رواية ازمة_ثقة بقلم_مريم_اليوسف الجزء_الثالث والرابع والخامس حصريه وجديده على مدونة النجم المتوهج
جوري:تتزوجني
:بلال:شووو
جوري: متل ماسمعت
بلال :شو انا مچنون لحتى اتزوج وحدة متلك
جوري :انت فهمتني غلط
بلال :شو فهمتك غلط ماغلط .. عم تقولي تتزوجني .. وهي ما الها غير تفسير واحد
جوري :خليني اشرحلك
بلال :تفضلي
اندق الباب واجت القهوة
جوري :انا بعدني بكر
بلال :هاه يعني بدك تقنعيني انو ولا حدا لمسك قبلي
جوري :اي محدا لمسني .. وتقتنع ما تقتنع هي مشكلتك .. انا بدي تتزوجني لانو انت بتعرف انو انا بكر والشغلة ما من ليلة بتنقضا .. وكمان مابدي حدا يلمسني بالحرام .. انا ماني طالبة منك شي بس شيخ وتنين شهود ومابدي لامقدم ولا مأخر والعقد خليه معك .. بنتزوج اسبوع زمان وبعدا بتطلقني وكل واحد بروح بحال سبيلو
بلال :......
جوري :هاد يلي عندي .. عم قلك بس شيخ وتنين شهود مابدي منك شي .. بس مابدي اعمل شي بالحرام
بلال :وهاد الشغل يلي عم تشتغليه مانو حرام
جوري : كلشي لحال .. مزال محدا عم يلمنسي بالنسبة الي مانو حرام .. هو اكيد حرام بس بالنسبة الي لا مانو حرام .. وكمان مانو حلال
بلال:تركيني فكر
جوري :وقتك معك
____________________
بصباح يوم جديد
طلعت بيان على شغلا ... ركبت سيارتا وانطلقت .. كانت كل يوم لما تمشي بالشارع تدور بعيونا على سعد .. لحتى اليوم واخيرا صدفتو .. عم يكنس الطريق
قربت ووقفت جنبو .. هو شافا وقرب منها
بيان : صباح الخير
سعد :صباح النور
بيان : ليش ماجيت
سعد : ضيعت الكرت
بيان بفرح : يعني بدك تشتغل معي
سعد : طيب شو طبيعة الشغل
اجا شرطي مرور
الشرطي :امشي من هون احسن ما اكتب فيكي مخالفة .. عم تعيقي السير
بيان :اسفة ... رح امشي .. سعد ليك قدام في كافيترا ناطرتك فيها
سعد :وحافظة اسمي
بيان :خلصنا ..
مشت بسيارتا .. وسعد سلم المكنسة لشخص عم يشتغل معو وراح
وصل لقدام الكافتيريا وهو متردد يفوت او لأ .. واخيرا دفع الباب وفات
وصل لعندا وقعد
سعد :شو هو الشغل
بيان : وعلى شو مستعجل خلينا نشرب شي
سعد : لأ بلاها وكمان ليكي الناس كيف عم تتطلع علينا ..
اتطلعت حوليها وعنجد كانو الناس عم يتوتوتو ويتطلعو عليهن
بيان :بس ماتكون خجلان من حالك
سعد : خلصينا شو هو الشغل
بيان :يعني خجلان ؟؟
سعد :شوبدك اذا خجلان او لأ .. خلصينا
بيان :بالعكس انت لازم تشوف حالك .. انت عم تشتغل بكرامتك
سعد :لاحول ولاقوة الا بلله
بيان :لك ليش انت عصبي
سعد.: ماني عصبي
بيان : هلأ قلي شو تشرب
سعد :حيلا شي
بيان :طيبة هية ؟؟
سعد ابتسم وقال :قهوة
بيان :اي هاه من زمان خلي السن يبان
وصلت القهوة وبلشو يحكو
بيان :حاليا مافي شغل .. انا عندي نظرة بالشخص وانت شب جنتل بشكل عام كلشي فيك ملفت
اتطلع بحالو قال :انا
بيان :اي اي انت .. يمكن هي التياب خافية جمالك بس بتياب جديد بتطلع سوبر جنتل
سعد : طيب شو هو الشغل لهلأ ماعرفت
بيان :قلتلك مافي شغل حاليا .. صعود السلم خطوة خطوة .. حاليا بدي قوم بتجهيزك بدي تغير حلاسك كلو ونعملك تسريحة شعر مع دقن وبعدو رح الطقتلك كم صورة وبعرضا على مصممين الاعلانات انت خرج تكون على اغلف المجلات .. ممكن تمثل شامبو للشعر .. ممكن عطر .. ممكن مجوهرات رجالية .. ممكن عارض ازياء والكل بيلبقولك
سعد : وانا موافق
بيان :هلأ بنقوم انا وانت بنروح ع الحلاق بعملك تسريحة شعر جديدة وبنشري تياب الجديدة وبنروح لعندي ع الاستديو بنعملك جلسة تصوير
عزة كانت عم تجهز الفطور عند ميسون
طلعت ميسون وهية عم تتاوب
ميسون :صباح الخير
عزة :صباح النور .. شو ايمت رجعتي
ميسون :مابتذكر اشقد كانت الساعة
عزة :اي .
ميسون : بس انتي مبكرة كأنو ع الفطور
عزة :اي صح بدي اطلع دور ع شغل
ميسون :طيب انطري شي يومين وبعدا طلعي دوري ع شغل
عزة:لا حاج تقلت ډم عليكي .
ميسون :طيب بركي مالقيتي
عزة :رح ارجع لشطف الدراج
ميسون: لك عزة
عزة :شبك
ميسون :ع حد علمي كان صوتك حلو
عزة :ولساتو
ميسون :ليش مابتغني
عزة :وين
ميسون :بكتير اماكن ..
عزة :اذا متل الاماكن يلي عم تشتغلي فيها لأ شكرا
ميسون :طيب عراحتك .. بس حاليلا لاتطلعي من البيت حرام تشنطتي هالولد معك
عزة :لشوف
بالاستديو الخاص ببيان
قاعد سعد على كرسي بعد ماتغير ١٨٠ درجة
بيان :نظرة حزن .... ممتاز وهلا نظرة غرور ... هلأ وقف وحط اديك بجيابك واتطلع لبعيد
انتفح باب الاستديو وفات شخص
:يا بيان .. وينك يا بيان
بيان :هون هون استاذ موفق
وصل موفق لعندا وهية حطت الكاميرا عجنب وراحت تسلم عليه
بيان :اهلا اهلا .. نور الاستديو
موفق :منور بصحابو .. جيت اسألك شو صار بالصور
بيان :جاهزين .. تفضل لنشرب فنجان قهوة
موفق اتطلع على سعد وقال :ماعرفيتنا
بيان :اااه سعد .. بكون وجه اعلاني جديد .. هو لسه ماصار بس رح يصير .. والاستاذ موفق بكون مخرج كليبات
قرب سعد وسلم على موفق باليد
موفق :بيان يعني سعد لسه ماحدا شافو
بيان :حليا لأ
موفق :بدي اياه يشتغلي معي اذا ماعندكن مانع
بيان :عنجد .. بشو
في فيديو كليب بدنا نصورو للفنانة زهرة وبدنا شب بنفس صفات سعد
بيان :واو حلو كتير .. طيب تفضل لنحكي جوا بالمكتب
المسا
وصلت ميسون ع الكازينو وقعدت ورا مرايتا تعمل مكياجا ..
حطت الفرشاي من ايدا وندهت لنورس
نورس : اي معلمتي
ميسون : بلال برا
نورس : اي برا وسأل عنك
ميسون صفنت وبعدين حكت : عنكن بدلة رقص غير هي
نورس : شبا هي معلمتي طالعة بتشلل عليكي
ميسون : بدي وحدة مكشوفة اكتر
نورس : اممم .. اي موجودة
ميسون : اي نط وجبلي اياها
نورس :من عيوني
طلعت على المسرح ونزلت العباي عن جسما والكل انسطل فيها .. هية بالعادة بتلبس مكشوف بس مو لهل الدرجة .. يعني يادوب مغطي صدرا ومنطقة تحت الخصر .. بلال اول ما شاف هيك معد حملو علقو .. قلب الطاولة وراح لعندا مسكا من دراعا قبل ما تبلش رقص
جوري : شو عم تعمل
نزل جاب العباي من على الارض وحطا على كتافا وسحبا على غرفتا
جوري : ههههههه لاتقلي غيران
بلال : لا اطمني ... بس شي ملكي مابسمح لحدا يشوفو
جوري : ملكك؟؟
بلال : اي انا جاي اليوم لقلك انو موافق
جوري : حلو .. وايمت
بلال : هلأ
جوري : طيب وانا جاهزة قلي وين الشيخ
بلال : بمكالمة بكون ناطرتني بالفندق
جوري : انا مابروح ع فندق
بلال : وين لكن
جوري : عندي بالبيت
بلال:مابفوت عبيت رقاصة
جوري :هه😏 وانا مابفوت على فندق
بلال : استأجرلك شقة
جوري : لا قلتلك عندي بالبيت .. عندي بيت فاضي ومابروح عليه ابدا
بلال : وانا قلت لأ
جوري : استأجر شقة
بلال : لبسي لنطلع
جوري : طلاع لغير تيابي
اتطلع عليها من فوق لتحت وقال لا خليكي هيك بس لبسي عبايتك منيح وتعالي
جوري : ماشي 🙄
عزة عم تضبضب البيت عند ميسون وعم تحكي حالا: بكرا لازم دور على شغل واطلع .. حاج فهد ع الطالعة والفايتة بيسألني عن ميسون
رن تلفون البيت
عزة : الو
ميسون : اي عزة .. ليكي انا يمكن اتأخر ويمكن الصبح اتأخر
عزة : ليش
ميسون : عندي شغل
عزة : اي انا رح اترك البيت
ميسون : ع راحتك .. بس بدي خبرك انو لقيتلك شغل
عزة : قلتلك مابدي شي من طرفك
ميسون :ما منطرفي اطمني قريت اعلان انو بدن عامل تنظيف او عاملة بمعمل بلاستيك .. هلأ ببعتلك العنوان
عزة : متأكدة انو ما من طرفك
ميسون : بشو احلفلك لتصدقي
عزة :خلص صدقت .. اي قوليلي وين المصنع
ميسون :هلأ ببعتلك كل التفاصيل برسالة
عزة :ماشي .. اي ماقلتيلي ليش بدك تتأخري
ميسون :رح اتزوج
عزة بعدم تصديق :عنجد
ميسون:اي والله
عزة :اي الله يهنيكي
ميسون:تسلمي .. ليكي اذا بدك تطلعي وتستأجري بغرفتي في مصاري بالدرج خدي يلي بدك اياه وايمت مابدك رجعيهن
عزة :ماشي يسلمو
سكرت التلفون وقالت :والله ماعم افهم شي على هالبنت .. ههه قال بدا تتزوج تكذب كڈبة بتتصدق
ميسون بالسيارة جنب بلال .. سكرت التلفون ورجعتو ع شنتتا
ميسون :شو هلأ
بلال : ناطر اتصال
ميسون : طيب عشان رفيقتي بكرا مين بدو يوظفا
بلال : لا تخافي حكيت مع واحد هنيك وهو رح يظبط الامور
سكتو شوي .. بعدين بلال مد ايدو على وجه ميسون وصار يمرر ايدو على خدا .. وقال :متشوق لشوف هالوجه ع طبيعتو
ميسون : بركي ما عجبتك
بلال : هه ما مهم شو انا رح حبك او ضل متزوجك طول العمر 😏
انقهرت وبرمت وجها ناح الشباك
بلال : لا تقوليلي انك زعلتي وانو عندك مشاعر
فتحت باب السيارة واجت لتنزل
ميسون : انا بطلت
مسكا من درعا بقوة ورجعا ع السيارة وقال مو على كيفك انقبري رجعي ع مكانك
ميسون : ليش هيك عم تحكي معي
بلال : ليش يلي متلكن كيف بينحكا معن
مصډومة كتير ببلال وبطريقو الحقېرة يلي عم يحكيها فيها
اجتو رسالة فتحا قراها ورما التلفون ع التابلو ومشي وهية مصډومة وشعور الخۏف بلش يتسلل عقلبا
عم يندق الباب ..
فتح سعد الباب وكان رفيقو سامر يلي جاي لعندو
سامر :سعد ؟؟؟
سعد :هههه اي سعد
سامر :ليش هيك عامل بحالك
سعد :حلو
سامر :اي حلو ما اختلفنا بس ليش هيك عامل
سعد: هاد الشي بخص شغلي الجديد
سامر :شغل جديد
سعد :اي فوت لاحكيلك
اللون الاحمر هو اللون الوحيد يلي ضاوي الغرفة ..
بيان عم تحمض الصور وتعلقن على حبل صغير لينشفو .. مسكت صورة لسعد اتطلعت عليها نظرة مطولة مع ابتسامة على وجها .. بعدين علقتا وشلحت الكفوف يلي كانت لابستن واتجهت ناح الباب فتحتو وطلعت ع غرفتا .. هي غرفة صغيرة داخل غرفتا مخصصتا لتحميض الصور
طلعت وتفاجئت بمرت اخوها سلوى
بيان :سلوى في شي
سلوى :لا بس جيت لعندك قلنا بندردش شوي قام مالقيتك وعرفت انك عم تحمضي صور وقعدت انطرك هون
بيان : مابعرف حاسستك مانك ع طبيعتك .. وبعدين انتي ليش عنا ليش مانك ببيتك
سلوى :يعني قوم روح ع بيتنا
بيان :لا لا .. بس مستغربة .. صاير شي بينك وبين بلال
سلوى :بصراحة لأ بس قلبي ناقزني والولاد ماعم ينامو لانو بكرا عندن عطلة قام جبتن وجيت .. واول ماجيت الولاد نامو وامك نامت قلت مالي غير بيان
بيان :اي اهلا وسهلا حبيبتي .. بس ماقلتيلي ليش قلبك ناقزك .. وبلال وينو
سلوى :مابعرف ماني مرتاحة .. وبلال مابعرف .. اصلا بلال مابنشوفو
بيان :اااخ منو .. لازم يلتقالو حل
سلوى : حيدر صاير حكيان معو الف مرة .. دخيلك خليه يروح وين مابدو لانو اذا اجتمعنا لازم نتقاتل
بيان :بس والله هي مو عيشة
سلوى :شو طالع بالايد ماخليت وسيلة الا وحاولت معو بس مابعرف مابعرف
بيان :سلوى لاتواخذيني .. بس ليكون انتي منقصة عليه شي .
سلوى :بقولو بين المرى وجوزا مابيعرف غير رب العالمين .. بس الله بيشهد شو بعملو وهو مابيعجبو بضل اتلبس واتظبط وبعمل سهرات بس هو مابعبرني ..
بيان : يا حبيبة قلبي .. طيب هيك بدك تكملي هالحياة
سلوى : عايشة كرمال هالولاد وبس
بيان :الله محيي اصلك وان شاء الله بلال بصير منيح معك
سلوى :ان شاء الله
سامر :عم تحكي جد
سعد :اي والله جد هاد كلشي صار معي
سامر :يعني انفتحتلك طاقة الڤرج
سعد :هيك شي بس ادعيلي
سامر :الله يوفقك يارب
سعد :امين .. ويوفقك كمان
سامر :ايمت بدك تصور مع هاد المخرج يلي قلتلي عليه
سعد :شي يومين ورح نبلش بروفات
سامر :طيب وهي الصبية شو دورا
سعد :قلنااك مصورة .. ويمكن هية يلي تصور الفيديو كليب مع المخرج
سامر :يعني مو بس مصورة فوتو غرافية
سعد :لا كمان مصورة كليبات
سامر :حلووو
وصلو بالسيارة لقدام بناي وكان في شخص ناطرن
وقف بلال السيارة عند هاد الشخص .. وهداك انحنى لعند البلور
_شبك بلال لأشلك بالبيت هلأ
بلال :عايزو
_ومين هي يلي معك
بلال :جوهر لا تسأل كتير
جوهر :طيب تفضل هي مفتاح شقتي ع حسابك
بلال :والشيخ والشهود
جوهر :هلأ بيجو تفضل نزيل
بلال :يلا
نزلو وبلال مسك ميسون من ايدا وعم يجرا جنبو
اتطلع عليه جوهر وقال :وليش هيك ماسكا شو رح تهرب
بلال :مادخلك
جوهر :ماقلتلي ليش مرتك بشو منقصة عليك لحتى بدك تتزوج
بلال :كمان ما دخلك
وصلو ع الشقة وفتح الباب جوهر وفاتو
جوهر :تفضلو .. صح هو مكركب شوي وۏسخ بس لأنو زمان فاضي
بلال :ما مهم .. بندبر حالنا
جوهر :ارتاحو رح شوف اذا في قهوة ودق للشيخ
بلال :ليش لسه ما دقيتلو 😠
جوهر :فكرتك عم تمزح
بلال :شوو رايق
جوهر :ههههه .. صح لسه مادقيتلو بس بعرف شيخ قاعد هون بالبناي هلأ بدقلو وبخليه يجيب معو تنين شهود
ميسون بعدا عم تراقب بصمت والتوتر عم يزداد .. مدري ليش حست حالا كتير رخيصة .. صح هية بترقص وبتطلع قدام الناس بس بنظرا كانت منتصرة عليهن كيف عم تشلحن مصاريهن .. بس هلأ شو عم تعمل او شو الشي يلي خلاها توصل لهون .. معقول بدا تعيش هي التجربة ولا مشان الميتم ولا مشان تخلص من بلال .. كل هي الاسئلة عم تدور براسا وماعم تلاقيلا جواب
ميسون بقلبا :ياترى شو رح يصير فيني .. انا جيت لهون بأرادتي ... معقول لسه في وقت للانسحاب .. شو يلي عم تعمليه بحالك يا ميسون كيف مافكرتي منيح بهي الشغلة
دخل جوهر يعمل قهوة ... وضلت ميسون وبلال
كانو ساكتين
بلال :شبك ليش ساكتة
ميسون:ولا شي
بلال :عطيني هويتك
فتحت جزدان صغير وطلعت الهوية منو وعطتا لبلال
بلال :اسمك ميسون
هزت براسا
ميسون :ايمت بدي فوت ع الميتم بشكل نظامي
بلال :بعد ماطلقك
ميسون :بعد اسبوع
بلال :مابعرف .. يمكن
ميسون :شو يعني ؟؟
بلال :بركي عجبتيني وقررت طول معك
ميسون : ما اتفقنا هيك
بلال : عم قلك يمكن .. ولا تبلشي تنقي
اندق الباب وجوهر فتح الباب وكان شيخ وتنين شهود
قامت ميسون ع غرفة محايدة .. وتم عقد القران وجوهر كان وكيل العروس ..شربو قهوة وقامو راحو
جوهر :مابعرف شو قلك الله لا يتمم عليك ولا الف مبروك
بلال :لا تقول شي والله معك
طلع جوهر وبلال سكر الباب وراح لعند ميسون
بلال :وهي صفينا لحالنا
ميسون شعور الخۏف راح او يمكن مانها مبالية لشي
ميسون : اي شو يعني هه
بلال : ااااه صح نسينا انك غشيمة
ميسون : ونسيت انا انو انت عندك خبرة
بلال :طيب تعالي ياغشيمة لعلملك شو بدك تعملي
مسكا من ايدا واخدا ع الصالون .. تركلا ايدا وقرب من الريموت وشغل مشغل الموسيقا على اغنية بترقص
ميسون :شو يعني
برم لوراها وشال العباية عن جسما وقال رقصي
ماحكت ولا كلمة ولا عملت اي حركة
بلال :شبك عم قلك رقصي
ميسون :جايبني لحتى ارقص
بلال :ليش ماهي شغلتك ..اااه بس ماتكوني مستعجلة ع غرفة النوم
ميسون :ماعم افهم عليك
بلال :ليش بدك تفهميني .. ماضروري انتي بتنفذي الاوامر وبس
ميسون:......
بلال :مطولة وانتي ساكتة
نفخت پقهر .. مدت ايدا واخدت الريموت وقوت الصوت وبلشت تتمايل وعيونا عم تصب شرار على بلال
هو قاعد وعم يراقب كل حركة بتعملا وكل انحناء عم يصير ع جسما بعيونو يلي عم تلتهب ... مافي دقائق الا وانتفض من مكانو ليمسكا من ايدا وياخدا ع غرفة النوم
__________________
الصبح
واقف ع المراي ويلبس .. ويسترق النظر عليها وهية نايمة كانت متغطية وما مبين غير راسا وشعرا المفرود ع المخدة .. ووجها الصافي بدون مكياج وبدون تاتو
فتحت العيونا .. نقلت نظرا شوي بالمكان وما تحركت
بلال :قومي حاجتك نوم
تجلست وشدت الغطا على جسما بدون ماتحكي ومبين عليها القهر
بلال : شبك ليش ضاربة بوز
ميسون :مافي شي
بلال : هيك بدك تضلي طول اليوم
ميسون : مافي شي البسو
بلال :اي حسبت هالحساب .. وطلبتلك شوية تياب هلأ بيوصلو .. وكمان في وحدة رح تجي تنضف البيت
ميسون :اي تنضف شو اعملا
بلال :عم قلك مشان ما تسألي مين هي
ميسون :ليش انا رح شوفا
بلال :وليش لحتى ما تشوفيها
ميسون :قايمة روح والمسا برجع
بلال :واثقة من حكيك كتير
ميسون :اي ليش ممنوع اطلع
بلال :اي ممنوع
ميسون :ما اتفقنا على هيك
بلال :ماصار شي هلأ بنتفق
ميسون :انا ماعم افهمك نهائيا ..اول شغلة كلامك يلي متل السم وكمان هي الليلة يلي كرهتني عيشيتي فيها وهلأ ممنوع اطلع
بلال بكذب متصنع :ليش شبا الليلة ياروحي
ميسون :مابدي احكي شي ومابدي اتذكر شي .. بس فهمني ليش هيك عم تعمل
بلال :بحب عاملك بحقارة واقهرك .. هيك انا بستمتع
ميسون: ليش ؟؟
بلال :لانك رخيصة
ميسون :انت الرخيص يا حقېر
ھجم عليها ومسكا من شعرا وشدا منو لحتى انحنى راسا لورا ..وهية ماسكة الغطا ع جسما مشان مايوقع
بلال :لسانك بقصو .. عم تفهمي والله بقصو .. فهمتي يا رخيصة يا بنتي الرخص .. ليش مفكرة من وين اجيتي حضرتك .. من الژنا .. ليش انتو ولاد المياتم بينعرف من وين قرعة ابوكن
بعدا صامدة وماحكت ولا نزلتلا دمعة .. بس من جوها عم تغلي
بلال عم يذداد غل لانو بعدا صامدة قدامو
بلال :ماتحكي شي ولا عاجبك هاد الحكي .. اي شي طبيعي يعجبك لانو هي الحقيقة ومحدا بيقدر ينكر اصلو
عرفت انو بدو يغيظا وقالت :خلصت
بلال :شو يعني مانو عم يأثر فيكي هالحكي
ميسون: لا
بلال :اي ما بأثر معك الحكي انتي .. ما بأثر معك غير الفعل
شدا من شعرا ورماها ع التخت وبلش يشلح تيابو
ميسون :شو عم تعمل
بلال :انتي هاد الشي يلي اثر فيكي يا رخيصة .. ميسون :بلال لا بترجاك .. تعبت كتير ليلة مبارح
بلال :هههه عم تترجيني يا ڤاجرة .. لك هي شغلتك يا بنت الشوارع
ميسون :بس ما هلأ ... انطر لليل انا عنجد تعبانة .. وقلتلك انا بكر ومارحمتني
بلال :عم تضحكي علي انك بكر .. قال يعني مانك عاملة عملية ومرجعة حالك بكر
عم ترجع لورا وتترجاه انو مايقرب عليها
ميسون :طيب احكي يلي بدك اياه بس اجلا للمسا .. ماعندك شغل .. مابدك تروح ع شغلك
بلال :ماعندي شغلة وعملة غيرك اليوم ..
_______________
ع سفرة كبيرة اجتمعت العيلة على السفرة
سلمى :حيدر .. يا حيدر تعال الفطور جاهز حبيبي
نزل حيدر لابس بجامة وقعد ع السفرة بعد ماصبح عليهن
حيدر :كيفكن عموو
ولاد بلال :الحمد لله عمو
طلعت سلوى من المطبخ معا العصير ووجها دبلان
حيدر :كيفك مرت اخي
سلوى :الحمد لله
حيدر :شو وينو بلال
سلوى پقهر :مابعرف
حيدر :كيف مابتعرفي .. يعني وصلك وراح
سلوى :لا انا نمت عنكن
حيدر :مټخانقين شي
سلوى :ليش بشوفو لاخوك لحتى نتخانق
سلمى :ماما اتصل فيه
حمل تلفونو وطلب بلال وحطو على ادنو
حيدر :ماعم يرد
سلمى :ااخ من هالولد
حيدر :هلأ بقوم بلبس وبروح ع الشركة وع المصنع بشوفو
سبلمى :لا والله انت مابتروح ع محل ..
حيدر : ماما انا صرت منيح ومتل الحصان
سلمى :انا قلت لأ يعني لأ
حيدر :طيب متل مابدا ست الكل ..
بيان :مر انا ع الشركة شوفو
حيدر :لا تركيه هلأ بيرجع بيتصل .. بس انا كنت عم اتحجج فيه مشان روح من البيت .. بس مافي شي بيمرق على امك
الكل :ههههههههههههه
_____________________
وصلت لقدام المصنع .. والعمال كانو وصلين وعم يفوتو
وقفت شخص وسألتو :لو سمحت مين مسؤول عن العمال
: ليكي هادك الشخص اسمو غسان ..
عزة :طيب شكرا
لحقتو لوصل لغرفة فتح الباب وفات .. وبلش يشلح جاكيتو
دقت الباب
غسان: تفضل
عزة :لو سمحت انا جاي مشان الشغل يلي ناشرين عنو
غسان :اااه اي .. تفضلي
فاتت عزة كم خطوة
غسان :تفضلي ارتاحي
قعدت وهية متوترة
عزة : سمعت انو بدكن عامل او عاملة تنظيف وانا جاهزة للشغل اذا ما وظفتو حدا
غسان :لا ما وظفنا حدا ..
عزة :ممكن اعرف شو طبيعة الشغل انو كيف بدي بلش
غسان :شغلتك بسيطة كتير .. بدك تضلي تحوصي بين العمال .. اذا شفتي شي ۏسخ ع الارض عقم سېجارة بتنضفيه .. واذا حدا من العمال بدن قهوة او شاي بتجيبلن .. هههه نحنا بنرفه الموظفين عنا
عزة ابتسمت ابتسامة صغيرة
غسان :اذا بتحبي بتبلشي من هلأ
عزة :طيب بالاذن
طلعت لبرا وصارت تتفصح المصنع بعيونا .. فاتت ع المطبخ تفقدتو وتفقدت الادوات .. حملت مقشة وكريك صغير وطلعت تشوف شغلا يتبع.....
ازمة_ثقة
الجزء_الرابع
بقلم_مريم_اليوسف
اندق باب البيت راح بلال فتح .. كان عامل ديلفيري اخدو منو الكياس وحاسبو وفات .. قرب من باب الحمام وصار يدق ..
بلال :جوري .. قصدي ميسون
ميسون من جوا :شوو بدك
بلال : فتحي وخدي هدول التياب
فتحت الباب شوي مدت ايدا سحبتن وسكرت
بلال :انا رايح
ميسون :ع وين
بلال :هههه لتكوني صدقتي انك مرتي وبدك تحاسبيني ع الطالعة والفايتي
ميسون:ماني متشردقة فيك لحتى حاسبك .. بس انا بدي روح ع الدكتورة
بلال :وليش بقا
ميسون :انا عم انزف
بلال : من شو
ميسون :من جحشتنك
بلال :ضبي السانك احسنلك
ميسون:المههم بدك تاخدني ولا لأ
بلال :واذا لأ
ميسون: ولا شي بنطر ليصفى دمي وبموت وبرتاح منك ومن قرفك وبكون عقاپ كبير لالي لانو اقترحت عليك هالاقتراح .. بس انا حجشة
بلال :هههه يعني اعترفتي انك جحشة .. بس يلا لبسي لاخدك .. مو لاني خاېف عليكي لأ مشان خليكي بتأنيب الضمير طول عمرك ههههه
ميسون : يعني لو ما اقترحت عليك هالاقتراح كنت تركتني بحالي
بلال : طبعا لأ.. بس كان كل يلي بدي اياه ليلة .. وانتي قدمتيلي عرض مابيتفوت مشان هيك تحملي هاد قرارك .. يعني مفكرة انو اذا صرتي حلالي عاملك بطريقة ارقى او غير نظرتي فيكي فأنتي كتير غلطانة
طلعتي او نزلتي انتي الرقاصة جوري .. والمهم عندي اني حصلت عليكي مو مهم كيف المهم حصلت ولما خلص منك رح كبك ورجعك ع الۏسخ يلي جيتي منو متلك متل غيرك ......... شو ماني سامعلك حس كلام بيقهر مو هيك ههههههه
هية جوا كانت مخلصة لبس وواقفة ورا باب الحمام عم تشد ع قبضة ايدا.. بس لحد الان ما بكت انو نزلتلا دمعة .. يمكن لانها متعلمة ع القساوة ومعد بكت عشي
واقفة حيرانة ماعم تعرف شو تعمل او ترد عليه او تقهرو بنفس الطريقة .. بس الشي الاهم هو انها بدا تخلص منو بأسرع وقت وبدا تسايرو مابدا تعمل مشاكل
فتحت الباب وطلعت
بلال : خلصتي
ميسون : اي
بلال : شو كأنو ماهمك هالحكي
ميسون : عادي ..لانو كل كلمة قلتا صح ومحدا بيزعل من الحق
بلال : لساتك عم ټنزفي
ميسون: اي
بلال :تروحي ع الدكتورة
ميسون: اذا بدك
بلال :امشي لكن لوصلك
________________________
دخل سعد ع الاستديو الخاص لبيان
سعد :انسة بيان .. وينك
طلعت بيان من غرفة التحميض ..
بيان :اهلا سعد
سعد :كيفك انسة بيان
بيان :ما انتفقنا بلاها هي انسة
سعد :لسه ما اتفقنا
بيان :لكن هلأ بنتفق هههه .. من هون ورايح بتناديلي بيان وبس ما نحنا رح نصير اصداقاء مو هيك
سعد :اكيد والي الشرف
بيان :طيب ارتاح لفوت اعمل شي نشربو
سعد :مافي داعي .. بس قوليلي شو كان بدك ع حدا علمي البروفا بعد يومين
بيان :يعني مابتجي غير ع البروفا .. بدي اشرب معك فنجان قهوة عندك مانع
سعد تلبك وقال :لا لا ماعندي
بيان :اي منيح ..بس انا مو بس بدي شربك قهوة .. في شغلات بد نبهك عليهن قبل البروفا ..
سعد :متل شو
بيان :كيف تتعامل مع المخرج .. مابدي تبين قدامو غشيم مشان مايستغلك
سعد : بس عحد علمي هو من طرفك .. معقول يستغلني
بيان :الكل بحبو يستغلو الضعيف .. بدك تحطا حلقة بأدنك عمرك ماتوثق بحدا
سعد :ولا حتى فيكي
بيان :اي ولا حتى فيني خلي ثقتك بحالك وبس .. بس انا بشكل عام عم اشتغل قدامك ع المكشوف ورح قلك شو رح يطلعي من ورا كل هالشغلة يعني لاتوثق فيني بس اتطمن من ناحيتي
سعد :ان شاء الله
بيان :انا فايتة اعمل قهوة وجاي نكمل حديثنا
_______________________
وصلو بالسيارة لقدام عيادة نسائية
بلال :هية عيادة نسائية والدكتورة شاطرة بجيب عليها سلوى مرتي
ميسون :اسم مرتك سلوى
ما انتبه كيف زلق بأسمها او جاب سيرتا
بلال :مادخلك وانزلي ولاتطولي
ميسون :مابدك تنزل معي
بلال :لا .. الدكتورة بتعرفني
ميسون :وليش جايبني ع نفس دكتورة مرتك مابتخاف وصل خبر للدكتورة انو انا مرت بلال واڤضحك
بلال :اولا انا مابخاف ولابتهدد .. واذا بدك عمليها وشوفي شو رح يصير فيكي .. وكمان مرتي مابتهمني نهائيا مشان يكون عندك علم
ماردت عليه .. فتحت الباب ونزلت .. وقالت ټضرب منك لمرتك لو منيحة معك مابتركض ورا الرقاصات يا حقېر .. بس انا كل هالشي عم اعملو مشان الميتم والولاد ..
وصلت للعيادة ..
ميسون للسكرتيرة :الدكتورة موجودة
: عندك موعد
ميسون :لا بس حاله مستعجلة .. اذا فاضي ياريت تدخليني لعندا فورا
السكرتيرة :لحظة
فاتت لعند الدكتورة وقالت تفضلي
ميسون :شكرا
فاتت وقالت صباح الخير
رفعت الدكتورة راسا وتفاجئو ببعض
:ميسون ؟؟
ميسون :هالة ؟؟
هالة :شو هالزيارة الحلوة
ميسون :بصراحة ما انتبهت اذا العيادة الك او لأ ما قريت الآرمة
هالة :ما مشكلة تفضلي اهلا وسهلا .. نورت العيادة
ميسون :منورة بصحابا
سلمو ع بعض عناق وبعدا قعدو
هالة :يا الله شقد صرلي ماشفتك .. من اول ماتخصصتي طب اطفال ومعد شفتك قوليلي تخرجتي
ميسون :اي
هالة :منيح كتير فاتحة عيادة ولا بمشفى ولا التنين سوا
ميسون :ولا وحدة
هالة :كيف هيك
ميسون : تخرجت وشلفوني بمشفى اخر الدني .. وانو اتوظف بمشفى خاص بدك مصاري وواسطات وفتحت عيادة لحالي مامشت لانو محدا بيعرفني والمنطقة يلي فتحت فيها مو زيادة يعني هي قدرتي .. المهم مامشي الحال .. شو مفكرة كل الناس متلك عياتك كانت مجهزة من اول سنة الك بالجامعة .. وبتداومي بأهم المشافي بالمنطقة
هالة : طول عمرك بتدجي حكيك دج وبتضلي ماخدة دور المظلومة
ميسون :ليش مو هي الحقيقة
هالة :طيب انا رح ساعدك
ميسون : لا شكرا حاليا مابدي حدا يساعدني .. وكمان انا كل هدفي من انو ادرس طب اطفال مشان اهتم بالولاد يلي بالميتم يلي ربيت فيه .. والحمد لله امينتي تحققت
هالة : طيب كيف عايشة
ميسون : متلي متل غيري
هالة :طيب قوليلي خير شبك من شو عم تشكي
ميسون : مبارح كانت ډخلتي
هالة :تزوجتي ؟؟
ميسون :هيك شي
هالة :ماعم افهم عليكي
ميسون :ماضروري .. المهم هلأ بدي تكشفي علي لانو صايبني ڼزيف خفيف
هالة :قومي .. قومي لاكشف عليكي
......................
قاعد بالسيارة عم يتطلع ع الساعة وينفخ
رن تلفونو
بلال :اي حيدر
حيدر :وينك
بلال : في شي
حيدر :لا بس مشغول بالنا عليك
بلال : اي مافيني شي انا منيح .. ساعة زمان وجاي لعنكن
حيدر :ناطرينك
بلال : ماشي
.........................
شلحت الكفوف رمتن بالسلة وقعدت ورا مكتبا .. وميسون طلعت من ورا البرداي
ميسون :شو
هالة :بظن بتعرفي انتي شوو .. يعني مانك صغيرة ودكتورة
ميسون :لانو حيوان ... لك حيوان قليلة عليه
هالة : ليش هيك عم تحكي عنو .. بالنهاية زوجك ... وكمان يمكن ماقدر يسيطر على حالو بعد ماشافك ياقمر 😉
ميسون : هه جوزي .. اي ماشي .. وشو الحل هلأ
هالة : مافي شي خطېر بس بدكن تبعدو عن بعض اسبوع ع الاقل ..
ميسون :شكرا كتير
هالة:بس مابدك تحكيلي شو صاير معك
ميسون :بعدين .. شي يوم بجي وبحكيلك
هالة :اهلا وسهلا بتنوري
ميسون :سلام
هالة : الله معك ومعافاي
ميسون :ميرسي
طلعت لعند السكرتيرة
ميسون :شقد الكشفية
:خلص واصلة .. الدكتورة وصتني ما اخد منك
ميسون :طيب قولي للدكتورة ميرسي كتير
طلعت وركبت جنب بلال
بلال :شو
ميسون :اسبوع
بلال : وليش اسبوع
ميسون :نزيل سألا
بلال : ماشي
ميسون :انا بقول مزال كل يلي بدك اياه ليلة خلص طلقني
بلال: هه ماحزرتي
ميسون :بدي روح ع الميتم
بلال :الميتم الميتم .. دوشتي سماي فيه .. روحة ع الميتم مافي حاليا
ميسون :بس الولاد مانن بخير طول ماهديك الشيطانة عندن ..
بلال :خلص وعد اليوم بتكون طايرة هيك منيح
ميسون :اي .. وانا اتوظف مكانا
بلال :اي بس مو حاليا .. كتبيلي اسما ع ورقة لحتى ما انساه
_________________
عزة قاعدة بالمطبخ واجت وحدة قعدت جنبا
: بتعرفي انو انا هون عاملة التنظيف
عزة :عنجد ؟
: اي والله بس مابعرف ليش جابوكي مع انو الشغل قليل
عزة :بس ماشفتك عم تشتغلي
: ماهو قلت خليكي تشتغلي لحالك اليوم
عزة :اااه .. وليش جاي عم تقوليلي هيك
:بصراحة انا قلبي طيب .. وشفتك حبابة وطيوبة
عزة :وكيف عرفتي هالشي
: من الصبح عم تشتغلي وانتي حاطة راسك بالارض
عزة :اي
: من بكرا ان شاء الله ايدي بأيدك بالشغل
عزة :ان شاء الله
: قوليلي وين ساكنة
عزة :والله بعيد المكان .. صحي حواليكي شي بيت للاجار
: عنجد عم تحكي
عزة :والله
:انا ساكنة انا واختي تعالي اسكني معنا
عزة :بس انا بدي اقعد بالاجار
:اطمني رح ناخد منك اجار .. وقريب كتير من هون انا بجي مشي وبروح مشي
عزة :والله ياريت ..
: لكن هلأ لما نخلص باخدك وبفرجيكي ع البيت
عزة :بس انا معي ولد خاېفة يزعجكن
: ابنك ؟
عزة :اي ..
:ولا يهمك مابننزعج .. بالعكس بسلي اختي بالبيت ونحنا بنجي ع الشغل
عزة : عنجد مابعرف كيف اتشكرك انتي جيتيني من السما
:تسلميلي ياحبيبة قلبي .. صح لعرفك بحالي اسمي سميرة عمري ٤٥ سنة ساكنة انا واختي لحالنا اختي عمرا ٤٠
عزة :الله يخليكن لبعض .. وانا عزة عمري ٢٧ مطلقة وعندي ولد وحاليا ساكنة مع رفيقتي
سميرة :وين اهلك ليش
عزة :ماعندي .. مقطوعة من شجرة
سميرة :الله يرحمن
عزة :اهلي مابعرف عنن شي .. انا بنت ميتم
سميرة سكتت وماردت
عزة : بشو عم تفكري ..خلص انسي مارح اسكن معكن
وقفت وحملت المكنسة لتمشي
سميرة : لحظة .. انا ماحكيت شي البيت بيتك .. بالعكس بنتشرف فيكي بس بصراحة اڼصدمت شوي انو اول مرة بشوف حدا من ميتم
عزة :هههه غريبة انتي
سميرة :موعدنا بعد الدوام لكن
عزة :ماشي
__________________
وصل بلال ع بيت اهلو ..
سلمى :وينك ابني
بلال :هون ماما هون
سلمى :وين هون .. ووين نمت
بلال :كنت سهران مع الشباب ونمت عند جوهر
حيدر صار يضحك ويتطلع ع بلال بطرف عينو
بلال :حيدر سكر تمك
سلوى :طيب حبيبي الحمد لله ع سلامتك
بلال :شوو كنت بالحړب لحتى تقوليلي الحمد لله عسلامتك
سلوى :ماحكيت شي
حيدر :بلال شبك ماحكت شي المخلوقة
بلال :هية لو مابتحكي بكون احسن
سكتت وماردت وخبت الغصة بقلبا
سلمى :ليش هيك
بلال :هوهوو علينا .. سلوى جيبي الولاد لوصلك ع البيت
سلوى :يلا
طلع وهو معصب وسلوى فاتت لجوا تجيب الولاد
سلمى :ماما حيدر برضاي عليك حكي اخوك
حيدر :والله عم حكيه بس لاحياة لمن تنادي
سلمى :الله يهديه
حيدر :امين
طلعت سلوى من جوا وماسكة الولاد
سلوى :بدك شي مرت عمو
سلمى :لا حبيبتي الله معك
سلوى :بخاطركن
حيدر وسلمى :الله معك
راحت سلوى وحيدر اتطلع بأمو وقال وبعدين
سلمى :شوبدك
حيدر :بكرا نازل ع الشغل
سلمى :طيب متل مابدك
____________________________€
وصل بسيارتو لقدام البيت
سلوى :مابدك تنزل
بلال :شوبدي انزل سوي
سلوى : رح اعمل ملوخية اليوم
بلال :اي صحة وهنا كلي انتي والولاد
سلوى :بلال انت ليش هيك
بلال :بلشنا بنفس الاسطوانة .. نزلي احسن ماطالع كل قهري فيكي
سلوى : اي خلص
نزلت والدمعة على خدا ونزلت الولاد
:ماما شبو بابا
سلوى :ماشبو شي تعالو حبيباتي
________________________
بعد يومين
ميسون رايحة جاي بالبيت عم تنفخ وتعض ع اضافيرا
ميسون :وينو هاد الحيوان حابسني هون صرلي يومين ومابين ..لك انا شو ورطني هالورطة .. اوووف .. بلاااال والله لموتك بأدي
___________________
بالشركة
حيدر عم يسكر ملف يلي قدامو وقال هيك خالصين
بلال : لك ماتبلى طلتك بالشركة ياغالي
حيدر :اي هيك يلي بأمن فيك .. دوبك لاحقليلي الرقاصات والكابيريهات
بلال :الله وكيلك صرلي يومين مشغول بمصنع الكابلات وعم نام طب في شغل كتير متراكم .. اي صح عسيرة المصنع بكرا لازم تروح وتفحص البضاعة بمصنع البلاستيك
حيدر :ماني ناسيه .. لكن جهز حالك بكرا
بلال :مصر تاخدني معك ههه
حيدر :ماحلو الشغل بلاك
بلال :طيب ماشي .. نمشي؟؟
حيدر :يلا ..
ضبضب شوي المكتب يلي قدامو واخد المفاتيح والموبايل وجاكيتو يلي كان ع الكرسي وطلعو
بلال :قلي كيف ملاقي حالك بعد هالعملية
حيدر :احسن بمليون مليون درجة الحمد لله الله ريحني من الغسيل
بلال :اي الحمد لله
حيدر : ليك بلال شو رأيك نروح نقعد بشي مكان بدي احكي معك بموضوع
بلال :خير موضوع شو
حيدر :مشان مرتك
وقف بلال مكانو پصدمة
حيدر :شبك ليش وقفت
بلال :خلص روح هلأ في شي تذكرتو كتير ضروري
حيدر :عم تتهرب مو هيك
بلال :لا والله بس بعدين بنحكي سلام
راح وركب بسيارتو ومشي بسرعة
حيدر :والله مچنون
ركب سياتور هو كمان ومشي
_____________________
عباب المصنع العمال طالعة ع بيوتا
سميرة :غراضك جاهزين مشان تنقلي
عزة :ماعندي غير شوية تياب
سميرة :مو مهم البيت عنا مليان غراض
عزة : تسلميلي والله مو عارفة كيف ردلك هالجميل
سميرة :لك ايو جميل .. انتي متل اختي الصغيرة صرتي
عزة :لكن انا رايحة جيب ابني وتيابنا واجي
سميرة :وانا بكون وضبتلك الغرفة يلي رح تسكني فيها
_____________________
وصل لقدام البناية ونزل بسرعة وعم يحكي حالو :كيف نسيتا لهي
هية كانت واقفة ع البلكون لما شافتو .. ركضت ع المطبخ فتحت جرار السكاكين واختارت اقوى سکين واخدتا وراحت وقفت ورا الباب
اول ما فتح لقى السکين بوجهو
بلال: شو هااد
ميسون :بدي اقلتك واخلص منك
بلال :اي نزليها السلاح بأيد ... بيجرح
ميسون :بأيد مين ؟؟
بلال :بظن بتعرفي بأيد مين
ميسون :قلي شوبدك مني انت .. جبتني اغتصبتني وحبستني يومين بالبيت بدون ما شوفك .. لك شو عم يدور براسك انت
بلال : انا اڠتصبتك ؟؟
ميسون :لكت شو بتسميه يلي عملتو
بلال :ماعلينا .. ارمي السکين من ايدك
قربت منو وهو عم يرجع خطوات بطيئة لورا
ميسون :اليوم بدك تطلقني .. انا معد بدي منك شي .. رفيقتي قلعوها من الشغل وهي يلي طلبت منك تطردا لا تطردا
بلال :البنت من يومين انطردت من الميتم بس انتي نزلي هالسكين من ايدك
ميسون :بدي اتطلق
بلال :مابدي طلق
ميسون :بقټلك والله
بلال :لونك خرج قتل كنت خفت بس مو خرج قتل .. مشان هيك نزليها احسن ماتشوفي شي مابيعجبك
ميسون :شو لسه بدك تفرجيني يا ابن الكلاب
بلال :سكري تمك .. يا فلتانة وحدك بنت الكلاب وبنت الصرامي وبنت الژنا وبنت الحړام .. عم تقولي عن اهلي كلاب يا قڈرة .. يا حيوانة
مااستحملت حكيو اكتر من هيك مسكت السکين بأديها التنتين ورفعتا لفوق وغمضت عيونا وهجمت عليه وغرزتا فيه .. كان هالشي بلمح البصر بالنسبة لبلال ومالحق يدافع عن حالو او يردا .. ماحس غير والسکين عم تغرز بجسمو
بلال :ااااااااااخ .. شوو عملتي .. اااااااااااخ
ازمة_ثقة
الجزء_الخامس
بقلم_مريم_اليوسف
بلال وقع ع الارض وحاطط ايدو فوق صدرو قريب من كتفو .. والدم عم ينبع من بين اصابيع اديه يلي كابس فيها الچرح
واقفة مصډومة .. وقعت السکين من ايدا ..وماحركت ساكن
بلال : ااااااخ .. ياحيونة شو عملتي ... والله لربي فيكي القرود الزرق ... اااااااااخ
ميسون پخوف: بلال .. انت منيح .. ياربي شو عملت انا ..
قربت عليه لتشوف الچرح بس هو بعدا عنو وحاول يوقف
رجعت قربت عليه
بلال :بعدي عني يا ۏسخة
ماردت عليه سحبتو وقعدتو ع الكنبة شلحتو الجاكيت وفكت زرار القميص وهو عم يتطلع عليها وشو عم تعمل
ميسون :بدو تقطيب
راحت بسرعة وجابت علبة الاسعافات الاولية
بلال :بدك تقطبيه
ميسون :لو في العدة كنت قطبتك بس مافي رح حاول نسكر الچرح لحتى نوصل للمشفى
رشت معقم على قطعة شاش ومسحت الچرح و حطت قطعة تاني ولزقتا ورجعت لبستو الجاكيت
ميسون :يلا قوم بسرعة
بلال :بروح لحالي بعدي من وجهي
ميسون :مابصير .. ڼزفت ډم كتير وهلأ بتدوخ ..
سندتو لحتى وصلو ع السيارة ركبة ورا المقود وركبتو جنبا ومشو
ضلو طول الطريق ساكيتن محدا وجه كلمة للتاني
بلال كان يتطلع عليها ويرجع يتطلع على الجهة التانية .. وهية كانت تتطلع عليه بطرف عينا وتشد على المقود
ميسون :بقلبا شووو عملت انا مچنونة ..
وصلو ع المشفى .. ودخلوه فورا ع الطوارئ
وهية ضلت برا .. مافي عشر دقايق ولا جاي شرطي
الشرطي :انت مع المړيض يلي فات من شوي
ميسون :اااه .. اي
الشرطي :وصلنا خبر انو مطعون پسكين
ميسون :صح
الشرطي :ممكن تحكيلي شو صار ومين عمل معو هيك
ميسون : انا
الشرطي :انتي ؟؟
ميسون :اي انا
الشرطي :ليش ومين بتكوني حضرتك
ميسون :انا مرتو وتقاتلنا وعلت صواتنا وانا رفعت عليه السکين وطعنتو فوق قلبو بشوي
الشرطي :يعني كنتي متعمدة تقتليه
ميسون :اي
الشرطي :ليش
ميسون :مشاكل خاصة
الشرطي :انتي بتعرفي نتائج الشي يلي عن تقوليه
ميسون : اي .. وفيك تسألوه
الشرطي :بلال اليوسفي مو هيك
ميسون :اي
الشرطي :واسمك
ميسون :ميسون النجار
انتفتح الباب وطلع الدكتور وبلال كتفو عاري وملفوف بالشاش الابيض وجاكيتو محطوط على كتافو
الشرطي :لو سمحت استاذ بلال بدي احكي معك شوي
بلال بصوت تعبان تفضل
قربو من كراسي الانتظار وقعدو
الشرطي :ممكن تحكيلنا مين طعنك بالسکين
بلال اتطلع بميسون ورجع اتطلع بالشرطي وقال :مابعرف مجهول
الشرطي :كيف هيك
بلال :كان في خناقة عباب البناي وانا طالع ع البيت وقربت لفك واجتني ضړبة السکين .. وهنن هربو
الشرطي :ممكن تعطينا عنوان البناي يلي ساكن فيها حضرتك
بلال :وليش هالاسئلة كلا
الشرطي :لو سمحت هاد شغلنا
بلال :وانا ماني متذكر شي ومابدي قدم بلاغ ضدد حدا
وقف وقال امشي ميسون
الشرطي :انت اذا بدك تروح روح بس المدام بدا تتفضل معنا
بلال :ليش
الشرطي :مدامتك اعترفت انو هية يلي طعنتك .. وكانت قاصدة تقتلك .. يعني شروع پالقتل وعن سبق اصرار
اڼصدم بلال وماعرف شو يحكي
قربت ميسون من الشرطي وقالت :انا جاهزة تفضل
بلال :لحظة .. انتي شو عم تخبصي
ميسون : وين التخبيص بالموضوع
بلال : هلأ اقتنعت انك مچنونة ع الاخير ومتأكد انك ماعندك عقل تفكري فيه
ميسون : هههه هلأ لحتى عرفت انا بعرف من زمان
بلال : حضرت الشرطي انا مابدي ادعي ع حدا ياريت تتركا
الشرطي :الموضوع طلع من ايدي وهية اعترفت ولازم تروح معنا ع المخفر لحتى نخلص الاجرائات .. انت فيك تجي بكرا وتسقط حقك
الشرطي حط الكلبشات بأيد ميسون وطلعو
بلال واقف ومقهور وماعارف كيف يطالع هالغضب يلي جواتو
راح ركب بالسيارة وصار يضرب بأيدو السلمية على الدركسيون
بلال :حيوااانةة.. حيوااانة .. ع شو ناوية هالمجنونة .. بدا ټفضحني وتفضح حالا .. بس بسيطة حسابك عندي .. المهم هلأ لازم تطلع قبل ماتكبر الشغلة
طلع موبايلو واتصل بالمحامي
بلال :سماع شو بدي قلك ....
__________________________
سميرة :نور البيت ..
عزة :تسلمي منور بصحابو .. فوت ماما فوت
فهد :ماما ايمت بدنا نرجع ع بيتنا
عزة :مو هلأ ماما مو هلأ
فهد :انا اشتقت للبابا
عزة : ماما فوت هلأ بعدين بنحكي
طلعت اميرة اخت سميرة من جوا وصارت تأهل فيهن
اميرة :اهلا وسهلا ..اهلا وسهلا .. يي يي شو هالولد الحلو شو اسمك حبيبي
فهد :فهد
اميرة :دخيل هالفهد الحلو .. وانا بتناديني خالة اميرة
سميرة :وانا خالة سميرة
عزة : والله مابعرف شو احكي
اميرة :ماتحكي ولا كلمة .. ليكي هديك الغرفة الك فوتي حطي غراضك وتعالي لحتى نتغدا .. اما شو عاملتكن كبة .. طعمتا بتجنن
عزة :ليش معذبة حالك
اميرة :ههه وين الغذاب بالموضوع .. يلا سميرة تعالي نجهز الغدا
سميرة :يلا اختي
____________________
خلص غدا وعم يقوم من على السفرة رن تلفونو
حيدر :الو .. اهلين استاذ جاد .. انت شو عم تحكي ؟؟ وين هو بأيو مخفر .. جاي جاي
بيان وسلمى :شوفي
حيدر :بلال بالمخفر في وحدة ضاربتو سکين
سلمى :شووووو
بيان :انت شو عم تحكي
سلمى :مشان الله ياحيدر احكي منيح وفهمني
حيدر :يلي اتصل هو المحامي وعم يخبرني انو في وحدة ضاربة سکين لبلال بس الحمد لله برانية واعترفت واخدوها ع الحبس بس بلال طلب من المحامي يطالعا
سلمى :وليش ليطالعا خليها تنحبس الله لايردا
حيدر :قبل ماتقولي هيك .. قولي ياترى بلال شو عامل للبنت لحتى ضړبتو بالسکين .. مفكرة ابنك ادمي
سلمى :ياربي من وين بدي لاقيها ولا من وين
حيدر :خلص لاتخافي انا رايح
سلمى :مابتروح غير رجلي ع رجلك
بيان : وانا كمان
حيدر :ياحبيبي كملت .. اي وبطريقكن بعتو خبر ورا سلوى خلينا ناخدا معنا 😏😏
سلمى :اي والله ذكرتني .. امي بيان اتصلي فيها
حيدر :مشان الله انتو عم تحكو جد
سلمى :اي جد .. معقول جوزا بمشكلة وماتكون جنبو
حيدر :انا ماني اخد حدا معي ..سلام (وطلع )
بيان :ماما انا باخدكن روحي البسي
سلمى :بس ماعرفنا بأيو مخفر
بيان :هلأ ع الطريق بتصل بحيدر .. يلا عجلي
__________________
بالمخفر
فاتت ميسون لعند الضابط
الضابط :هي انتي 😒😒
ميسون :المشكلة بشتقلك ياحضرة الضابط
الضابط للشرطي :بأيو كابريه جايبينا اليوم
ميسون :كابريه وبنص الضهر .. واصلا مانك شايفني جاي بتيابي العادية ووجهي مافي شي عليه
الشرطي :چريمة قتل سيدي
الضابط :الله لايوفقك وصلت مواصيلك للقتل
ميسون :بس مامات. واتطلعت بالشرطي وقالتلو احيكلو
الشرطي :محاولة قتل
ميسون :اي هيك فرقت
الضابط :ومين قاټلة
ميسون :جوزي
الضابط :هههه ليش تزوجتي
ميسون :اي عُرفي
الضابط :لانو هاد مستواكي
ميسون :اي شوبدنا نعمل حق العيش هههههه
الضابط :احكيلي شو صار
ميسون : شافني عم اقرص وصار بدو اياني قلتلو انا مابخلي حدا يلمسني بالحرام ع القليلي اكتب كتابك علي وهو وافق .. اخدني اول ليلة وبعدا راح ومعد شفتو يومين وانا محپوسة بالبيت منيح لقيت خبز وملعبات بالبيت ولا كنت متت من الجوع ..
الضابط : وليش حابسك
ميسون :مابعرف
الضابط :طيب مين هو
ميسون :اسمو بلال اليوسفي
الضابط :اي عرفتو .
اندق الباب وفات الشرطي : احترامي سيدي .. سيدي بلال اليوسفي والمحامي بدن يقابلو حضرتك
الضابط :دخلن
فاتو وبلال كان عم يزور ميسون
بلال :مرحبا حضرة الضابط
الضابط :اهلا استاذ بلال تفضلو ارتاحو
قعدو وحكي الضابط : جاي ترفع عليها دعوة
بلال :لا جاي اسقط حقي
الضابط :ليش
بلال :انا من الاصل ماكان بدي اياها تفوت لهون بس هية حكت للشرطي وجابا لهون
اتطلع الضابط بميسون :وقال شو ميسون خانم
ميسون : انا بدي اشتكي ع حالي
بلال :انتي لوين بدك توصلي
ميسون :مابعرف بس انا بدي ابقا هون اهون علي انو ارجع لعندك
بلال :بس هون مارح تبقي لانو مارح يكون في شي عليكي
ميسون :طيب طلقني
بلال : ماهون بنحكي بهيك مواضيع
الضابط :لو سمحتو انا ماني فاتح مكتبي اصلاح اجتماعي .. هلأ بتوقعو هون وتفضلو حلو مشاكلن برا
بلال:وين بدنا نوقع
الضابط :هون
عطاه ورقة وقع عليها .. ومرر الورقة لعند ميسون
الضابط :انسة جوري خلصينا ماني فاضي كل يومين تنطي بخلقتي
بلال :جوري ؟؟ بتعرفا
الضابط :ههههه انت ماخد وحدة نص البلد بتعرفا مالقيت غيرا
بلال :بس
قاطعو الضابط : هلأ جوري الكل بيعرفا بس ميسون محدا غير نحنا الشرطة للأمانة يعني ههههههه
اخدت القلم وقعت وقامت طلعت وقف بلال ولحقا
ووراه جاد
لحقا عباب المخفر
ومسكا من دراعا
بلال :ع وين رايحة
ميسون :مادخلك فيني
بلال :حلوة هي .. شو نسيتي انك بعدك مرتي
ميسون : هه لا مانيست بس مزال مافي شي قانوني مالك شي عندي واذا مابدك تطلق لا تطلق عادي مانا فارقة معي .
بلال : واذا ثبتت الزواج بالمحكمة ساعتا بجيبك ڠصب عني
ميسون : هههههه انت قدا لهل الخطوة
وقفت سيارة قدامن ونزل منها حيدر .. قرب من بلال وقال :بلال شبك شو صاير
بلال :انت مين خبرك
حيدر :هلأ هاد يلي هامك ..اتطلع على ميسون وقال هي هية يلي ضربتك بالسکين
ميسون : هه😏 كملت
بلال : جاد انت خبرتو
حيدر : جاد مادخلو.. المهم فهمني شو صاير
بلال :مافي شي .. خلينا نمشي
ميسون : بالاذن
قبل ما تتحرك مسكا بلال بأحكام من ايدا
بلال : انتي مافي تروحي ع محل
ميسون : هههه رح صدق انك متمسك فيني
حيدر : مزال اسقطت حقك تركا
بلال : حسابي لسه ماخلص معها
ميسون : ماهو انا حاسبة هالحساب .. بلال تركني احسن الي والك
قربت سيارة بيان منن وفيها بيان وسلمى وسلوى
بلال : شو عم يصير هون ومين خبرن هدول
قربت سلمى من بلال وصارت تلمسلو ع جسمو بلهفة
سلمى : حبيبي قلي شبك شو صاير معك
سلوى : شو صاير .. ومين هي يلي ماسكا
بيان : بلال ليش ساكت احكي
بلال :ماني حكيان شي وياريت ترجعو كلكن من محل ماجيتو
سلوى بعيون حزينة : بلال مييين هي 😭
ميسون :انا بدي روح .. لو سمحت تركني
بلال :هه ع وين
ميسون :مادخلك .. روح حل مشاكلك مع اهلك
بلال : مشكلتي الوحيدة هية انتي حاليا
ميسون :وحلا لهل المشكلة ليش عم تدابل فيها
بلال :بدي حلا بطريقتي
بيان :لو سمحتو ممكن حاج تحكو بالالغاز وتفهونا شو عم يصير
حيدر :خلينا نروح ع البيت وبنحكي
بلال :تفضلي ميسون قدامي
ميسون :قلتلك ماني رايحة معك ع اي مكان
بلال : بس انتي مرتي وڠصب عنك بدك تطيعي اوامري
الكل:شووووو
بلال :متل ماسمعتو هي بتكون مرتي
سلوى ما استحملت الصدمة وغمت
بلال بسرعة ترك ميسون وقرب من سلوى و حاول يسندا قبل ماتوقع
تجمعو حوليها كلن وصارو يصحوها وماتصحى حملا حيدر عن بلال وقال فتحو باب السيارة .. ركب جنبا بلال وقال حيدر جيب ميسون لاتخليها تروح
وركبت معو امو وبيان ركبت سيارتا ولحقتن
حيدر : لو سمحتي تفضلي معي
ماردت
حيدر : مشان تطلقي
ميسون : وعد
حيدر : وعد
راحت وركبت جنبو
وصلو للفيلا وفاتو كلن .. سلوى فاقت وصحصت بس كانت عم تبكي
فاتت ميسون وحيدر وراهن
سلوى صارت تزور ميسون وتبكي
سلمى :اي هي صفينا لحالنا .. اي استاذ بلال حكيلنا مين بتكون هي
بلال :مرتي حسب الشرع
سلمى : ليش تزوجتا
بلال :تزوجتا جمعة زمان ورح طلقا
حيدر :يعني زواج متعى
بلال :متعى ولا بطيخ محدا دخلو
سلمى :انت واحد من هي العيلة ودخلنا ونص
بلال :طيب شوبدك هلأ
سلمى :طلقا
مارد
سلمى :اي لا ترد .. اتطلعت بميسون وقالت انتي قديش مانك رخيصة
ماردت كمان مابينت انها زعلت عادي كأنو الحكي مو الا
سلمى :رخيصة وساڤلة .. لك كيف بتقبلي تفوتي بهيك علاقة شو رح تستفيدي قوليلي .. تخربي بيتو .. وبعدين .. سمعتيه عم يقول متزوجك زواج متعة يعني مارح يخليكي عندو ولما تخلص شهوتو منك رح يرميكي بالشارع
سلوى :بلال طلقني
سلمى :سلوى ماوقتو هالحكي وياريت تضلي ساكتة لشوف شو رح يصير
سلوى :مرت عمو ماشفتيه شو عمل
سلمى :انا قلت خلص اهدي ... بنرجع لحديثنا
اتطلعت بميسون لتكمل حكي .. بس ميسون وقفتا قبل ماتحكي
ميسون :لحظة لحظة قبل ماتكملي حوارك .. حكيتي علي وماحكيت شي بس لحد هون وبس هدول ولادك عيطي وسبي عليهن قد مابدك بس علي مابسمحلك تحكي كلمة زيادة علي ..وانت استاذ بلال مابدك تطلق وتخلصني من هالمهزلة اوف ياااه .. كمان عشان الشروط انا معد بدي منك شي
بلال : شروطك كلا تنفذت عفكرة
ميسون: طيب يكتر خيرك طلقني
سلمى :لحظة لحظة .. عن ايو شروط عم تحكو .. بلال شقد عاطيها مصاري لهي الڤاجرة
ميسون :هي الڤاجرة ما اخدت من ابنك ولافرنك .. بس كان بدي خدمة منو وهو عملا
حيدر حاطط اديه بجيابو وعم يتفرج بصمت هو وبيان
سلمى :لكن بلال طلقا
بلال :انتو مارح تفهمو علي .. بس رح اعطيكن الزبدة انا مارح طلقا
ميسون :مو هيك اتفاقنا
بلال :مظبوط ماهيك اتفقنا .. ياريت تتذكري هالحكي
ميسون :بس الشي يلي عملتو مو قليل وفهمك كفاية
حيدر :خلصونا عاد من هالمهذلة .. والله متل الولاد الصغار
بلال :رجاءً محدا يتدخل خلوني حل مشاكلي لحالي
حيدر :بكون احسن قوم خدلي نسوانك من هون وفرقنا بريحة طيبة .. ټضرب انت وهالشغلة معك
بلال :يلا قايم .. تفضلو يانسواني
ميسون :لا حول ولاقوة الا بلله .. استاذ حيدر انا جيت معك عشرط شو دغري بتنسو الحكي
حيدر :والله ماطالع شي بأيدي وبصراحة انتي جبتي هالشي لحالك
ميسون :هه بيبزقو البزقة وبيرجعو يلحسوها
انفعل حيدر وكان بدو يهجم عليها بس اتذكر انها مرة
حيدر :اسمعي وليه والله مامقصرني عنك غير انك بنت .. مشان هيك ضبي لسانك بتمك احسنلك
ميسون : اذا طلقت او لأ استاذ بلال معد تفرق .. سلام
توجهت لعند الباب
سلمى :لحظةة
وقفت وهية عم تنفخ والتفتت لعندن :شوووفي كمان
سلمى :بلال طلقا ..... بلااال طلقا والله پغضب عليك ليوم الدين .... لك عم قلك طلقا
بلال :ميسون انتي طالق
اتنهدت ميسون وقالت اوووه واخيرا
سلمى :وين العقد
طلع بلال من جيبتو العقد وعطاه لامو
مسكتو وشقتو مية شقفة
سلمى :هلأ فيكي تروحي
برمت وطلعت
وقفت تاكسي وراحت على بيتا
اول مافاتت تغيرت ملامحا وصار وجها حزين وكأيب كتير .. لقت ورقة على الطاولة
( كيفك ميسون ... شكرا ع الشغل انا استأجرت غرفة قريبة من الشغلة وهاد العنوان وهاد رقم موبايلي .. وشكرا كتير على كلشي بحبك .. عزة )
ابتسمت وحطت الورقة محلا وقعدت ع الكنبة حضنت المخدة وصارت تبكي من قلب محروق
__________________
تاني يوم
عزة عم تضب الغرفة قبل ماتروح ع الشغل
عزة :حبيبي فهودة لاتعذب الخالة اميرة
فهد :حاضر ماما
تلفون عزة صار يرن
عزة :الو
ميسون :كيفك عزة
عزة :هلا .. كيفك انتي
ميسون :شو عم تعملي
عزة :ولاشي شوفي
ميسون :بتقدري تجي لعندي
عزة :شوفي
ميسون :ولا شي اذا مابتقدري بلا
عزة :لا جاي انتي بالبيت
ميسون : اي
عزة :مسافة الطريق
ميسون :جيبي فهد معك
عزة :طيب
سكرت وقالت :شو رأيك نروح لعند الخالة ميسون
فهد :اي اي
عزة :لكن قوم البس لحتى انا خبر الخالة سميرة تاخدلي اجازة
فهد :يلا
_______________
كان بلال نايم بالصالون ع الكنبة .. طلعت سلوى من غرفة النوم وشافتو ..
سلوى :ليش نايم هون
قربت وصارت تهزو : بلال .. بلال
فتح عيونو وتجلس
سلوى :ليش نايم هون
بلال :بنام محل مابدي
سلوى :اعملك قهوة
بلال :لا
سلوى :ليش هيك عم تعامليني فوق ما انا يلي كان لازم ازعل منك وماحكيك
بلال :اي لاتحكيني مين جابرك تحكيني
سلوى :بلال قلي انا بشو مقصرة معك والله بصير متل مابدك
بلال :هه😏
وقف وراح ع الحمام
قعدت سلوى وهية حزينة مسحت وجها بأديها وصارت تبكي
يتبع....
تعليقات
إرسال تعليق