رواية الاميره والمغترب الفصل السابع والسبعون والثامن والسبعون بقلم آلاء اسماعيل البشري حصريه وجديده على مدونة النجم المتوهج
 |
كان يطالع كل هذا عبر تطبيق الكاميرا و هو يبتسم قائلا : هي دي حبيبتي أميرة 🥰
تذكر كلامه مع أم أحمد و هو يقول : كان معاكي حق يا أم أحمد ..انا نفسي اتصدمت فيها !! ☺️
فلاش
أم أحمد : يا ابني الموضوع لازم يبان حقيقي و اميرة لو ما دخلتش في صدمة الحكاية كلها هيبقى مشكوك فيها و مش هنعرف نخليهم يعترفوا فاهم !!
-كلامك منطقي يا خالتي بس ايه اللي يضمنلك انها هتقدر تعديها ؟
-اميرة قوية ...هتعدي الازمة أكيد ...للأسف دي ضريبة لازم تدفعها لانها مراتك...لازم هي كمان تقدم تضحيتها
ياسين بتوجس: و الله خايف ما تقدرش تستحمل الصدمة 😥
أم أحمد : ده لإنك شايف نص الكاس الفاضي بس
اومأ ياسين بتساؤل فأكملت : انت يا ابني شايفها أميرة البنت الضعيفة اللي اتظلمت و اتخطفت و اتصدمت و الدنيا كلها جات عليها ...مش عايز تشوف الحقيقة كاملة زي ما انا شايفاها !!
ياسين : طب ما تنوريني و قوليلي انتي شايفة ايه؟🤨
ام أحمد : انا شايفة بنت بلد مكافحة وارثة الجدعنة عن ابوها
أبوها اللي معندوش ولد بس عنده بنت بمية راجل ..بنت جاية بلاد غربة لوحدها عشان تحسن مستوى عيلتها و هي عارفة ان خالتها بالطباع دي أكيد مش هتبقى بنت ضعيفة للدرجة اللي انت فاكرها ...لو ما كانتش عارفة انها صلبة وهتقدر تتحمل مكانتش اخذت الخطوة دي من الأساس ...
هو رأسه بدهشة قائلا: صح انا ازاي مافكرتش كدة ؟
فأكملت أم أحمد بتأكيد:
دي حتى حكت لي عن موقف مع بنت خالتها و اصحابها و ازاي رفضت انهم يسلموا عليها بكل جرأة ما خافتش منهم
ده معناه انها بنت شجاعة مش بتخاف من حد لما بتكون على حق
و وقت الجد بتقف في وش الباطل و بتقول للاعمى انت أعمى ف وشه...و دي صفة نادرة يا ابني
و شفت ازاي ما اترعبتش ولا انهارت لما حصل اللي حصل من خالتها...فكرت بسرعة و بعدت عن مونتريال و قعدت في أوتيل و لما خلصت فلوسها كانت هتسلم نفسها و ترجع بلادها بكرامتها و شرفها ...
تفتكر وحدة شخصيتها ضعيفة و اتحطت في الموقف المرعب ده كانت هتعمل كل ده !! وحدة ضعيفة كانت انهارت و فضلت تعيط و مش عارفة تروح فين ولا تجي منين لحد ما تحصل حاجة من الثلاثة
اما تقع في ايد حد البوليس و تقضي عقوبة في السجن قبل ما تترحل مصر
او تقع بين ايدين وحدة من عصابات ما"فيا الد"عارة اللي مالية كندا و بيدوروا على أي بنت تايهة لوحدها ...
يا اما كانت هتستسلم و تعترف انها خسرت و تاخذ الطريق من قصيره و تروح برجليها لسكة الحرام و خصوصا بمقوماتها دي و جمالها...
صدم ياسين و هو يتخيل الموقف فقط فأكملت أم أحمد:
و طبعا في الحالات الثلاثة كانت هتخسر شرفها ... بس أميرة مش كدة يا ابني..أميرة صلبة و ما عملتش ولا حاجة من دول ...
لا انهارت و لا اتوترت و لا عملت اي حاجة بالعكس فضلت صامدة و دورت على شغل لآخر دقيقة و صلت استخارة و بدل ما تستسلم اتحجبت يعني ربنا كان بيوجهها ف كل خطوة و هو اللي قواها و وصلها لحد عندك بتدبير الهي محكم و لا متناهي
ياسين : صح ...معاكي حق ف كل كلمة
أم أحمد :دي حتى واجهت واحد من اخطر رجال الما"فيا اللي هنا و ما قدرش يلمس شعرة منها و بتقولي لو مكانتش ايديها متربطة كانت شو"هت وشه بظوافرها بس ؟وحدة زي دي هتخاف انت عليها من ايهاب !
ياسين : ايوة بس ايهاب كمان مش هين يا ماما
أم أحمد : يا ابني إيهاب ده ظالم و طاغي صحيح ...بس في الحقيقة هو واحد جبان و خسيس ...مش هيقدر يواجهها تماما زي ما ما قدرش يواجهك انت و فضل مستخبي و بيحفر من وراك بكل خسة و نذا"لة طول السنين دي من غير ما يتوفق ...عارف ليه ؟ ارجع لسورة الانبياء تفهم
فكر ياسين للحظات ثم فهم ما تقصد و قال بإبتسامة : لأنه على باطل و انا على حق .."بَلْ نَقْذِفُ بِالْحَقِّ عَلَى الْبَاطِلِ فَيَدْمَغُهُ فَإِذَا هُوَ زَاهِقٌ "صدق الله العظيم
ام أحمد : و لو رجعت لتفسير الآية هتلاقي ان الباطل هنا يقصد بيه الشي"طان ...اللي هو أضعف مخلوقات ربنا على الاطلاق
بس احنا اللي بنديه فرصة و نقويه علينا
يا ابني الطغاة اللي زي ايهاب قوتهم مش حقيقية ...قوتهم زي قوة الش"يطان ...مزيفة لإنها مستمدة من تسلطهم و ضعف اللي حواليهم ... بس لو حس انها واقفة في وشه زيك و حاربته بالقوة المناسبة هتلاقيه انكمش قدامها و بقى زي الخيال صدقني
كان ياسين يفكر في كلام أم أحمد مليا و يتمعن في كل كلمة بينما أكملت أم أحمد بثقة: خليك واثق في رؤيتي يا ابني ... أميرة اللي انت شايفها قطة رقيقة و هشة ... حطها انت بس في المكان و الظرف المناسب و ساعتها هتصدمك : هتلاقيها في ظهرك اتحولت للبؤة شرسة ...و وقفت في وش ألف واحد زي ايهاب و سما دول و انا اللي هساعدها ف كدة
ياسين :اللي تشوفيه يا خالتي ... ناوية تعملي ايه طيب ؟
أم أحمد : هسيبها الاول تعدي صدمتها عشان خطتنا تمشي تمام بعدين هأبقى احكيلها كل حاجة عن اللي اسمه ايهاب و سما دول و هفكرها هي مين و عملت ايه لحد دلوقت مش هتجي لهنا و تستسلم ...متأكدة انها هتسمعني و تفتكر كلامك و مش هتسمح لحد يهد كل اللي انت بنيته ...
و يا سيدي بعدها هتبقى ترجع تحزن براحتها
عودة من الفلاش :
-اهو انا دلوقت بس اتطمنت عليكي يا ميرو ...خليكي كدة لحد ما ارجعلك يا روحي ☺️
فور دخول ايهاب و سما و صعود أميرة خرج خالد و لحقت به سحر الى حديقة القصر
-خااالد ...استنى
وقف ينتظرها : خير يا سحر عايزة حاجة ؟
سحر:لا انا بس كنت عايزة أسألك ايه اللي حصل ده يا خالد !! انا مش مصدقة ؟؟
خالد : مش مصدقة ان أميرة قوية ؟ هي كانت بنت خالتك و لا بنت خالتي أنا ! مش انتي قلتي دي أميرة اللي أنا اعرفها ؟ مستغربة ليه دلوقت ؟ 🙄 🤨
سحر: أنا صحيح أعرف إن أميرة صلبة في المواقف اللي زي دي و إلا ما تقوم من الصدمة و تقف على رجليها من تاني...بس اللي انا مصدومة منه هي تعرف كل ده منين؟؟
نظرت إليه بشك و قالت : اوعة تكون انت اللي ...
ابتسم خالد بمكر: لا دي عمايل أم أحمد ...أكيد حكتلها حاجات خلت قلبها يقوى...طول عمرها كدة ..سند و ام لينا كلنا 😁
سحر بحب : ربنا يخليها لينا انا حبيتها اوي ..
فكرت قليلا ثم قالت بقلق
-بس هوما أكيد مش هيسكتوا مش كدة يا خالد 😥
نظر خالد الى ساعته و قال : اعلى ما ف خيلهم يركبوه ...القانون معاها ...يالا انا اتأخرت يا سحورة ...مع السلامة
سحر بتساؤل: استنى هنا رايح فين؟؟
خالد : مش كفاية الوقت اللي ضيعته مع الحق'ير و مراته رايح اشوف الشركة أكيد نانسي ملخومة لوحدها
سحر : طب ما تتأخرش
في مصر
تململ بدر في سريره بينما كانت هناء تضع اغراضها في الدولاب
-صباح الخير
هناء : صباح النور يا سيد الرجالة
سأل بنعاس: هي الساعة كام ؟
هناء :8 و ربع ...احضرلك الحمام ولا تفطر الأول ؟؟
رن هاتفه فقال: حضريلي الحمام متأخر عن الشغل أصلا
هناء بتساؤل : مين ده اللي بيتصل عالصبح !!
أمسك هاتفه قائلا : ده سعد ابن الحج رضوان
-الو ..
-صباح الخير يا يدر
-.. صباح النور يا سعد...ازيك
-الحمد لله ..اسف لو كنت صحيتك او بأتصل ف وقت مش مناسب
أومأ الى هناء بالإنصراف فغادرت و هي تتذمر بينما يكمل حديثه مع صديقه
-لا انا صاحي مفيش مشكلة خير ؟؟
-لا كل خير يا بدر ...انا اتصلت عشان اعزمك على كتب كتابي النهاردة و عايزك تبقى انت و زاهر الشهود و اتصلت بدري عشان تعمل حسابك و تضبط كل أمورك و تكون عندي الساعة 3
-ألف مبروك يا ابو السعود ...بس ايه السربعة دي يا راجل ! مش كنتو متفقين انه هيبقى الشهر الجاي ؟
-ايوة ده كان الاتفاق بس يعمل ايه الم"يت ف ايد غساله
-يا ساتر !! ليه حصل ايه
- يا سيدي حصلت ظروف غيرت كل ده
-ان شاء الله خير !
-لا خير ...هوما بس كانوا مستنيين لما عمها يجي من الإمارات ما انت عارف انها يتيمة و هو اللي هيبقى وكيلها و هو اللي متكفل بكل المصاريف أصلا ...بس أبو مراته اتوفى امبارح و جيه يحضر الدفنة و قال كلها يومين و راجع الإمارات و ما يقدرش يرجع تاني بعد شهر ..عشان كدة إضطروا يقدموا كتب الكتاب للنهاردة..بس طبعا الفرح زي ما هو بعد شهر
-طيب يا سيدي انا هأعمل حسابي و الف مبروك مرة تانية
-الىه يبارك فيك يا اخوي ..
اقفل بدر و هو يفكر ثم أتصل
في المطبخ
سنية : انتي فين كل ده يا بت ؟
هناء: كنت بطبق الغسيل
-طب يالا بسرعة اغسلي ايديكي و تعالي ساعديني في الخبيز
هناء: لا انا رايحة أحضر الحمام لبدر
-هو صحي ؟
-ايوة صحي من شوية و سايباه بيتكلم في التلفون مع صاحبه
اقتربت منها سنية و همست: يعني حصل ا؟
هناء بضيق: حصل ايه انتي كمان😔 ..كان معاكي حق
اتزوقت و اتعطرت و اتغندرت عالفاضي ..و في الاخر يقول هلكان و عايز ينام ..و قال ايه هيعوضني النهاردة 😓
سنية : هيعوضك !! موت يا حمااار ..عشان تبقي تصدقي كلامي و تعرفي ان الخا"طية واخذاه في عبها و واكلة نوباتنا كلنا ..روحي يا اختي ...روحي بسرعة جهزي الحمام على ما احضرله الفطار
في القصر
دخلت غرفتها وهي تفك تلك الطرحة التي كانت تخنقها و ارتمت على سريرها و هي تتذكر كلامه ذات مرة بينما يحضران طعام الفطور
فلاش
كان يقطع الخضار ليضيفها الى البيض المخفوق بكل عفوية و مرح بينما تنظر اليه بتعجب
-ايه !!
قالها مزاح بينما يسكب مزيج البيض و الخضار
أميرة : اللي يشوفك و انت بتتعامل بالبساطة دي و بتضحك ما يشوفكش و انت بتعامل موظفينك ..انا شفتك من الشباك
-ازاي يعني مش فاهم ؟.
-ازاي تقدر تكون بالكريزما و القوة دي مع الناس ...ازاي تقدر ترهب أعدائك و تخلي الناس كلها تعملك ألف حساب مع انك عفوي و هادي و طيب بطبيعتك ...
ياسين : طيب و هادي مش معناها ضعيف... بصي هقولك على سر : القوة الحقيقية مش بتكون بالصوت العالي و الغضب و العضلات.. و الا مكنتش تشوفي طفل صغير بيسوق في فيل و بيوجهه لأي مكان من غير اي مقاومة منه
القوة الحقيقية يا أميرة بتكمن أولا في العقل..و الثقة بالنفس ...و مدى التحكم بالموقف و ادارة الجلسة لصالحك
و ثانيا و ده الأهم : المعلومات
-مش فاهمة
-هأفهمك ...انتي لما تقفي قصاد عدوك بهدوء و تبصي جوة عينيه بكل ثقة من غير ما عينيكي تتحرك هو هيرتبك تلقائيا ... هيعرف انك مش خايفة منه ..ثقتك هتهزه من جوة...لأنه هيبقى متأكد أنه مستحيل يتفوق عليكي خصوصا لو شفتيه علا صوته و جن جنونه ...اتأكدي ساعتها أنه مرعوب منك من جوة
اما لو اتلبكتي و صوتك اتهز و عينيكي بقت بتتحرك في كل مكان هيعرف انك خصم ضعيف يقدر يغلبه بسهولة..
-يا خبر !! ده انت خبير علم نفس كمان
- شوية كتب بس ...المهم لو اتحطيتي في موقف زي ده اوعي تدي الفرصة دي لحد... خليكي هادية و واثقة و متحكمة في اعصابك و ده هيبقى سر نجاحك و تفوقك ..
و الأهم من ده كله لازم تكوني عارفة كل حاجة عن خصمك ...ده هيديكي الأسبقية .. يعني هتبقي حافظاه و عارفة كل حركاته و نقاط ضعفه و ماضيه ..كل ده تقدري تستعمليه ضده في أي مواجهة و صدقيني ساعتها هينسحب من قدامك زي الفار المبلول 😂
ضحكت أميرة و قالت : و انا ايه الي يخليني اتحط في الموقف ده ...انا الحمد لله مليش أعداء
-يا عالم بكرة هيكون فيه ايه.. المهم ... اهو اسمي علمتك حاجة للزمن 😉😁
اميرة بضحك : شكرا على النصيحة هأبقى افتكرك لو حصلت مواجهة بيني و بين اي حد
عودة من الفلاش
كإنك كنت عارف اللي هيحصل ده عشان تحضرني لمواجهة شرسة مكنتش أعتقد في يوم اني هاشوفها ولا حتى في احلامي ! كإنك كنت عارف انك هتسيبني لوحدي أواجه عالم وحوش ما يرحمش !!!
سقط عنها قناع القوة و انهارت بالبكاء فجأة بدون سابق انذار ...
-لييييه كدة يا يااااااسيييين ليييييه حرااااام علييييك😭😭😭 !!
سبتني لوحدي و مشيت لييييييه؟؟؟ انا تعباااااانة اووووي ...مش حاسة إن عندي قدرة اقاوم اكثرررر 😭😭
ده انا لحد اول امبارح بس كنت بقول ان ربنا أكيد كان مديني القوة قبل كدة و خلاني اقاوم بس عشان أقدر أوصل لحضنك و ارتاح اخيييرا !😭😭
تقوم انت اول ما اوصلك تمشي و تسيبني لوحدي ؟؟ طب اعملها ازااااي دي دلوقت هاا !!! اعملها ازااااي😭 !!
قل لي أنت اقدر اكون قوية ازاااي من غيرك !! ده موتك كسرني من جووووة يا رووووحي ! خلاني بقيت جسد من غير رووووح 😭😭😭...
هأقدر ابان صلبة لحد امتى يا ياسيييين !!! 😭😭
-لحد ما نخلص من الشر اللي اسمه ايهاب و سما و نحافظ على ميراث المرحوم
قالها ام أحمد بحزم بينما تضع صينية الطعام فوق المنضدة و تتوجه إليها و هي تكمل بثبات
-هو انتي فاكرة ان لقاكم كان صدفة !! لا طبعا ده قدركم انتو الإثنين ...طريقكم واحد يا بنتي و لو مكانش ربنا عارف انك قدها مكنتيش تبقي مرات ياسين المنشاوي
احتضنتها أميرة و انهارت داخل حضنها : الامتحان صعب يا مامااا ...و الوجع فووووق احتماااالي ...ما اعتقدش هأقدر اصمد أكثررر
أم أحمد و هي تربت عليها : لا هتقدري ...انتي أقوى ما انتي متوقعة... بدليل اللي حصل قبل شوية ده
ولا انتي فاكرة ان اي وحدة يمو"ت جوزها تقدر تقف تاني يوم كدة زي الصخرة في وش الريح و تتكلم بالهدوء و الثقة والقوة دي !!
أميرة بقهر : ده مش انا يا ماما ...ده كان مجرد قناع...بس انا بتحرق من جوايا و حاسة نفسي فاضية 😭
-لا مش صحيح ... ده انتي برضو ...أميرة الثانية اللي محدش يقدر يكسرها ....
-يا ماما انا مش حاسة ان..
قاطعتها ام أحمد بحدة:هو انتي فاكرة المرحوم سايب وراه قصر و فلوس و جناين و بس ؟؟ لا يا أميرة فووووقي!
جوزك كان رجل اعمال ...و الأعمال دي مش هتوقف او تتعطل بس لأنه ما"ت !! فاهمة ؟
المرحوم جوزك مكانش قوي من فراغ...المرحوم كان وراه مسؤوليات كبيرة اوي عوايل بالألاف بتاكل عيش من خيره و لو كان ضعف و استسلم زيك و قعد يعيط بعد موت اهله و هو لسة مراهق مكانش بقى ياسين اللي انتي عرفتيه و اتجوزتيه..
كانت مصانع أبوه فلست و ثروته ضاعت و اتشرد في شوارع كندا ...انما لا ...هو صمد و وقف و كمل و بقى زي الجبل
جاية انتي بعد كل اللي عمله تستسلمي و تقوليلي مش قادرة ؟؟ لا هتقدري ...انتي كمان هتكافحي عشان تكملي الطريق لو مش عشانك يبقى عشان الناس الغلابة دول...تفتكري لو ايهاب ده مسك املاك المرحوم هيرحم الناس دي ؟ اذا كان ما رحمش أمه!!
مسحت أميرة دموعها قائلة: اللي بتطلبيه مني فوق طاقتي
اقف و اكون قوية و ما احزنش على جوزي اللي اتحرمت منه قبل ما الحق اشبع من حبه
-مين طلب منك كدة؟؟ محدش يعرف ياسين يقدر ما يحزنش عليه... بس الحزن ليه وقت و المسؤوليات وقت تاني ..مش هاطلب منك تكوني قوية على طول ...بس عايزاكي وقت الجد تكوني أميرة اللي شفتها قبل شوية ..
يالا امسحي دموعك و قومي كلي لقمة تقوي بيها عظمك و تصلبي طولك .. و لو كنت فاكرة نفسك ضعيفة و مش قادرة يبقى فكري تاني و ثالث لانك الظاهر مش عارفة قيمة نفسك
تركتها تائهة في كلامها و خرجت
عند بدر
اقفل الخط مع صديقه و هو يفكر ثم أتصل فورا بسلمى
-الو صباح الخير يا سلمى ..اخباركم ايه ؟
-الحمد لله ازيك يا بدوري و ازاي البنات !؟
-تمام الحمد لله ..بقولك ايه يا سلمى ...هي حنان صاحية عايز اكلمها
-لا و الله نايمة..
-طب بقولك ايه ! لما تصحى أبقي قوليلها اني مش هاقدر أجي النهاردة عندي ارتباطات تانية و هأبقى اجيبلها الكوارع اللي وعدتها بيها لما اجي بعد بكرة ف نوبتها
سلمى كيودة و بتحب تغيظ سنية و هناء بأي شكل وعارفة ان سنية بالذات هتطق من جنابها لما تعرف أنه جيه النهاردة كمان
فتذكرت فورا حين دخلت غرفتها و رأت الطبق فاخبرتها حنان أنه قد اكلها و وعدها بإحضار غيرها في الغد و تصرفت بسرعة بديهة و هي تقول بزعل :
اخصة عليك يا بدر ...اومال كنت بتطفحهم ليه لما انت عارف ان عندك ظروف هااا 😤
جايبلها الحاجة و عينك فيها و سبتها مشتهية بعد ما شافتهم !😓🥺عايز الواد يطلع في وشه كوارع؟؟
كانت هناء ستدخل لتناديه من اجل الحمام لكنها ما لبثت ان سمعت اسم سلمى و عرفت أن الموضوع متعلق بحنان فوقفت تسترق السمع بجانب الباب
بدر : كوارع ايه دي اللي هتطلع في وش الواد ؟ ايه الكلام ده بس يا سلمى ؟! هو انا ذنبي ايه ؟و بعدين كنت اعرف منين ان عندي ظروف هتمنعني اجيلها !!
سلمى بتصنع الحزن: و حنان ايه ذنبها بظروفك ؟ دي المسكينة من امبارح و هي بتقول و تعيد كل شوية بكرة بدر جايبلي غيرها ...بدر جاي و جايبلي كوارع تاني و في الاخر جاي تقول مش هتقدر تجي ؟؟ ده انا لو قلتلها كدة مش بعيد هتروح فيها ! 🥺😣
نفخ بدر بضيق بينما وضعت سلمى يدها على فمها كي لا يسمع ضحكها فقال بدر : طيب طيب انا هأبقى اشوف حد يمسك الشغل و اجيلها بعد شوية يا دوب احط الحاجة و ارجع ..قوليلها اني ...
فكر قليلا ثم قال : ولا بلاش تقولي ..هأعملهالها مفاجأة
شهقت هناء من خلف الباب و وضعت يدها على فمها و هي تهمس بغل: يا بنت الرفضي!!! طيب يا سلمى الگلب ان ما وريتك!!
اقفل بدر و أتصل تانية : ايوة يا مرعي بقولك ايه ...
في تلك اللحظة أمسكتها سنية من الخلف بينما تضع اذنها على الباب و همست في اذنها بغضب: بتتصنتي على ايه يا وق"حة و سايبة الخبيز؟
فأشارت إليها هناء بمعنى مصيبة ف اخذتها سنية و هي تجرها الى ان وصلنا الى المطبخ
-هاتي انطقي فيه ايه ؟؟
-بيقول رايحلها تاني النهاردة يا سنية
سنية بغضب: بتقولي ايه ؟؟
فأكملت هناء بضيق: الگلبة اللي اسمها سلمى بتقوله انها مستنية الكوارع اللي وعدها بيهم قام على طول كلم مرعي يمسك الشغل وقال رايحلها بعد شوية
سنية بتفكير : بقولك ايه يا بت...انتي هتروحي معاه
-اروح ازاي بس. 😣 المرة اللي فاتت عملت حجة بخالتي و اني ما شفتهاش من مدة ...هقوله ايه النهاردة و انا لسة شايفاها من اربع خمس ايام 😣
سنية بغضب: معرفش...اتصرفي يا بنت العبي'طة قوليله وحشتني تاني ولا أي حجة يا اما لا هيعرف يعوضك النهاردة ولا السنة الجاية ..يالا انجري قوليله
-طب افرضي وافق هروح معاه اعمل ايه ؟؟
فكرت قليلا ثم قالت ؛ هو الحمام جاهز؟
-ايوة و كنت هاندهله لما سمعته بيكلم سلمى
سنية :طب اسمعي ..انتي ادخلي معاه الحمام قال يعني تساعديه و كدة و حاولي تشغليه...و انا رايحة بسرعة عند سيد العطار اجيب دوا و راجعة
هناء بخوف -دوا ايه ده ؟؟
-دوا بوا"سير يا اختي 🙄😏...هيكون ايه يعني! أكيد دوا هيخلصنا منها هي و اللي ف بطنها
انتفضت هناء برعب و قالت : يا مصيبتي !! عايزاني اقت"لها واتدبس ف مصيبة😳!! لا يا اختي انا مليش دعوة مسامحاها في نوبتي المهم ما ادخلش السجن! 😱
سنية بغضب: سجن ايه يا بنت الهبلة...
هناء بخوف -مش عايزاني احطلها س"م ؟و لو حصلها حاجة يبقى أكيد هيعملوا تشريح و هيعرفوا ان انا اللي حاطاه لها
سنية بخبث: و مين هيعرف انها اتس"ممت ؟؟ هو انتي فاكراني غ"بية زيك؟؟ الدوا ده اعراضه مش هتظهر بسرعة ...هتفضل تتعب و توهن شوية شوية لحد ما يوقف قلبها و حتى لو اتشرحت هيلاقوا انها ما"تت مو"تة ربنا لانها ضعيفة و ما استحملتش الحمل فقلبها يا عيني وقف من الإجهاد .. قدرها بقى 🙄
فكرت هناء ثم قالت ببلاهة:يعني انتي متأكدة من كدة يا سنية ؟؟ 😥
فقالت سنية بتأكيد:إلا متأكدة !! هو انتي ناسية ان أنا كنت بأشتغل في التمريض قبل ما اتجوز بدر ؟؟
هناء : حاضر هروح اقوله و انتي استعجلي في الرجعة ..
-حاضر ....يالا امشي بقى
خرجت هناء نحو غرفة بدر بينما اطلقت سنية ضخكة خبيثة و قالت :
يالا خليني اخلص منكم انتو الإثنين في يوم واحد !
فكرت قليلا ثم قالت بشر: لو ضبطت تبقي معلمة بجد يا سنية ! اهو ده بقى اللي اسمه ضرب عصفورين بججر واحد
نظرت الى اثرها و قالت :قال ايه 😂 !! مش بيبين في التحليل! أما غبية بجد ! 🙄😂
غادرت مسرعة لترتدي ثيابها قبل خروج بدر
في القصر
ايهاب يحضر حقائبهم و من خلفه سما التي كانت تغلي من شدة الغضب: انت بجد سايبلها القصر و ماشي يا ايهاب ؟ هنسيب وحدة حقي"رة زي دي تنتصر علينا !؟
أنا مش ماشية من هنا و هوريها مين هي سما
رمى ايهاب القميص من يده و امسكها من ثيابها بغضب قائلا
-هتعملي لها يا سما !! هااا قوليلي هتعملي ايه ؟؟ انتي مش شايفاها مقوية قلبها ازاي و هي بتكلمنا ؟؟ دي عارفة تقريبا كل حاجة عننا..عارفة ان اسمي اتشطب من النقابة و عارفة اننا استلفنا فلوس الطيارة و عارفة ان أمك كانت رقا"صة يعني مش بعيد كمان عارفة ان ابوكي نصاب و انهم مهر"بين أثار ..و إن لينا علاقة بدانيال و اللي حصل لجوزها ! عارفة ده معناه ايه ؟؟
اومأت سما بضيق فترك ثيابها و أكمل بتفكير
-.معنى كدة أنه كان عارف و قالها كل حاجة... ده مش بعيد مش بعيد ..
سما بشك: مش بعيد ايه ؟؟
فكر قليلا ثم قال بضياع : أنا لولا اني حطيته في القبر بايدي و شفت مراته و صاحبه انصدموا ازاي كنت قلت إنها لعبة منه !!
عند بدر
هناء : الحمام جاهز يا بدر
-ساعة على ما تسخني سطل مية!!
هناء بتوتر : لا أصل أنا كنت ...مع سنية في المطبخ ...اتلخمت مع الطبيخ و رحت اساعدها في الخبيز
بدر : طب يالا سيبيني ادخل احسن مستعجل
كان سيخرج لكن هناء قاطعته: طب بقولك ايه يا خوي
توقف بدر بتساؤل: خير في ايه تاني
هناء: انا كنت داخلة و سمعتك بالصدفة بتكلم سلمى و بتقولها انك رايح لهم
بدر:ااه قلتيلي بالصدفة ! مش قعدتي تتصنتي مثلا زي عادتك
هناء بتوتر : لا طبعا !! انا كنت داخلة و سمعتك قبل ما تناديني سنية عشان الخبيز ...
نفخ بدر قائلا : ايوة يا ستي رايح شغلة. ساعتين و راجع ليه ؟
هناء : انا... كنت عايزة ...اروح معاك 🙄😥
بدر : تااااني !! هي ايه حكايتك يا بت ؟؟ هو انتي مش قبل اربع ايام رحتي معايا ؟!
كانت ستتكلم حين قاطعها: اوعي تقولي ان خالتك واحشاكي!! لانك مكنتيش بتشوفيها بالشهرين ثلاثة قبل ما حنان تجي
فكرت هناء سريعا ثم قالت : لا بصراحة انا رايحة عشان حاجة تانية
بدر : ايه هي؟؟
هناء : انا شفت فستان حلو اوي في المحل القريب من بيتكم بس الظروف ما سمحتش اني اقولك يوميها
بدر :فستان ايه ده كمان ! هو انتي ناقصك فساتين؟؟
اطرقت هناء براسها بتصنع الزعل قائلة
-باحاول اعمل لك جو يا بدر ...اصل أنا حاسة انك ما بقيتش تحبني زي الاول ...بدليل انك نمت و سبتني امبارح 🥺
نفخ بدر بضيق قائلا : استغفر الله العظيم ...يا بنت الناس قلتلك كنت تعبان و هأعوضك الليلة
كان سيخرج حين أمسكت به ثانية قائلة
-طب بقولك ايه ..ما تجي اساعدك في الحمام و اهو نعوض اللي فات امبارح قلت ايه ؟؟
كان سيرفض لكنها قاطعته بخبث متصنعة الزعل: ما تنساش يا بدر ربنا اللي قال اعدلوا.. مش انا 🙄🥺
نظر بدر الى الساعة و قال بإستسلام : حاضر
همس في سره "يكش تبطلي زن ..مش كفاية عليا سنية !
دخل خالد فقال ياسين و هو ينظر الى الهاتف بإبتسامة : جيت في وقتك يا لودة اجري الحلقة ابتدت من شوية لو اتأخرت حبتين كمان كانت هتفوتك 😁
دخل خالد بتعجب و هو يقول بينما ينظر الى الهاتف
-حلقة ايه دي ؟؟
ياسين بعبث:صراع الأفاعي 😂
سما بدهشة : لعبة ايه دي انت اتجننت !! انت مش شايفها كانت هتتجنن ازاي ؟؟
ايهاب: لا ...أكيد مش هيقدر يعمل كدة ... هو مش هيعملها أكيد ... مش كدة يا سما ؟
سما : لا انت الظاهر مديله فوق حقه بكثير ...هو انت فاكره ايه سوبرمان ؟؟ ده مهما كان ذكاؤه الخارق ما توصلش بيه لدرجة أنه يدبر مو"ته !! بطل تشك ف كل حاجة تخص ياسين ...ياسين خلاااص بححح ...ماااات ؛!!
مش عايز تفرح ان احنا اللي انتصرنا ليه ؟ بتنغص فرحتنا بشكك و خوفك منه حتى و هو م"يت ليه !
ايهاب : صح معاكي حق ...ياسين خسر ...و انا انتصرت
فكر قليلا ثم أكمل : بس لسة على ما نحتفل بالنصر يا سما
سما : ليه بقى !! هنستناه لما يتحلل و جث"ته تتع"فن مثلا؟؟
ايهاب بتفكير : لا يا غ'بية...هنستنى لحد ما ناخذ كل حاجة من اللي اسمها أميرة و نمحيها خالص
-و ده اللي هيحصل يا بيبي 😁
ايهاب : بس ما دامت عارفة كل ده ...و مادامت الع"قربة اللي اسمها ام أحمد بتنفث س"مها في وذانها ده معناه أنها مش أقل منه ...يعني هتبقى مأمنة نفسها كويس أوي .. معنى ده انها أقوى مما اتخيلنا يا سما
سما بخبث : مش هتبقى اذكى من ياسين ...الاقوى مدفون هناك يا روحي ...معناها ان دي مقدور عليها ...عشان كدة بقولك احنا مش هنمشي من هنا وهنفضل على قلبها و الايام بيننا و نشوف مين اللي هيقدر يقاوم اكثر من التاني
نظر إليها بغضب و قال :نفضل ايه انتي مش سامعة ولا كلمة من اللي انا قلته ولا ايه ؟؟
سما بتذمر -ليه يعني هو انا قلت ايه ؟ احنا لينا نصيب في الميراث زيها و مش هنسييها تستفرد بالقصر لوحدها هي و عيلة الطماعين اللي ما تسواش عشرة قروش دي
ايهاب بتهكم : اه ..و عشان كدة عايزانا نفضل في مواجهتها و احنا ف وشها ! عشان نسييها تهزقنا براحتها و تلطش في الكلام علينا قدام اللي يسوى و اللي ما يسواش مش كدة ؟؟ لا يا سما .. احنا هنبعد عنها دلوقت خالص
سما بتذمر: يعني هتهرب زي الجبان من اول مواجهة !!
ايهاب بمحاولة الهدوء : -سما يا قلبي هي الكوبرا البا"صقة بتضرب فريستها ازاي ؟؟ مش بتبعد راسها لورا خالص عشان تبقى انيابها متوجهة لوش الضحية ؟؟
سما : ااااه فهمت ...لو بصقت السم و هي قريبة منه و وشها ف وشه انيابها هتبقى موجهة للارض و السم هيجي كله ف عبها!!
ايهاب: عليكي نووور ...اديكي فهمتيني أخيرا !! احنا هنبعد بس عشان نستعد كويس قبل ما نرجع نسدد ضربتنا بكل قوة
سما : بس يعني ... أكيد هنقدر نلاقي طريقة تانية نخلص بيها منها زي ما خلصنا من جوزها و احنا جوة القصر .. 😥
إيهاب: ما اقدرش ...مش هأعرف اتحرك براحتي
هي أكيد هتبقى موصية الأمن و هيضغطوا عليا ...أنا محتاج مكان هادئ افكر فيه براحتي و اعمل اتصالاتي براحتي
سما بتذمر : هنروح فين بس ؟ اوعة تقولي فندق من الفنادق الرخ"يصة و اللي بيقدموا خدمات ز"بالة دول انا مش هأرضى بأقل من جناح في فندق مش أقل من ثري ستارز
ايهاب بتذمر: جناح ايه و ز"فت ايه ؟! هو انا عندي ثمن الفندق الر"خيص أصلا لما عايزاني انزلك في فندق 3 نجوم
سما بخوف: اومال هتوديني فين!!
فكر ايهاب قليلا ثم قال
-تعالي معاي و انتي تعرفي
تسمرت سما مكانها و هي تقول بحرد: مش متحركة من هنا الا لما اعرف
نفخ ايهاب بضيق قائلا :منير كان مشتري شقة جديدة و هينقل عليها ...انا عارف المكان هنبقى نقعد فيها لحد ما أقدر أشوف حكاية الست أميرة دي هترسى على ايه
سما : أكيد هتخليها تحصل جوزها...اللي كان فاكر محدش أذكى منه و في الاخر وقع في الفخ 😁
فكر ايهاب : لو بس اعرف الگلب دانيال إختفى فين؟!! من يوميها و انا بأتصل عليه بس كإنه اتبخر !!
-عايز ايه منه مش خلاص عمل اللي عليه و نفذ شرط الاتفاق ؟؟
-لا لسة .. كنا متفقين انه يخلصني منها هي كمان !
-اه صحيح ده كان عايزها .. طب ما كان أخذها و غار أحسن ما نفضل نوكل في محامين و قر"ف
-هنشوف الموضوع ده بعدين ...يالا بينا
سما -طب بقولك ايه يا بييو
ايهاب :ايه تاني
سما بطمع : انا بقول لو ناخذ حاجة من هنا ...انت عارف كل التحف و الانتيكات أورجنال...نبيعها و نحجز في أوتيل انا مقدرش اقعد ف شقق مع"فنة
-ازاي وسط الحرس دول كلهم ..انتي هتتحملي لحد ما نكسب الحرب و نطرد الحق"يرة دي و ساعتها كل حاجة هتبقى بتاعتنا بالقانون من غير ما نضطر نسرق حاجة...فاهمة ولا لا ؟
سما بضيق : اوووف ...حاضر فاهمة 😣😒
كان خالد يستمع اليهما بدهشة ثم نظر إليه و قال
-معقولة حاطط لهم كاميرا و عندك كل الأعترافات دي و لسة مستخبي هنا زي الفار !! يالا بينا دلوقت حالا !!
ياسين بهدوء: على فين؟؟
خالد بتعجب: على البوليس طبعا !! هنديهم الأعترافات المتسجلة دي
-ايوة و بعدين ؟؟
خالد بدهشة: مش فاهم برودك ده يا اخي !! ماهوما اعترفوا اهو ان ليهم علاقة بحادثتك و انهم خططوا لده مع دانيال ؟
ياسين : ايوة بس ده مش كفاية
-مش كفاية ازاي هي مش جريمة ق'تل؟؟
ضحك ياسين قائلا: جريمة قت"ل ايه يا لودة انت شايفني متت ؟؟
فرك شعره بتفكير قائلا : صح معاك حق !! طب انت مستني ايه !؟؟ لحد ما يمو"توك بجد ؟؟
ياسين بتفكير : لا ...لحد ما يعترف باللي أنا عايز اسمعه و اللي البوليس و المخاب"رات عايزين يسمعوه
دخلت مسرعة و لحقت بها هناء و هي تهمس بذعر: كنتي فين بس يخربيت كدة ! ده انا كنت هاتف"ضح بسببك
-ليه ؟! ما انا قلتلك اشغليه
-و انا هأفضل شاغلاه لحد امتى يا اختي !! المهم اهو خلص حمام و سأل عنك لو سألك انا قلتله راحت تجيب زيت خلص..ها فين الامانة !؟؟ .
اخرجت سنية من جيبها قارورة صغيرة شفافة و قالت
-تنقطي فوق الكوارع و اوعي يلمحك او يحس بيكي
خبأتها هناء مسرعة و هي تنظر هنا و هناك : حاضر حاضر ..ربنا يستر بس 😓
فجأة سمعت صوته
-يا هنااااء ...فيه الفطار عشان نلحق نطلع !!!
-اهووووو حاااالا يا سيد الرجااالة
نظرت إليها و قالت بقلق : يالا استعجلي حطي الاكل خليني البس قبل ما يغير رأيه
بارت 78 🔥
خالد : طب انت ناوي على ايه مش هتفهمني عشان أبقى عامل حسابي ؟؟
-و لا حاجة ..قلتلك مستني الوقت المناسب بس 🙂
خالد : مناسب لايه انت هتجنني !! طب قل لي ايه اللي انت عايز تسمعه على الأقل !
ياسين : كل حاجة ف وقتها حلوة يا لودة...المهم عايزك تعرف ان أنا سبت وصية عند المحامي بتاعي و عشان نخلي الموضوع يبين بشكل طبيعي أنا حطيت تاريخ قديم يعني من ست اشهر تقريبا
خالد بقلق : وصية ايه دي يا ياسين ؟؟
ياسين : بإن أملاكي هتتقسم كلها على الطريقة الإسلامية
خالد بصدمة: بتقول ايه ؟؟ ده معناه ان عمتك هتاخذ معظم ثروتك و أميرة مش هيكون لها غير الربع!! و لو أثبتوا انكم ما اتجوزتوش بجد ممكن ياخذو منها كل حاجة!!
-لا ما تخافش ...أنا عامل حسابي ..لكدة ما تشغلش بالك انت
خالد بضيق : انا ابتديت اقلق على أميرة من الوا'طي ايهاب ده ..صدقني كل واحد ليه قدرة معينة على التحمل يا صاحبي ...ما اعتقدش هتقدر تقاوم شروره للأبد ! ده أكيد هيلعب على نقطة الوصية دي و يطلعها من القصر قبل ما تلحق تخليه يعترف باللي انت عايز تسمعه ده ..😥
ياسين بإبتسامة : مش هيلحق يعمل حاجة ...أنا محضرله مفاجأة هتعجبه اوي 😁
في القصر
صالح : لمي هدومنا يا فاتن احنا مش هنقعد هنا أكثر من كدة...
-مستعجل على ايه بس ده حتى ما عداش ثلاث ايام العزاء
-اصلا ما بقاش لقعدتنا لزوم أهلها جوم اهو و قاعدين معاها
فاتن بتذمر - يعني عايزني اسيب العز ده كله و الراحة و الاكل من كل لون و امشي !! يا أخي اعتبرها الاجازة اللي انت حارمني منها بقالي سبع سنين !
-اجازة ايه اللي بتتكلمي عنها دي اللي عايزة تقضيها في بيت الراجل ؟ انتي ناسية اننا دفنناه امبارح ! 😱
-ياخوي الحي ابقى من الميت ..يعني عايزني أرجع فين يا حسرة ! لشقة الايجار المع"فنة و كل يوم طالع عيني على ما ألاقي لقمة اطبخهالك و اقعد بعدها انظف و اجلي المواعين و القر"ف ده ! 😏
صالح : مش عاجباكي عيشتنا دلوقت ؟! الشقة اللي انتي بتقولي عنها معف"نة الناس مستعدة تدفع عمرها عشان تعيش فيها .. مش كفاية اننا ف كندا !؟
غمغمت بتذمر : لا مش كفاية .. شوف الناس عايشة فين و انت تفهم
صالح بضيق : يا فاتن مش عايزة تفهمي ليه ؟ شكلنا بقى وحش اوي .. و كل شوية واحد يلقح علينا بالكلام مش هنفضل هنا لحد ما يطردونا
-مين ده اللي يطردنا انت مش شايف انهم هيغوروا بعد شوية ؟؟
-يا عب'يطة اافهمي هوما كدة كدة هيورثوا ماهي ليها نصيب قد كدة بس !! و الباقي كله هتاخذه عمة المرحوم..يعني أم الدكتور النصاب ده فهمتي ليه مش عايز اقعد اكثر !!؛
-بس أنا مش رايحة ...ده بيت أميرة مش بيتهم 🙄
صالح : ايوة قلتيلي. ...أميرة اللي انتي طردتيها من بيتك و بلغتي عنها ! اوام لحقتي تنسي ! ده مش بعيد هي اللي تطردك مش هوما
فاتن بقلق : ايه الكلام ده يا صالح ! لا طبعا مستحيل تعملها
-مستحيل تعملها ؟؟ انتي ما شفتيش كانت بتتكلم ازاي و عملت ايه في الجدع و مراته !!
فاتن : بصراحة معاك حق انا اتصدمت منها بجد !!
صالح : شفتيهم ازاي من لما جوم و هوما نافخين ريشهم و يا ارض اشتدي ما عليكي قدي!! اهي نتفت ريشهم هوما الإثنين في جولة وحدة بس ...
فاتن بتفكير : صح . دي عارفة عنهم حاجات كثير ...و الظاهر ما قالتش الا طراطيش لزوم التخويف... يا عالم مخبية ايه كمان ..
صالح بتذكر: اه في سيرة مخبية دي !! هو اي ده اللي الجدع كان بيلمحله برة ؟؟
حاولت فاتن اخفاء ارتباكها و قالت : و انا ايش عرفني ؟ ما كنت سألته !
-مش سمعتيني لما سألته حتى بالأمارة قال إسأل مراتك!؟ اديني بأسألك اهو. هو الراجل ده يعرف ايه عنك يا فاتن !!
فاتن بحدة: جرى ايه يا صالح !! مش فاضل غير واحد نصاب و مهر"ب اعضاء عايز تسمع كلامه و تتخانق معاي عشانه! مش بعيد هو ده اللي هو عايزه من ورا المسرحية السخيفة دي 😤 ... انا طالعة أشم هوا عن اذنك 😡
تناول بدر طعام الفطور و خرجا سويا و بعد مدة وصل الى المحل
توقف ل توجه نحوه و ما هي إلا دقائق حتى عاد
كان سيضع الكيس في الخلف حين اوقفته هناء
-بدر انا عايزة عصير قصب
تذكر بدر ان حنان طلبته كذلك فاعطاها الكيس قائلا
-طب خذي حطيه عندك
ما إن ابتعد حتى فتحت التغليف و اخرجت القارورة و هي ترتجف و قطرت بضع قطرات و اغلقت الكيس بإرتباك حين لمحته يقترب منها و خبأت القارورة بين ثيابها
-اهو ...احلى عصير قصب يا ستي
حاولت التحلي بالهدوء و قالت بفرحة : ربنا ما يحرمني منك يا تاج راسي 🥰
ضحك بدر قائلا : يكش بس تبطلي تسمعي كلام سنية البايخ بتاع بطلت احبكم ده ...حاكم انا عارف ان ده مش كلامك انتي ..
في قصر ياسين
كان كلام أم أحمد يتردد في اذنها مرارا و مرارا و أخيرا مسحت دموعها و نهضت نحو مائدة الطعام
دخلت فاطمة فوجدتها تشرب عصيرها
-هي دي بنتي العظيمة الجدعة بصحيح ... حطيتي الس"فلة دول عند حدهم بجد
أميرة بحزن :بس انتي عارفة انهم مش هيوقفوا يا ماما ...اللي زي دول معندهمش حد
-بس انتي معاكي ربنا و معاكي انا و ابوكي و دعانا ليكي في كل وقت ..و معاكي أم أحمد ....ما تخافيش منهم ربنا ينصرك عليهم بإذن الله
أميرة بحزن -يا رب يا ماما
في مصر
وصل بدر و هناء الى المنزل و امسكت هناء الأكياس بتوتر تحاول أن تخفيه
اغلق باب السيارة و كان يهم بمرافقتها للداخل و هو يقول
-هاتي انا هشيل عنك الحاجة
هناء بتصنع التذكر: يووووه شوف انا نسيت ايه ؟ شباك العربية بتاعي مفتوح!
نظر إليها ر بتذمر و قال : طيب ادخلي هأقفله و احصلك
دخلت مسرعة كي تعيد تغليفها قبل أن يلاحظ بدر لكنها تصادفت مع سلمى تمر بجانب الباب
سلمى : الله !! بنت خالتي عندنا ؟؟ ايه المفاجأة الغريبة دي
اسرعت لتسلم عليها وكعادتها سلمى تحب المزاح فقالت: الله ريحة الكوارع بتجنن! يعني لازم اقوله حنان بتتوحم عشان يجيبلنا ! ما انا كمان بحبها!! هاتي اما اشوف 😁
همت بأخذ الأكياس من هناء و لكن هذه الأخيرة تشبثت بها بطريقة غريبة و هي تقول : لاااا الحاجة دي لحنان !!😤
ارادت سلمى اغاظتها أكثر و هي تقول : و هي حنان هتاكل كل ده لوحدها ؟؟ هاتي هذوق حتة بس يعني هآكلها كلها !!هاتي يا ستي هاتي
شدت من يدها الكيس لكنها أصرت على موقفها و سحبته منها بقوة فتمزق ووقعت الكوارع و تصادف ذلك مع دخول بدر
في لمح البصر ركضت قطة سلمى السيامية نحو الكيس تأكل ما وقع على الارض !
توترت هناء و شحب لون وجهها لكنها تذكرت كلام سنية و ان مفعوله لن يظهر فورا فتصنعت الهدوء و اخفت توترها
لاحظ بدر شحوبها و نظر الى الارض ليجد الغلاف ممزقا قبل أن تصل اليه القطة بينما نزلت سلمى فورا الى مستواها و هي تقول بتذمر : بوووووسي !! انتي ما صدقتي يا طف"سة ! 😤
نظرت الى هناء بضيق و قالت
-شايفة عملتك يا هناء ؟ يعني لو كنتي سبتيني اخذته ما كانش حصل كدة! ده انا كنت باهزر بس 😥🥺
ثم نظرت الى بدر بأسف قائلة: آسفة بجد على اللي حصل حالا هآخذه و هشيل الحتة اللي أكلت منها و احطهولها ف طبق 🥺
-لا سيبيها الظاهر أنهم نصيب بوسي
سلمى :لأ حرام ! حنان مستنياهم ... هوما أصلا لسة متغلفين ما لمسوش الارض كلهم! 😰
بدر بهدوء بينما يلاحظ نظرات هناء المتوترة رغم محاولتها اخفاء الأمر
-لا يا سلمى...انتي ناسية ان تحليل سميات الحمل طلع ايجابي و الدكتور منع عنها تقرب من القطط و شعرهم خالص؟
سلمى بتذكر: ايوة صح ...و الله آسفة بجد مشورتك عالفاضي 😔😓 مكانش قصدي ..
-لا مفيش مشكلة ...مش بيقولوا نصيب حد مش بياخذه حد؟؟
هناء بإحراج : أنا كمان آسفة مكانش قصدي اوقع الكيس 😰
-لا مفيش مشكلة أنا بس مش فاهم ازاي الفويل بتاعه كان متشال مع ان الراجل غلفه قدامي!! 🤔🤨
قالها لهناء برفعة حاجب فأطرقت برأسها قائلة بتلعثم
-ماهو ...انا .. بصراحة اشتهيت حتة و فتحته و أكلت منه شوية صغيرين 😓
بدر بعتاب: كنتي تقوليلي نفسي فيهم انا كمان و انا اجيبلك بدل ما تمدي ايدك على حاجة غيرك .. يالا محصلش حاجة
حاولت هناء الهروب من الموقف فقالت لسلمى:
هي خالتي فين؟
-فوق السطوح
-احم ..طب انا رايحالها
غادرت هناء مسرعة بينما سأل بدر : هي حنان في اوضتها !؟
سلمى: ايوة لسة نايمة
بدر بتعجب: يا خير !!نايمة ازاي الساعة داخلة على 12!
إقتربت منه سلمى و همست له: الظاهر ما نامتش كويس او ما نامتش خالص !
بدر يقلق : ليه ؟؟ هي عيانة انا داخل اشوو..
قاطعته سلمى هامسة: لا مش عيانة. .. ماما صحيت قبل الفجر تتوضا وتقرأ قرآن زي عادتها لقت النور في اوضتها افتكرتها نسيته راحت تطفيه لقتها بتصلي و بتدعي و هي بتعيط
ابتسم بدر بحب و همس في سره
-يعني كانت عايزة تتعلم بجد مش مجرد حجة عشان تشوفني ☺️
بينما أكملت سلمى
-و الصبح لما راحت تصحيها تفطر لقت عينيها منفوخين و تحتهم سواد قالت نسيبها لما تصحى براحتها
فكرت قليلا ثم قالت بتذكر: ألا قل لي يا بدر هي مكانتش بتصلي.. ابتدت امتى ؟؟
ابتسم بدر و هو ينظر بإتجاه غرفتها: إمبارح ☺️
نظر لسلمى و هو يقول : انا رايح اصحيها خلي بالك من بنت خالتك تصرفاتها مش عاجباني ..
سلمى : حاضر
ثم نظرت الى بوسي و قالت : و انتي يا فاضحاا"اني امشي تكملي الاكل في مكان تاني سيبيني انظف الفوضى اللي عملتيها هنا
وصل ايهاب الى المكان و توجه الى صاحب الشقة
-مرحبا سيد كولينز
السيد كولينز بتوجس: أهلا ! كيف اخدمك سيدي؟
ايهاب بخبث: أنا أخ السيد منير الذي اشترى منك شقة منذ أشهر
-اه تذكرته ...لم يستلمها بعد لا أدري لماذا ! كان الاتفاق أن يكمل لي باقي المبلغ و ينتقل خلال أسبوع على الأكثر !
ايهاب بتصنع الحزن: هذا يعني انك لم تدر بما حدث له ..لقد قت"ل في ذلك الأسبوع 😓
كولينز بأسف و حسرة: أوووه انا اسف لخسارتكم لم أكن أعلم !!
نظر ايهاب لحقائبهم و قال : اذن كما ترى قد اتيت من مصر لأتمم بعض الاجراءات الخاصة بالميراث فهو ليس لديه احد غيري .. و لا نملك مكانا نمكث فيه فلو تكرمت و اعطيتنا المفتاح الذي معك
-طبعا لا مشكلة هل يمكنني رؤية جواز سفركم من فضلك ؟
اعطاه ايهاب الباسبور و هو يقول : بالتأكيد ...لكن علي أن أوضح لك امرا.. هو أخي من الام فقط
-اه ...أرى ذلك !
قالها و هو يقرأ اسمه..
ثم نظر إليه قائلا : حسنا ..سأبحث لك عن المفتاح.. من حسن حظك أنه معي ..فقد اتت صديقته الغ"بية و طلبت المفتاح لكنها غادرت بشكل مريب و تركت الباب مفتوحا و المفتاح بداخله ..يا لها من مستهترة
دخل الرجل و احضره: هذا هو ...تعرف الشقة ؟
ايهاب :اجل رقم 75 الطابق الثامن
كان يهم بالمغادرة حين اوقفه الرجل : ماذا عن باقي المبلغ؟؟
ايهاب : انظر يا سيد ..انا هنا لاحصل اموالا تخص اخي و فور ان استلمها سأسدد لك ما تبقى ..ذكرني بالمبلغ
سيد كولينز:20 ألف دولار
ايهاب : و هو كذلك ...ستكون عندك خلال أسبوع على الأكثر
سما : مين صديقه دي
العاب بملل : أكيد يقصد الغب"ية ليليان لما خطفها ياسين
دخلا الى الشقة وسط اشمئزاز سما من المكان
-هي دي الشقة اللي خايف عليها !! ...دي مقر"فة !
-مضطرة تتحمليها يا سما ..يالا شيلي معايا الشنط و خلينا ننظف اوضة نقعد فيها
-يا سلاااام !! عشان ظوافري تتكسر ! لا طبعا 🙄
نظر إليها ايهاب بضيق و قال : بقولك ايه لو عايزة عز ياسين يبقى تتحملي الفترة دي و تعملي اللي بقولك عليه!!
أنا هروح أشوف المحامي و انتي ادخلي شوفي أي حاجة تنظفي بيها المكان ...لما تبقي ست القصر هيبقى ساعتها عندك خدم و حشم و مشهتضطري تعملي حاجة أبدا ! دلوقت تنسي لي حكاية ظوافرك دي و يالا اعملي اللي قلتلك عليه
غادر و تركها تنفخ بتقزز من المكان
-اوووووف 😤 .. معقولة سايب قصرنا لأميرة و جايبني للقر"ف ده !! 🤮
في غرفة حنان
دخل غرفتها و كانت تغط في نوم عميق
وضع حذاءه و استلقى بجانبها بهدوء حتى لا يوقظها
ثم راح يزيح بعض خصلات شعرها بحنان ليرى وجهها الجميل
بقى على تلك الحال يتأملها بحب لدقائق و فجأة تململت و فتحت عيناها بنعاس و ابتسمت تلقائيا حين رأته و هي تهمس
:بدر ...حبيبي! 😍
اغمضت عيناها و هي تبتسم بإستمتاع و تهمس ما بين النوم و الصحوة: اتمنيت من ربنا اصحى كل يوم عالعيون دي ..بس لا ..ما اعتقدش دعوتك اتحققت يا حنان ... واضح ده حلم جميل تاني
زمت شفتها بضيق و هي تغمغم : أكيد أول ما تفتحي مش هتلاقيه ..انتي ناسية ان عنده اثنين غيرك؟ 😓
ابتسمت ثانية :طب أنا هفضل مغمضة عشان يفضل جنبي
-بس كدة هنحرميني اشوف عينيكي اللي انا كمان باعشقهم 🥰
فتحت عينيها و انتفضت من مكانها : بدر !! انت هنا بجد !!!
تمدد براحة و هو يضع يديه خلف رأسه و يضحك قائلا
-و مالك اتفزعتي كدة ؟؟ شفتي عفريت؟؟؟ 😂
حنان بدهشة: لا ...انا بس ..استغربت !!
تذكرت قليلا ثم قالت بضياع : هي كانت نوبتي؟ 🤔لا لا ..
طب .. مش عوايدك تجي الصبح !انت هنا من امتى!! 😳
اعتدل في جلسته و همس في اذنها بعبث
-انا هنا من لما كنتي بتتمني تصحي كل يوم على العيون دي
نظر الى الساعة واكمل بإبتسامة: و بعدين صبح ايه احنا بقينا الظهر
-بجد !! طب انا هقوم اغسل عشان ألحق افط...
كانت تهم بالقيام حين اعادها بدر الى احضانه قائلا : تعالي هنا رايحة فين...مش هتهربي مني قبل ما تقوليلي كنتي بتقولي ايه قبل شوية ! 🙄😁
حنان بتصنع البلاهة: انا ! امتى؟!
-لما فتحتي عينيكي و غمضتي تاني !
حنان بتصنع التذكر: أنا ! انا كنت نايمة لسة مفتحة حالا !🙄
بدر : اممم ..طب حيث كدة انتي نسيتي تقوليلي صباح الخير
حنان : صح ..صباح الخير
قالتها و هي تغادر حضنه فأعادها بحركة واحدة و اقترب من شفاهها قائلا : لا بقى صباح الخير بتاع المتجوزين بتكون كدة..
كان يهم بتقبيلها حين سمعا صوت صراخ سلمى يملأ المكان !
-لااااااااااااااااا 😱😱😱
انتفض الإثنين و لبس بدر حذاءه ليرى ما الامر و همت حنان باللحاق به و هي مذعورة فنظر إليها بحدة
-رايحة فين بشكلك ده!!
نظرت الى نفسها وكانت ترتدي قميصا شفافا فأطرقت برأسها: آسفة نسيت
خرج و هو يقول -غيري و البسي طرحة بسرعة .
توجه الى مصدر الصوت ليتفاجأ بحضور جميع من في المنزل من النسوة و تجمعهم حول سلمى في دائرة
دخل من بينهم و هو يقول بذعر: مالك يا سلمى فيه ايه ؟؟
وصل الى حيث تنظر بهلع و تصرخ فوجد قطتها بوسي مي"تة و تخرج من فمها رغوة ممتزجة مع الد"ماء
نظر بدر بإتجاه السلالم حيث تنزل هنادي برفقة هناء المذعورة و هي تقول بفزع : خير يا سلمى ايه الصراخ ده يا بنتي فزعتي قلبي مالك!!
وصلت الى حيث ينظرون فشهقت شهقة واحدة
-يا مصيبتي 😱 !!! هي بوسي مالها؟؟!
في تلك اللحظة وصلت حنان و ذعرت من المنظر و اخفت وجهها خلف بدر الذي نظر الى هناء و هي تكاد يغمى عليها من الخوف بعد ان اكتشفت لعبة سنية الح'قيرة
ثم قال و هو يرمقها بنظرات حار"قة
-بوسي اتس"ممت يامة... بس مكانتش هي المقصودة 😤
في مكان آخر في مصر
دخلت فردوس إليها لتجد الطبق على حاله لم تأكل منه شيئا و لا تزال على نفس الحال من البكاء منذ ان خرجت من المستشفى فخرجت الى زوجها
-و بعدين بقى يا ممدوح ..كدة هتموت نفسها دي بقالها يومين من غير اكل !
ممدوح : أنا هأدخل اكلمها و انتي روحي اعمليلها شربة خفيفة بدل الاكل الثقيل ده ما تنسيش انها عيانة
-ثقيل ايه دول صوباعين محشي بس !
-المحشي ده ليكي انتي يا اختي ..روحي بسرعة اعملي اللي قلتلك عليه
-حاضر
دخل ممدوح إليها و جلس بجانبها بحزن
-و بعدين معاكي يا حجة...هو انتي هتفضلي تعيطي لحد امتى! ده انتي حتى ما حطيتيش في بقك نص لقمة
-و هي اللقمة هتعدي منيييين يا ممدوووح !! 😭 راح الغاااالي ابن الغاااالي ...راح الشاب الطيب صاحب القلب الطيب ...أكون مين أنا عشان أعيش! 😭 دي اللقمة اللي بتتكلم عنها كانت من خيره 😭 مين هيسأل عني و لا يجبهالي بعد ما الغالي راح و سابني يا ممدووووح 😭😭
ممدوح : ما تقوليش كدة يا خالتي مفيدة ربنا كبير و احنا جنبك مش هنسيبك هو احنا كنا قصرنا معاكي ف حاجة ؟
-جميلكم فوق دماغي يا ابني ...بس موت الغالي كس"رني ... لو كان ابني حنين زيه مكنتش اتوجع كدة ! كنت اصبر نفسي بيه...بس انت عارف الحال يا ابني ...و لو كان ليا غيره كنت صبرت نفسي بيه. ..انما انا بقيت مقطوعة من شجرة يا ابني ...الوحيد اللي كان بيسأل عني راح و انا قعدت ..يا ريتك اديت من عمري انا و عطيته يا رب و لا سبتنيش اتلطم من بعده 😭😭
-يا خالتي حرام اللي انتي بتقوليه ده هو نصيبه و قدره كدة ربنا يرحمه و انتي ربنا يطول لنا في عمرك بتفولي على نفسك ليه بس
مفيدة: من غلبي يا ابني .. من جحود ابن بطني عليا
ممدوح بشفقة على حالها: ربنا يهديه يا خالتي 😓
-بوسي اتس"ممت يامة... بس مكانتش هي المقصودة 😤
تهامست النسوة بحيرة عما يحدث ولم يفهم احد ما الذي أصاب بوسي و ماذا كان يعنيه بدر بهذا ؟!
-قصدك ايه يا بدر ؟؟...
قالتها الجدة حسنات و هي تدك الارض بعكازها نحوهم
-اللي سمعتوه يا ستي
نظرت سلمى اليهم و قالت بإنهيار : بوسي أكلت الكوارع اللي بدر كان جايبها لحنان 😭
شهق الجميع بينما انتفضت حنان و هي تمسك في بطنها بفزع و تقول : ابني!! ثم تقع أرضا من شدة الصدمة
هنادي بخوف : يا مصيبتي ! بت يا شهد اجري نادي الداية أم حمدي
حملها بدر مسرعا و هو يقول لوالدته : داية ايه يمة نادي الدكتورة بسرعة
وضعها في سريرها و بقيت برفقتها اسراء و هنادي بينما عاد بدر و قال لسلمى و هو ينظر الى هناء بغضب جحيمي : روحي هاتي كيس حالا يا سلمى 😤
ذهبت سلمى و اقترب من هناء المذعورة قائلا
-هي فين ؟؟
هناء بلجلجة : ه..ه..هي ..ايه ؟؟😥
-ازازة الس"م يا هناااااء !! 😡
-س...س...س"م 😰 !!! س"م ايه يا بدر انت اتجننت!! 😱
حاولت تصنع القوة و قالت : و انا هس"ممها ليه يعني .. أكيد الكوارع فا"سدة !😓
أمسكها بدر بقوة و هزها بغضب قائلا : ما تختبريش صبري يا هناااااء لآخر مرة هقوووو....
قبل أن يكمل كلمته وقعت القارورة من بين ثيابها فسقطت هناء أرضا و هي تقول بإنهيار
-انا مليش دعوة سنية هي اللي طلبت مني احطه و الله العظيم ما كنت أعرف أنه س"م😭 قالت انها هتتعب بس
شهقت جميع النسوة و أكملت هناء ...أحلفلك ب ايه يا بدر !! ده انا حتى قلتلها اني مسامحة ف نوبتي بس ما ادخلش السجن !!😭
اخذ القارورة و القطة النا"فقة وهو يقول هنشوف الموضوع ده لما أرجع
انصرف و هو يتوعد لكليهما
في مكتب المحامي
- وفقا للقانون الكندي لن تستطيع اخذ شيء من املاكه و مادام له زوجة فكل ما يملك سيعود إليها
ايهاب: لكني تواصلت عبر الهاتف مع المحامي الخاص بالسيد ياسين و أخبرني بأنه قد ترك وصية يطلب فيها تقسيم املاكه وفقا الشريعة الإسلامية
-هل أنت متأكد من هذا الكلام ؟
-أجل يا استاذ و اتفقت مع محاميه لكي يحضر غدا و يعطينا الوصية
-في هذه الحالة سيتغير كل شيء .. و يمكننا أن نربح القضية اخبره فقط أن نلتقي في القصر غدا لقرائتها على مسمع من الجميع و بحضورهم
-هل أعتقد حقا ان لدينا فرصة لسلب كل شيء منها؟
-بالتأكيد سيد ايهاب ، مادام مسلما و اوصى بتقسيم ارثه على الشريعة الاسلامية ...فهذا الأمر ستبت فيه بعد الآن لجنة المواريث التابعة لهيئة التجمع الإسلامي في تورنتو و حسبما أعلم عن علم المواريث في الإسلام فإنه سيكون لها الربع فقط ...هذا ان كان زواجهما صحيحا...أقصد من كل الجوانب و ليس الناحية القانونية فقط .. لكنك تقول بأنها عذراء ...هذا يعني انها خارج اللعبة يا صديقي 😁
وصل بدر الى المنزل و توجه الى غرفته و بدأ يجمع أغراضه و يضعها في حقيبة كبيرة
دخلت سنية مسرعة و هي تتصنع المفاجأة : انت هنا يا بدر ! مش رحتو من شوية انت و هناء ؟! هي فين اومال؟
لم يتكلم بدر و واصل جمع اغراضه كلها ...
-جرى ايه يا بدر ؟ هو انا مش بأكلمك ؟! حصل لك ايه ؟؟
انتهى من جمع اغراضه ثم هم بالخروج و هو يقول
-ابوكي هيقولك في أي
أغلق الباب عليها بالمفتاح مسرعا و توجه الى غرفتها وسط صراخها و ضربها الباب بقوة بدون جدوى
-الحقووووني . ... افتحي يا كوثرررر ابوكي حبسني !
-طب فهمني ايه اللي حصل !! بدر باااادر !!
كانت البنات تنام في غرفة اخرى بعيدة و لم يسمعها احد سواه و لم يأبه بدر لصراخها بل توجه الى غرفتها و أخذ كل مصاغها و من ثم الى غرفة هناء و فعل نفس الشيء و انصرف
في مقهى المعلم سيد الدمنهوري والد سنية
وصل بدر الى طاولة المعلم الذي كان يستمتع بشيشته
سيد : أهلا أهلا بأبو الأنساب اتفضل يا بدر
وقف بدر و قال : مش جاي اتضايف و لا جاي اقعد يا معلم هوما كلمتين و رد غطاهم : بنتكم ما تلزمنيش....و زي ما دخلنا بالمعروف نخرج بالمعروف
انتفض سيد غاضبا و هو يقول بأعلى صوته : كلام ايه ده يا بدر !! ما تلزمكش ازاي هو دخول الحمام زي خروجه ولا أي !!
ماهي الا لحظات حتى تجمع كل ابنائه حول بدر بغضب و هم يترصدون به شرا و تهامس بعض الناس من الجالسين بتوجس و قلق بينما أكمل سيد بغضب: احنا لحمنا مر يا بدر و اللي يغدر بينا نقطعه بسناننا!! 😡
فقال بدر بقوة شخصية و هدوء مخيف و هو ينظر في عينيه
: طب و اللي تغدروا انتو بيه ؟؟ يعمل ايه يا معلم سيد !!
نظر إخوة سنية الى بعضهم البعض بتوجس ثم نظروا الى والدهم الذي اخرسته تلك الكلمة فنظر الى اكبر اولاده و أومأ له بإشارة فقال بأعلى صوته: احنا شطبنا ...يالا كل واحد على بيته ...يالا انت و هو !
اخرج الجميع و اقفل الباب و عاد الى جانب ابيه فقال بدر
-دلوك نقدر نتكلم براحتنا ... بنتكم المحترمة وصل بيها الغل انها تبعث ضرتها التانية عشان تق"تل مراتي و ابني اللي ف بطنها يا معلم
تمالك اعصابه ثم اكمل : بس ربنا ستر و القطة هي اللي أكلت الس"م و مات"ت... و ضرتها اعترفت بكل حاجة
نظر المعلم بدهشة لاولاده و قال : لا مستحيل ...أكيد ضرتها بتكذب عشان تلفق لها التهمة مش اكثر !!
وضع بدر أمام والد سنية ورقة و صورة و قرص فلاش و هو يقول : اتفضل يا معلم سيد ...شوف و احكم بنفسك .. دي نسخة من تقرير تشريح جثة القطة اللي يثبت ان اللي ق"تل القطة هو س"م الازازة اللي انت شايفها في الصورة دي .. أما حكاية ان ضرتها كانت بتكذب ولا لا فانت هتشوفها في الفلاشة دي ..
وضع احد اولاده الفلاشة على حاسوبه و فتحه فصدم الجميع و هم يرون سنية و هي تنظر يمينا و شمالا ثم تأخذ زجاجة سن الفئران من أحد الرفوف و تزيل عنها الملصق ثم تذهب لتحاسب سيد العطار .. فقال بدر لشقيق زوجته : تقدر تكبر الصورة يا مصطفى !!
كبر مصطفى الصورة فوجدوا أنها نفس الزجاجة الموجودة في الصورة
أغلق مصطفى الحاسوب و أخذ الفلاشة ليضعها في جيبه
و قال بدر - لأجل خاطر العشرة و البنات اللي بيننا انا مش هأبلغ عنها ...بس الأدلة دي هتفضل عندي لو حد فيكم حب يرجع ف كلامه ..و يلعب بذيله معايا ... الموضوع مش لعبة ده فيه اعد"ام و انا ما يرضنيش بناتي يتيتموا يا معلم
نظر إلى مصطفى و قال :تقدر تخلي النسخة دي و الفلاشة عندكم ... أنا معايا الاصلية
اومأ سيد لمصطفى فاعاد الفلاشة ثم نظر الى بدر و قال بخزي: طلباتك يا بدر
نظر بدر الى ساعته و قال : بنتكم طالق بالثلاث ...أنا مش هأكون قليل أصل و هأتقي ربنا فيها لانها ام بناتي و هخليها في الييت لإنها حاضنة و هأصرف على بناتي بما يرضي الله
بس تكتبولي تنازل عن كل حقوقها من القايمة للمؤخر للذهب...و بالمقابل الأدلة دي هتفضل مختفية
صمت سيد و لم يعقب لكن تدخل ابنه الاصغر علاء قائلا بحدة : و احنا ايه اللي يضمن لنا انك مش هتغدر بينا و تبلغ بعد ما نكتبلك التنازل ؟
وقف بدر في وجهه بتحد و قال بأعلى صوته : اسمي و كلمتي هوما الضامن ! أنا بدر الراوي من امتى اتعرف عليا الغدر و الخسة يا علاء ؟ هو انت فاكرني زيكو ؟ 😡
جن جنون علاء و كان سيضربه و تأهب الباقون جميعا لكن سيد اوقفهم و هو يقف في وجه ولده و يقول : لبدر
-احنا موافقين يا بدر ..حقك علينا امسحها فيا انا
نظر بدر الى ساعته و قال : ساعة بالضبط و تكون في بيت الحج رضوان و معاك التنازل ٫ الماذون اللي هيجوز سعد هيطلقنا احنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق