روايه مراهقه أوقعتني في حبها الفصل السادس عشر حتى الفصل العشرون بقلم أمل أحمد حصريه وجديده على مدونة النجم المتوهج
 |
باسل : المفاجأة هى كتب كتابى عليكى النهارده!!
ظلت مى مصدومه بضع دقائق واخيراً اتكلمت
مى : يا باسل مش وقت هزار بقا قول اى المفاجأة
باسل بضحك : هو الكلام دا فيه هزار يا ميوش..وبدأ يقرب منها
مى : ب ب باسلللل لم نفسكك وابعد شويه انت بتقرب كدا ليه
باسل بخبث : بقرب من الى هتبقى مراتى كمان كام دقيقه
مى : باسلل انت بتتكلم جددد جواااز اى دا إلى بعد كام دقيقه أنا مش فاهمه حاااجه
باسل بتنهيده :مقدرش اخليكى تبعدى عنى يا مى
مى بعدم فهم:ابعد عنك ليه منا معاك اهو
باسل : مى ..انتى باباكى رجع يعنى اكيد هياخدك تعيشى معاه واستحالة هيسيبك تعيشى هنا تانى معايا والحل الوحيد أننا نتجوز عشان باباكى يسيبك تعيشى معايا ويرضى بالأمر الواقع بس انا برضو مش عايز اجبرك على حاجه وعايز اسألك مى.. انتى عايزه تعيشى مع باباكى ولا معايا؟
مى بتفكير: حقيقى مش عارفه اعمل ايه يا باسل أنا مش عايزه اسيبك لأنى خدت على وجودك معايا وفى نفس الوقت أنا حاسه انى مفتقده بابا اوى يا باسل منكرش انى اتضايقت منه لأنه فكرنى بالماضى ومكنش بيسأل عليا طول السنين اللى فاتت لكن بردو هو واحشنى اووى وانا مفتقده وجوده.. وحطت ايديها على رأسها وبدأت تدمع
مى بعياط: حقيقى أنا مش عارفه اعمل اييييه !
باسل كان صعبان عليه حال مى هو كمان مينفعش يحتكرها ليه هو بس ويمنعها عن باباها وبردو هو مش عايزها تبعد عنه
باسل :خلاص أهدى يا مى أنا هسيبك تفكرى وتقوليلى قرارك وانا معاكى فى اى قرار ولو مش حابه أن أننا نتجوز ..ف أنا مش هجبرك على حاجه و انتى لازم بردو تتكلمى مع باباكى أنا عارف انه غلط لما سابك ومن حقك تزعلى بس عايز اقولك بردو يا مى مهما إن كان دا باباكى و بعده عنك طول السنين دى كان عشانك انتى ومامتك بس هو للاسف غلطان كان مفكر أنه كدا بيأمنلكو مستقبلكم ..مى قاطعته بدموع
مى بسخريه: وهو كدا امن لنا مستقبلنا!
باسل بتنهيده :أنا هخرج دلوقتي يا مى واسيبك ترتاحى شويه ..وقام وكان خارج لكن مى ندهت عليه
مى :باسل
باسل : نعم يا ميوش
مى :أنا مش عايزه ارجع مع بابا ...و عيطت بهستريا
باسل جرى عليها وهو مفزوع من منظرها وضمها لى
باسل بقلق: مى مى مالك يا حبيبتى فى ايي بتعيطى ليه كدا
مى بعياط :أنا مش عايزه ارجع مع بابا يا باسل هيرجع يتعصب علياا تانى و ...انت قولت حبيبتى؟!
باسل بضحك :يا شيخه انتى ف اي ولا إيه بسس..ايوه قولت حبيبتى
مى اتكسفت وضحكت ببرائه وباسل كان مركز مع كل حركاتها وضحكها إلى ف وسط عياطها
باسل :ميووش
مى :نعم
باسل :اى رأيك نتفق اتفاق بس توفى بيه ومتغلطيش ولا غلطه عشان الخطه تنجح
مى بانتباه :خطه! خطه اي ؟!
باسل :لا مش هقول الاول توعدينى انك هتنفذيها بالحرف الواحد
مى :طيب فهمنى بس خطه اى
باسل :مييييى
مى :حاضر هنفذها قول بقااا خطه ايى
باسل : بصى يا سيتى مش انتى متضايقه من باباكى
مى: اه
باسل :و فى نفس الوقت مش عايزاه يبعد عنك تانى ولا يزعلك
مى :اااه
باسل :احنا بقا هنعمل خطه نعاقب بيها باباكى شويه ونخليه يبقى معاكى على طول
مى : بجدد بس هنعاقبه ازاى انت هتحبسه ولا اييي؟!!
باسل وهو بيمسح بإيده على دقنه : لاااء غبااء مش عايز
مى : طيب يا عم فهنى هنعمل اي
باسل :اسمعينى بقا كويس احنا*****
_______________________
برا عند خالد و طارق
طارق كان حزيين اوى على مى وحالتها النفسيه اللى بسببه وخالد كان عمال يفكر فى مسير
مى.. وفون خالد رن خالد قام ورد على الفون
خالد : الو يا شمس
شمس :ايه يا خالد انت فين كل داا
خالد بتنهيده :فى الڤيلا عند باسل
شمس بقلق: وبتعمل اى كل دا هناك هو فى مشكله ولا حاجه ؟
خالد :هبقى احكيلك أما اجى يا شمس انتى اتعشيتى
شمس :عشا اى بس دلوقتي طيب هى مى وباسل كويسين
خالد :اه يا شمس مفيش حاجه اهم حاجه كلى انتى بس عشان احتمال اتأخر شويه
شمس :أنا مش مطمنالك يا خالد
خالد : متقلقيش كلى انتى بس ولو عوزتى تنامى نامى سلام
شمس :سلام يا خالد بس بالله عليك لو فى حاجه حصلت تقولى ومتسبنيش قلقانه كداا
خالد :حاضر
شمس : ربنا معاكوا سلام
خالد قفل مع شمس و بص على طارق اللى كانت دموعه غلبته و بيفتكر ماضيه هو و مى و هنا (هنا تبقى والده مى)
وكان بيفتكر كل لحظه سابهم فيها عشان شغله وكل لحظه مى احتاجته فيها وكان بيتخلى عنها عشان شغله وكان بيحززن اكترر
خالد راح قعد جمبه و كان باصص له بعتاب
خالد بعتاب :عرفت دلوقتي أن قميه الحياه مش بالفلوس وان الأهل اغلى حاجه ممكن تملكها فى حياتك
طارق :عرفت عرفت والله يا خالد وندمااان على كل لحظه ضيعتها مقابل شغلى بس انا مكنتش واعى لل أنا كنت بعمله زمان و للأسف اتقلب عليا دلوقتي كل حاجه بقت ضدى يا خالد حتى بنتى مش عارف ارجعها ليا ازاى دلوقتي و هكون اب ليها ازاى بعد إهمالى فيها..
طارق كان بيتكلم بنبره كلها ندم وحزن على حاله وحال بنته..خالد طبطب عليه وهو بيقوله
خالد :خلاص يا طارق اللى حصل حصل و مش هينفع الندم دلوقتي و اهم حاجه تعملها دلوقتى انك تكلم مى بكلم هدوء وتحسسها انك ندمان وحاسس بالذنب عشان متحسش أنها مش فارقه معاك وتحاول ترجع بنتك ليك
طارق بسخرية :ارجعها ليه ههه ازاى هى مش بقت متجوزه دلوقتي دا حتى جوازها معرفتش بيههه بنتى اتجوزت وانا معرفششش و انت حتى معرفتنيش يا استاذ خاالد
خالد :طارق أنا زيى زيك والله معرف حاجه عن موضوع الجواز داا ولما باسل يخرج أنا هفهم منه كل حااجه
طارق بعصبية :يعنيييى اييى هو كمان مش معرفككك يعنى متجوز بنتى فى السررر لييه هى ملهااش اهلل هو مفكر نفسه مييين عشان يعمل كدااا
خالد : أهدى يا طارق نفهم الاول أنا متأكد أن باسل استحاله يعمل حاجه زى دى من ورايا
طارق بتوعد لباسل :لو فعلاً طلع الموضوع بجدد متلومنييش على إلى هعمله يا خاااالد...
______________________
عند يوسف فى البيت
(اها نسيت اقولكو يوسف عايش مع أخوه الأصغر منه (وائل)عنده ١٣ سنه عنيد شويه لكنه بيحترم يوسف جداً وبيحبه أما بالنسبة ل باباه ومامته ف هما متوفيين)
وائل اخو يوسف : يوسف يوسف الحقق
يوسف بنوم :اى يا ابنى فى اي
وائل بمشاكسه :مزتك بترن
يوسف قام بسرعه من ع السرير
يوسف :هات يلاااه الفون هاات
وائل ضحك على منظر اخوه ومد له ايده و يوسف خد الفون و رد
يوسف :احم..حبيب قلبييى...وبص على وائل لاقاه واقف وبيبصله وبيضحك يوسف مسك مخده ورماها على وائل
يوسف بصوت عالى : بتتفرج على اي يا غتتت غور يلااا من هناا
وائل :يخربيت غشامتك يا اخى..أنا نازل يا عم الحبيبيييب
يوسف بضحكه سمجه : فى ستين داهيه يا حبيب اخوك
فريده كانت سامعه الحوار وقاعده تضحكك جااامد عليهم
يوسف : ما تبطلى ضحك بقا انتى كمان دا انتى رخمه زيه صحيح
فريده بضحك : مش قادره منكو بجدد ههههههه
يوسف :طب سلام أن بقى على ما تخلصى واصله الضحك
فريده بسرعه :لا لا لا احم..خلاص اهو خلصت عايز ايه
يوسف :لا آله الا الله يا روحى انتى إلى متصله
فريده :تصدق انك عيل رخم وانا غلطانه إنى بطمن عليك انت
يوسف : جلبييييى اللى بيطمن علياا بقولك اى
فريده :اممممم
يوسف :اى رأيك اجى اخدك ونخرج
فريده : دلوقتي يا يوسف دى الساعه ١١ ؟!
يوسف :وماله ١١ ١١ مش مهم
فريده : يوسف فووق أخرج معاك ازاى أنا الساعه ١١ و بابا استحاله يوافق
يوسف : سيبى ابوكى دا عليا
فريده :ما بلاااااش
يوسف : احم أنا بقول نخرج بكره والصباح رباح
فريده بضحك :هههههههه مش قادره هههههههههه
يوسف : اضحكى يختى اضحكى مطلعه عينى انتى وابوكى مش عارف انتو ذنبى و لا ايي
فريده : اممممم تقريباً كدا
يوسف :وانا رااااضى يا احلى ذنب
فريده :اى دا انت مش يوسف
يوسف :ههه خفه
فريده :ما خلاص يا عم بنهزرر
يوسف :يا بنتى خليكى رومانسيه شويه
فريده :يا يوسف انت عارف انى مليش والله فى جو الرومانسيه والمحن دا بصراحه
يوسف :محن؟! الرومانسية بقت محن طب يختى اقفلى بقا عشان عايز أناام
فريده بتمثيل الزعل :اى دا انت هتقفل ومش هتكلمنى
يوسف :اه عايز انام
فريده :رووح نااام يا يوسففف اتمنالك كوابيس سعيده
يوسف بضحك : يا ستير يارب وبعدين ازاى كوابيس وسعيده
فريده : هو كداا
يوسف :طيب انا هاقفل مش عايزه تقوليلى حاجه
فريده : اممم اه
يوسف بلهفه :اييي
فريده :مفيش برخم عليك بس
يوسف : تصدقى بالله
فريده: لا اله الا الله
يوسف:متفرقيش حاجه عن اخويا الرخمم
فريده :هقهقهق يلا سلام يا چووو
يوسف:سلام يا اختى
________________________
عند الممرضه
(الممرضه تبقا اسمها رحمه عندها ٢٢سنه عيونها سوداء وشعرها طوله متوسط وجسمها جميل ساكنه فى بيت بسيط مع اهلها ابوها وامها هى وحيده ملهاش اخوات)
رحمه كانت قاعده على السفره مع اهلها بتفكر فى سامى الى دخل حياتها فجأة وكل يوم ينتظرها قدام المستشفى..قطع سرحانها مامتها
والده رحمه: رحمه مبتكليش ليه يا حبيبتى؟
رحمه: باكل اهو يا ماما
والد رحمه بمشاكسه: ايه اللى شاغل بالك يا جميل
رحمه بكسوف:ابداً والله يا بابا دا حوار بس كدا وهيخلص أن شاء الله
والده رحمه:حوار اي يا بنتى خيير
رحمه: متقلقيش يا ماما مفيش حاجه
والد رحمه:رحمه يا بنتى لو فى حاجه مضيقاكى فى الشغل قولى وانا هتصرف
رحمه: ابدا والله يا بابا مفيش حاجه عيب عليك بنتك مسيطره بردو يا حاج
والد رحمه بضحك : ماشى يا ست المسيطره هقوم أنا بقا
والده رحمه:هو انت كلت كويس يا حاج!
والد رحمه :اه الحمدلله
رحمه : وانا كمان كلت
والده رحمه: اى دا بقا وانا هاكل لوحدى
رحمه بهزار :قومى بقا يا امى كفايه عليكى كدا
والده رحمه وهى بتحدف الشبشب الجمبها على رحمه: أمشى يا بنت بطنى من هنااا كانت خلفه سوداء
رحمه :ليه بس كدا يا امى دا انا حبيبتك حتى..وقعدو كلهم يهزرو ويضحكو ودخلت رحمه تنام ولاكن جتلها رساله من رقم غريب فتحت وشافتها..
المجهول : خلى بالك أنا سكتلك النهارده على اللى عملتيه بس بعد كدا هعمل حاجه متعجبكيش تصبحى على خير يا قمرى
رحمه قرأت الرساله واتوترت جدا وقالت لنفسها : ينهار ابيض لايكون الواد الرخم البيستنانى قدام المستشفى كل يوم دا..ايوا هو و اكيد يقصد ال عملته النهارده لما صوت وكنت هلم عليه الناس بس دا جاب رقمى منين دااا يلهوااااى شكلى هبقى قاتل يا مقتول الفتره الجايه...و نامت وهى ف قلق مستمرر
_________________________
فى الڤيلا عند باسل
باسل خرج وكانت مى ماسكه أيده وطارق اول ما شافهم قام وقف وخالد كمان استغرب
طارق :مى عامله اي يا حبيبتى دلوقتي؟
مى بابتسامه خفيفه : الحمد لله كويسه
خالد وهو بيهمس لباسل :سيب ايديها وتعالى معايا عشان عايزك
باسل ببردو : تمام
خالد وباسل خرجوا يتكلمو فى الجنينه و سابو طارق ومى عشان يعرفوا يتكلمو مع بعض براحتهم
______________________
فى الجنينه
خالد بعصبية:ممكن تفهمني اي البيحصللل؟!
باسل ببردو :اى البيحصل؟
خالد:باسلللل بلاش برودك دا عليااا انت فاهم أنا أقصد اى ممكن اعرف اى القولته دا مى ميين اللى مراتك
باسل :مى بنت اختك يا خالد
خالد : قسماً عظماً يا باسل لو مت..قاطعه باسل
باسل: من غير قسم يا خالد دى خطه!!
خالد :خطه اييى ما تفهمنى؟!
باسل: أنا هقولك
فلاش باااك
باسل :اسمعينى بقا كويس احنا هنمثل على باباكى أننا متجوزين بقالنا اسبوع عشان يفهم أننا متجوزين من فتره قليله
مى : طيب ليه
باسل: الصبر من عندك يارب مى!
مى :نعم
باسل :ممكن تسمعينى لللاخرر بدوون متقاطعينى
مى : حاضر قوول
باسل : احنا هنعمل كدا علشان أولاً باباكى يسيبك تقعدى معايا فى الڤيلا لحد ما الأمور تستقر وكمان عشان نعاقبه شويه ولما نحس أنه فعلاً ندمان هنقوله على الحقيقة بس عايزين نحسسه بغلطه عشان بعد كدا ميتخلاش عنك تانى لأى سبب من الأسباب ها موافقه ولا اى
مى بتفكير : اممم بس كدا مش هيزعل منى لما يعرف الحقيقة
باسل : حقيقه اي
مى : حقيقه أننا بنمثل عليه أننا متجوزين
باسل بضحكه خبث :لا ما احنا مش هنكذب عليه
مى : ازاى يعنى مش فاهمه
باسل بنفس الضحكه: احنا هنتجوز بجد يا ميوش
مى فتحت بوقها بصدمه
باسل بضحك : اقفلى بوقك لا ذبانه تدخل فيه
مى : انت انت بتقول اي يا باسل جواز اى اللى بجدد لا طبعاً مش موافقه
باسل بتمثيل الزعل :ليه بقا أن شاء الله هو أنا وحش
مى بسرعه: لا لا دا انت قمرر والله
باسل بفرحه : انا ايييه!!
مى بإحرج : هاا لا لا مقصدش
باسل بزعل مصطنع :تقصدى أن أنا مش قمرر
مى : لا مقصدش يوووووه ..وخبطت على جبهتها وباسل قاعد متابعها و بيضحك على طريقتها الطفولية
باسل بضحك :خلاص خلاص عرفت أنى قمر المهم موافقه ولا لاء
مى كانت حيرانه جداً وخايفه تاخد خطوه تندم عليها
باسل :بصى يا مى جوزانا هيبقى على ورق بس عشان يبقى ليا حق أنى اخدك من باباكى وكمان المسك عشان ميبقاش حرام عليا
مى بقله حيله :ماشى يا باسل
باسل بفرحه :يعنى موافقه؟!
مى هزت راسها بكسوف بمعنى اه
باسل اتنطط من الفرحه وأخدها فى حضنه ومى كانت مستغربه من رد فعله
مى بكسوف : ب باسل مينفعش احنا لسه متجوزناش
باسل خرجها من حضنه
باسل : مى
مى :نعم
باسل :تعرفى انى اول مره اكون مبسوط كدا
مى بكسوف :بجد ليه
باسل : مش عارف ليه ببقى مبسوط أما بتكونى جمبى بحس انى مش عايز اى حاجه من الدنيا ودلوقتي لما حسيت انك هتكونى ملكى حاسس انى فعلا ب ملك الدنيا باللى فيها
مى اتكسفت جداً من كلامه وفى نفس الوقت كانت مبسوطه اوووى بيه هى كمان مش عارفه ليه هى مبسوطه كدا
باسل : سرحت ف ايه يا قمرر
مى :هاااه لا ابداً
باسل : اممم يعنى متأكده إنك مسرحتيش فيا
مى بكسوف :طيب هو احنا المفروض دلوقتي متجوزين قدام بابا ف هنتعامل ازاى بقا ؟
باسل :اممم بتغيرى الموضوع بس ماشى.. دلوقتي احنا هنتعامل على أن أننا متجوزين عادى و أنا هفهم خالد كل حاجه لأنه لازم يكون عارف وهجيب المأذون بكره إن شاء الله ونتجوز
مى : اها ماشى بس انا خايفه
باسل: من اى بس يا ميوش
مى : من رد فعل بابا لما يعرف
باسل: لا ما احنا مش هنعرفه
مى : ازاى مش المفروض جوازنا هيبقى فتره مؤقته
باسل : الله اعلم يا مى بلاش ندخل فى التفاصيل دى دلوقتي وبعدين مش يمكن تحبينى ..وغمزلها
مى سكتت و وشها احمر من كتر الكسوف
باسل : خلاص خلاص يخربيت اللى يقولك كلام حلو بقيتى طماطم يلا تعالي بقا نخرج لهم وتتكلمى مع باباكى ونشوف رد فعله اي ولو سألك اتجوزتى امتى قوليلو بقالى اسبوع بالضبط واتعاملى على انك مراتى اوعى تنسييى ماااشى
مى : ماااشى
باسل :مييي
مى :اممممم
باسل :مش عايز غبااااء تمااام اللهم بلغت
مى :عيييب ..وقامت عشان تخرج
باسل :مى..انتى راحه فين
مى بلامبالاه : اي خارجه
باسل خبط بإيده على الحيطه ومى اتفزعت
مى بفزع :اى يا عم في اييه !
باسل بعصبية : هو أنا مش لسه قايل مش عايز غباء صححح
مى بخوف: اااه اه صح
باسل : والمفروض انك مراتى صح
مى : ااه أيوه صح
باسل :اومال خارجه لوحدكك ليييه متشلنييش
مى : حاضر حاضر وربنا متجوزتش قبل كدا عشان اعرف
باسل كتم ضحكته على برائتها ومسكها من ايديها وخرجو..
بااااااك
خالد : اممم جميل اوى الكلام دا بس انا مش موافق عليه!
باسل : ليه كدا يا خالد؟
خالد : لانك انت كدا يا باسل بتقويها على ابوها وأبوها مش ناقص هو متدمر نفسياً لوحده وهو جاى عشان يعوض بنته عن اى تعب شافته تقوم انت تيجى تخليها تتعب ابوها وتزعل ابوها منها دا غلط يا باسل
باسل :لا يا خالد بالعكس أنا عايز اخلى ابوها يحس بقيمتها ويخاف عليها بعد كدا لا تروح منه تانى وعلى فكره انا بعمل كدا ونيتى خير يا خالد ومش قصدى أنها تزعّل ابوها منها أو العكس زى ما انت بتقول سيبنى انا بس اتعامل بطريقتى وان شاء الله كل حاجه هتبقى تمام
خالد : وياترى بقى إنت بتعمل كدا كمساعده ليها ولااا حاجه تانيه
باسل بتوتر: خالدد انت تقصد ايي
خالد : اللى فهمته يا باسل..انت بتحب مى؟!
باسل بتنهيده : تقريباً كداا
خالد : تقريباً ازاى يعنى انت مش متأكد لسه
باسل بهيام :هو أنا لما اكون عايزها على طول تفضل معايا وافرح لما اشوفها فرحانه وازعل لما اشوفها زعلانه و أغير واتضايق لما الاقى حد بيبصلها أو بيكلمها و دلوقتي لما اتضايقت أن باباها جه عشان هياخدها منى كدا ابقى بحبها ؟
خالد بابتسامه : هو تقريباً اه يا باسل
باسل ضحك هو و خالد بالرغم من الهم ال شايلينه جواهم من اللى جاى
خالد : يعنى افهم انك واخد جوازها دلوقتي حجه وبعد كدااا ..باسل بمقاطعة
باسل : مفيش بعد كدا هى هتبقى مرااتى للأبد يا خالد
خالد بضحك : والله وشوفتك بتحب يا باسللل
باسل : والله أنا مكنتش حاططها فى الحسبان خالص انى احب دلوقتي بس اعمل اي لبنت اختك دخلت قلبى من غير اى استئذان
خالد : باسل أنا عايز اقولك حاجه لواتكتبلكو يا ابنى نصيب تبقو مع بعض عايزك تعاملها بما يرضى الله و اوعى تزعلها ولا تكسر بخاطرها يا باسل مى حساسه جداً وبتزعل من اقل حاجه وبتفرح من اقل حاجه و زى ما انت شايف ظروفها عامله ازاى من صغرها هى مش ناقصه اى صدمات أو زعل تانى ف لو حاسس انك اتسرعت أو احساسك من ناحيتها مجرد اعجاب ف بلاش يا ابنى و نحاول نصلح الأمور بطريقة تانيه
باسل : لا يا خالد أنا عايز مى معايا أنا ممكن اكون مش متأكد من مشاعرى بس اكبر دليل على انى بحبها فكره انها ممكن تبعد عنى بتزعلنى اوووى وبحس أن روحى بتتسحب منى يا خالد ولو على معاملتى ليها ف متقلقش أنا واحد عارف ربنا و هتقى الله فيها وهحاول على قد ما اقدر افرحها بس يارب هى تحبنى زى ما حبيتها
خالد قام وطبطب على ظهره
خالد: هتحبك يا باسل متقلقش أنا متأكد
باسل :واى الى مخليك متأكد كدا
خالد: لان تقريباً كدا هى كمان فى اعجاب من ناحيتك
باسل بفرحه : بجد والله وعرفت منين
خالد : فاكر لما كنت فى المستشفى و روحت معايا كانت زعلانه اوى بنت اللذينه و أول ما قولتلها أنها هتيجى معانا لما نزورك فرحتت اوووى معرفش انت عاملها اي بس
باسل كانت مبسوووط اوى من جواه
باسل بفرحه: يارب يارب يا خالد تحبنى ميكونش اعجاب بس
خالد :لا متقلقش أن شاء الله يبقى اكبر من اعجاب
باسل : يارب يا خالد طيب تعالى بقا نشوف عملت اى مع باباها
خالد : لا سيبهم شويه مع بعض دول بقالهم سنين يا ابنى محدش يعرف حاجه عن التانى
باسل بغيره : تمااام بس شويه صغيرين ونقوم نشوفهم
خالد بضحك :انت غيران عليها من ابوهااا اي يا بااسل
باسل بضحك :ههه تقريباً كدا هتجننى...
________________________
عند مى وطارق
مى كانت ساكته وطارق كان مشتاق لبنته جدا ومكنش عارف هو المفروض يقول ايه واخيراً اتكلم
طارق : هتفضلى ساكته كدا يا مى
مى :عايزنى اقول اي يا بابا
طارق اتنهد وحاول يستجمع كلامه
طارق :مى أنا عارف انى غلط زمان وغلط كبير بس مش عايزك تفضلى زعلانه منى يا مى أنا ابوكى بردو وجيتلك مخصوص عشان اعوضك ف عشان خاطرى حاولى تنسى اللى فات ونبدأ صفحه جديده
مى : وبعدين
طارق : هو اي ال وبعدين
مى : وبعد كل دا يا بابا لو نفترض انى سامحتك وفتحنا صفحه جديده ايه ال هيتم بعد كدا
طارق : هاخدك ونروح الفندق على ما نلاقى شقه موقعها كويس و انتى طبعاً اللى هتختاريها و هعوضك عن كل اللى شوفتيه يا مى أنا والله مشتاقلك جدا يا بنتى
مى : للاسف يا بابا جيت متأخر
طارق : جيت متأخر ازاى يعنى أنا مش فاهم حاجه
مى : بابا أنا مش هقدر اجى معاك لأن دا بيتى..
طارق :.........
روايه
مراهقه اوقعتنى فى حبها
البارت ال 17
بقلمى أمل أحمد 🖊️
مى : بابا أنا مش هقدر اجى معاك لأن دا بيتى..
طارق بعدم استيعاب : معلش بس مش واخد بالى بيت ايه الى بيتك؟!!!
مى بجرأة : الڤيلا دى..بابا أنا وباسل متجوزين و دا بيتى يؤسفنى اقولك اسفه أنا مش هينفع اجى معاك !
طارق قام وقف بصدمه وهو مستغرب رد فعل بنته وجرأتها
طارق بعصبية : هو ميييين دااااا اللى جوزككككك انتى ازااااى تتتجوزى من ورااااااااايا لا وكمااان من ورا خاااالك هو انتى ملكيش اهللل انتى بتستهبلييييى !!
مى قامت وقفت بكل ثبات واتكلمت
مى بسخرية : أهل! هما فين اهلى دول ؟! انت! لا يا بابا أنا من يوم وفاه ماما وانا مسحتك من حياتى! ..طارق قاطعها بقلم قوى نزل على وشها
________________________
فى الجنينه
باسل : خالد أنا مش قادر استنى أنا هقوم اشوف مى
خالد : طيب استنى أنا جاى معاك
واتجهوا داخل الڤيلا
باسل شاف مى واقفه بتعيط وماسكه وشها جرى عليها بسرعه البرق..
باسل وهو بيمسك وش مى : مى مى بتعيطى ليه فى اى..وشال ايديها من على وشها لاحظ اثر ايد طارق على وشها لأنها بشرتها حساسه
باسل الغضب اتملك منه لما فهم أن طارق ضربها و وشه احمررر من كتر الغضب
باسل بعصبية :انت ضربتهااا ليييييييه؟!!!
طارق بعصبية : بقولك اييي ملكش دعوه انت بنتى وانا حرر فيهااا وبعدين أنت حسابك معاايا عسيير
خالد :يا جماعه اهدو مش كدااا استهدى بالله يا طارق وفهمنا اي اللى حصل عشان تضرب مى كدا
باسل بعصبية : بقولك ايييي لو عايز نتحاسب يبقى نتحاسب أنا وأنت راجل ل راجللل لكن ايااااك ثم ايااااك انك تلمس ميييى تانى مى دييى تخصنييى وانا اى حد يلمس حاجه تخصنى هشيله من على وش الارررررض !
خالد بحده : باسلللل عيييب الكلام الى بتقوله دااا
طارق بعصبية :انت بتقول اى يا جدع انتااااا انت هتعلمنى ازاى اتعامل مع بنتيييى وبعدين اى ملمسهاش ديي انت بتستهبل يلاااه دى بنتيييى
خالد : خلاص يا طارق استهدى بالله انت كمااان يا جماعه كل حاجه هتيجى بالهداوه
مى كانت ماسكه فى حضن باسل وبتعيط وخايفه كدا من كتر الزعيق إلى حواليها وبدأت ترجعلها حاله الانهيار العصبى تانى وجسمها بدأ يترعشش جااامد..
طارق بعصبية : انت مش شايف قريبك بيكلمنى ازااااى دا تقريباً متعلمش قبل كدا ازاى يتكلم مع الأكبر منه ويحترمهه
باسل بعصبية : لا انت فاهم غلططط أنا بحترم المحترم بسس إنما انت راجلل ..قاطعه صوت عاااالى
خالد بصوت عاااالى: باااااااااسلللل بسسسسسس
وفجأة باسل حس برعشه جسم مى وكانت منهاره فى البكاء بطريقة هستيريه ومحدش كان سامع صوتها وكمان باسل مكنش حاسس بأى حاجه من شده غضبه..
باسل بخوف وقلق : مى! مى! أهدى يا حبيبتى اهدى
مى كانت بتبكى بهستريا ومش قادره تتوقف عن البكاء.. باسل بدون مقدمات شالها بين ايديه وطلع بيها على فوق بدون ولا كلمه
طارق بغضب: البنى ادم دا رااايح بيها على فييين
فى اللحظه دى خالد انفجر من كتر الغيظ منه
خالد بزعيق: اسكتتت اسكتت بقاااا كله بسببكككك يا اخى احنا كنا عايشين كويسين سالمين غانمين من المشاكل والقرففف وانت جيت تعبت البت و قلبتلها المواجع ودلوقتي بتضربها لييييه عملتلك اى عشان كل دااا
طارق بعصبية : بقولك اى يا خالد أنا مش ناقصك انت كمااان وبعدين بنتى وبربيها انت مالك يا اخى وبعدين انت الموضوع عادى عندك أنها تتجوز من غير ما تقولك لو انت بالنسبالك عادى ف أنا لاااااء هو انا مليش وجود ولا اى!
خالد بسخرية :ههه تصدق ضحكتنى ما انت فعلاً ملكش وجود من امتى وانت فارقه معاك اليتيمه دى انت بنى ادم انانى وكل همك الزفت الشغل وسمعتك وبس لكن بنتك لاااه وانا متأكد انك متضايق على جواز بنتك عشان مظهرك بس مش عشان خايف عليها لاء ..طارق قاطعه
طارق :ايه اللى انت بتقوله داا يا خالد لا طبعاً أنا خايف على بنتى وعايز احميها
خالد :وانت ازاااى عايز تحميها وانت مصدر خوفهااا فهمنى ازااااى
طارق: مصدر خوفهاا؟! أنا يا خالد مصدر خوفها؟
خالد : باللى انت عملته دا انت بقيت مصدر خوفها يا طارق وانت كان بإيدك ترجع بنتك ليك بالهداوه لكنك اتصرفت بغباااء واتحمل بقا نتيجه غبائك يا طارق
طارق :تقصد ايي يا خالد ؟!!
خالد :طارق اسمع بقا الخلاصه..مى هتعيش هناااا مع باسل اللى هو جوزها وانت ملكش اى حققق انك تاخدها منه دا غير بعد اللى انت عملته دا معتقدش أنها هتفكر حتى ولو ١٪ انها ترجع معاك
طارق بانفعال : لااااااء لااااء يا خالد أنا جااى مصرر عشان اخد بنتى وانتى تيجى دلوقتي تقولى مى هتعيش هنا لا وكمان مع جوزهااا انت بتقوول ايي أنا استحاله اوافق على كدااا
خالد بزعيق :مش بمزاجكككك
طارق :بص يا خالد أنا همشى دلوقتي لكن والله ما هسكت على إلى بيحصل دا وبنتى هترجعلى يا خالد...ومشى طارق وكان كله غضب وتوعد لباسل ال خد بنته منه و خالد قعد يستريح على كنبه وهو مش عارف هيعمل أي مع بنت أخته اللى بقت ضحيه لأفعال باباها ..بقلمى أمل احمد ✍🏻
________________________
فى غرفه مى
باسل كان حاططها على السرير وكان بيحاول يهديها
باسل وهو بيلمس على شعرها: أهدى ياميووش خلاص مفيش حاجه كل حاجه هتبقى بخير والله
مى بعياط هستيرى: ب ب بابا ه هياخد هياخدنى بال بالعافيه يا باسل
باسل بحنان :شششششش محدش يقدر ياخدك منى يا ميوش انتى روحى فى حد يعرف يعيش من غير روحه
مى ابتسمت رغم ألمها إلى ورا الابتسامه لكنها فرحت بكلامه وحست انها فى امان
باسل وهو بيحط أيده على خدها بحنان : بيوجعك؟
مى بكسوف :ش شويه
باسل : معلش يا ميوش والله لو كنت قاعد ما كنت خليته يلمسك حتى ! بس صدقيني يا مى أنا هاخدلك حقك من كل شخص اذاكى
مى ببرائه :لا يا باسل عشان خاطرى متتأذيش بابا هو بردو خايف عليا وليه حق أنه يعمل اكتر من كدا لما يعرف أن بنته اتجوزت من وراها أنا عذراه
باسل بعصبية : يابنتى انتى ازااااى كدااا انتى طيبه بهبلل كدا ليييييه
مى خافت من نبره باسل و رجعت عيطت تانى ...باسل ندم على أنه زعقلها واتعصب عليها وصعب عليه منظرها قرب منها وخدها فى حضنه وباسها من راسها
باسل بحنان :حقك عليا يا مى مش قصدى والله اتعصب عليكى متعيطيش عشان خاطرى انتى دموعك دى بتقطع قلبييى ال عمره ما صعب عليه حد ولا حن لحد ابدااا
مى مسحت دموعها بطفوله و بصت لباسل بعنيها الى مليانه دموع
مى : هو أنا ممكن بابا يبعت ناس يخطفونى وياخدونى غصب عنى
باسل :لا يا روحى محدش يقدر يجى جمبك طول ما انا عايش انتى فى حمايه ربنا ثم فى حمايتى يا مى مش عايزك تخافى من اى حاجة
مى هزت راسها وهى باصاله بطفوله
باسل : حاسه بأيه دلوقتي يا مي
مى : الحمدلله حاسه انى احسن
باسل قرب منها وخدها فى حضنه وهو بيتنهد ومى اتكسفت جداً منه
مى بكسوف واضح :باسل انت كل شويه تحضنى عيب كدا أنا لسه مش مراتك و كمان بتكسف
باسل خرجها من حضنه وهو بيقولها..
باسل بضحكه خبث :كلها بكره و مش بس هاخدك فى حضنى انتى هتنامى فى حضنى كماان
مى برقت عينيها من جرأته و وشها احمررر جداً وباسل كان باصص ل كسوفها المحبب له وفضل يضحك عليها
باسل : احم .. أنا هخرج بقا يا ست طماطميه ولو عوزتى اى حاجه تقوليلى على طول
مى بابتسامه تخطف القلب: حاضر تصبح على خير
باسل بغمزه : وانتى من أهلى يا رووحى ..وخرج برا الغرفه واول ما خرج ريأكشانات وشه اتغيرت لغضبب و نزل بسرعه لتحت ليلتقى بذات الرجل الذى يدعى طارق وهو يتوعد له ..
(سورى اندمجت🙂)
باسل :خالد
خالد بص لباسل نظره مفهمهاش وقام وقف..
خالد بعصبية: ممكن اعرف اى الحضرتك هببته دااا انت بوظت الدنيا على الاخرررر
باسل بهدوء عكس اللى جواه: هو اللى جابه لنفسه و هى شكلها معركه بينى وبينه و يا انا يا هو ..وكان هيمشى لكن خالد مسكه من دراعه
خالد : استنى هناا انت رايح فين ..انت اتجننتتتت اى اللى انت بتقوله داا وبعدين يا باسل دا ابوها معركه اى وزفت اى اقعد عشان نفكر فى حلل اقعدد
بعد مناهده كتير من خالد مع باسل قعد وكان بيغلى من جواه وعايز ياخد حق مى
خالد اتكلم بهدوء :بص يا باسل انت دلوقتي لازم تكون هادى وتتصرف ب عقل لأن لو اتصرفت بأى تهور مى هى إلى هتتحمل نتيجه تصرفك دا سواء كان صح أو غلط ترضى مى تبقى ضحيه بسببك
باسل بسرعه :لاااااا طبعاًاا
خالد :يبقى تهدى كدا وتطلع تستريح النهارده وبكره أن شاء الله أنا هكون عندك الساعه ١٠ الصبح و معايا المأذون احنا عايزين الجوازه دى تتم فى اسرع وقت عشان طارق ميقدرش ياخد مى وكمان عايزك متعرفش حد بجوازك دلوقتي لحد ما الأمور تستقر
باسل :تمام يا خالد وانا جاهز لأى اوراق محتاجينها
خالد :تمام اطلع انت بقا ارتاح وانا هروح ونتقابل بكره إن شاء الله
باسل :ما تبات هنا يا خالد انت تعبت النهارده
خالد :لاااه دى اختك تقتلنى دى مستنيانى بقالها ساعتين
باسل :هههه مسيطره بردو
خالد وهو بيضربه على كتفه :بس يلااا اتلم ..يلا أنا همشى وخلى بالك من مى يا باسل مى امانه بين ايديك وفى حمايه ربنا ثم فى حمايتك
باسل : مى مى دى فى قلبى
خالد :ماشى يا عم الحبيب اما نشوف تصبح على خير
باسل بابتسامه : وأنت من أهل الخير
ومشى خالد..وباسل طلع وكان داخل غرفته لكن في حاجه جواه خليته يتجه نحو غرفه مى عشان يطمن عليها ..باسل فتح باب الغرفه بهدوء شافها غرقانه فى النوووم وكان شكلها بريئ وخصلات شعرها الحريريه نازله على وجهها وكانت زى القمررر حرفياً باسل قرب منها و باسها من خدها وهو بيشيل خصلات من على عينيها وهوووب مى صحيت
مى بخضه :اعااااااااااااا
باسل : بس بس أهدى يخربيتك دا انا انا باسل
مى بارتياح :هااه يا اخى حرام عليك اتخصيت أنا نايمه احلم بكوابيس اصلا و ..ثانيه واحده انت بتعمل اي هنا دلوقتي
باسل :كنت بطمن عليكى لو عايزه حاجه
مى :اه بس انت كنت مقرب منى اوى
باسل بجرأة وهو بيقرب منها :آه منا كنت ببوسك
مى فتحت برقت عينيها من جرأته وضربته فى صدره انت انت ازاى تعمل كداا انت قليل ال.. قاطع كلامها باسل وهو حاطط أيده على بوقها
باسل : لو عاليتى صوتك وربنا هبوسك تانى
مى شالت أيده من على بوقها
مى بخجل شديد: باسل اطلع برااا أنا أنا مش محتاجه حاجه
باسل بضحك على خجلها : هطلع يا قلبيى كلها بكره واصبرى عليااا
مى : اعااا اطلع براا يا قليل الادب ..وعضته
باسل :يابنت العضاضه اوعى طالع يخربيتكك ..وخرج من الغرفه وهو بيضحك على منظرها وخجلها ال بقى بيعشقه ودخل غرفته ونااام
______________________
تسريع الأحداث
خالد وصل البيت وشمس كانت قلقانه وحاسه أن فى مشكله بسبب تأخير خالد وخالد حكالها على كل حاجه
شمس : ياصلاه النبى يعنى باسل اخويا هيتجوز بكره لولولولولوى
خالد: بس بس يا وليه احنا ف نص الليل وبتزعرطى
شمس : جرا اى يا اخويا فرحاااانه بقولك اى أنا هاجى معاك بكرا أنا لازم احضر
خالد :ياشمس دا مش جواز بجد يعنى دا عشان بس تأدب ابوها شويه وعلى ما الأمور تتصلح بس ادعى الأمور تعدى على خير
شمس : أن شاء الله خير يلا تعالى كل بقا لحسن انت بقالك كتير مكلتش
خالد: لا مليش نفس هخش أنام
شمس : لا لازم تاكل حاجه الاول يا خالد متنامش كدا
خالد : حقيقى مليش نفس يا شمس هبقى اكل بكره أما اصحى تصبحى على خير
شمس بقله حيله: وانت من أهله
وناموو
ليأتى يوم جديد ملئ بالاحداااث
_________________________
فى صباح اليوم التالى
فى الڤيلا
باسل صحى من النوم الساعه ٧ خد دش وسرح شعره ولبس ترنج اسود وخرج من غرفته واتجه لغرفه مى
توق توق توق
: لا رد
باسل فضل يخبط كتير ومى مكنتش بترد
باسل قرر أنه يفتح الباب ودخل ملقهاش فى الغرفه !!
______________________
عند يوسف
كان صاحى وبيتدرب فى الچيم وقرر أنه يرن على باسل عشان يأكد عليه يجى النهارده للواء كمال عشان يبلغهم بتفاصيل المهمه و رن على باسل لكنه كان سايب فونه فى غرفته ومش سامعه
يوسف :ياعم ردد مش وقت تقل يخربيتك ..وحس بأيد على كتفه لف وشه وكانت الصدمه..
يوسف بعصبية :هو انتتت لاء وجايلى برجلك كمااان
ادهم بضحك : تخيلل..بص أنا عارف انك نفسك تضربنى أو تموتنى بس انا جاى والله عشان اعتذر لك على اللى حصل اليوم دا انا كنت متخانق مع خطيبتى وكنت عايز احرق دمها وللاسف جه الحظ على خطيبتك أنها تبقى البنت اللى احرق دمها بيها بس والله مكنش فى نيتى اعمل اى حاجه وحشه غير انى اتكلم كلمتين اغيظ بيهم خطيبتى وخلاص
(للى مش فاكر ادهم يبقى الشاب اللى اتكلم مع فريده فى فرح صاحبتها وأتذكر فى البارت ال12)
يوسف وهو بيمسح على دقنه :اممم قولتلى بتغيظ خطيبتك
ادهم: اه والله ومكنش قصدى حاجه وحشه متزعلش منى
يوسف بضحك :أناا زعلااان ! عيب يا راجل متقولش كدا .. و هووب نزل بوكس فى وش ادهم وادهم اتخض ورجع لوراه
يوسف : مقولتليش بقاا يا دومه انت عرفت اسمها منين ؟!
ادهم وهو ماسك وشه بوجع :ااااه بصراحه سألت واحده على اسمها وقالتى
يوسف :لا شاطر يا دومه شاطر..وزميلتى فى الجامعة وايييه حاجه اخر فلل دا انت لو قاصد انى اسيبها مش هتعمل كدا يا اخى .. وفجأة بصوت جهوورى
يوسف: غوووووووررر يلاااااا من وشييييى ومشوفش وش ام.ك هنا تااانى انت فااااهم
ادهم مشى بسرعه ولم حاجته ومشى .. ويوسف فضل يتدرب بغل لدرجه ان أيده اتفتحت ونسى خاالص يرن على باسل
_________________________
فى الڤيلا
باسل كان هيتجنن لما ملقاش مى فى غرفتها باسل وهو بيدور عليها فى الغرفه :مى مى انتى فيين؟
و ملقهاش ونزل بسرعه على السلم وكانت عينه بتدور عليها فضل يدور فى كل غرف الڤيلا وملقهاش
باسل لنفسه : ياربى هتكون راحت فيين بسس نهار اسووح لا يكون ابوها خدهاا فعلاً .. وفجأة قطع سرحانه خروج مى من المطبخ وكانت لابسه بيچامه كات و برموده لونها روز وكانت سايبه شعرها وماسكه طبق مليان فواكه
باسل فضل متنح لها وبيبصلها بدهشه مى اتخضت لما لاقته واقف وعمال يبصلها
مى بخصه : اعاااا ..اى يا عم انت صحيت امتى و واقف بتبصلى كدا ليه
باسل : اى القمرر دا يخربيتك دا انتى طلعتى جامدههه
مى بلعت ريقها وبصت لنفسها بخجل شديد
مى : اعااا يا قليل الادب انا نزلت على أساس انك نايم ومفيش حد صاحى انت بتطلعلى منين
باسل بغمزه : سيبك انتى اى القمررر داا .. وبيقرب منها
مى صرخت و رمت طبق الفواكه وطلعت جرى على السلم وباسل متابعها وعمال يضحك على منظرها
باسل بصوت عالى : كلها كام دقيقه وابقى جوزك يا اجمل هبله مى ضحكت جامد و دخلت غرفتها .. باسل قعد على الكنبه ونده على رباب
باسل :ربااب
رباب :نعم يا حبيبى عايز حاجه
باسل :اه عايز فنجان قهوه من ايدك الحلوه دى عشان افوّق
رباب :بس كدا من عينيا يا حبيبي بس مالك حاساك مبسوط اووى خيير
باسل و هو بيضم حواجبه :هو انا على طول ببقى زعلان ولا اى
رباب : لا يعنى مشوفتش الابتسامه اللى على وشك دى خالص قبل كدا خيير
باسل بضحك :مش سهله انتى يا رباب اها يا سيتى مبسوط عشان النهارده كتب كتابى على مى
رباب بفرحه : لولولولولولولولولى الف مبرووووك يا حبيبى اى الخبر الحلو دا اخص عليك ومتقوليش
باسل بابتسامه : والله يا رباب أنا لسه واخد القرار امبارح والموضوع مش مترتب ليه خالص المهم عايزك بقا تجهزى الڤيلا كدا ديكور بسيط على زوقك ولو عايز حد يساعدك قوليلى
رباب : من عينيا يا حبيبى الف مليون مبروك دا انا فرحانه اوى انك هتتجوز
باسل: تسلميلى يا احلى رباب يلا بقا عايز القهوة مزاجى هيقل يا ربوبه
رباب: حالاً يا حبيبي تكون عندك ..وذهبت لتحضر القهوة
باسل كان بيدور على فونه وافتكر أنه ناسيه فى غرفته طلع جابه ونزل عشان يرن على خالد و لقاه مكالمه فايته من يوسف رن عليه عشان يشوفه كان عايز ايه
باسل :خير يا مصيبه
يوسف بضيق : اللواء كمال كلمنى وقالى اجيله النهارده على القسم عشان تفاصيل العمليه اللى بعد كام يوم
باسل باستغراب: مالك يا ابنى فى اى انت متضايق من حاجه
يوسف: لا أنا تمام متنساش المعاد الساعه ٣ سلام
باسل : طيب اصبر هقولك على حا..قاطعه يوسف
يوسف : بعدين يا باسل..وقفل وباسل كان مستغرب طريقه يوسف اللى بتأكد أنه متضايق من حاجه
باسل :اه يا غبى أنا غلطان انى كنت هعزمك عيل فقرى
وباسل رن على خالد واتفق معاه كل حاجه
_________________________
عند مى
كانت قاعده بتجهز بس كانت حاسه انها متضايقه عشان لوحدها وقررت ترن على چنى عشان تبقى معاها
مى :چنى ازيك
چنى : مى حبيبى عامله ايه كل دا متسأليش عليا يا واطيه وبعدين فينك انتى اختفيتى فجأة ومبقتش اشوفك
مى :معلش والله اصل حصل فى الفتره اللى فاتت دى حاجات كتير هبقى احكيلك عليها المهم
چنى :اممم خير
مى :أنا كنت عايزاكى تبقى معايا النهارده
چنى : ابقى معاكى فين
مى :چنى أنا كتب كتابى النهارده وبعد شويه كمان ف كنت عايزاكى تبقى جمبى فى الوقت دا انا حاسه انى لوحدى
چنى بصدمه :اها يا غدااااره بقى كمان تتجوزى من غير ما تقوليلى لا والنهارده كمااان وعرفتيه امتى داا وازاى
مى بضحك :أهدى بس و الله كل حاجه جت فجأة بصى تعاليلى وانا هبقى احكيلك كل حاجه
چنى :حاضر يا عرووسه هجيلك بس انتى فى البيت ولا عند الكوافير
مى : فى الڤيلا
چنى : ڤيلا اي
مى : اها نسيت اقولك أنا ساكنه فى ڤيلا باسل هبعتلك عنوانها دلوقتي سلام
ومى فعلاً بعتتلها العنوان و چنى بعد كام دقيقه كانت وصلت قدام بوابه الڤيلا
چنى للحرس :احم ..لوسمحت عايزه ادخل ل مى
واحد من الحرس :انتى مين؟
چنى : أنا صاحبتها چنى
الحرس: بس باسل بيه مدانيش إذن انى ادخلك
چنى : ايوه لانه ميعرفش لكن مى تعرف
الحرس :اسف مش هقدر ادخلك غير بإذن من باسل بيه
چنى : اوووف طيب ممكن تقوله انى واقفه على برا
الحرس: باسل بيه محرج علينا أننا مندخلش اى حد أو حتى نقوله غير بأذنه هو بس
چنى :وانا بقولك انى صاحبتها صاحبه مرات باسل بيه انت مبتفهمش
الحرس : لو سمحت احترمى نفسك معانا احنا بننفذ الأوامر وبس
چنى :تمام أنا هكلم مى عشان تصدق بنفسك
الحرس : اللى عندك اعمليه
چنى : الو يا مى
مى : الو يا چنى انتى فين
چنى بعصبية : أنا واقفه تحت انزليلى بقاا كدا عشان شكلى هعمل مصيبه
مى بضحك:طيب حاضر انتى اتشاكلتى مع الحرس ولا اي
چنى : اهاا يلا انزلى بقا
مى : طب سلام أنا نازله
مى نزلت وكان فى حراسه كتير عن العاده
مى ل واحد من الحرس :لوسمحت ممكن تدخل چنى صحبتى هى برا
الحرس :اسف والله يا هانم باسل بيه محرج علينا جامد مندخلش اى حد هو سمح بدخوله
مى : ايوه بس دى صحبتى
الحرس : أنا آسف جدا يا هانم بس لازم ناخد إذن منه عشان احنا اللى هنتأذى
مى : طيب دخلها و أنا هعرفه مش هينفع تفضل واقفه كدا
الحرس كانوا محتارين جدا وبيبصو لبعض ..
واحد من الحرس: تمام احنا هندخلها بس هيبقى على مسؤوليه حضرتك يا مى هانم
مى : تمام..يلا يا چنى
چنى : اوووف اى يا سيتى كل الحراسه دى دول رخمين اووى
مى :ههه شوفتى بقيت مهمه
چنى : اه شكلك مهمه اووى وبعدين أنا مش فاهمه حاجه
مى :هحكيلك كل حاجه تعالى ..وطلعو لغرفه مى
ومى حكتلها على كل حاجه وچنى كانت مصدومه
چنى : ينهار ابيض كل دا يحصل ومتعرفنيش يا مى
مى : حقك عليا و الله معرفتش اكلمك الفتره اللى فاتت
چنى : طيب باباكى هتعملى اى معاه؟!
مى : مش عارفه والله يا چنى ربنا يستر
چنى : طيب انتى بتحبى باسل يا مى؟
مى خدودها احمر واتكسفت اوى
چنى : اممممم طالما عملتى كدا يبقى بتحبيه يا مياميو
مى : مش عارفه بصراحه يا چنى بس انا برتاح اوى أما بكون معاه و بصراحه كدا مش عارفه ليه مطمنه وانا معاه عن انى اكون مع بابا !
چنى : يلهوى يا مى للدرجادى هو باباكى شرير اوى كدا
مى : مش قصه شرير بس انا حاسه انى مرتاحه و مطنه مع باسل ومش عارفه ليه
چنى : اممم تبقى بتحبيه يا قطه وغمزتلها
مى بكسوف : چنى بس بقاا
جنى :خلاص خلاص يا مياميو تعالى بقا اجهزك يا قمر انت والله يا بخت باسل..
مى ضحكت على طريقه چنى وقعدو يهزرو وچنى جهزت مى وكانت جااامده حرفياً (مى كانت حاطه ميكب كورى خفيف ولابسه دريس بينك منفوش كان باسل محضره ليها و مسيبه شعرها الحريري)
جنى: بسم الله ما شاء الله ايه الجمااااال دا يخربيت حلاوتك
مى :بجد شكلى حلو يا جنى
جنى : حلوو بس قوليييى مزه ياريتنى كنت ولد كنت اتجوزتك أناا
مى ضحكت وكانت مبسوطه بالفستان جدا وفرحانه بشكلها اللى شبه الاميرات ..
______________________
فى غرفه باسل
باسل كان لابس بدله سواء و شوز سوداء وكان حاطط برفيوم ريحته تحفهه
توق توق توق
باسل : مين
خالد : افتح يا عريس
باسل راح فتح لخالد
خالد : بسم الله ما شاء الله عريس قمر
باسل: اي يا عم انت هتعاكسنى ولا اى بقولك اى أنا ميعاكسنيش غير ميوش قلبى
خالد بضحك: الله يخربيتك طب خلص بقا يا اخويا عشان المأذون تحت
باسل : حالاً نكون تحت
خالد :تمام يلا أنا نازل بالمناسبة فى مفاجأة تحت
باسل : استر يارب من مفاجأتك
خالد بضحك: متخافش هتعجبك ..ونزل
وباسل خلص واتجه لغرفه مى
توق توق توق
مى : مين
باسل : افتحى يا عروستى
مى بكسوف : احم باسل أنا معايا حد
باسل باستغراب : حد حد مين انتى بتخونينى يابت يوم جوازنا
جنى ضحكت جااامد على باسل
وهو سمع صوتها
مى : لا والله اخونك اى دى البت جنى صحبتى
باسل : طيب ايييه هفضل واقف كدا كتييير ما تقوللها حاجه يا انسه چنى
جنى : احم لا طبعا ميصحش اتفضل ..وفتحت الباب ومى كانت باصه فى الأرض ومحرجه جدااا وباسل اول ما شافها فضل متنح ومش قادر يشيل عينه من عليها
باسل بذهول : اى القمرر دااا
ومى كانت محرجه من نظراته ليها
جنى : احم طيب استئذن أنا بقا
باسل : اتفضلى ..
باسل قرب من مى وباس راسها و رفع وشها بايده
باسل : اى البرائه والجمال دااا انتى كل مره بتبهرينى بجمالك يا مى
مى ابتسمت ابتسامه تخطف القلب و كانت متوتره جدا من قرب باسل ليها
مى بتوتر : احم طيب مش هننزل زمانهم مستنينا
باسل بخبث :من عنيا ننزل نكتب الكتاب ونطلع تانى
مى بخجل و بتضربت باسل فى كتفه بخفه : باسل احترم نفسك بقااا
باسل بضحك : احترم نفسى معاكى معتقدش ..وكان بيقرب اكترر و مى كانت بتتوتر اكترر وفجأة الباب خبط ...
باسل بضيق : مييين
رباب : يلا يا باسل يا ابنى انزل الناس كلها جت
باسل : ناس! ناس مين طيب تمام انزلى و احنا نازلين اهو يا رباب ..ورباب نزلت
مى : يلا يا باسل بقا ننزل مينفعش نتأخر عليهم
باسل : يلا يا قلب باسل
مى انجچت باسل ونزلوا هما الاتنين وكان شكلهم تحفههه
و أول ما نزلوا كانت المفاجأة ...
روايه
مراهقه أوقعتني في حبها
البارت ال18
بقلمى أمل أحمد🖊️
مى أنجچت باسل ونزلوا هما الاتنين وكان شكلهم تحفههه
و أول ما نزلوا كانت المفاجأة ...
يوسف وفريده كانو موجودين وكمان ناس كتير أصحاب باسل واللواء كمال واول ما يوسف شاف باسل ومى صفر وغمز لباسل
باسل كان مصدوم من كل الموجودين هو معرفش اى حد من دول وكمان مستغرب اكتر من يوسف اللى ملحقش يكلمه ولا يعزمه ومى كمان كانت مستغربه كل الناس دى لكنها كانت مبسوطه جداً
يوسف بتصفيره :صاحبيييى هيتجوزز يا نااااس بس احلى عريس دا ولا اى
باسل بضحكه : شوفت أنا اسرع منك ازاى ..وحضنو بعض
والكل هنئ باسل ومى وجه وقت كتب الكتاب
والكل اتصدم لما شاف ..
_______________________
عند رحمه الممرضه
والد رحمه : اي يا رحمه ملبستيش ليه و روحتى المستشفى
رحمه بتوتر : اااه عادى مش قادره اروح النهارده وقررت اخد أجازه
والد رحمه بشك : و دا من امتى انتى على طول مبتحبيش قاعده البيت و الإجازات اشمعنى المره دى
رحمه :اي يا حاج مش عايزنى اقعد معاك ولا اى
والد رحمه :بس يابت يا هبله انتى أنا أتمنى اصلا تسيبى الشغل دا وتتجوزى كدا وأشوف عيالك بدل المرمطه دى
رحمه :هههههه أن شاء الله يا حاج ..رحمه بهمس دا فى الجنه ان شاء الله
والد رحمه : بتبرطمى تقولى اى يابت انتى
رحمه :هاا ابدا يا حاج بقول أن شاء الله
والد رحمه : طب يختى قومى اعمليلى شاى بقى
رحمه: يا حاج كفايه شاى بقاا انت بقى يجرى فى جسمك بدل الدم شاى
والد رحمه وهو بحدفها بالريموت : يلا يا بت قومى انجرى من هنااا
رحمه وهى بتجرى : ههه غشيم انت يا حاج
_________________________
فى الڤيلا
خالد بصدمه :طااارق ؟!!!
مى اول ما شافت ابوها جريت تستخبى ورا باسل وكانت خايفه جداً من رد فعله
طارق بهدوء غامض :يعنى يبقى كتب كتابك النهارده ومتقوليش لابوكى يجى حتى يحضر اخص عليكى يا مى
باسل بسرعه : وانت مال.. قاطعه بسرعه خالد وهو بيقوله
خالد :لا طبعاً ميصحش يا طارق احضر كتب كتاب بنتك بس ياريت يبقى مفيش اى شوشره وانت ابوها وليك حق تحضر اتفضل..
باسل كان مستغرب جدا اللى بيحصل خاصه أنه معرف طارق أنه متجوزها اصلا ومستغرب اكتر رد فعل خالد لكنه حاول يهدى نفسه ويعدى اليوم كمان عشان المعازيم الكتيير ومى كانت خايفه جداً من باباها وكانت بتمسك فى باسل اكتر
مى من ورا ظهره بخوف :ب ب باسل أن أنا خايفه
باسل لفلها و ضمها لى و هو بيطمنها
باسل : أهدى يا حبيبتى مفيش حاجه كل حاجه هتبقى بخير أن شاء الله
مى بهمس : و و بابا خايفه يزعقلى أو يضربنى تانى
باسل بعصبية مكتومه :لا يا روحى محدش يقدر يضربك تاانى طول منا عاايش ..
وطارق قعد بكل هدوء ويوسف وفريده و چنى كانو واقفين ومش فاهمين اى حاجه
وأخيراً
المأذون : "بارك الله لكما وبارك عليكما وجمع بينكما في خير"
رباب و چنى وفريده زغرطووو و يوسف صفر جااامد وكلهم سقفوه وكانو فرحانين جداً ل باسل ومى و باسل قرب من مى و خدها فى حضنه وباسها من راسها و هو بيقولها
باسل بفرحه :الف مبروك يا ميوش قلبى
مى قلبها دق جاامد وكانت مبسوطه اوى
مى :الله يبارك فيك يا حبيبي
باسل شالها ولف بيها وكانت الفرحه مش سيايعاه ومى كانت مكسوفه جداً وفرحانه
ودفنت راسها فى حضنه بخجل
فريده :ياروحى بجد عساسيل اوى
يوسف :عقبالنا يا فري
فريده :احم أن شاء الله لما بابا يوافق
يوسف : وحيات ام.ك انتى وابوكى وربنا لاتجوزك ولو حتى موافقششش
فريده : يوسفف اتلم دا بابا
يوسف : وربنا يا فريده أنا لو الدنيا كلها ضد جوازنا هخطفك واتجوزك بردك انتى بتاعتى انااا وبسس
فريده فرحت جدا بكلام يوسف وكانت بتتمنى أنه يبقى كتب كتابهم هما
چنى : الف مبروووك يا حبيبه قلبى ربنا يسعدك يارب يا مياميو
مى : الله يبارك فيكى يا حبيبتى تسلميلى بجد يا چنى على وقفتك جمبى
چنى :بس يابت دا احنا اخوااات ..وباستها
باسل بجرأة :احم لوسمحت محدش يبوس مراتى غيري
مى وچنى ضحكوا وكانت مى محرجه جداً
چنى بابتسامه :الف مبروك يا باسل بيه وربنا يسعدكو و يتمملكو على خير يارب
باسل : الله يبارك فيكى يا انسه چنى عقبالك
چنى : شكراً عن اذنكو أنا بقا
مى :لسه بدرى يا چنى خليكى معايا شويه
چنى :معلش يا حبيبتى اصل أنا ورايا معاد مهم دلوقتي ولازم امشى حقك عليا
مى بابتسامه خفيفه:ولا يهمك يا حبيبى بس ابقى حاولى تيجى بكره
چنى :أن شاء الله يا مياميو
ومشيت چنى
اللواء كمال : الف مليون مبروك يا سيادة الرائد
باسل :الله يبارك فى حضرتك يا فندم بجد شكرا لمجيه حضرتك دى على راسى
اللواء كمال :لا متقولش كدا انت ابنى و من اشطر الضباط عندى ..و وجه كلامه ل مى الف مبروك يا عروسه
مى : الله يبارك فى حضرتك يا عمو
اللواء كمال بضحكه :عمو انتى شكلك صغيره
باسل : اها دى ١٩ سنه دى
اللواء كمال :العمر كله يارب ربنا يتمملكو على خير يارب يا باسل
باسل : تسلم يا فندم ربنا يخليك
اللواء كمال بهمس : عايزك على جمب
باسل : تمام
اللواء كمال خرج الجنينه
باسل : حبيبتى استنينى هنا هروح اتكلم مع اللواء وجايلك
مى بخوف : أنا خايفه يا باسل اوى من بابا ممكن يعملى حاجه اول ما تمشى
باسل وهو بيمسك إيدها وبيبوسها :حبيبتى متخافيش أنا معاكى و باباكى مش هيعملك حاجه أنا بس هبقى فى الجنينه
مى : ماشى بس متتأخرش
باسل بغمزه : راجعلك يا قمرر..
_________________________
فى الجنينه
باسل خرج لقاه اللواء كمال ويوسف قاعدين وملامحهم جاده
باسل : احم ..خير يا فندم ومجمعناه أنا ويوسف ليه
اللواء كمال :خير يا باسل أن شاء الله انت المفروض كنت تيجى النهارده مكتبى انت و يوسف وانا بلغت يوسف يقولك
باسل : اه تمام وهو قالى فعلاً وكنت هاجى بس حضرتك سبقت وجيت
اللواء كمال : بالضبط ..بس أنا لما عرفت ان كتب كتابك النهارده قولت اجى اباركلك وكمان اقولك على اللى كنت هقولهولك أن ويوسف
يوسف :هو حضرتك عرفت معلومات جديده عن تفاصيل المهمه؟
اللواء كمال :ايوه وعشان كدا عايزكو تركزو معايا كويس اوى فى اللى هقوله دا ومعلش بقا يا باسل عارف انك عريس وكدا بس انت عارف أهميه العملية دى بالنسبة لنا
باسل بتفهم :عارف يا فندم متقلقش اتفضل قول واحنا معاك..
وبالفعل اللواء كمال شرح لهم كل تفاصيل العمليه و استئذن ومشى بعد ما بارك مره تانيه ل باسل
يوسف :تعالى هنا ياااض انت ازااى تكون هتتجوز ومتقوليش
باسل : منا كنت هقولك الصبح يا غبى لما لاقيتك بتتكلم بخنقه وقرف ولسه كنت هقولك لقيتك بتقولى بعدين بعدين قولت براحتك قطعت برزقك
يوسف :يلهوى دا انا كنت هزعل اوى لو كان فاتنى البوفيه الجامد دا
باسل :غور يلااا غور يلااا دا انت بتاع بطنك
يوسف بغمزه : بس اى يا صاحبى شكلك واااقع ع الاخرررر وبعدين مش حاسس انك لسه معرفتهاش اوى عشان تتجوز بالسرعة دى
باسل : انا من ناحيه واقع ف أنا شكلى فعلاً وقعت أما بالنسبة لى الجوازه اللى جت بسرعه دى موضوع يطول شرحه هبقى احكيلك بعديين
يوسف :اى دا انت بتردهالى يعنى مقبوله منك يا زميللل
باسل : صحيح انا عايز اعرف بجد كنت متضايق من اي
يوسف :هحكيلك هحكيلك بس مش دلوقتي
باسل :طيب يلا يا اخويا ندخل ..
________________________
عند چيسى فى ألمانيا
چيسى : يابنتى انتى بتقولى اي طارق بيه يقدر يعيش فى مصر لاء وكمان يكتب ثروته كلها لبنته لاء طبعااا استحاله
ياسمين بخبث : مش بعيد يعمل كدا وتاخدى على قفاكى
(ياسمين تبقى صاحبه چيسى ومتفرقش حاجه عنها فى طمعها وخبثها )
چيسى :لا طبعاااا يعنى اي اطلع من المولد بلا حمص استحاااله
ياسمين :يبقى لازم تعملى اى حاجه تخليه يقع ويكتبلك كل حاجه بأسمك
چيسى بمكر :استنى عليا بس أنا مخططه ل حاجه ويارب تنجح
ياسمين بخبث :هتنجح يا روحى بس رسينى هتعملى ايه
چيسى بغموض : قريب هتعرفى
________________________
فى الڤيلا
باسل ويوسف دخلو لقوه فريده ومى قاعدين يضحكوا جامد لدرجه ان صوتهم كان عالى
باسل : ماشاء الله شوف لسه متعرفين على بعض وصوتهم طالع
يوسف :أنا قلقت والله
فريده : بس يا بابا سيبنا نضحك شويه البت مى دى طلعت عسل اووى
يوسف برخامه:ما هى طلعت عسل اهى يابنتى اومال ليه كنتى عماله تشتميها
فريده بصدمه :انااااا
يوسف :ايوه أما كنا واقفين هناك
فريده بسرعه : والله ابدا يا مى متصدقيهوش دا كداااب أنا كنت والله بقول عليكو عساسيل
مى كانت عماله تضحك عليهم وبصت لى فريده
مى بضحكه :مصدقاكى والله وعارفه أنه بيهزر
فريده : اها هزار بايخ زيه
مى وهى بتبص ل يوسف :من ناحيه بايخ ف هو بايخ فعلاً
كل دا و باسل واقف يضحك عليهم
يوسف :اى ياعمم انت جاى تضحك بس ما تشوف مراتكك
باسل :انت اللى جايبه لنفسك بصراحه
يوسف: تصدق وتؤمن بالله انا إلى بنى ادم مهزق عشان جيت وعبرت أهلك يلا يا زفته انتى كمان عشان اروحك
فريده :احم بيحبنى اوى عند اذنك أنا بقا يا مى يا حبيبتى
مى :ما لسه بدرى
فريده : معلش بقا عشان نسيبكو براحتكو وكمان بابا اكتر من كدا هيهزقنى لانه ..وهمست فى ودن مى مش بيطيق يوسف يخرجنى معاه فى حته صراحه
مى بضحك : هههههههههه يلهوى ليه كدا
فريده : هبقى اكلمك بقاا أن شاء الله واحكيلك يلا مبروك يا حبيبتى
مى : الله يبارك فيكى يا فرى
يوسف سلم على باسل وخد فريده ومشى ..والمعازيم كلهم مشيو
و متبقاش غير طارق وخالد اللى فى الڤيلا
باسل جمعهم وخد مى وقعدو فى المكتب بتاعه
مى كانت قاعده جمب باسل وكانت خايفه من رد فعل باباها
باسل بهدوء وهو بيوجه كلامه ل خالد وطارق : احم..أنا جمعتكم عشان تفهمونى كل حاجه وتبقى كل حاجه على المكشوف
طارق :احنا اللى نفهمك! و نفهمك ايه؟! انت اللى مفروض تفهمنى ايه اللى بيحصل وأزاى كتب كتابك على مى النهارده وانت قاليى انها مراتك وهى قاليلالى انكو متجوزين بقالكو اسبوووع يبقى من فينا اللى يفهم التااانى
خالد : طارق لو سمحت أهدى و ممكن تسيبنى أنا اشرحله
باسل : ياريت لأنى مش فاهم حاجه
خالد : بص بقاا يا باسل
امبارح لما سبتك كدا و روحت أنا كلمت طارق وفهمته كلل حاجه عشان منبقاش بنخدعه أو بنضحك عليه ف حاجه و طبعاً هو عارف احنا عملنا كدا ليه ..وبص لطارق
وطارق اكتفى بنظره غامضه
وكمل خالد كلامه ...وبعد ما فهمته كل حاجه بصراحه هو تقبل الوضع وقرر أنه هيحضر كتب كتاب بنته و وافق كمان عليه وبس واتفقت معاه أن احنا هنتفق على كل حاجه بهدوء وبما يرضى الله
بعد ما خالد خلص كلامه بص باسل ل طارق بعدم ارتياح هو فاهم أن طارق مش بالسهوله دى انو يوافق على الوضع دا لكنه قرر أنه هيستدرجه لحد ما يجيب أخره ويعرف هو بيفكر فى اى
وفعلاً اتفقوا على أن مى هتبقى مع باسل و طارق هياخد شقه قريبه من الڤيلا و فرح مى و باسل هيكون بعد شهر وكل الكلام دا كان موافق عليه طارق بطريقه غامضه وبعد ما خلصوا
خالد وطارق مشيو بعد ما طارق بص لمى بنظره غريبه مفهمتهاش وكانت مش مرتاحه ..
وبعد انتهاء حفل كتب الكتاب وكل اللى فى الڤيلا مشيو
باسل ومى طلعوا الغرف بتاعتهم وباسل بدل لبسه لملابس مريحه و خبط على غرفه مى
توق توق توق
مى :مين
باسل وهو بيفتح الباب : ميوش قلبى صاحيه ؟
مى بحزن : اه صاحيه يا باسل مش عارفه اناام
باسل راح وقعد جمبها :ليه بس مالك يا حبيبتى
مى وهى بتبصله: أنا مش مطمنه يا باسل
باسل : مش مطمنه ليه بس مش احنا اتفقنا على كل حاجه قدامك و باباكى موافق اهو يبقى خايفه من اي
مى : يا باسل افهم بابا مش بالسهولة دى أنا عارفاه من زمان رغم أنى كنت صغيره لكنى كنت بفهمه لما يبقى بيخطط ل حاجه بيظهر عكس المتوقع و بيسكت لحد ما يفاجأنا
باسل وهو بيملس على شعرها : متقلقيش طول منا معاكى اوعى تخافى و حتى لو كلامك طلع صح وباباكى بيخطط لحاجة صدقينى هعرفها ومش هيقدر يجى جمبك ولا يأذيكى انتى مش واثقه فيا
مى باطمئنان : اه طبعاً واثقه فيك
باسل : يبقى تسيبى كل حاجه عليا و متخافيش من اى حاجة واطمنى ..وخدها فى حضنه و هو بيلمس على شعرها بحنان
مى كانت محرجه من قربه ليها لكنها كانت حاسه بالامان و مطمنه وهى فى حضنه
مى بكسوف : ب باسل انت مش هتخش هتنام
باسل بخبث : منا هنام اهو
مى : تنام فين
باسل بخبث :هناا
مى خرجت بسرعه من حضنه وبصتله
مى : هنااا فيين
باسل قرب منها وبقا قريب جداً و مى كانت متوتره جدا من قربه
باسل بهمس وهو بيشم ريحه شعرها بهيام : انتى مرااتى يا مى
مى بلعت ريقها و كانت متوتره وخايفه وقلبها بيدق جاامد
باسل حس بخوفها ..بعد عنها و هو بيقولها
باسل : أهدى يا مى انتى خايفه من حاجه
مى بتوتر :أن أنا ب بخاف لما حد يقرب منى
باسل :بس انا مش حد يا ميوش أنا جوزك
مى بدموع : معلش يا باسل أنا عارفه انى مقرفه و مزهقاق بمشاكلى وكمان مش بتعامل معاك بدلع زى بقيت البنات وبتكسف جداً بس والله غضب عنى و كمان بقيت اخاف اكتر من ساعه الزفت اللى اتهجم عليا بقيت بخاف اى حد يقربلى و .. قاطعها باسل و حط أيده على شفايفها وهو بقولها
باسل :اوعى تقولى كدا تانى انتى عمرك ما قرفتينى ولا زهقتينى يا مى بالعكس أنا حياتى قبلك كانت جافه مفهاش اى حاجه حلوه لحد ما جيتى و دخلتى حياتى لا هو فى الحقيقة انتى دخلتى قلبى يا مى دخلتى قلبى باحترامك و جمالك و برائتك و كسوفك كسوفك اللى أنا بعشقههه أنا يا مى أنا مش عايزك تغيرى اى حاجه فى نفسك يا مى أنا حبيتك كدا وعايزك كدا وبالنسبه لابن ال**** اللى اتهجم عليكى ف أنا ناويلو نيه سودااااء من قبل ما اخرج من المستشفى وحسابو معايا عسييييير والله لاندمه على اليوم إلى فكر فيه يعمل كداا
مى فرحت اوى بكلامه اللى كان بيطمنها وبيفرحها وبيخليها تثق فى نفسها و بصتله بفرحه وهى بتقوله
مى : ربنا يخليك ليا وميحرمنيش منك ابدا و اقدر افرحك يا باسل
باسل وهو بيبوس ايديها : وجودك جمبى لوحده بيفرحنى يا ميووش
مى ضحكت ضحكه رقيقه وفضلت باصاله فى عينيه
باسل بمشاكسه : اى عيونى عجبينك
مى بسرحان :هااه
باسل بضحك ومشاكسه : ها اى بس دا انتى توهتى فى جمال عينى ..وغمزلها
مى بإحراج :احم .. طيب انا عايزه انام
باسل : ما تنامى هو حد ماسكك
مى :باااسل
باسل : قلبه
مى بضحكه خجل :يلا روح نام فى اوضتك عشان عايزه انام
باسل برخامه وهو بيفرد جسمه على سريرها : لاء أنا هنام هناا
مى بغيظ طفولى وهى بتربع ايديها: لا يا باسل دا سريرى قوم نام على سريرك
باسل بزعل مصطنع :اخص عليكى يا مى بتطردينى
مى بسرعه :لا لا والله مش مش بطردك ..
باسل بتمثيل :لا انتى بتطردينى و أنا زعلان منك خلاص هقوم
مى بسرعه : خلاص خلاص متزعلش مش مش قصدى والله اطردك مش تزعل منى عشان خاطرى ..
باسل :لا أنا زعلان صالحينى
مى :طيب هجبلك بكره شيكولاته
باسل اول ما قالت كدا هلك ضحككك و مى رافعه حاجبها وهى مستغربه
مى بضيق طفولى : أنت بتضحك على ايييى
باسل بضحك :هههههههه عليكى مش قادر ههههههههههههههه
مى بنفس الضيق :ليه هو أنا قولت نكته
باسل بضحك : شيكولاته! هتصالحينى بشيكولاته هو أنتى بتصالحى ابن اختك
مى وهى بتحط ايديها فى وسطها :ومالها الشيكولاته بقا دى تحفه أنا لما بتخانق مع حد و عايز يصالحنى بيجبلى شيكولاته
باسل : دى انتى يا ميوش إنما أنا بتصالح بحاجات تانيه ..وغمزلها
مى بغباء : حاجات اى يعنى..اجبلك ساعه مثلاً أو نظاره
باسل بنفاذ صبر : ياربى على الغباااء أنا خااارج يا مى يخربيت اللى يتكلم مع واحده هبله زيك ..وخرج و هو بيكلم نفسه
باسل لنفسه : ياربى اتجوزت طفله دا اى الحظ دا .. بس اييي اجمل واحلى طفله فى الكوون
فى الاوضه عند مى
كانت عماله تضحك على عصبيه باسل و بتقول لنفسها
مى لنفسها :هو أنا عملت حاجه..ااااه يمكن يقصد أنه بيحبها تكون مفاجأة اممم
وقعدت تفكر فى مفاجأة تفاجئه بيها عشان تفرحه
________________________
تسريع الأحداث
طارق كان بيكلم حد من رجالته فى الفون وبيقوله
طارق : كلم چيسى خليها تنزل مصر فى اقرب طياره
: تمام يا باشا اعتبره حصل
وبعدها قفل المكالمه وهو بيتوعد لى باسل
طارق : وحياتك ام.ك يا باسل لاوريك مين هو طاارق واعرفك ازاى تاخد بنتى منى ..!
وبالفعل الشخص كلم چيسى وهى فرحت جدآ أن طارق طلبها ونسيت كل اللى خطتطله وحجزت اقرب طياره لمصر..
ياترى طارق بيفكر فى ايه🫡
________________________
فى صباح يوم جديد
فى الڤيلا
عند مى
صحيت من بدرى وخدت دش ولبست بيچامه كيوت جدا كانت عباره عن هوت شورت وتيشرت كات وحضرت الفطار بنفسها كان أكل مختلف ومتنوع ولذيذ جداً وكانت مبسوطه بيه خلصت الاكل وطلعت على غرفه باسل وخبطت
توق توق توق
مى: يلهواااى يا عم افتح الأكل هيقع
توق توق توق
باسل : مين الرخم اللى بيخبط ع الصبح داا ..
توق توق توق
باسل بعصبية وقام يفتح الباب: يوووووه مييين ال ...وفتح الباب ولقاها مى
مى : اي يا عم كل داا نوم أنا واقفه بقالى كتييير
باسل وهو بيفرك فى عينه : هو أنا شايف صح انتى مى
مى والصينية خلاص هتوقع منها : يلهوااااى دا لسه هيتأكد يا عمم وسعع عايزه ادخل الصينية هتوقع منى ..باسل ضحك على طريقه كلامها و و دخلها وقفل الباب ودخل الحمام
مى وهى بتتفرج على الاوضه: الله دى حلوه اوى و قامت تتفرج عليها وشافت صوره ليه وهو صغير ...ياروحى دا كان كيوت اوى ولقت جمبها صوره ليه وهو فى سنه حالياً مسكت الصوره وسرحت فيهاا ..وهووب سمعت صوت جاى من وراها
باسل : عجباكى ..
________________________
عند سامى
كان صاحى بدرى وناوى يروح لرحمه المستشفى ويتكلم معاها هناك وبعتلها رساله تهديد "لو مجتيش المستشفى النهارده هاجيلك البيت وافضحك"
*ايوا هو اللى كان بيبعتلها رساله التهديد
..و جهز ونزل و خد اول تاكسى قابله
سامى : ودينى لمستشفى***
صاحب التاكسي : تمام تمام
سامى : بس ياريت بسرعه
صاحب التاكسي :مستعجل على اي بسس
سامى :وانت مالك يا عم أنت أنا مستعجل وخلاص
صاحب التاكسي :تؤ تؤ تؤ الغلط مش فى صالحك
سامى باستغرب: هو انت بتتكلم كدا ليه يا عم انت انت شارب حاجه ع الصبح
صاحب التاكسي وهو بيضحك : والله شكلك انت اللى هتشرب و داس على زراز فى العربيه قفل ستاير العربيه و جه حد من وراه سامى مسكه ورش فى وشه مخدر وسامى ثوانى واغم عليه ...
________________________
فى الفيلا
فى غرفه باسل
مى برقت عينيها و لفت لى باسل اللى كان قالع التيشيرت
مى وهى بتدور وشها بسرعه تانى :اعااااااااااااا ...انت يا عم روح استر نفسك
باسل وهو بيقرب منها : ليه هو انا واقف مع حد غريب
مى :يا باسل عيب كدا ورح البس
باسل وهو بيرجع شعره لوراه : أنا واقف فى اوضتى اقف براااحتى
مى :انت صح و أنا اللى لازم أخرج و جريت تفتح الباب لكن باسل سبقها و قفل الباب وقرب منها وهو بيبصلها بنظرات جريئه
باسل بخبث : مفيش خرووج ..بس اى الجمااال داااا
مى وهى بتحط ايديها على عينيها بكسوف : باااسل بالله روح البس حاجه عيب تقف كداا
باسل بهمس هو بيقرب من ودنها : تؤ تؤ مش هلبس حاجه وهتقعدى وهنفطر سوا
مى قلبها كان دقاته سريعه وخايفه تفتح عينيها
باسل بعد عنها و راح قعد على السفره الصغيره
باسل بضحك: طب اي هتفضلى واقفه عندك ومغمضه عينك كتير!
مى وهى لسه حاطه أيدها على عينيها ومغمضه :لبست ولا لسه
باسل : لا ومش هلبس
مى : ليييه يا باااسلل
باسل وهو بدأ ياكل : أنا بحب اقعد كدا ويلا تعالى بقا عشان بجد الأكل جاامد
مى بفرحه وفتحت عينيها: بجددد ! أنا اللى عاملاه ..اعااااا وغمضت عينيها تانى
باسل :ههههههههه يخربيت هبلك يا شيخه بتت فتحى عينيكى ويلا تعالى بدل والله اجى افتحهالك أنا بطريقتى ..
مى فتحت عينيها بسرعه وجريت قعدت على السفره وبدأت تاكل وهى بتتفاده النظر ليه وباسل لاحظ دا وقعد يضحك عليها ويغازلها ويمدح فى اكلها
نسيبهم يخلصوا اكل ونرجعلهم🙃
________________________
عند رحمه
باباها دخل يصحيها
والد رحمه :رحمه رحمه قومى يا بنتى اى كل دا نووم انتى كنتى نشيطه عن كداا
والده رحمه وهى بتنده عليها من برا : يلا يا رحمه تعالى كلى من امبارح المغرب مكلتيش حاجه
رحمه بنوم : يا بابا سيبنى بقا عايزه انام روح كُل انت وماما أنا مش جعانه
والد رحمه : طيب انتى حره بس امك عامله بطاطس محمره
رحمه : اييي بطاطسس محمره
و قامت جرى غسلت وشها وقعدت على السفره وأبوها وامها كانو قاعدين يضحكوا عليها
وأثناء ما رحمه كانت بتاكل فونها رن
والد رحمه :ماتردى يابنتى
رحمه والأكل فى بوقها : مش مهم
والده رحمه : يخربيت الفجع وتقولى مش جعانه
فون رحمه رن تانى وهى قررت ترد
رحمه : اى دا دى المديره
والد رحمه بضحكه شماته :جدعه يختى قولتلك ردييى من الاول قابلى بقا
رحمه ردت وهى خايفه
المديره :الو يا رحمه
رحمه: الو يا دكتور ازيك
المديره : الحمدلله انتى مجتيش ليه النهارده انتى قولتى امباح انك هتاخدى يوم أجازه لكن النهارده مجتيش ليه وكمان من غير ما تبلغينى
رحمه : أنا اسفه جداً يا دكتور نسيت اقول لحضرتك انى هاخد أجازه النهارده بجد آسفه
المديره بحده :أنا عايزة اعرف من امتى وحضرتك بتاخدى اجازات من غير ما تقولى وبعدين هو من امتى بتاخدى اجازات اصلاا
رحمه:معلش يا دكتور بس عشان محتاجه افصل اليومين دول شويه وبعتذر لحضرتك مره تانيه على غيابى
المديره :ماشى يا رحمه بكره إن شاء الله تكونى موجودة
رحمه : هشوف يا دكتور أن شاء الله سلام
المديره : سلام
رحمه اول ما قفلت معاها شافت رساله سامى هى مش متأكده أنه هو الشاب اللى بيقفلها قدام المستشفى "لو مجتيش المستشفى النهارده هاجيلك البيت وافضحك"
رحمه اول ما قرأتها ملامح وسهل اتغيرت و مامتها وباباها لاحظوها
والده رحمه :مالك يا رحمه فى اي هى المديره قالتلك حاجه
والد رحمه بهزار:ههه شكلها رفدتها يلا على البركه
رحمه كانت فى عالم تانى خايفه فعلاً سامى يجى ويفضحها قدام أهلها بكلام محصلش
والد رحمه: انتى يابتت
رحمه :هاا
والد رحمه: اى يابنتى انتى روحتى فين فى اي اللى حصل
رحمه :لا مفيش يا بابا دى الدكتور قالتلى انى لازم اكون عندها دلوقتي
والد رحمه :ليه مش قولتلها انك هتاخدى اجازه
رحمه :لا ماهى قالتلى فى حاله مستعجله محتاجاكى دلوقتي ولازم اروح
والده رحمه :طيب استنى كملى فطارك
رحمه وهى بتقوم عشان تلبس : خلاص شبعت يا ماما الحمد لله أنا لازم امشى .. وفعلاً لبست ونزلت وهى فى دماغها حاجات ناويه تعملها..
_________________________
فى المطار
چيسى : ياااه أخيراً جه الوقت اللى هاخد كل حاجه منك يا طاارق دا انا مستنيه الوقت دا بفااارغ الصبر .. وفجأة سمعت صوت حد من وراهاا
محمود :القمر واقف لوحده ليييه
(محمود يبقى صاحب چيسى وماشين مع بعض غلط)
چيسى لفت بسرعه : اااه حرام عليك يا محمود بجد وحضنته
محمود: وحشانى يا جمييل
چيسى : أنت كمان اووى
محمود بخبث :أنا حجزتلنا شقه انما ايه هتعجبك اووى
چيسى : سورى يا محمود مش هينفع لأنى جايه المره دى فى شغل وشغل مهم اووى
محمود بخبث :الشغل مش هيطير يعنى يا چيسى
چيسى بمياعه : سورى يا بيبى مش فاضيه وعن اذنك بقا عشان طارق حاجزلى فى فندق ومظبط كل حاجه ولازم امشى
محمود :اخص عليكى يعنى مش هعرف اشوفك
چيسى : امممم ممكن بالليل نبقى نسهر
محمود بغمزه :تمااام يا قلبييى بالليل هعدى عليكى
چيسى بمياعه :اوك باى يا بيبى
محمود :باى يا قلب البيبى..
______________________
فى الڤيلا
فى غرفه باسل
مى و باسل خلصو اكل ومى كانت قايمه عشان تشيل الاطباق وتنزلهم
باسل : انتى بتعملى اي
مى : بلم الاطباق عشان انزلهم
باسل بضحك :سيبى يا قمرى كل حاجه و رباب هتبقى هتشيلهم
مى : اه بس انا متعوده انى بعد ما اخلص اكل الم المكان ورايا
باسل شدها لحضنه وهو بيملس على شعرها : ياروحى أنتى هنا ملكه متوجه يعنى متعمليش اي حاجه
مى بكسوف :باسل
باسل :قلبه
مى : تلفونك بيرن
باسل خرجها من حضنه و رد على الفون وكان بيكلمه واحد من رجالته
باسل :الو
:الو يا باسل بيه اللى حضرتك أمرت بيه تم
باسل :تمام دقايق واكون عندكو واعملوا معاه الواااجب
:تمام يا باشا
مى ببرائه :باسل هو مين دا
باسل بابتسامه: متشغليش بالك انتى يا روحى هروح مشوار وارجعلك على طول
مى :لا يا باسل بالله عليك ما تسيبنى
باسل :يا حبيبتى مش هتأخر دا مشوار صغير وراجع على طوول
مى : وعد؟!
باسل بابتسامه :وعد
باسل لبس ونزل وأكد على حراسه الڤيلا أنهم ميدخلوش اى حد
وصل باسل للمخزن و أول ما دخل
باسل بنظره شر: اهلا اهلا بالضيوف
سامى :....
روايه
مراهقه أوقعتني في حبها
البارت ال 19
بقلمى أمل احمد 🖊️
باسل بنظره شر :اهلا اهلا بالضيوف
سامى بصدمه وهو برفع عينيه : باسل!
باسل :أسمى باسل بيه ياروح امك ..وبصله وهو بيضحك ضحكه سخريه لا فعلاً عملتو معاه الواجب وزيادة كتر خيركو اوى
سامى كان مربوط فى كرسى خشبى قديم و كان جسمه كله علامات ضرب و الدم مغرق وشه
سامى بعجرفه :انت عااايز اي منى مش هرحمك على إلى حصل فيا داااا
باسل شاور للحرس أنهم يخرجو وقرب من سامى ونظرات الشرر تملئ عينيه وهمس فى أذنه بغل
باسل بهمس ملئ بالشر: اهلا بيك فى جحيمى يا ساامى
سامى بعجرفه مصحوبه بتوتر :ياعم أنا عملتلك اييي ما تفهمنى
باسل بضحكه شر :لا بجدد مش عارف عملت اي
سامى :لاااء معرفش
باسل بغضب وهو بيضربه بالبوكس :لاء عارف
سامى بوجع بيحاول يداريه : ياعمم معرفششش وبعدين لو عملتك حاجه فكنى ونتواجه راجل ل راااجل
باسل بغضب :قصدك راجل ل مره ..اللى يتهجم على بنات الناس ميبقاش راجل يبقى ****
سامى بخوف وهو بيبتلع ريقه :تقصد اييي أنا مش فاهم حااجه
باسل :انت هتستعبط ياروح امك ..بس عادى استعبط براحتك اووى و أنا أزود فى عذابك اكتر واكتر يا سامى الكلببب
و باسل مسكه من هدومه بعنف و نزل ضرب بالبوكسات على وشه وسامى كان بيتألم لكنه بيحاول يدارى
سامى بعجرفه :وحيات امى لاوريك وهتدفع ثمن إلى أنت عملته دااا
باسل :أنا مبتهددش يا روح امك اعلى ما ف خيلك اركبه و ابقى ورينى شطارتك و وحيات مى اللى انت خليتها تتأذى بسببك يا سامى لاخليك تتمنى المووووت ..وسابه وهو فى صدمته
باسل للحرس :مياكلش ولا يشرب لمده ساعتين بعد الساعتين تدخلوله مياه بسسس ومفيش اكل لغايه ما أنا اللى اقول تمااااام
الحرس بخوف :تمام يا باسل بيه
باسل ركب عربيته واتجه للڤيلا ..
بقلمى أمل احمد 🖊️
_________________________
عند فريده
فريده : ماما
اسماء :خير يا فريده
فريده بتوتر:اااه بصراحه يوسف كااان اااه
اسماء :طالما فيها يوسف يبقى مش هتعدى على خييير
فريده :ليه بس يا ست الكل دا حتى بيحبك
اسماء :يا حبيبتى مشكلته مش معايا أنا عن نفسى بحبه والله وبقبله لكن مشكلته مع ابوكى
فريده بتنهيده حزن :مش عارفه بجد بابا مش بيحبه ليه
اسماء: ابوكى بيحبك اوى يا فريده مش متخيل فكره انك تحبى حد غيره أو حد ياخدك منه
فريده : والله وانا كمان بحبه اوى يا ماما انتى عارفه غلاوه بابا عندى بس بردو بحب يوسف دا بيخاف عليا اوى وبيحبنى
اسماء : عارفه عارفه والله يا حبيبتى بس نعمل اي سيبهم الاتنين يتعاملو مع بعض لأنك لو اتدخلتى ودافعتى عن يوسف ابوكى هيزعل ولو دافعتى عن باباكى يوسف هيزعل ف خليهم هما الاتنين منهم ل بعض
فريده :عندك حق
اسماء :بس انتى كنتى بقوليلى يوسف ماله بقا؟
فريده :عايز نخرج مع بعض نقضى اليوم سوا
اسماء باعتراض :اليوم كللله؟!
فريده بتوتر :ااه هو قالى هنفطر ونتغدى مع بعض وهيفسحنى
اسماء باعتراض :لا طبعا يعنى اى تفضلو طول اليوم برا مع بعض ومفيش حد معاكو
فريده برجاء :عشان خاطرى يا ماما حاولى تقنعى بابا يوافق
اسماء :يابنتى اقنعه ازاى على حاجه أنا نفسى مش مقتنعه بيهااا
فريده :مش مقتنعه ليه بس يا ماما
اسماء بحده :فريييييده مش هينفع تخرجوا طول المده دييي لوحدكو هى كلمه وخلاص
فريده بحزن :حاضر يا ماما اللى تشوفيه ..و دخلت غرفتها وهى متضايقه ورنت على يوسف
فريده بحزن :الو يا يوسف
يوسف :قلب يوسف هاا قالتلك اي
فريده بحزن :مش موافقه
يوسف بضيق :ليه مش موافقه
فريده :بتقولى مينفعش نقضى طول المده دى لوحدنا برا
يوسف و هو بيحط أيده على دقنه بتفكير : امممم لوحدنا!!
فريده : بتفكر في ايه
يوسف :بقولك اي هعمل مكالمه وارجعلك سلام ..وقفل
فريده باستغراب :غريبه ما اتضايقش يعنى ولا عمل حاجه وبعدين مكالمه ايه اللى هيعملها ..
_________________________
فى الفيلا
باسل دخل بهيبته المعتادة لكن كان ظاهر على وجهه الغضب
باسل : رباب فين مى
رباب :جوا فى المطبخ يا حبيبي مالك انت متضايق
باسل :لا يا حبيبتي مفيش حاجه أنا تمام بس مى بتعمل اي فى المطبخ
رباب :هى صممت أنها تعمل الأكل النهارده وحاولت امنعها واخليها تستريح مرضيتش
باسل : امممم تمام ..و أتجه باسل للمطبخ
مى كانت واقفه بتعمل الأكل برقه وهى بتغنى بصوت هادى جذب باسل بشده
باسل وهى بيحضنها من ظهرها :صوتك حلوو اوى يا ميوش
مى بخضه :اعااا باسل حرام عليك خضتنى
باسل وهو بيقبل خدها :سلامتك من الخضه يا ميوش
مى بكسوف : باسل عيب كده ممكن حد يدخل
باسل :محدش يقدر يدخل وانا موجود
باسل بعصبية : وبعدين اي دااااااا ...مى اتخضت من تغير باسل المفاجئ واتساع عينيه بحده
مى بخوف :ف فى اي
باسل بحده وهو بيمسكها من دراعها :أنتى ازاااى نازله كدااا ..مى بصت لى لبسها باستغراب
(مى كانت لابسه بيچامه بكم ضيقه حبتين والتيشرت قصير)
مى باستغرب :اى نازله ازاى
باسل بغضب : انتى مش شايفه البيچامه ضيقه عليكى ازاااااى انتى بتستهبلى مش عارفه أن فى زفت حرس فى الڤيلا
مى بخوف :أنا أنا اسفه والله مخدتش بالى أنها ضيقه
باسل بغيره : اطلعى غيرى البيچامه دى حالاً يامى وسيبى الاكل رباب هتكمله
مى باعتراض طفولى : لا أنا عايزه أنا اللى اعمل الأكل يا باسل
باسل بعصبية : أنا قولت اطلعى غيرى البيچامه و رباب هى اللى هتكمل الأكللل اظن كلامى واااضح اطلعيييى
مى بخوف من عصبيته : ح حاضرر .. وطلعت فوق وهى على وشك البكاء
باسل بعصبية :ربااااب
رباب بتوتر :اااه أيوه يا ابنى
باسل :كملى انتى الأكل
رباب باستغراب :هى مى مش قالت هتعمله هى
باسل : لاء كمليه انتى ..وسابها وطلع غرفته خد دش و جفف شعره ولبس لبس مريح واتجه لغرفه مى
توق توق توق
مى :مين
باسل :افتحى يا مى
مى فتحت بخوف : اتفضل
باسل باستغراب :اى دا مالك ..ورفع وشها ليه
باسل :ميى انتى بتعيطى ليه
مى وهى بتمسح دموعها زى الاطفال :م مم مفيش ح حاجه
باسل قرب منها و رفع وشها ومسح دموعها بأيده
باسل بحنان :طيب أهدى انتى بتعيطى ليه
مى بعياط طفولى :ع عشان ان انت زعقتلى ومختلنيش اعمل الأكل وانا اصلا كن كنت ت بع بعمله عشانك
باسل ضحك على طريقتها الطفولية ال محببه ليه ومسح دموعها وطبطب عليها
باسل وهو بيملس على شعرها : طيب وانتى ينفع تنزلى بالبيچامه الضيقه دى يا مى أنا مش عايز حد يشوف ملامح جسمك غيرى يا مييى افهمى أنا بغير عليكى
مى : بس أنا والله مخدتش بالى أنها ضيقه
باسل :خلاص اخر مره تحصل واشوفك بحاجة ضيقه أو قصيره او شفافه تمام
مى بطاعه :حاضر
باسل :لا بس انا حاسس انك لسه زعلانه
مى وهو بتربع ايديها زى الاطفال : اه لسه زعلانه يا باسل
باسل وهو بيقبل جبينها :لييه بقاا
مى بضيق طفولى :عشان مخلتنيش اكلمل الأكل
باسل بضحك :عايزه تكمليه ليه ما عادى رباب هتكمله
مى بضيق : لاااا أنا عايزه أنا اكمله يا باسل عايزاك تدوق اكلى
باسل بابتسامه : حاضر يا مى هخليكى تكمليه بس بشرط
مى بفرحه : ايييي
باسل :تلبسى حاجه واسعه وطويله
مى بطاعه : حااضر
باسل وهو بيقبل جبينها :يحضرلك الخير يا روحى ..
مى بدلت هدومها ل دريس بيبى بلو واسع وطويل ورفعت شعرها كحكعه ونزلت خصلات من شعرها وكان شكلها رقيق و كيوت جدا وخرجت تورى باسل شكلها
مى والابتسامه على وشها :هااا اي رأيك
باسل كان باصص فى الفون ورفع عينه عليها وفضل متنح لجمالها قام وقف وقرب منها وهو بيتأملها بحب
باسل بذهول :يخربيت جمالك انتى حلوه فى اي لبس
مى بفرحه :بجدد ..شكراً
باسل وهو بيجذبها من وسطها :أنا بقول تسيبك من الأكل ونقعد أنا وانتى هناا
مى بكسوف :ب باسل عيب كدا وبعدين لاء أنا عايزه اعمل الأكل
باسل بخبث : اكل ايه بس دلوقتي .. و بيقرب من شفيفها و مى كانت متوتره جداا و هوووب فون باسل رن
باسل بضيق : مين ابن الرخمه اللى بيرن داااا
مى بارتياح وضحكه مكتومه : طب رد
باسل اتجه ناحيه الفون بعصبيه و كان يوسف
باسل لنفسه بضيق :هو مفيش ابن رخمه غيره و رد
باسل بضيق :ايوه يا عم زفت
يوسف : اى يا عم الداخله دى هو أنا جوز امك
باسل : ياعم قطعت عليا لحظه حلوه جتك البلاه
يوسف بضحك :ايوه ياعم ولعانه معاااك
باسل :اتنيل ..كنت عايز ايه
يوسف :اه صح نسيت.. بقولك اي انت فاضى النهارده
باسل :اه فاضى ليه
يوسف :طب تمام اي رأيك تجيب مى و ..باسل قاطعه بعصبية
باسل بغيره :عاايز اى من مييى
يوسف بضحك : ياعم الحمش أهدى بس واسمعنى
باسل :امممم سامعك
يوسف :بص أنا كنت عايز أخرج النهارده أنا وفريده ونقضى اليوم سوا بس امها مرضيتش عشان هنبقى لوحدنا ف لو كدا اي رأيك تيجى معانا انت ومى ونقضى اليوم كلنا سوا فى أماكن مختلفة
باسل : ياسلام يعنى لو احنا معاكو كدا امها هترضى
يوسف :ومترضاش ليه أن شاء الله
باسل :يا ابنى احنا مش محرم عشان توافق
يوسف :بس على الاقل مش هنبقى لوحدنا بص انا هحاول اكلم امها واقنعها وانت كلم ابوها هو بيتقبل منك عشان أنا لو كلمته هنمسك فى خناقه
باسل بضحك : والله ما اعرف انت وابوها هتتفاهمو مع بعض ازاى بعد كدا
يوسف : والله ولا اناا .. المهم بس روح كلمه دلوقتي وانا هكلم امها وبعد ما تكلمه ابقى قولى قالك اي سلام ..وقفل
باسل لنفسه : لا اله الا الله ربنا ييسر لك الأمور يا يوسف وتتجوز واستريح منك ..وبدأ يطلع رقم عاطف
مى :فى اي يا باسل
باسل :لا مفيش دا يوسف عايز يخرج هو و فريده و قارفنى أنا ..مى ضحكت على باسل وطريقته
باسل بابتسامه :تدوم يا قلبييى
مى بكسوف :احم ..طيب انا مش هنزل
باسل :لاء استنى بقا عشان هنخرج
مى بفرحه :بجددد هنخررج طيب هنخرج فيين
باسل :مع يوسف وفريده بس لو باباها وافق بقا
مى :اممم يارب يوافق أنا أصلا بحب فريده اووى
باسل :هى بصراحه محترمه وكويسه
مى بغيره :اممم وايه كمان
باسل وهو مش واخد باله من غيره مى ومركز فى الفون :و تتحب يعنى و ..رفع عينه عليها ولاحظ نظرات الغضب على وشها
باسل :اي دا انتى غيرانه
مى بتوتر :لا طبعا مش غيرانه مين قال كدا
باسل بابتسامه خبث :اممم تمام ثوانى بقا ارن على باباها اقنعه يسيبها تيجى معانا
مى : واشمعناه ترن عليها انتت وبعدين اي تيجى معانا دى قصدك تيجى مع يوسف
باسل وهو بيقرب منها بخبث :طيب فيها أما تقولى انك غيرانه
مى بتوتر اكتر :أنا أنا مش مش غيرانه خالص على فكره انا هروح ارد على طنط رباب تقريباً بتنده ..وجريت من قدامه وهى وشها محمر من كتر الكسوف وباسل كان بيضحك عليها وهو مبسوط من غيرتها عليه و رن على عاطف ..
_____________________
فى المخزن عند سامى
سامى بزعيق :انتو يا بهااايم ياللى براا عاايز اشرببب بقالى ساعه مشربتشش
دخل واحد من الحرس على صوت وزعيق سامى
الحارس :عايز اي وبزعق كدا ليييه
سامى بعجرفه :عاايز اشرببب بقالى ساعه مشربتشش انتو اغبياااء
الحارس :احترم نفسك يالااااه وانت بتتكلم ومفيش شرب باسل بيه مانع عنك المياه لمده ساعتين
سامى :هو اى اللى مانع عنى المياه أناا عااايز اطفحح
الحارس : والله دى أوامر وياريت تبطل جعير عشان مش حلو ليك ..وسابه وخرج
____________________
عند طارق
كان بيكلم چيسى فى الفون وبيتفق معاها على حاجه
طارق :عايزك تركزى كويس فى إلى هقولهولك
چيسى بدلع :انت تؤمر يا طاروقه
طارق بعصبية :هو أنا مش قولتلك قبل كدا بلاش طاروقه دى ما تتنيلى تسمعى الكلام
چيسى بزعل مصطنع :حاضر حقك عليا
طارق بجديه :اسمعى كويس انتى هات***********تمام ومش عايز اى غلطه
چيسى :من عيونى بس سورى يعنى المهمه دى هتبقى تكلفتها عاليه شويه
طارق بسخرية : تمام تمام عارف نص مليون حلوين ؟
چيسى :هههه نص مليون اى يا بيبى بقولك التكلفه هتبقا عاليه تقولى نص مليون
طارق :مليون يا چيسى واكتر من كدا مش هتطولى منى مليم احمر
چيسى بغل :تمام يا طارق وانا موافقه
طارق بسخرية :كنت عارف انك هتوافقى
چيسى :ااه هنفذ امتى
طارق :متستعجليش لما اقولك نفذى هتنفذى على طول
طارق بتأكيد :چيسييييى
چيسى :نعم
طارق :عايز وقت ما اقولك يلاا تكونى جاهزه فى اى وقت تمااام لأن التأخير مش حلو ليكى
چيسى بثقه :متقلقش انت بس قولى يلا وانا هنفذ فوراااااً
طارق :أما نشووف ..وقفل
________________________
عند فريده
يوسف كان بيكلم مامتها وبعد جدال كتير أخيراً وافقت وفريده كانت فرحانه جداً بس قلقانه من باباها اللى ممكن ميوافقش
فريده :ماما ممكن بعد إذنك تقنعى بابا هو هيتقبل منك
اسماء :اى دا هو انتى معرفتيش
فريده :معرفتش اى
اسماء :باسل كلم ابوكى و وافق والله أنا مستغربه ابوكى ازاى بيوافق بالسهولة دى أما باسل بيكلمه
فريده بفرحه : اى دااا بجددد طب ثانيه هو باسل اي داخله بالموضوع
اسماء: ما هو يوسف هياخد باسل ومى معاكو عشان متبقوش لوحدكو واقنع باباكى ب كدا وهو وافق
طب الحمدلله أنا هخش البس بقااا
اسماء : متنسيش تقولى لابوكى قبل ما تنزلى
فريده بطاعه :حاضر
ودخلت غرفتها وهى فرحانه ولقت يوسف بيرن
فريده بفرحه :الوو يا چووو
يوسف :قلب چووو يلا خمس دقايق واكون عندك متوقفنيش كتيير يا فريده بدل ما اطلع اجيبك من قفاكى
فريده :من عونيا بقولك اي انت اقنعت ماما ازاى وازاى باسل اقنع بابا بالسهولة دى
يوسف:أنا أعرف يختى يلا بس روحى البسى المهم أنه وافق متقريش
فريده :هههه حاضر سلام ..وقفلت
________________________
فى الڤيلا
باسل لبس بنطلون جينز اسود وقميص أبيض وكوتشى ابيض وكان شكله وسيم جداً خلص لبس وخبط على غرفه مى
توق توق توق
مى بصوت بعيد مصحوب بضيق طفولى: ثواانى يا بااااسل
باسل : يلا يا ميوش عشان يوسف دقيقتين وجاى
مى بنفس الضيق :حاااضر بس ثوانى
باسل :مالك فى حاجه معطلاكى ولا اي
مى بضيق :ااااه مش عارفه اعدل شعرى
باسل بضحك :طب افتحى
مى راحت فتحت الباب وهى ماسكه شعرها و باين على وشها الغضب
باسل ضحك على منظرها وهى ماسكه شعرها
باسل بضحك :انتى ماسكه شعرك كدا ليه
مى بضيق طفولى : اوووف مش رااااضى يتظبط بقالى ساااعه بظبط فيه ومش راضى بجد اووووف
باسل ضحك على منظر مى وهى ماسكه شعرها وبتحاول تلمه ومش عارفه وقرب منها وهو بيقولها
باسل وهو بيمسك شعرها منها بحنان:طيب اوعى اوعى هعملهولك انا
مى باستغرب :هتعرف تلمو انت؟!
باسل :اممم استنى و شوفى
وبدأ يسرحلها شعرها بحنان و لمهولها على شكل تسريحه الدونات وكان شكلها قمرر
باسل :كدا تمام اي رأيك ..مى بصت لنفسها فى المرايا و فتحت عينيها بصدمه من شعرها المظبوط بطريقة احترافية وبصت لباسل بابتسامه ذهول
مى بذهول : الله دا حلو اوى
باسل هو بيحضنها من ظهرها :عجبك؟
مى بابتسامه رقيقه :اووى يا باسل انت بجد شاطر اوى
باسل هو بيتأملها : بس اي القمرر داا كل مره تجنيني كداا
مى كانت لابسه دريس بنفسجي طويل و واسع بحزام ابيض انيق جداً وكوتشى ابيض 💜🤍
مى بكسوف :احم شكراً وعلى فكره انت كمان قمور اوى
باسل بضحك : طب يلا يا قمر انت عشان هنتأخر و يوسف هياكل وراكنا
مى بضحك :ههههه طب يلااا ..
باسل مسك ايديها ونزلوا وكان يوسف وصل بعربيته قدام الڤيلا
يوسف كان بيتكلم فى الفون وباين على ملامحه العصبيه
يوسف بعصبية :طب انجزى يا فريده بدل وربنا ألغى الخروجه ..وقفل بعصبية
باسل بضحك على عصبيته :مالك يا چوو كنت بتكلم مين
يوسف :بكلم الزفتهه وربنااا لو روحت ولاقيتها مخلصتش لا أنا لاغى الخروجه عشان تبقى تتبارد حلو
باسل بضحك : طب أهدى بس على نفسك شويه وبعدين هو انت أصلا هتعرف تخرج من غيرها دا انت عامل كل دااا عشانها
يوسف :وياريت عاجب
باسل :اهدى بس وتعالى يلا نمشي أنا هركب فى عربيتى أنا ومى وانت اركب عربيتك
مى باستغرب :باسل هو انت مش عربيتك عملت بيها حادثه ..انت صلحتها ؟
باسل :لا يا روحى أنا جبت واحده جديده
مى بفرحه :بجد مبروووك يا حبيبي
باسل بغزل :الله يبارك فيكى يا قمرر انت
يوسف : احم يا ابنى أنا واقف ..طب و ليه هتاخد عربيتك منا معايا عربيتى اهى هتقضى الغرض
باسل :لا معلش أنا عايز ابقى لوحدى أنا و ميوش ..مى اتكسفت جداً
يوسف بغمزه :ماشى يا عم الحبيب ..مبرووك يا ميوش ..باسل ضربه بكوعه فى جنب باطنه
يوسف بوجع :اااه اقصد يا مدام مى
مى بابتسامه :الله يبارك فيك
باسل :يلا بقا هنفضل واقفين كتير
يوسف :يلااا
وكل واحد خد عربيته و اتجهو على بيت فريده ..
______________________
فى عربيه باسل
باسل وقف العربيه
مى : انت وقفت ليه يا باسل
باسل وهو بشاور على عماره :دا بيت فريده هتنزل تركب مع يوسف وهنمشى
مى : اهاا تمام ..باسل هو أنا ممكن اسألك سؤال
باسل :طبعا يا ميوش اسألى
مى :هو لو انت اتصالحت مع بابا والأمور هديت هنطلق ؟
باسل بغضب :و ليه السيره دى طيب انتى عايزه تنكدى علينا اليوم وخلاص يا مييى
مى :لاء والله مش قصدى كداا يا باسل بس عايزه اعرف هيبقى مسيرى اي هفضل فى الفيلا ولا بابا هياخدنى معاه ولا هنطل ..باسل قاطعها بعصبيه
:متجبييش ام السيررره دى على لساااانك انتى فاااهمه
مى بخوف :حاضر حاضر أنا بس بسأل والله
باسل بص ناحيه الشباك اللى جمبه وهو متضايق
مى بطفوله :ب باسل خلاص متزعلش حقك عليا والله مش قصدى ازعلك أو اخليك تتضايق
باسل كان متجاهلها وباصص للشباك ومى زعلت أنها ضايقته
مى بنبره زعل : طب أنا اسفه و مش هجيب السيره دى تانى والله مش تزعل منى بقاا ..باسل لف وشه ليها ومسك ايديها
باسل : خلاص يا روحى أنا مش زعلان بس متجبيش السيره دى تانى
مى وهى بتهز رأسها بفرحه :حاضر حاضر والله
باسل وهو بيقبل جبينها : ربنا يخليكي ليا يا ميوش ..مى ابتسمتله وهى فرحانه أنه متمسك بيها وكمان مرضيش يزعل منها ..
_______________________
عند فريده
فريده : مااااماااا أنا نازله يوسف مستنينى تحت
اسماء من الطبخ: عرفتى ابوكى يا فريده
فريده : اهاااا يلا سلااام
اسماء :ابقى طمنينى عليكى
فريده :حاااضر ..ولسه بتفتح باب الشقه لقت يوسف قدامها
فريده بصدمه : ...
________________________
عند رحمه
كانت فى كافيه قريب من المستشفى وكانت شايفه كل اللى داخل واللى خارج و كانت مراقبه كويس عشان تشوف سامى اللى بيراقبها وتصوره و قدام المستشفى وتروح تعمل محضر عدم تعرض وفضلت قاعده حوالى ساعتين مستنيه تشوفه لكن ملقتهوش و استغربت جدا لانه بعتلها مسدج يدل بأنه عارف انها بتشتغل فى المستشفى و بعد تفكير قررت تروح ..
____________________
عند فريده ويوسف
فريده اتصدمت ب يوسف اللى واقفلها على الباب وبلعت ريقها وهى بتحاول ترسم ابتسامه على وشها
فريده بمرح : اى دااا يوسف انت واقف هنا من امتى
يوسف والغضب مالى وشه وبيجز على اسنانه: يعنى اقولك خشى غيرى دلوقتي ومفيش خروووج
فريده بتوتر :اااه معلش وربنا كنت بلبس وبكلم بابا خليها عليك بقا يا چوو
يوسف كان باصصلها وعينيه بطلع شرار وفريده كانت بتتوتر اكتر وخايفه فعلاً يلغى الخروجه
فريده :خلاص بقا يا چوو حقك عليا والله مش هتتكرر تانى
يوسف بغل:انزلى قدامى يا فريده ومش عايز اسمع حسك لحد ما نوصل انزلليييييى
فريده نزلت جري قدامه وهى فرحانه أنه ملغاش الخروجه ..
________________________
فى عربيه باسل
باسل بنفاذ صبر: هى العيال دى اتأخرت كدا لييه
مى : يمكن فريده لسه مخلصتش
باسل :دا يوسف مستحلفلها اصلا لو جه واتأخرت يلغى الخروجه و دا مجنون و ممكن يعملها عند فيها
مى : يلهوى هى على طول بتتأخر كدا
باسل : على كلام يوسف اه
مى :طب استنى هما نزلوا اهووو
باسل وهو بيبص لمرايه العربيه :ياااه أخيراً
وبدأو يسوقوا العربيات ..
_______________________
فى عربيه يوسف
كانو قاعدين ساكتين وفريده خايفه تتكلم مع يوسف اللى كان بيسوق بسرعه جامده من غضبه
فريده : براحه ياعمم هتكفى على وشى
يوسف بغضب :هو مش قولت مش عايز اسمع حسسكك لحد ما نتنيل نوصلل
فريده :اي يا عم دا هتخرسنى يعنى يا يوسف
يوسف :اه هخرسك يا فريده واسكتى عشان بجد مش طايق اسمع حسسكك
فريده بزعل :ماشى يا چو بقا هى دى الخروجه اللى انت عاوز تخرجهالى مش عايز تسمع حسى حاضر مش هسمعك حسى .. وربعت ايديها زى الاطفال وبصت للشباك
و يوسف كان كل شويه يبص عليها وخايف لا يحصلها حاجه عشان زعلت
وأخيراً وصلو ونزلوا من العربيات ومى سلمت على فريده ودخلوا مطعم كان راقى جدا
باسل قعد جمب مى وفريده جمب يوسف وفريده و مى قصاد بعض ويوسف وباسل قصاد بعض والجرسون جه عشان يشوف طلباتهم
الجرسون : اتفضلو دا المينيو
باسل ل مى :ها تاكلى اي
مى :اممم مش عارفه بص هاتلى أنت
باسل :طيب افرضى جبتلك حاجه ومعجبتكيش
مى :لا اعتقد هتعجبنى بس قولى هتجيبلى اى بردو قبل ما تجيب
باسل بضحك :ههههه حاضر أنا هجيب بيتزا اجيبلك معايا بيتزا
مى بفرحه :الله أنا بحبها اوووى
باسل بابتسامه :طب الحمدلله عايزاها بطعم اى بقا
مى :اممم فراخ
باسل للجرسون :عايز اتنين بيتزا فراخ
الجرسون : تمام يا فندم ..وبص ليوسف وفريده اللى كانو شبه بيتخانقو
الجرسون :وحضراتكو ؟
يوسف هو بيجز على اسنانه وبيهمس لفريده : بتتت متتعبنيش انجزى هتطفحى اييي
باسل :أهدى يا يوسف مش كداا
يوسف بغل :عمال اقولها تطفحى اي تطفحى اي مش راضيه تتنيل تقووول
فريده. وهى بتبص ل باسل : طيب بالله عليك دى طريقه معامله عمال يعاملنى كدا من ساعه ما نزلت ..وبصت ليوسف هو بتكمل كلامها هو فى يكون عازم حد يقوله تطفح ايي وبالطريقة دي
باسل : لا طبعا مينفعش ..وبص ليوسف :يوسف أهدى كدا اومال احنا جايين نخرج وننبسط مش نتنكد
يوسف :هوووف طيب هتاكلى اييي هاا كدا حلوو
فريده : مش واكله حاجه يا يوسف
يوسف بصوت عالى :يابتتت متجنينييييش
باسل للجرسون :طيب لوسمحت اتفضل انت دلوقتي هات الطلبين دول وانا هبلغك بالباقى لحد ما يستقرو على حاجه
الجرسون بتفهم: تمام يا فندم مفيش مشكله ..ومشى
باسل ليوسف : يوسف ممكن تهدى وتوطى صوتك احنا فى مكان عام مينفعش كدا وانتى يا فريده لوسمحت اطلبى اللى انت عايزاه ومعلش هو متضايق من تأخيرك بس دلوقتي اطلبى حاجه وخلينا نخلص من جعيره لحسن دا لو قام مش هنعرف نحوشه
يوسف :يا سلااام يا اخويا ليه شايف طور قدامك
باسل : لا لا مين قال كدا دا انت سكر يالاه خالص
يوسف :والله مش ناقصك انت كمان
باسل : يوسف لوسمحت اطلب حاجه ليك و لخطيبتك ويلا عشان ناكل كلنا سوا
يوسف و هو بيبص ل فريده : هاا هتاكلى ايه
فريده بغيظ :اى حاجه
يوسف : اهو هتشلنى بقااا يا بنتى شوفى عايزه تاكلى اي
فريده : اى حاجه يا يوسف
يوسف :تمااااام انتى اللى قولتى اى حاجه
فريده بتسرع: خلاص خلاص هاكل كريب
يوسف بابتسامه: ما كان من الاول ..ونده على الجرسون
يوسف : لو سمحت عايز اتنين كريب شاورما فراخ
الجرسون : تحت امرك يا فندم دقايق وطلبات حضراتكو تكون جاهزه ..ومشى
وكلو كلهم و بعدها راحو ملاهى واتفسحو وأتصورو كتيير وعدى اليوم على خير وكان فى غايه الروعه و كل واحد روح بيته
ليأتى يوم جديد ..
_________________________
فى صباح يوم جديد
فى الڤيلا
فى غرفه مى
مى صحيت من النوم و افتكرت اللى حصل امبارح وابتسمت تلقائياً واتجهت للحمام وخدت دش و لبست لبس بيت مريح واتجهت ل غرفه باسل عشان تطمن عليه
توق توق توق
باسل :....
مى : باسل اصحى
توق توق توق
باسل :.....لا رد
مى فتحت الباب بهدوء و بصت جوه ملقتهوش فضلت تدور فى الغرفه كلها ملقتهوش ..نزلت جرى على تحت وهى بتدور عليه وبتسأل رباب
مى بقلق :رباب مشوفتيش باسل
رباب بقلق وتوتر : هو هو مقالكيش
مى قلقت اكتر وحست أن رباب مخبيه حاجه عليها
مى بقلق :مقاليش اي يا رباب باسل فييين
رباب :بصراحه كدا يا بنتى هو نزل النهارده الفجر عشان عنده مهمه بس متقلقيش بسيطه يعنى وجاى
مى قلبها وجعها وافتكرت اخر مهمه كان فيها وأصابه كتفه و وقعت على الأرض
رباب بصدمه : مييييى !!
ملحوظه* دا اخر بارت هنزله لحد ما الاقى تفاعل يشجعنى انزل تانى 😥
روايه
مراهقه أوقعتني في حبها
البارت ال 20
بقلمى أمل احمد🖊️
فى الڤيلا
رباب بصدمه :ميييي !!
وبدأت تهز فيها بالراحه و هى خايفه عليها
رباب بخوف : مى مى قومى يا حبيبتى متقلقنيش عليكى مى فوقى يا حبيبتى عشان خاطري ..ومش عارفه تتصرف معاها ازاى بدأت تنده على الحرس عشان يساعدوها : يا حراااااس تعالوا ساعدونييى
جه واحد من الحرس جرى على صوت رباب العالى والمقلق
الحارس بقلق :فى اي و مالها مى هانم واقعه كدا لييه
رباب بخوف :معرفششش اغم عليها أنا خايفه ساااعدنى اعملها ايي
الحارس بحكمه : طيب روحى بسرعه هاتى برفان قوى
رباب بسرعه قااامت و جابت البرفان
رباب :اتفضل اهو
الحارس مسك ازازه البرفان و رش ناحية أنفها كذا مره من غير ما يلمسها لحد ما بدأت تفوق
الحارس بتنهيده :هى هتفوق دلوقتي خليكى معاها وخلى بالك منها كويس وخليها تاكل حاجه عشان ميغماش عليها تانى
رباب :حاضر حاضر
مى وهى بتفتح عينيها بصعوبة وماسكه دماغها بتعب : بااسل باسل
رباب : أهدى يا حبيبتى باسل بخير
مى بتركيز وهى بتتوجع : اااه رباب ! هو أي اللى حصلى وباسل فين
رباب :مفيش حاجه يا حبيبتى انتى كويسه وباسل كمان كويس و زمانه جاى من المهمه بتاعته وبعدين عايزاكى تجمدى كدا و تهدى هو زمانه بخير أن شاء الله متقلقيش
مى باستيعاب ما حدث قبل قليل :أنا عايزه اطمن عليه بالله عليكى
رباب : مش هينفع يا حبيبتى هو دلوقتى فى مهمته ومش هيعرف يرد عليكى تلاقيه سايب فونه فى اى حتى ومش معاه
مى زاد قلقها وخوفها عليه هى بالرغم من أنها مش متأكده أنه بتحبه أو مجرد اعجاب باهتمامه ليها ..وقطع خوفها وسرحانها صوت عم محمود من الخارج
عم محمود : اتفضل اتفضل يا باسل بيه حمدالله على سلامتك
مى اول ما سمعته قامت جري فى وسط ذهول رباب من مى اللى كان مغمى عليها من شويه ..مى جريت بلهفه على باسل الى كان مرسوم ابتسامه على وشه و مفيهوش اي حاجه و كان داخل يدور بعينه على مى
واول ما شافها بتجرى عليها فتحلها أيده وخدها فى حضنه وهو بيقولها
باسل بلهفه وهو بيحضنها :ميوووووووش حبيب قلبيييى
مى وهى بتعيط فى حضنه :حرام عليك يا باسل ينفع كدا تروح مهمه من غير ما تقولى وكمان مش حتى متسلمش عليا قبل ما تمشى
باسل وهو بيطبطب عليها :طب أهدى أهدى بس يا حبيبتى أنا بخير ومعاكى اهوو بطلى عياط ..وهمس فى ودنها : وبعدين مينفعش تعيطى قدام كل اللى فى الفيلا كدا يقولوا عليكى اي عبيطه!
مى بغضب طفولى :أنا عبيطه !!
باسل بضحك :لاء هبله
مى :وربنا انت رخم ..وطلعت فوق بغضب طفولى
رباب اتجهت ناحيه باسل : حمدالله على سلامتك يا ابنى
باسل بابتسامه :الله يسلمك يا رباب
رباب بتوتر : مى كانت خايفه عليك اوى و اااه بصراحه كدا هيااه
باسل بقلق :فى اي يا رباب قلقتينى
رباب : اغم عليها اول ما عرفت انك فى مهمه وخافت لا يحصل معاك زى إلى حصل فى اخر مهمه ف اغم عليها ولسه فايقه قبل ما انت تيجى ب ١٠ دقايق تقريبا
باسل بصدمه : ينهار ابيض طب أنا هروح اشوفها لا يجرالها حاجه
رباب :روح يا ابنى ربنا يطمنا عليكو
وطلع باسل جرى ناحيه غرفه مى وخبط عليها
توق توق توق
باسل :ميووش حبيبى ممكن تفتحى
مى بزعل طفولى :لاء يا باسل وامشى عشان أنا متضايقه منك
باسل بخبث :امممم طيب دا انا كدا لازم اصالحك .. وفتح الباب بسرعه ودخل وقفل الباب
مى بخضه :اييي دااااا انت ازاى تفتح الباب كداا وبعدين أنا قولتلك امشى
باسل اتحرك ناحيتها وقرب منها وباسها بسرعه من خدها
مى بكسوف مصحوب بزعل :اعاااا اى اللى انت عملته داا
باسل بخبث :عملت كدا ..وباسها تانى
مى وشها احمر جامد من كتر الكسوف والإحراج
مى وهى بتضربه ضربه خفيفه :اعااا انت قليل الادب اوى على فكره و اوعا كدا أنا زعلانه منك اصلا
باسل بحزن مصطنع :دا بدل ما تقوليلى حمدالله على سلامتك وتعمليلى اكله حلوه من ايديكى الحلوين دول
مى بزعل وهى بتبصله : يا سلام هو انت كنت قولتلى حتى أن انت عندك مهمه النهارده ولا اى حاجه انت حتى مصحتنيش اسلم عليك يا باسل أنا كنت خايفه لاتتصاب ولا لاقدر الله يحصلك حاجه حرام عليك أنا خوفت عليك بجد
باسل بابتسامه وهو بيقرب منها :بجدد خوفتى عليا
مى :يوووه هو انت سبت كل الكلام دا وركزت فى خوفت عليك
باسل بتنهيده :حقك عليا يا مى بس انا والله ما كنتش عايز اصحيكى ولا اقلقك عليا لأنى عارف انها عمليه بسيطه يعنى مش مستاهله وكمان رجعتلك بدرى اهو
مى : لا بس بردو تعرفنى يا باسل بعد كدا حتى لو كانت عمليه بسيطه بالله عليك
باسل وهو بيقبل جبينها :حاضر يا عيون باسل متزعليش بقا
مى حضنته جامد وعيطت وباسل اتفاجئ لكن ضمها ليه وفضل يطبطب عليها ويملس على شعرها وهو بيحاول يهديها
باسل :طيب ليه العياط دلوقتي أنا جمبك اهو
مى بعياط :خو خوفت لا ل يحصل يحصلك حاجه
باسل بحنان و هو بيضمها ليه اكتر :شششششش أهدى أهدى أنا بخير ومعاكى اهو
باسل فضل يهدى فى مى إلى مشاعرها متلغبطه هى حاسه انها فعلاً حبته وباسل إلى كان مبسوط من قربها منه وأنها بتخاف عليه
باسل وهو بيخرجها من حضنه وبيسمح دموعها بأيده : انتى فطرتى بقا ولا لسه؟
مى :لاء لسه
باسل :طيب هطلب من رباب تحضر لنا فطار ونفطر سوا
مى :بس انا مليش نفس اكل
باسل :لاء يا مى لازم تاكلى أنا عرفت انك اغم عليكى من رباب و لازم تاكلى عشان متغماش عليكى تانى وكمان أنا ممكن ألغى المفاجأة
مى : مفاجأة! مفاجأة اي
باسل :لا مش هقول غير أما تاكلى
مى بقله حيله :حاضر هاكل
باسل :شطوره ياروحى ..و رن على رباب وطلب منها تحضر الأكل وتجيبه على غرفه مى
بعد دقايق رباب خبطت وباسل فتحلها وكان محضره اكل لذيذ وشهى جداً باسل خد منها الأكل ورباب نزلت وباسل قدر يقنع مى أنها تأكل وفعلاً كلت مع باسل إلى مرضيش ياكل من غيرها من الصبح ومبقاش يعرف ياكل غير معاها ..
________________________
عند سامى
كان حرفياً ميت من الجوع هو من امبارح ومكلش اى حاجه على حسب تعليمات باسل وكان شبعان ضرب على الاخرر
سامى بتعب وعجرفه :انتوووو يا إلى هنااا
جه على صوته واحد من الحرس
الحارس :عايز ايي
سامى بعجرفه :عايز اكلل اى حاجه همووت يا عم انت
الحارس : للاسف باسل بيه لسه مأمرناش ندخلك اكل لحد دلوقتي
سامى بزعيق :كلمهههه وقوله إنه عايز ياااكل ياعمم انت أنا هموت منكووو و وحيات امى لاهاخد حقى منكوو كلكوو
الحارس :اهى قله ادبك دى هى إلى هتوديك فى داهيه ..وسابه وخرج و قرر أنه يكلم باسل ويقوله على حال سامى ..
___________________
عند رحمه
كانت بقالها كذا يوم مش بتروح المستشفى لدرجه ان المديره رنت عليها وقالت لها لو مجاتش النهارده تعتبر نفسها مرفوده وبالرغم من أنها كانت خايفه تنزل عشان متشوفش سامى أو تحصل مشكله لكنها قررت تنزل وتتوكل على الله وبلغت باباها ومامتها وبالفعل نزلت المستشفى وبدأت شغلها عادى
______________________
فى الڤيلا
اثناء ما باسل كان بياكل فونه رن وكان واحد من حرسه
مى : مين يا باسل
باسل بخبث : دي واحده صحبتى
مى بغيره : صحبتك ازاى يعنى هو انت بتكلم بنات ؟
باسل بضحكه خبث :مش انا إلى بكلم هما إلى بيكلمونى وانا مبحبش اكسر خاطرهم
مى بضيق وغيره : يا حنيييين ..وقامت وقفت وهى بتخبط بايديها على طرابيزه السفره و باين على ملامحها الغضب : طيب اسيبك بقا تتكلم معاها براحتك ..
باسل بضحك :استنى بس أهدى راحه فين انتى مكملتيش اكل
مى بضيق :مش عاااايزه اكللل نفسى اتسدتتتت ..وكانت هتخرج من الاوضه لكن باسل قام بسرعه ومسكها من ايديها و بيضحك جامد على عصبيتها وهو فرحان اووى من غيرتها عليه
باسل بضحك :طيب استنى بس راحه فين
مى بضيق وعصبيه :اوعى سيبنى انزل عشان تعرف تكلمها و انت بتضحكك على ايييه اي الاستفزاز دااا
باسل :طيب انتى لو استنيتى هتعرفى أن مش صحبتى إلى بترن
مى : اومال مين
باسل :دا كريم واحد من رجالتى أهدى بقا أنا بس حبيت اغيظك مش اكتر
مى ببردو :لا والله وانا المفروض اصدق
باسل :براحتك عايزه تصدقى صدقى مش عايزه خلاص وتعالى يلا كملى اكل
مى بغيز من بروده : مش هاكل ومش عايزه
باسل :طب متعانديش قصادى يا مى عشان هزعلك
مى حابت تعند اكتر معاه وتحرق دمه
مى ببردو : مش واكله والى عندك اعمله
باسل بخبث :اممم يعنى دا اخر كلام
مى بتحدى وهى بتربع ايديها :اه اخر كلام
باسل بخبث : انتى إلى جبتيه لنفسك ..و فجأة شالها بين ذراعه و مى كانت لسه هتصرخ لكنه حط أيده على بوقها وهو بيقولها بخبث
باسل :اقسم بالله لو صوتك طلع لازعلك يا مى
مى كانت مصدومه من رد فعله واتوترت جداً وفعلاً سكتت ومصرختش
باسل شال أيده من على بوقها وخرج وهو شايلها من غرفتها واتجه بيها لغرفته و اتجه ناحيه سريره وحطها عليه تحت صدمه مى وخوفها
باسل بخبث :ما اسمعش صوتك لحد ما اجى
مى هزت راسها بسرعه بالموافقه من كتر الخوف والتوتر
وباسل قام واتجه ناحيه الباب وخرج من الغرفه
مى بارتياح : الحمدلله أنه خرج بس اى إلى خلاه يجبنى اوضته يعنى أنا هقوم والى يحصل يحصل وكانت بالفعل هتقوم لكن قاطعها باسل وبيفتح الباب ودخل وقفل وراه ومى لما شافته داخل خافت و رجعت فى كلامها وباسل اتجه ناحيتها وكان ماسك صينيه الأكل وهو بيقولها
باسل : يلا اقعدى كملى أكلك
مى وقررت العناد من تانى : ولو قولت لاء هتعمل ايه
باسل بضحكه خبث :بجد عايزه تعرفى هعمل اي
مى :امممم
باسل :تمام تعالى معايا ..ومسكها من ايديها واتجه ناحيه الدولاب وفتح درفه من درف الدولاب و مى اول ما شافتها شهقت بصدمه وإحراج (الدرفه كانت مليانه بقمصان نوم جريئه جداً )
مى بصدمه : الحاجات دى بتعمل اي فى دولابك يا صااايع
باسل بضحكه خبث وبيهز حواجبه: دى عشانك يا قطه
مى برقت عينيها بصدمه :عشان مييييين باسل انت بتقول اييي
باسل و هو بيقرب منها وبهمس :لو مكالتيش هختارلك قميص من دول تنامى بيه معايا النهارده
باسل انحرف يا جماعه🙂
مى حطت ايديها على بوقها واتصدمت من جرأته و وشها احمر من كتر الإحراج
مى بخجل شديد :باااسل اى إلى أنت بتقوله داا عيب كدا احترم نفسك
باسل تجاهل كلامها وقرب منها اكتر ومى كانت ضربات قلبها بتزيد اكترر
باسل بخبث :ها اختارتى اي ياميووش
مى بسرعه جريت على صينية الأكل وبدأت تاكل بسرعه جداً وباسل فضل يضحك عليها
وبيراقبها بحب وهى بتاكل و فونه رن تانى من كريم باسل بص للفون وبعدها بص ل مى وقالها :مى هروح ارد على كريم وارجع الاقى الأكل كله خلصان ولو مخلصش اظن انتى عارفه اى إلى هيحصل و غمزلها ودخل البلاكونه إلى فى غرفته
مى لنفسها :وربنا ما اتربى ربع ساعه
باسل من البلاكونه : ولا خمس دقايق حتى يا روحى
مى شهقت بصدمه أنه سامعه وكملت اكل وهى بتضحك عليه وباسل رد على كريم
باسل :الو
كريم : الو يا باسل بيه
باسل :خير يا كريم في أيه عمال ترن ليه
كريم : سامى يا باسل بيه كل شويه يزعق بعلو صوتو
باسل : بيزعق ليه الحيوان دا
كريم : عايز ياكل وحضرتك ما أمرتناش ندخله اكل لحد دلوقتي
باسل :اممم جعااان ..طيب متدخلهوش اى اكل دخله مياه بس وأنا جاى مسافه الطريق سلام
كريم :تمام يا فندم
باسل قفل مع كريم ودخل الغرفه وكانت مى بوقها مليان اكل باسل ضحك على منظرها وهو بيقولها
باسل :شطوره يا ميوش بتسمعى الكلام
مى بغيظ :ادينى كلت اهو فين المفاجأة إلى قولتلى عليها
باسل :هههه طيب قومى البسى
مى بفرحه :الله هنخرج
باسل بفرحه لفرحتها :اه يا حبيبتي هنخرج يلا قومى البسى
مى بحماس :من عنيا حالاً اكون جاهزه
وراحت لغرفتها ولبست دريس رقيق جداً اوف وايت منقوش ب اشكال فراوله وكوتشى ابيض و فى نفس الوقت باسل كان جهز وكان لابس تيشرت اوف وايت وبنطلون اسود وكوتشى ابيض ..خلص لبس واتجه لغرفه مى وخبط عليها
باسل :ميوش خلصتى
مى :ادخل يا باسل
باسل فتح الباب ودخل و مى كانت بتسرح شعرها باسل جه من وراها وحضنها من ظهرها وهو بيقولها
باسل :اى القمر دا والله أنا مش مصدق أن القمر دا بتاعى لوحدى
مى بابتسامه كسوف :تسلم يا سولى
باسل وهو بيضم حواجبه وبيلفها ليه : سولى ! أنا الرائد باسل مكرم يتقالى سولى
مى بدلع : اه أنا بقوله سولى عندك مانع
باسل بحب :انتى تقولى الى انتى عايزاه يا قلب سولى
مى ضحكت من كتر الخجل وهى مبسوطه من طريقته الحنينه معاها و معاملته الطيبه ليها
مى :احم طيب سيبنى اسرح شعرى بقا عشان ننزل
باسل :اممم بس انا بحب ميوش قلبى محدش يشوف شعرها غيرى ونفسى تداري شعرها ويبان ليا أنا بس
مى : عايزنى اتحجب ؟
باسل : امممم بس طبعا يكون على اقتناع و بإرادتك بس مينفعش تفضلى اكتر من كدا مش محجبه يا حبيبي
مى بتفكير : امممم وانا موافقه وكمان هو فرض وانا كنت عايزه والله اتحجب من زمان بس كنت خايفه اخد الخطوه دى
باسل بفرحه :وانا معاكى وهشجعك تلبسيه
مى :بجد ربنا يخليك ليا يا باسل انت فعلاً زوج صالح
باسل وهو بيقبلها من جبهتها : ويخليكي ليا يا اجمل واحلى ميوش
مى :طيب أنا معنديش طرح اعمل ايه
باسل :عيييب و هى دى حاجة تفوتنى ..و مسك فونه ورن على رباب
باسل :رباب طلعى الحاجة..وقفل
مى باستغراب : حاجه اي يا باسل
باسل : هتشوفى دلوقتي
و الباب خبط وكانت رباب ..باسل فتح لها الباب و خد منها كرتونه مغلفه بشكل جميل وشكرها و رباب نزلت
مى : اى الكرتونه دى يا باسل
باسل :افتحيها يا قلب باسل
مى فتحت الكرتونه وكانت مليانه ب طرح اشكال والوان مختلفه
مى بفرحه : ينهار ابيض انت عامل حسابك كمان وجبتلى طرح
باسل :اه منا جبتلك كل دول لأنى كنت عارف ان ميوش قلبى بتسمع كلام ربنا وكلامى وكنت متأكد انك هتوافقى على القرار دا
مى بصلته بفرحه و هى مبسوطه منه وأنه فعلاً بيحبها وعايزها ترضى ربنا وكمان غيرته عليها أنه مش عايز حد يشوفها بشعرها غيره
مى بفرحه : أنا مبسوطه اووى بجد مش عارفه اقولك اي ربنا يخليك ليا بجدد
باسل :متقوليش حاجه يا حبيبى انا اهم حاجه عندى انى اشوفك مبسوطه المهم الطرح عجبوكى
مى :دول تحفههه بجد وكتيير اوى ماشاءالله
باسل : مفيش حاجه تكتر عليكى يا حبيبي..يلا بقا البسى طرحه تليق على الطقم القمر دا عشان ننزل
مى : حاضر
واختارت طرحه بلون الفراوله إلى فى الدريس ولفتها بطريقه حلوه جداً هى كانت متعلمه زمان ازاى تلف طرح وكان شكلها رقيق اوى
مى بحماس :باسل اي رأيك
باسل بذهول : ماشاءالله تبارك الرحمن اى الحلاوه دييي يخربيتك أنا بلبسهولك عشان تدارى جمالك يزيد اكتر
مى بفرحه :ههه حبيبى يا سولى يلا بقا ننزل
باسل : يلا يا قلب سولى
و نزلوا مع بعض وكان شكلهم عسل حرفياً
رباب :بسم الله ماشاءالله مبروك يا حبيبتى شكلك زى القمر الله اكبر
مى بفرحه : تسلميلي يا ربوبه
رباب :ربنا يثبتك ويحفظك يارب
مى :أنا وانتى يارب يا احلى رباب فى الدنيا
باسل بابتسامه : رباب اتفضلى
رباب : اى دا يا باسل بيه
باسل :دى هديه منى ليكى انتى ست طيبه وتستاهلى كل خير
(الهديه هى شيك ب نص مليون جنيه)
رباب :بس دا كتير اوى يا باسل بيه أنا فرحتكو عندى بالدنيا والله وبعدين انت راجل محترم وشايلنى طول السنين اللى فاتت وخيرك مغرقنى
باسل :دا واجب عليا يا حبيبتى وبعدين بلاش باسل بيه دى أنا زى ابنك
رباب :ربنا يخليك لينا ..حاضر يا ابنى
باسل :أنا هروح مشوار أنا ومى ولما اجى هرن عليكى تحضرى الأكل
رباب :تروحو وترجعو بالسلامه يارب ربنا يسعدكو .. وخرجوا من الڤيلا
________________________
عند يوسف
وائل اخو يوسف : يوسفففففف
يوسف :عايز اى يا جحش انت
وائل :ياعم احترم اهلى مره واحده
يوسف :اخلص ياض عايز اي
وائل : انت عارف ان انت أجدع واحسن وافضل ..قاطعه يوسف بملل :ريح نفسك مفيش فلوس
وائل :اى يسطا دا انت دايما فاهمنى صح كدا
يوسف :اه قدرى الاسود بقا عايز فلوس ليه ياض وبعدين أنت مش لسه واخد ٢٠٠جنيه الأسبوع إلى فات
وائل : يااااه دا الاسبوع إلى فاااااات هيفضلو معايا انت بتهزر يا چو وبعدين الحاجة غليت
يوسف :ما تحوش يا اخويا هو انت مش راجل وبعدين حاجه اى إلى غليت ...ومسكه من هدومه بمرح وهو بيقوله : انت بتحشش من ورايا ياض
وائل :هههه احشش اى بس يا چو انت عارف الحته بقت بكام دلوقتي
يوسف :وانت تعرف منين يا حيلتها أن شاء الله
وائل :هااه ابدا دا اناااه بسألك يعنى
يوسف :امممم مش مرتاحلك ياض
وائل :احم طيب سيب التيشيرت يسطا عشان هيبوظ وهتضطر تشتريلى واحد جديد
يوسف :اه دا انت متلكك بقا امشى ياض من هنا عشان هنرش مياه
وائل :كدا يا صاحبى يعنى مش هتروق عليا ب خمسينايه حتى
يوسف :انت هتنجر من هنا ولا اقوملك
وائل :احم وعلى ايه خليك مكانك يا حبيبى ..وهمس بصوت واطي :دا انت غبى فى ضربك
يوسف وهو بيرمى الريموت عليه :طب يلا غور بدل ما اطلع غبائى عليك ع الصبح
وائل جرى وهو بيضحك
وائل :طيب انا نازل عايز حاجه
يوسف :رايح فين
وائل :هخرج شويه مع أصحابى
يوسف :يا ابنى نفسى اشوفك مره بتذاكر
وائل :وربنا لسه مخلص مذاكره ومتفق معاهم انى هخرج دلوقتي
يوسف :ماشى هحاول اصدقك أخرج وخلى بالك من نفسك ومتتأخرش
وائل : متقلقشش
وائل كان بيفتح الباب عشان يخرج
يوسف وهو بيطلع محفظته :وائل تعالى هاتلى كوبايه مياه قبل ما تنزل
وائل :ياعم هو انت مكسح ما تقوم تجيب لنفسك
يوسف : تصدق بالله أنا غلطان انى كنت هديلك حاجه
وائل بسرعه :اى دا انت كنت هتدينى فلووس
يوسف :وانت قطعت برزقك غور بقا اشحت من صحابك
وائل بمرح :احم والله طول عمرى اقول عليك جدع وطيب حقك عليا يسطا
يوسف : لاء و يلا امشى عشان متتأخرش
وائل بصوت بنت :أنا بهزر يا رمضان انت مبتهزرشش
يوسف وهو بيضربه فى كتفه :لا يا اختى بهزرر ..و طلع من المحفظه ١٠٠ج وادهالو
وائل وهو بيمسك الفلوس : اى كل دا يسطا ٥٠ كفايه
يوسف :خليها معاك أنا مرضاش اخويا يبقى أقل من حد وحاول بردو متبذرش
وائل حضن يوسف و يوسف ضمه ليه هو يعتبر أبوه وأخوه بعد موت والده وبيحاول يخليه مش محتاج حاجه وميحسش أنه أقل من حد
يوسف و هو بيطبطب على ظهره: اى حاجه تحتاجها قولى عليها
وائل :ربنا يخليك ليا وميحرمنيش منك ابدا يا اخويا
وخرج وائل ويوسف جهز عشان يروح القسم ..
_________________________
عند باسل ومى
كانو فى العربيه
مى :باسل هو احنا هنروح فين
باسل :هنروح المكان إلى تحبيه بس الاول هنروح مشوار مهم
مى بفضول :مشوار ايه
باسل :هتعرفى أما نوصل وعلى فكره المشوار دا المفاجأة
مى بحماس :بجدد أنا متحمسه اووى
باسل :هههه طب يلا عشان وصلنا ..ونزلوا من العربيه وكانو قدام المخزن إلى فيه سامى
مى باستغراب :باسل احنا فين وايه المكان دا
باسل مسك ايديها
باسل :هتعرفى كل حاجه دلوقتي تعالى ..و دخلوا المخزن إلى كان مليان بالحرس
كريم : اهلا باسل بيه
باسل : اديتولو مياه
كريم :اه زى ما حضرتك أمرت
باسل :تمااام اوى
مى مسكت فى باسل جامد وبدأت تخاف
مى بهمس :باسل هو احنا فين واى كل الحرس دول ومين دا إلى بتسأله اديتوه مياه ولا لاء أنا خايفه هو انت خاطفنى؟!
باسل بابتسامه :خاطفك اي بس دا انتى إلى خطفتى قلبى من ساعه ما شوفتك تعالى بس وهتفهمى كل حاجه ..و دخل بيها للمكان إلى فيه سامى و مى اول ما شافته ...
_________________________
عند فريده
كانت قاعده فى الصالون مع اهلها و كانت بتتفرج على فيلم رعب
أسماء من المطبخ :انتى يا نيله
فريده باندماج مع الفيلم :نعم يا مامااا
أسماء :تعالى ساعديني فى اي حاجه
فريده :يا ماما مالقتيش غير دلوقتي وتقوليلى اساعدك أنا مندمجه مع الفيلم واستنى بقا عشان لوكاس شاف الشبح
أسماء :شبح أما يطلعلك يا بعيده
وفى نفس الوقت جت مسدچ لفون فريده
فريده و هى متأثرة بالفيلم :اوووف ...اعااااا ..يا ابنى اقتله وانجززز ..وفى اللحظه دى جه إعلان
فريده بعصبية : يحرق الاعلانات والى جابوها ..وبصت على المسدچ إلى جاتلها وكان مكتوب فيها
(يوسف بيخونك فاعل خير..)
فريده قرأت المسدچ وكان قلبها بيدق جامد و اتصدمت من الرساله و قررت ترن على الرقم إلى باعتلها الرساله دى لكنه غير متاح حاولت كتير لكنه بردو غير متاح .. استغربت جداً وكانت هتتجنن وتعرف مين الى باعتلها الرساله ويعرفها منين
قررت تقول ل مامتها وبعدها افتكرت أنها ممكن تقول لى باباها وهى مش عايزه باباها يعرف لانه مش بيقبل يوسف وبعد تفكير كتير قررت انها تنسى الرساله ومسحتها ومسحت الرقم بعد ما خدتها اسكرين شوت احتياطي ..وتفكيرها كان شغال على مين الى يفكر يعمل كدا وأنها واثقه فى يوسف ومتأكده أنه بيحبها..
______________________
فى المخزن
مى بصدمه : انت !!
سامى رفع عينه عليهم واستغرب أن باسل جاب مى معاه
باسل قرب من سامى وهو بيقول :هاه اى رأيك يا حبيبتي فى المفاجأة الحلوه دى .. وضربه بالقلم ضربه قويه لدرجه انه نزف
ومى حطت ايديها على بوقها من الصدمه وكانت مستغربه جداً وخايفه من أفعال باسل الغريبه
ومنظر سامى
مى بخوف :ب باسل انت انت جبته هنا ازاى
باسل :مش مهم ازاى أنا جبته هنا عشان تشوفى منظره و هو هيموت وياكل يا حبه عينى ..وبص لسامى بغضب
: اهو منظرك دا بيبقى أشبه بحال البنات إلى بتعمل فيهم أفعالك القذره إلى بتخلى بيها البنت مكسوره ومدبوحه بمعنى الكلمه مجربتش مره تفكر قبل ما تدمر بنت أن ربنا هيردهولك فى مراتك والى ممكن تكون متجوزها بعد ما حبيت بجد او اختك او بنتك ومش بعيد يحصلهم كدا كلهمم ساعتها هيبقى اى موقفك هااا هتبقى استفدت ايييييه ! ..وضربه بقوه
مى بعياط و هى بتحاول تبعده عن سامى :خلاص يا باسل أهدى هيموت فى ايدك
باسل بعصبية :اوعييييى إلى زى الحيواان دا يستاهل الموت ميت مره
سامى كان كلام باسل بينزل عليه زى الخنجر وحاس أد ايه هو كان قذر ويستاهل الى بيحصل فيه و بالرغم من المه لكنه كان حاسس انه محتاج حد يفوقه عن إلى بيعمله
مى بعياط اكتر وخوف :عشان خاطري أهدى خلاص هيموت فى ايدك و هترتكب جريمه على واحد ميستاهلش
باسل لما شاف عياط مى وخوفها هدى وحاول يمسك نفسه عشانها وخدها فى حضنه و هو بيطبطب عليها ومى كانت باصه لسامى ومنظره صعب عليها
سامى بتعب وهو تقريباً مش قادر يتكلم :وحيات امى لاوريك
باسل خرج مى من حضنه واتجه ناحيه سامى
باسل : اممممم طب تعالى بقا نشوف مين الى هيورى التااانى يا حيلتها كرييييييم
كريم دخل بسرعه على صوت باسل
باسل :اربطولى الحيوان دا كويس وابعتوه على القسم وحطه فى الحجز لحد ما يتحقق معاه
كريم :أوامرك يا باسل بيه
وبالفعل تم إلى باسل أمر بيه وباسل كلم يوسف وحكاله على كل حاجه وطلب منه مسك هو قضيه سامى وخرج هو ومى من المخزن وركبو العربية
مى :باسل أنا بجد بشكرك على كل حاجه عملتها معايا
باسل :دا واجبى يا مي كان لازم اعمل كدا عشان اردلك حقك وحق صاحبتك وحق كل بنت وقعت في ايد الحيوان دا
مى بصتله بفرحه وكانت مبسوطه اوى
باسل : ها يا قلبى عايزه تروحى فين
مى : اى حته
باسل : اى رأيك نروح مول
مى :الله أنا بحب المولات جدا
باسل :خلاص اشطا هوديكى مول هيعجبك اووى
وفعلاً رواحو مول و اشتروا حاجات كتير وكانو مبسوطين جداً وعدى اليوم عليهم بسلام
______________________
عند فريده
فريده لنفسها :غريبه يوسف مكلمنيش خالص النهارده يمكن الرساله الى اتبعتتلى دى صح ولا اي ..لا يافريده لا استحاله يوسف يكون بيخونك ..بس هو مكلمنيش خالص النهارده ياربي اعمل ايييه أنا هرن عليه وأشوف
وفريده فعلاً رنت عليه و هو كنسل عليها
فريده بضيق :دا بيكنسل عليا.. يبقا معاااهااا اعاااا يوسف بيخوني والله لا ارن عليك تانى يا يوسف الكلب
وبالفعل رنت عليه تانى و رد لكن كان صوت راجل تانى
الراجل :ايوه يا انسه فريده
فريده :مين حضرتك هو مش دا فون يوسف
الراجل :ايوه تلفون يوسف وانا العسكرى إلى واقف على مكتب يوسف بيه بس هو مشغول دلوقتي
فريده :مشغول ! وحتى لو مشغول مش معاه الفون بتاعه ليه
العسكرى :مش عارف والله هو معاه واحده جوا و طلب منى اخد التلفون ومدخلوش غير أما يطلب منى
فريده بصدمه :واحدههههه!!
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق