زهور من مجهول البارت الرابع بقلم رومانتيكا حصريه وجديده في مدونة النجم المتوهج
 |
حملت باقة الور وأخدتا لأيمن لأتأكد من الي عم بيدور براسي
ريما. أيمن!
هدول منك؟!
توسعت حدقة عينو وسحبهون من أيدي وصار يقلب فيهون لشاف الكرت (الحب هو أن تبقى القلوبُ على العهد مهما طالت المسافات)
شلفون عالأرض وصار يعلي صوتو أيمن. مين هالحشرة
ريما. يعني مو منك!
أيمن. لك ريما لا تجننيني هلق بدي أعرف مين بعتهون
ريما. اولاً وطي صوتك تانياً انت ما دخلك فيني فهمها بقى وتالتاً لو بعرف من مين ما كان سألتك صح!
هدى نبرة صوتو شوي وسحبني لعندو أيمن. هي أول مرة؟؟
صرت شتت نظري عنو ريما. قلتلك ما دخلك أهجيلك ياها
مسك وجهي بأيدو وابتسم بمكر أيمن. لكن مين دخلو على فكرة لا تحاولي تتصنعي القوة انتي قدامي ضعيفة كتير ولا تحاولي تنكري لانك حتى ما عم تتجرأي تتطلعي بعيوني
كان عم يقربني منو أكتر حسيت بأنفاسو قريبة مني كتير كنت رح أضعف قدامو ورح ضمو كنت رح أنسى كبريائي وكل ردود الفعل الي كنت عم خططلا لما شوفو بس فجأة لما تذكرت الي صار اتكهرب جسمي وسحبت حالي منو بصعوبة
ضربتو كف ريما. انت واحد قليل أدب
مسك معصم أيدي وبين عليه الغضب أيمن. شو مفكرة حالك عم تعملي شو نسيتي انو لسا مكتوب كتابنا يعني أنتي مرتي بالشرع
ريما. اول الشي ترك أيدي تاني الشي انتبه بلأول عأفعالك وبعدين فكر تسألني هالسؤال وانا ماني مرتك يعني ان شاء الله قريباً ما رح كون هيك
أيمن. لك لا تجنيني ريما ...لا تجنيني لك كم مرة صار قلتلك اني عملت هيك لأحميكي
ريما. طيب حميتني يكتر خيرك عملت الي عليك خلصنا بقى
فتلت ضهري وتركتو وراي رح ينفجر كنت رح خلي يندم على الي عملو فيني وبنفس الوقت ماني قادرة سامحو حسيت بصوتو عم يناديني فتلت وجهي لعندو وتطلعت فيه
أيمن. ما بدك تفوتيني
ريما. والله متل ما طلعت فيك تفوت ارتكي عالحيط
غمزتو وفتت لجوا
بعد ما الكل فاق افطرنا وصرنا نفكر كيف بدنا نجيب فراس لعنا وكيف نخلي يعترف انو هو الي حط المخدرات ببيت أيمن فكرنا كتير ولقينا انسب حل نخلي أزهار تحكي معو وتقلو يجي ضروري
تطلع بأزهار وباين عليه التوتر أيمن. شو رأيك؟
أزهار. لا أنتو اكيد جنيتو ، لك كيف بتطلبو مني هيك طلب ما عندكون أحساس ما عندكون مشاعر لك حسو بشعوري شوي
ريما. والله حاسين فيكي ومقدرين ظروفك بس يا حبيبتي انتي فكري بالعالم الي رح تتأذى بسبب أخوكي فكري بضحايا وسخو نحنا ما بدنا غير تجيبي عالبيت وتركي الباقي علينا
أزهار. لك لا تجننيني ريما ...كيف بدك ياني أغدر بأخي راعو موقفي شوي
عبد. انتي فكري فيها من ناحية تانية...
قاطعتو أزهار. الغدر بيضل غدر... وانا مستحيل أغدر أخي لو شو ما صار قد ما كان سيء بس بيضل أخي عملو الي بدكون ياه بس انا طالعوني برا
فاتت عالغرفة معصبة وتركتنا
ريما. اي وهلق شو الحل؟
أيمن. مافي غير حل واحد ريما ...
ريما. شو هو؟!
أيمن. دقيلو وقليلو ما بتعرفي شبها أزهار فجأة اغمى عليها وما عم تصحى
هزيت براسي. طيب تمام هلق بحكي من هاتف ازهار
أيمن. حاولي تكون لهجتك جدية وبينيلو انك خايفة كتيير عليها يعني مثلي عليه
اخدت هاتف أزهار ودقيتلو كنت عم حاكي بتوتر مو تمثيل خوف لدرجة صدق وبان عليه الخوف وقلي انو رح يجي فوراً
وبهالأثناء أيمن جمع كل الدلائل الي بتثبت انو فراس متورط وحطون بسي دي
حكى مع الشرطة وخبرهون بيلي صار وعطاهون عنوان البيت وقلون يجو بعد ساعة
كل شي صار جاهز بس ضل الحمل الأكبر وهو كيف بدنا نخلي فراس يعترف انو هو الي حط المخدرات وادا ما قدرنا ننجح بهالخطوة منكون ما أستفدنا شي
...........................................
كان عم يدق الباب بطريقة جنونية مرعوب كتير على أختو فتحتلو الباب وفات لجوا مستعجل
فراس. صحيت
ريما. اي
فات عغرفة ازهار الي اول ما شافتو صارت تصرخ
ازهار. طلاع لبرا...فراس طلاع لبرا عم قلك
صار يقرب منها ليحاول يهديها
أزهار. لك انت ما عم تفهم اوعك تقرب مني
ريما. فراس تعا معي شوي
فراس. شبها؟!
شو عم يصير معها
ريما. ما بعرف من أول ما رجعلا الوعي هيك ما عم تخلي حدا يقرب منها
فراس. بس لازم ناخدها عالمشفى ضروري لازم نطمن عليها
ونحنا عم نحكي اندق الباب ريما. لحظة خليني افتح الباب
طبعاً ضمن الخطة انو يجي أيمن وعبد بعد فراس لما نفتح الباب فجأة نقلبت ملامح فراس ...
غمض عيونو ورجع فتحهون...
طلع عليهون من فوق لتحت وكأنو ما عم يستوعب...
فراس. أيمن؟!
أيمن. يا زلمة انت هون وانا صرلي يومين قالب الدنيي عليك ريما ليه ما قلتيلي رح يجي فراس؟
ريما. ما كنت بعرف فجأة اغمى على ازهار وما لقيت حالي ألا دقيتلو
بعدلو شوي من طريقو وأشر بأيدو ليفوت كان باين عليه التوتر فراس. كنت برا المدينة واليوم رجعت في شي ضروري حتى عم تدور عليي
أيمن. في أشياء ريما فوتي عمليلنا فنجانين قهوة
فهمت عليه وفتت لجوا بسرعة وشغلت الكميرا
فراس. انت شبك ليش هيك مكرسح صاير معك شي ولا عامل حادث
قعد عالكنباية ورفع رجليه عالطاولة لصارو بوجه فراس أيمن. ابن حرام...ابن حرام باعتلي كم حشرة من حشراتو ليعملو فيني هيك ويزتو بلاهون عليي...شبك شريك ليش واقف قعود
صار يحكي بتوتر فراس. ووو عرفت ممين هو
أيمن. اي عرفت!
ورح ينال جزاتو قريباً
أيمن غمزو لعبد الي فهم عليه دغري مسكو من كرافتو وشلفو عالكنباية
جلس حالو وصار يصرخ فراس. لكك شو عم يصير معك
مسك جهاز التلفزيون وشغلو أيمن. ههههه شبك ليش هيك خايف ما رح نعملك شي بس بدنا نفرجيك على عرض كتير حلو
غمزو. ورح يعجبك كتييير كمان
صور...محادثات...تسجيلات صوت ومقاطع فيديو بتخلي فراس يروح فيها اكتر من 10 عسنين...
عم يشوف وساختو من دون ولا حرف...
ملامح وجهو عم تتخبط بين قلق وتوتر وغضب مدفون...
فراس. ههههه شو هاد؟
مسك الجهاز ورجع طفا التلفزيون أبتسم بمكر أيمن. متل مانك شايف ياااا رفيقي
عبد. ليك ولاك انت غدرت فينا كلايتنا ورح تدفع التمن غاليي وكتييير كمان عم تفهم
فراس. هههههه والله ضحكتوني شو أستاز ايمن نسيان انو الشرطة عم بتدور عليك يعني بالكتير يومين تلاتة بيكون منتهي أمرك
أيمن. اممم... ما فكرت فيها بس يعني لا تنسى رح ينتهي أمرك معي يعني رح نصير صحاب
فراس. من الآخر شو بدك
تطلع بعبد أيمن. يا أخي بيعجبني هالولد لما بيصير ذكي ليك انا وانت منعرف كتير منيح انك صاحب المخدرات الي ببيتي وعم تلفقلي هالتهمة لغظ النظر عنك
فراس. براڤو ...وانت كمان طلعت ذكي بس مع الاسف ما عندك دليل
أيمن. ههههه بكل عين وقحة عم تعترف انك انت ورا هالشغلة بس لو نحنا بغير ظرف كان شفت وجه تاني
فراس. نحنا بالهوا سوا ومصيرنا تنيناتنا متعلق ببعض اما تنيناتنا منفوت لجوا او تنيناتنا منطلع لبرا انت قرر وعلى فكرة الكمية الي موجودة ببيتك كمية كبيرة يعني هلق بتروح فيها بالأقل 10 سنين
أيمن. برأيي لازم افكر بهالعرض لانو مغري خلص انا قررت ما بحب السجن لكن وافقت
قطع كلامنا رنة الجرس
فراس. مين عالباب
تطلع فيه بمكر وصار يسقف بأيديه التنتين أيمن. أجت الشرطة...
وهلق"The game over"انتهت اللعبة يا صاحبي
يتبع
حارب لأجل الحياة لأجل السعادة...لأجل الأمل.
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق