رواية عشك_الجبل_كورم_كينان البارت الثالث بقلم اوتار حزينة حصريه وجديده على مدونة النجم المتوهج
 |
كينان:::::
وكفت سياره اكبالي نزل جسار
اجني وراه سيارات ثلاثه درت وجهي لدلشاد
عرف نظراتي هو والولد وجهزو
سلاحهم
اخذت نفس طويل من جكارتي وذبيتها سمعت
خطواته وصوته
الحمد لله على السلامه كورم
مد ايده اليه تجاهلته وكلت
سلم البضاعه للولد
رفع حواجبه بعدين ابتسم وكال
عبالك شوفتي ضوجتك
درت وجهي منه وكلت
دلشاد شوف البضاعه وتاكد منها
كامله اني مو مثل ولد عمك الي تعرف شسوو
الك
باوعت علي وخزرته و بعقلي ربطته
وي سرادر تقدمت خطوه الولد وياي والويا
هم تقدمو خليت عيوني بعيونه
وكلت
اعرف سردار وصخ بس كلت اكو واحد ويا اوصخ منه بهل الشغله وشكيت بيك وطلع ظني صح
مارد كملت
عيدوها مره اللخ وشوف شلون ماامحيكم من الوجود
الجبل الاسود مو بس الك كورم
جزيت على سنوني وصحت بي
اااالجبل هذااا بس اليه
الجو توتر والكل رفع سلاحه رد
منو يكول
اااني ولك اني كورم كينان كورم
الجبل والكل تعرف منو اني وشاااكدر
اسوي
سكتت وكملت
ااسمي ااخذته انت وياهم حتى تكدرون تهربون
السم مالتك ااسمي وولك هو الي خلاكم
تكدرون تتحركون وتعرفه
شيكدر يسوي وشلون
الكل تحسبله الف
حساب
تقدمت علي خطوه اخزر بي واحد صار
كدامي وصاح
اارجع
ضربته براسي وكع بالكاع صحت
وووخر لك لاااخلي طلقه براسك
وادزك بكونيه لاهلك
جسار صاح
لاحد يدخل
سالته من دار وجهه
عليه واني اشر بايدي
ااسالك ابو الياس يعرف بهل الشي
سكت صحت
جاااوب ولك
مايدري
يعني اشتغلت من وراه ومن ورايه
ولد عمك هم الي رادو هالشي اذا تريد تحاسب
روح حاسبهم الهم اني وسرادر بس
امن الطريق الهم
رديت بروده
عليه جسار اعرف ولد عمي كلش زين مثل
مااعرفك انت وذاك اللخ استغليتوهم
واستغليتو قربهم مني حتى ادخلون
الطاعون مالتكم
دار وجهه مني كملت
عيدها جسار
باوع عليه كملت باعصاب
عيدها وشوف شلون مااخليك عبره لجلابك
ذوله
اشرت الهم وصحت
سلمووو البضاعه ولكم
الولد تحركو بسرعه فتشو السيارات اشرو
اليه اوكي جسار تحرك من يمي وولو صحت
تحركو
جوري::::
حسيت مي وكع على وجهي وبروده جمدت اطرافي
فتحت عيوني ردت اتحرك عطت من الالم
وكمت اكزكز من الوجع راسي يدك بقوه
افتح واغمض اريد وعي يرجعلي
اسمع صوت بعيد يعوي وخله جسمي يرجف
بعد اكثر جان يخوف وماعرفته شنو
اباوع حواليه ظلام اسود تلمست الكاع
قويه واكو صخور حاد سحبت روحي
وهالحركه جان الها اثر قوي
بجسمي عطت وروحي راحت حسيت
الدنيا كامت تفتر بيه ووعي شويه شويه
كمت افقده
كينان::::
رجعنا من غير طريق نادرا استعمله لان قريب
من المنحدر ردت هالشي لان جسار يعرف
منين اروح واجي وبس هالطريق مايعرفه هو وكم
واحد
عكدت حواجبي من شفت جثه من بعيد
هااي شنو عبالك واحد ميت
ازاد حجه شيركو جاوبه
اي عبالك واحد مقتول
جريت جهازي خابرت دلشاد وكلت اله يطلع
قبلنا
وصلنا سحبت مسدسي نزلت والولد وياي كل واحد
شايل سلاحه فريت راسي بكل اتجاه
لا تجينا لحظه غدر ازاد صاح
هاااي بنيه شجابها لهنا
باوعت الها مشيت ليمهم جانت تون وشكلها
مايبين من الدم ومبين عليها
متأذيه كلش
كالت وهي شبه فاقده
ماما بابا ووينكم
عرفتها عربيه درت وجهي منها وكلت
بضوجه
عوفوها وتحركو
مشيت شيركو اجه ورايه كال
شلون نعوفها كورم البنيه طيبه وانت تعرف
بس نخليها هنا راح تاكلها ذيابه الجبل
خلي تاكلها
جاوبت بروده وتحركت ازاد لزم زندي باوعت
علي وخرها كمل
كورم خطيه شلون نعوفها هنا شوفها صغيره
ومبين متاذيه
درت وجهي عليها واني عاكد الحواجب
شيركو كمل
كورم خطيه بس نعوفها راح تموت وتاكلها
الوحوش الهنا
درت وجهي شفت عيون بالظلام تراقب عرفتها
ذيابه اجت وحاوطت المكان
رديت مختصر
جيبوها
مشيت كم خطوه وجان اسمع عيطه قويه
انداريت بسرعه شيركو صاح
على كيفك رجلها وايدها مكسوره
مادرت بال كملت مشي صعدت لسياره
ازاد اجه شايلها صعد ليوره وخلاها بحظنه اسمعها
تون حجه
شيركو تحرك بسرعه البنيه نازفه هوايه
تحركنا من المكان ازاد كال
هااي شصاير بيها مكسره تكسير
ماراح تعيش
شيركو جاوبه
اي لان راسها متاذي كلش
باوعت بالمرايه عليها فاقده
الوعي وملامحها ماتبين جانت صايره فد مره
وشكلها مال وحده راح تموت باي
لحظه الفجر طلع واحنا نمشي
وصلنا القريه وكفنا يم
بيتنا ازاد نزل شايلها دلشاد اجه شاف
الوضع عكد حواجبه وكال
خير كورم منو هاي
امنت البضاعه
اي
ازاد وداها لجوه وهو يصيح
دايه بروين
منو هاي كورم
بله اسود جابه النا ازاد وگلبه الناعم
جاوبته ومشيت من يمه طبيت لجوه سمعت
امي ادكول
شنوو لكيتوها بالجبل وشلون وصلت اله
وكفت يم باب الغرفه اباوع الها خاليها على
الجربايه وبروين يمها ازاد طلع
وراح بره
دايه اندارت عليه سالت
كينان شنو الصار والبنيه ليش هيج
صاير بيها
ماادري دايه خلي تكعد ونشوف شنو سالفتها
ياربي سترك البنيه مكسره والنفس بصعوبه
تاخذه
ردت عليه بروين كالت
كورم لازم نرجع ايدها ورجلها
رجعيهن
رديت بدون اهتمام كملت
لازم تلزمها وياي وترجعها
يارب الكون شلون جابلي بلوه هالناعم
تعال ابني بسرعه
زفرت بضوجه ورحت ليم بروين كالت
الزم جتفها خلي ارجع ايدها
كعدت يمها لزمت جتفها بروين جرتها
بقوه كعدت وصاحت
وكعت على الفراش وتهز براسها من الالم
كورم الزم خصرها وثبته راح ارجع
رجلها
فضيها دايه
رديت بضوجه وكالت
اي هسه
لزمت خصرها بقوه لزمت ايدي وفتحت تبجي
من جرت بروين رجليها عاطت وفقدت
الوعي
ميلااف مي وشكر بسرعه
كمت من يمها اباوع لايدي كلها دم طلعت من
يمهن ورحت غسلت ايدي رجعت
جان باب الغرفه مسدود
واصف
صارت ساعه عشره واهلي مااجوي ظل
بالي عليهم اتصلت على ابويه مارد امي وجوري
نفس الشي سالت
محمود
لك انت متاكد كالو الك ساعه
ونوصل
اي والله سمعت ابويه كال ساعه واحنا يمكم
وينهم لعد ليش تاخرو هالكد
ماادري وظل بالي واصف ولا واحد منهم يجاوب
يارب سترك
كلت هالكلام وهم اتصلت على ابويه
ماكو مغلق ماردت اخابر
خالي وخالتي تفائلت
بالخير وكلت يجوز عطلت سيارتهم واجهزتهم
خلصت شحن قنعت روحي بهل الشي
بس گلبي جان ينغزني وصارت
بي شلون الهبطه
للصبح احنا ظلينا هيج ماكو لا اجوي ولا
وصلو ليمنا ساعه 11 احنا
بره بساحه الفندق شفت كروب اجه محمود
راح عليهم وكف يمهم
گلبي هبط من شفته ركض عليه وجهه مخطوف صحت
ولك شكوو
ولك واصف يكلون صاير حادث ولكو،،
عائله ميته بسياره محروكه وواكعه جوه بالنهر
مال الوادي
حيل ماظل بيه صحت
وين ولك ووين ماكالو وين
يم المنحدر
ااامشي
صحت بي وركضنا للسياره صعدت اردد
يارب سترك يارب مو هم
واصف مااجوي ولا ردو
اااسكت
صحت بي شغلت وطلعنا بسرعه دست بالسياره وصلنا وره نص ساعه اشوف الشرطه ملتمه يم سياره محروكه نزلنا
نركض رقمها بين كدام عيونه صحت
ووولك هاااي سياره ابويه هذا رقمها
الشرطه وكفو بوجهنا صحت
ذووله ااهلي ولكم ذوله ابويه وامي واختي
صحت بجنون اريد اروح عليهم مايخلونا
عيوني راحت على سياره اسعاف وكيسين
مال جثث بالكاع ،،،،،،،، دخت ووكعت
بالكاع عيوني جمدت عليهم محمود دفعهم
يصيح فاقد
عووفنا كوووايد ذوله اهلي
كمت ادك على راسي وابجي اخويه لزمني
وصاح
واااصف كول هذوله موو اهلي
عافني وراح ليمهم ماخلوه صاح
ولكم بس خلوني اااشوفهم اتاكد ذوله
اهلي
ماخلونا نوصل يمهم اخذوهم من يمنا واحنا
وياهم بالمستشفى عرفت ابويه
من ساعته وامي من
حلقتها انهارينا اني واخويه وانفجعنا
فجيعه جبيره خالي اجه هو وخالاتي وولدهم
وانگلبت المستشفى بالعياط افتر مثل
المخبل اني ومحمود ونصيح
اختنا وين جوري وين
ماكو جثتها الشرطه اخذونا للمكان الي صار بي
الحادث نزلنا وياهم لجوه الوادي ندور عليها جان
عندي امل الكيها طيبه
بس وره ساعات من البحث لكينا
جنطتها وربطه شعرها ملخه الدليل حجه
بالكردي وي الضابط اجه
ليمي كال
مااعرف شاحجي
احجي كوول اختي وينها طيبه موو
هز راسه وورد
هنا بهل المكان مستحيل واحد يكدر يخلص
روحه من الذيابه والوحوش
الساكنه بي
رجعت ليوره خالي لزمني محمود صاح
خلي ندورها بعد اختي طيبه
راح يركض بنص الصخور ويصيح
جوووري وينج جاااوبيني ووج جوري
ردي اارجعي والله بعد مااضوجج
اخويه انهار بالكاع يدك على راسه راحو
اله عبد الله وذو الفقار رددت
اهلي راحو وفجعونا شلون راح اتحمل
فراكهم شلون ياااربي
بجيت دم عليهم اني ومحمود وجانت مصيبه
جبيره النا والي وجعني اكثر
هو جوري الي مالكينا
الها اثر ولا راح
نكدر ندفنها بقبر
كينان: :::
نسرين اجت من بيت اهلها لان جانت بايته
يمهم من عرفت بالصار كالت
شلون جبتها لهنا وليش كينان تره الشغله مبينه
واكيد سوت شي واهلها ذبوها بالوادي
حتى يخلصون من
عارها
مارديت كملت
خلي الولد ياخذوها ويذبوها بنفس المكان هاي
عار ولازم تموت
خلي تكعد بالاول واعرف كلشي منها يله اقرر
رديت دايه كملت
قادر ربي تطيب البنيه بين الحياه والموت
عساها ماطابت الجيب العار لاهلها هذا
جزائها
كاافي نسرين تذبين تهم براس البنيه خلي
تكعد ونعرف شصاير منها وذيج
الساعه نقرر شنسوي
دايه كالت هالكلام وطلعت من يمنا
كينان اسمع كلامي ورجعها منين ماجبتها
عوفي الموضوع هسه
كمت ورحت لغرفتها جانت اكبال
الغرفه الشتويه سمعت بروين تحجي
بخنكه
خانم تشبه جوانه
وكفت باوعت من فتحه الباب كملت
وهي تبجي
شوفيها مو هي نفسها
اي تشبهها كلش من نظفتيها من الدم تفاجأت
بالشبه وكلت سبحان الخالق يخلق
من الشبه اربعين
اي حلوه مثلها
ردت وكامت تبجي دايه كالت
اسكتي بروين بنتج راحت للي ارحم مني
ومنج
ماشبعت منها راحت عروس
الله يعوض شبابها بالجنه
امين يارب
حرارتها نزلت
بعدها اسمعيها شلون تون
كملت مشي وطلعت بره دلشاد كاعد يدخن
شافني كام
كعدت يمه ازاد اجه كعد يمنا كال
ميلاف ادكول البنيه تشبه اختك
ملامحه تغيرت والحزن بين بيهن دار وجهه
للجبل وصفن علي رد بخنكه
اي كالت اليه دايه تشبهها كلش
بنت بروين تمرضت مرض ماعرفنا شنو رغم
امها تعرف بالاعشاب والامراض وودينها لاحسن
دكتور بس ابدا محد عرف علتها ماطولت شهر وماتت وهي بعمر 19سنه جانت حلوه واحلى
وحده بالقريه والكل يحبها
من ماتت قهرتنا كلش واكثر واحد
تاثر هي امها ودلشاد
ماكدرو يتجاوزون موتها
لان صار بسرعه
وحسيتها انخطفت من عدنا بلمح البصر
سمعته ذب حسره لزمت رجلي باوع عليه
عيونه مغوركه وكاتم الدمعه كام
وكال
اروح بشغله
مشى من يمنا ازاد كال وهو يباوع علي
هيجت الجروح
همزين حسيت
سكت ماجاوب جهازي دك جان ابو الياس
جاوبته واتفقت ويا على مكان
يستلم بي الشحنه
ذو الفقار
كاعد بعزه عم توفيق وعمه نور وجوري
كاتم حزني بگلبي واباوع لواصف ومحمود كاعدين
والظهر مكسور من هالفجيعه الي كسرت
ظهرنا كلنا
ااخ جوري
ونيت بقهر لان جنت احبها وحاسبها اختي
الصغيره ارتاح من احجي وياها لان جانت
تهون علي من اشكي الها وتغير
المود مالتي
دمعتي نزلت مسحتها وكمت طبيت لجوه للمطبخ
صفنت من شفت اسيا كاعده يم
امها وتبجي وتشهك
شافتني عاطت
راااحت جوري ذو الفقار
روحي انمردت بعد اكثر نزلت بالكاع وكمت
ابجي مثل الجاهل خليت ايدي على
وجهي اريد اخفي دموعي
راحت حتى قبر ماااصار الها ماما شلون راح
اكدر اعيش شلووون ياربي
عاطت بصوت سمعت صوت عمه تهاني
تعيط هي وخاله يسرى طلعت من يمهم للكراج
محمود سمع العياط صاح
ولكم رااحو اهلي بعد منو النا
واصف ساند راسه ليوره يبجي بصوت مخنوك
الكبار حاولو يواسهم مكدرو لان الفجيعه جانت جبيره وعقلنا كلنا ماتحمل الصار
مرت ايام العزه ثكيله كلش علينا الولد ماكدرنا
نعوفهم لان جانت حالتهم فد مرة ظليت
اني وعمه تهاني يمهم واهلي يرحون
ويجون علينا هم وبيت خاله
يسرى
كينان:::::
مرت ايام وكل يوم اكول راح تموت هاي البنيه
لان حالتها صارت فد مره بس الله راد
الها تعيش ومن كعدت ماعرفت منو هي
ولا بنت منوو بيوم العاشر
نزلت الصبح مثل كل
من وكت مشيت للمطبخ بروين بي
سلمت
صباح الخير دايه
هلا كورم
شربت مي طلعت بره ورحت للغابه جانت
بارده كلش وكفت يم جدول مي يجي من فوك
الجبل باوعت علي ضباب فوك القمه
ومنتشر بالجو بدت تمطر
رجعت للبيت طبيت من باب ثاني نفضت الستره
من المطر وعلكتها مشيت بالممر
بروين طبت لغرفه البنيه
رحت للغرفه الشتويه كعدت يم الموقد
لان علكنا من ورة البرد
صباح الخير كينان
هلا دايه صباح النور
امي طبت وكعدت يمي كالت
كامت تمطر والجو برد كلش
اي
همزين كملت المؤنه بهل كم يوم
هزيت راسي بروين طبت سالتها
كعدت البنيه
اي
بعدها ماتذكر شي
لااا
دايه ردت صفنت على النار بروين كالت
من جبتوها جان راسها متاذي كلش ويمكن
فقدت الذاكره
وهسه شلون راح نعرف اسمها او هي بنت منو
وليش هيج صاير بيها انتو تعرفون
شكاعد احجي موو
الكل سكت كملت
دايه اكثر من وحده لكينها مقتوله من وره غسل
العار ويمكن هاي من ذوله
لااا مستحيل هي مو هيج
بروين ردت بسرعه وكملت بدموع
هي بنيه كورم اني شكيت بهل الشي
بس تاكدت منها هي بنيه ومو مثل ماتشك
صفنت عليها كملت
وروح جوانه بنيه ماجاي اجذب عليك
مارديت كملت بتوسل
كورم هي ماعدها احد وانت شفت وضعها
وهي مبين بنت ناس شكلها مو مثل
ماتظن بيها
اي صح البنيه شكلها مرتب ومو مثل مافكرنا بيها
ومبين عليها بنت ناس وعز
بروين كملت
خليها يمنا
خليها يمي اني ادير بالي عليها بلكي يجي
يوم وتذكر منو هي واهلها منو
سكتت دايه كملت
هو ماكو غير هالحل تظل يمنا منا الما ترجع
ذاكرتها
سندت ظهري ليوره وكلت
الريوك وينه
اي اي هسه اجيبه الك
بروين ردت بفرح ومشت من يمنا دايه صفنت
عليها وكالت من طلعت
بروين تعلقت بيها كلش وحتى سمتها جوانه
من عرفت بيها ماتذكر اسمها
باوعت الها كملت
ودلشاد هم كل يومين يجي يشوفها ويطمن عليها
اي ادري بي
رديت وكملت
هي صدك تشبه جوانه
اي كينان حبايه ومفشوكه بالنص
عشره ايام اني مو شايفها ولا وصلت ليمها
التهيت بالشغل وطلبات القريه
جنت اريد اشوفها واسالها حتى
اكدر اعرف هي،،،، صدك فاقده الذاكره لو كاعده تجذب علينا مااعرف ليش حسيت وراها سر وجبير كلش
تريكت وكلت
دايه تعالي وياي
وين كينان
اشوف البنيه
هزت راسها وكامت وياي صاحت بروين
وكالت
هي تطمن بس الها
اجت كلت
طبي انتي ودايه قبلي اريد احجي وي
البنيه
باوعت بخوف لامي كلت
لاتخافين راح تظل يمنا بس اريد اسالها
كم سؤال
اي كورم
جاوبتني وطبت لجوه وره لحظه
طلعت وكالت
تفضل
طبيت ووكفت جانت تباوع من الشباج
القريب من جربايتها بروين كالت
بالعربي
جوانه هذا كورم كينان
دارت وجهها عليه رفعت حواجبي وتفاجأت
بشكلها جانت تشبهه بنت بروين
بشكل عجيب بس عيونها
جانت جوزيه مو سود وشعرها لونه
بني وقصير صفنت عليه
بعدين نزلت راسها
كورم يريد يسالج كم سؤال
رحت وكفت مسافه عنها سالت بالعربي
ماعرفتي انتي منوو
باوعت لبروين اشرت براسها الها ردت
بصوت ضعيف
لاااا
باوعي علي وردي
رفعت راسها اليه سالت
ماتذكرين شصااار
لااا
ركزت بنظري عليها دارت وجهها لبروين كله خوف كعدت يمها ابتسمت الها وكالت
لاتخافين من كورم كينان هو يريد يعرف
اي شي عنج حتى نعرف شلون نتصرف
نزلت راسها ولزمته مكان الجرح رددت
اني مااعرف اي شي مااذكر اني منو ولا
اعرف شصار
من ملامحها عرفت هي صادقه بكلامها
ماااعرف ليش احسج جذااابه
سمعت صوت نسرين وانداريت تقدمت عليها
وكملت بعصبيه
احجي ولج كولي وي منو صخمتي روحج
وجبتي العار لاهلج
البنيه لزكت بروين من خوفها منها حظنتها
دايه كالت بعصبيه بالكردي
نسرين مااعليج بيها واطلعي من يمنا
عمه هاااي كاعد اجذب عليكم شوف شمسويه
وشلاعبه وتريد تضم روحها يمنا
عيوني راحت للبنيه دموعها نزلت وختلت بحظن
بروين كلت
نسرين كافي واطلعي منا
كينان راح تجبلك بلوه
وشااايفتني خااايف ااني
صحت باعصاب ردت
خاايفه عليك
جاااهل اني نسرين حتى تخافين عليه
رديت بغضب وكملت
اااني ماااخاف غير بس من الله خلي بالج
هالشي
سكتت تباوع عليه بضوجه كملت
عيب تحجين هالكلام لان البنيه مابيها شي
باوعت عليها بروين كملت
اي خانم جوانه مابيها شي
ردت بعصبيه وهي تاشر عليها
كولو نسرين كالت وصدكت هاي وراها مصيبه
وجبيره كلش والايام راح تثبت الكم اني جنت
صادقه بكلامي
حجت هالكلام وطلعت من يمنا
كلت
ياخودا صبر
سمعت شهكه البنيه باوعت الها دايه كالت
بالعربي بحنيه
جوانه لاتبجين
بروين وخرتها وكالت
اش مو زين عليج البجي اسكتي
اني منو واهلي وين وليش صار بيه هيج
سالت بشهكه كملت وياي
عفيه الله يخليك دور اهلي اريدهم
درت وجهي اريد اطلع
سمعتها كالت
ااني مو مثل ماكالت هاي البنيه ماسويت
شي غلط
جوري :::::
كعدت مااعرف منو اني ولا ليش هيج صار
بيه كل الي عرفته ومن بروين المره
الي تشتغل يم مريه جبيره
يسموها خناف خانم
ابنها لكاني بالجبل وهذا حالي عرفت
روحي عربيه لان احجي عربي ومااعرف كردي
يعني مو من عدهم
وي الايام عرفت هو مزوج بنت عمه واسمها
نسرين وهو رئيس القريه او مثل
مايسموه كورم كينان
الكل جان زين وياي الا نسرين مرته بينت
هي تكرهني وتكره وجودي بالبيت مالتهم وجانت
تسمعني اشكال حجي وكلام يجرح
واني لاحول ولا قوه مااعرف
اي شي عن حياتي ولا كدرت بهل الايام
اعرف اني منو ولا تذكرت اي شي مشوشه
واحس بروحي عايشه بعالم
ثاني وخجلانه من الكل وخصوصا ابنهم
الي شفت منه عدم قبول اليه
وقابل اظل يمهم غصب
كاعده اباوع من الجامه الثلج ترس المكان
وشكله جان حلو كلش بروين طبت
وكالت
صباح الخير جوانه
ابتسمت الها ورديت
صباح النور خاله
خلت الاكل يمي كعدت ردت
شلونج اليوم
الحمد لله احسن شوفي ايدي كدرت احركها
اي مابقى شي واشيل الجبار مال رجلج
وايدج
يعني اكدر اتحرك من تشيليهن
اي بس لازم تسوين
سكتت كملت
مااعرف شيسموها بالعربي
قصدج تمارين
ااي هي هاي
سكتت اباوع للاكل كالت
اكلي حتى يقوه عظمج
رفعت عيوني الها كلت بحزن
خاله ماجاي اتذكر اني منوو تعبت واني اريد
بس اعرف منو اني واهلي وين
لزمت ايدي وردت
انتي تذكرين يجي يوم وتعرفين كلشي
عن حياتج
سكتت كملت بحنيه
يله اكلي
ذبيت حسره رديت
اكلي وياي خاله اضوج اكل وحدي
اي اكل وياج
سوتلي لفه وانطتها اليه جانت طيبه وياي واعتنت
بيه كلش مرات اشوفها تصفن عليه وعيونها
تغورك ماعرفت ليش هالحزن
ولا عرفت
ليش ابنها الي اسمه دلشاد كل فتره يجي
يطمن عليه جنت اشوف منه نفس النظرات الي
اشوفها بعيون امه
وره ايام طبت وطلعت وي بروين لبره جان وكت
الضحى صح الجو بارد بس الشمس
طالعه ومنظر الثلج يخبل
افر براسي واباوع للبيوت منتشره هنا وهناك
واكبر بيت هو بيت الخانم
شوفي الجبل شلون انترس ثلج
بروين حجت باوعت منظره جان يخبل حسيت
اني كاعده بلوحه فنيه جميله وحلوه
ومرسومه بالخيال
هاي غابه
ااي هاي غابه البندق
ابتسمت وسالت
غابه البندق
كعدت يمي وعدلت شال الصوف على جتفي
ردت
اي وغابه الجوز هم
يعني شنو بيهن بندق وجوز
هزت راسها وجاوبتني
اي جوانه هاي الغابه بيها اشجار اشكال والوان
صفنت عليها اثنين طلعو من عدها واجوي
باتجاهنا عرفته كورم كينان ودلشاد
من حجه وياي اخر مرة بعد
ماشفته وكف يم واحد
دلشاد اجه ليمنا من شافني ابتسم
وكال
اليوم طالعه
اي طلعتها شوي تغير جو
امه ردت علي نزل للكاع يباوع بوجهي
سال
شلونج اليوم
الحمد لله بخير
جاوبته كورم اجه باتجاهنا يوخر لفاف من وجهه
ونزله على جتفه وصل ليمنا
سلم بالكردي وهو يباوع لغير جهه
چوني دايه
هلا كورم
ردت بالعربي
شفتو النبع جامد موو
سالته دار وجهه النا عيونه صارت بعيوني صفن
عليه وعكد حواجبه داره ومبين
علي الضوجه حسيت
بي ضايج من وجودي كمت وكلت
خاله اروح جوه
كامت وسالتني بقلق
بردتي جوانه
لاا خاله
دلشاد كال
اخذيها جوه دايه
مشت وياي وطبينا من المطبخ هاي الحاله
تكررت اشوف بوجهه نفس الملامح بس يشوفني
كدامه هو ومرته الي ظلت بنفس
طبعها وياي
جنت من انام بليل احاول اتذكر منو اني وبنت
منو شفت نفسي لابسه ذهب كلاده
وسوار ومحبس وتراجي يعني
اني بنت ناس حالتهم
زينه بس منو هم
ماعرفت
تعلمت وي الايام اساعد خاله بروين وميلاف
بشغلهم بالبيت واحاول ادفع ثمن
وجودي يمهم هو واكلي
رغم الخانم ما سمعتني اي كلام لا هي ولا
ابنها بس كلت لازم اسوي هيج وارد جميلهم
جوانه
ها خاله
سوي زلاطه
اي هسه بس اروح اخلي حطب بالموقد
جنت احجي عربي وي خاله ميلاف ماتعرف
تحجي وياي كردي ماافتهم تعلمت كم كلمه وبسيطه كلش
رحت للغرفه الشتويه خليت حطب ووكفت
ادفي ايدي واخليهن على خدي
اردد
ااشه والله بارده
سمعت صوت ورايه انداريت جان كورم
واكف يم الباب وساده بعرضه وطوله
ويباوع عليه نزلت راسي
بسرعه وكلت بخوف
جنت احمي ايدي
مارد اجه باتجاهي وخرت بسرعه شلت
السله مال الحطب مشيت كال
بالكردي
ده مه وي ئاو
انداريت علي كعد اكبال الموقد كلت
شنو ماافتهمت
مي
رد مختصر جاوبته
ااي
مشيت رد
جيبي بارد
اي كورم
رديت وطلعت من يمه رحت لخاله كتلها
خاله كورم يريد مي بارد
اي ودي اله
جاوبتني بالعربي وكملت بالكردي وي ميلاف
طلعت من يمنا شايله اكل وهي راحت لبره
تنهدت ورحت صبيتله كلاص مي
وديته اله خايفه منه
ومن نظراته
طبيت خانم كاعده يمه تنفست براحه شافتني
كالت مبتسمه
تعالي جوانه
مشيت ليمه وكلت
تفضل
مد ايده للكلاص وهو يباوع للنار اخذه
شربه بسرعه ورجعه
بروين ماجهزت الغده
اي كملت هسه نخلي الكم
رديت ردت ارجع حجت
جوانه
انداريت عليها وجاوبت
ها خانم
باوعت عليه بحنيه وكالت
لاتعبين روحج بالشغل ومن تشوفين روحج
تعبانه روحي ارتاحي
ردت ارد بس الكلام تبخر من رفع راسه وهو
عاكد الحواجب وباوع عليه
ارتبكت كلش وحسيت ايدي كامت ترجف
سال بلهجه تخوف
ماتذكرتي انتي منو
عبالك ملك موت من يسال مو بشر بلعت
ريكي ورديت
لاا
ركز بعيونه عليه النفس ضاك بصدري نزلت
راسي كال بلهجه امر
روحي
بسرعه تحركت وطلعت اتنفس بسرعه مشيت
نسرين مرته نزلت باوعت عليه
وهم تغيرت الملامح ماحجت شي راحت الهم
رحمه::::
ختلت بالحمام اسمعه يفشر عليه
ويغلط وامه ويا خليت راسي بين رجلي ابجي
واشهك وادعي على ابويه واخوتي
لان ظلموني من انطوني لواحد نسخه ثانيه
منهم
اردد بقهر وروحي ممروده وطفوله مشوهه
ياربي اني شنو ذنبي حتى يصير بيه هيج
ليش ماانطيتني اب واخوه يخافون الله بيه
اني وخواتي
دموعي تنزل بشهكه اتذكر شلون بطلوني من
المدرسه غصب وكتلوني لان ماقبلت
اعوفها وزوجني لواحد اكبر
مني ب15 سنه
عمري 12 سنه من اخذني طفله ماشبعت من مدرستها ولا كتبها ولا من صديقاتها ولا شافت شي من الدنيا زوجوني بحجه خاف تجبينا
العار من تكبرين وادكومين
تحبين من ورانا
لزكت بالحايط من شاكر كام يضرب بالباب
بقوه صرخت
عووفني عووفني الله يخليك والله بعد مااجاوبك
عوووفها وامشي
امه،،، صاحت بي اسمعه يفشر عليه سديت
اذني بقوه اشهك بصوت قوي واضرب راسي
بالحايط
اتذكر اول ليله اليه ويا وشسوه بيه ماجان
زواج اغتصاب اذاني كلش وخلاني اكره شي
اسمه علاقه زوجيه
هالشي تكرر شكيت لامي وخواتي وجان ردهن
اسكتي وتحملي كل الرجال هيج زرعو براسي
ان المراه هي مجرد اداه لتفريغ غريزه
الرجال ولازم اطيعه بكلشي
حتى لو كان على حساب
جسدها ومشاعرها
زعلت اكثر من مره وجان العقاب من ابويه
واخوتي فاضل وفياض هو الكتل
والاهانه وبايدهم
جانو يرجعوني اله وهم تبدي رحله
عذابي ويا
ماجنت بشر بين ايده لا لعابه يحركها ويتصرف
بيها مثل مايريد مشاعر ماكو مابدالته
ولا كدرت اتقبله كزوج
بروده صارت بيه من ناحيته وهالشي
خبله وزاد بقسوته وياي بحيث كام يكتلني
بالفراش ويطلع دمي بهذا اليوم
رفضته ورفضت اسلوبه المريض وياي
وتعاركت ويا تخبل وكتلني كتل
مال كفار
اباوع لايدي وجسمي كله ازرك كدامات
خشمي يفلت دم رددت بيأس
وين اروح ياربي وليش خلقتني جبتني
للعذاب جبتني للضيم والقهر
ضربت وجهي اكثر من مره اصيح
ياارب اخذني وريحني منه ياارب موتني
حتى ارتاح
ذبحت روحي وملخت خدودي اريد اموت اخلص
من هالدنيا وظلم اهلي وشاكر وهالمجتمع
الي تسلط بي الذكر على
المراه
انهاريت بالكاع ابجي واشهك وادعي على
روحي بالموت
واصف::::
كاعد يم خاله تهاني وحدنا بالبيت سالت
هو كلك راح يجي
اي خاله كال اكو اوراق يم ابوك مال شغل
ومحتاجهن كلش
جرس الباب اندك كمت طلعت اله فتحته
عم كمال واكف سلم
شلونك ابني واصف
هلا عم كمال تفضل
مشى وياي وكال
شلونك انت واخوك
الحمد لله عايشين
طبينا للاستقبال خاله واكفه سلم عليها
واخذ من خاطرها طلعت من يمنا كتله
تفضل اكعد عم
كعدنا ذبيت حسره كال
ماتعرف ابوك شسوه بيه ولا اكدر اوصف
الكاعد احس بي
باوعت اله سكت للحظه بعدين كال
ابني اسمعني زين مقدم سفيان حجه وياي
وكال اكو شبهه جنائيه بحادث اهلك
عكدت حواجبي من سمعت هالكلام
سألت
يعني شنو
يعني اهلك ماماتو مثل ماانت ماتصور
كمت لحيلي مذهول من السمعته وصحت
شجااي تحجي انت شنوو اهلي انقتلو
وليييش ومنو قتلهم
خالتي اجت علينا سالت وهي تباوع
عليه وعلي
شبيك واصف تصيح
خاله تعالي اسمعي الحجي يكلي ابويه وامي
وجوري انقتلوو
يمممه عزه العزاني ولك شنو هالحجي
ومنو قتلهم
عم كمال كام وكال
الله يخليكم اهدأ وخلوني افهمكم
رحت ليمه لزمته من جتفه وجاوبت بخنكه
عم منو قتل اهلي كلي لزمتو عرفتو سلمو
اليه اريده اريد اخذ ثارهم جاوبني
الله يخليك
لا ابني مالزمو اي احد يس اهدأ وخليني
افهمك
خالتي كعدت منهاره وتبجي محمود طب شاف
الوضع اجه بسرعه وكال
شبيك واصف صاير شي
ولك تعال اسمع الحجي طلعو اهلنا مقتولين
وماماتو بحادث
شنوووو
محمود صاح وباوع لعم كمال الي كال
الي سمعته وعرفته هو مو حادث لا جريمه قتل
توفيق جان لازم ملفات مال مافيا
تهريب سلاح وهددو والظاهر نفذو تهدديهم
بي
محمود صاح
يعني ذوله كتلو ابويه من وره هاي الملفات
سالته محمود لزمه يصيح
منوو هم عم عرفتوهم لزمتوهم موو
لا ابني هو اني ليش جاي عليكم اريد الملفات
الي جانت عند ابوك الحاسبه مالته
اي شي يخصه ويخص
القضايا الجان لازمها
خابرو خالد ولكم خابرو خالكم خلي يجي
ويسمع هالكلام
خاله صاحت وكملت
ااويلي عليج نور كتلوج انتي وتوفيق
وجوري المايخافون من الله
كعدت مهدود حيلي محمود يفتر يمنا ويردد
والله لاقتلهم واخذ ثار اهلي بس يوكعون
بايدكم الا اقتلهم وابرد نار گلبي
بيهم
واصف ابني اريد اشوف مكتب ابوك
خلي نشوف بلكي نلكي الي يوصلنا لذوله
المافيا
صفنت علي مضروب براسي من السمعته خالتي
كامت من يمنا تبجي بصوت عالي كمت
اسند بروحي اخذته للمكتب
دور ثلاث ساعات
عن الملفات الي رادهن مالكه اي
شي
جوري::::
تعلمت اكعد من الصبح قبل الكل
واروح اتمشى بالثلج
اوصل بدايه الغابه بس اخاف اطب
الها وحدي
مثل كل يوم تمشيت الها وكفت يم
شجره اباوع للاشجار واشوف الثلج شلون
منتشر عليها منظر يخبل وحسيت
روحي اني بغابه سحريه
صوت العصافير يغردن واشعه الشمس
تطلع من الاشجار بخطوط مرتبه
مشيت كم خطوه وتجرأت اكمل مشي نسيت
نفسي واني مبهوره بجمالها وصلت جدول
مي يجري نزلت ليمه خليت ايدي
بي بارد كلش
ااشه المي بارد كلش
شربت منه وكمت اريد ارجع قبل لااوصل البيت
وكفت من شفت اثنين ظهرهم عليه
ويحجون بالكردي عرفته كورم
الجبل ودلشاد
ختلت وره شجره لان جنت اخاف منه
واتجنب اشوفه روحي
وره دقائق سمعت سمعت خطوات مديت راسي
دلشاد رايح لبيت كورم واكف يدخن
دار راسه عليه ختلت
بسرعه
وره لحظه سمعت خطواته كلت راح مديت
راسي ماكو تنفست براحه من
انداريت شهكت من
شفته كدامي وقريب كلش
ويخزر بيه
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق