رواية ايلول_اشرف الحلقه الاولى حتى الحلقه العاشره بقلم جوري حصريه وجديده على (مدونة النجم المتوهج)

رواية ايلول_اشرف الحلقه الاولى حتى الحلقه العاشره بقلم جوري حصريه وجديده على (مدونة النجم المتوهج)

الحلقة «1»

من صباح وحنا نطيبو وفراحانيين واخيييرا   راح تولي عندي اخت ورح مولود جديد و ماما راحت تولد  تسع اشهر كاملة وانا نستنا بفارغ صبر  وليوم رح نشوفها ونهزها...... قعدت نستنا انا و جداتي وعمتي متزوجة بصح معندهاش ولاد  شويا هكا صونا تلفون جداتي هزت وناضت تعيط على طولهاا ـ ايما وليدي توخذت فيه ـ تصمرت في بلاصتي  مفهمت فيها والو ميما واش كااين وشبيك وش صرا مع بابا  ـ  قاعدة غير تبكي وتهدر وليدي ومرت وليدي ماتو شويا برك وداخت  لا أنا  تصدمت صدمة عمري يعني كنت نستنا في ختي راحت يما وبابا في دقيقة دمرت حياتي ولا واش مقدرش نستوعب خلاااص  ـ لالا جدة مكانش منها بابا وماما حيين غير يكذبو عليكم   قاعدة نهز فيها بيدي وهي مسكينة  بين الوعي واللا وعي جات عمتي ماعرف تصبرني ولا تصبر روحها  ـ بديت نبكي ونقطع في شعري حتى  شدتني عمتي ـ يابنتي متجهلييش نوضي بلاك لخبر مش صح ـ ايه صح عمتي مسحت دموعي ونضت نستنا عند لباب ـ بداو يجو لغاشي وانا نقلها عمتي وينو ماما وبابا تقلي مزاال مجاو دخل عمي وهاز بيبي في يدو قالنا بلي ماتو وختي صغيرة سلكت على شعرة طحت نبكي نبكي حتى دخت ـ نضت لقيت سيروم في يدي لقيت عمتي مساميا سقسيتها عليهم هبطت راسها بديت نعيط حتى قاتلي دفنوهم  عرفت بلي قعدت نهارييين فسبيطاار من داك نهاار اياماتي تعاسة منحبش نبين......... يعني ممكن بابا كان خايف على ماما وزرب في سواقة بصح كلفتهم حياتهم منعت غير ختي  هي الامل الوحيد ولا كيما نقولو الدافع الوحيد لي خلاني نتجاوز الوضع هي الوحيدة لي قعدت من ريحة ماما وبابا  على هاديك سميتها امل 

من هذاك نهار عمي بدا يطلب في دار تتباع تقول يماه لي ماتت مش خوه مفهمتش يعني كفاه يحاوز يماه من دارها بالأصح بعيد شر كون ماتت جدة كون نقولو حقو بصح اي مزالت عايشة مدار حساب لا ليا لا لختي لا لجدة ماقال جرحهم مزال جديد _يا وليدي  معندي وين نروح الا بعت الدار تاع باباك ـ يما انا ميهمني في حتا بنادم نحوس على دراهمييي  ـ نتا وليد كبدتي تقلي هاك ـ يما اخطينا وعلى نهاريين نجي ندي دراهم ونتم الله يسهل عليكم خرج وجداتي طاحت تبكي هذا كبدة تاعي  ودار هكذا مالا تتوقع من لبراني كلش ملقات واش دير جداتي غير تبيع الدار لي رانا فيها بعناها وعطينالو حق الورث مولا الدار لبعناها قلنا نصبرلكم نهاريين واخرجو من دار

B#منقولة;.يتبع ديري جام وعشرة ملصقات نكملو 

ايلول ♕ اشرف

الحلقة «2»

نضت صباح كأي يوم توضيت وقضيت صلاتي لقيت اختي راقدة خليت عليها تكمل نومتها و هبطت للكوزينة لقيت جدة طيب فالفطوور ـ اممم جدة ريحة لمسمن تشميها من جبل لي ورانا 🤣 ـ اقعدي تفطري واخطيك من تبهليل تاعك  ـ اوكي جدة ـ جدة عندنا نهاريين ملي جيناا مخرجتش حابة نشوف لمكان ونستكشفو ـ شاتستكشفي ياطفلة روحي غير لدجاح ولا ارانب متبعدييش بنتي فطري ختك و افطري وروحي ولا حبيتي نروح معاك ـ لالا جدة متعييش روحك  ختي خليتها راقدة ـ مالا طيري ومطولييش ـ اوكي جدة منطولش   رحت نتمشى خرجت ولقيت لمكان في شبااب جينا في جوايه المغرب مشفت والو يعني عجبني مي ماشي كيف منظرها في نهاار تهبل الله يبارك  رحت لدجااج نلحق فيه حتى دخل دخلت معااه لقيت بيضاات شحاال فرحت هههههه  كانو بزااف ملقيتش وين نحطهم رحت لجداتي قتلها لقيت لبيض اعطيني حاجة نجيبلك فيها البيض عطاتني ورحت جبتهم حسبت روحي درت انجاز نهارها 😂 المهم سمعت اختي تبكي ديتلها لببروون شربتها وهبطتها و خطيتها فصالون 

قاتلي جداتي طيبي لغدا ني عياانة درت طعاام (كسكس )  ودرت لمرقة طيب كملت وسكرت عليها عيطت لجداتي باش تجي تاكل مردتش رحت ليها لقيتها راقدة تعبانة رحت ليها نوض محبتش تنوض مسيت جبهتها لقيتها مسخنة جبتلها كمادات درت على جبهتها باسكو معدناش دواء (بالنسبة للمصروف جارتنا تبعث في وليدها يصرف باسكو معندناش لي جيبلنااا عمي مش يحكي معاناا ) خفت شوي عليها  مسنخة بزااف بعد شوي تحسنت ناضت كلات شوي وكلمت قاتلي روحي لختك اعطيها لحليب وحطيها في شمبرتي ترقد معايا  ني عيانة نروح نرقد شوي ولعشية نوضيني ـ اوكي جدة درت واش قاتلي و دخلت غسلت ماعن  ونظفتهاا ورحت قضيت صلاتي وخرجت برا لقيت كلب صغير شحاال شبااب وكيووت عجبني انا نخاف من لكلاب لكبار اما صغاار عندي نورمال  دخلتو عند حيوانات كاين بلاصة حطيتو وجيتلو ياكل خليتو ودخلت باش نقيل شوي تعبت من الجري هههههه  

يتبع...ايلول ♕ اشرف

الحلقة «3»

تعبت من الجري لقيت اختي رقدت تحضنتها ورقدت مساميهاا....  نضت على صوت اختي الغالية نضت بسبتها غسلتلها وبدلت قشها وهبطت معاها حطيتها في صالوون وطيبت قهوة ومسمن من قبيل خلطت لحليت وحطيتهم شربت لختي وطلعنا لجدة نعيطولهاا باش تتقهوى معانا..  جدة نوضي علاش وليتي كسولة هاك 🥹ـ ااه يابنتي كبرت وليت منقدرش نتحرك ـ نوضي جدة راكي صغيرة ندبرولك شيخ ونزوجووك ـ ضربتني فكتفي نوضي قالك شيخ على كبري حابتني نزوج ايا امشي قدامي فصعونة ـ اوكي جدة متزعفييش نورمالمون تفرحي زواج مليح هههههه ـ طيري ادي ختك لتحت ني جايتكم هبطت شربت وقعدت تلعب معا ختي(امل) نطقت جداتي ـ نوضي بنتي كاين قش مسخ اغسليه ـ اوكي جدة طلعت لغرفتها. ـ وجبتو لقيت مشوراة فتحتها لقيت فيها دم تصدمت مين جاا دم هاداا 🤨 هبطت وريتها لجداتي تلبكت قاتلي مين جبتيها ـ جدة لقيتها في غرفتك هادي مين جاء دم ياك مش منك ـ بنتي غير رعفت متتقلقيش ـ علاش مغسلتيش خير جدة ياك مش كل يوم ترعفي ـ نن بنتي غير محبيتش نوض نوضي اخرجي تحوسي ـ  نغسل قبل القش؟ـ ايه روحي اغسلي واخرجي ـ اوكي جدة ـ بعد مكملت هبطت  جايا في خاطري نخرج . غير خرجت،  سمعت صوت رصااص. دخلت نجري لجداتي مخلوعة ـ جدة جدة سمعتي ـ بسم الله الرحمن الرحيم واش بيك خلعتيني قريب حبستي قلبي بالعقل ياطفلة ـ سمعتي جدة واش سمعت ـ شانسمع يابنتي مسمعت والو ـ صوت رصاص ياجدة ـ روحي يابنتي غير تخرفي فجأة سمعنا صوت طلقة رصاص ـ اه جدة سمعتي سمعتي منيش نخرج سمعت صح ـ بصح مولات الحوش قاتلي عندهم مدة مجاوش لعسكر هنا باسكو نقصو ارهااب ان شاء الله ميكونش لي في بالي (رجعو 😳)  

وشنو جداتي متخوفينيش ـ لالا بنتي متخافيش غير لعسكر هادون ـ واش جاو يديروو هناا ـ اقعدي بنتي بعدت وبدات تحكيلي بلي كانو ارهاب هنا ولعسكر تجي غير الا كانو ـ جدة لوكان يدخلو لينا ـ شكون يدخلو يابنتي ـ لعسكر ـ واش بيك ناس تخلع من ارهااب ماشي من لعسكر ـ بصح جدة نخاف منهم 🥺 ـ متخاافي ماوالو معندهم ميديرولك فجأة بدات تكح كحة قوية جبدت يديها معبيين دم ـ جدة واش بيك واش هادا دم ـ مكاين والو يابنتي بلاك ليسطوما باسكو تحرق ـ نن جدة لازم تروحي طبيب 

يتبع...ايلول ♕ اشرف

الحلقة «4»

نن جدة لازم تروحي لطبيب متسهزئيش بصحتك ـ معليش بنتي كي تجي عمتك نروح معاهاا ابقااي معا اختك هنا ـ جدة منيتك نقعد وحدي ـ واش رح يصرا فيك المهم اغلقي بيبان ومتخرجيش انا منطولش بلاك نهاريين هاك ونجي ـ اوكي جدة مش مشكل مهم صحتك رحت ليه بستهاا وبعدت في حضنهاا قتلها احكيلي كيما مالفة نحب حكايااتها روعة حتى نعست ورقدت نضت نضت لقيت راسي على مخدة دارتهالي جداتي وناضت تقضي كاش حية المهم نضت لقيتها ضلمة  طولت بزااف راقدة للمغرب نضت قصيت صلاتي وهبطت كوزينة والمفاجأة لقيت عمتي رحت نجري ليها. ضميتهاا ـ اطلقيني خنقتيني احضني كي ناس حابة تقتليتي ـ اا عمتي مكيش متوحشتني. 🥺ـ ياعمري على وجه الملاك شكون ميتوحشكش ازينة ـ يعيشك عمتوو ـ غدوة رايحة انا وجداتك رح تفوت ف طبيب ـ مطولش ـ بلاك نهاريين ـ شراكي ديري عمتي ـ ني نطيب فرشتة ـ  يم يم نموووت عليها عمتي يعيشك  ـ تموتي عليها هيا ولا انا ـ 😂 في زوج ـ اممم ـ صايي عمتي نتيا اكثر ـ هههههه فضلتيني على رشتة هههههه ـ لالا عمتي حاشاا نتيا على عين وراس ـ ايه ايا نوضي روحي لختك عيااات ماما ـ ضروك هاتي بوسة ممممح عمتو ـ طلعت لقيت امل معا جدة ضميتها وقلت لجدة نديها براا امل قاتلي تمرض ـ جدة بلييز ـ بلييس يخبطك ـ ااا جدة مقلتش بليس هههههه 😂 ـ امشي متخرجش ختك تمرض مزالها صغيرة ـ اوكي مالا نخرج انااا ـ وين تخرجي في ليل ـ جدة نشوف لكلب ـ اقعدي متخرجيش عمتك عطاتو ياكل ـ بستها يعيشك جدة ـ نروح ناكل جعت يلا جدة 

هبطت لقيتها تحط عمتي في العشااااء.ـ امممم عمتي واش هادي ريحة روعةة ـ تحسب ميتة بالشر. ـ ااا عمتي خسارة عليك مكلتك تشهي الشبعاان ـ هههههه 😂 اقعدي تعشاااي تعشيناا وقعدنا نقصروو جدة طلعت وانا قعدت معاا عمتوو ـ عمتوو امل تشبهلي ياك ـ ايه فوطو كوبي ليك بصح نتيا تشبهي ليماك الله يرحمها تغرغرو عينيا من سيرة قاتلي اسمحيلي حنونة ـ عادي عمتي ـ نوضي ترقدي 

يتبع...ايلول ♕ اشرف

الحلقة «5»

نوضي ترقدي بنتي ـ اوكي عمتي تصبحي بخير رايحيين بكري غدوة؟  ـ لالا ماشي بكري بكري غير ثمنية تسعة نروحو ـ ثمينة وتسعة وتقوليلي مش بكري نوضيني باسكو منفطنش ـ اوكي حنونة نوضي ترقدي ـ تصبحي بخير ـ ونتي من اهلو 

نوضي ياشكاارة نقول بايتة تحاارب اياا نوضي ـ عمتي اصبري ـ نوضي قريب تجي طونوبيل ونروح ـ نضت مفزوعة شحال ساعة ـ راهي، 7ونص ـ هههههه خلعتيني حابتني نوض برك 🥺🥹ـ ايا نوضي مينفعش وجه براءة معاياا قومي ـ صايي ني نايضة ـ ني هابطة اغسلي وارواحي تفطري ـ اوكي ـ نضت على سعدي توضيت وصليت ورحت ملقيتش. جدة وامل فلغرفة هبطت لقيتهم يفطرو رحت قعدت معاهم ـ وقتاش تجي جدة ـ الله اعلم يابنتي تهلاي في ختك وفي روحك ـ ان شاء الله ♥ ختي على عيني ورأسي ـ ربي يحفظك بنتي ـ ان شاء الله ونتي زادا جدة ربي يخليك لينا ان شاء الله ـ فطرنا وقعدت انا وعمتي في كوزينة نطيبو لغدا (طيباتو بكري ) راهي جايا طونوبيل ايلول تهلاي في روحك بنتي ومتفتحيش لباب حنونة اوكي ـ اوكي عمتوو مطولووش برك علينا باسكو نخاااف 🥺ـ معليش ان شاء الله لمي قش جدة وهبطيه ـ اوكي ني طالعااا ـ طلعت ولميت القش وهبطتو سمعت صوت طونوبيل جاتني عمتي قاتلي راهي جات حنروحو تهلاي في روحك ـ 😭ان شاء الله  عمتي ـ يابنتي مش حنطولو علاش دموووع امسحيهم منطولوش ان شاء الله  ـ ان شاء الله  عمتوو ضميت جدة وعمتي ودعتهم عند البااب وراحوو دخلت قعدت معاا امل 

امل هياا املي الوحيد  دار ولات باردة صماطة بلاد جداتي والله انا عندي غير جداتي وامل في ذي دنياا وزيدي جداتي راحت لمدينة خايفة بزااف وحدي 🥺🥺🥺 ان شاء الله  تجي بالخف ياربي امل نودي نعطيك حليب نودي هاتي بوسة يااجمل امل في دنيااا 💋

يتبع....#ايلول اشرف

#الحلقه6و7و8و9و10

ايلول ♕ اشرف

الحلقة «6»

نوضت امل شربتها حليب امل حبيبتي لوكان جاو والدينا عايشيين يادراا كيفاش حتكون معيشتنا هههههه تضحكي ياحبيبة قلبي مممح مينشبعش منك ازينة نوضي تقيلي اياا نني نني يابشة  ـ بعد مرقدت حبيت نخرج كرهت فتحت لباب طليت من ومن باسكو خفت كي تكون معااايا جدة منخاافش كامل لقيت جرو تاعي يلعب ياعمري اك تلعب؟ بديت نجري وهوا يلحق فيا مشينا بزااف حتى مبانتش دار خلعت وشفت منهيه كلي بلاصة تاع عسكر كنت دايرة روب طويلة عياتني حطيتها في سليب باسكو مقدرتش نجري كي ولا ت طويلة تكركر وبديت نجري نستكشف القاعدة تاع العسكر رحت شوي سمعت واحد يهدر معا واحد  زدت شوي تحركت حجرة هربت نجري بدا يقوص حسبني من ارهااب ديجا مشافونيش سمعو تخربيش برك طلقت ريح على رجليااا ودخلت لداار وغلقت لبااب وقعدت ورااه شديت قلبي متت ياربي واش داني نروح ليهم لوكاان حكمووني شايديرووني نفضت افكااار من  راسي ونضت رحت لامل (اسمها امل ماشي امال سعاتش نغلط ناديها امال ) لقيتها فاحما بالبكى رحت نجري ليه بسيف لسكتت رقدتها في حضني وبستها من عيونهاا ياقلبي هادا زين ميحقش يبكي

كي رقدت حطيتها في بلاصتهاا ورحت باش نكلم لعمتي تيلفون خلاتولي  باش يطمنووو علياا كلمتلهم وطمنت عليهم قاتلي غدوة رح تديها لطبيب ماشي ليوم باسكو شدت  رونديفو غدوة غاضتني يعني مش راجعييين ليوووم 🥺

يتبع...ايلول ♕ اشرف

الحلقة «7»

غاضتني يعني مش راجعيين ليووم 🥺 رحت لكوزينة كلييت ملي طيبت عمتوو  ورقدت معا ختي تعبت بزااف من الجري لقبيل ههه 

بديت نمتململ ونوض نضت  لعشية غسلت وتوضيت وصليت لعصر رحت لاختي نلعب معااهاا ايوو راكي نايضة ياحلووفة اياا مدام جدة مش هنااا رح نخرجك لوكان تعرف بلي حنخرجك تذبحني اطونسيون تقوليها هههههه علبالي بيك كي تكبري تولي تنقلي اخباار ابقاي صغيرة احسن 😂اياا قومي حبيبتي هزيتهاا لبستها خشنتلها لبسة باسكو بارد لحال لبر رحت كوزينة طيبت قهوة شربتها امل غير تخزر فيا واش امولة تشربي قهوة ايا يلا نروحو باش منطولوش حبيبتي حطيت فنجال وهزيتها  وخرجتها معاياا لمدتها بكوفيرطة من صغار تاع بيبيات  يلا حبوبة نوريك كلب وندولو ياكل بدا ينبح لكلب صغير ـ اه ياحلوووف كبرت وليت تنبح 😂 ـ امولة مسي كلب مسي هههههه  اياا يلا نشوفو ارنوبة صغيرة حطيتها مسامي ارنب (اختي تقعد برك متمشيش باسكو مزال صغيرة ) هاتي يدك يلا نروحو نشووفوو وحووش فجأة جاتني فكرة شيطانيةة نروح نشوفهم ونصرعهم هه باش ميقربووش منااا ويقولو المنطقة خطيرة 🙂 هزيت اختي ورحت نمشي بالعقل (وبلاعقل 😂) حتى بانتلي خيمة تاع عسكر قربت شوي ملقيت والو خسارة منلقاش شكون نصرع 🙂 وقيلا راحو كشما خرجو ندخل نشووف في. خيمة.دخلت لقيت ماكلتهم و غطاوتهم و سترة تاعهم قعدت نستكشف كشما نلقا شيء يجذبني هههههه امل  بدات تبكي وسمعت خطوات قربوو فتحت خيمة من تحت وخرجت جيت وراء الخيمة ونسمع في صوتهم وختي محبتش تسكت متت بالخلعة ندمت لي رحت واش داني يارب للمشاااكل. اسكتي امولة لاه ديري فياا هاك حراام عليك والله منهونش عليك ديري فيا هاك حتى نتيا تعرفي زكااارة صاي تببت غير اسكتي منزيدش نعاودها بليييز حبي اسكتي باش نخرجك كل يوم بلييز 🥺 

يتبع...ايلول ♕ اشرف

الحلقة «8»

اسكتي باش نخرجك كل يوم بليييز 🥺 تلفتت مورا خيمة لقيتهم جايين ياويلي على هادي الورطة خايفة ليكونو ارهااب متنكريين واش ندير في عمري نندب وجهي جيت نمشي شفت واحد صاد لهيه يعني مش صاد ليا ايا امل نحسب منا ل 3 ونهرب نجري 1.2.3 انطلاق هه رحت نجري تلفتت واحد شافني رحت نجري ولاكن لا تمشي رياح بما تشتهي السفن (مرجوعي ليهم ) 

عفست على زجاج دخلي كراعي(رجلي) قريب طرت من الم ياربي واش داني هاذي غير افعالي ديرلي هاك  طحت قريب ختي تجي على لارض شديتها فحضني حتا راسي تضرب على حجرة راسي وجعني مي ماشي بزااف جرحي لقيت حجرة كبيرة رحت تخبيت فيها باسكوو يلحقو فياا نسمع فيهم ومسكرة فم اختي قريب جيفتها  قالو شفت طفلة صح ولا غير تتسخر ـ علاش راني نبانلك نتمسخر ـ لوكان يعرف شاف تاعناا ينوض علينا الحرب ايا نرجعوو ـ احبس احبس شمن نرجعوو هاذا ماشي دم شوف شوف ـ ايه دم تبعوه حتى كان واحد ورا صخرة لقاوني نضت نبكي بعدووني واش تحوسو ـ نوضي اياا قالك واش نحوسو واش داك للمركز تاعناا واش ديري فم قولي ـ قالو صحابو تعود غير مين هادوون قلت في راسي شكون هادوك ـ ـ والله مدرت حياا غير جيت نحوس ـ نحكي بغصة بكة ـ نوضي ايا معاناا ـ منروحش مها طير ـ نوضي لنخسر عليك رصاصة في راسك بديت نبكي ونعيط قتلو لاعبها عسكري باين غير ارهاااب متنكريين غير اخطووني قلي شكون فينا الارهااب اياا نوضي وطفلة ذي مين جبتيهاا ـ ختي هادي كيفاش مين جبتهاا حط يدو على ضراعي ولاخر تاني وختي هازتها عندي فحضني نوضي اياا معااناا  قتلو منقدرش اطلقني. رجلي مجروحة وزجاجة داخلا فيه قيلوني نروح وحدي لدار

بدا يضحك داك العسكر قلي تحسبي حنديرو فيك بليزير وندووك لدراكم ضحك صحابو قالو شمن دار هاذي وجها ماشي تاع دياار ـ واش اك تمعني نتا  ـ نوضي لنفسدلك وجهك اياا. نوضي متعبينااش مناش فارغيين شغل 

امشي بعدني كي عاد ماكش فارغ شغل وجه الشر كلب خامج متسوااش. نوض بعدني

يتبع....ايلول ♕ اشرف

الحلقة «9»

كلب خامج متسواش نوض بعدني علبالي واش حديرو فيا غير بعدني ـ نوضي ممبعدا نحاسب على كلام زايد ايا قومي  ش حنديرو لي في بالك والو عقلك فيه حبة روز ماشي عقل  خامجة كي عقلك اياا نوضي ايا متعبينااش ـ مها بعدي ـ اياا كركرها علاش تحلل فياا ـ لالا متكركنيش يخي حماار ياك تشوف فزجاج في رجلي خلي نوض روحي ضربني في فمي بسلاح . تاعو ساح دم من فمي  شكون لحماار تحوسي تجيبي اخرتك بيدك علاش زابرة على الموت شديت فمي وغصة بكى علاش تضرب فياا حيوان ـ بلعي فمك وامشي  مشيت على سعدي معاهم ورجلي تنزف وجعتني وبديت نبكي ـ اياا اخطينا من دلال تاع جدك ـ بلع منيش ندلل ـ تحوسي على كف وقيلا ديجا نتيا غير كف يديك للموت ـ موت تديك وحدك مزالني صغيرة نتا لحاب تموت  ايا بلعي يا أم لسان طويل اذا ناقشناك نقعدو لصباح  وصلنا لنفس الخيمة لقبيل دخلوني وشفت مجموعة تاع عسكر من لبعييد جايين خلعت متت قريب درتها تحتي ياربي واش داني ساعاتش نلوم روحي سعاتش نسششفا في روحي باسكو درتها بيدياا  شح فياا شح 🥺 بعد مخرجو قعدت غير اناا وختي امل ولقيت واحد جاااي طوول وعرض. يخوووف متتت في بللاصتني هادووك لقبيل قداموو ميبانو والو  قرب لياا جاو دوك زوج لي كاانو معاياا قالهم هادي هيا لقبيل لقلتو عليها بدات تبكي ختي عيط عليهاا اشششش ـ تقلقت منو ـ ونضت انا تاني عيطت عليه وياريت معيطت ـ بلع فمك واش بيك تخلع فطفلة معجبكمش لحال اطلقوني اياا تقودو  ـ جاني كف من حيث لااحتسب عينينا دارو ورجعو لبلاصتهم ههه ـ  واش الالة تحسبي روحك  معا رجالا لكانوو يعقبوو عليك شدني من شعري  تزيدي طولي لسانك معاناا  ننحرك  فهمتي ـ هبطت راسي ـ عيط عليا فهمتي ـ ف..  ه مت

يتبع....ايلول ♕ اشرف

الحلقة «10»

ف.. ه مت ـ اهيه قوليلي واش اكي ديري هناا (هادوك لحكمو ايلوول واحد اسمو احمد ولوخر سامي صحاب شاف هادا بصح يعامل فيهم قدام عسكر عنف يعني كيف ضباط اخريين ) ـ جيت نحوس برك ـ امممم تحوسي تعياا وتباان، احمد سامي ـ وي شاف جيب ضابطة هنا تفتشهاا ـ حاضر حاضرات ـ نوضي من قدامي بعدت طريق وقعد تكسل في سرير ـ والله مدرت حاجة غير خلوني نروح ماما تقلقت عليناا ـ ضحك ضحكة صفرة امم مك تحوس عليك زعما علاش خلاتك تخرجلي بلاك مك كيفك تخدمو نفس الخدمة  ـ اياا بلع فمك منسمحلكش تحكي على ماما ناض قدم لياا شدلي وجهي ـ نزيد نسمع كلمة زايدة ننحرك غير احكمي فلسانك زايد ولا نقصولك ـ خامج قلتها بشوي صد ليا ـ واش قلتي ـ ااا مقلت والو ـ ندير روحي مسمعتش تخنزر فيا تخنزيرة حادة لوكان جات رصااص راهي قتلتني امل مسكينة مافاهمة والو غير ساكتة مرقدتها في حضني ـ بلييز شاف خليني نروح ـ مكانش لمروح جيتي برجليين ـ علاش عليك حرام عليكم والله ـ زعما نتيا ديري في حاجة تصلح غير اسكتي لنحلك فمك ـ سكتت وشديت فختي جاات ضابطة وخرج هوا فتشتني ملقات والو مام ختي فتشتهاا (بيبي ولحقوه) وخرجت جيت نقعد وجعني رجلي باسكو مزاال زجاج لاسق متت وحييت عيطت عيطة وحدة. دخل سامي واحمد قال واش كاين بديت نبكي ونشوف في رجلي مسيت زجاج تنحوو طرت وحطييت جاا  سامي  تيمسها ضربتو في يدو قود متمسش دخل شاف تاعهم قلو سامي ـ اشرف ااا عفواا شاف لازم طبيبة باش تعقملها رجلها ـ اخرجو اياا لا طبيبة لا والو شكون قالها تجي هنااا

عيطت عليه نتومااا جبتوني ماشي انا لوكان خليتوني نروووح لوكان راني في دار ماشي هنا نتلاوح يخي صلايح  نڨز من بلاصتو لعندي شبع فيا ضرب خلعت على ختي ضميتهاا ضربني برجلو وعطاني كفوف وسامي واحمد خايفيين منوو محبووش يدخلوو باسكو شاف تاعهم ملقااو ميديرو  بديت نبكي ونشهق حڨار واش درتلك ـ بلعي فمك لوكان ماشي لملاك لي في يدك لوكان قتلتك 

التكملة من هنا