رواية حضن عشماوي الحلقة السادسة والسابعه بقلم الكاتبه حنان حسن حصريه وجديده على مدونة النجم المتوهج
 |
يارب انا قت&لت جوز امي عشان كان بيجبرني علي فعل الح&رام معاه
لكن انا مش عايزة اتسبب في موت حد تاني
دي كانت دعوتي لربنا
بعدما جعفر قالي علي المهمة الاخيرة
وبعد الدعاء والتوسل لربنا
بانه يوجدلي الحل
فضلت افكر مع نفسي
واقول...
جعفر عايزني اح&رق الفيلا بالناس الي فيها
هتصرف ازاي دلوقتي
دا انا متاكدة ان النيران الي هشعلها في الفيلا
هتتسبب في ازهاق ارواح ناس ملهمش ذنب
وانا مش عايزة اق&تل حد وخصوصا محمد
لكن هعمل اية
منا لو منفذتش المهمة امي هت&موت
وبعد تفكير طويييييل
قررت اخيرا اني هنفذ المهمة
وفي اليوم ده حبست نفسي في غرفتي
لغاية ما الكام ساعة الي فاضلين يمروا
واخلص من ام المهمة دي
وفهمت محمد اني مخنوقة ومش عايزة اتكلم مع حد
ولما حاول يتكلم معايا ويخفف عني
قلتلة اني هنام
وفعلا ...
نمت شوية قبل معاد المهمة
وبمجرد ما عقارب الساعة دقت ٢
قمت بسرعة ونفذت المهمة
وحولت الفيلا لقطعة جمر مشتعلة بالناس الي فيها
وبمجرد ما انتهيت من مهمتي
جريت باتجاه السيارة الجيب الي كانت بتنتظرني
وفي اللحظة دي
شوفت جعفر لاول مرة
وهنا كانت الصدمة
لان الي شوفتة ادامي استحالة كان اي عقل يصدقة
لان الي كان ادامي في اللحظة دي
هو ...سعيد جوز امي
ولقيتني بقولة...معقولة ؟
جوز امي؟ انت لسة عايش؟
طب ازاي
فا رد جوز امي
وقالي..
قبل ما تسألي وتقولي لية وازاي
سلمي علي امك الاول
ولا انتي مش ملاحظة انها قاعد ة في الكرسي الي ورا
فا بصيت بداخل السيارة
ولقيت امي فعلا
فا فتحت العربية وقلتلها..انزلي
لكن....
امي متحركتش من مكانها
فالا حظت ان جوز امي
مقيد ايديها ورجلها
وقبل ما اطلب منة يفكها
اتفاجئت بيه وهو بيرغمني علي دخول السيارة بالقوة
وبعدما دخلني جنب امي
قيد ايدي ورجلي انا كمان
وبعدها ..بدء يكشف عن نواياه
وقالي ...
انا كنت عارف انكم كلكم بتكرهوني
وكان لازم اخلص منكم كلكم
وفي اللحظة دي
فضلت اترجاه واستعطفة عشان يعتقني انا وامي
لكن سعيد فضل يضحك
ويقولي...
انتي كنتي فاكرة انك هتقدري تخلصي مني
لكن... انا لاعبتك لغاية ما خليتك تخلصيني من الجميع
ورفع ايدية
ـــــــــــــــــــــــــــــــــــــ
ـــــــــــــــــــــــــــــــــــــ
بجهاز يشبة الموبيل
وقالي...انا حاطط في السيارة
قنبلة محترمة
هتخلي العربية تتفحم بيكم بمجرد ما ادوس علي الزرار ده
في اللحظة دي
حاولت ارجعة عن الي هو هيعملة...وفضلت اصرخ واقول الحقونا يا ناس
لكن محدش سمعني لان سعيد قفل العربية بالمفتاح عن بعد
فا اتقفل الزجاج الابواب
و انا وامي التزمنا الصمت واحنا بننتظر لحظة نهايتنا
وبدأت اسمع صوت رنين خافت
فا عرفت ان دا صوت المؤشر بتاع القنبلة
فا فضلت اصرخ تاني واخبط علي الزجاج بكل قوتي
واقول ....
الحقونا... القنبلة هتنفجر فينا
واثناء ما كنت بصرخ... و بردد الاستغاثة
سمعت صوت محمد
وسمعتة وهو بيسألني وبيقولي...
قنبلة اية الي هتنفجر يا ملك اصحي
في اللحظة دي
فتحت عنيا لقيت محمد ادامي ولقيتني نايمة علي السرير
فا عرفت اني كنت في كابوس
ولقيتني بقول لنفسي
يلهوي ..
انا يظهر راحت عليا نومة
و بسرعة سألت محمد
وقلتلة ...هي الساعة كام
فا رد محمد وقالي
الساعة واحدة بعد منتصف الليل
في اللحظة دي ..
حمدت ربنا...
وفضلت اقول...الحمد لله الوقت لسة معداش
فسألني محمد
وقالي.. وقت اية؟
فا بصيت لمحمد بدون ما ارد علية
انا طبعا كنت بحمد ربنا ...
لاني مرحتش في النوم
و غفلت عن معاد جعفر
فا بصلي محمد بشفقة
وقالي..
لا دنتي باين عليكي تعبانة بجد
فين الدواء بتاعك
قلت ...دواء اية؟
ـــــــــــــــــــــــــــــــــــــ
ـــــــــــــــــــــــــــــــــــــ
فا بصلي محمد بتعجب
وقالي...انتي مش بتقولي... انك بتاخدي علاج كل ما بتتعبي؟
قلت...اااايوه ...ايوه..
انا باخد علاج فعلا
بس انا اخدت العلاج قبل ما انام خلاص
فا غطاني محمد بالبطانية
وطبطي عليا
وقالي ...حاولي تنامي دلوقتي
وبكره هاخدك لدكتور كويس
يكتبلك علاج احسن من الي بتاخدية ده
فا هزيت راسي
وقلتلة...ماشي تصبح علي خير
وبعدما خرج محمد من الغرفة
بصيت في الموبيل
لقيت الساعة بقت واحدة وربع
بعد منتصف الليل
فا حاولت افكر تاني في حل
يخرجني من الورطة الي انا فيها.. قبل ما الساعة تيجي٢
لكن ..عدي نصف ساعة وبردوا ملقتش اي حل
فا قمت عشان ادخل الحمام و.. البس.. واجهز في النصف ساعة الباقية
وفي اثناء ما كنت رايحة للحمام
سمعت صوت رنين موبيلي
فا استغربت
وقلت..غريبة معقول يكون المتصل هو جعفر
طب هيتصل قبل الميعاد بنصف ساعة لية
وبسرعة جريت ع الموبيل عشان اشوف في اية
وبمجرد ما مسكت الموبيل لقيتة اتصال من رقم غريب
فا رديت بحذر
وقلت...الووو
فا رد صوت جميل كان واحشني وكنت هموت واسمعة
ايوه هو صوت ماما
وهي الي بتقولي الووه يا ملك
فا صرخت وقلتلها
ماما حبيبتي الحمد لله اني سمعت صوتك تاني
قوليلي بسرعة انتي عاملة اية وصحتك عاملة اية
فا ضحكت ماما
وردت بصوت عفي
وقالتلي...انا الحمد لله بخير
وصحتي بقت عال العال
وانا دلوقتي هفتحلك كاميرة عشان تطمني عليا
وبالفعل...فتحت ماما الكاميرة
ولقيتها قاعدة علي سرير في مستشفي
وادامها طبق تفاح
والممرضات والطبيب رايحين جاييين جنبها
ووشها وصوتها كانوا بيقولوا انها بدأت تتعافي فعلا ورجعت احسن من الاول
فا حمدت ربنا
وسالتها...وقلت
هو جعفر دخلك المستشفي من ساعة ما اخدك
فا ردت امي با استغراب
وقالتلي..جعفر مين
قلتلها..جعفر الي اخدك من المستشفي
قالت..انا معرفش حد اسمة جعفر ولا في اي رجالة معانا خالص
الي اخدتني من المستشفي
هي واحدة قريبتي
وهبقي اقولك بعدين قريبتي اخدتني لية من المستشفي
وجابتني هنا
المهم دلوقتي انا عايزاكي تطمني عليا.. وتعرفي اني بخير
وقريب جدا هرحعلك وهنكون مع بعض
بس حذار تقولي لحد انك كلمتيني
ولازم تمسحي المكالمة الي تمت بينا دلوقتي فورا
واحذفي الرقم الي كلمتك منه كمان
فا سالتها
وقلت.. ولية كل دا؟
وقبل ما اسمع من امي اي اجابة
الكاميرة وقفت...والخط فصل
وانا حصتلي لخبطة في دماغي
ولقيتني مش فاهمة اي حاجة
وبدأت اسأل نفسي
واقول...ازاي جعفر كان بيأكدلي انه هو الي خطف امي وبيساومني بيها
واذاي امي بتقول انها متعرفش جعفر و مشافتش اي رجالة اصلا
معني كده ان جعفر كان بيخدعني عشان يجبرني اني انفذ كل اوامرة؟
يلهوي....دنا كان فضلي دقايق و هرتكب جري&مة بش&عة
وبعدما حمدت ربنا ان امي اتصلت في الوقت المناسب
قررت اني هقعد وافكر بهدوء
عشان اشوف هتصرف ازاي مع الم&جرم
الي اسمة جعفر
وفعلا وصلت لفكرة معقولة
وبعد ما الساعة دقت ٢
فضلت قاعدة مكاني ومنزلتش اجيب جركن البنزين من عند البوابة زي ما جعفر امرني
با اختصار..
ـــــــــــــــــــــــــــــــــــــ
ـــــــــــــــــــــــــــــــــــــ
متحركتش من مكاني خالص
وبعد خمس دقايق
سمعت موبيلي بيرن...ولمابصيت علي المتصل لقيتة جعفر
فا رديت علية بثبات
وقلت..نعم يا جعفر
فا رد جعفر
وقالي..ايه؟ راحت عليكي نومة ولا اية؟
فا رديت بنفس الثبات
وقلتلة..لا
انا صاحية بس مش هنفذلك اي اوامر بعد كده
فا رد جعفر
وقالي..انتي باين عليكي واخده حبايتين شجاعة مقوييين قلبك
فا رديت بمنتهي الثقة
وقلتلة...ولية متقولش اني
فوقت علي صدمة خلتني مبقتش باقية علي حاجة
فا سألني بتعجب
وقالي...ما تتكلمي عدل يا بت انتي..
بدل ما عليا النعمة اقوم و اخلص علي امك دلوقتي حالا
فا رديت علي جعفر بسخرية
وقلتلة...
هو انت مش خلصت عليها مره وقتلتها ؟
هتموتها تاني ازاي؟
فا سكت جعفر شوية
ورجع يتأكد من الي سمعة مني
وقالي ..انتي بتخرفي تقولي اية؟
فا رديت عليه
وقلتلة...
انا اتأكدت انك نفذت تهديدك و قتلت امي
وانا بنفسي شوفت جثتها في المشرحة
فسألني جعفر با اهتمام
وقالي ..مشرحة اية؟
فا رديت بمنتهي التأثر
وقلت ..
في دكتور في مشرحة زينهم اتصل بيا النهاردة
ووقالي اني امي عندهم
ولما روحت المشرحة
اتفاجئت بجثة امي عندهم فعلا
ولما سألت الدكتور هي وصلت عندكم ازاي
قالي ان المستشفي حولتها عليهم..بعدما لاقوها مرمية في سيارة عطلانة
ودا معناه انك نفذت تهديدك وقتلتها
لا وجاي دلوقتي عايز تكمل في استغلالك ليا
يعني لولا
انهم لقوا الموبيل بتاعها كان في جيبها ...و اتصلوا بيا وعرفوني الحقيقة
كان زماني نفذتلك الج&ريمة البش&عة بتاعتك
فا رد جعفر
وقالي...بس انا مقتلتش امك
صدقيني والله منا الي قتلتها
فا رديت
ـــــــــــــــــــــــــــــــــــــ
ـــــــــــــــــــــــــــــــــــــ
وقلتلة..
انت عايز تفهمني انك قتلت جوز امي
لكن...بريئ من قتل امي؟
قال...ايوه فعلا
هي دي الحقيقة
انا (قت&لت جوز امك)فعلا
لكن...مقت&لتش امك
في اللحظة دي
اتقلبت الموازين
وبدأت انا الي اهددة
وقلتلة...
الكلام دا تقولة في النيابة
لاني خلاص مبقتش باقية علي الدنيا....
و ناوية اسلم نفسيي واعترفلهم بكل حاجة
فا رد جعفر
وسالني بلؤم
وقالي...ولية مسلمتيش نفسك لغاية دلوقتي؟
وبعدين هو في واحدة تبقي مش باقية علي الدنيا...
وترد علي الموبيل وتاخد وتدي في الكلام كده؟
فا رديت بنفس الثبات
وقلتلة...مكنش ينفع اقولهم اني ليا شريك بدون دليل
م الاخر...
انا رديت عشان اسجلك المكالمة دي
واديك اعترفت بنفسك انك قت&لت جوز امي
وانا عارفة مكان بيتك يا جعفر
وعارفة خطيبتك منال
وقبل ما اكمل كلامي.. وتهديدي
قفل جعفر السكة
و ساعتها اتأكدت ان الخدعة دخلت عليه... و زمانة مرعوب دلوقتي
فا قفلت الموبيل
وفضلت اغني و ارقص من الفرحة...
لكن ..فرحتي مطولتش كتير
لاني وانا با التفت
اتفاجئت بوجود شخص علي الباب..
والشخص ده سمع المحادثة الي كانت بيني وبين جعفر
عارفين مين الي كان معايا في الاوضة........؟
واخيرا. ..
لو عايز باقي احداث الرواية
الجزء السابع
تفاعل ❤❤
بعدما اتفاجئت بمكالمة من امي
وعرفت منها انها بخير ومش مخطوفة ولا حاجة
فا فهمت في الوقت ده
ان جعفر كان بيوهمني بخطفها...عشان يجبرني اني انفذ اوامرة واولع الفيلا والناس الي فيها
وبعدما كشفت خطتة
قررت اني اخلص منه بالخديعة انا كمان
فا اخترعتلة قصة وهمية
..وفهمتة ان امي ماتت
واني خلاص نويت اسلم نفسي
وهعترف علي نفسي للبوليس وعلية هو كمان
للكاتبة ..حنان حسن
وفي اللحظة دي
جعفر لقي نفسة فقد ورقة الضغط الي كان ماسكها عليا
واترعب اكتر لما عرف اني عارفة عنوانة وعارفة خطيبتة منال
فا انهي المكالمة وقفل الخط في وشي
بعدما انخدع بروايتي
وساعتها فرحتي كانت لا توصف
لدرجة اني بدأت ارقص واحتفل بخلاصي من جعفر
لكن وانا بلتفت ...
اتفاجئت با اميرة واقفة علي باب الغرفة
وكان واضح انها سمعت
كلامي كلة....وطبعا فهمت كل حاجة
من خلال المحادثة الي تمت بيني وبين جعفر
وفي اللحظة دي
وقفت واتسمرت مكاني
من الصدمة
وبعدها
سالتها..
وقلتلها ...انتي هنا من امتي
فا ردت اميرة بهدوء
وقالتلي...انا هنا من اول المكالمة
بس مكنش ينفع اتكلم عشان كنت مشغولة بتسجيل كل الي قولتية من شوية
وقبل ما احاول اني ادافع عن نفسي ولا انطق باي كلمة
اتفاجئت باميرة
وهي بتهجم عليا...وبترجع ايديا الاتنين خلف ظهري
وفي ثواني كانت قيدت ايدي بسلك الموبيل
وفهمت ساعتها انها هتسلمني للبوليس
فا بصتلها بصدمة
بدون ما اتكلم لاني كنت متأكدة انها مش هتصفح عني مهما اتوسلت لها
..
ولقيت اميرة جاية تقرب مني
وبتقولي..
انا كنت متأكدة انك انتي وامك الي ق&تلتوا ابويا
بس مكنش عندي دليل
لكن...
دلوقتي انا مسكت الدليل عليكي اخيرا
و لازم تدفعي ثمن جريمتك
فا هزيت راسي با استسلام
وانا عنيا في الارض
وقلتلها..تمام..وانا مستعدة للعقاب
للكاتبة ..حنان حسن
اتفضلي بلغي ضابط المباحث حالا
فا فكرت اميرة شوية
وبعدها ...
قالتلي...
انا ابلغ البوليس عنك لما تكوني قت&لتي حد غريب عني
لكن..انتي قتلتي اعز حد عندي
يعني انا دلوقتي لازم اخد ثأر ابويا بنفسي
ويا اما اخد حقي بقتلك زي ما قتلتية ...
او اخد حقي منك ب(الدية)
فا بصتلها بتعجب
وقلتلها.. يعني انتي ممكن تقبلي الدية ؟
قالت..ايوه طبعا هقبل الدية
لان حبسك ..او اعدامك مش هستفاد منه بشيئ
لكن الدية هتبقي تعويض عملي ...عن فقدان ابويا
قلت..وعايزة دية اد اية؟
وبدون ما تتكلم ...
اخدتني اميرة معاها لغرفتها...
وانا كنت مازلت ايدي خلف ظهري ومقيدة
وبعدما دخلتني غرفتها
قعدتني علي كرسي التسريحة بتاعها
وفتحت الدرج بتاع التسريحة ...
وخرجت منه قلم و بعض الاوراق
وقالتلي ...امضي علي الورقتين دول
فا بصتلها بكسرة
وسألتها
وقلتلها ..ايوه بس دا ورق ابيض
ممكن اعرف انتي هتمضيني علي اية؟
فا ردت اميرة بغضب
وقالتلي...انتي موافقة علي مبدء الدية ولا لا ؟
قلت ..موافقة
قالت...خلاص امضي بدون ما تسألي
فا قلتلها ..حاضر
وفعلا...فكت وثاقي
وبعدما حررت ايديا
وقعت لها علي الورقتين
وكنت فاكرة انها هترحمني بعدها
لكن اميرة احتفظت بالورقتين الي وقعت عليهم في جيبها
وبعدها
رجعت قيدت ايديا خلف ظهري تاني
وقيدت رجلي بحبل كمان
ورجعت تطالبني تاني بقيمة الدية من الاول
فا قلتلها...
هو انا مش وقعت علي الورق الي انتي عايزاه؟
ايه الدية الي انتي عايزاها تاني؟
فا ردت اميرة
وقالتلي ... الورق الي انتي وقعتي علية ده
هيبقي ورق ضغط
عشان اجبرك علي دفع الدية
ورقة منهم ..
هكتب فيها اعتراف منك بقت&ل ابويا
والورقة التانية...هتكون
وصل امانة بمبلغ كبير
ودول هقدمهم للنيابة
في حالة ..
لو رفضتي تدفعي الدية الي انا هطلبها دلوقتي
قلت.. طب ما تقولي ايه هي الدية ...
الي انتي عايزاها؟
فا ردت اميرة
وقالت.. الدية قيمتها تساوي ميراث ابويا كلة
قلت...مش فاهمة؟
وانا هجيبلك ميراث ابوكي كلة ازاي؟
قالت...انا في الاصل كنت هاخد الميراث كلة
لولا رجوع محمد اخويا
الي هيورث دلوقتي ضعف الميراث الي هورثة
فا بصتلها بحيرة بعد ما عجزت عن فهم الي بيدور في دماغها
وسالتها ..
وقلت...انتي تقصدي ايه بالظبط؟
...انا كده مبقتش فاهمة حاجة؟
فا ردت اميرة
وكشفت عن نواياها الخبيثة
وقالتلي ...
باختصار كده
عايزاكي ..(.تقتلي محمد )
وبكدة..تبقي ساعدتيني اني استعيد ميراثي
وهتبقي دي ...
الدية الي هتدفعيها عن قتل ابويا
وبمجرد ما هتدفعي الدية
انا ساعتها هترحم علي ابويا
وهنسي جريمتك ..
وهسيبك تروحي لحالك
فا رديت عليها بكسرة
وقلت ..
يا اميرة ارجوكي اسمعيني
الي بتطلبية مني ده مستحيل اقدر اعملة
وبعدين انا ق&تلت ابوكي لاني كنت مضطرة
لكن انا مقدرش اق&تل اي حد تاني.. وخصوصا محمد
في اللحظة دي
كشرت اميرة عن انيابها
وقالتلي ....
اوعي تكوني فاكرة اني مش واخدة بالي
من الرسم الي انتي بترسمية علي محمد
ولا تكوني فاكره
اني مش عارفة ..
انك بتباتي في غرفتة كل ليلة
عشان تتفقوا عليا
لا يا حلوه ...
انا عارفة كل حاجة بتحصل بينكم
وعارفة كمان ان محمد معجب بيكي
عشان كده واخد صفك انتي وامك
فا رديت با اصرار
وقلتلها ...مش هقدر اقت&ل شخص وقف جنبي
اطلبي مني اي طلب تاني
لكن انا مش هقدر اقت&ل محمد
فا ردت اميرة بغيظ
وقالتلي ....يعني انتي بترفضي ؟ ...ماشي
انا دلوقتي هبوظلك منظرك
عشان متقربيش من محمد تاني
ولا تعملوا اجتماعات سرية ضدي..وتتفقوا عليا
ولما شكلك يبقي مخيف
ساعتها انتي هتفوقي لنفسك
وهتنفذي كل الي هقولك علية
وفي لحظة
لقيتها كممت بوقي بالايشارب بتاعها
وتركتني في الاوضة بتاعتها وغابت شوية ورجعت
وبعد لحظات...
لقيتها راجعة وفي ايديها ماكينة الحلاقة بتاعة محمد
الي كنت بشوفها في الحمام
فا برقت عنيا...
واترعبت من الي هي ناوية علية
فا ضحكت اميرة وهي بتتشفي فيا
وبعدها قالتلي...
انا هحلقلك شعرك الذهبي ده علي الزيروا
وهتبقي ( قرعة)
وبالمرة هحلقلك شعر حواجبك..المرسومة دي
عشان شكلك يبقي مشلفط
ومحمد يقرف يبصلك
فا اتفزعت من الكلام الي قالتة ..
وحاولت احرر نفسي
عشان اهرب منها
لكن......
القيود الي في ايدي ورجلي
كانت اقوي مني
واستغلت اميرة ضعفي
واني مقيدة
وفضلت تضربني بقوة
فا استلمت غصب عني
واستكنت اخيرا
وتركتها تفعل فيا ما تشاء
وفضلت اتفرج
علي خصلات شعري الصفراء وهي بتقع علي رجلي
وبعدما ما اميرة نفذت الي في دماغها
و شعري بقي علي الارض
القيت نظرة علي شكلي في المراية
وفضلت اعيط علي شعري
وعلي منظري الي بقي مخيف
فا بصتلي اميرة بجبروت
وقالتلي ..انا فكرت تاني
ومش هحلق شعر حواجبك دلوقتي
عشان محمد ميسألش ويقول مين الي عمل فيكي كده
ومن دلوقتي عايزاكي تحطي طرحة علي شعرك
وتبعدي عن اي مكان يتواجد فيه محمد
لغاية ميعاد تنفيذ المهمة
سمعتي كلامي
ولا اعيد تاني؟
فا هزيت راسي بالايجاب
وانا بعيط ووافقتها علي كلامها
فا نزعت اميرة من علي بوقي الكمامة
وبعدها نزعت القيود من ايدي ورجلي
وناولتني طرحة من بتوعها
وقالتلي ..
خدي حطي دي علي راسك
وبعدما حطيت الطرحة علي راسي
لقيتها بتخرج من شنطتها
شريط حبوب لونها ازرق
وبعد ما حطت الشريط في ايدي
قالتلي
تعالي اقولك
هتق&تلي محمد ازاي
ومش هتصدقوا اميرة
كانت بتخطط انها تقت&ل محمد ازاي ......؟
للحصول على الجزء التالي بخطوتين 10 ملصقات ومتابعه هنا القصه كامله
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق