رواية لقاء واحد يكفي الفصل الثالث والرابع بقلم غدير وسام حصريه وجديده على مدونة النجم المتوهج
رواية لقاء واحد يكفي البارت الثالث والرابع بقلم غدير وسام حصريه وجديده على مدونة النجم المتوهج
 |
أعاتب ليش ؟
و آنه ادريك ما تفهم
حچي عيوني
💚 🦋 🦋 ✨ ✨ ✨ ✨ ،
الف مبروك
... على شنو تبارك مافهمت كالت روحي ارتاحي اني اسويلكم ريوك مال عرسان
ياااا شبيها اليوم عمه
لحكته انت شكلتها
انور.. ولاشي شتسالج كولي تمام زين اذا سمعت مخالفه الحجيته الها بكلمه ازعل
غير افتهم شكايل
كتلها على زواجنه تم غير
شنو يعني
يعني خذتج
باوعتله مفتهمت
.. انور باعي عيني كولي اني خذتج البارحه يعني تممت زواجنه بس شويه انتي ضجتي وطلعتي من الغرفه
باسني وكرص خدي انتي مو تكولين هذا الشي ميغيرني ولايهمج
اي صح
هذا هو خليني اكلهم كلشي تمام حتى ارتاح
كيفك
رحت لعمه اساعدها. جانت طايره ردت افتهم منها احجيلها شصار بس ماحبيت اكسر فرحتها وسكتت
هواي ايام مرت وراها بدت مرحلة نريد طفل عمه تلح وانور ميقبل تاخذني دكتوره كامت تكلي لحي عليه ومن اسكت تزعل مني وهو يكلي معليج ويصيح عليه صرت بينهم من غير كلام خواته ومرت اخو... تجي تتموع يمي يمكن اني حامل
باوعتلها كتلها ان شاء الله
فتت جانو كل فتره يجمعون ويتصلون باخو المسافر حتى يشوفهم كلهم بس اني ابتعد لان اشوف الحيه هم توخر
انور فات يضحك وين اختفيتي بسام راد يشوفج
ليش
كال يكولون مرتك حلوه وينها
هههه خلف الله عليه
جرني لحضنه ليش انتي مو حلوه
مممم شتكول انت
تخبلين انتي مو بس شكل لا داخلج هم حلو
ضحكت بخجل
والله
انتي شايفه بسام
لا مرات عمه تكول اشوفج الالبومات وتنسه
كام جاب البومين صغار وكال
تعاي
كعدني بحضنه بين رجلي وكام يكلب صورهم من صغار لحد مكبرو
شوفني شاب مرتب ضخم وحلو حنطاوي بحمار ميشبهم ابد بس عيونه عسليه على عمه عنده لحيه مو مثل انور وجهة قليل الشعر بي وابيض حيل اخو انيق بكل الصور
تقريبا لابس قاط ... سالته
هذا بسام
اممم حلو..
اي بسام احلى مني واضخم مرتب
الله يحفظه
انطانياهن رجعتهن ونمت يمه
سولفنه هواي عن طفولتهم وصباهم ضحكت على سوالفه
خليت ايدي على خده.. تحسر وباوعلي. سالني..
تحبيني
سكتت مرات اني احسه ابني او شخص محتاجني مادري اذا كان الي بداخلي اله حب او حاجه من الطرفين هو واني.. نحتاج بعض
صفنتي
ابتسمت. اموت عليك
حضني َنام صفنت باهلي قليل جنت ازورهم وهمه هم مرات كلبي كلش يطك اتصل بس ماحس اكو لهفه اسئلتهم تكون روتينيه َرفع عتب هواي ليالي ابجي من اكعد وحدي من اشوف عمه تتصل بناتها باليوم ٣ و٤مرات. وتفكر بيهن وتفتقد الي متجي ومتتصل اكول ليش امي مو مثلها لو ابويه مو مثل عمو الي كل وحده يشيللها مصرف ولجهالها ومن يكعد على الوجبه سال عمه فلانه شونها فلانه شسوت يعرف كل اخبارهن ويتابعهن بكلشي
عشت عدهم راح يصير سنه ونص يمكن على عدد الاصابع رايحه لاهلي وابد ماتذكر اتصلو. بيه
هالفتره عمه كلش فرحت لان بسام راح يجيهم زياره بيوم رجعته خواته والكرايب التمو عدنه واني التعب كله براسي ركضت بيومها ركض مصاير. خوب من طب وصارت لخه عليه الي مجاي اجه سلمو عليه الكل بس اني خلصتها بين المطبخ والبيت اقدم واغسل وارتب وارحب
بكرابتهم من يفوتون خواته وعمه كابلنه وكعدن اني هم كلت حقهن الحيه ساره شكو كاعده شويه و اجو اهلها وياهم اختها الكالو خاطبيها اله بس كبل اجت يمي وايد بايد وياي معافتني ترحمت على اهلها ارتاحيت شويه لليل شويه خفت عليه بقت بس الجايات..
فاتت عمه شافتني كالت يا ماما بقيتي وحدج صاحت ولجن بنات هاي البنيه ماتت من الصبح ولهسه.. طلع ولد وراها ضخم كلش وطويل. يخوف يضحك ها يوم شبيج منو الباقيه وحدها وخفتي عليها
كلتله هااااا والتفتت عليه مرتبكه بس علمود مرت اخوك وحدها.. فات للمطبخ صفن عليه والضحكة راحت... ضيق عيونه عليه. واشر مرت انور انتي
ظل ينقل نظره بيني وبين امه
هي هاي مرت انور يوووم
هي سكتت وتباوع عليه حسيت ارتبكت حيل ماعرف ليش.
ابتسمت
الحمد لله على السلامة
سكت دنك وشال راسه تحسر كال الله يسلمج
مرام مو
اي اني مرام..
رجع غمض عينه تحسر مثل الي خزر عمه وطلع
اني هم كعدت جنت مجدده جاي منتظرته يهدر صبيت ولحكتهم
جان كاعد على التخم بنص اهله وانور يمهم قدمتلهم وكعدت يم انور جان مدنك ولازم راسه من فتت
باوع كال ماكو شي بالطريق
انور لا بعد و اسكت يمعود لاتذكر امي
ماناسيه اني بس ساكته بمزاجي تره مو كلمن بكيفه انت تراجع على طفل ماسكت بعد.. التفتت لبسام. وانت ازوجك
ابتسم ودنك. كلها خلص بعد متفرق عندي وانتي تعرفين كلش زين ليش يمه .... يله من رخصتكم انام
اي يوم حضرتلك مرام غرفتك روح نام
باوعلي كال مشكوره تعبتج هواي اليوم.
تدلل.
باوعلي ابتسم. دنك هز راسه تحسر. من فات من يمي
صعد لغرفته احنه كملنه كعدتنه وبعدين الكل تفرق جم يوم جان البيت مايهدا خطار واصدقاء بسام
لحد فتره يله البيت هدا وارتاحيت
بيوم اسوي غدا فات بسام ستوه كاعد خله القوري على النار وطلع الطاوه
كتله اسويلك ريوك باوعليذصفن بوجهي وبعدين دنك. وكال
لا شكرا اني اسوي متعود اخدم نفسي بنفسي
هاي هناك هسه انت يمنه ولازم ندللك
باوعلي ابتسم. و راح كعد كال
ماردج انتي كريمه واحنه نستاهل هههه
سويتله ريوك. وخليته
احم... شون تعرفتو انتي وانور
يعني زواج تقليدي
هاااا.!! اهلج اشو ماشفتهم
ارتبكت شاكله. جاوبته جذب
لا جوي بس جنت مموجود
صدك حرامات جنت حاب اتعرف عليهم انتو وين ساكنين
ب.....
يعني مولوده ب..
لا انتقلنه قبل زواجي
وين جنتو قبلها
يعني هواي مناطق اتنقلنه منها ليش
لا اسال هيج فضول
هااا.. محتاج شي لو اكمل شغلي
لا اخذي راحتج بس سؤال
تفضل.
اهلي هم حجولج اني ليش سافرت
لا
ابد ماسالتي
لا يعني الي يسافر لازم يكون بسبب وحتى اذا اكو ماعتقد يخصني
هم صح
ليش
شنو ليش
سافرت
هههه فضولج متاخر شويه اكلح انهههه فضولج متاخر شويه اكلح انتي عدج حالة نسيان
لا ليش
متاكده
اي
ههههه ضحك بمراره مبينه بصوته وجهة. وكمل. كلامه....ماعتقد راجعي طبيب تره عدج زهايمر مبكر
عافني وطلع صفنت شبي بس عمه كالت هو يحب يحشش يصنف
وره فتره رجع سافر حسب كلامهم قبل لاتخلص الفتره الي جان المفروض يبقه بيها بس استعجل ورجع لشغله.
عمه خذت فتره ضايجه عليه ونووب رجعت طبيعيه
بسام َ كام كل ميتصل يسال عليه ويحجي ويايه من يدزلهم هدايا يدزلي الحيه كالت صار سنين ماذكرني شمعنه انتي كام يدزلج هدايا....
عمه كلتلها شالته بالصلوات من اجه لبسه غرفته اكله حتى كلما يتصل يكول خربتو اخلاقي تعلمت على الدلال
انور من بعد ذيج الليله الي كال خذتج بيها ماتقرب غير حضن بوسه ينام عندي. بس احسه هالفتره تعبان عمه كالت الصمام استحق تبديل هاي إشاراته
الي منهن اول مره اشوفه من ينشمر وكع فجأة وجسمه خشب كله وعيونه بس البياض بيومها خفت ارتبكت كلش عمو. وعمه متعودين. لزمو وتصرفو طبيعي
بس وراها عمو قهرني بجه بصوت عالي... شكد قهرني وحسيته شكد يخاف عليه منظره خوفني
متحملت انهزمت بغرفتي وراها كمت اخاف اليل كله ابقه كاعده اراقبه الدكتور كلهم بعد ممستحق عملية تبديل صمام وعلمتني عمتي كل فترة افحصه اذا جان يوصل مي سبحان الله جان عبالك صونده الزمها احس بيها شي يمشي رغم الدكتور طمنه بس حالته تتراجع ضعف اكله قل رجفه مرات يلزم الشي يوكع من ايده.... علاجه زادت الجرعات بيوم كعد باوعلي وكع بعدها لا ايد ولارجل تتحرك خذو وراسا دخله عمليه يومين اني مارحت للمستشفى مقبلو وكالو يبقه فتره تحت الملاحظه بالجمله العصبيه
من طلع عبالك مو هو الشعر مزين
وضعيف عبالك هيكل عظمي معقوله البشر بفتره هيج يتغير
امه واخواته كالو اسبوعين ٣ يتحسن ويرجع مثل قبل جنت مطمنه لان هم متعودين عليه. بس
لا مر شهر وهو من سيء الى أسوأ ماعرف شكو المراجعات كثرت العلاج هواي تغير.
بس ماكو تحسن اني مداريته ويه عمه تبديل تنظيف اكل اخير فتره كام مرات يصفن علينه جنه مستغربنه ويضيع الوقت والزمان.
واحيانا يتصرف مثل الطفل
مره بليل بدلته كال تعالي نوميني بحضنج
تقربت حضنته باس صدري كال حالليني وديري بالج على امي وابويه لاتعوفيهم
ابتسمت كتله محلل دنيا واخره
حسيت بي شي بس كذبت نفسي يوميه منام لا اني وعمتي لو نتبادل اذا تتعب هي اني ابقه واذا اني اتعب هي بمكاني بس بليلتها اثنينه نمنه ليش مادري كعدت على صوت عمه تصيحني ولج نايمه مرام انتي يم انور
اي عمه هياتني
مديت ايدي اوخره حسيت بي بارد بشكل رغم مغطيته. باوعت فاتح حلكه ومغمض. ماكو نفس
صحت بصوت يرجف عمه
ها يمه
انور مادري شبي
شبي ولح تقربت من شافته عاطت اجه عمو يركض كلبه منا ومنا كام يصرخ بابا انور وليدي حاجيني بابا اشوف فتح عينك.
لج صيحيلي احد خابري مصطفى البيت انترس واني ممستوعبه اخذو وراحو اني كاعده بفراشه
عمه مكابلتني رغم شفنا اثنينه بس محد حاجت الثانيه عبالك نخاف من الحقيقه لمن صار عياط خواته باوعتلي
. وشفافها اهتزت
كتلها عمه هو صاحلي بليل كال تعالي نوميني عدج اني شون نمت وعفته شلون كدرت اغمض عيني واعوفه
بجت بصوت
ويا بجيتها عطت ملخت نفسي عرفت انور جان يودع حس نفسه ميصبح يمكن جان خايف من راد حضني بس حضني ما كدر يحمي
من مصير محتم وموت جان متربع بزوايا بيتنه غافلنه واخذه
ايام الفاتحه مرت ولزمت عده بغرفتي امي اجت بس ايام الفاتحه ابويه كالو جاي مشفته جنت مكابله صوره وابجي سنتين ونص اني ويا مرن هيج ساعات تصفن بمصيري بعده شنو بس عمه تكول مااخليج ترحين وفعلا العده خلصت واهلي مافتحو موضوع رجعتي ولا اني بقيت اداري اهله وهمه مداريني
ومرت اخو ساره كلما تشوفني تسال شنو اهلج مايردونج
اشو لا اجو لاسالو عليج عادي بتهم تكعد هيج هنا
ماجاوبها لان فعلا ماعندي جواب
فتره كامت تجي من الصبح تلزم شغل البيت وحتى حمواتي كامت تحرضهن عليه من الزم شغله ياخذنها مني وحسسني اني غريبه ومالي مكان بنصهم بيوم انظف الصبح و.فات مصطفى سلم كال محتاجه شي خويه
الله يسلمك ابو علي اريدك سالم
اجت هي خزرته وباوعتلي كالت خير شكو
ماحاجيتها مريضه هاي
لحكتني. شوفي اذا بالج مصطفى احركج وبسام هذا اصلا لاتفكرين بي لان يريد سندس اختي احسنلج تلمين جوالتج ولي لاهلج شعدج كاعده هنا رجلج ومات شنو جلبتي لو خلفتج رابطتج بينه صدك بدون احساس
صفنت صدك اني شعندي عدهم اكل و اشرب وانام.. الناس ممجبورين بيه الي جان رابطني بيهم راح مالي حق ابقه هنا
فات عمو سامعها كلها اخذي جهالج وطلعي منا والي يمس مرام بكلمه حسابه وياي افتهمتي هي لاعايشه بيتج ولا ماكله من تعبج
خاف صارلج جم يوم مسويتلج فلم تجين تنظفين وترحين تره قبلها عشتي عدنه ٧ سنين اذا انتي نسيتي احنه ماناسين شصار
باوعلي كال بابا مرام سويلي جاي راسي يوجعني ومن يطلعون سدي الباب نريد نام بهدؤ ونرتاح بيتنه
هي صيحت وطلعت من البيت بعد ماجت للبيت فتره ورجعت هم نفس الكلام بس هم ميسكتولها
لحد مايوم اجه مصطفى كل لعمي... يابه اريدك بحجايه.. يتبع ......
مساء الورد اعرف البارت قصير لكن هذا الي يسمح بي وقتي واكدر اكتبه ان شاء الله بلايام القادمه يكون البارت اطول ويتضمن احداث اكثر ..... اعتقد ملامح البطل بدت تظهر عدكم ولو انتو. كلش اذكياء وكدرتو تتوقعون منو الشخصيه المبهمه .... اكو احداث غير متوقعه بعد جايه
#لقاء- واحد- يكفي #
البارت الرابع
💚 🦋 🦋 ✨ ✨ ✨ ✨ ✨
غيّمت والليل چلچل
والخواطر سيّرت ويّه الغروب
💚 🦋 🦋 ✨ ✨ ✨ ✨
مصطفى حجي رايدك بحجايه. وحدنه وباوعلي بمعنى اطلعي
وفعلا طلعت بس صوتهم من فاتت عمتي يمهم صار عالي كلش جان يريد يرجع لان هوماجر بيت. كللهم الفوك كله اخذه
عمي كله اي ارجع هلا بيك بس ماريد مشاكل مثل قبل
لا ان شاءالله ماكو بس يعني شسمه... مرام تبقه ترجع لاهلها
عمه كلتله وشعليك بيها
يوم تعرفين يعني ماناخذ راحتنه قبل انور الله يرحمه موجود هسه على شنو باقيه وتعرفين عقل ساره
وبسام اذا رجع شلون
والله مرام باقيه هنا والمعاجبه لايجي عمو كله وكام طلع شافنني واكفه اشرلي اروحله باس راسي كال معليج احنه نطلع وانتي تبقين
لا عمو اروح لبيت اهلي اني احسن ماله داعي المشاكل
المشاكل هم يسوهن احنه بيته زين ماريد اسمع منج بعد اروح لاهلي ليش احنه مو اهلج
اعز انتم الله شاهد
هذا هو ومعليج بالحجي والي يسمعج كلمه تعاي بلغيني زين بابا
هزيت راسي وكملت شغلي بس فكرة روحتي صارت بالي ساعه اكول اتصل ومن اوصل يم التلفون اتراجع الحيره دوختني
زين هم اهلي ليش ماكالو رجعي انتي زوجج راح الله يرحمه شكو باقيه عند الناس
وراها كمت كل يوم اريد اروح وعمه متقبل لو تتخربط من تشوفني اقفل واريد اتصل باهلي فسكتت لخاطرها ردت شويه ترتاح واني انسحب بهدؤ
رجعو بيت مصطفى فوك حتى غرفة البنات الفوك اخذوهة بس غرفتي وغرفة بسام بقن لان جوه بالطابق الارضي بس الحيه شدت وياي كلش لعبت نفسي بالشغل والسوالفها المتخلص غير الاكل الي اكمله تجي تاخذه وتصعد
وصلت بيها تكلي خدامه بلكمتج
لحد مامره كامت تلمح اني اتحرش بمصطفى مكدرت اسكت وتعاركنه
عمي وعمتي دخلو. منعوها تنزل هي ويا بس اني ماتحملت اتصلت بابويه
الوو
هلو بابا شلونج
الحمد لله بابا اريد اجي يمكم تمرلي
ها. اي باجر اجيج
تمام انتظرك لاتتاخر
ان شاء الله
انتظرته بكل غباء ناسيه هم يانوع من اهل
يومين الثالث هو. ماكو رجعت اتصلت مشاله بجيت ونهضمت صدك اكو هيج اهل هسه من احجيها لاي احد يصدك
بعدين جمعت ملابسي وكلت اني اروح غصبن عليهم يتحملوني مو بتهم لعد طلعت لعمه حاجيتها وبلغتها رايحه
بجت كالت متطلعين هسه احرك روحي والله
عمه فدوه لعمرج فهميني شنو باقيه هنا ماتحمل بعد
ولج تعوفيني هاي وصية انور
بجيت شبيدي
فات عمي شافنه حجتله كلشي
كال تعالي كعدي
رحتله
شوفي عمو اني اتفقت ويا بسام يعقد عليج هسه لمن يرجع نتمم زواجكم
باوعتله مامستوعبه شون يعني
يعني هو وكلني اعقد اله عليج لمن يرجع لكل حادث حديث هسه اريد اسد حلك كلمن يحجي عليج
صفنت بين نار ارجع لاهلي الي مبينين ميردوني ولافكرو بيه حتئ من اتصلت عليه غلس ولارجع كال بنتي شبيها لو امي الي هي والماكو سوه ملتهيه بس بضرتها والحباله والجيابه. ..لو الحياة الي تعلمت عليها هنا
هااا عمو شكلتي ....
يعني بس عقد غير
اي بابا ... بس عقد في سبيل محد يزعجنا وتكون الحجه بايدنه
وابقه محد يكلي شي بعد
بالضبط
كيفك بس يعني اهلي شلون
اني اتصلت بابوج كال انت مخول
بلعت ريكي من الغصه سكتت كتله بكيفك
خلص بالتوكيل الدزه اعقد الكم وننتظر باجر اجمعهم وابلغ الكل ااحنه هم لسنوية انور يله اذا الله راد نتمم كلشي
يعني بس عقد غير
اي بابا شكلتي
وابقه محد يكلي شي بعد
بالضبط
كيفك بس يعني اهلي شلون
اني اتصلت بابوج كال انت مخول
بلعت ريكي من الغصه سكتت كتله بكيفك
خلص بالتوكيل الدزه اعقد الكم وننتظر باجر اجمعهم وابلغ الكل ااحنه هم لسنوية انور يله اذا الله راد نتمم كلشي
الله كريم.
ثاني يوم جمعهم ومن بلغهم الكل اعترض حتى خواته. مقبلن
ساره يعني ولد ممزوح تاخذوله هاي وانوب... ارمله. يعني عذروني حتى لو ارملة انور
اني وامه قابلين وهو قابل بعد انتو مالكم دخل اني جمعتكم من باب العلم بالشيء لا عبالكم اخذ رائيكم وحتى محد بعد يدخل بمرام افتهمتو .. الكل سكت
ورا كم يوم بتوكيل عام ومطلق عمو عقد اليه ولبسام وراها ارتاحيت وحسيت نفسي جنت امشي على رمل وهسه مشيت على الأرض رغم وراها شدن ويايه شده اخت الجذب بس ماهتميت ورا اسبوع دك تلفوني رقم غريب على الفايبر خذته لعمي كال بابا هذا زوجح جاوبي
شنووَوو
بسام شبيح جاوبي خطيه
ها اي هسه.
اخذته رحت للغرفه
الووو
شلونج مرام
هلووو الحمد لله بخير
هههه شبيج مرتبكه
هاااا
سلامتج عيني شخبارج خوما احد ضوجح بعد
عمي كلك؟؟
اي امي والوالد دايما يسولفولي كلشي يصير عموما ماريد ابد اي كلمه تغثج لو تبقه بخاطررج واي واحد يتعرضلج ردي واني بضهرج زين
ابتسمت.وجاوبته .حتى ساره وخواتك
هههههه لازم غاثتج حيل اي واحد اوكفي بوجهة
سكتت..
مرام
هممم
شونج
زينه
يارب دوم اي سولفي احب اسمعج
ماكو شي
اهلج شونهم
زينين صار هواي ماشايفتهم
ليش اذا تردين ترحين خلي ابويه يوديج
لا ماعوف عمو وعمه وحدهم
؛شكو عليهم يوم يومين يجون البنات يمهم اني اتصل باقبال
لا مو هسه من اريد اروح عمو ميحجي يوديني بس مو هسه حاليا موسم تفقيس
شنَووو
لاهيج
عليج الله شقصدتي
ههههه مو امي ومرت ابويه حوامل
الله يزيده
يمعود شيزيده. هو خلص الفريق دخل على الاحتياط
هههههههه لا بربج
والله يمكن اني جنت جابستهم من طلعت انفتكو
بعدج على سوالفج تنحبين كل حرف تكولي ياثر بروحي
يا شبي شو دخل على الترابي سالمين
احمم. يله عمي يصيحني اروح
اخذي راحتج
صفنت بحجايته شقصد بيهن
بعدها
اتصاله والرسائل تقريبا صارن روتين يومي الصبح صباح الخير. والعصر مساء النور
وجمعه مباركه المناسبات يدز بيهن رساله... جنت اجاوبه مرات على كد الرساله ومرات نبقه نسولف شصار بيومي ومنو اجه ومنو راح
وعمتي تسال شنو كلج شحجيتو؟؟
مرات اتعاطه ويا طبيعي بس هواي استغرب كلامه.
جنه نحجي بيوم وسالته انت مو جنت تحب بنيه
اتحسر. وسمعت طكة الجداحه
امممم
اي
شنو اي كمل
شتردين تعرفين مرامي
.. ياء التملك الي خلاها باسمي استغربتها وصفنت لمن حجه هو
مكلتي شتردين تعرفين
لا هيج فضول
اخخخ اموت على فضولج لو ماهو. جان اني جوه الترااب
اسم الله ليش هيح تحجي
كلشي بوكته حلو هسه سوالج فضول اكيد لو غير شي
لا والله فضول
اممم تمام راح ارضي فضولج شويه لان ادري بيج تسوين مصايب اذا معرفتي
ياعيني. البنيه الاحبها موجوده بس صارت شغلات بعدتنه عن بعض
يعني ازووجت
اي
حرامات
الله كريم اي.. مرام بعدج تحبين جبس ليز
ههالله كريم اي.. مرام بعدج تحبين جبس ليز
ههههه اموت عليه شمدريك
ادري عيني ادري
خوما توكلين اهلي منه من ماكو اكل
لا ليش ماكو اكل خير من الله بعدين شجاب الجبس على الاكل
حظي غير
مافهمت؟؟؟!!
احسن..... شعاجبج تغيرين الغرفه
ليش اغيرها شبيها غرفتي
يعني تبقه برائيج
اي طبعا
لا تتغير احسن شعاجبج عراقي تركي مصري
ماعرف بيهن اني
الله كريم المهم جمعي شغلاتج. حتى الحجي يجيب غيرها وهاي ينطيها على روح المرحوم
كيفكم
مو كيفنه هذا الصح شخبارج ويا البنات
ماكو شي محد تحجي وياي خير شر بس الحيه اتستس
شنووو
ساره
ههههههههه.... هههههههه .. حلوه هاي
والله تمشي وتوزع سم
عوفيها حجاها وهو بعده يضحك
بعدها اتحسر... اوووف
سلامتك
انتي سلامتي محتاجه شي عندي شغل راح اطلع
لاتسلم
باي
الله وياك
يومين ماتصل وعمو كلي فرغي الغرفه يجون جماعه يفتحوها وينصبون غيرها جابو مصريه واخذو القديمه وراها اشتغل التخبيث على أصوله كامن خواته يجن من الصبح وابد ميشيلن حاجه لازم اني انظف واطبخ واصب والم واغسل قبل جانن من يجن ايد بايد وياي وراها من سون رباطيه كامن ميخلني اشتغل هسه لا عافن كلشي براسي بحيث كمت يجي الليل اوكع قتيله حتى ماشوف شي
عمه انتبهت بس اني حلفتها متحجي وياهن بس الحيه موتتني تنزل من الصبح هي وفريقها تتريك وتتغده بس العشه تصعد لان مصطفى يرجع من شغله كاعد انظف بالبيت شفت باب الغرفه مفتوح اني من جابو الجديده مافوتلها بس انظفها واطلع فتت لكيت الحيه تباوع وتفتح بالكنتور
تفضلي رايده شي
والله عيني بت الفكر عريس تتمنا البنات وغرفة بحلمها ماتتخيل تفوت من يمها بيت حايم صايم بس هي تفتر بي شتردن بعد حظ ال....
باوعتلها ردت اسكت وتذكرت حجايه بسام من كال لاتسكتين
مثل حظج غير.
خزرتني اي تحجين ليش لا هي ال... شتوقع منها
هم مثلج .. حبي ليش مضغوطه ماخذه منج شي وهيج مكتوله
والله انتي لو مطيتج مجال جان خذتي
والله شاخذ منح مثلا انتي شنووو وشعندج يسوه
مصطفى نسيتي شون افتريتي عليه
هههههههه. ضحكتيني الله يخلي لجهاله. حقج تخافين والله عليه لان هو مسويلج قيمه اله انتي لو ما مرت مصطفى بتك نعال مكطع محد يقيمج
انجبي سخيفه ام الشوارع لا اهل لااصل لافصل انتي لو ما شافوج فكر وتقبلين بالسكط ذاك محد يكلبج جاي تحجين عليه
لا ياحقيره لج ميت.. هذا. ميت بمكان متكولين الله يرحمه تكولين سكط.
فاتت عمتي باوعتلها
. مات وماخلص من معايرج بعدج تفترين ورا شتردين منه
شريد عمه طبيت اشوف الغرفه كلبت الدنيا عليه
شكو تطبين ماشايفتها انتي مو نصبوها كلجن موجودات شوفي سويره سوالفج كلهن عدي تردين اعدهن الج
شبيج عمه محمله عليه صافه ويا الغريبه عليه
ترحيلها فدوه ونذر انتي الغريبه مو هي اذا تردين تحسبيها هي اقربلي منج يابنت اخويه نسيتي شسويتي قبل اذا ناسيه لو متناسيه لا اني يدكن بكلبي سوالفج وحده وحده ماناسيتهن هسه اعدهن الج فهسه تولين فوك بعد نزله متنزلين لا عبالج ماشوف اني وعمج تاكلين وتمشين ايدج بالحايط فخليني ساكته ومااوصلها لمصطفى يله لمي جعويلج وصعدي
صعدت تدردم بصوت ناصي تخاف من عمه
اندارت عليه لاتبقين فاهيه انتي
ضحكت عمه شسويلها هاي تريدلها كلب مامدشن
اي والله هاي انتي شايفه منها انوب ردت اجيب اختها لبسام يمه جان بسبعتها نصبو فاتحتي
اسم الله عليج حبيبتي لاتفكرين راح نرتاح منها اسبوع اسبوعين
وترجع علينه
ههههه على كولتج اسبوعين بالكثير وترجع علينه طلعنه من الغرفه لاكانه عمو شنو وين جهال مصطفى
عمه كالت رحلتهم لبيتهم
ايباه شسووو
امهم السوت مو همه
اي بله شسوت امهم
سوالفها هي هي ماتتغير فتت لكيتها لازمه مرام وتحجي عليها حتى المرحوم ماخلص من شرها
الله يرحمه لا حول ولاقوة الا بالله العلي العظيم
عوفيها بابا لاتهتمين لحجيها هاي تخاف ماتستحي لو بس مصطفى يسمع بيها حاجيه على اخوته يكسرها
لا عمو ختولي تعلمنه عليها
تحجي وحدها وتسكت
عفيه ببنيتي السباعيه
ضحكت ورحت كملت البيت خلصت منها ومن هوستها هي وجهالها بس الوصخ
لليل فات مصطفى يصيح وينها هاي المتستحي على نفسها ......
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق