الفلاح والمخطوفه قصة رومانسية ممتعه الفصل الاخير بقلم الكاتبة_صباح_عبدالله_فتحي حصريه وجديده
الفلاح والمخطوفه قصة رومانسية ممتعه الفصل الاخير بقلم الكاتبة_صباح_عبدالله_فتحي حصريه وجديده
تاني يوم في غرفة ريماس..ريماس قاعدة على السرير، ضامة رجليها لصدرها، وهي سرحانة، ملامحها كلها حزن.. الباب خبط.
ريماس
لو سمحتي يا مي، حابة أفضل لوحدي شوية.
اتفتح الباب، ودخل رياض، بص لها بحزن.
رياض
هو إنتِ ما بقاش ليكي غير مي يعني؟
ريماس بحزن
هي الوحيدة اللي عمرها ما خبت عني حاجة، ولا خدعتني وضحت بيا عشان أي حد.
تنهد رياض بحزن، وقعد قدامها على السرير.
رياض
ليه شايفة إني خدعتك أو بضحي بيكي؟ أنا بس ما حبتش يبقى في فرق بينا، وما حبتش تاخدي فكرة إني أخوكي من الأم بس.. وبالنسبة لجوازك من جبل، أنا مش بجبرك ولا بضحي بيكي. جبل مكتفني مرة بيكي ومرة بستك، وإنتِ عارفة ما عنديش أغلى منكم.. جبل قاعد تحت ومعاه المأذون، وأنا مش هغصبك على حاجة، والاختيار ليكي. بس لازم تحطي في بالك إن حياة ستك هي المقابل دلوقتي.
ريماس بصت له بقلق وحيرة. رياض قام عشان يخرج، ريماس قامت بسرعة وهي بتقول.
ريماس
استنى يا رياض، أنا موافقة على جوازي من جبل، بس إنت ضامن إنه مش هيعمل حاجة في ستي بعد ما يتجوزني؟
رياض
ما ظنش جبل هيخلف بوعده، وهو من اللعبة دي كلها مش عايز غيرك، بس للأسف اختار الطريق الغلط.
ريماس باستغراب
مش عاوز غيري إزاي؟ مش فاهمة.
رياض بهدوء
ده اللي لازم تفهميه لوحدك يا ريماس.
ريماس فضلت واقفة تبص له بعدم فهم.
_____
في الصالة كان قاعد جبل معاه المأذون.. وقاعدة سناء مبتسمة وهي مش حاسة بالراجل اللي واقف وراها، رافع البندقية ومستني إشارة واحدة من جبل عشان ينهي حياتها.. وقاعدة مي بتبص لها بحزن وخوف.. خرجت ريماس مع رياض، واتصدمت أول ما شافت اللي بيحصل. رياض بص لها بحزن.
رياض
جالك كلامي؟ بإشارة واحدة منه حياة ستك هتنتهي، وحتى أنا مش هقدر أعمل لها حاجة.
ريماس بصت لجبل بغيظ، وجريت حضنت ستها.
ريماس
تيته حبيبتي، وحشتيني أوي.
سناء بفرحة
ريماس يا روحي، أنا فرحانة أوي ليكي. الجدع ده طيب وابن حلال، ومش مصدقة إنك خلاص كبرتي وعشتي قصة حب حلوة زي اللي حكهالي جبل.
ريماس بصت لجبل بغيظ، وجبل ابتسم وهو بيغمز لها.
جبل
يلا يا مولانا، اكتب. العروسة موجودة، ووكيلها كمان.
قعدت ريماس جنب ستها وهي بتراقب اللي بيحصل بحزن، ومي قريبة منها وهي بتعيط عليها.
مي
ريماس، إنتِ كويسة؟ وبجد موافقة على الكلام ده؟
ريماس بصت للراجل اللي ورا سناء وهي بتقول بحزن.
ريماس
مش مهم دلوقتي يا مي، الأهم حياة ستي دلوقتي.
المأذون بدأ مراسم الجواز، ورياض حط إيده في إيد جبل وهو مش طايقه.. وبعد وقت كانت ريماس خلاص بقت مرات جبل، والمأذون هتف بفرحة.
المأذون
مبارك يا جبل بيه.. مبروك يا رياض باشا.
جبل بص لريماس اللي دموعها مغرقة عيونها، وهو بيقول بحزن.
جبل
الله يبارك فيك يا مولانا.
________'
وعدى أسبوع، وريماس مش بتعمل حاجة غير إنها بتعيط.. ومهما رياض ومي عملوا، مش عارفين يطلعوها من حالتها.. لحد ما جه اليوم اللي كانت خايفة منه، وخلاص مجبرة تبقى هي وجبل تحت سقف واحد.
جبل عمل فرح كبير في البلد يعلن جوازه منها. وجت اللحظة اللي هياخدها فيها زي أي عريس بياخد عروسته.
وأول ما ريماس دخلت غرفتها هي وجبل بالفستان الأبيض، وقفت مصدومة لما شافت صورها في كل مكان، من وهي طفلة، وصور كتير ليها هي وجبل.. دخل جبل وقفل الباب، وبص لها بحزن.
جبل
أكيد إنتِ مش فاكرة حاجة من الصور دي، ولا فاكرة حتى مين هو جبل؟
الدموع اتجمعت في عيون ريماس وهي بتبص له.
ريماس
إنت عايز تثبتلي إيه باللي إنت عملته ده؟
قرب منها جبل، وحاوط خصرها بدراعه وهو بيتأمل ملامحها.
جبل
مش عايز أثبت حاجة، غير إني بحبك يا ريماس. بحبك من وإنتِ عيلة صغيرة، بس للأسف الدنيا خدتك مني، وإنتِ عشتي وكبرتي ونسيتي مين هو جبل. بس جبل ما نساش ريماس لحظة واحدة، وما كانش مصدق عيونه لما النصيب جمعنا تاني. وما كانش ينفع أقولك حاجة من دي غير وإنتِ مراتي حلال وقدام ربنا.
ريماس بدموع
ولما إنت بتحبني، عملت كل اللي عملته ده ليه؟ إنت كده خلتني أكرهك بدل ما أحبك.
جبل بحزن
ولو كنت قولت إني بحبك وعاوزك بما يرضي الله ورسوله، كنتِ قبلتي تتجوزي من فلاح تاجر سلاح زيي، وإنتِ ما شاء الله دكتورة قد الدنيا، اتربيتي وكبرتي في القاهرة، ومتفتحة على حاجات كتيرة وفاهمة الدنيا صح؟ كنتِ هتقبليني؟
ريماس بصت له بحيرة وسكتت لحظة، وبعدين قالت بحزن.
ريماس
وأنا كده يعني قبلتك؟
بعد جبل عنها وهو بيقول بهدوء.
جبل
المهم إنك خلاص بقيتي مراتي، وهنام وأصحى وإنتِ في حضني، والحب والقبول هييجوا مع الوقت. ولما تعرفي مين جبل، هتفهمي أنا ليه عملت كل اللي عملته ده.
وقفت ريماس مصدومة، وهي مش مصدقة إنه بيحبها للدرجة دي، وكان مستعد يقتل أغلى الناس على قلبها علشان بس ياخدها، وما قدرتش تحدد هو مجنون ولا عاشق حقيقي..
_______
ومر ست شهور... وجبل ما كانش بيعمل حاجة غير إنه يحاول يقرب منها، ويخليها تقبله وتقبل حبه. عمره ما أجبرها على كلمة، ولا لمسة، ولا حتى طلب منها حق من حقوقه. كان كل يوم يثبت لها بالفعل قبل الكلام إنه بيحبها بصدق.
أما ريماس... فكانت لسه شايفة نفسها أكبر من إنها تحب واحد فلاح وتاجر سلاح. كانت كل ما تبصله تفتكر أول يوم خطفها فيه، لكن اللي ما كانتش واخدة بالها منه إن القلب عمره ما عرف فرق بين غني وفقير، ولا متعلم وجهل. القلب لما بيحب، بيحب من غير استئذان.
وجه اليوم المنتظر... يوم خطوبة وكتب كتاب رياض ومي.. البيت كله كان مليان فرحة، والناس رايحة وجاية..
داخل أوضة مي...
كانت مي قاعدة قدام المراية، وريماس بتساعدها تلبس الطرحة وهي مبتسمة لفرحة أخوها وصديقة العمر.
مي
إيه رأيك؟ حلوة الطرحة دي ولا أغيرها؟
ابتسمت ريماس وهي بتظبط الطرحة.
ريماس
لا... حلوة أوي وانتي جميلة فيها ما شاءلله ربنا يتمملك على خير.
بصتلها مي من خلال المراية وابتسمت بخبث.
مي
أهو أخيرًا شوفت الضحكة دي... كنت فاكراكي نسيتي تضحكي.
ريماس ابتسامتها اختفت.
ريماس
فيه حاجات من برة عكس اللي جوه يا مي.
قامت مي ومسكت إيديها.
مي
ولحد إمتى هتفضل تعاقبي نفسك... وتعاقبي جبل؟
ريماس
أنا مش بعاقبه... أنا بس مش قادرة أنسى.
مي
أنسى يا ريماس علشان تقدري تكملي المشوار. عارفة انه غلط؟ بس هو اعترف بغلطه. ست شهور يا ريماس، عمره ما قرب منك غصب، ولا رفع صوته عليكي، ولا حتى خلاكي تحسي إنه مستني منك مقابل.
بصت لها ريماس ريماس بحزن … كملت مي بهدوء.
مي
أنتي متخيلة جبل اللي الكل بيترعب منه. كل يوم بيصحى قبل الكل عشان بس يجهزلك القهوة اللي بتحبيها.. ولما تعبتي الأسبوع اللي فات، فضل صاحي قدام أوضتك يومين كاملين، وكان بيسأل الخدامة عليكي وما دخلش علشان ما يضايقكيش.
نزلت ريماس عيونها.
مي
هو غلط... آه غلط. بس يا ريماس... فيه ناس بتغلط لأنها شريرة، وناس بتغلط لأنها بتحب بطريقة غلط.
دموع ريماس لمعت.
ريماس
أنا كل يوم بحاول أكرهه... وكل يوم بلاقي سبب يخليني محتارة. مابقتش قادره احدد انا بحبه ولا بكرهوا.
ابتسمت مي.
يبقى قلبك سبقك... وإنتِ اللي لسه معاندة. اقبلي ياريماس الحب ما بجيش في العمر غير مره واحدة ولو خسرتي هتندمي لباقي عمرك.
ريماس بصت لها وهي بتفكر في كلام.. القلب بيقول جبل حب العمر اللي اي واحدة تتمناه.. بس العقل رافض و بيقول مش هو ده اللي يستهلك..
_______
في الجنينة...
كان كتب الكتاب خلص، والزغاريد مالية المكان. رياض لبس مي الدبلة. أما جبل... فكان واقف بعيد، كل نظره على ريماس، من غير ما يقرب… لاحظ رياض.. قرب منه وربت على كتفه.
رياض
مش هتروح لها؟
ابتسم جبل ابتسامة حزينة.
جبل
الوردة يا ولد ابوي... كل ما تجري وراها تهرب منك، لكن لو سقيتها وصبرت عليها، هي اللي هتميل ناحيتك.
ابتسم رياض.
رياض
واضح إنك اتغيرت يا جبل.
تنهد جبل.
الحب يا رياض... يعمل اللي عمره ما اتعمل.
في اللحظة دي...صرخت طفلة صغيرة وهي بتجري وبيجري وراها حصان فلت من صاحبه. الكل اتجمد مكانه. الحصان كان خلاص هيخبطها.
ومن غير تفكير...جبل جري بكل قوته وشد الطفلة في آخر لحظة، لكن الحصان خبطه في كتفه بقوة ووقع على الأرض.
الناس كلها جريت عليه. ريماس كانت أول واحدة وصلت. ركعت جنبه وهي بتصرخ.
ريماس
جبل... انت كويس؟
جبل بص لها وابتسم وهو ماسك كتفه بوجع.
جبل
إنتي اللي كويسة ياحبة عيني.
انهمرت دموعها
إنت مجنون... كان ممكن تموت.
جبل
أموت... ولا أشوف دمعة في عينك؟
حضنته ريماس لأول مرة بإرادتها وهي بتبكي.
ريماس
أنا تعبت من الهروب... وتعبت من العند.
بصلها بعدم تصديق.
جبل
يعني... سامحتيني؟
هزت رأسها وهي بتبتسم وسط دموعها.
ريماس
سامحتك... وبحبك يا جبل... بس أوعدني.
جبل
أوعدك بإيه؟
ريماس
أوعدني إن جبل اللي عرفته في الست شهور اللي فاتوا... يفضل هو جبل العمر كله.
رفع إيده ومسح دموعها.
جبل
أقسم بالله... ما هتشوفي مني غير اللي يفرح قلبك ويملي الفرحة في عيونك.
ضحكت وهي لأول مرة تحضنه من غير خوف. في اللحظة دي، تعالى صوت الزغاريد.. ابتسم رياض وهو بيحضن مي.
رياض
شكل النهارده فرحين... مش فرح واحد. وظن كدا جبل هيعمل الدخله معنا.
ضحكت مي وهي بتضربه على كتفه.
مي
هو متجوز يا فالح انما انت لسة بدري عليك.
رياض بص لها بزهق.
رياض
طيب ياختي ربنا يصبرني عليكي الشهرين دول وما تهورش.
ضحكت مي يصوت عالي.. نتهى اليوم وسط الزغاريد والفرحة... وبعد رحلة طويلة من الوجع والعناد، انتصر الحب، واتجمعت القلوب اللي فرقتها الأيام... وعرفت ريماس أخيرًا إن الرجولة مش منصب ولا شهادة ولا فلوس... الرجولة أفعال وجبل أثبتها كل يوم يثبت لها حبه من ما ينطق بحرف وساب افعاله هي اللي تتكلم عن اللي في قلبه… وريماسكليومبيعدي بتبقي اسعدمن اللي قبله وحيتها مع جبل كلها شقوة وللغب وسعادة مالهاش نهاية.
النهاية
قصص_قصيرة_كوميدي_رومانسي_كاملة
انتظروني مع قصة وحكاية جديدة من حكاياتي
تعليقات
إرسال تعليق