رواية تحت أمر الحب الفصل الثلاثون والحادي والثلاثون بقلم شيماء صبحي حصريه وجديده على مدونة النجم المتوهج
 |
وقفت عربية عمار قدام عمارة سكنيه ضخمة ،قال وهو بيفصل المحرك:انزلي..؟
داليدا كانت باصه علي الشباك ومبترودش عليه..، عمار نزل وقفل الباب وراه وبص علي المبني وهو بيحط ايديه في جيبه..،عدي ثواني وداليدا لسا مخرجتش من العربيه ..عمار لف بجسمه يبص عليها واتفاجئ انها مخرجتش قرب من العربيه وفتح الباب وبص عليها لقاها نايمه..
فضل مركز مع ملامح وشها لثواني وبعدها قفل الباب ورجع ركب جمبها؟
داليدا كانت في الواقع صاحيه ولاكنها عملت كده علشان مش عايزه تمشي علي مزاجه ولانها برضوا مش عارفه هو بيفكر في ايه..
عمار ركب العربيه تاني وشغل المحرك وهو بيبص عليها ولاقاها زي مهيا ..اخد نفسه وبعدها اتحرك بالعربيه واتجه للقصر وكان طول الطريق بيبص عليها من الوقت للتاتي وكان لسا نايمه ..؟
بعد ساعه متواصله وصلوا للقصر وأول ما الحراس شافوا عربيته واحد منهم اتصل برشاد وبلغه ان عمار باشا وصل..؟
رشاد كان قاعد في الصالون واول ما جاتله المكالمه خرج بسرعه يستقبلهم ..
عمار لمس كتفها وهزها وهو بيقول:اصحي علشان وصلنا؟؟
داليدا حركت وشها ببطئ وهو هزها تاني وهو بينادي عليها..فتحت عينيها وهي بتبص عليه باستغراب وادتله ريأكشن انها لسا صاحيه فعلا..؟
عمار حرك راسه بضيق وقال:انزلي يلا؟
داليدا اخدت نفسها ومسكت شنطتها وخرجت من العربيه وأول مشافت رشاد واقف يستقبلهم بلعت ريقها ..
رشاد قرب من عمار ومسكه من ايديه وبعده عن داليدا وقال:انت لازم تفهمني مش عايزها تشوفه ليه؟
عمار ضغط علي سنانه بغيظ وقال:الولد دا خطر عليها ..!
رشاد حرك راسه بالرفض وقال:قصدك خطر علي اللي في بطنها انت مش خايف عليها يا عمار انت خايف علي اللي في بطنها ؟؟
عمار بص لأخوه بغضب وقال: رشاد بلاش تقول كلام ملوش لازمه!
رشاد بص لداليدا اللي واقفه وحاضنه شنطتها وباصه عليهم ..رجع بص لأخوه وقال:بص بق يا عمار انا معملتش اللي انت قولتلي عليه وزين صاحي جوه ومستني يشوف أخته!!
داليدا قدرت تسمع كلام رشاد وفرحت ان زين هنا فمشيت خطوتين في اتجاه الباب ولاكن وقفها صوت عمار واللي طلب منها ترجع مكانها..
بلعت ريقها بتوتر لانها خايفه علي اخوها منه فهزت راسها ورحعت تاني مكانها وبصت عليهم وكانوا خلصوا كلامهم ورشاد دخل للقصر ،،عمار قرب منها مسك ايديها وضغط عليها جامد واتجهوا هما الاتنين للقصر !!
رشاد قرب من زين اللي كان قاعد وقال:داليدا وجوزها وصلوا..
زين وقف وهو بيهز راسه وبيبص علي الباب بفرحه ..
رشاد وقف جمبه وبعد كام دقيقه دخل عمار وهوا ماسك في ايد داليدا..زين أول مشافها جري عليها بفرحه وحضنها بقوه وهو بيقول:وحشتيني اوي يا داليدا طمنيني عليكي اخبارك ايه..
داليدا طبطبت علي ضهره بحنيه ومسحت علي شعره بحب واول ما بعد عن حضنها بصتله في عيونه وقالت:انا كويسه الحمدلله بس طمني انتي عليك عامل ايه ؟؟
زين ابتسم وهو بيبصلها بحب وبيقول:انا بخير الحمدلله وانا افف علشان مشيت يومها من غير مودعك اصل الراجل اللي حكيتلك عنه بعتلي مع ناس ورجعوني الشغل..
داليدا بصتله بعدم تصديق وقالت:دا بجد !
زين بص حواليه بتوتر وبعدها هز راسه وقال:مش بالظبط اوي بس انا خلصت شغلي معاهم دلوقت وبقيت حُر !
داليدا هزت راسها وبعدها بصت لعمار وقالت:دا عمار جوزي..
زين بص لعمار بنص ابتسامه ومد ايديه ليه وقال:ازيك !
عمار بص لايديه بضيق وهز راسه وقال:كويس!
زين رجع ايديه جمبه بخجل وداليدا اتضايقت من اسلوب عمار مع اخوها فقربت من زين وقالت: انت جيت هنا امتي..
زين بص لرشاد وقال:انا نمت هنا امبارح اصل انا كنت بدور عليكي وبالصدفه قابلت الشاب دا وعرفت انه يبق اخو جوزك فهو يشكر جابني هنا!
داليدا بصت لرشاد وابتسمت وبعدها قربت من زين وقالت:طيب يا زين امشي؟
زين بصلها بصدمه وهيا حركت عينيها برجاء وقالت :علشان خاطري ..! انا هديلك عنوان تروح تاخد حاجتك من هناك وتقدر تشتري شقة جديده وتعيش فيها وانا هبق اجي ازورك من الوقت للتاني؟
زين بصلها بلوم كبير وحزن ولاكنه هز راسه ليها وبص لجوزها بضيق لان من الواضح انه ضاغط عليها بالكلام فبصلها تاني وقبل ما يمشي
داليدا ندهت عليه وحضنته بحب كبير وهو مسك علي شعرها بحنيه وقال:متقلقيش عليا يا حبيبتي انا بخير اهم حاجه عندي انتي عايزك تكوني بخير علي طول ..
داليدا ابتسمت وهزت راسها ليه وهو سابها وخرج بسرعه من الباب ؟؟
داليدا فضلت واقفه مكانها لحدما اتاكدت انه خرج وبعدها جريت بسرعه علي السلم وطلعت لجناحهم ..
عمار كان بيبص عليها وساكت ولاكن رشاد كان متضايق من اللي حصل بصله بلوم وخرج من القصر هو كمان من غير اي كلمة ..
عمار فضل واقف مكانه وهو حاسس ان دماغه هتنفجر قرب من مكتبه وفتحه بكل عصبيه ،دخل وبعدها قفل الباب تاني وقعد علي مكتبه وبدا يشوف شغله..
عدي كام دقيقه وكان قفل اللاب توب وبص علي الباب بضيق ،، خرج وقفل الباب وراه واتجه علي جناحه واول ما وصل ولسا بيفتح الباب لقاه مقفول..خبط بغضب وقال:افتحي الباب ؟
داليدا كانت قاعده علي السرير وسامعه صوته ولاكن مردتش عليه .. فضل عمار يخبط علي الباب بقوه وبيطلب منها تفتح الباب بصوت عالي ..
كل الخدم انتبهوا ليه فكانوا خايفين جدا لان دي اول مره عمار باشا يوصل للمرحله دي فكل واحد رجع بسرعه يشوف شغله وكان عمار لسا بينادي عليها وواضح من نبرة صوته انه في اقصي مراحل غضبه..!
داليدا قامت وفتحتله الباب واول ما عينيها جت في عينيه بعدتها ببرود ودخلت وهو كان مصدوم من تصرفها دا فدخل وراها وقفل الباب وراه بعصبيه وقال:انتي قافله الباب ليه وبعدين مش سامعه كل دا!
داليدا هزت راسها وقالت:مكنتش سامعه اصلي كنت نايمه..
عمار ضغط علي ايديه بغضب وقال:يعني لحقتي تنامي في الدقيقتين دول..
داليدا هزت راسها ووقفت قدامه بصت في عينيه وقالت: لو عاوز تعاقبني إتفضل انا معنديش مشكله..
عمار بصلها باستغراب ،وكان لسا ضاغط علي ايديه بغضب ولاكن نظراتها ليه كانت غريبه مقدرش يقرب ليها ولا حتي يتكلم معاها..داليدا كانت بتبص في عينيه وكانت بتحركها بسرعه وهو مقدرش يقاوم أكتر وقرب منها ولاكنها بحركه سريعه قدرت تبعد عنه وتتجه للسرير..
عمار فضل واقف مكانه ومصدرم من سكوتها المفاجئ والغريب،،هو كان متوقع انها اول مهتشوفه هتتخانق معاه زي كل مره ولاكن المره دي كانت هاديه تماما فحس بتأنيب الضمير ولاكنه مستمرش كتير ولقاها بتقف فاستعد للخناق معاها ولاكنها خالفت التوقعات وقربت من اوضة الملابس وقفلت وراها الباب، عمار اخد نفس بضيق وبدأ يغير هدومه وقبل مهيا تخرج كان واقف بالبنطلون بس.!
داليدا خرجت وهيا لابسه بيجاما مكشوفة نوعا ما من عند الصد”ر قربت من السرير ونامت عليه وهوا كان واقف يبص عليها وساكت..
لفت بحسمها وادتله ضهرها وشدت المخدة وحضنتها وبعدها نامت ،وبعدما عدي كام دقيقه بدا يسمع صوت بسيط طالع منها فقرب منها ولقاها نايمه بعمق .. بعد عن السرير ودخل لأوضة تبديل الملابس وفي دماغه مليون سؤال :ليه داليدا مش بتتخانق معاه بسبب اللي حصل؟
داليدا كانت صاحية واول ما حست انه مش موجود جمبها لفت بجسمها وبصت عليه وبعدما اتاكدت انه مش موجود فعلا رجعت تاني حضنت المخده وكان الحزن باين علي وشها.
بعد وقت مش كبير !!
خرج عمار واتجه عند السرير بص عليها تاني لقاها نايمه فقرب من الكنبه وفرد جسمه عليها بتعب وقبل ما يغمض عينيه افتكر اللي حصل بينهم قبل ما يدخلوا القصر؟
عمار مسك ايديها وقال:اخوكي جوه بس لو انتي خايفه عليه فعلا اطلبي منه يمشي ويبعد عنك خالص؟
داليدا بصتله بصدمه وقالت:لييه اعمل كده وبعدين يبعد عني ايه هو انا كنت اشتكيت منه؟
عمار بضيق :نفذي اللي بقولك عليه ياما هتصرف تصرف مش هيعجبك ..؟
داليدا بصتله بغضب وقالت:طيب بس دي هتكون اخر مره هقولك فيها حاضر يا عمار لان بعد كده مش هسكت؟
عمار تجاهل كلامها ليه وضغط علي ايديها ودخلوا !!
اطلق عمار تنهيدة طويلة وهو بيبص عليها وهي نايمه وبعدما حس انه محتاج ينام سمع لعينيه ترتاح وراح في نوم عميق..؟
في بيت دنيا كانت جهزت ومستعده للخروج ولاكنها قبل ما تخرج بصت لامها وقالت:احتمال اتاخر النهاردة لان عندي شيفت متاخر ف لو جميلة سالت عليه عرفيها!
مامتها هزت راسها بالايجاب وقالت:طيب يا حبيبتي خلي بالك علي نفسك؟
دنيا ابتسمت وطبعت قبله علي خدها وقالت:حاضر يا حبيبتي؟
قربت دنيا من الباب وفتحته ولاكنها اتفجأت لما لقته واقف قدامها؟
رشاد بابتسامه:صباح الخير؟
دنيا باستغراب:صباح النور بس ايه المفجأة الحلوه دي؟
رشاد ابتسم وبعدها قال:هو انا هفضل واقف كتير علي الباب كده مش هتدخليني.
دنيا بصتله باستغراب وقالت:لا بس انا خارجه دلوقتي..
رشاد بعدها عن الباب بغيظ وقال : يعني علشان خارجه انا مش هدخل ..دنيا بصتله بصدمه وهو قرب من مامتها وقال بفرحه :ازيك يا ماما عاملة ايه!
ام دنيا بفرحه:اي دا رشاد تعالي يا حبيبي نورت البيت!
رشاد قرب منها وباس ايديها بلطف وقال:البيت منور بوجودك يا حبيبتي طمنيني عليكي عامله ايه!
ام دنيا بابتسامه:انا كويسه يا حبيبي المهم انت طمني عليك عامل ايه واخبار شغلك ايه؟
رشاد بص لدنيا اللي واثقه تبصله بغيظ وقال:والله انا بخير الحمد لله بس في حد كده شكله مش مبسوط بوجودي؟
ام دنيا بصت لبنتها وقالت بابتسامه :تعالي يا دنيا هاتي لخطيبك عصير !
دنيا بصت لمامتها بصدمه وقالت:بس انا كده هتأخر.
رشاد بصلها بغضب ولاكن امها اللي ردت عليها وقال:عيب كده يا دنيا خطيبك موجود مش مهم اي حاجه دلوقت روحي يلا اسمعي الكلام..
دنيا مشيت من قدامهم بعصبيه ودخلت للمطبخ ورشاد فضل يبص عليها وهو بيضحك واول ما اتاكد انها بعدت بص لمامتها وقال:انا بصراحه عايز اتكلم معاكي في موضوع يخص علاقتي انا ودنيا؟
ام دنيا هزت راسها بابتسامه وقالت:اتفضل يا حبيبي انا سمعاك؟
رشاد اخد نفس وقال:بصراحه كده انا عايز احدد ميعاد الفرح بتاعنا انا ردنيا وزي مقولت لحضرتك قبل كده ان انتي وجميله هتيجوا تعيشوا معانا في القصر؟
ام دنيا ابتسمت علي كلامه وقالت:بص يا حبيبي انا معنديش مشكله مع كلامك بس دنيا لازم هيا اللي تحدد.انا مقدرش اوافق من غير رأيها.. رشاد ابتسم وقال:دا اكيد طبعا بس انا حبيت اقول لحضرتك الاول علشان لو حابه تقولي رأيك.
ام دنيا ابتسمت وطبطبت علي ضهره بحب وفي الوقت دا كانت دنيا خارجة وهي شايلة صينيه فيها عصير قربت منهم وحطتها علي الطرابيزة وقالت:اتفضلوا العصير.
رشاد بصلها وابتسم وامها ثالت بغيظ منها:مش تقدمي لخطييك الاول..
دنيا بصتله ولقته بيبتسم فمسكت كاسة وادتهاله وقالت:بالف هنا!
رشاد خاف من كلمتها فهز راسه وشرب شويه وبعدها رجعها مكانها وقال:تسلم ايدك يا حبيبتي العصير يجنن؟
دنيا هزت راسها وقالت: بس مش انا اللي عملاه!
رشاد رفع حاجبه وقال:بس انتي اللي جبتيه !
دنيا هزت راسها وقالت:طيب ياماما انا همشي بق مع السلامه!
رشاد بصلها بصدمه وقال:استني رايحه فين ؟
دنيا اخذت نفسها وقالت:رايحه المستشفي ؟
رشاد وقف وقرب منها ومسك ايديها وقال:مستشفي اي دلوقت وانا جاي احدد ميعاد الفرح؟
دنيا رفعت حاجبها باستغراب وقالت:بتقول فرح؟
رشاد هز راسه وقال:ايوا اي رئيك تسيبك من الشغل دا ونقعد كده انا وانتي ونتكلم شويه عن حياتنا؟
دنيا هزت راسها وقالت:طيب انا ممكن اتاخر ساعه ونتكلم براحتنا بس بعدما الساعه تخلص لازم اروح المستشفي عندي شغل ؟
رشاد رفع عينيه بغيظ منها فهز راسه وقال:طيب اتفضلي اقعدي خلينا نتكلم !
دنيا قعدت علي الكرسي وهيا بصاله وهو اول ما قعد قال:الشهر الجاي انا شايف ان دا هيكون مناسب خصوصا ان دا هيكون اول ايام الربيع والجو بيكون جميل؟
دنيا بصت لامها وقالت:انتي ايه رأيك ياماما؟
امها عزت راسها وقالت:اقتراح ممتاز وانا شايفه ان رشاد عنده حق الجو بيكون جميل فعلا؟
دنيا بصتله وقالت:طيب كويس انا برضوا عجبني الميعاد دا !
رشاد ابتسم وقال:يبق اتفقنا؟
دنيا ابتسمت وقالت:طيب ممكن بق توصلني للمستشفى في طريقك!
رشاد بص لامها بتعب وامها ابتسمت وهيا بتقول:معلش ياابني استحملها لحدما تتجوزوا!
دنيا ابتسمت ورشاد هز راسه لامها وابتسم فبصلها وقال:اتفضلي يا ست هانم!
دنيا قامت ومسكت شنتطها وخرجت وهو خرج وراها وقبل ما يقفل الباب قال:متاكده ياماما اني هقدر عليها!
ام دنيا ضحكت وهو قفل الباب ومشي؟
كان زين قاعد في جناح في اوتيل خمس نجوم ..حجزله الجناح دا رشاد وقاله يفضل فيه لحدما يخلصوا موضوع ابن الكبير وبعدما يتاكدوا ان معدش في خطر عليه يقدر يخرج!
زين كان عاجبه شكل المكان ولاكن كل تفكيرة حاليا كان في البنت اللي شافها في الصعيد وخطفت قلبه معاها ،فرد جسمه علي السرير وهو بيفتكر لما كانت هتقع في الفرح ولحقها ووقتها دخلت ست كبيره عليهم وزعقتله بس برغم كل اللي حصل الا انه مش فاهم ليه حاسس انه شافها قبل كده وانها مش اول مره يقابلها.!
#الفصل_31
#تحت_أمر_الحب
#الكاتبة_شيماء_صبحي
في منتصف الليل أصوات قدم بتتسحب وبتتجه لغرفة محددة من غرف قصر الصاوي..
وفي جناح عمار وداليدا ..كانت داليدا بتتقلب بنوم ولاكنها إتفجأت بشخص بيكتم بوقها حاولت تصرخ ولاكنها معرفتش ولاكنها قدرت قبل ما تفقد وعيها ترمي موبايلها علي الارض وبسبب الصوت بتاع التيلفون عمار صحي من النوم بخضه واول ما عينه جت علي سريرها شاف الشخص الملثم دا وهو حاطت منديل علي وشها وكاتم انفاسها..
عمار اتحرك بسرعه ومسك الشخص دا من هدومه وبعده عن داليدا وبدا يضرب فيه بكل قوته وكان الشخص دا بيقاتلوا وكان واضح انه متعلم فنون القتال كويس ،لان من طريقته في القتال بيدل انه محترف..
فضل عمار بضرب فيه وبعد وقت قدر يغلبه ويوقعه علي الارض..
مسكه من عند رقبته بغضب وقال:انت مين ؟
الشخص كان بيحرك جسمه بسرعه لان عمار كان ضاغط علي رقبته وخنقه!
الشخص فضل يخبط علي جسم عمار بإيديه علشان يفك قبضته وبعدما عمار بعد عنه رفع القناع اللي لابسه واتفاجي انها مش شخص وانها بنت..قال بصدمه:انتي مين !!
البنت زحفت بعيد عنه وهيا بتاخد نفسها واول ما هديت رفعت بقيت القناع ووقتها انسدل شعرها علي جسمها بصت لعمار وقالت:انا عايزاها هيا؟
عمار بص علي داليدا لقاها مش بتتحرك فاتخض عليها وقرب منها وهو بيقول:انتي عملتي فيها ايه انطقي.
البنت وقفت وقربت منه وهوا كان بيحرك ايديه علي وش داليدا وبينده عليها ولاكنها مكنتش بتتحرك..
اول مشاف البنت التانيه واقفه قدامه ساب داليدا ومسك البنت وقال بغضب:انتي ازاي دخلتي هنا ومين اللي بعتك؟
البنت بصتله وقالت باختناق:هيا كويسه انا بس اديتها مخدر بس سيبني علشان افهمك!
عمار كان بيبصلها بغضب ولاكن بعد عنها بعدما سمع كلامها!
البنت مسكت رقبتها بضيق وقالت:انا محدش بعتني بس انا عوازها ضروري؟
عمار بصلها باستغراب وقال:عاوزه مين هو انتي تعرفيها؟
البنت هزت راسها وقالت:ايوا دي الدكتوره اللي كانت بتعالج اخويا بس اختفت فجاه ولما سالت عليها محدش كان عارف عنها حاجه فانا قررت ادور عليها بنفسي لحدما عرفت انها مراتك ؟
عمار قرب منها تاني وهيا رفعت ايديها وقالت:انا مكنتش هأذيها كل الحكايه اني كنت هاخدها علشان تعالجه للانه رافض العلاج ومش راضي يخلي اي دكتور تاني يكشف عليه!
عمار مكنش مطمن لكلامها خصوصا ان كلامها مش مقنع وبتصرفها دا يدل علي انها تعرف الكتير عنه وعن القصر لان مفيش اي حد غير الخدم يعرفوا جناحه فقرب منها وقال:وانا المفروض بق أصدقك!
البنت بصتله بخوف وقالت:انا بقول الحقيقه هكدب ليه يعني .!
عمار هز راسه وبعد عنها خطوطين ولاكنه رجع تاني وفجائها بخبطه علي دماغها خلتها تفقد الوعي؟؟
مسك عمار تيلفونه واتصل علي الحراس وكان بيصرخ فيهم وقال بكل غضب: اجمعولي كلكم تحت وحد فيكم يتصل بدكتورهاني يجي هنا بسرعه!
قال كلامه وقفل المكالمه وبعدها قرب من داليدا وحاول يفوقها تاني ولاكنها مكنتش بتستجاب ليه زفر بضيق وهو بيقرب من البنت دي وبيبعدها عن الباب بغضب وبعدما فتح الباب خرج ونادي علي اتنين من الحراس يجيوا يشيلوها وبعدها دخل تاني لداليدا؟؟
رشاد كان صحي من صوت الدوشه اللي بقن في القصر كله واللي خلاه يقوم من علي السرير. هو صوت عمار العالي وهو بينده الحراس ،
خرج بسرعه وهو بيتجه لجناح عمار واول ما لقاه مفتوح قال بقلق:في ايه يا عمار صوتك عالي ليه!
عمار لفله وقال:في بنت اتهجمت علي داليدا وهيا نايمه وكانت بتموتها لولا اني صحيت ولحقتها!
رشاد قرب منه بقلق وهو بيبص علي داليدا اللي مش بتتحرك قال :طيب هيا مين وازاي دخلت للقصر اصلا؟
عمار بصله بضيق وقال:معرفش هو في اي حد اتعين هنا جديد؟
رشاد رفع كتفه بعدم علم وقال:معرفش بس انت طلبت دكتور علشان دتليدا
عمار هز راسه ورشاد خرج بسرعه من جناحه ونزل تحت يشوف مين البنت دي وليه كانت عايز تقت”ل داليدا؟
واحد من الحراس استقبل رشاد وقال: انا باكد لحضرتك يا باشا ان مفيش حد دخل القصر احنا كلنا صاحيين وكل واحد كان واقف في موقعه؟
رشاد بصله بغضب وقال:فين نادين ؟
الحارس:نايمه يباشا؟
رشاد بغضب وصوت عالي : روح صحيها بسرعه ؟
الحارس هز راسه واتحرك لاوضة كبيرة الخدم وخبط عليها واول مافتحتله الباب قال:رشاد باشا عايزك بسرعه؟
نادين هزت راسها بقلق وقالت:طيب متعرفش عاوزني في ايه؟
الحارس هز راسه وقال:في بنت هجمت علي جناح عمار باشا وكانت عايزة تخلص علي المدام بتاعته؟
ناديين اتخضت من كلامه وهزت راسها وقالت:طيب روح انت وانا هلبس بسرعه واجي وراك؟
ااحارس هز راسه ومشي بينما نادين دخلت لاوضتها بسرعه وغيرت هدومها وبعد دقايق كانت خرجت من الاوضه وهيا بتجري في الاتجاه اللي موجود فيه رشاد!
رشاد كان واقف في نص القصر وحواليه كل الحراس والخدم اللي صحيوا علي صوته ولاكنه كان مستني نادين واول ملقاها قربت منه قال:في اي حد اتعين في القصر اليومين دول جديد؟
نادين هزت راسها بالرفض وقالت:لا يا فندم؟
واحده من الخدم قالت: يا ابلة نادين مش في بنت جديده اشتغلت معانا من يومين؟
نادين بصتلها وقالت:ايوا صح ..بصت لرشاد وقالت:ايوا صحيح في بنت انا اسفه علشان نسيتها ،هيا كانت من طرف سلامه المزارع وقالي انها شاطره وانا وظفتها فعلا!
رشاد غمض عينيه بغضب وقال:طيب هيا فين البنت دي؟
نادين بصت للبنات بتفحص وبعدما اتاكدت منهم قالت باستغراب:الا هيا صحيح فين هو محدش صحاها ولا ايه؟
الحارس هز راسه وقال:كلهم صحوا ومفيش اي حد تاني في الاوض!
رشاد اتاكد من شكوكه وطلب من الحراس يجيوا البنت هنا علشان نادين تشوفها والحراس مشيوا ورجعوا بعد دقايق وهما شايلين البنت واول ما نادين شافتها شهقت بخضه وهيا بتقول: تسنيم هو ايه اللي عمل فيها كده يا باشا !
رشاد بصلها وقال بتساؤل:هي دي البنت اللجديده اللي انتي بتتكلمي عليها؟
نادين هزت راسها وقالت:ايوا هيا ياباشا ؟
رشاد قال بصوت عالي:طيب كله يرجع اوضه تاني و انتي يا نادين متوظفيش اي حد بدون علمي بعد كده!
نادين هزت راسها ولاكن فضولها كان كبير وعايزه تعرف ليه تسنيم لابسه اللبس الغريب دا وليه الحراس كانوا شايلينها وهيا مش في وعيها !
رشاد بصلها وقال:اتفضلي ارجعي اوضتك تاني؟
نادين حركت راسها بالايجاب ومشيت من قدامه بسرعه ورشاد بص للحراس وقال:اربطوها في المخزن واستنوني هناك!
الحراس هزوا راسهم وشالوا البنت واتجهوا بيها للمخزن ورشاد بص علي السلم وطلع بسرعه لجناح عمار واول مشافه وهو لسا بيحاول يفوق داليدا قال :الدكتور لسا مجاش؟
عمار بصله وقال: بسرعه يا رشاد رن عليه استعجلوا؟
رشاد هز راسه وخرج علشان يتصل بدكتور هاني ولاكنه اتفاجي بيه طالع علي السلم فبصله وقال:بسرعه يا دكتور في جناح عمار!
الدكتور هز راسه واتجه مع رشاد لاوضة عمار..
عمار بعد عن داليدا اول ما الدكتور دخل وقال:هيا اتعرضت لاختناق..
الدكتور هز راسه وبدا يقيس نبضها وبعدما لقاه مش منتظم طلع حقنه من شنطته وادهالها في الوريد ، كان عمار واقف وعينه عليها وفي الوقت دا كان حاسس ان روحه اتسحبت منه ..،
الدكتور بصله وقال : متقلقش يا عمار باشا انا ادتلها حقنه هتخليها تستعيد وعيها تاني..
عمار بصله وهز راسه وقال:طيب طمني الطفل حصله حاجة؟
الدكتور بصله بإستغراب وقال:طفل؟طفل ايه..!
عمار حس بالخوف الشديد وقال:الطفل اللي في بطنها يا دكتور طمني عليه..؟
الدكتور قرب من داليدا ولمس ايديها وقال: رغم اني مش فاهم طفل ايه بس المدام مش حامل اصلا؟
عمار بصله بصدمه ومكنش قادر يستوعب كلامه فقال بتساؤل:ازاي يعني يا دكتور دي بطنها كبيره اهي دليل علي وجود طفل؟
الدكتور حس بحاجه غريبه في الموضوع فقال: هو في دكتور قالكم انها حامل؟
عمار هز راسه بعدم معرفة وقال: هي المدام اصلا دكتوره فهيا قالتلي انها حامل وانا بنفسي لما شوفت بطنها كانت منفوخة بتاكدلي صحة كلامها؟
الدكتور بص لداليدا اللي نايمه ودقق في وشها وبعدين بص لعمار وقال:بصراحه انا مش قادر اشوف وجود طفل في بطنها ولاكن لو مفيش مشكله اخدها للمستشفي ونتاكد هناك؟
عمار هز راسه وقال:اكيد يا دكتور لازم نطمن اتفضل حضرتك وانا هاجيبها المستشفي؟
الدكتور هز راسه وبدا يام حاجته وبعدها خرج ورشاد بص لعمار وقال:انت متاكد انها كانت حامل فعلا!
عمار هز راسه وقال:مش عارف يا رشاد بس انا متاكد انها فعلا حامل بس لازم اتاكد لان كلام الدكتور قلقني؟
رشاد حط ايديه علي كتف اخوه وقال:طيب خليني اساعدك وننزلها للعربيه
عمار هز راسه بالرفض وقال:لا روح انت شوف مين البت دي ومين اللي بعتها ولو طلعت تبع الولا ابن الكبير دا خلص عليها وعليه مش عايز اشوفه تاني علي وجه الارض؟
رشاد هز راسه وقال:طيب ماشي بس ابق طمني اول ما توصلوا!!
عمار هز راسه ورشاد خرج من الاوضه ونزل للمخزن وعمار بص لداليدا وشاف انها لابسه بيجاما ،دخل لاوضه الملابس جاب ليها لبس خروج وبدأ يغيرلها هدومها وهو بيفكر في كلام الدكتور وهو مش قادر يستوعب انها قدرت تخدعه وتفهمه انها حامل علشان تعرف مكان اخوها؟
بعد وقت كان انتهي عمار من تغير هدوم داليدا فـ شالها علي ايديه وخرج من جناحهم ونزل بيها علي السلم وبعدها خرج من باب القصر وهو عينه علي العربيه؟
كانت في استقباله عربيته اللي متجهزه ليهم حطها بالراحه علي الكنبه الكبيره وقعد جمبها وبعدها شاور للسواق يتحرك واول ما باب العربيه اتقفل عمار حط ايديه علي شعرها وبدا يمشي ايديه بهدوء ..؟
وفي المخزن كانوا واقفين رجاله عمار وهما باصيين للبنت الي كانت فاقت وبدات تعينيها بهدوء واول مفتحت عينيها لقت رشاد قاعد في وشها وماسك في ايديه سل”اح وعينيه عليها..!
قال بغضب:انتي مين يا بت ومين اللي بعتك تخلصي علي داليدا؟
البنت كحت بتعب وقالت:انا قولتله اني مش جايه اقت”لها انا بس كنت هاخدها تعالج أخويا؟
رشاد عمر سلا”حه وحطوا علي دماغها بتهديد وقال:اسمعي يا شاطرة؟؟؟ الكلام دا تقوليه لاي حد غيري ولاكن انا لأ..! قسماً بالله لو متكلمتي دلوقتي وقولتيلي كل حاجه مش هيكفيني فيكي طلقة!
البنت بصت للمسدس بخوف وبصت لرشاد وقالت:صدقن…؟
رشاد ضرب طلقه في السقف بتهديد وقال:هتتكلمي والا اخلي الرجاله دي كلها يشوفوا شغلهم معاكي قبل ما اخلص عليكي؟
البنت بصت للرجاله اللي بصينلها بكل غضب بخوف فهزت راسها وقالت:خلاص هتكلم؟
رشاد هز راسه وقال:وانا سامعك؟
البنت بلعت ريقها وقالت: فتحي مسلم هو اللي طلب مني اخلص عليها؟
رشاد رفع حاجبه وقال:ومين فتحي دا؟
البنت :دا ابن مسلم باشا الشهير بالكبير؟
رشاد هز راسه وقال:كملي؟
البنت حركت راسها وقالت:انا كده خلصت هي دي كل الحكاية؟
رشاد هز راسه ورفع المسدس في وشها وقال:طيب ادعولها بالرحمه يا رجاله!
قال كلامه وهو بيحط المسدس عند جبينها ولاكنها صرخت بخوف وقالت:متعملش كده والله انا عملت كده علشان خاطر اهلي؟
رشاد رفض يسمع كلامها لان عمار طلب منه يخلص عليها لو طلعت تبع ابن الكبير وهو علشان ميخسرش اخوه نفذ طلبه واطلق النار عليها!
رشاد بصلها بعدما ما”تت وبعد عينيه بضيق وشاور للرجاله يتخلصوا منها وبعدها خرج من المكان؟
واحد من رجالته كان في استقباله و قال:احنا تحت امرك يا رشاد باشا ؟
رشاد بصله وقال:اسمع يا علي انا عايزك تاخد مجموعه من الرجاله وتروحوا لفيلا مسلم الكبير عايزكوا تخلصوا علي كل اللي هناك مش عايز اي حد يعيش انت فاهم؟
علي هز راسه وقال:آمرك يباشا ؟
رشاد خرج من المكان واتجه للقصر ودخل اوضته وكانت ايديه بترتعش بسبب اللي حصل من شويه دخل للحمام وغسل ايديه من اثار الد”م اللي جت عليها من البنت دي فبص في المرايه بغضب من نفسه وقال:ليه عملت كده؟
فضل يبص لنفسه والغضب علي ملامحه لحدما جاله اتصال من عمار فهرح من الحمام بسرعة وخرج تيلفونه من جيبه وقال:ايوا يا عمار طمني عملت ايه؟
عمار بصوت ضعيف:داليدا طلعت مش حامل؟
رشاد ضم حاجبه باستغراب وقال:يعني الدكتور عنده حق فعلا ؟
عمار هز راسه وقال:ايوا بس هو اكتشف حاجه وقالي ان التحاليل هي اللي هتاكد الموضوع؟
رشاد هز راسه وقال :حاجة ايه؟
عمار اخذ نفس طويل واطلق تنهيده حاره وبعدها بص للتيلفون وقال:رشاد؟
رشاد رد عليه وقال:ايوا يا عمار خير؟
عمار نزلت دمعه من عينيه بسبب تأثرة الشديد وقال:داليدا؟
رشاد :مالها؟
عمار بلع ريقه وقال:مش قادر اقولها؟
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق