روايه_الهروب_إلى_المجهول الفصل 23/24/25 بقلم أروي عادل حصريه وجديده على مدونة النجم المتوهج
 |
روايه_الهروب_إلى_المجهول الفصل 23/24/25 بقلم أروي عادل حصريه وجديده على مدونة النجم المتوهج
عندما طرقت إيلا الباب . و جاء صوت من داخل الشقه يقول
الجدة٠٠٠نفين شوفى مين على الباب
نفين ٠٠٠ حاضر يا ماما
هنا شعرت أيلا بأن قلبها كاد أن يتوقف عندما سمعت صوت أمها لذلك دمعت عينيها غصب عنها
وعندما فتحت نفين الباب تصلب جسدها عندما رأت الواقفه امامها بعيون دامعة. ظلت نفين تتأملها بصمت . و دموعها تنهمر على خديها على شكل خيوط شفافه كانت تحمل بينهم خليط من الاشتياق و الفرحة و أيضآ القهر و الحرمان والوجع
هنا وضعت نفين يديها على وجه إيلا ثم قالت وهى تتحدث بصعوبة و كأنها طفل صغير مازال يتعلم الكلام
نفين ٠٠٠ بنتى أنتى حقيقية ... ده مش حلم
انتى واقفه قدامى
ثم بدأت تلمس جسد إيلا لتتأكد انها حقيقة ليست حلم
فجأة صرخت نفين صرخة مداويه أهتزت لها جدران المنزل . هنا جاءت والدتها و والدها عندما سمعوا صراخ نفين
بينما حضنت نفين إيلا بقوة و هى تقبل كل انش فى وجهها ثم سحبتها من يديها بفرحه قالت لأمها و أبوها
نفين ٠٠٠ ماما بابا بنتى رجعتلى .. مش قولتلكم انها هدور عليا هترجعلى
الجدة ٠٠٠ ياما انت كريم يارب
الجد٠٠٠لا إله إلا الله بعد السنين دى كلها بنتك رجعتلك
هنا مسكتها نفين من وجهها يديها وقالت
نفين ٠٠٠ قوليلى كنتى فين . كنت عايش ازاى طيب
الجده ٠٠ براحه عليها يا نفين
لم تنطق إيلا بأى كلمة لذلك قالت بقلق
نفين ٠٠٠ أنتى متتكلميش ليه . إيلا
بعدت إيلا يد نفين من عليها .ثم مسكت يد كريم و كارما و قالت بجمود
إيلا ٠٠٠اتفضلى دول امانه إلين . خليهم عندك و متخافيش فترة صغيرة و هرجع اخدهم منك .. ياريت بلاش تتخلى عنهم زى ما اتخلتى عنى و عن أمهم .. اعملى واجبك حتى لو مره فى حياتك
أتصدمت نفين من كلام إيلا و بكت بقهر
ثم نظرت لأولاد إلين الذى انتبهت أخيرآ لوجودهم ثم ركعت وهى تحضن أولاد إلين بشوق و حب
كريم ٠٠٠ أنتى تيته مش كده
نفين ٠٠٠ اه انا أم ماما إلين
كارما ٠٠٠ آه عارفها ماما إيلا قالتى انى انا عندى ماما تانيه اسمها إلين بس هى عند ربنا
شهقت نفين من كثرة البكاء
إيلا ٠٠٠ كريم كارما انتم هتفضلوا هنا فترة بس و آنا هاجى اخدكم متخافوش
كارما ٠٠٠ لأ ماليش دعوة انا عايزه اجى معاكى
كريم ٠٠٠ أنا كمان
إيلا ٠٠٠ ( بدموع و ألم قالت) اسمعوا الكلام بقى قولتلك
قالت جملتها ثم توجهت اتجاه باب الشقة للأنصراف. و هى تشعر بتعب
هنا ركضت نفين و وقفت امامها وقالت
نفين ٠٠٠لاء انا مش هسيبك تمشى.
إيلا ٠٠٠ لو سمحتى سيبنى أمشى
نفين ٠٠ لا مش ممكن أسيبك تمشى بعد ما لاقيتك
آيلا ٠٠ على فكره انا إللى لاقيتك .. لان إللى بيدور على حد بيلاقيه
الجدة ٠٠٠ لأ يا بنتى نفين دورت عليكى كتير لكن معرفتش توصلك ..
نفين ٠٠٠طيب قوليلى أوصلك ازاى وانا معرفش
عنك اى معلومة توصلنى ليكى ولا حتى انتى فى اي بلد
إيلا ٠٠٠ وليه سيبتنى من الأول
الجد ٠٠٠ هى سابتكم غصب عنها
إيلا ٠٠٠ ( بتعب قالت) طيب فهمونى ايه الحاجة إللى تخلى أم تسيب ولادها..
نفين ٠٠٠ طيب أقعدى و آنا هقولك على كل حاجة
هنا بدأت إيلا تتعب أكثر و فجأة اسودت الدنيا من أمامها و سقطت على الأرض مغشى عليها
هنا صرخت نفين هى بتحاول ترفع أبنتها من على الأرض وهى تقول بصراخ
نفين ٠٠٠ بابا الحقنى..
هنا ركض إبراهيم و فتح بابا الشقة و نادى على ابنه يوسف و أسامة الذين يسكنون معاه فى نفس العماره
جاءوا أشقاء نفين هم لا يفهمون شئ
هنا قالت
نفين ٠٠٠انتم وافقين كده ليه الحقونى بدكتور
هنا حمل يوسف إيلا و وضعها على الفراش
أما اسامه ذهب ليجلب الطبيب
ثم نظرت للطفلين الذين كانوا يصرخون بخوف
لذلك قالت
نفين ٠٠٠ ماما خدى الولاد على جوه
◇◇◇◇◇◇◇◇◇◇□□□□□□□
فى نفس الوقت
الغردقة
أمام عمارة شقة عمر
جاءه مروان بعد يومين لكى يطمن على إيلا
و عندما وصل الشقه و طرق الباب عندما لم يسمع اى رد ذهب و سأل البواب..
قال له البواب انها تركت المنزل منذه ٣ ايام
لذلك اتصل بإيلا لكن هاتفها مقفول
ثم اتصل على لبنى
( بداية المكالمة)
مروان ٠٠٠ الوو
لبنى ٠٠٠ أنت تانى انا مش قولتلك متتصلش عليا تانى
مروان٠٠٠ ياريت بتسمعى زى ما بتتكلمى
لبنى ٠٠٠ قصدك ايه يعنى انى بتكلم كتير
مروان٠٠٠ تعرفى تسكتى ثانية واحده عشان اعرف اسألك عن إيلا
لبنى ٠٠٠ مالها إيلا
مروان ٠٠٠ بتصل عليها تليفونها مقفول
لبنى ٠٠٠ انا كمان بقالى يومين بتصل عليها تليفونها مقفول
مروان ٠٠٠ بتتصلى عليها .. ليه هى مش عندك
لبنى ٠٠٠ لاء مش عندى
مروان ٠٠٠ بس هى قالتى انها هتروح تقعد مع صحابها يومين
لبنى ٠٠٠ لاء هى ماجتش هنا .. يمكن غيرت رأيها و فضلت فى شقتها
مروان ٠٠٠ أنا بكلمك من قدام العمارة هى مش موجوده البواب قالى انها مشيت من
٣ ايام
لبنى ٠٠٠ غريبه بس احنا من ساعة ما كنا عندها منعرفش عنها حاجة .
مروان ٠٠٠ طيب أسألى صاحبتها التانيه
لبنى ٠٠٠ تقصد أميرة هى بردوا متعرفش
مروان ٠٠٠ كده الموضوع يقلق
لبنى ٠٠٠ يعنى هتكون راحت فين
مروان ٠٠٠ طيب فى حد ممكن تروح عنده غيركم
لبنى ٠٠٠ هى متعرفش غيرنا فى الغردقة كلها
مروان ٠٠٠ يمكن راحت عند أهلها
لبنى ٠٠٠ بس إيلا معندهاش أهل
مروان ٠٠٠ يعنى تفتكرى تكون راحت فين
لبنى ٠٠٠ معرفش .. انا خايفه عليها من آخر مره شوفتها ماكنتش طبيعيه .. تفتكر ممكن تكون عملت فى نفسها حاجة
مروان ٠٠٠ لأ اوعى تقولى كده .ده عمر كان يقتلنى. . اسمعى انا هروح لصاحبتك إللى بتشتغل فى الفندق يمكن تكون تعرف حاجة
لبنى ٠٠٠ و آنا كمان هروح ليها دلوقتى
مروان ٠٠٠ طيب قوليلى انتى فين و آنا اخدك معايا
لبنى ٠٠٠ أنا فى الشغل هبعتلك العنوان على تليفونك
◇◇◇◇◇◇◇◇◇◇□□□□□□□
الاسكندريه
منزل الحاج إبراهيم
بعد عشر دقائق
بعد عشر دقائق جاءه أسامة و معاه الطبيب لانه كان جارهم
بعدالكشف على إيلا قال الطبيب لإيلا بعد ما فاقت
الدكتور ٠٠٠ أنتى فى الشهر الكلام
إيلا ٠٠٠ الخامس
نفين ٠٠٠ أنتى حامل
هزت آيلا رأسها بنعم
الدكتور ٠٠٠ طيب يا مدام انتى ضغطك واطى أوى ده تقريبآ إللى عمل حالة الإغماء . و دلوقتى ياريت متتحركيش من السرير لحد ما نطمن على حالة الجنين
إيلا ٠٠٠ بس انا لازم امشى من هنا
نفين ٠٠٠ لاء يا دكتور هى مش هتتحرك من هنا
الدكتور٠٠٠ خلاص هاتيها على العيادة بالليل عشان اعملها سونار و نشوف حالى الجنين
نفين ٠٠٠ تمام يا دكتور
انصرف الطبيب هنا قالت نفين
نفين ٠٠٠ أنتى حامل عشان كده كنتى عايزه تسيبى الولاد هنا
إيلا ٠٠٠ لأ انا كنت هسيبهم بس أسبوعين لانى الدكتوره قالتى انى يمكن أفقد الجنين لو
ما نمتش على دهرى أسبوعين.. لانى خوفت يجرالى حالة والولاد لوحدهم
نفين٠٠٠( بعصبية قالت) يعنى انتى لولا تعبك ماكنتيش هتفكرى تيجى تدورى عليا
إيلا ٠٠٠ آه.
هنا دخلت الجدة و معاها الطفلين و أسامة و يوسف و الجد ليطمئنوا على حالة إيلا
الجدة ٠٠٠ التى كويس يا حبيبتى
إيلا ٠٠٠ الحمدالله
الجد٠٠٠ خوفتنا . و وقعتى قلبنا
إيلا ٠٠٠ معلش ماكنتش قصدى اخوفكم
كريم ٠٠٠ ماما هو انتى كل شويه توقعى و تخوفينى
إيلا ٠٠٠ معلش يا حبيبى انا أسفة انى خوفتك
كارما ٠٠٠ أنا هقول لعمر انك وقعتى تانى
إيلا ٠٠٠ كارما انا قولت اننا مش هنشوف عمر تانى ولا هنتكلم معاه
نفين ٠٠٠مين عمر ده
كريم ٠٠٠ ده جوز ماما
إيلا ٠٠٠ كريم اسكت
كريم ٠٠٠ حاضر يا ماما
الجدة ٠٠٠ طيب انا هروح أعملك اكل
إيلا ٠٠٠ لأ شكرآ انا همشى
هنا صرخت نفين فى إيلا وقالت
نفين ٠٠٠ إيلا قولتلك انتى مش هتمشى من هنا ده اخر كلام .. اوعى تنسى انى امك و لازم تسمعى كلامى فاهمه
إيلا ٠٠٠( قالت بسخريه) هههه تصدقى انى بجد حسيت انك أمى
نفين ٠٠٠ تمام .. معلش ممكن تسيبونى لوحدنا شويه
بعد ما خرجوا جميعآ قالت نفين
نفين ٠٠٠ عندك استعداد تسمعى حقيقة ولا لاء
إيلا ٠٠٠ أيوه انا مستعدة
أميرة ٠٠٠ الموضوع بدء لما جات كوثر تسكن فى الشقة إللى قصادنا معرفش ازاى فى أقل من شهر اتعرفت عليا بقينا اصحاب . و فى يوم كوثر كانت عندى فى الشقة .. دخل جلال كان لسه راجع من الشغل اول جلال دخل و شاف كوثر قال
============
فلاش بالك
============
جلال٠٠٠ مساء الخير
نفين ٠٠٠ مساء الفل يا حبيبى
جلال ٠٠٠ أيه ده هو احنا عندنا ضيوف
نفين ٠٠٠ دى جارتنا كوثر إللى حكيتلك عليها
جلال ٠٠٠ آه اهلآ و سهلآ يا مدام ..
كوثر ٠٠٠ مهندس جلال . معقوله. ايه انت مش عارفنى
جلال ٠٠٠ معلش مش اخد بالى
كوثر ٠٠٠ أنا كوثر مرات توفيق التهامى . حضرتك كنت بتعمل تصميم عمارة الدقى
جلال ٠٠٠اه فعلا افتكرت حضرتك .طيب
و الأستاذ توفيق عامل ايه
كوثر ٠٠٠ احنا أطلقنا من فترة
جلال ٠٠٠ آه اسفه
كوثر ٠٠٠ على ايه عادى ..
جلال ٠٠٠ طيب عن أذنكم
بعد أسبوعين كانت كوثر بتتعمد تيجى عند
نفين المنزل وقت إللى جلال يكون موجود فيه كما كانت ايضآ بتتعمد تلبس ملابس عريانه بعض الشيئ و تقول انها استايلها فى اللبس و فى يوم كانت كوثر تعلم أن نفين سافرت لزيارت أهلها فى الاسكندرية مع بناتها لذلك ذهبت للمنزل جلال و طرقت الباب وعندما فتح جلالوقال
جلال ٠٠٠مدام كوثر خير فى. حاجة
كوثر ٠٠٠امال فين نفين
جلال ٠٠٠ مش موجوده
كوثر٠٠٠( بتوتر كاذب قالت) طيب اعمل ايه دلوقتى
جلال ٠٠٠ فى حاجة
كوثر ٠٠٠ الحنفية المطبخ اتكسرت .. انا خايفه تغرق الشقة . كنت عايزه رقم السباك من نفين
جلال ٠٠٠ طيب و نفين هتجيب رقم السباك منين
كوثر ٠٠٠( قالت كاذبه) لان كان فى واحد عندها من يومين لما سألتها مين ده قالتى انه السباك
كانت كوثر بتحاول تخلى جلال يشك فى
نفين لكن جلال كان يثق بنفين لذلك قال
جلال ٠٠٠ آه.. تمام لما تيجى ابقى اسأليها
شعرت كوثر بخيبة أمل من رد جلال ثم قالت
بدلع
كوثر ٠٠٠ جلال ممكن اقولك جلال كده على طول
جلال ٠٠٠ آه عادى
كوثر ٠٠٠ طيب ممكن تيجى معايا تصلحلى الحنفية
كانت بالتحدث بكل دلع و أنوثة. و جلال كان
ملاحظ اهتمام كوثر به منذه فترة
جلال ٠٠٠ تمام و ماله
============÷÷÷÷÷÷÷÷
ذهب جلال مع كوثر لشقتها
بعد ما قامه بتصليح الحنفية قالت كوثر
كوثر ٠٠٠ متشكره اوى يا جلال . قولي تحب
تشرب ايه
جلال٠٠٠ لاء متشكر
كوثر٠٠٠( بدلع قالت) لاء كده ازعل منك .
بقى تيجى شقتى لأول مره ما تشربش حاجة طيب و دى تيجى
جلال ٠٠٠ خلاص وانا مش هزعلك
كوثر ٠٠٠ و آنا هشربك حاجة على مزاجى
ثم تركته فى الصالة و ذهبت للمطبخ
ثم رجعت وهى تحمل صينية عليها كأسين و زجاجة ويسكى
استغرب جلال لذلك قال
جلال ٠٠٠ أيه ده انا ما بشربش
كوثر ٠٠٠ عليا بردوا . انا عارفه انك كنت بتشرب
جلال ٠٠٠ واضح ان نفين حكيتلك عنى كتير
كوثر ٠٠٠ كل حاجة و اى حاجة عنك انا عارفها .
جلال ٠٠٠ بس انا بجد بطلت أشرب من زمان
كمان وعدت نفين انى مش هشرب تانى
كوثر٠٠٠ بس يموت الزمار و صوابعه بتلعب
جلال ٠٠٠ لاء بجد انا بطلت أشرب من ساعة ما خلفت إلين
كوثر ٠٠٠ بس انا شوفتك مره بتشرب كاس مع توفيق
جلال ٠٠٠ دى مره كده و عدت
كوثر ٠٠٠ خلاص و المره دى كمان اعتبرها مره و عدت
ضحكه جلال وقال
جلال ٠٠٠ تمام بس كاس واحده
كاس ورا كاس حتى ثمل تمامآ
عندما أستيقظ جلال وهو يشعر بثقل برأسه
كما انه كان لا يتذكر شئ مما حدث لليلة أمس
وعندما كاد ينهض من على الفراش أتصدم عندما رأه الذى نايمه بجواره عاريه
هنا قال جلال بضيق
جلال ٠٠٠ يا نهار أسود..ازاى مش ممكن معقوله ..انا اعمل كده فى نفين
أما كوثر تصنعت الصدمه و بدموع التماسيح قالت
كوثر ٠٠٠ أيه إللى. حصل انتى عملت ايه فيا حرام عليك يا جلال . انا اتفضحت
جلال ٠٠٠ واللهى انا مش فاكر حصل ايه .انا من الأول قولتلك مش عايز اشرب
كوثر٠٠٠ خلاص متزعلش نفسك انا مش مهم
تعددت القاءات بين جلال و كوثر يوم بعد يوم لمدة شهر و أصبح جلال لا يستغنى عن المشروب
===========÷÷÷÷÷÷÷÷
بعد شهر رجعت نفين من السفر
و بدأت نفين تشعر بتغير فى سلوك جلال
نفين ٠٠٠ جلال انت مش رايح الشغل النهاردة
جلال ٠٠٠ لاء ماليش مزاج
نفين ٠٠٠ فى ايه يا جلال مالك بقالى أسبوع من ساعت مرجعت من الاسكندرية و آنا حاسه ان فيك حاجة متغيرة
جلال ٠٠٠ يعنى هيكون فيا ايه .. و كل ده عشان قولت مش ليه مزاج اروح الشغل
نفين ٠٠٠ لاء مش كده و بس انت بقيت بتتعصب بسرعة من ايه حاجة . كمان بقيت بتخرج كتير
جلال ٠٠٠ يوووو بقى ايه أنتى عايزه تحبسينى فى البيت ولا ايه
نفين ٠٠٠ جلال انت رجعت تشرب تانى
جلال ٠٠٠ أنا ماشى من وشك احسن
خرج جلال من المنزل.. و هنا جاءت جارتها احلام إلى فى نفس الدور وقالت
احلام ٠٠٠ نفين انتى عارفه انا وانتى جيران من ١٧ سنه و آنا بعتبرك صديقتى
نفين ٠٠٠ طبعآ يا أحلام احنا اصحاب
احلام ٠٠٠ عشان كده جيت انبهك بحاجة
نفين ٠٠٠( بقلق قالت) خير يا أحلام اتكلمى على طول
احلام ٠٠٠ بصراحة ياريت تبعدى عن إللى اسمها كوثر دى .. دى واحده مش كويسه
نفين ٠٠٠ ليه بتقولى عليها كده انتى شوفت عليها حاجة
أحلام ٠٠٠ اعفيني من السؤال ده
نفين ٠٠٠ أنتى كده قلقتنى فى ايه يا أحلام
أحلام ٠٠٠ بصراحة انا شوفتها بتيجى شقتك وانتى مسافره . كمان شوفت المهندس جلال و هو رايح شقتها
كانت صدمة قويه لنفين هنا تذكرت تغير جلال .
نفين ٠٠٠ انا متشكرة يا أحلام انك نبهتنى على حاجة زى دى
=========÷÷÷÷
بدأت نفين تعامل كوثر وحش
كما بدأت تراقب جلال جيدآ
نفين ٠٠٠ أنا مش عايزك تتكلم ولا تتعامل مع كوثر تانى
جلال ٠٠٠ ( بتوتر قال) ليه فى حاجة
نفين ٠٠٠ مش متطمن ليها .حاسه انها ست مش تمام
جلال ٠٠٠ نفين ان بعض الظن أثم
نفين ٠٠٠ هو ايه إللى بينك و بين كوثر
جلال ٠٠٠( بأرتباك قال) لاء انتى بتقولى إيه ازاى تفكرى ان ممكن يكون فى حاجة بينى و بينها
نفين ٠٠٠ بس الجيران شافوها وهى داخل الشقه
و انا مش هنا . كمان انت روحت شقتها
جلال ٠٠٠لاء كدب انتى ازاى تصدقى حاجة
زى كده
نفين ٠٠٠ياريت يكون كدب لانى لو فعلآ ده حصل مش هتشوف وشى تانى فاهم
قالت عبارتها ثم تركته و انصرفت
==============÷÷÷÷
طلب جلال من كوثر انه يقابلها خارج المنزل
فى كافيه
جلال ٠٠٠ كوثر احنا مش لازم نتقابل تانى
كوثر ٠٠٠( قالت وهى منهاره) انت بتقول أيه
لا انا مقدرش ابعد عنك انا بحبك
جلال ٠٠٠ كوثر نفين بتشك ان بينا حاجة
وهددتنى انها هتسيبنى لو اتأكدت ان بينا حاجة
كوثر ٠٠٠ طيب و ايه يعنى مش انتى بتحبنى
جلال ٠٠٠ كوثر انا عمرى ما حبيت غير نفين
إللى بينا ده مجرد غلطه
كوثر٠٠٠( بعصبيه قالت) غلطه انت بقالك معايا حوالى شهرين و جاى دلوقتى تقولى غلطة بعد ما اخدت إللى انت عايزه منى
جلال ٠٠٠ كوثر انتى عارفه كويس ان كل حاجة كانت بمزاجك انا ما اجبرتكيش على حاجة
كوثر ٠٠٠ أنا عملت كده معاك عشان بحبك كنت فاكرة انك هتتجوزنى
جلال ٠٠٠ اتجوزك انتى مجنونه انتى عايزانى اخسر بيتى عشان خاطرك . انا اساسآ لحد دلوقتي مش مصدق انى خونت نفين
كوثر٠٠٠( قالت كاذبه) انا ماكنتش عايزه أتكلم بس مراتك بردوا بتخونك
هنا صرخ جلال وقال بغضب شديد
جلال ٠٠٠ كوثر . اخرسى انتى فاكره مراتى واحده زيك
كوثر ٠٠٠ تمام انا هخليك تشوف بعينك
قالت جملتها ثم انصرفت
================
خططت كوثر مع أحد الرجال من معارفهم انها تظهر نفين على انها أمرأه خائنه
ثم بدأت فى تنفيذ خطتها
ذهبت للمنزل نفين و طرقت الباب
نفين ٠٠٠ كوثر خير
كوثر ٠٠٠ طيب مش تقوليلى اتفضلى الأول
نفين ٠٠٠ بصراحه انا مش فاضيه بجهز أكل
لبنان قبل مايجوا من المدرسة
كوثر مش هعطلك متخافيش
نفين ٠٠٠ تمام اتفضلى
بدون ان تنتبه نفين رشت كوثر عليها مخدر
لذلك سقطت نفين على الأرض غايبه عن الوعى
ثم وضعتها كوثر على الفراش و نزعت عنها ملابسها و تركتها بقميص نوم
ثم اتصلت على جلال و قالت له ان كنت تريد
ترى خيانة زوجتك احضر حالآ
بعد ذلك فتحت باب الشقة لرجل
ثم أخذت الرجل لغرفة النوم و قامت بألتقاط بعض الصور له مع نفين و هى مغيبه تمامآ
ثم خرجت من المنزل فى انتظار جلال
و اول ما وصل جلال قالت كوثر
كوثر ٠٠٠ فاكر يوم ما قولتلك على السباك ده هو نفس الشخص إللى جوه معاها
جلال ٠٠٠( بغضب قال) تعرفى لو طلعتى بتكدبى هعمل فيكى ايه
كوثر ٠٠٠ ادخل وانت تشوف بعينك
دخل جلال الشقة توجه لغرفة النوم كانت المفاجأة و الصدمه له عندما رأه زوجته نايمه مع رجل غريب فى نفس الفراش و بقميص نوم
هجم عليهم جلال مثل الوحش و يضربهم بكل قوته و خيانه تأكله من الدخل
و نفين لا تشعر بشئ لانها مازالت نائمه تحت تأثير المخدر
أما كوثر كانت بتحاول تبعد جلال عنهم
قدرت كوثر تجعل الرجل يهرب ثم صرخت وقال
كوثر ٠٠٠الرجل هرب يا جلال
حاول جلال يلحق الرجل لكنه فشل لذلك رجع
لنفين التى كانت مازالت نائمة ظل يضربها
بدأت نفين تفتح عينيها وهى لا تعلم
ما يحدث لها فهى مازالت ما تفوق من المخدر
تمامآ
هنا سحبها جلال و رماها بره الشقة
وأغلق الباب خلفها
ظلت نفين تصرخ و تتطلب منه ان يعطيها أى شئ تستر به جسدها
هنا اخذتها أحلام لشقتها و اعطاتها ملابس
لترتديها .
كانت نفين فى حاله لا يرثى لها مصدومه و مقهوره و مظلومه.. لذلك قالت ببكاء يمزق القلب
نفين ٠٠٠ أنا معملتش حاجة
أحلام ٠٠٠ اهدى يا حبيتى انا عارفه انك مظلومة . انا حذرتك قبل كده من كوثر
نفين ٠٠٠ أنا عايزه بناتى .
ظلت نفين عند أحلام إللى ان سمعوا صوت صراخ خرجوا من الشقة . هنا عملت نفين مصدر الصوت كان صوت صراخ بناتها
و جلال يعتدى عليهم بالضرب
اتجهت نفين لباب شقتها لكن هنا أوقفتها كوثر وقالت بشر
كوثر ٠٠٠ رايحه فين
نفين ٠٠٠ ابعدى من وشى
كوثر ٠٠٠ اسمعى يا حبيبتى انتى تنسى البيت ده خالص باللى فيه لكن جلال خلاص بقى بتاعى و انتى خلاص بححححح
نفين ٠٠٠ و انتى فكرك إللى عملتى ده هيعدى بالساهل اقسم بالله يا كوثر ما هسيبك
هنا بدأت كوثر تقلب فى تليفونها وتقول
كوثر ٠٠٠ تعرفى القميص الأحمر هياكل منك حته شوفى كده
هنا الصدمه الكبرى صورها هى و رجل غريبة بقميص النوم على الفراش مع بعض
كوثر ٠٠٠ فكرى كده لو بناتك شافوا الصور دى هيعملوا ايه اكيد هيكرهوكى .. ده غير جلال اللى هيرفع عليكى قضية زنا بالصور دى.. كمان ممكن أنشرها على النت تفتكرى أهلك لما يشوفوا صورة هيعملوا ايه.. ياااا دى تبقى فضيحة أهلك بعدها مش هيقدره يرفعوا راسهم قدام الناس تانى .
بلعت نفين ريقها برعب و قهر وقالت
نفين ٠٠٠ أنتى عايزه ايه يا كوثر
كوثر ٠٠٠ تخدى بعضك و تروحى على بلدك ومش عايزه أشوف وشك تانى و تنسى خلاص جلال و بناتك لو حاولت بس تشوفيهم انا هنفذ إللى قولتلك عليه فاهمه
يا حلوه
===============
العوده من الفلاش باك
===============
نفين ٠٠٠ ساعتها خوفت من الفضيحة وخوفت عليكى انتى و أختك. و خوفت على اهلى ماكنش بأيدى اى حاجة أعملها غير انى
ماذا سيكون رد فعل عمر عندما يعلم للهروب إيلا
هل سيعلم عمر ابن تختبئ إيلا
#روايه_الهروب_إلى_المجهول
#الفصل_الرابع٠و٠عشرون
كوثر ٠٠٠فكرى كده لو بناتك شافوا الصور دى هيعملوا ايه ٠٠ اكيد هيكرهوكى .. ده غير ان جلال هيرفع عليكى قضية زنا بالصور دى.. كمان ممكن انشرها على النت تفتكرى أهلك لما يشوفوا صورة هيعملوا ايه .ياااا دى تيقى فضيحة أهلك بعدها مش هيقدره يرفعوا راسهم قدام الناس تانى
بلعت نفين ريقها برعب وقالت
نفين ٠٠٠ أنتى عايزه ايه يا كوثر
كوثر ٠٠٠ تخدى بعضك زى الشاطره كده و
تروحى على بلدك و مش عايزه اشوف وشك تانى فاهمه يا حلوه
==============
العوده من الفلاش باك
===============
نفين ٠٠٠ ساعتها خوفت من الفضيحة ..
وخوفت عليكى انتى و أختك و خوفت على أهلى .. ماكنش بأيدى اى حاجة أعملها غير انى أنفذ إللى كوثر عايزاه . ساعتها اخدت فلوس من أحلام عشان ارجع اسكندرية
لما رجعت اسكندريه كنت فى حالة صدمه
بعد أسبوع لما فوقت من الصدمة حكيت كل إللى حصل لأهلى.. بعدها جيت انا و يوسف و أسامة القاهرة عشان اخدكم من جلال
بس كان فات الاوان .. قالولى ان جلال اتجوز كوثر و ساب البيت.. و محدش يعرف راح فين
دورت عليكم كتير بس معرفتش انتم فين كوثر عملت كل حاجة عشان معرفش اوصلكم
إيلا ٠٠٠ بس انتى متأثرتش لما عرفتى ان إلين ماتت كأنك كنتى عارفه
نفين ٠٠٠ آه عرفت من ٣ سنين
إيلا ٠٠٠ عرفتى ازاى
هنا بدأت نفين تبكى و هى تتذكر إلين
نفين ٠٠٠ تعرفى كل إللى حصلى كوم وصدمتى يوم معرفت ان إلين ماتت كوم تانى خالص من ٣ سنين .. الباب خبط يقوه
==============
فلاش باك
===============
الجدة ٠٠٠ أيه ده مين بيخبط بطريقة دى
نفين ٠٠٠ هروح افتح
يوسف ٠٠٠ استنى انا إللى هفتح
فتح الباب و كان أمامه ثلاث رجال و أمرأة
لذلك قال
يوسف ٠٠٠ انتم ازاى تخبطوا على بيوت الناس بالطريقة دى . انتم مين
عمار ٠٠٠ فين إيلا
يوسف ٠٠٠ إيلا مين وانتم مين. انتم أكيد غلطانين في العنوان
كوثر٠٠٠ لاء مش غلطانين ومن غير شوشره خليها
قطعت جملتها نفين
نفين ٠٠٠ كوثر مش ممكن انتى بتعملى ايه هنا
كوثر ٠٠٠ فين إيلا. وفين ولاد ابنى
نفين ٠٠٠ يعنى ايه فين إيلا. هى بنتى فين وديتى بنتى فين يا كوثر
عمار ٠٠٠ بقولك ايه ياست انتى بشوش كده من غير قلة أدب تجيبى إيلا و الولاد
يوسف ٠٠٠ اتكلم بأدب يا بنى ادم انت
أسامة ٠٠٠ فى ايه يا يوسف.مين الناس دول
يوسف ٠٠٠ مش عارف بلاوى و بتتحدف علينا
عمار ٠٠ بقولك ايه عشان ما ولعش فى البيت ده باللى فيه .. تطلعوا إيلا من هنا بالذوق
أسامة٠٠٠ تولع فى مين يالا اتكلم على قدك
احسن اقسم بالله هدفنك مكانك
نفين ٠٠٠ استنا بس يا اسامة .. كوثر بناتى فين بالله عليكى بناتى فين
بكل قسوة قالت
كوثر ٠٠٠ واحد هربت ..و التانيه ماتت
نفين ٠٠٠ أنتى بتقولى إيه انتى كدابه
عمار٠٠٠ أمى مش كدابه إلين كانت مراتى
و ماتت من حوالى شهرين . إيلا هربت يوم فرحى عليها و خطفت معاها ولادى من الين
كانت صدمه بكل المقاييس لنفين التى لم تستحمل الخبر و سقطت مغشى عليها
===============
العوده من الفلاش باك
===============
نفين ٠٠٠ بعدها فضلت ست شهور و آنا
بتعالج من انهيار عصبى و اكتئاب.. لدرجة انى حاولت انتحر مره.. بعدها دخلت مستشفى نفسى ٠٠ و لم خرجت من المستشفى بقيت كويسه . بدأت الدور عليكى و على ولاد إلين
بس بردوا فشلت انى ألقيكى.. وعيشت على أمل انك انتى اللى تلاقينى لأنك عارفه مكانى
بس اتأخرتى كتير يا إيلا. و آنا اسنيتك كتير
إيلا٠٠٠ ( بدموع قالت) من ٧ سنين رجعت من المدرسة سألت عليكى بابا قالى ان امك ماتت
و كان بيضربنا انا و إلين لما كنا نجيب سرتك
و كوثر قالت لينا انك سبتينا عشان عشان راجل تانى
نفين ٠٠٠ ( ببكاء شديد قالت) اتعذبتى مش كده
إيلا٠٠٠ اه ه ه ه ه كتير أوى أوى يا ماما
شهقت نفين من كثرة البكاء عندما سمعت إيلا تقول ماما وقال
نفين ٠٠٠ آه يا قلب امك . انا كنت مستعدة اموت و اسمع كلمة ماما منك تانى
ثم حضنوا بعض وظلوا يبكون بهستريا لدرجة ان جميع من بالمنزل سمعوا صوت بكائهم
◇◇◇◇◇◇◇◇◇◇◇□□□□□
بعد يومين
الغردقة
سيارة مروان
كان معه فى السيارة أميرة و لبنى كانوا يبحثوا فى جميع الفنادق و المستشفيات و الاقسام الشرطة عن إيلا لكن دون جدوى
مروان ٠٠٠ أحنا مخليناش مكان فى الغردقة كلها مدورناش فيه يعنى هتكون راحت فين بس .
لبنى ٠٠٠ اكيد جرالها حاجة
اميرة٠٠٠ لاء إيلا هربت
مروان ٠٠٠ هربت معقولة تعملها طيب ليه
لبنى ٠٠٠ هيكون ليه .. اكيد هربت من عمايل عمر فيها
أميرة ٠٠٠ صح أنا افتكرت فى كلمة قالتها إيلا من فترة
مروان ٠٠٠ كلمة ايه دى
أميرة ٠٠٠ قالت لو عمر مرضاش يطلقها هتهرب .حتى قالت كمان انها متعودة على كده
لبنى ٠٠٠ صح يومها انا استغربت من كلامها
مروان ٠٠٠ ده معناه انى لازم أقول لعمر
لبنى ٠٠٠ مستعجلش يمكن نلاقيها
مروان ٠٠٠ فين بس احنا بقالنا يومين بندور عليها وهى كأنها فص ملح و داب
لبنى ٠٠٠ يعنى هو هيسيب فرحوا هيجى يدور عليها
مروان ٠٠٠ ده كمان فرحوا النهاردة . و انا كان المفروض كنت سافرت القاهرة من يومين
هنا رن هاتف مروان عندما رأه هوية المتصل قال . بضيق
مروان ٠٠٠ ده عمر بيرن عليا . اعمل ايه. دلوقتى انا من امبارح مش راضى أرد عليه
أميرة ٠٠٠ ما كده هيقلق اكتر رد عليه
اخد مروان نفس طويل و قال
( بداية المكالمة )
مروان ٠٠٠ الوو
عمر٠٠٠ ايه يا مروان انت هتستعبط مابتردش عليا ليه
مروان ٠٠٠( بأرتباك قال) كنت مشغول
عمر ٠٠٠ من أمتى لما بتكون مشغول مش بترد عليا .. بعدين صوتك ماله
مروان ٠٠٠ مالها صوتى ماهو كويس اهو
عمر ٠٠٠ طيب خلاص خلاص . أقولى اخبار إيلا ايه . ليه تليفونها على طول مقفول .هى لسه مدايقه منى
مروان ٠٠٠( بتوتر قال) معرفش قصدى اكيد زعلانه
عمر ٠٠٠ مروان هو فى ايه
مروان ٠٠٠ مافيش يا عمر يعنى هيكون فى ايه
عمر ٠٠٠ إيلا كويس
مروان ٠٠٠ الله اعلم . قصدى اه تمام
عمر ٠٠٠ أنا مش مستريحلك. المهم انت جاى الفرح النهاردة
مروان ٠٠٠ طبعآ
عمر ٠٠٠ طيب هات إيلا و الولاد معاك. هتخدهم على شقتى الجديدة . انا هبعتلك عنوان الشقة .. هتلاقينى مستنيك فى الشقة لان إيلا وحشانى اوى . بقالى أسبوع حتى مسمعتش صوتها
هنا مروان لم يستطيع أن يكدب أكثر. لذلك قال
مروان ٠٠٠ بصراحة بقى إيلا اختفت بقالها
٤ ايام
عمر ٠٠٠ اختفت يعنى ايه اختفت . مروان انت فايق اوى و بتهزر كمان
مروان ٠٠٠ أنا مش بهزر .. إيلا شكلها هربت
عمر ٠٠٠ ( بغضب قال) مروان اقسم بالله لو كنت بتهزر ان....
قطع مروان عبارته وقال
مروان ٠٠٠ اقسم بالله ما بهزر إيلا اختفت من
٤ ايام
بغضب عارم وصراخ قال
عمر ٠٠٠ أنتى مش كنت كل يوم بتروح تطمن عليها .. كنت بتقولى انها كويسه
مروان ٠٠٠ بصراحة يا عمر ..إيلا ضحكت عليا
قبل أن يكمل عبارته قال عمر
عمر ٠٠٠ ضحكت عليك يعنى ايه هو انت عيل صغير عشان إيلا تضحك عليك
مروان ٠٠٠ اسمعنى بس يا عمر و افهم إللى حصل
عمر ٠٠٠ مش عايز اسمع ولا افهم و حسابك معايا بعدين .. و دلوقتى تروح على بيت أميرة صاحبتها هتلاقيها هناك
مروان ٠٠٠ ( بأرتباك قال) لاء ماهو أأأ
عمر ٠٠٠ ماهو ايه انجز و انطق
مروان ٠٠٠ أميرة و لبنى معايا دلوقتى .و إيلا مش عندهم و لا يعرفوا حاجة عنها .
عمر ٠٠٠ أكيد كدابين إيلا متعرفش حد غيرهم
مروان ٠٠٠ لأ يا عمر انا متأكد من كلامهم
دول كمان بقالهم يومين بيدوروا معايا عليها
عمر ٠٠٠( بصراخ قال) يعنى راحت فين
انا جاى الغردقة دلوقتى استنانى فى الفندق
انتى . و اميرة .. لبنى
مروان ٠٠٠ طيب و فرحك
أغلق عمر الخط ولم يرد على مروان
( إنتهت المكالمة)
===========
لبنى ٠٠٠ عمر قال ايه
مروان ٠٠٠ عمر جاى
أميرة ٠٠٠طيب و فرحه
مروان ٠٠٠ ربنا يستر علينا و على إيلا لما يلاقيها عمر
لبنى ٠٠٠ أنا مش عارفه انتم خايفين منه ليه
مروان ٠٠٠ مش خوف بس عمر مجنون ممكن يعمل اي حاجة وكل حاجة .. إيلا مش إد غضب عمر
أميرة ٠٠٠ يبقى انت لسه متعرفش إيلا
مروان ٠٠٠ انتم إللى متعرفوش عمر . اذا كان كل إللى عملوا فيها ده ..و هو بيحبها آمال لما يغضب عليها هيعمل فيها ايه
لبنى ٠٠٠ بيحبها . ازاى و بيخونها بيحبها ازاى و النهاردة فرحه على واحدة تانيه صاحبك مابيعرفش يحب
مروان ٠٠٠ اهو يا ستى ساب فرحه و جاى يدور على إيلا
فى أقل من ساعة و بالطائرة كان عمر فى الغردقة
كان مروان و معه لبنى و أميرة فى انتظار عمر فى الفندق..
وصل عمر ثم وبخ مروان . وطلب منه يحكى له ما حدث
حكى مروان كل ما حدث منذه طلب ايلا منه أن لا يخبر عمر انها ذاهبه لقضاء يومين عند أصدقائها إلى وقتنا الحالى
بغضب حاد قال عمر بصوت مرعب لمروان
عمر ٠٠٠ يعنى انتى بعتنى مقابل تتعرف على واحده
مروان ٠٠٠ أنت بتقول أيه لاء طبعآ ..انا بس كنت شايف حالتها صعبه قولت خليها تروح
تقعد يومين عند صحابها
عمر ٠٠٠ و انت مين اساسآ عشان تقول تروح ولا متروحش.
مروان ٠٠٠ عمر و آنا كنت هعرف منين انها بتكدب عليا ..
عمر ٠٠٠ اهى ضحكت عليك يا اهبل
مروان ٠٠٠ عمر لو سمحت انا لحد دلوقتى مستحملك و مراعى إللى انت فيها بس ياريت من غير غلط
لبنى ٠٠٠ يلا يا أميرة نمشى من هنا احنا مالناش لازمة
عمر ٠٠٠ أنتى مش هتخروجوا من هنا غير لما أعرف إيلا فين
أميرة ٠٠٠ والله يا عمر بيه ما نعرف عنها اي حاجة
لبنى ٠٠٠ لو حتى نعرف ماكناش هنقولك
عمر ٠٠٠ لأ هتقولوا برضاكم او غصب عنكم هتقولوا
أميرة ٠٠٠. ( بخوف قالت ) بس بجد منعرفش حاجة
مروان ٠٠٠ عمر سيب البنات يروحوا همآ بجد ميعرفوش حاجة عن أيلا و آنا أتأكدت من ده
هنا شاور مروان للبنات لينصرفوا
ثم قال عمر
عمر ٠٠٠ أنا هروح أدور على إيلا و بعدين لينا حساب مع بعض
مروان ٠٠٠ تمام .. بس متتعبش نفسك انا دورت فى جميع الفنادق و المستشفيات و الاقسام الشرطة. حتى جميع الشاليهات
و الشقق المفروشة .هى مش موجوده .
عمر ٠٠٠ أنا بردوا هدور تانى و اتأكد
مروان ٠٠٠ أنا جاى معاك
◇◇◇◇◇◇◇◇◇◇□□□□□□□
فى المساء
القاهرة قاعة أفراح فخمه
الجميع فى انتظار عمر و الساعة قاربت
الحادى عشر مساءآ و العريس لم يأتى بعد بدء يقلق الجميع و الكل بيحاول بتصل عليه لكن هاتفه مغلق
محسن ٠٠٠ عجبك إللى ابنك بيعملوا
عزت٠٠٠ الغايب حجته معاه أكيد فى حاجة
محسن ٠٠٠ اسمع يا عزت انا استنا كمان ساعة لو ابنك مجاش هلغى الفرح
هنا جاء عز وقال
عز ٠٠٠ عزت بيه المأذون عايز يمشى
محسن ٠٠٠ اتفضل رد يا عزت
عزت ٠٠٠ قوله يستنا شويه.. عز اتصل على مروان طالما هو كمان مختفى يبقى اكيد
مع عمر
ذهب عز فى مكان بعيد و اتصل على مروان
( بداية المكالمة )
مروان ٠٠٠ الوو
عز٠٠٠مروان فين عمر الدنيا مقلوبة عليه هنا .
فى عريس يختفى يوم فرحة
مروان ٠٠٠ اكيد نسى الفرح
عز٠٠٠ انت بتقول أيه ازاى ينسى فرح انتم فين يا مروان
مروان ٠٠٠ فى الغردقة
عز٠٠٠ غردقة انت بتهزر . طيب والفرح
مروان ٠٠٠ إيلا مراته هربت او اتخطفت او اختفت اي كان احنا مش لاقينها
عز٠٠٠ انت بتقول أيه هو اساسآ عمر لسه مطلقهاش
مروان٠٠٠ يطلقها ده يطلقنا كلنا من حياته وهى لاء ..
عز ٠٠٠ هو ده وقت هزار
مروان ٠٠٠طيب أنا هشوف عمر و ارجع اتصل بيك بس اوعى حد يعرف حاجة
( إنتهت المكالمة)
◇◇◇◇◇◇◇◇◇◇□□□□□□□
الغردقة
ظل عمر يبحث عن إيلا طول اليوم
لم ينتبه إللى هاتفه إللى فصل شحن او ان اليوم هو لليلة زفافه
كما كان مكلف مجموعة من الرجال بالبحث عن إيلا
كان واقف مع بواب العمارة ليسألو بعض الأسئلة
البواب ٠٠٠ أنا شوفتها كانت تقريبآ الساعة ١١ بالليل وقفت تاكسى و ركبت فيه و مشيت
و كان معاها شنط كتير
عمر ٠٠٠ طيب سمعتها بقوله رايح فين
البواب ٠٠٠ سمعتها بتقوله رايحه الموقف
عمر ٠٠٠ ( بغضب قال) موقف ايه . فى موقف التاكسيات و فى موقف الميكروباصات و فى كمان موقف الأتوبيسات. و غيرهم قولى اى موقف فيهم
البواب ٠٠٠ واللهى معرفش انا سمعت بتقول السواق على الموقف
مروان ٠٠٠ خلاص يا عمر .. هو لو أفتكر حاجة هيتصل بيك على طول ..
البواب ٠٠٠ عايز حاجة منى تانى يا عمر بيه
عمر ٠٠٠ لأ
هنا استقل عمر السيارة و هنا قال مروان
مروان٠٠٠ انت مش ناسى حاجة
عمر ٠٠٠ مروان انا مش فايقلك لو فى حاجة اتكلم على طول
مروان ٠٠٠ عمر النهاردة فرحك و الكل مستنيك فى قاعة الأفراح و عمى عزت و عايلتك كل يتصلوا بيك . و انت تليفون مقفول
هنا بضيق مسح يده على رأسه ثم صاح بغضب و هو يضرب عجلة القيادة يده وهو يتوعد لإيلا بالعقاب الشديد
مروان٠٠٠ قولى هتعمل ايه دلوقتى
عمر٠٠٠ هعمل ايه يعنى الساعة داخل على ١٢ خلاص مش هلحق حاجة ... غير كده ازاى عايزنى اروح اتجوز و افرح و أرقص و انا بالحالة دى
مروان ٠٠٠مالها حالتك .
عمر ٠٠٠ انت مش حاسس باللى انا فيه انا جوايا نار. حاسس انى ضايع و مش فاهم حاجة . ليه إيلا عملت معايا كده
مروان ٠٠٠ ياه يا عمر بعد إللى عملته فيها لسه بتسأل ليه عملت معاك كده. انت عذبتها كتير . و أذتها أكتر من ضرب و خيانه و أهانه.. حتى اليوم إللى عمى عزت اتكلم عليها بطريقة مهينة انت موقفتش معها بالعكس خذلتها و كسرتها .. لما جات تتكلم معاك لاقيتك فى حضن ميار ..بدل ما تواسيها
و تحتويها . رايح تتجوز غيرها.. كل ده
و تقولى انت عملتها ايه ده انت جبروت ياراجل
عمر٠٠٠ بس احنا من الأول كان بينا اتفاق
مروان ٠٠٠ كان . كان يا عمر . والبنت حبيتك و انت حبتها . الوضع اختلف . تعرف المشكلة عندك فى ايه . انك فاكر طالما اتجوزت إيلا هى خلاص بقيت ملكك تحت أمرك. وانت مسموح ليك تعمل إللى انت عايزه . تروح تيجى تتجوز ترافق .. هى موجوده عمرها
ما هتسيبك. يعنى هتروح فين هى مالهاش ملجأ غيرك .. لكن إيلا عملت الغير متوقع
و اللى انت عمرك ما تتخيله سابتك يا عمر. ايوه إيلا هربت منك
عمر ٠٠٠( قال بألم ) يا انت شايفنى وحش أوى كده
مروان ٠٠٠ لأ يا عمر . انا بس وضحتلك حقيقتك قدام نفسك..
عمر ٠٠٠ حقيقتى انى واحد انانى مابيفكرش غير فى نفسه و نزواتى
مروان ٠٠٠ عمر انا مقولتش كده .
هنا رن عز على مروان هنا قال مروان
مروان ٠٠٠ اتفضل عز بيتصل الكل مستنين العريس
عمر ٠٠٠ هات التليفون
( بداية المكالمة )
عز٠٠٠ مروان كلمت عمر
عمر٠٠٠ انا عمر يا عز
عز٠٠٠ اوعى تقولى انك لسه فى الغردقة
عمر ٠٠٠ عز انا مش جاى
عز٠٠٠ عمر ابوك ممكن يروح فيها
عمر ٠٠٠ لأ متخافش انت بس تروح تعمل إللى انا هقولك عليه بالظبط أول حاجة قول لبابا انا عملت حادثه
هل سيتم إلغاء الزفاف أم لا
هل سيظل عمر يبحث عن إيلا أم سيتقبل فكرة هروبها منه
#روايه_الهروب_إلى_المجهول
#الفصل_الخامس٠و٠العشرون
( بداية المكالمة )
عز ٠٠٠ مروان كلمت عمر
عمر٠٠٠ انا عمر يا عز .
عز٠٠٠ عمر اوعى تقولى انك لسه فى الغردقة
عمر ٠٠٠ عز انا مش جاى
عز ٠٠٠ عمر ابوك ممكن يروح فيها
عمر٠٠٠لا متخافش بس انت تروح تعمل إللى انا هقولك عليه. بالظبط . اول حاجة قول لبابا انى عملت حادثه في االغردقة
عزة ٠٠٠ أنا بتقول أيه انت عايز تخلص على عزت بيه
عمر٠٠٠ قولتلك متخافش. بعدين انت هتخاف على بابا اكتر منى ..
عز ٠٠٠ طيب فهمنى انت فى دماغك ايه
عمر ٠٠٠ هتروح لبابا قدام الناس الصحافه
و تقوله
حكى عمر لعز ما يجب أن يقوله و يفعله وهنا قال عز
عز ٠٠٠ انت عايز تودينى فى داهية عزت بيه لو اكتشف إللى احنا بنكدب عليه هينفخنا كلنا
عمر ٠٠٠ جمد قلبك و متخافش انا هظبط كل حاجة هنا.. بس قولى الأول الوضع عندك عامل ايه
عز ٠٠٠ عمك محسن حالف يلغى الفرح .
و عزت بيه متوتر و بشرة شبه مصدومة
عمر ٠٠٠ يبقى تروح تقول إللى قولتلك عليه
عز ٠٠٠ حاضر ربنا يستر
( إنتهت المكالمة )
هنا قال مروان بقلق
مروان ٠٠٠ ناوى على ايه
عمر ٠٠٠ زى ما سمعت
مروان ٠٠٠ افرض عمى عزت عرف انك بتكدب عليه
عمر ٠٠٠ مش هيعرف . حتى لو عرف انى بكدب عليه .. مش احسن من الفضيحة إللى هتحصل لما يقولوا عريس هرب لليلة فرحه
مروان ٠٠٠ عندك حق فى دى
عمر ٠٠٠ طيب يلا نروح نظبط كل حاجة. عشان ما ننكشفش
◇◇◇◇◇◇◇◇♡◇□□□□□□□
فى نفس الوقت
القاهرة قاعة أفراح
=============
عزت ٠٠٠ أيه يا عز عرفت حاجة
عز ٠٠٠ اه عرفت عمر فين . بس لازم تسمعنى للأخر
عزت٠٠٠ فى ايه ما تتكلم على طول
عزة ٠٠٠ النهاردة الصبح كان فى مشكلة فى القرية السياحية إللى فى الغردقة
محسن ٠٠٠ أيه علاقة الكلام ده بتأخير عمر
عز ٠٠٠ حضرتك لما تسمعنى للأخر هتفهم
عزت ٠٠٠ اتكلم يابنى قلقتنى
عز٠٠٠ المشكلة كانت كبيرة أوى عشان كده اضطر عمر يسافر الغردقة بالطيارة الصبح
محسن ٠٠٠ يسافر يوم فرحه ايه الاستهتار
و تهريج ده
عزت ٠٠٠ أيه المشكلة دى إللى تخليه يسافر بنفسه ليها
عز ٠٠٠ فى باص كان فيه فوج سياحى تباع القريه السياحية بتاعتنا عمل حادثه
عزت ٠٠٠ يا ساتر يا رب و الناس إللى كانوا فى الباص حصلهم ايه
عز ٠٠٠ الحمدالله كويسين بس حضرتك عارف الأجانب. اعتبروا ده أهمال من القريه السياحية.. و كانوا عايزين يرفعوا قضية على القريه عشان كده عمر أضطر يسافر بنفسه يتكلم مع الفوج السياحى و الحمدالله المشكلة اتحلت
محسن ٠٠٠ لما المشكله اتحلت مرجعش ليه
عز ٠٠٠ هو كان المفروض يرجع بالطيارة بردوا
بس للأسف هو راجع على المطار عمل حادثه
الجميع صارخوا هنا قال عز بسرعة
عز ٠٠٠ متخافوش هو كويس انا اتكلمت معاه
بخوف و رعب قال عزت
عزت ٠٠٠ أبنى جراله ايه .
عز ٠٠٠ والله كويس
عزت ٠٠٠ عارف لو بتكدب عليا
هنا قالت شيرى ببكاء و نحيب
شيرى٠٠٠ انا عايزه أروح لعمر دلوقتى حالآ
عز ٠٠٠ يا جماعة و الله عمر كويس هى بس خبطه صغيرة فى رأسه .. بس الدكاترة قال يفضل تحت الملاحظه يوم كمان عشان يتطمنوا عليه مش اكتر . ليكون فى عنده ارتجاج فى المخ
محسن ٠٠٠ لما هو كويس مجاش الفرح ليه
عزت ٠٠٠ هو ده إللى فرق معاك . انه مجاش الفرح بيقولك ابنى عمل حادثه. وانت همك على فرح بنتك
محسن ٠٠٠ أنا مقصدش . انت شايف حالة بنتى منهاره ازاى
شيرى ٠٠٠ احنا كلنا منهارين
عز ٠٠٠ اظن مالهوش لازمة الكلام دلوقتى قدام الناس
عزت ٠٠٠ عندك حق ... ياجماعة انا بتأسف ليكم . اكيد انتم كلكم سمعتوا إللى حصل
هنا جميع المعازيم غادروا و هم يتمنوا الشفاء العاجل لعمر
عزت ٠٠٠ انا لازم أروح الغردقة حالآ
عز ٠٠٠مالهوش لازمة . صدقنى انا كلمت عمر و قالى انى مالهوش لازمه.حد يجى الغردقة هى كلها كام ساعة و عمر هيخرج من المستشفى .. انا هتصل عليه و هو هيقولكم الكلام ده بنفسه
اتصل عز على مروان
( بداية المكالمة )
عز٠٠٠ الوو مروان عزت بيه عايز يكلم عمر
مروان ٠٠٠ تمام عمر معاك اهو
اخذ عزت الهاتف وقال بحزن شديد
عزت ٠٠٠ عمر حبيبى انت عامل ايه دلوقتى
قال عمر بصوت واطى هو يتصنع التعب
عمر ٠٠٠ الحمدالله يا بابا انا تمام جات سليمه
عزت ٠٠٠ عمر اوعى تكون فيك حاجة وانت مش عايز تقولى بالله عليك انا مش هستحمل
عمر ٠٠٠ والله ابدآ يا بابا حتى افتح الكاميرا عشان تتأكد
فتح عزت الكاميرا . رأه عمر مستلقى على الفراش فى المشفى. و رأسه مربوطة بشاش طبى
عزت ٠٠٠ راسك بتوجعك
عمر ٠٠٠ بسيط خالص
عزت ٠٠٠ أنا هجيلك عل.......
قبل أن يكمل عبارته قال عمر
عمر ٠٠٠ لأ يا بابا . مالهوش لازمه انا هخرج الصبح . يعنى هتتعب نفسك على الفاضى
عزت ٠٠٠ يعنى انت هترجع الصبح .
عمر ٠٠٠ أكيد طبعآ لو الدكتور سمحلى
عزت ٠٠٠ طيب يا عمر لو فيه حاجة كلمنى
ابقى وافتح تليفونك
عمر ٠٠٠ تمام حاضر . مع السلامه يا بابا
عزت ٠٠٠ مع الف سلامه يا حبيبى
( إنتهت المكالمة )
شيرى ٠٠٠ قفلت ليه كنت عايزه اكلموا
عزت ٠٠٠ سيبى يرتاح دلوقتى ابقى كلميه بعدين
◇◇◇◇◇◇◇◇◇◇□□□□□□
فى نفس الوقت
الغردقة
فى إحدى العيادات الخاصه
================
نزع عمر الشاش الطبى من على رأسه هو يقول
عمر ٠٠٠ متشكر يا دكتور اتفضل الفلوس إللى أتفقنا عليها اهى
الدكتور ٠٠٠ ماشى و آنا تحت أمرك فى اى وقت
هنا انصرف عمر و مروان
مروان ٠٠٠ طيب الحوار الدكتور و المستشفى حلته طيب حوار حادثة الفوج السياحى هتحله ازاى
عمر ٠٠٠ انا خلاص حلته و ظبط كل حاجة
دلوقتى . لما أشوف إيلا هانم راحت فين
◇◇◇◇◇◇◇◇◇◇◇■■■■■■
بعد يومين
الاسكندرية
منزل الحاج إبراهيم
============
إيلا ٠٠٠انا خلاص زهقت . من النوم على دهرى عايزه اقوم بقى
نفين ٠٠٠ مافيش الكلام ده الدكتور قال هتفضلى نايمه على دهرك لحد ما تولدى
إيلا ٠٠٠ ماما بس انا مش متعودة على كده .انا مابعملش حاجة غير باكل و انام .. وانتى عماله تزغطى فيا زى دكر البط .
نفين ٠٠٠ ياختى كلى بدل ما انتى عماله زى خيال المأته كده
إيلا ٠٠٠ أنا خيال مآته ياماما
نفين ٠٠٠ بس قمر . قوليلى انتى جايبه الحلوه دى كلها منين
إيلا ٠٠٠ هذه الشبل من ذاك الأسد .. بيتك
مسكتها نفين من خدوها و قالت
نفين ٠٠٠ هو انا حلوه كده بردوا
إيلا ٠٠٠ حضرتك زى القمر .
نفين ٠٠٠ إيلا انا كنت عايزه اتكلم معاكى بخصوص جوزك
إيلا ٠٠٠ أنا كنت عارفه انك هنتكلمى على الموضوع ده
نفين ٠٠٠ ما انا لازم أعرف افهم . انتى متجوزه ولا لاء و مين عمر إللى الولاد يتكلموا عليه ده . لو هو جوزك هو فين سايبك ليه و انتى بالحالة دى
إيلا ٠٠٠ هو مش ساينى انا إللى هربت منه
نفين ٠٠٠( بأستغراب قالت) هربتى ازاى يعنى
إيلا ٠٠٠ عايزه تسمعى الحكاية من أول فين
نفين ٠٠٠ من الأول خالص
إيلا ٠٠٠ حكايتى مع عمر بدأت فى الحمام
بدأت إيلا تحكى لأمها كل ما حدث مع عمر بالتفصيل
◇◇◇◇◇◇◇◇◇◇◇□□□□□□
الغردقة
الفندق
======
عمر ٠٠٠ يومين مش عارفين نوصل لمعلومة توصلنا ليها
مروان ٠٠٠ عمر إيلا مستحيل تكون فى الغردقة احنا قلبنا الغردقة كلها عليها
عمر ٠٠٠ عارف بس راحت فين
مروان ٠٠٠ لاقيت سواق التاكسى
عمر ٠٠٠ لاقيتو قال انه وصلها على موقف الأتوبيسات..و فى الموقف عرفنا ان فى الليلة إللى إيلا هربت فيها دى.. طلع ٤ اتوبيسات واحد راح على القاهرة واحد راح اسكندريه واحد راح على إسماعيلية و أحد راح الأقصر.. هى بقى ركبت أى أتوبيس الله أعلم
مروان ٠٠٠ طيب هنعرف ازاى . ولا هدور فى الأربع محافظات
عمر ٠٠٠ صعب... ده انا كده هفضل ادور عليها سنين
هنا جاءت أميرة قالت
أميرة ٠٠٠ صباح الخير عمر بيه . مافيش ايه اخبار عن إيلا
عمر ٠٠٠ ( بضيق قال) مافيش . بس كويس انك جيتى انا كنت عايز اعرف منك هى إيلا من اى بلد
أميرة ٠٠٠ مره قالتلى انها من القاهرة
عمر ٠٠٠ متعرفش من فين فى القاهرة
أميرة ٠٠٠ لاء معرفش
عمر ٠٠٠ طيب عن أهلها أول أهل والد الولاد
أميرة ٠٠٠ هى قالت ان أهلها ماتوا .. و ابوه الولاد متعرفش عنه حاجة من ساعت ما ساب أختها و مشى
عمر ٠٠٠( بأستغراب قال) هو والد الولاد مش مات
أميرة ٠٠٠ لأ هى إللى قالتى انه مشى و ساب اختها الولاد مسألش عنهم تانى
عمر ٠٠٠ و قالتى كمان انه مات مع امهم فى حادثه
مروان ٠٠٠ و إيلا بتكدب ليه فى حاجة زى دى
بعدين محدش فيكم يعرف اي حاجة عن أهلها
عمر ٠٠٠ أنا مره سألتها قالتى انها تقريبآ معندهاش اهل
أميرة ٠٠٠ وانا قالتى انها وحيده معندهاش اهل
مروان ٠٠٠ يعنى هى تقريبآ معندهاش ولا معندهاش خالص.. ايه الغموض ده
عمر ٠٠٠ وضح ان إيلا كانت بتكدب علينا بس ليه الله أعلم
أميرة ٠٠٠ لاء انا عشرتها ٣ سنين هى مابتحبش الكدب ولا هى من النوع الكداب. بالعكس هى صريحه و وضحه
عمر٠٠٠( بسخريه قال) ماهو واضح أوى
مروان ٠٠٠ كده يبقى احتمال كبير تكون فى القاهرة
عمر ٠٠٠ يبقى مالهوش لازمه وجودنا فى الغردقة.. و نروح ندور فى القاهرة
◇◇◇◇◇◇◇◇◇◇◇◇□□□□□□□□□
بعد مرور شهرين
الاسكندرية
المستشفى
=========
م
نذ شهرين و إيلا لم تبرح السرير
لان الطبيب قال لها أن لديها مشاكل فى الحمل لذلك يجب عليها الراحة التامه و عدم الحركه طول فترة الحامل
و اليوم حدث لها نزيف فجأة
نفين تجوب الممر المشفى ذهابآ و أيابآ بقلق وخوف وهى فى انتظار ان يخرج الطبيب من الغرفة
وهنا قالت نورا زوجة شقيقها يوسف
نورا ٠٠٠ اهدى يا نفين مش كده حرام عليك نفسك .
نفين ٠٠٠ بنتى يا نور انا خايفه عليها أوى
هنا ركضت الجد و اسامة و يوسف و نفين عندما رأوا الطبيب يخرج من الغرفة
الجد ٠٠٠ خير يا دكتور
الطيب ٠٠٠ للأسف النزيف شديد اوى لازم تولد فورآ إلا هنفقد الجنين.
نفين ٠٠٠ بس هى لسه فى الشهر السابع
دكتور ٠٠٠ عارف بس مافيش حل تانى .. وكمان المريضة فقدت كمية دم كبيره و ده فى خطوره على حياتها
يوسف ٠٠٠ خلاص يا دكتور اعمل إللى شايفه صح
الطبيب ٠٠٠ تمام هنجهز لولادة قيصرية حالآ
ظلت إيلا فى غرفة العمليات ساعتين خلال ذلك الفترة
كانت نفين يكاد قلبها يقف من القلق و الخوف على أبنتها
هنا خرجت الممرضة وقالت
الممرضة ٠٠٠ لازم الطفل يدخل حضانة دلوقتى حالآ
الجد ٠٠٠ وهنا فى حضانات
الممرضة ٠٠٠ فيه٠٠ بس اليوم ٣٠٠٠ جنيه
و بيبى ممكن يقعد من اسبوع لأسبوعين فى الحضانة
نفين ٠٠٠ مش مهم انا هدفع ٠٠ بس قوليلى بنتى عامله ايه
الممرضة ٠٠٠ هى كويسة بس لسه فى البنج
بعد ربع ساعة خرجت إيلا من العمليات
و أول ما فاقت من البنج قالت بخوف و بتعب و صوت يكاد يكون مسموع
إيلا ٠٠٠ أبنى فين
قالت نفين و هى تقبلها من رأسها بحب
نفين ٠٠٠ فى الحضانة ... ماتنسيش انه ابن سابعة لازم يفضل فى الحضانة كام يوم
إيلا ٠٠٠ عايزه اشوفه
نورا ٠٠٠ مش دلوقتى أول ما تقدرى تقفى على رجلك هتروحى ترضعيه
◇◇◇◇◇◇◇◇◇◇◇□□□□□□
بعد أسبوع
الغردقة
========
نشأت علاقة حب بين لبنى و مروان خلال فترة اختفاء إيلا
و الآن يجلس مروان مع لبنى فى كافيه
لبنى ٠٠٠ إيلا وحشتنى اوى
مروان ٠٠٠ و آنا ايه مش وحشتك .
لبنى ٠٠٠ مروان قولتلك مش بحب الطريقه دى فى الكلام
مروان ٠٠٠ فى ايه يا لبنى مش عايزانى اقولك كلمة حب ولا اقولك وحشتنى ولا افتح بوقى معاكى
لبنى ٠٠٠ هو انا كده . انت المفروض تكون فهمتنى . يا سيدى لما نتجوز ابقى قول إللى انتى عايزو
مروان ٠٠٠ طيب ما أنتى إللى مش راضية تخلينى التقدم ليكى غير لما نلاقى إيلا
لبنى٠٠٠ يعنى انت عايزنى اتخطب افرح و آنا مش عارفه صاحبتى فين
مروان ٠٠٠ على فكرة صاحبتك مش مخطوفه صاحبتك هى إللى هربت بمزاجها
اتعصبت لبنى من كلام مروان كمعتاد اتكلمت من غير ما تفكر وقال بعصبية
لبنى ٠٠٠ لاء هى هربت غصب عنها لانها عارفه صاحبك عمر هيعمل فيها ايه. لو عرف انها..
سكتت فجأة عندما انتبهت ماذا تقول
مروان٠٠٠ سكتى ليه كملى. لو عرف انها ايه
لبنى ٠٠٠ ( بأرتباك قالت ) لاء ولا حاجة
مروان ٠٠٠ لبنى انتى عارف حاجة عن إيلا أوعى تكونى عارفه مكانها و مخبيه
لبنى ٠٠٠ لأ واللهى انا معرفش مكانها
مروان ٠٠٠ آمال تقصدى بأنها هربت غصب عنها . لبنى انتى شكلى مخبية عنى حاجة
لبنى ٠٠٠( بتوتر قالت) خلاص بقى يا مروان انت هتحقق معايا
مروان ٠٠٠ لبنى تعرفى لو طلعتى عارفه حاجة و مخبيه عليا . اقسم بالله .....
قبل ما يكمل عبارته قالت لبنى بخوف من زعل مروان منها
لبنى ٠٠٠ بلاش تكمل بالله عليك لانى مش هقدر اقولك
مروان ٠٠٠ لأ هتقولى إلا مش هتشوفى وشى تانى
لبنى ٠٠٠ أنا بتهددنى
مروان ٠٠٠ انطقى يا لبنى انتى عارفه ايه
سكتت ثوانى ثم قالت
لبنى ٠٠٠ إيلا حامل
مروان ٠٠٠ حامل ازاى يعنى
لبنى ٠٠٠ أيه هو إللى حامل ازاى .. زى اي ست ما بتكون حامل
مروان ٠٠٠ مش قصدى كده . بس انا عارف ان إيلا و عمر متفقين انهم ما يخلفوش
لبنى ٠٠٠ و حصل و بقيت حامل . ايه يعنى تموت نفسها
مروان٠٠٠ طيب ليه ماقالتش لعمر
عمر ٠٠٠ لانه كان هيخليها تجهض البيبى لانهم اتفقوا لو حصل حمل لازم ينزل.. عشان كده خافت تقوله
مروان ٠٠٠ و هى عرفت امتى انها حامل
لبنى ٠٠٠ من فترة طويل
مروان ٠٠٠ يعنى امتى بردوا
لبنى ٠٠٠ هى وقت اللى هربت فيه كانت حامل فى الشهر الخامس..يعنى دلوقتى هى فى السابع
مروان ٠٠٠نعم الشهر الخامس كل ده وهى عايشه مع عمر و مخبيه عليه
لبنى ٠٠٠ بقولك كانت خايفه يجهض الولاد
مروان ٠٠٠ ولاد
لبنى ٠٠٠ أه هى حامل فى ولد
مروان ٠٠٠ يلا قومى اوصلك لازم اسافر القاهرة حالآ
لبنى ٠٠٠ مسافر عشان تقول لعمر صح
مروان٠٠٠أه صح من حقه يعرف حاجة زى دى
◇◇◇◇◇◇◇◇◇◇◇□□□□□□
اليوم التالى
فى القاهرة
شركة السياحة
مكتب عمر
=========
كانوا أصعب شهرين مره على عمر طول حياته فبعد إيلا عنه كان بمثابة أكبر عقاب له
و الذى لم يفعلو اقترب إيلا من عمر فعلو
بعدها عنه .. لقد تغير عمر كثير خلال هذه المدة
فخلال هذا الشهرين كان حياة عمر تتلخص فى الشغل و البحث عن ايلا فقط
حتى أنه لم يسهر ولا لليلة ولم يلتقى بأصدقائه ( الشلة) خلال هذا الفترة
كان عمر مكلف جيش من الرجال بالبحث عن إيلا
==============
عز٠٠٠ عندى معلومات جديده عن مدام إيلا
بس هدايقك
عمر ٠٠٠ عز انا مش ناقص إللى عندك قوله
هنا جاء مروان و قال
مروان ٠٠٠ عمر انا كنت عايز اقولك على حاجة
عمر ٠٠٠ أجل اى حاجة دلوقتى لما اسمع عز الأول. يلا كمل يا عز
عز ٠٠٠ الظابط إللى. أخد بيانات مدام إيلا كشف على الاسم إيلا جلال الصاوى
عمر ٠٠٠ أه قالك ايه
عز ٠٠٠ بس انا فى الأول قولت تشابه اسماء
بس انا اخدت البياناتها من الظابط و بعتها لمتحرى خاص و بعد مع عمل تحرياته أكدلى انها فعلآ هى إيلا
عمر ٠٠٠ ما تتكلم على طول قلقتنى
عز ٠٠٠ مدام إيلا عليها قضية سرقه و هربانه بقالها ٣ سنين
يتبع
هل تتذكرون من رفع هذه القضية
كيف سيستقبل عمر خبر حمل إيلا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق