رواية سلسبيل قلبي الفصل الثاني والثالث بقلم نورا مرزوق حصريه وجديده على مدونة النجم المتوهج
 |
سلسبيل ـ وهو سي سفيان ده ماله
مجدي ـ انا عارف انو اللي هقوله مش هيعجبك خالص بس اسمعيني للاخر سفيان يعني احم بتاع حريم وكده احم شرب وسجاير وسهر لحد الصبح بره عصبي جدا ومحدش بيتجرأ يتكلم معاها حتي كله بيخاف منه انا اجبرته علي الجوازه دي عشان عارف انك الوحيده اللي هتقدري تغيريه
سلسبيل وهيا علي وشك البكاء ـ هارسوح نسوان وخمره يعني علي النار حدف دا احنا هنشوف ايام طين ي مسعود....!
مجدي بضحك ـ مسعود ههههههههههه المهم عايزك تربيه من اول وجديد ويعرف ربنا وتخليه يقرب منه ويصلي
سلسبيل وهيا بتلوي بقها ـ هو الشحط كمان مش بيصلي اه صح نسوان وخمره هتوقع اي يعني
مجدي ـ ههههههههه دا انتي مشكله المهم مش عايزك تزعلي عشان اتجوزتي بالطريقة دي بس انا محتاج مساعدتك بجد
سلسبيل ـ برغم الطريقه الز*فت اللي اتجوزت بيها دي واني فعلا زعلانه بس يلا طالما فيها حاجه لله هسيب امري ل ربنا ومتخفش الشحط اا.. قصدي حفيدك هربيه من اول وجديد
مجدي ـ طيب يلا ي عروسه عشان المهمه هتبدا من اول متدخلي
سلسبيل ـ استعنا علي الشقا بالله يلا ي جوجو ونزلت
مجدي بصدمه ـ جوجو انا مجدي السيوفي اللي بيتهزلي اكبر شنب فيكي ي جمهوريه يتقلي جوجو وبعدين نزل من العربيه وهو بيضحك شاف سلسبيل واقفه بتبص علي القصر
سلسبيل ـ ي دين النبي انا هعيش هنا
مجدي بضحك ـ يبت ارحميني ههههه واه يستي هتعيشي هنا
سلسبيل بحمحمه ـ لا لا انت تديني خريطه للقصر ده عشان لو توهت اعرف ارجع
مجدي ـ ههههههههه انتي فظيعه يلا نخش
سلسبيل ـ هو في كام واحد عايش جوه ي جوجو
مجدي ب استغراب ـ ابو وام سفيان احمد وعائشه واخوه زين ومراته ندي وعندها سفيان الصغير وعمته سهير وبنتها لينا في تانيه كليه وابنها معتصم وعم سفيان خالد ومراته وفيقه ولادها ندي في تالته اعدادي وماري مخلصه وبتشتغل في الشركه مع سفيان بس لي
سلسبيل ـ تصدق وتأمن ب اي 🙂
مجدي بضحك ـ لا إله إلا الله
سلسبيل ـ من اللي قولته ده كله حفظت لينا بس
مجدي ـ ههههههههه متخافيش هتخشي دلوقتي وتشوفيهم بس خلي بالك ماري دي حاطه عينها علي سفيان وامها الحربايه دي كان بيخططو عشان يجوزو سفيان ل ماري
سلسبيل ـ امممم دا العيله كلها محتاجه تتربي ي جوجو ثم غمزت له ماعادا انت طبعا 😉
مجدي ـ هههههه يلا يلا ي مصيبه
دخلو ووقفو علي باب القصر
سلسبيل فتحتو وقالت بصوت عالي جدا ـ خوووووش ياواد ي مزيكا ايوا يبت ي سوسو خشي كدا ونوري بيت جوووزك
مجدي كتم ضحكته وسلسبيل وقفت قدام العيله كلها وقالت ـ تعرفوني ولا لا معزورين اصلكم هتعرفوني منين منتو مكنتوش موجودين انا ابقي سلسبيل رامز الهنداوي مرات سفيان احمد السيوفي وكنه عيله السيوفي اللي هو انتو يعني
زين بصدمه ـ انتي مرات سفيان منين
سلسبيل ـ هو اللي منين ي زينو هو مش انت زين برضو
اومأ لها زين بصدمه
سلسبيل وهيا تنظر آلي ندي ـ وانتي يمزه مراتو صح ندي
اومأت ندي بصدمه هيا كمان
وبعدين بصت علي واحده قاعده علي الكرسي المتحرك وبتبتسم وباين عليها انها عارفه
سلسبيل ـ وانتي حماتي المزه صح
ابتسمت عائشه
احمد ب ابتسامه وغيره مصتنعه ـ انتي بتعاكسي مراتي قدامي
سلسبيل ـ ايواا ي ابو حميد ي جاامد بتغير علي عيوش
اتكسفت عائشه
نظرت سلسبيل إلي ماري اللي كانت بتبصلها بغضب وصدمه عرفت علطول انها ماري
سلسبيل بردح ـ ماالك يعنيا بتبوصيلي كده لي شوفتي جنيه ولا عروسه بحر الميه لا يحبيبتي دا انا سلسبيل... سلسبيل الهنداوي بنت رامز الهنداوي واللي عليه عليه وخمسه وخميسه في عين اللي يشوفني وميصليش علي النبي ( عليه افضل الصلاه والسلام)
زين فاق من صدمته وقعد يضحك ـ ههههههههه يخربيتك اي دا كله
ندي بضحك ـ دا انتي فظيعه
سلسبيل بغرور مصطنع ـ لا داعي للتصفيق
ضحك الكل ماعدا ماري وامها العقربه
مجدي بجديه ـ اسمعو كويس سلسبيل هنا مرات سفيان اللي عارف باكدله المعلومه واللي مش عارف انا بقول اهو تمام
سلسبيل ـ اي ي جوجو الجديه دي
الكل في صوت واحد ـ جوجو
مجدي بهمس ـ يخربيتك هتضيعي هيبتي
زين بضحك ـ والله علي اخر الزمن بقيت جوجو ي جدي ههههههههه
مجدي بغيظ ـ بس ي ابن احمد وخلي نهارك يعدي
زين ـ ههههههه
مجدي بصوت عالي ـ ي هنيه
هنيه الخدامه ب احترام ـ ايوه ي بيه
مجدي ـ خدي الهانم سلسبيل علي جناح سفيان بيه علي ميجي
سلسبيل بتحط ايديها علي كتف الخدامه وبتبص ل ماري ـ يلا يهنون وريني اوضه قره عيني (😂😂😂)
كتم مجدي ضحكته بمعرفته ب مكنون فعلتها
هنيه ب ابتسامه ـ يلا وخدتها وطلعو لجناح سفيان
تحت
ماري بغضب ـ مين الشر*شوحه دي ي جدو وازاي مرات سفيان ومفيش حد يعرف
مجدي ببرود ـ الشرشوحه دي لو سمعتك هتمسح بيكي بلاط القصر وتاني مره احترمي نفسك واتكلمي عنها كويس دي بقت كنه البيت وسابهم ودخل غرفته
وماري طلعت اوضتها بغضب وامها طلعت وراها
زين ـ والله البت دي عسوله دي اللي هتعدل سفيان بجد ههههه
ندي بغيظ ـ طب احترمني حتي انا واقفه جنبك
زين بخضه مصطنعه ـ بسم الله انتي هنا من امتا وبعدين غمزلها وقالها وبعدين في حد يملي عيني غيرك ي ام سفيان الصغير 😉
ندي بحرج ـ زين اتلم اهلك واقفين
احمد بسخريه ـ لا يحبيبتي ولا يهمك هو ابن كل"ب بجح
زين بخبث ـ لي كده ي حج بس دا بدل متتعلم مني وتقول ل عيوش كلمه حلوه تبل ريقها بيهم
عائشه بحرج ـ ولد ا.. اي اللي بتقوله ده
زين برفع حاجب وخبث ـ اي ي عيوشه ي قمر اتكسفتي كده لي بس شكله ابو حميد مالي ومعبي ثم غمز وقال ولا اي
كتم احمد ضحكته وقال امشي يلا من هنا
زبن وهو يمسك ايد ندي ـ انا غلطان اني بديكم نصايح سلام ي عيوشه ي مزه علي رأي سلسبيل هههههه وسابهم ومشي
احمد بتنهيده ـ تفتكري سفيان هبتغير فعلا
عائشه ـ ان شاء الله يحبيبي بس البت قمر اوي ودمها خفيف وباين عليها متربيه
احمد ب ابتسامه ـ انا كده عرفت بابا لي كان مصر عليها اوي
اومأت له عائشه ب ابتسامه وقعدو اتكلمو شويه وبعدين دخلو نامو
في الصبااح
كانت سلسبيل نايمه علي السرير وفجأة حست بحركه في الاوضه عرفت علطول انو سفيان ابتسمت بخبث وقالت في نفسها استعنا علي الشقا بالله وربنا يقدرنا علي فعل الخير كان النور مطفي
سلسبيل بهجوم وهيا بتنط من علي السرير علي سفيان وهيا ماسكه الشبشب اللي كانت محضرهوله وووووو
#سلسبيل_قلبي
#بارت_3
#بقلمي_نورا_مرزوق
في الصباح الساعه 7
كانت سلسبيل نايمه وفجأه حست بحركة في الاوضه عرفت علطول انه جوزها ابتسمت بخبث وقالت في نفسها جيت لقضائك ي تارك الصلاه يلا استعنا علي الشقا بالله وربنا يقدرنا علي فعل الخير ويسامحنا
مدت ايديها تحت المخده وخدت الشبشب اللي كانت محضرهوله (😂😂) كان الجناح ضلمه وفجأه نطت من علي السرير علي ضهر سفيان اللي كان مديها ضهره وبالشبشب علي دماغه (استغفر الله😂) وبصريخ
سلسبيل بصراخ جامد ـ حراااااااامي حرااامي ي اهل الدار انتو ياعالم يلي ميته البيت بيتسرق.... ي زين ي جوجو يعالم اصحو كل ده وهيا ناوله ضرب فوق دماغه
سفيان بغضب ـ انزلي ي حيو*انه انتي بتعملي اي
سلسبيل بصراخ ـ جاي تسرق في عز النهار ي طويل يهبل وفي بيت فيه سلسبيل دا انت امك دعت عليك في ساعه استجابه وعضته من رقبته
سفيان بصراخ ووجع وغضب ـ اااه يبت العضاضه انا سفيان ي حيو"انه انتي
سلسبيل وقفت ضرب واتصنعت التفكير ـ سفيان..؟ سفيان مين وسكتت 3 ثواني بالضبط يحووستي المهببه ياني يامه انت سفيان جوزي
اتجمع الكل بسرعه في اوضه سفيان
سفيان بغضب ـ انزلييي ضهري اتكسر وانتي مين وبتعملي اي هنا
سلسليل بعند ـ طب وحيات امك المزه منا نازله غير لما تعتذر وبعدين في حد يتسحب كده ي شحط خصتني
زين ـ ههههههههههههههههه
سفيان بغصب ـ انزلييي بقولك وإلا هموتك
سلسبيل ببرود ـ والله منا نازله ولو هفضل كده طول العمر اعتذر الاول ي شحط انت (😂😂)
سفيان بنفاذ صبر ـ انا بتزفت اسف انزليي ضهري
نزلت سلسبيل وقعدت تبص عليه ببرود
زين بضحك هستيري ـ ههههه مش ههههه مش قادر ههههههه ووقع علي الارض من الضحك
كان الكل يضحك بشده ماعادا ماري كانت بتبصلهم بغيظ كبير
ندي الصغيره ـ هههههههههه مش قادره
ماري جرت علي سفيان بقلق ولسا هتلمسه لقت حد بيمسك ايديها جامد
( اللهم صلّ وسلم وبارك على سيدنا محمد وعلى آله وصحبه اجمعين ♥♥)
سلسبيل برفع حاحب ـ راحه فين ي مزه
ماري بغضب ـ اي قله الادب اللي انتي عملتيها دي ونظرت إلي سفيان وقالت شايفه عامل ازاي راسه بتنزف
سلسبيل بتريقه ـ شايفه عامل ازاي ننننن ي محني ثم عملت شفايفها بوز البطه وعملت بيهم صوت وحركت وسطها لقدام وبعدين لورا بسرعه (زي مبتلعبو الاطفال الصغيره كده ي جماعه ولا مش عارفه ما علينا 😂)
وقالت انشفي يبت كده
سفيان بغضب جحيمي وصوت عالي ـ انتي ميين وبتعملي ايي هنا وازاي تتجرأي وتعملي اللي انتي عملتي ده
سلسبيل بهدوء وبرود ـ اول حاجه انا مترزعه جنبك اهو انا مش طرشه وطي صوتك تاني حاجه انا مين انا المفروض مراتك ي موكوس تالت حاجه بعمل اي هنا ف اكيد جواب السؤال التاني عرفك انا بعمل اي هنا رابع حاجه والاهم هو عملت كده لي عشان فكرتك حراامي في حد يشحط يتسحب ب الطريقه اللي كنت بتعملها دي
سفيان بغضب شديد ـ انتي لساانك طويل اوي مفيش حد قبل كده اتجرأ وشتمني و
سلسبيل بمقاطعه ـ ايوه ايوه جو الروايات ده عارفاه (اسفه 🙂) يلا يلا خش اربط دماغك دي وانزل عشان تطفح معانا ومدتلوش فرصه يرد وطلعت بره الاوضه
سفيان ـ وربنا لوريكي ي زفته انتي
زين بضحك ـ اعقملك الجرح ي بيبي نظر له سفيان بغضب جري زبن بسرعه من امامه
تحت
راحت سلسبيل ب اتجاه المطبخ شافت هنيه
سلسبيل بمرح ـ هنون
هنيه ب احترام ـ اؤمريني ي هانم
سلسبيل بمرح ـ هانم مين انا سلسبيل بس اوك
اومأت لها هنيه ب ابتسامه
سلسبيل ـ هاا قوليلي بقا حتعملي فطار اي
هنيه ـ ست ماري ادتني المنيو امبارح هعمل فطار سوري
سلسبيل بامتعاض ـ سوري يتكو نيله انتو هتنسو اصلكو وفصلكو ولا اي بص إلغي ده كله وابعتي حارس يروح يجيب طعميه وفول وجبنه وفينو واي كمان وااه وهاتي اربع بيضات هعملكو شكشوكه هتاكلو صوابعكو وراها واقلي شويه بطاطس محمره كده
هنيه ـ بس محدش بياكل الحاجات دي
سلسبيل بحده ـ محدش يقول علي نعمه ربنا مبحبهاش اللي مش عاجبه مياكلش 🙄 يلا نعمل اللي قولت عليه
بعد ساعتين كان الكل متجمع علي الفطار
زين ـ ههههههههه اي ده الله
ندي بصدمه ـ يخربيتك
معتصم ـ هههههه والله كان نفسي اكلهم من زمان
مجدي كان كاتم ضحكته بصعوبه
ندي الصغيره ـ طعميه وفول 😂 الله عليكي ي سوسو
وفيقه بغضب ـ اي الاكل ده مين اللي عمل كده
ماري بغضب ـ هنيه انتيي ي زفته
جات هنيه بسرعه ـ ايوه يست ماري
ماري بغضب ـ ميين اللي طلب منك تعملي الاكل ده
_ انا
نظرو الكل ناحيتها قربت منهم وهيا بتحط طبق الشكشوكه علي السفره
سلسبيل ـ اي في اي
وفيقه بغضب ـ اي الاكل ده
نظرت سلسبيل إلي السفره ببرود وقالت ـ اكل
ماري ـ مين سمحلك انك تغيري للاكل انا اللي مسؤله عنه هنا
سلسبيل ببرود ـ اه الاكل السوري مش كده انتي نسيتي نفسك ولا اي يبت سوري اي انتي هتنسي اصلك وفصلك ولا اي
ماري ـ انتي ازاي.. اا
سلسبيل بمقاطعه ـ بقولك اي انا مش عايزه صداع الاكل اهو عايزه تفطري افطري مش عايزه براحتك برضو وراحت قعدت مكانها جنب ندي مرات زين اللي غمزلتها وسلسبيل ردت عليها ب ابتسامه
نزل سفيان وراح قعد مكانه وبص علي الاكل بصدمه كبيره وبعدين بص علي سلسبيل اللي كانت بصاله برفع حاجب
سلسبيل ـ انتي معدي من علي الترب ي جدع انت مفيش صباح الخير ولا سلام عليكم حتي
سفيان بغيظ ـ صباح الخير
الكل بص لي بصدمه وبعدين قالو ـ صباح النور
سفيان وهو ينظر إلي السفره ـ اي ده
زين بضحك ـ فول وطعميه هههه
اومأ سفيان ولم يتكلم
ابتسمت سلسبيل بخبث
سلسبيل في نفسها ـ انت شوفت حاجه ي زوجي العزيز اصبر كمان خمس دقايق كده هههه
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق