رواية تحت أمر الحب الفصل الحادي والعشرون والثاني والعشرون والثالث والعشرون بقلم شيماء صبحي حصريه وجديده على مدونة النجم المتوهج
 |
دخلت داليدا شقتها وهيا حاسة بتعب قعدت علي الكنبة وغمضت عينيها وهيا بتفكر في كلام رشاد عن عمار وقد ايه عاش حياته بيعاني من والدته ولاكنها كانت شايفه انها تستحق الأفضل وقررت تكمل خطتها في ترك القاهرة !!
في داخل المخزن الي قاعد فيه إسلام وزين ..
كان زين بيركب سلاحة علشان العملية اللي هيطلعوها وهتكون خطف اطفال لا يتعدي عمرهم 8سنوات!
زين بخنقة:وهو مش حرام نحرم ام من عيالها علشان خاطر شوية ملاليم..
إسلام رفع عينيه بيبصله بصمت وزين كان جهز ووقف وحط سلاح”ه في جيبه وقال:انا مش عايز أكمل في السكة دي انا خلاص قررت انظف!
إبتسم إسلام بسخرية كبيرة علي كلام زين وقال: وانت فاكر انهم مش هيعرفوا يجيبوك تاني!
زين هز راسه وقال:وهما كانوا وصلولي أولاني علشان يوصلولي تاني منت اللي عرفتهم مكاني!
إسلام إتحرك من قدامة من غير أي كلمه ولاكن زين اتعصب من تجاهله ليه فشده من هدومه بغضب وقال:ايه مكسوف تقول انك جبان؟
إسلام كمل في طريقة وتجاهل الرد عليه ولاكن زين شده تاني ولكمه وهو بيقول بغضب: قولتلك خدهم وسافر مسمعتش كلامي..
إسلام إتعصب فلكمه وقال:انت فاكرني غبي برضوا ولا ايه منا حاولت بس هما رفضوا ..
زين هز راسه وقال: عايز تفهمني انك مقدرتش عليهم معرفتش تكدب عليهم بأي حاجة ..
إسلام هز راسه بحزن وقال:حاولت بس كانوا بيضغطوا عليا فقررت اسمع كلامهم وافضل جمبهم لحدما رجالة الكبير وصلولي وقررت اروح معاهم من غير ما يأذوا اي حد منهم ..
زين سابه وعدل هدومه وهو بيقول بغضب :يلا خلينا نروح نحرق قلب امهات كتير ومتنساش بق تسجل صراخهم علشان في السهرة تبق تستمتع بسماعه؟؟
إسلام ضغط علي ايديه بغضب وزين مشي وسابه ولاكنه اتفاجئ بالكبير داخل هو ورجالته عليهم وبيمنعوه من الخروج؟
زين قال بتساؤل:خير يا كبير ايه الزيارة المفجأة دي..
الكبير بصله بغضب وقال:فين يا روح امك بقيت الفلوس والآلماظ..!
زين بصله بإستغراب وقال:فلوس ايه وألماظ ايه ما الرجالة خدوا الشنطة باللي فيها!
الكبير بص لرجالته يمسكوا زين وهوا قرب منه لكمه في بطنه وقال:وانت بق فاكر الشويتين دول هيدخلوا عليا..
زين صرخ من الوجع وقال:والله ماعرف حاجة عن الفلوس دي انا اخر حاجة كنت فاتح الشنطة وكانت الرجاله هجموا عليا وقتها!!
الكبير هز راسه وقال:يعني قصدك ان باقي الفلوس والالماظ في شقت اختك ..؟
زين حرك راسه بالرفض وقال:لا مفيش هناك حاجة اكيد حد من رجالتك اخدهم!
الكبير اتعصب من كلامه وضربه تاني في بطنه واسلام اول ما لاحظ اللي بيخصل قرر يساعد زين ..
إسلام طلع مسدسه وضرب الكبير طل:قه والرجاله لما انتبهوا ليه سابو زين وهجموا عليه..
اسلام بدا يضربهم ولاكن هجموا عليه بسرعه واخدوا منه السلاح . زين انتبه ليهم وخرج مسدسه وبدأ يخلص عليهم واحد ورا التاني لحدما كانوا كلهم واقعين علي الارض ميتين..
زين وإسلام بصوا لبعض والدهشة والخوف علي وشهم..
إسلام بتساؤل:هنعمل ايه!
زين اخد سلاح من جيب واحد من رجالة الكبير وقال وهو بياخد نفسه:هنمشي من هنا..
إسلام هز راسه بالموافقه وقرب من واحد من اللي مي..تين واخد سلاحه ومشي ورا زين!!
بقلمي شيماء صبحي
زين خرج من المخزن ولقي الرجاله واقفين مستنين خروج الكبير..
إسلام رجع خطوه لورا ولاكن زين مسكه من هدومه وقال:إثبت يا إسلام واتحكم في نفسك علشان منموتش احنا كمان!
اسلام هز راسه وزين قرب من الرجاله وقال:الكبير جوا عاوزكم!
رد واحد من الرجاله باستغراب وقال:ليه ايه اللي حصل.
زين بصوته العالي:وانا هعرف منين متدخلوا تشوفوه عايز ايه.
الراجل هز راسه وشاور لبقيت الرجاله يدخلوا وبدوا يتحركوا..
زين كان متابع حركتهم لحدما اتاكد ان كلهم دخلوا المخزن قرب من الباب بسرعه وقفله بالترباس وبعدها شاور لإسلام علشان هيمشوا..
اسلام جري وراه لحدما لقاه ركب عربيه الكبير قال برفض:لا يا زين بلاش العربيه دي في غيرها كتير..
زين شغل العربيه وقال بغضب:اركب وانت ساكت ياما هسيبك هنا..
إسلام هز راسه وركب جمبه وزين اتحرك بالعربيع بسرعه لحدما خرجوا من القرية المهجورة…
في قصر الصاوي..
فاق عمار وهو حاسس بتقل في دماغه بص حواليه لقي انه في اوضتة قام من علي السرير ومشي خطوطين حس انه دايخ فرجع تاني قعد علي السرير وبعدها مسك تيلفونه واتصل برجالته..
علي رد عليه وقال:مساء الخير يا عمار باشا الشحنه اتسلمت وكل حاجة تمام..
عمار رد عليه وقال:طيب كويس المهم عرفت الرجاله يختفوا كام يوم!
علي هز راسه وقال:ايوا يباشا كل حاجة تحت السيطرة..
عمار قفل المكالمه مع علي وحاول تاني يقف وبعدها قرب من الحمام ،دخل غسل دماغه علشان يفوق وبعد وقت قدر يركز ف خرج من الحمام وهو بينشف دماغه وبعدها قعد علي السرير وهو بيفتكر ايه اللي حصله امبارح وليه حس كآن داليدا كانت موجوده معاه..
بدأ يفتكر كل حاجة حصلت معاه من وقت ما خرج من المخزن واتاكد فعلا انها كانت معاه وبتكلمه ..وقف علشان يغير هدومه ويروحلها وهو ماشي كان حاسس انها وحشته جدا فزاد عنده احساس الرغبة في رؤيتها وبدأ يلبس هدومه بسرعه؟؟
في منزل داليدا كانت نايمه ولاكنها كانت بتحلم بعمار وكان بيطلب منها تفضل جمبه فاقت وهيا بتمسح علي وشها وبتقول :أعوذ بالله من الشيطان الرجيم ..
قامت من علي السرير وهيا حاطة ايديها علي ضهرها وصلت للحمام وبدأت تغسل وشها..
عدي دقايق وخرجت وهيا بتسمح وشها بالفوطة.
اتجهت للصالون وشغلت التيلفزيون وقعدت بعدها علي الكنبه وبدات تتفرج علي فيلم كوميدي كان موجود السناك الي جبته ليها دنيا الصبح فبدات تاكل وهي بتضحك علي الافيهات اللي بيقولوها الممثلين لحدما باب الشقه اتفتح ودخل منه عمار اللي كانت ريحة البريفوم بتاعته وصلتلها..
دخل عمار عليها وهوا باصصلها
داليدا بصتله وهيا بتقول بضحك: اي دا معقول انك خرجت من التيلفزيون!!
عمار بصلها باستغراب وقال:شيفاني عفريت علشان اخرج من التيلفزيون..
داليدا عدلت نفسها لما اتاكدت انه حقيقي مش مجرد خيال..
عمار حط ايديه في جيب البنطلون وهو باصص عليها داليدا وقفت وقالت بتساؤل:انت دخلت هنا ازاي.
بصلها بسخريه وقال:اكيد مش من الحيطه.
ضمت حاجبها بغيظ وقالت:اتفضل اخرج من بيتي انا مش عاوزه اتكلم معاك..
اخد نفس طويل وقرب منها وهوا بيشم ريحتها وبعدها قعد علي الكنبه وقال:معقوله عايزاني اطلع من بيتك يا زوجتي المصون..!
داليدا لفتله وقالت بغضب :انا مش مراتك واتفضل اخرج من بيتي انت كده هتبوظ سمعتي !
عمار تجاهلها كالعاده وبدأ يتفرج علي التيلفزيون ويضحك علي الايفهات..
داليدا رفعت حاجبها بغيظ منه فقربت من دراعه وشدته وقالت:انا بكلمك علي فكره ، اخرج برا بيتي..
عمار شدها عليه لدرجة انها قعدت علي رجله 🙇♀️ قال وهو بيبص لشفايفها: هوموحشتكيش ولا ايه ؟
داليدا بصت في عينيه باستغراب وقالت:وانت هتوحشني ليه .
عمار ابتسم وهو بيبص لشفايفها أكتر: مش يمكن حابه تجربي تاني؟
داليدا بعدت عنه وهيا بتضربه علي صدره وهو ضحك علي حركتها وفضل يبص عليها..
حاولت تسيب ايديها ولاكنه كان ضاغط عليها جامد. ..شدها تاني عليه وقال: كفايا كده عليكي بقالك شهرين ونص قاعدة لوحدك اكيد محتاجة حد يونسك.
داليدا لفت وشها وهوا ضحك فضمها لصدره جامد وهيا استغربت اللي بيعمله واول حاجة جت في دماغها انه اكيد شايفها امه وبيحض”نها علشان وحشاه..
عمار عدل شعرها وحط ايديه علي رقبتها وقال:انتي مراتي رسمي وانا مطلقتكيش..
داليدا كانت مغمضه عينيها ولاكنها فتحتها لما سمعت كلامه قالت باستغراب:انت قولت ايه؟
بعدها عن صدره وقال: انا مستحيل كنت أقرب من وحده غير وهي مراتي شرعي ،انا عارف انك شيفاني مجرم ولا أصلح اكون جوزك بس هي دي الحقيقه انتي مراتي رسمي يا داليدا وانا رديتك لعصمتي تاني وجيت علشان اخدك لبيتك؟
#الفصل_22
#تحت_أمر_الحب
#الكاتبة_شيماء_صبحي
كان زين وإسلام في طريقهم للصعيد متجهين للبيت اللي قاعد فيه إسلام مع أمه واخته..
زين رجع بضهرة لورا وهو بيقول: انت واثق ان المكان دا آمان.
إسلام هز راسه بتأكيد وقال:صدقني انا طلبت منهم يسيبوا الشقه ويجيوا هنا بس مش متأكد لو سمعوا كلامي ولا لأ بس دا آآمن مكان نقدر نقعد فيه لحدما الأمور تهدي !
زين هز راسه وقال:وهيا امك واختك متعلقين بالبيت بتاعكوا ليه كده..
إسلام بصله وقال :علشان دا البيت اللي عيشنا فيه طفولتنا كلنا واتعلقنا بيه لانه كان احسن مكان بنرتاح فيه..
زين بصله وابتسم وقال: انا فاهم الاحساس دا كويس ، انا وداليدا وامي وابويا لما كنا عايشين في شقتنا رغم انها شقه متواضعه الا اني دايما بحس بالدفا والآمان لما بكون فيها!
إسلام هز راسه وبعدها بص حواليه وقال:احنا قربنا خلاص من الصعيد خليك في طريقك لحد التقاطع وبعدها إكسر يمين..
زين هز راسه وهو بيركز في الطريق وبعد ربع ساعه كانو وصلوا للمنطقة اللي فيها بيت إسلام..
زين بتساؤل:فين البيت دا ؟
إسلام بص حواليه وقال: هو مش بعيد عن هنا ولاكن احنا لازم نسيب العربيه هنا علشان لو دخلنا بيها هنلفت النظر لينا..
زين بص حواليه وهوا بيتفحص البيوت اللي موجوده وبعدها هز راسه وقال:طيب انزل !
إسلام هز راسه ونزل وبعدها زين قفل العربيه ونزل وراه..
إسلام مشي خطوطين وهو بيبص حواليه بتوتر لانه خايف لحد يعرف اللي هما عملوه ،زين قرب منه وهو بيضربه بخفه علي دماغه وقال:خايف من ايه متقلقش انا هنا معاك.
إسلام بصله وهز راسه وقال: طيب البيت هناك..
قال كلامه وهو بيشاور علي شارع جانبي فيه بيوت كتير..
زين لفت نظرة بيت كبير ومتوضب بطريقه حديثة ابتسم وهو بيبص لإسلام وبيقول: انت اكيد بتهزر دا بيتكم..
إسلام هز راسه وقال:ايوا بس هو انت شايفه ازاي من هنا؟
زين ضحك وهو بيمشي وبيقول: الظاهر ان نظرك ضعف الفتره اللي فاتت .
إسلام بص عليه باستغراب وشافه وهو بيقرب من بيت كبير الصعيد فقرب منه بسرعه وهو بيمنعه وبيقول:رايح فين مش دا؟
زين قال بتساؤل: امال انت قصدك علي ايه!
إسلام مسك وش زين بايديه وشاورله علي الشارع اللي مليان بيبيوت متواضعه وقال:البيت هنا في الشارع دا..
زين هز راسه وهو بيقول بضيق:طيب روح انت انا هاخد لفه في المكان كده وهاجي وراك.
إسلام هز راسه بالرفض وقال وهو بيمسك في دراعه :لا انت متعرفش حاجة هنا تعالا معايا نروح البيت الاول!
زين شد ايديه بغضب وقال:انا مش صغير وبعدين قولي اسم امك ايه وانا هبق اسأل علي بيتكوا لو تهت!
إسلام بلع ريقه وقال بصوت واطي: احم اسمها جمال؟
زين باساؤل:مين !
إسلام بضيق:جمال؟
زين ضحك وهو بيقول:بقولك إسم امك مش أبوك.
إسلام ضغط علي ضرسه بغيظ من سخرية زين وقال:مهو دا إسم امي !
زين مسك ضحكته بايديه وقال:طيب انا لو تهت هسأل علي بيت خالتي جمال يلا روح انت؟
إسلام هز راسه وسابه ومشي وزين فضل يبص حواليه وهو بيحاول يحفظ المكان ولاكن البيت الكبير دا كان لافت نظرهه جدا وخلاه يبق عنده فضول يدخله..
************
الوقت كان اتأخر وزين كان لسا بيلف في شوارع الصعيد لحدما لفت نظرة بنت واقفه في إسطبل بعيد عن المباني كان قادر انه يشوف ملامحها لان نور القمر كان جاي علي وشها .
قرب منها وعلي وشه ابتسامه واول مشاف ملامحه من قريب قال بتساؤل:معقول البلد دي فيها بنات جميله وبالحلاوه دي!
ملوك شهقت بخضة وهي بتبص للشاب اللي واقف يبصلها ويضحك!
ملوك بخضه:انت مين يا جدع انت وبتعمل ايه في ملكنا؟
زين فتح الباب وقرب منها وهوا بيقول:عادي كنت بتمشي وشوفت الإسطبل دا وبصراحة كده انتي لفتي انتباهي،،
ملوك اتفجأت من كلامه الصريح فسابت مهره اللي كانت بتكلمها وقربت عليه وقالت بغضب:وانت بق فاكر ان اي حد يقدر يدخل هنا كده ..،
زين بصلها وقال:ايوا ايه المانع لو دخلت يعني.
ملوك بصدمه:دنتا مش هامك حاجة بق !
زين بص لوشها بإعجاب وقال:يعني يرضيكي ابق واقف قدام القمر دا كله ويهمني حد..
ملوك كحت من الصدمه وهو كان لسا باصص عليها ومبتسم.
ملوك رفعت صوباعها في وشه وقالت بأمر:شوف انت رايح فين علشان لو حد من اهل البلد شافك واقف معايا هيفكروا ان في حاجة بينا وانا اصلا معرفكش ومش هيحصل خير بعدها ..
زين هز راسه وهو مركز مع صوباعها وقال:موافق امشي بس بشرط..
ملوك ضمت حاحبها بتساؤل وقالت:مش فاهمة !
زين قرب منها خطوه وهيا رجعت لورا بخوف فاتكلم وقال:همشي مقابل انك توصليني للمكان اللي هقولك عليه..
ملوك بتساؤل:ليه هو انت غريب..
-امممم .قالها زين وهو بيبص للسماء وبعدها قال:ها قولتي ايه!
ملوك بصت حواليها وقالت:طيب قولي عايز تروح فين:.
زين :بيت خالتي جمال..؟
ملوك حركت راسها باستغراب وقالت:ومين خالتك جمال دي انا اول مره أسمع الإسم دا؟
زين استغرب كلامها وقال :يعني ايه مش عارفة هو مش انتي من البلد دي..
ملوك هزت راسها وقالت:ايوا من هنا بس دا مش معناه اني عارفه كل اهل البلد!
زين هز راسه بتفكير وقال:طيب في بيت هنا كبير شبه الفيلا كده بيت خالتي جمال موجود عنده بس انا بصراحة مش عارف اروحلة منين..
ملوك ضمت عينيها بتفكير وبعدما اتاكدت انه يقصد بيتهم فهزت راسها وقالت:طيب استناني هنا وانا هدخل اجيب الشال بتاعي واجي ..
هز راسه وهيا دخلت بسرعه لغرفة صغيره اخدت منها الشال بتاعها وبعدها خرجت وهيا بصاله وقالت:يلا اتحرك..
مشيت ملوك قدامه وهو مشي وراها وهو مستغرب الشال الاسود اللي كانت لفه جسمها من فوق بيه..
ملوك كانت بتمشي بسرعه وهوا كان ماشي وراها وبيقول:امشي بالراحه انا معدتش قادر ..
ملوك وقفت وهيا بتهمس وبتقول:الوقت اتاخر واهل البلد نايمين ولو صحي حد وشافنا مش هيحصل خير..
زين مكانش عاجبه خوفها الزايد من ان الناس تشوفها ولاكنه فَضَل انه يفضل ساكت لحدما يوصل لبيت إسلام لانه عايز ينام ..
بعد وقت مش كبير وقفت ملوك قدام البيت بتاعهم وقالت:هو دا البيت اللي انت قصدك عليه.
زين بص علي البيت وهز راسه وبعدها لف بيمينه علي الشارع اللي إسلام كان مشاورله عليه فرفع ايديه وهو بيوجهها للشارع وقال:البيت في الشارع دا بس مش عارف اي واحد..
ملوك هزت راسها وقالت:انت قولت خالتك اسمها ايه..
زين بصلها وقال:هي مش خالتي بالظبط ولاكنها ام صاحبي فانا بقو…
اسمها ايه..قالتها ملوك وهيا بتقطع كلامه فهز راسه وقال:جمال ..
ملوك مشيت وهوا مشي وراها وبعدما دخلوا الشارع فضلت تبص علي كل البيوت وتفتكر اصحابها لحدما فضل بيت كانو اهله سابوه من فتره كبيره فشاورت عليه وقالت:تقريبا هو دا البيت لان كل البيوت التانيه مفيش حد فيهم اسمه جمال..
زين بص للبيت من فوق لتحت بتقزز وقال: بق انا هعيش هنا ..
ملوك بصت عليه باستغراب ولاكنها قررت تمشي علشان محدش يشوفها من اهل البلد ويفهموهم غلط !!
زين كان مركز مع شكل البيت فلف علشان يكلمها ولاكنه اتفاجئ انها مشيت لسا هينده عليها بصوت عالي ولاكن اسلام كان خرج من البيت ووقف قدامه بسرعه وقال:زين انت كويس..
زين بصله بغضب وقال:ايوا يا اخويا بق هو دا بيتكم !!
إسلام ضم حاجبه وقال:مش عاجبك ولا ايه..
زين رد عليه وقال:ايوا مش حلو بس مضطر افضل فيه؟؟؟
**********
في بيت داليدا كانت واقفه تبص لعمار وعلي ملامحها علامة الاستفهام..
عمار ضحك علي شكلها وقال:انتي متفاجئه ولو اتحولتي لصنم..
انتبهت ليه فضمت حاحبها وقالت:لا مش مستوعبه اللي بتقوله ..ازاي انا مراتك رسمي وانت قايلي انك متجوزني عرفي..
عمار وقف قدامها وهو بيرجع خصله ورا شعرها وبيقول بحنيه اول مره حد يعامل داليدا بيها!
كانت ساعة غضب وراحت لحالها..
داليدا بصت في عينيه بتوهان وهو كان مركز مع شفايفها قرب منها وهيا كانت سرحانه في كلامه لحدما كان لسا هيلمس شفايفها بعدت عنه وقالت:يعني كنت بتكدب عليا..
لف وشه وهو بيمسح علي حاجبه بغيظ وقال:قولتك ساعه غضب وعلي فكرة انتي اللي كنتي السبب فيها..
داليدا هزت راسها وقالت بصدمة :قول كده بق علي اساس انك معصبتنيش وقتها..
قرب منها وقال متجاهل لكلامها:انتي مش عايزة تهدي ليه..
داليدا بصتله باستغراب وقالت:اهدي ازاي انت شايفني مجنونه.
عمار بص علي شفايفها وقال:مش عارف بس من اول مدخلت وانتي عماله تتخانقي معايا ممكن تهدي علشان اعرف اتفاهم معاكي ..
ليه شايفني ه…ب.
عمار سكتها بقبله ساخ.نه وضمها لصدرك وكأنه بيحاول يهدي من قلبه اللي بينبض بشدة ..
امممممم..داليدا هتفت بصوت متقطع وحاولت تبعد عنه ولاكنه شدها ليه أكتر وهو مستمر في تقبيلها..
داليدا استسلمت ليه وهو كان فرحان انها اخيرا هدت وهيقدر يتكلم معاها ف اول ما بعد عنها وبص في وشها لقاها مغمضه عينيها وكأنها في عالم تاني ..
شالها وضمها لصدره بطريقه رومانسيه واتجه لاوضتها وحطها علي السرير وقرب منها تاني وهو مركز مع رقبتها وبدأ بتقب.يلها داليدا كانت لسا مغمضة عينيها وكانها في عالم تاني ومش حاسه باللي بيحصل معاها..
عمار كان تاييه ومكنش فاهم ليه بيتأثر بقربها منه وازاي مش قادر يتحكم في نفسه وهيا معاه ..
بص لوشها وهو ملاحظ داليدا الشبه الكبير اللي بينها وبين والدته وهيا في عز شبابها ؟
داليدا فتحت عينيها لما لقت عمار بدأ يرفع قميص البيجاما فقالت بصوت متقطع:عم-ار
عمار بص في عينيها وكانه بيسألها ليه بتنادي عليه..
حركت راسها بالرفض وقالت:مينفعش!!
غمض عينيه وهوا بياخد نفس علشان يفوق من اللي كان هيعمله ،،
بعد عنها وعدلها هدومها وهيا كانت بتبصله وكانها مش فاهمة ليه بيعمل كده رغم ان مفيش سبب مقنع يخليه يقرب منها تاني ؟؟؟
عمار خرج من الأوضه وهو بيعدل قميصه وهيا قامت ومشيت وراه واول مشافته قعد علي الكرسي قربت منه وهيا بتقول:ممكن اعرف ليه بتقولي انك مطلقتنيش ،ممكن تشرحلي انت اختارتني انا بالذات ليه..
عمار رفع عينيه وبص في عينيها اللي كلها مشاعر مختلفه همس بصوت واطي وقال: علشان مختلفة!!
نعم! سألته داليدا بفضول وهو هز راسه وقال: هتيجي معايا القصر؟.
غمضت عينيها وقالت :ممكن تجاوب علي سؤالي من فضلك ومتغيرش الموضوع.
وقف وهوا بيعدل هدومه وهيا لما شافت انه بيحاول يهرب من سؤالها وقفت قدامه وفتحت ايديها وقالت:مش هتمشي غير لما تجاوب علي سؤالي..
إبتسم علي حركتها الطفوليه فهز راسه وقال:علشان انتي احسن من اي واحده انا قابلتها في حياتي.ومختلفه عنهم في كل حاجة.
كلامه حرك مشاعرها ليه وسمعت صوت قلبها اللي بدأ ينبض فقالت بتساؤل:انت ليه بتعمل فيا كده؟
عمار حط ايديه علي كتفها وقال: كنت فاكر انك عجبتيني من أول نظرة بس طلعت غلطان..
قلبها إتقبض من كلامه وحست بحزن شديد ..
عمار كمل كلامه وهو باصص في عينيها وقال: أنا طلعت بعشقك يا داليدا!
داليدا مشاعرها في الوقت دا كانت متلغبطة ومكنتش فاهمة هل هيا بتحبه ولا بتكرهه..
عمار فضل باصصلها وهو مستني منها اي كلمه تعبر فيها عن اعجابها بيه علشان يقدر يطلب منها تيجي معاه القصر تاني وتصبح زوجته رسمي قدام كل الناس..
داليدا كانت واقفه بتفكر وهو لما لقاها ساكته قرر يمشي ..
اتجه عند الباب وهيا لفتله بص في عينيها وكأنه بيودعها وقبل ما يقفل الباب داليدا جريت علي الباب وقالت :استني ..
لفلها بفرحة كبيرة وقال بتساؤل:في ايه!
داليدا اخدت نفس وهيا بتقول:انا حامل!
عمار بصلها باستغراب وقال:قولتي ايه..
داليدا بصت حواليها بتوتر ومسكت ايديه ودخلته تاني للبيت وقالت:انا طلعت حامل منك..؟
عمار حس بقلبه بينبض جامد وكانها بكلمتها دي رجعت قلبه للحياه من جديد ،،.داليدا كانت باصه في عينيه مكنتش عارفه هيا ازاي عرفته بحملها ولاكنها كانت متاكده ان كل اللي عملته كان الصح..
عمار ابتسم وهو بيبص لبطنها وبحركة لاإراديه قرب من بطنها ورفع القميص وهو بيبص للإنتفاخ البسيط بحب كبير ..
داليدا غمضت عينيها بغيره لما لمس بطنها بحنيه وفضل يمشي بايده علي دايرة بطنها ،بص في عينيها وقال: ليه مقولتليش حاجة زي دي من بدري..
داليدا بلعت ريقها وقالت:مكنتش أعرف لسا..
قرب من وشها وقال:طيب انتي عارفة لازم يحصل ايه بينا دلوقت..
داليدا هزت راسها بلأ وهو غطي بطنها وقال:انتي لازم تيجي معايا للقصر ..
داليدا كانت خايفه من وجودها في القصر فقالت برفض:خليني هنا احسن..
هز راسه بالرفض وقال: لأ لازم تكوني جمبي وتحت عيني علي طول ولازم لما تنامي تكوني في حضني..
ضحكت علي كلامه وقالت:وكل دا علشان اللي في بطني..
بص في عيونها وهز راسه بلأ وقال:مش بالظبط كده يا داليدا الأهم طبعا هي ام البيبي…
ابتسمت علي كلامه وحست بقيمتها عنده وشافت في عينيه الصدق فهزت راسها وقالت:يعني هتحمي البيبي..
عمار هز راسه بالإجاب وقال:البيبي لسا مجاش فلحد ما يجي هكون بحمي مامته علشان ميزعلش مني..؟
ضحكت وهوا ضحك علي كلامه اللطيف اللي أول مره يقوله فقرب منها وحط مناخيره علي مناخيرها وقال بهمس:مكنتش أقصد صدقيني اعمل كده..
داليدا ابتسمت وهيا بتقول:وانا عمري ما فكرت آذيك والله ..
هز راسه وهو بيقبلها بحب وفي المره دي داليدا تجاوبت معاه وهيا في كامل وعيها وبعد لما بعدت عنه ابتسمت وهيا بتقول:الوقت اتاخر ممكن تفضل هنا ..!
هز راسه وهوا بيشيلها وبيقول:بس علي شرط
داليدا ضمت حاجبها بتساول وقالت:شرط ايه!!
عنار :تكوني في حضني…
#الفصل_23
#تحت_أمر_الحب
#الكاتبة_شيماء_صبحي
في صباح يوم جديد صحي عمار وهوا حاسس بثقل علي صدره اخد نفس وهو بيبص لداليدا اللي نايمه علي صدرة وحضناه..
افتكر الي حصل بينهم إنبارح وانها طلعت حامل مسح علي وشه وبعدها عنه بلطف وبعدها خرج من الأوضة وقرب للحمام دخل واخد دش سريع وبعدها لبس هدومه تاني وخرج، كانت داليدا لسا نايمه بص عليها وابتسم وقفل الباب وبعدها دخل للمطبخ يجهز فطار ليهم..
ربط المريلة علي وسطوا وبدأ يطبخ من الأكل الموجود لحدما داليدا خرجت وهيا بتبص عليه وبتفرك عينيها بنوم..
إلتفت ليها عمار وهو شايف شعرها الغير مرتب وبطنها اللي بينه لان هدومها مش مظبوطة..
داليدا إتكلمت وهيا بتخرج من المطبخ وبتدخل للحمام:صباح الخير يا عمار؟
عمار إبتسم ورد عليها وقال:صباح النور..
جهز الاطباق وخرج حطهم علي السفرة وهو راجع لقاها خرجت من الحمام بعدما صحصحت وعدلت هدومها قال بابتسامة هاديه وهو بيبص عليها :أنا جهزت فطار لينا.
هزت راسها بابتسامة وقالت:تعبت نفسك ليه،
قرب منها وشدها ليه وقال: ولا تعب ولا حاجة وبعدين ايه الحلاوة دي..
خدودها إحمرت بخجل فبعدت عنه بسرعه وهيا بتقول:هغير هدومي بسرعه..
هز راسه وهيا قفلت الباب بسرعه وهيا بتسند جسمها عليه وبتحط إيديها علي قلبها ..
همست داليدا بغير تصديق:معقول بقيت بحبه..
اتفتح باب الشقه بقوة ودخل منه رجالة الكبير وهما ماسكين أسلحة في ايديهم ودخل وراهم إبن الكبير وهو بيقول بغضب: خلصوا علي أي حد هنا وهاتولي الواد دا من قفاه..
خرج عمار في نفس الوقت اللي دخلوا فيه وكان وقتها ماسك في ايديه طبق فيه فاكهه.
إبن الكبير بص عليه بغض وقال:انت مين..
عمار رفع حاجبه بإستغراب وقال:انت اللي مين.
قرب واحد من رجالة الكبير ووجه السلاح علي دماغ عمار وقال: رد علي سؤال الريس وانت باصص في الارض.
عمار بص للسلاح بغضب وقال:شيل البتاع دا بدا ما تتعور..
الراجل بص لكبيرة وقال بسخريه:دا شكله شقي يا ريس..
ابن الكبير بص لعمار بغضب وشاور للراجل بتاعه وقال:خلص عليه!
كان لسا الراجل بيلف علشان يضرب عمار الا ان عمار بحركه سريعه قدر ياخد منه المسدس ويحطه علي دماغه وقال بتهديد:انتو مين وبتدورو علي ايه ..
الراجل بص لابن الكلير برعب وقال:احنا جايين علشان زين ..
عمار افتكر ان زين دا اخو داليدا فهز راسه وقال:وعايزينه ليه.
إبن الكبير مكنش عاجبة الي عمار بيعمله فرفع سلاحة وقال:وانت مالك بتسأل ليه!
عمار ضرب الراجل اللي ماسكه بالمسدس في دماغه خلاه يغمي عليه وقرب من الشاب الصغير دا بعيون مليانه شر وقال: عايز زين ليه!
ابن الكبير بص لرجالته وقال بزعيق :انتو بتتفرجوا علي ايه انجزوا اقتلوه..
زين مسك الشاب دا وحط السلاح علي دماغه وقال:اللي هيقرب هخلص عليه!!
داليدا كانت في اوضتها حاسه بالدوشه اللي بتحصل برا ، فتحت الباب بالراحه وبصت لقت عمار ماسك شخص وحاطت سلاح علي دماغه وحواليه رجاله مسلحين وفي واحد شكله ميت علي الأرض..
دخلت للاوضة تاني وهيا بتحط ايديها علي بؤقها بصدمه فجريت بسرعه ومسكت تيلفونها واتصلت برقم رشاد وبعد كام محاوله رشاد رد عليها..
داليدا بصوت كله خوف:الحق عمار يا رشاد !!
رشاد قام من علي السرير بخضه وقال:ماله عمار..
داليدا اتكلمت وهيا بتبص وراها وقالت:عمار عندي في البيت وفجاه هجموا علينا ناس كتير مسلحين وهوا لوحده معاهم..
رشاد هز راسه وقال:طيب انتي فين دلوقت؟
داليدا بخوف:انا جوه في الاوضة !
رشاد:طيب يا داليدا متخرجيش من الأوضه وانا كلها دقايق وهكون عندكم!
داليدا هزت راسها بعياط وقالت:طيب بسرعه يا رشاد.
رشاد قفل معاها المكالمه وجري بسرعه وهو لسا لابس البيجاما نده بصوت عالي علي كل الرجاله اللي في القصر وقال:اجمعوا كل الرجاله بسرعه عمار بيه في خطر..
الرجاله هزوا راسهم وهو دخل يغير هدومه بسرعه ونزل بعد دقيقه واحده ولقي الرجاله جاهزه.
اتكلم واحد وقال:فين المكان يا رشاد بيه!
رشاد ركب مكان السواق وقال:اركبوا بس بسرعه وامشوا ورايا.
اتكلم الراجل وقال:أمرك يباشا!
إتحرك رشاد والرجاله في طريقهم لبيت داليدا…
عمار ضغط علي دماغ الشاب وقال بصوت عالي:انطق عايز زين ليه..
اتكلم الشاب بضيق من ضغط عمار علي رقبته وقال :علشان ق.تل أبويا.
عمار اتصدم من كلامه ورجع ساله تاني وقال:ابوك دا يبق مين!
رد واحد من الرجاله بسرعه وقال:الكبير إسمه الحقيقي مسلم نصار..
الاسم مكنش غريب علي عمار وحس انه عارف الشخص دا فقال بتساؤل:بيشتغل ايه الكبير دا..
الشاب بص لرجالته يسكتو ولاكن عمار صرخ فيهم وسألهم تاني:بيشتغل ايه الكبير دا..
رد واحد من الرجاله لما لقي ابن الكبير بتاعه وشه بيحمر من ضغط عمار علي رقبته:بيشتغل تاجر مخدرات!!
عمار هز راسه وقال: انتو عارفين انا مين..
كل الموجودين هزوا راسهم بلأ وهو قال:انا عمار الصاري..
الرجالة بصوله بصدمه وقالوا:بجد .
عمار هز راسه وساب الشاب وقال:لو مخرجتوش من هنا مش هتطلعوا غير وانتم ميتين..
الشاب بصله برفض وقال:انا عايز زين وصاحبه اللي قتلوا أبويا..
واحد من رجالته قرب منه وقال بخوف:دا عمار الصاوي يا ماجد بيه دا أكبر تاجر أسلحة في مصر ورجالتنا متجيش ربع رجالته !!
ماجد بص لعمار والغضب مالي عينيه و
عمار رفع السلاح في وشه تاني وقال:معرفش هما فين اللي بتدور عليهم بس نصيحة مني انسي اللي حصل دا ومتحاولش تدور عليهم..
صرخ الشاب في وش عمار وقال بوجع:بس دول قتلوا أبويا..
رد عمار بطريقه خبيثة وقال:وانت شوفتهم بيعينك..
الشاب هز راسه بلأ وقال:الرجالة اللي قلتلي!
عمار هز راسه وقال:والرجاله دي شافت بعينيها،
الرجاله اللي واقفين هزوا راسهم بالرفض وقالوا:احنا لما دخلنا المخزن لاقيناه هو وبقيت الرجاله ميتين..!
عمار بصلهم بغضب وقال:وانت بق فاكر ان عيلين زي دول يقتلوا واحد زي الكلبير ولا رجالته .
الشاب حرك راسه بلا وعمار ضربه في وشه كانه بيعاقبه علي سذاجته وقال:يبق مش هما اللي قتلوه دور كويس وابق اهجم علي بيوت الناس بعدها.
الشاب اتضايق من ضربة عمار وقال بغضب :دا بيت اخته وهو اكيد مستخبي هنا..
عمار بص علي الأوضه اللي فيها داليدا وقال بصوت عالي: مفيش حد هنا وزي مقولتك دور علي اللي قتل ابوك بعيد عن هنا.
الشاب كان رافض كلامه فشاور لرجالته يهجموا علي الشقه وقبل ما يقربوا من عمار علشان يخلوه يبعد عنهم دخل رشاد ومعاه الرجاله وهما بيقولوا بتهديد.
اقف مكانك منك ليه..
عمار بص حواليه بابتسامه وهو شايف رشاد اخوه موجه سلاحه في وش الرجاله التانيه بغضب..
رشاد أمر رجالته ياخدوا الرجاله دي لعربياتهم من غير اي لفت نظر للنهم في منطقة شعبيه ..
الشاب كان باصص لعمار بغضب وقبل ما ينزل ضرب طلقه ولاكن الراجل اللي ماسكة نزل ايديه بسرعه في الطلقه جات في فاظة كانت مليانه ورد واتكسرت..
رشاد بص لأخوه وقال:انت كويس يا عمار.
عمار هز راسه وقال بتساؤل:عرفت اللي حصل ازاي..
رشاد بص حواليه وقال:داليدا إتصلت عليا وبلغتني انك في خطر..
عمار بص علي باب أوضتها وابتسم وبعدها بص لأخوه وقال:كويس انك جيت..
رشاد بص لاخوه بتساؤل وقال:طيب مين الناس دي وعايزين من داليدا ايه..؟
عمار هز راسه بلا وقال:هما مش عايزين داليدا.
رشاد بصله بانتباه وهز راسه وعمار قال:عايزين اخوها بيقولوا انه قت”ل كبيرهم هو وواحد صاحبه.
رشاد اتفاجئ من كلام عمار فهمس بصوت بسيط وقال:وهي داليدا تعرف ان اخوها مجرم.
عمار رفع كتفه بعدم علم وقال:مش عارف بس أطن انها متعرفش حقيقة أخوها ..
رشاد حط ايديه علي كتفه وقال:طيب انا شايف ان وجودها هنا بق خطر علي حياتها اي رئيك تقنعها تيجي معانا القصر..
عمار هز راسه وقال:متقلقش هيا موافقه.
رشاد ابتسم وقال بفرحة:افهم من كده انكوا رجعتوا،عمار هز راسه وقال:انزل انت وانا هجيبها واجي وراك..!
رشاد هز راسه ونزل وعمار اتجه لغرفة داليدا وخبط الباب بهدوء…
داليدا بصوت عالي قالت:مش هفتح سيبوه في حاله!
عمار ضحك علي كلامها فخبط تاني وهو بيقول:دا انا يا داليدا..
داليدا فتحت الباب بسرعه لما اتاكدت ان دا صوت عمار..
انت كويس!
عمار هز راسه وقال:ايوا بس احنا لازم نروح القصر بتاعي..
-طيب مين دول وكانوا عايزين ايه !
عمار بصلها وقال:كانوا عايزيني انا يا داليدا.
داليدا قربت منه بخوف وقالت:وهما عايزين منك ايه وازاي عرفو مكانك ..
عمار هز راسه وقال:دا موضوع قديم بس الاول خلينا نمشي من هنا!
_طيب والفطار اللي انت عملته.
عمار ضحك علي كلامها وقال:بسيطة لما نوصل القصر هجهزلك غيرة..
-طيب هدخل اجهز هدومي..
عمار هز راسه بالرفض وقال:لا ملوش لزمه إلبسي هدوم خروج بس..
هزت راسها ودخلت للأوضة تجهز وهوا خرج برا علشان يركب الباب اللي كسروه رجالة الكبير
سيد كان نازل علشان يروح الورشه واول مشاف عمار بيصلح الباب قال باستغراب:انت بتعمل ايه في بيت الدكتوره داليدا.
عمار رفع عينيه وبصله وقال:وانت مالك انت؟
سيد بصله بضيق وقال:انا مالي ازاي دا بيت خطيبتي!
عمار رفع حاجبة وقال بصوت غاضب: تقصد مين بخطيبتك دي؟
سيد بص عليه بغيرة وقال:أقصد الدكتوره داليدا؟
داليدا كانت خارجه وهيا بتبص في شنطتها وأول مشافت سيد واقف يتكلم مع عمار وكان الوضع بينهم مش كويس قالت بتساؤل:ايه اللي بيحصل هنا.
عمار لف بجسمه وبص عليها وقال بغيظ :الأستاذ بيقولي انك خطيبته.
داليدا بصت لسيد بصدمه وقالت:خطيبته؟
سيد هز راسه وقال:انا قصدي اني عايز أخطبك..
عمار ضغط علي ايديه بغيرة وقبل ما يلكم سيد داليدا قربت منه ومسكت ايديه حطتها علي ضهرها وقالت:انا اسفه يا سيد بس أنا اتجوزت.
سيد بصلها بصدمه كبيره وقال :انتي قولتي ايه!
عمار حاول يشد ايديه ولاكنها كانت مقربه منه جامد فقالت وهيا بتبص علي سيد:أيوا اتجوزت بس معرفتش أقول حد لان الموضوع جه بسرعه..
سيد بص عليها بعيون مليانه دموع وقال:طيب وانا ياداليدا..
داليدا بصتله بتحذير وقالت: مينفعش الكلام دا ياسيد انا عرفتك الحقيقه وبعدين عمار جوزي وأبو ابني ..
كلمة أبو إبني كانت كفيله تخلي سيد يغمي عليه ولاكن عمار قفل الباب وقال:خلينا نمشي يا حبيبتي..
داليدا هزت راسها وبعدها قالت:بعد إذنك يا سيد..
سيد كان باصص في الارض ولما إنتبه ليها جري ووقف قدامهم وقال:انتي ليه معرفتنيش الموضوع دا من بدري..
عمار كان جاب أخره من الشاب السمج اللي قدامه فقرب منه مسكه من هدومه وقال بتهديد:اقسم بالله لو مبعدت من قدامي لأكون مخلص عليك علشان البشريه ترتاح منك..
-عمااار "هتفت داليدا وهيا بتبعده عن سيد وبتقول:خلينا نمشي مش عايزين مشاكل..
بقلمي شيماء صبحي
سيد بصلها بلوم وهيا مسكت ايد عمار ونزلوا..
سيد طلع شقتهم بسرعه وهو بيخبط جامد علي الباب وبيقول:افتحي يا ما افتحي شوفي الخيبة اللي ابنك فيها..
فتحت ام سيد وهيا بتشهق علي كلام ابنها وبتقول:ايه اللي حصل يا عين امك.
سيد حضنها وهو بيعيط وبيقول: داليدا !!
ام سيد بتساؤل:مالها يابني؟
سيد وهو بيعيط بحرقه:طلعت متجوزه وحامل..!
شهقت ام سيد وهيا بتخبط علي صدرها وقالت:يادي الخيبه امتي دا حصل!
سيد دخل لأوضته وقفل الباب عليه وقال:طلعت متجوزه من فتره وكل دا وانا فاكر انها بتحبني..
ام سيد اتكلمت وهيا بتحاول تهديه:اهدي يابني دي واحده متستهلش حبك صدقني بكره أجبلك ست ستها..
سيد كان سامع كلام امه وحس قد ايه انه كان مغفل لما فكر انها بتفكر فيه!!
قرب من الباب فتحه وقال:انا مش عايز ست ستها ياما انا عايز داليدا..
ام سيد حضنت ابنها وهيا بطبطب عليه وبتقول: هي عملالك ايه يضنايا اهدي يا حبيبي وبعدين هيا اتجوزت خلاص..
سيد بص لأمه بحزن وقال:يعني انا انتهيت كده ياما..
امه قربت من راسه باستها بحب وقالت:لا يا حبيبي متقولش كده علي نفسك وبعدين انت اللي كنت بتحبها وهيا ولا كانت حطاك في دماغها وانا علشان عارفه انك بتحاميلها دايما مردتش اقولك كده..
سيد هز راسه وقال:صح ياما انتي عندك حق انا كنت معمي مش شايف ان انا الي كنت بحبها وهيا ولا معبراني!
امه بحنيه:طيب يابني خلاص هيا ربنا صلح حالها يبق تفكر في نفسك وبس .
سيد دخل اوضته تاني وقبل ما يقفل الباب قال:هحاول ياما…
_______
في الصعيد صحيت ملوك كالعاده فطرت وجهزت نفسها علشان تروح للإسطبل ،كوثر قالت بجديه وهيا بتوقفها : بلاش تروحي الإسطبل النهارده خليكي علشان تساعدي بنت نجلاء صاحبتي انتي عارفه ان فرحها الليله..
ملوك استجمعت ذاكرتها وقالت باستغراب:اساعدها ازاي مش فاهمه.
كوثر وهيا بتتكلم بجديه:يعني تحطلها الميكياج بتاعها مش دي الحاجة الوحيده اللي انتي فالحه فيها..
ملوك ابتسمت وهيا بتقول:بق انتي اللي بتطلبي مني اعمل كده.!
كوثر هزت راسها وقالت:هعمل ايه يعني انتي عارفه ان نجلاء عزيزه علي قلبي وبصراحه لما طلبت مني استأذنك تساعدي بنتها مقدرتش أقولها لأ..
ملوك ضمت عينيها وهيا بتبص لأمها بخبث وقالت:يعني عايزاني اروحلهم البيت!
كوثر هزت راسها وقالت:أيوا بس متعمليش الحركات اللي بيعملوها البنات اليومين دول هليكي هاديه ..
ملوك هزت راسها وقالت:طيب هطلع اجيب الشنطة بتاع الميك اب واروحلهم..
كوثر هزت راسها وبعدها ملوك جريت بحماس تجهز شنطتة الميكب علشان تروح لصحبتها..
في الحقيقه تمني تبق صاحبة ملوك ولان ملوك عارفه ان أمها مش هتسمحلها تروح هناك طلبت من تمني انها تخلي امها تضغط علي كوثر وتعرفها ان تمني اللي طلبه ملوك بالاسم..
ملوك جهزت بسرعه ونزلت وهيا شايله الشنطة وقبل ما تخرج وقفتها كوثر وقالت:حاولي متتاخريش عندهم؟
ملوك هزت راسها وبعدها مشيت من قدامها واتجهت لبيت تمني…
-ملوووك" قالتها تمني بفرحة لما شافت صحبتها جتلها اخيرا ..
ملوك حضنتها بفرحة وهيا بتقول:ألف مبروك يا روح قلبي ايه الحلاوة دي كلها..
خجلت تمني من كلام ملوك فمسكت خدودها بمشاكسه وقالت:وهبق احلي بعدما تخلصيلي الميك اب!!
ملوك حطت شنتطها علي السرير وقالت:طبعا هتكوني احلي عروسه .. ملوك بصت حواليها وقالت بتساؤل:هو مفيش حد هنا ولا ايه..
تمني هزت راسها بلأ وقالت:لأ يختي هنا بس واقفين في البلكونه!
ضمت ملوك حواجبها بتساؤل وقالت:وبيعملو ايه في البلكونه دول..،تمني مسكت إيديها وقالت:تعالي شوفي بنفسك..
ملوك مشيت وراها لحدما وصلت عند بقيت البنات اللي كانوا كلهم باصين في نفس الإتجاه قالت ملوك بتساؤل:بتعملوا ايه يبنات.
البنات بصولها بابتسامه واسعه وقالوا:في شاب حلو اوي يا ملوك معرفش ظهر امتي دا بس شكله مش من هنا بس ايه حاجة كده زي بتوع السيما..!
ملوك بصت علي المكان اللي بيشاورو عليه وشافت نفس الشاب اللي دخل الإسطبل بتاعهم إمبارح وطلب منها توصله..
قالت بتساؤل:وهو بيعمل ايه دا!
ردت بنت وقالت بضحك بيلعب رياضة شايفه عضلاته عاملة إزاي ..
بصت ملوك علي جسم زين وهيا بتددق النظر ليه واول مشافت عضلاته حست بقلبها بينبض بطريقه غريبه وقبل ما تبعد عينيها وتبص للبنات لقت عينيها جت في عينيه…
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق