روايه مراهقه أوقعتني في حبها البارت الحادي والعشرين حتى البارت الخامس والعشرين بقلم أمل أحمد حصريه وجديده على مدونة النجم المتوهج
 |
فريده بصدمه :واحدههههه !! واحده مين أن شاء الله
العسكرى :والله ما اعرف يا هانم
فريده بعصبية :طيب دخله الفون دلوقتى أنا عايزه أكلمه
العسكرى : أنا اسف بس والله ما هينفع هو قايلى مدخلش غير بأذنه
فريده : لوسمحت دخله الفون وقوله انسه فريده بترن
العسكري :مش هينفع والله يا هانم دى أوامر
فريده بعصبية :هو اي إلى أوااااامر أنا عااايزه أكلمه دلوقتييييى
العسكرى :يا هانم حضرتك كدا هتعمليلى مشاكل
فريده بثقه :متخافش لو كلمك هقوله أنا إلى طلبت منه ولو سمحت دخله الفون دلوقتييييى
العسكرى بقله حيله :حاضر يا هانم هدخله وأمرى لله
توق توق توق
يوسف :ادخل
العسكرى دخل وملامح الخوف مرسومه على وشه من رد فعل يوسف واتكلم بخوف
يوسف بعصبية :خير يا عسكرى مش قولتك متدخلش غير أما اطلب منك
العسكري بتوتر : والله يا باشا اصل الانسه فريده رنت ومصممه تكلم حضرتك
يوسف بعصبية : طيب وقولتلها انى مشغوول
العسكري بتوتر اكتر :اااه اصل هى معايا على الخط دلوقتى
يوسف بعصبية :هات هااات الفون داااا ..وشد منه الفون بعصبية وخرج العسكرى
يوسف للبنت إلى قاعده فى مكتبه :عن اذنك دقيقه وجاى
البنت :اه طبعاً اتفضل يا يوسف بيه
يوسف قام من مكتبه و وقف بعيد شويه و رد على فريده بعصبية
يوسف بعصبية :اي يا فريده فى اي من امتى وانتى بترنى وانا فى الشغل
فريده بعصبية اكتر : والله وانت مش واخد فونك معاك ليه أن شاء الله ولا مش عايز حاجه تضايقك وانت قاعد مع المزه
يوسف باستغراب :مزه اى وبتاع اى انتى هبله يابتتت
فريده :وكمان بتشتمنى عشانها
يوسف بعصبية :فريييييده مش وقت جنانك دا انا ورايا شغلللل اقفلى ونتكلم بالليل
فريده بسخريه مصحوبه بعصبية :شغل ! طيب خلى الشغل ينفعك يا يوسف ومفيش كلام لا بالليل ولا بالنهار وخليك مع المزه .. وقفلت
يوسف :فريده الوو الوووو.. ايه البت الهبله دى وبعدين مزه ايه بس إلى بتتكلم عنها لا اله الا الله البت اتهبلت ..ورجع تانى لمكتبه
يوسف :احم معلش على المقاطعه بس دى خطيبتى بقا ولازم ارد عليها
البنت :لا ولا يهم حضرتك وطبعا لازم ترد عليها
يوسف : شكراً لتفهمك اتفضلى كملى ..بقلمى أمل احمد ✍🏻
_______________________
عند فريده
كانت قاعده متضايقه وبتعيط وهى شبه متأكده إن يوسف فعلاً بيكلم بنت غيرها
فريده بعياط :أنا يا يوسف بتخونى انااا ليييه أنا عملتلك ايه بس مااشى والله لاوريك
________________________
فى الڤيلا
باسل خد دش قبل ما ينام وصلى فرضه وكان لسه هيحط رأسه على المخده لكن جاتله رساله كفيله أنها تخليه ميجلوش نووم
والرساله كانت من اللواء كمال وبيقول فيها ..(سياده الرائد باسل بكره إن شاء الله معاد العملية إلى بنخططلها من شهور عايزك تجهز وتستعد لأنها من أخطر العمليات إلى هتدخلها أنا مش بقلقك وكمان مش بطمنك لأنها فعلاً خطيره وانا عارف انك راجل وقدها ..عايزك تجمد كدا وترفع راسى وتشرفنى كل تفاصيل العمليه انت عارفها من الاسبوعين إلى فاتو وان شاء الله ربنا هيحفظك وترجع لنا ولاهلك بالسلامة
انت قدها يا بطل ...)
باسل قرأ الرساله وحس بنغزه فى قلبه هو مش عارف سببها
باسل لنفسه :هو أنا خوفت ليه انا مش بخاف ولا بقلق من اى عملية بس انا مش خايف على نفسى أنا خايف عليها هى إلى هتتأذى بسببى وهتتقهر عليا بسببى يارب أنا مش عايز اكون السبب فى حزنها فى يوم من الايام يارب قوينى ومتخلنيش أضعف قدامها أنا بحبهاا ايوه انا بحبهااا اوى بقت جزء أساسي من حياتى فى وقت قصير بقت ضحكتى وبقت حزنى يارب أنا مش عايز غير أن ابتسامتها متفارقش وشها وعارف انك رحيم انا هبلغها بالخبر واودعها وان شاء الله خير ..ونهى كلامه ب يارب
باسل خرج من غرفته واتجه لغرفه مى وخبط براحه
باسل بهدوء :مي انتى صاحيه
مى : ...
باسل فتح الباب بهدوء و مى كانت بتصلى ..باسل قعد لحد ما خلصت واول ما خلصت جريت عليه بلهفه طفله
مى بضحكه طفله :سولى سولى انت جيت تطمن عليا صح
باسل وهو بيسحبها ليه بحب : تقبل الله اها يا حبيبتى كنت جاى اشوفك صاحيه ولا نايمه
مى ببرائه :تؤ تؤ صاحيه طبعا مقدرش انام غير أما اشوفك قبل ما انام و ارغى معاك شويه
باسل كانت دموعه على وشك النزول وفجأة خد مى فى حضنه جامد ومى كانت مستغربه لكنها بادلته الحضن
باسل :مى أنا عايز اقولك على حاجتين بس بالله عليكى عايزك تجمدى عشان أنا على أخرى
مى بخوف: حاجتين ايه قول يا باسل قلقتنى
باسل :مى أنا بحبك
مى ببرائه وخرجت من حضنه بسرعه :بجدد يا باااسل بجد بتحبنى
باسل بحب :اه بحبك يا ميووش انتى دخلتى قلبى من اول مره شوفت فيها برائتك وضحكت وإصرارك على انك تغلبينى فى لعب الكوره
مى بضحكه فرحه :ههه اها وفى الاخر غلبتنى
باسل بابتسامه :عشان خاطرى متزعليش منى يا مى
مى باستغراب :ازعل منك على اي هو انت عملتلى حاجه عشان ازعل منك
باسل وهو يحاول التماسك : مى اعترافى لحبى ليكى دى اول حاجه ثاني حاجه وهى ..وسكت
مى بقلق :اي يا باااسل فى اي قول حرام عليك انت خوفتنى
باسل :أنا رايح بكره عمليه مهمه يا مى والله اعلم هرجع منها ولا لاء..
مى بصدمه :ايييه عمليه تااانى يا باسل وكمان متعرفش هترجع منها ولا لاء لاء يا باسل حرام عليك قول انك بتهزر بالله قول انك بتهزر
باسل :أنا آسف يا مى بجد كان نفسى اكون بهزر ولا انى اعيشك ساعات فى حزن وخوف عليا
مى بدأت تعيط جامد وباسل دموعه كانت على وشك النزول لكن تمالك نفسه بالعافيه عشان يطمنها ويبقى ثابت قدامها
مى بعياط :لا يا باااسل حرام عليك بجد أنا عايزاك جمبى
باسل شدها لحضنه جامد وهو بيضمها ليه بكل قوته
باسل : هرجعلك أن شاء الله يا مي بس انتى ادعيلى عشان خاطرى متعيطيش دموعك بتوجع قلبى
مى بعياط وهى ماسكه فيه زى الأطفال وخايفه يروح منها : يا باسل عشان خاطرى متروحش أنت لو لاقدر الله حصلك حاجه أنا مش هعرف اكمل حياتى بطريقة طبيعية أنا خدت على وجودك جمبى يا باسل مين هيحمينى من بابا مين هيفسحنى ويخرجنى مين هيقعد يهزر معايا
باسل وهو يبعدها عنه قليلاً ليمسح دموعها بيده بحنان : عشان خاطرى كفايه أنا أصلا قلبى واجعنى عليكى لوحده عشان خاطرى أهدى وانا هبقى بخير والله بس انتى ادعيلى يا مي
مى بعياط اكترر وبتزيد من احتضانه : بالله عليك يا باسل متروحش عشان خاطررى
باسل :يا حبيبتى والله مش هينفع دول معتمدين عليا كامل الاعتماد خاصه فى العملية دى
مى كانت بتزيد فى العياط وباسل كان قلبه بيوجعه اكتر وهو شايفها بتتعذب بسببه وكمان كان فرحان من حبها ليه وأنها خايفه عليه بالشكل دا وفضل يهديها ويقنعا طول الليل وفضل يلعب لها فى شعرها لحد ما نامت فى حضنه وباسل شالها ونيمها على السرير ونام جمبها وهو بيضمها ليه وحاسس أنها اخر مره تبقى معاه وكان خايف عليها جداً وقرر ينام شويه قبل معاد العمليه ...
______________________
عند يوسف
خلص شغله و روح وقرر أنه يرن على فريده ويشوفها مالها و رن عليها
يوسف :حبيب قلبى عامل ايه
فريده :ملكش دعوه بيا واقفل يا يوسف ومترنش تانى
يوسف :طيب هعتبر نفسى مسمعتش حاجه فرى حبيبتى عامله ايه
فريده بعصبية :متقولش حبيبتى أنا مش حبيبتك انت فااااهم
يوسف :فى اي يا فريده حصل اى لكل دااا
فريده : يا بجحتك ومش عارف فى اييييه
يوسف وهو بيمتص غضبه :لاء معرفش فجأة الاقيكى بترنى عليا فى شغلى وتقوليلى انى قاعد مع المزه وبعدين ارن عليكى دلوقتي تقوليلى ملكش دعوه بيا ومترنش تانى في ايه انتى شاربه حته ب ٢٠٠ ولا ايه
فريده بعصبية :يوسف أنا مبهزرش
يوسف برخامه :وانا بقا بهزر
فريده بعصبية اكتر :يوسسفف
يوسف :قلب يوسف
فريده ابتسمت بخجل وعلى طريقته المحببه ليها وكانت لسه هتضحك لكن افتكرت الرساله و كلام العسكرى أنه قاعد مع واحده و ردت بكل برود عكس إلى جواها
فريده : يوسف لوسمحت مترنش عليا تانى عشان بجد مش طايقاك ولا طايقه اسمع حسك ولو رنيت تانى هعملك بلوك
يوسف : مش طيقانى ..ولا طايقه تسمعى حسى حاضر يا فريده أنا مش هسمعك حسى شكراً ..وقفل
فريده بحزن :اى دااا..دا قفل ينهار ابيض أنا شكلى زعلته اوى لا أنا هرن عليه اصالحه ..و رنت عليه
يوسف :هااا حسى وحشك ولا ايه يا فرى
فريده بإحراج : احم لا دا انا بس نسيت اقولك متنساش تحدد معاد مع بابا
يوسف :ليه
فريده :عشان نفسخ الخطوبه
يوسف :اقسم بالله يا فريده لو ما اتعدلتى لا هخلى ليلتك طين على دماغك
فريده : أنا إلى اتعدل ! يعنى خاين وكمان بجح
يوسف بعصبية :لا بقااا دا انتى زودتيها اووى ما تتظبتى يا بت
فريده بصدمه :بتتت؟! ايوا أظهر على حقيقتك و خليك انت حلو معاها وتيجى معايا تبقى زى ال ..وسكتت
يوسف بعصبية :هى ميييين دى يا متخلفه انتييييى
فريده :الحلوه إلى بتخونى معاها
يوسف :يابت لمى نفسك أنا لحد الآن مش عايز أقل ادبى عليكيييى
فريده :أنا بردو إلى الم نفسى يا صايع يا بتاع البنات
يوسف فى سره : استغفر الله العظيم يارب ..فريده
فريده : يا نعم
يوسف :اقفلى عشان مهزقكيش
فريده : كمان عايزنى اقفل عشان تعرف تكلمها براحتك
يوسف بصوت عالى :اللهم طولك يا روووووووح هى مييييين دييي إلى اكلمها براحتييييى
فريده بدموع :إلى بتخونى معاها
يوسف :اقسم بالله انا لو بخونك مع حد هقولك
فريده : يخربيت بجاحتك
يوسف :شوفتى ..فى بجاحه اكتر من كده
فريده :طيب هى مين الواحده الى كانت قاعده معاك النهارده
يوسف : انهى واحده ؟
فريده بصدمه :يا حزنييييى انهى واحده!! ليييييه هما كام واحده قعدت معاااك النهارده
يوسف : هى واحده كانت جايالى النهارده عشان تعمل محضر سرقه بس ثانيه انتى عرفتى منين
فريده :ما هو العسكري قالى
يوسف بعصبية :وانتى بتتكلمى معاه ليه اصلاااا
فريده بعصبيه :يا سلام هو دا إلى فرق معاك اوى على العموم أنا كنت بكلمه عشان اطمن عليك وللاسف اكتشفت خيانتك يا خااااين
يوسف :خيانه ايه يا متخلفه انتى هو أنا لو عايز اخون كنت خطبتك ليه من الاول منا كان زمانى عايش ومقضيها مع كل واحده شويه لكن أنا عشان بحبك مقدرش حتى افكر فى واحده غيرك لانك ماليا عينى يا فرى ..
فريده ابتسمت بفرحه وحست انها ظلمته لما فكرت أنه ممكن يكون بيخونها
فريده بفرحه بتحاول تداريها :احم طيب
يوسف :انشكحتى اوى دلوقتي يختى لازم تطلعى عين اهلى كدا فى كل مكالمه
فريده بضحك وراه الفون :احم اه انشكحت وبعدين اعيش واطلع عين أهلك الله
يوسف :طلع يا ابا براحتك هو أنا عندى كام فرى
فريده بكسوف :احم خلاص بقا عشان بأوحرج
يوسف :ايوه ايوه منا عارف انك بتأوحرجى اوى يابت
فريده :ما خلاص يا كبير لازم يعنى فضايح
يوسف :يلا أنا داخل انام تصبحى على خير يا فرى قلبى
فريده :وانت من اهل الخير ياچوو
وقفلو وناموو...
_____________________
فى صباح اليوم التالى
فى الفيلا
تحديدا فى غرفه مى
مى صحيت من النوم وافتكرت إلى حصل امبارح و دمعت لما ملقتش باسل جمبها وقامت جرى تدور عليه فى غرفته لكنها ملقيتهوش وعرفت أنه راح المهمه بتاعته نزلت على السلالم وهى بتعيط وعينيها بتدور على باسل فى كل أركان الڤيلا لكن بدون فايده ..رباب كان لسه صاحيه وقامت تحضر فطار ل مى ولاقتها قاعده فى الصالون بتعيط لدرجه ان الدموع مغرقه وشها ف اتجهت ناحيتها
رباب بصدمه :مى مالك يا حبيبتى بتعيطى كدا ليه
مى بعياط :ب با باسل م مشى
وساا سابنى
رباب خدت مى فى حضنها وفضلت تطبطب عليها
رباب بحنان :طيب أهدى بس يا حبيبتى وقوليلى ايه الى حصل وباسل سابك وراح فين
مى حكيتلها إلى حصل امباح وهى منهاره فى العياط
مى :و وصحيت ملقيتهوش أن أنا خايفه يحصل يحصله حااجه
رباب وهى مازالت تطبطب عليها :بس بس يا حبيبتى اهدى أن شاء الله خير ادعيلو وهو أن شاء الله هيبقى كويس وهيرجع سليم
مى بعياط :أنا خايفه اوى يا رباب دا هو ال شخص الوحيد الى قدر يفرحنى بعد خالو وماما الله يرحمها وانا اتعودت على وجوده يجى فجأة كدا يختفى من حياتى ..وتزيد مى فى البكاء
رباب :يا حبيبتى أن شاء الله باسل هيبقى كويس ويرجعلك والله متعيطيش بقا
رباب بمشاكسه وهى تحاول تضحكها : ايوه يا عم بقينا نحب اهوو ونعيط عشانو كمان فينك يا سي باسل تشوف ميوش وهى هتموت عليك
مى وشها احمر من كتر الخجل وضحكت ضحكه بسيطه وهى دموعها مازالت مستمره
رباب وهى بتطبطب عليها : ما خلاص بقا يا بت يا مى هفضل أنا بق ..قطع كلامها ريحه أشبه بالحريقه
رباب وهى بتشم مصدر الريحه وشهقت فجأة : يا خرابى الأكللل !!
مى خرجت من حضنها و بصتلها باستغراب
رباب :الأكل نسيته على النار ..وقامت تجرى على المطبخ وهى بتقول :يا خرااااب بيييتك يا ربااااب
مى ضحكت على طريقتها و طلعت صلت فرضها وكمان دعت لباسل ربنا يحفظه ويرجعه بالسلامه ..
__________________
فى مكان ملئ بالجبال و العساكر والضباط
باسل كان واقف والشمس كانت حاميه جداً
باسل بعمليه : يوسف هات العساكر هنتحرك حالاً
يوسف : تمام
واتحركوا ناحيه الهدف وكانوا العساكر واقفين مستعدين لأى أوامر
يوسف لعساكره بصوت عالى :مش عايز اى حركه أو صوت
العساكر :تمام يا فندم
باسل شاف حد خارج من ثغر فى جبل قدام إلى واقفين عليه
باسل بسرعه :يوسف خليك هنا وانا هراقب إلى خرج دا وشاورله على الراجل
يوسف بتحذير :باسل خلى بالك دول مسلحين
باسل بلامبالاه :عارف عارف
يوسف :طب استنى خد عسكرى معاك
باسل بسرعه:لا لا لا عشان محدش يحس بحاجه ..ومشى يراقب الراجل وهو لا يعلم بوجود من يراقبه ..
عند يوسف كان بيتواصل مع اللواء كمال وبيعرفه كل خطوه
يوسف :ايوه يا فندم
اللواء كمال :معاك يا يوسف
يوسف :باسل بيراقب راجل خرج من الجبل إلى قصادنا يا فندم
اللواء كمال بعمليه: طيب ابعتله حد يكون فى ضهره عشان لو حصله حاجه بسرعه
يوسف :أنا قولتله لكن هو رفض
اللواء كمال بعصبية: مفيش رفض فى الحاجات دييى ابعتله عسكرى يكون فى آثره بسرعهههه
يوسف بطاعه: حاضر يا فندم ..و أمر عسكرى يكون فى ظهر باسل
عند باسل
كان بيتسلق الجبال بطريقه محترفه و بقا قريب من الثغر إلى فيه تجار المخدرات.. باسل كان لسه هيكلم يوسف لكن فجأة لقى حد بيكتم أنفاسه بمنديل وبيمسكه بقوه ..باسل أدرك الموقف و فى اللحظة دى كتم نفسه عشان ميشمش المنديل وعمل مغم عليه ..والعسكرى إلى كان بيتتبع باسل كان شاف الراجل الى خد باسل و فضل مراقبه لحد ما قدر يحدد مكانه وكلم يوسف..
يوسف :ايوه يا عمرو معاك
عمرو :فى راجل كان بيراقب باسل بيه وكتم نفسه بمنديل وباسل بيه اغم عليه والراجل خده لمكان فى الجبل
يوسف بقلق وهو بيضرب رجله فى الارض : و شوفت المكان دا ولا لاء
عمرو :اه شوفته
يوسف :طيب خليك مكانك أنا جايلك
عمرو بطاعه :تمام يا فندم
وبالفعل يوسف اتحرك هو وكام عسكرى و وزع بقيت العساكر فى جميع أنحاء المكان و حدد مكان عمرو عن طريق الچى بى اس إلى كان مع عمرو و وصل ل عمرو
يوسف :هاا فين المكان دا
عمرو :****
يوسف وهو بيعمر سلاحه عشان يستعد : تمام أنا هروح أنا و عبدالله و خليك انت مكانى هنا و لو حسيت بأى حركه مش طبيعيه تبلغنى
عمرو :تمام يا فندم
وبالفعل اتجه يوسف ناحيه المكان إلى شرحه عمرو..
عند باسل
كان حاسس بكل حاجه بتحصل حواليه و الراجل كان بيحاول يربطه بحبل سميك فى صخره وهو بيقول
الراجل بسخريه وهو يحاول ربطه :هاها فاكرين أن احنا هنخاف منكو دا انتو شويه ضباط عر.ر على ما تفرج
باسل فى اللحظة دى فتح عينيه وضحك وهو بيقول
باسل بغل :هههه بقا احنا عر.ر وعلى ما تفرج هاا ..ولكمه بقوه فى وشه
وفك نفسه من الحبل إلى كان لسه متربطش والرجل كان فى حاله صدمه
باسل بسرعه طلع سلاحه و وجهه على دماغ الراجل وهو بيقوله :صوت ا.مك لو طلع هكون مفرغ الرصاص كله فى دماغك ف امشى معايا كدا زى الشاطر بدل ما ازعلك
الراجل بخبث :مش بقولكو ضباط على ما تفرج جدع بقا أخرج من هنا ياااه حضره الضابط (قالها بسخريه)
باسل ضربه بعنف بطرف المسدس وهو بيقوله :حط لسان ا.مك جوا بوقك عشان لت النسوان دا مبحبووش... وكتف الراجل بقوه فى الصخره
الراجل بضحك :لو انت مفكر أنهم كدا مش هيوصلولى ومش هقولهم على كل حاجه تبقى بتحلم والأحلام غلط عليك
باسل بسخريه :عندك حق و لازم احول حملى لحقيقة ..وصوب مسدسه ناحيه رجل الراجل وضرب طلقه عليها
الراجل بوجع :اعااااا
باسل مسك الباقى من الحبل وحشرها فى بوقه
باسل : لو سمعت صوتك المستفز دا تانى الطلقه الجايه هتكون فى راسك ..وسابه وخرج بحرص شديد ..
عند يوسف
يوسف بهمس :عمرو متأكد أن دا المكان إلى فيه باسل
عمرو :ايوه متأكد يا يوسف بيه بس معرفش أنه من جوا كبير كدا
يوسف كان لسه هيتكلم سمعوا صوت جاى من وراهم ...
الصوت :هههه ولسه المكان من جوا اكبر وهيعجبكو اووى
يوسف بسرعه لف هو وعمرو وكان راجل كبير لابس جلبيه وشكله صعيدى
يوسف : وانت مين يا حاج اطاطا انتاا
الراجل بصدمه :اطاطا ؟!! المعلم شرنوبى يتجاله اطاطااا
عمرو :احنا اسفين يا حاج احنا بس كنا تايهين ولقيناه المكان دا قدامنا ف دخلنا من غير ما نعرف صاحبه
يوسف :الاه بقولك ايه يا حاج ارنوبى انت هو اى المكان دا
شرنوبى بعصبية :واه ارنوبي مييين يا چدع انت ما تحترم نفسك والله شكلك ما اتربيت
يوسف بعصبية :مين دا ياض إلى مترباش هو انت عشان الجزر خلص هتطلع جوعك علينا لا فووق يا عم ارنوبى أنا الرا ... وهنا عمرو حط أيده على بوقه وخاف لا يقول حاجه
عمرو بابتسامه :احنا احنا اسفين جداً يا حاج أنا بعتذرلك نيابه عن على اخويا معلش هو بس عشان تعبان ف مبيخليش باله من كلامو
شرنوبى : والله انت شكلك محترم لكن اخوك ديه شكله جليل الحايه
يوسف بعصبية وهو بيتجه نحو شرنوبى : ياعم همد ايدى علييييك
عمرو و هو بيشده : خلاااص بقا يا على اهدى عيب كدا يا عم احنا ف مكان ناس ..وبص لشرنوبى احنا اسفين يا حاج
شرنوبى بتكبر :معلمم أسمى المعلم شرنوبيي
عمرو فى سره :ينعل ابو تناكه ا.مك وربنا اسيّب عليك يوسف ينط فى كرشك إلى فرحان بيه دا
يوسف بمحاوله تمالك أعصابه :ماااشى يا معلم ممكن بقا تقولنا احنا فيين
شرنوبى بشك :واه وانتوا چيتم هنا كيف
عمرو بتوتر : ااه احنااا ..يوسف حس بتوتره وقرر يتكلم هو
يوسف بثقه :مفيش كنا فى اتوبيس مسافرين الصعيد و أنا قليت ادبى على السواق كذا مره و هو طردنا من الاتوبيس ونزلنا هنا وطبعاً عشان كاريزمتى ماتسمحليش انى ارفض انى انزل ف نزلت
عمرو :اها منو لله بقا قله أدبه موديانا فى داهيه
شرنوبى بشك وبصوت غليظ :هااااااه
عمرو بهمس ليوسف : أنا خايف هو هيبلعنا ولا ايه
يوسف بهمس :اجمد ياض
شرنوبى :بتتحدتو ف إيه
يوسف بابتسامه مصطنعة :لا ابدا يا معلم ارنوبى
شرنوبى بعصبية :اباااااه جولنا شرنوووبى شرنوووووووبيييى
عمرو :احم خلاص بقا يوسف قالك شرنوبى ولا تعصب نفسك يا معلم الاه فين كرم الضيافه بتاعك يا معلم هتسيبنا واقفين كدا
شرنوبى بخبث :لاه طبعا كيف اتفضلو اتفضلو ..ومشى عمرو ويوسف ورا شرنوبى
يوسف بهمس غير مسموع لعمرو :خد حذرك
عمرو بنفس الهمس :تمام
و اصطحبهم شرنوبى لمكان فى الجبل كان فيه كنب قديم وبسيط جدا
شرنوبى :اتفضلو
عمرو:يزيد فضلك يا معلم
يوسف بمحاولة استدراج شرنوبى :الاه انت عايش هنا يا معلم ؟
شرنوبى :اه عايش إهنه بجالى زمن
يوسف :اممم وانت ازاى عايش فى مكان زى دا دا لا فيه اكل ولا شرب ولا فى حد معاك
شرنوبى حس بعدم ارتياح من يوسف اكتر وقاله : اسألتك كترت جوى خير فى حاچه معينه عايز تعرفها !
يوسف بهدوء : حاجه اي بس يا معلم أنا بسأل عادى من باب الفضول يعنى
شرنوبى قام وقف فجأة وكان باين على ملامحه الغضب وبص ليوسف وعمرو وطلع من جيبه مسدس وصوبه ناحيتهم وهو بيقول
شرنوبى بشر :انت مين ياض انت و هو انطجوووو بدل ما أفرغ المسدس دِه فى دماغكوو .....
بارت جديد عايزه تفااااعل👀😍
روايه
مراهقه أوقعتني في حبها
البارت ال22
بقلمى أمل احمد🖊️
شرنوبى بشر : انت مين ياض انت و هو انطجوووو بدل ما أفرغ المسدس دِه فى دماغكوو
يوسف قام وقف هو و عمرو
يوسف :أهدى بس يا معلم انت بتقفش ليه انا بسألك عادى هو أحنا ضايقناك فى حاجه
شرنوبى بسخريه :ههه عليا أنا الكلام دِه ياض دا انتوا شويه عيال تافهة هتضحكوا عليا أنا !!
عمرو :يا معلم احنا عملنا ايه بس لكل داا
شرنوبى :بجولك ايه ياض انت و هو انجروا جِدامى بالزوج بدل ما اتغابى عليكم
يوسف اتعصب وكان لسه هيتكلم لكن شاف باسل وراه شرنوبى و باسل شاروله أنه يسكت و يكمل كلام ويوسف فهم وعمرو كذلك و اتكلموا بهدوء وبحذر
يوسف :طيب بص احنا هننجر قدامك وكل حاجه بس أهدى بس وقولنا فى اى فعل صدر مننا معجبكش
عمرو :اه بالضبط قولنا واحنا نعتذرلك كمان
شرنوبى :قسما عظماً لو ما بطلتم رغى هطخ الرصاص ديه فى دماغكو ..قاطعه باسل وهو بيلف ذراعه حوالين رقابته وبيخبط بركبته أيد شرنوبى بقوه إلى فيها المسدس لحد ما وقع
باسل بابتسامه انتصار :الرجاله أفعال مش اقوال يااااه شرنوبى
شرنوبى بصدمه :انت مين اوعى أكده دا انتم ليلتك مش فايته
يوسف بثقه : هههه وانا الى فاكرك ذكى طلعت اغبى مما كنت اتخيل يا ارنوبى
باسل بعمليه :عمرو أؤمر القوات تهجم حالاً
عمرو : تمام يا فندم
وفعلاً القوات سيطرت على المكان بأكمله وقدروا يوصلوا للمخدرات بعد تعب وتم القبض على شرنوبى ورجالته وكمان بدون مقاومه لذكاء خطه اللواء كمال والبارعين فى تنفيذها ..
بعد عده ساعات
فى الڤيلا
رباب :يابنتى كلى بقا انتى من الصبح مكلتيش حاجه
مى بقلق :مليش نفس يا رباب مليش نفس
رباب :يا حبيبتى أن شاء الله هيبقى بخير وهيرجع مفيهوش حاجه ولو رجع ولاقاكى مكلتيش هيزعل منك وهيزعقلى أنا كمان لو ترضى بقا يزعقلى متاكليش
مى بسرعه :لا طبعا مرضاش ..حاضر يا رباب هاكل بس انا عايزه اطمن عليه خايفه يكون جراله حاجه وعشان كدا اتأخر
رباب :لا يا حبيبتي هو فى حفظ الله دلوقتي وربنا مبيجبش حاجه وحشه والله يا مى متقلقى كلى بقااا تعبتينى معاكى
مى بقله حيله :حاضر ..وكلت حاجه بسيطه عشان ترضى رباب وأثناء ما كانت بتاكل فونها رن ومى اول ما سمعته جريت عليه بلهفه وكان المتصل چنى
مى اتضايقت لأنها كانت معتقده أنه باسل و ردت ..
چنى : حبيباااى إلى واحشنى
مى :انتى كمان يا حبيبي اخبارك ايه
چنى باستغراب :اى دا مال صوتك
مى :مفيش حاجه يا حبيبتى أنا بخير المهم انتى اخبارك ايه
چنى : لا فيه وفى مشكله كمان ميييي قولى مالك أنا عارفاكى كويس
مى بتنهيده :باسل
چنى :ماله
مى :فى عمليه وانا خايفه عليه اوى
چنى بخضه : يالهوووى عمليه ايه هو ماله
مى :ماله ايه بقولك فى عمل ..ااه انتى افتكرتى عمليه جراحيه يعنى لاء أنا أقصد عمليه فى شغله .. مهمه يعنى يا چنى
چنى :اها طب ما تقولى كدا يا شيخه خضيتينى
مى :وانتى كدا اطمنتى يعنى دا المهمه دى اخطر وانا خايفه يحصله حاجه
چنى :أن شاء الله خير يا حبيبتي ربنا يرجعه بالسلامه يارب
مى :يارب يا چنى يارب
چنى :ايوه يا عم بقينا نقلق ونخاف على حبيب القلب
مى بكسوف :يا چنى هو دا وقته دا انتى رايقه والله
چنى : هههه خلاص خلاص بحاول اخرجك من مود الرعب الى انتى فيه دا
مى :أنا مش هرتاح غير أما اشوفه أو حتى يرن عليا يطمنى
چنى :معلش هو تلاقيه صعب أنه يمسك الفون حتى أو كاد يكون ممنوع اصلا بصى انتى روحى صلى واقرأى قرآن وان شاء الله هتبقى كويسه وهو كمان هيبقى كويس وانا شويه وهكلمك اطمن عليكى يا مياميو
مى بتنهيده :ماشى يا حبيبي سلام
چنى :سلام يا حبيبتى ..
______________________
فى القسم
كان قاعد اللواء كمال وباسل ويوسف قدامه
اللواء كمال :بجد أنا فخور بيكوا أنا فعلاً اعتمدت على رجاله بجد بالرغم من أن الخطه اتغير فيها بعض حاجات منك يا باسل بس جدع انك قدرت تنقذ الموقف
باسل بثقه :عيب يا فندم هو انا بتاع ترمس
اللواء كمال بابتسامه :تعجبنى فيك ثقتك ياض يا باسل
يوسف بضحك :هههه اهو بقيت ياض دلوقتى
اللواء كمال بمرح :بس ياض انت كمان
يوسف :احم .. اى الإحراج دا
اللواء كمال :يخربيتكوا معرفش اتكلم معاكوا جد شويه المهم انتوا كدا مهمتكوا خلصت تقدروا تتفضلوا
يوسف :اى دااا أنا اعترض
اللواء :بتعترض على ايه سياده الرائد
يوسف :المهمه خلصت صح
اللواء :صح
يوسف : ازاى بقا نمشى كدا من غير مكافأة ولا حتى ساندوتش شاورما
باسل :يا أخى ارحم امنا بقااا ..وخرج برا المكتب
يوسف :اى الواد دا هو مااله
اللواء :يوسف
يوسف :افندم
اللواء: اطلع برا يا يوسف
يوسف :احم شكراً لكم على حسن ضيافتكم
اللواء وهو بيبص حواليه :يا أخى نفسى اخبطك بحاجة
يوسف :لا لا وعلى ايه انا خارج سلام عليكم
اللواء بابتسامه : وعليكم السلام.. يوسف بقولك
يوسف وهو بيرجع :شوفت اهو حضرتك إلى مش قادر تستغنى عنى اهو
اللواء كمال : ههه انت ليك اسبوع اجازه انت وباسل بمناسبه انكوا شوفتوا شغلكوا كويس فى المهمه دى بلغ باسل بقا متنساش
يوسف :يا صلاه النبى الله يكرمك يارب ويسترك دنيا واخره اخيرا هنام براحتى واصحى براحتى ..قالها وهو خارج من المكتب وكان مبسوط جدا وقرر أنه يرن على فريده يطمن عليها ..
_____________________
تسريع الأحداث
باسل بعد ما خرج من القسم راح مول واشترى هدايا ل مى عشان يفرحها
فى الڤيلا
باسل :ازيك يا عم محمود
عم محمود : حمدالله على سلامتك يا باشا اتفضل اتفضل
باسل : الله يسلمك لو احتاجت اى حاجه أنا موجود
عم محمود :ربنا يخليك لينا يا باشا
باسل ابتسم ودخل الڤيلا وهو منتظر مى تكون مستنياه وتجرى عليه لكن دخل ولقاش غير رباب
باسل :احم السلام عليكم
رباب بفرحه : وعليكم السلام ورحمه الله الف حمدالله على سلامتك يا حبيبى الحمدلله انك بخير
باسل بابتسامه :الله يسلمك يا حبيبتى ...
باسل باستغراب وهو بيدور بعينه :اوماال فين مى
رباب :فوق يا حبه عينى عماله تلف حوالين نفسها من ساعه ما مشيت وكانت خايفه وقلقانه اووى عليك لا لاقدر الله يجرالك حاجه ومش راضيه تاكل
باسل :طيب انا هطلعلها بس بصى
رباب بانتباه :نعم
باسل :شايفه الشنط دى ..وشاورلها عليها ..اول ما اقولك هاتى يا رباب المفاجأة تطلعيهالى تمام
رباب :حاضر
و طلع باسل لكنه راح لغرفته الاول خد دش وغير لبسه للبس مريح و صفف شعره و اتجه لغرفه مى
توق توق توق
مى بنبره حزن :اتفضلى يا رباب
باسل وهو بيفتح الباب بابتسامه :مينفعش باسل !
مى بصت ناحيته وهى مش مستوعبه و قامت جرى عليه بلهفه
مى بفرحه لا توصف :عااااا سولييييى
باسل فتحلها ذراعه و هى حضته وهى مبسوطه جداً
مى بعياط :حرام عليك يا باسل بجد والله حرام عليك أنا قاعده كل دا خايفه عليك وخايفه يجرالك حاجه او مترجعليش
باسل و هو بيملس على شعرها :حقك عليا يا روحى أنا خلاص معاكى اهو أهدى أنا كويس والله
مى وهى بتخرج من حضنه وعماله تمسك فى ذراعه :انت انت بجد معايا أنا مش مصدقه
باسل بضحك : ههههه والله أنا معاكى اهو وعايش متخافيش
مى وهى بتحضنه تانى وبتعيط : الحمدلله الحمدلله يارب
باسل ضمها ليه اكتر و فى اللحظة حس بالذنب ..أد ايه هى كانت هتتعذب لو كان جراله حاجه
باسل : ششششش خلاص بقا يا ميوش متعيطيش أنا معاكى وبخير اهو وبعدين أنا جبتلك هديه معايا
مى خرجت من حضنه ومسحت دموعها بطفوله
مى :هد هديه ايه
باسل وهو بيضحك على طفولتها :هتعرفى دلوقتي .. ونده على رباب وجابتله الشنط باسل خدهم منها وشكرها ودخل ل مى
باسل :اتفضلى يا سيتى كل الشنط دول بتوعك
مى :دول فيهم ايه؟
باسل :افتحى انتى وشوفى
مى مسكت اول شنطه وفتحتها وكان فيها بوكس كبير ولما فتحت البوكس لقت فيه سكيت (Skate) لونه بنفسجي و سكيت لونه اسود
مى بذهول :الله سكيييييت!
باسل بفرحه لفرحتها :بجد عجبك بتحبى الاسكيت؟!
مى بفرحه :بحبه اووى يا باسل اووى ..وسكتت بزعل بس مبعرفش استخدمه
باسل قرب منها بابتسامه :أعلمك يا حبيبى
مى بفرحه : بجددد انت بتعرف تستخدمه
باسل : امممم عشان كدا جبت واحد بنفسجى ليكى واسود ليا
مى بتلقائيه :عععععععع بجد يا سولى أنا بحبك اووووى
باسل واتسعت عينيه بفرحه :قولتى ايه؟
مى بتلقائيه :أنا بح ..وانتبهت مى للى قالته وبلعت ريقها بخجل
باسل :ايه قولتى ايييه
مى بخجل :م ما قولتش ح حاجه
باسل بابتسامه خبث : امممم يعنى انتى مقولتيش بجد يا سولى أنا بحبك اوى
مى بتوتر :م مين دى إلى قالت كدا تلاقيك سمعت غلط بس عشااان اااه ..
مى وهى بتسحب شنطه تانيه :أومال الشنطه دى فيها ايه
باسل :توهى توهى بس ماااشى مسيرك تعترفى يا ميوش .. وغمزلها
مى بخجل :احم ..وفتحت الشنطه و كان فيها كوره باللون البنفسجي
مى :لا بقاااا كدا كتيير بجد باسل اعععععع ايه الجمال داا كوره و بنفسجى كماان
باسل بابتسامه : أنا اتشليت عشان الاقي كوره باللون دا بس كله يهون عشانك يا قمرر و كفايه عندى فرحتك الى بتنسينى كل تعبى
مى بدموع فرحه : حقيقى يا باسل انت اكتر واحد بتعرف تفرحنى بعد خالو ربنا ميحرمنيش منك يارب
باسل وهو بيقبل ايديها : ولا منك يا احلى ميوش يلا بقا افتحى بقيت الشنط
مى :بس ليه كل دا يا باسل بجد دا كتير عليا أنا كفايه عندى والله انك رجعتلى بخير
باسل : مفيش حاجه تكتر عليكى يا حبيبي واعتبريهم بمناسبه انى رجعتلك بخير
مى بضحكه :اذا كان كدا ماشى
وفتحت شنطه تالته وكان فيها شيكولاتات و عصاير وكيكات
مى : الله اي كلل دااا دا انا هاكل فيهم لغايه الاسبوع الجاى لاء وكمان جايب كل الانواع إلى بحبها
باسل كان بيتفرج على فرحتها وهو بيضحك وفرحان أنه قدر يفرحها ..ومى فتحت اخر شنطه وكان فيها دريس جليتر قصير واكمامه شفافه ولونه اسود
مى :واااو دا حلوو اووى
باسل :عجبك؟
مى :جدااا بس ثانيه دا قصير اوى يا باسل وكمان كمه شفاف مينفعش يتلبس على حجاب اصلا
باسل بابتسامه خبث :اممم منا عارف
مى باستغراب : طالما عارف انى مش هينفع البسه اشتريته ليه
باسل وهو بيقرب منها وبيقعد جمبها : مش هينفع تلبسيه فى الشارع لكن ينفع تلبسيه ليا
مى برقت عينيها ومسكت الدريس حطته فى الشنطه وبعدتها وخدت بقيت الشنط ناحيتها وهى بتقول
مى :بالنسبه للشنط دى بتاعتى إنما الشنطه دى مش تبعى الاوردر اتبعت غلط
باسل بضحك :لا والله
مى :امممم
باسل بمحاوله استفزاز ومى :ماشى هدي الدريس دا للى توافق تلبسهولى
مى :نعمممممم هى مين دييي هات كدا ..وشدت منه الشنطه بقوه وباسل كان بيضحك عليها
مى : وربنا ما حد واخد الدريس غيرى احنا هنهزرر
باسل :اى دا اومال فين مى الرقيقه الكيوته
مى :راحت مشوار وراجعه
باسل بخبث :طيب ايه مش هتقيسى الدريس اشوف شكله عليكى
مى ببردو :ههه لا انت فاهم غلط مش معنى انى خدت الدريس يبقا هلبسه
باسل :نعم يختيي اومال واخداه تحطيه زينه فى النيش ولا ايه
مى : لا زينه فى الدولاب نيهاهاهاها
باسل وهو بيمسكها من قفاها :ايه يا بت الخفه إلى نزلت عليكى ديي انتى قعدتى مع فريده كتير صح
مى :احم انت عرفت منين
باسل وهو بيخبط بكف أيديه : الله يخربيتك يا يوسف انت وخطيبتك
مى فضلت تضحك على باسل وفضلوا يهزروا ويتكلموا لحد ما تعبوا وباسل دخل غرفته ونام ومى كمان نامت ..
_____________________
عند يوسف
كان بيرن على فريده
يوسف :فرى قلبى عامله ايه النهارده
فريده بضيق : الحمدلله تمام
يوسف :اى دا فى ايه ايه الوش الخشب داا
فريده :بقا متكلمنيش طول اليوم يا يوسف غير دلوقتي وانا داخله أنام
يوسف بمشاكسه :طيب وهو فى احلى من كدا عشان اجيلك فى احلامك
فريده : يوسفف انا بتكلم جد كنت فين طول اليوم
يوسف: احم كنت فى مهمه
فريده بصدمه :مهمه!! ومتقوليش يا يوسفف
يوسف : محبتش اقلقك والله يا فريده
فريده بنبره زعل :تقلقنى؟! وانا كدا اطمنت يعنى افرض كان جرالك حاجه يا يوسف كنت ابقى اخر من يعلم هو أنا للدرجادى معزتى عندك بتقل
يوسف بعصبية :اي الهبل إلى بتقوليه دااا فريده انتى لحد اللحظه إلى بكلمك فيها اغلى ما املك بعد اخويا تقوليه معزتك بتقل بطلى هبلل بقا والله أنا محبتش اقلقك وانا الحمدلله بخير اهو
فريده بدموع :طيب انت كويس بجد يا يوسف
يوسف بحب :أنا كويس يا قلب يوسف خلاص بقا يسطا متزعلش
فريده :طيب انا هقفل عشان بابا جه
يوسف بنرفزه :ايه يعنى باباكى جه هو أنا بكلمك من وراهم فريده وربنا لو قفلتى هزعلك
فريده بضحك :طيب ما انت عارف ان بابا بيتضايق أما يلاقينى بكلمك
يوسف :اممم يا انا يا الراجل دا
فريده بضحك :طب بس عشان هو داخل ..وأبو فريده خبط على الباب
توق توق توق
فريده بهمس ليوسف :ثوانى اقوم افتحله ..وقامت فتحت
عاطف بحب : قلب بابااا عامله ايه يا حبيبى
فريده بابتسامه : الحمدلله يا بابا بخير
يوسف بعصبية :هى مين دى إلى قلب باباااا
عاطف :انتى بتكلمى مين
فريده بتوتر :بكلم ااه بكلم يو يوسف
يوسف بعصبية :ما تقوليله بكلم يوسف انتى خايفه ليييه هو هياكلك
يوسف كان صوته عالى لدرجه ان عاطف كان سامعه
عاطف :هاتى كدا الفون دا ..
فريده ادتهولو بخوف
عاطف :بتقول حاجه يااااض
يوسف بصدمه :الله عمى حبيبى واحشنى والله..وهمس استغفر الله العظيم يارب ع الكدب دا
عاطف : سامعك يا زفتت ..عايز اي من بنتى ياض
يوسف :لا اله الا الله واحد وبيكلم خطيبته هيكون عايز منها ايه اوردر كنتاكى
عاطف : هههه خفيف ياااض اقفل ياض بدل ما اهزقك وما تتكلمش مع البت فى وقت متأخر تانى انت ساامع
يوسف :يا حاج وربنا أنا ساكتلك عشان هتبقى عمى وميصحش اقولك حاجه تزعلك بس وربنا ممكن بعد ما اتجوز فريده احبسك عادى
عاطف :شووف الواد وبجاحته طب وحيات امك ما انت شايفه تانى يلا عشان تبقى تحبسنى حلو اوى
يوسف بسرعه :يااه علييك دا انا بهزررر اى يا حاج بس بتقفش ليه دا انا بهزر معاك يا جدع دا انا اتحبس مكانك يا عمنا
عاطف وهو بيبص ل فريده الى كانت بتضحك اوى عليهم : والله ما اعرف انتى عاجبك فى العبيط دا ايه
فريده ضحكت وبصت فى الارض بكسوف
يوسف :احم ممكن بس تحترمنى شويه يا حاج قدام فريده لانك عارف يعنى انى هبقى جوزها أن شاء الله والمفروض انى يبقا ليا هيبه وكدا ف متبوظش البرستيچ قدامها
عاطف :من عينيا حاضر يلا يا بابا روح نام
يوسف: احم بردو
عاطف : دا إلى موجود مش عاجبك والله افركش الجوازه معنديش مانع
يوسف :عاجبنى بس عاجبنى ونص كمان احلى حماه دا ولا ايه
عاطف ضحك على يوسف
يوسف: الاه ما انت بتضحك زينا اهو
عاطف رجع كشر تانى : طيب غور ياض من هنا
يوسف :طب ادينى حب عمرى اكلمها
عاطف :ياض احترمنى ياض واتكسف على دمك
يوسف :عمرى ما اتكسف اعبر عن حبى لفرى دى حبى الاول والاخير يا حاج
عاطف انبسط من جواه من الكلمتين دول وبدأ يلين شويه من ناحيه يوسف
عاطف :اما نشوووف
يوسف: هتشوف يا حاج
عاطف : كلمتين وتقفل احنا عايزين ننام
يوسف :كان زمانا اتكلمنا يا حاج عمال تكلمنى ولا ال اكون انا الى خطيبتك روح شوف مراتك بتندهلك
عاطف :هعديهالك بمزاجى يا ابن الشناوى
يوسف :حبيبى يا حاج حبيبى
عاطف وهو بيناول الفون لفريده :خدى يختى روميو بتاعك وانجزى عشان تنامى
فريده بابتسامه: حاضر يا بابا
وبعد مده من الوقت قفلت فريده مع يوسف واتعشت مع اهلها ونامو
_____________________
فى صباح اليوم التالى
فى مكان اول مره نروحه
بيت عمرو
(عمرو عسكري عنده ٢٥سنه بشرته قمحاويه عيونه سوداء طويل و مرح عنده اخت فى اولى جامعه)
عمرو : يا رانيا قومى يا رانيااا
(رانيا تبقى اخت عمرو وهى كسوله جداً عيونها بنى وبشرتها قمحى وجسمها رشيق جدا)
رانيا بنوم :مش قادره عايزه انام
عمرو بعصبية :يابتت قومى هتتأخرى على الجامعه وانا هتأخر على شغلييي
رانيا حطت المخده على وشها
عمرو :يخربيت إلى جابوكى هتأخرررر ..انتى يابتتتتتتتتت
رانيا بفزع : هاااه اييه يا عم انت فى حد يصحى حد كداا
عمرو :هو انتى بيحوق معاكى حاجه جتك الاررفف قومى البسى عشان ننزل
رانيا :طيب طيب قايمه ..رانيا بهمس يخربيت حسك
عمرو :بتقولى ايه يا بت
رانيا بتزمر : ياعم أنا قولت حاجه
عمرو :خمس دقائق يا رانيا الاقيكى جهزتى
رانيا ببرود :اه من عينيا حاضر ..ودخلت الحمام خدت شاور و جهزت وعمرو خدها ونزلوا ووصلوا قدام الجامعة
عمرو :يلا انزلى
رانيا نزلت وكانت لسه هتدخل الجامعة بس عمرو وقفها
عمرو :استنى يا رانيا هدخل معاكى جوا
رانيا :مالوش لزوم يا عمرو
عمرو :لاء ليه عشان محدش يضايقك زى ال بهايم إلى ضايقوكى قبل كدا ويعرفو ان وراكى راجل
رانيا :ربنا يخليك ليا يا حبيبى بس كدا مش هتتاخر على شغلك
عمرو :ياسيتى هى جت على الدقيقتين إلى هخش معاكى فيهم ما انتى على طول مأخرانى يعنى ايه الجديد
رانيا بضحك :طب يلا
واثناء ما كانوا ماشيين كان فى بنت بتجرى بسرعه جداً ومكانتش مركزه فى الطريق وخبطت فى عمرو
البنت وهى بتعدل النضاره :أنا أنا اسفه اسفه والله جدا مكنش قصدى
عمرو بهدوء :محصلش حاجه ولا يهمك
البنت :أنا بعتذر مره تانيه بجد مكنش قصدى
عمرو بابتسامه :خلاص والله مصدقك براحه على مهلك بس فى ايه
البنت :اصل اصل نسيت فلوس المذكرات إلى الدكتور هيشتغل منها النهارده ف ..هو أنا بحكيلك ليه أنا اسفه مره تانيه و بدأت تمشى
عمرو :استنى بس خدى
رانيا وهى بتخبط عمرو بكوعها
عمرو بوجع :ااه اى يا بت الغباوه دى
رانيا :اى يا اخويا وقعت فى حبها من اول نظره
عمرو بضحك :يخربيتك الروايات كلت دماغك امشى يا هبله قدامى
رانيا :اممم طب اراهنك أن دى هتبقى زوجتك فى المستقبل
عمرو وهو بيخبطها بخفه فى راسها : اممم طيب يلا يا رانيا يلا يا كوكو عشان متتأخريش ..واتجهوا للسكشن و عمرو اطمن على رانيا وخرج من السكشن وقبل ما يركب العربية شاف البنت الى خبطته وفى دافع جواه خلاه يروح ويكلمها
عمرو من وراها :احم جبتى الفلوس
البنت بخضه :اي دا هو انت إلى خبطتى من شويه
عمرو وهو بيرفع حاجبه :أنا بردو إلى خبطك
البنت :احم وربنا ما كان قصدى
عمرو بابتسامه :ولا يهمك يا سيتى انتى اسمك ايه
البنت بابتسامه :سلمى
عمرو :هههههه
سلمى بضيق :هو أنا أسمى بيضحك ولا ايه يا استاذ اااه
عمرو بابتسامه : عمرو
سلمى :اى إن كان انت بتضحك على أسمى ليه أن شاء الله
عمرو :اصل انا اسمى عمرو وانتى اسمك سلمى ف أسامينا شبه فيلم عمر وسلمى
سلمى :اممم تصدق بس لو شيلنا ال واو المهم انت كنت عايز ايه
عمرو :احم لا ابدا كنت بقولك لو معكيش فلوس أنا ممكن اديكى
سلمى :لا لا معايا بس هى الفكره أن الفلوس إلى معايا مكنتش مكفيه انى اجيب المذكرات بس مامتى قابلتنى وادتنى فلوس زياده
عمرو :اها تمام ربنا يخليهالك
سلمى :امين يارب
وفجأة جه شاب وقف جمب سلمى وقالها
الشاب بحده :سلمى بتعملى ايه هنا
سلمى :مفيش اصل اصل ااااه
عمرو باستغراب : ومين الشبح
الشاب :أنا احمد خطيبهاا ..
روايه
مراهقه أوقعتني في حبها
البارت ال23
بقلمى أمل احمد 🖊️
عمرو باستغراب :و مين الشبح
الشاب :أنا احمد خطيبهاا
عمرو استغرب و حس أنه اتضايق لما عرف انها مخطوبه
سلمى بسرعه :لا لا لا دا مش خطيبى
احمد بغضب :لا خطيبك برضاكى أو غصب عنك
عمرو فهم أنه مش خطيبها وبيدعى ده
عمرو :و هو الجواز بالعافيه يا شبح ولا ايه
احمد وهو بيقرب من عمرو وبيخبطه فى كتفه وبيكلمه بعجرفه :وانت مين انت يا عم القمور وايه إلى بيحشرك بينى وبين خطيبتى
سلمى بتوتر :أنا مش خطيبتك افهم بقااا
عمرو بص لأيد أحمد إلى كان بيزقه بيها ومسكها فجأة وثنى دراعه وخلاه وراه ظهره
عمرو بثقه وعصبيه :انت عارف لولا أنى فى جامعه كان زمانى كاسرلك ايدك وبالنسبه للى بتقول عليها خطيبتك دى انت ملكش دعوه بيها نهائى انت فاااااااهم ..و زقه بعنف و احمد وقع على الأرض
احمد وهو بيقوم بعصبية :انت قد الحركه دييي
عمرو وهو بيعدل ياقه القميص: لو مكنتش قدها مكنتش عملتها يا روح امك و غور بقا من هنا بدل ما أفرج عليك الجامعة كلها واخليك مسخره الدفعه
احمد حس أنه خايف يعمله حاجه لحسن يخلى شكله وحش قدام زمايله وكان باصصله بغيظ وكرهه
عمرو :يلا يا كوكو على محاضرتك يلاااااا
احمد بغيظ :مااشى وحيات امى لاوريك
عمرو ضحك بسخرية
احمد وهو بيوجه كلامه ل سلمى :وانتى بتاعتى أنا بسس ومحدش هيقدر ياخدك منى
وكان لسه احمد هيمشى وقفه عمرو وهو بيقوله :خد تعالى هنا يالااا
احمد بصله والخوف اتملك منه :عااايز ايه
عمرو وهو بيمسكه من التيشيرت :يعنى حلفتلى بأمى انك هتورينى وقولت عيل صغير وغلط لكن تهددها وانا واقف انت عبيط يالا ولا اتكهربت وانت صغير ولا اي حكايتكك
سلمى و هى بتحاول تهدى عمرو :خلاص يا استاذ عمرو خلاص محصلش حاجه سيبه بقا مينفعش كداا
احمد :أهى خايفه عليا وقالتلك سيبه
سلمى بسرعه :خايفه عليك ايه انت اتجننت !
عمرو :يلااا يلاا دا انا لسه مسبتكش هزعلككك
احمد بعجرفه :طب اوعى بس ايدك كداا
عمرو سابه :طيب يلا بقا انجر من هنا
احمد بص لسلمى وبعدين ل عمرو ومشى وهو بيتوعدله
سلمى بصت لعمرو بحرج
سلمى :أنا اسفه جداً على إلى أنا سببتهولك
عمرو : ولا يهمك دا عيل مهزق انتى تعرفيه؟
سلمى بتنهيده :اها معايا فى القسم و كان بيوقفنى كتير ويقولى أنه بيحبنى وأنى بتاعته والكلام دا بس انا بصده على طول وبقوله أن احنا مجرد أصحاب واخوات وهو مش مقتنع ب كدا زى ما انت شايف وانا بدأت مرتحلوش
عمرو :طيب وانتى ليه بتفتحيله مجال للكلام طالما انتى عارفه أنه بيحبك ومش شايفك أخته ولا حاجه
سلمى :مكنتش راضيه اكسر بخاطره بصراحه انا فاهمه شعور انك تكون بتحب حد وهو ميبادلكش نفس الشعور
عمرو :اممم طيب خلى بالك بقا عشان شكله صايع ومش هيحلك
سلمى بابتسامه :لا متقلقش بعرف اتعامل معاه
عمرو :طيب انا همشى لأنى اتأخرت جداً و اه خدى رقمى عشان لو الواد دا ضايقك تانى تكلمينى وانا هظبهولك
واداها الرقم..
سلمى : شكراً جداً يا استاذ عمرو
عمرو : العفو دا شغلى وبلاش استاذ دى عمرو بس
سلمى :شغلك! هو انت شغال اى
عمرو :أنا رئيس العساكر فى المهمات الخاصه
سلمى :اممم عشان كدا كنت بتضرب الواد بقلب جامد
عمرو بضحك :لا لا أنا كدا كدا بلطجى بغض النظر
سلمى بهمس :مفترى
عمرو :بتقولى ايه
سلمى بابتسامه: لا ابدا
عمرو :تمام عن اذنك و روحى بقا قبل ما المحاضره تفوتك
سلمى بضحك :دا إذا مكانتش فاتتنى ..
_____________________
فى ڤيلا باسل
باسل صحى على صوت همس مى وهى بتصحيه برقه
مى بهمس : باسل باسل يلا قوم
باسل بنعس وبيحاول يفتح عينه : نعم نعم يا ميي
مى بطفوله :اصحى ننزل نلعب بالاسكيت
باسل بنعس :يامى يعنى انتى مصحيانى من عز نومى عشان نلعب
مى :ااه يلا بقا عشان تعلمنى
باسل وهو بيحط الغطاء على وشه بنوم :لما اصحى لما اصحى
مى بتذمر :لاء دلوقتي ويلا قوم بقاا انت بقيت كسول كدا ليه
باسل :يعنى واحد من امبارح كان فى مهمه وصاحى بدرى و متمرمط طبيعي اكون عايز انام يا مى ..ابوس ايدك ارحمى امى وسيبنى انام ..وحط المخده على دماغه
مى وهى بتبعد الغطاء عنه :لاء قوووم انت نمت كتير قوم بقااا ..باسل بدون مقدمات شدها لحضنه ومى اتصدمت واتكسفت جداً
باسل بخبث :نامى معايا واسكتى
مى بكسوف :ب با باسل اوعى ..وكانت بتحاول تبعد لكن باسل ضممها ليه جامد
باسل بخبث :تؤتؤ عشان تبقى تصحينى
مى بتوتر و كسوف :طب طب سيبنى وانا هخرج والله و مش هصحيك
باسل مكانش بيرد
مى :باسل باسل ..وبترفع راسها تشوفه لقيته نام ..مى ابتسمت وفضلت باصاله بحب لحد ما نامت ..
_____________________
عند طارق
قرر أنه يكلم مى ويطمن عليها ورن عليها ..لكن مفيش رد لأن مى نسيت فونها فى غرفتها
طارق بحزن :كمان مبترديش على ابوكى للدرجادى نسيتينى يا مى بس ماااشى أنا هعرف ازاى أعلمك الادب يا باسل عشان تاخد بنتى منى ..
________________________
عند يوسف وفريده
كانوا فى مول بيشتروا بعض حاجات للشقه
فريده بإعجاب :واااااو
يوسف بيبص على إلى بتبص عليه وكانت ماكينه قهوه و رجع بص على فريده لقاها باصاله بصه رجاء بمعنى أنها عايزاها
يوسف :لالالا مش هجيبها متبصليش كدا عشان دى هتبقى تاسع حاجه اجيبها فى العفش ملهاش تلاته لازم وانااا مش ثرى عربى
فريده برجاء :عشان خاطرى يا چوو عشان خاطري انت عارف انى بحب القهوة اووى و ال machine دى هتنفعنى جداً
يوسف : لاااء يا فريده أنا قولت لاء يعنى لااااء
فريده :يعنى مش هتجيبهالى
يوسف : لاء مش هجيبهااا
بعد عده دقائق عند الكاشير
يوسف : لوسمحت,بكام ماكينه القهوه دى
صاحب الكاشير : دى عامله يا فندم ***ج
يوسف بصدمه : ينهار مش فااايت لييييه
الكاشير :هو دا سعرها يا فندم
فريده :خلاص بقى يا چو هتفضحنا كدا
يوسف وهو بيخبط كف على كف :منك لله يا بنت عاااطف ..و وجهه كلامه للكاشير..كمل يا ابنى كمل حساب بقيت الحاجة هى كدا كدا خربانهه
وحاسب يوسف على الحاجات الى اشتروها ومشيوا
فريده وهى ماسكه شنطه ماكينه القهوه ومبسوطه :اععععععع اخيرااا اشتريتك
يوسف وهو بيبصلها بقرف وبيهمس :جتك نيله فى تفاهتك
فريده وهى بتبصله :بتقول حاجه يا چو؟
يوسف بابتسامه مصطنعة :لا يا حبيبتي بقول ربنا يسعدك
فريده :حبيبى ..احنا هنروح فين بقا دلوقتي
يوسف :هنروح كافيه نشرب حاجه ونروح
فريده بزعل :اى دا بس !
يوسف بابتسامه :طيب انتى عايزه نروح فين
فريده بتفكير:اممم نروح البحر اى رأيك
يوسف :من عنيا يا احلى فرى نروح البحرر
فريده ابتسمت بكسوف و اتجهوا لطريقهم للبحر ..
_____________________
فى الڤيلا
مى صحيت من النوم ملقتش باسل جمبها قلقت وقامت تدور عليه
مى :باسل بااسل
مفيش رد
مى لنفسها :شكله نزل ..وكانت لسه هتنزل لكن لقت باب الحمام بيتفتح وكان باسل خارج منه
مى :اي دا انت هنا
باسل :اه يا حبيبتي صحيتى امتى
مى :لسه صاحيه
باسل بابتسامه:طيب تعالى ننزل نتغدى أنا جوعت اوى
مى :اشطا يلا
بعد دقايق كانوا قاعدين مى وباسل و رباب عم محمود على السفره..وبعد دقايق مى خلصت اكل و كانت قايمه لكن باسل مسك ايديها
باسل :اقعدى يا مى و كلى كويس
مى : والله كلت مش قادره
باسل بهمس فى دونها :لو كلتى كويس هنلعب بالاسكيت
مى بفرحه : بجدد
باسل بحب :اه يلا اقعدى كملى اكل
مى :حااضر ..وكلت بسرعه وهى مبسوطه وباسل كان باصص عليها ومستغرب فرحتها إلى من اقل حاجه
مى : أنا خلصت يلا نقوم بقاا
رباب بمرح : يابت استنى الواد لسه بياكل
باسل وهو بينهى اكل :لا لا أنا خلاص كلت
مى بحرج :خلاص خلاص كمل أكلك
باسل :خلصت والله يا حبيبتى يلا اسبقينى على الجنينه
مى بفرحه :مااشى
باسل لرباب :احرجتيها
رباب: مكنش قصدى والله
باسل :خلاص عادى ولا يهمك ابقى خلى بالك بعد كدا عشان دى بتضايق من اقل حاجه وبتاخد على خاطرها وتسلم ايدك على الاكل الجميل دا
رباب : حاضر والله هخلى بالى وبالهنا والشفا يا حبايبى ...
_______________________
فى الجنينه
باسل لبس الاسكيت بتاعه وشاف مى كانت بتحاول تلبسه ومش عارفه باسل قرب منها ونزل على ركبته عشان يلبسهولها
مى : لا لا أنا هعرف البسه
باسل :عارف انك هتعرفى تلبسيه أنا بساعدك يا حبيبي
مى وهى بتبصله بحب :تسلملى يا حبيبي
باسل قام وقف :هاتى ايدك لانك لو وقفتى لوحدك اول مره هتقعى
مى :لا مش هقع متخافش سيبنى وانا هعرف اقوم
باسل بتحذير : يا مى هتقعيي
مى : عيب علييك
باسل : طب انتى حره
مى سندت على كرسى فى الجنينه وحاولت تقف وقدرت أنها تقف فى أول دقيقة
مى بفرحه : يسسس عرفت اقف لوحدييي عااااا ...و وقعت
باسل بضحك :هههههه عيب عليا فعلاً هههههه
مى بتذمر :انت يا عم هو انا مش مراتك تعالى قومنى بدل ما انت عمال تضحك كدااا
باسل قومها وكان لسه بيضحك
مى بتذمر :اضحك يا اخويا اضحك على فكره بقا هبقى حريفه يا باسل أن شاء الله وهستخدمه كماان احسن منك
باسل :اتمنى يا روح باسل
مى بكسوف :احم علمنى بقا العب بيه ازاى
باسل :بصى يا سيتى ..وفضل يعلمها وكانت شويه تقع وشويه تمشى لحد ما بقت بتعرف تستخدمه إلى حد ما
مى وهى بتجرى براحه بالاسكيت :ويييي بقيت بعرف أجرى يا باااسل
باسل :شطوره يا قلبى تعالى نعمل ڤديو أنا وانتى بقا
مى بحماس :اعععع يلااا
وباسل كان بيصور مى وهى بتجرى وفرحانه وصور ڤديو هما الاتنين وما ماسكين ايد بعض وبيجروا بالاسكيت ...
"وتظنين انكِ مجرد شخص فى حياتى و لا تعلمين انكِ من أعطيتى معنى لها"
______________________
فى الجامعه
رانيا كانت خلصت محاضرتها وقاعده مستنيه عمرو يجى ياخدها فى كافيه الجامعة بتقرأ روايه وفجأة لقت حد بيسحب الكرسى إلى قدامها وبيقعد ..رفعت رانيا عينيها لقيته شاب وسيم جداً ومبتسم لها
رانيا بحده : مين حضرتك
الشاب بابتسامه ثقه : رامى أسمى رامى
رانيا : ايوه حضرتك جاى تقعد على طربيزتى ليه
رامى وهو بيبص حواليه : اصل بصراحه مفيش مكان فاضى غبر طرابيزتك وانا عايز اراجع إلى ورايا عشان ..قاطعته رانيا بعصبية
رانيا :وانا ماااالى تقعد على طربيزتى ليييه
رامى :بس بس اسكتى ..واتنهد اطلبى إلى تطلبيه وهدفعلك على حسابى
رانيا بعصبية :لا دا انت اكيد مجنووون
رامى بعصبية : هو مييين دا الى ..قاطعته بنت وهى بتقول بمياعه
:دكتور رامى ازيك
رامى بحده :الله يسلمك
:بقالى كتير مش بشوف قصدى مش بنشوف حضرتك ليه
رامى :لا ابدا كنت فى فتره اجازه
رانيا كانت بتسمع وهى مصدومه
رانيا لنفسها :يا حزناااى دكتوور الحمدلله اترفدت
البنت :طيب ياريت حضرتك ماتبقاش تتأخر علينا
رامى : أن شاء الله
البنت : احم عن اذنك
رامى : اتفضلى ..وبص لرانيا إلى كانت هتموت من الاحراج
رامى :هااه كنتى بتقولى اى بقاا
رانيا :احم وربنا يا باشا ما اعرف انك دكتور دا انت تقعد على الطرابيزه وانا الى اقوم اقولك أنا أصلا كنت قايمه
رامى :لا والله
رانيا :اسفه والله مكنتش اعرف ممكن مترفدنيش وحياه امك
رامى :افندم
رانيا : اااه اقصد عشان خاطر امك
رامى بضحك :يابنتى انتى بتعكيها اكترر
رانيا :ما أنا والله ما اعرف اقول ايه طيب اااه
رامى :خلاص حصل خير
رانيا :بس غريبه يعنى أن حضرتك دكتور وشكلك صغير وكمان أنا مشوفتكش قبل كدا
رامى :صغير ! أنا شكلى صغير يابنتى أنا ٣٠سنه وكمان أنا مش باجى هنا غير لتعويض مكان محاضر دكتور مجدى
راينا بتلقائية :يا شيخ هاتلنا سيره حاجه عدله
رامى بضحك :على فكره انتى لسانك هيوديكى فى داهيه
رانيا :احم لا لا ربنا ما يجيب دهاوى
رامى باستغراب :دهاوى!
رانيا :اه جمع داهيه
رامى :يخربيت إلى علمك عربى يا شيخه
قاطع حديثهم دخول عمرو
عمرو وهو بيبص لرانيا :بتعملى اي هنا يا رانيا
رانيا قامت بتوتر :اااه كنت قاعده مستنياك
عمرو شاور بعينه على رامى و رامى فهم واتكلم
رامى بهدوء وهو بيمد أيده يسلم على عمرو :دكتور رامى
عمرو سلم عليه : اهلا وسهلا عن اذنك
رامى : اتفضلوا
عمرو خد رانيا و ركبوا العربيه ومشيوا
عمرو بهدوء :ممكن اعرف كنتى قاعده معاه ليه
رانيا : والله يا عمرو هو إلى جه قعد قصادى وقالى أنه مفيش طرابيزه فاضيه غير طرابيزتى وانا زعقتله والله ومكنتش اعرف انه دكتور وبعدها انت جبت هو دا اللى حصل
عمرو : يعنى مضايقكيش ؟
رانيا :لا ابدا والله
عمرو :ماشى يا رانيا لو حصل اى حاجه تعرفينى
رانيا :حاضر
_______________________
عند فريده ويوسف
كانوا قاعدين على البحر
فريده :چوووو
يوسف :نعم يا قلب چوو
فريده بكسوف :ياعم بتؤحرجنى كداا
يوسف بابتسامه: عايزه اي يا هبله
فريده :عايزه ايس كريم اكيد مش هتفضل قاعدين بوقنا فاضى
يوسف :يلهوى ياجدعاان شقى فى الفجعه
فريده بابتسامة مرح :حبيبى ربنا يخليك
يوسف :تعالى فى واحد هنا بيبيع ايس كريم اهو
فريده :يلااا
وفضلوا ياكلوا ويتكلموا مع بعض ويوسف روح فريده واسماء أصرت أنه يتغدى معاهم وفعلاً اتغدوا مع بعض ومابين هزار يوسف مع الكل وخناقته مع عاطف وانبسطوا كلهم و يوسف استئذن و روح ..
_______________________
فى الڤيلا
باسل كان بيجرى وراه مى بالاسكيت
باسل : وربنا لاجيبك يا ميي أنا تكعبلينى على وشيي
مى وهى بتحاول تجرى :خلاص يسطا قلبك ابيض بقا عاااا ..و وقعت للمره العشرتلاف
مى : اااه يا ضهرى إلى اتكسرر
باسل وهو بيميل عليها :سلامه ضهرك يا قلبى
مى :اوعى بقااا ياعم انت دى خامس مره تكسبنى
باسل وهو بيقومها : ما يقع إلا الشاطر يا ميووش
مى وهى ماسكه ضهرها : شاطر اي بقا بلا نيله
باسل بضحك :طيب مش هتكملى
مى :لا مش قادره اعااه ..وقلعت الاسكيت
باسل :طيب استنى اسندك يا حبيبتى
صوت من وراهم :مش لما تسند امك الاول !!
باسل لف لمصدر الصوت
باسل بصدمه :ماما !!
البارت طويل رأيكو يهمنى🤗💛
روايه
مراهقه أوقعتني في حبها
البارت ال24
بقلمى أمل احمد 🖊️
باسل بصدمه :ماما !!
(داليا تبقى والده باسل وكانت عايشه فى دبى من ٣سنين بعد ما ابو باسل اتوفى عشان تتخطى موت جوزها ..شخصيتها عنيده وشديده ومتكبره لأنها من عيله غنيه وكمان تعليمها عالى )
داليا بسخريه :لسه فاكر امك
مى مسكت فى تيشرت باسل وشاورتله ينزل لمستواها
باسل وهو بينزل لمستوى طولها :نعم
مى بخوف :هي هي دى مامتك
باسل :اه يا حبيبتي تعالى اطلعك ترتاحى دلوقتي
مى بهمس :طيب ومامتك
باسل :هطلعك وانزل اقعد معاها
مى بهمس :طيب انا حتى مسلمتش عليها
باسل بتنهيده :حاضر تعالى ندخل جوا واعرفك عليها ..وبص لداليا إلى واقفه متغاظه من مى وبتبصلها من فوق لتحت
باسل : اتفضلى يا ماما ندخل ونتكلم
داليا بتكبر :منا كدا كدا هتفضل هو أنا هتعزم دى ڤيلتى ..ودخلت
باسل كان ساند مى ودخلها وقعدها وقعد جمبها
داليا كانت باصه ل مى بغيظ ومى كانت ملاحظه دا وكانت خايفه من نظراتها ومسكت فى دراع باسل و هو حس بخوفها من مامته وطبطب على ايديها وقرر يتكلم
باسل لداليا :معرفتكيش يا ماما دى تبقى ..قاطعته داليا
داليا : عارفه عارفه الست هانم مراتك
باسل :اه واسمها مى
داليا وهى بتبص ل مى :اهلا يااااه مى
مى بخوف وتوتر : الحمدلله يا طنط حض حضرتك عامله اي
داليا بسخريه وتكبر :طنط ! اى طنط دى أنا أسمى داليا هااانم انتى فاهمه
مى عيونها دمعت من طريقه كلامها وخافت منها ومسكت فى باسل اكترر
باسل بضيق لداليا :اى يا ماما فى ايه مى مقالتش حاجه
داليا بتكبر :ملكش دعوه انت أنا عارفه الاشكال دى كويس
مى فى اللحظة دى عيطت جامد وجسمها بدأ يترعش
باسل فى اللحظه دى قام من مكانه واتكلم بعصبية :امىييي مسمحلكيييش تتكلمى عن مي كدااااااا
داليا بزعل مصطنع :انت بتزعق لامك عشان ديي
باسل مردش عليها و قوم مى عشان يطلعها
مى بعياط :مش مش قادره ام امشى
باسل بدون مقدمات شالها وطلع بيها
مى بكسوف :باسل نزلنى مامتك قاعده
باسل بهدوء :مش هتقدرى تمشى انتى جسمك بيترعش وكمان ضهرك واجعك
مى سكتت ودموعها لسه بتنزل لحد ما وصلوا لغرفتها وباسل فردها على السرير
باسل جاب منديل ومسح دموعها بحنيه :أنا آسف
مى بعيون مليانه دموع :اسف على ايه
باسل :على طريقه كلام امى ليكى متزعليش منها هى بس تلاقى فى حاجه مضيقاها أو تعبانه من الطريق
مى :مش زعلانه منها يا حبيبي ومتعتزرش انت معملتليش حاجه غير كل خير بس هى كانت فين مامتك طول الفتره دى وانت محكتليش عنها خالص
باسل قبل جبينها :أنا هنزل اتكلم معاها دلوقتي ولما اطلع هحكيلك كل حاجه ارتاحى انتى عشان ضهرك
مى بحب :حاضر
باسل نزل وكان على وشه علامات الضيق من أمه وكانت داليا لسه قاعده مكانها
باسل بعصبية : ممكن اعرف ايه الى حضرتك قولتيه ل مى داا
داليا بسخريه :مضايق اوى عشانها وكمان بتزعق و بتعلى صوتك عليا عشان دييي يا خساره تربيتى فيك
باسل : ماما أنتى لسه متعرفيش مى عشان تتكلمى معاها بالطريقة دي
داليا :و مش عايزه اعرفهاا
باسل :ليييه هى عملتلك ايييه
داليا :طالما البت دى من عيله الصاوى يبقى ميجيش وراها غير الفقر والخبث
باسل باستغراب :وانتى تعرفيها منين اصلا ولا تعرفى عيلتها منين
داليا بتوتر :هاه لا أنا بس كنت بسمع عنهم من شمس اختك لما كان خالد بيحكيلها عن عيله طارق جوز أخته
باسل :ايوه كنتى بتسمعى ايه عنهم !!
داليا :مش وقته أنا جايه تعبانه من السفر وعايزه ارتاح
باسل :ماشى يا امى بس هعرف الى انتى مخبياه قريب وصحيح انتى مقولتيش ليه انك جايه على الأقل اجى اخدك من المطار
داليا بسخريه :متشكرين يا اخويا خليك مع مراتك
باسل :انتى ليه مش عايزه تسامحينى من اخر مره ليه مش قادره تنسى ماما انتى لو عايزه تعاقبينى عاقبينى انااا متعاقبنيش فى مى
فلاش بااك
من قبل وفاه والد باسل
امير(والد باسل) : لازم يا باسل تقبض عليه وتحبسه كمااان
باسل :يا بابا مقدرش اتهمه باطل وكمان عايزنى احبسه حرااام
امير بعصبية :وانا بقولك أنت لازم تحبسه دا سابنى بعد ما كبرته واشتغل مع غيرى وكمان راح اتفق مع اعدائى فى السوق
باسل :تقوم تقولى أوصى حد يحط فى مكتبه مخدرات و احبسه !
امير بغضب :ايوه هو يستاهل اكتر من كدا وبعدين انت كدا بتحافظ على اسم ابوك فى السوق
باسل بانفعال :مش هينفععع يا بابا مش هينفععع حرااام أنا كدا بخون شغلى وربى وحضرتك معلمتنيش كداا
امير :أنا فعلاً معلمتكش كدا بس فى وقت زى دا انت بتحافظ على اسم ابوك مش بتخون شغلك ولا حاجه
باسل :لا يا بابا دا كلام انت بتقنع بيه نفسك عشان ضميرك يرتاح أما اعمل كدا وانا استحاله اعمل كدا يا بابا
امير : يعنى مش هتنفذ إلى قولتلك عليه
باسل :لاء يا بابا
امير :ماشى يا باسل وطالما اخترت كدا يبقى من النهارده لا انت ابنى ولا اعرفك
باسل بصدمه :ايه يا بابا إلى أنت بتقوله دااا
داليا كانت قاعده وسامعه الحوار وكانت فى صف زوجها (امير)
داليا :اسمع كلام ابوك يا باسل واغذى الشيطان
باسل وهو بيمسح على دقنه :يا جماعه انتوا بتقنعونى بأييييه والله ما هينفع اعمل كدااا حرام عليكم متحطونيش تحت ضغط مقابل غضبكوا علياا أنا ميرضنيش زعلك يا بابا وفى نفس الوقت مش هينفع اعمل إلى بتقول عليه الموضوع مش مستاهل خالص الى عايز تعمله في( سعيد )لمجرد أنه سابك واشتغل مع عدوك خلاااص ربنا يصلح له حاله ولو قرب منك او أذاك يبقى ساعتها ليا ١٠٠حق انى احبسه لكن انى اتهمه باطل لمجرد سبب بسيط مينفعش
*سعيد يبقى إلى ساب امير (والد باسل) و راح اشتغل مع عدوه
امير بعدم اهتمام وزعل :خلاص يا باسل
باسل راح قعد جمبه : بالله عليك ما تزعل منى بس صدقني لو ينفع كنت سمعت كلامك بدون نقاش
امير قام وقف بدون كلام وطلع غرفته وداليا بصت لباسل بنظره عتاب
باسل :ارجوكى يا امى متبصليش كدا أنا مش ذنبى حاجه ولا غضبتكوا
داليا بعتاب :لاء غضبتنا طالما مسمعتش كلام ابوك يبقى غضبتنا
باسل :يا ماما انتى عشان بتحبى بابا ف مغلبه عاطفتك دلوقتي على عقلك لكن لو فكرتى من ناحيه الدين والقانون حرااام أنا عايزك تقنعيه ومتخليهوش بزعل منى
داليا اقتنعت بكلام باسل لكن موضحتش ده وعملت أنها متضايقه منه وطلعت وسابته ..
وبعد كام يوم
امير (والد باسل)كان خلص شغله وخارج من الشركه و فجأة جه متسكل وضرب نار على أمير والطلقه جت فى قلبه وماات
داليا لما عرفت الخبر اتصدمت وحملت باسل ذنب أبوه واغم عليها وتعبت جدا لانها كانت بتحب جوزها جداا واتنقلت فى المستشفى وكانت رافضه تشوف باسل نهائى وباسل كانت حالته صعبه وحاسس بالذنب والى كان واقف معاه فى الوقت دا يوسف صاحبه
فى المستشفى
باسل كان قاعد بيعيط فى صمت على موت أبوه وحاله أمه .. و يوسف كان معاه بيخلص اجرائات المستشفى بداله وخلصها وقرب من باسل إلى حالته كانت صعبه جداً
يوسف وهو بيطبطب عليه : معلش يا صاحبى دا ابتلاء حاول تصبر وتمسك نفسك عشان امك
باسل بدموع :أنا حاسس بالذنب اووى يا يوسف امى فضلت تحملنى ذنبه وتقولي انت السبب لو كنت سمعت كلام ابوك و سجنته مكنش مات رغم انى معرفش ايه علاقه سعيد بموته
يوسف بمحاولة تهدئته :انت ملكش ذنب يا باسل وعلى فكره رفضك لطلب ابوك دا صح لانك ضابط عندك مبادىء واستحالة تخون مهنتك مقابل اسباب شخصية متضايقش نفسك ومتحملش نفسك ذنب
باسل :و امى يا يوسف امى إلى مش طايقه تشوفنى استحاله هتقتنع ب داا
يوسف : متقلقش هتاخد وقتها فى الزعل وبعدها هتروق من ناحيتك والله هى مش هتقدر تزعل منك كتير
باسل بغل :أنا نفسى اعرف مين ولاد ال ***إلى حاولوا أنهم يتجرأو ويتقتلوه وانا وحيات امى ما هرحمهم
يوسف :هنعرفهم يا باسل أن شاء الله بس اهم حاجه دلوقتي انك تحمى امك وتخلى بالك منها لانها اكيد زعلانه على ابوك جامد
باسل بحزن :ربنا يصبرنى ويصبرها ..
ومن بعدها قررت داليا تسافر دبى بمحاوله انها تتخطى موت جوزها وباسل كان بيحاول يقنعها متسافرش لكنها صممت ...
باااااك
داليا : و مش هسامحك يا باسل ولا هيهدا ليا بال غير أما تاخد حق ابوك
باسل :ماما على فكره انا مش ساكت ومنستش الموضوع ولسه بحقق فى القضيه ومش هسكت غير أما اعرف مين الى عمل كدا
داليا :طيب ما انت عارف مين الى عمل كدا
باسل :لاء يا ماما مش سعيد
داليا :لاااء هوو مفيش غيره إلى ليه مصلحه فى كداا
باسل :وتقدرى تقوليلى اى هى مصلحته أنه يقتل إلى كبره وعمله راجل هو كبيره يقل بأصله مع بابا الله يرحمه بس مش اكتررر
داليا :مليش دعوه يا باسل لحد ما تعرف مين الى قتل ابوك وتجبلى حق ابوك منه ساعتها اقدر اسامحك ..وطلعت وسابته
باسل اتعصب من كلامها
باسل بزعيق :ربااااااااب
رباب بخوف :ن نعم يا ابنى
باسل بعصبية :خلى بالك من مى كويس و حطلها الاكل فى اوضتها و متخليهاش تخرج من الاوضه نهاااائى تماااام
رباب بتوتر :حاضر يا ابنى بس ايه بس إلى حصل لكل دا
باسل :نفذى إلى بقولك عليه وخلاااص ..وسابها وخرج برا الڤيلا وهى مستغربه رد فعله
_____________________
عند يوسف فى البيت
وائل و الكتاب فى أيده :يوسف ترجملى الكلمه دى
يوسف بابتسامه :احم وملقتش غيرى يا حبيبى يترجملك انجليزي
وائل :بس دا فرنساوي يا چوو صباح الفل
يوسف :وكمان عايزنى اترجملك فرنساوي انت عايز تقل منى ياض ولا ايه
وائل :ايه يا چوو هو انت ناجح بالغش ولا ايه
يوسف :مين دا ياض إلى ناجح بالغش أنا يا ابنى ..وعدل ياقه قميصه وبلا فخر كنت الاول على دفعتى فى سنك وكنت بمسك الكتاب ٢٧ساعه فى اليوم وبذاكر على ربع شمعه
وائل وهو حاطط أيده على خده بسخرية :امممم وايه كمااان
يوسف :و ااه تصدق يلا انى غلطان انى بحكيلك عن إنجازاتى وبديك خبراتى غور يلا من هناا
وائل وهو بيقوم وبيشوح بأيده :ياشيخ اتنيل
يوسف وهو بيبرق عينه :خد ياااض مين دا إلى يتنيل يا حقووود انت
وائل :أنا حقووود !!
يوسف :اه وعدو النجاح كمان جتك نيله هتفضل فاشل
وائل :سيبنالك النجاح ياااه روميوو ..وجرى
يوسف :خد ياااااااض ..وفونه رن و كان باسل ويوسف رد
يوسف لوائل :وربنا لاوريك يا كلب البرك
باسل بعصبية :هو ميييين دا يا زفتتت
يوسف :ههه وربنا ما انت الواد وائل اخويا
باسل بحده :طيب البس وانزل قابلنى فى الكافيه عشان عايزك
يوسف بمرح : وربنا ما عملت حاجه أنا بريئ
باسل بحده : يوسف بجد مش وقت زفت هزار البس وتعالالى ..وقفل
يوسف باستغراب :ماله الواد داا أنا هروح البس لا ياكل فخادى
و جهز ونزل ل باسل وقابله فى الكافيه
باسل وهو حاطط رأسه ما بين ايديه الاتنين :يا ريتها ما رجعت
يوسف باستغراب :يا ابنى فهم امى فى اييه أنا مش فاهم حاااجه هى مين دى ؟
باسل :امى
يوسف بصدمه : رجعت !رجعت امتى ؟!
باسل بتنهيده :من كام ساعه
يوسف :طيب ايه الى حصل بالضبط ومقالتلكش ليه أنها نازله مصر
باسل بسخريه :تقولى ازاااى منا بقيت ابنها العااااق إلى مخدش حق ابوه
يوسف :هى لسه على موقفها
باسل هز رأسه بحزن بمعنى اه
يوسف :طيب ايه الى حصل بينك وبينها
باسل :ابدا قعدت تأنبنى شويه و عاملت مى بطريقة رخمه اوى يا يوسف مش عارف هى بتكلمها كدا ليه
يوسف :طيب وايه دخل مى بالموضوع عشان تكلمها بطريقة رخمه
باسل :معرفش بقاا
يوسف :طيب يمكن عشان معرفتهاش انك اتجوزت
باسل :وهى من امتى بيفرق معاها حالى اتجوز ولا اتنيل هى دايما ماكنش بيفرق معاها غير نفسها وبابا وانا مليش مكان فى حياتها
يوسف :استحاله يا باسل دا انت ابنها يا جدع ازاى يعنى مش هيفرق معاها هى بس تلاقيها بتعمل مع مى كدا عشان متعرفهاش ولا انت كمان عرفتها ب جوازك بس هى عملت ايه لما عرفت انها مراتك
باسل :هى طلعت عارفه اصلا
يوسف :وعرفت منين
باسل :ما هى شافتنى وانا بلعب مع مى فى الجنينه ف اكيد سألت اى حد من الحرس أو عم محمود وقالولها
يوسف بضحك :ههه بت إيييه بتلعببب الرائد باسل مكرم بقا بيلعب يا ولاد هههههههه هى مى عملت فيك اييه هههههه
باسل :ما تظبط يلااا فى ايييه وبعدين انت مالك العب ولا اتهبب على عينى انت مااالك
يوسف :خلاص خلاص يخربيت قلبتك بس قولى كنتوا بتلعبوا ايه
باسل :يا صبر ايوووب هو دااا وقتهههه
يوسف :احم كمل يا شق
باسل :يا اخى منك لله نستنى
يوسف :قالت ل مى ايه بالضبط
باسل حكاله كل الى حصل
يوسف :طيب و مى ذنبها ايه يا باسل تحبسها فى الاوضه
باسل :أنا على عينى انى اعمل كدا بس امى لو شافت مى هتسم بدنها بكلام ملوش اى لازمه
يوسف :طيب مش يمكن قالت كدا من غيظها بس و الله اعلم يمكن الأمور تتغير
باسل : معتقدش امى مبتتغيرش يا يوسف أنا عارفها وعارف طبعها طالما حطت حد فى دماغها مش هتحله
يوسف :طيب بس انت حاول تهدى نفسك وتتعامل بهدوء مع امك ومتتعصبش
باسل :شوف مين الى بيكلم
يوسف :احم ملكش دعوه بيا أنا ضايع اصلا المهم روح دلوقتي ل مى لحسن يحصل حاجه وكدا كدا احنا معانا الاسبوع دا اجازه ف ارتاح فيه عشان تعرف تستعيد طاقتك للشغل الجاى أن شاء الله
باسل :ربنا يستر
وسلم باسل على يوسف ومشى للڤيلا
__________________
فى الفيلا
فى غرفه مى
مى صحيت من النوم وافتكرت أن باسل تحت وكانت لسه بتفتح باب الاوضه عشان تنزل لقت رباب فى وشها وماسكه صينيه اكل
مى باستغراب : انتى مطلعالى الأكل ليه يا طنط رباب منا هاكل معاكوا تحت
رباب بتوتر :اااه اصل ب باسل ااه
مى بقلق :فى ايه يا طنط رباب باسل مااله
رباب بنفس التوتر :لا ابدا يا بنتى مالوش بس اااه هو يعنى قالى انى اطلعلك الأكل لحد عندك عشان ظهرك واجعك ومتتحركيش كتير
مى بابتسامه :تسلم ايدك يا حبيبتى بس انا الحمدلله بقيت كويسه وهنزل اكل معاكوا تحت ..وكانت هتنزل بس رباب مسكتها
مى بصت لرباب باستغراب
رباب :مي مينفعش تنزلى
مى باستغراب :لييه
رباب :باسل هو إلى قال كدا قال متخرجيش من اوضتك والأكل والشرب اطلعهولك أنا
مى :بس ليه هو أنا عملت حاجه ضايقته
رباب :لا يا حبيبتي ابدا
مى :اومال ايه ليه مش عايزنى أخرج
رباب :مش عارفه بقا والله يا بنتى بس ادخلى اوضتك بالله عليكى عشان لو لاقاكى برا هيزعقلى ادخلى يا مى عشان خاطرى
مى بقله حيله :حاضر
رباب :الأكل عندك ع السفره اهو يا حبيبتى كلى كويس
مى هزت راسها بابتسامه بمعنى حاضر ونزلت رباب .. وأثناء ما كانت نازله باسل كان وصل
باسل :رباب فين ماما
رباب : داليا هانم فى اوضتها مخرجتش من ساعتها
باسل :طيب ماكلتش حاجه خالص
داليا :هى مطلبتش حاجه وخوفت ادخل اسألها تكون نايمه ف اقلقها
باسل :طيب و مى كلت ولا لاء
رباب :أنا لسه نازله من عندها تلاقيها لسه هتاكل دلوقتي
باسل :نزلت هنا ولا حاجه او اتقابلت ب ماما؟
رباب :لا خالص دى حتى كانت عايزه تنزل على أساس أننا هنتجمع فى سفره واحده وناكل سوا بس انا منعتها وهى سكتت ومتكلمتش
باسل :تمام
وطلع ل غرفته داليا
توق توق توق
داليا :لا رد..
باسل فتح الباب بهدوء وكانت داليا نايمه وقفل الباب تانى واتجه لغرفه مى
باسل دخل فتح على طول وقفل الباب بقوه
مى بفزع :اعااااااا خضتنى يا باسل حرام عليك
باسل بحده :مكالتيش ليه
مى :مليش نفس
باسل بزعيق : مفيش حاجه اسمها ملكيش نفس لازم تاكلى انتى جسمك ضعييييف وممكن تتعبى
مى بابتسامه : مش بعرف اكل من غيرك يا باسل
باسل ابتسم بتلقائيه وشدها لحضنه
باسل بحب :بتقدرى تفرحينى فى عز همى و زعلى
مى وهى بتخرج من حضنه وبتبصله :ايه الى مزعلك يا سولى
باسل بضحك : أهى سولى دى كفيله تخلينى اضحك للصبح
مى بضحك :اى خدمه بس انت بردو مقولتليش مالك مهموم و زعلان ليه
باسل :ابدا يا حبيبتى متشغليش بالك انتى
مى :ازاى يا باسل مشغلش بالى مشاكلك هى مشاكلى أحكيلى فى ايه وكمان أنا مستغربه انت ليه قولت لطنط رباب انى مخرجش من الاوضه وتخلينى اكل لوحدى
باسل :وهو دا النظام يا مى طول منا مش موجود انتى هتبقى فى اوضتك وهتاكلى هنا
مى :ليييييه يا باسل
باسل :هو كدا يا مى
مى بصوت عالى :يعنى اي هو كداااا أنا من حقى افهم ليه اى التغير إلى حصل فجأة
باسل وهو بيقرب منها :انتى صوتك على صح ..
مى وهى بتبعد بتوتر :مين دى أنا !!
باسل بخبث :امممممم
مى : لا لا أبدا دا صوتى والله
باسل :طيب صوتك ميعلاش تانى
مى بتذمر :على فكره انا صوتى واطى بس انت إلى عصبتنى
باسل ببردو :المهم تسمعى الكلام إلى قولتلك عليه وتاكلى
مى وهى بتربع ايديها :طيب انا مش بعرف اكل لوحدى أنا لسه قايلالك
باسل : متقلقيش أنا قاعد معاكى طول الاسبوع دا
مى بفرحه :الله كله أجازه
باسل :اه
مى بفرحه : يسس خلاص انا موافقة اقعد فى الاوضه بس تاكل معايا
باسل ابتسم على طيبتها و سمعان كلامها
باسل : حاضر يا ميوش هاكل معاكى تعالى ناكل بقا عشان الأكل برد
مى :يلاااااا
______________________
عند فريده
عاطف :فريده
فريده :نعم يا بابا
عاطف : تعالى اقعدى جمبى ..
فريده :ادينى قعدت اهو يا بابا خير فى ايه
عاطف :فاضل اسابيع على فرحك وهتبقى مع الجحش الى اسمه يوسف دا وهتسيبينى شوفى لو متردده بس انك تسيبيه أو مش حاسه من ناحيته بارتياح أنا ممكن ألغى كل حاجه
فريده بضحك : لا لا لا يا حبيبي انا مرتاحه معاه والله
عاطف بغيره :ما تلمى نفسك يابت يا فريده ايه مرتاحه معاه دى
فريده بضحك :ايه يا حاج دا هيبقى جوزى
عاطف :شوف البت إلى تحرق الدم
أسماء وهى خارجه من المطبخ :لا اله الا الله جرا ايه يا عاطف انت عايز تبوظ للبت فرحها سيبك منه يا بت يا فريده ابوكى هيخرب عليكى
عاطف بعصبية :اخرب على مين يا وليه انتى مش شايفه بنتك بتقولى فى وشى دا هيبقى جوزى
اسماء :وهى قالت حاجه غلط يا راجل
عاطف :يا وليه هتغابى عليكى انتى وبنتك
فريده بضحك :خلاص يا حاج استهدى بالله وبعدين يا حاج انت الحب الاول والاخير
عاطف خدها فى حضنه :ربنا يسعدك ويحفظك يارب ويجعلك الزفت يوسف زوج صالح
فريده ضحكت هى واسماء وكانوا مبسوطين جداً
________________________
عند خالد وشمس
شمس : خالد ايه اخبار مى مع باسل
خالد :تصدقى مش عارف من اخر مره اتلهيت خالص ومعرفتش اكلم مى ولا باسل
شمس : طب رن على مى كدا واسألها عامله ايه واطمن عليها
خالد :حاضر
و رن على مى
_______________________
عند مى
كانت بتاكل مع باسل و فونها رن
مى بفرحه : اى دا خالووو
باسل بغيره :اقفلى
مى وهى بتضم حواجبها : لاء طبعا دا خالو ..و ردت وباسل جز على سنانه من الغيظ
مى ل خالد :خالوو حبيبى عامل ايه ..باسل خبطها بكوعه
مى بوجع :اااه لا لا أنا فللل الحمدلله ..وبصت لباسل بغيظ
مى بمرح وصعبانيه :باسل! باسل نازل فيا ضرب كل يوم ومبيأكلنيش ولا بيشربنى ..
باسل والأكل وقف فى زوره وبيكح وبيبص ل مى بصدمه :انااااااااا !!
مى فتحت الاسبيكر
خالد بعصبية :ازاااى يعنى يعمل فيكى كدا هو فيييين الحيوااان داا
باسل وهو بيتوعد ل مى الى كانت عماله تضحك :الحيوان قاعد جمبها اهوو
خالد :انت ايه الى بتعمله فى البت داااا
باسل : ياعم انت بتصدق بنت اختك العبيطه دى
مى :سامع يا خالوو قله أدبه
باسل ضيق عينه ومسح على دقنه بتوعد لمى وهى كانت بتضحك
خالد :لاااا دا انت شكلك اتهبلت
باسل : وربنا ما جيت جمبهااااا انت مصدق يا خالد الهبل إلى هى بتقوله
خالد :وهى هتكدب ليه بتتبلى عليك
باسل :مثلااا يا عم ارحمنى انت وهى
خالد :قومى يا مى أجهزى عشان اجى اخدك
باسل وبيشد الفون من مى بعصبيه :تاخدها فييين يا خاالد
خالد :ملكش دعوه
باسل :يعنى ايه مليش دعوه لاء مى مش هتروح معاك فى حته
خالد :الاسبيكر مفتوح ؟
باسل :اه
خالد :طب اقفله وكلمنى
باسل قفل الاسبيكر و اتجه للبلاكونه
مى :باسل رايح فين
باسل :كلى على ما أتكلم مع خالد
مى :ماشى
*فى البلاكونه
خالد بحزن :أنا هاخد مى و نروح المقابر عشان تزور مامتها
باسل : اه تمام يعنى انت عاملهالاها مفاجأة
خالد :ايوه و متقولش قدامها اى حاجه أنا شويه وهعدى على الڤيلا اخدها ونروح
باسل :أنا جى معاكوا
خالد :ملوش لزوم مى أما بتبقى هناك بتقعد تعيط ومش بتحب حد يشوفها بالحاله دى أنا نفسى ببقى واقف بعيد عشان تبقى براحتها
باسل قلبه وجعه اوى من الكلام
باسل :أنت بعد ما قولتلى كدا لازم اجى معاها
خالد بتنهيده :زى ما تحب بس تقف بعيد معايا
باسل :حاضر يلا سلام اروح اقولها تجهز وأجهز أنا كمان
خالد :ماشى نص ساعه واكون عندكوا أن شاء الله
باسل :أن شاء الله سلام ..
قفل باسل ودخل ل مى وكانت لسه بتاكل واول ما شافته ضحكت اوى
باسل :بقا انا نازل فيكى ضرب ومبأكلكيش ولا بشربك اومال إلى بتطفحيه دا ايييه المرر!
مى وهى بتجرى :استهدى بالله بس دا كنت بهزرر
باسل بخبث وهو بيقرب منها :وانا قليل الادب هاااه تحبى اوريكى قله الادب على حق
مى بصريخ وهى بتجرى :اعااااا لااااء وربنا لو جيت جمبى هصووتتت
باسل بتوعد : طيييب ..وجرى وراها
مى طلعت تجرى وفتحت باب الغرفه وجريت برا وباسل خرج وراها
مى كانت بتجرى و مش شايفه قدامها وهووب خبطت فى داليا
مى بخوف :اااه انا أنا اسفه
داليا بعصبيه :مش تبصى قدامك يابت انتى انتى عاااميه
مى سكتت والدموع كانت محبوسه فى عينيها
وباسل جه فى الوقت دا وبينهج من الجرى وشاف مى خايفه
باسل :فى ايه يا جماعه مالك يا مى
داليا :شوف مراتك الهمجيه عماله تجرى ومش باصه قدامها
مى مسكت فى باسل وكانت خلاص هتعيط.. باسل طبطب عليها وضمها ليه وهو بيقول لامه :مامااا خلاص محصلش حاجه هى اكيد مكنتش مركزه
داليا :انت محموق اوى كدا ليه دى حته عيله لا راحت ولا جت
باسل بتحذير : امى لاخر مره بقولك متكلميش مى بالطريقة دى تانى ..ومسك ايد مى و مشى واتجه لغرفته مى ومى اول ما دخلت قعدت على كنبه وانهارت فى البكاء
باسل وهو بيقرب منها وقعد جمبها :بتعيطى ليه بس
مى بعياط :هى هي لي ليه بتكلمنى كدا
باسل بحنان :حقك عليا أنا متزعليش هى طيبه والله بس عصيبه شويه معلش حاولى تستحمليها
مى بصت لباسل بعيون مليانه دموع :ح حاضر
باسل ضمها ليه اكتر وكانت صعبانه عليه جداً
باسل وهو بيخرجها من حضنه وبيقبل باطن ايديها :قومى البسى عشان خارجين
مى وهى بتمسح دموعها :خارجين فين
باسل :هنروح مشوار أنا وانتى وخالد
مى بفرحه نسيتها كل زعلها :بجددد
باسل :اه بجد يا حبيبي يلا قومى اجهزى
مى قامت واتجهت للدولاب
مى :بااااسل
باسل :نعم
مى :تعالى نعمل ماتشينج
باسل برفع حاجب :ماتشينج؟
مى :اه يعنى نلبس الوان زى بعض .. مثلاً انت تلبس تيشرت كحلى وبنطلون ابيض وانا كمان وطبعا أنا هلبس الطرحه بيضاء
باسل :اها بس انتى تلبسى چيبه بيضاء مفيش بناطيل
مى :حاضر
وجهزوا هما الاتنين وخالد وصل قدام الڤيلا
باسل كان نازل وماسك ايد مى وداليا كانت قاعده تحت وشافتهم
داليا بغيظ :واخد السنيوره ورايح فين يا باسل
باسل بضيق :رايحين مشوار وجايين عندك مانع يا امى
داليا :لاء معنديش مانع بس شيفاك يعنى مروحتش شغلك ايه هتفضل قاعد جمبها طول الوقت
باسل بهدو :بصى يا امى مى تبقى مراتى ودى حياتى انااا اروح شغل مروحش أخرج مخرجش دى حياتى اناااا محدش ليه دخل فيهااا ومى جزء كبير من حياتى يعنى الى يفكر يأذيها أو يجى جمبها أنا بمحيه من على وش الدنيا
داليا وهى بترفع حاجبها بغضب :تقصد ايييه بكلامك داا يا ابن بطنى بتهددنى ولا ايييه
باسل :لا ابدا العفو يا امى أنا بس بعرفك ..وبص ل مى يلا يا مي
وخرجوا لخالد إلى كان قاعد الجنينه مستنيهم وخالد كان اول مره يشوف مى بالحجاب
خالد بذهول وفرحه :بسم الله ما شاء الله ايه القمر داا
مى بفرحه جريت لحضنه :خالووو حبيبى وحشتنى اوووى
خالد :انتى كمان يا حبيبه خالوو الف مبروك يا حبيبتى على الحجاب
مى :الله يبارك فيك ايه رأيكك
خالد بحب :انتى قمر فى كل حالاتك يا مي ربنا يحفظك يا حبيبتى
باسل كان واقف غيران جداً على مى وشدها من ايديها
باسل بغيره : ممكن كفايه بقا احضان
خالد :انت رخم ليه ياض يا باسل عايز ايه انت غيران منى ياااض
باسل : ياااض ! لا اله الا الله هو أنا ببيع حرنكش وبعدين اه غيران ولوسمحت السلام بعد كدا هيبقى بالأيد أو اقولك من غير لمس خالص
خالد وهو بيقرب منه :انت عبيط ياض ولا اييييه دى بنتيييي سلام ايه الى من غير لمس
مى بضحك :خلاص يا خالو استهدى بالله
خالد : انتى مش شايفه العبيط دا بيقول ايييه
باسل :لا بقا انت زودتها اوى يا خالد
خالد :أنا بردووو إلى زودتهاااا
مى :يا جماعه خلاااص استهدوا بالله ويلا نمشى
باسل بغيظ خالد :يلا يا ميووشى
خالد ضرب كف على كف وضحك وركبوا كلهم عربيه باسل و وراحوا المقابر ومى اول ما وصلت فرحت أنها هتزور مامتها واول ما وصلت لقبرها فضلت تعيط و باسل وخالد كانوا واقفين بعيد وباسل قلبه اتقطع على منظرها وكلامها إلى سامعه
مى بعياط :ماما حبيبتى شوفتى خالو عملى مفاجأة وجابنى ليكى النهارده أنا عارفه انك زعلانه منى عشان مش باجى ازورك بقالى كتير ومفكرانى نسياكى لكن انتى والله عمرك ما روحتى عن بالى دقيقه أنا بدعيلك فى كل صلاه وكل وقت طب انتى عارفه أنا ربنا رزقنى ب طنط رباب بتفكرنى بيكى وبحنيتك اووى وكمان رزقنى بزوج صالح ..وضحكت بحب ..باسل بجد يا ماما شخص عسل وطيب وحنين اوووى يا ماما دعوتك استجابت لما كنتى دايما بتدعيلى ربنا يرزقنى بالزوج الصالح الحنين كل ما بيتعامل معايا بحنيه بفتكرك ..وعيطت جامد اووى ..وحشتينى اوووى نفسى احضنك ولو مره واحده
"حقاً ما اصعب فراق شخص غادر من حياتك وكانت تهون الحياه بوجوده💔"
باسل أما شاف منظر مى جرى عليها وخدها فى حضنه وطبطب عليها
باسل :أهدى يا حبيبتى اهدى ربنا يرحمها هى زمانها فى الجنه ان شاء الله
خالد جه وطبطب عليها :ربنا يرحمها ويجعل مأواها الجنه متعيطيش يا مى يا حبيبتى
باسل بمشاكسه لمحاوله أنه يضحك مى :بردو هيقولى حبيبتييى يا عم دى حبيبتى أنا بسسس
خالد :مااشى مااشى ياعم الحبيب شايفه يا هنا(أم مى)جوزها بيغير عليها منى شوفتى الزمن
مى ضحكت ضحكه خفيفه
باسل : تعالوا بقا هوديكوا حته مطعم تحفهه
خالد :للاسف مش هعرف اجى معاكوا والله يا باسل لأن عندى شغل فى المصنع متلتل
باسل :طيب ما تأجله
مى :اه بالله يا خالو اجلوا وتعالى معانا
خالد :مش هعرف والله اجلوا دى طلبات ناس تتعوض مره تانيه أن شاء الله
و خالد مشى وباسل خد مى وراحوا المطعم ..ولايعلمون بمن يراقبهم
______________________
عند طارق
طارق كان بيكلم شخص ما
طارق :طب تمااام يعنى هما لسه واصلين ..تمام اوى اقفل انت دلوقتي
و رن على چيسى..
طارق :الو يا چيسى
چيسى بدلع : الو يا مستر طارق
طارق بغموض :نفذى دلوقتي
چيسى بشر :من عينيا اللوكيشن والعنوان واعتبره حصل
طارق : هبعتهملك حالاً ومش عايز اى غلطه انتى فاهمه
چيسى بمياعه وتكبر :عيب عليك دا انا چيسى
وقفلوا ..
______________________
فى المطعم
باسل :اى رأيك يا ميوش الاكل عجبك
مى والأكل فى بوقها :اه طعمه حلو اوووى
باسل بضحك :طيب ابلعى الاول
وفجأة جت بنت من وراه باسل و حاوطت رقابته بأيديها و باسته من خده
و مى كانت فى حاله صدمه ...!
وأخيراً بارت جديد عايزه تفاعللل💃😂❤️❤️
روايه
مراهقه اوقعتنى فى حبها
البارت ال25
بقلمى أمل احمد🖊️
واثناء ما كانوا بياكلوا جت بنت من ورا باسل وحاوطت رقابته بأيديها و باسته من خده !
البنت بدلع مبالغ :باسل حبيبى وحشتنى اوووى
مى بصتلها بصدمه كبيره واستغراب وعينيها اتسعت
أما باسل ف هو كانت صدمته متقلش عن مى وفك ايد البنت من على رقابته بغضب شديد و قام وقف وهو بيبصلها باستحقار وغضب
باسل بغضب :انتى مين يا مهزقه انتى وازاى تسمحى لنفسك تحضنينى بالشكل القزرر دااا
البنت بخبث :انت مش فاكرنى ولا ايه يا باسل ازاى تنسى ايامنا مع بعض
مى فى اللحظه دى بصت لباسل ودموعها على وشك النزول لكنها حاولت تتماسكت قدام البنت
باسل بغضب للبنت :بت انتى اتكلمى عدل وبعدين ايام ايه وزفت ايه هو أنا اعرفك اصلااا
البنت بدلع وهى تحاول احتضان باسل لغيظ مى : حبيبى انت ازاى مش فاكر الخمس سنين الارتباط إلى كانوا بينا انت بس اكيد بتقول كدا عشان البتاعه دى قاعده ..قالتها وهى بتشاور على مى بحقد
باسل بعد ايديها وزقها بقوه وغضب شديد : ٥سنين ارتباط ايه يا حيوانه انتى هو أنا ممكن حتى ابص لواحده رخيصه زيك وبعدين إلى بتتكلمى عليها دى تبقى مراتى اشرف منك ومن إلى شبه امثالك واتفضلى امشى من هنا بدل ما أفرج عليكى المطعم كله
كل دا تحت نظرات مى إلى مش فاهمه اى حاجه وبتحاول تقنع نفسها انها بتحلم ولكن صدمها كلمات البنت وخلتها تصدق انها مش بتحلم لما قالت
البنت بدموع مصطنعة وخبث :كدا يا باسل بتغدر بيا بعد ما خدت إلى أنت عايزه منى وعشمتنى بالجواز تسيبنى وكمان تنكر انك تعرفنى أنا بجد مصدومه فيك بس مسيرى هاخد حقى منك ومش هسيبك ..و مشيت وسابتهم فى صدمتهم
باسل بص على مى لقاها باصاله نظره مفهمهاش
باسل :مى اوعى تكونى صدقتى الهبل إلى الزباله دى قالته
مى قامت وقفت بدموع :انت بجد عملت كدا يا باسل
باسل :عملت اييييه انتى مصدقه الهبل دااا دى واحده زباله أنا معرفهاش اصلاااا انتى ازاى تصدقى حاجه زى كدا يا ميي
مى بدموع :أنا عايزه اروح
باسل بعصبية :مى اقعدى انتى مكملتيش أكلك
مى :شبعت عايزه اروح يا باسل
باسل وهو بيجز على سنانه :طيب كملى أكلك وهنروح
مى بعصبية :قولتلك شبعتتت عايزه اروووح
باسل اتسعت عينيه وشد مى من ايديها بقوه وحاسب على الاكل و خرجوا من المطعم و دخل مى العربيه بعنف وركب هو كمان ومشى بأقصى سرعه
مى بدموع :ممكن تهدى السرعه
باسل :...
مى بدموع اكتر :هدى السرعه يا باسل أنا خايفهه
باسل مردش عليها وكان سايق وهو متعصب ومتضايق
مى حطت ايديها الاتنين على وشها كانت بتعيط بصمت
باسل بص عليها وصعب عليه منظرها و وقف العربيه على جمب
باسل شال ايديها الى مليانه دموع من على وشها
باسل بنبره حاده :خلاص يا مي أهدى
مى كانت بتشهق جامد من كتر العياط ومش قادره تتنفس .. باسل خدها فى حضنه وطبطب عليها وهو بيقولها
باسل :خلاص بقى يا مي متعيطيش
مى رفعت وشها وبصتله بضيق
باسل باستغراب :اى البصه دى
مى بتذمر :اصلك قولتلى يا مى مش ميوش
باسل ابتسم وضحك من جواه بس مابينش ل مى ورجع ريأكشنه للضيق
باسل بنبره حاده :عادى يعنى
مى بصتله بدموع وسكتت وخرجت من حضنه وباسل ما اتكلمش ورجع ساق العربيه
مى :ممكن تودينى عند خالو
باسل وهو بيبصلها بضيق :ليه يعنى
مى :عايزه اغير جو وأشوف طنط شمس عشان وحشتنى اوى وكمان عايزه اقعد مع خالو مشبعتش منه
باسل بغيره :ما تتلمى ايه مشبعتش منه ديي هو أنا مش مالى عينكك
مى بدموع :فى ايه يا باسل دا خالو انت بتزعقلى كدا ليه
باسل :يادى النيلههه اهو هنفتح فى واصله الزن تانى
مى بدموع وتذمر :أنا زنانه شكراً و على فكره مش هقولك سولى تانى
باسل مقدرش يمسك نفسه وهلك ضحك
مى بغيظ :انت بتضحك عليااا
باسل :ههههه هو أناا أقدر هههههههه
مى وهى بتربع ايديها :انت رخم على فكره هتودينى عند خالو ولا لاء
باسل :مفيش مرواح فى حته يا ميووش
مى : لا أنا عاااايز اروح لخا ..انت قولت ميووش ؟!
باسل بضحك :اه
مى بفرحه :طيب عشان خاطرى ودينى عند خالو يا سولى
باسل بضحك اكترر : دلوقتي بقيت سولى
مى :اه عشان قولتلى يا ميوش
باسل بهيام :بحبگ
________________________
عند طارق
كان بيتكلم فى الفون
طارق :هاا تماام؟!
چيسى بدلع :عيب عليك كله تحت السيطره زمانها مش طايقه تشوف خلقته
طارق بانتصار :احسن
يستاهللل وان شاء الله طلاقك على أيدى يا مى من الكلب إلى خدك منى دااا
چيسى :وقريب اوى كمان يا طاروقه
طارق بحماس :چيسى أنا عايزك تزودى اللعبه
چيسى بخبث :ازاى
طارق بخبث :اسمعى بقااا******
____________________
عند باسل ومى
مى فضلت باصله بحب وابتسمت بكسوف
باسل : رغم انى اتضايقت منك لما صدقتى البنت الزباله دى وقومتى وسيبتى أكلك بسببها وكنت ناوى اقاطعك على الأقل كام ساعه بس اعمل ايه مقدرش
اسيبك زعلانه
مى : يعنى انت بجد محصلش بينكم حاجه
باسل بانفعال : يابنتى بالعقل كدا أنا هبص لواحده زى دى ازاااى وعلى ايييه دى واحده *** وقريب اوووى هعرف مين دى ومين إلى مسلطها علينا دى واحده عايزه توقع بينى وبينك يا مى
مى :أنا إلى خلانى احس ان كلامها صح انها عيطت انت مشوفتش كانت بتعيط ازاى يا باسل صعبت عليا
باسل بابتسامه سخريه: والله انتى هبله وطيبه اووى هى طلما نزلت دمعتين تبقى صادقه دا الخبث والبجاحه كانوا باينين فى عينيها أنا مستغرب هى ازاى صعبت عليكى ولو ١٪
مى بتنهيده :مش عارفه بقا بس خوفت اوى يا باسل لا تكون فعلاً كنت بتحبها ومشيت معاها غلط
باسل :بس يا هبله أنا واحد الحمدلله عارف دينى كويس واخلاقى وتربيتى ميسمحوليش انى اعمل كدا
مى بابتسامه : الحمدلله يا حبيبي حقك عليا يا سولى والله مش قصدى اضايقك أو ازعلك بس خوفت لا يكون كلامها صح
باسل : مش عايزك تصدقى اى حاجه يا مى إلا لما تتأكدى الاول منها
مى :حاضر انت لسه زعلان
باسل :هو أنا كنت ناوى أزعل بس مقدرش ازعل منك يا ميوش قلبى والله
مى ضحكت واتكسفت وكانت فرحانه جداً
مى :هتودينى عند خالو ؟
باسل :مصممه
مى هزت راسها بسرعه بفرحه بمعنى اه
باسل بمشاكسه :يبقى نطلع ع الڤيلا
مى وهى بتضم حواجبها بتذمر : باااسلللل
باسل بابتسامه :قلبه ..وغمزلها
مى بضحكه رقيقه :هتودينى عند خالوو صح
باسل :نروح عند خالو والله المستعان
مى سقفت بفرحه وباسته من خده برقه وباسل كان مصدوم وفرحان
باسل بابتسامه مشاكسه :لااا دا انا كدا هوديكى عند خالو على طوول
مى ضحكت اوى بكسوف ..
"وعيناكِ كالسحر كلما ناويت عقابك تنسينى عيناكِ المشكله وتبقى عيناكِ هى مشكلتى.."
________________________
فى الڤيلا
داليا :ربااااب
رباب :نعم يا داليا هانم
داليا :اعمليلى فنجان قهوه
رباب :حاضر يا داليا هانم
داليا بفضول :بقولك ايه يا رباب متعرفيش باسل اتأخر ليه
رباب : ابدا مقاليش حاجه
داليا بتكبر :خلاص خلاص روحى اعملى القهوه
رباب :حاضر ..واتجهت للمطبخ
بعد دقايق داليا كانت قاعده وفى ايديها فنجان القهوه وبتتفرج على التلفزيون و سمعت صوت زعيق برا الڤيلا
داليا باستغراب :رباب ايه الصوت الى برا دا
رباب :مش عارفه والله يا هانم دا تقريباً الحرس بيزعقوا مع حد برا
داليا :طيب انا هخرج اشوف في ايه ..وخرجت وكانت المفاجأة..!!
________________________
فى بيت خالد
خالد :يا وليه فين الاكل جعاان
شمس وهى فى المطبخ :يا راجل اصبر البسبوسه هتتحرققق
خالد وهو بيضرب كف على كف :لا اله الا الله يا وليه هاتى الأكل الاول وبعدين كملييي البسبوسه أنا واحد تعبان طول اليوم فى الشغللل وجاى جعاان
الباب خبط
توق توق توق
خالد وهو مازال بيكمل حديثه ل شمس وبيفتح الباب :دا انتى وليه مفتريه ..وبص على مى وباسل
خالد بابتسامه صدمه :اى داا اى المفاجأة الحلوه دى
باسل بمرح :اى خدمه اظن مفيش احلى من كدا مفاجأة الصبح وبالليل
ودخلوا وسلموا على خالد
مى بفرحه : طنط شمس فين يا خالو
خالد بضيق :واقفه فى المطبخ بقالها ٧ ساعات بتعمل ام الأكل وياريتها خلصتتتت
باسل بضحك :تؤ تؤ تؤ مش قادر تسيطر انت يا خالد
خالد :ولاااا اسكت انت كمان أنا مش طايقك ولا طايق اختك
مى ضحكت عليهم وفجأة سمعوا صوت شمس بتصوت
شمس بصويت :يختااااااااااااى
كلهم اتفزعوا وقاموا جريوا على المطبخ
خالد بخضه :اي اي فى ايييييه
شمس بغضب :البسبوسه اتحرقتتت ..وبصت لقت مى وباسل واقفين
شمس بصدمه : بسم الله الرحمن الرحيم انتوا جيتوا امتى
باسل بمرح :لا حول ولا قوه الا بالله دى مقابله تقابلينا بيها يلا يا مى نروح ومسك ايد مى وكانوا هيخرجوا من المطبخ و وقفتهم شمس بزعيق
شمس :خد ياض يا باسل تروحوا فييين تعالوا دا انتوا واحشنى اووى
مى جريت عليها وحضنتها : انتى كمان والله يا طنط شمس وحشتينى اوووى
شمس : حبيبه قلبى انتى كمان مبرووك الحجاب يا روحى اى العسل داا بسم الله ما شاء الله
مى بابتسامه : الله يبارك فيكى يا شموس
شمس :اخبارك ايه مع الواد دا ضايقك ولا حاجه
مى وهى بتبص لباسل بحب :لا خالص والله دا على طول بيفرحنى
باسل ل شمس :على فكره انتى اخت مفتريه على رأى خالد
خالد بزعيق :خااااالد عااايز يطفححححح
شمس :حاضر يا اخويا أهدى على رزقك
خالد :يا بااااسل شوف اختكككك بدل ما اعمل حاجه مش هتعجبكوااااا
باسل :ما تيلا يا شمس بتعملى ايه كل دا انتى بتحررى فلسطين!
شمس لخالد :أنا غلطانه انى كنت بعملك بسبوسه
خالد بهمس :وياريتها فلحت
شمس :بتقول حااجه يا خاالد
خالد :لاا دا انا بقول تسلم ايدك
شمس :امممم احسب طب يلا بقا اقعدوا ع السفره وانا ومى هنحط الأكل
بعد دقايق على السفره
فون باسل رن وكان كريم رئيس الحرس
باسل : الو يا كريم
كريم :باسل بيه فى بنت جت الڤيلا ومصممه تدخل
باسل باستغراب :هى مين دي
كريم :مش عارف والله هى بتقول انها تعرفك وانت تعرفها ومصممه تدخل الڤيلا وحاولت أقنعها كتييير أنه مينفعش ومصممه بطريقه غريبه
باسل :ممكن تكون نورهان
كريم :لا لا أنا عارف انسه نورهان مش هى لاء.. دى واحده اول مره اشوفها وبصراحه كدا منظرها ميدلش على احترام خالص يا باسل بيه
باسل كان مستغرب جداً من كلام كريم
باسل :طيب هى فين دلوقتي
كريم :قاعده فى الجنينه
باسل :طيب متدخلهاش ومشيها دلوقتي واعرف اسمها ايه
كريم :تمام
وقفلوا ..
مى بهمس :هى مين دى يا باسل إلى ميدخلهاش
باسل :هحكيلك بعدين وكلى كويس بقا بدل الأكل إلى مكلتيهوش
مى بإحراج :حاضر
كلهم خلصوا اكل وقعدوا يهزروا مع بعض ويضحكوا ومى كانت مبسوطه جداً باللمه إلى حواليها وخاصه ان كل إلى حواليها بيحبوها بجد
وناموا كلهم ليأتى يوم جديد ملئ بالاحداث المثيره ..
________________________
اليوم التالى
فى بيت خالد
مى كانت نايمه وشعرها نازل على وشها ونايمه على بطنها بطريقه مضحكه
باسل فتح الباب بهدوء ودخل عشان يصحيها واول ما شاف شكلها قعد يضحك
باسل لنفسه : ههههه يخربيت نومتك هنام جمبك بعد كدا ازاى
وقعد جمبها على السرير وهو بيشيل خصلات شعرها من على وشها بهدوء
باسل بهدوء :ميووش يلا اصحى ميووش
مى بنعس :امممم عايز ايه يا باسلل
باسل : يلا قومى بنومه الشمبانزي الى انتى نايماها دى
مى وهى بتفرك عينيها :دى النومه المفضله دى ايش فهمك انت
باسل :حاسك خدتى عليا سيكا
مى : وسع كدا ..وعدلت المخده ونامت تانى
باسل : بتتتتتت اتنيلى قووومى
مى بنوم : يا باسل امشى بقاااااا
باسل : وربنا يا مى لو ما قومتى هشيلك و ادخل اغسلك وشك قدام خالد وشمس
مى اول ما سمعت كدا قامت بسرعه بخضه
باسل بضحك :قومى يا خوافه قومى على فكره انا زى جوزك
بردو
مى بكسوف :احم لا بردو عيب أنا قومت اهو
باسل وهو بيلعب فى شعرها :شطوره يا ميوش يلا بقا خشى الحمام واجهزى عشان هنفطر ونمشى على طول
مى بتذمر :ليه يا باسل احنا ملحقناش نقعد
باسل :مش هينفع نقعد اكتر من كدا
مى :هو احنا لحقنا نقعد اصلا
باسل بتنهيده :مش هينفع اسيب امى لوحدها كدا يا مى انتى عارفه ان هى كمان جايه من سفر وغربه وجايه تقعد معايا اقوم سايبها
مى بتنهيده حزن :بس مامتك مش بتحبنى يا باسل
باسل :ليه يا حبيبتى بتقولى كدا هى بس عشان متعرفكيش اول ما تاخد عليكى هتحبك جدا أنا متأكد
خالد خبط ع الباب
باسل :اتفضل يا خالد
خالد : صباح الخير
باسل ومى : صباح النور
خالد :باسل فى حد رن على فونك
باسل :طيب هقوم اشوف مين
وخرج
خالد :مالك يا مى
مى بمحاولة الهروب:مالى يا خالو أنا كويسه
خالد :لا يا مى فى حاجه انتى مخبياها عليا فى ايه
مى بتوتر :لا لاء م مفيش حاجه
خالد :ميييي قولى فى ايه انا حفظك اكتر من نفسك فى حاجه حصلت امبارح ضايقتك صح
مى بتنهيده :اه يا خالو
خالد : ايه الى حصل
مى حكتله على كل الى حصل
خالد بابتسامه :عايز اسألك سؤال وتجاوبينى بصراحه
مى :اي
خالد :انتى مصدقه أن باسل ممكن يكون عمل كدا
مى هزت راسها بمعنى لاء
خالد :و اوعى تصدقى يا مى لأن أنا عارف باسل كويس جداً باسل مش بتاع بنات ولا مصاحبه ولا الكلام الفاضى دا باسل طول عمره جد ومركز فى شغله وكمان مكنش حاطط فى دماغه موضوع الجواز لولا أنه قالى أن انتى دخلتى قلبه من غير اي استئذان
مى فرحت اوى من كلامه واطمنت اكتر :بجد يا خالو هو قالك كدا
خالد :اه والله
مى : والله أنا بجد بحبه اووى تعرف يا خالو أنه بيعرف يفرحنى اووى وكمان وقت ما اكون زعلانه بيطبطب عليا ويفاجأنى بهدايا وبيلعب معايا أنا فعلاً بحبه اووى
خالد خدها فى حضنه :و هو كمان والله يا حبيبتى بيحبك اوى ربنا يخليكوا لبعض يارب ويفرح قلوبكم
باسل دخل فى الوقت دا
باسل بصدمه مرح :انت بتحضن مرااااتى ازاى يا جدع أنت
خالد :ياض اتلم هضربك
باسل وهو بيشد مى لحضنه :اوعى بس كدا عشان دى أملاك ناس
خالد ومى ضحكوا على باسل وفطروا كلهم وجهز باسل ومى عشان يروحوا الڤيلا
شمس : مش تخليكوا قاعدين معانا شويه
باسل :معلش بقى يا حبيبتى عشان ماما انتى عارفه مش هينفع اسيبها لوحدها
شمس :طيب سلملى عليها لحسن زمانها زعلانه منى اوووى وانا أن شاء الله هحاول اجيلكوا
مى بفرحه :يارييت والله يا شموسه
شمس :حاضر يا حبيبتى هخلص إلى ورايا واجيلكوا أن شاء الله
باسل :أن شاء الله وانت يا خالد تيجى معاها
خالد :أنا ورايا شغل والله يا باسل انت عارف ممكن معرفش اجى
باسل :حاول كدا لو خلصت بدرى تجيلنا على الفيلا ونتلم كلنا
خالد :أن شاء الله
ونزلوا باسل ومى وركبوا العربية واتجهوا للفيلا
______________________
عند يوسف وفريده
كانوا فى محل بيشتروا البدله وفستان الفرح
فريده وهى ماسكه فستان بملل :طب وداا اى رأيككك
يوسف : اممم لا بردو ضيق
فريده :يوووووووه دا الفستان السابع يا يوسف حرام عليكك أنا زهقتتت
يوسف بعصبية :اعمل ايه يعنى كلهم مسخرههه مفيش فستان محترم فى ام المكان داا
فريده بقله حيله وهى بتشاورله على فستان انيق جدا و واسع :طيب اى رأيك فى دا اظن مفيهوش حاجه ورقيق و واسع كمان
يوسف :طيب قيسيه و وريهولى
فريده : لا طبعاااا
يوسف باستغراب :هو إلى لاء طبعاا
فريده :مش هينفع تشوفنى بالفستان دا بيبقى مفاجأة يوم الفرح
يوسف وهو بيقرب منها :دا عند عاطف ابوكى
فريده :يوسففف احترم نفسك
يوسف بعصبية :هو ايه دا الى مشوفكيش بيه غير يوم الفرح انتى عبيطه
فريده :ايوه يا يوسف عشان تتفاجئ بيا
يوسف بسخريه :دا على أساس أن أنا معرفكيش يعنى و اوه لاا لااا .. اي دا مش معقول فريداااا أنا كنت فاكرك متحت صاحبى
فريده :هههه خفه لا يا ظريف عشان تبقى اول مره تشوفنى بيه
يوسف وهو بينده للمساعده : لوسمحت
المساعده بمياعه :تحت امرك يا فندم اقدر اساعدك
فريده بغيره : لا يا حبيبتي ساعديني أنا أنا إلى هلبس الفستان مش هو
يوسف ضحك على فريده
المساعده بحرج :احم طيب يا فندم اختارتى انهى واحد
فريده شاورتلها عليه ودخلت قاست الفستان و عجبها جدا ولبست لبسها تانى وخرجت
يوسف بحماس : وري ..اي داااا فين الفستااان
فريده :قيسته خلاص وشكله حلووو اوى
يوسف بصوت عالى : وحيااات امكككك
فريده :چو چو عيب احنا فى محل ناس
يوسف :خشى يابت قيسى الفستان واطلعى وريهولى بلاش عبط
فريده : وربنا ما يحصل
يوسف وهو بيجز على سنانه :يابت هديكى بوكس فى وشك اندغك صف سنانك خشى قسيييه
فريده :تؤ تؤ ويلا بقا عشان نحاسب ونمشى عشان جوعت اوى
يوسف :لا يا فريده والمره دى كلمتى هى إلى هاتمشى
وكالعادة بعد أقل من دقيقتين عند الكاشير😂
يوسف حاسب على الفستان واتجهوا لمحل بدل ويوسف وفريده اختاروا بدله كحلى شيك جداا ودخل يوسف عشان يقيس البدله
فريده وهى مستنياه برا :يلا يا چوو عايزه اشوف البدله عليك
يوسف خرج من البروڨه وهو لابس لبسه العادى :بعينككك
فريده :اي دا يا يوسف انت بتردهالى
يوسف وهو بيهز رأسه ببردو بمعنى اه
فريده بهمس :راجل لئيييم
يوسف :بتقولى اييييه
فريده بابتسامه مصطنعه :بقول راجل وسييم
يوسف بابتسامه برود : اممم ميرسى يا روحى
فريده ابتسمت بغيظ من بروده و راحوا مطعم اتغدوا و روحوا ..
______________________
بعد دقايق فى الفيلا
مى وباسل دخلوا
داليا بخبث لباسل : حمدالله على السلامه يا حبيبي
باسل باستغراب : الله يسلمك يا امى
وبصت داليا لمى بقرف ورجعت بصت لباسل ومى اتضايقت جدا من جواها
داليا بخبث :انت ازاى يا باسل متعرفنيش على مراتك القمر دى
باسل باستغراب :معرفكيش على مين يا امى ماهى قدامك اهى
داليا بخبث :لا مش دى ..وشاورت بأديها على چيسى ..ديي !!
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق