفه، وفجاءة انقلب وجه ام انور لوجه كل غضب وجبروت 

ام انور...اسمعيني منيح وكل كلمه بحكيها حطيها حلقه بأذنك 

مشان ما يجي يوم تحكي ما حدا خبرني، اول اشي البيت الي بدك تدخليه ست البيت هي وحده، بتمون وبتشور وهي انا وبس،  اي شي بصير بالبيت بآمري الي بفوت والي بطلع فاهمه 

كيان...ليش يعني هو انا مش مجوزه زلمه قد حاله 

قربت منها ومسكت ايدها بغضب واضح 

ام انور...بدنا نبلش من اولها؟! الي بحكيه بينسمع وبتنفذ،واذا بعلم انك زعلتي ابني او ضايقتيه ما رح تشوفي اشي برضيك 

انتي اتجوزتي اطيب رجل بعيلتنا، والي تعلمتيه بره هالبلده بتتركيه، عنا عاداتنا ولازم تلتزمي فيها ، وحسك عينك بره غرفتك يبين منك شعره، وتنسي انك كنتي مش محجبه 

كيان... خلصتي ولا ضل اشي تحكيه  

ام انور... احكي زي العالم ، احنا قبلنا فيك زوجه لابنا تخليص حق يعني بتسكري ثمك وصوتك ممنوع نسمعه، يلا جهزي حالك الرجال تحت مشان الزفه ومن بيتنا يزفوكي النسوان وبعدها على غرفتك 

كيان.... شو الي بتحكيه انتي، لازم العريس يجي يوخذني بنفسه من هون، ولا مش طالعه من هالغرفه لو تنطبق السما عن الارض 

.

.

 انور... الو يا سمير الحقني

سمير... شو في اشي ثاني مش اخلصنا وتزوجت واليوم دخلتك؟ 

انور .. المصيبه العروس يا سمير، طلعت مش عايشه بالبلده عايشه بالعاصمه ومتعلمه تعليم عالي كمان

سمير ... حظك زفت واضح كيف بدك تتعامل معها هاي؟! وكيف رضيت تتجوز هيك بهالطريقه؟؟ 

انور.... زي ما وافقت انا رجل وقد حالي ورضخت

سمير... طيب شو الحل ؟! 

انور ... عملت شغله صغيره اذا قبلتها نص همي بنزاح وبقدر ادبر حالي معها 

سمير.... ايوا شو هالشغله؟ 

انور ..بعثت امي هي تجيبها مع الرجال اذا اجت ممتاز الامر سهل وبقدر اكسر راسها، اما اذا ما قبلت يبقى الله يستر 

بهالحظه دخل شب من قرايبه عليه 

.... انور امك بدها اياك ببيت العروس بتحكيلك تعال اخذ عروستك حسب الأصول 

انور(بزعل )... طيب روح من وجهي روح

سمير .. خير يا انور ما رضيت تيجي مع امك صح؟

انور ..الله يستر ، بتعرف شو يعني انها مَشت كلمتها على امي 

هاا يعني هالبيت رح يصير نار وشرار 

سمير .. طيب روح جيبها وربك بحلها 

انور.... ورطه مش عارف كيف بدي اطلع منها يا سمير هاي فضيحه وانا ما بقدر اتحمل فضيحه زي هيك 

سمير... اهدا يا اخوي ان شاءالله الها حل انت روح وجيبها مشان امك ما تزعل وخلي هاليوم يمر بسلام 

.

.

في بيت عم كيان 

دخل انور  بكل اناقته وصوت الاغاني والطبول 

العم ... اهلا وسهلا بالعريس الف مبروك ، بنت اخوي جوهرة هالعيله دير بالك عليها 

انور .. الله يبارك فيك اكيد رح احطها بعيوني ان شاء الله 

العم ...ابو انور انا وعدتك وفيت بوعدي ، خلي بالك عليها ، واصبروا عليها لانها ما بتعرف كيف عيشة البلدة 

ابو انور... ما تخافش بتتعلم ، بتقدر تضل بالبلد قد ما بدك 

العم... رح اجيبها 

شوي اجت كيان وايدها بايد عمها وراها نهال وام انور وسلمها لانور وكيان الطرحه منزله على وجها ، لا هي انتبهت لانور ولا انور انتبه الها.

.

.

انتهت مراسم الزفاف ودخلت كيان غرفتها برفقة انور ، وكانت بعالم ثاني وفجأة صحيت من عالمها على صوت انور

انور ..مبروك يا عروس 

 ما ردت وضلت واقفه 

انور ..  ليش واقفه لتكوني خايفه مني ؟!

تصنعت القوة واخذت نفس

كيان.... من شو بدي اخاف 

انور.... ما دامك مش خايفه ارفعي عن وجهك خليني اشوفك منيح، واشوف ذوق اهلي

رفعت عن وجها وقرب منها انور وقف من مكانه لما شاف جمالها الي ما توقعه ابدا 

انور(بينه وبين نفسه)... ووووو ما اجملك صاروووخ ، سبحان الله، شو بدي اعمل معها هاي ، يييي يا بختي المايل لازم اكسر رقبتها من هالليله وتخاف مني 

وكمل بصوت مسموع 

انور.... اسمعيني منيح الحكي الي بدي احكيلك اياه مش رح اعيده مره ثانيه، ممنوع تطلعي من البيت بدون اذني لاي سبب كان، وخاصه لوحدك

كيان... شو قصتك انت وامك، ممنوع ممنوع انا جاي على سجن ؟! 

انور...يعني تقريبا ، بكفي بدي اخليك تطلعي بره هالغرفه 

كيان(بصوت حاد وعالي)... يبقى انت اجوزت جاريه مش عروس

قرب انور منها ومسك ايدها بقوة 

كيان(بصوت عالي وبوجع )... اتركني يا متخلف اتركني

شد  على اسنانه وضربها كف 

انور(بصوت عالي).... هذا اول درس الك ممنوع ترفعي صوتك عليه نهائي ولا لسانك يطول 

تفاجأت كيان وبصدمه كبيرة موقف هالشخص الي اسمه زوجها، وبهالحظه فتح باب غرفتهم

ام انور ... شو فيه ليش صوتك عالي يا ابني وصل لاخر البيت

شو عملت فيك؟ 

كيان(بأستغراب).... انتي كيف بتدخلي علينا بدون لا احم ولا دستور 

ام انور.... انا ست البيت افوت باي وقت بدي اياه وباي غرفه ولا لا يا انور

انور.... اكيد 

كيان.... والله عال، شو هالعيله الي ما بتحترم حرمة الناس

ام انور ... من اولها طولت اللسان وقلة الادب 

انور قرب منها بزعل وهي بسرعه طلعت على بلكونة الغرفه  وقفت 

كيان.... اقسم بالله اذا قربت مني لرمي بحالي من هون وتكون خطيتي برقبتك ليوم الدين 

تحرك قلب انور بهالحظه 

انور.... لا ما رح المسك خلص انزلي بوعدك ما رح اضربك 

كيان.... بعد شوو 

شعر انه كان ثقيل عليها باول يوم الها هو اصلا مش عادته 

انور.... معلش يما تتركينا لحالنا 

ام انور ... انت متاكد انك تقدر على وحده تعلمت بالمدن واخذت عادات المدنيين 

انور.... خلص يما بتقدري تروحي 

تركتهم وكيان لساتها واقفه على طرف البلكونه 

انور.... انزلي انا اسف الي مديت ايدي عليك

كيان.... عمري ما حدا ضربني

انور... معلش اسف ، يلا فوتي الحمام غيري ملابسك وخلينا نتعشا وانسي الي صار 

نزلت بهدوء وكانت بدها تدخل الحمام بس هو استوقفها 

انور ... اسمك حلو 

كيان... شكرا 

مر عشر دقائق وطلعت من الحمام 

انور.... يا ويلي 

كانت كيان اميرة بمعنى الكلمة 

كيان.... لهجتك غريبه مش مثل اهل البلد 

انور... انا طول عمري عايش تقريبا بره انا واخوي سمير 

كيان... عندك أخ؟

انور...اه سمير مش اخوي بس، صديقي وتؤام روحي ، بس بختلف عني انه شخصيته قوية كثير وبتشوفيه قاسي بس قلبه كثير طيب وحنون،بس تشوفيه بتفكري انه هو الكبير وانا الصغير لانه بخاف عليه كأني اخوه الصغير ههههه

كيان ابتسمت بهدوء وشافت انه انور قلبه طيب كثير بس الواضح انه شخصيته ضعيفه خاصه قدام امه 

كيان.... الله يخليكم لبعض 

انور.... ما بدنا نتعشى انا جوعت

كيان .... طيب ممكن سؤال ، انا حاسس انك مغصوب على هالجيزه مثلي ، بس وضعك بيختلف عني بتضل رجل وبتقدر تحكي لا 

انور.... بدي اجاوبك واريحك لقدام ما دامك بدك تعيشي بهالبيت ، لما واحد كبير يقرر شي ،لازم يتنفذ من ثم ساكت ولا حدا بقدر يعترض ، الوحيد الي قدر يعترض ويعمل الي بدو اياه هو اخوي سمير 

كيان.... ليش انت ما عملت مثله واعترضت

انور.... سمير غير عني ، واتركينا من هالحكي خلينا نتعشى وانام انا تعبان 

مضت هالليله وكيان بصراع بعقلها من كل اشي بصير وصار ورح يصير معها.

.

ثاني يوم

انور.... كيان اصحي 

كيان ... شوي شوي 

انور... ما بصير الكل بيفطر واكيد بستنوني

كيان.... معلش انا بعدني ما تعودت 

انور ...  يلا قومي البسي والحقيني بسرعه

نزل انور وصبح عليهم 

ام انور.... ليش نزلت من غرفتك كنت بدي اجيبلك الفطور لعندك

انور.... معلش يما حابب افطر معكم 

ابو انور....اقعد يابا وافطر 

نزلت كيان لابسه فستان طويل وشعرها الطويل فارد على ظهرها 

ام انور.... شكلها العروس منكده عليك من اول يوم

سمعتها كيان 

كيان(بينها وبين نفسها) ... يا صباح يا فتاح ، شكلها بدها مني موقف تبطل تجيب سيرتي 

ام انور.... انا مش حكيتلك ممنوع شعره تبان منك 

ابو انور... بعدها عروس معلش ، بس يا بنتي احنا عاداتنا  ما بتقبل البنت يبين شعرها قدام الكل 

ام انور.... وانت يا ابني عاجبك ؟! ولا تعودت تشوف النسون بدون حجاب 

انور ... كيان اكيد فاهمه بس لانها عروس 

ابو انور.... اتركونا وخلينا نعرف نفطر 

.

.

ثاني يوم

نزلوا لتناول الغداء كان ابن خاله هاني جاي من السفر 

اول ما شافه انور اطلع على كيان بمعنى ترجع تطلع فوق 

قربت منه بصوت واطي 

كيان...شو؟! 

مسك ايدها واخذها لبعيد شوي 

انور.... اطلعي لغرفتنا وانا بجيب الغدا لعندك 

كيان ... ليش يعني 

انور صك على اسنانه بغضب 

انور... اطلعي فوق بسرعه 

اختصار لاي ردت فعل طلعت 

هاني شاف كيان وهي بتطلع 

هاني بتصفير 

هاني ... ووووو شو هالصاروخ الي اتزوجته يا انور بحسدك 

قرب منه انور وسلم عليه 

انور.... الحمدلله على السلامه 

هاني... بعتذر منك ما لحقت احضر عرسك 

انور.... معلش 

هاني....وباين العروس من الاخر 

وابتسم 

انور بغيره 

انور.... عيب عليك اختصر 

ام انور... خلصونا واقعدو اتغدو 

ابو انور ... ليش كيان طلعت؟ 

انور ... شعرت بتعب ، بس اتغدا بطلعلها غدا 

ام انور ... لا والله لازم توخذ لحالها هذا الناقص اطلعلها اكل حضرتك 

انور.... خلص يما 

هاني....بتنصحني اتجوز وغمزه

انور ... اتجوز وتهبب

هاني... ههههههه

.

.

كيان....وانت ليش احرجتني وخليتني ارجع اطلع للغرفه

انور.... حكيتلهم انك تعبتي

كيان....شو قصدك من الحركه

انور.... ما بدي تقعدي مع هاني 

كيان....هو انا قاعده لحالي معه ؟!!! 

انور... حتى ولو ممنوع اي شخص بره هالعيله تقعدي قدامه او تحكي معه

فتحت عيونها بغضب

كيان.... هو انت اتجوزت عبده عندك تتحكم فيها ، لعاد بكره بس ارجع لشغلي كيف بدي اتعامل مع العالم؟! 

انور.... شو شو!!؟؟؟! ما سمعت ؟!! شغل؟! اي شغل ان شاء الله 

كيان.... بعتقد انك بتعرف اني الي شغلي الخاص وسنوات وانا ببني فيه 

انور ... انسي هالموضوع من اساسه 

كيان.... مش ناسيه 

انور.... لا تخليني افرجيكي الوجه الثاني يا كيان، وكلمتي الي بتمشي، وطلوع من هالبيت لوحدك ممنوع ، والافضل تسمعي الكلام مشان ما نتعب مع بعض ولا الوجه الثاني بيطلع

كيان... والله هالوجه الثاني، لو اشوفه 

انور.... شو قصدك ؟! 

كيان... مش قصدي اشي بس زواج مبين من اوله

انور(بين وبين نفسه)... اكيد بتقصد اني 

كيان(بينه وبين نفسها)... غريبه حتى ما حاول يلمسني، فعلا زواج غريب ، بس احسن 

.

.

بعد كم يوم

صحيت لقت انور مش موجود 

كيان... ممتاز خليني اخذ راحتي واخذ دش 

دخلت الحمام واخذت دش وخرجت لابسه منشفه على وسطها وفجأة وقفت 

انور...شو؟! شفتي جني 

كيان(بخجل)... لا بس شو جابك 

انور.... انسيتي انه هاي غرفتي!! ولا لازم اخذ اذنك قبل ما افوتها

كيان... لا بس كنت بدي اللبس 

انور... البسي حدا مانعك انا جوزك 

كيان.... بس 

انور.... عادي شيلي المنشفه 

كيان... لا طبعا 

انور... شو لا؟! انتي زوجتي يعني كلك الي 

باسها على جبينها ومسك ايدها

انور(بحنان)...انا سندك يا كيان 

وجها صار احمر وخجلت

ضمها لصدره وصار يبوس فيها لدرجه كيان استسلمت اله 

وفجأة تركها 

انور... رح اطلع لحتى تلبسي براحتك 

استغربت اكثر من تصرفه وشعرت بغضب 

كيان... في اشي غلط مش طبيعي الوضع ، احنا عرسان ، معقول اكون مش عاجبه!!  

استمر هالامر تقريبا شهرين 

وكل يوم بحاول انور يقترب منها وبعدها يتركها ، وكيان ما لقت تفسير لهالحاله

على طاولة السفره

ام انور.... شو يا كيان ما في خبر على الطريق

كيان...وخبر شو؟ 

ام انور....حامل؟! 

اجت عيونها بعيون انور كانها بتلومه 

تركت الاكل وطلعت لغرفتها 

 انور.... شو يما ليش هالحكي 

ام انور ... اسمع لاحكيلك انا ما رح اصبر عليها اذا ما بسمع خبر حبلها كمان شهرين رح اجوزك عليها 

انور....شو هالكلام يما ، انا وياها اتفقنا مع بعض على هالموضوع 

ابو انور ... قوم يابا الحق مرتك راضيها واتركنا من كلام امك

ام انور... يعني لاني بدي ابني يجيب الولد بسرعه صار كلامي مش عاجبك 

ابو انور....اتركيهم بحالهم ، بلاش تحشري حالكم فيهم، الاولاد بيجو ما عليك 

انور.... انا طالع لكيان 

دخل عليها لقاها لابسه قميص نوم مغري وبقمة الجمال 

خلى حاله مش منتبه 

انور.... لا تزعلي من امي والله قلبها طيب ، لو تقربي منها رح تشوفي طيبتها 

قربت منه 

كيان...انت طيب كثير يا انور 

وحضنته بقوة باسها على راسها وبعد عنها 

انور... رح اتركك عندي شغل 

شعرت بالاهانه وكأنه صفعها بقوة ، رخصت نفسها  اله وحاولت ما تبكي ، اما انور شعر انه حقير ، وكان متأكد انها كيان تشعر بآلم من تصرفاته ، فقرر يطلع قبل ما يضعف ويعترفلها بحقيقته 

انقهرت وصارت تبكي وشلحت قميص النوم ومزعته قطع قطع 

كيان(بتبكي)... الوضع غلط لازم اعرف شو فيه 

.

.

كان مقهور والدمع يموج في عيونه 

رن هاتفه 

سمير... طمني عنك يا حلو 

انور(بصوت مخنوق)...انا بحاجتك يا سمير 

سمير(بخوف)...خير يا حبيبي شو فيه احكي

انور...جرحتها وجرحت انوثتها، ورخصتها، مش قادر استحمل خلص 

سمير...طيب شو صار ؟!

صار انور يبكي 

سمير(بحزن وبقهر)... لا يا انور انت بتبكي ؟!خليك قوي 

لا حول ولا قوة الا بالله 

انور... لازم اطلقها 

سمير... اطلقها؟! طبعا لا ، بهالوقت هذا انت بتأذيها اكثر بعدكم عرسان، البلده كلها رح تتهمها بشرفها

 انور.... شو اعمل؟! 

سمير... اهدا شوي واحكيلي شو صار 

بعد ما انور حكى لاخوه كل اشي 

انور .. هذا كل الي صار يا سمير، انا مش قادر اتحمل دموعها الي بعيونها الي بتحاول ما تنزلهمش قدامي،واحساسها بالإهانة شعور بيموتني مش قادر احكي اي اشي 

سمير... اهدا يا انور، انت لازم تحكيلها الحقيقه لمتى يعني؟! صارلكم فتره متجوزين ، لمتى بدك تضل تهرب، اكيد هي بتسال حالها  انه في اشي غلط 

انور.... شو بدي احكيلها هو هالحكي بينحكى لو اموت وارتاح 

سمير... اسمعني ارجع لعندها وقعد معها واحكي معها بهدوء 

واترك الها القرار 

انور.... يمكن تتركني 

سمير...احتمال كبير تتركك لانك حكيتلي شخصيتها قوية

انور...لا ما بدي تتركني بتحمل اي اشي الا تتركني كيان

سمير....شو يا وحش حبيتها؟! 

انور...هي بتنحب ، جمالها ورقتها وعقلها وتمردها

سمير حس بإحساس غريب باتجاه كيان رغم انه ما شافها لكنه تراجع وخصوصا انها مرت اخوه الغالي 

سمير .. توكل على الله روح احكيلها، وكيف ما تيجي تيجي 

.

.

رجع للبيت وقرر يصارحها بحالته ، لقاها نايمه وبقايا الدموع على خدها ، وقميص النوم متقطع قطع على الارض، نغزه قلبه قهر عليها ، وشعوره صغير بعيونها ، قرب منها بهدوء 

انور... كيان يا كيان حبيبتي قومي 

رفعت راسها بثقل 

كيان...ايوا بدك اشي؟ 

انور.... قومي شوفي شو جبتلك معي 

تحركت وشافت بايده بكيت كبير

كيان... طيب خليه بعدين بشوفه 

انور.... قومي بدي احكي معك بموضوع مهم 

كيان...طيب 

نهضت وقعدت على الكنبه الي قباله 

انور.... كيان انا بحبك مستحيل اتصور انك تكوني بعيده عني 

استغربت من كلامه ، وهزت راسها بعدم فهم 

كيان.... شو مناسبة هالكلام ؟! 

انور...انا بدي احكي معك بموضوع حساس شوي ، بس اوعديني لما تسمعيه ما تتركيني 

شافت بعيونه دموع 

كيان ... خوفتني يا انور شو فيه احكي

انور.... من الآخر انا ما بنفع لا لجواز ولا لخلفه 

اتسعت عيونها واخذت نفس طويل لستيعاب هالصدمه 

كيان... شو يعني!! اتجوزت غصب عني لحتى انحرم اكون ام كمان!! شو عملت لحتى اتعاقب هيك عقاب 

وصارت تبكي بمرارة ، ضمها اله بقوة 

انور ... والله وانا غصب عني اتجوزتك ، ما قدرت افضح حالي واحكي لأمنع هالجيزه ، بس القرار متروك الك ، بس اعرفي اني حبيتك من كل قلبي

كيان(بصوت مخنوق) ... القرار مش بأيدي وانت عارف اني ما بقدر اتركك، بس اطمن سرك ببير ما حدا رح يعرفه، وربي يعوضني خير بحياتي وامري لله 

.

.

مرت خمس شهور 

نهال.... كيفك يا ماما 

كيان.... اهلا يا مرت عمي ما توقعت انكم تسألو عني ونسيتوني ، اتذكرتو انه الكم بنت اسمها كيان

نهال ... له له هيك بتقابليني بعد كل هالمده 

كيان....لاني هنت عليكم كل هالشهور ما سئلتو عني 

نهال .... هيك الاتفاق 

كيان.... اي اتفاق بمنع الاهل يزورو بنتهم ، شو هالاتفاق

نهال ..اتركينا من هالكلام بشريني 

كيان.... شكلوا الاتفاق فيه ولاد بالنص ؟!

نهال.... حامل؟! 

كيان....لا تحكيلي انك جابه مشان تعرفي اني حامل ولا لأ

نهال... انتي بتعرفي انه الكل بستنى هالخبر 

كيان.... هههههههههه 

نهال... ليش بتضحكي كل هالضحك 

كيان....مفيش اشي بس اتذكرت نكته ، روحي طمني عمي انه ما في حمل

نهال.... لتكوني بتوخذي مانع حمل  ديري بالك الاتفاق مش هيك 

كيان... اي اتفاق ؟! انا صفقه بينهم ليتفقوا عليه ؟!!

نهال.... دير بالك لحدا يعرف، رح يصير مشاكل وخاصه اذا عرفت حماتك هاي مصيبه لحالها

دخل انور 

انور... اهلا وسهلا  نورتي بيتنا 

التفت لكيان 

انور... كيفك يا حبيبتي 

كيان... بخير 

كيان.... جهزي حالك بدنا روح بعد يومين للعاصمه مشان شغلك وتباشريه من هون ، وانا عندي كمان شغل  

كيان بفرحه 

كيان(بصوت عالي).... بجد يا انور

طبعا الحمايه وراء الباب لحتى تسمع ودخلت عليهم 

ام انور.... صوتك عالي ليش ، مش عيب،  علمي بنتكم  انه الصوت العالي عيبه

نهال... معلش اصلها فرحانه يا ام انور ما تاخذيها 

ام انور....لتكوني حامل ومخبين عني 

انور.... هو هيك خبر بتخبا يما ، بس بدي اخذها للعاصمه مشان تشوف شغلها وتابعه 

ام انور... شغل شوو؟! هو عنا نسوان تشتغل ؟!! والله عال 

اجت كيان ترد عليها بس ايد انور مسكتها 

انور.... معلش يما هاي حياتنا واحنا حرين فيها  

نهال... طيب انا عن اذنكم رح نلتقي انا وعمك بالعاصمه

ثاني يوم على الفطور

ام انور.... حضرتك ليش ما بتشتغلي بالبيت؟! اديكي عليهم حنا ، كنا مفكرين انك حامل بدناش نتعبك بس طلعتي شجره بدون ثمره 

كيان ... انتي مش ملاحظه اني من وقت ما فتت هالبيت وانتي ضدي وبتجرحيني وانا ساكته ،وانا ما عملت الك اشي

 

 ام انور.... شوف مرتك بترد عليه ، ربيها بدل ما ربيها انا 

انور....روحي يا كيان جهزي الشنتات لاني اليوم بدنا نطلع

ام انور...  ليش استعجلت النيه بكره 

انور... لانه اتعبت يما من المشاكل 

.

.

وصلوا العاصمه، كيان باشرت شغلها  بمكتب التصميم الهاص فيها بالعاصمه وزبطت امورها وربطت كل شغلها كله اون لاين لحتى تباشره من البلد بسهوله، وانور خلص بعض شغل اله 

انور... كيان بترجاك تتحملي امي مشاني بعرف انها شديده عليك 

كيان... شو بدي اتحمل لاتحمل ، حاضر يا انور مشانك   

رن تلفون انور

سمير.... وينك يا قاطع كل هالفتره ما تسأل 

انور... سمير حبيبي 

ابتسمت لا شعوريا لما سمعت اسم سمير ما بتعرف ليش بتنبسط لما تسمع بأسمه 

انور... بس اوصل البلد بحكي معك وبخبرك كل اشي بالتفصيل 

سمير... مالك مستعجل احكيلي 

انور ...مش فاضي حاليا في براسي الف شغله 

سمير .... انت مش عاجبني 

انور.... خلص بحكيلك كل اشي بس ارجع البلد 

سمير .. بستنى مكالمتك على نار 

.

.

وصلوا البلد

ام انور.... طولت الغيبه ليش هالتاخير 

انور... شغل يما 

ام انور... شكلوا بطلت تشتاقلي 

انور.... له له يما 

مسك ايدها وباسها 

انور... الك عندي خبر حلو يما 

ام انور .. خير 

مسك ايد كيان وشد عليها 

انور... كيان حامل يما 

ام انور... يا الف مبارك ، انتبهي لنفسك ، اذا بصير اشي لحفيدي بذبحك 

كانت واقفه مثل الصنم مش عارفه كيف بدها ترد من الصدمه 

انور .. كيان ردي على امي بتحكيلك مبروك

كيان(بتوتر).... اه الله يبارك فيك 

ام انور... شو مالها مرتك منهبله بعد خبر الحمل 

انور... لا يما ، بس من الفرحه 

قرب منها 

انور.... كيان وصلني مسج انه لازم ارجع للعاصمه في اجتماع 

طارىء ضروري وراجع مباشره ، وشكلي اتاخرت عليه 

ام انور.... بدك ترجع يا ابني !!! ارتاح شوي 

انور.... اتاخرت يما لازم اوصل بالوقت ولا بتعرفي ابوي عند الشغل ما برحمني 

كيان... الله معك 

ام انور ... لا تسرع انتبه يما ، الشغل ما بطير 

انور.... سلام 

.

.

ما صدقت خبر اتصلت على سمير تبشروا بالخبر 

ام انور.... والله وصار يا سمير 

سمير... شو الي صار يما 

ام انور ... مرت اخوك حامل 

سمير... مرت اخوي مين؟!!!

ام انور... هو الك اخو غير انور ؟! مرت اخوك انور حامل 

سمير (بدون فهم )...  ها .. كيف؟!  شوو؟!! ما خبرني حكيت معه من يومين ما خبرني 

سمير(بينه وبين نفسه)... معقول البنت غلطت وهي بالعاصمة ، لهيك امير ما كان على بعضه لما حكيت معه وحكالي رح اخيرك بكل الي صار ، لازم احكي معه ضروري 

ام انور.... بحكي معك وين رحت 

سمير... مبارك يما 

ام انور... عقبالك ما اشوف اولادك وافرح فيك يا قلبي 

واخذها الحكي مع ابنها ، نص ساعه ، كان في صوت بره البيت وضجه وصوت مش مفهوم ، دخل شب من ولاد عيلتهم وجه ما بتفسر وصوته عالي 

... يا عمتي يا عمتي ، انور انور 

ام انور.... شو ماله انور ؟!!! 

.... حادث حادث  انور مات يا عمتي مااااااات

ام انور(بفجع)... شو بتقول انور؟!! 

سمير .... يما شو فيه ليش بتصرخي شو ماله انور 

ام انور... انور يا حبيبي ما لحقت تشوف ابنك وتفرح فيه

وقع التلفون من ايدها 

سمير ... الو الو يماااااا ماله انور ؟!!! يماااااااا  

..

مساء الخير للجميع 

نتابع.... 

الجزء الثاني

 

مر اسبوع على العزاء وغادر انور الحياة بهدوء وترك سِرةٰ مع كيان الي وعدته انه ما حدا يعرف فيه ما دام عايشه 

نهال.... اخ عليك يا كيان ما لحقتي تفرحي 

كيان(استهزاء).... هو انا فرحت من اصله 

نهال.... ليش بتحكي هيك ؟! انتي كلها كم شهر ورح تصيري ام تفرحي بأبنك 

كيان.... ما توقعت خبر حملي ينتشر بهالسرعة! قبل وفاة انور بنص ساعه امه لعرفت 

نهال.... كل العيله عرفت ، واهل انور الي مخفف عنهم فقدانه هو حملك 

دخلت ام انور عليهم

ام انور... انتي شو بتعملي بغرفتك ، اطلعي استقبلي الناس الي اجت من كل المحافظه للعزاء انتي مش صغيره والكل بسال عن مرت انور الله يرحمه 

كيان... معلش انا تعبانه انتي بتقومي بالواجب وأكثر 

ام انور.. معلش ما بدي ارد عليك لانك حامل جديد بس بعد ما نخلص من العزاء بنتفاهم 

كيان(بأستغراب).... وانا بعد العزاء ليش بدي لاتفاهم معك ، الي بيني وبينكم راح ، وبيت عمي اولى فيه 

ام انور(بغضب).... الي بينا وبينك ابن المرحوم ، لا تفكري لو لحظه انه يتربى بره هالبيت 

وتركتها وطلعت

كيان... اسمعتي شو حكت 

نهال.... اسمعت 

كيان ... يعني عادي ؟!! 

نهال... حقهم ابن ابنهم الي مات ، هو العوض ما رح يتركوه 

كيان.... انا رح انجن فعلا ، يعني انور مات بدي اضل مربوط بهاي العيله؟! 

نهال... ما دام في ولد ، بدك ترتبطي فيهم طول عمرك 

كيان.... مش مصدقه شو بتحكي مش مصدقه 

.

.

ابو انور... سمير ما شفت وجه من وقت ما اجا، وين راح؟! 

ام انور.... سمير حبيبي مصدوم بفقدان اخوه

ابو انور.... متى ناوي هالولد يركز ويسمع الكلام 

ام انور... لا تلومه اخوه وصديقه وسنده تركه الله يصبرنا كلنا

ابو انور... انور راح للي خلقه هو ادبر فيه ، شوقنا اله بس هو الي بوجع 

ام انور.... عزانا بحبل مرته ربنا يعوضنا بولد 

ابو انور.... الي بيجي من ربك رضى ورحمه 

وترك زوجته بحزن 

.

.

 ثاني يوم على سفرة الفطور 

ام انور... عيلة الـــ..... جايه تعزي بعد شوي ، جهزي حالك 

كيان.... انا ما بعرفهم ما رح استقبل حدا 

ام انور... بدك تستقبليهم غصبن عنك 

كيان(بصوت عالي ).... ما في حدا بيقدر يغصبني ، الي كان كلمته بتمشي عليه مات الله يرحمه 

ابو انور.... اخفضي صوتك يا كيان عيب زوجك تربته ما نشفت لساتها 

ام انور.... ما بتستحي ولا كانه زوجها ميت 

كيان.... لو سمحتي لا تغلطي انا قاعد عندكم للان احترام لذكرى انور ، ولا من ثاني يوم كنت تارك هالبيت 

ام انور.... شكلو عمك ما خبرك بالاتفاق وشروطه 

ابو انور.... اسكتي مش وقته 

ام انور.... لا وقته ونص ، مش شايف صوتها عالي علينا مش محترمه لا صغير ولا كبير 

صوت قطع كلامهم كله فيه صوت الهيبه والقسوة 

.....  بدها تسمع الكلام غصبن عنها ، والصوت العالي ما بدي اياه ،اخوي لساته ميت 

ام انور(بابتسامه).... حبيبي ابني سمير 

كان نظره على كيان 

ابو انور.... عتابي معك بعدين لغيابك وتركك الي لحالي بالعزاء 

قرب من امه وباس راسها وباس راس ابوه 

سمير ... اعذروني الموقف كان صعب عليه ما تحملت 

احست كيان بزلزال قوي داخلها وكانها علامه تنذرها بأن القادم اسوء 

ام انور.... مين هاي البنت الي معك ؟! 

سمير ... بتقدري تحكي انها زوجتي

ام انور(بزعل ).... شو بتحكي مزوج بدون ما تخبرنا؟! 

ابو انور... شو هالكلام يا سمير !

سمير.... معلش يابا مش وقته بعدين بخبركم كل اشي على رواق 

ابو انور.... الان وقته يا سمير 

سمير.... زوجتي  بتحكي عربي رح تتعودو عليها 

ام انور.... كيف هيك يا حبيبي ما خليتنا نفرح فيك 

سمير ... صار الي صار وصارت زوجتي معلش سامحوني 

مسكها من ايدها وقربها من ابوه وامه 

سمير ..  سلمي على ابوي وامي 

هوليا(بصوت ناعم )... مرحبا كيفكم انا هوليا 

نظر سمير الى جهة كيان واقترب منها ضنن منها انه ناوي يعزيها 

اقترب منها وشعر بوخزه بقلبه واخذ نفس ، ولكن ملامح القسوة  على وجه ، وقفت كيان

كيان.... نعم

سمير.... اتفضلي اطلعي على غرفتك، هون ما بدي اشوفك  

كيان(بأستغراب)... بصفتك شو بتآمرني؟!

ابو انور.... سمير خلص البنت بعدها ما بتعرف 

سمير ... وقته تعرف 

كيان(بضياع)...شو اعرف؟!! 

سمير .. انتي بحكم زوجتي لحد ما تولدي ، ولما تولدي بنكتب الكتاب ، لوقتها وجهك ما بدي اشوفه هون ، واي تصرف بصدر منك، بدي اعرفه قبل ما يتنفذ 

بصوت عالي

سمير.... كلامي مفهوم ؟؟؟

كانت مصدومه من هالكلام  شعرت بضياع بضعف وعدم فهم  

 سمير.... يلااا فووووق 

كانت كيان بدها ترد عليه بس لفت فيها الدنيا وقعت على الارض مغمى عليها 

وقف سمير مكانه في حالة ذهول ،حملها بين أيده وكأنها فراشة تحتضن الضوء ارخت رأسها على صدرة وكأنها طفله منتظرة حنان الاب ،ضمها سمير الي صدرة وكأنه ظمآن لقى نبع مياه لكي يرتوي اسرعت خفقات قلبه بشده ومع كل دقة ازداد ضمها ، كل هذا تحت انظار من يدعي انها زوجته الحقوده ليس غيره ولكن حقد لكيان التي اظهر سمير من البداية الإهتمام والخوف عليها بهذه الطريقة 

هوليا(بينها وبين نفسها)...رح تكون زوجتك!؟!  هذا الي فهمته ، بس بسيطه هاي البنت خطر عليه لازم اتصرف 

باسرع وقت ، تركت بلادي كلها مشانك غني ما رح اطلع خسرانه ابدا 

.

.

دخلها لغرفتها وحطها على السرير وصار يطلع عليها ويتأمل وجهها 

سمير ... يا ترى هالوجه الجميل شو مخبي ، شو عملتي باخوي لحتى حبك كل هالحب ، وضحكتي عليه ولعبتي بذيلك من وراه ، الي ببطنك مين ابوه ؟!!! حزنان عليك شو بدي اعمل فيك يا كيان وعقابك كبير 

فتحت عيونها شوي شوي وطلعت عليه بصورة ضبابيه 

كيان(بضياع).. مين انت؟ 

وبصوت عالي

سمير(بمسخره) ... ها  انا سمير يا حلوة لا تتخوثي 

كيان .. انت ما بتعرف تتعامل بلطف من وقت ما دخلت البيت وصوتك عالي، وكمان مين سمحلك تدخل غرفتي، اطلع بره 

سمير كل الغضب تجمع فيه وماسكها بشده من وجهها

سمير... انا بدخل اي غرفه بدي اياها بهالبيت بدون ما حدا يسمح او ما يسمح ، اصحي على حالك يا حلوة ، كلها اشهر بتكون هاي مش غرفتك ، وغرفتك غرفتي، بس الصبر حلو  

سحبت ايده من فكها وقفت على السرير من فوق

سمير ..  ابعد ايدك عني ما بتشبع حكي راديو وانفتح ، مثل الثور الهايج من وقت ما فتت ما حدا قادرلك اصحى على حالك ، جواز منك اكبر المستحيلات ، انا مش ورث لاخوك لحتى ترثه منه كلها كم يوم راجع مع عمي وتارك القرف الي انا فيه 

سمير (هو يصفق).... برافو عليك شطورة ، ممثله بارعه بتستاهلي عليها جائزة 

نزلت من على السرير 

سمير ... اسمعي يا بنت، وكلام مش رح اعيده ، بس تولدي بنتجوز على طول ، ولا الك رأي ولا قرار 

كيان...  شو هالتخلف الي عايشينه ، على اساس عايش بره وفهمان

سمير.... الأتفاق انه تضلي بهالعيلة زوجه،  ما دامه انور الله يرحمه راح ، انا رح اكون زوجك ، وخاصه انتي حامل، والاتفاق بدو يتم 

كيان....شو هالتخبيص الي بتحكوه، ما بكفي سرقتو حياتي واحلامي مره مش ارح اخليكم تسرقوها مره ثانيه 

  

مسكها بوجها بقوة 

سمير(بشد على أسنانه)...مين الي سرق مين؟! انتي الي سرقتي حياة انور وشرفه، واصلا ما الك حياة وانسيها، وعيشتك بهاللبيت رح تكون ذل وهوان لحتى اعرف مين ابو الي ببطنك، وكيف قدرتي تستغفلي اخوي وتعملي عملتك الوسخه 

وصار يهزها بقوة 

سمير.... احكي مين هو احكي 

بهالوقت دخلت هوليا 

هوليا... شو حبيبي 

سمير ... ولا اشي حبيبتي ، يلا مشان اختارلك احسن غرفه بهالبيت اصلا انا تعبان وبدي ارتاح ، وانتي بس الي بتريحيني 

وكان قاصد يسمع كيان هالكلام ويقهرها ،. هوليا ما صدقت لانه سمير اصلا أسلوبه صعب معها ، وصارت تدلع اطلع عليها لقى كيان سرحانه 

سمير ...وين سرحانه يا حلوة ههههههه اكيد سرحانه شو بدو يصيرلك مني ، استني شوي عليه بس، لاخلص كم شغله  وبعدها راجعلك وبنتحاسب 

تركها هو وهوليا 

سالت دموعها بغزارة على حالها وعلى احساسها الغريب و علي قلبها الي مش فاهميته ،وبدأت تلوم نفسها علي احساسها الغريب 

كيان....لا بلاش دموع يا كيان لازم تفكري كيف تخلصي من هالورطه الجديدة الي وقعت على راسي ، لازم اطلع بره هالبيت بدون ما حدا يعرف وخصوصا هالثور الي اسمه سمير 

مسكت بايدها مزهريه شوي شوي وفتحت الباب لقت سمير بره الغرفه وظهره الها رفعت أيدها تنزل علي راسه فجاءة لف  ومسك أيدها بقوة

سمير ... يومك اسود بدك تقتليني زي ما قتلتي انور ؟! 

كيان انصدمت ورمت المزهريه على الارض 

كيان(ببكاء).... لا لا شو اقتلك !!!!  انا كنت بدي اطلع من البيت ما بدي اعيش فيها مره ثانيه بكرههُ، وبكرهكم كلكم ، انا مش عارفه اعيش بهالبيت هاي مش حياتي انتو اجبرتوني اعيشها ما بدي اياها ما بدي اياهااااااا 

انهارت كيان

مسكها سمير من ايدها بقوة 

سمير ... وفري هالدموع لانك رح تحتاجيها كثير، الايام بينا  وعملتك مش ناسيها ورح احاسبك عليها ، انتي حاولتي تقتليني يعني ما رح اترك باب غرفتك فاتح ، دفعها جوى الغرفه وسكر عليها بالمفتاح وتركها 

كيان.... لاااا افتح الباب افتح ما بتحمل ارجوك لااااااااا

سمير(من وراه الباب).... مشان تتعلمي يا حلوة 

وتركها ونزل لعند اهله

.

.

 ام انور.... لسانها طويل، وقويه

ابو انور.... شوي شوي عليها ما رح تتحمل الي بدو يصير ، بكفي فقدت انور ،لا تنسي انها حامل بأبن انور الله يرحمه 

سمير(بين وبين نفسه).... الخاينه كيف قدرت تستغفل حبيبي انور ، انا بفرجيها 

سرح شوي وتذكر مكالمه مع اخوه انور 

نرجع للمكالمه

انور...جد بحكي يا سمير اذا بتشعر انه مسكر عليها مكان ما بتقدر تطلع منه بتضايق وبتشعر بفوبيا المكان المغلق 

سمير.... قلبها رقيق ههههه

انور.... اكثر ما بتصور ، مبارح سكر باب الحمام وعلق القفل لاقل من دقيقه لحتى فتحته لقيتها مغمى عليها 

نغزه قلبه وطلع بسرعه لغرفتها، فتح الباب ولقى كيان مغمى عليها لا من ثمها ولا من كمها ،وملامح الضيق واضحه على وجها وبدون وعي حملها بين ذراعيه وعلى السيارة ، وكان الكل بصدمه من المنظر مع انه اصواتهم اتعالت بالسؤال (شو فيه) بس سمير ما رد على حدا 

وصل المستشفى 

وبعد فحص الدكتور الها 

سمير.... طمني عليها يا دكتور 

الدكتور.....صحيت الحمدلله وضعها تمام 

سمير .. والطفل؟

الدكتور.... هي حامل ؟ ليش ما خبرتنا اول ما جبتها ؟!

سمير .. ما خطر ببالي، بس هي المفروض حامل 

الدكتور.... رح يتم تصويرها بالسونار ونطمن 

سمير.... تمام 

.

.

ام انور ... وين راح فيها اي مستشفى بدنا نعرف شو صار 

ابو انور ... لازم نتصل باهلها ليصير فيها اشي ونتحمل مسؤوليتها 

هوليا.... ليش كل الأهتمام فيها؟!

ام انور... ببطنها ابن ابني الي مات لازم نهتم 

هوليا(بينها وبين نفسها ).... ايوااا ،رح اخليكم تهتموا فيه انا كمان 

ابو انور.... اتصلي بسمير لنشوف شو صار 

.

.

سمير... طمني يا دكتور

الدكتور ... هي زوجتك؟ 

سمير.... اه

الدكتور.... غريبه 

سمير ..  شو الغريب 

الدكتور... المريضه مش حامل والرحم عندها مغلق تماما كأنها بنت عذراء

سمير(بتوتر)... آ..آ..آ..  (سكت شوي وكمل )مهو طيب.. طيب دكتور 

الدكتور ممكن اخذها ونطلع 

الدكتور(بأستغراب).... اكيد وضعها صار تمام 

رن تلفونه 

سمير ... لا حدا يجي  هيني مروح 

ابو انور.... طمنا عنها شو صار 

سمير ... الطفل نزل ما النا نصيب فيه 

سمعت ام انور الخبر وصارت تصوت وتولول 

ام انور .. هي السبب ما انتبهت لحالها وموتت ابن ابني هالحيوانه 

ابو انور(بحزن).... لا اله إلا الله ربك الي راد وما النا نصيب نشوف اولاد انور وينقطع اسمه من هالدنيا 

.

.

هوليا.... حبيبي سمير 

سمير... اتركيني بحالي مش فاضيلك

هوليا.... بدي احكيلك اشي مهم 

سمير... انتي عمرك ما حكيتي اشي مهم 

هوليا... الله يسامحك ، مع اني متأكد انه بهمك

سمير.... احكي خلصيني

هوليا... انا حامل

سمير ... شووو؟! من مين؟!  

هوليا(بزعل)... لا يا سمير لهون وبس شو من مين؟! مش انت زوجي 

سمير ...هوليا لا تتخوثي عليه ، اخر مره قربت منك من ثلاث شهور 

هوليا... هو من وقتها

سمير ... ليش ما خبرتيني غير هالوقت؟ 

هوليا... كنت خايفه منك

سمير.... خايفه مني؟ ليش؟

هوليا.... لانك شفتني مره مع صديقي القديم واتهمتني فيه ، وخفت تفكر باشي ثاني 

سمير ..  ايوااااا ، وليكون الي ببطنك..... قاطعته بزعل

هوليا ... لاااا يا سمير  

سمير .. وليش لا يا هوليا مش اخذتك واكتشفت انك .... 

قاطعته 

هوليا... وسامحتني ومشي الحال ، وعرفت انه صديقي القديم هو ..... قاطعها 

سمير ... لا تجيبي سيرته اخرسي بكل وقاحه بدك تحكي اسمه كمان ، روحي من قبالي 

هوليا ... يعني بقدر ابشر امك وابوك بالخبر 

سمير (بضياع وضيق).... روحي اعملي الي تعمليه 

هوليا(بينها وبين نفسها)... لشوف مين رح تكون ست هالبيت الكبير هذا 

.

.

نهال... شو صار ؟

كيان... ما بعرف يا مرت عمي ، اغمى علي وصحيت بالمستشفى وبحكولي الطفل نزل 

نهال... شو عملوا بيت ابو انور 

كيان.... يعملوا الي يعملوه ربي هيك حكمته ، اذا في اعتراض يشكو لربهم 

نهال.... اسكتي ليسمعوك 

كيان.... مش عارفه ليش بتخافوا منهم ، شو الي ماسكينه عليكم !!! 

نهال.... ما في اشي بس بضلوا اهل جوزك 

كيان.... جوزي مات الله يرحمه والي بيني وبينهم انقطع 

نهال.... شو حكينا يا كيان ؟!! وسمير

كيان ...  لو تنطبق الارض على السما ما بزوجه

نهال.... عمك بعثني ليتأكد انك رح تتزوجي سمير فاهمه 

كيان..... اااه احكي هيك مو جايه لحتى تطمنوا علي !!! 

الي ببالكم مصلحتكوا ، فهموني شو هالمصاحه الي بتخليكم تبيعو لحمكم ؟!!!! 

نهال.... لا تحكي هالحكي احنا مستحيل نبيعك يا بنتي 

بس الاتفاق هيك 

كيان ... ايواا ا!!! اسمعي وصلي رساله مني لعمي ، اني رح ارفض الزواج من سمير لحتى اعرف كل اشي ، شو هو هذا الاتفاق ، الي بينكم وبينهم ، هذا اخر كلام عندي،  ولا....

قاطعتها نهال 

نهال... ولا شو يا كيان ؟! 

كيان.... انا مو صغيره وقتها بعرف كيف اتصرف

.

.

.

العم.... هيك حكتلك؟! 

نهال....اه 

العم.. لازم احكي معها قبل ما تتصرف تصرف غبي وتخرب بيتنا 

نهال.... لازم من زمان حكيتلها وخلصنا من كل هالقصه 

العم .... هو هيك يا نهال لازم نخلص من هالقصه وتفهم كيان انه ارواحنا معلقه فيهم 

.

.

ام انور... خلص ما بدنا اياها 

سمير... شو رأيك ؟ 

ابو انور .... حاليا الراي رأيك انت 

سمير ... المقصود اذا حاب تكون زوجتي

ام انور.... وهوليا ، والي ببطنها

سمير.... اتركينا من هوليا 

ابو انور ... يعني بفهم انك بدك اياها 

سمير .... مش قصة بدي اياها، بس الاتفاق اتفاق

ام انور.... هاي وجها شؤم علينا يا حبيبي ، واتركونا من الماضي ، انا خلص ما بدي اياها 

ابو انور.... ما دامه سمير بدو اياها بنضل على الاتفاق 

وانتي ما الك بالقصه بتاتا 

سمير.... رح اكتب كتابي عليها باقرب وقت ، ولا نخلي عيلتها تغلبنا 

.

.

كيان.... عمي انا مش سلعه بتبيعوني ولا كُرة بترموني زي ما بدكم ، بالاول رضيت ورضخت مشان ما اكسر كلمتك لانك كنت متصرف،  ما حبيت ارمي كلمتك بالارض لانك عمي الي ربتيني واهتمت فيني بعد اهلي ، بس حاليا ما بقدر خلص 

العم.... كيان انتي اذا ما قبلتي بسمير انا بروح فيها 

كيان(بأستغراب).... مش فاهمه؟؟ 

العم... اسمعيني وافهمي الي بدي احكيه ، انا روحي معلقه بايد هالعيله باي لحظه بقضوا عليه وابنتهي

كيان(بخوف).... فهمني شووو؟ 

العم.... لما ماتوا اهلك كانت علاقتنا معهم كثير ممتازة ما في خلافات ، بس المال ديما سبب الخلاف بين الناس ، والشراكة الي بينهم وبين ابوك صار عليهامشاكل ، وانا لحتى احفظ مال اليتيمه الي هو انتي حاربت بكل ما فيه معهم ، في يوم كنا مجتمعين نحل المشاكل تعالت اصواتنا وانا عصبت لابعد الحدود والشيطان خلاني اسحب المسدس واصوب ناحيه ابو انور لتخويفه،  احت الرصاصه مباشره بظهر جرير الي هو شريك اله، وانا كنت فعلا مش ناوي اطلق اي رصاصه مجرد تهديد وتخويف بس هجوم شريكه ناحيتي ليوخذ المسدس مني فلتت الطلقه غصبن عني عليه 

كيان (فتحت عيونها)... شو صار؟! 

العم(نزل راسه).... توفى مباشره

كيان... شووو؟؟ وبعدين؟! 

العم.... استغل ابو انور هالحدث لمصلحته زبط القصه زي ما بدو وعمل سيناريو على كيفه طبعا كنت موافق على كل الي حَبكه مشان ما انسجن ، كل اشي اخذه ، ولما حكيتله مال اليتيمه مش حرام توخذه ، حكالي اليتيمه رح تكون بالمستقبل زوجه لابني انور وهيك ما بكون ماكل حقها ، وخلاني اكتب بخط ايدي اعترافي بكل اشي واوقع وابصم عليها 

كيان.... يعني بالنهاية انا الثمن ، جريمتك، ومالي ، شو ذنبي يا عمي ؟انا شو ذنبي!!!  

وصارت تبكي 

قرب منها عمها 

العم.... انتي بتقدري ترجعي حقك بطريقتك وتوافقي على سمير ، بعرفك شاطره وبتتصرفي 

كيان.... واذا رفضت ؟! 

العم ... وقتها ابو انور بتصرف وانا بنتهي 

كيان بتبكي بمرارة 

العم.... كيان حبيبتي صدقيني ما ضل بعمري اشي، اذا انتي رافضه ما بدك خلص بروح لابو انور وبحكيلو يعمل الي بدو اياه 

كيان... انا الي رح اتصرف مش انت واحكي معه 

العم.... شو بدك تحكيله ؟!

كيان... ما بعرف شو بدو يطلع معي بس رح اخبرك شو بصير

.

.

 رجعت للبيت... 

كيان.... ليش جاي لغرفتي ، انت ما بتستحي اتركني بحالي 

سمير.... انتي لسانك طويل ، ومتعلمه وصاحبة شغل كمان

كيان.... متعلمه غصبن عنك ، ولساني ما بطول غير على الي مثلك لا بستحو ولا بخجلوا 

سمير.... المفروض تكوني نايمه بسريرك لانك منزله جديد 

كيان(تلعثمت بالحكي).... ا ا ا 

سمير.... يعني اتاكدتي اني عرفت انك ما كنتي حامل 

كيان (بتردد)... و. و.

سمير ... اضحكتني علينا وضحكتي على اخوي حبيبي انور الله يرحمه 

ومسك ايدها وشد عليها 

سمير ... ليش 

كيان(بينها وبين نفسها).... هذا سر بيني وبين انور انا وعدته انه سره رح يضل بصدري طول عمري مستحيل افضحه مهما يكون 

سمير(بينه وبين نفسه) .... مش عارف شو كان ببالك وبال انور لتحكوا انه في حمل مع انه عاجز 

كيان ... ما الك دخل انور مات وراح كل اشي بحاله 

سمير.... ضل دوري وانا رح اعرف اتعامل معك 

كيان .... دورك؟! والله عال ، انا لعبه باديكم يعني ؟!

سمير .. والله يا حضرة السيدة كيان ، الي بنعرفه في اتفاق 

كيان.... وهالاتفاق لازم ينفك 

سمير...  اذا كنتي شاطره فكيه 

كيان....لازم احكي مع ابوك 

سمير.... هيوه تحت انزلي احكي معه 

كيان.... اكيد

.

.

في الصالة..

كيان.... معلش احكي معك كلمتين

ابو انور.... احكي سامعك يا بنتي

كيان.... يا ريت على انفراد 

كان سمير مكتف اديه ومبتسم 

ام انور.... ما اوقحك يا بنت واحنا بعيدين عنه لتحكي على انفراد ؟!! 

كيان.(بغصه)... لو سمحت يا عمي بعد اذنك على انفراد 

اول مره بتناديه عمي هاي خلت ابو انور يوخذ نفس 

ابو انور.... الحقيني 

سمير ... ذكيه بتعرف تلين عقل ابوي 

ام انور ... شفت هالحرباية ما اقواها 

سمير قرب من امه 

سمير.... شاطره وذكيه 

واخذ نفس طويل وبينه وبين نفسه 

سمير ... ما بعرف شو الي مخليني اتمسك فيك يا كيان 

.

.

ابو انور.... احكي الي بدك اياه 

كيان.... انا اول ما دخلت هالبيت احترمتك وشايفك اكثر واحد قلبك طيب وممكن تشعر مع الغير ، وانت بتعرف دخولي لهالبيت كان غصبن عني ، ولحتى ما اطول عليك انا عمي خبرني بكل القصه القديمه شو اصل الاتفاق الي بينكم 

وبالنهايه انا الي انظلمت ودفعت الثمن ، وبعدكم مصريين ادفع الثمن ، واتزوج ابنك الثاني الي مزوج اصلا من وحده ثانيه ، وانا رافض الموضوع كله ، وبتمنى تطوي هالصفحه. كل واحد يروح بحاله ، ما بعتقد انت او عمي بعد هالعمر بتفكروا بالي صار ، وبالنسبه الي انا مسامحك بحقي بمال ابوي الي اخذته، شو قلت؟!  

ابو انور...انا ما في عندي اي مشكله 

كيان(بفرح)... جد بتحكي 

ابو انور ... اكيد جد بس بشرط 

كيان(بتساؤل).... شو هو الشرط؟؟ 

ابو انور... اذا ابني سمير رفظ الارتباط فيك انا ما عندي اي اعتراض انهي الموضوع من أساسه 

كيان(بينها وبين نفسها).... سمير!!! ما اظن ان يرفظني 

شو هالورطه!!

وكملت

كيان.....بدك تحط حياتي ومستقبلي بايد سمير 

ابو انور.... لا تنسي سمير ابني ما ضل الي الا هو بعد انور ، يعني الي بدو اياه يبوخذه من عيوني مستحيل ارفضله طلب مهما يكون وبعتقد هذا الاشي طبيعي ومن حقي 

كيان.... هذا اخر حكي عندك 

ابو انور... قلتلك نهاية الموضوع مرتبط بسمير 

كيان(بانكسار)... طيب ، شكرا الك 

طلعت وهي بحيرة كيف بدها تقنع سمير انه يبعد فكرة الاتباط فيها 

واباااااااا صدمت فيها وهي سرحانه 

كيان.... مش شايف انت اعمى 

سمير(بغضب).... مصره انه لسانك يضل طويل ، بس زي ما وعدتك رح يجي الوقت الي اقصلك اياه

كيان حاولت تكون لطيفه معه على امل يغير رأيه 

كيان(بهدوء)... مش قصدي كنت سرحانه وانا الي ما شفت 

سمير(بأستغراب)... اهااا من وين جبتي الادب حضرتك 

كيان(بتشد على أسنانها وبتحاول تمسك حالها)... انا من يومي مؤدبه بس الظروف بتخرجنا احيانا عن طورنا وبنحاول نخرج الغضب 

سمير ... وبكون بقلة الادب 

كيان(بأستسلام)... اعتبره زي ما تعتبره 

سمير بتساؤل 

سمير ... شو قصتك ؟! 

كيان... من الأخر ليش بدك تتزوجني؟؟ 

سمير... مشان الاتفاق 

كيان ... وانت بتعرف شو اصل هالاتفاق؟!  

سمير(بتأتاة)... اكيد بعرف 

كيان.... بتقبل ترتبط وحده رافضيتك 

قرب منها بجرأة 

سمير ... اذا وحده مثلك بقبل بدون تردد 

كيان(بلعت ريقها)... انت متزوج 

سمير ... وثالثة واربعه شو المشكله ؟!! 

كيان ... اول مرة بترجى انسان بحياتي، بترجاك ترفظني خليني اخلص

سمير... والاتفاق ؟! 

كيان.... اي اتفاق فيه كله ظلم بظلم ، اتفاق عقده ابوك ليمسك رقبة عمي بأيده طول العمر مشان غلطه صارت غصب عنه واصلا من البداية كانت غلطت ابوك 

سمير(بعدم فهم)... مش فاهم ، اشرحيلي شو غلطه ورقبة عمك ؟!! 

كيان.... انت حكيت بتعرف شو اصل الاتفاق؟! 

سمير.... اه بعرف 

كيان ... شو اشرحلك لعاد؟! ما بدها شرح 

سمير.... طيب طيب 

وتركها وراح 

استغربت من حالته وكيف تركها بدون ما يسمعها كم كلمة تهديد زي عادته 

كيان.... مش رح يتركني بحالي يا ربي شو اعمل 

.

.

ام انور... ما بعرف يما كل الي بعرفه انه ابوك حكالي اتفاق قديم ، بدو ينفذه عمها غصبن عنه وهو راضي  

سمير ... لازم اعرف شو هو الاتفاق 

.

.

هوليا.... انتي شو بتعملي قومي اعمليلي عشا 

كيان(اطلعت عليها من تحت لفوق).... شو حكيتي حضرتك؟!! 

هوليا.... الي سمعتيه 

كيان.... لا ما سمعت ارجعي عيدي 

هوليا... اعمليلي عشا انا جوعانه والبيبي جوعان كمان 

قربت كيان منها ومسكتها من شعرها 

كيان.... اسمعي انا مش خدامه عندك الخدامه تحت بالمطبخ انزلي اطلبي منهم 

هوليا وهي بتشيل ايد كيان من راسها 

هوليا... متوحشه 

كيان.... انقلعي 

.

.

ام انور... هيك عملت فيك !! 

هوليا ... وراحت ما توقعني عن الدرج كان نزل البيبي 

ام انور... بفرجيها ، ولا يهمك انتي انتبهي على البوبو ابن الغالي 

هوليا(بانتصار)... وضل كتير يا كيان ، ما بكون هوليا اذا بتضلي بهالبيت

.

.

سمير.... اسمعيني منيح لا تفكري انه كيان سهله لحتى تثيري غضب امي عليها 

هوليا.... ما حكيت اشي  

سمير.... بلا كذب ، وبلاش ثاني مره تعيديها ولا اقسم بالله ما رح يصيرلك خير وسمير الثاني بعدك ما شفتيه فاهمه ؟! 

هوليا ... فاهمه خلص مش رح احكي معها مره ثانيه، بس حضرتك مش كل شوي ولا انت بتحكي معها 

سمير.... انا حر بعمل الي بدي اياه ، لمعلوماتك كيان رح تصير مرتي 

هوليا ...شو ؟! انت بتمزح!!! وانا؟! والي ببطني

سمير .. علاقتي فيك خلص انتهت الي بربطني فيك الي بطنك ،مع اني مش متأكد اذا ابني ولا لأ بس الصبر حلو يا هوليا الصبر حلو ،واحترمي نفسك، وخليكي محترمة ولبسي اشي مستر ،عيب انتي مش ببلادك تلبيسي الي بدك اياه 

هوليا .. ليش؟! انت كنت تنجن عليه مذكر؟! 

سمير... كنت،، مش بعقلي بس اخيرا صحيت لحالي 

وتركها وطلع.... 

هوليا... لاااا هيك كثير الشغله بدها تخطيط وتكتيك قوي ،بس رح ابلش، بس من وين ؟؟ 

اااه الأم هى الاول،  لازم أكسبها في صفي وبعد هيك كله سهل 

.

.

الصبح الكل  على السفرة للفطور وكيان كانت اخر وحده بتنزل

كيان....صباح الخير

سمير... المفروض تضلي هالفترة بغرفتك ترتاحي، هيك حكالي الدكتور 

كيان... انا صرت منيحه الحمدلله 

ام انور... خلص اقعدي افطري

كيان... لا شكرا بدي فنجان قهوة بس 

سمير...قهوة لا كاسة حليب رح تشربي

كيان(بغضب)..انا ما بشرب حليب ما بحبه

امير... اعتبري نفسك بتحبيه 

كيان.... هو غصب ؟! 

سمير(بحده)... اه غصب والي بحكيه بتنفذ ، مش عارف العناد بمشي بدمك، ما بتعرفي تنفذي بدون اعتراض اففف

كيان... لا ما بعرف انفذ بدون اعتراض عندك مشكله؟! 

سمير.... لا انا ما عندي مشكله انتي عندك مشكله لانك رح تتعبي لازم تتعودي على كلمة حاضر بدون اعتراض 

كانو ناسيين حالهم وهمه بيحكو قدام الكل والكل عنيهم رايحة جاية عليهم 

هوليا... بعدين معكم شو بدك فيها تشرب ولا جعلها ما شربت 

انت كنت ولي أمرها ولا شو يا ماما 

ام انور ... عندك حق يا هوليا 

هوليا.... صحيح يعني بتسمحيلي اناديك ماما اصلا انا حبيتك كتير بصراحه

ام انور ... ووووو انتي تعملي الي بدك اياه وخصوصا انتي أم ولي العهد بعد ما راح ابن الغالي انور

هوليا....عارفة يا ماما لو الي في بطني اجى ولد رح اسميه على اسم المرحوم انور

ام انور ....ربنا يخليكي يا بنتي تسلمي ،وانا رح تشوفي شو بدي اعمل بس يجي على هالدنيا اول اشي رح اكتب باسمه  الارض تبعتي  

هوليا لمع الطمع بعيونها 

هوليا.... جد يا ماما ؟! بس انا زعلانه 

ام انور.... ليش؟! 

هوليا بتبكي كذب 

هوليا... رح يتجوز كيان وبصراحه خايفه على ابني منها بصراحه بعد ما ابنها راح خايفه تعملي اشي 

كيان رفعت حواجبها

ام انور.... هي سايبه تاذي ابنك

وقربت عليها وبصوت واطي 

ام انور ...  اصبري عليه انا رح اقلعها من هون بس اصبري ملهاش لازمه خلص ، وجها وجه فقر 

هوليا.... بدل ما دلعني مشان ابنك يا سمير اهتم فيه شوي تعالي شوف ابنك اللي في بطني اااه مش قادرة تعبانه كتير 

كيان اطلعت عليها وابتسمت ابتسامة استهزاء 

كيان(بلؤم)... خلي الشغاله تجيب كاسة حليب ما بدنا انزعل سمير   

وفجاءة كيان وبصوت عالي

كيان... ااه بطني اااه الحقوني

سمير مسكها بسرعه 

سمير.(بلهفه).. شو فيك ؟!! 

تعالي اطلعي على غرفتك ارتاحي انا حكيتلك لازم تضلي بغرفتك وترتاحي اجيبلك دكتور 

كيان....لا دايخه بدي شويت راحه 

اخذها على غرفتها وهو ساندها تحت عيون هوليا الي كلها حقد وغيرة 

هوليا(بينها وبين نفسها)... هاي مش قليله  لازم مااسكتلها واخلص منها بسرعه 

وصلت غرفتها وسمير بحدها ، واول ما دخلت غرفتها 

كيان... اسمع هاي اخر مره بتتحكم فيه فاهم انا مشيتها هالمره مشان ما يصير مشاكل لكن المره الجاي مش رح اسكت ، لا تتدخل ،اشرب شاي قهوة سم الهاري ملكيش دعوة فيه 

سمير(بكل برود) ... خلصتي؟! رح تشربي الحليب غصب عنك وبكرر كلامي الي بحكيه بتنفذ وراسك اليابس رح يتكسر بس الصبر حلو لا تفكري انه قصة بطنك وجعك فجأة مرت عليه بس عجبتني وانتي بتغيضي بهوليا ملعوبه 

رح اجيب الحليب وتشربيه 

وتركها وهي بتشيط غيض على سمير ، شوي ورجع كاسة الحليب بأيده 

سمير ... يلااا اشربيه

كيان.... بحكي جد يا سمير انا ما بحب الحليب لا تغصبني 

مسك سميركاسة الحليب وقرب من كيان  

سمير.... يلا لانه رح تشربيها بالغصب او بدونه  

كيان... انت مستقوي عليه! طيب عناد فيك مش رح اشربها يا سمير، لشوف شو بدك تعمل  

سمير(بغضب) ...انتي الي جبتية لنفسك لا تصيري تبكي 

حط الكاسه على جنب

وماسكها من كتفها التقت أنفسهم وعيونهم لاول مرة وبدأت لغة العيون تبعث إشاراتها  للقلب بداء خفقان القلب وكأنه بيرسل إشارات المرور عبر الروح وكان الروح مشتاقة وعطشانه للحب 

سمير وبدا يهمس الها بدفء

سمير... اشربي يا كيان بسرعة  

 وكأنها مغيبة هزت راسها بالموافقة 

مسك سمير كاسة الحليب وسند كيان على صدره وبدأت تشربها لحد ما خلصت الكاسه

سمير(بهمس).... صحه وعافيه

  

دق الباب وكأنهم كانو في حلم وفاقو منه فجاءة 

انتبهت كيان  لنفسها أنها شربت الكاسه كلها

دخلت هوليا كالاعصار فجاءة

هوليا.... بدي اعرف شو الي بصير، كل  ما ادور عليك بلاقيك هون ، بدك تنقل غرفتك هون؟!  

سمير(بغضب)... هوليا صوتك ما يعلاش  ! انتي مش ملاحظه ولا شوو؟! اتفضلي اطلعي روحي لغرفتك ما بدي اشوف وجهك هون  

طلعت هوليا في قمة غضبها ، وراحت لغرفتها واتصلت تلفون بصديقها القديم  

هوليا... الووو كيفك يا حلو  انت لسى هون ؟! طيب بدي اياك بشغله مهمه ، اعتبرها خدمه ، بدي السم الي ما ببان فعاليته الا بعد ايام  وبيعتبر عند الفحص جلطه 

جون.... من عيوني بس كيف بدي اشوفك لاعطيك اياه 

هوليا.. بدبرها بس انت استعجل بلي طلبته 

جون.... كم يوم بكون جاهز 

هوليا.. ممتاز ورح اعطيك المصاري الي بدك اياها 

جون... انتي بتعرفي اني ما بدي مصاري بدي اياك انتي 

هوليا... جون من وقت ما شافنا سمير مع بعض من يومها معاملته متغيره معي 

جون... شو يعني 

هوليا..... خلص انت جهز طلبي وبدبرها وبشوفك 

.

.

بغرفة كيان 

سرحانه ومستغربه من نفسها 

كيان(بينها وبين نفسها)... شو الي بصير معي لاااا مستحيل ، احساسي غريب ، ليش مبسوطه؟ لاااا 

اما عند سمير 

سمير(بينه وبين نفسه)... في شي غلط ما رح اتركها تسرق قلبي ، لا لا اصحى لحالك يا سمير شو حب ما حب حكي فاضي، بس انا اتاكدت انها ما خانت انور الله يرحمه، ويمكن لانها مرة اخوي ، انا ما بعرف اتحكم لاي مشاعر بتكون غصب عني ، بس رح اظلمها معي، لازم اطرد هالشعور بسرعه ، بس عندي احساس انها هي نفس الاشي ، لااا يا سمير اتصرف ، 

مممممم شو بدي اعمل 

ايواااا ما الي الا هوليا ما بخلي المره تكره الا مره زيها وهوليا طبعا ما بصدق اتقرب منها ، هيك رح تهون عليه كيان الي قلبي اول مره بميل لحدا ، رح يكون عندي ولد مسؤول عنه شو ذنبها ، طيب شو يعني اذا اتجوزتها !!! الاتفاق هو المسيطر 

على العشاء

ام انور... شايف صحتك صارت منيحه 

كيان... الحمدلله 

ام انور...يبقى من بكره تبلشي شغل بالبيت 

كيان(بمكر)... اذا الكل بدو يشتغل بهالبيت ما عندي مانع

ام انور... شو بتقصدي بالكل؟! 

كيان ... حضرة هوليا

ام انور... لا طبعا هوليا صاحبة البيت وام الولد الي بدو يحمل اسم العيله كلها، وكم يوم بتخلص العدة وبنكتب كتابك على سمير ورح تضل هوليا ست البيت كله  

كانت كيان بدها ترد بس بهالحظه نزل سمير وهوليا شابكين اديهم ببعض وسمير حاضن هوليا من خصرها حست كيان بغيره ما عرفت تفسرها ونزلت عيونها بالارض 

طبعا هوليا كانت عامله تمثيليه قبل النزول للعشا 

سمير كان ناوي ينزل يتعشا شافته هوليا 

هوليا.... سمير بسرعه تعال دوخت 

مسكها سمير من وسطها لحتى ما تقع 

سمير... ارجعك على غرفتك ترتاحي 

هوليا(بخبث).... لا بدي انزل ،انا جوعانه 

سمير.... صباح الخير ، ليش صوتكم عالي 

ام انور.... ما في اشي بس بحكي لكيان تصير تساعد بشغل البيت الشغاله لحالها ما بتخلص شغله ، انت شايف البيت كبير 

بدو نساعد فيه 

سمير .. شو المشكله  

ام انور.... الست هانم ما عجبها الحكي وبتحكي مثلي مثل هوليا بالبيت 

سمير.... اسمعي يا كيان امي هون هي ست البيت والحكي الي بتحكيه بمشي علينا كلنا فاهمه 

كيان(بتحدي) ....لا مش فاهمه انا مش خدامه هون ، واذا بشتغل فيه الكل بدو يشتغل ما في حدا احسن من حدا 

سمير.... مين بحكي انه الست الي بتشتغل ببيتها بتكون خدامه؟!!! 

كيان.... ليصير بيتي بالاول  

سمير.... خلص عاد الكل هون رح يشتغل في البيت بلاش حكي كثير 

قربت منه هوليا بدلع 

هوليا... بس انا حامل ما بقدر اشتغل تعبانه ، ابنك بتعب كمان 

سمير... طيب هوليا ما رح تشتغل لحتى تولد وخلصوني بدي اتعشا  

هوليا... معلش يا كيان تجبيلي شاي بحليب نفسي فيه 

كيان(بأستهزاء)... بلا شووو روحي جيبي لحالك 

ام انور ....لسى بنحكي انها ممنوع تشتغل 

كيان... ....

لمح سمير بعيون كيان دموع 

سمير.... هوليا من متى بتشربي الشاي بحليب؟؟ طول عمرك بتشربيه بدون سكر كمان مشان رجيمك  

هوليا..... بتوحم  ولا يعني ما بصير اتوحم 

ام انور ... اتوحمي زي ما بدك  حبيبتي ، ولا بدك يطلع اشي بوجه الولد مشان ما تتغلب الاميرة كيان 

لاحظ سمير اتفاق أمة وهوليا على كيان 

سمير(بينه وبين نفسه).... الله يعينك يا كيان ، بس بعرف انك قدها 

راحت كيان للمطبخ جايبه كاسة شاي بحليب وحطتها قدام هوليا بعصبيه وكملت عشا 

هوليا... شو هدا قرف يقرفك جايبه شاي بحليب معلب 

وسحبت الفنجان بقرف قدام كيان 

كيان(بغيض)... لااا لهون وبس هي الي جابته لحالها 

قربت كيان منها 

كيان... بتعرفي اني انا غلطانه الي اعملت قيمه لوحده زيك 

ومسكت فنجان شاي بحليب ورمته بوجها 

كيان ... هيك مشان تعرفي تشربي منيح، بتمنى يعجبك ، صحه وهنا 

سمير ما قدر يمسك حاله من الضحك 

ام انور.... بكفي ، انتي ما بتعرفي تحترمي حدا اهلك ما ربوك كيف تحترمي الاكل وخاصه في ناس كبيرة قاعده يا بنت .....

اطلعت عليها كيان وضلت طالعه لغرفتها 

سمير... شو يا امي انتي ثقلتي عليها كثير، وهوليا هي الي بلشت، مش كيان، وردت فعلها طبيعيه لهوليا

ام انور... بعدين معك يلا ادافع عنها مثل اخوك الله يرحمه كان ديما يدافع عنها

 

هوليا رفعت راسها والشاي بحليب بنقط من شعرها ووجها 

هوليا.... يع شو الي عملته هالمتوحشه ، لازم يا سمير توخذ حقي منها واذا ما أخذته ما رح اترك حقي منها 

سمير(بضحك)... ههههه اطلعي نظفي حالك ريحتك صارت بتقرف يعععع هههههه

مساء الورد للجميع ، رجاءاً  دعم الصفحه، والي بقرأ بدون تفاعل، هذول بالذات انا مش مسامحهم 😅 يعني بتوخذوا اشي اعطوا مقابله ما بتخسروا أشي 

نتابـــــــع... 

الجزء الثالث 

هوليا ....انت بتضحك عليه يا سمير !! انا اتبهدلت  

سمير...الي بقرب من القط يتحمل خرابيشه  ،هذا اولا وثانيا كيان مش سهله زي ما بتتوقعي  

هوليا....واذا هي قطه فأنا حيه ، ومش اي حيه كمان، حيه سامه وقرصتي والقبر 

طلعت كيان على غرفتها مقهوره والدموع بعيونها ، بتفكر لوين وصلت من الحُكم والقهر، دخلت الحمام واخذت حمام 

كيان.... بفرجيكي يا هوليا يا حرباية انتي وعجوز السوء بتتفقوا عليه !! ماشي يا ام انور انا اهلي ما ربوني 

لفت نفسها بالمنشفه وطلعت والغضب مسيطر عليها ما انتبهت انه سمير كان بغرفتها، وكانت بدها تشلح المنشفه 

سمير.... استني يا مجنونه شو بتعملي انا هون، مع اني بتمنى اشوف القشطه بس يلا ههههه

كيان(بعصبية ) انت كيف دخلت هون اصلا مين سمحلك ؟!! تفضل اطلع  بره 

 قرب منها ومسك أيدها بقوة

سمير .... اسمعي  مش لاني مرقتلك كم شغله معناته انا ضعيف ! بس أنه صوتك يعلى علي لاااا انتبهي واصحي على حالك واعرفي مع مين بتحكي وليش  

كيان... اترك ايدي وجعتني ، انت الي بتنسى حدودك  لو سمحت اطلع بره بدي البس 

سمير بحاول يقهرها اكثر 

سمير.... ليش تلبسي هيك احلى 

وغمزها 

كيان.... اطلع بره يا سمير انا روحي براس انفي وشياطين الدنيا بتنطنط قدامي ، انا كان نفسي اخنق مرتك  بس اختصرت لذلك اطلع بره، مشان  عندي شغل كمان 

سمير... شغل شو ان شاء الله؟! 

دق الباب 

سمير... فوتي الحمام لا تخلي حدا يشوفك هيك انا بشوف مين 

كيان.... لا تعمل حالك غيور روح اعملها عند غيري ، انا صعبه اكثر ما بتتخيل مشان تمشي كلمتك عليه ، روح لمرتك ادلع انت وياها هي بتعرف تدلع وتتمايع منيح

ابتسم سميروشعر بغيرتها الشديده في كلامها 

طلع من الغرفه وشاف الشغاله 

سمير ... خير شووو؟ 

الشغاله.... ابن خالك هاني تحت وبدو يشوف الست كيان

سمير.... بدو يشوف كيان ليش ؟ ليكون بدو اياني وانتي ما فهمتي عليه 

الشغاله.... لا بدو الست كيان مشان شغل 

كيان لبست ملابسها 

كيان... مين بدو اياني تحت 

الشغاله... المهندس هاني 

كيان.... يااا هاني دمه خفيف رح انزل اشوفه شو بده

فجاءة مسكها سمير 

سمير  موجه الحكي للشغاله 

سمير.... روحي انتي واحنا جايين وراكي

كيان... شو في كمان بدي انزل اشوف هاني شو بده 

سمير(بعصبيه)... يعني انتي شايفيتني كيس بصل قدامك مش زلمه لتنزلي تشوفي واحد بدون ما توخذي رأيي ولا هي سايبه هيك ملكيش الي يضبك  

اغمضت  عينيها لتتحكم بغضبها 

كيان... اه انا ما في حدا ضابني واهلي ما عرفوا يربوني زي ما حضرة امك حكت  وانت ساكت ،طلما سكتت على الاهانه يبقي انت ملكيش اي حق عندي و انا بعمل الي انا بدي اياه   في الوقت الي بريحني 

سمير ..انتي سقف طموحاتك بيعلى كثيررر

كيان... يعلى زي ما يعلى ما الك فيه خلص اعتبرني بقضي مده هون وقربت اخلص مدتي وتفرجوا عني

سمير. هههههههههههه احلمي زي ما بدك اصلا عدتك عندهم خلصت بنزول الجنين بس بينا يومين ورح نشوف كلام مين الي بيمشي 

دفعته كيان بايدها 

كيان.... ابعد هيك خليني اشوف شو بده هاني

سحبها سمير من شعرها

كيان....اااه شعري انت انجنيت ؟!!

سمير.... بدك تنزلي وانتي لابسه هيك امشي غيري وغطي راسك 

كيان.... انت ما الك فيه البس الي بدي اياه

سمير.... رح افرجيك كيف ما الي فيك 

شدها من بلوزتها ونمزعت 

سمير ..  لشوف كيف بدك تنزلي هيك  

صارت تغطي جسمها 

كيان(بغيظ ).. وحياتك ما بمرقها بسهوله الك بس اصبر شوي 

سمير... عادي اعلى ما في خيلك اركبيه وفرجيني شو بدك تعملي

غيرت بلوزتها ببلوزه احلى وطلعت لقت سمير بعده موجود وشافت  الاعجاب و الغيرة في عيونه 

كيان... انا نازله 

سمير.... هاي كمان مش مناسبه 

كيان.... ليش ان شاء الله اكمامها طويله واصلا ما عندي بلايز  غير هاي والي مزعتها حضرتك وابعد عن طريقي وخلصني 

سمير... اسمعيني قبل ما ننزل بتحكي معه رسمي بلاش تمزحي معه هاني وبعرفه ثقيل دم وعينه زايغه 

تركته ونزلت قبله 

سمير... استني بننزل سوا 

كيان... شو داخلين على عرس لننزل سوا وانت اصلا مالك لتنزل معي 

سمير .. انتي ما بتعرفي تمسكي لسانك خلي يومك يمشي على خير وامشي قدامي يلااا 

ابتسم سمير بينه وبين نفسه في اشي جواته بميل لكيان وبحاول يمسكه 

هاني ... اهلا وسهلا بكيان 

وكان بدو يمد ايده يسلم عليها بس سمير سبقها وسلم عليه 

سمير ... معلش يا هاني اصلا كيان بتسلمش على رجال 

اطلعت عليه بحقد كانها بتحكيله ليش بتقرر شغلات عنها 

سمير .. تفضل يا هاني اقعد 

هاني... خليني ادخل بالموضوع على طول، بس اولا شي بدي كيان تمسك شغلي الجديد هون وتعملي الديكور كله للشركه 

كيان... طيب انت محدد طبيعة الديكور الي بدك اياه ، وحاطط ميزانيه للتكلفه 

هاني .... كله جاهز هون 

ومد ايده وعطاها ملف 

هاني ... بدي شغل يبهر كل العملاء 

كيان .. ان شاء الله رح اكون عند حسن ظنك 

هاني ... ان متاكد من هالشي

سمير حس  بغيرة شديدة 

سمير .. طيب وثانيا يا هاني خلصني 

هاني...  طيب شوي شوي هو انت ما بتتغير ديما شغلتك نار 

الغربه ما عرفت تغيرك !؟ على العموم الموضوع الثاني هو انا عارف ان كلام سابق لأوانه بس.. 

سمير .. خلصني يا هاني بسسس شووووو 

هاني.... يييي يا سمير خلص يا ساتر ، انا بدي اطلب ايد كيان 

هون الجو اتكهرب وفجاءة وقف سمير واطلع على كيان بدون ما يحكي كلمة ولكن وقع من طوله قدامها 

ركضت كيان على سمير بخوف 

كيان.... سمير يا سمير اصحى يا ربي شو الي صارلك رد يا سمير 

هاني... ساعديني نطلعه على غرفته 

دقايق بلش سمير يصحى 

هاني ... انا عن اذنكم لازم امشي والموضوع بنحكي فيه بعدين 

كيان... الحمدلله الي امه ما كانت موجوده كان قلبتها على راسي بس هوليا وين؟!! 

((وبهذا الوقت كانت هوليا بتقابل جون لحتى توخذ منه السم الي اتفقو عليه)) 

قعدت بحده تراقبه ليصحى وبلش سمير يرجف من البرد 

جابت مي وبلشت بعمل كمامات باردة 

هاني ... حرارته مرتفعه حاولي تنزليها، انا لازم اروح، رح اتصل بعمتي واخبرها 

كيان... لو سمحت لا تتصل فيها خليها بمشوارها على راحتها 

هاني (بأستغراب)... حاضر  

كيان... شكرا الك 

هاني...الموضوع الي حكيت فيه لساته مفتوح 

كيان.... مش وقته يا هاني 

هاني .. طيب عن اذنك 

سمير بسبب ارتفاع درجة حراراته صار بدون وعي يخربط بالحكي

سمير....لا تتركيني انا بحاجتك كثير 

كيان...هيني بحدك لا تخاف انت تعبان مش عارف شو بتحكي 

سمير زادت حرارة جسمه بدأت كيان تقلق عليه جابت قوالب ثلج وسهرت طول الليل تعمل كمادات وبدأت درجة حرارة تقل تدريجيا وقفت فجاءة عن عمل الكمادات وبدأت تتأمل ملامح وجه و تمرر اديها على وجه برفق حس سمير بيها ولكنه تركها تكمل دون أن تشعر أنه صحي ظلت تمرر يداها تستكشف معالم وجه بحنان بمبالغ فيه. وتحسس علي شعره

حاسه بكل لمسه سلك كهربائي بضرب بجسدها ارتجفت ونبضات قلبها تعلن وقوعها في حب سمير حتي النخاع كل نبضة من نبضات قلبها تصرخ عشقا به 

ظل كأنه غايب عن الوعي ولكن بداخله سعاده لم توصف كأنه امتلك العالم كله ظلت كيان طول الليل تداعب معالم وجه وكأنها بتحفرها في ذاكرتها وهو عامل حاله لساته فاقد  الوعي ، لحتى غلبها النعس، ونامت، فتح سمير عيونه لقاها نايمة على كرسي اقترب منها يستنشق عبيرها وكأنه يود أن يملأ صدرة برائحتها ويبقيها بين ضلوعة.

في مكان ثاني ....

هوليها... جبت الي وصيتك عليه ؟ 

جون...هو انا بقدر ما اجيبه 

هوليا.... طيب اعطيني اياه بسرعه لازم ارجع للبيت

جون ... بتمزحي ؟!! شو ترجعي للبيت بهالسرعه 

هوليا.... خلص يا جون اعطيني اياه 

قرب منها وحضنها 

جون... مشتاقلك كثير يا هوليا 

هوليا.... مش وقته يا جون 

جون... لا وقته ونص تعالي ، مشان اعطيك طلبك الي طلبتيه 

 وقرب منها وضمها اليه 

جون ... دير بالك وانتي بتستخدميه القليل منه على فترات بسبب شلل وممكن جلطه وموت 

هوليا...لا تخاف رح حط نقطه صغيره 

.

.

رجعت هوليا على البيت وفاتت غرفتها بدون ما تعرف مين مراقبها من لما طلعت لرجعت البيت

صحيت كيان خجلانه من نفسها وهي بغرفة سمير 

سمير... صباح الخير 

 احمر وجهها من كثرة الخجل 

سمير(بمسخره)... شو بتعملي بغرفتي ؟! 

كيان.... كانت حرارتك مرتفعه بعد ما اغمى عليك يعني انا غلطانه اني اهتميت فيك كنت تركتك تموت يعني 

سمير... اه اتذكرت اني حسيت الدنيا لفت براسي ، بس ليش انتي نايمه بغرفتي ؟! 

كيان.... استحي على حالك يا سمير بحكيلك ضليت اعملك كمادات لتنزل حرارتك 

سمير قرب منها 

سمير.... انتي بتجنني يا كيان 

وشدها لصدره 

كيان.... سمير ابعد عني عيب ما بصير 

سمير .. مش قادر اضل بعيد اكثر من هيك

 وشدها اكتر لحضنه وهي استجابت وكأنها في عالم اخر 

وفجاءة فتح الباب ودخلت هوليا 

هوليا(بصراخ ).... يا سلااام شو بتعملوا؟! 

سمير... اخرسي انتي انجنيتي ما بنعمل اشي 

هوليا.... رح افضحكم 

وطلعت على كيان بحقد

هوليا.... شو بتعملي يا صاحبة الشرف والعفاف بغرفة جوزي وبحضنه ما صدقتي خلصتي عدتك من هون ورميتي نفسك بسرعه عليه؟! ولا خايفه يضيع منك الرزق والمصاري كلها 

طبعا صوت هوليا كان عالي لحتى كل الي بالبيت سمعوا صوتها 

ام انور... خير شو فيه ليش صوتكم عالي ؟! على مهلك ليصير اشي للي ببطنك 

هوليا(بكاء كذابي)..  تعالي شوفي قليلة الادب مش عارفه تصبر لحتى ينكتب الكتاب لقيتها بحضن ابنك، الله اعلم شو بعملو طول الليل مع بعض  

سمير(بعصبيه )... هوليا احترمي نفسك واعرفي شو بتحكي 

هوليا... اكيد بعرف شو بحكي لما افتح الغرفه ولاقيها بحضنك شو اسميه هالحكي ؟! حضن اخو لاخته !!!!  

كيان (بغضب)...لا انتي زودتيها مش رح اسكتلك 

قربت عليها ومسكت شعرها وشدته بقوة 

كيان ... يا وسخه انا اشرف منك ولسانك بقطعه اذا بتجيبي سيرتي بالعاطله 

 هوليا لقتها فرصه لحتى تخلص من قصة الحمل 

هوليا(بصراخ).... لاااا الحقوني بدها تنزل الي ببطني غيرانه مني لانه الي بطنها نزل الحقووني ، سمير ابنك رح يموت من هالمتوحشه 

ورمت بنفسها عمدا على الارض وكيان لساتها ماسكه بشعرها 

هوليا.... اه بطني اااه 

انفعل سمير وبعد كيان عنها وضربها كف على وجها

انصدمت كيان  وكأنه صابها شلل وتمسمرت بمكانها من قوة الكف وحطت أيدها علي وجها  الي صار لونه احمر ، وارتسمت نظرات الانتصار على وجه هوليا 

هوليا.... اااه بطني الحقوني مش قادرة انا حاسة البيي حينزل اااه باطني سمير 

قرب سمير من كيان ومسكها من ايدها وصار يهز فيها 

سمير ...بتعرفي لو يصير اشي بالجنين رح افرجيكي عيشه ما توقعتيها بحياتك عيشت الجحيم 

كيان لسانها وقف عن الكلام وفقدت النطق ودمعتها هي التي تعبر عن ما بداخلها من صراخ 

سمير(بصوت عالي)...امشي على غرفتك ،يا ويلك اذا بشوف وجهك او مجرد خيالك برا ، وادعي ربك ان ابني ما يصيرله اشي مشان قسما بالله لو صارله اشي ليكون آخر يوم تعرفي تعيشي فيه مرتاحة 

التزمت كيان الصمت وكأنها انفصلت عن العالم كله

هوليا.... اااه بطني بطني مش قادر ابني بضيع مني يا سمير . يا حقوده شو ذنب ابني تعملي فيه هيك مش رح اسامحك اذا صار بابني اشي يا غيورة 

سمير.... امشي على غرفتك وزي ما حكيتلك ما اشوف وجهك

كيان(اخذت نفس وبقوة وبغضب) ..   شو فيه انت وياها انتو بتكذبو الكذبه وبتصدقوها؟! انا ما لمستهاش مسكت شعرها بس، وانت ما الك حق تمد ايدك عليه ، ومن هون ورايح ما حد اله فيه واصلا انا تاركه الكم الجمل بما حمل اشبعو فيه عيشه بتقرف 

سمير(بغضب)...انتي انجنيتي بتعلى صوتك عليه؟! لااا اصحي يا كيان واعرفي مع مين بتحكي وكيف تحكي بصوت واطي معي ، ولو صار في اشي للولد اعتبري نفسك خدامة عندها من هون ورايح

لمعت فكرة في عيون هوليا

هوليا(بينها وبين نفسها).. ناجل قصه السم لبعدين وخليني العب عليها شوي خليني اخلص من قصة الحمل اول شي ورح اذل هالحيوانه 

ام انور... روحي على غرفتك وادعي ربك ما يصير بحفيدي يا  وجه الشؤوم 

حست كيان بانه مغلوبه على امرها الكل ضدها والخوف على عمها اذا تركت هالبيت ، وابو انور الي ترك الامر لسمير وسافر بره البلد ، ولأول مرة في حياتها مش قادرة تدافع عن نفسها جرت اذيال الخيبة  وكسرة النفس وراحت علي غرفتها 

ما اصعب شعور الكسرة  فإنه يدمر نبضات القلب والاصعب منه شعور الخذالان فقد شعرت كيان بخذلان كل من حولها وخصوصا هو (سمير)

كيان(بينها وبين نفسها)... يا ربي شو عملت انا مشان يصيرلي الي بصير والله تعبت ، يعني بدي اضل تحت حكمهم وانذل الهم ، لازم اتصرف، وابعد عنهم كلهم واختفي حتى عمي ما يعرف لحتى ما حدا يأذيه 

.

.

هوليا... بطني مشان الله الحقوني ضربتها وجعتني ااااه

ام انور.... يا حضي وحفيدي هذ كمان يروح يا رب يا رب 

استغلت هوليا حزن ام انور

هوليا.... كنت بدي اسميه انور اذا اجى ولد على اسم المرحوم مشان اسمة يضل موجود لكن حقدها  ااااه

كلامها زاد من حزن ام انور وصارت تبكي ، وزاد غضب سمير على كيان، وخاصه انه سيرة اخوه الغالي 

سمير... رح اتصل بالدكتور يطمنا 

هوليا...اه بسرعه ... لا لا لا  استنى دكتوري هو عارف حالتي 

سمير....بس دكتورك من وين بدي اجيبه ؟ 

هوليا(بتبكي)... انا ما  برتاح الا لدكتوري ما في حدا يشوفني الا هو 

سمير.... اللي بريحك بس انتي بتصبري لحد ما يجي

هوليا(بتوتر وتأتأه)...  هو اا..اا ..اا. جاي زيارة لهون كان جاي منتدب من مستشفى وحكيت معه مبارح وعرفت منه 

سمير..طيب اعطيني رقمه احكي معه

هوليا..  لا انا بحكي معه 

اصرارها وتوترها استغرب سمير لكنه ما بين استغرابه

مسكت تلفونها ورنت على جون 

هوليا.. الو دكتور انا هوليا اذكرتني حكيت معك مبارح

جون ..هوليا انا جون ؟ 

هوليا... اه بعرف يا دكتور 

جون... فهمت عليك شو بدك؟ 

هوليا... انا وقعت على بطني وحاسه بوجع فضيع يا ريت تيجي واسفه اذا بدي اغلبك بعرف انك منتدب من مستشفى هون 

جون ..افهمت عليك بدك اجيبلك دكتو يجي لعندك 

هوليا... اها تمام بس بسرعه يا دكتور انا تعبانه كثير وحاسه انه الجنين رح ينزل 

جون ... اه فهمت عليك ورح افهم الدكتور انه البيبي نزل 

هوليا... اوك دكتور بس بسرعه رح ابعثلك الموقع  

.

.

اما كيان استغلت انشغال الكل بهوليا وقررت تهرب وطلعت والشمس بلشت تغرب وابتعدت لحتى حل الظلام بطريق لا تعرف نهايتها ولا الى اين ستذهب، الخوف يتسرب لها من الظلام الحالك واصوات الكلاب وأصوات حشرات الأرض توقفت أنفاسها من شدة الرعب حاولت ترجع ولكن قد نفد الوقت فقد ضلت الطريق العودة ..

.

.

الدكتور.... السلام عليكم

ام انور ... وعليكم السلام، يا دكتور بسرعه طمنا على وضعها 

الدكتور ... خير ان شاء الله يا حجه اتفضلوا بره ارتاحوا 

دخل الدكتور على هوليا وسكر الباب

هوليا... فهمك جون كل شي؟!

الدكتور .. اه بس حكالي الحساب عندك 

هوليا.... كم بدك 

الدكتور... 5000 

هوليا... شوووو؟ انت بتمرح؟!  لو حملت كان احسن 

الدكتور.... زي ما بدك خلص بطلع وبحكيلهم ما في حمل من الأصل 

هوليا...انت مجنون!؟ خلص رح اعطيك بس بتطلع وبتحكيلهم  ان الجنين نزل من شدة الضربه، افف من وين جابك جون !!   

.

.

كيان وقفت مكانها بدون حركه من شده الخوف وبرودة الجو وفجاءة طلع عليها اتنين ماشين 

ملحم... شووف شووف يا محمد هاي جنيه ولا شووو!!  

محمد... شو جنيه يا اهبل هاي صاروخ يا ويلي شو هذا  

ملحم قرب منها هو ومحمد بنظرات اعجاب 

ملحم ...  شو هالجمال هذا يخرب بيت جمالك 

كيان(بخوف)... مين اتنو شو بدكم ؟ 

محمد... اهدي يا حلوة احنا رح نتعرف على بعض انا محمد وهذا ملحم وانتي مين؟ 

ملحم... احنا بدنا نقعد نتعرف على بعض؟!!  يلا نتعرف بطريقتنا يا محمد ونحكي ونعمل احلى اشي

كيان... ابعدو عني ولا بصرخ باعلى صوت وبلم عليكم امة لا اله الا الله 

محمد... هههههههههههه همه وين الامه انتي ما بتعرفي وين صرتي ؟!! انتي بمكان مقطوع ما فيه حدا ولا رح يسمعك حدا 

وقربو منها هما الاثنين وشدها ملحم من قميصها ومزعه  وسط صرخاتها العالية ومسك محمد أيدها وهي بتصرخ باعلى صوتها وبقوة ، بس حظها انه دورية شرطه سمعت الصوت واقتربت ونزل ضابط منها 

الضابط .. شو فيه؟ 

 ركضت كيان واحتمت بالضابط وهي بتسكر القميص 

كيان ... الحقني احميني منهم 

محمد...انتي بتمزحي انتي جاية معانا بمزاجك

ملحم.... يعني معقول يا حضرة الضابط وحده تمشي في طريق زي هاي مقطوعه وكله كلاب مسعوره من غير ما تكون متفقة مع حدا 

كيان...اخرس ياكلب انت متعرفش انا مين انا بفرجيكم 

الظابط... خلص انت وياها اطلعو بالسياره وبنقطة الامن بنتفاهم 

كيان... لا المخفر لا 

الضابط .. شو الي لا ؟! هو انا بعزم فيك لحتى ترفضي 

وبصوت عالي 

الضابط... يلاااا اطلعي 

انتفضت كيان من صوته بس مسكت حالها 

كيان .. لا مش طالعه انا ما بعرفهم وكنت ماشيه بطريقي وفجأة طلعولي اقسم بالله 

ملحم... شفت يا حضرة الضابط، مجنون الي بيمشي بهالطريق بالليل وخاصه بنت مثلها 

الضابط... ولا كلمه الكل على السيارة ولا حدا يفتح ثمه .

.

.

الكل وافق برا غرفة هوليا قلقان علي الحفيد المنتظر

الدكتور(هو بعد المصاري)... هيك تمام رح اطلع احكيلهم الجنين نزل 

هوليا... انت مادي يا ساتر عليك الي عملك دكتور ظلمك 

الدكتور.. من غير غلط لو سمحتي وانتي إبليس نفسة بيتعلم منك،الست الي عرفت تقنع جوزها انها حامل ، لا وكمان نزلت  وتلبسها لحد ثاني بتبقي قادرة الشيطان نفسة بصقفلها ويضربلها اعظم سلام

هوليا... برافو عليك، خاف على نفسك لو حاولت تلعب معي اعرف انه اللعب مع الشيطان هلاك،  وانا الشيطان نفسة اتفضل اطلع مع السلامه 

الدكتور... لا العب معاكي ولا تلعبي معايا الله يكون في عون الي بيقع تحت ايدك اللهم أكفينا شرك 

طلع الدكتور وكان في انتظارة في الخارج الكل متجمع

سمير...خير يا دكتور طمني الجنين بخير

الدكتور... للاسف كان نفسي اطمنك بس ربنا يعوض عليكم الجنين نزل شكلها اخدت ضربه قويه علي بطنها سببت في الإجهاض ربنا يعوض عليكم 

سمير(بحزن)....شكرا الك 

.

.

وصلت كيان المخفر

الضابط..  الكل يوقف و يحكي الي صار، اتفضلي انتي اول شي ، اسمك وعنوانك 

كيان(بشموخ).... انا اسمي كيان الـــ..... 

قام وقف ضابط بسرعة انتي من عيلة الـــ... 

كيان.... ايوه وزوجه المرحوم انور الـــ...  

اتغير لون وجه الضابط 

الضابط.. انتي ليش كنتي بهالوقت بره البيت وبهالمكان؟!!  

كيان... ما في قانون بيمنعني اطلع من بيتي باي وقت 

انا بطلع باي وقت بعجبني مش ذنبي انكم تاركين كلاب مسعوره في الطريق تعترض الناس وتتهجم عليهم 

محمد ... شايف رد البنت انتي بتتهبلي وانتي جايه معانا بكيفك 

كيان.... سكر ثمك ولا والله بغير ملامح وجهك الوسخه انا مش طايق حالي اصلا وقرفانه منكم يا زباله

الضابط ... بسسسس شو احنا قاعدين بالسوق ؟! 

يا عسكري 

العسكري ..  حاضر 

الضابط ... خذهم على التخشيبه لصبح بنتفاهم معهم 

الضابط اعجب بجمال كيان 

الضابط.... مدام كيان انا اسف ما بقدر اعملك اشي بعد اتهامهم الك 

كيان... يعني اي حدا بتهم الثاني بتصدقه على طول؟! طيب وانا بتهمهم بالتعدي عليه بطريق عام تهمه قبال تهمه  

الضابط ... بس انتي لازم تنامي هون لصبح 

كيان .. كيف يعني؟!!  لا طبعا ولا دقيقه وحده 

الضابط... للاسف مش على كيفك الخدمة الوحيدة الي بقدر اعملها الك اني ما انزلك على الزنزانه واتركك بمكتبي على مسؤليتي 

كيان .. بس صدقني انا ما عملت شي لحتى انام هون همه اعتدو عليه 

الضابط... انا مصدقك بس خلص صار في محضر ، وانتي رفضتي تعترفي ليش كنتي بهالوقت هناك،  وانا بدي افهم انتي شو طلعك بهالوقت، لا تحكيلي ما في قانون بيمنع !! انتي بتعرفي انه احنا ببلده الها عاداتها وتقاليدها، وانا متأكد انه في شي قوي اجبرك تطلعي بره البيت بهيك وقت 

كيان... ممكن احتفظ بالاسباب لنفسي لو سمحت. مش حابة احكي 

الضابط ... اوك اتفضلي نامي للصبح وانا طالع بره 

طلع الضابط من مكتبه وماسك تلفونه 

الضابط... الو السلام عليكم  

سمير كان في قمة الغضب 

سمير .  مين حضرتك

الضابط...انا الضابط حسام مدير مخفر البلدة 

سمير....خير في اشي ؟!

الضابط...بصراحة المدام كيان عنا وهي في ورطة بس هي مش راضيه تفهم أنها في مشكله كبيرة

انتفض سمير وبصوت حاد

سمير ..كيان مين؟؟ كيان مرت اخوي انور الله يرحمه ؟! 

الضابط...للاسف اه مدام كيان مرت اخوك الله يرحمه 

سمير...انت شو بتحكي؟! متى طلعت من البيت وكيف اجت عندكم اصلا ؟! طيب طيب شوي بكون عندك

طلع سمير زي المجنون لغرفة كيان مشان يتاكد انها مش موجوده ،فتح الغرفه وقعد يدور عليها زي مجنون خبط أيده في الحيط من الغيظ، نزل يركض على السيارة 

دخل امير المخفر بكل هيبتة وعلى وجه غضب عارم وكان جواه بركان أوشك على الانفجار 

سمير... يا عسكري وين ضابط المخفر؟ 

العسكري.... هناك 

ركض سمير باتجاه الضابط

سمير ... انا سمير الـــ.... 

الضابط.. اهلا وسهلا 

سمير .. وين مدام كيان لو سمحت 

الضابط...نايمة في مكتبي ما نزلتها على تخشيبه 

سمير ..والله عال والها نفس تنام كمان !! بسيطه رح انسيها اسمها قبل طعم النوم 

وبصوت واضح 

سمير.... وحضرتها عندكم بتهمة شووو؟ 

 الضابط(بتوتر)... كنت بدورية ووو.و.. 

سمير .. خلصني يا حضرة الضابط تهمة شوو؟! 

الضابط(بسرعه)... فعل فاضح في طريق العام 

تحول سمير الى بركان غضب ومسك في رقبه ضابط بدون وعي 

سمير... شو بتحكي انت عن مين بتحكي؟! بنت مين؟! زوجة مين؟! 

المخفر كله التم عليهم 

الضابط.... استاذ سمير انت بتعتدي على ضابط ما بصير 

اتلم القسم عليهم 

ترك سمير رقبة الضابط 

الضابط ... اهدى شوي وافهم شو صار

سمير ..شو افهم بعد الي قلته  

الضابط... انا بفهمك بس اهدى شوي ، شو تشرب ؟!

سمير ... ما بدي اتسمم اشي خلصني واحكي 

الضابط ...انا كنت في دورية بلف زي كل يوم وخاصه المناطق المقطوعه ، وفجاءة سمعت صوت صراخ وناس بتتهاوش روحت جهة الصوت  لاقيت مدام كيان ملابسها ممزوعه وشباب اثنين ماسكين فيها 

هون كان في عقل براس سمير وطار واشتعل سمير غضب 

سمير... ملابس مين الي مزعه؟ يعني هي جوا وملابسها مزعه وانت قاعد ساكت ؟! 

الضابط... اهدى شوي ، هي جوى لحالها ، المشكله هي انه الاتنين الي في الزلزاله تحت مصممين أنها كانت معاهم بمزجها وست كيان مش راضية تحكي شو كانت تعمل بهالوقت لحالها 

سمير (بغضب)... شوووو مين هذول؟!! نزلني عليهم والله لاذبحهم كيف يحكوا هيك عنها؟!  

الضابط... لو سمحت اهدا انت بحاجتهم لتنهي الموضوع لانه لو اصرو على اقولهم رح تثبت القضيه ويصير فيها محاكم واتهامات وانا بدي انهي الموضوع من هون ، رح اجيبهم بس لازم تضل هادي تماما ، بعدني ما ثبتت اقوالهم لو تهدى بكون لصالحك نصيحه.

سمير... ماشي اتفضل وانا هادي عادي جدا 

الضابط... الله يجيب الي فيه خير 

 

بعث الضابط العسكري يجبهم ،واول ما دخلو هجم سمير عليهم وصار يضرب فيهم بكل عزمه 

سمير... هي الي اجت معكم بمزاجها يا ولاد الــ.....

الضابط ... مش هيك  اهدا ا هدا

سمير... كيف اهدا ؟! رح البسهم تهمة خطف وسرقه واغتصاب  

محمد... لا لا يا استاذ خلص رح احكي الحقيقه   

ملحم.... اخرس يا محمد رح نروح بداهيه 

مسك سمير ملحم من رقبته 

سمير ... هو هيك رح اوديكم بداهيه بس انا رح اطلع روحك 

 ملحم... خلص يا استاذ خلللللص بحكي الي عندي خلص

 سمير ترك ايده من رقبته 

الضابط .... احكي بسرعه قبل ما نغير رأينا ونتهمكم باكثر.من شغله وتروحوا فيها 

ملحم...احنا كنا ماشين انا ومحمد زي كل يوم بنطلع نشم هوا عند الغروب زي عادتنا 

سمير(بشد على اسنانه) .. خلصني بدك تحكيلنا قصة حياتك 

محمد....بقصد واحنا ماشيين لمحنا البنت بتركض وكانه خايفه من اشي بركض وراها وفجاءة وقفت تتلفت يمين وشمال وفهمنا من هالحركه أنها ضيعت الطريق وانها مش من هالبلد ،بصراحة الشيطان شاطر وضحك علينا انا وملحم والبنت كانت بتجنن حلوة كثير كثير وبتتاكل آكل 

ركض سمير بتجاهه بس مسكه الضابط بقوة 

الضابط... بعدين معك اهدى بدنا نحل هالمشكله لا تخاف رح يوخذو عقابهم كل كلامهم ثبت بالمحضر 

التفت الضابط لمحمد... لم لسانك واحكي بأدب 

سمير(بعصبيه)... بقدر اخذ كيان وبكره الصبح بجيبها 

الضابط... اكيد بعد اعترافهم بتقدر تروح بيتها ، بس يا ريت بكره الصبح تكون موجوده مشان نخلص كل القصه ونرفع المحضر 

سمير....وشكرا الك ، هي وين؟ 

الضابط... بمكتبي شوي اناديها 

سمير ... لو سمحت انا بروح بجيبها مش حكيت انه ملابسها مزعه؟!!! فابعد اذنك يعني   

الضابط... بعتذر منك

دخل سمير مكتب الضابط وهو قلبه خايف عليها  نفسه يشعرها بالآمان ، بس عملتها بهوليا كبيرة ما بتسامح عليها ولازمها عقاب (برأي سمير طبعا )

 كانت قاعده وحاطة راسها بين أيدها و بتعيط، رمى بوجها جاكيته 

سمير....استري حالك والحقيني يا هانم بسرعه 

وتركها وطلع

كيان(بينها وبين نفسها).. يا الله شو عرفه اني هون ، يا ويلي منه وخاصه انه هربت من البيت ، يا رب استر يا رب 

لبست جاكيته وطلعت وكان الضابط بدو يضحك بس مسك ضحكته كان شكلها بضحك وهي لابسه جاكيته طويله عليها واسعه كثير 

سمير(بغضب)... اتفضلي قدامي 

مشت وهي خايفه هالمره منه وركبت السيارة ، وسمير ضل ساكت ولا حكى معها ولا كلمه

كيان(بينها وبين نفسها)... هدوء ما قبل العاصفه يا رب سترك.

.

. 

وصلو البيت وكان الفجر بأذن  

سمير ... روحي على غرفتك واستري حالك قبل ما حدا يصحى ويشوفك بهالشكل ، والي صار ما بدي حدا يعرف عنه اشي ولا بعرف كيف اتصرف معك ، يلاااا بسرعه وانا لاحقك لنتفاهم لانه حسابك زاد عن حده، ولازم اشوف حل وبسرعه

ركضت بسرعه كيان على غرفتها وكانت فعلا خايفه ، لانه ملامح سمير بعلوها الغضب

كيان.... اول مره بشوفه بهالملامح ، استرها يارب، شو ممكن يعمل ، الله يسامحك يا عمي 

بس فجاءة قررت متل كل مره تكون شجاعه وتواجه 

كيان ... انا خلصت عدتي زي ما بعتقدو انه في الي عدة، ولازم اقرر شو اعمل، ما اربط حياتي بهالعيله شو ما يصير يصير 

دخلت الحمام واخذت دش دافي. لفت حالها بالمنشفه وطلعت ولقت سمير وملامح الغضب ما زالت بوجهه وقاعد على الكرسي وحاطط رجل على رجل 

 كيان(بخوف وبصوت عالي)...  انت مجنون؟! كيف بتفوت على غرفتي بدون ما دق الباب 

سمير.... دقيت ما سمعت جواب وفتت 

كيان.... حتى ولو ما سمحتلك تفوت 

سمير(بغضب)....لا بدي ادق الباب ولا بدي تسمحيلي ، اصلا يومك اسود ، كيف يا محترمه بتسمحي لنفسك تهربي من البيت هيك، ولا مفكره اني مش رح اقدر على وحده مثلك  لاااااا فوقي لنفسك كويس انتي هون ببلدة مش بالعاصمه تسرمحي على كيفك لاا لهون وبس يا ست هانم 

كان صوته وغضبه قوي 

كيان... شوي شوي شو مالك؟ شو فاكر حالك انت مين لتتحكم فيه، العدة وخلصتها وعملت بالأصول وخلصنا خلص  

افهم ولا احكيلك اياها بلغه ثانية لتفهم انا تارك هالبيت الكم 

  سمير ..ههههههههههه 

كيان(بغضب)... ليش بتضحك ممكن افهم شكلك مش مصدقني أني ممكن اترك البيت وامشي رح تشوف حعملها ولا لأ ، لانه الاتفاق الي بينكم بطل يهمني ابدا انا بره هالاتفاق 

سمير .. الصراحه لا مش مصدقك فرجيني حضرة جنابك كيف رح تعمليها وانا بورجيك كيف رح اكسرك 

كيان(بتحدي).... فشررر لا انت ولا الف مثلك بقدر يكسرني انا كيان الـــ...... كنت قبل هيك ساكته مش ضعف مني لااا انا ساكته لاني كنت مقدرة الظرف الي كنتم فيه بموت انور  ومشان كنت عارفة انت كم كنت متعلق فيه ، لكن من اليوم انا مش مجبورة استحمل اي حدا فيكم كلكم ، والي برشني بالمي برشه بالنار 

سمير...خلصتي؟ احسب حسابك بكره رح نكتب الكتاب ورح تشتغلي بهالبيت مثل الخدامه تحت رجليه 

كيان...ههههههههههه ضحكتني وانا ما الي نفس اضحك ، اصحى من حلمك وارجع للواقع، وتركك من دور التسلط وشوفت الحال ، انا ما في حدا بقدر يغصبني على اشي ما بدي اياه بكفي انغصبت على جوازتي من اخوك ، ما فتحت ثمي ، من هون ورايح ما في حدا بيقدر يفرض عليه اشي انا ما بدي اياها ابدا ، واذا انك رجل فرجيني شو ممكن تعمل 

تملك سمير الغضب  لابعد حد لدرجة أنه عماه عن أي شيء واي منطق

سمير ... رح افرجيك اذا كنت رجل ولا ولد 

وفجاءة وعلى غير متوقع سحب المنشفه من على جسمها و شدها من شعرها على سرير

كيان... يخرب بيتك انت انجنيت  

سمير...  انا فرجيك الجنان المزبوط انتي الي جبتيه لنفسك رح اكسرك وخليك ما بتسوي قرش ، بكل الاحوال ما حدا بعرف انك لسى عذراء 

كيان وهي بتحاول تغطي جسمها العاري 

كيان....  ابعد عني احسن اقسم بالله بصرخ بلم عليك الي بالبيت كلهم  

سمير....ياريت تلميهم علينا مشان يشوفوني انا وياك وانتي بهالحاله ، بس صراحه اطلعتي حلوة كثير 

بدأ سمير يعتدي على كيان بدون وعي وهي بتقاوم بكل الطرق وغرزت اظافرها برقبته مما زاد من غضبة  وأصر على أن يكمل ما بدأ 

تغيرت نبرة كيان للاستعطاف 

كيان... سمير اعقل اعقل اصحى رح تخسرني نهائي وقف خلص خلص حرام عليك حراااام 

مساء الخيرات ونيرات الذهبية والورقيه للجميع، وقراءة ممتعة لكم 

 يلااااا  

نتابـــــــع....

الجزء الرابع

دخلت كيان بحالة هستيريه وبكاء حتى انطلقت صرخه منها  هزت كيان سمير ، ولكن........  كانت بعد فوات الأوان ، فلقد تَخطى حدودها وكَسرها أمام نفسها، صحي لحاله وقام بسرعة مش مستوعب شو الي عمله

سمير(بصوت ضعيف)... لا لا لاا مش ممكن اكون عملت هيك لال لا  يا سمير انت مش هيك!!  مستحيل انتي السبب، انتي الي خليتي غضبي يسيطر عليه، بس انا مش هيك انا بحبك مش ممكن اعمل هيك  مش ممكن 

وتركها وطلع في حالة هستيريا غريبه

كيان كانت مصدومه لدرجه انه كل اعضاء جسمها صابها الشلل وصار جسمها يرتعش مش مستوعبه الي صار وضلت قاعده بمكانها ساعات دون حراك ، خرجت من الواقع لعالم ثاني.

سمير الي كانت حالته شبيه بكيان مستغرب كيف يعمل الي عمله 

سمير(ببكاء).... لا هي بالذات لا، انا حبيتها، قلبي ما دق الا الها، كيف اكسرها؟!!!كييببف؟!!  لازم اتصرف وارد الها اعتبارها مش رح اتركها ابدا ابدا مش رح اتركك 

كيان صحيت على نفسها واستوعبت الي صار اخيرا ودخلت بنوبة بكاء فضيعه خاصه لما شافت دليل عذريتها امامها  دخلت مباشرة للحمام وفتحت الماء البارد على جسمها 

.

.

مضى اليوم وهي بغرفتهما حتى جاء المساء 

 على سفرة العشاء 

نزل سمير يبحث عنها بس ما شافها قلبه صار دق خوف عليها انه صارلها اشي بعد الي صار 

هوليا(بدلع بايخ)... حبيبي تعال اتعشا انا رح اموت جوع  

سمير(بحده)..... اكولي هو حدا ماسكك

هوليا(بزعل).... هيك يا سمير بدل ما تقعد بحدي وتواسيني وتخفف عني بعد الي صار لابنا وتحكيلي الحمد لله على السلامه 

ام انور..... يا ابني هوليا صادقه اقعد جنبها 

سمير.... طيب حاضر 

كان مش على بعضه وبلش صبرة ينفذ من تصرفات هوليا 

وفجاءة ساد صمت بنزول كيان راسها مرفوع وعيونها فيهم نظرات قوة وتحدي وفي أيدها شنطة سفر كبيرة 

كيان.... مساء الخير

دون أن ترفع عينها و تنظر لوجه ،وكأن لم يكسرها شيء من قبل 

كيان... انا طالعه 

ام انور(بأستهزاء).... وين ان شاء الله 

كيان على بيت جدي وبكره راجع للعاصمه ، خلصت عدتي من يومين، وانا على حسب العادات والتقاليد صبرت لآخر يوم هون ما الي داعي خلص

سمير... مين قلك انك رح تمشي من هون اصلا 

كيان(بدون ما تطلع بعيونه) ... وانا ليش بدي اقعد هون اصلا  يا استاذ سمير 

سمير ... اولا  ما رح اخلي مرت اخوي لواحد غريب وثانيا في اتفاق وبكره رح يجي الشيخ من الصبح ونكتب الكتاب 

كيان...انت لو اخر رجل بهالدنيا مش رح اتجوزه انا خلص عرفت حظي مش رح اتجوز مره ثانيه لاني قرفت من كل الرجال 

سمير... من اصلا طلب رأيك  رح اتجوزك يعني رح اتــ ـ 

وقاطعته امه

ام انور ... خلص اتركها اصلا وجها شؤوم علينا، ورث ابني ما رح توخذي منه اشي 

كيان... انا ما طلبت بشي ومبروك عليكم الله الغني عن مصاريكم 

سمير... شو هالتخبيص انا قلت ما في تطلعي من هالبيت تعوذي من الشيطان واقعدي تعشي معنا يا بنت الناس 

هوليا.... شووو؟! تقعد معنا هاي الي قتلت ابنا  

سمير ... هوليا للان انا ساكت وماسك أعصابي ومستحمل 

  التفت لكيان 

سمير.... اقعدي وتعشي

مسكت كيان السكينه الي على السفره 

كيان... اتركني اطلع ولا قسما بالله لاغرسها بصدري ولا بهمني انا بعت الدنيا والي فيها  

شاف بعيونها الصدق وانها رح تعملها اذا منعها بدون ما تتردد 

سمير(بخوف عليها)... طيب طيب اهدي شو مالك ؟! 

كيان.... انا اموت اهون عليه اني اكون مرتك 

وصارت تبكي بقوة، مذبوحه ومجروحه 

كيان... انت فاهم مش رح اتجوزك ابدا لو انت اخر زلمه بهالدنيا ، وهيني بحكيها قدامهم مش رح اتجوزك يا سمير الـــ..... 

ام انور ... مع السلامه اطلعي  بنرتاح منك وجه الشؤوم يلا بره 

سمير.... امي بس الله يخليك انتي مش فاهمه اشي لازم اتجوزها لازم

كيان....وانا مش موافقه ما بدي إياك هو بالغصب!

سمير(بصراخ) .... اه بالغصب رح اجوزك بالغصب اهدي احسن ما اطلع غضبي كله واعــــ 

قطع كلامه فوتت ابوه 

ابو انور .... ليش اصرارك انك تجوزها

ام انور ... الحمدلله على السلامه ليش ما خبرتنا انك جاي اليوم 

ابو انور ما اهتم وكمل كلامه 

ابو انور.... صحيح اني تركت الك القرار بس اصرارك مش فاهمه 

سمير.... الحمدلله على السلامه 

وباس ايد ابوه 

ابو انور.... البنت مش موافقه 

سمير... يا سلام يعني قصدك تترك الاتفاق؟ مهو كانت مغصوبه على انور الله يرحمه ،هي وقفت عليه ؟ 

ابو انور....ما بنعرف انها كانت مغصوبه عليه ، والاتفاق انها تتجوز ابني الكبير وابني مات الله يرحمه ، وانا تركت الامر صحيح الك، بس ما دامها البنت مصره اتركها بحالها 

كيان... انا ما بدي اتجوز بترجاك يا عمي اتركوني مشان الله

ما بدي اتجوزك 

ام انور ...بنت قليلة الادب اقلعوها بره واحنا ما بدنا اياك  

سمير صار عاجز قدام اصرارها على الرفض ما حب يلفت انتباهم على اصراره عليها، بس هوليا كانت شاكه بشي 

هوليا...... شو فيه بالضبط ؟! اشي غريب اصرارك يا سمير ،وهي شاده على حالها هيك؟! في شي صار اكيد 

سمير ..  اسكتي بلا تخبيص انا مش ناقصك  اسكتي 

اطلع على كيان.... بدك تمشي امشي مع السلامه على ما اظن ما قصرنا مع عمك ، وانا كمان اعملت الي علي ومقصرتش 

وغمزها 

فهمت كيان عليه مما زاد غضبها ، رمت السكينه وشالت شنطتها وطلعت 

.

.

باتت هالليله بيبت عيلتها بالبلدة وطلعت من بكير على العاصمه

دخلت على عمها ومرته 

كيان... السلام عليكم 

ضحكت نهال وركضت ناحيتها 

نهال... هلا حبيبتي نورتي 

كيان... فرحانه اكيد بوجودي؟  

العم.... شو جابك يا كيان 

كيان.... لا تخاف يا عمي على حالك الموضوع انتهى ودفعت انا ثمنه غالي كثير 

نهال.... انتي متاكده انه كل اشي انتهى ، وعارفين انك اجيتي هون 

كيان.... اه متاكده 

العم... تعالي فهميني شو صار وكيف خلص الموضوع ؟

كيان... يا عمي شو الي بهمك ؟ مش انه الاتفاق خلص وراح بحاله وخلتيني ادفع الثمن مش مره مرتين 

نهال.... شو قصدك مرتين؟ 

كيان.... ما قصدي اشي خلص انتهى الموضوع خلوني اروح لغرفتي وارتاح، لانه من بكره رح ارجع لشغلي 

راحت لغرفتها وتركتهم من غير ما تجاوب على الاسئلة الي بعيونهم 

نهال.... معقوله يتركوها هيك معقول كيان عملت شغله كبيرة لحتى تركوها بهالسهوله لازم اعرف شو صار 

العم...خلص اتركينا المهم خلصنا من هالموضوع الي اشغلني كل هالسنين وهددني، وكيان ترجع لشغلها وحياتها 

نهال... بس بصراحه كيان متغيره ، كانت متل الورة وديما تضحك شوف كيف صايره ذبلانه 

العم... انا غلطت لما وافقت من البداية على شرطهم 

نهال... يا رب تتجاوز هالمرحله بحياتها وتنسى الي صار 

العم... بس لا ننسى انه كيان صارت ارمله يعني حالتها تغيرت ونظرت الناس رح تتغير عنها 

نهال... لا بتتغير ولا اشي انا بعرف شو بتقصد ، خليها تشوف حياتها وتختار الي بدها تتجوزه بكيفها ، وهي بنت انا ربيتها وبعرف اخلاقها لا تخاف واتركها بحالها  

.

.

رمت بنفسها على سريرها المعتاد الي طالما نامت عليه بفرح وانتصار ونجاح ولكن الان رمت اقنعت القوة 

كيان... اه اه 

دموعها بتنزل بحرقه 

كيان... كسرتني يا سمير ، كنت بضن انك بتحبني ما رح تأذيني كسرتني وكسرت بداية حب الك قتلته ، بس لازم اتخطى هالشي ما اضعف مش رح اخليك تهزمني لازم اكون اعلى منه انا بوريكم كلكم كيان مش رح ترحم حدا لانكم كلكم ما رحمتوني 

مسكت تلفونها 

كيان... الو سهاد كيفك ؟

سهاد... اهلا كيان كيفك شو اخبارك 

كيان... الحمدلله اسمعيني من بكره رح ارجع للشغل رسمي كل التصاميم الحالية الي جروب الشركه شغال فيه بدي بكره اطلع عليهم والحسابات بتكون جاهزة والمهندسيين الي بالمواقع يكونو بكره باجتماع 

سهاد.... شوي شوي يا كيان كله بيوم ما بصير اول باول

كيان... ما بدي كثر حكي بكره كله يكون جاهز 

سهاد...حاضر  بس افهم شو فيه ليش بهالسرعه كله بيوم واحد 

كيان... سهاد بالله عليك ما بدي اسئلة اعملي الي بحكيلك عنه وخلص انا الي فيه مكفيني ومش مستحملة اي سؤال من حدا

سهاد... خلص يا ستي حاضر كل اشي بدك اياه بكون جاهز حاضر ولا تزعلي نفسك يا حلوة ، بس احكيلي متى بدك وقت الاجتماع ! 

كيان....تسعه الصبح 

سهاد... ياااه من بكير 

كيان(بزعل)... بعدين معك انا بحكي عربي خلص 

سهاد.... بس قبل كل شي في شغله ما بعرف اذا بتوافقي عليها ، اصلا كنت بدنا نعملها بدون الرجوع الك 

كيان... خير شووو ؟! 

سهاد... في شغل انطلب من مكتبنا تصميم لمدينة ترفيهية مع جميع مرافقها

كيان.... بالعاصمه ولا بمدينه ثانية؟ 

سهاد.... بره البلد

كيان.... جد؟! اجت لحالها ، اسمعي الان ابعثيلي كل شي  

بخص المشروع 

وسكرت التلفون واسترجعت الي صار ودموعها على خدودها

كيان....يارب انا شو بدي اعمل بهالمصيبة حلها يارب حلها من عندك، السفر حل اني ابعد فترة بلكي انسيت 

دخلت مرت عملها عليها 

نهال.... شو مالك يا حبيبتي انا مش عاجبني شكلك ، اذا في اشي احكيه، لا تخبي عليه، انا حاسس فيك يا قلبي احكيلي  

 وقفت كيان

كيان(بدموع).... احكي شو ولا شو يا مرت عمي ؟!! احكي لما بعتوني لواحد عمري ما شفته ولا عرفته حتى اسمه وجوزتوني اله باتفاق بينكم، احكي عن حماتي الي مفروض تكون مثل امي على الاقل حنونه شوي، باعت واشترت فيه كأني وحدة من شارع ،احكيلك عن شو ولا شوووو بالله عليك اتركيني بحالي انا ما بدي احكي مع حدا ، لاني كرهت حالي وكرهت كل اشي حوليه ، يمكن الموت يجي يوخذني ارتاح وترتاحوا مني ، ما بدي الا تتركوني اعيش زي ما بدي 

نهال.... بعيد الشر عنك 

قاطعتها كيان

كيان... شر شو اكتر من الشر الي انا فيه يا مرت عمي

اااخ من النار الي جواتي ما في حدا حاسس فيه قلبي انكسر   ارحموني وتركوني اعيش بسلام مع نفسي

 

نهال....حرام عليك يا بنتي متعمليش هيك بنفسك وانا مش رح اتركك مره ثانيه  

كيان ... لو بقدر اترك كل هالبلد بتركها

.

.

كان سمير من كتر الغيظ وجه وعينه حمر 

سمير... طيب يا كيان وحياة حبك الي بقلبي ما رح اتركك انتي الي بس استني عليه شويه 

دخلت امه

ام انور ... ليش بعدك صاحي؟ خير في اشي شاغلك ؟! 

سمير.... ما في اشي بس طلوع كيان بهالطريقه كان غلط مش من عادتنا ، المفروض احنا اخذناها بنفسنا وصلناها لاهلها هيك عيب علينا  

ام انور... لا غلط ولا اشي من بكره بتروح على المحامي وبتوخذه لعندها توقع عن تنازل عن حقها باموال انور مش  وجهه شؤوم وكمان تورث في ابني 

سمير.... بس هذا حقها اللي ربنا قال عليه يا امي 

ام انور... والله ما بتشم لو قرش واحد من ابني 

سمير... طيب بكره بروح بشوف شو بدها 

ام انور....يعني شو بدها مش فاهمه؟! 

سمير... يا امي الله يهديك انتي حجيتي وبتعرفي الله وعارفه انه ربنا شو بقول بهالامور ليش نغضب ربنا ، ليش بتكرهيها لهدرجه؟!!! 

ام انور... انا ما بكرهها، ولا عمري كرهتها بس البنت قوية ما عرفت امشي كلمتي عليها ، وكانت ماخذه انور منا وديما كان بصفها واي اشي بتطلبه ينفذه ما بعرف ليش كان ضعيف قدامها 

سمير... حتى ولو كل هذا ما الك حق انك تحرميها من شرع الله الي فرضه 

ام انور.... اعمل الي بدك اياه انا زهقت انا داخلة انام احسن تصبح على خير حبيبي

سمير...تصبحي على خير يا امي 

.

.

وصل سمير العاصمه بعد اسبوع وكان الكل على سفرة الغداء العم... اهلا وسهلا تفضل تغدا معنا 

طبعا كيان ما رفعت راسها من الصحن واستمرت توكل

سمير .. شكرا سبقتكم ، لو سمحتو بدي احكي مع كيان شوي 

رفعت راسها فجأة 

العم... اه طبعا 

نهال ... لتكون كيان عملت شي ؟ 

سمير....لا ابدا بدي احكي معها مشان ورث اخوي الله يرحمه 

العم.... بس انا عتبان عليكم كلكم كيف خليتوها. تيجي لوحدها من البلد لهون 

كيان... خلص يا عمي مش مشكله، وبالنسبه لورث اخوك انا اصلا ما بدي شي ورح اوقع عن تنازل 

العم.... لا يا بنتي هذا حقك لا تنسي انك الك حق قديم عندهم

سمير... واحنا ما بنوخذ حق حدا  

كيان ...هات الاوراق انا مستعجله بدي ارتب اموري قبل السفر خلصني 

هو سمع كلمة سفر قلبه انشلع من جوى 

العم.. اي سفر يا كيان ما حكيتيلي؟! 

نهال....معلش انسيت اخبرك الصبح انه عندها مشورع بره البلد 

سمير ... السفر وين؟ 

كيان.... بعتقد الامر ما بخصك 

نهال .... على قطر  

اطلعت على نهال نظرة عتاب انها حكت 

كيان.... بعدين معك هات الاوراق خليني اخلص 

سمير... طيب رح اجهز الاوراق كلها ساعه وبرجع

كيان... اذا بتقدر ابكر من هيك 

غاب سمير ساعه ورجع بأيده اوراق 

قَدملها الاوراق وقعت وركضت بره البيت بدون ما تفتح ثمها بكلمه وحده لاي حدا 

 سمير انشلع قلبه وراها 

سمير... عن اذنكم والف صحه وهنا على الغدا 

ولف ظهره وطلع 

العم.... يعني كيان بطلت توخذ رأينا باشي سفر بره فرد مره 

نهال ... واحنا اخذنا رأيها لما جوزناها ورميناها هالرميه؟!!! 

العم.... خلص يا نهال لا تضلي تذكريني اشي صار وراح بحاله 

نهال ... راح بحاله؟!! والبنت ما شفتها كيف صايره هموم الدنيا فوق راسها وردة مفتحه وكنا سبب بذبولها 

.

.

دخلت مكتبها واخذت نفس كانه رجعتلها روحها 

كيان ... السلام عليكم يا شباب 

سهاد... يا اهلا وسهلا بمديرتنا اشتقنالك 

التف حواليها الموظفين يرحبوا فيها 

كيان... اعملتي الي حكيتلك عنه

سهاد... انا سهاد على سن ورمح لا تخافي كل شي جاهز 

كيان... ابعثيلي اميل للشركه الي بقطر متى بقدر اكون عندهم 

سهاد... وووو مستعجله المشروع بدو تصاميم كثيره وشغل كثير 

كيان.... اسمعي اليوم وبكره الموظفين كل واحد يقدم جزء من تصميم المشروع وانا بشوف وبعدل حسب المناسب 

وخبربهم انه كل واحد بقدم اكتر من تصميم اله مكافأة 

سحر.... طيب يختي يا نااار

فعلا بلشت كيان بالشغل بنشاط محاولة انها تنسى كل الي صار، واجى الرد من الشركه انه تكون موجوده بقطر خلال اسبوع 

كيان.... ممتاز اسبوع  وقت كتير مناسب اني اجهز كل اشي

سهاد... بس هيك رح تتعبي هيك شغل بدو اكثر من شهر 

كيان.... انا مشتاقه للشغل بحيث اني بقدر اخلصه باقل من اسبوع اذا لزم الأمر 

سهاد... كيان انتي بصراحه متغيره 

كيان.... كيف متغيره يعني شو شايفه؟! 

سهاد... وين كيان الي كانت كلها شقاوة وفرح وعيونها ديما بترقص فرح وابتسامتها ما تفارق وجهها 

كيان... لا تفتحي جرحي الي بعده بينزف يمكن لما اطيب منه احكيلك كل شي، لكن لساته بينزف سامحيني يا سهاد 

سهاد.... ياااه  يا قلبي الله يعينك باين قصتك بتوجع فعلا ، معلش انتي قدها، طول عمرك قوية  

كيان(دموع بعيونها).... الحمدلله 

.

.

بعد اسبوع

كيان... انتي متاكده كل اشي جاهز

سهاد... هذا الملف فيه كل اشي ، في نسخه ثانيه على هاي الفلاشه 

كيان... تمام 

سهاد.... مين رح يوصلك للمطار 

كيان... عمي 

.

.

في المطار

العم... انتبهي يا كيان لنفسك وزي ما حكيتلك اذا بتحتاجي اي اشي بتتصلي بالرقم الي اعطيتك اياه هذا صديقي قطري وبخدمك 

كيان.... ما رح احتاج حدا ، الشركه موفره الي كل اشي ورح يلاقوني بالمطار وعلى الفندق على طول 

العم.... انسيت احكيلك اني قررت انا ونهال نستقر بالبلد ورح نترك العاصمه

كيان....  اعملو الي بدكم اياه  

دخلت كيان المطار بعد ما ودعت عمها، وقدمت جواز سفرها للموظف وبلش يشكيك عليه 

الموظف... انا اسف انتي ممنوعه من السفر 

كيان.... شووو؟!! مين الي ممنوع؟! تاكد من الأسم لو سمحت 

الموظف...الاسم صح كيان الــــ...  زوجة سمير الـــ...  هو الي مانعك من السفر 

كيان.... عيد شو حكيت؟! زوجة مين؟! انا مش متجوزه اصلا

الموظف.... كيف مش مجوزة هاي قدامنا صورة عن ورقة الزواج وتوقيعك موجود عليها 

سحبت الورقه من بين ادين الموظف وطلعت فيها وبحلقت عيونها 

( هون بلشت الحرب بين كيان وسمير على مزبوط )

كيان .. شو هالمسخره في اشي غلط الورقه مزورة اكيد انا ما جوزت ، يعني انا مش عارفه حالي اتجوزت ولا لأ؟! 

ضمت عيونها شوي ورجعت لورا بالاحداث من اسبوع لما اجى سمير لبيت عمها وقعت على اوراق لما كانت مستعجله ما انتبهت لاي ورقه وقعتها 

كيان.... يا ابن الـــ.... طيب يا سمير والله ما بسكتلك وطلعت من المطار والغضب واصل حده معها،وفجاءة شافت اخر واحد بتتمنى تشوفه بهاللحظه سمير كان قدامها  

سمير(مبتسم بسخريه)... الحمدلله على السلامه يا مدام اتفضلي سيارتي بتستناك

رمت الشنطه من ايدها وكلها غضب عارم 

كيان ... انت شو طينتك يا اخي؟! كيف بتسمح لنفسك تزور قسيمة زواج ، هذا الزواج باطل وانت نصاب ومحتال، رح ابلغ عنك واوديك بالف داهيه مستحيل تكون بشر انت شيطان،انا بكرهك وبكره الساعه الي شفتك فيها انت ما الك قلب متل البشر ولا عندك ضمير 

سمير(بهدوء).... تمام خلصتي؟ تفضلي اطلعي بالسيارة 

كيان... اركب وين؟! انا بحكيلك الزواج باطل 

سمير... اركبي السيارة القانون ما اله الا الورق وانا ورقي صح الصح وموثق بشهود وبالاحوال وموقع بخطك ومن حقي امنعك من السفر 

كيان ..انت مش انسان مش طبيعي بتاتا 

سمير ... صناعي هههههه خلصيني اطلعي اركبي لانه صبري قرب يتفد 

كيان.... لا تفكر انه ممكن انا وياك نكون بمكان واحد ، يبقى بتحلم 

سمير شد على اسنانه ومسك ايدها بسرعه وحطها بالسيارة ورمى الشنطه 

كيان... انت شو بتعمـــ 

قاطعها 

سمير .. هسسسس ولا كلمه اسكتي واقعدي زي الناس بدي اعرف اسوق 

وساق السياره بسرعه عالية وهي بقمة غضبها ، مش مصدقه شو بصير 

وقف سمير قدام بيت كبير وحلو بالعاصمه 

كيان ... ليش وقفت هون ؟! برجع بحكيلك ما بجتمع معك بمكان واحد لا تفكر ، بتكون بتحلم يا سمير انا اصلا وجهك مش طايق اشوفه ولا اطلع فيه ، لو سمحت رجعني على بيت عمي 

سمير.... الزوجه بتقعد مطرح ما بكون زوجها قاعد ولا كلامي غلط؟!! 

كيان... انت بدك تكذب الكذبه وتصدقها ، الزواج باطل يا بني ادم افهم ، ولا عيشتك ببلاد الكُفر نزعت منك الاخلاق ونستك شرع ربنا، بكفي الي عملته ونسيت الدين والاخلاق 

سمير  غمض عيونه للحظه واخذ نفس 

سمير.... روحي واثبتي انه باطل ولوقت ما بتثبتي بتضلي زوجتي وبتقعدي بالمكان الي انا فيه، كلامي واضح 

وفجأة صرخ بصوت عالي 

سمير .... انزلي يلاااا  وخلي هاليوم يمر على خير 

كيان (بينها وبين نفسها).... بعرفكم يا عيلة الـــ. قادرين والكم سلطه ولا بهمكم ، بس لازم اسايرك يا سمير لاطلع من هالقصه

نزلت كيان ببطىء وهي بتمتم بكلام مش مفهوم 

سمير ابتسم على شكلها الطفولي وطريقة غضبها الي بشبه غضب الاطفال لما بيزعل

سمير(بين وبين نفسه).... اااخ منك يا كيان رح اتغلب معك يا حبي، بس رح اعوضك على الي عملته ، وبعرف اني كسرتك بس والله لاعوضك عن كل دمعه نزلت من عيونك الحلوة ، انتي ملكة قلبي ، بعرف انه زواج باطل ، وعهد قدام ربي ما رح اذيك ولا المسك ، الا اذا صرتي زوجتي صح وبموافقتك ، يا نبض قلبي 

كان البيت كبير وجميل بكل ما فيه 

سمير .. بتقدري تطلعي تختاري الغرفه الي بدك اياها واعتبريني انا ضيف عندك وانتي صاحبة البيت ، انا بس بدي اقعد ثلاث ايام بس بالأسبوع مشان شغلي هون، وانتي بتقدري تمارسي حياتك عادي ولا كأني موجود 

كيان.... طيب ليش كل الي عملته لعاد؟! 

سمير ما رد عليها ولا بكلمه 

اطلعت عليه واخذت شنطتها واختارت غرفه وسكرت على حالها الباب وسرحت  مع نفسها 

كيان ... اااه وبعدين؟! شو مالك يا قلبي، هالبني ادم ما بستاهلك بعد الي عمله،كسرني وكسر كل شي حلو، صحيح انا حبيته، اه حبيته،  وتمنيت كل الي صار يكون بصورة ثانيه

فجأة  بصوت خفيف 

كيان.... اصحي يا كيان وبطلي جنان شو بتحبيه ما بتحبيه انتي نسيتي شو عمل فيك، لحتى اثبت بطلان عقد الزواج شوفي شغلك وانتبهي ليضيع ، ما في حدا بستاهل ، ومسكت التلفون 

سهاد .. الو معقوله بعد ما طلعتي بالطيارة ؟! 

كيان.. ما سافرت راسلي الشركه واطلبي تأجيل وانا كمان ساعه بكون عندك لنشوف شو بدنا نعمل وعمي ومرته ممنوع يعرفوا اني ما سافرت فاهمه 

سهاد... كيف ما بدهم يعرفوا 

كيان... سهله براسلهم على اساس اني بقطر 

.

.

غيرت ملابسها ولبست اجمل لبس ونزلت بكل اناقه وجمال 

كيان .. طيب يا سمير استحمل الي رح يصيرلك 

سمير ... وين رايحه أن شاء الله 

كيان... على ما اعتقد حكيت ما في مانع اشوف شغلي، ومنعك الي من السافر تعطل شغل كبير عليه 

سمير .. لا ما عندي مانع ، بدك تروحي الشغل بهيك لبس 

كيان... ولبسي فيه اشي غلط؟! 

سمير.... لا بجنن وحلو بس كثير حلو ، مش مناسب لشغل ، مناسب للمناسبات

كيان .... اسمعني مشان تكون على بينه من اولها انا مصممه وبقابل عالم اشكال والوان وانا المديرة الي بقابل الناس، لهيك بلاش تدخل بلبسي ولا بشغلي

سمير.... لا تنسي انك مرتي ومسؤول عنك واذا شفت اشي مش عاجبني رح امنعك

كيان.... مرتك باحلامك وباطل ورح اثبت هيك

سمير.... هههههه ماشي يا حلوة روحي شوفي شغلك 

وصار يغني ويضحك 

كيان(بينها وبين نفسها)... اهبل رسمي وابتسمت

ولفت وجها من خوف ما يشوفها بتبتسم ، بس هو لمحها 

سمير... عادي عادي اضحكي ما رح يصير بوجهك اشي

كيان(بينها وبين نفسها)... طلعتي انتي الي هبله يا كيان  

.

.

وصلت الشغل ولقت في حركة غريبة والموظفين كلهم في حالة انبهار والكل مشغول في اوراق قدامة و نشاط علي غير عادته

كيان.... خير شو فيه؟!  

مهاب... ست كيان في شركه كبيرة نقلت كل شغلها الي بكندا للبلد واختارتنا لنكون مصممين لشركتهم هون 

كيان... مش فاهمه؟! 

سهاد ...هاي الشركه من اكبر الشركات الاستثمارية وقدمتنا عرض انه نمسك قسم التصميم الداخلي فيها ، ومدير الشركه شخصيا بعثنا انه بعد ساعه رح يكون موجود 

كيان... طيب ليش ما خبرتوني ؟! 

مهاب... سهاد حكتلنا انك بالطريق، بس توصلي بتعرفي كل اشي 

كيان.... اوك بس هالشركه بشو بتشتغل 

سهاد شرحت كل شي لكيان ، واتضح انها من الشركات الكبرى المعروفه على مستوى 

كيان... شركه كبيرة كثير وراس مالها بالملايين، ليش ليختارونا بالذات رغم انه في شركات اكبر منا ومعروفين اكتر !!! 

سهاد... كيان انتي مستقله شغلنا انتي معك ماجستير بالتصميم وبتحضري للدكتورا والك مشاريع جهزتيها ونالت اعجاب اصحابها 

كيان... ان شاء خير بس اذا صار نصيب ما تكون شروطهم صعبه وتكون مقبوله كونها شركه فخمه ، بدها تأمن نفسها ، ربنا يستر ليوصل مديرها ونشوف 

.

.

اما بالبلد..

ام انور... بعدين معك يا هوليا لا تضلي تدلعي خلص ، اشتغلي بالبيت مثل هالنسوان وساعدي بشغل البيت ، الشغل كثير 

هوليا.... انتي بتحكي معي انا 

ام انور.... لا بحكي مع خيالك ! 

هوليا... شو بدك اعمل

ام انور... اتركي هالتلفون من ايدك واشتغلي ببيت جوزك مع الشغاله البيت كبير

هوليا.... انا ما بعرف اشتغل ، ولا اي شي بشغل البيت

دخل سمير 

سمير.... ليش صوتكم عالي

هوليا(دموع التماسيح)... تعال شوف يا سمير امك 

وصارت تبكي بزياده 

سمير... اهدي شوي ، شو في يا امي؟!  

ام انور....اسال مرتك  

 هوليا.... انا كنت على التلفون اجت امك سحبت التلفون من ايدي ورمته بدها اياني اشتغل شغل البيت 

ام انور... و و و  انا عملت هيك يا قليلة الادب!

سمير ... بس خلص،  انا جاي وتعبان وتارك وراي بالعاصمة هم ، مش اجي الاقي قرف هون ، انا بدي ارتاح واعيش بهدوء ، ولا والله برجع هناك ، ما برجع هون غير اجازة وبس 

 هوليا(بدلع)... خدني معاك يا قلبي ما بدي اضل هون

سمير... وين اخذك معي ، شغلي هون اكثر من هناك، وكمان ما بترك امي وابوي، اسمعي يا هوليا اذا عاجبك العيشه اهلا وسهلا مش عاجبك كلها ورقه بمزعها وانتهى، ومن بكره بتشتغلي بالبيت زي ما بدها امي  

هوليا..... انت بتعرف يا سمير اني ما بعرف حتى اقلي بيضه 

رن تلفونها برساله 

سمير ... مين الي ببعثلك ؟! 

هوليا... مين يعني؟! 

مسكت تلفونها وشافت المرسل وتغير لون وجها 

هوليا.... هاي لوري صاحبتي بتبعثلي شو بصير بالشغل 

سمير ... شكلك اشتقتي للشغل

هوليا.... يا ريت نرجع 

سمير.... اسكتي بعدني بحكيلك ما بقدر اترك ابوي وامي لحتى نرجع، ، انا ما ضربتك على ايدك لحتى اجيتي معي

وتركتي شغلك، انتي الي طلبتي بنفسك مني هالطلب

.

.

.

في العاصمه

المدير... مبارك مدام كيان عليكم  

كيان... هيك لازم نتعرف على صاحب الشركه شخصيا 

المدير... اعتبريني انا صاحب الشركه وانا ماسك كل اشي ومعي توكيل رسمي من صاحب الشركه  بإدارة كل اعماله ممكن تشوفي العقود مشان نبلش شغل رسمي انتي بتعرفي انه المواعيد مهمه وخاصه للأجانب

كيان.... يعني صاحب الشركه اجنبي؟! 

المدير.... لا هو من هالبلد، وكان بكندا واسس شركه هناك  

وحب ينقل كل شغله لبلده 

كيان.... العقود كلها بأسمك انت؟! 

المدير ... نعم بأسمي التعامل رح يكون معي انا، هو بكون موجود بالصفقات الكبيرة 

 كيان...ممكن اقرأ شروط العقد 

المدير .. تفضلي 

بلشت كيان تقرأ الشروط وقفت عند شرط من الشروط 

كيان.... شو هالشرط الغريب؟! 

المدير.... اي واحد ؟  

كيان... كل الشروط عاديه الا هالشرط غريب! 

المدير... اشوف ... في حال الاخلال من اي طرف وتركه الشغل فجأة وبدون سبب يدفع ربع مليون دينار شرط جزائي 

كيان .. مش شايف انه كتير ، افرض انه الشغل معكم ما عجبني ، وخاصه انه مدة العقد ثلاث سنوات يعني كتير وفوق هيك يتجدد تلقائي !!! 

المدير... طيب هالشرط لازم يقلقنا احنا مو انتي افرضي بعد ما وقعنا العقد شغلك ما عجبنا وقتها احنا ملزمين بدفع الشرط يعني الشرط ما في منه خوف

اخذت نفس ،وقعت العقد ، ورجعت البيت متوقعه تلاقي سمير  لقت البيت فاضي 

كيان.... يعني ما بات اول ليله الي هون، كونها أول ليله  ، بس يلا هي وقفت عليها، كانت جيعانه ولما دخلت المطبخ كان فيه كل ما لذ وطاب 

كيان... واو بس متى جاب كل هالشغلات 

لفت نظرها ورقه مكتوبه على باب الثلاجه 

(مرحبا يا كياني اكيد تعبانه وجيعانه كل شي عندك صحتين وعافيه، بعلك سميركوووو  ) 

ابتسمت كيان علي كلامة وخاصه كلمة(كياني)وبدأت تحط الاكل كانت جيعانه

.

.

هوليا... يخرب بيته هذا الدكتور بهددني انا هوليا اتهدد ؟!

مسكت التلفون

هوليا... الو جون  

جون.... بعدك متذكريني فكرتك نسيتي 

هوليا...مش وقت مزحك انا عندي مشاكل كتيره 

جون....خير شو فيه ؟

هوليا... لما عملت قصة الحمل ولبستها للي ما تسمى 

جون... طيب وبعدين كله تمام هيك شو بدك اكتر؟! 

هوليا.... من حكيت زيك انه كله تمام، وانقلعت بره البيت وبحاول ارجع سمير لصفي، بس شكله انا منحوسه ، فوق ما انا عاقر ومستحيل اخلف يوم من الايام ، يطلعلي الدكتور الي بعثته يهددني انه رح يعترف لسمير اني ما كنت حامل واني دفعتله مصاري 

جون.... النذل انتي ما اعطيتيه مصاري، وشو قصة انك عاقر كيف عرفتي؟! 

هوليا... اعطيته مبلغ وقدره الكلب، وقصة اني عاقر اعملت تحليل شامل قبل ما اجي لهون وعرفت  

جون... طيب شو بدو الدكتور ؟ 

هوليا.... بدو قد المصاري الي اخذهم 

جون.... بسيطه هدول سهلات عليك 

هوليا....انت بتتهبل من وين اجيبهم ؟! وسمير مش طايقني 

وامه قاعديتلي على الدقره 

جون ... اخلصي منها وفضي الملعب الك

هوليا...صحيح ليش ما فكرت بهيك! كيان راحت، وامه وراها  بس بطريقه تانيه 

سكرت التلفون وكانت بدها تطلع من الغرفه ولقت ام انور بوجهها مباشره ..

******

مساء الخير للجميع ، الي لاحظته انه كثير منكم بتموا القراءة وبتابع القصه ما بكلف نفسه بدعمها ، للعلم لايك والتعليق بقوي صفحتي وبشجعني بالاستمرار بالكتابه

 

نتابــــــــــــــع... 

الجزء الخامس ..

بعد ما اتمت هوليا المكالمه مع جون ، وطلعت من الغرفه ، كانت ام انور قدام باب الغرفه وجه لوجه معها

هوليا (بخوف وتغير لون وجها)... شو بتعملي هون؟! في اشي ؟؟ 

ام انور .. يعني ما بتعرفي ليش أنا واقفه هون؟! بدك تدلعي وتكذبي قدام سمير ما همك اني امه ! لاااا   أصحي على حالك ، وحياتك لاتطلعي من هالبيت بفضيحه ، انتي بعدك ما عرفتيني منيح، ويبقى سلميلي على الحمل الي نزل، وكانت كيان سببه، لا تفكري اني هبله ومضروبه على اذاني 

 من اول يوم فوتي على هالبيت ، شفت كل اشي بدور بعقلك ، كل اشي بدك تعمليه، انا ما وصلت هالعمر بدون دروس علمتني، ولا شاب شعري ببلاش، خليتك تخططي وترسمي وتحسي انك صح، وتركتك بكيفي تبعدي كيان من هالبيت ، لاني كنت بدي اياها تبعد، لحتى تتقي شرك، كيان انا بحطها على راسي من فوق ، وعملت الي عملته لاحميها منك ، انتي بتفكري انك ذكيه ؟! لااا انا مراقبك بكل خطوة بتعمليها ، وسمير لازم يعرف كل اشي ، وفاة انور وطلوع كيان من حياة سمير آثرت فيه، بس اصبري علي يا انا يا انتي، بتفكري الي مثلك بيضحك عليه، لا انتي ولا الف مثلك بقدروا 

 هوليا(بمسخره)... لا تتحديني لانك مش قدي 

ام انور.... شووو هههه عيدي شو حكيتي!! 

هوليا(بحقد)....ما حكيت اشي، خليني اروح اشوف حبيبي جوزي ويبقي شوفي مين رح يصدق فينا انا ولا انتي 

نزلت هوليا وصارت تبكي بصوت عالي ودموع التماسيح كالعاده 

هوليا(بصوت عالي).... سمير الحقني يا سمير 

سمير.... خير شو في!؟ 

هوليا...  امك طلعتلي على غرفتي بهدلتني وحكتلي انتي بطلتي تنفعي ما رح تحبلي مره تانيه بدها تجوزك وحده تانيه مشان تخلف، هاي اخريتها فوق ما رضيت اشتكي على الكلبه الي كانت سبب تنزيل الولد، وحرمتني منه، حرمتني اكون أم، انتوا مش حاسين فيه

وصارت تبكي بزيادة 

سمير... طيب انا ما حكيت اني رح اجوز ولا اتركك ، انتي اهدي بس 

رمت حالها على صدره وصارت تبكي 

هوليا(بخبث)... طيب انا بدي احمل من جديد 

نزلت ام انور

ام انور.... لا والله ما بصير ولا يجينا ولد منك هو انتي كنتي اصلا حامل من قبل

سمير... شو هالحكي يا امي كيف يعني ؟! مش فاهم!!! 

ام انور.... مسكين يا ابني الميَ بتمشي من تحتك وانت ما بتعرف ، حضرتها كاينه  مـــ... 

وفجاءة هوليا

هوليا.... الحقيني يا سمير 

وقعت من طولها على الارض  

سمير.... هوليا شو مالك؟!! 

شالها سمير وطلعها على غرفتها  

ام انور.... هاي البنت مش سهله حيه من تحت تبن ، لازم اخلص منها بسرعه 

 

حطها سمير على السرير 

سمير ... اصحي يا هوليا صحي

هوليا... انا منيحه لانك بجنبي ، ما بعرف شو صارلي فجأة لفت الدنيا فيه ، كله من كلام امك رفعلي ضغطي 

سمير.... انتي ارتاحي ، وانا لازم انزل للعاصمه عندي شغل 

هوليا... مع السلامه يا حبيبي انتبه لنفسك 

سمير(بأستغراب)... يعني مش زعلانه  لاني رح اروح واتركك؟! 

هوليا... اكيد زعلانه بس شغلك مهم كمان 

استغرب منها 

هوليا(بينها وبين نفسها)... ها زعلانه هههه لازم يطلع مشان اعرف اخلص من العقربه امك، بعد كل الي عرفته عني 

تركها ونزل على امه 

سمير.... مشاني يا امي بلاش مشاكل لحتى ارجع، كلهم يومين وراجع

ام انور.... بدك تترك هالحيه عندي انت مش عارف شو عملت  قاطعها سمير

سمير(بعصبيه)... وبعدين يا امي ، ضليتي ورا كيان لحتى تركت هالبيت وراحت، وهوليا الي اتفقتي انتي واياها على كيان صارت مش منيحه؟ رجاءا يا امي انتي وهوليا حرين مع بعض فخار يطبش بعضه انا ما بدي اسمع شو عملت 

وتركها بدون ما يسمع اشي 

.

.

كانت لحالها بالبيت وشاعره بالوحده، اتذكرت الي صار معها وغلبتها دمعتها 

كيان .. اااه منك يا سمير الي عملته ما رح يمر هيك ، لا تفكر انك بتضحك علي ، انا كيان الـــ... موظفين عندي بمشيهم على كيفي ، ورح اتصرف معك ، بس الصبر حلو يا سمير.

ثاني يوم الصبح 

فتحت عيونها على حركه بالبيت شعرت بخوف لبست روبها واتجهت لمصدر الصوت ، كان سمير بالمطبخ

كيان... شو بتعمل هون وليش رجعت؟! 

سمير ... الواحد بحكي صباح الخير السلام عليكم مش بهالاسلوب!! بس شو هالصباح الحلو هذا وووووه في ناس بس تصحى من النوم بتكون حلوة لهدرجه 

كيان...لو سمحت لا تغير مجرى الكلام، انا بسالك ليش رجعت هون ؟!

سمير...انتي انسيتي انه بيتي وبقدر اجي باي وقت 

قعد على كرسي السفرة 

سمير.... انا رجعت البلد لاني اشتقت لهوليا كثير رحت اطمنت عليها ورجعت 

شعرت بضيق وغضب بنفس الوقت (ممكن غيره)

كيان... انا ما بدي اياك اطلع من حياتي بكفي الي عملته فيه ، دمرت كل اشي فيه، انا بكرهك كتير، اطلع من حياتي ما بدي اياك، اتركني الملم جروحي واداويها

سمير ضل ساكت، ولمعت دمعه بعيونه، كانت عارف انه كسرها وآذاها ، بس الي صار صار ، تركها وراحت لغرفته 

اما كيان قعدت مكانها وصارت تبكي لفتره

كيان.... اهدي يا كيان اهدي لا تخلي اشي يكسرك مره تانيه 

عملت قهوتها وغيرت ملابسها وطلعت لشغلها 

راحت لشغلها ومزاجها صعب وعلامات الصرامه والجديه على وجها 

كيان ...شباب بدي تقرير كامل عن عقد مبارح وتفاصيل كامله 

سهاد... شو يا كيان؟! الواحد بحكي صباح الخير ،شو قصتك؟

كيان.... لو سمحتي يا سهاد ما بدي حدا يحكي معي 

سهاد... اسفه يا كيان  

كيان بصوت عالي 

كيان... ما بدي اي كلام غير بالشغل 

ودخلت مكتبها 

دخل مهاب عليها

مهاب ... تفضلي هاي اوراق العقد والشروط مفصله 

كيان(بعصبيه).... ليش ما جابته سهاد حضرتها زعلت احنا في شغل هون ما بنلعب مع بعض لازم الكل يعرف احنا في الشغل مش جايين نلعب 

مهاب... لا ابدا سهاد بتجهز بتقرير مفصل عن الشغل بكل الفتره الي غبتي فيها عن المكتب ، وانتي طلبتي منها التقرير،   وبعثتني انا باوراق العقد لانه بصراحه في شغلات مش عاجبيتني ممكن اتناقش معك فيها .

كيلن... شو هي؟ 

مهاب... شروط هالعقد غريبه شوي بصراحه مش مطمن الها 

وشكله اتسرعنا بالموافقه

كيان.... وانا كمان مش مطمئنه وخاصه الشرط الجزائي ومدير الشركه اقنعني فيه 

مهاب... هو هذا الي لفت انتباهي طول عمرنا بنشتغل اول  مره بشوف شرط جزائي بهالمبلغ، كأنه بجبرنا انه نشتغل معه سواء عجبنا الشغل او ما عجبنا

كيان .. صحيح، والي مخوفني انه شغلنا رح يكون مع مدير الشركه مش صاحبها،  اسمع يا مهاب احنا رح نشتغل ونحاول على قد ما نقدر نكون حذرين  ويكون شغلنا صح الصح، وربنا يستر احنا خلص وقعنا العقد ما في قدامنا الا نشتغل 

مهاب.... حاضر

كيان..... بلغ الكل انهم بكره يجوا بدري ، في اجتماع، للكل مشان نبلش نحط اساسيات المشروع الجديد ، ونوزع الشغل بينا، ورح اتصل بالمدير لازم  يحضر الأجتماع ، ويا ريت ما حدا يتأخر بكره واي عذر مرفوض نهائي، هذا المشروع نقطة تحول كبيرة لشركتنا

مهاب... تمام

كيان... خلي سهاد تيجي  

مسكت التلفون واتصلت بالمدير 

كيان... حبيت ابلغك انه بكره الصبح في اجتماع ولازم تكون موجود لنعرف من وين نبلش شغل 

المدير ... انا اسف انا ما بقدر احضر الاجتماع ، الي عليه عملته وخلصت مهمتي

كيان(بعصبيه)...شوو؟! ما اتفقنا على هيك

المدير... اهدي مدام كيان انا ما خلصت كلامي

كيان... تفضل اسفه

المدير....الي بدي احكيه انه تعاملك رح يكون مع صاحب الشركه بنفسه هو الي رح يحضر الاجتماع مع قسم السكرتاريه كله

دخلت سهاد وآشرتلها كيان انها تقعد 

كيان.... ممتاز ، بس لو سمحت حابب اعرف شويت معلومات عنه 

المدير ... هههههه هو في عروس لحضرته يعني 

كيان(بخجل) .. يعني مشان نعرف كيف نتعامل معه

المدير...عادي مثل الناس زيه زيهم

كيان.... اوك شكرا الك 

سكرت التلفون 

كيان.... بلغك مهاب باجتماع بكره؟ ما بدي اي غلطه ابدا لانه صاحب الشركه شخصيا مع طاقم السكرتاريه رح يحضره 

انت بنفسك بتجهزي كل شي لا تعتمدي على حدا فاهميتني

سهاد.... حاضر

كيان....فطور خفيف ومرتب انتي عارفه متل شو 

سهاد... تمام اي شي تاني

كيان...طيب فكي كشرتك فكيها ، اقسم بالله انا مش مستحمله حالي بعدين بنتعاتب مش وقته 

سهاد... ماشي يا كيان بعدين بنتعاتب 

كيان ... الاجتماع بكره مهم النا وانتي بتعرفي انه اهم مشروع من وقت ما بلشنا 

سهاد .. الكل شغال ما في حدا رح يقصر 

كيان... بعد استراحة الظهر بنعمل اجتماع صغير للكل لحتى نعرف شو نعمل  

سهاد... طيب عن اذنك عندي شغل كثير 

كيان... اوك 

كيان طول النهار في شغل و عملت الاجتماع حتى انها نسيت نفسها والوقت اتاخر

سهاد... بكفي يا كيان اهدي روحي ارتاحي مشان بكره تكوني بكامل نشاطك 

كيان... اتاخرت كتير وحاسس ظهري بدو ينقسم

سهاد... انتي بعدك بدون اكل 

كيان... عادي بروح بوكل وبنام 

.

.

رجعت على البيت وكان هادي 

كيان... ممكن استحى على حاله وتركني افضل هيك طلعت غرفتها بدلت ملابسها ولبست بجامه خفيفه ونزلت على المطبخ، ولقت اكل على الغاز، دخل سمير عليها لابس بجامه وشكله بدل انه كاين نايم ، فتح الثلاجه اخذ قنينة مي وطلع بدون ما يحكي كلمه وحده معها ، اخذت الاكل وطلعت لغرفتها ، حاولت تنام بس النوم جفاها ، حست بوجع ببطنها  ودخلت الحمام واستفرغت كل الي اكلته

كيان.... وقت البرد والمرض يا ربي ، الشغل الي جاي ثقيل عليه، يا رب يسره وسهله الي  

.

.

هوليا... لازم استغل غياب سمير  واخلص منها 

نزلت على المطبخ وكانت الشغاله مشغوله بتحضر القهوة

هوليا... لمين هاي القهوه 

الشغاله...للحجه راسها بوجعها 

هوليا... اعطيني اياها انا بوديها وانتي كملي الغدا 

اخدت  الصينية من أيدها ومشت شويه وحطت السم في القهوة نقطه صغيره، ورجعت للشغاله

هوليا... اسمعي خذي انتي القهوة بجوز تزعل اذا انتي بنفسك ما بعثتيها الها  

الشغاله... صح هي بتزعل احسن ما تصرخ عليه 

هوليا... خلص روحي قبل ما القهوة تبرد 

دخلت الشغاله علي ام انور

الشغاله ... تفضلي 

ام انور.... كل هالوقت وانتي بتعملي فنجان هالقهوة ؟! 

ابو انور.... بدك تعملي تحقيق مشان فنجان القهوة اشربيه 

وانتي روحي جهزي الغدا 

.

.

صحيت كيان من النوم ثاني يوم حاسه بوجع بجسمها كله وبدها ترجع تنام 

كيان... شو قصتي انا مش مزبوطه 

نهضت من سريرها غصب ولبست افضل لبس عندها واتجهت للشغل

كيان.. صباح الخير يا شباب الكل على غرفة الاجتماع قبل ما يوصل الضيوف بسرعه 

سهاد... كل التقارير والاوراق جاهزه قدامك

كيان... البوفيه تمام 

سهاد.. كل اشي تمام انتي بس ركزي على المهم 

شعرت كيان بدوار غريب بس مسكت حالها 

الكل اجتمع والكل متوتر وخاصه كيان 

كيان... اتاخروا صح؟! انا ما بحب الي ما بحترموا مواعيدهم

سهاد... اهدي يا كيان همه ما تأخروا بس لانك متوتره حاسه بهيك 

كيان... معك حق خايفه يطلع صاحب الشركه زلمه كبير بالعمر وانا هيك شخصيات ما بعرف اتعامل معهم لانهم بكونوا عصبين 

سهاد ..لا تستبقي الأحداث ،خليني اجيبلك اشي تشربيه 

طلعت سهاد من غرفة الاجتماع لقت مجموعه كبيرة داخله 

السكرتيرة... احنا عندنا معاد مع مدام كيان

سهاد ....اهلا وسهلا هي في انتظار حضرتكم 

لمحت صاحب الشركه 

سهاد(بينهما وبين نفسها)... يا ويلي شو هاد يخربيته شو هالجمال هذا هو صاحب الشركه !! 

ركضت سهاد على كيان 

سهاد(بكلام سريع) .... وصلوا وصلوا  بس لو تشوفي صاحب الشركه اوووف جمال من الآخر 

كيان.... اسكتي بلا هبل وهيافه هيهم دخلوا 

دخلوا السكرتاريه اول شي وبعدهم صاحب الشركه 

تنحت كيان بس شافته وتصنمت بمكانها 

سهاد .. اقدم لحضرتك مدام كيان الــــ.... صاحبة الشركه 

كانت كيان بعالم ثاني 

سهاد(بصوت واطي)... كيان الزلمه ماد ايده اله فتره سلمي

كيان... اه اه اهلا وسهلا 

سمير.... انا سمير الــ .... صاحب مجموعة شركات .....

 بعد ما سلم عليها 

كيان... تفضلوا  حضرتك شو تشرب

سمير قعد بدون ما يرفع عيون عليها 

سمير... قهوة وياريت حد يشوف السكرتاريه يشربوا شو 

كيان(بغيض) ... حاضر سهاد شوفي الأنسات شو بيشربوا

قعدت كيان وبلشت بالشغل والنقاش 

كيان...بس الشروط كانت علينا مش معنا يعني الشرط الجزائي يتغير 

سمير .. انا ما رح اغير شي باي شرط من الشروط كان مع حضرتك فرصه انك ترفضي العقد بس خلص لو مش عاجبك ادفعي الشرط الجزائي واحنا بنشوف غيركم 

عصبت كيان 

كيان... يا سلام مسكت ذراع يعني؟ 

سمير ..يبقى انتي مش واثقه بشغلك 

كيان .. مين حكى هيك ؟!رح تشوف الشغل على اصوله 

كان الكل مستغرب من طريقة النقاش 

سهاد... لو سمحتوا مش هيك النقاش !! 

سمير ..شكلو مديرتك ما الها بالشغل 

كيان... الله يطولك يا روح افففف

فجأة رن تلفون سمير

سمير... بعتذر منكم لازم ارد ...  ايوا يا هوليا 

وقف بخوف وبان عليه الانزعاج 

سمير... شو صار ؟! كيف؟! متى ... انا جاي حالأ

كيان... خير يا سمير شو فيه؟! 

سمير... امي امي يا كيان لازم ارجع البلد بسرعه 

كيان... طيب احكي شو فيه 

سمير... ما في وقت اشرح

كيان.... طيب استنى اروح معك 

سمير .. معي ؟! البلد؟! 

كيان... ايوا بس اعطيني ربع ساعه ، الحقيني يا سهاد على مكتبي 

دخلت سهاد وكيان 

كيان... اسمعي انتي مكاني هون ما بدي ولا غلطه لحتى ارجع مش عارفه شو صاير هناك 

سهاد سكرت الباب وقفت وراه 

سهاد... والله ما بتطلعي غير لما تفهميني مين سمير ومن وين بتعرفيه وليش كنتي معصبه باول الاجتماع ؟؟

كيان... سهاد هذا مش وقته بعدين بفهمك وبحكيلك كل اشي بالتفصيل 

سهاد... اعطيني عنوان بس كلمه لا تخليني بحيرتي 

كيان .. سمير جوزي وهو اخو المرحوم انور دير بالك اي مخلوق يعرف ان جوزي افهمتي 

سهاد .. بسيطه يا كيان كل هاذ يصير وانا ما بعرف وين الاخوه والصداقه 

كيان... مشاني اصبري عليه والله لاشرحلك كل شي الظاهر من الي شفته بوجه سمير انه في مصيبه كبير بالبلد

سهاد... تمام مش وقته مش وقته ، بس شو سمير وجمال سمير يخرب بيت عقلك كيف بتعامليه بهالعصبيه؟! الي مثله بتسكري عليه الباب ما بتخلي حدا يشوفه ولا غلطه ووو 

كيان... والله انك هايفه مش فاضي لجنانك وهبلك 

رجعت عند سمير الي كان يحكي مع موظفيه 

كيان... انا جاهزه 

سمير... يلااا  وكان يحكي بالتلفون 

سمير... تكون السيارة جاهزة باب البيت فورا 

سكر التلفون 

سمير... بدك تفوتي على البيت توخذي شي 

كيان... لازم ما بعرف شو ممكن يصير بالبلد، وسيارتي 

سمير ....خليها بالشركه هون تفضلي الحقيني 

طلعوا الاثنين تحت أنظار  سهاد والموظفين 

كيان... هو شو الي صاير ؟!  مالها امك؟! 

سمير.... ما بعرف كل الي عرفته حكى ابوي تعال بسرعه امك بتموت 

تغير وجهه كيان لخوف 

كيان... خير ان شاء الله 

وصلو البيت ونزلت كيان 

سمير... بسرعه يا كيان لا تتاخري 

دخلت كيان بسرعه جابت كم غرض الها ورجعت للسياره 

وكان سمير بانتظارها بره السياره، حست بدوخه وكانت بدها تقع بس مسكها سمير  

سمير... كيان شو مالك؟! 

اخذت نفس ومسكت حالها كانت 

سمير .. اسف ما كان عندي حل كنت بدك تقعي بالارض  بعتذر مرة تانية

كيان بتوتر

كيان... اوك 

سمير .. شو مالك ؟! كنتي بدك تقعي

كيان... تعب ما اكلت من مبارح لهيك دوخت

سمير ... شو الي خلاك ما توكلي ، اطلعي ما في وقت للدلع 

شعرت بالاحراج 

كيان....وانا ما بدلع على فكره مره ثانيه لو اموت قدامك لا تلمسني مفهوم 

سمير... مفهوم اركبي وخلصيني، خبر امي والدوخه تبعتك، اتلفت اعصابي بالمره

مسك التلفون وطلب مطعم بطريقه يجهز اله اكل

(ام سهم العيسى- ابتسام نصيرات)

قاد سمير السيارة بسرعة كبيرة ولا حكى كلمه وكيان من سرعة السيارة قلبت معدتها وحست بدوار

كيان... سمير وقف وقف بسرعه 

وقف بسرعه ونزلت واستفرغت ونزل سمير اعطاها مي

سمير .. انتي منيحه؟!؛شكلك تعبان وجهك اصفر، اذا تعبانه ارجعك على البيت 

كيان... لا قطعنا مسافه صرت احسن 

وصل المطعم واخذ اكل بسرعه وحطه بحضنها 

سمير .. كلي شكلك تعبانه 

كيان... شويت برد وتعب 

سمير... سلامتك يا كياني.                  

شعرت كيان بخفقان في قلبها من كلمة كياني

كلمة الها مذاق خاص يجعل قلبها يدق 

سمير... يلا كلي 

كيان... ما الي نفس 

سمير...من غير ولا كلمة ولا مناهده كتير، تتفضلي كولي بسرعه 

كيان... مش جيعانه 

سمير(منفرز) ... انتي ما بتعرفي تعيشي من غير ما تعاندي وتعترضي اتفضلي يلا اكلي وانا سايق ما رح اطلع عليك

فتحت كيان الاكل، انقضت عليه.من كتر الجوع ، ما حست بنظرات سمير الي كان يسرقها من وقت لوقت،  نظراته الها   حب وعشق واعجاب كان بيتمنى أنه يسحبها لحضنه ليستمد منها قوته يتخبى بداخلها ليمنع وسواس عقله يشتغل بلي بصير لأمه

اطلعت عليه وشعرت بكل ما يدور بعقله متل الطفل التايه الي فقد أمه 

كيان.... انت منيح؟ 

هز راسه لااا 

سمير... مش منيح، ما رح استحمل افقد واحد ثاني بحياتي

موت انور كسر ظهري،  لدرجة اني ممكن اموت اذا صار لحدا اشي

لا اراديا حطت ايدها على ايده ،حس  بلمسة أيدها وكأنها تحتضنه غمض عيونه بشده كأنه داخل حضنها يستمد قوته منها.

وصلو المستشفى، وبسرعة وراه كيان وقابل سمير ابوه

سمير... طمني على امي

ابو انور... اهدا با ابني امك بحاجة الدعاء ما في اشي بأيدنا 

سمير... هي وين شو فيها

ابو انور... بغرفة الانعاش فاقده الوعي 

كيان اخذت نفس انها عايشه

سمير(بخوف ). وين هي ؟!

ابو انور... الزيارة ممنوعه عنها 

سمير.... طيب شو صارلها؟!!

ابو انور....ما بعرف فجأة وهي بتشرب قهوة وجعها بطنها وقعت من طولها 

سمير... شو حكى الدكتور

ابو انور... بعده ما حكالنا اشي 

سمير... رح اروح اشوفه

ابو انور...كيان ليش معك؟! 

سمير... بعدين بحكيلك 

كيان... استناني اروح معك 

وراحت وراه 

.

.   (حكايات ام سهم )     

سمير... يعطيك العافيه دكتر انا سميرالـــ....

الدكتور رفع حواجبه 

الدكتور... اهلا فيك، حضرتك نار على علم ومعروف للكل

سمير... شكرا الك بس لو سمحت اعرف وضع امي 

الدكتور... والدتك ربي حماها واعطاها عمر جديد 

سمير... فهمني شو صار؟ 

الدكتور... الوالدة شاربه سم وحضرتها ما اكلت ولا شربت الا قهوة حسب ما عرفت من الوالد ، والقهوة بتقلل مفعوله وهي ما شربت الا رشفه صغيره، عملتلها جلطه صغيره بس الحمدلله  لحقناها 

سمير.... يعني وضعها صار احسن ؟

الدكتور... احسن بس..

كيان... شو في يا دكتور؟! 

الدكتور .. مشكله صغيره جلطة أثرت عليها 

سمير.... من اي ناحيه اثرت عليه؟! 

الدكتور... شلل نصفي بس ان شاء الله فتره قليله اقل من شهر وبيعتمد على نفسيتها 

سمير... وقصة السم؟؟! متأكد يا دكتر 

دكتور... طبعا طلع بالتحليل 

سمير(بغضب).... هاي مصيبه 

كيان.... اهدى يا سمير  أن شاءالله بتشفى وامورها بترجع أحسن من اول  

سمير ... انتي عارفة شو بقول ؟!! يعني في حدا حط سم لامي !!!  وممكن يحط لاي حدا ثاني بالبيت 

الدكتور.... ديرو بالكم نوع السم ما ببان الا بجلطه دماغية ، والغريب انه مش موجود بالبلد كلها ، اكيد جاي من بره 

واحنا عرفنا انه سم لانه ما تفاعل مع القهوة فبين بالتحليل ، لو كان السم بالاكل كان ما عرفنا 

بلش سمير مخه يروح ويجي 

سمير .. يعني الي بفهمه انه هالسم مش موجود ببلدنا نهائي؟

الدكتور..... نعم نهائي وممنوع يدخل البلد ، لذلك اسمحلي لازم ابلغ الشرطه للتحقيق

سمير .. زي ما بدك دكتر هذا شغلك بس يا ريت ما حدا يعرف انك بلغت عن الحاله هاليومين

اطلع على كيان 

سمير .. كيان خليك بالمشفى وما بدي حدا يعرف انك هون

حتى اهلك مفهوم 

كيان... اوك بس ليش؟! 

سمير(بعصبية).... بعدين بفهمك، انا رايح مشوار وراجع بس لا تطلعي بره المستشفى ،  مفهوم، بترجاك تسمعي حكي هالمره لا تعانديني

وتركها وطلع 

لقاه الدكتور 

الدكتور.... لو سمحت استاذ سمير شوي 

سمير... خير يا دكتور

الدكتور.... القضيه شروع بالقتل وانا بلغت الشرطه 

سمير...  انا نص ساعه وراجع قبل ما يجوا 

طلع بسرعه على بيتهم وكان في هدوء تام 

ودخل المطبخ مباشره وسئل الشغاله 

سمير ...تعالي الحقيني على مكتبي 

الشغاله(بخوف)...حاضر 

لحقت الشغاله سمير والخوف واضح على وجها 

سمير ... اقعدي واحكيلي شو صار عملتي بالضبط من قبل ما امي تروح المستشفى لما عملتيلها القهوة 

الشغاله(بتبكي).... والله ما عملت اشي اقسم بالله، انا كل يوم بهالوقت بعمللها هالفنجان قبل الغدا 

سمير.... لا تخافي بدي تركزي منيح شو صار اشي غريب قبل وقتها اتذكري اي اشي ، لانه الشرطه رح تيجي توخذك انتي وقتها انا ما الي دخل فيك

الشغاله(بخوف).... يا ويلي ابوس ايدك انا ما عملت اشي، طول غمري بهالبيت وانت بتعرف وعمري ما غلطت 

سمير .. اذكري شو صار بالضبط 

الشغاله... ما في اشي غريب صار 

سمير ... لا اله الا الله 

الشغاله.... لا لا صار اشي غريب، اتذكرت حتى انا استغربت منه 

سمير(بلهفه)... شووو احكي؟!

الشغاله.... وانا بعمل بالقهوة دخلت المطبخ هوليا تستعجل الغدا

وسئلتني لمين بعمل القهوه، وطلبت هي تبعثه للحجه وانا اكمل الغدا، واخذتها ورجعت بعد لحظه وحكتلي اوديها انا 

 احسن ما الحجه تزعل مني، واستغربت اصلا من طلبها لاني سمعت الحجه بتهددها انها حتحكيلك كل شي وتفضحها وسامحني والله سمعت غصب عني ما كنت مستقصد اتسمع عليهم 

سمير ... بسرعه شو سمعتي احكي 

الشغاله... سامحني يا رب والله غصب عني سمعـــ..

سمير(بصراخ)... احكي وخلصيني

الشغاله(بخوف)... حاضر  الحجه حكتلها انها عارفه من اول يوم دخلت هالبيت شو بدها، وانه الست هوليا ما كانت حامل بالمره، وانه الحجه كل الي عملته بالست كيان لحتى تطلع من هالبيت وتحميها من هوليا،  وهوليا اتفقت مع الدكتور ليحكي للكل انها نزلت الجنين 

سمير(وعارفه كل هالاشي وساكته؟!)

الشغاله.... انا شو بيناتكم يا استاذ ولا اشي خفت ما خدا يصدقني 

سمير.... ديري بالك حدا يعرف بأي كلمه اني عرفت هالحقيقه

الشغاله... حاضر من عيوني 

سمير... روحي شوفي شغلك ولا كأنه صار اشي 

الشغاله... حاضر

سمير.... بسيطه يا هوليا توقعت تعملي كل اشي اما تقتلي ؟! 

طلع سمير لعندها وكانت بتحكي تلفون 

هوليا... جون شوفلك صرفه مع هالدكتور كل شوي بيتصل ويهددني ليحكي لسمير 

جون...انا رح اخلص عليه انتي ركزي على الي عندك 

هوليا... انا خلصت على العجوز ساعات وبتموت وانقلعت ، بضل سمير مشان اورثه 

جون... وابوه؟ 

هوليا.... الي بعرفه انه ابوه ما في اشي بأسمه بس اذا لزم الامر بنلحقه بغيره ههههه

كان سمير واقف بهدوء وبسجللها فيديو بكل كلمه حكتها 

سمير.... يا ولاد الكلب  بسيطه الحساب بعدين 

رجع للمستشفى

سمير ..امي بخير

كيان... صحيت وطلبت تشوفك

دخل عند امه وكانت نايم واثار الجلطه واضحه على وجها

سمير قرب منها وباس رأسها 

سمير ... سلامتك يا أمي وحياتك لجيبلك حقك بس شوي 

انتي بس شدي حيلك بعرفك قويه وقدها

هزت راسها 

دخل الدكتور 

الدكتور... لو سمحتوا بكفي لازم ترتاح 

اشرت ام أنور على كيان 

سمير... بدك كيان؟! 

هزت راسها بــ آه 

سمير .. لو سمحتي يا كيان قربي منها

قربت كيان منها وحاولت ام انور رفع ايدها وكيان ساعدتها ومسكت ايدها وحطت ايد كيان بايد سمير وصارت تتلفظ بكلام مش مفهوم بحكم انها مجلوطه ما حدا فهم عليها 

سمير... شو يا امي شو بدك؟ وليش حطيتي ايد كيان بأيدي

ام انور(بصعوبه ).. جججج وووو ززز

سمير.... اتجوز!! انتي بدك اتجوز كيان؟! 

ام انور .. مممم 

كيان كانت بدها تحكي بس سمير شد على أيدها مشان تسكت 

سمير... حاضر يا امي بكره بجيب الشيخ وبنكتب الكتاب عندك هون

ابتسمت ام انور ابتسامة باهته ،لكن علامات  الغضب وعدم الرضا على وجه كيان 

الدكتور.... لو سمحتم بره خليها ترتاح 

سمير... حاضر

شدت كيان ايدها من بين ايده 

كيان(بعصبيه)...انت كيف بتسمح لنفسك تقرر عني مين الي حكى اني موافق على الجواز منك ؟!! 

سمير... اهدي امي نطقت هذا اشي منيح،  وثانيا الدكتور حكى ان حالتها نفسية عامل لتحسن حالتها ، وانتي اصلا زوجتي ولا نسيتي؟! كل الي بدي اعمله اوثق الزواج بموافقتك 

 

كيان(بغضب)...نجوم السما اقربلك يا سمير 

سمير ..ليش معصبه الوضع ما رح يتغير زي ما احنا، العقد بكون بموافقتك بس كل واحد بحاله 

كيان(بضيق).. لا يا سمير مش رح يصير الي بالك 

بهالحظه كيان داخت وقعت بالأرض وغمى عليها

 بلهفة وبدون وعي

سمير (بخوف)... حبيبتي كيان 

ونادى الدكاتره بصوت عالي ليسعفوها 

مساء الخيرات 

فضلاّ ليس آمراً ،لايك وتعليق لتستمر ظهور الصفحه لحتى ما تنحجب عنكم  

لنتابـــــــــــع... 

الجزء السادس 

بعد ان اغمى على كيان وقعت بالارض 

بلهفة وبدون وعي

سمير (بخوف)... حبيبتي كيان كياااااني 

ونادى الدكاتره بصوت عالي ليسعفوها 

بعد فحص الدكتور 

سمير... طمني يا دكتور

الدكتور... ما رح نعرف الا لتطلع نتيجه الدم 

سمير .. يعني تضل فاقده الوعي؟!!  لمتى! طمني عنها  على الأقل! 

الدكتور (مبتسم)... لا تخاف حالتها العامه ممتازه ، ونبضات قلبها منتظمه ما في اي مشكله جسديه  

دخلت الممرضة مبتسمه 

الدكتور...خير زي ما توقعت؟! 

الممرضه... المدام حامل 

نزلت الكلمه على سمير زي الزلزال 

سمير...انت متاكد ؟! 

الدكتور .. طبعا متاكد ، انا كنت شاك حتى قبل التحليل ، بس حالتها الصحية مش عاجبيتني لازم تتغذى منيح وخاصه بالمرحله الاولى من الحمل ضروريه، ولا رح تجهض اذا ما بتعتني بتغذيتها 

سمير(الدمعه بعيونه)... الحمدلله الحمدلله، او سمحت يا دكتور لا حدا يعرف بهالخبر ضروري حتى كيان ما لازم تعرف انها حامل

الدكتور ... زي ما بدك بس المدام لازم تعرف مشان تعتني بحالها وتتغذى

سمير... اترك الي الموضوع انا بحكيلها بس لما تصحى 

الدكتور... المغذي رح يخلص ويا ريت تنتبهو لاكلها ضروري 

عن اذنك 

سمير(بينه وبين نفسه)... مش عارف ردت فعلها لما تعرف ، استر يا رب 

قرب سمير منها وحط ايده على شعرها 

سمير ... اااه يا قلبي لو تعرفي كم بحبك ، وقلبي بتقطع لما تبعدي عني، لو تعرفي يا عيني انك نبض قلبي وعايش فيه 

انا بحبك، لا تقسي عليه وتبعدي عني، والله بعرف اني كسرتك وجرحتك، وعملت عمله ما بتنعمل ، بس غصب عني وربي غصب عني، سامحيني بدي تضلي جنبي ومعي والي  

صحيت وسمعت كل كلامه ودموعها نزلت وقلبها تسارع دقاته، كانت تتمنى تحضنه وتحكيله الي بقلبها رغم كل الي عملوا فيها

((نعم يا عزيزاتي انه الحب، العشق، الذي لا يعرف الأخطاء لا يعرف الحسابات، لا يعرف الذنوب ))

كيان ... شو صار ؟ انا وين؟؟ شو هدا الي بأيدي؟! 

سمير .. الحمدلله على سلامتك يا كل حياتي يا كياني 

كيان... ممكن تحكيلي شو الي صار؟! وانت ليش قريب مني لهدرجه ابعد شوي ، ولا تقرب مني مره ثانيه هالقرب .

سمير... اهدي واسمعي كلامي ، بس بدي تكوني هاديه ما رح اعيد كلامي مره تانيه 

كيان... يا سلام وانا شو الي بجبرني اني اسمعلك يعني!!!

سمير... لو سمحتي بلاش عناد اسمعيني بس 

حست بكلامه ونبرت صوته انه الي بدو يحكيه مهم لهيك سكتت وانتبهت 

سمير... كيان انتي بتعرفي امي ما رح ترجع للبيت الي هون بالبلده ، وخاصه ابوي بضل مسافر كثير بدي اخذها معي للعاصمه تعيش معنا 

قاطعته كيان

كيان...تعيش معنا؟!!!!! احنا مش متجوزين اصلا لتجمعني فيك

سمير... مشان الله تسكتي وتخليني اكمل كلامي للاخر بطلي تقاطعيني وافهمي كلامي اففف

رح اجيب شيخ وانادي اهلك ونكتب الكتاب من جديد 

كيان قامت من السرير زي المجنونه وسحبت الابره والمغذي من أيدها 

كيان... ابدا يا سمير ولا تحلم  اتجوزك 

مسكها سمير من أيدها بشدة وبوجه ملامح الغضب والعصبيه 

سمير ... مش على كيفك ولا على كيفي احنا مجبورين لا تفكري انا ميت بجمالك، مشان افرض نفسي عليك ،ولا كانه في حدا غيرك بهالدنيا ! 

سحبت ايدها منه بقوة 

كيان... ما دامك مش ميت عليه ليش مصمم تتجوزني ولا هيك لزقه 

سمير... مش مشانك وانا عمري ما لزقت بحدا، بس مشان ابنا ما يعيش بدون اب

جمدت مكانها وتوقف نفسها وسرحت 

سمير... اقعدي يا كيان واسمعي كلامي منيح وافهميه 

اللي مفروض يحصل هو 

صحيت من سرحانها وقاطعته 

كيان.... الي ببطني لازم ينزل انا ما بدي اياه ، ما بدي اشي يربطني فيك 

ولع راس سمير غضب وبصوت عالي 

سمير (بغضب وصوت عالي)... مين الي ينزل ؟!! قسما عظما يا كيان ورب الكعبه لو فكرتي مجرد تفكير تنزلي الي ببطنك مش رح يصير.خير هيني حذرتك فاهمه ولا مش فاهمه ردي 

عليه فااااهمه!!! 

كيان... لا مش فاهمه يا سمير ، من حقي ما احتفظ بشي بذكرني بهاليوم ، انت ذبحتني ، انت قهرتني ، انت ذبحت كل اشي حلو ،  انت مو حاسس بلي عملته؟! 

لا يا سمير بحكيها بكل ما فيه انا ما بدي اشي يربطني فيك 

ما بدي فاااااهم!؟

سمير(بغضب)... لا مش فاهم ولا بدي افهم يا ويلك اذا بصير لابنا شي، والشيخ رح يجي اليوم ويكتب الكتاب ، واختصري يا كيان  لانه ممكن تصير فضيحه اذا ما لميتيها، وهذا ابنا احنا الاثنين

هزتها كلمة (أبنا) وحطت ايدها على بطنه بطريقة لا إرادية . و شعرت بنبض قلبها بيرتفع وظهرت شبح ابتسامة على وجها 

كيان (بعناد) ... واذا ما فهمت شو بدك تعمل يا حضرة السيد سمير  

كانت كيان مبسوطه بالحمل بس ما بدها تظهرله 

سمير استنفذ كل صبره

سمير(بشد على اسنانه)... وعزت الله اذا ابني بصيرله اشي لتكوني مقابله 

كيان(ببرود)... مش خايفه اعلى ما في خيلك اركبه 

سمير.... لاااا لازم تخافي، لانك ما بتعرفي شو بدو يصير ولا شو صار لهيك اقعدي يا بنت الناس افهمك

 

لمحت بعيونه الغضب وجديته فقعدت تفادي لاي تصرف منه 

سمير... اول اشي ومهم جدا ولا مخلوق على وجه الأرض يعرف انك حامل حتى اذا كتبنا الكتاب لاني بعرفك لسانك طويل وبتحكي، كل هالشي مشان سلامتك انتي وابني 

كيان... ممكن بنت

سمير(مبتسم)... لو حلوه مثلك موافق مع اني متأكد ما في احلى منك 

ابتسمت كيان وبسرعه اخفتها 

سمير.... يسعد هالابتسامه ، الان بدك تفهمي انه ما بدي حدا يعرف بموضوع الحمل  حتى امي  الوضع خطير مش زي ما انتي متخيله

كيان(بخوف)...خطير ؟! كيف؟! هو في حدا ممكن يأثيني انا وابني 

حطت ايدها على بطنها 

سمير ...لا تخافي انا الي بدو يأذي شعره منك بجعل الله ما خلقه 

دخل الدكتور وعيونه على سمير 

سمير.... تمام دكتور المدام عرفت بالموضوع 

الدكتور... يبقى لازم تهتمي بأكلك منيح انتي ضعيفه وهذا بأثر على الجنين ولازم ترتاحي راحه تامه وخاصه بهاي المرحله 

كيان.... لا تخاف يا دكتور 

الدكتور .. ممتاز مبارك عن اذنكم 

طلع الدكتور وانتبهت انه سمير ماسك ايدها ، فسحبت ايدها بسرعه والخجل مسيطر عليها 

كيان ... اسمعني انا كمان للآخر ، رح اوافق على كتب الكتاب لأسباب كثيره اولها لحافظ على سمعتي، وثانيا مشان ابني ، رغم الي صار ، وما بعرف شو هو الخطر الي ممكن يصير بس الي بعرفه انك ما رح تسمح لحدا يأذي ابنك ، وفي شرط لازم تنفذه 

سمير .. تفضلي جلالتك  

كيان... من اولها بلشت تتمسخر علي؟! 

سمير... لا مسخره ولا اشي احكي شو شرطك

كيان.... مو بس شرط شروط 

سمير(بملل)... استني اجيب ورقه وقلم اكتب شروطك 

كيان... اولا شغلي مستحيل استغني عنه 

سمير.... انا ما طلبت تتركي شغلك شو الشرط الثاني 

كيان.... حياتنا زي ما هي انت بحالك وانا بحالي 

سمير... ما فهمت شو قصدك

كيان... يعني انت بغرفتك وانا بغرفتي 

سمير.... وانا مستحيل اغصبك على اي اشي انتي ما بدك اياه ، لا تقلقي الي صار قبل ما رح ينعاد 

كيان... انا موافقه دير بالك ترجع بكلامك

سمير... شايفيتني ولد صغير!!! اتفضلي زبطي قميصك اهلك والشيخ على وصول 

كيان.... ومزبط كل الأمور حضرتك وحاكي لاهلي وكلك ثقه!!

ما رد عليها واكتفى بأبتسامه 

دخل الشيخ ومع عمها ومرت عمها وأبو انور 

نهال.... حبيبتي انتي ليش ما سافرتي اتفأجت بس سمير خبرنا 

كيان.... كان في شغل متراكم كثير كنت ناسيه وبعثت موظف  بدالي

العم .. طيب ليش ما اتصلتي وخبرتينا، كان ما تركنا العاصمه واجينا على البلد وتركناك لحالك 

سمير... خلص  بلاش عتاب الشيخ مستعجل 

قرب عمها عليها وبصوت واطي

العم... انتي متأكده انك موافقه على سمير ، اذا ما بدك احكيلي رح اخذك وارجع للبيت 

هزت راسها بالموافقه 

تم كتب كتاب في غرفة ام انور وكانت حالتها النفسية مرتفعة

نهال ...كيان احكي لسمير تيجو معنا لبيتنا

 قاطعها سمير

سمير ... معلش كيان رح ترجع العاصمه مشان الشغل الي متراكم عليها وعليه كمان 

استغربت كيان بس ضلت ساكته 

نهال ... شغل شو اليوم كتب كتابكم لتكون انت ولا هي مغصوبين على هالجيزة 

سمير.... لا يا خالتي بس جد في شغل بيني وبين شركة كيان وتوقف وبكره راجع مشان اجراءات خروج امي من المستشفى ورح الحقها على العاصمه 

العم.... مين رح يوصلها 

سمير ... انا آمنتلها ناس توصلها لباب البيت 

نهال....طيب اصبر لبكره وتسافروا سوا الدنيا ما طارت 

كيان... خلص يا مرت عمي هذا شغل وانا بعرف انه مستحيل يتأجل اي شي 

.

.

رجعت كيان للعاصمه بدون ما تفهم ليش سمير تركها ترجع لحالها للعاصمه

كيان.... ليكون خايف من هوليا تعرف انه اجوزني لهيك رجعني لحالي !! 

وبدأت تعصب 

تلفونها رن

اطلعت على الرقم كانت سهاد فتحت الخط

كيان.... شميتي خبر اني رجعت وعلى طول رنيتي اف منك 

سهاد... جد ارجعتي؟! 

كيان... شو بدك؟ 

سهادد.. شو بدي يعني !! بدي القصه من اولها لاخرها قبل ما انام يا حلوة 

.

.

              (حكايات ام سهم- ابتسام نصيرات)

دخل ضابط ليحقق بواقعت ام انور بالمستشفى 

الضابط...استاذ سمير انت بتشك بحدا 

سمير... اه بشك بس بدي اول اشي اعرف الشريك الي عملها 

الضابط .. قصدك مين؟؟ 

طبعا سمير فرجى الضابط التسجيل 

الضابط... انت بتعرف انه ما اله اهميه الا اذا اخذنا اذن فيه 

بس هيك عرفنا البدايه ودير بالك على حالك منها لحتى اخذ اذن بالقبض عليها 

سمير... ممتاز انا بدي ارجع للبيت ولا كأنه في اشي صار 

.

.

دخل سمير البيت وكان هدوء تام استغرب من الهدوء مش عادة الشغاله ولا الحارس يكوموا مختفيين 

طلع فوق ليشوف الوضع ولما دخل الغرفه اتجمد مكانه من هول المشهد ، هوليا مقتوله وغرقانه بدمها

ضل سمير بحالة من الذهول وعقله توقف عن التفكير من بشاعة المنظر، عيونه تعلقت على هوليا ولم يتحكم بأعصابه، كانت عيونه بتلف بأرجاء الغرفه الي مقلوبه فوقاني تحتاني كانه بدور على شيء معين والمصاري والذهب مختفيات تلفونها على الأرض شاله سمير ونزل مباشره على مكتبه خبى التلفون ورن على الشرطه، ما في عشر دقائق الا البيت مليان شرطه وضباط ومحققين وانقلب البيت لمسرح وعجقه والغريب انه الحارس والشغاله ما حدا صحي على. كل هالضجه ، واكتشف المحقق انهم تحت تأثير مخدر، بلش البحث الجنائي  في التحقيق 

الضابط... انت اول من اكتشف الجريمه 

سمير (بصعوبه)... ايوا كنت راجع من المستشفى ولما دخلت شفتها بهالمنظر 

الضابط... يعني بفهم منك ما شفتها الا وقت الجريمه 

سمير (بدون تفكير)... ايوا ما شفتها الا وقت الجريمه 

الضابط... لو سمحت اذا صحي الحارس والشغاله لازم احقق معهم كل واحد لحاله 

.

.

الشغاله.... والله ما شفت اشي من وقت ما الاستاذ سمير ما اجى المغرب وبعدها فتت نمت 

الضابط... استاذ سمير جاي على البيت من قبل ما تنقتل هوليا؟! 

الشغاله... اه بس مش فاهمه شو يعني؟ 

الضابط(بعصبيه)... يعني اجى شو عمل بالضبط؟ 

الشغاله.... قعد معي وسئلني عن موضوع السم وعن الست هوليا

الضابط(بعد ما زبط قعدته ورفع حواجبه)....سم شو احكي 

الشغاله... هوليا هي الي حطت السم للحجه ام انور لهيك هي بالمستشفى 

الضابط ..وسمير عرف من وين انه هوليا هي الي عملت هيك

الشغاله... ما بعرف بس هو اجى من ساعتين وكان معصب وصار يحقق معاي لحد ما عرف انه هوليا هي الي حطت السم بالقهوة 

الضابط ... لااا احكيلي كل الي بتعرفيه بالتفصيل المُمل 

صارت الشغاله تحكيله الي صار 

الضابط... طيب بعد ما تركك طلع من البيت على طول ولا ضل 

الشغاله...بصراحه ما بعرف كم ضل لاني كنت تعبانه ورحت لغرفتي استريح شوي

الضابط... طيب بتقدري تروحي هسا ،بس التحقيق ما خلص ممكن اطلبك مره تانيه ، واذا اتذكرتي اي اشي تعالي بسرعه واحكيلي 

طلب الضابط سمير

الضابط .. استاذ سمير انت حكيت ما شفتش المقتوله غير لما  اكتشفت الجريمه

سمير (بتسأل) ... اها في اشي؟! 

الضابط(بسخربه)...كيف اه والشغاله بتحكي انك كنت بالبيت قبل الجريمه بساعتين ؟!!

سمير كانه اتذكر

سمير .. ااه اه صحيح انا كنت بالبيت قبل بساعتين وقعدت مع الشغاله 

الضابط... يعني افهم منك انك حكيت مع الشغاله وضليت ماشي بدون ما تشوف زوجتك ولا تسأل عنها 

سمير(معصب).... اه ليش بدي اكذب عليك يعني 

الضابط...ليش بدك تكذب!!! رح نعرف لما تشرف معنا  

سمير ... وين اروح معك ، امي بالعناية الحثيثه اذا بتعرف بتروح فيها 

الضابط... هو انا بعزمك لتقرر تروح ولا لأ!!! هاي اوامر اتفضل انت مقبوض عليك بتهمة قتل زوجتك هوليا 

سمير(مصدوم).... شو بتقول؟! انت غلطان وشكك فيه غلط  

الضابط... بتشرف معانا لحتى نعرف الغلط وين  

سمير .. خليني اتصل على الوالد وخبره 

بهالحظه دخل أبو أنور 

ابو انور.... خير شو فيه؟!! شو الي صاير هون، صحيح الي سمعته بره انه هوليا انقتلت؟! 

.

.

اما كيان اول ما وصلت اكلت ونامت وبساعه متاخره صحيت تشرب مي ولما مسكت تلفونها لقت اكثر من عشرين مكالمه لم يرد عليه

كيان... يا لطيف معقول امه ماتت؟! 

رنت على سمير اكتر من مره بس ما رد ، رجعت رنت على نهال 

كيان... خير شو فيه كل هالاتصالات منك صار اشي؟ 

نهال ... من الصبح بترجعي لهون بسرعه سمير بالمركز الآمني وكنا عنده والدنيا بالبلد قايمه قاعده 

كيان.... سمير ؟؟ فهميني شو صاير ليش بالمخفر شو عامل 

نهال... هوليا انقتلت والشرطه اتهمت سمير بقتلها 

كيان... شوووووووو شو بتحكي ، مستحيل سمير يعمل هيك عمله قتل لاااااا 

.

.

           (ام سهم العيسى- ابتسام نصيرات)

رئيس المحققين... ممكن اعرف ليش كنت بالبيت قبل وقوع الجريمه شو الي خلالك تمشي بسرعه بدون ما تشوف زوجتك هوليا ؟! ليش انكرت على الضابط الي حقق معك انك كنت بالبيت 

سمير... انا اصلا نسيت بسبب الجريمه وبشاعتها انسيت اني كنت بالبيت 

رئيس المحققين... خليني ارجع اعيد السؤال بطريقه مختلفه شو الي خلاك تروح البيت بهذا الوقت

سمير... لما سمعت كلام الدكتور انه امي اتعضرت لمحاولة قتل بسبب السم الي انحط الها بالقهوة قلت لازم اروح واعرف شو صار من الشغاله الي امي ما بتشربها الا من أيدها 

هي وبس ،  وحكيت معها وعرفت السبب 

رئيس المحققين... وانت شكيت بالشغاله ؟

سمير... لا ابدا هاي الشغاله من البلد وبتشتغل عنا من زمان سنين طويله علاقتنا فيها طيبه ، مستحيل تكون الها ايد بأيذاء امي حتى ابوي هو الي زوجها وتكفل بالمصاريف ، حتى انه طلقها من زوجها لما عرف انه بضربها 

رئيس المحققين... طيب شو صار بينك وبين الشغاله وعرفت مين الي عمل هالعمله؟! 

سمير... اه طبعا عرفت مين 

رئيس المحققين ....مين؟! 

سمير.... هوليا بعد ما عرفت انها امي كشفتها انها بتضحك علينا وعملت حالها حامل ونزلت كله كذب بكذب 

رئيس المحققين... وانت عرفت هالكلام من الشغاله صح؟؟ 

سمير... اه سمعت هالكلام الي دار بين هوليا وامي وسمعت امي بتهددها انها رح تحكيلي الحقيقه ، وكانت هوليا مصممه هي الي تبعث القهوة لامي 

رئيس المحققين... وانت قلت خليني انتقم منها واخذ حق امي الي تعرضت لمحاولة قتل والضحك الي ضحكت عليك فيه والمخفي اعظم

سمير... قصدك انا قتلتها؟!  

رئيس المحققين (بعصبيه)... انت المتهم الاول والرئيسي بالقضية والدافع موجود ، وكنت بالبيت وقت الجريمه شو بدك اكثر من هيك دلائل

سمير...بس انا ما قتلتها انا سجلتلها الحكي الي سمعته منها بالمكالمه، ونزلت مباشره لانه كان عندي موعد بالمستشفى مع الضابط الي  حقق بموضوع السم بس هو قال انه لازم يوخذ اذن ليقبض عليها

رئيس المحققين ... فعلا لازم يوخذ اذن، شو سمعت منها؟

 

سمير حكى كل اشي سجله 

رئيس المحققين.... وبتخونك كمان ؟ وهذا دافع اكبر لتقتلها 

سمير(عصبيه كبيره).... انت ليش مصر اني قتلتها ، انا ما قتلت ما قتلت 

رئيس المحققين.. ما في حدا عنده دافع قوي مثلك اولا حاولت تقتل امك وثانيا ضحكت عليك وثالثا بتخونك ، وعلى العموم بالتحقيقات كل اشي رح يوضح اكثر، ولوقتها بتشرف عنا هون  

 يا عسكري اخذو على الزلزالة 

طلع سمير وبأديه القيود بدخول كيان عليه 

كيان... سمير سمير....  وين رايحين فيه ؟!  

سمير... كيان انا ما قتلتها انا مستحيل اقتل قسما بالله

كيان... بعرف والله بدون ما تقسم 

سمير... اسمعيني وركزي بكلامي اول اشي بتوخذي امي اليوم خروجها بتنتبهي عليها لا تعرف اشي وخبري ابوي والي بالبيت كلهم وتلفون هوليا بالمكتب، دوري فيه ممكن تلاقي اشي يدلنا على القاتل 

العسكري .... خلصونا لو سمحتم 

كيان.... الله يخليك بس كلمه وحده ، سمير انت قوي وقدها ولا يهمك ربك كريم 

سمير... كيان سامحيني بكل الي عملته فيك 

كيان.... هذا مش وقته المهم تطلع بالسلامه وبعدين بنشوف كل واحد وين حقه وبيوخذه

سمير( بنظرة حب)... انتبهي على حالك والي ببطنك كثير واذا ما طلعت منها لا تحكيله عني اشي مش منيح واكيد رح يعدموني قبل ما تولدي 

كيان... لا تحكي هالكلام ما في حدا رح يربي ابنك الا انت فاهم 

طلع رئيس المحققين وشافهم بيحكو 

رئيس المحققين (بمسخره)... شو رأيكم نجيبلكم كاستين قهوة تروقو وتكملوا كلامكم

وصرخ على العسكري بصوت عالي 

رئيس المحققين.... مش عارف تشوف شغلك ولا عاجبك الجو يلا نزل المتهم على الزلزالة نفذ الأوامر  يلاااا 

طلعت كيان مع ابو انور بعد ما حكى مع اكبر محامي لابنه

نهال... تعالي معنا 

كيان... لا لازم اروح البيت في شغلات ضروريه اعملها 

العم... على راحتك 

دخلت البيت وقلبها بيتقطع بس مش وقته لازم تتصرف المشوار طويل لازم تكون قوية ، اول دخلت نادت الشغاله والحارس، وأبو انور قاعد مهموم 

كيان....معلش يا عمي اطلع ارتاح ، وزي ما حكيتلك بالطريق والي اتفقنا عليه، لازم اتصرف  

ابو انور... الله يرضى عليك  

التفتت للشغاله والحارس 

كيان ... المعمل الجنائي خلص شغله من غرفة هوليا ؟ 

الشغاله.... ايوا خلصو وحكونا اتصرفوا 

كيان...اسمعوني منيح كل الغرفه بتتغير كل الي فيها بينرمي بره وينحرق، ولا يضل فيها حتى لون الغرفه يتغير بدي اياها غرفه جديده تماما 

مدت ايدها واعطتهم مصاري 

كيان.... واي مصاريف زيادة خبروني لاعطيكم ، والافضل  تنادوا حدا معكم يساعدكم ، واهم شغله الحجه ام انور ، كانت المفروض انطلعها من بكره الصبح بس انا حكيت لنضبط الامور بالبيت ، واذا سئلت عن سمير احكولها سافر شغل ضروري، مفهوم ، يلا بلشو 

الحارس... لو سمحتي ممكن انادي تحسين يساعدني 

كيان... نادي الي بدك اياه المهم بكره يكون كل اشي جاهز 

الشغاله.... بس اا..

كيان.... شو بس ؟! 

الشغاله... تحسين ممنوع يفوت جوى البيت شغله بره 

كيان.... ليش؟! 

الشغاله...هو طليقي 

كيان... اااه اذا ممنوع بلاش دبر حالك الي بهمني النتيجه 

تركتهم ودخلت مكتب سمير وهي بتفتش على التلفون 

كيان... يا رب فرجك يا رب 

فتحت التلفون وكان فيه صور كثيره لهوليا وخاصه شبه عريانه وهي ببلاد بره شعرت بغيره ضلت تقلب فيه وبين تطبيقاته لحتى شافت تطبيق تسجيل المكالمات، بلشت بفتح سجل المكالمات وتسمع  كل مكالمه وتركز فيها

كيان(فتحت عيونها).... شوووو الي بسمعه،  لازم ارجع للمخفر واشوف المحقق الموضوع خطير جداُ

مساء الخيرات 

الاستمرار بوضع الايك والتعليق يستمر ظهور الصفحه عندكم

نتابــــــــع...

الجزء السابع..  

 

طلعت كيان مباشره للمخفر وفي عيون وراها بتراقبها ، وصلت وطلبت تقابل محقق القضيه 

رئيس المحققين... خير مدام كيان في اشي صار

طلعت كيان التلفون 

كيان.. تلفون  هوليا وفيه بلاوي ممكن يدلك على القاتل 

رئيس المحققين...شايفك متأكده من براءته سمير ليش؟!

كيان... لانه مستحيل يعمل هالعمله 

رئيس المحققين ...وليش مستحيل يقتلها اذا عرف انها بتخونه وحاولت تقتل امه غير الكذب عليه 

كيان(بعصبيه)...مش بالضرورة يقتل 

رئيس المحققين... هاتي لشوف ممكن نلاقي اشي، بس حابب احكيلك اشي بس يبقى سر بينا لانك الوحيدة الي ممكن تساعديني 

كيان(باستغراب)... خير؟! 

رئيس المحققين.... انا بعرف انه سمير بريء وسجنته لهدف براسي

كيان... قصدك مشان القاتل يطمن صح؟! 

رئيس المحققين....صح

كيان.... يبقى المجرم حدا قريب منا! 

رئيس المحققين.... واحنا بنوخذ البصمات من مسرح الجريمه كان في بصمه غريبه غير بصمه سمير وهوليا والشغاله، وغير ناس الي  بتترددو على البيت كلهم و تكررت في اكتر من مكان في بصمة عليها بعض اثار د...م مشان هيك بدي اياك  تساعديني

كيان.... طيب شوف التسجيلات يمكن يطلع القاتل منهم

اخذه من ايدها وبدأ يسمع التسجيلات ، تسجيل هوليا مع الدكتور ومع جون وموضوع السم والمقصوده بالأول كيان وقتلها ، وخيانتها لسمير ، والحمل الكاذب 

رئيس المحققين..... انتوا كيف كنتم عايشين مع وحده مثلها ؟!! هاي مش انسانه مش طبيعيه 

كيان... الطمع والجشع بعمل اكتر من هيك 

رئيس المحققين... كل الي صار ما بدي حدا يعرفه ضروري ولا كلمه تطلع ورح استدعي جون والدكتور لتحقيق معهم 

كيان.... اوك، ممكن اشوف سمير شوي؟ 

رئيس المحققين... ولا حتى سمير يعرف كل اشي بدنا اياه طبيعي 

كيان... ليش ؟! خليه يطمن 

رئيس المحققين... ما بيزبط يعرف لاني حجزي اله بكون غير قانوني وانا سجنته حسب الدلائل الي عندي اما اعتقادي هو بريء مش ثابت ، كمان ممكن يضيع كل شغلنا خلينا على السليم افضل للكل 

كيان... تمام ما رح احكيله بس خليني اطمن عليه 

رئيس المحققين طلب من العسكري يجيب سمير من الحجز 

واخذت كيان رقم تليفون المحقق، لحتى تتواصل معه اذا صار اي شي ، واول ما سمير شاف كيان ابتسم 

سمير.... انتي بخير طمنيني عنك ابني بخير ؟! ليش جايه بهاد الوقت لهون في اشي صار لأمي ؟! وين ابوي ليش جــ

قاطعته كيان

كيان... هسسس شو مالك اهدا جبتك اكل صحتين وعافيه 

تركهم رئيس المحققين لوحدهم بالمكتب وطلع 

كيان.....خليني اعرف احكي 

فجاءة حضنها سمير وشد عليها وهي ضلت هاديه ونسيت كل الي صار وكأنه كانت عطشانه لحنانه هي كمان

احمر وجها خجل 

كيان... عيب عليك 

سمير... بس اطلع بتشوفي العيب على اصوله 

كيان(بأبتسامه)... هو وقته انت متهم بجريمة قتل 

سمير .. انا واثق ان ربي رح يظهر الحق وكمان وثقان فيك  لهيك مش قلقان ، بس خايف على امي لو تعرف شو بدو يصيرلها 

كيان....لا تخاف انا نبهت على الكل لا يجيبو سيرة نهائى، 

سمير.... انتي بنت أصول يا كيان، وغرفة هوليا؟ 

كيان... شو مالها 

سمير .. شو ناويه ؟! 

كيان ... طلبت تغيرها كلها من جديد، حتى الشغاله خافت من دخول الغرفه وبتحكي فيها اروح هوليا ههههه

سمير.... هههههه

كانت اول مره بتشوف ضحكته نظرت اليه بشوق ، حس بعيونها وقرب منها ورجع حضنها بهالحظه ما سمعو دقات الباب عليهم لحتى رئيس المحققين دخل 

رئيس المحققين (بصوت عالي)... منا حكيت نجيبلكم فنجانين قهوة وتقعدو على رواق 

سمير(بخجل)... زوجتي يا حضرة الضابط !! 

رئيس المحققين (بمزح)... شو رأيك انزلها معك على الزلزاله تسليك

كيان خجلت وجها صار احمر 

كيان.... عن اذنكم سلام 

ابتسم سمير على خجلها 

سمير(بينه وبين نفسه)... بحبك يا نور عيني 

رئيس المحققين... باين انك بتحبها ؟!

سمير... حب لااا تجاوزته زمان انا بعشقها ،قلبي و روحي وحياتي انا بتنفس بس مشانها

رئيس المحققين... هنيالك 

سمير.... انا مش متاكد انها بتحبني لاني كنت قاسي عليها كثير ، معقول اتحبني بعد كل الي عملته 

رئيس المحققين...الست الي بتحاول تثبت براءت زوجها واجت بهاد الوقت لحتى تطمن عليك ، وحسب ما عرفت رجعت بنفس اليوم من العاصمه مشانك فاكيد بتحبك 

سمير... ممكن اعتبرته واجب بسبب ظروفي هاي ، وخايف بس تنتهي تتركني 

رئيس المحققين... خلينا نشرب كاستين شاي واعزمني على الاكل الي جابته المدام شو رأيك ؟ 

سمير(بمزح).. يعني طمعان في الأكل

رئيس المحققين... هههههه يعني

سمير ... لو سمحت بدي قهوة لازم اصحصح مشان افكر  

رئيس المحققين... اوك 

سمير....ليش بتتصرف معي هيك؟ اكيد متأكد اني برىء 

رئيس المحققين... خلينا نوكل وكّلها لربك 

.

.

بالمستشفى 

راحت كيان وابو انور للمستشفى لحتى يقوموا باجراءات الخروج شعرت بدوخه، كانت تعبانه لا نوم ولا آكل، دخلت غرفة ام انور لقت الدكتور عندها 

الدكتور.. الحمدلله على سلامتك وضعك ممتاز  شويت علاج طبيعي بتحسن عندك المشي هالفتره بتضلي على الكرسي ، والنطق تحسن كثير

ام انور... الله يخليك يا ابني 

الدكتور .... واجبنا يا حجه 

كيان... يلا يا حجه البيت مشتاقلك تفضلي 

التفتت ام انور يمين وشمال 

كيان... بدوري على سمير صح؟؟ 

هزت راسها بنعم 

كيان... معلش اضطر يسافر بره البلد في مشكله بشركته بره كبيرة ما بقدر الا هو يحلها كان ما بدو يسافر مشانك بس انا اقنعته اني انا معك ما يخاف عليك 

ام انور... الله يوفقه يا رب ، وين الحجي

كيان... بعمل اوراق الاجراءات لخروجك وبحاسب المستشفى، يعني بتسألي عنهم!! وانا مش قد المقام؟! 

ام انور.... انتي مرت الغالي وغاليه 

كيان....يلا نجهزك للخروج 

.

.        (حكايات ام سهم - ابتسام نصيرات)

. 

وصلت ام انور وكيان وابو انور البيت 

ام انور... وين الشغاله مش منظفه مدخل البيت 

كيان... بلشنا عصبيه الدكتور حكى ممنوع 

ابو أنور.. اساعدك لتروحي على غرفتك 

ام انور.. انا بدي احكي مع كيان شوي بموضوع   

كيان... يبقى بعد اذن عمي بنروح على مكتب سمير 

دفعت كيان الكرسي 

كيان.... تفضلي شو بدك تحكي،  في اشي؟!  

ام انور... لا تخافي ، بس حابب احكيلك انك بتفكريني وحده ظالمه وضايقتك يمكن بالبداية كنت هيك ، بس لما عشت معك فتره بين معدنك الطيب بس اضطريت اعاملك هالمعامله، مشان احميك من سم هالحية هوليا، ونصيحه مني لا تقربي ناحيتها 

كيان... لا تخافي هوليا تركت البيت 

ام انور... جد بتحكي؟! 

كيان... تركته بدون رجعه 

ام انور... الحمدلله

كيان... يلا على غرفتك ترتاحي ورح تيجي تزورك كل يوم دكتورة علاج طبيعية لتتحسن حالتك 

ام انور.... ان شاءالله 

.

.

طبعا تم استدعاء جون الي اضايق كثير على موت هوليا والدكتور ومواجهتهم بكل التهم وانحجزوا الاثنين بتهمة الشروع بالقتل لجون وتهمة التزوير ومخالفة قوانين المهنه للدكتور 

.

.

في المساء  دخلت كيان غرفتها ترتاح

كيان... الو

سهاد... شو يا حلوة 

كيان... بعدين معك انتي ما بتتركي الواحد بحاله 

سهاد... الحق عليه الي بسال عنك 

كيان..  انا رغم الي انا فيه بس الحمدلله 

سهاد.. شو مالك حبيبتي؟! في اشي صاير؟! 

كيان... بلاوي صايرة مش رايح احكي فيها الك حاليا ، المهم انتبهي على الشغل ومدير شركة سمير اتصلي فيه وتابعي الشغل معه فاهمه 

سهاد... ربي يريح بالك 

كيان.... بس يخلص الي انا فيه بخبرك بكل اشي 

اجت منها نظره على شرفتها ولمحت خيال 

وسكتت فجاءة عيونها اجت على بلكونه الي بتوصل لفرفة هوليا ، كان في خيال رايح جاي ، بسرعه راحت لغرفة هوليا فتحت الباب وشغلت الضو بس ما شافت اشي

سهاد... الو الو كيان وين رحتي الوووو

كيان... ايوا سهاد 

سهاد... وين رحتي شو فيه؟! 

كيان... ولا اشي انتي بس انتبهي للشغل

سكرت كيان التلفون وبالها مشغول من الي شافته

كيان... ليكون زي ما حكت الشغاله روح الميت بتضل بالغرفه 

يييي بلا كلام فارغ شو هالكلام هاي خرافات ، بس انا شغت خيال ومتأكده !! ممكن لاني تعبان وبدون نوم ولا اكل

دق الباب 

كيان(بخوف).... مين؟! 

الشغاله... انا 

كيان... تفضلي

الشغاله... جبتلك اكل انتي ما اكلتي

كيان... اجى بوقته هاتي الجوع كافر

حطت الشغاله الاكل قدامها 

الشغاله... هنيالك اعصابك حديد 

كيان(وهي بتوكل)... ليش يعني؟! 

الشغاله ... انك بتنامي بجنب غرفة النوم هوليا 

كيان... شو يعني؟! 

الشغاله...يعني زي ما حكيتلك روحها بتضل هون 

كيان... بلا هبل ما في هيك اشي، شيلي الأكل شبعت

الشغاله.... ما اكلتي لسى

كيان(بزعل)... سلامتك فتحتي نفسي يلا ورحي بدي انام

بتحاول تقنع نفسها انها اوهام و يادوب لسى بدها تنام رن المحقق عليها 

كيان... خير شو فيه؟! سمير بخير ؟؟ صارله اشي 

المحقق.. لا تخافي انا بدي اياك بكره الصبح مشان في اشي جديد صار بالقضية رح تغير مجرى التحقيق كله 

سكرت التلفون مع المحقق

كيان... بعدين مع هاليوم الي مش راضي يمشي على خير

وكمان النوم طار من عيوني، شو هالليله وقرفها 

تركت السرير واتجهت ناحية البلكونه وفتحتها وفجأة لمحت نفس الخيال لكن هالمرة بوضوح كانها وحده بتآشر لكيان ان تيجي لعندها ، خافت كيان وقلبها نط من صدرها تركت البلكونه وبسرعه ركضت على غرفة هوليا وشغلت الضو

كيان... اعوذ بالله من الشيطان الرجيم بسم الله الرحمن الرحيم ، ليكون كلام الشغاله صح شو الي شفته؟! 

ما لقت اشي ومن الخوف ركضت لغرفتها بسرعه صدمت بأشي 

كيان(بخوف)... ااااااااااااا شو فيه!!!!  

الشغاله... لا تخافي هاي انا 

كيان... انتي شو جابك هون 

الشغاله... انا كنت جاي عليك اسئلك اذا بدك اشي قبل ما انام خاصه انك ما اكلتي منيح ، وبصراحه اكثر بدي انام بغرفتك 

هون على الأرض 

كيان(ما زال الخوف مسيطر عليها ),.... ليش تنامي عندي هو انا صغيره يعني؟! 

الشغاله... انتي كبيرة المقام بس سؤال شو كنتي بتعملي بغرفة هوليا وليش خايفه كل هالخوف؟! 

كيان... ولا اشي، واذا بدك تنامي يلا نامي انا كمان بدي انام

مددت جسمها وغطت راسها من الخوف والشغاله فرشت الارض ونامت وكان وجها جهت البلكونه الي نسيت كيان تسكرها لما شافت الخيالات، ولسى الشغاله بتطلع جهة البلكونه شافت نفس الخيال 

الشغاله(بخوف)... اااااااااا ست كيان اااااااا 

رفعت راسها مفزوعه من صوتها 

كيان... شو فيه ؟! 

كانت متجمده وبتآشر على  البلكون وجسمها برتعش خوف  وعيونها فيهم هلع ونظرات غير طبيعيه 

ركضت كيان للبلكونه وسكرتها  مسكت الشغاله من كتفها وهزتها وشغلت تلفونها على القرآن لتهداأ

بلشت الشغال تهدأ 

الشغاله.... شفت شبح هوليا 

كيان(ضحك كذابي)... هههههه شبح شو يا هبله انتي بتتوهمي 

الشغاله... اقسم بالله اني شفت زي ما انا شافيك كأنها واقفه وبتحكيلي تعالي 

كيان(بخوف).. خلص احنا بنشغل قرآن وبنام 

فعلا غلبهم النوم وناموا 

.

.

.

صحيت الشغاله بكير ونزلت جهزت الفطور لابو انور قبل ما يطلع وجهزت الفطور لام انور وطلعن لعندها 

الشغاله ... صباح الخير يا حجه كيفك اليوم 

ام انور... الحمدلله ، بس انتي ليش هيك وجهك تعبان ومخطوف 

الشغاله.... لا ما في اشي 

ام انور.... ليكون قليل الحيا تحسين طليقك بعده بضايقك 

الشغاله.... لا ابدا هو بسترجي يقرب ناحية البيت  

دخلت كيان عليهم 

كيان... صباح الخير كيف صرتي اليوم عمتي ان شاءالله احسن

ام انور(بحب).. صباح الورد اول مره بتحكيلي عمتي 

كيان.... ديما رح احكيها بس اهم اشي تشدي حيلك وتوكلي منيح ودكتورة العلاج الطبيعي رح تيجي اليوم مشان يرجع سمير من السفر تكوني تحسنتي وتمام التمام

ام انور(بحزن)...حتى ما اتصل فيه يطمن عليه! انا زعلانه منه

كيان... وروح انور لا تزعلي منه انتي بس ادعيله 

ام انور(بخوف) ... هو بخير ؟!

كيان... اهدي لا تخافي هو منيح بس انا مضايقه مشان شغله 

فيه مشاكل كثيره

ام انور... يروح بداهيه الشغل، خلص ينهي شغله هناك ونرتاح عاد من السفر بره هالبلد، الله معطيه كل هالمال ليش التعب

كيان... اكيد شغله غالي عليه وتعب عليه سنين كثيره 

ام انو ...ربنا يسهل آمره ويفك كربه يارب

كيان....اللهم امين  انتي بس ادعيلة،  وانا رايحة مشوار صغير وجيب معي دكتورة العلاج الطبيعي ارتاحي وافطري لحتى ارجع

ابو انور... وين رايحه على الصبح وانتي ما بتعرفي اشي بهالبلد 

دخل ابو انور بهالحظه

ابو انور... انا بدي ابعثها تعملي كم شغله بتخص شغلي هون

ام انور.... هي بتعرف؟! 

كيان(مبتسمه)...اتركم تتناقشو سوا سلام 

ابو انور.... رايح معك مشان احكيلك شو تعملي 

كيان... اوك يلااا 

نزلت كيان ومعها عمها 

ابو انور.... رايحه لعند سمير؟ 

كيان... اه 

ابو انور.... اروح معك اشتقتله ، مانعين زيارته ومشددين لانها جريمة قتل 

كيان... المحقق اتصل فيه وبدو اياني ضروري ، بلاش هالمره 

وبلاش تطلع لاي مكان خليك عند عمتي مشان ما تلاحظ اشي واذا شفت سمير بسلملك عليه 

ابو انور... الله يفك كربك يا ابني 

كيان... يا رب

ابو انور قرب منها وباس راسها 

ابو انور... طلعتي اصيله من بيت اصيل، رغم كل الي صار معك، مهتمه بالحجه ومراعيه البيت كله ، لو وحده ثانيه كان تركت كل اشي وراحت 

كيان... شو يا حجي وحد الله هذا واجبي وخلص عاد اتاخرت سلام 

طلعت بسرعه في عيون من وراها بترقبها

المحقق.. اهلا وسهلا تفضلي 

كانت قلقانه من مكالمة المحقق بالليل 

كيان.. طمني اول شي سمير بخير؟

المحقق(بأبتسامه)... اه يا ستي كويس ورح اخليكي تشوفيه كمان 

كيان (بفرحة)..  بجد ؟

المحقق... اه الله يرزقنا وحده تخاف علينا هيك 

خجلت لانه بان عليها لهفتها لشوفت سمير 

المحقق .. في شغلات استجدت بالقضيه، بس عقدتها اكثر بصراحه 

دق الباب ودخل سمير واول ما شاف كيان ركض عليها ومسك ايدها 

سمير... كيفك طمنيني عنك وكيف امي هي بخير طلعت من المستشفى صح؟ 

كيان.... هي بخير وطلعت ما حست باشي حكيتلها انك مسافر في شغل ضروري وابوك بسلم عليك 

المحقق... اقعدوا مشان قضيتك اتعقدت اكتر من الاول وخلينا نفكر سوا، انا ما بعمل مع حدا هيك انا الي الدلائل بس احساسي قوي بحكيلي انك بريء، مع انه كل اشي ضدك 

كيان... احكينا شو فيه خوفتنا مكالمات هوليا ما ساعدتك باشي 

المحقق...زي ما حكيت كل اشي ضدك بس في اشي يعتبر حلقه لصالحك وهي البصمه الغريبه في مسرح الجريمه ، 

كيان... ما انعرفت لمين

المحقق.. لأسف لا ، لا بصمة جون ولا الدكتور، يعني انه في شخص ثالث في الموضوع، بس مين هو وليش شو مصلحته في الي صار ، مش عارف أوصل لاشي مشان هيك طلبت منك نقعد سوا ونفكر كلنا بصوت عالي ، وكل واحد يحكي شو بعقله لو ابسط شغله لانها ممكن تكون مهمه ، خليني ابدأ فيك يا سمير ، يوم الجريمه انت رحت البيت، احكيلي احداث هذا اليوم بالضبط صغيره وكبيرة 

حكى سمير كل الاحداث من كلامه مع الشغاله 

وتسجيله لفيديو لهوليا

المحقق.. خليني اشوف هالفيديو الي بتحكي عنه 

سمير... تلفوني عندكم 

المحقق.. صحيح شوي 

نادى العسكري وطلب منه اغراض سمير الي بالامانات 

المحقق.. مدام كيان... ما في اشي غريب صار بهاليوم معك

احمر وجه كيان ولاحظ المحقق اضطرابها 

المحقق... شكله صاير اشي لازم تحكيها كل اشي مهما كان بسيط 

فجاة انهارت وبدأ جسمها يرتعش وصارت تبكي 

سمير... خير شو فيه شو صاير اهدي

قام سمير بسرعه وحضنها بقوة ليطمنها

سمير... احكي يا كياني انا معك لا تخافي ، انتي قوية زي ما عرفتك 

المحقق .. اهدو انتوا الاثنين وانت ارجع مكانك، مدام كيان احكي الي عندك 

بدأت تهدى شوية بس ملامح الخوف ظاهره عليها 

كيان..انا رح احكي بس صدقوني أقسم باالله انه صار صحيح

بس الي رح احكيه ممكن ما تصدقوه 

سمير.../احكي وقعتي قلبي 

كيان.... لا تضحكو عليه

وحكتلهم الي صار والخيالات الي شافتها

سمير ...ههههه انتي انسانه متعلمه شو هالخرافات

كيان(بعصبيه)... شوفت ما انا حكيت ما رح تصدقوني

المحقق... اهدي وكملي

سمير... اسف يا كياني 

كيان... لهيك حكيت بنفسي هاي تهيؤات لاني تعبانه من الي صار بس لما الشغاله نامت عندي بالغرفه شافت نفس الخيالات وانفزعت اكتر مني 

دخل العسكري وبايده تلفون سمير 

العسكري ... تفضل 

اخذ سمير التلفون وفتح على الفيديو وأعطاه للمحقق 

كانت هوليا ظهرها للبلكونه وماسكه التلفون وبتحكي مع جون

المحقق... انت شفت الفيديو يا سمير 

سمير ...لا مشان ما اشعر اني مغفل 

المحقق... دليل براءتك بالفيديو يا سمير قرب شوف

سمير وكيان مع بعض... جد !! 

وقربوا يشوفوا الفيديو 

سمير .... شو ! شووو!  هاذ في حدا بالغرفه متخبي ورا البرداية مين هذا وكيف دخل هناك ، كيف ما لاحظت وجوده وانا بصور هوليا 

المحقق.... كنت مركز على هوليا ، شكله ضخم الجسم 

كيان... مين هو؟! 

المحقق...هو نفسه الي بحاول يخوفك لحتى تتركي البيت لانه عارف انك مش رح تتركي سمير مسجون ورح تبحثي على الجاني 

كيان(بتبكي)... مين  هو؟!! 

المحقق... لا مدام كيان بدنا اياك قوية انهيارك مش بمصلحة القضيه احنا كلنا معتمدين عليك اتماسكي، ما بدي اي مخلوق يعرف بكلامنا ، بترجعي على البيت زعلانه ومخنوفه وانه التهمه خلص لزقت بسمير 

سمير(بخوف)...وامي بتروح فيها 

كيان.... لا تخاف ما رح تعرف 

سمير.... وابوي؟ 

المحقق... وابوك لازم يعرف انه التهمه ثبتت عليك مشان يزعل بجد، مشان الي مراقب يتأكد ويطمن، لازم يقتنع انه التهمه ثبتت عليك  

كيان... شو لازم اعمل انا ؟! 

المحقق.. رح اعطيك كاميرات صغيره بدي تحطيها باماكن احددلك اياها والاهم ما حدا يشوفك ولا تحكي لحدا 

كيان... تمام

المحقق..بتحطي كاميرا باب غرفتك، وباب غرفة هوليا وحده في البلكونه عندك، وحده بلكونة هوليا ،وحده بغرف هوليا من جوى، برجع بحكيلك ديري بالك حدا يعرف اهم شي ، لانه المجرم اذا حس على اشي انتي بتكوني بخطر  

سمير... اذا شاعره بخطورة بلاش 

كيان...لا تخاف اعتمدو عليه 

سمير... اذا خايفه بلاش انا مش مهم المهم انتي 

المحقق.. لا تخاف انا بتابعها بالكاميرات كلها موصوله بتلفوني، وبراقب كل تحركاتها وبوصلني رنه اذا صار اي حركه قدام الكاميرا ،في سيارة شرطه رح تكون على بعد من البيت يعني لو صار اشي اقل من دقيقه بكونو عندك 

سمير... انا بصراحه خايف عليها مش موافق على هالشي 

كيان... خلص يا سمير انا رح انتبه

سمير .... دير بالك علي نفسك بالله عليك

رجع سمير للزنزاله والمحقق شرح لكيان كيف تحط الكاميرات وتوصلهم بالتلفون ، ويفضل الخط بينهم مفتوح 

رجعت كيان للبيت وبدأت فعلا تنفيذ اول بند من الخطة وهي إقناع الكل أنه سمير خلص ثبتت عليه التهمة

دخلت كيان وعلى وجها علامات الحزن ولاحظوا فعلا ثبتت عليه تهمة وعمت سحابة حزن بالبيت كله

دخلت كيان غرفتها وبدأت بزرع الكاميرات بالمكان المطلوب  

حضرت جلست علاج الطبيعي مع ام انور واهتمت بأكلها ومضي اليوم و الكل حزين على سمير 

اجى الليل ودخلت كيان غرفتها 

دخلت عليها الشغاله

الشغاله... بدك انام عندك؟ 

كيان... لا بدي انام لحالي، عندي شغل لازم اخلصه قبل النوم 

تركتها الشغاله، وفتحت كيان التلفون على الكاميرا، وفجاه  وقفت متفاجأة 

كيان... معقوله طيب ليش بيعمل هيك؟! معقول هو؟!

********

مرحبا للجميع ، بعتذر منكم مقدما اذا هالجزء ما صار عليه تفاعل ناري 🔥 🔥 رح اوقف القصه ما اكملها ،  المتابعين الصامتين لو سمحتوا تحركوا شوي 😡 لا حدا يلومني بعدين 

نتابــــــــــــــع....

الجزء الثامـن ...

بعد ما شافت الكاميرا وتفاجأت ، بسرعه رنت على المحقق

المحقق... انا عارف انك رح تتصلي، لاني شفت كل اشي على تلفوني، انتبهي شكله شاكك فيك انك بتراقبيه 

كيان... الله يستر، انا خايفه الاقيه بنص غرفتي، زي ما بطلع بغرفة هوليا، بس بدنا نعرف ليش قَتلها!

المحقق...دافعه السرقه اكيد، بس بدنا نعرف ليش؟ وكيف؟ وادعي ربك تكون البصمه اله ، لانه اذا طلعت البصمه مش اله رح يضل سمير للأسف المتهم الأول بالقضيه.

كيان... متى رح تقبض عليه ؟

المحقق .. لازم نمسكه متلبس

 كيان...كيف؟

المحقق.. هذا شغلك انتي 

كيان(بتعجب)... شغلي؟!! مش فاهمه!! 

المحقق...اسمعيني منيح بتروحي لغرفة هوليا بتسكريها من بره بالمفتاح، ولما تشوفيه على الكاميرا حط السلم وطلع  على البلكونه بسرعه بتنزلي بتشيلي السلم واتركي الباقي عليه 

كيان... اوك رح اعمل زي ما حكيت ، يا رب تطلع بصمته هو 

نفذت كيان الخطه وسكرت باب غرفة هوليا من بره ورجعت لغرفتها ، وفعلا بعد ربع ساعه، حط السلم وطلع وكان لابس شعر مستعار لحتى يخوف كيان ، طلع البلكونه وكيان شافته ، وطلعت بسرعه تشيل السلم ، شالته بدون ما ينتبه ،ورجعت لغرفتها وبلش يخوف فيها معتقد انها مقتنعه بالخيالات 

دخلت الشرطه البيت بمداهمه ناحية غرفة هوليا 

سمع المـ جـــ ر م صوت الباب وبسرعه ركض على البلكونه مشان ينزل اتفاجأ أنه السلم مش موجود

المــ جـ ر م..... رحت بداهيه يا خراب البيت انكشفت ،حظي الزفت 

دخل الضابط عليه بالبلكونه ومعه ضابط الشرطه 

الضابط... سلم نفسك ولا بطخك 

تحسين... خلص يا حضرة الضابط على شو، انكشفنا 

تم القبض على تحسين طليق الشغاله متلبس بغرفة هوليا

طلعت ام انور من غرفتها على صوت الشرطه 

ام انور... شو فيه؟! شو الي بصير هون؟! ردو عليه ليش الشرطه بالبيت كله 

وفجاءة 

ام انور لعد ما شافت تحسين 

ام انور.... ليش هذا هون ؟! مين سمحله يدخل البيت ؟! مش انا منعتك تدخل البيت؟  مش نبهنا عليك رجلك ما تخطي العتبه ؟!!

تحسين... ابوس ايدك يا حجه خليهم يتركوني اربي ابني الوحيد  

ام انور... وانت مين الي يربيك يا ناقص التربايه 

ابو انور... ممكن حدا يفهمني شو عامل هالناقص؟ 

الضابط... متهم بــ قــ تــ ل  هوليا

فتحت ام انور عيونها 

ام انور....ييييي هوليا ماتت؟! ومــ قــ تـ ـ و لــ ه كمان؟!! 

ابو انور.... اهدي لنفهم 

ام انور .. وسمير بيعرف؟ 

الضابط... سمير متهم ومحجوز عنا بالمخفر

ادخلت كيان بسرعه  

كيان... تعالي فوتي غرفتك ارتاحي

ام انور(بصياح)... راحة شو وابني مسجون، وانا آخر من يعلم، رح يضيع مني زي ما ضاع انور يا حرقة قلبي

كيان... شو يضيع يا عمه؟!  سمير منيح وانا كنت عنده اليوم 

اطمني 

ام انور...خذيني عنده يا كيان 

كيان... بوعدك اذا ما طلع هالليلة لاخذك عليه بكره من الصبح ، ممكن ارجع انا وياه وايدي بايده ، يلا ادخلي غرفتك وارتاحي مشان تستقبليه وانتي واقفه على رجليك 

كيان.... طيب يا بنتي ربي يرضى عليك طمنيني عنه  

كيان.. يلا يا عمي نلحقهم 

ام انورر... الله معكم 

طلعت كيان وابو انور ولحقوا الضابط 

ام انور نادت على الشغاله بصوت عالي اكثر من مره

الشغاله... نعم يا حجه انا هون 

ام انور... انت عندك خبر بلي عمله الزفت تحسين 

الشغاله...والله ما بعرف، انا ما بقدر اعمل اشي يأذيكم انتو اهلي، د

ام انور...كل اشي رح يوضح ويا ويلك اذا الك يد بالقصه رح تتمني الموت 

.

.

.

وصلت كيان واول ما شافت المحقق باندفاع 

كيان... طمني البصمه لمين

المحقق... ارتاحوا لسى ما طلعت بنستى فيها

ابو انور... كم وقت بدها ؟

المحقق... لا بس شوي 

ابو انور.... رح اوصل المختبر الجنائي مش قادر استنى 

المحقق.. ارتاح يا حجي بتيجي لهون

ابو انور ... مش قادر 

المحقق... على راحتك

كيان ... وانا معك

ابو انور... لا خليك هون 

كيان(بضيق)... حاضر 

المحقق(بضحك)... ارتاحي انتي  

كيان... ليش بتضحك حضرتك؟

المحقق... بصراحه معجب بلهفتك على جوزك ، وبحسدكم وبطلب من ربي يرزقني مثل هالحب  

كيان... طلبك عندي بس لتخلص قصة سمير 

                    

                (ام سهم العيسى ـ ابتسام نصيرات)

دخل سمير  وبدون شعور حضن كيان وصارت تبكي

سمير... يا كياني ليش بتبكي اهدي الي بجيبو ربنا راضي فيه 

كيان... حاسس حالي بدي اموت 

سمير... بعيد الشر عنك انا روحي فداك 

المحقق... احم احم نحن هنا مش وقته اهدوا وخلينا نستنى نتيجه البصمه لا تنسو انكم بالمخفر

سمير ماسك ايد كيان وقعدو الاثنين وهي مش قادره توقف بكاء 

سمير... اهدي ربك كريم 

كيان... اذا ما روحت معي اليوم مش عارفه شو ممكن يصيرلي ، غير انه امك عرفت، وعدتها تكون معي بس ارجع البيت  

سمير... كيف عرفت؟! 

كيان... غصب عنا البيت اتملا شرطه لما قبضوا على تحسين بس لا تخاف طمنتها 

دخل العسكري وراه ابو انور بلهفه واضحه وبأيده ورق التقرير 

اخذ المحقق بسرعه التقرير والكل تجمد مطرحه

وفجأة ضحك المحقق

المحقق...الف مبارك البصمه لتحسين 

سمير...الف الحمد والشكر 

حضن كيان ولف فيها  

سمير... الفضل الك يا كياني انا بحبك 

ابو انور... استحي يا ولد 

ترك كيان وحضن ابوه 

ابو انور... الحمدلله يا ابني 

احمر وجه كيان خجل 

المحقق... رح نبلش نحقق مع تحسين 

سمير... لو سمحت عملت معي معروف يا ريت تكمله 

المحقق... خير ان شاء الله 

سمير... احضر التحقيق معك

المحقق....انا كنت ناوي اخليك تحضره مشان تسمع كل اشي بحكيه ممكن احتاج منك توضيح لاي شغله بحكيها 

سمير...ممتاز

المحقق... معلش مدام كيان احنا رح نستأذن منك لو سمحتي انتي وابو انور شوي 

ابو انور... احنا خلينا نروح نبشر الحجه شو رأيك يا كيان 

كيان... لا يا عمي انا وعدتها ادخل البيت ومعي سمير 

سمير... انت روح طمن امي 

كيان ... انا رح استنى بره 

المحقق... اصلا المدام كيان رح احتاجها بالتحقيق 

.

.

دخل تحسين مقيد اليدين وطلب المحقق فك القيد عنه

المحقق(بصرامه)...اسمك كامل وعمرك 

تحسين.... تحسين الـــ..... وعمري 42 

المحقق... بدي تحكيلي بالتفصيل ودير بالك تنكر اي اشي لانه رح يكون ضدك بصمتك موجوده، في مكان الجريمه يعني التهمه ثابته عليك، لهيك احكي كل اشي وليش عملت هيك؟! 

قعد تحسين وشاف سمير وبسرعه نزل عيونه بالارض 

تحسين... رح احكي كل اشي بس والله العظيم ما كنت ناوي اقتلها هي عصبتني

المحقق... احكي الي عندك 

تحسين.... انا شغلي بره البيت  بعتني بالحديقة  والشجر لانه ابو انور وام انور منعوني ادخل البيت، يوم من الايام بالليل كنت بسقي احواض الزريعه، لمحت في حدا بيمشي بهدوء ، انا فكرته حرامي ضليت امشي وراه، لشوف وين بدو يوصل، لما دققت منيح لقيتها هوليا بتقابل واحد ، ووو... 

وقف وصار يتأتأ 

المحقق كمل شوو؟

تحسين .... لا مؤاخذه حضنو بعض ، وانا الدم غلي فيه، كنت بدي اقرب منهم منعني الحكي الي سمعته ،حكالها خذي وديري بالك هذا السم خطير ومستحيل ينكشف وهي حكتله انا بدي اياها تنقلع من هالبيت، هي والي ببطنها ، لانها اذا ولدت ولا بستفيد اشي، كنت مشغل التلفون وبسجل كل اشي 

حكوه الشيطان لعب براسي لحتى استغلها وهددها، لاني عرفت انهم بحكوا عن المدام كيان وبدهم يخلصوا منها    

وفي مره ثانيه اجى دكتور وهو طالع من البيت كان يحكي مع شخص وعرفت انه نفس الي التقى مع هوليا وانها اعطته مصاري مشان ما يحكي ، والمصاري قليله ، واذا ما دفعت اكثر رح يخبر الاستاذ سمير، أنها مش حامل اصلا، انا انبسطت وحكيت باب السما انفتحلي والشيطان لعب براسي اكثر، قلت لازم اهددها اول اشي بالتسجيلات الي معي ، ولما هددتها، عملت حالها مش مهتمه وحكتلي اعلى ما بخيلك اركبه، بس انا ما سكتت طلعت على غرفتها وهي اتفجاءت 

(نرجع لورا ) 

هوليا.... انت مجنون كيف اطلعت هون ؟! 

تحسين... اه انجنيت ، انتي مش عارفه شو ممكن اعمل فيك ، كلها كبسه وببعث الفيديو لزوجك 

صارت تحكي معي بنعومه 

هوليا.(بنعومه ودلع)..انت طيب شو بدك وتعطيني الفيديو

تحسين... 50000 

هوليا... شووو؟!!! انت بتحكي من عقلك 

تحسين... هي هالعيشه والمال الي بدك تحصليه ما بتسوى هالمبلغ ؟!!  إسمعيني لو يعرفوا مين السبب بلي صار لام انور؟ 

هوليا... شو بتخبص وانا شو الي خُص بلي صارلها ؟!

تحسين ... هههههه رح نشوف الك خُص ولا لأ ، لا تفكريني اهبل فاهمه؟ يلا سلام  ورح ارجعلك 

(نرجع للتحقيق)

المحقق...لهون كويس  طيب شو صار لحتى عملت عملتك 

تحسين... رح اكمل، بهذا اليوم انا مش ناوي اعمل هيك ابدا طلعت لعندها من البلكونه مشان ارجع اهددها، لقيتها بتحكي تلفون برضو مع نفس الشخص وبتتفق معه انها تخلص مني وبتخطط لطريقة قتلي، وبتغلط فيه كلام وسخ ما بنطاق، انا دمي فار وانخنقت ما بعرف شو صارلي ما حسبت على حالي الا الــ د م  بكل الغرفه 

صحيت على حالي مش مصدق شو الي عملته، اخذت نفس  وسرقت كل اشي مشان ما اطلع على الفاضي بلي صار 

تم سجن تحسين بتهمة القتل والافراج عن سمير 

المحقق(للعسكري).. دخل المدام كيان نوخذ اقوالها بسرعة مشان تروح على ليتها،  وخذ المتهم على الحجز

دخلت كيان... مبروك براءة سمير، حتى نكتب كل اشي رسمي احكي الي صار مشان تروحي 

انتهت كيان من اقوالها

المحقق ... تفضلي الله  معكم 

سمير.... انا بشكرك كثير كنت سند النا ما رح انسى معروفك 

المحقق.... لا تنسي الي وعدتيني فيه هههههه 

كيان.... ان شاء الله 

سمير.... شو فيه؟! 

كيان.... بحكيلك القصه بعدين 

المحقق... بتمنى تساعدها استاذ سمير 

سمير..... لافهم القصه اول اشي 

المحقق... رح تعجبك اكيد 

كيان.... خلص سمير بحكيلك بالطريق شو القصه 

طلعوا من المركز الامني وشكروا المحقق على تعاونه معهم 

سمير.... انا مش مصدق الحمدلله 

كيان... امك اكيد على نار يلاااا 

شدها عليه بقوة 

سمير ... بدي احكي معك 

كيان....سمير مش لاني وقفت معك بهالمحنه معناها اني سامحتك بلي عملته هاي اشي والي عملته اشي ، ومن واجبي اني اقف معك 

سمير...كيان احنا ضيعنا وقت كبير بالزعل متى ناويه تسامحني انا تعبت والله

كيان... عمرك لا تنسى انك جرحتني وكسرتني كثير، بدو وقت لحتى الجرح يلتأم ، يلا امك بتكون على نار قاعده 

سمير... وانا روحي طويله ورح اخليك تغيري فكرتك عني

بس لازم تعرفي اني حبيتك من زمان من اول يوم شفتك فيه

وعمره قلبي ما دق لاي حدا الا الك يا كياني وارح اصبر واعمل المستحيل واتحمل اي شي منك بكفي انه ابني جواك

كانت بتسمعله وقلبها غصبن عنها بدق ،وخافت يبان عليها لفت وجها 

كيان... يلا تأخرنا   

لاحظ ارتباكها وعرف أنها بدت تلين ابتسم من قلبه 

.

.              (حكايات ام سهم - ابتسام نصيرات)

دخلت كيان وسمير البيت 

سمير.... امي انا هون 

كيان.... اكيد فوق موعد دكتورة العلاج الطبيعي انا حطلع بسرعة

  وطلعت كيان بسرعة لتخبر ام انور واخر درجه لفت رجلها وفقدت توازنها 

كيان... ااااه سمير الحقني 

وقعت كيان من على الدرج ، 

ركض سمير عليها وحضنها من ورا وسقط عن الدرج واجت هي فوقه وقامت ورجلها بتوجعها ، وسمير ظهره صار يوجعه ما قدر يتحرك من الآلم

كيان...شو بوجعك

سمير من الالم ما قدر يحكي 

كيان.(بصوت عالي)... دكتوره دكتوره

نزلت دكتورة العلاج الطبيعي على الصوت 

الدكتورة.... خير ؟! 

سمير... شوفي كيان اول شي

كيان... انا منيحه انت شو بوجعك انا اسفه والله 

بدأت دكتورة علاج تفحصة بحرص شديد

الدكتورة..  الحمد لله فقراتك سليمة بس هي مضغوطة من أثر الوقعة اسبوع بتتحسن ، بس خلي حركتك خفيفه واي حركه غلط ممنوعه.كل شي بهدوء ما تحاول تعمل اي مجهود 

حاول بكل ما فيك تريح نفسك  

كيان... مفهوم طبعا خلينا ندخله غرفته 

حاول سمير يوقف بمساعدة الدربزين وكيان والدكتورة لوصل لغرفته بتعب ، وبدأت دكتورة في عمل مساج لفقرات ضهره ونام من التعب 

الدكتورة... خلي بالك اليوم بالذات من ارتفاع درجة حرارته راقبيه طول الليل 

ورح اعطيك مرهم كل ساعتين بدلك عضلات ظهره

كيان(بتردد)... ااا. طبعا 

 الدكتورة... انا خلصت من الحجه ونامت ، وبكرة أن شاء الله رح اجي اطمن عليه 

ودعت الدكتورة ورجعت لعند سمير كان نايم 

كيان(بينها وبين نفسها)... اخ منك يا سمير انا مش عارفه اعمل معك شو اسامحك ولا اتركك ولا الطفل الي في بطني شو ذنبه يعيش بدون اب مهو اذا سامحتك كيف شكلي قدام نفسي بدو يكون رح اضل احس اني تنازلت بسهوله الك،  والله احترت مش عارفه شو اعمل ، هالدنيا مش ناويه تضحكلي

 رن تليفونها

فتحت الخط وطلعت بره الغرفه لحتى ما تقلق سمير 

كيان....الووو خير شو بدك خلصيني

سهاد... شو فيه يا حلوة ديما معصبه 

كيان...خلصيني شو بدك 

سهاد... كنت بدي اطمن عليك بس يا بنت الحلال وشاورك بكم شغله بتخص الشغل 

كيان.... اجليه لبكره انا تعبانه بدي ارتاح 

سهاد... يا الله منك انا مبطل اعرف احكي معك بالمره  

كيان... معلش اتحمليني بس كم يوم 

سهاد... حاضر يا ستي لشوف اخريتها معك 

رجعت دخلت على غرفة سمير وفحصت حرارته لقتها عاليه عملت  كمادات تلج لحد حرارة نزلت، صحي سمير من برودة المي واول ما فتح عيونه شافها وابتسم ابتسامه مكر

سمير(بتعب مصطنع)...اااه ظهري ااااه 

كيان(بخوف)... سمير اتصل بالدكتور ؟

سمير... ظهري بوجعني كثير ارفعيني شوي 

كيان... اوك 

قربت منه ومسكته وبسرعه باسها 

كيان... فعلا انك قليل ادب وانا ما رح اضل عندك بالغرفه 

وتركته وطلعت، بس سمير نداها 

سمير .. كيان انا تعبتك معي كتير انتي طول النهار واقفه وانتي حامل

كيان.... ...

سمير... وين رايحه 

كيان....انادي الشغاله تدهن ظهرك 

سمير... انتي هبله ولا بتستهبلي تعالي 

رفع عن ظهره 

سمير... تعالي خلصيني 

قربت منه وبدأت بتدليك ظهره بخجل

كيان(بينها وبين نفسها)... شو فيها اذا بعطيه فرصه ثانيه ! بس لأ مش رح اسامحه على طول رح اتركه يتقرب مني 

وابتسمت 

انتهت كيان من دهن الكريم على ظهره

كيان... كيف صرت في اشي بوجعك 

سمير.....بوجعني قلبي مش ناويه تحني عليه بكفي هجران يا كياني  

كيان(دموع بعيونها)..وانا كمان تعبت ومش عاجبني هالوضع بس مش بأيدي

سمير... ليش مش بأيدك!! تعالي نفتح صفحه جديدة مع بعض 

كيان... افهمني انا مكسورة مش عارفه اصلح هالكسر 

غصبن عني

سمير... خليك جنبي ورح اعوضك عن كل دمعه والله دموعك نار بتكويني ،انا كفيل اني اصلح الجرح  بس ما تتركيني انا محتاجك، من غيرك مش عايش انا من غيرك ماليش نبض ميت بني ادم من غير روح عايش وبس

كيان... انت اخدت اعز حاجة كنت املكها غصب عني،  انت اتنزعتها مني وكأنه حق مكتسب 

حط ايده على فمها 

سمير... مشان الله خلص غلطتي كبيره وربنا يعلم  كم انا ندمان، اعطيني فرصه مشان ابنا 

كيان(بأبتسامه)... قصدك بنتنا

سمير(بمزح)...  يا ستي بدي ولد ويكون زي انا حليوة 

كيان... لا بنت 

سمير.... هههه ما في فرق المهم اني بحبك كثير 

كيان... هوليا ما حبيتها؟!! 

سمير.... هوليا راحت خلص بس رح اجاوبك مشان نسكر هالموضوع للابد، هوليا كانت اشي متعود عليه مجرد اشبع رغبتي وكل واحد بحاله عمري ما شعرت بشي ناحيتها كان ما يفرق معي غابت حضرت كل اشي عادي  بس انتي غير انتي قلبي دق الك ، نفسي اعرف انتي ليش مش مصدقيتني اعملك شو مشان تصدقي انا حبيتك اكتر من نفسي انا بقيت اتنفسك يا كياني

كيان(دموع بعيونها)... انا مش عارفه شو احكي مش عارفه احساسك هذا هو كياني من جوا

سمير(بأبتسامه)... جد يا كيان؟! 

مد اديه الثنتين الها 

سمير ..  تعالي 

كيان... انتبه ظهرك  الدكتورة حكت بلاش حركة

سمير.... بلا دكتورة بلا زفت انا ما صدقت أنه الحجر لآن وحكى 

 ضمها لصدرة فجاه

سمير ... اااه اااه ضهري

كيان... مش حكيتلك بلاش حركة بس ما بتسمع الحكي

سمير.(بآلم)...  بعض ما عندكم الي بسمعك بحكي انك انتي بتسمعي الحكي

ضحكت كيان من قلبها وضحك قلب سمير معها،وحضنها  وكأنه ملك العالم كله وناموا وكأنهم اول مرة بينامو كل واحد منهم حاسس ان مالك العالم في كف التاني الشعور بالأمان و الطمأنينة الذي يبعثه كل واحد منهم للآخر ، شعور جميل

.

.

صحيوا الصبح على دقت الباب 

كيان... سمير ابعد شوي خليني اشوف مين على الباب 

سمير... نو نو مش رح ابعد 

كيان... الباب 

سمير...خلي حالك مش سامعه 

كيان... الوقت تأخر ما بصير نضل هون 

سمير... وانا شو الي دعوى اتاخر ولا اتقدم المهم اني بحضن كياني ، وحبيبتي وروحي ، شو مهم الوقت بهالوضع 

رجع دق الباب بقوى

كيان.... خلص يا سمير خليني اشوف مين بلكي امك بدها تشوفك او الدكتورة او الشغاله 

سمير...وانتي ما بتعرف كم كنت مشتاق للحضن من زمان بس انتي حابه تقومي صح 

كيان.... لا يا سمير ان نفسي اضل بحضنك العمر كله بس غصبن عني ما بصير نضل هيك 

سمير... جد ؟! 

كيان(بخجل)... بعدين معك 

سمير...انتي بتحبيني هههه انا مش مصدق 

كيان... لا صدق بحبك 

سمير... طز بالشغاله وبالدكتورة بعد هالكلمه بدك اياني اتركك

وحضنها حضن كبير 

الشغاله من ورا الباب

الشغاله... مدام كيان افتحي 

سمير(بزعل)... ابعدي شوي رح اقوم ابهدلها 

 كيان...هههههه اهدى يا سمير ممكن في اشي مهم 

تحرك سمير شوي شوي وفتح الباب 

سمير...نعم خير القيامه قامت شو بدك يا هانم ؟؟

قامت كيان بسرعه من خوف يعصب عليها 

كيان... اهدى مش هيك انت ارجع على سريرك وانا بشوف 

شو بدها 

سمير... مش رح اهدى غير لما اعرف شو هو الامر المهم الي مُصره تصحينا مشانه 

كيان... شو فيه احكي

الشغاله... الحجه بتحكيلكم تعالوا افطروا معها  

سمير ضل معصب 

سمير... شو يعني انتي طلعتي وازعجتينا مشان نفطر ؟؟!!   يا ستي احنا صايمين علينا قضى من رمضان الماضي 

كيان.. ههههههههههههه خلص 

سمير... لا تضحكي يا كيان وتزيدي عصبيتي 

الشغاله... خلوني اكمل ، عمتك عنا ومعها انشراح وامك بدها تنزلوا ضروري وانت بتعرف شو يعني عمتك لما تزورنا!! 

سمير... شو المناسبه جايه علينا شكله مشاكل جديدة ،صار الواحد يتمنى يمر يوم بدون نكد، طيب روحي واحكيلهم شوي ونازل  

الشغاله... حاضر واسفه اني ازعجتكم 

سمير(بعصبيه)... لا تذكريني انزلي 

الشغاله( ابتسمت وبينها وبين نفسها).. ربنا يسعدكم يا رب 

ويبعد عنكم سم الحيه الي تحت  

سمير معصب 

كيان... لشو كل هالعصبيه؟! 

سمير... جيت عمتي وبنتها مش خير كل ما بتزورنا البيت كله بنقلب مشاكل وانتي شايفه امي تعبانه ما رح تستحمل اي ضفط ولا كلام طالع نازل 

كيان... وليش تعمل هيك ، اصلا عمتك هاي ولا شفتها ولا مره 

اااه اذكرت شفتها بعزاء انور الله يرحمه، صح؟ 

سمير... اه كانت هون 

كيان...  يييي كانت كثير قويه ما حدا قدر عليها، من وقتها ما شفتها 

سمير .. ما بتجي لانها متجوزه بمحافظه بعيده 

كيان.... طيب ليش هي هيك ؟

سمير.... هاي قصتها قصه، كانت بتحب واحد وجدي كان قاسي ما جوزها اياه وتزوجت واحد ثاني 

كيان... طيب ليش ما جوزها الي بتحبه

سمير... ما عجبه وخاصه انه كان يشتغل بمصنع جدي مع انه كان متعلم عكس عمتي، اتجوزت عمتي قهر ما كانت بدها تتجوز ،وكمان جوزها  أخدها بعيد عن أهلها مكان شغله وجوزها مات وكان هو كمان قاسي عليها ويعاملها معامله سيئة، لهيك حقدت على الكل وخاصه ابوي لانه ما وقف معها ودافع عنها قدام جدي ، هو بالاصل ما كان حدا يقدر يوقف بوجه جدي، وصارت بدها تنتقم بطريقه انه تجوز بنتها لواحد منا غصب زي ما صار معها 

كيان... شو شوو!! اتجوز مين لمين!! شو انا خلصت من هوليا تطلعي بنت عمتك،انتو حالفين يمين يوم ما اتهنى، بس لااااا 

مفكريني مسكينه؟ صحيح انا هاديه وكيوت، بس الشر بلعب فيه لعب عند اللزوم،  اي حدا من هون ورايح بيجي حدك بحسب الله ما خلقه وبمسحه من فوق الارض 

شدها سمير عليه 

سمير... يسعدلي الي بغار عليه، وانا بعرفك اذا عصبتي بتذكر شو عملتي بهوليا لما رميت الشاي بحليب بوجها، من ساعتها عرفت انك مش سهله ولما بتسكتي بكون بمزاجك

كيان... الحمد لله انك عرفت لهيك خاف انت وام أربعة وأربعين الي تحت  

سمير... وانا شو الي دخل؟!! 

كيان... انا بحذرك مشان اذا صار اشي تحت ما عجبني.

سمير... بحبك 

حضنها سمير وذهبا مع بعض في عالم ما في غيرهم عالم طال انتظاره كتير ولكن كان لقاء مميز لقاء كله اشتياق و لهفة وحب كان لقاء من نوع اخر لقاء لهفة  اثنين عشاق الاشتياق  بث كل واحد منهم حبه واشتياقوا للثاني بحب شديد وكانت من اسعد اللحظات على وجه الارض وكأنهم أوقفوا كل ساعات الزمن عند هالحظة.

وفجأءة الباب فتح ودخلت بنت عمته انشراح..

***** 

متابعيني الأعزاء ، التفاعل تحسن شوي للأسف ، بس فرصه اخيرة وخاصه الاحداث كل مالها بتولع اكثر ، وبعتذر منكم اني رح احجب الصفحه كلها عن اي متابع ما بتفاعل

نتابــــــــــــــع...

الجزء التاسع ...

دخلت انشراح بنت عمته لسمير عليهم الغرفه بدون احم ولا دستور 

سمير .. شو شو شو انتي مجنونه؟!!  

انشراح(ملخومه)... بفكرك لحالك!  مين هاي؟!! 

كيان(بعصبيه)... اتفضلي اطلعي بره  لانه شياطين الي خلقهم ربي بنطوا قدامي اذا بتخافي على عمرك ، اطلــعي من وجهي براااااا 

انتفضت انشراح خوف وطلعت تركض برا

كيان(بعصبية)... شو هالبني ادمه في ناس هيك!!

سمير...هاي شو ما بتحكيلها عمتي بتنفذ، انا بعتبرها ضحية عمتي 

كيان... كيف دخلت علينا هيك ؟! ما تعلمت الادب انها دق على الباب قبل ما تدخل على الناس

سمير... اهدى يا حلوة 

كيان... هدوئك نفرزني اكثر من الي فاتت علينا شو هالمخلوقه

سمير... هههههه ليش بدي اعصب هاي انشراح 

كيان... يا عيني شو يعني هاي انشراح؟ 

سمير... بس تتعرفي عليها رح تعرفي شو يعني هاي انشراح 

هي متل الطفل، ضحية ام استغلالية بدها كل اشي

اتركينا من انشراح وعمتي ونرجع للي كنا فيه 

كيان... خلص يا سمير 

سمير... شو خلص!! انا ما صدقت الحلو رضي عني

تعالي بس 

كيان.. عمتك وامك بستنوا تحت 

سمير... خليهم يستنوا 

كيان... لتطلع عمتك علينا زي بنتها 

سمير... لا هي ما بتقدر تركب حالها غلط ،بس يلا رح ننزل 

حط ايده في أيدها ونزلوا 

وهمه نازلين صوت عمته 

العمه(بغضب)... تجوز سمير وجه البومه؟!! موتت انور بتستنوا تقضي على سمير!! 

ابو انور... شو هالكلام الي بتحكيه 

العمه.... شو ماله كلامي ؟! ليش ما فكرت بانشراح ولا بنتي ما بتناسب ابنك؟!! مش قد المقام!!  ، هي بتعرف انه سمير الها 

ابو انور...شو الها هي بيع وشراء، وكمان كيف بتعرضي بنتك!!  هيك عيب عليك  

العمه... والله!! انا بحكي هيك مشان استر على بنتي  

ابو انور...ما حدا معترض على سترها بس انتي بترخصيها

عيب يا اختي 

وقفت وعصبت بزيادة 

العمه... ما في عيب الا العيب ويكون بمعلومك ما رح أتنازل 

عن قطعة الارض الي بدك اياها الي بجنب مصنعك غير لما ابنك يتزوج بنتي 

انشراح... بكفي يا امي هو انا رخيصه لهدرجه 

رفعت العمه ايدها وضربت انشراح كف بمنتهى القسوة

العمه... بتسكري ثمك مفهوم والي بحكيه بيمشي وايدك فوق راسك، شو ما بعمل بتنفذي من ثم ساكت

سمير وكيان واقفين على الدرج وسامعين كل الكلام 

كيان... شو هالعمه هاي!!! استغفر الله العظيم هاي جبارة

انا حزنت على انشراح 

سمير... عرفتي ليش حكيتلك هاي انشراح  

كيان... اه عرفت المسكينه ، بس وين امك مش معهم! الشغاله ليش حكت انها امك الي معها 

سمير.... اكيد ابوي هو الي حكالها تخبرنا انها امي بدها ايانا 

كيان.... الوضع مش مطمئن 

سمير ..عمتي ما رح تهدى الا لما اتجوز انشراح

كيان(بضيق)... والله جد!!! طيب ربي يسعدكم ابعد عني  هيك 

سمير.... ههههههه وين رايحه يا مجنونه تعااالي 

ومسكها من أيدها 

سمير.... ما بدك تبطلي جنان  

طلع صوت ابو انور العالي فجاءة 

ابو انور... انتي انهبلتي ولا بتتهبلي سمير اتجوز وخلص،  اتركينا من هالحكي الفاضي احنا مش ناقصين مشاكل 

العمه... اها هيك يا اخوي لما احافظ على بنتي يبقى بدي اجيب مشاكل! لعلمك الارض الي بدك اياها مشان توسيع المصنع مش رح اتنازل عنها والي بدك اياه اعمله

ابو انور... انتي هيك بتخربي المصنع وبتخسريني الالاف ألوف مشان جبروتك وقراراتك 

كيان ما ستحملت اكتر من هيك ونزلت هي وسمير ودخلوا

سمير ...صباح الخير كيفك يا عمه

العمه ...الحمدلله  انت كيفك يا غالي اشتقتلك والله 

اطلعت على كيان من فوق لتحت بقرف وكملت كلامها 

العمه... وانتي كيفك يا مرت انور 

كيان (بعصبيه)... انا مرت سمير يا عمتي ولا ما وصلك الخبر 

العمه... لا وصل خبر الشؤم والندم 

كيان... شو بتحكي يا عمه ؟!! 

دخلت ام انور على الكرسي والكل سكت

راحت كيان الها 

كيان... صباح الورد يا عمتي كيفك اليوم افطرتي؟ 

قرب منها سمير باسها وباس اديها 

ام انور... الحمدلله يا امي انك بخير

اطلعت على العمه وعلى وجها علامات الغضب 

ام انور... اهلا فيك يا ام انشراح ،خير شو الي جابك

العم.... جاي لبيت اخوي ولا  عندك اي اعتراض، صحيح الحمدلله على السلامه احزنت عليك لما عرفت بمرضك

ام انور.... انا صحيح مريضه بس كلمتي بتتسمع من الكل هون ،والسبب الي خلاك تيجي كل هالمسافه مشانه نجوم السما اقرب الك منه

العمه.... هههههههههههه رح نشوف مين الي كلامه رح يتنفذ  انا جاية وعارفة انا شو بعمل ، وشو بحكي، واظن انتي بتعرفيني منيح  

قاطعتهم الشغاله

الشغاله... الفطور جاهز         (حكايات ام سهم )

ابو انور... يلا على الفطور بلاش كثرت كلام ، يلا يا سمير جيب مرتك وتعال 

العمه...انتي هبله روحي الصقي بخالك لا تفارقيه مفهوم  

انشراح هزت راسها

العمه.... انقلعي زي ما قلتلك اعملي 

انشراح كانت مبسوطه لما شافت سمير وكيان سعيدين وهمه بيفطرو ، وكانت تتمنى تلاقي شريك حياتها الي يحبها 

بس امها مسكره عليها كل الابواب

انشراح(بينها وبين نفسها)... انا مستحيل اهدم الحب هذا حتي لو وقفت قدام امي

لاحظت كيان دمعة انشراح 

كيان.... تعالي يا انشراح ليش بعدك واقفه، تعالي قربي تعالي اقعدي

انشراح...  سامحوني على الي عملته

كيلن... شو عملتي؟! 

انشراح... فتحت عليكم باب الغرفه والله ما كنت اعرف انك جوا مع سمير ما كنت اعرف أنه اتجوز اصلا امي الي حكتلي اعمل هيك  

كيان... ولا يهمك تعالي اقعدي افطري انا نسيت اصلا

دخلت العمه وراهم وشافت سمير وكيان بيضحكو وبلشو يوكلو 

العمه... يا سلام شو قلة هالأدب ولا انتي يا ترباية المدن خلص اشلحتي ثوب الحيا ولا ما بتعرفي انه هذا عيب، اهلك ما علموكي احترام الناس؟!!

قامت كيان وقفت 

كيان(بعصبيه)...انتي شو مالك بدي افهم؟!!  الك ساعه من وقت ما شفتيني وانتي مش طايقه تشوفيني وطالعه ونازله فيه !! شو فيه؟! محروقه بصلتك عليه ليش؟! 

سمير.. يا عمه كيان صاحبة بيت وهي الها حصه بالبيت من انور اخوي، وكمان زيادة انا زوجها يعني هي الها اكثر.منا كلنا بهالبيت 

العمه....لعاد هيك يا ابن اخوي 

سمير... ما في اشي يا عمه  

العمه... الشرع حللك اربعه 

سمير... هو وقته هالكلام ؟ 

العمه ... وقته ونص وانت عارف معنى كلامي منيح

كيان.... لااا هيك انا الي بدي افهم 

العمه... هاي ما بدها فهم سمير رح يكتب كتابه على انشراح الاسبوع هذا 

سمير ..عمه انتي بتحلمي انشراح زي اختي وبس

ابو انور .. خلينا نسكر على الموضوع مش وقته

سمير ..شو يعني مش وقته يابوي يعني انت موافق بس معلق الموضوع ؟!

العمه... ابوك بيعرف شو بعمل

كيان... انتو اكيد بتمزحوا صح انا مستحيل اوافق على هاشي 

دخل عليهم هاني والنقاش حامي والجو مشحون 

هاني... هو انا ما بعرف اجي عليكم الا بالوقت الغير مناسب 

ليش جوكم مكهرب

وكمل بمزح 

هاني... لا سلام على طعام انا جاي اطمن على عمتي واشوف صحتها في شويت شغل مع سمير وطالع مباشره 

عيونه اجت على انشراح 

هاني.... لا تحكولي انها هاي انشراح 

صار يصفر 

هاني... واووو  والله وحلوت 

العمه... فعلا انك قليل حيا ضبي ابن اخوك يا ام انور 

وانت يا ولد هاي بمقام مرت ابن عمتك 

هاني(بمزح كالعادة)... شو يا سمير انت كل وحده مزه مكوش عليها اتقي الله يا زلمة 

سمير... شو بتقول!! 

هاني... ولا اشي با بطل مبروك عليك 

انشراح قلبها ابتسم لما شافت هاني 

شووو صار !!! 

     نقف شوي هون (( انه الحب يا ساده يأتي بدون استئذان أو موعد يأتي مثل القدر))

لقد تحركت مشاعرها ناحية هاني ولمعت عيونها أنها اول مرة بتحس هالاحساس

ام انور.... اقعد يا حبيبي افطر معنا 

 

قعد هاني على السفره  جنب انشراح 

هاني... انتي دارسه شي؟

كانت خايفه ترد من امها،عينها زي الصقر عليها وعليه مما زاد رعبها اكتر واحمر وجها من الخوف

هاني... انا بخوف لهدرجه !! 

اطلع على العمه لقاها بتراقب فيهم 

هاني(بينه وبين نفسه).... سلاما قولا من رب رحيم الله يعينك يا انشراح على هيك أم  

سمعتة انشراح ما قدرت تمسك حالها من الضحك

العمه.... استحي يا بنت عيب  

انحرجت من تصرف امها وسمير انقذ الموقف

سمير... انشراح اطلعي مع كيان فوق احنا بدنا نحكي بالشغل 

كيان اخذت انشراح وطلعت وعيونها على سمير كانها بتبعثله رساله بتحذره بعدم قبول عرضهم 

.

.

سمير.. انا الي زبطت هالقعده كلها وناديت عمتي وهاني 

ابو انور .. مشان المصنع؟

سمير.. ايوا بالضبط المصنع شغله صار.كبير.كثير وصار ينطلب منا اكثر من انتاجنا ، ولحتى نكبره محتاجين راس المال الكبير والارض ، انا وهاني كونه بنعرف بهالشغل درسنا الموضوع وفعلا ارباحه خياليه 

هاني... فعلا مربح كثير وانا رح اشترك بثلثين راس المال لتوسيع

سمير... بضل علينا الارض تبعت عمتي 

العمه.... ما عندي مانع رح اسجل الارض باسم بنتي انشراح  

بس بشرط

هاني... شو الشرط 

العمه... سمير يتزوج انشراح

هاني(بغضب)... الزلمه متزوج وبحب مرته 

ابو انور... احكي كلام ناس عاقله

العمه... اقسم بالله ما بتنازل عن ربع شبر طول ما انا عايشه 

ابو انور... بنشتريها منك

العمه... ابدا وانت بتعرف عقلي

سمير... وانا موافق يا عمه على شرطك

ام انور... شو بتحكي؟! انت بعقلك

كانت كيان باخر الدرج وسمعت رد سمير نزل الكلام مثل الخنجر بقلبها ، بهالحظه سمير غمز هاني ، وكيان صدقت انه سمير تنازل عنها جد

سمير... انا يا امي مش صغير وبعرف مصلحتي ، بس يا عمه انا الي كمان شرط، انا بوقع على العقد وانتي بتوقعي على التنازل بنفس الوقت  

العمه... وانا عند كلمتي 

سمير ... رح اتصل يجي الشيخ يكتب الكتاب واتصل بالمحامي يجهز ورقة التنازل رسميه ، الحقني يا هاني على المكتب  

.

.               (ابتسام نصيرات ـ ام سهم العيسى)

طلعت على غرفتها مصدومه مش مصدقه انه يتنازل عنها وكل الي عاشته معه كذب بكذب 

كيان...انا حاسيتة بكل كياني استحالة استحالة يكون كذب لا لا مش مصدقة نفسي، باعني مشان مشروع !!! انا في حياته ما الي لازمة باعني مشان المصاري!!!  انا لا يمكن اقعد هون ولا  دقيقه ، ما رح يعرف مكاني هاي المره

.

.

في المكتب

هاني... انت انجنيت كيف بدك تتجوز انشراح ؟!! طيب وكيان؟! 

سمير.... هههههه مين حكالك ممكن اتنازل عن كيان ، انا بمال الدنيا كلها ما بتنازل عنها هو انا مجنون يا اهبل 

هاني.. طيب فهمني

سمير... مش عمتي بدها أوقع على.كتب الكتاب رح أوقع بس بتغير بسيط رح أوقع كشاهد

هاني...شاهد؟! طيب والعريس؟!! 

سمير...للأسف الشديد انت 

هاني (بأبتسامه)... شكلو ما رح اتجوزك الا تحت الامر الواقع

سمير... لا تحكيلي انشراح ما عجبتك شفت نضرتك الها وهي كذلك

هاني... شوف يا ابنت عمتي، بلكن البنت ما بدها اياني

سمير... انا متأكد انها رح توافق عليك، بس اسمعني  بلا هبلك بدي الكل يقتنع اني انا الي رح اتجوز انشراح مشان عمتي لا تشك، هي ذكيه اكثر ما بتتوقع، لو شكت رح تلغي كل اشي 

هاني... وكيان؟

سمير...رح احكيلها بس بعد كتب الكتاب بدي رد فعلها يكون واقعي رح تولع الدنيا وهذا الي رح يخلي عمتي تقتنع ما تشك   

دق الباب 

الشغاله .... استاذ سمير الشيخ اجى 

سمير... خليه يجي ونادي الكل هون بالمكتب

هاني ... والمحامي؟! 

سمير .. رح يرنلي بس يوصل واخذ الورقه منه

بعد نص ساعه كانت ورقة التنازل بين ادين سمير وطبعا سمير كان مفهم الشبخ الموضوع كله، وانه العريس والعروس موافقين هو بس شاهد بس لا يذكر هالشي قدام الكل 

دخلت العمه وبايدها انشراح ودموعها على خدها من القهر وابو انور وام انور علامات غضب شديدة واضحه عليهم

وفي الجانب الآخر كيان تركت البيت بدون أن يشعر بها حدا وعلى وجها علامات تحدي وقهر وخذلان وحزن

الشغاله لمحت كيان طالعه ركضت عليها بسرعه 

الشغاله... وين رايحه تعالي

كيان(واثار الدموع بعيونها)... خير شو بدك

الشغاله... ما في اشي بس لا تتركي البيت

كيان(بأستغراب)..وانتي ما بتعرفي شو بدو يصير؟!  مش شايفه المهزله الي بتصير جوى!!! انا مستحيل ارضى بهيك 

الشغاله... انا بعرف سمير منيح وبفهمه ، اسمعي كلامي, في اشي بمخه بدو ينفذه اكيد،  هو بموت فيك وبحبك  

كيان... بس هو جوى بدو يجوز عليه!!!  انا لازم امشي قبل ما حدا يشوفني لانه اذا شافني ما رح يتركني 

الشغاله... وانا اذا تركت رح سمير يطلع روحي 

كيان... مش رح اقبل بهالوضع، ما في اشي بجبره يعمل هيك

وفجأة سمعو صوت صراخ طالع من البيت كانت ام انشراح واصل لآخر الدنيا

الشغاله...ردي عليه وتعالي عندي لحد ما نعرف شو صار 

كيان....عندك وين مش فاهمه؟! 

الشغاله...تعالي بس مش وقت اسئلة 

وسحبتها من أيدها على بيت بعيد شوي باخر الحديقه

دخلت كيان لقت بيت صغير 

الشغاله...معلش البيت مش قد مقام بس تفضلي هون  لحد ما اعرف شو الاخبار شو صاير ورح اخبرك ديري بالك تروحي اكيد في اشي صار لصوتها طلع  

كيان... طيب روحي بسرعه قبل ما يفقدوكي واعرفي ليش طلع صراخهم

الشغاله... حاضر واذا جعتي الثلاجه فيها اكل ما رح اطول عليك 

كان جوهم كلهم متكهرب على الآخر

سمير...خلص يا عمتي انتي الي اجبرتينا نعمل هيك

العمه...الله في سماه ما بصير الي بدكم اياه وبنتي راجعة معاي.انا مش بنت صغيرة تضحكوا عليها

((نرجع بالحدث لورا))

سمير... تفضل سماحة الشيخ اهلا وسهلا  

الشيخ... مبارك مقدما 

سمير... الورق المطلوب جاهز حضرت الورق زي ما فهمتك على التلفون 

الشيخ...كله تمام وجائز ما دام ما في اشي.بخالف الشرع 

سمير... ما بدي حدا يعرف باي اشي حتمشي الأمور قدامهم كاني انا العريس بالزبط

الشيخ... تمام بس وين العريس

هاني... هالقد مش شايفني ولا شفاف ما بنشاف 

فجأة فتح الباب ودخلت العمه ساحبة انشراح وعلى وجها علامات الانتصار ونظرت القهر بعيون انشراح، وام انور حزينه

العمه.... الكل جاهز 

سمير... زي ما اتفقنا يا عمه 

العمه... وانا عمري ما رجعت بكلمتي 

وهاي عقد الارض سجل كل اشي بورقة التنازل 

اخذه سمير منها الورقه، وبدأ المأذون في مراسم الزواج وقع سمير  كشاهد وبعدها وقعت عمتة تنازل عن الأرض وقع هاني ولما اجت توقع انشراح فتحت عيونها وكانت بدها تحكي بس سمير غمزها تسكت، ابتسمت ما اعترضت وقعت

اتنتهي المأذون ومشي وبدأت العمه تزغرد لحد ما وقفت فجاءة علي صوت سمير 

سمير...الف مبروووك يا حلو فرحتلك من كل قلبي

هاني... الله يبارك فيك لولاك كان بعدني عزابي

سمير... والله وارتبطت يا هاني اخيرا

قرب سمير من انشراح ومسك ايدها 

سمير... اذا بزعلك يوم من الايام رح اعلقه باب البيت ويكون عبره للجميع

بسرعه اخذ ايد انشراح منه 

هاني ... اترك ايدها هاي بتخصني يا عم وكيف بدي ازعلها الي مثلها بتكون ملكه 

سمير... والله لاعمللكم عرس البلد.كله تحكي فيه

هاني... انا ما بدي عرس بكفي هي الفرح كله 

سمير .. لا تنسى معروفي انا الي جوزتها الك 

كل هالكلام والكل واقف ومتنح مش فاهمين اشي 

العمه(بصوت عالي).... بسسسسس سكرو انتوا الاثنين قاعدين تشوطو فينا بيناتكم مثل الكرة واحنا واقفين مش فاهمين اشي  كل واحد فيكم بشد البنت شويه ، شو فيه مش فاهمه!!! 

سمير... خير يا عمه ليش صوتك عالي، مش محترمه الرجال الي قدامك 

العمه(بغضب).. وانت الي بدك تعلمني الاحترام يا ولد !!؟ 

سمير احمرت عيونه من الغضب 

سمير.... انا سمير الـــ... ولا نسيتي يا عمه وانتي اكثر وحده بتعرفيني وعارفه غضبي منيح 

العمه.... انت بتهددني يا ولد؟! 

ابو انور... ما عاش الي يهددك يا اختي بس اهدي مشان نفهم شو صار، شو يا ابني كيف اتجوزت بنت عمتك وبتحكي لهاني مبارك وبدك تعمله عرس كيف زابطه هاي؟!

ام انور قاعده هادية والأبتسامه على وجها وفرحانه

ام انور... والله ابني طلع رجل ما في منه وعرف انه بنت عمته ما بدها هالجيزة كلها صح يا سمير؟  

قرب سمير من أمة وباس أيدها

سمير... صح يا قلب سمير 

العمه... لااا بدي افهم 

وركضت على بنتها وهي بجنب هاني ومسكت بايدها وشدتها من شعرها بقوة

العمه...انتي اقفي بجنبي هون لا تتحركي لحتى افهم ولا بدفنك بمطرحك 

هاني كان بدو يحكي بس سمير اعترضه 

سمير...اصبر شوي وانا حتصرف  

هاني كان بقمة غضبه على غير عادته الي متعود عليها المزح والضحك 

هاني...لا يا سمير انشراح رسمي زوجتي ما بيمح احدا يهينها

 العمه بس سمعت كلمة زوجتي تركت انشراح لا شعوريا

العمه... مين زوجة مين فيكم احكوا بنتي تزوجت مين ؟؟؟

سمير... اقعدي يا عمتي وطي صوتك احنا حاولينا بيوت كثيره  وعيلتنا عيب صوتهم يكون عالي

العمه....  عيلة مين وزفت مين، انا بدي اعرف بنتي اتجوزت مين فيكم؟! 

هاني(بعصبيه واضحه) ... انشراح زوجتي وانتي الي اجبرتينا نعمل هيك ، اصرارك انها تتجوز سمير وهو متجوز، وانتي عارفه انها بنتك ما بدها سمير ومع هيك صممتي على رأيك ، ما احترمتي حدا ولا عملتي اعتبار لحدا، ومسكتينا من ايدنا الي بتوجعنا وبدك توقفي مشروع النا سنة بنخططله وبكسب مئات الألوف 

سمير... خلص يا هاني اول مره بشوفك عصبي اهدى انت عريس اليوم 

هاني... كيف بدي اهدى

سمير قرب من انشراح الي كانت بتعيط بسبب تصرف امها 

سمير... اسمعي يا انشراح شفتي جوزك كيف عصب ديري بالك منه تزعليه، وحياتك لعملك عرس ما انعمل 

هاني.... يا اخي ابعد عنها حكيتلك هاي بتخصني

وقرب منها وباس راسها قدام الكل

العمه... ما في انشراح بدك اطلقها الان افهمت طلقها 

ابو انور(بغضب وبصوت عالي)... لهون وبس ضليت هادي معك لاخر لحظه انتي ما الك كبير؟ انا الكبير هون والي بحكيه بيمشي مش عليك على الكل ،مش معتبريتني كبير ولا شوووو، هاني خذ انشراح واطلع ، وانتي ومن هون ورايح بتعيشي هون ما بدي اسمع كلمه وحده ولا صوت الك اعتراضات ما في فاهمه  

لسى بدها تعترض ويصرخ اخوها بصوت اعلى من الاول 

ابو انور.... يلا اطلعي فوق بسرعه

ركضت اخته بره بنظرات غُل وحقد على الكل 

ابو انور... انت غلطت يا سمير هاي امها ولازم تعرف 

سمير... بذمتك يابا هاي منظر وحده كان بنقدر نتفاهم معها 

ما بتيجي غير بسياسة الأمر الواقع غير هيك لأ

ابو انور....بس عجبني عقلك يا ولد

سمير.... ههههه هو الدراسه والشغل بره ببلاش يا ابو انور 

دمعت عيون امه واتذكرت انور  

لاحظ سمير دموع أمه وفهم انه غلط لما حكى لابوه ابو انور 

قرب.من امه وحضنها وباس رأسها حقك علي يا ست الكل حقك علي ياام انور هالاسم رح يضل موجود  ، انا بصراحه ما كنت بدي اقولكم انه كيان حامل 

ام انور.... هي لحقت كيف؟

ما عرف سمير يرد بس هاني عارف كل القصه 

هاني...يا عمه سمير متزوج كيان من قبل، لحتى يمنعها تسافر وكان لازم في مستشفى يجيب المأذون مشان أهلها والمشاكل

ام انور... وانت كنت بتعرف  وليش ما حكيتلي يا هاني

سمير... بعد ما السيد هاني اجى يطلب ايد كيان انا حكيت لازم احكي معه وافهمه اني بدي كيان وبحبها ، ولما قررت كيان تسافر رحت لعنده

(نرجع بالحدث لورا)

سمير.... هاني بدي مساعدك

هاني... ياااه انت بدك مساعدتني سمير بقدرة بدو مساعدتي 

سمير.... بلا رمي حكي 

هاني... هات من الآخر

سمير... كيان بدها تسافر 

هاني... وين 

سمير... حسب ما عرفت الخليج

هاني... طيب شو بدك فيها ما تسافر اكيد شغل

سمير... بدك تساعدني ولا لأ

هاني... مع انك ما بتستاهلها بس رح اساعدك بس سؤال ليش بدك تمنعها من السفر مع انك عارف انها رح ترجع بسرعه

سمير... ما بدي اياها تسافر بصراحه لاني غلطت غلطه هيك معها ما بزبط إلا اصلحها 

هاني... غلطت؟! شو غلطت يا مجنون؟ 

سمير... غلطت الي غلطته مش وقته ما بدي ايها تسافر با هاني 

هاني... لتكون عملت الي بالي؟! 

سمير... اه يا هاني كسرتها غصب عني اقسم بالله انكسر قلبي معها 

وصار يبكي 

هاني... اول مره بشوف دموعك انت طول عمرك سند النا كلنا 

وعمرك ما رضخت، وشايل هم الكل، بس لا تضعف يا سمير

لانه ضعفك بأثر على الكل 

سمير... انا مخي وقف عن التفكير مش عارف كيف اتصرف 

هاني.... انت عملت معي كثير معروف ورح اساعدك 

سمير... جد بتحكي؟ طيب احكي كيف بسرعه؟ 

هاني... مش هي وقعتلك توكيل عام مشان ورثها من انور الله يرحمه 

سمير... لا بعدني المفروض ارجعلها كمان شوي ومعي الاوراق  

هاني... مشان توقع على وراق الورث ؟

سمير(اجت بمخه فكره)...استنى اجت ببالي فكره 

هاني...شوو 

سمير.... رح اخليها توقع على الزواج من بين الاوراق الي بأيدي اخذها الان الها بدون ما تحس

هاني... كيف بدك تعملها

سمير... مش ديما بتحكولي انت عليك افكار الجن ما بعملها

 

((نرجع للحاضر))

سمير .... بصراحه اتجوزتها غصب عنها هي كانت بدها تسافر وانا ما بدي اياها تسافر 

هاني... صحيح هي وين كيان مش شايفها 

سمير... فعلا وينها كل هالصياح ما سمعته؟!! لتكون تعبانه

بسرعه ركض زي المجنون طلع يدور عليها بالغرفه ما لقاها 

سمير... انتي وين يا كياني كياان

طلع هاني وانشراح على صوته

هاني... خير ليش بتصرخ 

سمير...كيان مش بالبيت كله 

هاني... حكيتلك كيان لازم تعرف قبل، شخصية كيان ما بترضى بسياسة الامر الواقع زي عمتك، وانت بتعرفها منيح

سمير(بجنون)... شو يعني؟! شو يعني ؟! شوووو 

يعني تركتني واخذت ابني كمان معها ؟! 

هاني... اهدى يا سمير 

سمير...كيان راحت ضاعت مني 

وبدأ ينهار وبدون وعي 

سمير... اخدت ابني انور راح وكيان كمان لا يااارب يااارب 

انشراح صارت تبكي  وتتهم حالها انها السبب 

هاني.. شو مالك يا سمير ؟! صلي على النبي وين ما راحت رح يوصللها الخبر انك ما زوجت والي صار كان كله تمثيليه

 

فعلا انه الحب بعمل اكثر من هيك هبل وجنان 

دخلت الشغاله تنقذ الموقف

 الشغاله... انا بعرف وين مدام كيان 

ام انور... احكي وينها بسرعه

الشغاله... عندي 

سمير... شو وداها عندك؟  ومسك ايدها بقوة 

ام انور... شوي شوي عليها استنى 

الشغاله.... انا ما الي دخل ،شفتها طالعه بتتسحب لما دخل الشيخ وكانت تبكي  ركضت وراها ورجعتها وخليتها عندي 

لحتى نشوف شو بدك تعمل 

سمير(بعصبيه)... بسيطه يا كيان مش اول مره بتعمليها الهروب صار بدمك بفرجيك ورحمة انور هالمره مش رح اسكت 

انشراح....خلص يا سمير مشاني هالمره 

سمير .. ولا حدا يدخل بلي بعمله ، تعودت على الهروب كل ما يصير اشي بتهرب!! لازم تتعلم ولا حدا لو سمحتم يدخل 

شد الشغاله من ايدها 

سمير.... قدامي نشوف الست هانم 

الشغاله... يا رب استر 

دخلت الشغاله وراها سمير 

كيان لما شافت وجه الشغاله 

كيان... طمنيني خير اتجوزها صح؟! خلص اتجوزها 

دخل سمير بغضب

سمير .. اه اتجوزتها عندك مانع !! شو يا ست كيان ، شو هالتصرف يا متعلمه،اسهل طريقة عندك الهروب، تهربي مش مهم الي وراك ، حتى مواجه ما بتحاولي تواجهي انا مش عارف انتي كيف بتعرفي اديري موظفينك ، اسمعيني منيح الي راح راح والي جاي اشي تاني انتي طلعتي الشيطان الي جواتي استحملي 

كيان...يعني بدك اشوفك تتجوز عليه واضل واقف اضحك والعب وارقص  

سمير(بصراخ)..لا اهربي اسهل اشي صح؟! انتي نسيتي انه ابني بطنك؟! 

وسحبها من ايدها 

سمير... امشي معي يلاااا

كيان... اتركني ما بدي ارجع معك 

سمير... مش على كيفك بدك تعيشي غصب عنك والشغل انسيه واعتبري حالك بسجن وانا سجانك

كيان... انت بتحلم 

فاتت البيت تحت انظار الكل

ام انور ...شوي شوي عليها مشان الي ببطنها 

سمير... لو سمحتم ولا حدا يدخل وتفضلي فوق قدامي 

هاني.... سمير لا تزودها خلصنا 

سمير .. هيني بخبر الكل كيان ممنوع تطلع بره البيت 

كيان... انا مش عايشه بسجن وانت بتعرف هالاسلوب ما بحبه 

سمير(صراخ وعصبيه) .. مهو مش على كيفك يا مدام ، ولا تخليني اعصب اكتر من هيك رح تندمي

اختصرت كيان وطلعت على غرفتها والدموع ملا عيونها

العمه سمعت كل الحوار 

العمه...كله لمصلحتي، ماشي يا سمير رح انكد على حياتك وحياتها واخليك اطلقها ، بسيطه الايام بينا وبتشوفوا

الحلقه العاشره من هنا

🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺

اتفضلوا حضراتكم كملوا معنا هنا 👇 ❤️ 👇 

أجدد وأحدث الروايات من هنا

روايات كامله وحصريه من هنا

وكمان اروع الروايات هنا 👇

روايات جديده وكامله من هنا

انضموا معنا على تليجرام ليصلكم اشعار بالروايات فور نزولها من هنااااااااا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

تعديل المقال