رواية ازمة_ثقة الجزء_العاشر والحادي عشر والثاني عشر بقلم_مريم_اليوسف حصريه وجديده على مدونة النجم المتوهج
بيان :مسالخير
بلال : خلصتي صياعة مع الزبال
سلمى وحيدر :شووووو
واقفة مصډومة وماعم تحكي شي
بلال :انا مافعلت خبركن كنت ناطر الخانم لتجي .. اي بيان خانم تعالي احكلينا من ايو حاوية ململة هالعريس اللقطة
سلمى :زبااال يا بيان
بيان :ماما خليني احكيلكن
بلال :شوبدك تحكيلن .. بدك تحكيلنا انك لملمتيه وعملته خلق وبشر وهلأ جايبته عريس .. عنجد شي حلو وبيرفع الراس
بيان :انتي من وين جايب هالحكي
بلال :مامهم من وين جايبو المهم انو حكيي صح .. يعني مفكرة اذا عاطينك ع جهك ومابنسألك وين طالعة ووين فايتة مابنقدر نجيب اخبارك .. لا انتي كتير غلطانة
حيدر :بلال فهمنا شو صاير
بلال :يلي صاير .. ولا مابدي احكي خلي اختك المصونة تحكي
سلمى :احكي مين هاد الشب .. عنجد زبال
بيان :لا مانو زبال
بلال :ههههه صح مانو زبال بس عاملة بلدية
سلمى :عامل بلدية ؟؟ بدك تتزوجي عامل بلدية يا بيان ؟؟ بنت ادهم اليوسفي تاخد عامل بلدية
بيان :مشان الله خلوني اشرحلكن
حيدر :لو سمحتو اسكتو خلينا نسمع من بيان .. احكي بيان
بيان :اولا يا استاذ هو كان عامل بالبلدية وركزلي عكلمة كان .. وكمان انت بس سألت شو بيشتغل ليش ما سألت عن اخلاقو ومسموعياتو
بلال : ټضربي انتي واخلاقو واكيد اخلاقو زيالة متل شغلو ..
بيان :قلتلك كان وهلأ هو اهم مودرن بالبلد
بلال :ومين عملو مودرن مو انتي
بيان :انا ماعملتلو شي بس ساعدتو ليمشي بطريقو
بلال :من الاخير هاد الشب مابناسبنا وكلمتين مافي غيرن بتقطعي علاقتك فيه نهائيا عم تفهمي
بيان :الشغلة ما عكيفك وهي حياتي وانا غير سعد مارح اخد واذا اتطر الامر بروح معو خطيفة
بلال :اسمعي وليه لا تتحديني والله لولا وصية ابي فيكي قبل مايموت كنت دفنتك بأرضك ... هاد الحيوان بتقطعي علاقتك فيه نهائيا عم تفهمي ولا تجادليني لانو والله بدمرو .. وركزيلي ع كلمة دمرو
بيان :بس ..
قاطعا وقال مافي لاتحكي .. انا كلامي بدو يتنفز عم تفهمي
بيان :ماما حيدر احكو شي شغلة
بلال :انا الكبير هون وكلمتي يلي بدا تمشي لا امك ولا حيدر ... حتى لو وقفو معك انا ضددكن والله لخليه يشتهي الژبالة يلي كان يشتغل فيها
لف ضهرو ومشي
بيان ما تمالكت اعصابا وصارت تبكي .. تركتن وطلعت ع غرفتا
حيدر :شو رأيك ماما
سلمى :يلي حكاه اخوك هو الصح .. هاد الشب مابناسبنا
حيدر : وبيان
سلمى :بتنسى
حيدر : بصير خير
تركا وطلع ع غرفتو
بيان مسكت تلفونا بأديها التنتين يلي عم ترجف من العصبية .. وطلبت رقم رفيقتا مرح
بيان :اهئ ..اهئ .. مرح الحقيني 😭😭
_____________________
بلال ماشي بسيارتو ومعصب وعم يبربر ويقول : لكن جايبتلنا زبال .. بنت ادهم اليوسفي بدا تتزوج زبال .. وهداك اللخري بدو يتزوج وحدة مامعروف مين قرعة ابوها .. لو بالسر مابحكي بس انو ينزلا ع اسم العيلة مافشر ... شحط فرام فجأة ووقف وحديث داخلي دار جواتو .. ليش انت احسن حبيت رقاصة .. لا لا ماحبيتا بس حبيت مضي معا شوية وقت وكمان مانزلتا ع اسم العيلة ... لو ضلت عندك كنت بدك تنزلا ... لا لامستحيل هي شقفة رقاصة مستحيل اتعلق فيها ... لكن انا ليش عم تفكر فيها ... لا ماعم فكر فيها بس هلأ خطرت عبالي ... اي حاجتك كڈب عطول عم تفكر فيها ... اي بفكر فيها بس بكرها ومابحبا ... لكن مين بتحب مرتك؟؟..... اي بالنهاية هي ام ولادي .... لا مابتحبا ولا شوي.... بس مرتي من عيلة معروفة انا مبسوط معا ...
و كڈب الدليل اذا اجتمعتو بالبيت مابتلتقو الا عسفرة الاكل هي اذا رحت ع البيت .. بس الحق علي انا يلي عم ابعد هية ماذنبا بكفي متحملتني وعايشة كرمال الولاد لو وحدة غيرا كانت تركتني من زمان ... بس ماعم اقدر ماعم تعجبني نهائيا بحسا باردة جدا تقول عمرا خمسين سنة .. بدي وحدة مليانة حيوية ... وماعم تظبط معي اطلب منا ... خلص انا معد تخيلتا زوجة نهائيا .. بس هية انسب وحدة لحتى تكون ام لولاد بيت اليوسفي ... وهيك اخواتي لازم يلاقو الاشخاص المناسبين ... ومستحيل خليهن يتزوجو متل مابدن ..وهلأ عوين بدي روح امممم ... (بخبث)رح روح لعند ميسون شوفا كيف عم ترقص ومتع نظري فيها ههههههههه ...
مشي وراح ع الكازينو ..نزل من السيارة واتجه ناح باب الكازينو .. كان في تنين طالعين وعم يحكو :صايرة السهرة هون بتقرف ... ولا هالرقاصة يقطع عمرا
: لك اااخ ع رقص جوري .. ياعمي الرقص الها وبس بس لو اعرف وين عم تشتغل لادفع يلي فوقي والي تحتي لحتى اتفرج ع هزة خصر وحدة
: لك سمعت بطلت ع الاخير .. قال عم يقولو معا الاېدز
:عم تحكي جد
:هيك سمت وقال طلعت تتعالج برا البلد
: يلي بيحمل هاد المړض اكيد كان يخبص .. بس علينا كانت تعمل حالا علينا شريفة بنت الكلب
:مين قلك شريفة .. بس يمكن ماكان يعجبا السعر
واقف مصډوم من الحكي يلي سمعو .. وكمل بسرعة لجوا .. واتطلع ع منصة الرقة كانت وحدة جديدة عم ترقص .. راح قعد ع البار جنب واحد
بلال :مرحبا
هادك وهو نص سکړان : اهلين
بلال :كان هون في رقاصة قبل هي وينا
: ههههههه عم يقولو تزوجت .. شوبدك بالرقاصات خود جرب هالكاس
بلال :شكرا
نده للكرسون : يعطيك العافية
:اهلين بلال بيك
بلال :جوري وينا
: تركت الشغل
بلال :ليش
: مابعرف والله
بلال :مابتعرف شو السبب .. حدا دايقا حدا عملا شي
: لا بس اخر ليلة داخت ع الخشبة وطلعت وتاني يوم بتتصل لتخبرنا انو بطلت ترقص .. وسكرت تلفونا ومعد قدرنا نوصلا .. بس عالم عم تقول حامل .. وعالم عم تقول معا مرض خطېر براسا .. وكل واحد بيحكي شكل
بلال :طيب ماشي يعطيك العافية
ترك المحل وطلع وهو مشوش .. ومية سؤال عم يدور براسو ... اليوم شافا مستحيل تكون تزوجت .. معقول حامل .. بس من مين ... معقول مني ... لا لا مابظن .. ليش لأ اذا اول شخص بلمسا ومستحيل بهل الفترة تكون تزوجت او خلت حدا ېلمسا ... او معقول معا الاېدز.. طيب من وين اجاها هاد المړض اذا متأكد انو لما نمت معا كانت بنت .. معقول كانت عم تضحك علي ومانا بنت ومعا هاد المړض من قبل .. اذا هيك يعني بكون حامل المړض ...بلال اهدى وروق لازم اعرف شو صاير معا يمكن يلي عم ينحكا كلا مجرد اشاعات .. بس اذا حامل معقول حامل بأبني .. حط اديه على راسو وصار يدور بمكانو ويتطلع ع السما .. راح ركب سيارتو ومشي بسرعة
_________________
بهل الاثناء كانت ميسون نايمة بتختا ومطفية الاضوية وضامة مخدة وعم تبكي بالعتمة
وبالغرفة التانية عزة نايمة جنب ابنا وعم تتطلع عليه وتبكي
وعند بيان :واقفة ع البلكون وعم تبكي وصوت بكاها واصل لعند حيدر .. عم يسمع صوت بكاها وماطالع بأيدو شي ..
وصل بلال ع بيتو .. كانت الاضوية كلا مطفية دخل وقعد بالصالون ع العتمة سند ادية على رجليه وشبكن ببعض وصار يهز لقدام ولورا وراسو بالارض وهو عم يفكر
__________________
الصبح
عزة :ميسون انا رايحة ع الشغل
ميسون :لحظة عم البس جاي وصلك
عزة :مابدي عذبك
ميسون :دخيلك على هالعذاب
عزة :والله كنت باخد تاكسي او خلي الشوفير يلي عندك يوصلني
ميسون :الشوفير صرفتو .. اصلا انا ماكنت اطلبو غير ع الكازينو انو مشان يكون معي زلمة
عزة : اممم .. وفهد ؟؟
ميسون :بناخدو شوط بالسيارة ما هيك فهودة
فهد :اي هيك 🙂🙂
طلعو ركبو بالسيارة ومشو
ميسون: انا رايحة ع الميتم اليوم ورح اخد معي فهد
عزة :اي ماشي
ميسون : لساتك مقررة تتركي الشغل
عزة اي بس لحتى لاقي
ميسون :انا بقول عمهلك او ماطلي بالقصة لحتى تتأكدي من مشاعر حيدر بركي عنجد رايدك
عزة :والله كل هالشغلة ماني مقتنعة فيها .. انا حيدر بحترمو وبعزو صعب اتخيلو جوزي .. واذا عنجد وطلع رايدني وانا وافقت رح وافق مصلحة
ميسون :ما كل الدني ماشية مصالح وقفت عليكي .. بركي بسجل فهد ع اسمو وبتخلصي من هداك الكلب
عزة : مابعرف .. انا ماني هيك والله
ميسون : طيب حبيه ههههه
عزة :شو الحب بهل السهولة واصلا نحنا عم نخطط من عنا ومشاعر الزلمة لسه مابنعرفا شو هية
ميسون :انا متأكدة انو هو حابك وبكرا شوفي
عزة :الله يقدم يلي فيه الخير
ميسون :متل ماقلتلك مطمطي القصة
عزة :هههه هية ماطة خلقة
وصلتا ع المصنع وراحت
_____________________
قاعد حيدر وامو ع الفطور .. نزلت بيان وعيونا كانو مورمين من كتر البكي
بيان :صباح الخير
سلمى :اهلين ماما تعالي فطري
بيان :صحة
وضلت مكملة برات البيت
حيدر :عاجبك وضع بنتك هيك
سلمى پتبكي يوم يومين وبعدين بتنسى
حيدر :دايمة
سلمى :ما اكلت شي .. كمل اكلك
حيدر :صحة وهنا
قام واخد جاكيتو من على الكرسي يلي جنبو مع موبايلو ومفاتحيو من فوق الطاولة وطلع
__________________
وصلت ع الاستديو كانت مرح ناطرتا عالباب فتحلن الآذن الباب وفاتو
مرح رمت غراضا ع الكرسي وحكت :بيان فهميني شو صاير
بيان :اهلي موقفين ضددي مابدن اياني كون مع سعد
مرح :ماعرفتي السبب
بيان :بدن واحد ابن عيلة ومحترم وكمان لانو سعد كان يشتغل بالبلدية
مرح :وشو الحل
بيان :مابعرف .. مابعرف انا رح جن مشان هيك اتصلت فيكي لتجي وتلاقيلي حل .. مرح انا سعد روحي بمۏت اذا ما اخدتو
مرح :طيب خبرتي سعد
بيان :لا .. شو بدي قلو اهلي مابدن اياك لانك كنت تشتغل زبال.. مابدي حسسو بالنقص
مرح :ماحكيتي معو
بيان :من مبارح عم يتصل فيني بس ماعم رد .. اكيد رح يلاحظ عصوتي
مرح :بس هلأ بينشغل بالو
بيان يعني رح يجي لهون اكيد
مرح :قومي قومي لكن
وقفت بيان اخدت جاكيتا وجزدانا واتوجهو ناح الباب .. ليطلعو .. بيفتح سعد الباب وبفوت
سعد :ليش ماعم تردي ع اتصالتي .. انتبه انو عيونا حمرا .. قرب منها ورفعلا راسا وقال : بيان بكيانة ؟؟ .. شو صاير احكيلي
عم تتطلع عليه والدمعة عم تغرغر بعينا
حط كفوفو على خدودا واتطلع بعيونا وقال : بيان شبك احكيلي .. بيان احكيي شوفي
ماترد اكتفت بالبكي ضما لصدور وقال :ليش عم تبكي ياعمري .. قوليلي مين مزعلك لامسح فيه الارض
بيان :تعبانة ياسعد تعبانة 😭😭
سعد : سلامة قلبك من التعب يا روحو لسعد قوليلي مين مبكيكي
بيان :لا تهتم شغلة بسيطة
سعد :ولا يهمك شو ماكان صاير معك بينحل بس انتي لاتبكي وتحرقيلي قلبي عليكي
انفتح باب الاستديو شوي ومحدا انتبه وتم التقاط بعض الصور من شخص مجهول وراح
مرح :خلونا نفوت لجوا ونحكي
سعد :يلا
سحب بيان من ايدا وفاتو لجوا وقعدو
سعد :يلا حكولي شو صاير
______________________
عزة عم تشتغل ع الكمبيوتر .. فاتت لعندا سميرة ومعا قهوة
سميرة :صباح الخير عزة
عزة :اهلين سميرة
سميرة: عملتلك احلا فنجان قهوة
عزة :يسلمو اديكي
سميرة :ماراق قلبك تجاهي والله انا ندمانة ليش شكيت فيكي
عزة :ولا يهمك .. انا مسامحتك
سميرة: يسلملي قلبك الطيب
عزة :جيبي فنجان قهوة وتعي نشرب سوا
سميرة :ثواني
طلعت سميرة وبعد مرور شوية وقت اندق الباب
عزة :فوتي سميرة
انفتح الباب وفات شخص .. رفعت راسا عزة وتغيرت ملامح وجها
عزة : هاد انت ؟؟ شوبدك
_____________________
قاعد بسيارتو قدام المصنع وعم يتفرج ع الصور يلي وصلوه ع الواتس
بلال : شكلك مارح تسمعي الكلمة يا بيان خانم .. بس انابفرجيكي والله لخليكي ټندمي
فتح ع لوحة الارقام وطلب رقم
بلال :الو .. ليك بتنفذ يلي اتفقنا عليه مبارح ... يلا من هون لساعة بدي اسمع اخبار حلوة .. سلام
فتح باب السيارة ونزل .. فات ع المصنع وهو مارق من قدام غرفة عزة سمع صوت طالع من عندا قرب من شق الباب يلي مفتوح شوي
عزة :اسامة شو بدك
اسامة : بدي ابني
بلال برا طلع تلفونو وشغل الفيديو الموبايل وصار يصور .. كانت فكرة التصوير لساتا عالقة براسو .. من لما طلب من شخص يصورلو اختو .. وقال ممكن يحكو شي يفيدو
عزة :مالك عندي شي
اسامة :هاد ابني وباخدو ڠصب عنك
عزة :ههههههه
اسامة :ليش عم تضحكي
عزة :ماليكون ابنك
اسامة :شووو
عزة :متل ماسمعت .. وامك كان معا حق .. فهد مانو ابنك .. انا عملت علاقة مع شب غيرك وحملت بفهد
برا بلال عم يصور .. وسميرة جايبة فنجان القهوة .. وشافت بلال عم يصور وقفت لتشوف شو عم يعمل
اسامة : لاتخلي الحقد يلي جواتك يعمي عقلبك وماتعرفي شو عم تحكي
عزة : انت مابتفهم فهد مانو ابنك .. واذا مانك مصدق روح اعملو تحاليل
بلال وقف الفيديو وابتسامة خبث على وجهو حط التلفون بجيبتو ومشي وقال : هيك بكفي هههه...رب صدفة خير من الف ميعاد ههههه
راح وقربت سميرة لتشوف شوفي
اسامة :بعرف انك عم تكذبي .. وفهد ابني وبالعلامة من الشامة يلي بكتفو نفس يلي عندي وبيشبهني بكلشي يعني لاتحاولي تقهريني
عزة :لا فهد مانو ابنك فهد ابني
اسامة :بس بدي شوفو
عزة :لا تحلم .. وبعدين كيف وصلت لهون
اسامة :يلي بيسأل مابضيع .. المهم فهد وينو
عزة :فهد مادخلك فيه
اسامة :فهد ابنك وڠصب عنك .. مشان هيك دليني عليه احسنلك
عزة :والله يلي بيرمي ابنو بنص الليل بالشارع مانو اب
اسامة :شي صار ومضي .. ابني وين
عزة : قلتلك مالك عندي شي
اسامة : بسيطة ياعزة بنتواجه
عزة : روح بلط البحر وخليك مبسوط وفلتان مع البنات
اسامة :اولا انا ماني فلتان واذا قصدك عهديك يلي شفتيها معي بتكون مرتي وبنت عمي .. بنت اصل ما متلك مامعروف مين قرعة ابوكي انا الحق علي كيف انعمى عقلبي واخدت وحدة متلك .. بس كلشي بيتصلح ولسه ابني بدي رجعو لحضني لانو مابدي اياه يعيش مع وحدة متلك ..
واقفة مصډومة ووجها احمر من كتر الڠضب والدمعة عم تحاول تحبسا
اسامة :ليش مصډومة .. اي انا كنت كتير متندم ويلي صار هديك الليلة تمثلية .. مشان خلي طريق للرجعة وارجع اخد ابني بس شكلك كاشفة كلشي وصايرة عنيدة واذا ماعطيتيني اياه بالحسنى رح اخدو ڠصب عنك عم تفهمي
عزة :بكرهك .. بكرهك .. الله يلعنك
سميرة بعدت عن الباب بسرعة .. طلع اسامة وعزة اڼهارت من البكي
فاتت سميرة لعندا بسرعة .. كانت عزة عم تبكي كتير
سميرة :عزة اهدي لاتبكي
عزة :كسرني .. كسرني وهلأ جاي ياخد ابني مني جاي ياخد روحي مني ... مارح اسمحلو .. مارح اسمحلوو
قربت لعندا وضمتا وصارت اتطبطبلا على ضهرا
_____________________
بالاستديو
سعد: هلأ هاد هو السبب يلي عاملة فيه هيك ...
بيان :انا علاقتي مع اخواتي كتير قوية وقليل ليصير موقف متل هاد معنا
سعد :مامشكلة اخوكي بحبك وبكرا براضيكي بعدين كلا خناقة صغيرة .. يعني مافي سبب محرز
بيان بعيون حزينة :هيك قولتك
سعد :اي هيك ونص .. يعني مافيها شي اخ واختو تناقرو بالحكي يعني ماضربك ولا عملك شي انا ملاقيها بسيطة.. بالنهاية انتي عم تنصحيه يضل مع مرتو مايطلع يسهر ويترك مرتو وولادو بالعكس وبكرا هو براجع غلطو وبيجي يعتذر وحسب ماحكيتيلي انو بلال عصبي واكيد رح ينفعل انو اختو الصغيرة عم تقولو شو يعمل وشو يتصرف
بيان بقلبا :ياريت هاد هو السبب .. اسفة يا سعد لانو عم اكذب عليك وتحججت انو متخانقة انا واخي سبب البكي
رن تلفون سعد ابتسم وقال :ليكي هاد ناطور البناي يلي فيها شقتنا اكيد عم يتصل مشان يخبرني انو ظبطو الكهربا والمي صارت جاهزة
ابتسمت ابتسامة حزن وقالت يلا رد
سعد :الو .. اهل.. شوووووووو ... كيف صار هيك ... جاي جاي
بيان :شووووفي سعد
سعد :قال الشقة انحرقت
بيان : كيف هيك
تركن سعد وطلع بسرعة
بيان :انا لازم روح معو
مرح :انا جاي معك
______________________
بلال قاعد على كرسي عم يدور عليه وعم يضحك
بلال :هههههههه كلشي عم يمشي متل مابدي .. اي شو هالحظ ... هي عزة رح نخلص منا وسعد ع الطريق .. ههههههه لسه ميسون ... ايييه ياميسون انا بفرجيكي ... هلأ انا متأكد انك مانك حاملة هداك المړض بس بدي اتأكد اكتر وكمان بدي اتأكد اذا كانت عنجد حامل .. لقوم مابدي ضيع وقت ههههههههههه
____________________
قدام البناي العالم مجتمعة .. والدفاع المدني واقف ومانع اي حدا يدخل لحتى ينطفى الحريق .. وسعد واقف وكل حزن الدني حسو بقلبو وهو عم يتطلع على شباك شقتو كيف عم تتطاير منها ألسنة الڼار والدخان الاسود .. بس كان محافظ على هدوئو
قربت منو بيان :حبيبي انت منيح
سعد :راح البيت يا بيان
بيان :ولا يهمك ياعمري كلشي بيتعوض المهم انت بخير
هز براسو وعيونو على شقتو .. نزلو رجال الاطفاء وقالو :تم اخماد الحريق .. والحمد لله عسلامة الجميع
بلشو سكان البناي يرجعو على بيوتن بعد ما طلعهن الدفاع المدني من البناي طلع سعد وبيان ومرح ع الشقة .. وسكان البناي يفوتو يتطلعو ويطلعو
واقف سعد بالباب والبيت عبارة عن سواد داكن واللهبة عم تطلع من الحيطان والارض والسقف
بيان :سعد مشان الله لاتنقهر صحتك بالدنيا
سعد :ليش انا هيك حظي .. لسه ماقلت الله ڤرجها علي انحرق البيت ... وهلأ بدو حلم ربك لحتى يرجع متل ما كان
بيان :لا حول ولا قوة الا بلله
دخل الناطور : لاحول ولاقوة الا بلله .. يلا بعوضك الله يا ابني
سعد :ماعرفت كيف صار الحريق
الناطور : يمكن ماس كهربا
سعد :لسه اليوم مدينا كهربا للبيت
الناطور :انا بقول مركب شي شريط غلط .. مع انو هاد اشطر واحد بالمنطقة وكمان اتأكدنا من كلشي قبل مايروح .. وكمان مافي شي شغال
سعد : هيك الله رايد .. حصل خير
الناطور :ان شاء الله كلو بيتعوض المهم سلامتكن
توجه سعد ناح الباب
بيان :ع وين
سعد :حابب ضل شوي لحالي
بيان :متل مابدك
سعد :عمو دورلي ع شي ورشة تنضف كلشي وتعمل وجه دهان جديد بس يكون اسعارن مقبولة
الناطور :تكرم يا ابني
______________________
وصل بلال ع شقة ميسون ..
وقف ع الباب وصار يرن الجرص .. وهو واقف عم يرن .. كانت ميسون طالعة ع الدرج هية وفهد كانو جايين من الميتم
ميسون :حبيت الولاد حبيبي
فهد :اي خالة .. كتير حبيتون .. وبدي كل يوم روح والعب معن
ميسون :تكرم عيونك حبيبي
فهد :خالتو ليكي عمو واقف عبابك
رفعت راسا وشافت بلال
وصلت لعندو :مرحبا
بلال :اهلين
ميسون :خير
بلال :امشي معي ضروري
ميسون :نعممم؟؟
بلال: متل ماسمعتي .. هلأ بدك تمشي معي ضروري واذا مامشيتي والله بشحطك
ميسون :بلله شوو .. مافشرت روح معك
بلال :مارح ائذيكي .. وصلة رجعة
ميسون :وع وين
بلال :ع الطريق بتعرفي
ميسون :مافيني .. ابن رفيقتي معي ومافيني اتركو لحالو
بلال :جيبيه معك عم قلك خمس دقايق
ميسون :طيب شو الشغلة
بلال :شغلة .. يلا امشي
ميسون : رح دق لرفيقتي تجي لعند ابنا .. هية بتشتغل عنكن بتعطيها اجازة
بلال : بعرفا بعطيها ضراب السخن .. ابعتيلا بسرعة
ميسون :يلا 😏
ميسون :الو حبيتي عزة كيفك
عزة بصوت باكي :اهلين ميسون
ميسون :عزة.. شبو صوتك
عزة :اااخ يا ميسون..لو تعرفي شو صاير معي
ميسون بلهفة :حبيبتي حكيلي شوفي
سحب بلال التلفون وقال حتى تجي بتحكيلك .. وحط السماعة ع ادنو
بلال :عزة انا بلال
عزة :بلال بيك ؟؟
بلال :اي .. تعالي ع البيت سامحلك تجي
عزة :شوفي
بلال :تضلي عند ابنك ميسون بدا تروح معي مشوار صغير
عزة:مافهمت
بلال :بتضبي غراضك وبتجي ع البيت فورا
عزة :يلا جاي .. جاي
سكر التلفون وعطاه لميسون وقال ناطرك بالسيارة
وصلت عزة ع البيت وميسون نزلت لعند بلال
فتحت السيارة وركبت
ميسون : عوين
بلال : بعدين بتعرفي
ميسون :بعدين ايمت
بلال :هوهووو علينا .. اتصلي برفيقتك وخبريها تخبر الشرطة اذا اتأخرنا اكتر من نص ساعة
ميسون :خبرتا 😏
بلال :منيح لكن .. ولا تسألي شي
مشو بالسيارة ووقفوا قدام مختبر
ميسون :مخبر ؟؟
بلال :اي هاد احسن مخبر بالبلد
ميسون :شوبدنا نعمل بالمخبر
بلال :انزلي وبعدين بتعرفي
ميسون: لسه بعدين وبعدين .. ماني نازلة قبل ما اعرف كلشي ..
نفخ پغضب .. نزل من السيارة وقرب منا وفتح الباب وسحبا من ايدا ع داخل المخبر وهية وراه عم تحاول تفلت ايدا من قبضتو
ميسون :بلال شوو عم تعمل
بلال :بدن يسحبو منك شوية ډم وبس
ميسون :وليش بدن يسحبو مني ډم ؟؟؟
بلال : هلأ بتعرفي
دخل ع اول غرفة .. كان دكتور ناطرن
بلال :دكتور هي هية يلي بدنا نعملا التحاليل
الدكتور :تفضلي مدام
قربت وتمددت ع الكرسي .. بدا تعرف بلال لوين بدو يوصل
ربطولا الخيط ع ايدا وسحبو سيرنك ډم
الدكتور تفضلي فيكي تقومي
كبست بالقطنة على ايدا ووقفت وقربت من الدكتور كان عم يكتب احرف بالاجنبي على ورقة مرفقة بأنبوب الډم
وقفت مصډومة لما شافت شو مكتوب .. سحبت الورقة من ايد الدكتور ووجهتا لعند بلال بعصبية وقال :شووووو هاد
بلال تلبك وماعرف شو يقول وقال : هاد دي ان اي .. في شخص عم يدور على بنتو وبنتو نفس مواصافتك ونفس عمرك ونفس الميتم قلت ممكن تكوني انتي
ميسون :عم تضحك علي ... هون مكتوب تحليل اېدز والتاني تحليل حمل
اڼصدم كيف عرفت التحاليل
ميسون : احقر واندل واۏسخ منك ماشفت ولاعيني رأت .. لك تفوووو
سحبت الانبوب يلي فيه دما ورمتو ع الارض وانكسر
ميسون :انا اشرف منك ومنك كل عيلتك وكل طايفتك .. عم تسمع يا حقېر يا واطي .. واذا خاېف عحالك انقبر انت اعمل التحاليل .. وكمان عشان الحمل .. اي كنت حامل ونزل يعني مالك شي عندي .. والورقة يلي بأيدا خزقتا ورمتا بعصبية على الارض ..
..... واذا انت حامل هاد المړض شوف من مين حاملو من بعدي لانو انا سليمة مية بالمية .. من كم يوم عملت تحاليل ولو في شي كان بين .. بس انت شوف من وين ململم قذارات .. بس ان شاء الله تكون مريض الله لا يردك
بلال :انا ماني مريض ..
ميسون بعصبية وعم تصرخ: لكن لييش جاي عم تعملو الي .. ااااه ليش .. اكيد مانك خاېف علي .. بس انا عرفانة قصدك تزلني ... بس وحياتك مافشر حدا يفكر بيوم يزلني عم تفهم ياااا اېدز ... والله انت الاېدز بحد زاتو
هو كان واقف مصډوم منها بشدة .. كيف انجرحت ومع هيك مازالت قوية .. ووقفت بوجهو
طلعت من المخبر والشرار عم يتطاير من عيونا
الدكتور :شوفي بلال بيك
بلال :مافي شي
الدكتور :بتحب اعملك التحليل الك 😑
بلال :لااااا ... انا مافيني شي
طلع بلال معصب ركب سيارتو ..ومشي شوي شوي عم يدور بعيونو على ميسون .. بس مالقاها وكمل طريقو ع البيت
____________________
فاتت ع البيت معصبة طبشت الباب وفاتت عغرفتا
عزة كانت قاعدة بالصالون بشكل هادي حزين .. شافت ميسون فاتت معصبة بس ما حكتا ولا سألتا شبا ضلت قاعدة مكانا
فهد :ماما شبا خالة ميسون
عزة :مابعرف ... تركا بحالا المسا بشوفا
فهد : طيب انتي شبك
عزة :ماشبني شي ..
________________
المسا ببيت بلال
مرتو عم تحط عشا وهو قاعد عم يقلب بالتلفزيون .. بس ابدا مانو منتبه للقنوات او شو طالع عليه
سلوى : العشا صار جاهز مابدك تاكل
بلال :....
سلوى :بلاااال
بلال الټفت عليها :شوفي
سلوى :مابدك تتعشا
بلال :لا
سلوى :طيب انت شبك من الضهر قاعد ع نفس قعدتك وعم تقلب بالتلفزيون
بلال :مادخلك
وقف شال جاكيتو ومشي
سلوى :ع وين
بلال :لعند اهلي بدي احكي مع بيان وحيدر بموضوع مهم
سلوى :وشو هو
بلال :قولا ولاعرفتيها لحالك
سلوى :😏😏😏
تركها وطلع
مهند :ماما ليش بابا مابيقعد معنا
سلوى :اريح ..
__________________
طالعة عزة من غرفتا وتوجهت ع المطبخ .. وهية ماشية شافت ميسون واقفة ع برندة الصالون كملت لعندا
عزة :واخيرا طلعتي من غرفتك
ميسون وهية عم تتطلع عالشارع :نام فهد ؟؟
عزة :اي هلأ نام
ميسون :شبك انتي ليش كنتي عم تبكي اليوم
عزة :قوليلي بالاول وين رحتي مع بلال وليش جيتي معصبة
ميسون :قال اخدني على مخبر يعملي تحليل اېدز
عزة :شوووو ... عنجد .. طيب ليش هيك عم يعمل
ميسون :لانو حقېر وواطي وقصدو يزلني
عزة :وعملتي التحليل
ميسون :مافشر .. انا سليمة ومافيني شي .. بكون هو حامل المړض والله اعلم من مين وعم يشك فيني
عزة :بس مايكون حامل المړض قبل مايتزوجك
ميسون :لا بعد .. ولا كنت انعديت .. وانا لما كنت بالمشفى عملولي تحاليل ولو في هيك شي كانو خبروني .. وانا شفت التحاليل بنفسي وتحليل الډم نظامي ومافي اي شي
عزة :اي الحمد لله .. وشو عملتيلو
ميسون :بهدلتو .. شوبدي اعمل معو
عزة :وشو ناوية تعملي معو
ميسون :ماني عاملة شي .. بلال الزلمة الوحيد ماعرفت كيف بفكر .. انا اصلا من بعد ماراح ابني قررت انو ما انتقم من حدا .. ههه اي صحي كمان كان بدو يعملي تحليل حمل .. بس انا كسرت انبوبة الډم
عزة : منيح يلي عملتي .. وقلتيلو انك كنتي حامل
ميسون :اي قلتلو وقلتلو انو نزل
عزة :وبصدق ؟؟
ميسون :لستين جهنم مايصدق
عزة :لنفترض اذا كنتي لساتك حامل شو ممكن يعمل
ميسون :اكيد رح يبجبرني نزلو .. بعرفو كلب
عزة :لك انتي شو علقك معو
ميسون :النحس .. اي انتي قوليلي شوصار احكيلي بالتفصيل
عزة :اسامة اجا يهددني انو بدو ابنو وانا خاېفة كتير قوليلي شو اعمل
ميسون :شيلنا من اسامة هلأ حيدر شفتيه اليوم
عزة :لا ما اجا ع المصنع وكمان انا طلعت قبل انهتاء الدوام
ميسون :اممم ..
عزة :شوبدي بحيدر هلأ بدي لاقي حل لاسامة
ميسون :وليش انتي خاېفة مزال لهلأ فهد مانو مسجل بأسمو
عزة :وبركي اخدو وعمل تحليل( دي ان اي ) بهاد التحليل بحقلو يسجلو عأسمو
ميسون : لازم تتحركي .. وتتزوجي حيدر
عزة :لك انا بشو وانتي بشو
ميسون :ياجدبة محدا بطالعك من هالمصيبة غير حيدر .. اولا حيدر ايدو واصلة ومتى ماتزوجك قنعيه يسجلو على اسمو .. اصلا اذا صرتي مرتو لحيدر بيك اسامة لا بتحليل ولا بغيرو بيقدر ياخد ابنك منك .. هدول عيلة اليوسفي
عزة :بس هيك بكون انا بدي اياه لمصلحة
ميسون :ليش لمصلحة .. اولا يا حلوة هو رايدك وتاني شي لاتنسي انك عطيتيه كليتك
عزة :بس
ميسون :بس شوو .. فكري بأبنك فكري بحالك حاج طول عمرك مشنططة
عزة : طيب وانتي شوبدك تعملي
ميسون : بدي اشتغل بمهنتي وع مرئا الناس كلا
عزة :رقاصة ؟؟
ميسون :هههههههههه اااخ منك ياعزة ضحكتيني وانا مالي نفس اضحك .. يادبة بدي اشتغل دكتورة بمشفى
عزة :ايييه 😅 .. طيب والميتم
ميسون :رقمي عندن اذا في شي بيتصلو فيني .. المهم انتي هلأ اهتميلي بحيدر
عزة :هو مبارح عزمني ع الغدا وانا اجلتا
ميسون : لكن بكرا بتلبسي احلا لبس عندك وبتدخلي لعندو ومعك فنجان قهوة وزكريه بالعزيمة انا عطيتك اول الطريق وعليكي الباقي
عزة :ماشي رح اعمل متل ماقلتيلي
ميسون :صحي شقد صرلك مطلقة
عزة :شي شهرين ونص .. ليش عم تسألي
ميسون :ع عدة طلاقك .. انو ايمت بتخلص
عزة :اي .. لسه بدا تقريبا شي عشرين يوم
ميسون :لكن شدي حالك .. لازم تكون مطبقتيه قبل ماتخلص العدة
_______________________
دخل بلال ع بيت اهلو .. شاف امو قاعد بالصالون لحالا ع التلفزيون وعم تقشر تفاح
سلمى :جيت بوقتك تعا قعود معي
بلال :ليش وين ولادك
سلمى : بيان بغرفتا ماعم تحكي حدا وحيدر بغرفة المكتب قال مدري شو عم يحسب
بلال :طيب انا طالع شوفن وراجعلك
اخد تفاحة وطلع
وصل ع غرفة بيان كانت قاعدة ع التخت ماسكة تلفونا .. لما حست انو حدا اجا بسرعة نزلت بفرشتا وغطت حالا
دق بلال دقتين وفتح
بلال :بعرف مانك نايمة قومي بدي احكي معك .. "قضم قضمة من التفاحة وقال :هههه بتكوني تعبانة وانتي عم تطفي الحريق اليوم مشان هيك نايمة بكير مو هيك
رفعت الغطا وقامت بسرعة وقالت :شووو عرفك
بلال :ههههه لك شو عرفني .. اذا انا يلي حړقتو معقول ماكون بعرف
بيان :شووو .. انت يلي حرقتلو بيتو ماحرام عليك لك شو عملك .. انت مافي بقلبك رحمة
بلال : انا حذرتك وانتي ماعم تذوقي ع دمك
بيان :انت شوو قلبك حجر .. شوو عملك لتحرقلو بيتو ..
بلال :قلتلك بعدي عنو .. ولا اليوم بلاقيكن عابطين بعض بالاستديو .. فكري منيح كل خطوة بتخطيها تجاهو هو يلي رح يدفع تمنا
بيان تبكي :ليش .. ليش 😭😭
بلال :هييك .. اناا هيك انا هاد الشخص مابدي اياه يكون زوج اختي لو بكون احسن واحد بهي الدنيا مابدي اياااه عم تفهمي ... وبكرااا بدك تنهي كلشي ولا والله لاحرقلو سيارتو وبيت اهلو ورجعو للحاوية .. وصرتي بتعرفيني اني بنفز يلي بقولو ويلي مابقولو
تركها وطلع
بيان :يارربي ليش هيك حظي .. يا ربي قلبي عم ېحترق .. روح يا بلال الله يحرقلك قلبك متل ماحرقتيلي قلبي .. لك اااااااخ
طبت ع المخدة وصارت تبكي
..................
وصل ع المكتب كان حيدر مشغول بالوراق يلي قدامو ويسجل ويسحب
بلال :مسالخير
حيدر :اهلين بلال
بلال :شو مشغول
حيدر :لا خصلت .. قوم ننزل لعند ماما نقعد معا
بلال :لا بدي احكي معك شغلة على انفراد
حيدر :احكي
بلال :انت هلأ عنجد عم تفكر بعزة
حيدر :مافهمت
بلال :انو عنجد عم تفكر تتزوجا
حيدر :مبدئيا اي .. بس لسه ماحكيت معا .. وشوف شو رأيا
بلال :يعني انت حبيتا
حيدر :مو حب حب معجب فيها وملاقيها مناسبة الي
بلال :بدك نصيحتي
حيدر :اي
بلال :بلالك اياها
حيدر :ليش شوفي
بلال :هي المخلوقة مانها ظابطة .. صح تبرعتلك بكليتا ويكتر خيرا .. بس مابتناسبك
حيدر : فهمني اكتر
بلال :لك مافي عليها شي وانا ماشفت منها .. بس انت من فترة سألتني مين طلب مني وظفا صح
حيدر : وانت قلتلي جوهر
بلال : لا مو جوهر.. ميسون ..
حيدر :هي يلي كنت متزوجا .. هي الرقاصة
بلال :اي هية .. عزة وميسون رفقة .. انا صح تزوجت ميسون بس ماكنت رح كمل معا كنت ناوي اتسلى .. بس شكلا عم تخطط لشي هية ورفيقتا
حيدر :.....
بلال : انا غلطت اني وظفتا بس قلت شو بدا تعمل .. بس ياما تحت السواهي دواهي واصحك توثق بحدا .. ويمكن كلشي كانو مخطيطيلو هية ورفيقتا .. يمكن قصة المشفى كلا مفبركة بتكون هية ورفيقتا نسقو مع بعض واول ماعرفو انو عندك موعد بالمشفى فاتت وتظاهرت انو ابنا مريض ..ولا قلك يمكن كلو صدف انسى كل هدول وشفلي هالفيديو
فتح تلفونو وشغل الفيديو وهية عم تحكي مع اسامة
مسك التلفون وصار يتفرج
بلال : شايف شو عم تقول لزوجا .. اكيد هاد هو السبب يلي اتطلقت مشانو .. مشان هيك لاتفوت هالفوتة وخليك بالسليم احسن ماتصير تخونك بعد ماتاخدا
ازمة_ثقة
الجزء_الحادي_عشر
بقلم_مريم_اليوسف
بصباح يوم جديد
ميسون رايحة جاي بالبيت وعم تفكر وفي اسئلة كتير براسا والشك داخلا : معقول بلال مصاپ بالاېدز ونقلي المړض .. والتحاليل معقول مابين فيها لانو المړض بأولو .. انا لازم اعرف كلشي .. لازم احكي معو
طلعت من غرفتا لقت فهد عم يفطر
ميسون :صباحو حبيبي
فهد: اهلين خالتو
ميسون :راحت الماما ع الشغل
فهد :اي من شوي
ميسون :ليك حبيبي انا بدي روح مشوار ورح اتركك بالبيت رح اعطيك الايباد تلعب فيه ومابتقرب ع اي شي بالبيت مشان سلامتك بتضل قاعد محلك لحتى اجي ومين مادق الباب مابتفتح حتى لو كان البابا ماشي
فهد :ماشي خالتو
ميسون :انا فايتة بدل تيابي واطلع
____________________
بالمصنع
دخلت عزة ع المطبخ لعند سميرة وكانت بكامل اناقتها متل ماوصتا ميسون
عزة :صباح الخير
سميرة:صباح النور ... شو اليوم مشقرقة
عزة :لا مشقرقة ولا شي بس رفيقتي اصرت علي البس هيك
سميرة :بس حلو كتير عليكي
عزة :الله يحلي ايامك
سميرة :شو صار معك بخصوص طليقك
عزة :ماصار شي بس انا خاېفة ياخد ابني مني
سميرة :طيب مافي حل
عزة :بدي شوف حيدر بيك بركي بيقدر يساعدني
سميرة :يارب
عزة :عطيني فنجان قهوة خليني دخلو اياه وفاتحو بالموضوع
سميرة :خدي هاد فنجان هلأ صبيتو
عزة :شكرا
اخدتو وراحت ع مكتب حيدر .. دقت الباب وفاتت
عزة :صباح الخير حيدر بيك
حيدر رفع راسو واتطلع عليها ببرود وقال :صباح النور
عزة: حبيت جبلك الفنجان القهوة انا
حيدر بقلبو : هه بلشت تبين نواياكي لابسة لابس حلو وجايبتلي القهوة
حيدر :يسلمو اديكي حطيه هون
حطتو على الطاولة وقعدت
عزة : حيدر بيك انت من يومين عرضت علي نطلع نتغدا بشي مكان وانا قلتلك لحتى افضى .. واليوم فاضية شو رأيك
حيدر :ماني فاضي
عزة حست حالا سخيفة .. وانو هو عم يتجنبا ... وانقهرت من حالا
عزة :طيب انا رح ارجع على شغلي .. اسفة اذا عطلتك
حيدر :لحظة .. انتي ماقلتي عم تدوري عشغل وبدك تتركي هون
عزة پصدمة :اي
حيدر :انا بعتذر منك بس نحنا استغنينا عن خدامتك ومن اليوم بتعتبري حالك مفصولة وهيك بتدوري عشغل براحتك ..
حط ظرف قداما وقال :هاد مبلغ مكافئة نهاية الخدمة
عزة كانت مصډومة لدرجة نزلت دمعتا من هاد الموقف
وقفت وطلعت بدون ماتحكي ولا كلمة
حيدر :لحظة .. ما اخدتي المصاري
ماردت عليه وطلعت عم تبكي وراحت ع مكتبا .. شافتا سميرة واجت لعندا
سميرة :شوفي .. ليش عم تبكي ..
عزة :قلعني من الشغل
سميرة :لييش .. شو عملتي .. شو قلتيلو
عزة :ماعملت شي .. ولا حتى حكيت ... انا طول عمري بتعاقب وبتبهدل عشي ماعملتو
سميرة :هاد اكيد بلال
عزة :ليش شو بدو بلال
سميرة :هو يمكن مفكر في شي بينك وبين حيدر وعم يعمل جهدو يبعدكن عن بعض واكيد هلأ قايل شي لحيدر لحتى انقلب هالقلبة
عزة ضحكت باكية :ههههههههه .. والله انا مهمة بهل المجتمع لحتى الكل عم يخطط من وراي .. بس شكيتن لاالله كلون والله لايسامح كل حدا جرحني بكلمة صغيرة
سميرة :وحتى انا
عزة :لا ماقصدي عليكي .. انا رايحة بدك شي
سميرة :خلينا نشوفك
عزة :ان شاء الله بزوركن
_________________
وصلت ميسون ع الشركة وشافت سيارتو برا ..
ميسون : منيح طلع هون .. احسن ما اطرق مشوار ع المصنع .. فاتت ع الشركة وسألت عنو وارشدوها على مكتبو
وصلت لعند السكرتيرة
ميسون :مرحبا .. بلال بيك موجود
السكرتيرة: اي موجود مين قلو
ميسون : ميسون وهو بيعرفني
السكرتيرة :لحظة
دخلت لعندو
السكرتيرة :بلال بيك في وحدة برا بدا تقابلك
بلال :ماقالتاك مين
السكرتيرة :مبلا اسما ميسوم
بلال :ميسون ؟؟؟ .... اممم اصرفيها
السكرتيرة :بتأمر
بلال :لحظة .. خليها تفوت
هزت براسا وطلعت
حط القلم من ايدو ورجع ع الكرسي وهو عم يتطلع ع الباب
ميسون :مرحبا
بلال :اهلين .. شو هالزيارة الحلوة جوري خانم
ميسون :هه اذا مصر تجرحني فبحب قلك انو ماضل فيني شي سليم لحتى ينجرح
بلال : ليش جاي .. شوبدك
ميسون : بدنا نحكي
بلال :طيب اقعدي .. شو تشربي
ميسون :هه ماني جاي جربك .. جاي اسألك سؤال ورد غطاه
بلال :شو هو
ميسون :انت مصاپ بالاېدز
بلال : اذا انتي مصاپة انا بكون مصاپ
ميسون :انا محدا لمسني غيرك
بلال :اصبح مافيني شي
ميسون :طيب من وين جبتلي هاد المړض لكن .. ليكون قصدك بس تزلني
بلال :بالكازينو هيك كانو يقولو انك مصاپة بالاېدز
ميسون :وانت صدقت ؟؟
بلال :وليش لحتى ماصدق بالنهاية انتي رقاصة وبنت حرام
وقفت ميسون وقالت :هه مابيعرف ابن الحړام غير ابن الحړام
بلال :ههههههه
مدت ايدا لحتى تصافحو
اتطلع عليها بتعجب .. وقف وحط ايدو بأيدا
ميسون :بتمنى انو يكون اخر لقاء
سحبت ايدا من ايدو وطلعت بكل غرور
ضل واقف مكانو وعم يتطلع ع المكان يلي كانت واقفة فيه ويتطلع ع ايدو
بلال :لساتك بنفسي يابنت الحړام
________________
سلوى عم تسوق السيارة وولادا معا
الولاد :ماما ... يا ماما ... ماما
سلوى :لك شووو .. لسه نق نق .. مابدكن نروح نفطر رايحين ليش عم تنقو
مهند :ماما ليكي شركة البابا صارت قريبة خلينا نروح ناخدو معنا
سلوى:مارح يقبل
وعد :بليز ماما خلينا نجرب
سلوى :اووف طيب .. بس انا متأكدة انو مارح يوافق
مهند :اذا ماوافق بس بنشوفو
فرقت بسيارتا عاليمين ومشت اتجاه الشركة .. واول ماوصلت شافت ميسون طالعة من الشركة وعم تركب سيارتا
مهند :ماما ننزل
سلوى :لا خليكن راكبين
وعد :ماما بس وصلنا
سلوى:لك فهمنااا
مشت ميسون بسيارتا وسلوى لحقتا
سلوى:بقلبا شو عملتيلو لحتى متعلق فيكي لهل الدرجة .. معقول رجع تزوجك .. اكيد لكن شو عم تعمل عندو
_______________
حيدر قاعد بمكتبو وشعور بالندم وتأنيب الضمير عم ينتابو : ليش هيك حكيت معا .. انا مدين الها بحياتي لك ليش استعجلت وقلعتا
اندق الباب
حيدر :تفضل
فاتت سميرة اخدت فنجان القهوة وقالت :بدك شي غيرو حيدر بيك
حيدر :لا
مشت لعند الباب ووقفا
حيدر :ليكي .. عزة لساتا بالمصنع
سميرة :شو بدا تضل تسوي بعد ماقلعتا
حيدر :هية قالتلك
سميرة :اي .. بس قلي شو عملت لحتى هيك قلعتا .. قطعتلي قلبي
حيدر :ع شو
سميرة : من حكيا قالت انا عطول بتعاقب عشي ماعملتو ... لاتواخذني حيدر بيك بس شو ماكانت عاملة معك مابحقلك تحكيها هيك .. ولاتنسى انها تبرعتلك بكليتا .. يعني اذا مزعلتك كان فيك تكون معا محترم
حيدر :عفوا؟!!
سميرة :مابقصدي .. بس ممكن اعرف شو عملت لحتى قلعتا
حيدر :.....
سميرة : كانت جاي لعندك وكلا امل انك مارح تردا
حيدر :شو كان بدا
سميرة :جوزا .. قصدي طليقا عم ېهددا بدو ياخد ابنا منا .. واجت تلجئلك لحتى تساعدا
حيدر :هههه اطمني مارح ياخدو لانو مانو ابنو
سميرة :مين قلك انو مانو ابنو ..
حيدر :انا شفتا بعيوني عم تقولو هاد مانو ابنك
سميرة :وين شفتا
حيدر :بلال كان واقف وصور
سميرة :اي صح شفت بلال عم يصور بس بلال بيك بس صور مقطع صغير ومشي وماكمل باقي الحديث
حيدر :ايو حديث ؟
سميرة :مابدي احكي شي مشان ماتطالعني كذابي .. بس بالمصنع في كاميرات فيك ترجعن وتعرف شو صار مبارح بالتفصيل .. عن اذنك
فتح الابتوب يلي قدامو بسرعة وكبس ملف الكاميرا
____________________
بيان قاعدة بغرفتا ومسكرة عحالا الباب .. اندق الباب
بيان :مين
:انا مرح فتحي
فتحت ودخلت مرح
مرح : كيفك حبيبتي
بيان بحزن :متل مانك شايفة
دخلو وقعدو ع التخت
مرح :شوفي شي جديد
بيان :بلال هو ورا الحريق
مرح :شووو
بيان :اي .. قال كل مابقرب منو سعد يلي رح يدفعو التمن
مرح :وشو ناوية تعملي
بيان :رح اتركو
مرح :بهل البساطة
بيان :اي مابدي اياه ينأذى بسببي
مرح :بس هو مارح يتقبل هالشي وكمان جيتي تتركيه بأصعب اوقاتو
بيان :مانك شايفي حالتي ماني قدرانة اعمل شي .. ليش انا ماني بأصعب حالاتي .. حبيبي عم يتعذب قدامي وماني قدرانة اخطي خطوة وحدة تجاهو .. خليني ابعد احسن الو
مرح :والك
بيان : الي هه😏 .. اااه ياربي .. والله فراقو اصعب علي من المۏت .. بس ماطالع بأيدي شي
مرح :ماحاولتي تقنعي اخوكي
بيان : ماعم يعطيني مجال لحتى اذكر اسمو
مرح :وكيف بدك تخبريه ..
بيان :مو انا .. انتي
مرح :انا؟؟؟
بيان :اي لانو مارح اقدر اتطلع بعيونو واكذب عليه .. انا مسكرة خطي من مبارح مشان مايتصل فيني
مرح : بدك تضلي مسكرتيه عطول والاستديو مابدك تروحي عليه
بيان : لا .. حاليا لأ .. لانو اكيد مارح يقتنع ويحاول يجي لعندي .. انا مابدي التقى فيه لانو اكيد رح تكون في مصېبة ناطرتو
مرح : شوبدك اياني قلو .. انو شو السبب.. قلو ع اخوكي
بيان : لااا ... لانو اذا عرف السبب يعرف انو انا مادخلني .. واكيد رح يشتكي عبلال وبلال الو واسطات ومارح يفوت ع الحبس ويرجع يصب ڠضبو عليه .. انا مابدي اياه ينأذى
مرح : لهل الدرجة بتحبيه
بيان : ااااه .. الله وحدو بيعرف شوفي بقلبي
مرح : ماقلتيلي شو بدنا نقلو
بيان : قوليلو مابتحبك .. كانت عم تتسلى .. مابعرف
مرح : هيك بدك قلوو
مسكت راسا وقالت : والله مابعرف .. مابعرف .. بس لازم هالشي ينتهي
ضمتا مرح وقالت :خلص ياعمري طولي بالك
بعدت عن مرح واتطلعت فيها بعيون حمرا باكية وحكت : لازم يكرهني .. اي اي احسن .. قوليلو كانت عم تتسلى وانها مابتحبك .. وانوو انت ما من مستواها وهية مستحيل تتزوجك .. بدا تتزوج واحد ابن حسب ونسب واهلو معروفين .. وقوليلو كمان انو انا سافرت مع واحد تعرفت عليه جديد
مرح :......
بيان :اي لازم يكرهني .. مشان مايحاول يحبني
مرح :وعنجد بدك تسافري
بيان :اي رح سافر فترة لحتى ارتاح شوي وهو بكون نسيني
____________________
وصلت ميسون ع البيت ..صفت السيارة ونزلت .. وسلوى ماشية وراها
سلوى :ماما انا نازلة شوي وراجعة
نزلت ورا ميسون ولحقتا عباب شقتا حفظت الشقة ونزلت فتحت ميسون الباب وشافت عزة قاعدة وعم تبكي
ميسون :عزة انتي ايمت جيتي وليش عم تبكي
عزة :هلأ جيت وين كنتي انتي
ميسون :وصلت مشوار صغير .. بس قوليلي ليش عم تبكي
عزة :حيدر قلعني
ميسون :شوو
عزة :قلتيلي غير .. لك كلن حقراء .. مافي رجال بينوثق فيه
ميسون :طيب ليش عم تبكي خلص بالناقص منو ..
عزة : لانو جرحني .. ليش قلعني شو عملتلو
ميسون :لتكوني انجلقتي عليه بفرد مرة
عزة :ماني مچنونة او بنت صغيرة لاعمل هيك تصرف
ميسون :طيب طولي بالك.. كل شغلة والها حل
عزة :حل لشو .. ااه حل لشو .. حل لشنططتي ولا حل لاسامة ولا لشو .. انا خلص تعبت تعبت 😭😭
ميسون :انتي لازم تكبري .. لازم تكوني اقوى منن .. لازم يعملولك حساب
عزة :هههه مشان الله حاج تتمسخري .. وكيف بدي اقوى
ميسون :يعني انتي عندك موهبة كبيرة ولازم تستغليها
عزة:قصدك صوتي
ميسون :اي .. بتعملي غنية وحدة وبتكسري فيها الدني سمعي مني
عزة :مالي نفس لشي ومعد بدي جازف بهل الدنيا لانها كلا ضددي
ميسون :لا تيأسي
عزة :يأست وخلص
ميسون :هيك يعني بدك تستسلمي للأمر الواقع
عزة : لا بدي ارجع كم خطوة لورا
ميسون : كيف
عزة : قررت احكي مع اسامة واطلب منو يرجعني
ميسون :شوووو .. انتي اكيد جنيتي
عزة :لا ماجنيت بدي ضل هيك طول عمري
ميسون :بعد كلشي عملو معك
عزة :اي .. قد ماكان بضل زوجي وابو ابني حتى لو بدي صير خدامة الو ولاهلو بدي اطلب منو يرجعني .. انا خلص معد متحملة هالعيشة
ميسون :عزة لاتجني .. قوليلي ليش بدك ترجعي عنجد في شي براسك
عزة : .....
________________
سلوى عم تسوق وشاردة
مهند :ماما .. ليش مادخلنا لعند البابا .. وكمان مين هي يلي لحقناها
سلوى :مهند لا تسأل كتير
مهند :طيب بدنا نروح لعند البابا
سلوى:لااا
________________
حيدر عم يتفرج على الفيديو
عزة :اسامة شو بدك
اسامة : بدي ابني
عزة :مالك عندي شي
اسامة :هاد ابني وباخدو ڠصب عنك
عزة :ههههههه
اسامة :ليش عم تضحكي
عزة :ماليكون ابنك
اسامة :شووو
عزة :متل ماسمعت .. وامك كان معا حق .. فهد مانو ابنك .. انا عملت علاقة مع شب غيرك وحملت بفهد اسامة : لاتخلي الحقد يلي جواتك يعمي عقلبك وماتعرفي شو عم تحكي
عزة : انت مابتفهم فهد مانو ابنك .. واذا مانك مصدق روح اعملو تحاليل
اسامة :بعرف انك عم تكذبي .. وفهد ابني وبالعلامة من الشامة يلي بكتفو نفس يلي عندي وبيشبهني بكلشي يعني لاتحاولي تقهريني
عزة :لا فهد مانو ابنك فهد ابني
اسامة :بس بدي شوفو
عزة :لا تحلم .. وبعدين كيف وصلت لهون
اسامة :يلي بيسأل مابضيع .. المهم فهد وينو
عزة :فهد مادخلك فيه
اسامة :فهد ابني وڠصب عنك .. مشان هيك دليني عليه احسنلك
عزة :والله يلي بيرمي ابنو بنص الليل بالشارع مانو اب
اسامة :شي صار ومضي .. ابني وين
عزة : قلتلك مالك عندي شي
اسامة : بسيطة ياعزة بنتواجه
عزة : روح بلط البحر وخليك مبسوط وفلتان مع البنات
اسامة :اولا انا ماني فلتان واذا قصدك عهديك يلي شفتيها معي بتكون مرتي وبنت عمي .. بنت اصل ما متلك مامعروف مين قرعة ابوكي انا الحق علي كيف انعمى عقلبي واخدت وحدة متلك .. بس كلشي بيتصلح ولسه ابني بدي رجعو لحضني لانو مابدي اياه يعيش مع وحدة متلك ..
واقفة مصډومة ووجها احمر من كتر الڠضب والدمعة عم تحاول تحبسا
اسامة :ليش مصډومة .. اي انا كنت كتير متندم ويلي صار هديك الليلة تمثلية .. مشان خلي طريق للرجعة وارجع اخد ابني بس شكلك كاشفة كلشي وصايرة عنيدة ..واذا ماعطيتيني اياه بالحسنى رح اخدو ڠصب عنك عم تفهمي
عزة :بكرهك .. بكرهك .. الله يلعنك
سكر الابتوب بقوة وقال : انا شوو عملت .. ليش هيك عملت معا .. ليش ما اتأكدت قبل مااعمل معا هيك .. الله يصلحك يا بلال مانك فهمان شي وخليتني متلك ما افهم شي.. لك اووف
اخد مفاتيحو وطلع وهو مزعوج
___________________
بلال قاعد على كرسيه الدوار وشارد بكلام ميسون
((بتمنى يكون اخر لقاء ... بتمنى يكون اخر لقاء ... بتمنى يكون اخر لقاء ))
هي الجملة الوحيدة يلي عم ترن بادنو .. وهالكلمة ذات انزعاجو .. وتخربط بمشاعرو
____________________
ميسون :انتي متأكدة من قرارك
عزة :اي .. هي اذا قبل يرجعني
ميسون : مابعرف والله
عزة مسحت دموعا واخدت نفس عميق وكأنو تعدل مزاجا بعد ماحكت او يمكن بعد ما اخدت قرارا
عزة : هلأ انتي عأساس بدك تشتغلي بمهنتك شو صار معك
ميسون : المشكلة بدك واسطة او رح يشلفوني بمشفى حكومي اخر الدني
عزة : والحل ؟؟
ميسون :رح دور ع واسطة هههه
عزة : لا تقوليلي بلال
ميسون :لا صديقة هية دكتورة ..
عزة :كتير منيح
_________________
قاعدة مرح بالكافيترا ناطرتو وعم تهز رجلا وشاردة بكلام بيان (( لاتتلبكي قدامو .. خليكي واثقة من حكيك لحتى يصدقك ))
سعد :مرحبا
فاقت من شرودا ووقفت وصافحتو
مرح :اهلين
سعد :بيان وينا وليش ماعم ترد علي .. بس ماتكون زعلت مني .. لانوبعد الحريق طلبت ضل لحالي
مرح :لا الموضوع مو هيك .. انا طلبت شوفك مشان قلك الحقيقة
سعد :حقيقة شو بيان فيها شي
مرح :لا لا بيان كتير منيحة .. بس طلبت مني اجي قابلك ووصلك هالرسالة
سعد :رسالة شو .. لك شوفي احكي
مرح :بصراحة بيان معد بدا اياك
سعد :شوووو
مرح :اي معد بدا اياك او هية من الاول ماكان بدا اياك
سعد :لحظة .. انتي شو عم تخبصي
مرح :صدقني هاد مو تخبيص هي الحقيقة
سعد :لك حيقية شوو .. انا وبيان بنحب بعض
مرح :هالحكي مو صحيح .. انت بتحبا صح بس هية مابتحبك .. بيان هيك متعودة تطلع وتفوت مع الشب تحت اسم الحب ولما تمل بتتركو وبتمشي .. بيان بعمرا ماحبت حدا وكل قصدا هو التسلية
سعد :هي مزحة صح
مرح :لا .. صدقني هي الحقيقة .. وانا عطول كنت انصحا تبطل عالشغلات قال هية عم تتسلى .. ومستحيل ترتبط فيك بالنهاية انت كنت ...(سكتت)
سعد :زبال... ليش سكتي
مرح :انا مادخلني هية قالت هيك
سعد :لكن ليش ساعدتني من الاول
مرح :يعني بالنهاية انت كنت بمثابة بزنس بالنسبة الها واستفادت منك ..
سعد : لا لا انا ماني مصدق كل هالحكي
مرح :لازم تصدق وتفيق من الحلم .. بيان وحدة طايشة هيك عطول بتعمل ... بتعرف هية هلأ وين .. لقت واحد وراحت معو ع مصر عشرم الشيخ تقضي معو كم يوم ..
سعد شبه مڼهار وماعم يستوعب يلي صار
سعد : ماعم استوعب .. بيان تعمل معي هيك .. بس مشان التسلية .. اممم وانا كنت قول ليش عم تأجلني انو اجي واطلبا من اهلا .. بس ليش هيك عملت .. كانت تقول من الاول بدا تتسلى .. ليش لتخليني حبا واتعلق فيها
مرح :لو قالتلك هيك مارح تضل تسلية
سعد وقف وقال انا لازم شوفا واحكي معا
مرح :مارح تلاقيها وع التلفون مارح ترد عليك
سعد :بس اناا ماني مصدقكك .. يمكن انتي عم تكذبي
مرح :رح اتصل فيها ع البيت بتكون لسه ماطلعت .. وتتأكد بنفسك
سعد :بسرعة لو سمحتي
اتصلت مرح : الو بيان
بيان :شو صا معك
مرح :سعد ماعم يصدق وبدو يسمع منك
بيان :هاتيه
اخدت نفس عميق وعدلت صوتا
سعد :الوو .. بيان .. هاد الحكي يلي عم تحكيه رفيقتك صحيح
بيان :اي صحيح.. سعد نحنا مو مناسبين لبعض .. او بالاحرى انا ماخرج اتزوج وافتح بيت واتحمل مسؤولية وانت اخر فترة صرت تنق كتير وانا هالشي مابناسبني ..بحب عيش حرة ومحدا يتحكم فيني وبعدين انا حاليا ماني مفكرة بالزواج
سعد : طيب بنأجل الزواج
بيان : بصراحة وبدون زعل انت مابتناسبني يعني حتى لو ضلينا مع بعض لفترة مسحيل نكمل مع بعض
سعد :ليش كذبتي علي ... من الاول قلتلك لاتعلقيني فيكي ع الفاضي .. انا قلبي مانو متحمل خيبات امل .. ليش ضحكتي علي ولعبتي بمشاعري .. ليش .. ليش ماحكيتي من الاول انك بدك تتسلي .. ليش .. لك ليش .. الو .. الووو.
سكرت الخط ورمت السماعة ع الارض حطت اديها ع وجها ونزلت ع الارض وصارت تبكي
.....................
سعد عطا التلفون لمرح ووقف ومشي
لحقتو مرح
مرح :سعد .. سعد
وقف والټفت عليها :نعم شوبدك
مرح :بترجاك ماتزعل
سعد :ههههه عم تترجيني ما ازعل .. انتو ډمرتوني وعم تقوليلي لاتزعل بعز محنتي دعست على مشاعري ومشت.
مرح :انا مادخلني
سعد :فهميها انو مارح مرقلا اياه
مرح :لاااا اصحك
سعد :هههه خاېفة عليها لكتلة المشاعر قصدي لكتلة التسلية
مرح :لا بس لاتحاول اخواتا مابيرحموك.. انا خاېفة عليك
هز براسو ومشي
مسكت تلفونا ودقت لبيان
بيان :😭😭😭 اي مرح
مرح:مشي راح
بيان :زعل ؟؟
مرح :كتير ..
بيان :بترجاكي ضلي جنبو
مرح : ماشي .. وانتي ايمت بدك تسافري
بيان :رح اتصل ببلال
__________________
بلال قاعد بمكتبو رن تلفونو
بلال :اي بيان
بيان : تركتو
بلال :يعني عم تخبريني مشان اعرف .. اذا تركتو عنجد انا بعرف بطريقتي مو عن طريقك
بيان :مامشان هيك عم اتصل
بلال:لكن؟؟
بيلن :بدي سافر فترة وابعد
بلال :اي ماتكرمي .. ع وين
بيان :عم يقولو شرم الشيخ حلوة
بلال : اي اليوم بشفلك ايمت في حجوزات
بيان :اي
بلال :بس اذا بخبر انو لحقك ما..
بيان :لا تهدد مارح يلحقني ولا الحقو .. عم قلك خلص كلشي انتهى
بلال :طيب ماشي .. شوي وبرد عليكي خبر
سكر التلفون ورفع تلفون المكتب :الو .. بدي تحجزيلي تيكت طيارة عمصر .. اي لشخص واحد... اليوم... لأمابدي اليو .. بكرا اذا في
انفتح الباب وفات حيدر : انت كيف هيك بتقلي
بلال: لحظة .. شوي وبحكي معك
سكر وقال :شوفي
حيدر :كيف بتقلي اشيا مانك متأكد منها
بلال :عن شوو
حيدر :عن عزة ..
بلال :ماشفت الفيديو .. انا ماجبت شي من عندي
حيدر :بس الفيديو يلي عندك ناقص .. ومانك مكمل الحديث
بلال :بصراحة هاد يلي سمعتو وصورتو .. وكمان خفت حدا يحس علي ماضليت للأخير بس ظنيت هدول عن كل الحديث
حيدر :عزة كانت عم تحكي هيك مشان ماياخدلا ابنا ..يعني الولد ابنو
بلال :وانت مين قلك .. بس ماتكون هية وانت صدقتا
حيدر :لا هية ماحكت شي .. انا شفت بكاميرة المراقبة
بلال بقلبو : كيف نيستا
بلال :طيب ماصار شي .. سوء فهم ومرق
حيدر :ومين قلك انو مرق .. بتعرف انا شو عملت
بلال :لا شو عملت
حيدر :قلعتا من الشغل
بلال من جواتو فرح : وانا شو بعرفني انك انفعلت لهل الدرجة وقلعتا انا فكرتا مانا منيحة وكنت عم حذرك منها
حيدر : لك الله يصلحك .. الله يصلحك
بلال :بس لاتنسى انها صديقة ميسون
حيدر :صديقتا بس مانا ميسون .. وكمان ماضروري تكون متل رفيقتا .. انا ظلمتا كتير .. لك هي فدتني بروحا
بلال :خلصنا عاد لسه فدتني بروحا وفدتني بروح ... والله نحنا ماجبرناها تعطيك كليتا .. هية منا لحالا عملت هيك وكمان عرضنا عليها مصاري وماقبلت شو نعملا اكتر من هيك
حيدر :شو ماكان ماكان لازم عاملا بهي الطريقة
بلال :والله الذنب ذنبك .. انا خبرتك كان لازم تتأكد
حيدر :شوبدي اعمل هلأ
بلال :شوبدك تعمل كمان خلص قلعتا وراحت بحال سبيلا لاتفكر فيها زيادة عن اللزوم .. ولاتعطيها اكبر من حجما
حيدر :انت ليش هيك عطول شايف حالك فوق هالعالم كلا
بلال بعصبية :لانو كل هي العالم ما بتطول صرمايتي ... وانت لازم تكون هيك ... وحدة تبرعتلو بكليتا صار بدو يتزوجا ...لك فكروو
حيدر :اصلا ما الحق عليك .. الحق علي انا معتبرك اخي وجاي لاقي عندك حل .. طول عمرك هيك طايش .. مفكر حالك انظم .. مفكر انو مابعرف انك مېت عصرماية هي الرقاصة .. بس كبريائك عم يمنعك تعترف بهاد الحب .. وبعدين تعا لهون عم تقول فكروو .. حضرتك ماتفكر ببيتك ومرتك وولادك .. ههههه بيقعد ينظر وهو ماعندو جنس النظر والفهم
بلال :انت شووو عم تحكي .. مين مېت ع مين
تركو حيدر وطلع مشان يوقف هالنقاش
________________________
المسا ببيت ميسون
قاعدين عسفرة العشا
ميسون عم تاكل بشكل خفيف .. وعزة عم تحرك الاكلات بالشوكة يلي بأيدها يمين وشمال
ميسون :عزة ماتاكلي
تركت الشوكة وقالت مالي نفس
ميسون :مابصير هيك لازم تاكلي
عزة :عنجد ماني قدرانة
فهد :ماما انا اشبعت
عزة :صحة حبيبي قوم لنغسل ونروح لحتى انام
يعني بأختصار الجو بالبيت جاف او بارد وكل وحدة فيها يلي مكفيها
_______________________
ببيت عائلة اليوسفي
حيدر وامو قاعدين عم يتعشو
حيدر :ماما ليش بيان مانا قاعدة معنا
سلمى مابعرف تركا ع راحتا
فات عليهن بلال .. حيدر ترك الاكل وقام
سلمى:شوفي شوصاير .. في شي بينك وبين حيدر
بلال :مابعرف .. تركيني منو
سلمى :لك شوفي .. ليش هيك صايرين
بلال :اسألي ولادك
رما تيكت طيارة على الطاولة
اخدتو سلمى وصارت تتفحصو
سلمى:وشو هاد كمان
بلال :تيكت طيارة لبيان
سلمى :ليش بيان ع وين مسافرة
بلال :ع مصر
سلمى :وليش انا مامعي خبر شو انا رجل كرسي بهل البيت
بلال :هي عم خبرك
سلمى :بعد شوو .. بعد ماخططتو ونفذتو
بلال :مو هيك القصة ماما .. بس قال تركت هاد الزبال وقال بدا تطلع تغير جوا ..
بيان وهية نازلة من على الدرج :لاتقول عنو زبال
بلال : هاد تيكت الطيارة حجزتلك ليلتين بأوتيل بالقاهرة وبشرم حجز مفتوح
اخدت التيكت وقعدت محل حيدر
سلمى :ليش ماخبرتيني انك مسافرة
بيان :وهي خبرتي
وقفت وبركت ضهرا وقالت طالعة ضب شنتي
بلال :وانا تصبحو على خير
كل واحد راح من جهة وسلمى ضلت قاعدة على طاولة الاكل لحالا عم تتطلع ع الكراسي الفاضية
_________________________
الباب عم يندق
قامت ام سعد وفتحت الباب
ام سعد :اهلين خالتي سامر
سامر :كيفك خالتي شو اخبارك
ام سعد :الحمد لله بخير
سامر :وينو سعد خالتي
ام سعد :ع السطح طلاع شوفو من مبارح من وقت ما انحرق البيت وهو مانو عبعضو .. طلاع حكيه كم كلمة وقلو البعوض الله
سامر: يلا
وصل للسطح .. كان قاعد ع الارض بالزاوية وبالعتمة مافي غير ضو السېجارة
قرب وقعد حدو .. سعد صار يمسح دموعو
سامر :كنت عم تبكي
مارد رما عقم السېجارة وطلع وحدة تانية وشعلا
سامر :سعد معقول تعمل هيك مشان بيت
سعد :يلعن ابو البيوت ومين قلك انو عم ابكي مشان البيت
سامر :لك مشان شو
سعد :انا تعبت ياصاحبي .. مافي غير يلي بيجرجني وبيغدر فيني .. انا تعبت .. بالاول نهلا تركتني مشان المصاري وراحت انخطبت لواحد تاني وانا شايفا عم تروح من بين ادي وماطالع بأيدي شي غير اتعذب عالفاضي لحتى طلعتلي بيان .. قلت هي غير ومابتفكر بالمصاري ووعدتني تضل معي ... قام ياحزرك شو صار
... طلعت عم تتسلى .. انا عم حبا كل يوم اضعاف اليوم يلي قبلو وهية عم تتسلى فيني وبمشاعري .. قال مابدا تتزوج واذا فكرت تتزوج مارح تفكر فيني
سامر :بيان عملت معك هيك ؟؟؟
سعد :اي اي بيان ..
سامر :والله ماكان مبين عليها
سعد :لانون متل الحيايا ماببينولك شي .. المهم يوصلو لشي البدن اياه
سامر :طيب قوم ننزل لتحت هون برد
سعد :مابدي قوم واتركني لحالي
سامر: بس ..
سعد :بترجاك تركني بحالي
سامر :طيب رح اتركك .. وحتى تروق حكيني
سعد :ماشي
_________________
الصبح ببيت ميسون كانت عم تلبس وطالعة ..وقفا صوت موبايل عزة
ميسون :هي نسيت تلفونا هون ؟؟
قربت من الكنبة وصارت تقلب المخدات تدور عليه .. لقتو وكان رقم
ميسون :الو
: عزة ؟؟
ميسون :لا مين بريدا
: انا حيدر لو سمحتي بدي احكي معا
ميسون :اي اهلين حيدر بيك 😏 عزة مانا هون والله
حيدر :وينا ؟؟
ميسون :بهمك
حيدر : اي
ميسون : انت ليش عم تتصل .. قصدي شوبدك منها لسه مبارح مقلعا
حيدر :صار سوء فهم وانا ظلمتا وعم اتصل بدي اعتذر منها وصلح الغلط .. ياريت تقوليلي وينا
ميسون : هههههه قلتلي سوء تفاهم .. بس شو ماكان هالسوء الفهم انت غلطت كتير بحقا وهية مستحيل تسامحك .. بس ياعيب الشوم هيك بتقابلو يلي بيعمل معكن منيح
حيدر :مقدر كل كلمة عم تقوليها وانا مستعد اعمل كلشي لحتى تسامحني .. عزة فضلها علي لمۏت
ميسون :اولا الفضل لالله وتاني شي انت تأخرت كتير
حيدر :ع شو تأخرت .. وينا عزة
ميسون :لقت كل الدنيا مسكرة بوجها واحسن من القعدة بالشوارع راحت تترجا جوزا يرجعا .. ع القليلة بتعيش بظل زلمة والناس ماتعود تحكي عليها شروي غروي
حيدر : انتي شو عم تقولي .. بترجاكي منعيها .. انا مستعد اتزوجا وعيشا احلا عيشة .. لاتخليها ترجع لهداك الكلب
ميسون : ليش شو هية عايبة لحتى عم تقول مستعد .. مشان الله ولوو عم تحكي جد وبعدين عم تحكي عن هداك الكلب ليش ماكلكن كلاب وكلكن متل بعض بس كلب عن كلب بيفرق هه😏
حيدر :ما قصدي هيك .. والله بتشرف فيها .. انتي فهمتيني غلط
ميسون :هلأ مشي الحال وراحت وقد ماكان بضل ابو ابنا يعني اشوا من غيرو سلام ..
سكرت وضحكت ضحكة سخرية : العما شو انكن كلاب
.. بس شوبدو يطلع منك اذا تخريج بلال .. ټضرب منك الو الاهي
رمت التلفون واخدت جزدانا وتوجهت لعند الباب قبل ماتفتحو رن الجرص .. فتحتو واڼصدمت :😳😳
ازمة_ثقة
الجزء_الثاني_عشر
بقلم_مريم_اليوسف
ميسون فتحت الباب واڼصدمت من الزائر
سلوى :مرحبا
ميسون :اهلين
سلوى:مافي تفضلي
ميسون :اكيد تفضلي
_______________________
دخلت عزة من باب الكافيه هية وابنها .. وكان اسامةوقاعد على احدى الطاولات
عزة :فهد ليك البابا روح لعندو
ركض فهد واسامة اول ما شافو وقف واخدو بحضنو
وصلت عزة لعندو سحبت كرسي وقعدت
اسامة :كيفك يا حبيبي
فهد :انا بحبك بابا
اسامة :وانا بحبك يا روح البابا
قعدو على رجلو ويلمسلو عشعرو
اتطلع بعزة وقال : كيف هيك اتصلتي وخليتني شوف ابني
عزة:هاد ابنك بالنهاية
فهد :بابا انا بدي ضل معك
اسامة : اي رح تضل معي ياروح البابا
عزة :وين بدك تحطو
اسامة :ببيتي
عزة :ليش مرتك بتعرف انو عندك ولد
اسامة :خبرتا .. وماعندا مانع يجي ويعيش معنا
عزة بنظرة حزن :وانا
اسامة :انتي شو
عزة : اسامة ليش هيك عملت معي
سكت ومالقى جواب
عزة : لاتكون قاسې انا بعرف قلبك كتير طيب ومستحيل يطلع منك هالشي واكيد انضغط عليك وانا مسامحتك .. بس بترجاك لاتبعدني عن ابني .. هو الوحيد يلي ضللي بهل الحياة من بعد الله
اسامة :ايمت مابدك بتشوفيه
عزة: انت بتعرف شو صار فينا بعد ما قلعتونا .. انا صفيت بالشارع.. نمت بالشوارع وتحت الدراج .. انا هلأ ساكنة عند رفيقتي بس وبعدين ..ومن الشغل قلعوني يعني انا رح اصفى بالشارع .. بترجاك خليني اجي مع ابني .. مستعدة عيش خدامة الك ولاهلك ولمرتك .. انا مالي حدا ومافي حدا الجألو .. انا كتير تعبت بهل الفترى .. والله معد قادرة على هالعيشية .. مشان الله خليني اجي معك مابدي ارجع كمرتك رجعني خدامة ومابدي شي اجار المهم مكان نام فيه ولقمة اسند فيها حالي والاهم كون قريبة من ابني نزلو دموعا وصارت تبكي
اسامة رق قلبو عليها بس مابيتخذ قرار بدون اهلو
اسامة : طيب بشوف شو بصير معي وبرد عليكي خبر
عزة :ماشي .. قوم ماما .. وعفكرة اذا ماجيت مع ابني مابخليك تاخدو مابأمن عليه عنكن
سحبت ابنا وطلعت
____________________
طلعت على الطيارة وبأيدا بطاقة عم تتطلع عليها وتتطلع ع الكراسي .. وصلت جنب شبين
بيان :لو سمحتو ممكن تقطعوني
:اكيد تفضلي
قطعتن وفاتت قعدت على مقعدا جنب شباك الطايرة
كټفت اديها وصفنت بالشباك بعيونا الحزينة
يرجى من جميع الركاب ربط احزمة الامان
: يا انسة ربطي الحزام رح تأقلع الطيارة
بيان :ااه
:عم قلك ربطي حزام الامان
بيان :اي
ربطت الحزام ولبست نظاراتا الشمسية ركت راسا عجنب ودموعا بلشو يتسللو من تحت النظارات
______________________
سعد واقف قدام سيارتو ورافع الغطا وحدو سامر
سعد :ماعرفتلي ليش عم تحمى
سامر :والله مافيها شي متل الليرة بس الظاهر انت الي عم تحمى
نزل الغطا وقال :لا انا مافيني شي .. بس عنجد هالسيارة مدري شبا
سامر :عم نقلك مافيها شي وبعدين مالقيت غير السيارة تلتهى فيها وتنسى حزنك
سعد :ماني حزين ولا شي .. اصلا السيارة فيها عطل
سامر :ههه طيب متل مابدك .. اي قلي شو عندك اليوم
سعد :في جلسة تصوير بس يمكن اجلا
سامر :وليش بدك تأجلا .. روح ولا تلتفت لوراك .. كمان انت بحاجة المصاري لحتى ترمم بيتك
سعد :عم فكر اترك الشغل كلو لانو من هديك الحقېرة
سامر :لا اصحك .. انت صدقت وصلت لهون
سعد :وصلت عن طريقا
سامر :لا ماعن طريقا عن طريق جمالك وحضورك ..
سعد :هيك قولتك
سامر :اي .. لازم تكبر وتصير فوق الكل
سعد :عم فكر افتح شي مشروع شو رأيك
سامر :اي ليش لأ بنفكر بالموضوع بس مو هلأ واليوم روح ع شغلك
رن تلفون سعد
سامر :مين
سعد :هي مرح رفيقتا .. بدي اعرف شو بدا هي التانية
سامر :شو بدو يكون بدا
سعد :يمكنا شفقانة علي وبدا تضل جنبي .. غير بدا تطلع متل رفيقتا عم تتسلى
سامر :لا ولوو مابظن هي متلا .. وبعدين تعا لقلك هي البنت حلوة
سعد :اي حلوة عادية
سامر :شو رأيك تظبطا وتفرجيها لبيان انو الدني ماوقفت عندا وانك حبيت رفيفتا .. صدقني لحتى ټموت من قهرا
سعد :بس انا
سامر :بدك تقلي مابحبا.. شوبدك بالحب وكمان امشي معا بس اذا ماظبط الوضع كل واحد من طريق .. وكمان طول عمرك ينضحك عليك خليك شي مرة الجاني مو الضحېة
سعد :شو هالتخبيص يلي عم تخبصو انت .. وكمان البنت شكلا بريئة وحرام اجرحا
سامر : طيب فكر فيها .. بركي التالتة ثابتة هههه
سعد :بتعرف شو ... انا عنجد رح فكر فيها.. بس مشان حطم غرور بيان فرجيها انو هية كانت عندي متلا متل غيرا والدليل انو رح حب رفيقتا
خلص رن التلفون
سعد :اكيد عم تتواصل مع رفيفتا .. رح ارجع اتصل فيها وبينلا انو ماني متأثر
سامر :اي هيك بدي اياك .. هاد هو سعد يلي بعرفو
طلب رقما : الو .. اهلين مرح .. لاتواخذيني ماسمعت التلفون .. انا منيح .. كيفك انتي ...دووم يارب .. لا سلامتك الله معك
_______________________
طالعة ميسون بالقهوة من المطبخ ... قربت ضيفت سلوى وقعدت
سلوى :بس كأنو عطلتك عن شي مهم
ميسون :ولا يهمك كان عندي موعد بس بيتأجل
سلوى :انتي اكيد مستغربة من جيتي
ميسون :مستغربة بس مو كتير لانو بعرف ليش جاي بس بحب وضحلك انو بيني وبين زوجك مافي شي وكلشي انتهى هديك الليلة
سلوى:ما مبارح كنتي عندو بالشركة ؟
ميسون :اممم .. اي صح بس كان بدي اسألو سؤال وبس
سلوى :يعني انتي هلأ مافي شي بينك وبينو
ميسون :لا طبعا ولارح يكون
سلوى :حتى لو مافي شي انا جاي اترجاكي تبعدي عنو
ميسون :بس..
سلوى :لاتقاطعيني .. عم قلك حتى لو مافي شي .. وتاني شي انا جاي افتحلك قلبي .. نحنا نسوان وبنفهم عبعض ... انا مع بلال عم عيش الچحيم تعبت كتير معو ... مع انو اول ماتزوجنا كنا مأحلانا لحتى صار يلفي ع الرقاصات والكابريهات وبلشت المشاكل من ورا هالشغلة لحتى صارت تكبر ... بس اخر فترة يمكن اول ماشافك تغير كتير انتي اثرتي فيه كتير .. لحتى وهو نايم صار يهدوس فيكي ... انا لو بدي كنت عملت متلو وصرت خونو بس هاد مامن طبعي وغير هيك انا بحبو كتير وعايشة عأمل انو يرجعلي متل اول ... انا جاي وطالبة مساعدتك
ميسون :مساعدتي انا ؟؟
سلوى :اي انتي .. بدي اعرف شو عملتيلو لحتى حبك .. بدي اياه يحبني نص هالحب بس
ميسون : بس انا ماعملتلو شي
نزلت سلوى ع الارض ومسكت ايدين ميسون بتوسل وقالت :طيب بترجاكي عطيني طريقة
سحبت ايدا ووقفت ومسكتا من كتافا ووقفتا على رجليها
ميسون :عم تترجيني
سلوى:مابس بترجاكي وبوس ايدك كمان .. بس مشان الله ساعديني
ميسون: يا الله شو انو قلبك طيب ... لك هاد كيف بفرط فيكي ... خلص والله لساعدك ولخليه يركض وراكي ويصير متل الخاتم بأصبعك
سلوى :عنجد ؟؟
ميسون :والله .. هلأ قعدي وخلينا نشرب قهوة ونحكي ع رواق
__________________
بالطيارة
الاشخاص الي حد بيان عم يحكو مع بعض
: شو وضعا هي الصبية يلي حدك
اتطلع عليها نظرة وقال : مابعرف شكلا عم تبكي
: بتعرف شوو كأنو بعرفا
:ومن وين بتعرفا
: اذا الله ما كذبني هي بتصير اختو لبلال اليوسفي
:عم تحكي جد
:يمكن هية او وحدة بتشبها
:لحظة هلأ بنعرف
:احمم .. يا انسة انتي منيحة
بيان التفتت عليهن وحكت :عفوا عم تحكي معي
:اي معك .. انتي منيحة .. كأنو من اول ماطلعتي وانتي عم تبكي
بيان :ياريت تضل بحالك وماتتدخل بغيرك
: بصراحة قلقنا عليكي مو اكتر وبعتذر ع الازعاج
برمت وجها ناح الشباك مرة تانية
:لو سمحتي بس سؤال
بيان :خيير شوفي
: انتي بتكوني اختو لبلال اليوسفي
شلحت النضارات وقالت :بتعرفوه
: اي بنعرفو انتي اختو ؟؟
بيان :اي اختو
:تشرفنا بمعرفتك انا بكون حكم واخي حكمت.. وحضرتك؟
:انا بيان وتشرفت فيكن
حكم :وين نازلة بمصر
بيان :حاليا بالقاهرة .. وبعدا طالعة عشرم الشيخ
حكم :حلو .. عندك شغل هنيك
بيان :لا ترويح عن نفس هه
حكم :مافهمت
بيان :فيك تقول سياحة
حكم :حلو .. وان شاء الله تتوفقي برحلتك وفرصة سعيدة مرة تانية
بيان :شكرا .. وانا اسعد
حكمت :لا تنسي تسلميلنا عبلال
بيان :اكيد بيوصل
رجعت التفتت ناح الشباك وهنن رجعو يحكو مع بعض
حكمت :ما قلتلك اختو
حكم : اي .. بس والله قرن
حكمت :هههه وليش هيك عم تحكي متل ولاد الشوارع
حكم :طيب صاروخ ههههه
حكمت :ههههه
حكم :تعرف شو .. رح سافر معا عشرم الشيخ كمان
حكمت :ليش
حكم :بدي اتقرب منا وشوف وضعا
حكمت :هيك بهل السرعة
حكم :خير البر عاجلو
حكمت :ااااخ منك هههه
_______________________
فتحت عزة الباب وفاتت .. كانت ميسون حاملة فناجين القهوة من الصالون ع المطبخ والتقو بالممر
ميسون : شو جيتي .. شو صار معك
عزة: ماصار شي .. قال بدو يفكر .. انتي رحتي عموعدك
ميسون :لا هلأ رايحة
اتطلعت عزة ع الفناجين وقالت :مين كان عندك
ميسون : ضيفة
عزة :😕😕 اي منيح
كملت عزة عغرفتا مع ابنا وميسون فاتت عالمطبخ
___________________
ببيت اهلو لاسامة
فات ماكان في حدا
اسامة :وينكن ..
صوت امو من المطبخ :هون جايين
طلعت امو ومرتو هيام
ام اسامة : شوصار معك جبت ابنك
اسامة :لا ..
هيام قعدت بغرور وقالت : ليش
اسامة :مابدا تبعد عن ابنا
هيام :اي جيبا الها ولابنا
اسامة :😳😳😳
هيام :شبك ليش هيك عم تتطلع علي بالنهاية هي مرتك السابقة
اسامة :بس مستغرب هية طلبت نفس الطلب
ام اسامة :هيك طلبت منك .. وبعد كلشي عملناه معا
اسامة :اي امي .. عزة صفت بالشارع ومافي محل تنام فيه واشتغلت وقلعوها من الشغل
ام اسامة :لاتحلم ترجع بنت هالحرام عزمتك
اسامة:قال مستعدة ترجع خدامة ومابدا تكون زوجة المهم بدا مكان تتأوى فيه ويكون فهد جنبا
ام اسامة :خدامة ؟؟ خدامة؟؟
اسامة :اي .. وبكت كتير وترجتني
هيام :وشو قلتلا ؟؟
اسامة :قلتلا بفكر
هيام :ليش لتفكر .. جيبا تخدم هون عند امك وابنك بضل هون
ام اسامة :وانشالله بدا راتب
اسامة :لا لا بس بدا مكان تنام وتاكل فيه
هيام :انا بقول لاتترددو
ابتسمت ام اسامة ابتسامة خبيثة وقالت :وانا موافقة
هيام : يلا اسامة خلينا نقوم ع البيت
اسامة: يلا
طلعو وركبو بالسيارة ومشو
حط ايدو ع ايدا وهية دغري سحبتا
اسامة :شو الحلو لساتو زعلان
هيام :اي ولاتحلم انو سامحك .. لكن هيك بتطلع متزوج يا اسامة .. والله مارح مرقلك اياها
اسامة :قلتلك غلطة
هيام :مابهمني اذا غلطة او لأ .. يلي بهمني انو انتو كذبتو علي وع اهلي .. والله لو مانك ابن عمي كنت ماقعدت عندك ولا يوم بس .. كرامة لاهلك واهلي قعدت وسكتت
اسامة :طيب متل مابدك
هيام :من بكرا بتروح بتجيب هالمسكينة ..
اسامة :امرك
هيام :بدي اعرف كيف اجا من قلبكن ترموها بالشارع .. لك مابتخافو الله انتو
اسامة :شو شايفك رح تصفي معا
هيام مابدي صف مع حدا .. بس هية انسانة متلي متلا وانا قلبي مانو من حجر .. ولا امك هه
اسامة :شبا امي
هيام : قاعدة عم تحكيلي كيف رميتوها بالشارع بنص الليل وتحكي وتضحك كأنو عاملة شي انجاز ... بس لاتفكر اني عم دافع عنها رح وقف معا وانت تشوفني شفقانة عليها تصير بدك ترجعا والله بعمل يلي ما انعمل
اسامة :شو غيرانة علي
هيام : لأ 😒😒 بس ما انا يلي بتنزل علي ضرة
اسامة :😏😏
______________________
وصلت سلوى ع البيت وهية مبسوطة
مهند ووعد :ماما وين كنتي
سلوى :مادخلكن والتهو بدروسكن بكرا عنكن دوام
طلعت عغرفتا فتحت الباب ورمت غراضا ع التخت وقعدت تتذكر حكي ميسون وتبتسم
ميسون:جوزك بحب المرى يلي بتزبلو .. اما يلي بتقولو حاضر وامرك بيكرها .. في رجال كتير بحبو المرى القوية الشرسة والمرحة بنفس الوقت والمليانة حيوية .. بس من هلأ بدك تجاكريه يحكيكي ماتردي عليه
سلوى :طيب بركي انخرب بيتي
ميسون :ليش هيك بيتك عامر .. وبعدين اطمني مارح يطلقك مشان ولادك .. وكمان مانك خسرانة شي ع القليلة بنكسب شرف المحاولة ههههه
سلوى :طيب شو الخطوة الاولة
ميسون :نشعل الفتيلة ههههه .. بس بدك تشغليلي كيدك شوي
سلوى: بشغلو بشغلو بس قوليلي كيف
ميسون :هلأ اول مابتوصلي ع البيت بتمسكي موبايلك وبتبعتيلو ع الواتساب الو .. ع الواتساب ها
سلوى:وبعدين .. وليش ع الواتساب حصرا
ميسون :لاتقاطعيني. بتعتيلو الو وبتطلعي من محادثتو بس مابتطلعي من الواتساب كلو مشان يضل يبين عندو اون لاين .. هو رح يرد عليكي .. بتضلي بالواتس ومابتفتحي ع محادثتو مشان مايبين انك شاهدتيهن ويصيرو السهمين زرق .. وهيك شي نص ساعة .. هو هون رح يشوفك اون لاين وماعم تردي .. هون اذا نفذ صبرو رح يبعتلك ليش ماعم تردي بتفتحتي لعندو وبتقوليلو بالغلط بعتلك .. هاي اول خطوة
سلوى: يعني بالواتساب حصرا مشان يشوفني اون لاين ويفكر اني ملتهية مع حدا غيرو
ميسون :ياعيني عليكي
فتحت جزدانا وطلعت الموبايل وفتحت ع الواتساب وبعتتلو : مرحبا
وطلعت من المحادثة
....................
عند بلال فتح تلفونو :واستغرب انو سلوى باعتلو مرحبا .. بالعادة مابيحكو مع بعض نهائيا لا بالواقع ولا ع الواتس .. انشغل بالو وفكر في شي صاير
رد فورا :اهلين
شافا اون لاين وماردت ولاحتى شافتن
بلال :معقول بالغلط
حط التفون ع المكتب .. بس بالو انشغل رجع حملو وفتح ع اسما بعدا اون لاين وماعم ترد
بلال :مع مين عم تحكي هية ومن ايمت بتحكي ع الواتس
بعتلا :الووووووو
كمان مافتحت المحادثة
بلشت الافكار تاخدو وتجيبو
...................
عند سلوى عم تضحك من كل قلبا ومبسوطة.. من زمان ماحست حالا فرحانة
فجأة صار يرن تلفونا
سلوى:لك عم يدق .. عم يدق
حطت ايدا عقلبا ولقتو طاير .. حست حالا كأنها صبية بعمر العشرين واول ماعم تتعرف عشخص
ردت ونبرة صوتا مبينة مبسوطة
سلوى:الو
بلال :ليش بعتيلي مرحبا
سلوى : بالغلط
بلال :وماتبعتي انو بالغلط انشغل بالي فكرت صار شي ع الولاد .. وبعدين مع مين صرلك ساعة اون لاين ماتردي علي
سلوى: اخدني الحديث ونسيت رد عليك
بلال :ومع مين كنتي عم تحكي
سلوى :ومن ايمت بسألني هالسؤال
سكت وماعرف شو يرد
سلوى :باي
سكرت وهية طايرة من الفرح
...........................
بلال شارد وعم يفكر بحكيا .. ((ومن ايمت بتسألني هالسؤال )) معقول لانو ماعم اسألا شي ولاحتى بمسك تلفونا ولا بدخل بحياتي عم تعيش حياتا من ورا ضهري وتخوني .. معقوول .. انا الحق علي اهملتا كتير ومعد عرفت عنا شي .. بس الله يطعمك ياسلوى وتكوني عم تلعبي من ورا ضهري غير المۏت مارح يردني عنك .. بسيطة .. وهلأ رح راقبك بصمت لشوف
_________________________
فندق في مدينة القاهرة
وصلت بيان ع الرسبشن : لو سمحتي حجز بأسم بيان اليوسفي
: ثواني من فضلك
صارت تتأمل الاوتيل بعيونا .. فجأةطلع صوت من جنبا
: انو معقول شو هالصدفة
التفتت لمكان الصوت وكان حكم وحكمت
بيان :هه بصير
حكم :لكن مارح مرقا هيك واليوم عازمك ع العشا .. ومابدي اعتراض
ابتسمت ابتسامة مجاملة وقالت :ماشي
الموظفة : ممكن بسبورك
بيان :اي يلا
________________________________
ميسون قاعدة مع هالة الدكتورة النسائية يلي تعرفت عليها لما اجت مع بلال
هالة:وين غطيتي وانا كنت ناطرتك
ميسون :وهي جيت
هالة :كيف زواجك .. وماخبيتي شي بيبي
ميسون :لا اتطلقت
هالة :اتطلقتي ؟؟
ميسون :اي ما اتفقنا
هالة :طيب الله يعوضك بالاحسن
ميسون :تسلميلي
هالة :اي حكيلي شو عم تعملي هالايام
ميسون :ولا شي .. بس عم روح ع الميتم واطمن ع الولاد
هالة :ماعم تشتغلي
ميسون :لا
هالة :طيب ماتوظفتي بعد التخرج
ميسون :اي توظفت بس ماقبلت .. لانو المشفى يلي وظفوني فيه بغير محافظة
هالة: اممم .. طيب ومشافي خاصة
ميسون :بدن واسطات وشهادات من برا هاد اقل شي .. اصلا كل واحد بيعمل مشفى بوظف قرايبنو فيه هه.. انا جاي لعندك مشان هالشغلة .. بدي تلاقيلي شغل شو ماكان المهم هون
هالة :ولايهمك .. عندي .. رح احكيلك مع المشفى يلي بشتغل فيه واكيد رح يشغلوكي.. بس هلأ قوليلي شو تشربي
_________________________
المسا
قاعدة عزة وميسون عم بفصفصو برز وبتفرجو ع التلفزيون
عزة :يعني بكرا بدك تروحي تداومي
ميسون :مو داوم بدي روح يشوفني .. حكت معن قدامي وطلبو يشوفوني
عزة :الله يكملا معك
ميسون :امين ..وانتي شو صار معك مارد عليكي هداك المغضوب
عزة :مبلا بعتلي مسج وقلي جهزي حالك بكرا بدو ياخدني لعند اهلو
ميسون :عنجد
عزة :والله
ميسون :انتي متاكدة من هالخطوة
عزة : اي .. انا تعبت من الشنططة لازم ارتاح ..
ميسون : الله يكون معك ويصبرك على هالعيشة هنيك
____________________
دخل بلال ع البيت
سلوى لما حست عليه مسكت الموبايل وصارت تقلب فيه
((فلااش باااك & ميسون : الخطوة التانية .. لما رح يجي من الشغل بتمسكي موبايلك وتقلبي فيه وبتحسسيه كأنك عم تحكي مع حدا .. وانتي عم تتطلعي ع التلفون صيري ابتسمي .. هون هو الشك رح يكبر بقلبو .. بتحطي التلفون وبتتحججي انك رايحة ع الحمام او ع المطبخ .. هون هو اكيد رح يحمل موبايلك وبدو يفتحو .. وحزري شو رح يلاقي
سلوى :شو رح يلاقي ؟؟
ميسون :الموبايل مقفول ... رح يسألك ليش حاططتيلو قفل ... انتي هون طلعي عليه بالعالي وطلعي كلشي جواتك من الحكي انو انت ايمت بتهتم والخ....
حاطة راسا بالموبايل وتبتسم .. بس ماكنت عم تكذب بالابتسامة كانت عم تبتسم لما عم تتذكر حكي ميسون
دخل بلال وشافا بهي الحالة
بلال: مسالخير
ردت من دون ماتتطلع فيه وتعطيه اهمية :مسالنور
قعد بدون مايحكي وصار يراقبا ..
بلال :مافي عشا
سلوى :ماعملت اليوم .. وبعدين من ايمت بتاكل بالبيت
بلال :جوعان حطيلي اي شي
سكرت الموبايل ورمتو ع الكنبة وقامت بدون ماتوجهلو اي كلمة .. راحت عباب المطبخ وصارت تراقبو
هو قام وقعد محلا وحمل الجوال كبس لحتى يفتحو لقاه مقفول .. انقهر ورماه ع الطاولة
بعد شوي جابتو شوية حواضر على صينة
بلال :تلفونك ليش الو قفل
سلوى : والله هيك اجا عبالي
بلال :خدي فتحيلي اياه
سلوى :ليش بلله
بلال :هيك ... عندك مانع
سحبت الجوال من ايدو وقالت :اي عندي مانع .. وموبايي مابتقرب عليه فهمت .. انا بقرب شي عموبايلك
بلال :بس انا زوجك ومن حقي شوف شوفي بتلفونك
سلوى :هههه جوزي ؟؟ عنجد ضحكتني ... ليش شوفي بيني وبينك بدل انو نحنا متزوجين ... اذا كلام مابنحكي مع بعض هلأ جاي تحاسبني وتفتش بتلفوني .. وبعدين تعا لهون ليش بدك تلفوني مفكر اني عم خونك اطمن ... لو بدي خونك كنت خنتك من زمان وانت ملتهي بالرقاصات .. بس انا بنت اصل ومابعمل هيك
بلال :افتحي التلفون
سلوى :التلفون مابفتحو فيه خصوصيات الي ومابدي حدا يتطلع عليها
بلال :هيك لكن
سلوى :اي هيك لكن
بلال :لكن بتضبي غراضك وبتروحي عبيت اهلك
سلوى: ماني رايحة .. هاد بيت ولادي واذا بدك تطلع انت الله معك
قرب منها وصار ينقرلا على راسا وقال :لاتكبري راس معي لانو والله بكسرو ومفكرة مابقدر اعرف شوفي جوا التلفون فأنتي غلطانة
تركها وطلع .. وهية هون كانت بسعادة لاتوصف صح كان نقاش حاد بس انبسطت لانو صار بيناتن نقاش حتى لو خناق بس شي كانت فاقدتلو من زمان .. واول مرة بتحس حالا الها شخصية ورأي
_____________________
بالاوتيل
بيان واقفة ع شباك جناحا وعم تتأمل القاهرة بحزن رن تلفون الغرفة .. قربت وردت
بيان :الو .. اهلين حكم ... اسفة مارح اقدر اطلع معك اليوم ع العشا بصراحة حاسة حالي تعبانة من السفر وبدي نام ... بكرا اذا ماعندك مانع ... اوكي تصبح على خير
قعدت ع التخت وطلعت صورة لسعد وضمتا وصارت تبكي وتقول اشتقتلك .. اشتقتلك .. لو تعرف هون الجو شو حلو .. متمنية كون انا واياك قاعدين على البلوكن وقاعدة بحضنك الدافي وانت تكون ضاممني بقوة ... سعد مارح اقدر كمل بدونك .. ياربي صبرني .. صبرني يارب .. رن تلفونا
مسحت دموعا وردت :اهلين حبيبي حيدر كيفك
حيدر :كيفك ياعمري
بيان :بخير الحمد لله
حيدر :كيف القاهرة معك
بيان :كتير حلوة .. ياريتك معي
حيدر :وكيف كانت سفرتك ان شاء الله ماتعبتي
بيان :لا الحمد لله كانت كتير مريحة
حيدر :اشقد الساعة عندك
بيان :ههههه شو غليظ
حيدر :تسلملي هالضحكة .. ليكي امي حدي بدا تحكي معك
بيان :مابدي احكي مع حدا
حيدر :مشاني
بيان :طيب .. ماشي
سلمى :مرحبا ياروحي .. كيفك
بيان :الحمد لله
سلمى : طمنيني عنك .. كيف سفرتك وكيف الجو عندك .. تقلي عحالك الجو برد
بيان :لاتخافي انا بخير وبدبر حالي
سلمى :طيب ياعمري اذا احتجتي شي اتصلي فينا
بيان :ان شاء الله .. عطيني حيدر احكي معو قبل ماتسكري
حيدر :اي بيونة احكيلي
ييان :في شبين كانو معي بالطيارة وكمان بنفس الاوتيل قال بيعرفو بلال اسمائن حكم وحكمت بتعرفن
حيدر :حكم وحكمت .. اي اي عرفتن شباب كتير مؤدبين واكبار ومن اكبر تجار السوق ...
بيان :اي ..بس حيبت اسألك اذا عنجد بيعرفوكن ولا عم ېكذبو
حيدر :لا بنعرفن عز المعرفة والشباب مافي منون .. ليش بدر منن شي
بيان :لا لا ابدا .. وصوني سلم عبلال
حيدر :اي هنن بيعرفو بلال اكتر مني انا كنت مريض وماكنت اختلط مع حدا .. يعني بلال الو نطاق اوسع
بيان :اي😏.. طيب هلأ بدكن شي
حيدر :لا ياعمري انتبهي عحالك
بيان :باي تصبح على خير
حيدر وانتي من اهلو
......................
حيدر :انا طالع نام تصبحي على خير
سلمى :لسه بكير
حيدر :انا تعبان شوي
سلمى :وانت بخير
طلع عغرفتو وقعد ع تختو .. كان باين عليه القهر .. حمل تلفونو ودق لعزة .. بس ماردت
حيدر : ومأحلاها ترد .. عاملتني بالمنيح عاملتا بالقبيح ... والله مابستاهل كلشي عملتو مشاني .. اااخ منك يا بلال ... والله حاسس حالي حبيتا ... بس خلص راحت ... اوووووووووف
يتبع......
تعليقات
إرسال تعليق