سكريبت الاسمر الفصل الثالث والرابع بقلم نور سمرا حصريه وجديده على مدونة النجم المتوهج
 |
لتفت لشوف بنت عم تتخبى ورايي
لمى:ببكي داخلة على الله وعليك ماتخليهن يدبحوني
علي: كنت لساتني مصدوم من العتمة ماكنت شايفها منيح كانت خايفة لدرجة وعم تتخبى ورايي وهي عم تبكي وترجف وفجئ لتمو علينا شي عشر شباب
مهران:بصراخ تعي لهون ياكلبة والله لعدمك حياتك
وقرب بدو يشحطها من ورا علي بس علي مسك ايدو وبعدها عنا
علي: بغضب يلي بدو يقرب منا لا ادفنو بارضوو سمعتووو بعد هيك ولاااك
ماهر: ومين انت ولاك لحتى تمنعنا عنا بعد هيك احسن من نقبرك معاا
ياسين: بعصبية طلعي ياحقيرة عم تتخبي وراه ليكون هاد حبيب قلبك وبدك تهربي معو
مهران: ياسين شو قصدك بهاد الحكي لشو عم تلمح
ياسين: والله يلي سامعو اكيد لهيك رفضتني متفقة معو وهي شوفها كيف متخبية وراه الشغلة واضحة متل عين الشمس
ماهر : والله لا اطلع بروحهن اذا هالحكي صحيح
علي: فشرت عينك مو علي المغربي يلي بيضحك على بنات الناس وبيخطفهن نحنا ولاد اصل ومنعمل بأصلنا وبس بدنا مندخل لبيوت من بوابها وروح اسال عنا
وانا وعز الله لابعرف هالبنت ولا بحياتي شفتا بس هي دخلت عليي وانا على دبحي مابسلمها فهمتو
قيس: وحمل عصايا من السيارة وقف حد علي ياشباب اقصرو الشر وروحو من هون نحنا لا خطفنا ولا النا علاقة نحنا كنا ضيوف ببيت ابو عمر الشيخ وراجعين على بيتنا
مهران: ماهر احكي مع ابوك يجي ويجيب معو ابو عمر وخلي لكبارية يحددو مصيرهن
شوي واجتمعو ابو مهران واخوه ابو ياسين واخوه ابو حمزة ومعن خالد يلي كان شمتان ب ياسين لدرجة
ومعن ابو عمر
ابو مهران: شوفي ياولاد وينا لمى ؟؟
ياسين: بغضب بنتك ياعمي عم تتحامى يالغريب
ابو عمر: بهدوء شو القصة ابو مهران لي ولادك عم يتهجمو على ضيفناا؟؟
مهران: ضيفك ياعمي مانعناعن اختنا ونحنا كرامة الك لهلق ساكتين
ابو عمر: من بعد اذنك اخي ابو مهران واذن الحاضرين بتشرفو معي ع المضافة لنحل هالقصة
كان ابو عمر من كبارية الضيعة والو هيبتو وكلمتو مابتصير تنتين بالضيعة
مشيو لكل على مضافة ابو عمر ولمى لساتها متخبية ورا علي وعيون لكل عليها ولكل عم يتحلفلها
ابو عمر : يااام عمر خدي الصبية لعندك وممنوع تطلع لا اندهلك انا
ام عمر: امرك تعي بنتي
ابو عمر: شو المشكلة يا ابو مهران ؟؟
ياسين: انا بقلك عمي المشكلة انو اليوم كان كتب كتابي على بنت عمي ابو مهران بس الحقيرة هربت وصغرتنا بين الناس
ابو عمر: بحدةهالمرة مارح احكي معك لاانك معصب بس عيدها وقاطع كلام يلي اكبر منك ولا شو رايك ابو ياسين
ابو ياسين: عداك العيب اخي ابو عمر بس الشب فاير دمو ومو قصدو يقلل من قيمة الموجودين
ابو عمر: يعني بفهم منكن انو البنت مابدا ابن عما وانتو بدكن تغصبوها عليه
ابو مهران: نحنا من ايمت عنا بنات تقول لا يا ابو عمر
دائما الكلمة للرجال وابن عما اولا فيها ولكل بيعرف هالكلام ومن طول عمرنا ماشين ع هالتقاليد البنت مالا كلمة بس الشيخ ابو محمد مابعرف من وين طلعلنا بهي العادة ومعم يكتب لكتاب ليسمع راي البنت
مهران: وبعد اذنك عمي البنت بدنا ياهاا
علي: وعم يتزور اخواتها عمي البنت بحمايتي والزواج مو بالغصب ربنا ما امرنا بهاد الشي والبنت من حقها تختار شريك حياتها
ابو عمر: كلام علي مظبوت وانا هلق رح اطلب البنت واسالها قدامك اذا موافقة ع هالزواج واذا رفضت موكل عليك الله ياابو مهران مابتمدو ايدكن عليها
ابو مهران::كلامك على عيني وراسي ياابو عمر وماعاش يلي بكسر كلامك نادي للبنت ومتل مابدك بصير
ماهر ؛ بس يا بيي
ابو مهران: بحدة انتهيناا
دخلت لمى : المضافة عم ترجف من خوفها ونظرات لكل كانو ذيابة وبدا تنقض عليها
ابو عمر: بنتي انت موافقة تتزوجي ابن عمك ياسين
لمى : وطلعت باياسين بخوف وبرجفة حكت لاااا
انتفض ياسين وبدو يهجم عليها بس كان علي اسرع وشدهاا عنو وخباهاا وراه
علي: عمي ابو مهران انا طالب القرب منك وبشرفني اطلب ايد المحروسة بنتك على سنة الله ورسولو
قيس: فتح تمو متفاجئ بطلب علي
بلشت الاصوات تعلى وتهجمو على علي
ابو عمر: بصراخ خلص اهدو كل واحد يقعد بمكانو شو هاد لافي احترام ولا تربية هيك تعلمنا نرفع اصواتنا بحضور لكبار ياعيب الشؤم عليكن
وائل طلعهن لبرا لشوف
وائل: امرك يابيي تفضلو شباب
طلعو الشباب وكل واحد عم يتوعد ل علي شكل وكلو دمو فاير وناطرين برا
ابو عمر: شو يا ابو مهران الشب طلب البنت وماغلط
ولا بدك حدا من ولادك يبتلى فيها ويدخل السجن
بدل ما تحطوها برقبتكن زوجها وخليها تروح مع زوجها احسن ماتخسر حدا من ولادك
ابو مهران: وطلع ب لمى بقهر الله يعدمني ياكي
بدك توطي راسي اخرة عالعمر الله يلعن البنات وساعتهن ابو عمر انا تبريت منا ليوم الدين ومابدي شوف وشا وكرامة الك رح عيفها ساوي يلي بدك ياه
مابدي اخسر حدا من ولادي كرمال هالكلبة عديمة الشرف طلع معصب من المضافة
لمى ؛ انهارت وبلشت تبكي بصوت عالي
مهران: شو ياببيي تركتها الهن ؟؟
ابو مهران: انا ماعندي بنات فهمتو انسو انو الكن اخت وسيرتها مابدي اسمع فياا الله يغضب عليها
وقدامي كلكن ع البيت يلاااا
ماهر: مابروح لا اخد روحها لا هالواطية
ابو مهران بعصبية: مارح عيد كلامي قدامي ع البيت كلكن مشيو لكل ورا ابو مهران وكل واحد عم يتحلف لا لمى بقلبو
ابو عمر: وائل روح جيب الشيخ
بعد حضور الشيخ ولشهود انكتب كتاب علي ولمى
قيس: بهمس لك انت بشو وقعت حالك
علي: قيس مو وقتك هلق
ابوعمر: يلي عملتو كبير كتير ياعلي الله يسعد مرباك
والله انك رجال كفو بس بدك دير بالك من اخواتها لا يغدرو فيكن وبالاخص ياسين
علي: ماتخاف عمي الله الحامي وهنن يقربو ويشوفو مين علي
ابو عمر : رح ابعتكن بالفان تبعنا اضمن لاتطلعو من الضيعة بخير وسلامة والسيارة هلق بخلي لولاد يشحطوها لهون
علي: يكتر خيرك عمي فضلت على راسن
طلعنا ب الفان وهي جنبي عم تبكي ع الصامت ولساها عم ترجف ااخ ياعلي انت شو عملت هلق شو رح تقول لا امك والله لاتنجلط اووف بس غصب عني ماقدرت اتركهن يقتلوهاا معقول لسا في ناس عندا هالتخلف شو ذنبا هالبنت باين انو بعدها صغير
وصلنا على باب البيت قريب نص ليل يارب كون معي
الله يستر فتحت الباب ودخلت وهي ورايي
ام علي: بخوف علي شغلت بالي لي ل٠٠
مين هي علي
علي: هي مرتي ياموو
ام علي: شووو وفقدت وعيهاا
علي: بخوف ياامو فتحي عيونك بوس ايدك
وطلع ب لمى روح جيبي مي بسرعة
لمى: اااه اي وانا بعرف وين يمكن هاد المطبخ دخلت وعبيت كاسة ورجعت ركض لعندو
علي : وعم يمسح بالمي على وشها ياامو اصحي
شوي بلشت تصحى حملها واخدها على غرفتو ولمى بقيت برا بارض ديار
ام علي: ببكي ياحوينة تربايتي فيك ياعلي هي اخرتها تتزوج من ورايي
علي: لي عم تحكي هيك ياامو
ام علي: بتتزوج من دون شوري وهيك بتجيبها ولاعبالك
علي: ياامو القصة مو هيك والله رح احكيلك شو صار بس مشان الله بطلي بكي مابهون عليي شوف دموعك الله يوفقك سمعيني
ام علي: احكي لشوف شو بدك تبرر ياحيف عليك بس
علي: (حكالها كل القصة )هي القصة لو ما تزوجتا كانو اهلا دبحوها والبنت دخلت عليي كيف بدك اتركها وكانو ما تحامت فيني مابنسى منظرها وكيف هجموا عليها
ام علي: ليكون البنت عاملة العيبة لهيك هربت
ومو متل ماحكو وبلوك فيها لك امي
علي: لا ياامو البنت هربت مابدا ابن عما وانا شفتو اي معا حق تهرب منو يخربيتوو لا شكل ولا منطق وباين عليه مشراني كتير
ام علي: والبنت شو اسما وقديش عمرا ؟؟
علي: مابعرف وحتى لمحتها لمح مادققت بوشها ابدا
ام علي : امم طيب نادي عليها لشوفها
علي: يابنت تعي لهون
لمى: قربت من باب الغرفة وايديي عم يرجفو ودقيت ع الباب
علي: فوتي
فتحت الباب وفتتت وبخجل نطقت مساالخير
ام علي وعلي انصدمو بالملاك يلي قدامهن
ام علي: بقلبا وليي عليكي ياعليا راح الصبي شو هالجمال وهالنعومة وهالركازة مشالله
كانت لابسة فستان زهر لتحت الركبة ونص كم وشعرا اشقر متل الدهب عيونها شهل بجننو انفها صغير وتما متل حبة الفستق وعليها خصر وطول وقامة بتقول للقمر قوم لا اقعد محلك
علي: معقول في هيك جمال وانا عم قول لي ابن عما جانن عليها اي والله معو حق ولو مكانو لا اخطفها وغصبن عن لكل
ام علي: شو اسمك
لمى: اسمي لمى
ام علي: وقديش عمرك يا لمى ؟؟
لمى: عمري ١٧
ام علي: وصغيرة كمان لا انا شكلي رح ضيع علي وبكرا بتسحبو ناحيتها وبتصفي بدار العجزة ياعليا لا انا مالازم خليه يتقرب منا
علي ياموو قوم لغرفتك نام ورتاح والصباح رباح
علي: وعيونو على لمى اي ياامو قايم تصبحي على خير
ام علي: وانتي لا تمي واقفة مكانك فتحتي لخرانة وطلعي شرشف وفرشي ع الطراحة يلي هناك ونامي يلا
لمى: امرك خالتي
ام علي: شو خالتي انا حماتك بتقولي امرك مرت عمي
لمى: امرك مرت عمي
***
بالضيعة
رايح جايه ومو مصدق انو حبيبتو تزوجت واحد غيرو
خالد: ياسين اقعد خيلتني وانت رايح جاي يازلمة
ياسين: لك خالد نار وشاعلة جواتي رح طق لك كيف بتقبل بهداك وانا ابن عما بترفضني قدام الناس وبتصغرني
خالد؛ بيني وبينك انا كل هالقصة ما دخلت راسي انو شو هالصدفة يطلع هالشب وتتحامى فيه وبعدا يطلبها وتوافق عليه دغري
ياسين: قصدك انو متفقين سواا؟
خالد: لك اكيد متفقين مابدا تنين يحكو فياا وانا لو مكانك ما بسكت ولا بخليهن بتهنو واصلا كيف خليتهن يطلعو من الضيعة سالمين مابعرف
ياسين: وقعد قدام خالد لك ماشفت ابو عمر هو السبب وانا ياخالد اذا ما انتقمت منا لبنت عمك الواطية مارح يهنالي عيش وبدي مساعدتك
خالد: ولك ابشر لعيونك معك ع الموت وحياتك
ياسين: ولك كفوو ابن العم
رح لاقيكي ياالمى واتشفى فيكي وبزوجك وانا ياسين
استني وشوفي
**
الصبح صحيت على اصواتهن برا قمت طويت الشرشف ورجعتو مكانو وطلعت
علي: شو وينا لساتاا نايمة؟؟
ام علي: اي تركتا نايمة
لمى: بخجل صباح الخير
لكل صباح النور
ام علي: غسلي وتعي فطري الحمام على ايدك اليمين
لمى: غسلت ورجعت قعدت معن كنت خجلانة كتير فجئ لاقي حالي بين ناس غرب ومتزوجة شب مابعرف عنو شي غير اسمو
علي: صبلها شاي وعطاها خبزة كلي وماتخجلي نحنا صرنا اهلك
ام علي: بقلبا ولي على قامتك ياعليا بلش يدللها من اول يوم اي لمى خبرينا ليه هربتي من بيت اهلك
لمى: بحزن بدن يزوجوني لا ابن عمي غصب عني
وقت قلت لا كانو بدون يدبحوني لهيك هربت
ام علي: وانتي لي رفضتي ابن عمك ؟؟
لمى: لانو قاسي وايدو والضرب وكلامو كبير
كان يضرب خواتو البنات ع الطالعة وع النازلة لدرجة بس تشوفيهن تخافي من منظرهن من كتر الضرب
علي: بغضب لانو حرمية يلي بتقاوى على مرا مو رجال تفففه
ام علي: بقلبا شكلا مابيوحي انها كذابة البنت باين انها ادمية وبريئة والله مايشوفوها نسوان الحارة لينجلطو
ابني انا بدي انزل ع السوق وجبلا شوية غراض لمرتك
وكمان رح بعمل عزيمة صغير لنسوان الحارة ليعرفو انك تزوجت بلا ماحدا يشوفها ويبلشو حكي علينا وانت بتعرف اهل الحارة بدن كلمة
علي: متل مابدك ياموو ساوي يلي بدك ياه انا رايح ع الشغل عاوزين شي
ام علي: وكمان صار يشملها لا تقبرني بدي سلامتك
علي: وطلع على لمى جبلك شي معي ؟؟
لمى: بخجل هزت راسها ب لاا
ام علي: بغيظ يلا ابني روح بلا ما تتاخر
طلع علي وام علي رجعت قعدت مع لمى وعلى اسئلة
انا رح البس واطلع وانت نضفي البيت
لمى: امرك مرت عمي
ام علي: تركتها ودخلت غرفتا اي ياعليا يعني ابنك تزوج والبنت لازم تنام معو بالغرفة وابنك باين عليه انو عجبتو لك انا كل هالمدة عم مطمط بزواجتو بروح بيتزوج وشو بنت ااخ رح يطق راسي احسن شي اطلع من البيت وفكر منيح ما خليه يقرب منا
بعد ماطلعت ام علي
لمى: بلشت شغل بالبيت
دخلت غرفة علي كانت ريحتها بتجنن دخان مع عطر وانا بعشق هالريحة رتبت تختو وحملت قميصو ومابعرف كيف خطر عبالي شمو ياويليي ريحتو بتجنن
بعدتو عني ولك لمى شو عم تعملي ولك هبلة
خلصت ترتيب ومسح وطلعت
قعدت حد البحرة يلي بارض ديار ونزلو دموعي اشتقت لا امي كتير ياترى كيف حالتها هلق
معقول يكون بيي عملا شي سامحيني ياامي دخيلك
والله ماقدرت قول اي ماقدرت بكرهو لياسين بكرهوو
***
جوري: طلعت من البيت عم تتمختر على امل تلمح
علي دخلت الدكان كيفو ابو سميير
ابو سميير: ولك اهلا وسهلا بأحلى جوري لك من زمان هالقمر مابان
جوري: لك اخي حسين نزل اجازة وكاتم على نفسي الله وكيلك طلعت هريبة من البيت عطيني علكة لروح
ابو سميير: بتامر جوري خانوم
جوري: بدي اسالك شو صار بخناقة علي وربيع ؟؟
ابو سميير: ولاشي ابو عدنان خاف من علي لهيك ما اشتكى وعلي حاليا عم يشتغل بسوق الهال يعني فرطوها
جوري: امممم خود هي حقها سلام
طلعت لبيت فريال اكيد عندا اخبار
فريال: اهلين جوري فوتي
جوري: عندك حدا ؟؟
فريال : لا لحالي امي راحت لبيت جيرانا واخواتي بالشغل
جوري: اي منيح شلحت الشالة ورمتها ع الكنبة اووف دايق خلقي والله من وقت اجى حسين معم اخد راحتي بنوب كاتم على نفسي الله وكيلك حتى اغاني معم استرجي شغل من وراه
فريال: جوريتي طبقيلي ياه لحسون مو بيستك انا😓
جوري: يبلاكي بقتلك حاطة عينك على اخي ولك مقوصة بس مانصيحة هاا عقلو صعب كتير
فريال: لك معلش قبلانة بس انتي ساعديني يعني احكي عني قدامو مدحيني وبس يكون دقيلي اجي وشوفو ويشوفني
جوري: 😂😂لا انتي خالصة فكرتك عم تمزحي والله
فريال: وجعع لي شبني انا لكون مو عاجبتك ياحقيرة
ومابدك كون كنتكن
جوري: لايبستي الحلوة بتجنني ويصحلو لا اخي وحدة متلك بس امي حاطة ببالها تخطبلو حلا
فريال: بقهر ايوو حلا بنت ابو محمد موهيك
جوري: اي سمعتا عم تحكي عنا لحسين وعم تقلو قبل ما تخلص اجاازتو رح تخطبلو ياها
فريال: بحزن لاااا يلعن حظي طار الكراش😭
جوري: ولك جدبة لسا ماطار وبعدين يمكن حلا ما توافق
فريال: يارب ماتوافق وحسون يكون الي
جوري: لك وليي عليكي نشف ريقنا قومي عملي شي
شو هالخدمة السيئ وقال بدا تصير كنتنا
اي تلحلحي دلليني لساعدك ياحوبة
فريال: ولك تكرم عيونها جوجو
كان راجع من الشغل وحالتو حالة
بطلعت جوري من عند فريال
جوري: وليي هاد الاسمر راجع من شغلو يؤبرني لك حتى بتياب الشغل هيبة مرق من حدي بست ياحلو
علي: بقلبو لعما لك هي عم تلطشني ماعاد في حياا
جوري: لك عبرنا يامدمرنا لك دخيل سمارو انا
علي: بعصبية رح تنقلعي على بيتك ولا جرصك قدام الخلق جوري خانوم شو
جوري: وليي على قلبي ولك طلعت بتعرفني ياضرسان
علي: امنتو بالله على هالنهار سمعي ولك رح تسدي حلقك وتنقلعي ولا روح خبر اخوكي حسين يجي يضبك
جوري: بخوف لاا لاا رايحة ولييي عليكي ياجوري شوعملتي لك من وين اجتك هالجرئة لتحكي معو هيك
الله لايوفقك يافريال كلو منك ياويليي مايكون وصل خبر لا اخي رحت اركض ع البيت وقلبي رح يوقع من الخوف فتت سلحبة وعلى غرفتي وسكرت الباب وعم ادعي على فريال وخططهاا
قال بدا اخي بدك بد وسيف الحد تضربي انتي وافكارك رح روح فياااا وانا بعز صباية لسا مافرحت بحالي معقول يقتلني حسين لااا بس ايدو تقيلة يمكن اتشوه ويروح جمالي وماحدا يقبل فيني هو هيك وماحدا شايلني من ارضي😭
#يتبع
#الاسمر
#نور_سمرا
#الجزء_الرابع
دخلت ع البيت معصب كانت ريحة النضافة لبراا
اكيد الميمة بلشت تعزيل كرمال عزيمة بكرا
دخلت المطبخ كان عم يلمع لمع وريحتو بتجنن
وانا طالع كانت هي فايتة وخبطنا ببعض
علي: اسف ماانتبهت
لمى: بخجل ولايهمك ورجعت لورا ليمرق
علي: بقلبو دخيل ربها بس تخجل بتحلى اكتر ) شو وينا الميمة
لمى: طلعت ع السوق بعد مارحت انت
علي: يعني انتي يلي نضفتي البيت ؟؟
لمى: اي امك طلبت مني في شي غلط؟؟
علي: لاا يعطيكي العافية انا فايت لا اتحمم
لمى: بس سمعت كلامو فتت ركض على غرفة امو
ام علي: يالمى وينك تعي خدي عني
لمى: طلعت بسرعة يعطيكي العافية مرت عمي هاتي عنك اخدت لغراض وحطيتهن بغرفتا
ام علي: وعم تتامل البيت لا باين انو نضايفية ومرتبة
اي تعي خدي هدول الك مو حلوة تمي بتيابك هدول
لمى: شكرا مرت عمي عذبتي حالك
كنت عم اتفرج على لغراض بيجمات كلا واسعة وطويلة وفساتين طويلة وماخرج عمري ابدا
ام علي: شو عجبوكي ؟؟
لمى: اي يسلمو ايديكي مرت عمي
بطلعت علي من الحمام
اهلين ياامو
ام علي؛ بقلبا لعما لك هاد هون ايمت اجى وكان عم يتحمم معقول يكون لااا الله لا يقدر
اهلين فيك تقبرني ايمت رجعت
علي: هلق يادوب فتت اتحمم
ام علي: الله يعطيك العافية يقلبي لروح جهز الغدا
لمى: انا بعمل مرت عمي
ام علي: لاا انا بعملو انتي رتبي غراضك وطلعت ع المطبخ وصارت بدا تعملو اكل ست الحسن لسا ماصرلك بالقصر لمبارح العصر شو هالجيل هاد
علي: عم يطلع بلتياب لمين هدول؟؟
لمى: امك جابتون الي
علي: وعم يحمل الفستان ومو عاجبو هلق هدول الك
ولا امي مخربطة ليكون الها وما سمعتيها
لمى: لا قالت الي
علي: طلعت لعندا ياامو
ام علي: اي تشكل اسي قلي
علي: هلق لتياب لا لمى يلي جبتيهن؟؟
ام علي: اي ياموو عجبوك مو هيك
علي: لك ياامو عم تحكي جد هدول ام صلاح ما بيعجبها تلبس منن شو جايبة لستي انتي
ام علي: بزعل هلق ماعاد يعجبك زوق امك ولا لتكون ست الحسن شكتلك ياحيف عليك ياعلي عم ترفع صوتك على امك وتتمسخر علىزوقها😭هي اخرتك ياعليا😭
علي: لك ياامو والله معم ارفع صوتي خلص حلوين هاتي ايدك ابوسها ما تزعلي مشان الله خلص متل مابدك طلعت ورحت لغرفتي مقهور اوووف رميت حالي ع التخت ونمت مابدي اتزهرم هي ما تزوجنا متل الخلق وبلشت المشاكل
تاني يوم نزلت بكير حتى ماشفت حدا خلصت شغلي على بكير ورحت ع السوق وجبت تياب لا لمى على زوقي يعني مابكفي الظلم يلي عاشتو عند اهلا اجي اظلمها معنا وهالكم قطعة قليل عليها والله البنت باين انها ادمية ومرباية
دخلت لبيت وندهت عليها
لمى: نعم
علي؛ خدي هدول الك قيسيهن اذا ظابط مقاسهن
لمى: عذبت حالك ماكان في داعي مرت عمي جابتلي مبارح
علي: روحي بلا كتر حكي قيسيهن لشوفهن
لمى : حاضر مشيت للغرفة وبلشت شوف لتياب كان زوقو بجنن طلعت فستان ابيض قصير ولبستو
كان على قد الجسم من فوق وفرش من تحت وكمامو شيفون وشك لعند الركبة طلعت لبرا لورجيه
بس كنت خجلانة منو لدرجة
علي: وقت انفتح الباب دغري طلعت ياويليي شو هاد
حرفيا كنت مصدوم من جمالها ونعومتها وخجلاها
ام علي: بحدة لمى
لمى: نعم مرت عمي
ام علي: ومشيت لعندا وبعصبية من وين هالفستان؟؟
لمى: ٠٠٠
علي: ياامو انا جبتلا ياها مو قلتي بدك تعملي حفلة اي شو تطلع بالبيجامة
ام علي : بغيرة بس انا جبتلا لشو تجبلا انت ولا مصرياتك كتار
علي: ياامو يلي جبتيهن مو خرج حفلة بدك نسوان الحارة يحكو عليكي
ام علي: يحكو ع حالهن قول انو يلي جبتن ما عجبوك
لاتبرر بس مو الحق عليك الحق عليي يلي انكسرو رجليي وانا افتلك بالسوق الك ولمرتك وبلشت تبكي وفاتت على غرفتا
علي: بقهر يارب صبرني شو عم يصير مع امي ماكانت هيك ابدا
لمى: ماتزعلها رح البس متل مابدا فوت راضيها
علي: لا رح تلبسي يلي جبتن وامي انا براضيها انتي روحي جهزي حالك قبل ما يجو نسوان الحارة
فتت لعند امي كانت قاعدة ع التخت ولساتها عم تبكي
قربت منا ياامو البنت هلق صارت على ذمتي ومسؤلة مني انا وانا مابدي اظلمها بكفي يلي صار فيها
وبنفس الوقت مابزعلك واذا ضايقتك لانو جبتلا تياب خلص اخر مرة بس مرقيها اليوم وخليها تلبسو قدام نسوان الحارة
ام علي: ماصرلا كم يوم عنا وبلشت تقهرني وتبكيني كرمالا ياحوينة تعبي وشقايي عليك ياعلي
علي: والله العظيم البنت ماحكت شي ولاطلبت مني انا شتهيتلا كم قطعة والله هي مادخلها
ام علي: اي دافع عنا كمان ومن ايمت انت بتشتهي تجيب تياب ماشفتك شي مرة اجيت وقلتلي اشتهيتلك هالقطعة يااامي
علي: بقلبو لا باين رح تصير حياتك بتشهي
ام علي: وشو مشان نومتها وين رح بتنام
علي: امي هي مرتي يعني رح تنام بغرفتي
وين بدا تنام يعني
ام علي: بقلبا لابعيدة عنك خليها تنام عندك اذا لسا ماصار بينكن شي وبلشت تزقلها ودافع عنا لاا ومية نبي خليها عندك
اي متل مابدك
علي: قومي لبسي مو حلوة تشوفك ام صلاح وام محمد بتياب البيت
ام علي: اي روح انا هلق بلبس وبطلع
علي: امرك ست لكل طالع
ااخ ياعلي بدك تتزوج مو شرف تحمل ولسا ماصرنا بالقصر لمبارح العصر طلعت وتركت البيت لعند ابو سميير
السلام عليكم
ابو سميير : وعليكم يااحبب بذمتي ابن حلال كنت رح دقلك
علي: كرمال الشغل؟؟
ابو سميير: اي في واحد صاحبي بالسوق بجيب بضاعة من عندو وخبرني انو شريكو بدو شوفير لبنتو ويكون ابضاي ومعدل وابن حلال وانا دغري اجيت ببالي وقلتو عندي وعطاني العنوان لتروح لعند شريكو وتخبرو انك من طرف ابو المجد
علي: على خير ان شالله وما قلك اي ساعة روح
ابو سميير : الساعة ١١ الصبح بشوفك شريكو قبل ما يطلع على شغلو اذا عجبتو بسلمك الشغل فورا
والراتب منيح كتير اكتر من يلي كنت تقبضو من الورشات وهاد شغل خفيف نضيف
علي: بس وينك ماتكون بنتو من هالبنات الميعات وقتا لشبعك دعاوي انا خلاقي ديقة مو حمل تقلي بابي ومامي بذمتي بتركها بنص الشارع وبرجع من هلق عم خبرك
ابوسميير: هووهوو علينا بطل هالعصبية عاد عاجبك هيك من شغلة لشغلة يااخي عد للعشرة قبل ما تجن
العيشة صارت صعبة وانت شب طول بعرض مو حلوة تقعد بلا شغل
علي: مابقدر اتحمل هالنمر وبحاول بقول ياعلي اهدا استهدي بالرحمن بس يازلمة ما بقدر خمس دقايق بكون معفس يلي قدامي
ابو سميير: ههههه الله يعين يلي بدا تبتلى فيك بتكون امها داعية عليها والله
علي: اممم لي ماخبرتك اني تزوجت
ابو سميير" هههه مو وقت مزحك ولوو
علي: والله معم امزح تزوجت مبارح وهلق الميمة عاملة عزيمة لنسوان الحارة لتعرفهن على كنتها
ابو سميير: لك كيف وايمتا ومين معقول تتزوج وماتخبرنا لك علي عنجد انك واطي زعلت منك
علي: القصة طويلة مابقدر احكيلك يااها
ابو سميير: اي وقلي انو صارت فجئ وما خبرنا حدا
علي: ااخ بربي هيك حتى الميمة خبرتا وقت شافت المخلوقة وزعلت خليها على الله يازلمة
ابو سميير: سيدي الله يهنيك وعقبالنا
(بجيت حسين ) تعاا سماع رفيقك الخاين متزوج بالسر
حسين: وعم يطلع بعلي شو عم يحكي اخوناا
علي: يازلمة قلتلك القصة صارت فجئ وغصب عني شبكن قوم احلف ع المصحف انو تزوجت فجئ وانا متلكن لهلق مو مصدق اني متزوج
حسين: وضربو على كتفو لك الف مبرووك ابو شريك انا مصدقك ياضلعي لك زيجة الدهر حبيب وعقبال ما نشوف ولادك
علي: لك احلى حسون الله يبارك فيك وعقبالك
ام حسين: جوري ولييه فتحي لي مسكرة الباب
جوري: وليي اجت معقول خبرهن اي يامو شوبدك
ام حسين: جارتنا ام علي عزمتنا على سهرة اذا بدك تروحي لبسي
جوري: ااخ الحمدالله ماخبرهن وفتحت الباب بفرح اي يامو تكه بكون جاهزة بس ياامو شو بدي البس ماعندي شي
ام حسين: لك الله لايشبعك خزانتك مدحية دحي تياب
وبتقول ماعندي قومي شوفي شي مرتب بركي هيك بتعجبيها لا ام علي وبتخطبك وبرتاح منك
جوري : بلقبا ياريت يكون علي من نصيبي وطقق كل بنات الحارة يامو شوفي هاد الفستان حلو ؟؟
ام حسين: ومتنخصرة امممم لا هاد بسمنك شوفي غيرو
جوري: لكن رح البس هي الكنزة مع هاد البنطلون شو رايك
ام حسين: ماشي حالن بس ماتمعطي حالك مكياج حطي شي خفيف احلى
جوري: حاضر يامو
ام حسين: انا ناطرتك عند ام صلاح برا
جوري: اي ماشي
ام حسين: طلعت لبرا شلونك جارتنا
ام صلاح : وعم تتامل ام حسين ولوت بوزهاا شو بشوفك متلبسة لوين
ام حسين: شو لوين لعند ام علي شو ما عزمتك
ام صلاح : مبلا عذمتني بس قلتلا تعبانة
ام حسين: بقلبا تعبانة ولاخايفة يروح عليكي شي
بس مو حلوة ماتروحي بتتسلى والله بما انو لكل رايح
ام صلاح : لكل رايحين متاكدة ؟؟
ام حسين: اي والله لكل
ام صلاح: بقلبا اذا كلن رح يروحو معنها رح يكون في حكي كتير رح يروح عليي واصلا بليل صايرة معم شوف منيح احسن شي روح معن خلص لكن رايحة معكن بس ماقلتلي من وين جايبة هالعباية ماشفتك لابستيها قبل
ام حسين: هي بعتتلي ياها اختي من السعودية وهي اول لبسة وبهمس الله يجيرها من عينك
جوري: انا جاهزة ياامو يلا
ام حسين: بهمس الله يقرف عمرك لا ارتاح انا ماقلتلك ما تكتري مكياج
جوري: لك يامو والله ماكترت هي خفيف يادوب حطيت
ام حسين: ينحط حطامك قدامك ياحئ هاد خفيف اي بدو مجحاف ما بشيلو انقبري قدامي الله يخجلك
ام صلاح؛ لك شبك انت وبنتك عم تتوتوتو خلصونا امشو
ام علي: يا مية اهلا وسهلا تفضلو تفضلو زارتنا البركة
لكل بلمهلي ،
ام صلاح: شو القصة عليا مالك بالعادة تفردي كيسك وتعزمينا
ام علي : الله يسامحك يااام صلاح يلي بيسمعك بقول اني بخيلة ومابحب الضيف وياستي في سبب وهلق ليجو لكل بتعرفو
تفضلو ع المضافة
بلشو لكل يجو وهيك اجتمعو نسوان الحارة ببيت ام علي وكانت مجهزة ضيافة من احسنو
ام علي: يالمى وينك هاتي القهوة
ام محمد؛ ام علي شو جبتي خدامة يعني بعلمي ماعندك لابنات ولا قرايب هون
ام علي: لا يووه شو خدامة انتي التانية صبري شوي وبتعرفي
جوري: بقلبا مين هي ياترى
شوي وفاتت لمى وكل لعيون عليها وبخجل حكت
لمى : مسالخير
لكل مسالنور وهنن مبحلقين فيااا وبكتلة هالجمال يلي قدامهن وناطرين يعرفو مين ولي هالعزيمة
بعد ماضيفت القهوة قعدت حد حماتها
ام حسين: مشاءالله العين تحرسها شو حلوة شو بتكنلك ام علي
ام علي: بشوفة حال هي لمى مرت ابني علي
لكل: 😐
جوري: كنت متل شيرين مصدومة بجد ومش بنطق ولا عرفة ارد 🙂الله لايوفقكن طار الاسمر
ام صلاح: عليا لا تخوتينا شلون مرت ابنك ليش ابنك ايمت تزوجت
ام علي: تزوج من يومين طلع ع الضيعة النا معارف بكونو اهل البنت وتوفو وبقيت البنت يتيمة ف قلت لعلي يتزوجها خطي صارت مقطوعة من شجرة ومتل مو شايفين قديش حلوة مارح تتركها العالم بحالها
ولانو اهلا ماصرلنا شي متوفين ما عملنا شي كتب كتاب وجبناهاا وانا حبيت عرفكن عليها واحتفل فيا
لمى: بقلبا بعيد الشر عن اهلي يارب من وين خطرلا حماتي هالقصة وطلعت بتعرف تالف قصص
ام حسين: اي شو عليه كسبتو اجر ودخل عينا بتجنن ماشالله
وهيك لكل قربو وباركو ل لمى عدا جوري وحلا بنت ابو محمد يلي كانو عم يحترقو غيرة من لمى
جوري: بهمس الله ياخدك ياريت متي مع اهلك حرقتلي قلبي الله يحرق قلبك سرقتي الاسمر مني الله لايسامحك رح موت يالله
حلا: جوري شبك ؟؟
جوري: بقهر ولاشي بس مو شايفة كيف طاير عقلن فيا اي عادية
حلا: اي والله معك حق شوفي امك لو بنتها ما تغزلت فيا هيك
جوري: لا امي كرمال ام علي مجاملة يعني
حلا: بقلبا تتحورق اي والله حلوة لشو الكذب يعني ااخ من حظي كنت متاملة ترجع امو تغير رايها وتخطبني بس ااخ يلي مالو حظ بس والله علي بيستاهل يلا الله يهنيه
جوري: مارح هنيكي فيه ورح اخدو من حضنك يا شرشوحة علي الي لو بدي موت رح باخده
بعد ماطلعو لكل كانت لمى عم ضب المضافة
ام علي: لمى تركي من ايدك وتعي بدي احكي معك
لمى: امرك مرت عمي
ام علي: سمعي انتي هلق صرتي متزوجة ولكل صار بيعرف لهيك لهلق بتاخدي غراض لغرفة علي
لمى: بقلبا وليي هاد يلي كنت خايفة منو كيف بدي نام معو وانا مابعرفو يلعن حظي كل عمري احلم اتزوج عن حب بالاخر بتزوج واحد مابعرفو بيوم وليلة بصير مرت علي يلي مابعرف غير اسمو
ام علي: ولك شبك عم احكي معك وين شردتي
لمى: اااه اي مرت عمي معك
ام علي: خلصي شغلك وخدي تيابك وروحي نام بغرفتكن وان شاءالله اذا الله رزقو رح منجبلك غرفة نوم جديدة
لمى: ٠٠٠٠
ام علي: بقلبا اي لاتنبسطي مارح خليه يقرب منك
هو هيك نقلب راسو وبلش يتغير
انا فايتة نام تصبحي على خير
لمى: وانتي بخير مرت عمي
كملت تنضيف وانا عم ارجف وقلبي عم يخفق من فكرة انو رح كون مع علي بغرفة لحالنا
علي: يالله يالله
لمى: تفضل مافي حدا راحو من زمان
علي: مسالخير
لمى: مسالنور
علي: شو وينا الميمة ؟؟
لمى: فاتت تنام اذا بدك شي انا بعملك
علي: لا مابدي شي بس اذا في قهوة مابقول لا
لمى: تكه وبتكون عندك
رحت ع المطبخ وعملت القهوة وضيفتو
علي: يسلمو لي ماجبتي فنجان الك
لمى: انا مابشرب قهوة امي كانت تقول عيب البنات تشرب
علي: ههههه مو معقولة امك قال عيب اي شو دخان
لمى؛ ٠٠٠٠٠
تركتو وفتتت للغرفة سكرت الباب وبدلت تيابي لبيجامة حمرا وفيها ابيض من يلي جابهن علي فتحت الباب وقعدت خفت روح نام ع التخت وقعدت انطر شو رح يصير ،
توقعتكن
شو ممكن تعمل ام علي ؟،
وجوري كيف رح تفرق علي عن لمى ؟؟
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
