رواية حضن عشماوي الفصل الثامن والتاسع بقلم الكاتبه حنان حسن حصريه وجديده على مدونة النجم المتوهج
 |
خدي الحباية الزرقاء دي
وروحي اقت...لي
محمد اخويا
هو دا الكلام الغريب الي قالتهولي اميرة
وهي بتحط في ايدي شريط حبوب معرفش بتاع اية
فاوقفت ابصلها
وانتظرت انها تفهمني اكتر
وتعرفني اية دور الحباية الزرقاء في الخطة الي عملتها لق...تل محمد اخوها
وبالفعل بدات اميرة تشرح خطتها
وقالتلي...
انا عايزة نخلص منه بطريقة تبان علي انها حادثة عادية
نتجت عن الاسراف في تعاطي المن...شطات
اثناء دخلتة علي عروستة
عشان كدة انا جيبتلك الحبوب دي
وكل الي عليكي...انك
تتجوزي محمد جواز (عرفي)
وبعد ما تتم دخلتك علية..
هتطلبي منة انه يشرب معاكي علبة عصير
وفي الوقت دا
هنكون مفرغين محتويات الشريط الي معاكي دا كلة
في علبة عصير
وطبعا محمد ساعتها قلبة مش هيتحمل الكمية دي كلها وهيم...وت
وبكده هتبان الوفاة طبيعية
و كتير حصل وفيات
لغالبية الرجالة الي بيتناولوا كمية كبيرة من الحبوب دي
م الاخر الوفاة مش هيكون فيها شبهة جنائية
وهنا استوقفت اميرة
وسالتها بغضب
وقلت...انتي بتقولي اني هتجوز محمد ؟ وهتمم دخلتي علية كمان؟
فا ردت اميرة بكل ثقة
وقالت...ايوه طبعا لازم محمد يتجوزك عرفي
ولازم كمان الدخلة تتم قبل ما محمد يشرب العصير المخلوط بالمنش...طات
قلت..ولية لازم الدخلة تتم قبل العصير
فا ردت اميرة بضيق
للكاتبة..حنان حسن
وقالت..
لان الحبوب دي قوية جدا...
واكتر من حباية ممكن تتسبب في هبوط حاد في الدورة الدموية ...فما بالك بشريط كامل ؟
ودا معناه انه لو شرب العصير ممكن ميقدرش يتمم الدخلة اصلا
وانا عايزة شواهد ملموسة تثبت ان محمد تمم دخلتوا عليكي بالفعل..
عشان حجة الجريمة تكون مقنعة
وهنا رجعت اسألها تاني
وقلت...وانا بقي هتجوز محمد ازاي؟
فا ردت ببساطة
وقالتلي...بسيطة ..
استدرجية باسلوب الكهن بتاعك
لغاية ما تخلية يمضي علي عقد عرفي
وبعدها تمموا الدخلة
وقبل ما اعترض ولا اعلق علي كلامها
حذرتني اميرة
وقالتلي..
خلي بالك ..
ان بعد الدخلة مباشرة ..لازم محمد يشرب العصير
عشان ننتهي منه الليلة
قلت..
ايوه بس انا هنفذ الي انتي بتطلبية مني ازاي بمنظري دا وبعدين ازاي هقدر اقنعة بال.......
وقبل ما اكمل في الجدال او الااعتراض ...
وقفتني اميرة
وقالتلي..
كل المشكلة في شعرك
ودا حله سهل
حاولي بس تحافظي علي الطرحة علي راسك
لغاية ما تنتهي من المهمة
وفي اللحظة دي
لمحت في عينيها اصرار غير عادي
في الخلاص من محمد
فا فكرت بيني وبين نفسي
وقلت...هتماشي معاكي للاخر
بس ورحمة ابويا لادفعك ثمن الي بتعملية معايا غالي
يا اميرة
المهم ..
عملت نفسي مغلوبة علي امري
وسألتها
وقلت.......
يعني انا ...
لو نفذت المهمة الليلة
هتعطيني الورق الي انا وقعتلك علية من شوية؟
فا ردت اميرة
و قالت..ايوه طبعا
بمجرد ما تنفذي هتاخدي الورق الي انا ماسكاه عليكي فورا
فا هزيت راسي بالموافقة
وقلت...ماشي
جهزي العصير
والورقة العرفي الي هخلية يوقع عليها
علي ما اجهز نفسي
بس يارب اقدر اقنع محمد
بالجواز العرفي؟
فا ابتسمت اميرة
ابتسامة المنتصر
وقالتلي...
اعتبري العصير والعقد العرفي
جاهزين
بس انتي انجزي بسرعة
انا عايزة علي ما الصبح يطلع يكون غار في داهية
وبالفعل..
بدات اميرة تجهز العصير وتفرغ فيه شريط الحبوب الزرقاء
وانا روحت علي غرفتي
عشان اجهز نفسي
وبمجرد ما دخلت الاوضة بتاعتي..
وقفلت الباب علي نفسي
اول حاجة عملتها
هي اني اخدت اقراص المنوم القوية
الي كان الطبيب كاتبها لامي
ايام ما كانت بتعاني من الالام وكانت بتساعدها علي النوم
وبسرعة طحنت الحبوب المنومة
وحولتهم لبودر
وحطيت البودر في كيس صغير وخفيتة في صدري
وبعدها..جيبت علبة الايشادوا الصغيرة بتاعتي...
وبسرعة خفيتتها هي كمان في صدري
وبعدها. ..
لبست قميص نوم اسود مثير
ولبست علية روب شفاف
ووضعت علي راسي طرحة تداري (القرعة).. وتستر شعري الي مبقاش موجود اصلا
وبعدما القيت نظرة علي شكلي في المراية
رجعت علي غرفة اميرة
واخدت منها علبتين العصير
والعقد العرفي
وبمجرد ما اتوجهت لغرفة محمد
كنت خفيت العقد
ودخلت علية بعلبتين العصير فقط
واول ما محمد اتفاجئي بدخولي علية
بصلي بتعجب
وسألني...
وقالي.. في حاجة يا ملك؟
فا رديت بتأثر
وقلت...انا اعصابي منهارة
وتعبانة نفسيا جدا لدرجة
اني حاسة اني اتعس واحدة في الدنيا
فا رد محمد بتعجب
وقالي...مالك بس في اية؟
قلت..
هقولك ايه ولا اية؟
اقولك اني...
هتجنن من القلق علي ماما... وخايفة لا يكون جرالها حاجة
ولا اقولك ان اميرة حطاني في دماغها...
ومش طايقاني في البيت
ومخلياني عايزة اطفش من هنا
ولا اقولك..
اني حاسة اني حظي زفت في كل حاجة
فا ابتسم محمد
وحاول يهديني
وقالي...اهدي بس..
مفيش مشكلة ملهاش حل
وبص محمد للعصير
الي في ايدي
وسالني
وقالي ..انتي عازماني علي عصير ولا اية؟
فا رديت وانا بتصعب علي حالي
وقلت...اهو العصير دا كمان اكبر دليل علي اني حظي زفت
فا استغرب محمد
وقالي ...
واية علاقة العصير بالحظ السيئ بس؟
فا رديت وانا متدايقة
وقلت...
اصلي لما شعرت اني محتاجة اتكلم معاك ...
روحت اشتريت علبتين عصير..
وقلت اجيبهم واجيلك نشربهم واحنا بنتكلم
لكن بعد ما جيبتهم
اكتشفت ان صلاحيتهم منتهية
وقبل ما محمد يحاول يتأكد من صلاحية العصير
اخدت العلبتين وروحت بيهم علي الحمام المرفق بغرفة محمد
وفتحت العلبتين وصرفتهم في الحوض
وكنت في اللحظة دي
قررت استبدل العصير بالشاي
عشان احط لمحمد المنوم
الي معايا
لكن..
بعدما رجعت لمحمد
لقيتة مخرج علبتين عصير من ( الميني ثلاجة)
الي في غرفتة...
ولقيتة بيصب العصير في كوبيين
فا قررت اني ادس له المنوم في العصير
بدون ما ياخد باله
وفعلا
انتهزت اول فرصة
واول ما محمد راح يغسل ايده في الحمام
وضعتلة المنوم الي علي هيئة بودر..
في العصير الي محمد خرجة من ثلاجتة
وبمجرد ما محمد خرج من الحمام
بدء يشرب العصير
وهو بيقولي..
يلا اتكلمي انا سامعك
وعايز اعرف اية الي مدايقك تاني؟
في اللحظة دي
حاولت اضيع شوية وقت عشان يكون المنوم بدء يشتغل
وفضلت اشغل موسيقي هادية علي الموبيل
واول ما شوفت محمد بيترنح..عرفت ان المنوم بدء مفعولة يشتغل
فا رديت علية رد مفاجئ
وقلت...
انا عايزة اتجوزك يا محمد
ممكن تتجوزني ؟
فا بصلي محمد بشفقة
وبعدما سند راسة علي ظهر السرير
قالي...
لا حول ولا قوة الا بالله
يظهر ان الحالة اياه جتلك تاني
انتي لازم تاخدي العلاج بتاعك فورا
فا بصتلة بتعجب
وقلتلة...
علاج اية يا محمد ؟
انا مش مجنونة
م الاخر كده... انت عاجبني
وانا حاسة اني وحيدة...
ومحتاجة لوجودك معايا
فا بصلي محمد وهو بيحاول يفتح عنية بالعافية
وقالي...هتجوزك ازاي بس؟ وابويا لسة معداش علي وفاتة اسبوع واحد؟
فا طلعت العقد العرفي من صدري
وانا بملس علي شعرة
وسالتة
وقلتلة...محمد ؟
هو انا مش عاجباك زي منتا عاجبني
فا هز راسة بحماس
وقالي...ايوه انتي عاجباني اوي كمان
فا مديت ايدي بالعقد والقلم
وقلتلة
خلاص يبقي امضي بقي خلينا نتمم دخلتنا الليلة
فا مد محمد ايدة ناحيتي
واخد مني الورقة والقلم ووقع علي العقد العرفي
وبعدها رجع راسة علي المخدة وراح في النوم
وفي اللحظة دي
خرجت من صدري علبة الايشادوا بتاعتي (المكياج)
وبدات اضع لون ازرق تحت عيون محمد..ووضعت القليل منه علي شفايفة
وانتظرت مدة ربع ساعة
وانا ساكتة تماما
عشان حاول ارتب افكاري
وبعدها...
نظفت المكان من علب العصير
بتاعة محمد
وتركت العلبتين الفارغتين بتوع اميرة علي التربيزة
وقلعت الروب بتاعي
وفضلت قاعدة بقميصي العريان
وانا بنتظر اميرة عشان تشوفني بالوضع دا وتتاكد اني تفذت اوامرها بالفعل
لكن ..عدت الساعات واميرة مجتش
فا راحت عليا نومة في غرفة محمد
وبعد مرور بعض الوقت...
فتحت عيني علي ايد اميرة
الي كانت بتصحيني
وبتقولي...قومي بسرعة عشان عايزاكي
فا شاورتلها علي محمد
و قلتلها...
هو مال لونة عمل كده
بعدما شرب العصير؟
فا ردت اميرة
وقالتلي...
يظهر ان المهمة تمت بنجاح
فا صرخت وقولتلها...
يلهوي..تقصدي انة مات كده خلاص؟
للكاتبة .حنان حسن
فا ردت اميرة بصوت واطي
وقالتلي...هششش..وطي صوتك
واسكتي خالص ..
لا الشغاليين يسمعوكي
واخدتني اميرة من ايدي
وروحنا علي الغرفة بتاعتها
واول ما دخلنا لغرفتها
لقيتها بتقولي...
خليكي هنا لغاية ما اتأكد ان الشغالين مش هيسمعوا كلامنا
وفي اللحظة دي
قررت انال من اميرة
واسجل لها اعتراف بصوتها
وبالفعل فتحت التسجيل
علي الموبيل بتاعي
واول ما بقي المسجل قيد التشغيل
قابلت اميرة وهي داخلة عليا
وانا بدعي الهلع والتوتر
وقلتلها..
انتي متأكدة يا اميرة
انه م...ات فعلا؟
فا ردت اميرة
وسألتني
وقالتلي...
هو اية الي حصل بينكم بالظبط
قلتلها...انا نفذت تعليماتك بالظبط
وبعدما وقع علي العقد العرفي
تممنا دخلتنا...
وبعدها سقيتة العصير
و بمجرد ما محمد شرب من العصير
لقيتة مسك صدرة شوية وبعدها طب ساكت
فا فكرت اميرة شوية
وبعدها
قالتلي ...
خلاص
روحي علي غرفتك...ونامي وكأن شيئا لم يكن
والصبح نبقي نبلغ البوليس
فا قلتلها...يلهوي
معني كلامك دا انه...؟
م..ات خلاص؟
فا ردت اميرة بصوت واطي
وقالتلي..وطي صوتك
واسكتي خالص
الشغالة بره وممكن تسمعنا
فا اتشبست في رقبتها
وقلتلها...مهو اسمعي بقي
يا ست اميرة
انتي طلبتي مني اني اقتل اخوكي
وقولتيلي اني بمجرد ما هنفذ اوامرك
هترجعيلي الورقتين الي انتي خلتيني
اوقعلك عليهم
تمام؟
قالت...تمام
انجزي بقي عايزة ايه
قلت..
بما اني نفذت لك طلبك دلوقتي
فا لازم تديني الورقتين بتوعي حالا
بدل ما اسيحلك والم عليكي الشغاليين الي في البيت كلهم
فا ردت اميرة
وهي بتخرج الورقتين بتوعي من جيبها بعصبية
وقالتلي ..
هاتي العقد العرفي الي في ايدك ده الاول
وبعد ما ناولتها العقد العرفي
قالتلي. ..
اتفضلي الورق الزفت بتاعك اهوه
وبمجرد ما اخدت منها الورقتين
واتأكدت ان الورق دا هو الي وقعت علية فعلا
مزقت الورق لمليون قطعة
وبعدما خلصت من امر الورق
الي كانت مسكاه عليا
اخدت منها الموبيل بتاعها
ومسحت التسجيل الي كانت اميرة سجلتهولي بموبيالها
اثناء ما كنت بكلم جعفر في الموبيل
وبعدما خلصت
من اوراق الضغط الي كانت مسكاها عليا اميرة
وقفت اضحك علي غباءها بيني وبين تفسي
وبقيت اتخيل منظرها لما اسيبها و امشي
واترك لها البيت خالص
وهي تكتشف بعدها ان محمد مازال علي قيد الحياة
وقاعد علي قلبها
وبالفعل قولتلها ..
انا لازم اهرب حالا
وخرجت بسرعة من الغرفة
فا لحقتني اميرة ع الباب
وقالتلي...
تمشي فين دلوقتي يا متخلفة انتي
انتي لازم تحضري التحقيق لا يشكوا فيكي
قلت ...لا لا لا
...انا لازم اهرب حالا قبل البوليس ما يجي انا بخاف من البوليس بصراحة
فا رجعتني اميرة لغرفتها
وهي بتتوسلي
وبتقولي...ارجوكي اقعدي واسمعيني عشان الخطة تنجح للنهاية
ومحدش يشك في موتة
ودلوقتي ...
لازم تسمعيني و تعرفي هتقولي ايه للضابط
...لازم تحفظي الكلمتين الي هتقولليهم في التحقيقات
فسالتها..
وقلت... هقولهم اية
قالت...هتقولي انكم اتجوزتم امبارح عرفي
انتي ومحمد
وقبل ما تبداوا ليلة الدخلة بتاعتكم...
عريسك اخد الحبوب اياها وبعدها.. طب ساكت
وقبل ما ارد واقولها ماشي
لقيت الشغالة جاية
بتقولي...
محمد بيه صحي من النوم
وبيسال عليكي يا انسة ملك
فا ضحكت
وقلتلها ...
قوليلة اني بعمل حاجة في غرفة اميرة ..وجاية اهوه
وبعدما الشغالة مشيت
بصيت لاميرة
وقلتلها ..
حبيب قلبي محمد دا
ميغفلوش جفن...
قبل ما يطمن عليا
اعمل اية؟؟؟
اصلة مبيقدرش يستغني عني
في اللحظة دي
برقت اميرة عنيها
وهي بتبصلي بزهول
فا فاجئتها
وشاورت علي موبيلي
وقلتلها...
كل اعترافاتك الي اعترفتيها علي نفسك
اتسجلت هنا خلاص
لو تحبي نذيع قولي.... ذيع؟
وقبل ما اميرة تفوق من صدمتها ..
اقتربت من ودانها
وقلتلها...
دلوقتي انا معايا اعتراف منك بصوتك
وانتي بتخططي لقتل اخوكي
وانتي فقدتي كل الاوراق الي كنتي مسكاها ضدي
فا لو مخرجتنيش من دماغك
هضطر اسمع اخوكي التسجيل
وقبل ما اميرة تسب وتشتم
وتفجر غضبها في وجهي
فضلت انادي علي محمد بصوت عالي
واقولة...تعالي يا محمد انا هنا في غرفة اميرة
ولما وصل محمد
وقفت ابصلة
وقلتلة...
علي فكرة يا محمد
في حاجة حصلت وانا لازم اقولك عليها
فا استوقفتني اميرة
وقالت...خلاص يا ملك انا وافقت علي طلبك
فا رد محمد
وقالي ...انا عارف انتي عايزة تقولي اية يا ملك
فا ردت اميرة
وقالتلة
يعني انت سمعت كلامنا؟
فا رد محمد
وقالها...وبدون ما اسمع كلامكم
انا عارف ان ملك كانت بتقولك اني اتجوزتها جواز عرفي امبارح
فا ردت اميرة مؤكدة
وقالتله ..ايوه فعلا هو دا الي كنا بنتكلم فيه
دا كمان ملك قالتلي
انك...
(دخلت عليها) امبارح
فابصلي محمد باسف
وقالي. ..
انا عارف اني غلطت في حقك غلطة كبيرة
بس انا هصلح غلطتي دلوقتي
واخدني محمد من ايدي
بدون ما يقول هو واخدني علي فين
وقالي...تعالي معايا
للكاتبة ..حنان حسن
وبالفعل نزلت معاه وانا معرفش احنا رايحين فين
لكن اول ما وصلنا لمكتب المأذون الشرعي
عرفت ان محمد عايز يكتب عليا رسمي
لانة معتقد انه دخل عليا
فا حاولت اتفلفص منه بشتي الطرق
لكن...معرفتش
ولقيت نفسي متورطة في جوازي من محمد
محمد الي كنت عملت علاقة مع ابوه قبل كده
وبعدما تممنا الجواز
رجعنا علي البيت
ومحمد اذاع خبر جوازنا الرسمي
وبمجرد ما اميرة سمعت الخبر
كانت عينيها بتسب وتلعن فيا وفي اليوم الي شافتني فيه
بس طبعا منطقتش بكلمة واحدة
واركتنا ومشيت
وزعل اميرة
كان ...
لانها مكنتش عايزة محمد يتجوز رسمي
عشان محمد ميبقاش له وريث
المهم...
لما محمد شاف رد فعلها البارد
فا بصلي
وقالي ..ولا يهمك يا قلبي
انا من النهاردة مش هخليها تدايقك تاني
والبيت من النهاردة بيتك انتي
وهي ضيفة عندك
ولو مش عاجبها...يبقي تاخد نصيبها من الميراث وتغور
فا ابتسمت ابتسامة مجاملة
وقلتلة...بص يا محمد
انا في موضوع تاني غير موضوع اميرة خالص
كنت عايزة اكلمك فيه
فا رد محمد
وقالي... برضوا عارف انتي عايزة تقولي اية
قلت...عارف ايه
قال ..عارف ان الجوازة بتاعتنا جت سريعة
و انك عايزة مهر وشبكة وخلافة
بس الظروف الي حصلت هي الي اجبرتني
اني سرع في جوازنا
لكن انا اوعدك...
اني جوازي الفعلي منك مش هيتم
غير بعد ما يمر الاربعين بتاع ابويا
وعشان كمان اكون جهزتلك بيت نعيش فيه انا وانتي
ويبقي بيتك مملكتك لوحدك..
وكمان لازم هاجيبلك شبكة تليق بغلاوتك عندي
ولغاية ما دا يحصل
انا هبقي في اوضة..
وانتي في اوضة زي ما احنا
وبصلي محمد بكل حب
وسألني
وقالي...مش هو دا الي كنتي عايزة تقولية يا قلبي؟
فا هزيت راسي
وقلت...ايوه فعلا انا كنت عايزة اقولك كده
وبعدما خلصنا كلامنا ...استأذنت من محمد
وروحت علي غرفتي وانا عايزة اضرب نفسي مية جزمة
انا ازاي قبلت الجواز منه؟
و فضلت ليل نهار افكر في الورطة الجديدة الي وقعت نفسي فيها
ازاي اقبل اني اتجوز من محمد
دا سعيد يبقي والد محمد
وسعيد جوز امي عمل معايا علاقة مح...رمة
قبل ما يموت
يعني محمد متحرم عليابالفعل
طب ايه الحل دلوقتي؟
وللاسف مكنش في اي حل للمصيبة دي
والي زاد وغطي
اني اتفاجئت بالشغالة
في يوم
جاية وجيبالي ظرف من بره
وبتقولي...في واحد جاب الظرف دا وقالي اديهولك
وفي الظرف لقيت رسالة
مكتوب فيها
الاتي ...
مبروك الجواز يا عروسة
ومبروك علي النقلة الجديدة
بس اوعي تنسي حساب عيدان المكرونة
كل عود مكرونة بباكوا
الحساب عند الكاشير
منتظرك هناك
بعدما قرات الرسالة
عرفت ان الزفت جعفر
هو الي كتبهالي وهو الي بعتها
ولقيتني بقول لنفسي
اهلاااااا....
كدا بقي كملت
وبقت تمام اوي
وكنت فاكرة انها رسالة وعدت
لكن...
كل يوم والتاني كانت بتوصلني رسالة مشابهة من جعفر
وبرضوا كان بيطالب بحساب عيدان المكرونة
لكن انا مكنتش بركز مع رسايل جعفر وخصوصا...
بعد ما عرفت ان امي بخير
وقلت لنفسي
اني كده كده همشي من البيت هنا
بمجرد ما اتطلق من محمد
وفضلت علي كده
لغاية ما الاربعين بتاع جوز امي مر
وبعد الاربعين...
بدء محمد يطلب مني اني انزل معاه عشان نجيب الشبكة بتاعتي
فا كان لازم انفذ قراري و انفصل عنة
وبالفعل طلبت منه الطلاق
وبالرغم من صدمتة وحزنة من طلبي
الا ان محمد رفض طلبي
واداني فرصة افكر تاني
وفي اليوم ده
محمد تركني وخرج لشغلة الجديد
الي كان بيسعي لة من اول ما وصل مصر
وطبعا مكنش في مجال للتفكير
لان المشكلة ملهاش حل غير الطلاق
فا فكرت اني افاتح محمد في مسألة الطلاق تاني
اول ما برحع من الشغل
وباليل ..
اثناء ما كنت بنتظر رجوع محمد
وصلتني رسالة من جعفر
بيقولي فيها
اخرجي للجنينة.. وشوفي المفاجئة الي محضرهالك بره
في اللحظة دي
اخدني الفضول
وخرجت للجنينة لوحدي
لكن الغريبة اني ملقتش حد بره في الجنينة
فا رجعت تاني
عشان ادخل للفيلا
واثناء ما كنت بلتفت عشان ادخل
اتفاجئت بشخص منتقب بيهجم عليا بالس...كينة الي كانت في ايدة ....
فا رجعت للخلف عشان اتفادي الس...كينة
واثناء ما كنت برجع للخلف
وقعت واتخبطت في راسي
فا شعرت بالدوار
وفي اللحظة دي
ظهر الشخص المنتقب تاني
ورماني في حمام السباحة بتاع الفيلا
ووبمجرد ما وقعت في المية...
بدات اشعر اني خلاص بفقد الوعي تماما
وبعد فترة
فوقت لقيت نفسي في مستشفي
ولقيت محمد واقف جنبي
وماسك ايدي
وسمعت محمد
بيحمد ربنا اني فوقت اخيرا
وبيقولي...حمد لله علي سلامتك حبيبتي
فا بصتلة
وقلتلة ..
هو اية الي حصل؟
فا رد محمد
وقالي...
انا رجعت للبيت لقيت الشغالة بتحاول تستغيث باي حد عشان ينقذك
بعدما وقعتي في المية
فا نزلت في حمام السباحة وانقذتك بنفسي
لكن للاسف
دخلتي في اغماءة
بعد خروجك من المية
فا جيبتك علي المستشفي هنا
وانتي فاقدة للوعي
بس الحمد لله انتي دلوقتي فوقتي وبقيتي زي الفل
وفي اللحظة دي
لقيت الدكتور
جاي يطمن محمد
ويقولة...حمدا لله علي سلامتها
احنا عملنا لها اشاعات واتطمنا عليها
وعلي الي في بطنها
يعني هي بخير
( والجنين الي في بطنها بخير)
فا بص محمد للدكتور بذهول
وقالة...انت قولت اية؟
فا رد الدكتور بتعجب
وقالة...انت مكنتش تعرف ان المدام حامل ولا اية؟؟؟؟
المدام حامل.....
قبل ما تدخل علي عريسها
عارفين دا معناه ايه.....؟
الجزء التاسع
بعدما الدكتور صدمني بخبر الحمل
وبعدما عرف محمد جوزي
اني حامل
فضلت متنحة شوية من هول المفاجئة
وبعدها ركزت..واستوعبت
واكتشفت المصيبة الجديدة الي حلت علي دماغي
وفضلت اسأل نفسي
واقول
حامل ازاي دا محمد ملمسنيش
و بما ان محمد ملمسنيش
يبقي الحمل ده من (سعيد زوج امي)
الي هو والد محمد
يعني كده
يبقي انا حامل في...
( اخو زوجي)
يالهوي يا ناس علي اللبخ الي بيحصل في حياتي
دا اية كمية المعاصي الي عمالة برتكبها دي
طب وبعدين؟
هعمل اية في الذنب الجديد الي في بطني دا دلوقتي
هسيب محمد جوزي مخدوع
وفاهم ان الي في بطني ...يبقي ابنة
وهو في الحقيقة يبقي اخوه؟
ايه الجنان الي انا بقولة دا؟
لا لا انا لازم انهي المهزلة دي حالا
ولقيتني بنتفض من مكاني
وصرخت في الدكتور
الي كان واقف جنب محمد
وقلتلة...
الي في بطني دا لازم
ينزل يا دكتور
فا بصلي الدكتور بدهشة
بدون ما ينطق
وبعدها رجع بص لمحمد
وهو منتظر يشوف رد زوجي
علي طلبي الغريب
وفي اللحظة دي
قرب مني محمد وفضل يسألني
وقالي...ازاي يا ملك تطلبي من الدكتور طلب زي دا؟
فا رديت باصرار
وقلتلة...هو كده
انا قولت هنزل الجنين يعني هنزلة
ورجعت اطلب تاني من الدكتور انه يخلصني من الجنين فورا
فا بص محمد للدكتور باسف
وقالة...
تعالي معايا شوية يا دكتور
عايزك علي انفراد لو سمحت
وبعد ما محمد اخد الدكتور واختفوا خارج الغرفة
بصتلي الممرضة
وقالتلي..علي فكرة الدكتور بتاعنا مش بيعمل عمليات اجهاض
فا فضلت اترجي في الممرضة
واقولها...
ارجوكي لو تعرفي اي طبيب بيعمل عمليات اجهاض قوليلي علي مكانة
فا خرجت الممرضة من موبيلها رقم لطبيب تعرفة
وقالتلي
خدي الرقم دا
دا رقم طبيب بيعمل النوع ده من العمليات
فا فضلت افتش عن الموبيل بتاعي
عشان اخد الرقم واحفظة عليه
لكن ..
في اللحظة دي
اكتشفت ان موبيلي مش موجود
فا اتفزعت لما ملقتش الموبيل
لان الموبيل بتاعي كان علية التسجيل بتاع اميرة
الي كانت بتعترف فيه با اتفاقنا انا وهي علي قت...ل محمد
وفي اللحظة دي
افتكرت اميرة... وافتكرت كمان الي عملتة في شعري
فا حطيت ايدي علي راسي بسرعة
وقلت يلهوي...اكيد محمد اكتشف ان شعري محلوق علي الزيرو
لكن...اول ما لمست راسي
اكتشفت ان في طرحة علي راسي بالفعل
فا سألت الممرضة
وقلتلها...
هو انتي الي وضعتي الطرحة دي علي شعري؟
فا ردت الممرضة
وقالتلي...لا
احنا ملحقناش نلبسك اي حاجة
واعتقد انهم جابوكي لغاية هنا بالطرحة الي علي راسك زي منتي كده
وبالرغم من اني استغربت
من موضوع الطرحة الي علي راسي
لكن مركزتش مع الموضوع اوي
لاني كنت مشغولة في موضوع اهم
وهو... موضوع الحمل
الي انا متورطة فيه
المهم..
لما لقيت الممرضة
بتطلب مني اني احفظ رقم الطبيب الي بيعمل غمليات الاجهاض علي موبيلى
طلبت منها انها تكتبلي الرقم في ورقة
وفعلا كتبتهولي
واثناء ما كنت باخد منها الورقة
لقيت محمد داخل عليا ب ابتسامتة الهادية المعتادة
وقالي...
حبيبتي انا اتكلمت مع الدكتور وشرحتلة الظروف الي انتي مريتي بيها...
فا قالي انك محتمل تكوني بتعاني من حالة نفسية مؤقتة
وهي السبب في طلبك الغريب الي طلبتية من الدكتور
عشان كده
الدكتور اقترح عليا اسم طبيب نفسي
ممكن تتابعي معاه طول فترة الحمل
بعدما استمعت لمحمد
اتعصبت علية
وقلتلة...هو انت لية عايز تفهمني اني واحدة مخلولة و تعبانة نفسيا
فا رد محمد بغضب
وقالي...لازم تعترفي يا ملك انك بتعاني من مشكلة نفسية
واكبر دليل علي كده هو شعرك الي انتي حلقتية علي الزيرو
والمكرونة الي كنتي بتزرعيها
ودلوقتي ابنك الي عايزة تجهضية ... وتصرفاتك الغريبة كلها بتقول انك عندك مشكلة نفسية و محتاجة مساعدة طبيب نفسي
بعدما سمعت لمحمد
وعرفت هو شايفني ازاي
بصيتلة بغضب
وسألتة
وقلت...فين الموبيل بتاعي؟
فا رد محمد بتعجب
وقالي...مش عارف
موبيلك مش معايا
بس اكيد هتلاقية في الفيلا
وكمل كلامة وهو بيعمل اتصال من موبيلة
وقالي
لحظة واحدة هتصل علي سعدية الشغالة وهسألها علي الموبيل
وفعلا بدء محمد يتصل بالشغالة
في اللحظة دي
قولت لنفسي
يلهوي لو كان الموبيل وقع في الفيلا فعلا
دي تبقي كارثة
لان كده اكيد الموبيل هيبقي في ايد اميرة
وبعدما انتهي محمد من المكالمة
هز راسة باسف
وقالي ..سعدية بتقول انها مشفتش الموبيل
بس انا طلبت منها انها تفتش عنة كويس
وحاول محمد يتأسف علي الطريقة العصبية الي كان بيكلمني بيها
لكن انا غيرت الموضوع
وقلتلة...
انا عايزة امشي
وارجع الفيلا فورا
فا وافق محمد
وقالي..ما احنا هنروح فعلا
يا حبيبتي
طالما الدكتور طمني عليكي
وقالي انك بقيتي كويسة
يبقي نقدر نروح البيت دلوقتي
وفعلا ..
بعد ما انتهي محمد من دفع مصاريف المستشفي رجعنا للبيت
وبمجرد ما دخلت الفيلا
اتفاجئت با اميرة
المعدلة
اصل اميرة اتحولت وبقت تصرفاتها مختلفة و للنقيض تماما
وفجاءة لقيتها
جاية تجري عليا...
وبتاخدني في حضنها
انا كنت عارفة طبعا انها بتدعي بانها قلقانة عليا
بس بصراحة كنت مستغربة ومش عارفة اية السر وراء التحول الي اميرة فيه ده
لكن المصيبة الي انا فيها خلتني مركزتش معاها اوي
ودا لاني كنت قلقانة وخايفة احسن محمد يعثر علي الموبيل بتاعي ويفتحة
ويشوف البلاوي الي فية
واثناء ما كنت واقفة شاردة بذهني
سمعت محمد بيكلمني
وبيقترح عليا اني اطلع لغرفتي عشان استريح
المهم...بعدما طلعت لغرفتي
محمد قعدني علي السرير
وبعدها قعد جنبي ...
وحاول يضمني
فا بعدت عنة
وقلتلة...ابعد عني يا محمد
وحذار تقرب مني تاني
فا بصلي محمد بحزن
وبدل ما يثور علي اسلوبي الغريب معاه
رد عليا بهدوء
وقالي...حاضر انا هبعد
بس انتي حاولي ترتاحي زي ما الدكتور قالك
فا رديت تاني بنفس القسوة
وقلتلة...اه صحيح بمناسبة الدكتور
لازم تعرف اني هعمل عملية الاجهاض
و لو مكنش عند الدكتور صاحبك يبقي هعملها عند غيرة
فا هزمحمد راسة باسف
وقالي ..
حاضر هعملك كل الي انتي عايزاه
بس من فضلك اهدي واسمعيني
فا بصتلة
وقلتلة...عايز تقول اية
فا رد محمد
وقالي..
انتي سالتيني قبل كده
عن حياتي قبل ما اقابلك وانا مجوبتكيش
لكن دلوقتي
هحكيلك نبذة مختصرة عنها
وبدء محمد يحكي
وقال...
زمان انا كنت عايش مع عيلتي
وكنت مستمتع بدفئ العيلة
مع امي واختي الصغيرة
لكن...
لما اختي ماتت امي قلبها متحملش صدمة فراقها وماتت وراها
وانا فجاءة لقيت نفسي لوحدي
وبصلي محمد وعنية مليانة بالدموع
وقالي..
انا بقالي سنين كتير اوي عايش لوحدي يا ملك
وكنت فاكر اني هفضل لوحدي لغاية ما اموت
لكن ... فجاءة قابلت بنت زي القمر...ملكت قلبي
وايوه انتي ملكتي قلبي يا
( ملك)
وحبيتك بجد من اول ما شوفتك
واعتبرتك رزق ربنا بعتة ليا
ولما شكرت ربنا علي رزقة زدني
وبعتلي الحمل الي في بطنك
ساعتها بس عرفت
ان انتي والي في بطنك كنتوا العوض
عن العيلة الي فقدتها قبل كده
با اختصار يا ملك
انتي والحمل الي في بطنك
بمثابة فرصة للحياة ليا من جديد
وجثي محمد علي ركبتية
واترجاني بعنية الي مليانة دموع
وقالي...ارجوكي يا ملك متحرمنيش اني افوز بالفرصة دي
في اللحظة دي
حسيت اد اية محمد دا انسان طيب وحساس والدنيا قسيت علية زي حالي
فابصيتلة
وانا افكر اني اعترفلة بكل حاجة
واقولة ...اني انا كمان بحبة
ومصدقت لقيتة.. وان الي انا هعملة دا
تصحيح لجريمة بشعة ارتكبتها
لكن تراجعت عن الاعتراف
في اخر لحظة
لان لو محمد عرف ايه هي الجريمة بتاعتي عمره ما هيسامحني عليها
وبدل ما اخده في حضني واصارحة بالحقيقة كلها
غيرت الموضوع
واتعللت باني عايزة ادخل الحمام
وقمت من جنبة بسرعة
وانتهي بينا الحديث في اليوم دا علي كده
وتاني يوم
لقيت رسالة جديدة جاية من الزفت جعفر
بس الرسالة المرة دي
كانت غريبة ومخيفة
اصل الرسالة كان مكتوب فيها التالي...
مبروك ع الحمل
لكن خلي بالك
محمد ملوش علاقة بالطفل الي في بطنك
ودي معلومة انا متأكد منها
لاني عارف والد الطفل الي في بطنك كويس اوي
الطفل دا يبقي...
يبقي..
( ابني انا)
ابني امانة مزروعة في بطنك..
حافظي علية
زي ما بتحافظيلي علي عيدان المكرونة.....؟
لحظة معلش....
هو مش مفروض ان انا استقريت علي ان والد الجنين الي في بطني ...
يبقي ...( جوز امي)؟
امال ازاي جعفر بيقول انه والد الطفل؟
ولو افترضا جدلا ان جعفر هو ابوه فعلا
طب تيجي ازاي دي؟
دا جعفر عمره ما شافني
ولا انا شوفتة قبل كده؟
دنا حتي لغاية دلوقتي انا معرفش مين جعفر؟
لا كده انا اتلخبطت
الي فاهم حاجة يفهمني يا جماعة.......؟
10ملصقات ومتابعه هنا للقصه
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق