رواية تحت أمر الحب الفصل 24/25/26/27/28/29 بقلم شيماء صبحي حصريه وجديده على مدونة النجم المتوهج للروايات
 |
بصت ملوك علي جسم زين وهيا بتددق النظر ليه واول مشافت عضلاته حست بقلبها بينبض بطريقه غريبه وقبل ما تبعد عينيها وتبص للبنات لقت عينيها جت في عينيه ..
تمني خرجت من البلكونه وهيا بتقول بصوت واضح:خلينا نرقص شويه يبنات ..
البنات بصولها بحماس وخرجوا من البلكونه وفضلت ملوك واقفه مكانها وباصه في الأرض..
واحدة من أصحاب تمني شغلت أغاني وبدأت البنات ترقص ولحدما تمني إنتبهت لملوك قالت بتساؤل:فين ملوك؟
-انا هنا يا حبيبتي ..كان صوت ملوك اللي بتقرب منهم وعلي وشها إبتسامه ..،تمني ضحكتلها وقالت:تعالي خلينا نرقص..
ملوك هزت راسها بفرحة وبدأت البنات يرقصوا بفرحة كبيرة علي الأغاني الشعبيه المخصصة للأفراح..
في بيت إسلام ..،نزل زين علي السلم بعدما كان بيتمرن علي سطح البيت وهو بيلبس التيشرت إفتكر البنات اللي كانت بتبص عليه من البيت المجاور ليهم ولاكن ملفتش نظرة غير نفس البنت اللي قابلها إمبارح بالليل ،الغريب إنها لما عينيها جت في عينه منزلتهاش بسرعه زي الباقي !!!
إسلام كان بيروق البيت وزين دخل عليه وقال :هنفطر ايه النهاردة..
إسلام رفع عينيه يبص لزين وقال بسخرية:شوف التلاجة فيها ايه وطلعوا..
زين اتحرك من قدامها بغيظ ودخل للمطبخ واول ما فتح التلاجه قفلها تاني بسرعه وقال بصوت عالي:اي دا يابني انتوا دافنين فيها ميتين!
إسلام ضحك علي كلامه فقرب منه وقال:هعمل ايه بق انت عارف اننا جينا هنا واحنا معناش جنيه يوحد ربنا.
زين اتصدم من كلامه فقرب منه وقال:يعني ايه مفيش فلوس!
إسلام هز راسه بالرفض وقال:للأسف مفيش وانا مش عارف امي واختي مجوش ليه لحد دلوقت انا بدأت أقلق عليهم..
زين تجاهل كلامه وسابه وخرج من البيت، إسلام طلع وراه وقال بتساؤل :طيب انت رايح فين!!
زين رد بضيق:هتمشي شويه !!
إسلام هز راسه ورجع تاني يكمل ترويق وفضل زين يبص للبيوت اللي حواليه بضيق ،فضل يدخل في الشوارع لحدما وصل قدام مطعم تقليدي بيبع فلول وفلافل ..قرب من المطعم بجوع وقال:السلام عليكم !
صاحب المطعم إبتسم وقال:وعليكم السلام ورحمة الله أتفضل ..
إسلام بص للناس اللي قاعده تأكل بجوع فبص لصاحب المطعم وهو بيحط ايديه علي بطنه وبيقول:عايز فطار!
صاحب المطعم هز راسه وقال:عايز ايه بالظبط..
زين حط ايديه علي شعره وقال بصوت واطي:ظبت الدنيا انت بق..
صاحب المطعم هز راسه وقال:طيب عايز فطار يكفي كام واحد!!
زين إفكتر إسلام فهز راسه وقال:إتنين بس أكيلة يعني..
صاحب المطعم هز راسه وقال بابتسامه:دقايق واجهزلك احلي فطار..
زين هز راسه وخرج من المطعم وفضل يبص علي المكان اللي هوا فيه ،حط إيديه في جيبه وهو بيدعي ان يلاقي فيه فلوس حس بورق في جيبه فغمض عينيه بفرحة كبيرة وأول ماطلع الورقه وبصلها لقاها ٢٠٠ جنيه بص حواليه بفرحة كبيره وهو مش مصدق انه اخيرا هياكل وهيدفع خق الأكل ..
-يا أستاذ اتفضل طلبك!!
زين لف للصوت لقي صاحب المطعم بيبصله وهو معاه كيسه كبيرة مليانه أكل..، قرب زين منه وهو بيمد إيديه بالفلوس وبيقول :إتفضل يباشا الحساب..
صاحب المطعم بص للفوس بفرحة وقال:بس دا كتير اوي يا استاذ..
زين ابتسم وقال:ولا كتير ولا حاجة اتفضل بس..
صاحب المطعم اخد منه الورقه وحطها في درج الفلوس وبعدها رجع يشوف طلبات الزباين..
زين بصله بإستغراب وهو مستني الباقي ولما لقي الراجل مش بيبصله قرر يمشي ..
زين دخل البيت وهو بيقول بصوت عالي: ولا يا إسلام تعالي انا جبت أكل..
إسلام خرج بفرحة وهو بيبص للكيسه اللي في ايديه بفرحة وبيقول:اي دا يا زين انت جبت الأكل دا كله منين اوعي تكون سرقته ..
زين بصله بغيظ وقال:اخوك طلع في جيبه فلوس احنا مش حراميه .
إسلام هز راسه بفرحه وقال وهو بيقرب منه :طيب استناني انت هنا وانا هدخل احط الأكل دا في أطباق.
زين هز راسه وإسلام أخد منه الكيسه وبعدها دخل للمطبخ..
في القاهرة وبالتحديد في قصر الصاوي.
دخلت عربية عمار ووقفت قدام الباب الرئيسي.
داليدا مسكت شنطتها وقالت: هو انا هعمل ايه هنا..
عمار فصل المشغل بتاع العربيه وبصلها وقال:هتعيشي هنا علي طول..
داليدا قالت بتساؤل :طيب وشقتي وحجاتي..
عمار:انسيها يا داليدا لان القصر دا من النهاردة بق بيتك الجديد..
داليدا بصت علي تفاصيل المبني الكبير اللي قدامها وهزت راسها وهي بتقول:بس انا لازم ارجع الشقه تاني ..
عمار هز راسه وهو بيفتحلها الباب وبيقول:هوديكي بس لما اتأكد ان كل حاجة تمام ومفيش اي خطر علي حياتك..
ابتسمت وهيا بتنزل من العربيه وهو نزل وراها مسكها من ايديها ودخلوا ..
رشاد كان في استقبالهم وكان واقف ووراه صف كبير من الخدم.
داليدا بصت لكل اللي واقفين بخجل لانها اول مره تعرف ان كل دول شغالين في القصر..
عمار قرب من اخوه وقال وهو بيضغط علي سنانه :ايه اللي انت عاملة دا.
رشاد ابتسم وهو بيهمس بصوت واطي وبيقول:برحب بيها.
عمار مسك داليدا من وسطها وقال وهو بيبص للخدم :دي داليدا هانم مراتي ومن النهاردة هتبق سيدة القصر دا..
كل الخدم بصولها بابتسامه وهزرا راسهم بإحترام وبعدها رشاد قال وهو بيبص للخدم :جهزوا السفره علشان الغداء ..
الخدم هزوا راسهم بإحترام واتحركوا من قدامهم وفضلت داليدا تبص ل عمار بخجل لانها متوقعتش ان يوصفها كده قدام الخدم.
رشاد حط ايديه علي كتف أخوه وقال:عيش بق يا معلم وانا هستأذن علشان عندي مهمه انا كمان ..
رشاد قال كلامه وهو بيغمز بعينه لعمار ..
عمار ابتسم وهو بيقول:ماشي بس متتأخرش علشان نخلص اللي حصل دا لان الولد لسا شاب صغير وممكن يتهور تاني ؟
رشاد هز راسه وقبل ما يمشي بص ل داليدا وقال:تفتكري ايه الهدية المناسبه اللي اجيبها لممرضة بتحب شغلها أكتر من نفسها !
داليدا ابتسمت علي كلامه لانه يقصد دنيا فهزت راسها وقالت: أعتقد الكالونا هتبق مناسبه ..
رشاد عمل حركه بصباعه وهو بيشاور عليها وبيقول :فكرة برضوا..
داليدا ضحكت عليه ولقته بيمشي من قدامهم وهو بيدندن أغنيه واول ما خرج من الباب داليدا قالت بهزار:تفتكر هيجبلها كالونا فعلا..
عمار هز راسه برفض وقال:أعتقد لأ رشاد أهبل صحيح بس مش للدرجالدي..
داليدا ضحكت علي كلامه من قلبها وهو لما ركز في جمال ضحكتها إبتسم وقبل ما يقبلها جه واحد من الخدم وهو شايل صينيه أكل وبيحطها علي السفرة..
عمار تراجع بسرعه وهو بيقول:إحم..خلينا نروح نغسل ايدينا أحسن..
داليدا هزت راسها ومشيت وراه وهيا مبتسمه.
اتجه رشاد لخارج القصر بعربيته مسك تيلفونه واتصل ب دنيا فيديو وهو بيقول:عارف اني اتاخرت عليكي بس ممكن استأذنك بس أروح أشتري حاجة بسرعه قبل ما أجي..
دنيا بصتله بشك وقالت: ممكن أعرف حاجة ايه دي اللي هتجيبها ..
رشاد ابتسم وهو بيقول:لا دي مفجأة ولو قولت عليها كل حاجة هتبوظ..
دنيا هزت راسها بابتسامه وقالت:خلاص ماشي بس متتاخرش عليا علشان انا إستأذنت ساعه واحده بس ..
رشاد هز راسه وقال:متقلقيش عدي بس علي صوابعك عشر دقايق وهتلاقيني قدامك..
دنيا ضحكت وهيا بتهز راسها وبعدها قفلت معاه المكالمة..
اتجه رشاد لمحل كبير مخصص للهدايا دخل رشاد وهو حاطت ايديه في جيبه بثقة وأول مشافته البنت اللي موجوده قالت بابتسامه:أقدر أساعد حضرتك يافندم ..
رشاد هز راسه وقال :عاوز هدية لحبيبتي ..
البنت هزت راسها بإبتسامة وهيا بتقول: في حاجة معينه عاوزها ولا أختارلها أنا حاجة علي زوقي..
رشاد افتكر اقتراح داليدا ليه فقال بهزار:هيا حبيبتي ممرضة تفتكري ايه الهديه المناسبه ليها..
البنت قالت بهزار:كالونا أكيد.؟
رشاد هز راسه وهو بيقول:يبق اختاريلها حاجة علي زوقك أحسن..
البنت ابتسمت وهي بتقول: يبق حضرتك عاوزني أجهزلها هدية خاصه..
رشاد هز راسه بالموافقه وقال:بالظبط كده !!
قال كلامه وفضل يبص علي الحجات اللي في المكان وبدأت البنت بالفعل تجهز الهدية..
وبعد وقت مش كبير كانت البنت خلصت الهديه ندهت عليه وهيا بتقول بإحترام :البوكس خلص يا فندم..
لف رشاد بجسمه وبصلها وقال:متشكر جدا اتفضلي.
مد ايديه ببطاقة إلكترونيه والبنت أخدتها منه وبعدما سحبت المبلغ ادتهاله تاني وهو أخدها منها و بعدها خرج..
ركب العربيه وهو متحمس يشوف رد فعل دنيا هيكون عامل ازاي علي الهدية ، شغل العربيه واتحرك للكافيه اللي دنيا مستنياه فيه بكل حماس !!!
.. وفي الكافيه
أهلا وسهلا يا رشاد باشا إتفضل.. قالها الويتر وهو بيستقبل دخول رشاد للمكان..
دخل رشاد وهو شايل البوكس في ايديه بطريقه جميله قرب من الطرابيزة اللي دنيا قاعده عليها وقال: خلصتي عد ولا لسا..
دنيا بصتله بابتسامه وهي بتقول:خلصت من بدري بس هسامحك المره دي ..
الويتر كان واقف جمب رشاد ومبتسم وهو بيبص عليهم .. رشاد بصله وقال :ممكن اتكلم مع حبيبتي براحتنا .
الويتر هز راسه بحرج ومشي ودنيا بصتله بضحكه وقالت: حرجته يا رشاد!
رشاد قعد قدامها وهوا بيحط البوكس قدامها علي الطربيزة وبيقول:متقلقيش الولد دا حبيبي وبعدين مهوا اللي متطفل برضوا..
دنيا ضحكت علي كلامه وهزت راسها وبعدها قربت من البوكس اللي قدامها وقالت: دا علشاني أنا..
رشاد هز راسه وهو بيبصلها بحب كبير وقال: ايوا يلا إفتحيه..
دنيا هزت راسها وهيا مبتسمه وهو لف وشه بفخر ومستني رد فعلها .. بدأت دنيا تفك الرباط بتاع البوكس وهيا متحمسه وبعدما فتحت البوكس وشافت اللي في قلبه كشرت!!
رشاد بصلها لما لقاها سكتت فجأه ولما شاف ملامحها قال بتساؤل:في ايه الهدية معجبتكيش!!
دنيا قفلت البوكس تاني وهيا بتقول بغيظ:لا ازاي دي هديه جميله أوي بس ممكن أعرف مين اللي مختارها..
رشاد إبتسم وهوا بيعدل هدومه وبيقول بكل ثقه :أنا..
دنيا حركت راسها وهيا بتقول:لا لا أكيد إنت بتهزر..
رشاد رفع ايديه قدامها وقال:بلاش تجامليني يا دنيا أنا عارف إن زوقي حلو..
دنيا هزت راسها بغيظ منه وقامت وهيا بتقول :طيب أنا متأسفه يا رشاد مش هقدر أقبل الهدية دي..
رشاد ضم حاجبه بتساؤل وهو بيقول:ليه بس مش إنتي بتقولي عجبتك..
دنيا ضغطت علي أسنانها بغيظ منه وقالت: مكنتش أعرف إنك قليل الآدب كده يا رشاد!!
قالت كلامها وهيا بتشيل شنطتها بعصبيه وبتخرج بره الكافيه..
رشاد كان واقف مصدوم مش فاهم ايه اللي معصبها اوي كده فقرر يفتح الهديه ويبص بصه سريعه عليها علشان يفهم ايه اللي بيحصل وبعدما شاف اللي في قلب البوكس إتصدم و قفل البوكس تاني وقال وهو بيتوعد للبنت اللي جهزتله الهديه: يا بنت ال..ورحمة أمي منا سايبك ..….
#الفصل_25
#تحت_أمر_الحب
#الكاتبة_شيماء_صبحي
اجتمع أهل العريس قدام بيت الحاج إسماعيل والد تمني وكان معاهم المأزون اللي هيكتب الكتاب..
اتجهت والدت تمني لغرفة البنات وهيا بتزغرط بفرحة وبتقول:اللهم صلِ علي سيدنا محمد ايه الحلاوه دي كلها يا قلب أمك..
وقفت تمني بخجل وهيا بتعدل طرحة فستانها وبتقول: بجد ذالعه حلوه يماما..
نجلاء ابتسمت بحب وهي بتهز راسها وبتقرب منها تحضنها وأول ما تمني طبطبت علي ضهرها بدأت تعيط..
ملوك كانت واقفه هي وبقيت البنات يبصوا عليهم بدموع الفرحة ،بعدت نجلاء عن تمني وقالت:العريس وصل ومعاه المأزون علشان هيكتب الكتاب قبل ما المعازيم تيجي !!
تمني هزت راسها وقربت من ملوك وقالت:انتي كده خلصتي ولا لسا في حاجة تانيه..
ملوك بصت في وشها بتركيز وبعدها هزت راسها وقالت بابتسامه:لا كل حاجة تمام خلينا بس نلبسك الفستان!!
تمني هزت راسها بحماس وبدأوا البنات يلبسوها الفستان وكانت مامتها بتزغرد من الوقت للتاني…
-أهلا وسهلا إتفضل يمولانا..
قعد المأزون علي الكرسي وهو بيحط ايديه علي صدره وبيخبط عليه باحترام وهو بيبص لوالد العروسه الي بيرحب بيه..
قعد العريس جمب المأزون وكانت ملامح السعادة باينه علي وشه لأنه أخيرا وبعد إنتظار هيتجوز حب عمره ، والد العروسه الحاج إسماعيل كان بيبص لعريس بنته بفرحة لانه واثق فيه وفي حبه الكبير لبنته لان مالك شاب محترم وابن ناس ومتعلم وهو الوحيد اللي قدر يدخل قلب إسماعيل ونجلاء وقرووا يجوزوه بنتهم وهما مرتاحين .
فتح المأزون الدفتر بتاعه وبدأ يجهز قدامهم الأوراق وبعد وقت كان خلص ، بص لوالد العروسه وقال:فين العروسه يا حاج إسماعيل..
وقف إسماعيل وهو بيقول بفرحة:العروسه فوق بتجهز وزمانها نازله بس هروح أستعجلها .. اتحرك إسماعيل لداخل البيت وهو بينده علي زوجته علشان تجيب العروسه!!!
المأزون بص للعريس بابتسامه وحط ايديه علي كتفه وقال: أتمني الفرحة دي تفضل علي وش الحاج إسماعيل علي طول الظاهر إنه بيحبك أوي يا عريس..
حرك خطيب تمني راسه بحب وقال:عمي إسماعيل من أطيب الناس اللي قابلتها في حياتي وانا بطلب من ربنا يهديني ويجعلني الزوج الصالح لبنته..!
خبط المأزون علي كتفه بابتسامه وبعدها فتح الدفتر بتاعه وقال: توكلنا علي الله..!
خبط الحاج إسماعيل علي الباب اللي فيه العروسه وهو بيقول بفرحة:يلا يا عروسه اتأخرتي كده ليه المأزون عايزك ..
ابتسمت تمني وهي بترد علي ابوها من ورا الباب وبتقول :متقلقش يا حبيبي نازله اهو..
هز اسماعيل راسه وقال:طيب يا حبيبت قلبي حاولي متتأخريش علشان المأزون خلص ورقه وواقف عليكي..
ردت زوجته عليه وقالت:متقلقش يا أبو تمني إنزل إنت بس وخليك معاهم واحنا هنحصلك..
هز إسماعيل راسه بالإيجاب ونزل وفضلت تمني تبص لمامتها وبقيت أصحابها بفرحة كبيره!!!
ملوك كانت بتقفل شنطة المكياج بتاعها وقبل ما تشيلها قربت من تمني وحضنتها وهي بتقول:أنا هروح أنا بق ألف مبروك يا حبيبت قلبي ..
تمني بصت لصحبتها بابتسامه ولاكنها لما إفتكرت كلامها ليها من شويه عن امها وانها مش هتسمحلها تحضر الفرح قالت بحزن:يعني هبقي لوحدي..؟
ملوك بصت لبقيت البنات وقالت بابتسامه:هتبقي لوحدك ازاي وانتي معاكي الجيش دا كله..
البنات ضحكوا علي كلام ملوك ولاكن تمني كانت بتبصلها بحزن وقالت:عارفة انهم جيش بس انتي القائدة يا ملوك فاهمه قصدي..
ملوك حضنت صحبتها بحب كبير وبعدها بصتلها وقالت:انا معاكي في اي وقت بس صدقيني أنا مش هقدر اكسر كلمتها..؟
نجلاء كانت واقفه بتابع كلامهم وشافت نظرة الحزن اللي في عيون ملوك بسبب تحكمات والدتها فيها ،قربت نجلاء من ملوك وقالت بجديه:هتحضري..!
ملوك رفعت عينيها باستغراب وقالت:هحضر ازاي !
نجلاء مسكت ايد ملوك بحب وقالت:روحي انتي اجهزي وسيبيلي كوثر أنا هعرف اتصرف معاها..
ملوك بصتلها بفرحة لانها عارفه ان نجلاء بتقدر تأثر علي مامتها بكلامها فبصت لتمني بفرحة وقالت:بجد يا خالتي هحضر الفرح وهكون مع مع تمني ..
نجلاء هزت راسها وهيا بتضم ملوك وتمني لحضنها وبتقول: ايوا بجد يا حبيبت قلب خالتك ويا انا يا كوثر النهاردة..؟
كل البنات ضحكوا علي كلامها وقربوا عليهم وهما بيزغرطوا !!!!
***********
خرج رشاد من الكافيه وهو بيجري ورا دنيا اللي ماشيه بسرعه كبيره..
دنيا كانت متضايقه منه وبتهتف بغضب:جيبلي ملابس داخليه طب وحياه امي منا مكلماك تاني..
رشاد قرب منها وقبل ما يمسكها قال بصوت عالي:إقفي بقا…اا…ااااه..(صوت صرخه )
رشاد وقع قبل ما يمسك ايديها ،دنيا لفت تشوفه ولما لقته واقع علي بطنه وفارد ايديه ومش قادر يتحرك مقدرتش تمسك ضحكتها ،
-بتضحكي طيب قوميني الأول..رشاد قالها بغيظ وهو باصص عليها..
دنيا هزت راسها وهيا بتقرب منه وبتمسك دراعه وبتقول بتعب:إنت كام كيلو..
رشاد بص لبدلته اللي بقت مليانه تراب بغيظ وبص عليها لقاها لسا بتضحك ومش قادره تمسك ضحكتها ..!
رشاد بصلها وهو ضامم حاجبه بغضب وفضل ينفض هدومه وهيا لسا بصاله ومكمله ضحك..
قرب منهم الويتر وهو شايل اللبوكس اللي نسوه علي الطرابيزه وقال:رشاد بيه حضرتك نسيت البوكس دا جوه..
دنيا لفت للشاب ولما شافت في ايديه البوكس قالت بغيظ:ارميه دا مش بتاعنا أصلا..
-بس يا فند…*
رشاد هز راسه بالايجاب وقال:ارميه يا محمد اسمع كلامها ..
الشاب فضل يبصلهم للحظه وبعدها هز راسه ومشي وهو ماسك البوكس ، أول ما دخل الكافيه قرر يشوف ايه اللي في الهديه دي قبل ما يرميها علشان لو فيها حاجه غاليه ممكن ياخدها أحسن، أول مشاف الملابس الداخليه و اللي متزينه بطريقه تضحك رماها بسرعه!!
رشاد اتكلم بغيظ منها وقال :عجبك شكلي وانا متبهدل كده ..
دنيا لفت جسمها وضمت إيديها لصدرها وهيا بتقول بغيظ : تستاهل ..!
رشاد رفع حاجبه وهو مش مصدق انها عنديه بالشكل دا ،قرب من ايديها وقال:طيب انا مش قادر أمشي ممكن توصليني للعربيه ..
دنيا لفتله بقلق وهيا بتبص لجسمه وبتقول:ليه ايه اللي حصل إنت إتعورت..
إبتسم وهو شايفها خايفه عليه ف ضم حاجبه بتعب وقال وهو بيحط ايديه علي كتفها:شكل كده رجلي إتكسرت لاني مش قادر أدوس عليها.
دنيا هزت راسها بقلق وقالت:يا ساتر يا رب إتكسرت ، طيب خلينا نروح المستشفي بسرعه..
رشاد بصلها بإستغراب ولاكنه هز راسه وهو بيمثل وبيقول:عندك حق خلينا نروح علي المستشفي..
وصلوا الاتنين قدام العربيه وكان رشاد ساند بجسمه عليها جامد لدرجة انها يعتبر شيلاه..
-اقعد انت هنا وانا هسوق..؟ قالتها دنيا وهي بتبصله وبتشاورله علي الكرسي الخلفي في العربيه ،..،رشاد هز راسه بالموافقه وقال:هو انتي بتعرفي تسوقي..
دنيا هزت راسها وقالت:ايوا بس مش محترفه اوي يعني..
رشاد بلع ريقه بخوف من كلامها وسند عليها لحدما دخلته للعربيه وربتطله الحزام وبعدها اتجهت هيا لمقعد السواقه وقالت بضحكه :جاهز للمغامره..
رشاد إستغرب تحول ملامحها من القلق والخوف عليه للضحكه الغريبه دي فقال بتساؤل:مغامره ايه يا دنيا اللي بتتكلمي عنها؟؟
دنيا شغلت المحرك بتاع العربيه وبعدها ربطت الحزام بتاعها وهيا بتقول: لا الحاجات اللي زي دي مبتتحكاش يا رشاد باشا.. رشاد هز راسه وهو بيضحك لانه فاكرها بتهزر فقال بتساؤل :امال ايه..
دنيا قالت وهيا بتمشي بالعربيه:بتتعاش بس..
صوت العربيه وهيا بتتحرك بسرعه كان قوي لدرجة ان الناس اللي في الكافيه خرجوا بقلق معتقدين ان حصلت حادثة..
رشاد قال بقلق:إستهدي بالله طيب والله مكنتش أعرف ايه اللي ف البوكس !!
دنيا مردتش عليه وفضلت مكمله في طريقها وهو بدأ يصرخ من الخوف لانها فعلا ماشيه علي سرعه عاليه جدا وكان فاضل شويه والعربيه تطيرر…يا دوووونياااااا ..
كانت صرخة عمار وهو بيترجاها تهدي السرعه..
دنيا بصتله في المرايه اللي قدامها ومكنتش قادره تمسك ضحكتها من شكله وهو خايف فاطلقت ضحكه هستيريه في وسط ما رشاد بيصرخ بإسمها..!
“بعد بضع دقائق “
بقلمي شيماء صبحي
-هدي السرعه طيب إحنا دخلنا علي الطريق السريع كده وممكن تقابلنا دبابه ولا حااااااجة (قالها بصوت عالي لأنها بتحرك العربيه يمين وشمال وهيا بتضحك )
دنيا كانت أول مره تعمل حركة مجنونه زي دي ولاكن كل ما تفكر انها توقف العربيه شكل الطقم اللي كان جايبه وهو متعلق عليه سرنجات ومحاليل صغيره يعصبها أكتر فبتزود سرعتها…’
في قصر الصاوي انتهت داليدا وعمار من الأكل اللي كان كتير بطريقه أوفر وكأن عمالقه هي اللي هتأكل..
داليدا وقفت وهيا بتقول: انا عايزة اروح الحمام..
عمار هز راسه ووقف وهو بيقول:خلينا نطلع الجناح بتاعي أحسن..
هزت راسها وعمار شاور للخدم يشيلو الأكل وبعدها طلع هو وداليدا علي السلم ..
دخلوا للجناح اللي كان كبير واول ما داليدا شافت شكله انبهرت وقبل ما عمار يلاحظ ملامح وشها قربت منه وهيا بتقول:فين الحمام..
عمار بصلها بقلق وقال:إنتي كويسه..
داليدا هزت راسها وهيا بتقول بتعب:كويسه بس هو فين ..
-هناك..شاورلها عليه وهيا اول مشافته جريت بسرعه وهيا ماسكه بطنها ..
عمار خلع هدومه ودخل اوضه الملابس وجاب منها هدوم مريحه اتجه بعدها للحمام وهو بيقول بصوت عالي :خلصتي يا دودو!!
داليدا اول ما سمعت إسم دودو قفلت كل المايه اللي كانت شغاله حواليها وهمست بصدمه وقالت:دودو؟؟؟؟
عمار لما انتبه للكلمه اللي هوا قالها استغرب جدا من نفسه وقال: وكمان بتدلعها ..همس بغيظ من نفسه واتحرك بسرعه من قدام الحمام ودخل غرفه الملابس بتاعته يغير فيها ..
بعد دقايق خرجت داليدا وهيا لسا ماسكه بطنها ومش فاهمه هيا أكلت إيه علشان يعمل عندها إمساك بالشكل دا..
عمار كان لسا في أوضة الملابس واقف مش بيعمل حاجة ولاكنه محروج يطلع قدامها بعدما قالها يا دودو!!
فضلت داليدا تدور عليه في المكان الكبير اللي موجوده فيه لبعدما زهقت وقربت من الاوضه الضغيرك اللي كانت مقفوله وفتحتها..
كان واقف بيبص في المرايه وهو بيكلم انعماسه بغيظ وبيلوم نفسه علشان قالها يا دودو 🦤
داليدا قالت بإستغراب:انت بتعمل ايه!!
إنتبه عمار ليها وقال بجديه:ايييه اللي بيحصل مش فاهم..!
داليدا هزت راسها وهي بتنهي الموضوع وبتقول :لا انا بس كنت بدور عليك .
هز راسه وهو بيحط ايديه علي شعره وبيسرحة بايده لورا وبيقول بتساؤل : في حاجه حصلت ولا ايه..
داليدا حركت راسها بالرفض وقالت:لا مفيش بس كنت هسألك هنام فين..
هز راسه وهو بيخرج من الأوضه وهيا خرجت وراه، وقف قدام السرير بتاعه وهو بيشاور عليه وبيقول:السرير اهو تقدري تنامي عليه..
هزت راسها بالإيجاب وقالت:طيب انت هتنام فين..
بصلها بصه سريعه ورجع بص حواليه لقي ان مفيش غير مكتب صغير وكنبه ..
قال وهو بيتجاهل سؤالها:انا مش هنام دلوقت هروح الشركه عندي شغل..
داليدا هزت راسها وقربت من السرير قعدت عليه وهو فضل يبص عليها شويه وهيا بتفك هدومها بالراحه وبتفرد شعرها،اول ما انتبهت ليه خرج بسرعه من غير ما يقول اي كلمه…
داليدا إبتسمت علي حركاته الغريبه اللي بتظهر فجأه فهمست بالإسم اللي ندهلها بيه بخجل وقالت:دودو…
عمار نازل علي السلم بيردد الإسم في دماغه لحدما وصل قدام حارس البوابه وقال:بقولك ايه يا دودو هاتلي العربيه السوداء!!
الحارس فضل واقف مكانه مش عارف يتحرك من الإسم اللي قاله عمار باشا ليه ..
عمار بصله بإستغراب وقال:بتبصلي كده ليه يا أسر متتحرك..
الحارس هز راسه وهو بيقول:انا اسف يا فندم..
قال كلامه وهو بيجري بسرعه عند الجراج وبيجبله العربيه..
عمار فضل واقف حاطت ايديه في جيبه واول ما الحارس جابله العربيه عدل هدومه وركب ..
أسر كان محروج من الكلمه اللي قالها عمار ولاكنه مقدرش يتكلم معاه معتقد انه أكيد قاصده يهزر معاه فسكت أحسن ما يقطع عيشه!!
في الصعيد
-وصلت ملوك بيتها وبدأت تجهز من غير ما أمها تحس بيها واول ما خلصت إتصلت علي نجلاء وبلغتها انها جهزت ..بعد مرور دقايق وصلت نجلاء لبيت كوثر واول مشافتها قاعده بتتكلم مع البنات اللي في البيت قالت بابتسامه:ازيك يا جميل ..
كوثر بصتلها باستغراب وقالت:اي دا ام العروسه في بيتنا..
نجلاء قربت عليها وهيا بتسلم عليها بفرحه وبتقول:عقبال ملوك لما تفرحي بيها وتشوفيها في بيت عدلها يارب..
كوثر ابتسمت من الدعوه وقالت بفرحة أم :يارب يا ام تمني..
نجلاء قعدت جمبها وهي بتقول:اكيد طبعا مستغربه انا جيالك دلوقت ليه رغم ان المفروض اكون مع معازيمي !!
كوثر هزت راسها ونجلاء قالت وهيا ضامه حاجبها بزعل: انتي عارفة يا كوثر ان تمني متعلقه ب ملوك بنت خالتها قد ايه بس اللي انا مش قادره اصدقه انها بتقولي مش هحضر الفرح غير وملوك معايا..؟
كوثر ضمت حاجبها بضيق وقالت بجديه:بصي يا نجلاء انتي عارفه انك أختي وحبيبتي اه بس دي وصيه أبوها ووعد وعدتوهوله اني هحافظ عليها لحدما أسلمها لجوزها..
نجلاء ردت عليها بغيظ منها وقالت:بس حرام عليكي يا كوثر انتي حابسه البنت دي من كتر مهيا مبتخرجش محدش يعرف شكلها ايه..
كوثر هزت راسها بالرفض وقالت:وهي فين الحبسه دي يا نجلاء مهيا كل يوم بتخرج ..
اتكلمت نجلاء مقاطعه لكلامها:قصدك الإسطبل وهو دا خروج حرام عليكي البنت والله هتروح منك..
كوثر اتضايقت من كلام صحبتها فقالت بعصبيه:بصي يا نجلاء انا مش عارفه اجبهالك ازاي بس انا مبحبش حد يتدخل في تربيتي لبنتي.
نجلاء بصت علي السلم وشافت ملوك اللي بتبصلها برجاء وكأن حياتها متوقفه علي كلامها فبصت لصحبتها وقالت بغضب هي كمان:انا مش بتدخل يا كوثر انا بس بنصحك حرام عليكي بنتك اللي حرماها من حريتها وقال ايه بتحميها طيب من مين عايزه أعرف؟؟؟
هي البنت يعني لو راحت الفرح الناس هتاكولها ،خلي بنتك تخرج تفك عن نفسها يا كوثر دي فرحة وبعدين تمني دي صحبتها ويمكن دي اخر مره يشوفو بعض فيها مين عالم الدنيا هيحصل فيها ايه..
كوثر بصت علي السلم وشافت بنتها اللي واقفه وجاهزه ولاكنها جريت اول ما حست انها شافتها..
نجلاء كملت كلامها وقالت:انتي مستنيه تجوزيها اه بس احب اقولك انها كده مش هتتجوز لان محدش يعرف شكلها أصلا عامل ازاي يعني انتي في الحالتين خسرانه يا كوثر ..
كوثر اتأثرت بكلام نجلا وشافت قد ايه هي عندها حق .،ملوك قربت تاني تشوفهم واول ما عينيها جت في عيون أمها عيطت بزعل لان نجلاء عندها حق في كل كلمة قالتها ومفيهاش حاجة لو حضرت فرح صحبتها ..
نجلاء فضلت تبص لكوثر وهيا مستنياها ترد عليها ولاكن لما لقتها سكتت فتره طويله بصت لملوك بحزن وحركت راسها بمعني (مفيش فايده)
قامت نجلاء من جمب كوثر وقالت:ربنا يفرحك بيها يا ام ملوك بعد اذنك….
إستني يا نجلاء..قالتها كوثر وهيا بتقف ..
نجلاء ابتسمت واول ما رجعت وقفت قدامها تاني رجعت زعلها وقالت :عايزه ايه..
كوثر بصت لصحبتها وقالت:انتي عندك حق انا فعلا حرماها بس صدقيني مش هقدر اعمل كده..
نجلاء هزت راسها ولسا هتمشي كوثر وقفتها تاني وقالت: انا ممكن اخليها تحضر الفرح دا..
نجلاء ابتسمت وهي بتقول بفرحه:بجد!
كوثر هزت راسها وقالت:بس لو حصلت اي حاجة معجبتنيش هاخدها وامشي..
ملوك كانت بتبصلهم من فوق بفرحه كبيره واول ما شافت امها بتهز راسها لنجلاء جريت عليهم بسرعه وقالت:صدقنيني يا ماما والله عمري مهعمل اي حاجة تضايقك بس فعلا مكنتش هستحمل محضرش فرحة صحبة عمري..
كوثر ابتسمت وهيا بتبص لبنتها وقالت:ماشي يا بنت بطني روحي بس اعرفي ان عيني هتبق عليكي طول الوقت ..
ملوك بصت لنجلاء بصدمه ونجلاء غمضت عينيها بالموافقه وقالت:اعملي اللي تشوفيه صح يا كوثر احنا هنسبقك احنا بق ..
كوثر هزت راسها ونجلاء مسكت ايد ملوك وخرجوا…؟
وعلي الطريق السريع وبالتحديد داخل العربيه اللي طالع منها أصوات عاليه رشاد قال بتعب:والله دوخت كفايا ،عارف اني غلطان علشان وثقت في البنت دي بس صدقيني مش هتتكرر تاني توبت..
دنيا غمضت عينيها بتفكير وبصتله وهي بتقول :ماشي يا رشاد بس انا لسا زعلانه برضوا!!
رشاد بصلها بصدمه وقال:بعد كل دا!
دنيا هزت راسها بالإيجاب واول ما لفت وشها تاني اتفجأت بلجنه علي الطريق صرخت بصوت عالي وهيه بتقول:يا نهار إسود دي لجنه…
#الفصل_27
#تحت_أمر_الحب
#الكاتبة_شيماء_صبحي
وصل زين القاهرة واتجه عند شقه داليدا وكان الوقت 2 في منتصف الليل ،دخل للشقه بالمفتاح اللي كان معاه واول مشاف المكان متبهدل فهم ان رجالة الكبير وصلوا هنا تاني ،دخل لغرفته بسرعه وهو بيدور علي الألماظ اللي كان في شنطته ولما ملقهوش راح غرفة داليدا فضل يدور في حاجتها و برضوا ملقاش حاجه حط ايديه علي دماغه بغضب وقعد علي السرير وهو بيفكر هيعمل ايه ..
بعد وقت دخل للحمام اخد شاور علشان بقاله يومين بنفس اللبس ، وبعد ما خلص طلع وغير هدومه واخد سلاحة اللي كان مخبيه تحت السرير وقبل ما يطلع من الأوضه سمع خطوات لناس كتير طالعه علي السلم طفي أنوار الشقه بسرعه ودخل للبلكونه وعدي ثواني وسمع صوت ناس كتير في الشقه بص من الفتحه الصغيره اللي في البلوكه وشاف رجاله مسلحين ومن لبسهم عرف انهم رجالة الكبير اخد نفس بهدوء وهو بيفكر ازاي هيخرج من هنا من غير محد يشوفه ، بص في الشارع لقي المسافه كبيره لان الشقه كانت في الدور الثالث ، فضل يبص حواليه لحدما بص للبيت اللي قدامهم ولاكن المسافه بينهم كانت كبيره وعلشان يوصلها لازم ينطق بقوه كبيره ،عدل هدومه ووقف علي السور وغمض عينه اخد نفس كبير وقبل ما ينط باب البلكونه إتفتح ودخل منه شاب ماسك في ايديه سلاح وبيقول:انزل يا اما هضرب نار عليك؟
زين بص عليه وبعدها رجع بص للبيت اللي قدامه والشاب إستمر في التهديد ولاكن زين قرر ينط ومع اخر تهديد قاله الشاب ليه زين نطق بسرعه واول ما مسك في المسوره اتسلقها بسرعه ونزل للارض..
الشاب بصله بصدمه وقبل ما يطلق عليه نار جه واحد تاني وقال بتحذير:هتعمل ايه انت مجنون خلينا نمشي..
الشاب قال بغضب:بس دا بيهرب تاني!
الشاب التاني قال: مينفعش نضرب نار علشان الحكومه قريبه من هنا وبعدين ابن الكبير قال عايزه عايش.
الشاب التاني هز راسه وقال:يعني احنا هنمشي كده من غير ما نقبض عليه؟
الشاب هز راسه وقال:خلينا نمشي دلوقت بس متقولش انك شوفته علشان لو ابن الكبير عرف اننا مروحناش وراه ممكن يخلص علينا!
الشاب هز راسه ومشي وبعدها شاوروا لبقيت الرجاله وإتحركوا؟
كان زين بيجري بأقصي سرعه عنده لحدما خرج من المنطقه بتاعهم وطلع علي الطريق وقف يبص حواليه وهو بياخد نفسه بصعوبه ،ضرب الأرض بغضب وهو بيلعن الحظ اللي وقعه مع الكبير وشغله اللي معرض حياته للخطر.
*بعد وقت*
رجع تاني يجري لانه عارف ان رجاله الكبير مش هيسكتوا غير اما يقبضوا عليه فكان بيحاول يخرج من الطريق بسرعه علشان ممكن الرجالة تيجي من نفس الطريق…!
كان رشاد ودنيا خرجوا من قسم الشرطة ومعاهم المحامي اللي بذل مجهود كبير علشان يخرجهم بعدما الظابط رفض يخرجهم بدون دليل الكاميرات ،المحامي بص لرشاد وقال: الظابط دا عنيد جدا وعلي فكره مش هيسكت علي اللي حصله دا !
رشاد بص لدنيا علشان يطمنها وبعدها بص للمحامي وقال: انا لاحظت انه مش سهل فعلا لان نظراته ليا مليانه كره كلير بس انا مش فارق معايا حاجه دلوقت غير بهدلتها معايا النهارده.
المحامي بص لدنيا وقال:بعتذر علي وجودك في القسم الوقت دا كله يا انسه بس صدقيني كان غصب عني..
دنيا بصت للمحامي وهي مش عارفه تقول ابه بس اكتفت انها تهز راسها بابتسامع وبعدها رشاد قال:متشكر جدا يا أستاذ أشرف اتفضل انت علشان الوقت أتاخر’
المحامي هز راسه ومشي ورشاد بص لدنيا وقال: خلينا نمشي إحنا كمان!
دنيا هزت راسها وإتجهوا الإتنين للعربيه فتحلها الباب وهيا ركبت وبعدها هو إتجه مكان القياده واتحركوا..
وصلوا علي الطريق العام ومكنش في عربيات كتير موجوده في الوقت دا فكان رشاد سايق بسرعه عاليه وكان متضايق لان الظابط اللي اسمه هاني العدلي دا بوظ عليهم اليوم !!
دنيا مسكت إيديه وقالت: خلاص الموضوع خلص ملوش لازمه تضايق دلوقت..
رشاد بص لإيدها اللي ماسكه إيديه وبتحرك صوابعها بهدوء وابتسم ،هز راسه ليها وهيا رجعت بضهرها لورا وهيا بتاخد نفسها براحه كبيره لان وجودها في القسم كان مسببلها ضغط كبير..
زين كان لسا بيجري علي الطريق واول مشاف عربيه جايه في الطريق المعاكس جري بسرعه في اتجاهها وهوا بينط وبيرفع إيديه الإتنين لفوق علشان يوقفها، رشاد اللي كان سايق العربيه واول مشاف الشاب اللي بيشاورله وقف العربيه واول ما زين شاف العربيه وقفت قرب منهم وهو بيقول:ممكن تاخدني في طريقك..
رشاد هز راسه وقال:رايح فين..
زين بص للبنت اللي جمبه في العربيه وقال:اخر الطريق دا!
رشاد هز راسه وقال:طيب إركب’
زين جري بسرعه ركب العربيه ودنيا اول ما دنيا انتبهت ليه سالت رشاد بإستغراب:مين دا؟
رشاد بص للشاب وقال:هنوصله في طريقنا..
دنيا هزت راسها ورشاد إتحرك بالعربيه وهوا بيبص للشاب دا في المرايه باستغراب لإن شكله مش مريح ؟؟
زين حط ايديه علي صدره وهو بياخد نفسه وبص جمبه علي الطريق وهو بيفكر في داليدا ويا تري عامله ايه..
رشاد كان بيبصله من وقت للتاني ولحدما وصل عند اخر الطريق وقف العربيه وقال:وصلنا لأخر الطريق ..
زين انتبه ليه وهز راسه وقبل ما يفتح الباب قال:ممكن طلب اخير..
رشاد بصله بنص عين وهز راسه بالايجاب..
زين بص لدنيا ورجع بصله وقال:عايز بس اعمل مكالمه من تيلفونك لان تليفوني ضاع..
رشاد حس بعدم راحه من طلبه ولاكنه هز راسه واداله الموبايل وهو بيقول:اتفضل بس انجز علشان مستعجلين..
زين هز راسه واخد منه الموبايل وكتب اول رقمين من رقم داليدا ولقي إسمها متسجل ،زين اتصدم وهو بيبص للشاب دا وبيقول:انت تعرف داليدا منين..
رشاد بصله باستغراب وقال: تقصد ايه بكلامك دا..
زين رفع التيلفون في وشه وقال:دا رقم اختي انت تعرفها منين؟
دنيا انتبهت لكلام زين فبصتله باستغراب هيا كمان وقالت:بتقول انها أختك؟
زين هز راسه وقال:أيوا أختي انا متأكد ان دا رقمها!!
رشاد بص لدنيا وقال:انتي عارفه داليدا من زمان يا دنيا صح!
دنيا بصتله وهزت راسها وقالت:ايوا بس داليدا عندها اخ فعلا بس انا عمري مشوفت صورته بس انا عارفه اسمه و.
رشاد قال بمقاطعه لكلامها:زين اسمه زين صح!
زين بصلهم بفرحه وكأنهم وفروا عليه مجهود كبير فبص للشاب وقال: صح انا فعلا زين ؟
رشاد بصله بجمود وقال: إنت بق زين !!
زين هز راسه وهو بيبصله بفرحه ورشاد بص لدنيا بخوف عليها وقال:طيب انزل من العربيه يا زين..؟
زين اتصدم من كلامه وقال:انت بتتكلم بجد؟
رشاد هز راسه وقال:ايوا انزل !
زين رغم استغرابه الكبير الا انه سمع كلامه ونزل، رشاد بص لدنيا وقال:خليكي هنا متتحركيش دقيقه وجايلك تاني..
دنيا هزت راسها ورشاد خرج من العربيه ومسك زين واخده بعيد عن العربيه وقال:انت عايز داليدا ليه؟
زين بصله باستغراب وقال:داليدا اختي هكون عايز منها ايه يعني!
رشاد بصله بضيق وقال:انا عارف حقيقتك يا زين وبسبب مشاكلك دي اختك كانت هتموت بسببك..،
زين اتصدم من كلامه وقال:داليدا طيب ازاي هيا مش في بيت حوزها؟
رشاد هز راسه وقال:ايوا في بيت جوزها بس انت وجودك جمبها هيسببلها خطر واظن انها لو عرفت حقيقتك مش هتسامحك ابداا؟
زين نزل ايد رشاد اللي مسكه من هدومه وقال: حقيقة ايه اللي بتتكلم عنها وبعدين انا هعرف اوصلها من غير مساعدتك !!
قال كلامه وهو بيمشي خطوه ولاكن رشاد مسكه تاني وقال:حقيقة قتلك لمسلم الكبير بتاعك!!
زين اتصدم من كلامه ولاكنه قرر يسكت وميردش عليه فبعد ايديه وبص للعربيه بتاعته بضيق ومشي!!
رشاد بص لدنيا ورجع ليها تاني وركب العربيه وقبل ما يمشي دنيا قالت بتساؤل:هو راح فين مش هتاخده معاك؟
رشاد هز راسه بالرفض وقال:لا خلينا نمشي..
دنيا فضلت باصه علي زين اللي ماشي لوحده وكان واضح عليه الحزن الشديد فطلبت من رشاد يوقف العربيه وقالت:رشاد داليدا بقالها كتير مشافتوش ولو عرفت اننا قابلناه من غير ما ناخده ليها هتزعل جامد؟
رشاد بصلها بغضب وقال: لا داليدا لو عرفت اننا بعدناه عنها هتشكرنا!
دنيا مكنتش فاهمه قصده ايه بكلامه بس كانت رافضه انهم يسيبوا زين لوحده في الوقت دا !
-انتي رايحه فين! قالها رشاد وهو شايفها بتنزل من العربيه!
دنيا بصتله بحزن وقالت:هروح لزين انت مش فاهم دا روح داليدا فيه !
رشاد خرج من العربيه بغضب ومسك ايديها وقال:طيب اركبي وانا هروح اجيبه..
دنيا بصتله بشك وهو هز راسه وقال:والله هجيبه !
هزت راسها وركبت العربيه وهو مشي في الطريق اللي زين مشي فيه وقال بصوت عالي:زييين!
زين انتبه ليه واول مشافه بيجري عليه طلع سلاحه وقال:انت عايز ايه!!
رشاد رفع ايديه وقال:متخافش انا مش هعمل حاجه نزل السلاح دا بس الاول!
زين بصله بشك ورشاد قرب منه وقال:انا اخو جوزها وهاخدك ليها؟
زين بصله وقال:انت متاكد!
رشاد هز راسه وقال:انت شايفني ايه قدامك '
زين هز راسه ودخل سلاحه تاني لجيبه وبعدها قرب منه وقال:ماشي !!
رشاد مشي وزين مشي وراه لحدما اتجهوا للعربيه ..رشاد بص لدنيا بضيق وبعدها ركب جمبها واول مت زين اركب اتحرك رشاد بالعربية !!!!!
***********
في الصعيد وبالتحديد في غرفه ملوك ،
كانت قاعده علي السرير وهي ضامه رجليها لصدرها وبتعيط وكلام أمها ليها بيتردد في دماغها
(انا أصلا غلط لما سيبتك تروحي هناك انتي مكانك هنا ،وإعملي حسابك مفيش خروج من البيت دا تاني ولو عايزه تخرجي يا ملوك يبق لا انتي بنتي ولا أعرفك )
ملوك همست بعيون منتفخة من البكاء:مش ذنبي إن أختي سابتكم وهربت زمان ،أدفع تمن غلطها ليه بس انا متأكده إن اللي هيا عملته بسبب تحكماتكم فيها؟؟
مسكت تيلفونها اللي خبته قبل ما أمها تفتكره وتاخده منها ، وطلعت رقم عمار إبن خالتها وإتصلت عليه…
كان تيلفون عمار بيرن وكان هوا نايم بعمق ،صحيت داليدا ومسكت هيا التيلفون وأول مقرأت الإسم قربت من عمار وقالت :عمار تيلفونك بيرن؟
عمار همس بصوت كله نوم وقال:اقفلي التيلفون مش عايز اكلم حد..
داليدا بصت للإسم وقبل ما تقفل المكالمه رجعت في كلامها وقررت هيا ترد وأول ما حطت التيلوفن علي ودنها سمعت صوت ملوك!!
ملوك إتكلمت بعياط وقالت:عماار تعالي خدني من هنا علشان خاطري..
داليدا اتصدمت من كلامها وأول ما سمعت صوت شهقتها قربت تاني من عمار وقالت بصوت أعلي:قوم يا عمار ملوك بنت خالتك شكلها واقعه في مشكلة!!
عمار أول ما سمع إسم ملوك قام علي طول وأخد من داليدا التيلفون وقال:ألو أيوا يا ملووك!
ملوك إتكلمت بعياط وقالت :أنا معدتش قادرة أستحمل قسوتها تاني يا عمار تعالي خدني أرجوك..
عمار اخد نفس وقال:حاضر يا ملوك متخافيش هاجيلك..
ملوك ارتاحت لما قال كلامه لإنها بتثق فيه ، عمار كمل كلامه وقال: متعيطيش خلاص انا معاكي وأوعدك مش هتتعرضي لتحكماتها تاني:.
داليدا كانت مركزه مع كلامه معاها وبسبب صوت ملوك اللي مليان عياط صعبت عليها جدا ..
ملوك هزت راسها وقالت:حاضر انا هستناك بكره تعالي خدني من هنا انا مش عايزه أفضل هنا أكتر من كده!
عمار هز راسه وقال بحنيه:حاضر كل اللي إنتي عايزاه أنا هعملهولك بس انا عايزك تهدي قومي كده إغسلي وشك علشان انتي عارفه اني مبحبش اشوفك زعلانه!
ملووك قلبها دق لما سمعت كلامه وابتسمت وهيا بتقول بطاعه:حاضر.
عمار ابتسم وهو بيقول: طيب يلا قومي يا حبيبتي !
همست ملوك ب :امم وبعدها قفلت المكالمه ..
عمار اخد نفس طويل وهو بيحط التيلفون جمبه وداليدا كانت لسا بصاله وقالت بتساؤل:هي ملوك كويسه..؟
عمار حرك راسه وهو بيقول:امم بس لو مروحتش بكره أجيبها مش هتبق كويسه..
داليدا فضولها كان كبيرتعرف كلوك مالها فقربت منه أكتر وهي بتقول بتساؤل:ليه بتقول كده هو ايه اللي بيحصلها؟
عمار بص لداليدا بصه طويله وبعدها قال: ضغط نفسي؟
داليدا رفعت حاجبها باستغراب ولاكنها محبتش تضغط عليه لان واضح انه متأثر جامد بالموضوع فقربت منه وحضنته وهيا بتقول:انت هتروح الصعيد بكره؟
عمار هز راسه وهيا قالت:خلاص أنا هاجي معاك؟
#الفصل_28
#تحت_أمر_الحب
#الكاتبة_شيماء_صبحي
هو انت هتروح الصعيد بكره؟
هز راسه بالإيجاب فـ قربت أكتر منه وقالت:طيب أنا هاجي معاك..،عمار بصلها وهز راسه بالرفض وقال:لا خليكي علشان الطريق هيكون طويل وانتي هتتعبي..!
داليدا بعدت عنه وقالت بصوت طفولي:يعني هتروح لوحدك وتسيبني هنا...
عمار رفع حاجبه باستغراب من طبقة صوتها المختلفه فقال بتساؤل:هو الصوت دا خرج منين..
داليدا ضمت حاجبها وقالت بغيظ وهيا بتشاور علي بوقها:من هنا ؟
ابتسم علي حركات وشها فهز راسه وقال:طيب متزعليش تعالي معايا بس افتكري اني قولتك تفضلي هنا..
هزت راسها بحماس ووقفت وهيا بتقول:طيب في هنا لبس ليا!
عمار هز راسه واتجه لغرفة الملابس وهيا دخلت وراه واول ما شافته بيقرب من دولاب كبير مليان بفساتين واضح انها غاليه من شكلها ، قالت بتساؤل:هو انت كنت متجوز قبل كده؟
عمار حرك راسه وقرب من فستان هادي وقربه منها وقال:لا مكنتش متجوز دول علشانك..
ادالها الفستان وهي فضلت تبصله ومصدومه..
عمار اخد هدوم ليه وبدأ يغير قدامها وهيا من كسوفها لفت وشها بسرعه وبعدما وشها هدي لفت علشان تشوفه ولاكنها لاقته وراها على طول جسمها اتنفض بخضه وقالت بتساؤل:اي دا انت لسا ملبستش؟
عمار ابتسم علي وشها الاحمر وهز راسه بغني :لأ ..
داليدا هزت راسها وقالت وهيا بتتسحب:طيب انا هستناك بره علي ما تخلص وـــ!
عمار شدها من وسطها ليه وهو كان عار"ي الصدر ،داليدا خبطت في جسمه وحطت ايديها ورا ضهرها لانه كان ماسكها من وسطها..
اتكلمت وهيا بتاخد نفسها بصعوبه من شكل عضلات جسمه اللي شكلها مغري :إحم هو انت مش هتلبس.. ،حرك راسه وهو بيبص في عينيها وقال:هلبس بس انتي رايحه فين..
داليدا لفت وشها بخجل وهي بتبص علي الباب وبتقول:هستنى برا لحدما تخلص براحتك..، رفع حاجبه بضيق وقال:لا متخرجيش غيري هنا..؟
داليدا بلعت ريقها وهزت راسها وهوا ساب ايده واول ما اخدت نفسها بعدت عنه بمسافه صغيره وبدأت تغير هدومها وأول ما رفعت بلوزة البيجاما معرفتش تطلع دماغها فقالت بصوت مخنوق:ساعدني !!
لفلها بسرعه وشافها وهيا بتحاول تخرج راسها فبدأ يسحبها وهيا كانت بتشد معاه لحدما هو مسك ايديها ونزلها وقال:نزلي ايدك وسيبيني اتصرف..
نزلت ايديها واخدت نفسها وهو بدأ يطلع البيجاما من راسها براحه وقبل ما يبعدها خالص في زرار مسك في شعرها فقربت ايديها من صدره وضربت عليه وقالت:اه حاسب شعري شعري..
فكلها شعرها بسرعه وبعدما خلص كانت هيا مسكاه من جسمه..
عمار بص لايديها بإبتسامة وهيا من خجلها نزلتها بسرعه واول ما انتبهت انها واقفه قدامه شبه عا""ريه بعدت بسرعه عنه وبدات تلبس الدريس....
وصلت عربيه رشاد للقصر وكان معاه زين .
رشاد بصله وقال :قبل ما ننزل عاوز اقولك ان داليدا متعرفش انك السبب في الهجوم اللي حصل وعمار فهمها انهم جايين علشانه يعني انت قدامها لساا ملاك؟
زين بصله بضيق وقال:انا معملتش حاجه من اللي بيقولوا عليها كل الحكايه انهم عايزين يلبسوهالي مش أكتر !
رشاد هز راسه ونزل من العربيه وبصله وزين نزل وراه وهو بيبص حواليه ..،
رشاد شاور لواحد من الرجاله يركنوا العربيه في الجراچ وبعدها بص لزين وقال:تعالي ورايا!!
زين كان بيبص للقصر بإعجاب شديد ومكنش مصدق ان داليدا متجوزه واحد غني للدرجة دي؟
رشاد بص لزين وقال:هما اكيد نايمين دلوقت. فـ انت هتنام هنا لحدما تقابلها بكره ؟
زين هز راسه ورشاد مسك ايديه واتحركوا للدور الثاني ودخلوا اوضه بعيده تماما عن جناح عمار وداليدا .. زين اول مشاف الأوضه عجبته وهز راسه لما عمار سأله:عجبتك الاوضة؟
زين رد عليه : شكرا؟
رشاد هز راسه وقبل ما يخرج قال:هتلاقي عندك في الدولاب دا هدوم تقدر تغير لو حبيت والصبح اول ما داليدا هتصحي الخدم هيصحوك ..؟
زين هز راسه ورشاد خرج من الاوضه واتجه لجناحه واول ما دخل نام علي السرير بتعب ومن غير ما يبدل هدومه ؟؟
جهزت داليدا وخرجت من غرفة الملابس وهيا بتاخد نفسها بصعوبه ،قربت من شنطتها وطلعت منها الميك اب الاحتياطي بتاعها وعملت لنفسها ميك اب خفيف ،خرج عمار من الاوضه وهو بيبص عليها وشايفها مركزه مع المرايه وبتحط لمسات بسيطة من ادوات التجميل ،ابتسم ابتسامه خفيفه وقرب منها ووقف وراها وهيا اتوترت جدا وفضلت تبصله في المرايه لحدما هو قرب من البيرفيوم بتاعه واخده ورس علي عنقه رشه خفيفه داليدا استنشقتها برضا لان ريحتها كانت نادرة وكانها اول مره تشمها؟
بعد عنها بعدما سرح شعره وهيا فردت شعرها ورا ضهرها وبعدها مسكت شنطتها وبصتله وقالت:انا خلصت!
عمار انتبه ليها وبص لشكلها واطلق ابتسامه خفيفه وقال:طيب خلينا نتحرك!
داليدا هزت راسها وهوا قرب منها ومسك ايديها وقال بهمس: امشي علي مهلك خالص احنا مش ورانا خاجه!
داليدا ابتسمت وهزت راسها وبعدما مسكت في ايديه خرجوا الاتنين من جناحهم ونزلوا لتحت ، أول مشافهم واحد من الحراس جري علي عمار وقال : سيادتك خارج!
عمار هز راسه وقال:عايز العربيه السودا !
الحارس هز راسه واتجهه للجراچ بسرعه وبعد دقايق قرب منهم بالعربيه ونزل وقال باحترام :إتفضل سيادتك'
عمار هز راسه وقرب من الباب الجانبي وفتح لداليدا الباب وبعدها اتجه لمقعد السواقه وقعد وبعدما الحارس قفله الباب اتحرك عمار لخارج القصر...؟
وفي منزل دنيا كانت قاعده بتبصلتلك الطفله العنيده وهيا بتستجوبها وكأنها ظابط بيحقق مع مجرم!
دنيا اخدت نفس وهيا بتقول بتعب:ممكن نأجل كلامنا لبكره يا جميله؟
جميله قربت منها وقالت بزعل:انتي مش عايزه تقعدي معايا!
دنيا قربت من خدهها وضغطت عليه بابتسامه وقالت:لا يا روح قلبي متقوليش كده بس انا تعبت اوي النهاردة وعاوزه ارتاح !
جميله هزت راسها وهيا بتقول :طيب ماشي بس علشان انتي اتاخرتي اوي عليا لازم تجبيلي حاجه حلوه!
دنيا هزت راسها بالموافقه وقالت:اوعدك اني هجبلك حاجه حلوه ومن عيني دي لعيني دي!
جميله ابتسمت بحب واضح في عيونها وقربت منها وقالت:طيب شيليني بق !
دنيا قامت وقفت وقربت منها شالتها في حضنها واتجهوا الاتنين لغرفتهم واول ما دنيا نيمتها علي السرير فتحت دراعها باستقبال وقالت:يلا يا ماما !
دنيا هزت راسها وقالت وهيا بتقبل جبينها:إسمحي لماما بس تغير هدومها في دقيقه واحده وهتجيلك !
جميله هزت راسها بالموافقه ودنيا مشيت !
وبعد دقيقه بالظبط رجعت دنيا وهيا لابسه بيچامه خفيفه وقربت من جميله وحضنتها وغمضت عينيها بتعب وفي خلال دقايق كانوا الاتنين في ناموا نوم عميق!!!!
في صباح يوم جديد وصلت عربيه عمار وداليدا قدام بيت كوثر ،نزل هوا الاول وفتح لداليدا الباب وساعدها تخرج وبعدما قفل العربيه قربوا الإتنين ووقفوا قدام الباب الكبير ورنوا الجرس..؟
عدي كام دقيقه وفتحت بنت من الخادمات وهيا بتبصلهم بنص عين وبتقول:مين حضراتكم!
عمار قال بجيه:انا عمار الصاوي ومعايا مراتي ..
البنت انتبهت ليه فهزت راسها بترحيب وقالت:ايوا يا باشا اتفضل اهلا وسهلا ثواني وهصحي الست هانم؟
عمار وداليدا دخلوا وقعدوا في الصالون ..اتجهت البنت ليهم تاني بسرعه وقالت:هروح اصحي الهانم لحضراتكم..!
عمار وقفها وقال:لا متصحيهاش احنا هنستناها لما هي تصحي براحتها..
البنت تراجعت اول ما سمعت كلامه فهزت راسها وقالت:طيب تحبوا احضرلكم حاجة تشربوهوا..!
عمار بص لداليدا لقاها بتهز راسها بالرفض فقال:لو مش هتعبك اعمليلي فنجان قهوه ساده وهاتي مايه للمدام!
البنت هزت راسها بابتسامه واتجهت علي المطبخ علي طول ...
عمار بص علي الساعه لقى الوقت :٦ صباحا بص لداليدا وقال:الساعه ٦ لسا اكيد محدش فيهم بيصحي دلوقت..!
داليدا هزت راسها بالايجاب وقالت:صح هو محدش بيصحي دلوقت أصلا ..قالت كلامها وهيا بترجع راسها لورا وبتغمض عينيها..
عمار اخد نفس وهو بيفكر في الكلام اللي هيقنع خالته بيه علشان تسيب ملوك تروح معاه واول ما فكر في نقاش بص لداليدا وقال:تفتكري يا دا....
داليدا كانت نامت وكان باين علي وشها الارهاق..
ابتسم ومسك جسمها بالراحه وحطه علي صدره بهدوء وهيا اول ما حست بيه ضمته بحب وبعدها هوا فرد جسمه ،،عدي دقايق وخرجت البنت وهيا شايله القهوه والمايه قربت منه وقالت باحترام:القهوه !
طلب منها تحطها قدامه والبنت هزت راسها وقبل لما تمشي خطفت نظره سريعه للبنت اللي في حضنه وشافته وهو بيمشي ايديه علي شعرها السايح فبعدت بسرعه وهيا بتبتسم لانها اول مره تشوف حد بيعمل كده ولان من عاداتهم ان الراجل ميغازلش مراته غير وهما في اوضة نومهم فكان الموضوع غريب وجديد عليها...
عمار شرب القهوه وطلع موبايله وبعت رساله لرشاد وبلغه فيها انه في الصعيد ومعاه داليدا علشان يجيبوا ملوك تقعد معاهم في القاهره ..
خلص كلامه بسؤاله عن تأخير زين في القسم واستني لما هو يرد عليه!!!
وبعد ساعتين
صحيت ملوك واول حاجه عملتها مسكت تيلفونها وبصت فيه لقت ان عمار مبعتلهاش حاجه لحد دلوقت قالت بحزن:اوعي تكون بتضحك عليا يا عمار! قالت كلامها ووقفت علشان تغسل وشها واول ما دخلت للحمام سمعت صوت رساله جت علي تيلفونها خرجت بسرعه وقربت من التيلفون واول ما بصت للرساله وشها اتقفل تاني لانها كانت رساله من شركة الاتصالات!!!
صحيت كوثر ودخلت للحمام واول ما بصت في المرايه افتكرت المنظر اللي شافته امبارح لما كانت ملوك في حضن زين؟
قالت بغضب من نفسها:انا اسفه يا ابو ملوك انت عندك حق انا فعلا مش قد المسؤليه ؟؟
خرجت بعد وقت صغير وبدأت تغير هدومها وبعدما خلصت خرجت من أوضتها ونزلت تحت ..
اول ما عمار شافها صحي داليدا بلطف وقال:قومي يا داليدا !!
داليدا فاقت بسرعه وهزت راسها ليه واول مشافت كوثر اللي بتقرب منهم وعلي وشها الصدمه عدلت جلستها بسرعه!
كوثر قالت بتساؤل:ايه المفجأه الحلوه دي يا عمار مكنتش اعرف اني هصتبح بشوفتك؟
عمار وقف وبص لداليدا تقف علشان تسلم عليها وقال:صباح الخير يا خالتي ان شاء الله اكون وشي حلو عليكي انا وداليدا !
كوثر ابتسمت وهيا بتحضنه وبتقول:وهي دي محتاجه تتعرف يا حبيبي طول عمرك وانت وشك حلو..
عمار ابتسم وكوثر بصت لداليدا وسلمت عليها ببرود وقالت:ازيك يا حبيبتي!
داليدا هزت راسها وقالت:الله يسلمك يا طنط..!
كوثر هزت راسها وقالت:استريحوا يا حبايبي نورتوا البيت !
عمار شاور لداليدا تقعد وبعدها بص لخالته وقال:البيت منور بناسه يا خالتي طمنيني عليكي عامله ايه؟
خالته هزت راسها وقالت:الحمدلله يا حبيبي طمني انت عليك عامل ايه واخوك عامل ايه!
عمار هز راسه وقال:احنا كلنا بخير الحمدلله !
كوثر هزت راسها بابتسامه وقالت:الحمدلله. !
عمار بص لداليدا واخد نفس وبعدها بصل لكوثر وقال:بصراحه يا خالتي انا وجودي هنا انا وداليدا علشان موضوع مهم لازم نتكلم فيه!
كوثر بصت لداليدا بضيق وقالت:موضوع بيني وبينك ماشي انما ايه دخل مراتك فيه!
داليدا حست بالإحراج من كلامها فكانت هتقوم لولا ايد عمار اللي منعتها وقال: انا ومراتي واحد يا خالتي وزي منا بعتبر اهلها اهلي هيا برضوا بتعتبر اهلي اهلها..
داليدا هزت راسها ليه وهو بص لخالته بجديه وقال:انا مش عارف ايه اللي حصل امبارح بس اللي انا متاكد منه ان ملوك لازم تيجي معايا القاهره!!
كوثر وقفت بصدمه أول ما سمعت كلامه فقالت بصوت عالي وغاضب:انت اتجننت يا عمار ملوك مين اللي تيجي معاك القاهره انت فاكرني هنا ايه مليش كلمه؟
عمار اتصدم من كلامها وتحكمها الشديد اللي واضح في نبرة صوتها فقال بصوت غاضب هو كمان:انا مكنتش حابب اني اعلي صوتي عليكي بس انتي اللي اتضرتيني اعمل كده بس انا جيت هنا بطلب من ملوك اللي كانت منهاره ومش عايزه تفضل هنا فعلشان خاطري خليها تيجي معايا من غير ما نصعب الأمور؟
كوثر اتعصبت لما سمعت كلامه فقربت من السلم بغضب وهيا بتتجه لاوضة ملوك وبتقول:بق حصلت انها تشتكيني ليك والله عال اوي دي باين عليها عاوزه تتربي من أول وجديد!
داليدا كانت مصدومه من جبروت كوثر واسلوبها الشديد والمخيف مع بنتها فبصت لعمار وقالت:امنعها يا عمار تقرب منها!
عمار وقف بسرعه وقرب من خالته ومسك ايديها بكل قوته وقال:بلاش تعملي كده هتخسريها زي مخسرتي حسناء وصدقيني هيا طلبت مني اجي علشان مش عايزه تعمل زي اختها؟
كوثر بصتله بحزن كبير ولاكن غضبها كان اقوي سحبت ايديها جامد وبعدته عنها وقالت: حسناء هربت وانا نايمه ولاكن انا دلوقت صاحيه واقدر امنع ملوك تخرج من هنا وانا قولتهالها مره لو خرجت من هنا لا هتكون بنتي ولا اعرفها؟؟؟
-لو هعيش عمري كله تحت تحكماتك فيا يبق الموت أفضل ليا يا أما..دا كان كلام ملوك اللي كانت واقفه وراها وبتتكلم بكل حزن !
كوثر لفت بجسمها وبصت لينتها وقالت بلوم:بق انا بتحكم فيكي ..؟ بتسمي تربيتي وخوفي عليكي دا تحكم؟
عمار قرب من ملوك وخلاها تقف وراه وقال وهو بيبص لكوثر: اللي انا شايفه دا دلوقت ملوش علاقه لا بخوف ولا تربيه يا خالتي دي تحكمات قاسيه بتفرضيها عليها علشان اختها مقدرتش تستحملها ، عارف ان ابوهم الله يرحمه كان طبعه حاد شويه بس هو مطلبش منك تقفلي عليهم حياتهم كده؟
كوثر بصتله بغضب وقالت:انت شايف اني بتحكم فيهم ،انا خايفه عليها من الدنيا؟
عمار بص لملوك اللي حضناه من ضهره وقال: وهما اخر ناس فيها علشان تركز معاهم وبعدين سيبهم يتوكلوا علي ربهم وكل واحده تختار بنفسها هيا عايزه ايه ،زمان لما حسناء هربت كتبتلك انها أسفه بس كانت مضغوطه ولاكن ملوك مهربتش ملوك طلبت النجده وانا بق مش هسمح ان دا يتكرر تاني كفايه ؟
داليدا كانت واقفه تسمع كل الحوار اللي بينهم واول ما رفعت عينيها وشافت ملوك حاضنه عمار حست بغيره شديده ظهرت في قلبها ضغطت علي ايديها بقوه واستنته يبعدها عنه؟؟
ملوك بعدت عن عمار وقالت وهي بتبص لأمها:انا طلبت من ابن خالتي ياخدني معاه القاهره ولو انتي رفضتي انا هعمل فيكي محضر واظن ان من حقي اختار المكان اللي اعيش فيه!
كوثر اول ما سمعت كلام بنتها اتصدمت ومقدرتش تتمالك اعصابها ووقعت علي الأرض..!
يتبع بقلمي الكاتبة شيماء صبحي
اظن ان كلنا مع ملوك بس هل تتوقعوا كوثر هتسيبها تروح معاه فعلا🤔
توقعاتكوا يا حلوين ❤️❤️💓
#الفصل_29
#تحت_أمر_الحب
#الكاتبة_شيماء_صبحي
.انا طلبت من ابن خالتي ياخدني معاه القاهره ولو انتي رفضتي انا هعمل فيكي محضر واظن ان من حقي اختار المكان اللي اعيش فيه!
كوثر اول ما سمعت كلام بنتها اتصدمت ومقدرتش تتمالك اعصابها ووقعت علي الأرض..!
عمار مسكها بسرعه وقال بصدمه:خالتي..؟
ملوك كانت واقفة مصدومة ومش مصدقه ان امها اغمي عليها فضلت واقفه مكانها لحدما فاقت علي صوت عمار اللي بينادي علي داليدا !!
بصت ملوك حواليها وشافت داليدا اللي بتجري عليهم وعينيها علي أمها والصدمة باينه علي وشها!!
داليدا قربت من كوثر وحطت ايديها عند رقبتها وقالت..:النبض بطئ عايزة مايه بسرعه واي برفان..
عمار بص لملوك اللي واقفه بصاله وساكته وقال بصوت عالي: هاتي مايه واي برفان عندك بسرعه!
ملوك هزت راسها بالإيجاب وجريت بسرعه علي اوضتها تجيب برفان من بتاعها..
داليدا قربت من كوثر وحاولت تساعدها تقوم ولاكن عمار بعدها وقال:خليني اوديها اوضتها..
داليدا رجعت لورا وهو حط ايديه عند رجل وضهر كوثر وشالها بكل قوته وإتجه بيها لأوضتها!!
كانت ملوك ايديها بترتعش وهيا بتجيب البرفان مسكته وخرجت بسرعه وندهت بصوت عالي لواحده من البنات وقالت: فاطمة..
خرجت فاطمة بسرعه وقالت:خير يا يت ملوك،،
ملوك اتكلمت بحزن وقالت :هاتي مايه بسرعه !
فاطمة هزت راسها وجريت علي المطبخ وجابت ازازه مايه وجريت عند ملوك وادتلها الازازه ..
ملوك مسكت الازازه واتجهت لاوضة امها والخوف كان مالي قلبها!!
داليدا استقبلتها ومسكت المايه وبدات ترش شويه شويه علي وش كوثر ولاكنها مكنتش بتستجيب .
عمار اخد البرفان من إيد ملوك وقربه من مناخير كوثر وفضل يحركه ببطئ لحدما كوثر إستجابت ليه وفتحت عينيها!
داليدا خرجت من الاوضه بسرعه وكانت فاطمة لسا واقفه داليدا خرجت من شانطتها مبلغ وطلعت ورقه صغيره وكتب عليها نوع حقنه وادت الورقه للبنت وقالت:هاتيلي الحقنه دي بسرعه !
فاطمه هزت راسها بالايجاب واخذت منها الورقه والفلوس وجريت بسرعه خارج البيت!
عمار كان حاطت ايديه ورا دماغ كوثر وبيحاول يخليها تستجمع قوتها، داليدا قربت منه وقالت:خليها مرتاحه انا بعدت اجيب حقنها هتخليها تتحسن!
عمار شال ايديه بالراحه وساب كوثر ترتاح وكانت دموعها بتنزل علي المخده لان كلام بنتها بيتكرر في دماغها وكانه عقابها علي حمايتها ليها؟
داليدا بصت لكوثر وبعدها بصت لملوك اللي واقفه ساكته ومش بتتحرك ،قربت منها وهيا بتحرك ايديها بالراحه وبتقول:متقلقيش هتبق كويسه!
ملوك دموعها نزلت وهيا بتبص لداليدا وبتقول:انا مكنتش أقصد ،أنا بحبها أوي مش عارفه ازاي فكرت اقولها حاجة زي كده!
داليدا مسحتلها دموعها بحنيه وقالت : انا مقدره الحاله اللي انتي كنتي فيها وانا واثقه ان طنط كوثر هتفهم الوضع بعد ما تقوم بالسلامه!
ملوك هزت راسها وهيا بتبص لأمها اللي بتحرك عينيها ببطئ ودموعها نازله.. قربت منها ومسكت ايديها وقالت بإعتذار:أنا أسفه ياماما والله مش قصدي أقولك كده أنا بحبك اوي والله بس صدقيني كان غصب عني!!
عمار كان باصصلهم وساكت وكان كلامه خلص هو عارف ان خالته غلطانه ولاكن برضوا ملوك غلطت أكتر!!
داليدا قربت منه ومسكت ايديه وقالت بهمس: خلينا نقف برا شويه..
عمار بصلها وهز راسه ،وخرجت داليدا ومعاها عمار وسابوا ملوك ومامتها يتفاهموا..
كوثر بصت لينتها بحب كلير واضح في عيونها قالت وهيا بتحط إيديها علي دماغها:إنتي نور عيني من جوه يا ملوك..
ملوك انهارت لما سمعت الجملة دي حست وكأن قلبها اتحرك من مكانه ،كانت أول مره تلاحظ ان أمها فعلا بتحبها عيونها بتحكي كل حاجة دلوقت..؟
ملوك قالت:وانا كمان بحبك علشان خاطري قومي بالسلامة..صدقيني مش هقولك كده تاني انا مليش غيرك في الدنيا دي ، أنا عارفه انك بتعملي كده لانك خايفه عليا بس إنتي عمرك مقولتيلي من ايه..
رواية تحت أمر الحب بقلمي الكاتبة شيماء صبحي..
كوثر بصت لبنتها وكأنها فتحت جرح كان اتقفل من سنين رفعت حاجبها بتقل وقالت:عاوزة تعرفي ليه يا ملووك؟
ملوك هزت راسها بالايجاب وقالت:ياريت تفهميني علشان لما اجي افكر مع نفسي ليه بتعملي كده ألاقي سبب مقنع..
كوثر هزت راسها وقالت: علشان مش عايزه اللي حصل مع حسناء أختك يحصل معاكي ،إحنا عايشين في دنيا مليانه بالديابة يابنتي ومهما حاولتي تحمي نفسك منهم بيتكاتروا عليكي ويؤذوكي!!
ملوك رمشت بعينيها وهزت راسها وكوثر قالت:أختك مهربتش علشان تحكماتي زي منتب فاهمه ،لان انا مكنتش بتحكم فيها أصلا ..إنتي كنتي لسا عيلة صغيرة مش فاهمه حاجة بس انا لازم اعرفك هيا هربت ليه، بس قبل ما اقولك لازم الكلام اللي هيطلع مني دلوقت مفيش اي مخلوك تاني يعرفه لازم تحافظي عليه زي مانا عملت كل السنين اللي فاتت دي ..
ملوك فتحت عينيها من الصدمه لان من الواضح ان الكلام اللي هتقوله امها مش هيكون سهل فهزت راسها وامها قالت:أختك هربت علشان كانت حامل يا ملوك ،كانت متجوزة من ورانا ،ولما انا عرفت ضربتها بكل قوتي لحدما سقطت اللي في بطنها ..
ملوك فتحت عينيها من الصدمه وفضلت واقفه مكانها مبتتحركش لما سمعت كلام امها ،كوثر قالت بصوت كله كسره،لما الحمل نزل أصريت اني اعرف ابوكي واعمامك وهما هيتصرفوا معاها وعلي حسب عاداتهم كانوا هيق”تلوها هيا واللي اتجوزته عرفي من ورانا ولما هيا عرفت بق هربت معاه ولما هربت يا ملوك سابتلي الورقه اللي الكل مصدقها لحد دلوقت؟؟
ملوك وقفت وهيا بتهز راسها بعدم تصديق ،ضمت حاجبها برفض وهيا بتحاول تفكر يمكن امها غلطانه او مش دي الحقيقه بس بعدما افتكرت طفولتها مع امها شافت قد ايه انها فعلا كانت حنينيه معاها ولاكن فجاه كده قلبت عليها يوم هروب حسناء..!
داليدا دخلت وكانت ماسكه الحقنه في ايديها قربت من كوثر وقالت:الحقنه دي هتساعدك تتحسني..
كوثر هزت راسها وبدات داليدا تجهز الحقنه قدامها وقبل ما داليدا تديلها الحقنه بصت علي ملوك اللي خرجت من الاوضه بسرعه ..
كوثر بصت لداليدا وقالت: شكرا علي وقفتك جمبي..
داليدا هزت راسها وقالت:دا وجبي ،ربنا يديكي الصحة..؟
كوثر إبتسمت وهيا بتبصلها وداليدا كانت ادتلها الحقنه في الوريد وبعدما خلصت وقفت وهيا بتقول:هو انا ممكن اتكلم معاكي لو مش هضايقك!!
كوثر هزت راسها وقالت:اتفضلي ؟
داليدا سحبت كريي التسريحه وقربت من كوثر وقالت:انا عارفة انك ام وبطبع الأم إنها بتخاف علي أولادها وبتحميهم بس نفس الأم دي برضوا هيا اللي بتعلم أولادها ازاي يقدروا يعيشوا في الحياه ويواجهوها علشان يقدروا يكملوا حياتهم وبتعلمهم ازاي برضوا يعتمدوا علي نفسهم وازاي يقدروا يتواصلوا مع الناس علشان محدش يضحك عليهم في يوم من الايام ..!
ملوك لسا صغيرة أنا متفهمه دا وأكيد هيا شايفه بنات غيرها عايشين وبيروحوا وبيجوا وهيا لأ فعلشان كده شايفه ان الحُريه من حقها ،، وانا بتجربتي مع الحياه ضدد الفكرة تماما يعني اللي عايزه أقوله اننا نمسك العصايه من النص يعني لا تكون سايبه ولا صالبه لازم تبقي متمالكه ..
كوثر بصت لداليدا باعجاب كبير وهزت راسها وقالت :انتي صح بس برضوا انا مش هينفع اسيبها تروح معاكم لان لو دا حصل انا ممكن اموت فيها لان ملوك هيا كل حياتي ومش متخيله انها ممكن تسيبني ابداا بالطريقه دي..!
ملوك كانت واقفه علي الباب وسامعه كل الكلام اللي بين والدتها وداليدا واول ما عمار قرب منها بصتله بحزن وقالت: انا اسفه علشان حطيتك في الموقف دا؟
عمار قرب منها وقال : وهو احنا بينا كده انتي اختي يا ملوك ولازم اقف جمبك في اي وقت..
ملوك ابتسمت وقربت منه حضنته وهيا بتقول:ربنا ميحرمني منك ابدااا؟
-إحم..ممكن تكلمي مامتك يا ملوك؟ داليدا قالت كلامها وهيا بتبصلهم بجمود؟
ملوك بعدت عن عمار وهزت راسها ودخلت وداليدا مرضتش تبصله ودخلت وراها ..
عمار ابتسم علي غيرتها اللي كانت واضحه ف دخل وراهم هو كمان وكان مبسوط؟
كوثر بصت لبنتها وقالت: عايزه تروحي مع عمار القاهرة وتعيشي هناك ..!
ملوك بصتلها وسكتت وعمار كان مركز معاها ولاكنه لما بص لداليدا لقاها بصاله بغيظ فمقدرش يقاوم ضحكته وابتسم ..
ملوك هزت راسها وقالت:لا مش هروح؟
عمار بصلها بصدمه ولاكن داليدا إبتسمت وبصت لكوثر وهزت راسها وقالت: هو انا ممكن اطلب منك خدمة!
كوثر هزت راسها وقالت:طبعا اتفضلي!
داليدا ابتسمت وبعدها قالت: ممكن نفضل احنا الحريم بس في الاوضه يعني لو سمحتي قوليلوا يطلع برا؟؟
عمار كان مركز مع كلامها بانتباه ولاكن لما سمع كلامها بصلها بصدمه ،كوثر هزت راسها بالموافقه وبصت لعمار وقالت:لو سمحت يا عمار سيبنا لوحدنا شويه !
عمار رفع حاجبه بضيق وخرج من الاوضه ،داليدا قامت وقفلت الباب وراه واول ما قربت منهم بصت ل ملوك وقالت:مكنش لازم تعرفي غلاوتها غير لما حسيتي انها هتروح منك!
ملوك بصت لامها وقربت منها وقالت:متقوليش كده يا داليدا ربنا يخليها ليا..
كوثر غمضت عينيها براحه كبيره لان كلامها مع داليدا غير حجات كتير اوي جواها وبعدما صدقت ان بنتها فعلا بتحبها قامت وهيا بتسند ضهرها وبتبص لبنتها وبتقول:لو عاوزه تروحي القاهره انا موافقه تروحي ولو حبيبتي ترجعي هنا في اي وقت دا بيتك وبيرحب بيكي في اي وقت..
ملوك بصت لامها برفض وقالت:لا انا هفضل هنا انا مقدرش ابعد عن اوضتي او عن مهره وبقيت الخيل وامشي!!
كوثر بصتلها بلوم وقالت:وانا!
ملوك حضنتها بقوه وهيا بتقول:انتي بق انا مقدرش اعيش من غيرك ثانيه واحده!
داليدا ابتسمت علي علاقتهم اللي اتحسنت ويمكن الموقف اللي حصل دا قدر يحل خيوط كتير كانت متلغبطة وبدل مكان هينتهي بفراق انتهي بتفاهم ..
كوثر بصت لداليدا بحب وقالت:انا اسفه اوي لاني كنت بعاملك بجمود!
داليدا ابتسمت وهيا بتبص في الارض وبتقول:وانا مسمحاكي بس لو نفذتيلي الطلب دا!!
ملوك وكوثر بصولها بانتباه وقالوا:طلب ايه!
داليدا قربت منهم وهيا بتقول: من غير صدمه اولا كده انا حامل وثانيا بق ابن اختك اللي برا دا لازم يتربي!!
كوثر رفعت حاجبها بصدمة ولاكن ملوك ابتسمت ..
داليدا قربت منهم وقالت:انتو عارفين انا بسببه خسيت كام كيلو من الجري ..
الاتنين هزوا راسهم بالرفض وهيا رفعت حاجبها وقالت:مش مهم دلوقت ولاكن المهم تسمعوا خطتي؟
في القصر ..صحي رشاد وجهز علشان يروح شركته وقبل ما يخرج فتح تيلفونه علشان يتصل علي دنيا ولما شاف رساله عمار قرأئها وعلشان يطمن علي الوضع رن عليه!!
عمار فتح المكالمه علي طول وقال:ايوا يا رشاد ؟
رشاد قال بتساؤل:خير يا عمار ايه اللي حصل مع ملوك وليه بتقول انك هتجيبها القاهره؟
عمار اخد نفس وقال:كانت في مشكله معاها هيا وخالتك وانت عارف تحكماتها فيها طول الوقت ف هيا اتصلت بيا امبارح بالليل وطلبت مني اجي اخدها تعيش معانا في القصر..!
رشاد هز راسه وقال:طيب وانت هتحيبها فعلا !
عمار هز راسه بالرفض وقال:لا مش هجيبها لأنها رفضت تيجي بعدما خالتك تعبت !
رشاد اتخض من كلامه وقال:خالتي تعبت ازاي يعني يا عمار وعملتوا ايه !
عمار قال :متقلقش هيا دلوقت بقت كويسه بس اغمي عليها لما كنا بنتكلم وهيا دلوقت بخير الحمدلله ان داليدا كانت موجوده وساعدتها!
رشاد اخد نفسه وقال:طيب طمني الوضع عندك عامل ايه!
عمار بص حواليه وقال:متهيألي سوء التفاهم اللي كان بينهم انتهي ودلوقت ملوك وخالتك اتصالحوا واظن ان وجودنا هنا ملوش لازمه فممكن نقضي النهاردة هنا علشان الطريق كان طويل ومحتاجين نرتاح وبكره ان شاء الله هنرجع القاهره!
رشاد هز بالموافقه وقال:طيب تيجوا بالسلامه .
عمار رد عليه: المهم علشان منساش انت ايه اللي أخرك امبارح في القسم!
رشاد افتكر اللي حصل معاهم امبارح وقال:الظابط اللي اسمه هاني دا مرضاش يمشينا غير لما يتأكد من سلامه الفيديو وان محدش لعب فيه!
عمار اطلق تنهيده طويله وقال: الظاهر كده انه مش هيهدي غير لما يترفد من الوظيفه اللي فرحان بيها ، علي العموم هو مش ضاررني في حاجه هو بس بيغلس علي الرجاله !
رشاد هز راسه وقبل ما يقفل معاه افتكر زين فقال:بقولك اميارح واحنا راجعين في الطريق قابلنا زين أخو داليدا!!
عمار اتفجأه من كلامه وقال بتساؤل:قابلتوه ازاي دا!
رشاد :كان واقف علي الطريق وبيشاورلنا وانا لما ركبته معانا قالي هينزل عند اخر الطريق وبعد ما وصلته قبل ما ينزل طلب مني يعمل مكالمه علشان تيلفونه فاصل ولما اديته موبايلي لقيته بيقول انت تعرف داليدا اختي منين ؟
عمار هز راسه وقال:وبعدين؟
رشاد قال بتنهيده: لما سالت دنيا عليه قالتي انها متعرفوش ولاكن عارفه ان داليدا عندها اخ واسمه زين فانا اخدته علي جمب وقولته يبعد عنها لاني عارف اللي هو عمله وهو رفض يعترف وعلشان برضوا مكنتش مرتاحاه رفضت اخده معانا ولاكن دنيا اصرت اني اخده لداليدا فوافقت وجبته معايا القصر؟
عمار بص حواليه بتفكير وهو بيهز في راسه ورجع قال: طيب بلغة نيابة عني ان داليدا مش لازم تعرف حقيقة شغله ومقابل اننا هنخلصه من موضوعه دا لازم يبعد عنها خالص؟
رشاد أتفاجئ من كلام أخوه وقال:يعني داليدا هتقابله ولا لأ!
عمار قال برفض:لا داليدا مش لازم تقابله لان وجوده حواليها هيسببلها خطر وهيا دلوقت حامل وانا مش مستعد اعرض حيات ابني للخطر؟
رشاد قال بصدمه:هي داليدا حامل؟
عمار رد عليه بجديه وقال:ايوا وزي مبقولك يا رشاد إعمل اللي قولتك عيه خليه يمشي واديله مبلغ يمشي نفسه بيه ،يسافر بق ولا يغور في داهيه ملناش دعوه المهم انه ميفضلش هنا لان لولا وجودي يومها كان زمان داليدا وابني ماتوا؟
رشاد هز راسه وقال:طيب يا عمار بس احنا دلوقت عندنا مشكله !
عمار سأله وقال:مشكلة ايه؟
رشاد ضغط علي ايده وقال:دنيا !!دنيا عارفه اني قابلت زين واكيد هتبلغ داليدا وانا طبعا لو طلبت منها متعرفهاش هتسألني ليه وانا مش عارف اقولها ايه هيا لو حست اننا عملنا كده في داليدا مش هتقبل تفضل معايا تاني؟
عمار قال بغضب:يعني انت عاجبك وجود البلطجي دا معاها دا وجوده خطر عليها ،اسمع يا عمار داليدا مش لازم تشوف زين أخوها مرة تانيه ولو دنيا اللي هتكون السبب يبق ؟
رشاد بعد التيلفون عن ودنه وهو مستغرب من اصرار اخوه وكلامه الغريب فرجع التلفون تاني علشان يرد عليه ولاكنه اتصدم لان عمار كان قفل السكه!
اتنهد رشاد بضيق وبص علي رقم دنيا وقبل ما يتصل عليها رجع في كلامه تاني ورمي التيلفون علي السرير وخرج؟؟
كانت داليدا واقفه ودموعها مغرقة وشها واول ما سمعت كلامه عن أخوها وقد ايه مصمم يبعده عنها قالت بصدمه:انت بتقول ايه ياعنار هو انت تقصد زين أخويا بجد!!!
عمار قفل المكالمه مع أخوه بسرعه ولف بجسمه ليها وشاف دموعها اللي بتنزل بغزاره فقرب منها وقال :انتي فاهمه غلط يا داليدا انا بس بحاول اح…م….ي،، داليدا قاطعت كلامه بغضب وقالت بصوت عالي:انت ليه بتعمل فيا كده انا كل ما احاول اسامحك واديلك فرصه جديده بتثبتلي اني كنت غلطانه ..مسحت دموعها وقالت:انت عارف مكانه فعلا ،،
عمار هز راسه وهيا غمضت عينيها بألم وقالت:يبق انت اللي طلبت منه يمشي وقتها ،كملت كلامها وهيا بتفتكر يوم اتصالها بزين ولما كان بيكلمها وكان مش علي بعضه قالت بدموع:يومها انت اللي أجبرته يعمل كده.
عمار قرب منها ومسك ايديها وقال:داليدا اسمعيني والله هو..؟
داليدا ضربته بالقلم ودي كانت صدمة عمار لان اول مره يتضرب من واحده؟
داليدا قالت بغضب :انا غلطت لما وافقت ارجعلك انت لازم تطلقني وتبعد عني خالص واللي في بطني دا تنساه لاني مش هقبل انه يتربي تحت ايد واحد زيك ..؟
عمار مقدرش يتحكم في غضبه لان بكلامها عنه وعن ابنها حرك قلبه وخلاه يتحجر قرب منها ومسكها من هدومها وقال:ابني محدش هيربيه غيري ولو انتي عايزه تطلقي يبق بعدما تولديه وصدقيني انا اللي هبعده عنك خالص؟؟
داليدا فتحت عينيها من الصدمه وبصتله بخوف وقالت:انت ايه بالظبط ،،،،، انت مش انسان؟
عمار هز راسه وقال:صح انا فعلا مش انسان وعلشان اثبتلك كده لازم نمشي من هنا الأول..
قال كلامه وهو بيسبها وبيعدل هدومه وبيقول:الحمام هناك روحي اغسلي وشك وظبطي شكلك علي ما ادخل ابلغهم اننا هنمشي!
داليدا فضلت بصاله ومبتتحركش وهو سابها ودخل لأوضه كوثر وقال:ازيك دلوقت يا خالتي؟
كوثر ابتسمت وهيا بتبص لبنتها وقالت:انا الحمدلله بخير!
ملوك بصتله وقالت:خلاص يا عمار انا هفضل مع ماما لاني اكتشفت اني مش هقدر اسيبها وامشي؟
عمار هز راسه بابتسامه بسيطه وقال:طيب كويس إحنا هنمشي بق علشان جالي اتصال من الشركه ضروري وبرضوا علشان داليدا هتروح للدكتور علشان هيا حامل؟
كوثر وملوك هزوا راسهم وقالوا:ايوا احنا عرفنا بس خليكوا قاعدين معانا شويه؟
عمار هز راسه بالرفض وقال:معلش بق يا خالتي ان شاء الله هنجيلكم تاني ..بس لما اظبت امور شغلي ؟
كوثر هزت راسها بالموافقه وعمار استأذن منهم وخرج واول مشافها بتقرب منه وهيا بتمسح وشها بالمناديل مسك ايديها وخرجوا من البيت واول ما ركبوا العربيه اتحرك من غير اي كلمه وكانوا طول الطريق ساكتين كل واحد فيهم بيفكر مع نفسه؟؟؟
داليدا بتفكر هتتصرف معاه ازاي وبتحط خطه علشان تقدر تبعد عنه من غير ما ياخد ابنها وهو كان كل تفكيره بيلوم نفسه ويبلومها علي الحاله اللي وصلولها رغم ان علاقتهم كانت اتحسنت؟
بقلمي الكاتبة شيماء صبحي
يتبع
انتهي فصل النهاردة ،عارفة انه حزين شويه بس ان شاء دي مشكله زيها زي غيرها وهتتحل إن شاء الله 🩷💪
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق