رواية تحت أمر الحب الفصل السادس عشر حتى الفصل العشرون بقلم شيماء صبحي حصريه وجديده
 |
عمار وقف يبصلها بصدمة والد.م نازل من دراعة لانه تفادي الضربة اللي في رقبته ولاكنها قصدت تضربه تاني وضربته في ايديه !!
داليدا رمت المشرط اللي مليان د.م بصدمة وهيا باصه لدراعه بخوف ..
عمار شد الفوطة اللي علي دماغها وهو بيحطها علي الجرح اللي بيتزف وبيحاول يسيطر علي النزيف ..،، داليدا قعدت علي الأرض بانهيار وهيا مش مصدقه انها اذته فعلا..؟
ملوك قربت من الباب وهيا بتنادي عليهم تاني لانهم اتأخروا علي الفطار ..
داليدا بصت علي الباب بخوف ورجعت تاني تبص لعمار اللي مشغول بالدم اللي بينزل !
ملوك اتكلمت تاني بصوت عالي وقالت : عمار،داليدا انتوا اتأخرتوا ليه،، انتو كويسين ..؟
داليدا بلعت ريقها بخوف وعمار انتبه لصوت ملوك فرد عليها وقال:مش هنعرف ننزل علي الفطار يا ملوك داليدا تعبانه ولازم أفضل جمبها..!
ملوك ردت عليه وقالت:طيب تحب اجبلكم الفطار هنا..؟
عمار هز راسه وقال :ماشي يا ملوك معلش هتعبك معايا .
ملوك ابتسمت وهيا بتقول: لا تعب ولا حاجة انا هنزل ابلغ امي انكوا مش هتتزلوا وهبعتلكم الفطار مع بنت من الشغالات .
عمار رد عليها بالموافقه وملوك نزلت وهو دخل للحمام علشان يغسل دراعه وداليدا مسحت دموعها وقامت ومسكت شنطتها وطلعت منها ادوات تساعدة بيها !!
داليدا دخلت للحمام وهيا بتقرب منه وبتمسك دراعه وبتقول:خليني أساعدك..
عمار بصلها باستغراب وشد ايديه وهو بيقول بغضب:صدقيني اللي عملتيه دا مش هغفرهولك يا داليدا..
داليدا بصتله بخوف وقالت:صدقني كان غصب عني انا مش قصدي آذيك،،؟
عمار سابها وخرج وقعد علي السرير وهو بيمسك تيشرت ابيض من بتاعه وبيقطعه وقبل ما يلفه علي دراعه قربت داليدا منه وهيا بتقول:كدة غلط لازم الجرح يتطهر الأول المايه مش كفايه..!
عمار مردش عليها وبدأ يربط جرحوا ولاكنها قربت منه وهيا بتمسك ايديه وبتقول:اعتبرني دكتوره وبعالجك وخليني ألفهولك انا..؟
عمار غمض عينيه وساب ايديه وهيا قربت من الكيسة اللي معاها وفتحتها وطلعت منها مطهر وبدات تطهر الجرح وبعدها فضلت تبص عليه وهيا بتقول:الجرح عميق لازم يتخيط..؟
عمار هز راسه وقال:خيطيه!!
داليدا وقفت وهيا بتقول: طيب انا هروح اوضة رشيد اجيب حقنه مخدره اكيد معاهم !
عمار مسك ايديها يمنعها وقال:لا متروحيش انا مش محتاح مخدر ؟
داليدا:بس دا هيكون مؤلم اوي.؟
عمار رد عليها بسخرية وقال: مش أكتر من اللي مريت بيه!
داليدا بصتله بحزن وقربت من شنطتها وطلعت الابره والخيط الخاصة بالطواري وبدات تعقم الابره وبعدها قربت منه ومسكت دراعه وقالت:هتستحمل..؟
عمار بجدية:شوفي شغلك يا دكتورة..؟
داليدا مسكت الابرة بإيد مرتعشه وقربتها من الجرح وبدأت تخيطة وعمار كان ماسك الفوطة في ايديه التانية وضاغط عليها جامد وبعد وقت مش كبير كانت داليدا خلصت قربت من المطهر وطهرت مكانه للمره التانيه وبعدها لفته بشاش..؟
عمار قام من علي السرير وهو بيلبس تيشرت غير اللي باظ من الد. م وبص عليها وقال:قومي نظفي الارض دي من الدم علشان لو حد جه ميشوفوش..
داليدا هزت راسها ودخلت الحمام جابت ادوات للتنظيف وبدات تتظف الارض وهوا كان واقف في البلكونه بيبص للزرع اللي حوالين البيت وكان حاسس بوجع شديد في قلبه مكنش يتوقع منها تأذيه بالشكل دا وفي الوقت دا عمار اخد قرار ..؟
داليدا خلصت تنظيف ورجعت كل حاجة مكانها وقبل ما تقعد علي السرير الباب خبط قربت بسرعه من عمار وهيا بتقول بهمس:عمار الباب بيخبط.!
عمار هز راسه واتحرك من قدامها وهو بيتجاهل النظر في عيونها واول ما فتح الباب لقي كوثر هيا اللي واقفه ..!
عمار باستغراب:خالتي !
كوثر بقلق:منزلتوش تفطروا ليه؟
عمار بصلها بجدية وقال:داليدا تعبانه وانا اسف علي اللي هقولهولك بس احنا لازم نرجع القاهره النهارده؟
كوثر بقلق:لي يا بني هيا مراتك كويسه!
عمار اخد الصينيه وهو بيهز راسه وبيقول:ايوا متقلقيش ولاكن انا عندي شغل ضروري ولازم ارجع ورشاد مش عارف هيعمل ايه بس انا هعرفه .
كوثر بزعل:بس انا لسا مشبعتش منك علشان تقولي همشي أجل شغلك دا لوقت تاني..!
عمار ابتسم وهو بيقول:أوعدك اني هاجي تاني بس انا فعلا لازم امشي!
كوثر هزت راسها بحزن ومشيت من قدامه وهو دخل الصينيه وقفل الباب واول ما شاف داليدا واقفه قال وهو بيحط الصينيه علي السرير:تعالي كُلي علشان هنرجع القاهرة..!
داليدا إستغربت كلامة ولاكنها هزت راسها وقربت من الاكل وهيا بتقول:هو انت مش هتاكل..
لا كُلي انتي؟ عمار قال كلامه ورجع تاني وقف في البلكونه..
داليدا بصت للأكل بحزن وقامت وهيا بصه عليه فقربت منه ولمست كتفه بهدوء وقالت: أنا مش عايزة أكل..
عمار لفلها وهو بيبص في عينيها وبيقول :لازم تاكلي احنا طريقنا طويل..
داليدا هزت راسها برفض وطلعت تيلفونها من جيبها وقالت:أنا بعت رسالة ل زين عرفته فيها اني اتجوزت واني دلوقت معاك .؟
عمار ضم عينيه بتساؤل وقال: وليه عملتي كده أنا كنت هحللك المشكلة بطريقه أسهل،
داليدا بصتله بتساؤل وقالت؛ كنت هتعمل ايه هتقتل زين..
عمار بصلها بسخرية وقال:أنا مبقتلش حد يا داليدا غير وهو آذيني أو آذي حد قريب مني زي رشاد أخويا أو ملوك أو خالتي انما مستحيل أقتل حد لمجرد انه اخو واحدة اتجوزتها عرفي؟
داليدا فتحت عينيها من الصدمة وقالت:يعني ايه عرفي !!
عمار بصلها ببرود وقال:وانتي فاكرة ان جوازنا رسمي ولا ايه ؟؟
داليدا مكنتش مصدقه كلامه وقالت: انت عملت كل دا علشان تاخد غرضك مني؟
رواية تحت أمر الحب بفلم شيماء صبحي
عمار ابتسم بسخريه وقال:أكيد طبعا ..؟
و انتي برضوا تفتكري ان رجل أعمال زي ممكن يتجوز واحدة عادية كده دي سمعة ؟
داليدا حست بوجع شديد في قلبها من قسوة كلامه فهزت راسها ببرود وقالت: تصدق انت عندك حق أنا برضوا ملقش بواحد زيك أنا بالنسبالي سيد النجار دا أحسن منك ب١٠٠ مره علي الأقل عمره ماكان هيهددني بأخويا أو حتي باللي حواليا علشان ياخد حاجة مش حلال أصلا !! دي غلطتي أنا .. كان لازم مخافش منك او حتي اهرب انا كان لازم اطلع علي الحكومه وقتها وابلغهم بكل اللي حصل في المستشفي وانت واشكالك تتسجنوا علشان البلد تنضف بق..؟
عمار مسك وشها بايديه بتهديد وقال:كلمه كمان وهكون قاتله فعلا انتي نسيتي نفسك ولا ايه..؟
-شيل إيدك !! قالتها داليدا بوجع لانه ضغط علي وشها جامد؟؟
عمار ساب ايديه وقال بغضب:أنا كنت كويس معاكي طول الفتره اللي فاتت بس الظاهر ان دا منفعش معاكي وانا برضوا علشان اكمل جميلي للاخر هرجعك للقاهرة زي مجبتك هنا ..
داليدا بدموع :وشرفي هترجعهولي تاني؟
عمار بصلها بحده وقال: شرفك دا غلطتك مش غلطتي أنا كان ممكن ترفضي ..
-بس انت هددتني ..قالتها داليدا بصراخ وهو تجاهلها وقرب من الاكل وبدأ ياكل ؟
داليدا مسحت دموعها وقربت عليه وبدأت تاكل هيا كمان ولاكن بشراهه ..
كان بيبص عليها وكانه رد حقه منها علي كل اللي عملته معاه ولاكن برضوا كان شايف ان دا مش كفايا وانه لازم يوجعها زي موجعته ..!
فضل متابعها وهيا بتاكل لحدما قامت بسرعه تجري علي بالحمام بوجع ..!
فضل قاعد مكانه بيحاول ميتأثرش بيها ولاكنها كانت بتتألم وصوتها واضح ..
وقف وهو بيبص علي الحمام بتوتر لحدما قرب منها وشافها وهيا سانده علي الحوض بتعب قال بتساؤل:انتي كويسه !
داليدا هزت راسها وغسلت وشها وبعدها مسكت الفوطه وخرجت وهيا بتمسح وشها واول ما عينيها جت في عينيه قالت :هطلقني!
عمار فضل يفكر في كلمتها وهو باصص في عينيها فهز راسه وقال: هطلقك؟
داليدا مشيت من جمبه وهيا بتحط الفوطة علي الكرسي وبدات تلم كل حاجتها علشان تستعد للخروج وهوا بدا يجهز شنطته وكل واحد بيحاول يتجاهل النظر في عيون التاني ..
كان رشاد بياكل ودنيا جنبه وكانو بيبصوا لبعض ومبتسمين علشان يثبتوا للكل ان جوازهم حقيقي كوثر بصتلهم وقالت بجدية:عمار ومراته راجعين القاهرة..!
رشاد بصلها بانتباه وقال:ليه ايه اللي حصل..!
كوثر بصتله بحزن:هو بيقول عنده شغل ولازم يرجع..!
رشاد هز راسه وقال: طيب انا هروح اشوفه .
دنيا بصتله وقالت:اجي معاك.
رشاد هز راسه بالرفض وقال: لا خليكي كملي اكل!
دنيا هزت راسها ورشاد طلع علي السلم بالراحه لحدما وصل لاوضة عمار خبط علي الباب وثواني وعمار فتح الباب !
رشاد بصله باستغراب وقال: خير يا عمار راجعين القاهرة ليه..؟
عمار مسك اخوه وخرجوا بره يتكلموا براحتهم وبدا عمار يتكلم وقال: انا هطلق داليدا!
رشاد استغرب كلامه وقال: ليه يا عمار وبعدين هو انتو لسا اتجوزتوا علشان تطلقوا..؟
عمار هز راسه وقال: دا طلبها وانت فاهم اخوك وعارف اني مش هستحمل كلامها الجارح دا كل شويه..!
رشاد هز راسه وقال: بس انا قولتلك لازم تديلها فرصه الاول مش كل حاجة بتيجي بالقوه..؟
عمار حرك راسه بالرفض وقال: خلاص يا رشاد علاقتنا انتهت وهيا السبب ..؟
رشاد بص لاخوه بحزن وحط ايده علي كتفه وقال: لازم تفكر كويس يا عمار انا عارف انك حبيتها.؟
عمار رفع عينيه بجمود وقال: محصلش ولا هيحصل دي مجرد نزوه وخلاص خلصت..
رشاد بص لاخوه وقال: طيب يا عمار خلي بالك علي نفسك انا هفضل هنا انا ودنيا وهنرجع بعد اسبوع؟؟
عمار هز راسه وقال: طيب اول ما اوصل هبعتلكم عربيه !
رشاد هز راسه بالرفض وقال:لا انا هعرف اتصرف متقلقش بس أهم حاجة اوعي تروح هناك مهما حصل ..
عمار بص لاخوه وهز راسه واتحرك من قدامه علشان يدخل للاوضة تاني ولاكن رشاد مسك دراعه وقال: عارف انك بتتألم مهما حاولت تداري متنساش اني وقتها كنت فاهم كل حاجة ..
عمار لف لأخوه وقال:الموضوع انتهي من زمان يا رشاد وبعدين انا مبقتش عيل صغير علشان اروح هناك تاني ..؟
رشاد هز راسه وقال:المهم اسمع كلامي انا خايف عليك ولو انت بتحبني بجد وليا خاطر عندك خليك بعيد عنها؟
عمار حضن اخوه وقال:اوعدك يا رشاد اني مش هروح هناك تاني بس انت اوعدني انك هتكون بخير!
رشاد ابتسم وهو بيحط ايديه علي صدره وبيقول: متقلقش أخوك بطل.
عمار إبتسم وقال:طيب انا هدخل علشان انزل الشنط علشان نلحق نسافر والشمس لسا موجوده!
رشاد هز راسه ونزل وعمار دخل تاني للأوضة وبص لداليدا اللي كان وشها أصفر دليل علي انها مش بخير..؟
عمار مسك شنطته وشنطتها وقال:اتعاملي عادي مش عايز خالتي تعرف حاجة..؟
داليدا وقفت وهي بتهز راسها وبتقف وهو نزل وهيا نزلت وراه؟
رشاد كان بيقعد علي الكرسي جنب دنيا وعمار وداليدا نازلين..؟
كوثر وقفت بحزن وقالت:مصممين علي قراركم؟
عمار قرب منها حضنها وقال بابتسامه" والله مكنت عايز امشي قبل ما اشبع منك بس مضطر ؟
كوثر ضمته لحضنها وهيا بتمشي ايديها علي شعره بحب وبتقول:خلي بالك علي نفسك يا حبيبي!
عمار بعد عنها وابتسم وقال:متقلقيش ربنا معايا..
ملوك قربت من عمار وحضنته وهي بتقول بحزن:هتوحشتي اوي يا عمار ..
عمار ابتسم وهوا بيقول بحنيه:وانتي كمان وهمس في ودنها وقال: انا عاوزك تزني عليها وتيجوا القاهرة.
بقلمي الكاتبة شيماء صبحي
ملوك هزت راسها بابتسامه وقالت:هحاول
عمار ابتسم وبص لداليدا واللي قربت من كوثر وملوك وسلمت عليهم وقربت من دنيا حضنتها ودنيا كانت ملاحظه انها مش بخير فقالت بقلق:انتي كويسه يا داليدا وشك أصفر اوي..؟
داليدا هزت راسها بابتسامه وقالت:بطني وجعاني شويه بس متقلقيش انا بخير!
دنيا هزت راسها وبعدها عمار مسك ايديها وخرجوا وركبوا في العربيه واتحركوا..؟
وفي القاهرة كان زين ماسك تيلفونه وبيقرأ رساله أخته بابتسامة وهو بيقول:طيب كويس ان في حد في حياتك علشان لما امشي يخلي بالوا منك ..
قال كلامه وهو بيبص للشنطة بتاعته بحب كبير وبيقول:لازم امشي علشان احقق حلمي وابني الشركة اللي بحلم بيها ..
رجع بضهره لورا وهو حاضن مبلغ كبير من الفلوس ومغنض عينيه بس قبل ما يفتح عينيه سمع صوت خبط جامد علي الباب؟
إستغرب جدا وقام بقلق يعين الشنطة مكانها ولاكنه قبل ما يدخل الأوضة باب الشقه اتفتح ودخلت منه عصابة مسلحين وموجهين السلاح عليه وهما بيقولوا بتحذير: سيب الشنطة وارفع ايدك يا زين يا اما هنخلص عليك..؟
زين لف بجسمه بصدمة وهو بيقول:إسلام.؟
إسلام صاحبه قال بجديه:أنا أسف يا صحبي بس أمي وأختي اهم منك..!
زين اتصدم من كلامه والرجاله اللي مع إسلام قربوا عليه كتفوه واخدوا الشنطة اللي فيها الدولارات وبعدها اتحركوا لتحت وفي واحد منهم قفل الباب كويس علشان ميبنش ان في مشكله !!
إسلام وقف زين علي السلم وهو بيحط السلاح ورا ضهره وبيقول:الكبير طلبك حي وعلشان متحصلش مشاكل امشي من غير اي حركات من الهبلة دي ..؟
زين هز راسه ونزل وكان اسلام حاطط السلاح عليه من ورا ضهره لحد ما زين ركب العربيه وبقيت الرجاله رجبوا واتحركوا..؟
زين بصدمة:بعتني يا صاحبي بق دا اتفاقنا؟
إسلام هز راسه وقال:الكبير وصلي يا زين وهددني بأمي وأختي يا أما اجيبك واجيب الفلوس يا انا هيخلص عليهم وهما طبعا ملهمش ذنب في الوساخة اللي كنا شغالين فيها؟
زين بصله بحزن ولاكن لما افتكر اخته داليدا ارتاح لانها طلعت متجوزه يعني معاها راجل واكيد هيحميها..؟
داليدا كانت قاعده ساكته واول ما فتحت تيلفونها وشافت ان زين شاف الرساله ومردش استغربت فقررت ترن عليه وتطمن ؟
زين تيلفونه رن برقم داليدا واحد من الرجاله اخد التيلفون وقبل ما يرميه زين قال بلهفة :استني ..!
بص لإسلام وقال: إسلام خليني اعرفها اني مسافر علشان تطمن عليا ومتقلقش ؟
اسلام شاور للراجل يديله التيلفون ولاكن يحط المسدس علي دماغه علشان لو قال اي حاجة. ..
زين اخد من الراجل التيلفون ورد عليها بسرعه..
داليدا قالت بأسف :زين أنا عارفه انك زعلان بس والله أنا..
زين قال وهو بيقاطع كلامها :داليدا اسمعيني علشان مفيش وقت..؟
داليدا سكتت وهيا بتقول: في ايه يا زين قلقتني..
زين قال وهو بيبص علي الراجل اللي موجه عليه السلاح :أنا مسافر يا داليدا انا متضر اعمل كده وانا شوفت الرساله ومش زعلان منك بالعكس فرحان ان معاكي شخص يهتم بيكي ربنا معاكي يا حبيبتي وانا اسف علشان سيبتك من غير وداع؟؟
إسلام شاور للراحل ياخد التيلفون وزين اول ما انتبه ليهم قال بسرعه: داليدا اتبسطي في حياتك وانسيني علشان انا ممكن مرجعش تاني مع السلام..؟
التيلفون قفل عند الكلمة قبل ما تخلص، داليدا بصت علي التيلفون بقلق وهيا بتقول:مش معقول..؟
عمار كان مركز معاها ولاكن كان باصص في الطريق وهيا بصت عليه وهي بتقول: زين سافر..؟
عمار هز راسه وقال: اكيد لما عرف انك اتجوزتي من وراه مستحملش..؟
داليدا هزت راسها برفض وقالت:لا دا فرحان اني اتجوزت وقال كويس ان معايا راجل يحميني؟
عمار ابتسم علي كلمه يحميني وبصلها وقال: ويحميكي من ايه..
داليدا لاحظت السخريه الواضحه في كلامه فقالت وهي بتلف وشها:ملحقتش ارد عليه علشان اعرف بس ملحقش يعرف اني اطلقت والراجل اللي المفروض هيحميني مش موجود..
بصت حواليها شافت صحراء فقالت بفقدان شغف:نزلني هنا وكمل طريقك..؟
عمار مردش عليها ولاكنها قالت بإصرار:بقولك نزلتي هنا انا هعرف اتصرف .!
عمار بصلها وقال:انتي مسؤله مني لحدما نرجع القاهره وهناك ابق اعملي اللي انتي عايزاه..!
داليدا سكتت وهزت راسها وهو بص عليها وشافها وهيا بتستد راسها علي الازاز وكان واضح عليها التعب..؟
بعد مرور ساعات وصلوا القاهره..!
داليدا صحيت علي أصوات العربيات والدوشه اللي حواليها قالت بتساؤل:احنا وصلنا..
مردش عليها فبصت جنبها لقت انه مش موجود..
عدلت نفسها وهيا بتدور عليه بعيونها ولاكنها ملقتوش حاولت تفتح الباب ولاكنه كان مقفول فضلت تخبط علي العربيه وهيا بتقول:مش هسمحلك تحبسني يا عمار انا مش ضعيفة علشان اسكتلك !!!
عمار كان وصل من الاتجاه التاني وكان شايفها وهيا بتحاول تفتح الباب وبتزعق..
فتح العربيه ودخل وكان شايل كيس فيه أكل وعصير..
داليدا بصتله بإستغراب وقالت:انت كنت فين.؟
عمار رفع الأكل قدام عينيها وهيا هزت راسها بعدما فهمت انه مكتش حابسها فلفت وشها بتجاهل وهو ركب جمبها وهو بيحط الكيس اللي فيه اكل وعصير علي رجليها وقال:كلي دا؟
داليدا مسكت الكيس وحطته علي رجليه برفض وقالت:شكرا مش جعانه.؟
عمار هز راسه وحط الكيس في الكرسي الي وراهم وبدأ هو ياكل وهيا بتبص من الشباك بتجاهل لحدما بطنها اصدرت صوت بيدل علي ان معدتها فاضيه..
عمار ابتسم وهيا لفت علشان تشوفه لقته بيبصلها وبيضحك ضمت حاجبها بضيق وقالت:ممكن اعرف ايه اللي بيضحك في وشي..
عمار تجاهل كلامها ومسك الكيس بتاعها وقال:كلي!
بصت للكيس بجوع وهزت راسها واخدته وطلعت منه ساندوتش وأكلته بجوع وكان عمار بيتفرج عليها وبيضحك لان رغم انها عنديه الا ان شكلها كيوت وبيضحكة..؟
داليدا اخدت اخر شفطة في العصير وهيا بتبص قدامها بسعاده وقالت:الحمدلله!
عمار شغل محرك العربيه وقال:اظن اننا لازم نتحرك.
هزت راسها وهوا ساق بالعربيه لحدما وصلوا عند بيتها وقبل ما تتزل بصتله وقالت: قطع الورقة قدامي.؟
عمار باستغراب:ورقة ايه..؟
داليدا :ورقة جوازنا العرفي..
💓💓💓🌺🌺🌺
#الفصل_17
#تحت_أمر_الحب
#الكاتبة_شيماء_صبحي
وصلوا عند بيتها وقبل ما تنزل بصتله وقالت: قطع الورقة قدامي.؟
عمار باستغراب:ورقة ايه..؟
داليدا :ورقة جوازنا العرفي..
هز راسه وهو بيمد ايديه في جيبة وكأنه بيدور عليها وبعد ثواني بصلها وقال:الورقة للأسف مش معايا دلوقت بس وعد مني هقطعها أول ما أوصل..!
هزت راسها ونزلت من العربيه واخدت شنطتها واتجهت للعمارة ،كان قاعد متابعها لحدما إتاكد انها دخلت أخد نفس طويل وبعدها شغل العربية واتحرك لبيته!!
طلعت داليدا شقتها وفتحت الباب وهيا بتبص لشكل الشقه ولاحظت انها مش مترتبه قربت من الصالون وهيا بتحط الشنطة علي الكرسي وبتفرد جسمها علي الكنبه ولاكن لفت نظرها رزمة من الدولارات موجودة تحت الكنبه..!
قربت منها ومسكتها بإستغراب وهيا بتسأل نفسها مين ممكن يكون سابها هنا..
بعد وقت من التفكير انكرت داليدا ان عمار هو اللي سابهم فوقفت وهيا بتدخل لأوضة زين وفضلت تدور فيها علي اي حاجة تثبت ان الدولارات تخص زين..؟
لقت شنطة هدومه اللي كانت معاه وقت ما رجع من السفر فتحتها باستغراب لان شكلها غريب أول حاجة شافتها هدوم لزين وكان واضح انها غاليه جدا ..فضلت تفتش فيها لحدما لقت كيسة سمرا فتحتها واتصدمت لما لقت فيها ألماظ..!
شهقت بخضة لانها اتأكدت إن أخوها مسافرش وان أكيد الراجل اللي زين بلغ عنه برا مصر قدر يوصله..
حطت الكيسه مكانها في الشنطة وجريت مسكت تيلفونها وهيا بتتصل علي زين.. كل المكالمات كانت مرفوضة كأن الخط بتاعه مش موجود ..!
قعدت بتوتر وهيا بتفرك في ايديها وبتحاول تهدي نفسها وان اكيد زين كويس ولاكن بعدما افتكرت نبرة صوته معاها علي التيلفون لما اتصلت بيه وانه قفل معاها قبل ما يخلص كلامه إتأكدت من شكوكها وانه في خطر..
بعد وقت سمعت صوت خبط علي الباب قامت داليدا تفتح واول مشافت قدامها دكتور عصام قالت بتوتر :ازي حضرتك يا دكتور عصام..؟
عصام بصلها بصدمة وقال:داليدا كنتي فين!
داليدا هزت راسها وقالت:اتفضل يا دكتور وانا هشرحلك !!
عصام دخل و داليدا قعدت جمبه وهيا بتحاول تاخد نفسها وتبان عاديه قدامه وقالت:كنت مسافره مع بنات صحابي يومين نغير جو وعلشان مقلقش زين عرفته اني في مؤمريه لان حضرتك عارف ان دماغه صعبه ..!
عصام باستغراب من كلامها قال:داليداا؟
داليدا حاولت تتمالك أعصابها وابتسمت وهيا بتقول:صدقني دي كل الحكايه بس الظاهر ان زين قلبها دراما شويه..
عصام هز راسه لانه بيثق فيها وقال: هو مش درامي بس فعلا كان خايف عليكي؟
داليدا ابتسمت بحب واضح في عيونها وعصام قال وهو بيبص حواليه:الا صحيح هو فين انا روحت سالت عليه في الورشه قالولي واخد اجازه..؟
داليدا بصتله بحزن وقالت: اتصل بيا من شويه وبلغني انه سافر في شغل وانا عرفته كل حاجه وهو سامحني خلاص..
عصام حرك راسه وقال بتعب:اه منكوا يا ولاد يوسف انتوا بق واحد يرجع التاني يسافر هتعقلوا امتي..؟
داليدا إبتسمت علي كلامه وقالت:أنا هقوم اعملك القهوة بتاعتك!!
عصام وقفها برفض وقال:لا متتعبيش نفسك انا لازم امشي لإن عقبال ما افرح بيكي زينه بنتي جايلها عريس!!
داليدا ابتسمت بسعاده وقالت:ربنا يتمملها علي خير ألف مبروك..
عصام ابتسم وهو بيخبط علي ضهرها بحنيه وقال:عقبال مشوفك زيها واحسن ان شاء الله '
داليدا هزت راسها بابتسامه وقالت:إن شاء الله ..
عصام وقف وهوا بيخبط علي رجله وبيقول:طيب يا حبيبتي انا همشي انا وصحيح متنسيش ترجعي المستشفي المرضي بيسألوا عليكي ..!
داليدا هزت راسها بابتسامه وقالت:حاضر يا دكتور..
عصام خرج من شقتها وهيا قفلت الباب ورجعت قعدت مكانها وهيا بتاخد نفس طويل وبتبص للسقف وهيا بتقول:إمتي هيخلص كل دا يارب ..؟
خارج القاهرة وبداخل قرية هجروها أصحابها من سنين طويلة كان زين مربوط من إيديه وجمبه إسلام اللي اول ما وصلوا امرهم الكبير يربطوه معاه..
زين ابتسم بسخريه وهو بيقول؛كنت مستني منهم ايه فاكر انهم هيسبوك ترجع سليم..
إسلام بصله بحزن وقال:مش مهم أنا أهم حاجة عندي مروه وأمي دول اهم مني بكتير!!
زين هز راسه وهو بيبص في الأرض وبيفتكر أخته داليدا والكام يوم اللي قضاهم معاها وحس قد ايه ان العائلة دفاها احسن بكتير من اي مكان حتي لو كان قصر .. بس اللي كان متأكد منه ..
إن الحياه مش علي مزاج حد و كل واحد بيكون ليه طريق مختلف مجبر يمشي فيه حتي لو كتير منعوه منه ..زين بص لإسلام وقال:تعرف اني مكنتش عايز افضل هنا وأسافر بس معرفش ايه اللي خلاني اروح لداليدا؟
إسلام رفع راسه وقال: أكيد علشان تعرض حياتها للخطر ،دي الحاجة الوحيدة اللي بتقدمها للي بتحبهم..!
زين بصله بغيظ وقال: انا اللي بعرض حياتهم للخطر ولا انت اللي كنت غبي ومش عارف تاخدهم وتهرب في اي دولة..
إسلام سكت ومردش عليه وزين حاول يبعد عنه بقدر الإمكان لانه مش طايقه ..عدي وقت واتفتح الباب عليهم ودخل منه رجاله كتير مسلحه وبعدها دخل الكبير بتاعهم وأول مشاف زين وإسلام ضحك بسخريه وهو بيقول:إنتو فاكرين انكم لما تهربوا مني مش هعرف أجيبكوا..؟
زين عدل نفسه بالعافيه وقال: احنا مهربناش يا كبير كل الحكايه ان وقت غدر العصابة التانيه بينا معرفناش نروح فين خصوصا اننا شوفنا اصحابنا بيموتوا قدامنا فقررنا نقسم الفلوس مع بعض وكل واحد يشق طريقة..؟
وهيا كانت فلوس أبوكم منك ليه علشان تقسموها علي بعض انتو فاكريني ايه باخد علي قفايا..!
زين بلع ريقه وقال:ومين اللي قال كده بس يا كبير دنتا سيد الناس كلها بس هو الولا إسلام اللي زن عليا وقالي أعمل كده..!
إسلام بصله بصدمة وهو بيقول برفض:والله يا كبير محصل دا هو الي اقترح عليا واجبرني والله صدقني!!
إخرص يالا منك ليه انتو هتروشوني وتبوظلولي الدماغ اللي انا عاملها انتو عارفين دي متكلفة كام..
زين بص لإسلام بغيظ وبعدها الكبير قرب منهم وشدهم من هدومهم وقال:انا لولا اني مربيكم علي ايدي وعارف انكم عيال طايشه كنت قتلتكم وقتي بس انا للاسف محتاجكم!!
إسلام هز راسه وقال:أومريني يا كبير وانا خدامك.!
الكبير رد عليه بسخريه وقال:منت فعلا خدامي ليه فاكر نفسك صاحبي..
زين اطلق ضحكه ساخره ولاكن الكبير حظرة بعينيه وقال:اسمع يا زين انا عارف ان دماغك حلوه والعمليه اللي جايه محتجاك انت بالذات بس لو فكرت تعمل زي المره اللي فاتت وتلعب بديلك اختك الدكتوره الحلوه هتدفع الثمن..!
إسلام بصله بسخريه ولاكن الكبير قاله:وانت كمان يا زفت لو فكرت تعمل زي المره اللي فاتت هدفع أختك وامك الثمن!!
إسلام هز راسه بالموافقه وبعدها الكبير طلب من رجالته يفكوهم ويجهزوهم للعمليه الجديدة وبعدها خرج….!
في شركة عمار كان وصل وطلب من رضا المساعد بتاعه يحوله كل المشاريع اللي خلصها وبعد وقت كان دخل رضا ومعاه سلمي السكرتيرة وهما شايلين مستندات كتير..
عمار طلب منهم يحطوها علي المكتب ويخرجوا وقبل ما رضا يخرج بص لعمار وقال: عمار باشا انا عندي حاجة عايز أقولها لحضرتك،.
عمار هز راسه ورفع عينيه وقال:قول!
رضا عدل بدلته وقال:هو حضرتك شايفني ازاي..؟
عمار باستغراب:شايفك رضا هكون شايفك ميرڤت مثلا!!
رضا هز راسه وقال:يا باشا مش قصدي كده انا قصدي يعني انا بشتغل في الشركة دي من أول ما فتحت وحضرتك عمرك ما رفعتني درجة حتي..؟
عمار فهم قصده فهز راسه وقال:وانت عايز تكون مكان مين بق!
رضا بص حواليه وقال:نيلي يا باشا؟
عمار رفع حاجبه بابتسامه وقال:مكان نيلي مره واحدة!
رضا هز راسه وقال:دي مستهترة يباشا ومش شايفة شغلها..
عمار هز راسه وقال:وانا موافق يارضا ابعتلها تجيلي المكتب !!
رضا بفرحة:أمرك ياباشا!!
عمار بص في الملف اللي قدامه ورضا خرج بسرعه بلغ سلمي تبعت ل نيلي تيجي لمكتب عمار وبعد دقايق وصلت نيلي لمكتب عمار وهيا بتقول:حضرتك طلبتني!
عمار ابتسم وهو بيهز راسه وبيقول:أقعدي ..
نيلي قعدت قدامه بثقه وهو قال: عايزك تسيبي مكانك وتيجي هنا مكان رضا..
نيلي ابتسمت وقالت:هو حضرتك وافقت بالسرعه دي!!
عمار هز راسه وقال:اكيد دنتي غاليه عندي اوي !
نيلي رجعت خصلة ورا شعرها بثقه وقالت:طيب هبدأ شغل مكانه إمتي؟
عمار قال وهو بيحط الملف علي المكتب:دلوقت سلموا مكاتبكم وحولوا شغلكم لبعض ..!
نيلي هزت راسها وقالت:تحت أمرك يا فندم؟؟
قالت كلامها وخرجت من مكتب عمار وراحت لمكتب رضا وبلغته انهم هيبدلوا المكاتب وهيا هتعرفه شغلها وهو هيعرفها شغله
وفي مكتب عمار كان قاعد مبتسم علي سذاجتهم لان كل واحد فيهم فاهم في شغله أكتر ولان نيلي بطبعها بتشتغل أضعاف شغل رضا فبنسبالها مكان رضا أفضل ولاكن رضا مكنش شايف شغلها وكل اللي شايفه انها مستهتره لانها دايما مهتميه بلبسها وبتيجي متأخره فكان متأكد انها متستحقش تكون أعلي منه في الترقية وان هو الوحيد اللي يستحق مكانها …..
انتهي اليوم ورجع رضا علي بيته وهو حاسس إنه مرضي لأنه اخد المكان اللي هوا عايزه ونيلي روحت بيتها وهيا في قمة سعادتها لانها مش مضطره تنام بدري تاني علشان تقابل العملاء الصبح وكانت طايرة من الفرحه علشان هتقدر تلبس لبس عادي ومريح وهيا في الشغل لان من النهاردة هتاخد شغل أقل وفيه راحه أكتر…؟
تاني يوم صحي رضا علي مكالمه من سكرتير مكتبه الجديد وكان بيقول:صباح الخير يا أستاذ رضا أنا حبيت أعرفك ان عندك ميعاد النهاردة الساعه سابعه مع عميل في الكافيه اللي قبل الشركة !
رضا سأله باستغراب وقال:وهو في حد بيشتغل في الوقت دا..!
السكرتير:أيوا يا فندم الأنسه نيلي كانت كل يوم بتقابل عميل في الوقت دا وممكن يكون بدري عن كده كمان بس في ملاحظة بسيطة لازم حضرتك تكون عارفها..
رضا هز راسه وقال:اي هيا!
السكرتير:لازم تكون في كامل اناقتك علشان العميل يحس بالثقة وهو بيتكلم مع حضرتك..!
رضا هز راسه وقفل معاه المكالمة وبص في الساعه لقاها ٦ونص وقف بسرعه وبدا يدور علي بدله جديده يكون ملبسهاش قبل كده وفضل يجري بسرعه علشان ياخد شاور وبعدها خرج لبس البدله وسرح شعره وبعدها نزل ركب عربيته واتجه للكافيه ووقتها كانت الساعه ٧ الا خمس دقايق وصل العميل اللي هيقعد معاه وبدأوا يتكلموا في الشغل وانتهي النقاش بينهم علي الساعه ٩ خرج رضا من الكافيه وراح الشركة وكان متأخر ساعه عن الدخول ..!
دخل مكتبه الجديد وقابله السكرتير وهو بيديله الملفات اللي لازم يخلصها قبل الساعه ١٢ !!
سأله رضا بإستغراب :ليه في ايه الساعه ١٢
السكرتير قال : في مقابلة مع عميل في كفايه بعيد عن هنا نص ساعه!!
رضا هز راسه وهو بيكابر وفضل يشتغل في الملفات وقبل ما الساعه توصل ١٢ كان خلصها فقرر انه يروح مكتبه القديم علشان بشوف نيلي ويكيدها .. واول ما وصل لقاها لابسه لبس عادي عكس اللي كانت بتيجي بيه الشركة كل يوم وحتي الميكب كان خفيف وكانت قاعده ماسكه تيلفونها وبتلعب فيه ..رضا بصلها باستغراب وقال: انتي نيلي اللي كل يوم بميكب ولبس مختلف..؟
نيلي وقفت قدامه وهيا بتقول بسعاده:أنا بشكرك يا رضا انت بجد انقذتني انا مكنتش بعرف أسهر زيي زي الخلق دنا من كتر الشغل والضغط سافرت مع صحابي أفك عن نفسي لاني كنت هموت ناقصه عمر ..!
رضا رفع حاجبه وهو مش فاهم قصدها وقال:يعني ايه !
نيلي وهيا بتمسك ملفات من مكتبها وبتديهاله وبتقول:كويس انك جيت الملفات دي تخص الكام عميل اللي هتقابلهم خلال الاسبوع دا..!
رضا بص لكمية الملفات بخضه وهو بيقول:هقابل كل دول؟
نيلي هزت راسها وقالت: دا أقل حاجة صدقني انا كنت بقابل قدهم ثلاث مرات..؟
رضا أخد الملفات من ايديها ورجع المكتب تاني وهو متأكد ان أغبي قرار اخده في حياته لما طلب من عمار ينقله مكانها لان للاسف اللي بتشوفه العين مختلف تماما عن الواقع الحقيقي اللي بنعيشه…!
عمار كان طول الوقت مشغول في شغلة في الشركة وفي نفس الوقت كان بيطلع رجالته يعقدوا صفقات سلاح كل فتره ومر علي لقائه مع داليدا شهرين ونص وكل واحد فيهم بدأ حياته الطبيعيه وكأن شيئا لم يكن..!
داليدا بدأت ترجع غرفة العمليات من تاني والمستشفي مكنتش بتخلص من المصابين وكل يوم في ضغط وتوتر لحدما في يوم كانت داليدا عندها شيفت متأخر وكانت بتدي العلاج لمريضة مسنه وكانت بتتكلم معاها وبتعرفها انها قربت تخرج من المستشفي وان حالتها اتحسنت كتير..المريضة كانت فرحانه انها اتحسنت ولاكنها كانت حزينه علشان هتخرج ف قالت بتساؤل:بس أنا هروح فين يا بنتي خليني هنا علي الأقل بشوفك انتي والممرضة لبني بتونسوني..!
داليدا ابتسمت وهيا بتقول: يعني انتي عاجبك الحبسة دي..!
الست ردت عليها بابتسامه فيها ملخص تجارب كتير عاشتها وقالت:أوقات الحبسة اللي زي دي بتكون أحسن من حرية مجهولة ،يعني انا دلوقت لو مُت وانا في بيتي وانا معنديش حد يقعد معايا تفتكري حد هياخد باله مني..!
داليدا هزت راسها بلأ والست كملت وقالت: بس هنا لو انا مُت هلاقي اللي ياخدوا بالهم ويغسلوني ويدفنوني ولاكن هناك مش هيعرفوا غير لما جسمي يتحلل وريحته تطلع ..يبق الأفضل ليا الحبس ولا الحريه..!
داليدا سكتت وهيا مش عارفة ترد عليها ولاكنها ابتسمت وقالت:ألف سلامه عليكي نامي علشان الوقت اتأخر..!
الست هزت راسها بابتسامه ونامت وداليدا خرجت وراحت مكتبها وهي بتفكر في كلامها رغم ان كان كلامها مقنع الا انه غلط لان المستشفي مخصصه فقط للمرضي يعني وجودها علي السرير وهيا بصحه كويسه ممكن يأدي لوفاه اشخاص تانيه بحاجة لمكانها ..!
داليدا جربت الحبسة بس بطريقتها هيا وكانت متعبه ،متعبه جدااا..
طلعت داليدا علبة الأكل اللي عيناها علشان تاكلها في وقت الاستراحه وهيا بتفتح العلبه وبتشم ريحتها لقت معدتها قلبت قامت بسرعه وراحت علي الحمام واستفرغت.. وبعدما خلصت رجعت تاني وقفلت العلبه ورمتها وهيا فاكره انها باظت من الركنه ولاكنها لما طلعت سانوتش جبنه عادي وأكلته حست بنفس الأحساس وجريت تاني علي الحمام وهيا بتستفرغ ..
خرجت وهيا حاطة إيديها علي ضهرها بتعب فوقفت تبص لنفسها في المرايه وبتفكر لو ممكن تكون…!
لالا انسي يا داليدا مستحيل…؟ قالت الكلام دا لنفسها لما دمغها فكرت في حاجه هيا مش عايزاها ..
بعد وقت …؟ رفعت القميص بتاعها وهيا بتبص لبطنها وبتفكر معقول ممكن اللي جه في دماغها يطلع صح..!
قررت تروح قسم النساء والتوليد وتتأكد بنفسها وأول ما وصلت أخدت إختبار حمل ورجعت تاني للحمام وهيا بتدعي انه ميكونش حقيقي وبعدما خلصت وطلعت حطت الأختبار علي الحوض وهيا بتتجاهل انها تبصله ولاكن بعد وقت فتحت عينيها وأول ما عينيها شافت الشرطتين اللي بالون الأحمر حطت إيديها علي بوقها بصدمة وهيا مش مستوعبه إنها طلعا حامل منه!!!؟
🍬 💓💓💓💓
#الفصل_18
#تحت_أمر_الحب
#الكاتبة_شيماء_صبحي
اتجهت داليدا لمكتبها وهيا ماسكة إختبار الحمل في ايديها حطتة قدامها علي المكتب وهي بتبص عليه بتفكير، فضلت نص ساعه علي نفس الوضع لحدما تيلفونها رن وكان المنبه اللي بيعرفها ان دا وقت الرحيل..
انتبهت لنفسها وقامت غيرت هدومها وبعدها حطت إختبار الحمل في شنطتها وخرجت من المكتب..!
-انتي مروحة يا دكتورة؟
سألتها إحدي الممرضات وهيا بصالها بابتسامة.
داليدا هزت راسها وقالت:أيوا يا هنا بس انا عايزة منك خدمة صغيرة..
الممرضة قربت منها بإنصات وقالت :إتفضلي يا دكتورة أنا تحت أمرك..!
داليدا أخدت نفسها وقالت: انتي عارفة ان قسم النساء والتوليد مش شغال دلوقت ..!
الممرضة هزت راسها وقالت :ايوا!
داليدا بصتلها وهزت راسها وقالت:طيب في واحدة صاحبتي كانت شاكة انها حامل ولما جابت إختبار حمل لقت ان شكها طلع صح بس اتفجات من شوية ان جوزها جاي بكره الصبح من السفر وهيا بتسألني لو أعرف اي دكتور يكون فاتح دلوقت تروح تسأله لو ينفع جوزها يعني يقرب منها ولا لأ علشان كانت سمعت ان ممنوع في الشهور الأولي..!
الممرضة ضمت حاجبها بإستغراب وقالت: وهيا حبكت دلوقت تروح للدكتور متخليها بكره !
داليدا بصتلها وضحكت وهيا بتخبط علي كتفها بهزار وبتقول: تصدقي صح بس انا هقولها كده ازاي وبعدين انتي متجوزه وعارفه لما الراجل بيرجع من السفر بيبق عامل ازاي..
الممرضة هزت راسها وهيا بتقول: صحيح عندك حق يا دكتورة..؟
داليدا ابتسمت وهيا بتقول:طيب متعرفيش دكتور مين اللي يبق فاتح دلوقت..
الممرضه هزت راسها وقالت: مش عارفة بس انا برضوا بفكر اهو!
داليدا هزت راسها وهيا مركزه معاها لحدما الممرضة قالت:عرفت في دكتور هو مش بعيد اوي عن هنا بس زمانه فاتح لان العيادة بتاعته بتكون فاتحة علي مدار ال ٢٤ ساعه علشان حالات الطوارئ يعني!!
داليدا ابتسمت بفرحة وهيا بتقول:طيب قوليلي عنوانه بسرعه خليني اعرفها!
الممرضة هزت راسها وقالتلها علي العنوان وداليدا كتبته علي تيلفونها وبعدها قالت:شكرا اوي يا هنا ومتقلقيش ليكي الحلاوة بتاعتك !
هنا ابتسمت بخجل وبعدها داليدا ودعتها و مشيت من قدامها وهيا حاطة إيديها علي قلبها لانها عارفة ان حاجة زي دي لو حد عرف عنها هنا في المستشفي هتكون فضيحة بجلاجل!!
خرجت داليدا من المستشفي واتجهت علي العنوان اللي الممرضة هنا قالتلها عليه..
وصلت بعد وقت وكانت عيادة مش كبيرة ولاكنها فعلا فاتحة ومكتوب عليها مفتوح علي مدار ٢٤ ساعه..!
اخدت نفس طويل وهيا بتدخل واول ماشافتها الممرضة اللي موجودة هناك قالت بتساؤل:تحبي اساعد حضرتك في حاجة..!
داليدا قربت منها وادتلها مبلغ من المال وقالت:أنا عايزة اكشف !
الممرضة بصت للفلوس بابتسامة وقالت:اتفضلي يا مدام الدكتور موجود جوا..!
داليدا هزت راسها ومشيت وراها لحدما وصلوا عند مكتب في اخر الطرقة الممرضة فتحتلها الباب وقالت:اتفضلي يا مدام..
داليدا دخلت وهيا بتبص علي المكان بتوتر وأول مشافت الدكتور اللي قاعد علي المكتب وبيلعب في التليفون قلقت أكتر وقالت: مساء الخير يا دكتور..!
الدكتور انتبه عليها وقال بابتسامة:لمؤاخذة يا مدام اتفضلي مساء النور ..
داليدا هزت راسها وهيا بتقعد علي الكرسي الي قدامه وقالت:أنا حامل..!
الدكتور بفرحة:بجد ألف مبروك يا مدام..
داليدا بصتله باستغراب وقالت:قصدي يعني لسا عارفة من شوية اني حامل بس كنت عايزة أعرف انا في الشهر الكام..
الدكتور هز راسه وقال:طبعا اتفضلي نامي علي السرير هنا..
داليدا سابت شنطتها علي الطرابيزه وقامت وقفت وهيا بتقرب من السرير ونامت عليه..
الدكتور قرب منها ومسك جهاز وقربه من بطنها وقال :شهرين وزيادة يعني ممكن واسبوع كده .!
داليدا هزت راسها وقامت وبصتله وقالت:طيب انا عارفة اللي هقوله هيكون غريب بس انا دلوقت منفصلة من شهرين ونص وطليقي مسافر وانا عمتا مكنتش مستعده خالص ان يحصل حمل فكنت بسألك يعني في فرصة اني أنزل الحمل دا..!
الدكتور بصلها بصدمة وقال:لا حول ولا قوة الا بالله ليه بس كده يا مدام دا رزق وغيرك مش لاقيه فكري كويس دا في ناس بيقعدوا بالسنين يتمنوا بس ضفر عيل!!
داليدا هزت راسها بتفهم وقالت:انا فاهمة كل الكلام دا بس انا بقولك طليقي مسافر واحنا مستحيل نرجع تاني ..؟
الدكتور هز راسه بالرفض وقال:ومين يعلم يا مدام ما يمكن العيل دا اللي يرجع كل حاجة تاني بس انا برضوا هرد علي سؤالك وأقولك :مينفعش للاسف ينزل لانه عدي الشهرين يعني ثبت ودلوقت هو مستمر في النمو يعني لو نزل هيضرك جامد ؟
داليدا هزت راسها وقالت بحزن كبير :انا متشكرة علي تعبك معايا يا دكتور وانا هفكر كويس في كلامك بعد اذنك..
الدكتور كان لسا هيتكلم ولاكنها اخدت شنتطها وخرجت بسرعه وهيا بتعيط ومكنتش مصدقة انها دلوقت بقت شايله روح تانيه داخل بطنها ..؟
طلعت علي الطريق وهيا بتدور علي اي تاكسي يوصلها لبيتها ولاكنها ملقتش لان الساعه كانت داخلة علي ٢ ونص فقررت تمشي شويه لحدما توصل للطريق العام وهناك ممكن تلاقي اي تاكسي ..؟
بعد طريق اخد منها عشر دقايق وقفت وهيا بتاخد نفسها لان بطنها كانت وجعاها لقت عربية بتقرب منها شاورتلها تقف وهيا بتقول : تاكسي؟؟
صاحب العربية بصلها بإعجاب وقال:مش تاكسي بس ممكن أقلبه حالا لتاكسي !!
داليدا رجعت خطوة لورا وقالت:لا شكرا اتفضل..
السواق بص لجسمها بابتسامه وقال:لا اتفضل ايه دنا لازم أوصلك مينفعش واحدة زيك تقف كده لوحدها في الوقت دا..؟
داليدا اتعصبت أكتر من كلامه وزعقت فيه وقالت:قولتلك شكرا مش عايزة حاجة ممكن تمشي..
السواق قرب منها وهوا بيتكلم بنفس الاسلوب الجرئ وكانه شارب حاجة مخلياه مش في واعية وقال:دنا لو مشيت أبق غبي أوي !!
داليد بصت حواليها علشان تشاور لاي حد ينقدها ولاكن العربيات فجأة اختفت ومفيش ولا وحدة عدت داليدا صرخت وهيا بتقول:لو قربت أكتر هآذيك،.
السواق شدها من دراعها وقال:وأنا موافق لو ايدك الحلوة دي اللي هتضربني!!
داليدا استجمعت قوتها ولسا هتضربه راح مسك ايديها التانيه وقال: انتي شرسه ليه منا قولتلك هوصلك::
إبعد عني يا حيوان !! قالتها بغضب وهيا بتزقه جامد لدرجة انه وقع علي الارض..
السواق عينه لمعت بالغضب وقال :بق كده طيب !!
لسا هيشدها لقي ايد قوية بتضربة وبتوقعه علي الأرض بص لقي شاب بيبصله بغضب وبيقول: لو متحركتش دلوقت هكون مخلص عليك..
السواق سند نفسه بوجع وقام ركب عربيته وساقها بسرعه والشاب دا بص لداليدا اللي كانت حاطة ايديها علي راسها علشان تتفادي اي خطر!!
قال بتساؤل:إنتي كويسة يا أستاذة؟؟
داليدا نزلت إيديها وهيا بتبص حواليها لقت ان السواق مشي واول مشافت الشاب اللي قدامها ضمت حاجبها باستغراب وقالت:انت!!
حازم باستغراب هو كمان قال:هو انتي؟؟
داليدا مسكت شنتطها وهي بتقول بغضب:هي ايه السخافة اللي بتحصل دي .. فالت كلامه ومشت..!
حازم بصلها باستغراب لانها تقصدة بالسخافة وقال:انتي قليلة الزوق علي فكرة انا انقذتك منه..!
داليدا لفتله وقالت :شكرا علي انقاذك..؟
حازم بص عليها وهيا مكملة طريقها وكأن محصلش اي حاجة وقال: شكرا مش كفاية ، بس انتي رايحة فين!!
داليدا ردت عليه من بعيد وقالت: في داهية؟
حازم استغرب ردها فقرب من عربيته وساقها وهوا بيقرب عليها وبيقول :اركبي انا هوصلك..؟
-لا شكرا انا هتصرف'
صدقيني الوقت اتاخر ومفيش عربيات بتيجي هنا كتير..
داليدا وقفت وهيا بصاله وقالت: طيب وديني لاخر الشارع دا؟
حازم هز راسه بالموافقه وفتحلها الباب وقال:طيب اركبي..
داليدا ركبت جمبة وهيا بتحط ايديها علي بطنها لأنها بتوجعها وهو لما لاحظها قال باستغراب:شكلك حامل!
داليدا فتحت عينيها من الصدمة وهيا بتقول باستغراب:أفندم؟
حازم بصلها وقال:اي دا يعني مش حامل..
داليدا اخدت نفس طويل وهيا بتبصله وبتقول:ممكن متتكلمش معايا علشان انا مش طايقة اي حد خالص خصوصا لو كان راجل..؟
حازم بابتسامة:ياه دا شكل الموضوع كبير احكي احكي انا سامعك..
داليدا ضغطت علي ايديها بغيظ ولفت وشها وهيا بتبص علي الطريق وهوا ضحك علي حركتها وقال:خلاص متزعليش دنتي قفوشه اوي يا داليدا؟
داليدا بصتله باستغراب وقالت:انت عارف اسمي منين' حازم هز راسه وقال:من وقت مكنتي عند شريهان وعرفتني عليكي!
داليدا هزت راسها وقالت:طيب متعرفهاش انك شوفتني بق!
حازم ضحك وقال:ليه خايفة تعرف انك حامل..
داليدا صرخت في وشه بضيق وقالت:حامل ايه انت كمان اسمع بق لو هتفضل تهزر كتير يبق تنزلني احسن..
حازم ضحك وهز راسه بمعني انه مش هيتكلم تاني وبعد شويه اتكلم و قال:طيب قوليلي عنوانك فين ومتقلقيش مش هقولها حاجة !
داليدا بلعت ريقها وقالت:طيب .
قالتله علي عنوان شقتها وسندت بضهرها علي الكرسي وهيا بتفكر هتعمل ايه في الكارثة اللي وقعت فيها ..
حازم كان متابعها طول الطريق واول ما وصلوا عند العماره قال:هي دي العمارة..
داليدا انتبهت ليه وبصت علي العمارة وهزت راسها وبعدها بصتله وقالت:شكرا !
حازم هز راسه وهيا اخدت شنطتها ونزلت وهو فضل مكانه لحدما هيا دخلت وبعدها اتحرك…’
تاني يوم الصبح صحيت داليدا وهيا حاسة بصداع شديد في دماغها قامت من علي السرير وهيا بتشجع نفسها علشان متكسلش وتروح للمستشفي ولاكنها وهيا ماشيه بتبص علي طريقتها لقت ان رجليها مفتوحة شويه عن العادة قالت باستغراب:يا حلاوة ابتدينا !!!
دخلت للحمام غسلت وشها ورقبتها وبعدها خرجت قعدت في الصالون وهيا بتبص علي التلفزيون مسكت الريموت وشغلته وهيا بتسند ضهرها وبتقول:هتعملي ايه يا بنت يوسف في المصيبه اللي وقعتي فيها ..؟
تيلفونها رن وهيا اول ما انتبهت للصوت قامت ودخلت اوضتها ومسكته وهيا بتبص علي اسم المتصل وبتقول بهمس دنيا .. فتحت عليها وقالت:صباح الخير يا دنيا !!
دنيا بابتسامة:صباح النور يا أحلي دكتورة قوليلي هتعملي ايه النهاردة..
داليدا باستغراب:هعمل ايه في ايه مش فاهمة..
دنيا ضحكت وهيا بتقول: مش احنا متفقين نخرج النهاردة ..
داليدا ضمت حاجبها وهيا بتبص في التاريخ وبتشوف النهاردة ايه قالت بعدما لقت انه الجمعه قالت :امممم طيب بقولك ايه انا تعبانة النهاردة ومش هعرف اخرج تعالي انتي عندي وخلاص..!
دنيا هزت راسها وقالت:ألف سلامه عليكي يا روحي .
داليدا ردت عليها وقالت:الله ي سلمك يا حبيبتي .
دنيا قالت بحماس :طيب ماشي انا هقوم اجهز واجيلك علشان نقضي اليوم كده من اولة وعلشان برضوا عندي كلام كتير عايزة أقولك عليه ..
داليدا هزت راسها بالموافقة وقالت: طيب ماشي بس ابقي هاتيلي اكل وانتي جايه علشان مكسلة اقوم اطبخ..”
دنيا:طيب متقلقيش انا هظبت الجو.
داليدا ابتسمت وقالت:طيب يلا اقفلي بق علشان انام شويه على ما تيجي..
دنيا ضحكت وهزت راسها وقفلت معاها..
داليدا حطت التيلفون علي السرير وهيا بتلم شعرها وقررت انها هتقعد ترتاح لحدما دنيا توصل وتعرفها بكل حاجة ويشوفوا حل مع بعض..!
وفي قصر الصاوي كان رشاد قاعد بيفطر وقاعد قدامه عمار اللي بياكل وهوا ساكت..
رشاد بتساؤل:قولت ايه!
عمار ضم حاجبة بإستغراب وقال:قولت ايه في ايه؟
رشاد ضحك وهو بيقول:دنتا تايه خالص هو انت لسا بتفكر فيها ولا ايه!
عمار بصله بغضب وهوا هز راسه وقال:طيب انا قصدي يعني قولت ايه في الكلام اللي قولتهولك امبارح بخصوص دنيا ..
عمار ضم عينيه بتذكر وقال: ايوا مالها دنيا..
رشاد كتم ضحكته وقال:كويسه بس انا كنت عايز اطلب ايديها وانت اخويا الكبير وطبعا لازم تيجي معايا..؟
عمار هز راسه وقال: امم طيب خليها تاخد ميعاد مع ابوها وانا معنديش مشكله !
رشاد هز راسه وقال:طيب انا هبق اكلمها النهاردة واقولها،
عمار هز راسه وبعدها وقف وهو بيقول:انا رايح المخزن عندنا عمليه كبيرة النهاردة..
رشاد بصله بانتباه وقال:طيب استني اجي معاك.
عمار هز راسه بالرفض وقال:لا خليك انا بس هأكد عليهم كل حاجة وهرجع تاني!
رشاد هز راسه وعمار مشي !
وعند دنيا كانت لبست وخرجت من البيت وهيا بتقول:ماما انا رايحة لداليدا وجميلة لما تصحي وتسال عليا عرفيها اني في مشوار !
مامتها هزت راسها وقالت:طيب يا حبيبي ابقي سلميلي عليها !
دنيا ابتسمت وهزت راسها وقالت:يوصل يلا مع السلامة. مامتها هزت راسها ودنيا خرجت من البيت..و قربت من مطعم قريب من بيتها وطلبت سندوتشات للفطار وبعدها راحت السوبر ماركت جابت منه شوية سناكس وعصاير وركبت تاكسي وراحت لبيت داليدا !!
في عربية عمار كان سايق وهو مش مركز لانه بقاله يومين منامش فوقف العربية وهو بيسند راسه علي الكرسي بتعب واول ما غمض عينيه صورة داليدا وهيا بتعيط ظهرت قدامة..
فتح عينيه بقلق وهو بيبص حواليه ولقي انه في شارع جانبي مسح علي وشه بضيق وبعدها شغل العربية واتحرك بيها للمخزن ..!
وفي بيت داليدا صحيت علي صوت رن الجرس قامت وهيا بتسند علي ضهرها بتعب وبتقرب من الباب علشان تفتحة..
دنيا اول ماشافتها وكان واضح عليها الارهاق قالت بقلق: دودو انتي كويسة!
داليدا هزت راسها ودنيا دخلت وقفلت الباب وراها.
دنيا بقلق:شكلك مش بخير خالص في ايه..
داليدا قعدت جمبها وهيا بتسند راسها علي كتفها وبتقول بحزن: قولي مفيش ايه انا في كارثة؟
دنيا بصتلها بإنتباه وقالت:كارثة ايه قولي وإن شاء الله متكونش كبيرة..
داليدا حركت راسها بلأ وقالت: لا كبيرة بس قبل ما هقولك عليها لازم توعديني ان مهما يحصل محدش يعرف بالكلام دا!
دنيا ازداد الشك في قلبها فقالت بجدية:أوعدك يا داليدا إن مهما يحصل الكلام اللي هتقوليه مش هيطلع لحد ابدا..!
داليدا ابتسمت وهيا بتبعد عنها وبتقول:أنا حامل من عمار ..
دنيا فضلت بصالها من غير ما تتحرك وداليدا من خوفها ضربتها بالقلم وقالت:دنيا انتي مُتي.
دنيا انتبهت ليها وقالت بصدمة:إنتي قولتي ايه..
داليدا بصتلها وهيا بتقول:لسا عارفة إمبارح طلعت حامل بقالي شهرين واسبوع..
دنيا ابتسمت وقالت:الف مبروك يا داليدا دا خبر كويس جدا..
داليدا هزت راسها بالرفض وقالت:بالعكس دا خبر سئ جدا انا بقولك من عمار فاهمة يعني ايه عمار..
دنيا سكتت وداليدا كملت كلامها وقالت: بعد كل اللي حكتهولك والتجربة اللي مريت بيها معاه وتقوليلي خبر حلو..
دنيا هزت راسها بحزن وقالت:انا اسفة يا داليدا مش قصدي بس انتي هتعملي ايه..
داليدا حركت راسها وهيا بتقول:مش عارفة يا دنيا الدكتور بيقول مينفعش ينزل علشان ثبت ولو نزل انا هتآذي ..
دنيا فتحت عينيها وقالت بتساؤل:يعني هتسيبيه..؟
داليدا هزت راسها وقالت:مفيش قدامي حل تاني بس مش عارفة هسيبة ازاي ومحدش يعرف اني كنت متجوزه أصلا..!
دنيا هزت راسها وهي بتفكر وقالت:بسيطة بما انك هتسيبيه وفي نفس الوقت مش عايزة عمار يعرف او اي حد عمتا يعني يبق الحل الوحيد انك تتجوزي..
داليدا هزت راسها بالرفض وقالت:مينفعش يا دنيا مينفعش وبعدين اتجوز مين انتي فاكراة ان حد هيصدقني اصلا لو قلتلهم اني كنت متجوزه قبل كدة وان اللي في بطني دا ابن جوزي وانا حتي معيش اللي يثبت ان كلامي حقيقي ..
دنيا بتفكير :طيب هتعملي ايه ..
داليدا قالت وهيا بتبص علي الارض بتفكير:هسيب القاهرة!!
دنيا شهقت بخضة وهيا بتقول: تسيبي القاهرة؟؟؟؟ هتسيبي القاهرة وتروحي فين ..!
داليدا بصتلها بتفكير وقالت: اي مكان الاسكندرية مثلا هروح هناك وابدأ حياة جديدة ولو ربنا كرمني وخلفت هربي ابني او بنتي زي ما يجي ونعيش هناك وننسي كل حاجة مريت بيها..!
دنيا هزت راسها برفض وقالت:لا يا داليدا انا شايفة انك تعرفي عمار انك حامل وهو يردك تاني وخلاص..
داليدا وقفت وهيا بتبصلها برفض وقالت:عمار مش لازم يعرف اني حامل ولا اي مخلوق علي وجه الارض لازم يعرف انا معايا قرشين محوشاهم من وقت ما اشتغلت في المستشفي اقدر اروح هناك وابدا بيهم حياة جديدة بس قبل ما همشي هسيب معاكي سري ودا هيكون مقابل حياتي يا دنيا..
🥰🥰🥰💪
#الفصل_19
#تحت_أمر_الحب
#الكاتبة_شيماء_صبحي
قبل ما همشي هسيب معاكي سري ودا هيكون مقابل حياتي يا دنيا..
دنيا بصتلها وهيا حزينه لانها مش هتقدر تشيل سر كبير زي دا وبالذات لانها عارفة ان قريب جدا هتكون عايشة معاهم ف مش عارفة ازاي هتحط عينيها في عينيهم وهيا مخبيه عليهم حاجة زي دي ..
داليدا كانت باصة علي دنيا ومستنيه ردها وقالت:ها قولتي اي؟
دنيا بلعت ريقها وهي بتهز راسها وبتقول:موافقة !!
داليدا ابتسمت وهيا بتفتح كيس الأكل بجوع وبتقول:تعرفي اني مأكلتش حاجة من امبارح..
دنيا بصتلها وهيا بتهز راسها وبتقول وهيا بتحاول متبينش حزنها : لا لازم تاكلي كويس من النهاردة علشان صحة البيبي..!
داليدا هزت راسها ودنيا قعدت جمبها وبدأت تاكل معاها وداليدا كانت بتتعامل معاها عادي بعدما قالت كل اللي في قلبها.
وبداخل المخزن اللي فيه البضاعة اللي هتتسلم .
عمار بص للكبير بتاع رجالته وقال:بقولك ايه يا علي بعدما تخلصوا تسليم البضاعه خلي الرجالة يختفوا يومين كده لحدما الأمور تهدي!
علي هز راسه بطاعه وقال بإحترام:أوامرك يا عمار باشا..
عمار هز راسه بتعب وهو بيقول:طيب انا همشي انا وانت خليك علي تواصل معايا…
علي هز راسه وهو بيبص لعمار بقلق وبيقول:انت كويس يا باشا !
عمار هز راسه وقال:ايوا..
مشي خطوتين وحس فجأة بوجع شديد في راسه
وقف وهو ساند بدراعه علي الجدار وبعدما الوجع هدي شويه خرج من المخزن ركب عربيته واتحرك بيها للقصر..
وفي القصر كان رشاد قاعد بيبص علي صورته مع جميلة بنت اخت دنيا وهو مبسوط لانه لما زارهم الشهر اللي فات علشان يتعرف علي اهل دنيا قابل جميلة وكانت بنت لطيفة وخطفت قلبه..
قلب رشاد الصورة وظهرت صورة لدنيا وهيا بتقدملة العصير ..كان اخدلها الصورة دي من غير متاخد بالها لان شكلها كان جميل وقتها وخطف قلبه..
ابتسم وهو بيقول بهمس:مش عارف خطفتي قلبي امتي وازاي بس اللي انا متاكد منه اني بكون مبسوط وانا معاكي..؟
رشاد قرر يتصل بيها فيديو علشان يشوفها لانها وحشاه وكان مقرر يعرفها انه هيجي هو وعمار ويطلبوا ايديها ..
اتصل عليها وكان مستني ردها ..
وعند دنيا وداليدا.
دنيا هزت راسها وهيا بصة لداليدا اللي بتاكل وقالت:خلصي بق يا داليدا عايزين نتكلم..
داليدا هزت راسها وهيا بتحط علبة العصير علي الطرابيزه وبتقول:مش عارفة ايه اللي بيحصلي فجأة كدة بقيت مبشبعش وعايزة أكل أكتر..
دنيا ضحكت علي كلامها ولاكنها رجعت بصتلها بجديه وقالت:عايزه أعرف هتعملي ايه !
داليدا هزت راسها وهيا بتقول:اول حاجة هروح لدكتور عصام وابلغة ان أهل امي اللي من المنيا اتواصلوا معايا ولما عرفتهم ان زين سافر طلبوا مني اروح اعيش معاهم بدل منا عايشة لوحدي..
دنيا هزت راسها وهيا بتبصلها وبتقول:وانتي تفتكري انه هيصدق كلامك..
داليدا هزت راسها وقالت:ايوا طبعا دكتور عصام بيثق فيا..
دنيا هزت راسها وداليدا كملت كلامها وقالت:وبعدها بق هجهز شنطة كويسة احط فيها الهدوم اللي هحتاجها وبعدها اسافر علي اسكندريه وأجر شقة مفروشة هناك علي اما اشوفلي سكن تاني واجيب فيه الحجات اللي هحتاجها..
دنيا مكنش عاجبها قرار داليدا فقالت :داليدا انتي متأكدة من اللي هتعمليه دا ..
داليدا هزت راسها وقالت:ايوا متاكده ودا الصح.
دنيا هزت راسها برفض وقالت :يعني عايزة تفهميني انك محبتيش عمار او حتي مشاعرك اتحركت ليه..
داليدا بصتلها وهيا بتفكر في كلامها وافتكرت عمار لما كان بيقرب منها وهيا كانت بتوه في عينيه ولاكنها لما افتكرت انه كان بيستغلها وبيهددها ضمت حواجبها وقالت برفض:لا محبتهوش..
دنيا كانت هتكمل كلامها وترد عليها ولاكنها لقت تيلفونها بيرن وكان رشاد؟؟
..
بصت لداليدا وقالت:دا رشاد ..
داليدا ابتسمت وهيا بتقول:ردي عليه .
دنيا هزت راسها وهيا بتفتح المكالمه وبتشوف رشاد اللي كان مبتسم وبيقول: مساء الاناناس هتيجي ولا خايفة من الناس ..
داليدا ضحكت علي كلامه لانها كانت سمعاه ودنيا خدودها احمرت وهيا بتقول بخجل:احم داليدا قاعدة جمبي..
عمار بصلها بصدمة ومسك التيلفون كويس وهو بيقول:بجد طيب سلميلي عليها..
دنيا من خجلها ادت التيلفون لداليدا واول ما داليدا شافت رشاد علي التيلفون قالت بتوتر:ازيك يا رشاد عامل ايه..
رشاد ابتسم وهز راسه وهو بيقول:الحمد لله بخير طمنيني عليكي انتي عاملة ايه..
داليدا ابتسمت وهيا بتقول:بخير الحمد لله ..
رشاد ابتسم وهو بيقول:يارب دايما..
داليدا حركت راسها وهيا بتبص لدنيا بغيظ ودنيا اخدت التيلفون منها وقالت:احم في حاجة حصلت ولا ايه..
رشاد حرك راسه بالرفض وقال:لا مفيش بس كنت عايز اقولك خدي ميعاد مع مامتك علشان هنيجي انا وعمار نزوركم!!
دنيا فتحت عينيها من الصدمة وبصت لداليدا والفرحة باينه في عينيها وداليدا ابتسمتلها وهيا بتشاورلها ترد عليه ودنيا لما انتبهت لنفسها بصتله بخجل وقالت:تمام ..
رشاد هز راسه بابتسامه وهوا بيرميلها بوسه علي الهوا وهيا ضحكت علي حركته لانه عملها وهو بيبرقلها علشان يتاكد ان داليدا مشافتوش
رشاد بجديه :انا هقفل بق علشان الاحراج دا.
دنيا هزت راسها وهيا مبتسمه ولاكن قبل ما رشاد يقفل فجاه قام وهو بيصرخ باسم عمار وبيقول:عماااار..
داليدا انتبهت للصوت وبصت في التيلفون بسرعه وبتقول وهيا بتسأل دنيا: في ايه.
دنيا باستغراب :مش عارفه فجاه قام ..
كان التيلفون في ايد رشاد بيتحرك بعشوائية ولاكنه لما وقف كان جايب شكل عمار اللي واقع علي الارض ومغمي عليه وكان صوت رشاد اللي بيخبط علي خده وهو بينادي عليه واول مانتبه للتيلفون قال بقلق:داليدا تعالي بسرعه شوفيه ..
داليدا بصتله باستغراب ودنيا هزت راسها وقالت: طيب احنا جايين في الطريق ..
داليدا بصتلها بصدمة ودنيا قفلت المكالمة وهي بتبص لداليدا وبتقول:يلا يا داليدا مفيش وقت..
داليدا هزت راسها بالرفض وقالت:اروح فين انتي مجنونه ..
دنيا بصتلها وهيا بتقول برجاء:علشان خاطري انا يا داليدا دا شكلة تعبان فعلا خلينا نروح ولو مش علشاني علشان خاطر رشاد دا ملوش غيرة..
داليدا فضلت بصالها وهي بتفكر ف كلامها لحدما وقفت وهيا بتقول: طيب هدخل اغير هدومي..
دنيا هزت راسها وقالت:وانا هنزل اوقف اي تاكسي يوصلنا..
داليدا دخلت اوضتها بسرعه وهيا متوتره لانها مكنتش متوقعه ان دا يحصل ولاكن مجبرة علشان خاطر رشاد ..
دنيا نزلت بسرعه وهيا بتدور علي اي عربية توصلهم ولاكنها ملقتش فكان سيد داخل العمارة ولما شافها قال بتساؤل:محتاجة مساعده يا انسة..
دنيا هزت راسها وقالت:تاكسي محتاجة اي تاكسي بسرعه.
سيد هز راسه وقال: بس كدة ثواني ويكون عندك..
دنيا هزت راسها وهيا قلقانه وسيد مشي بعيد عن المكان ورجع بعد دقايق وهو معاه تاكسي..
دنيا طلبت من السواق يستني لحدما هيا تجيله وطلعت بسرعه لشقة داليدا اللي كانت بتربط رباط جزمتها ..دنيا قربت منها وساعدتها وبعدها قالت:يلا بينا التاكسي تحت..
داليدا هزت راسها واخدت شنطتها وخرجت وقفلوا الباب كويس وبعدها نزلوا وركبوا التاكسي..
كان سيد واقف بيتابعهم لحدما شاف داليدا اللي نازله وكان واضح عليها التعب جري عليهم بسرعه وهو بيقول بقلق: داليدا انتي كويسه..
داليدا بصت عليه باستغراب وقالت:ايوا كويسه بتسأل ليه..
دنيا بصت لسيد وقالت:انا متشكرة جدا انك ساعدتنا بس احنا مستعجلين ولازم نمشي..
داليدا فهمت ان هو اللي جابلهم التاكسي فبصتله وقالت:انا بخير يا سيد متقلقش ولاكن عندنا مشوار مستعجل..
سيد هز راسه ودنيا شاورت لسواق التاكسي يتحرك وبعد وقت كان خرج من المنطقة..
في القصر كل الخدم انتبهوا لصوت رشاد العالي فقربوا منه بقلق وهما بيقولوا: محتاج مساعدة يا رشاد باشا..
رشاد هز راسه وقال:ايوا ساعدوني اطلع عمار باشا لأوضته.
الخدم قربوا من عمار وساندوه مع رشاد وطلعوه لأوضته بعد معناه لان عمار جسمة تقيل وغير انه كان فاقد للوعي..
التاكسي وقف قدام القصر خرجت دنيا مبلغ من شنتطها وادتهوله وبعدها مسكت ايد داليدا وخرجوا..!
داليدا كانت بتبص علي القصر وهيا خايفة لانها مش عارفة اللي كانت بتعملة دا صح ولا غلط .دنيا قربت من الحرس وقالت:الدكتورة داليدا مرات عمار باشا..
داليدا بصتلها بضيق والحارس ابتسم وهو بيقول:طبعا يا انسه الدكتورة غنية عن التعريف..
دنيا ابتسمت ومسكت ايد داليدا ودخلوا للقصر وكان احد الخدم في استقبالهم وقال:رشاد باشا منتظركم في جناح عمار بيه..
دنيا هزت راسها وقالت:ممكن تاخدنا ليه.
الشاب هز راسه ومشي وهما اتحركوا وراه وبعدما وصلوا للجناح داليدا وقفت وهي بتبص لدنيا برفض وبتقول:اللي انا بعملة دا مش صح..
دنيا هزت راسها وقالت:لا يا داليدا انتي بتنفذي روح ودا ملوش علاقة باي حاجة تانيه حصلت..
داليدا بضيق:وهو مفيش دكتورة في البلد دي غيري..
رشاد فتح الباب وقال:انا اسف يا داليدا بس مكنش قدامي غيرك..
داليدا بصتله وسكتت وهو قال:ارجوكي شوفيه هو فجاه وقع من طولة مش عارف ايه السبب.
دنيا مسكتها من ايديها وهيا بتهزها وبتقول:ادخلي يا داليدا علشان خاطري..
داليدا وقفت تبصلهم شويه وبعدها هزت راسها ودخلت للغرفة وكان عمار نايم علي السرير وكان واضح انه مش في وعية فعلا..
قربت منه وهيا بتبص لملامحة وبتفتكر قد ايه كان قاسي عليها اخر مره فدموعها نزلت وهيا بتقول:مكنتش اتوقع اني احمل منك بس للأسف كله كان غصب عني..
قالت كلامها وهيا بصاله بحزن ولاكنها لما انتبهت لنفسها مسحت دموعها اللي نزلت وقربت من شنطتها وفتحها علي السرير الضخم واخدت منها جهاز قياس الضغط وقربت عليه وهيا بتقيسله الضغط وبعدما لقت ان ضغطة واطي خرجت حقنه من شنطتها وادتهاله في الوريد وهيا بصاله وساكته وكان عيونها اللي بتعاتبه …
عدي دقايق وكان رشاد واقف برا مع دنيا وهو بيقول:داليدا اتاخرت ليه..!
دنيا بصت علي الباب بتفكير وهزت راسها ورشاد كان هيدخل فدنيا مسكت ايديه وقالت:استني يا رشاد لما هيا تخرج الأول وتطمنا..؟
رشاد بصلها وهيا هزت راسها بمعني يسمع كلامها وهو هز راسه ووقف جمبها تاني..
وفي الجناح كانت داليدا لسا واقفه مكانها وهيا بصاله وساكته لحدما عمار بدأ يستجيب مع العلاج ويفتح عينيه ببطئ واول حاجة شافها كان جسم داليدا اللي واقفه قدامة وبتبص عليه قال بتعب: داليدا انتي جيتي..
داليدا انتبهت ليه وبصتله لقته مفتح عينيه ولاكنه مكنش لسا فاق ،هزت راسها بضيق وقالت بتساؤل :وهو انت كنت مستنيني ولا ايه.. ؟
عمار ضحك وهو بيهز راسه وبيقول:انتي كل يوم بتيجي ومش بتفارقي عقلي بس مش عارف ليه ..!
داليدا استغربت كلامه وبصتله وهيا بتسمع بقيت كلامه وهو قال: انا مكنتش عايز اقولك كده بس انتي اذتيني زي مهيا عملت بالظبط ..
داليدا ضمت حاجبها بتساؤل وقالت: وهيا مين اللي آذتك.
عمار بان علي ملامحة الحزن وقال: شبهك بالظبط نفس الملامح بس انتي اجمل منها بكتير.
داليدا حست بقلبها بينبض أول ماسمعت كلامه فقررت تكمل كلامها معاه وقالت وهيا بتتجاوب معاه : بس انا معرفش هيا مين اللي انا شبهها دي؟؟.
عمار غمض عينيه وهو بيقول باستغراب:بس انتي ازاي بتتكلمي .
داليدا مردتش عليه وهو قال: كل مره بتيجي بتفضلي تبصلي وانتي بتعيطي بس عمرك متكلمتي ..
قربت منه وهيا بتبص لعينيه اللي كانت مليانه بالدموع وقالت: لاني حقيقية ياعمار مش مجرد خيال ..
عمار ضحك علي كلامها وكانه مش مصدقها وقال:اتمني انك تكوني حقيقية ياداليدا بس مش هينفع..
_وليه بق ان شاء الله.. قالتها بغيظ وهيا ضمة ايديها لصدرها وهو رفع ايديه علي وشها القريب منه ولمس خدها وقال:علشان انا آذيتك وانا عارف انك قوية ومش هترضي تقربي مني تاني ..
داليدا عجبها كلامه عنها وقالت:يعني انت شايفني قوية..
عمار هز راسه وقال:من اول مره شوفتك فيها ..
رشاد خبط علي الباب وداليدا اتخضت وبصت لعمار اللي لامس خدها بصدمه شالت ايديه من علي وشها بغضب وقربت من شنطتها وقفلتها واتحركت علي الباب وفتحته..
رشاد بصلها بقلق وقال:عمار ماله طمنيني عليه..
داليدا بصتله ببرود وقالت:كويس بس كان ضغطة واطي شويه وانا اديتله حقنه هتخليه يفوق..
رشاد هز راسه وقال:طيب هو فاق ولا لسا.
داليدا بصت لدنيا ورجعت بصت لرشاد وقالت:مش اوي هوا فتح عينيه بس ولاكن لسا مفقش تماما بس هيكون بخير لما مفعول الحقنه يشتغل..
رشاد هز راسه وقرب علي عمار اللي كان مبتسم وكان فعلا مش في وعيه .
حط ايديه علي دماغه بحب وقال:قلقتني عليك ..
عمار غمض عينيه ووقتها نزلت الدموع المحبوسه في عينيه ورشاد لما انتبه ليها مسحها بحنيه وقال بهمس:اكيد حسيت بيها..!
عمار نام تاني ورشاد قام وهو بيغطيه وبعدها خرج وهو بيبص لداليدا ودنيا وبيقول:شكرا علي وقفتكم معانا..
دنيا ابتسمت وداليدا هزت راسها وقالت: انا لازم امشي..
رشاد بص لداليدا وقال:استني يا داليدا انا عاوز اتكلم معاكي ضروري..
🎁
#الفصل_20
#تحت_أمر_الحب
#الكاتبة_شيماء_صبحي
رشاد بصلها وقال بلهفة:استني يا داليدا انا عاوز اتكلم معاكي ضروري..
داليدا هزت راسها وقالت: لو الكلام دا عن علاقتي انا وعمار انا متأسفة..
رشاد بص لدنيا ورجع بصلها وقال: خلينا بس نخرج في الجنينيه ونتكلم براحتنا ..
داليدا هزت راسها ونزلت ورشاد نزل وراها ودنيا فضلت واقفه مكانها مش عارفه تعمل ايه فقررت تنزل تقعد في الصالون تستناهم لحدما يخلصوا كلامهم…
رشاد وقف وهو باصص لداليدا وبيقول:انا عرفت كل حاجة حصلت وعرفت انك ضربتيه بسك..ينه في دراعه..
داليدا بصتله بتوتر وقالت:هو مكنش بسك..ينه كان بمشرط بس انا مكنش قصدي اعمل كده هو اللي ضغطتني !!
رشاد هز راسه و قال: دا مش موضوعنا يا داليدا بس انا عايز اعرفك برضوا ان عمار مقاليش حاجة عن اللي خصلتك بينكم ولاكن انا لما شوفت الجرح اللي في دراعه فهمت ان حصلت خناقه وانتي اذيتيه!!
داليدا اتنهدت بضيق واخدت نفس علشان تشرحلة ان كل اللي حصل كان غصب عنها ولاكن رشاد مدلهاش فرصة واتكلم علي طول وقال..:
:عمار لما قالي انه هيطلقك انا استغربت ولاكن لما شوفت الجرح اللي في دراعه فهمت علي طول ولاكن مكنتش اتوقع فعلا ان دا يحصل منك..
داليدا استغربت كلامه فهزت راسها وقالت:وايه الغريب بق في الموضوع دا شئ طبيعي يحصل مني بعد اللي سمعته منه ؟؟ .
رشاد هز راسه بحزن وقال: انا متأكد ان عمار جرحك بالكلام بس برضوا عايز افهمك ان كل اللي حصل منه دا بسبب قصة طويلة .. بس ملخصها ان الله يسامحها كانت بتآذي عمار بنفس الطريقه اللي انتي عور"تي بيها عمار في دراعة ..!
داليدا بصتله وهيا بتهز راسها بمعني انها مش فاهمه قصده !!! رشاد هز راسه وقال: انا مش عارف اللي هقوله دا هيغير حاجة في علاقتكم ولا لأ بس انا هعمل كده علشان خاطر اخويا..
داليدا هزت راسها وهوا أخد نفس طويل وقال: انتي فيكي شبة من والدتي جدا يا داليدا ويمكن دا اللي خلي عمار يتجوزك..؟
داليدا افتكرت كلام عمار عنها لما قال انها شبه واحده وهيا وقتها مفهمتش يقصد مين ولاكن من كلام رشاد دلوقت قدرت تفهم كل حاجة ! هزت راسها وقالت: طيب مين اللي كانت بتآذيه .. ..
رشاد بصلها وهو بيتنهد وبيقول بحزن : أمي؟
داليدا بصتله بصدمة وهو كمل كلامة وقال: ابويا وأمي كانوا دكاترة امي كان اسمها منال ولاكنها كانت دكتورة فاشلة عكس والدي اللي كان دكتور ناجح والكل بيشكر فيه .. كانوا الاتنين فاتحين عيادة مع بعض في نفس التخصص ولأن ابويا كان معروف كان الكل دايما بيسأل عنه وهيا مكنش حد بيروحلها ابدا ف زي متقولي كده كانت بتغير منه وبسبب فشلها دا كانت كل يوم بتتخانق مع ابويا وكان وقتها معاهم عمار اخويا بس وكانت كل ما تحصل بينهم مشكله كانت بتضرب عمار كانه هو السبب في كل اللي بيحصل وابويا لما كان يعرف انها بتطلع غضبها في طفل زي دا، كان بيتخانق معاها ويسبلها البيت بالاسبوع وميسألش عليها ولا علي عمار ،
و لحدما جدي والد أمي اتدخل وطلب ان امي تسيب شغلها في العيادة وتهتم ببيتها أكتر لان بوجودها في العياده المشاكل بتزيد مش بتقل وكتر الخناق هيخرب بيتها وهو مش هيسمح بكده..
وهيا علشان بتخاف من جدي اوي سمعت كلامه وسابت شغلها في العيادة واهتمت بالبيت أكتر… وبعد شهور مش كتير حملت فيا وخلفتني ولاكن في الفترة دي كانت المشاكل كانت بتذيد كل يوم بشكل متكرر وطبعا في كل مره امي وابويا بيتخانقوا كانت بتضرب عمار زي متقولي كده بتطلع غضبها عليه ، لحدما انا كبرت ووصلت لسن خمس سنين وبدات افهم كل حاجة بتحصل حواليا كنت بشوفها كل يوم وهيا من غضبها بتعو..رة بالمشرط كإنتقام من والدي لان عمار شبهه أكتر منها…
ولما عمار اخويا وقع منها في يوم وكان بيموت فاقت لنفسها وجريت بيه علي المستشفي ولما سألوها هناك مين اللي عمل فيه كده اعترفت علي نفسها ووقتها اتعرضت للمحاكمه واتسجنت اربع سنين ولما عمار فاق وعرف اللي حصل انهار لانه رغم كل اللي كانت بتعمله معاه الا انه كان متعلق بيها وبيحبها وكان شايف ان كل اللي حصلها دا كان غصب عنها وانها مضغوطة ..
ابويا كان رافض تعلق عمار بيها وقرر ياخدنا ونسافر كلنا برا مصر لان جتله فرصة عمل كويسه في الخليج..وطبعا طلق امي وعيشنا خمس سنين في الخليج وكنت وقتها اتعلقت بعمار اخويا جدا لانه كان دايما بيحميني من كل الناس اللي حواليا رغم اني كنت معظم الوقت بتضايق منه الا انه لحد دلوقت بيحميني ..
داليدا دموعها نزلت غصب عنها اول ماسمعت كلامة عن معناة عمار وقد ايه كان بيستحمل حجات مفيش شخص بالغ يستحملها.، رشاد دموعه نزلت فمسحها بسرعه وقال:انا مش عارف ليه حكيتلك حاجة زي كده ياداليدا بس انا لو مش عارف اخويا مكنتش قولتلك حاجة.
.
داليدا هزت راسها وهو قال: امي ماتت وعمار في سن ال١٧ وقتها جالنا الخبر واحنا في الخليج كنا عرفنا الخبر من خالتي كوثر وطبعا لاننا مش في مصر كان الوضع صعب جدا علينا وبالزات عمار اللي مكنتش مستوعب موتها و فضل يزن علي ابويا ننزل مصر لحدما ابويا وافق وقرر ينزلنا مصر واول ما رجعنا لابلدنا روحنا علي طول الصعيد !!
انا كان بالنسبالي خبر موتها عادي لاني كنت شايف انها متستحقش اني ازعل علشانها ولاكن عمار كان العكس تماما زعل عليها لدرجة انه قرر يدفنها بنفسه ومن وقتها قرر ميسافرش تاني ونفضل انا وهو في مصر ..
داليدا اخدت نفسها بثقل وقالت: هو عمار اتجوزتي علشان ايه ..
رشاد قال :بصي يا داليدا انا عمري ماشوفته بيهتم بحد غيري..زي منتي شوفتي بنفسك بس لما حكالي عنك وقد ايه انك شبة والدتي انا قولت ان عمار هيعمل اي حاجة مقابل انه يتجوزك بس مكنتش فاهم ليه هوا بيعمل كده في نفسه وانه ازاي لسا متعلق بيها رغم كل اللي حصل منها بس هوا كان متاكد انك مش شبهها يعني انتي بشخصيه مختلفة وبأسم مختلف وبمكان مختلف ،
كان شايفك افضل منها بكتيير بس لحدما انتي عورتية بالمشرط شريط زكرياته المؤلمة ظهر قدامه من تاني وكان شايفك امي نظراتك وكلامك حتي صوتك بق شبهها..
داليدا اتنهدت وهيا بتقول:يعني افهم من كلامك انه اتجوزني لاني شبه والدتك بس مش اكتر..
رشاد سكت لما سمع كلامها وهيا هزت راسها بتفهم وقالت: انا مش عارفة أقولك ايه بس انا مقدرة كل حاجة انت او هوا مريتوا بيها بس مدام هوا شافني زي امه اللي اذته ف الاحسن اني ابعد عنه ..
رشاد اتصدم من كلامها ومسك ايديها وقال:انا مش قصدي كده يا داليدا انا حكيتلك اللي حصل معاه ولاكن اعتقد انه حبك بشخصيتك انتي لانك مختلفة عنها بكتير ..
داليدا هزت راسها وقالت بتساؤل:طيب انت عايزني اعمل ايه دلوقت وليه بتقولي الكلام دا !
رشاد اتنهد بحزن وقال:علشان عاوزك ترجعيله تاني يا داليدا وتقفي جمبه وتحاولي تغيريه للاحسن صدقيني هوا مش وحش وعمره مآذي حد ..
داليدا حركت راسها وقالت بغضب:عمره مآذي حد ازاي وهو آذاني انا مليش ذنب في اللي حصلة كل الحكاية انها صدفة وانتهت بس هوا مش قادر يفهم دا قالي اني لو متجوزتوش هيآذي اللي حواليا مش فاهمة كان مفهمني ان في ناس تانيه هتآذيني ليه رغم ان هو الوحيد اللي كان بيآديني؟
رشاد حرك راسه وقال بحزن :يعني افهم من كلامك انك مش هترجعي لعمار..
داليدا حركت راسها وقالت:اكيد مش هرجع وبعدين انا اسمي داليدا يوسف مش امه علشان يطلع عقدة عليا وعلي فكرة يا رشاد مش هو بس اللي عاني في حياته انا كمان عانيت بس عمري مآذيت حد فعلا..
داليدا قالت كلامها وهيا بتبلع غصه ثقيله في حلقها ..مشيت من قدامة بسرعه كبيره كانها بتحاول الهروب من ماضيها المؤلم وأول ما دنيا شافتها جريت عليها وقالت بقلق:انتي كويسه.
داليدا هزت راسها وقالت:ايوا بس انا لازم امشي من هنا ..
دنيا هزت راسها وقالت:طيب انا هاجي معاكي.
داليدا برفض:لا يا دنيا خليكي مع رشاد يمكن يحتاجوا حاجه..
دنيا هزت راسها بالموافقه وداليدا خرجت من القصر ووقفت تاكسي وركبت فيه..
دنيا قربت من رشاد بقلق وقالت:ايه اللي حصل وليه داليدا زعلانه بالشكل دا؟
رشاد هز راسه بقلة حيلة وقال:خلاص يا دنيا انا حاولت اعمل حاجة كويسه بس فشلت..
دنيا بتساؤل :ليه؟؟
رشاد:بعدما سمعت معناته اللي عاشها رفضت ترجعله تاني ..
دنيا هزت راسها بتفهم وقالت:طبيعي يا رشاد انها ترفض ترجعلة !
رشاد ضم حاجبه وبصلها وقال باستغراب:بتقولي ايه.؟
دنيا هزت راسها وقالت: انت يمكن متعرفش داليدا كويس داليدا مش بتتعاطف مع حد ومعني انك تحكيلها معناه عمار وفاكر انه هيصعب عليها وترجعله تبق غلطان..
رشاد هز راسه بتساؤل وقال: امال الحل معاها ايه!
دنيا ابتسمت وهيا بتقول:اي واحده بتبق محتاجة تشوف انها مرغوب فيها يعني شريك حياتها عايزها جانبه ملهوف عليها يعني بيحبها ويعمل المستحيل علشانها ولاكن مفيش واحده هتعيش مع واحد لمجرد انه صعبان عليها كان لازم تفكر قبل ما تحكيلها حاجة زي كده..
رشاد هز راسه باقتناع وقال:بس انا كان غرضي اني اساعد عمار دا اخويا الوحيد ومش قادر اشوفه بالشكل دا وانا مش عارف اساعده ازاي!!
دنيا قربت من ايد رشاد ومسكتها وقالت:طيب هو انت متاكد ان داليدا هي السبب في الحالة اللي عمار وصلها ، مش ممكن يكون ضغط شغل؟
رشاد ابتسم لانها ماسكه ايده فهز راسه وقال:أعتقد انها السبب لان عمار بيحبها!
دنيا ابتسمت علي كلامه وقالت:خلاص مدام هو بيحبها يبق هيرجعها بطريقته أكيد مش مستني حد يرجعهاله اعتقد ان عمار مش ضعيف يا رشاد عمار اقوي مما تتخيل !
رشاد :بس هو عاني كتير!
دنيا هزت راسها وقالت:مش معني انه عاني يبق ضعيف ،بالعكس اوقات الكسرة والمعناه بتخلق مننا أشخاص أقوياء وطبعا عمار عارف الطريقه اللي يقدر يرجع بيها داليدا وزي ما خلاها تتجوزه قادر يخليها ترجعله!!
رشاد هز راسه بابتسامه لان كلامها صح فقرب من خدها وقال:مكنتش اعرف انك بتفهمي في الناس اوي كده؟
دنيا بصت في عيونه وابتسمت بخجل وقالت:العيون بتحكي كل حاجة يا رشاد وبيبق سهل اوي تعرف اللي قدامك حاسس بايه!
رشاد قال بغيره واضحة:افهم من كده انك كنتي بتبصي ف عينيه كتيرر..
دنيا قالت برفض:لا طبعا مبصتش بس من اللي شوفته وسمعته قدرت أحكم ..
رشاد ابتسم وهو بيقول:يعني تفتكري ان عمار وداليدا هيرجعوا تاني..؟
دنيا بصت علي الفراغ بتفكير وبعدها هزت راسها وهيا بتبصله بابتسامة وقالت:هيرجعوا..💓
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق