زهور من مجهول البارت الخامس والأخير بقلم رومانتيكا حصريه وجديده في مدونة النجم المتوهج
 |
تطلع فيه بمكر وصار يسقف بأيديه التنتين أيمن. أجت الشرطة...
وهلق"The game over"انتهت اللعبة يا صاحبي
شال الكميرا من على طاولة التلفزين وشغلها وحطها بأتجاه فراس عبد. على فكرة فيك تكسرها عاملين حسابنا في اكتر من كميرا بالبيت
كان باين التوتر على وجهو فراس. أنتو غدرتو فيني
قرب منو وطبطب على كتفو أيمن. والله يا صاحبي العين بالعين والسن بالسن والبادي أظلم صح؟!
فتح أيمت الباب وفاتت الشرطة عالبيت اعتقلو فراس كان عم يتوعدلن بأيديه بس طنشو...
أما ازهار كانت عم بتراقب كل شي صار من بعيد عم تشعل النار جواتا وتدوب روحها معها ضميتا بقوة وصارت تبكي عكتفي.
أيمن وعبد قدمو أفادتهون للشرطة وعطوهن كل الدلائل الي جمعها أيمن بهديك الفترة طبعاً بانت برائتهون وأطلقو سراحهون لان ما عليهون شي
كل حدا موجود بالمكالمات والمحادثات وتسجيلات الصوت اخدتو الشرطة عالتحقيق يعني فينا نقول تقريباً عصابة فراس كلا نمسكت والي ضلو ضعيفين لا بيقدمو ولا بيأخرو والأهم انو نمسك رئيس العصابة
نحكم عليهون 10 سنين بتهمة تجارة المخدرات والاعتداء على حقوق الناس
بعد كل شي صار صرت متأكدة بهالحياة مافي شي بيدوم كل شي رح يكون ألو نهاية قد ما طولت نهايتو
لا بيدوم الظلم والقهر ولا السعادة والحزن ...
بالنهاية كل واحد متل ما زرع بيحصد ان ما كان بالدنيا فالأكيد رح ينال جزاتو بالأخرة
.................................................
((أول يوم ))
فتحت الباب ألتفتت يمين ويسار ما لقيت شي رجعت سكرتو وفتت لجوا...
((تاني يوم))
رجعت فتحت الباب وألتفتت حواليي بس كمان هالمرة ما لقيت شي حسيت بتوتر طبقت الباب بقوة وفتت...
((ثالث يوم))
فتحت الباب وأجيت لأطلع أرتسمت على وجهي أبتسامة عفوية لما شفت باقة الورد صرلي يومين مقلوب مزاجي لأني ما عم شوفها
حملتا وصرت دور عالبطاقة الي بتجي معها بكل مرة بس هالمرة مافي بطاقة هالمرة ظرف
فتت لجوا وقعدت عالكنب فتحت الظرف وانا عم برجف وحاسة بتوتر كبير كان جواتو ورقة وشوية صور مسكت الورقة وصرت اقراها
((أن زرعت ورداً ستحصد حباً...وأن زرعت حباً فحتماً ستحصد سعادة أبدية
بما أنك هلق عم تقري رسالتي فهاد بيعيني اني مو موجودة ورحلت من هالدنيي يمكن عم تسألي حالك مين بكون وليش عم ببعتلك ورد كل يوم
انا سهام!
انا المجهول الي كنتي عم تدوري عليه انا أمك الي زرعت الورد وما ربتو بس صدقيني الي صار غصب عني
بعرف انك بتكرهيني ويمكن ما تسامحيني بس أنتي لازم تعرفي الحقيقة
بعترف اني غلطت وماني عم بنكر هالشي ابداً
انا تزوجت بنت 14 ما كنت افهم شي بهالحياة أبوكي كان يذلني ويضربني ويسبني ما كنت حس بالأمان معو مع أنو أبوكي ما كان شخص سيء بس بيسمع لأهلو كتير
دائماً كنت خاف منو وأحسبلو ألف حساب بس كنت رضيانة ومقتنعة بنصيبي
اول غلط غلطتو لما تعرفت على رفيقة مقطعة موصلة كنا نفوت ونطلع انا وياها وكانت صحبتنا قوية لأنو أبوكي وجوزها كانو يشتغلو مع بعض
استمرت صحبتنا ليوم طلعنا انا وياها لنشتري تياب من السوق كان في شب عم يلحقنا من محل للتاني لحتى قرب منا وصار يحكي مع الخانوم
أكتشفت انو هاد عشيقها ضل واقف معنا وانا متوترة من وجودو معنا وبنفس الوقت ماني قادرة أحكي شي لحتى ما ننفضح قدام العالم بس يا ريت لو اني حكيت ولا صار الي صار...
الي صار أنو رفيق أبوكي وجوزها شافنا بالسوق وكان هداك الشب معنا رجعنا خايفين كتير وما عم نعرف نتصرف لأنو اكيد رح يحكي رفيقو لإبوكي الي شافو
سمر صارت توز براسي صارت تقلي والله ليقتلونا ويخبرو اهالينا قالتلي ما بتعرفي عقليتون صعبة بيدبحونا وما بيسئلو وانا الصراحة كنت عم لين معها وخصوصي اني بعرف أبوكي لو عرف رح يدبحني
هربنا اي صح عشيقها لسمر دبرلنا بيت عند معلمو وقعدنا هو طيش هو جنون هو قلة وعي صدقيني ما بعرف والي بستغربو اكتر كيف مشيت معها كييف؟!
معلمو كان محترم كتيير وخلوق بوقتا عرف اني مو متل سمر ضلينا عهالوضع شي 6 شهور بعدين طقيت معد أقدر اتحمل لقيت افضل حل اني أطلع عالواقع وواجه الكل لازم شوف الضو
اطلقت من ابوكي وبعد فترة خطبني الي كنا ساكنين ببيتو وتجوزنا كان كتير منيح معي وحنون كتييير كل يومين يجيبك لعندي بالبداية ما كانو يوافقو بس لما عرفو أنو ظابط ما استرجو يحكو شي وبهداك الوقت كنت سعيدة كتيير لاني لقيت الحب وبنفس الوقت ما ضيعتك من ايدي
لأجى اليوم الي دمرني انتي وابوكي واهلو كلكون سافرتو تهريب برا البلد انكسرت وروحي كانت عم تحترق من جوا عليكي
الي بدي تعرفي انا ما تخليت عنك ابداً بس الظروف كانت أقوى مني وحرمتني منك
وهي قصتي بأختصار انا ما بدي منك تحبيني ولا بدي منك تتقبليني لاني معد موجودة ...سامحيني هاد الشي الوحيد الي بطلبو منك))
وقعت الرسالة من أيدي وصرت أبكي الصور كانو صوري من لما كان عمري شهر لحد هاد اليوم
ضليت عم أبكي لحتى نشفو دموعي...
مشاعري عم تتخبط وحاسة بأحساس غريب يمكن هو شعور الفقد...
الفقد بشع كتير وانا كنت عم عيشو بكل مرحلة من مراحل حياتي
صرت صرخ وابكي لأجت أزهار عصوتي
أزهار. ريما شبك شو في ليه عم تصرخي ريما انتي منيحة
تجاهلت حكيا وصرت قلب باقة الورد لعرفت اسم المحل اخدتا معي وصرت اركض أزهار كانت عم تناديلي بس ما رديت عليها
وصلت المحل وانا عم بلهث زتيت الباقة عالطاولة وتطلعت بصاحب المحل
ريما. هي من ميين؟!
تطلع فيني وهو مصدوم ريما. كل يوم كنتو تبعتولي باقة ورد على هاد العنوان هلق بدي اعرف من مين
اخد الورقة من ايدي وشاف العنوان م. اهدي شوي يا أنسة خدي شربي مي وهلق بحكيلك كل القصة
ريما. ما بدي أشرب شي بدي أعرف كل شي هلق
م. كل القصة انو اجت لعندي مرة بحيطان الأربعين مبين عليها التعب شوي عطتني عنوان بيتك وقالتلي كل يوم احطلك باقة من زهور الغاردينيا ورح تبعتلي عبارة كل يوم لحطلك ياها
ريما. اييي
م. قالتلي ادا ضلت اكتر من 3 ايام ما بعتت شي حطلك ظرف عطتني ياه وهي كل القصة صرلا 3 ايام ما بعتت شي وعملت متل ما قالتلي
ريما. رقمها معك ؟!
..............................
رجعت عالبيت مكسورة مجروحة عم بمشي ببطئ ماتت اي ماتت مع انو كنت مفكرتا ماتت من زمان دقيت عرقمها ورد عليي جوزها اكدلي الخبر
فتت عالبيت لساتني عم ابكي لقيت أيمن بوجهي
ريما. أيمن!
أيمن. انتي منيحة
هزيت راسي لفوق. لاء ماني منيحة
قربني منو وضمني صرت أبكي على كتفو واشهق هالمرة ضعفت بسرعة وما حاولت قاوم لاني محتاجتو
باسمي من جبيني أيمن. طولي بالك حبيبتي ما قلتلك ما بحب شوفك عم تبكي
بعدت حالي عنو شوي. ماتت
أيمن. طيب اهدي الله يرحمها
انعزلت عن العالم فترة كنت عم أستعيد وعيي فيها لأرجع ريما القوية الي ما بيكسرها شي ريما الي قد ما ضعفت بترجع بتقوا
سامحتا لأمي وما لمت أبي لما سافر وحرمني من أمي لانو اي حدا مكانو كان عمل متلو واكتر
وتستمررررر الحياة..........
بحلوا وبمرا........
بلينها وقسوتها.........
وحتى بباقات الورد...
بعد موت ماما بشهر رجع يجيني ورد بس هالمرة ورد جوري
حملت باقة الورد الأحمر وفوتا لجوا
أزهار. ورد؟!
ما عم بعرفك
ريما. يا ترى من مين
قربتون من أنفي شميتون وابتسمت. شبك ليه هيك عم تطلعي فيني..معقول يكونو من العاشق المجهول بس لفتة لطيفة منو عفكرة
سكتت شوي وطلعت فيني كانت متكتفة وحابسة ضحكتها...لك شبك؟!!
أزهار. هههههه قصدك من العاشق ،راحت ايام المجهول يا قلبي ولا نسيتي
قاطعتا بسرعة ...لا لا لا مو متل ما عم تفكري
حطت ايدا عتما وصارت تضحك بمكر أزهار. ههههههه ماشي...ماشي متل ما بدك
عبيت المزهرية مي وحطيت الوردات فيها عالشباك ،كان منظرهون كتير حلو وهنن عم يلمعو عالشمس قعدت جمب الشباك وصرت أتأملهون...
شريط حياتي عم بمر قدامي متل لمح البصر ذكرياتي أيامي ورفقاتي ...
كل مرحلة بحياتي الو بصمة فيها
ما عم بقدر سامحو مع اني سامحت كل حدا اسئلي كل يوم ببعتلي باقة ورد أحمر مسكت البطاقة وصرت أقرأ الي فيها "الحب مرة واحدة في العمر فأن احببت بصدق سامح"
اتنهدت بعمق انا اشتقتلو ...اشتقتلو كتييير حاسة حالي رح اختنق من دونو وكأنو حبو انرسم جوا روحي ما بيروح لتروح هالروح
بدي ياه...معد أتحمل كابر عحالي أكتر من هييك
كان هاتفي عم بيرن بأسمو وانا مطنشتو
فجأة قمت من مكاني انا حاسة فيه اي انا حاسة بوجودو قريب مني ...
صوتو عم يخترق جدران قلبي بدي أبكي بدي صرخ لاني شفتو
كان معصب كتيير مسكني ولزقني بالحيط
ريما. اييي شبك
صار يصرخ أيمن. ليه ما عم بتردي عليي ...ليه عم بطنشي خلصنا بقى انا معد أتحمل اكتر
ريما. ليه عم بتصرخ شو الي عم يصير معك
اختنق صوتو أيمن. مسوة حالك ما بتعرفي شو الي صار... اليوم أبوكي حكى معي مشان طلقك
تطلعت بعيونو وصرت أبكي ريما. تطلقني
مسح دموعي أيمن. لا تبكي لا تبكي الف مرة قلتلك لا تبكيي عاقبيني انتقمي مني عكيفك ولا تردي عمكالماتي ورسائلي بس طلاق ما بطلقك...مستحيل طلقك عم تفهمي انا بحبك
بحبك هالكلمة فجرت كل البراكين جواتي ورجعت أبكي من أول وجديد ما عم بقدر وقف دموعي ما عم بتخيل حياتي من دون أيمن
رجع يمسحلي دموعي أيمن. خلصنا بقى مشان الله لا تبكي
صرت أحكي بخنقة وصوت مقطع ريما. وانا ككمان بحبكك اشتقتلك كتيير
قربني لحضنو وصار يطبطب عراسي قرب أنفو من شعري وغمض عيونو كنت عم حس بأنفاسو شو بيصير لو وقف العالم بهي اللحظة
أيمن. بعشقك ...ما بتخيل عيش من دونك ريما انا بدي ياكي معد أتحمل قلبي فرط
ما خلص عقابك؟!
بعد ما هديت شوي بحضنو بعدت حالي شوي عنو ريما. موافقة بس بشرط انك توثق فيني ومعد تكذب عليي لو شو ما صار
هز راسو ورجع ضمني من أول وجديد أيمن. بحبكككك
.........................................
رسالتي هي:
الحب الصادق والحقيقي بيجي مرة بالعمر ادا كان الي بتحبو بيحبك بصدق ومستعد يحارب الدنيي كرمالك سامح
بالنسبة ألي لقيت خيط الأمل الي أتمسك فيه بالحياة وبوعدكون كلاياتكون اني ضل متمسكة فيه لآخر نفس ولو شو ما صار وانتو كمان لاقو خيط أمل واتمسكو فيه لأنو الحياة بتحتاج فرصة تانية ...
النهاية
أن زرعت ورداً ستحصد حباً...وأن زرعت حباً فحتماً ستحصد سعادة أبدية
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق