رواية ايلول_اشرف الحلقه الحاديه عشر حتى الحلقه العشرون بقلم جوري حصريه وجديده على (مدونة النجم المتوهج)
 |
الحلقة «11»
بلعي فمك لوكااان ماشي لملاك لي في يدك لوكاان قتلتك. نوضي ديجاا علياا خلووهااا براا كي خرجوني لقيتها اضلامت متت وحييت من الخلعة كان سامي واحمد معايااا يعسو لانهرب زعمااا متتت بالبرد والخلعة علاش عليكم خلوني ندخل بلييز ختي رح تمرض حرام عليكم في وجه الملاك رحمة على يماكم صد ليا سامي معندي منديرلك ياطفلة شوفي روحك كيفاش تسلكيها درتيها بيديك حليها بسنيك
خرج الشاااف يمشي بخطواات ثقااال جبد علياا اختي اطلقها وين ماديها قلي تقعدي براا وطفلة تبااات لداخل وايلا حابة تهربي غير اهربي طفلة والله متديها احمد سامي ادخلو ولا اقعدو معاا ضبااط لهيه قعدت برا نبكي غاضتني كي عادت اختي بعيدة عليا مكلات والو مسكينة متعشاااتش 😭
خرج شاف رحت نجري ليه شااف بلييز اعطيني ختي نديها لداار مكلات والو ـ امشي طيري اقعدي فبلاصتك ـ علاش عليك والله غير صغيرة حرام عليك بلييز ـ رح نقولهاا لضابطة تعطيها تاكل ونتيا اقعدي هنا براا تموتي ولا تقعدي معلباليش بيك قالها وراح.
متت بالبرد ياربي واش داني بديت نترعد رجلي مش حاسة بيهااا 😭
واش داني لوكان راني في بيتي دفىء وزيد ني جيعانة بزااف ياربي سلكني من مجنون تفووو بيه وجه الله يجبهالووو 😭😭
اصبر برك غدوة ندير رايي فيه
غدوة نلقا حل ونروح ماشي بسيف نقعد اياا يروحو يقودو
يادرا واش راهي جداتي واش قالها طبيب زعماا ان شاء الله متكونش حاجة واعرة. يارب
يتبع...ايلول ♕ اشرف
الحلقة «12»
ان شاء الله متكونش حاجة واعرة يارب بغيت غير نشوف في داك ظلام مقدرتش نغفى حتى وراني ميتة بنعااس الخوف و والبرد صيطرو عليا ولي زادا على مابيا كي سمعت صوت ذيوباا ياربي قريب عملتها تحتي. ااا امل دايما مدبرتهاا راهي بلاك راقدة وماكلا هههههه استغفر الله ختي وحاسدتها ياربي اسمحيلي يخي بهلولة نخمم غير في روحي ياربي رجلي تورم مش حاسة بيه لوكان يجيني ذيب منقدرش نهرب ياربي سلكني ملقيت واش ندير غير ندخل ليهم بالسرقة نضت نكركر في رجلي شفت حراس(ضباط بقصد ) نايضيين يعسوو متولهووش ليا دخلت لقيت امل فحضن شااف ااا ياامل بعشريين دورو تبيعني ياكلبة ياعلى ديك لحنانة وشوف كيف راقديين نقول اب وبنتوو تفو تفو الله يبعد عليكم الحسد واش راني نقول انا ضروك اففف ماشي قبيل ضربني بهلولة يخي اياا نشوف كاش بلاص نرقد فيها لقيت كوفيرطة هزيتهااا ودخلت تحت لبيروو دورتها عليا ورقدت نومة ولا في احلام كنت متمنيتها من كنت لبر ياكل فيا لبرد
ااا سبحان الله مغير احوال قبيل كان يقتل فيا لبرد وضروك تحت مكتب و كوفيرطة محضنتهااا
اارجلي رجلي يوجع فياا واش حيرقدني يارب نستغفر. ونرقد ونبلع
رقدت لصبااح نسمع فيهم يقولوو هربت وانا تحت مكتب قريب متت بالضحك عليهم بصح خليهم يحوسو عليا شوي حابة نزيد نرقد
رقدت. وحدةة. رقدة تحسب ميتة
لوكان نموت هنا ميجيبوش خبري هههههه شحاال جيااح خسارة فيها تدريب والله غير باش يلقاوني معرفووش 😂يخي حالا عندي خبرة خير منهم لوكان جيت ضابطة نحرر فلسطيين خسارة فيهم كلمة رجالا
يتبع....ايلول ♕ اشرف
الحلقة «13»
خسارة فيهم كلمة رجالا ههه لوكان يسمعوني يقتلووني فبلاصتي غير نضب لساني احسنلي
كي نضت سمعت ختي تبكي سمعتو هوا معاها يسكت فيها ويعيط قالها شفتي بنت الحراام خلاتك وراحت يعرفو غير يجيبو ويلوحو ملاك كيما نتيا يتخلاو عليك ناس كنت متأكد رح تخليك اصلن واش يجيني من ناس كيف ذوك المهم اقعدي هنا ضروك نجيبلك تفطري
ناض خرج سمعتو كي خرج نضت خرجت ليهاا ياعمري على امل تاعي شفتي بن الكلب يحرد فيك. علياا حاب يحقدك علياا مديريش عليه ارواحي نقعدو تحت البيرو كي تفرغ الحالا نهربو متبكييش حنونة جات في بالي اذا خليتها عندي رح تبكي وتفضحني نخليه يفكرها ونتخبى انا معندو ميديرلها خلي كي يخرج بعد ميفطرها اقعدي هنا وعندك تفضحيني غير حطيتها بدات تبكي سمعت خطواتو قربت تخبيت وجا يجري ليها واش بيك بنتي واش كاين هزها ويسكت فيهاا منعرف مين جابلها الحليب وقيلا يرضع فيها من صدرو فيه لحليب استغفر الله هههههه كلش واجد عندهم لاعلينا مهم تفطر حبيبت قلبي
شربها وخرج عندو زوج وجووه كي نشوفو يحكي معا امل نحسو انسان وحدوخر سبحان الله مغير احوال سور عندو انفصام في شخصية
كي خرج رحت ل امل اياا نوضي بنتي يلا ياسر فينا منزيدوش نقعدو هنا خلينا كلبنا ودجاجنا. منكثروش عليهم هادون لوحووش جيت خارجة لقيتهم يدربو. اويلي فيسع روحو علاش قاعديين هناا يعييوو
يتبع....ايلول ♕ اشرف
الحلقة «14»
روحو علاش قاعديين هناا طيرو جبلكم غمة اسكتي اماال متبدايش تبكي حنونة فجأة سمعت مجموعة جااياا هون حطيت امل ودخلت تحط مكتب دخل شاف ومجموعة من ضبااط ـ سيدي للاسف خسرنا واحد من مجموعتنا راح شهيد خبط اشرف طابلا عيط وضربهاا ااااااا انا قلبي حبس قريب نحلي راسي حطو بدلة تاعو واخرجو عليا دقيقة ونلحقهم نكملو موضوعناا سامي ادخل ـ انعم حضارات ـ روح عيط لضابطة تدي طفلة تخليها عندها ـ حاضر اصحبة ـ امشي اخطيك من دصارة دور طيحلي هيبتي قدامهم ماشي داصرتك مرا تتركب فوقي ايا طير خرج سامي وجات ضابطة هزت اختي وراحت مام اشرف خرج لحق هادووك لقبيل لقالولو ضابط بلي مات
اففففف تخنقت من ذا لبيروو ياربي شاندير او شوف شوف شحطو عندي بدلة عسكرية اممم حليتها مشكيتش تجيني هادي نضت لبستهاا لمدت شعري باش مننكشفش ومن كثرة ماهي عريضة صدري مبانش درت خرجت حطيت يدي على تراب ومسيت وجهي باش متبانش لملامح بالنسبة لزجاحة نسيتها وشديت رجلي ربطتوو ولبست صبااط تاعهم غير نكر في رجلي هزيت اكتافي نستعرض باش يأمنو
هههههه وليت كي رويجل ماشي راجل اياا رحت ندرب معاهم زعما قلي واحد واش جيت جديد ماشي ضاليا نشوفك معانااا،،، ـ ااا احمم احممم ايه جديدة قصدي جديد هنا ـ هههههه مين جابوك اراجل.ـ من دار ـ تتبهلل ـ والو ني سيريو ـ روح نص رويجل وزيد فيك نص عقل
يتبع....ايلول ♕ اشرف
الحلقة «15»
نص رويجل وزيد فيك نص عقل ـ زعماا نتا راجل ـ واش قلت ـ نن مقلت والو كنت نحكي معا نفسي ـ يخي بهلول ـ علبالك كاين بهلول مساميه بهلول ـ واش اك تهدرـ كشما شايف بهلول هنا ـ ايه شكون غيرك ـ صايي مالا ـ وشنو لصايي ـ مقتلك والو صايي خلينا ندربو ـ يخي يخي ـ نضت بعدتو طلعلي لاطونسيون صامط بزااف شفت سامي واحمد لمجانين لكانو شادييني ذيك نهار تقدمو وشكلو افواج وحنا ندربو كل مرة يتلفتو ليا واش بيك حرك روحك تحسب بكرشو يسايس على روحو وطلقوو ضحكة
اااه لوكان نحكمهم نقتلهم ـ سامي قال لاحمد بلي الشاف حيدربنا ليوم
ااا صحاا ـ واش بيك تبدل لونك ـ اسامي اك تعرفو صامط رهج لازم يضغط عليناا ـ هههههه متقلقش روحك معندو ميدير تدي طريحاات برك ـ ارب العالي نوض نكسرلك سنيك شايفني صغير على طريحات عاجبينك نتااا اه ـ نوض اخطيك من هدرة زايدةة ـ سامي شفت رويجل لجديد هادا اول مرة نشوفو ـ رويجل ولا نص رويجل ويعطيه ضحكة نص ضباط تلفتو لهون ـ
احم احم تلفت لضاك لقالي بهلول قتلو واش بيهم هادون لعبتها مسمعهمش قالي واش يانص رويجل واش تحوس تعر ف لي فيك مكفيك تخنزت فيه
بدا يضحك قلي حتى في تخنزيرتك تبان كيووت حرت كيفاش دخلوك هنااا ههه بلاك دخلت بالمعريفة ـ احم واش من معريفة دخلت بجهدي ـ اممم جهدك اياا روح ترقد؟ ؟ـ احم واش بيك نتا جايبهاا من وراياا ـ. بلع فمك وروح لقروب تاعك كشما تستفاد بصح راك عمود زلاميتت لازم تتغذاا هههههه 😂 نتا حليب مك بلاك مشريتوووش هههه ـ ني رايح تقود على روحك ـ اااه اطوال لسانك ـ خزرت فيه ورحت
يتبع....يتبع ديري جام وعشرة ملصقات نكملو...#ايلول اشرف
#الحلقه16و17و18و19و20
ايلول ♕ اشرف
الحلقة «16»
خزرت فيه ورحت يخي صامط يخي يعيي رحت وقعدت في حجرة اربي كرشي كرشي ورجلي يوجعوو فيااا ارب العالي واش حندير شاهادي الحصلة لحصلتلهاا عيطلي سامي قلي دير تسخينات ـ قلو احمد شمن تسخيناا ناس ديرها باش تذوب شحمة وطرطق معاه صاحبو 🤣
نضت خليتهم وقعدت نجري معا لمجموعة ورجلي تطرطق مستحملتش حبست وقعدت وجعتني موت رجلي ااا ياربي مش حاسة برجلي صايي مش حنستحمل جاني هاداك ل (يعيطلي بهلول اسمو اوسامة قيدووه لاسم ) قتلو رجلي تجرحت كااش حاجة نديرهالها قلي نوض كاين اسعافات في غرفة ادخل ليهاا رحت كيما قالي غير خرجت رجلي من صبااط لقيتها غير دم ومنفوخة لقيت شوي زجاج تعذبت باش خرج غلقتها بضمااد معرفتش كيفاش نخيطهاا وزدت ربطتهاا ودخلت رجلي في صبااط
تعبت غمضت عيني رقدت شوي غير غفيت عيط عليا شااف الله يجبهالو خلعني ـ نوض واش مرقدك هادا وقت نوض اياا اخرح عليااا ممبعدا نعاقبك جيت خارحة ـ استنى واش اسمك ـ صديت ليه بتلبك اااا اسمي ي. جعفر 🙂 ـ اياا طير علياا ـ رحت نزرب لقيت هاديك ضابطة شادة اختي
طاحت دمعتي ااه يااختي حبيبتي شحاال توحشتك غير انتي املي في ذي دنيااا ااه اسمحيلي ني مكتوفة يدين ماني قادرة ندير والو حبي اسمحيلي راني عاجزة عجزت يااختي 😔
الله يحمييك قرة عيني
يتبع....ايلول ♕ اشرف
الحلقة «17»
الله يحميك ياقرة عيوني كملت ماشية وسطر قتلي في كرشي ياربي متكونش هيااا مش وقتهاا قعدت شادة كرشي. جاني احمد قلي نوض هز سلاحك رانا رايحيين نحاربو كي قالها قلبي طااح تحتي قلي متخاف ماوالو غير نروحو نأمنو لبلاصة نضت درت واش قالي خرجناا كاامل مستفيين حتى جاا اشرف قلناا يلا تحركوو رحناا معااه وكي وصلنا بداو يقوصوو انا تخببت مورا صخرة ملخلعة قريب درتها تحتي وزيد ليغاڨل هبطت غير تلفتت على صخرة وتجي رصاصة تضرب صخرة
شعرة. ونروح فيها من خلعة دخت وليغاڨل دارت طريقهاا جاني اوساامة حسبني متت قلهم تقوص اجرو ليه وانا فطنت كي كان يحوس على رصاصة وين جات هه بعدتو عليا كان حيفتح الفاست. نضت بعدتو ـ احم مصار فيا والو بعدي ـ دم هادا مين جاا ـ تلبكت وقتلو ياك قتلك تجرحت من رجلي مسحتو في قشي ـ ااا يخي بهلول خلعتني حسبتك متت قلت يموت وميبقاولناش بهاليل ينقضرونا ـ نوض بعدي ـ ني نايض مش حناكلك ـ نضت كان حبس تقواص باسكو ماشي بزااف وقتلوهم بسلامة اشرف هههههه ،طول وعرض يمسك تموتي فبلاصتك .
نضت نمشي وشادة كرشي لقيتهم قدامي وصلو ويشوفوو فياا قلي اشرف ـ تقوصت ـ احم لالا حضاراات ـ مالا مين جاك دم راهو سايح ـ غير رجلي كانت مجروحة ـ شاف فيا بشك بصح رجلك راهي تحت مش لفوق ـ لالا انا مسحت دم فيا ـ روح برك ندير روحي صدقتك ـ حاضر حضارات ـ استنا ـ انعم ـ فطريقك روح لطبيبة راهي في خيمة ـ بصح مابيا والو ـ هدرتي متتكررش ايا طير من قدامي
يتبع....ايلول ♕ اشرف
الحلقة «18»
هدرتي متتكررش ايا طير من قداامي 😑ويتخنزر زعماا كاش نهار يعميك يخي حالا متكبر بزااف تحسب ميخرااش ههه المهم رحت وخليتوو ينبح كي كلب عليهم متقلق دايما دخلت لخيمة لاول مرة نجيها هيا ماشي مسموح ندخل مي دخلت لقيت اختي راقدة رحت ليها نجري ناضت تبكي خلعت مني. اااه منك ياامل نتيا تاني صدقتي اناا منيش جعفر اناا ايلووول صايي متبكييش حنونة هاتي ضمةة ضميتهاا لقلبي وياا داك شعور يهبل ياقلبي توحشتي اختك ولا عجبك سي شااف لي دايما مشتف قولي تقلقت وحتبكي ااه ياامل منك داك نيف عليه داك الحڨااار
اوجه الشر اا نقصد وجه لملاك نتيا من صغرك تدللي عليااا امل حنونة من لبارح مكليت والو ضروك نشوف كشماا ناكل ونجي كرشتي دخلت. خرحت لقيت سامي عيطتلو ـ احم سامي ـ واش تحوس ـ ني جوعاان وين تاكلو نتوماا ـ اا روح لهيك تلقاا ـ اا صحيت ـ واش بيك ناعم هاك ـ تخنزت فيه ومشيت ـ نوض نقتلك تتخنزر فيا حسبتني اسامة نكرفسك اناا ـ قود ـ واش قلت ـ كلمة وهرب بيها ريح ـ امشي من قدامي لنطيحلك سنيك
خليت عليه ومشيت جعت ياربي لقيت مكان لقالي عليه قتلهم جعت جابولي الخبز وقواطا تاع سرديين و تونة و فرماح كليت شوي وكي نضت لقيت لكرسي قدم اويلي على تبداايل 😳
شاندير بعمري ااه شاهادي موصيبة نضت نجري بلا مننمسحوو خلعت معنديش كيفاش نبررلهم
يتبع....ايلول ♕ اشرف
الحلقة «19»
خلعت معنديش كيفاش نبررلهم خرجت تلاقيت بأشرف قلي واش بيك ـ والو شاف ـ علاش متلبك ـ نن ني الاز تحسست من ماكلا برك ـ ايا امشي ـ حاضر حضارات ـ رحت لختي ملقيت والو فبلاصة لبوند رحت للضابطة لقبيل قتلها وين غرفت ضابطات ـ علاش تحوس عليها ـ حاجة سرية بيني وبين الشاف ـ راهي منهيه وراتهالي رحت ليها لقيتها فارغة قلبت دنيا على ليبوند لقيت بسيف دخلت عليا وحدا دخلتتها في صدري قاتلي واش تحوس قتلها مهمة برك ـ امم ـ واش بيك تشوفي فيا بشك ايا بعدي من طريقي ـ
خرجت ورحت درتهاا بدلت القش تاعي وحطيتو في خيمة تبديل وخرجت تنفست وريحت الحمدلله تهنيت رحت لختي قعدت معاها حتى لغفيت نسمع في لعيااط براا جاني جندي وقلي يحوسو عليكم كامل اخرج خرجت ولقيت شاف منرفز قالناا دخلت لبلاصة اكل لقيت دم في الكرسي شكون لمتصاوب هناا قالو اوسامة جعفر لكان مجروح من رجلوو قتلوو لالا صايي ني صفا ـ
قلنا شاف اشرف هوا متكلف بينا ولازم يحافظ على سلامتهم ولي مجروح يبعثو عند طبيبة لي في خيم
يعني هوا مسؤول على ادق تفاصيل
افففف كي ينڨرش انا في عالم وهوا في عالم حابة نروح لدارناا توحشت جداتي واش صاري فيها زعمااا ربي يحميهاا
بعد ما حكا معانا قلنا منزيدش خطأ
ان شاء الله روح برك اخطيناا يامعفن لوكان يسمعنا يادرا واش يصرا فيا
يتبع....ايلول ♕ اشرف
الحلقة «20»
ياردا واش يصرا فيا نوضني من سوهتي كي قال ارجعو لبلاصكم نظمنا الصف وبدينا نجريوو واحد ورا التاني...جرينا بزااف على طول الساحة....
الصراحة موالفة نجري وارا دجاج بصح تعبت بزااف...عيت نكمل هوما كامل كملو يرجيوو ونا حبست في بلاصتي...وحطيت يديا على ركبتي..وبديت ننهج...والعرق بظا يخرج مني وزيد الصباط وجعني بزااف....وااايي رجليا معدتش نحس بيهم المهم قعدنا مدة وحنا نتدربوو حتى وصل الغداااا..
ونا قلت نروح عند اختي شحال راني هاملتهاا رحت للغرفة لي فيها امل لقيتها مسكينة فاحمة بالبكى هزيتها وضميتهاا ياروح قلبي واش جرالك علاه تبكي هكاا توحشتيني اسمحيلي ياحبي جرجرتك معايا بصح هنااا وصااييي رح نروح لدارنا دافيااا
هزيتها وخرجت شفت ضباط يربوو شوي بعاد علياا يعني ميتولهوليش فتحت الفاست ودخلت امل فيها وغلقتهاا في نفس الوقت شادتها باش ماطيحش (باين غير راسها)
جيت نمشي عيطلي اوسامة (عاطياتو بظهري ) ياربي واش يحوس مني تاني موصيبة ماشي وقتو قلي واش اك دير قرب لياا وهدرت معاها بلا منتلفت ـ ارواح بول معاياا خير ـ اياا روح ومطولش ـ ـ ني رايح غير اخطيني برك ـ من بعد نحاسبك على طول لسانك ـ كي تلقاني قبل ـ واش قلت ـ مقلت والو ـ اا صحا روح ومطولش ـ
افففف تهنيت منوو رحت نمشي ونزرب ليفيقو بيا وصلت لبلاصة لكانوو حكموني فيهاا سامي واحمد لقيت جروي (كلب) متخبي رحت ليه فرح بدا ينبح
كملنا نمشو وهوا وراياا يلحق فياا حتى وصلنا لدار شحال توحشتها دخلت ليها حطيت اختي ورحت للكوزينة كشما ندير باش ناكل جعت
رحت درت لمسمن وطيبت لقهوة وخلطت حليب لختي رحت قعدت معاها هيا تشرب وانا ناكل.
امل اقعدي ومتتحركيش نروح نتحمم ونجي قريب تعفنت تماا
رحت غيرت وتحممت. ولبسة جبة وفولارة
ااه يارحتي النفسية في بيتي
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
