زهور من مجهول البارت الثاني بقلم رومانتيكا حصريه وجديده على مدونة النجم المتوهج
 |
زهور من مجهول البارت الثاني بقلم رومانتيكا حصريه وجديده على مدونة النجم المتوهج
فتحت الباب ودقات قلبي عم تتسارع رفعت راسي وتطلعت في كان رجال كبير شوي بالعمر نحيف وطويل وباين عملامح وشو التعب تطلعت في للحظات وحسيتو استغرب لما شافني.
ريما. مين حضرتك وليش عم تحط ورد عند باب بيتي كل يوم
م. لاء ...يا أنسة فهتيني غلط انا الصراحة عامل وشغلتي توصيل الطلبات متل مانك شايفة
ريما. طيب ممكن اعرف مين الي عم يطلب منك تحطلي الورد كل يوم عباب بيتي
م. أسف يا أنسة ما فيني خبرك لازم ما افشي أسرار مهنتي وحافظ عالثقة بيني وبين زبايني
ريما. طيب وعد ما بخبر حدا بس ضروري اعرف الله يوفقك
م. لا لا ما بقدر أسف
عطاني باقة الورد وصار يمشي بسرعة وتجاهل حكيي هالمرة كان مكتوب عالبطاقة "أزرع الأمل بداخلك ستجده حولك"
ابتسمت ضبيتون عبعضون وحطيتون بالمي ما بتصدقو انو هالمجهول خلاني انتظر باقة الورد كل يوم ادمنت ريحتها وكتير حبيت العبارات الي بتكون معها لأنو عم تعطيني أمل بهالحياة بس فضولي رح يقتلني لأعرف مين الي عم يخليني اتعلق بهالحياة ويعطيني دافع لأستمر
بعد فترة صار وضعي أحسن بكتير وكرست كل أهتمامي لجامعتي وحلمي بأني صير طبيبة.
سمعت كذا مرة انو ايمن متغير كتير وصاير حدا تاني بس معد اهتم
_________________________________
_________________________________
كنا انا وأزهار بالمطبخ كالعادة هي عم تطبخ وانا عم بجلي ،هههه ما بعرف أطبخ ابداً ودائماً بحرق الأكل ،مشان هيك مسلمة هالمهمة لأزهار خلصت جلي ورشيت أزهار بالمي وقبل ما تحكي شي وتصيح عليي رن جرس البيت طبعاً انا استغليت هالفرصة وركدت بسرعة لأفتح الباب واهرب منها بنفس الوقت
وقفت ورا الباب وسألت مين واجهني صوت رجولي فتحتو كان عبد رفيقو لأيمن ملامح وشو باهتة ومبين عليه القلق
ريما. عبد؟!
شوفي ...شبك ليه هيك لون وشك
تطلع فيي وصار يحكي بسرعة وتوتر عبد. ريما انا خرجت أيمن من المشفى ولازم نضل عندك هالفترة الله يوفقك مافي حدا منقدر نوثق في غيرك
توسعت حدقة عيني وبلشت تعلا أنفاسي...أأنت شو عم تحكي؟!!
مشفى شوو شو صاير؟!
عبد. ريما مو وقتو هلق الله يوفقك ...تعي ساعديني لننزلو من السيارة
لحقتو بسرعة ودقات قلبي كانت أسرع الخوف مسيطر عليي
فتحت باب السيارة وتطلعت في كان جسمو كلو رضوض...كيف وضعوو؟
تطلع فيني أيمن. ماني منيح
تجاهلت نظراتو وكملت حديثي مع عبد...عبد شو الي صار؟!
عبد. لا تخافي مافي شي شوية رضوض بسيطة ...بس الله يوفقك تعي ساعديني لننزلو
سندت كتفو عليي وعبد سندو من الجهة التانية كنت عم حس بأنفاسو الي عم تشعل قلبي بنار مستحيل تنطفا غير بحبو لما شفتو تعبان أجى عبالي ضمو قلو اشتقتلك كتيير بس لما بتذكر قسوتو بتراجع فوراً
حطينا عالكنباية ولساتني عم بطلع بعيونو
أيمن. كأنك بدك تقولي شي؟
هزيت براسي بسرعة ...تجاهلت وجودو وتطلعت بعبد
ريما. وين خطيبتو ليش ما اخدتو لعندا؟!
ابتسم وأشر عليي عبد. ها هي
ريما. قق قصدي خطيبتو الحالية
تطلع بعيوني بحب أيمن. مافي غيرك
تجاهلت نظراتو وحاولت غير مجرى الحديث...شو الي صار خبروني ماني عم بفهم شي...ليش هربانين من البيت؟!
وليش هيك شكلو؟!
وليش خرجتو من المشفى بهالوضع؟!
عبد. هدي
شوي شوي علينا كيف بدنا نجاوبك عكل هالأسئلة
شبكت أيديي ببعضون وتطلعت بعيونو...طيب هي هديت أحكي
هز براسو لفوق وأشر عأيمن ... ما انا الي رح احكي هاد الي رح يحكي
ريما. احكي انت
سكتت شوي وتطلعت في...قصدي كيف رح يحكي بهالوضع
أيمن. انا منيح ريما
كتمت غيضي كلو وهزيت براسي لأفهم شو القصة
أيمن. ريما قبل ما خبرك بالقصة بدي تتأكدي من شي حقيقي وما تشكي في ابداً والي هو حبي لألك الي مستحيل ينقص بالعكس كل ما بعدت عنك عم بعشقك أكتر
حبست دموعي بأيدي بقهر...اي واضح كتير
أيمن. ريما انا كل شي عملتو مشانك مشان أحميكي من الوحوش
عليت صوتي وصرت صيح في ريما. أساساً مين الوحوش بوجودك تركتني مشان تحميني؟!!
خطبت تاني يوم كمان مشان تحميني؟! واعترافك لألي انك ما بتحبني كمان لتحميني؟!!
قلي أيمن قول، جاوب ليش هيك سكتت، لك انا ما عم بفهمك ابداً
قرب مني بصعوبة واجى ليضمني بعدت دغري...أوعك ايمن، اوعك تقرب مني
ايمن. طيب أهدي ، رح تفهمي كل شي بس أهدي
تنهدت بعمق وتطلعت بعيونو...أحكي ايمن
أيمن. متل ما قلتلك انا تركتك لأني كنت خايف عليكي ولحتى أقنع الكل بأني ما بحبك اخترعت كذبة اكبر وهي خطبتي الي مو موجودة اساساً
سحبت نفسي بصعوبة...ليش؟
أيمن. ريما بتتذكري عصابة المخدرات الي كانو رح يضحكو عليكي ويخلوكي تدمني؟!!
ريما. اييي
أيمن. انا كنت خايف عليكي منون
قاطعتو بتوتر ...بس انت كشفتون ودخلو عالسجن وعم ينالو عقابون
سرح شعرو بأيديه التنتين وتطلع بعيوني بحزن أيمن. ريما الموضوع مو متل مانك مفكرة هالعصابة مو واحد ولا تنين ولا حتى عشرة يعني الشغلة مو بهالسهولة
ريما. يعني بفهم انو لساتون منتشرين بيناتنا
أيمن. هاد الي بدي أوصلو منتشرين بيناتن مع الأسف...وحتى فيني قول عايشين معنى
ريما. أيمن انا ما عم بفهم عليك ليش كنت خايف عليي منون ؟؟
أيمن. جاييكي بالحكي بعد ما خبرت على قسم منون بلشت توصل رسائل تهديدات عموبايلي والشي الي كنت متأكد منو انو رح يستغلوكي ليضغطو عليي من خلالك ...كنت متأكد انون رح ينتقمو مني مشان هيك سبقت عليهن وتركتك وبلشت أوهمهون اني ما بحبك لحتى يبعدو عنك اكتر وما يأذوني فيكي
ريما. هه كيف يعني أوهمتون
أيمن. لما قلتلك انو جزء منون عايش بيناتنا كنت بقصد هالكلمة كتير منيح
ريما. قصدك في خاين قريب مننا
هز راسو وحكى بتوتر. مو قريب مننا وبس هو واحد مننا نحنا الخمسة حتى انو كل ما كنت بدي خبر الشرطة عن مكانون يغيرو ومافي غير نحنا الخمسة كنا نعرف
فتحت كف ايدي وصرت أنقل بين أصابيعي بخفة...ميين؟! 1-انت 2-انا 3-أزهار4-فراس 5-عبد
ههههه مين من بيناتنا خبرني أيمن...راسي رح ينفجر الله يوفقك
أيمن. أسف ما كنت حابب توصلي لهالمرحلة كنت متمني انك ترجعي عالبلد لأضمن سلامتك أكتر بس كنتي عنيدة
عليت صوتي بوجهو بجية أزهار... قلي مين الخاين ميييين؟!
تطلع فيني وسحب نفسو أيمن. الخاين هووو!...#يتبع
أزرع الأمل داخلك ستجده حولك.
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق