روايه_الهروب_إلى_المجهول الفصل السادس والعشرين والسابع والعشرين بقلم أروي عادل حصريه وجديده على مدونة النجم المتوهج
 |
عز ٠٠٠ الظابط إللى أخد بيانات مدام إيلا
كشف على الاسم إيلا جلال الصاوى
عمر ٠٠٠ آه و قالك ايه
عز ٠٠٠ بس انا فى الأول قولت تشابه اسماء
بس انا اخدت البياناتها من الظابط و بعتها لمتحرى خاص ٠بعد ما عمل تحرياته أكدلى انها فعلآ هى إيلا
عمر ٠٠٠ ما تتكلم على طول قلقتنى
عز٠٠٠ مدام إيلا عليها قضية سرقه و هربانه بقالها ٣ سنين
عمر ٠٠٠ ( بصدمة قال) انت بتخرف بتقول أيه
عز٠٠٠ دى الحقيقة .انا بردوا أتصدمت زيك كده لما الظابط قالى عشان كده أجرت متحرى خاص .للأسف أكدلى نفس الكلام
عمر ٠٠٠ سرقة ايه دى..طيب سرقت ايه
و من مين
عز٠٠٠ سرقت ١٥٠٠٠٠ الف جنيه من مرات أبوها
و هربت بعد ما اخدت ولاد أختها معاها
عمر ٠٠٠ أكيد مرات أبوها كدابه .. إيلا متعملش كده
مروان ٠٠٠ صح ..هى مرات ابوها لو ست كويسه ماكنتش بلغت عنها
عمر ٠٠٠ عز قولى كل حاجة عرفتها بالتفصيل
عز ٠٠٠ اوعدنى الأول انك مش هتتعصب
عمر ٠٠٠ هو في حاجة تعصب اكتر من إللى انت قولتو
عز٠٠٠ اه فيه كتير انا تقريبآ عرفت عنها كل حاجة
عمر ٠٠٠ اتكلم و خلصنى
عز٠٠٠ أولآ هى بنت المهندس جلال الصاوى باباها كان مهندس شاطر كان عنده مكتب هندسة فجأه قفل مكتبه و اختفى و طلق مراته إللى هى أم إيلا و اتجوز جارتهم كوثر من ساعتها جلال ده اتحاول لراجل سكير مدمن على المخدرات.
عمر ٠٠٠ يعنى إيلا أبوها و أمها عايشين
عز ٠٠٠ أه عايشين . ده أبوها كمان من عايله محترمه بس همآ قطعوا علاقتهم بجلال من ساعة ما اتجوز كوثر
عمر ٠٠٠حتى دى طلعتى كدابه فيها .. كمل
عز٠٠٠ ست بقى إللى اسمها كوثر دى ست مش مظبوطه ..اتجوزت اكتر من مره و عندها ولد واحد اسمه عمار .. ده ابو الطفلين
عمر ٠٠٠ الكلام ده ماله مال إيلا
عزت٠٠٠ اسمع الكلام للأخر .
عمر ٠٠٠ كمل
عز٠٠٠ عمار ده هو سبب ان إيلا هربت من بيت أهلها
عمر ٠٠٠ ليه عمل ليها ايه
عز٠٠٠ عمار اتجوز إلين أخت إيلا . كان مبهدلها
معاه.. وغير كده كان عينه على إيلا
عمر ٠٠٠ ( بعصبيه قال) يعنى ايه عينه على ايلا هو إللى انا فهمتوا صح
عز٠٠٠ اه صح .. و أختها كانت عارفه كمان
و فى يوم عمار حاول يعتدى على إيلا. أختها ادخلت حصل بينهم خناقه كبيرة ساعتها اخت إيلا رمت نفسها من البلكونة و ماتت
قال عمر و مروان بصدمه و فى نفس واحد
عمر و مروان ٠٠٠ انتحرت
عز ٠٠٠ أه. ساعتها إيلا قالت ان عمار هو إللى قتلها و رماها من البلكونه.. لكن محدتش صدقها و طلع براءه.. وبعد أربعين يوم بالظبط قرر عمار يتجوز إيلا. غصب عنها و طبعآ هددها بولاد أختها عشان توافق على الجواز
بدء عمر يغضب من ما يسمعوا
عمر ٠٠٠ يعنى قتل أختها و عايز يتجوزها
مروان ٠٠٠ ده جبروت .. يبقى اكيد عشان كده إيلا هربت
عز٠٠٠ اه . بس هربت بطريقة معلمة بصراحة
أول حاجة وهمت الكل انها موافقه على الجواز
بعد كده حطت ليهم منوم فى الويسكي
وبعد ما ناموا . أخذت كل حاجة ليها و الولاد حتى الأوراق إللى خاصه بيها و للولاد . بعدين اخذت الفلوس الموجوده فى دولاب مرات أبوها.. بعد كده مسحت جميع الصور اللى ليهم من على تليفوناتهم . و مخلتش ليها أي أثر يثبت انها كانت موجوده فى البيت .. عشان كده محدتش عرف يوصلها من ٣ سنين
عمر ٠٠٠ ( بضيق قال) يعنى هى مرت بكل ده لوحدها . بس ده كتير عليها . ياريتها كانت فتحتلى قلبها
مروان ٠٠٠ بس معقوله إيلا عملت كده
عمر ٠٠٠ مستغرب ليه ماهى تقريبآ عملت معايا كده بردوا
مروان ٠٠٠ بس بصراحة ذكيه قدرت تضحك عليهم
عمر ٠٠٠ انت نسيت ولا ايه .. ما هى بردوا ضحكت عليك انت كمان . يا أهبل
مروان ٠٠٠ ما خلاص بقى يا عمر
عمر ٠٠٠ خلاص . عز هاتلى العنوان و انا هروح ليهم دلوقتى
مروان ٠٠٠ هتروح ليهم ليه همآ مايعرفوش مكان إيلا لانهم بردوا لحد دلوقتي بيدور عليها
عز ٠٠٠ مروان عنده حق .. مدام إيلا مستحيل ترجع لناس دى تانى
عمر ٠٠٠ طيب تعرف عنوان امها
عز٠٠٠ هى من اسكندرية بس منين بالظبط معرفش
عمر٠٠٠ انا تعبت مش عارف ادور فين ولا فين
مروان ٠٠٠ بس احتمال كبير تكون فى اسكندرية. لانه اليوم إللى مشيت فيه كان فيه أتوبيس طالع اسكندرية.. يمكن راحت لأمها
عز٠٠٠ و ممكن تكون راحت بلد متعرفش فيها حد . زى ما عملت قبل كده و راحت الغردقة
مروان ٠٠٠ بس فى الوضع إللى هى فيه محتاجه حد يكون جانبها
عمر ٠٠٠( بأستغراب قال) وضع ايه ده
مروان ٠٠٠ ماهو ده إللى كنت عايز اقولك عليه
عز٠٠٠ طيب عن أذنكم انا
ثم انصرف عز هنا قال عمر
عمر ٠٠٠ فى ايه انت كمان . عايز تقول ايه
مروان٠٠٠ بس من غير ما تتعصب
عمر ٠٠٠ هو كل واحد فيكم يقولى من غير ماتتعصب . هو انتم شايفنى ايه قاعد بطلع نار من بقى فى ايه
مروان ٠٠٠ ما هو... بصراحه . يعنى القصة
عمر٠٠٠ مروان اقسم بالله انا ما مستحمل نفسى يعنى اتكلم على طول من غير مقدمات و اخلص
قال جملته بسرعة و كأنه خايف يغلط فى الكلمات
مروان ٠٠٠ إيلا حامل . دلوقتى هى فى الشهر السابع
عمر ٠٠٠ نعم .. قولت ايه
مروان ٠٠٠ إيلا حامل
عمر ٠٠٠ ( بأستغراب قال) حمل ازاى يعنى
مروان ٠٠٠ أنا أعرف .ما تسأل نفسك
عمر ٠٠٠ مروان انا أعصابى معدتش مستحمله انت بتتكلم بجد
مروان ٠٠٠ أنا لسه عارف امبارح من لبنى عشان كده جيت القاهرة على طول عشان اقولك
عمر ٠٠٠ حامل . يعنى انا هبقى أب.. ايوه يعنى عشان كده هربت خافت منى . لانى قولتلها لو حصل حمل لازم ينزل
هنا مسح عمر بيده على رأسه بضيق
مروان ٠٠٠ يعنى انت معندكش مانع ان يبقى في حمل
عمر ٠٠٠ طبعآ لأ. . صحيح انا قولتها لو حصل حمل تنزلو بس الكلام ده كان فى الأول خالص كمان كنت فاكر انه عندها ولاد يعنى مش محتاجه تخلف تانى
مروان ٠٠٠ المشكله يا عمر انت ازاى ماخدتش بالك انها حامل .دى كانت فى شهر الخامس
عمر٠٠٠ مش عارف . هى ماكنش باين عليها ايه حاجة .. صحيح انا حسيت انها بطنها كبرت شويه . بس قولت هى تخنت عادى
مروان ٠٠٠ طيب مقولتش ليها
عمر ٠٠٠ مروان هو فى راجل عاقل يروح يقول لمراته انتى تخنتى ليه
مروان ٠٠٠ والله عندك حق..
عمر ٠٠٠ تفتكر إيلا شكلها ايه دلوقتى و هى حامل و بطنها قدمها .اكيد حلوه زى عادتها
◇◇◇◇◇◇◇◇◇◇□□□□□□□
اليوم التالى
الاسكندرية
منزل الحاج إبراهيم
=============
نفين ٠٠٠ يا بنتى لازم تكلى ماينفعش كده
لازم تتغذى
إيلا٠٠٠ يا ماليش نفس
الجده ٠٠٠ أنا عارفه انك مدايقه عشان ابنك لسه فى الحضانة .
نورا ٠٠٠ هو مش الدكتور قال اخر مره كلها يومين و هيطلع
إيلا ٠٠٠ أنا مش هرتاح غير و أبنى فى حضنى
كريم ٠٠٠ طيب هاتى حضن ياماما و متزعلش
ضحكوا الجميع على فطرية كريم
إيلا ٠٠٠ ( أخذت كريم حضن ) طبعآ انت ابنى و حبيبى
نفين٠٠٠ طيب كلى بعدين اخدك و نروح المستشفى نشوف أدم
نورا ٠٠٠ حلو اسم أدم مين اختار الاسم
كارما ٠٠٠ أنا ..على اسم صاحبى فى المدرسة
الجدة ٠٠٠ بسم الله مشاء الله هو انتى عندك صاحب فى المدرسة
كارما ٠٠٠ آه عندى أدم و أياد. و أسر. معاذ بس انا بحب أدم اكتر واحد فيهم هو انتيمى
نفين ٠٠٠ آمال بالنسبال البنات فين فى حياة كارما هانم
كارما ٠٠٠ لأ انا مش بحب البنات .كريم هو إللى بيحبهم
كريم ٠٠٠ ( بخجل قال) لاء دى كداب انا مش بحب حد
هنا ضحكوا الجميع على كارما وكريم
إيلا ٠٠٠ طيب انا كلت يلا بقى عشان نروح المستشفى
نفين ٠٠٠ يلا يا حبيبتى
إيلا ٠٠٠ لأ خليكى ماما .انتى تعبان .. انا هاخد طنط نورا معايا
نورا ٠٠٠ أه خليكى انا هروح
سندت نورا إيلا و ذهبوا إلى المشفى
مع يوسف خالها
◇◇◇◇◇◇◇◇◇◇□□□□□□□
فى السيارة
فى السيارة و أثناء توجهم للمشفى قالت إيلا
إيلا ٠٠٠ خالو ممكن توقف عند محل الموبايلات إللى على جانب
يوسف ٠٠٠ ليه يا إيلا
إيلا ٠٠٠ معلش كانت عايزه اسأله على حاجة
نورا٠٠٠ استنى اجى معاكى
إيلا ٠٠٠ لأ خليكى يا طنط .انا مش هتأخر
نورا ٠٠٠ هتقدرى تمشى لوحدك
إيلا ٠٠٠ أه متخافيش عليا
كانت إيلا لا تريد من أحد يعرف ماذا تفعل داخل المحل
دخلت إيلا محل الموبايلات و قالت
إيلا ٠٠٠لو سمحت كنت عايزه ابيع الموبايل ده
بعد ما فحص الرجل الهاتف قال
صاحب المحل ٠٠٠ ممكن افتحوا
إيلا ٠٠٠ أه اتفضل عادى
فتح الرجل الهاتف فحص مره أخرى و قال
صاحب المحل ٠٠٠ هى العلبة التليفون معاكى
إيلا ٠٠٠ لأ رامتها
صاحب المحل ٠٠٠ خسارة لانه كده هتخسرى فيه كتير . لانه من غير العلبة بتاعة
قطعت إيلا عبارته وقالت
إيلا ٠٠٠ عايزو بكام
صاحب المحل ٠٠٠ أخره ٥٠٠٠
إيلا ٠٠٠ شكلك فاكر التليفون مسروق
صاحب المحل ٠٠٠ لأ انا مقولتش كده
إيلا ٠٠٠ المال تليفون ايفون لسه زيرو
تمنه ٣٦٠٠٠ عايز . تخدو٥٠٠٠ فى شرع مين ده
صاحب المحل ٠٠٠ أنا قولتلك انه من غير علبته هيخسر
إيلا ٠٠٠ تمام خلاص هات التليفون انا مش هبيعه
صاحب المحل ٠٠٠ أنتى عصبية كده ليه. طيب ١٠٠٠٠ كويس
إيلا ٠٠٠ لأ و ١٥٠٠٠ بردوا لأ
صاحب ٠٠٠ لاء ١٥٠٠٠ حلو أوى .. اكتر من كده يكون خساره عليا
إيلا ٠٠٠ تمام بس ثوانى اخد الخط و امسح إللى على التليفون
صاحب المحل ٠٠٠ خلاص اتفضل الفلوس
وهى بتاخد الفلوس من صاحب المحل دخلت نورا وقالت
نورا ٠٠٠ ايه يا إيلا اتأخرتى ليه
إيلا ٠٠٠ خلاص خلصت
نورا ٠٠٠ أيه الفلوس دى
صاحب المحل ٠٠٠ الانسه باعتلى تليفونها
نورا ٠٠٠ ليه كده يا إيلا
إيلا٠٠٠ كنت عايزه فلوس عشان المستشفى
نورا ٠٠٠ هو حد اشتكى ليكى٠
إيلا ٠٠٠ و أنتم هتجيبوا ٣٠٠٠ جنيه فى اليوم منين يا طنط
نورا ٠٠٠ وانتى مالك احنا أهلك ده واجبنا
إيلا٠٠٠ انا بعته وخلاص يلا بينا
◇
◇◇◇◇◇◇◇◇◇□□□□□□□
نفس الوقت
فى القاهرة
فيلا عزت الصاوى
دخل عز الفيلا مندفع وهو يركض وقال لشيرى
عز ٠٠٠ عمر فين
شيرى ٠٠٠ فى ايه مالك
عز٠٠٠ مافيش . بس قوليلى عمر فين
شيرى ٠٠٠ فى أوضته
اتجه عز لغرفة عمر بسرعة لذلك شعرت شيرى ان يوجد شئ يحدث لذلك ذهبت خلف عز
دخل عز غرفة عمر بعد ما طرق الباب مره واحده
كان عمر خارج من الحمام اتخض عندما رأه عز أمامه وقل بأستغراب
عمر ٠٠٠ انت بتعمل ايه فى أوضتى
عز ٠٠٠ إيلا فتحت تليفونها
عمر ٠٠٠ عرفت هى فين
عز ٠٠٠ فى الاسكندرية
عمر ٠٠٠ يبقى عند أمها ... ثوانى هلبس اجى معاك
عز ٠٠٠ على فين
عمر ٠٠٠ على اسكندرية طبعآ
كانت شيرى بتسمع كل حديث عز و عمر لذلك قالت
شيرى ٠٠٠ عمر انت لسه مقطعتش علاقتك بالبنت دى
بالدهشة قال عمر
عمر ٠٠٠ شيرى انتى بتصنتى عليا
شيرى ٠٠٠ منغيرش الموضوع انت لسه بتعرف البنت دى مقطعتش علاقتك بيها
عمر ٠٠٠ مش لما القيها الأول
شيرى ٠٠٠ أيه شكلها سرقتك و هربت
عمر ٠٠٠ أه سرقت قلب أخوكى..
شيرى ٠٠٠ ( بأستغراب قالت ) يعنى ايه مش فاهمه.. يعنى ايه سرقت قلبك هو انت جبتها
عمر ٠٠٠ أه حبتها. غريبه انى احب
شيرى ٠٠٠ عمر انت بتعرف تحب .. و يوم ماتحب. تحب واحده شمال
عمر ٠٠٠ ( بغضب قال) شيرى اخرسى .. إللى بتتكلمى عليها دى انضف واحده عرفتها فى حياتى
شيرى ٠٠٠ بس بشرة قالت لبابا انها واحد شمال وأنك كنت عايش معاها فى.....
قطع عمر عبارتها وقال
عمر ٠٠٠ يعنى بشرة هى إللى قالت لبابا.. طيب اسمعى يا شيرى إيلا دى بتكون مراتى
شيرى ٠٠٠( بصدمه قالت) انتى بتقول أيه .
عمر ٠٠٠ بقولك مراتى و على سنه الله ورسوله
كمان . و كمان هتكون أم ابنى
شيرى ٠٠٠ لأ انت اكيد بتخرف ايه إللى انت بتقوله ده
عمر ٠٠٠ ( بصراخ قال) شيرى احترمى نفسك اوعى تنسى انك بتكلمى أخوكى الكبير
شيرى٠٠٠ انا اسف بس انا مش قادره اصدق انك تتجوز من غير مانعرف كمان هتجيب ولد
هنا سمعوا صوت شئ بيتكسر خرجوا من الغرفة مسرعين أتصدموا عندما شاهدوا عزت واقف سند على حائط ويضع يده على قلبه ..أمامه مزهرية مكسوره على الأرض
شيرى ٠٠٠( بخوف قالت) بابا مالك يا بابا
عزت ٠٠٠ أيه إللى انتى قولتى دلوقتى ده
يبدو عزت لم يسمع غير آخر جمله فقط
عمر ٠٠٠ بابا شيرى تقصد
عزت ٠٠٠ اسكت انت .. شيرى ايه إللى كنتى بتقوليه لعمر
شيرى٠٠٠ (بأرتباك قالت ) انا .انا.انا .اه كنت بهزر مع عمر
عزت ٠٠٠ أنتى بتستغبينى ٠٠ تهزرى معاه تقوليله اتجوزت من ورانا و هتجيب ولد
عمر ٠٠٠ بابا ممكن ترتاح شكلك تعبان
عزت ٠٠٠ هو طول ما انت معايا هعرف الراحه
عمر ٠٠٠ بابا لازم تعرف
قطع عزت جملته وقال
عزت ٠٠٠ أيه إللى الكلام إللى قالتو أختك ده
شيرى ٠٠٠ بابا ده كان هزار صدقنى
عمر ٠٠٠ لأ ماكنش هزار دى حقيقة
بصدمة وتعب قال عزت
عزت ٠٠٠ يعنى اتجوزت
شعر عزت ان قدميه لم قوى على حمله كان سوف يسقط هنا ركضت شيرى و عز و سندوا عزت و دخلوا به لغرفته
دخل عمر خلفهم بقلب ممزق وقال
عمر ٠٠٠ شيرى عز لوسمحتوا سيبونى مع بابا لوحدنا
غادر عز مع شيرى ..و هنا جلسه عمر على ركبتيه أمام عزت ثم مسك يديه وقبلها وقال
عمر ٠٠٠بابا انا عارف انى غلطان و انى مغرور و مستهتر مهمل و غبى كمان ..و تعبتك معايا كتير. وعمرى ماكنت ليك الابن إللى تفتخر بيه قدام الناس ...و عمرى مافكرت انى اتغير . بس حب إيلا غيرنى
استغرب عزت من أسلوب كلام عمر لان عمر معروف عنه . انه مستحيل يعترف بغلطه
خصوصآ انه لأول مره منذ ان كان عمر طفل
يرى دمعه فى عيون عمر فرت هاربه منه
فأزاحها عمر بسرعة ثم قال
عمر ٠٠٠ أنا عارف انك فاكر إيلا واحد مش كويسه . اسمعنى الأول و احكم هى كويس ولا لاء .. انا هحكيلك انا عرفت إيلا ازاى و ازاى اتجوزتها
بدء عمر يحكى لعزت كل شئ
◇◇◇◇◇◇◇◇◇◇□□□□□□□
الاسكندرية
منزل الحاج إبراهيم
بعد ما رجعت إيلا من المستشفى وهى فرحانه ان الطبيب قال لها ان حالة ابنها بقى احسن كثير و سوفه يخرج بعد غدآ من الحضانة
نفين ٠٠٠ أيه إللى انتى عملتيه ده
إيلا ٠٠٠فى ايه يا ماما
نفين ٠٠٠ أنتى بعتى التليفون عشان تدفعى حساب المستشفى . هو انا اشتكتلك
إيلا ٠٠٠ ماما كده كده التليفون مالهوش لازمه معايا . ايه المشكله بقى لما ابيعوا و استفاد من فلوسه
نفين ٠٠٠ بس انا مأثرتش يا إيلا
إيلا ٠٠٠ يا حبيبتى مين قال كده ده انتى جميلك هيفضل على رأسى طول عمرى
نفين ٠٠٠ أيه إللى انتى بتقولى ده هو فى جمايل بين الأم و بنتها
إيلا ٠٠٠ لاء مافيش ...ماما صح انا مش سامعه صوت كريم ولا كارما
نفين ٠٠٠ آه اخدتهم نورا معاها فوق فى شقتها
هنا رن جرس الباب لذلك ذهبت نفين تفتح الباب
هنا سمعت إيلا صوت زعيق قوى لذلك خرجت من الغرفة لتعرف ما يحدث
أول ما خرجت من الغرفة اتسعت عينيها هى تضع يديها على فمها بصدمة وخوف قالت
إيلا ٠٠٠ مستحيل عمار
ماذا سيفعل عمار بإيلا
هل سيعثر عمر على إيلا
#روايه_الهروب_إلى_المجهول
#الفصل_السابع_والعشرون
إيلا ٠٠٠ لا مافيش .. ماما صح انا مش سامعه صوت كريم ولا كارما
نفين ٠٠٠ آه ٠اخدتهم نورا معاها فوق فى شقتها
هنا رن جرس الباب لذلك ذهبت نفين تفتح الباب
هنا سمعت إيلا صوت زعيق قوى لذلك خرجت من الغرفة لتعرف ما يحدث
و أول ما خرجت من الغرفة .اتسعت عينيها
وهى تضع يديها على فمها بذهول و خوف قالت
إيلا ٠٠٠ مستحيل عمار
عمار ٠٠٠ البرنسيسه بنفسها صحيح مسير الحى يتلاقى
نظرت إيلا له بكره و اشمئزاز وخوف
لكنها لم تنطق بحرف.. كانت واقفه بوجه شاحب و كأن هربت الدماء من جميع جسدها .. وهى تتذكر جميع ذكرياتها مع عمار و كوثر و موت الين
وهنا توجه عمار إليها و عندم ا أقتربه منها واقفت نفين بينه و بين إيلا وقالت
نفين ٠٠ اسمعى يا بتاع انتى انت مالكش دعوة ببنتى نهائى . و كفايه أوى إللى عملته فى إلين انا مش هسمحلك تأذى إيلا كمان .. و دلوقتى احسنلك تطلع بره مش عايزه اشوف وشك هنا تانى
عمار ٠٠٠ليه كده بس يا حماتى... ده انا حتى جاى ارجع الحق لصحابه
أخيرآ قدرت إيلا تتمالك نفسها . و تفوق من صدمة رؤيت عمار وقالت
إيلا ٠٠٠ حق ايه ده. انت مالكش عندى اى حقوق
عمار ٠٠٠ غلط انتى ناسيه انك هربتى لليلة فرحنا .. كمان اخدتى ولادى
الجده ٠٠٠ اسمع يا ابنى احنا ناس مش بتوع مشاكل . فياريت تاخد بعضك انت والبلطجية إللى معاك و تروح لحال سبيلك .
عمار ٠٠٠ وانا عشان متربى محترم .و لأنك راجل كبير مش هقل منك .. و اعمل نفسى مسمعتش حاجة
نفين ٠٠٠ تقل بمين يا يا حيوان ..
عمار ٠٠٠ لاء انتى وليه قليلة الأدب .. وشكل الذوق مش نافع معاكى
تدفع عمار نفين بعيد عن ايلا
و شد إيلا من ذراعها بقوة
والرجاله إللى معاه منعوا نفين والجد و الجده ان يقتربوا
هنا صرخت نفين والجدة و إيلا ايضآ
عندما سمعوا يوسف و أسامة صراخهم جاءوا بسرعة وقالوا
يوسف ٠٠٠ فى إيه ...ايه ده انت تانى
أسامة ٠٠٠ انت ماسكها كده ليه سيب أيدها
هنا طلع عمار مسدس من جيبه و كذلك الرجالة الذي معاه
عمار ٠٠٠ لو فى حد فيكم فتح بقوا انا هخلص عليكم كلكم فاهمين
إيلا ٠٠٠ ( بخوف قالت) عمار نزل السلاح همآ مالهمش ذنب انا إللى هربت منك
عمار ٠٠٠ لو خايفه عليهم تيجى معايا من غير ولا نفس
إيلا ٠٠٠ خلاص انا هاجى معاك بس متأذيش حد فيهم
نفين ٠٠٠ أنتى بتقولى إيه .. انتى مش هتطلعى من هنا حتى لو على جثتي
هنا وجه عمار المسدس لنفين وقال
عمار ٠٠٠ يبقى انتى إللى ختارتى يا حماتى
إيلا ٠٠٠ ( برعب قالت) لاء لاء عمار هتعمل ايه نزل المسدس ده . قولتلك انا جى معاك
يوسف ٠٠٠ لأ مش هتمشى يا إيلا
إيلا ٠٠٠ خلاص بقى محدش يتكلم انا رايحه معاه
عمار ٠٠٠ شاطره ٠٠ فين بقى ولادى
إيلا ٠٠٠ مش هنا .
عمار ٠٠٠ يعنى ايه مش هنا وديتى العيال فين
إيلا ٠٠٠ ( بتوتر وخوف قالت) مسافرين الصعيد مع مرات خالى
عمار ٠٠٠ أنتى بتقولى إيه .. اكيد بتكدبى عليا
إيلا ٠٠٠ لأ أبدآ عندك البيت أهو فتشه زى ما انت عايز مش هتلاقيهم
هنا قال لأحد الرجاله الذين معاه
عمار ٠٠٠ دور على العيال جوه
بعد ما بحث الرجل عن الولاد عاده و قال
الرجال ٠٠٠ مافيش حد جوه
عمار٠٠٠ العيال هيرجعوا امتى من السفر
إيلا ٠٠٠ بعد أسبوع على الأقل
عمار ٠٠٠و ماله أسبوع وارجع تانى اخد ولادى يلا امشى قدامى يا برنسيسة
غادر عمار و الرجال و إيلا معاهم وسط صراخ الجميع و حاول أشقاء نفين يتدخلوا لكن إبراهيم خاف عليهم لذلك منعهم
أما نفين كاد قلبها يتوقف من كثرة البكاء النحيب على أبنتها
◇◇◇◇◇◇◇◇◇◇□□□□□□□
القاهرة
فيلا عزت القاضى
~~~~~~~~~~~
بعد ما حكى عمر لعزت كل شئ عن علاقته بإيلا كيف اتعرف عليها . و كيف اجبرها انها توافق على الزواج منه و كيف عاملها طول هذه الفتره و كيف هربت منه . كيف خبت منه حاملها ..كما حكى له ايضآ عن حياتها قبل ما يتعرف عليها
عزت ٠٠٠ حرام عليك يا عمر ليه عملت معاها كده .
عمر ٠٠٠ أنا مش عارف ايه إللى جرالى ايه أول ما شوفتها .. كمان رافضها ليا جننى... انا كنت فاكر انها مجرد رغبة فى بنت شوفتها وعجبتنى و أول ما اخد منها إللى انا عايزو خلاص ..
بس لاء .فجأة لقتنى مش قادر ابعد عنها ..
كل شويه اتعلق بيها كتر .. كنت بتجنن لما تقول انها عايزه تسيبنى و تطلق .كنت بأذيها عشان متقولش كلمة دى تانى .. كان غرورى مسيطر عليا ازاى و انا عمر القاضى .واحده تقولى مش عايزاك. انا مش برر موقفى انا عارف انى غلطان . بس هى كمان دماغها ناشفه و على طول بتعصبنى.
عزت ٠٠٠ لم انت بتحبها أوى كده . ليه ماجتش
ليا و قولتلى . ليه سيبتنى اقول على البنت انها بنت شمال و مش محترمه . ليه وافقت تتجوز بشرة
عمر ٠٠٠ عشان خاطرك عشان خوفت عليك ..
وعلى صحتك ماكنتش عايز ازعلك ولا اكسر بخاطرك
عزت ٠٠٠ خلاص يابنى إللى حصل حصل يلا قوم روح هات مراتك .و كمان لازم ابنك يتولد فى بيت ابوه
عمر ٠٠٠ ( بفرحه قال) يعنى انت مش زعلان منى
عزت ٠٠٠ لاء زعلان بس خلاص زعلى مش هيغير حاجة.. يشفع لك بس انك هتجيب ليا حفيد .. بس أقسم بالله يا عمر لو عرفت انك بتعرف بنات تانى انا......
قبل ما يكمل عزت عبارته قال
عمر ٠٠٠ لاء واللهى حرمت إيلا و بس
عزت ٠٠٠ طيب يلا قوم
هنا قبل عمر يد عزت و رأسه ثم غادر
◇◇◇◇◇◇◇◇◇◇◇◇◇□□□□□□□
اليوم التالى
فى القاهرة
منزل كوثر
~~~~~~~~
كوثر ٠٠٠ يا فرحتى بيك جاى و جايب معاك السنيوره بس .. امال فين العيال
عمار ٠٠٠ يوووو بقى ياما ما قولتلك العيار مسافرين مع مرات خالها
كوثر ٠٠٠ وانت صدقتهم يا اهبل اكيد ضحكوا عليك
عمار ٠٠٠ لاء ياما انا دورت عليهم بنفسى مش موجودين فى البيت
كوثر ٠٠٠ روحت جايب حبيبت القلب و جيت مش كده
عمار ٠٠٠ يعنى كنت عايزانى اسيبها بعد ما لاقيتها. ده انا ما صدقت لاقيتها
كوثر ٠٠٠ صحيح قولى انت عرفت منين انها موجوده عند أمها
عمار ٠٠٠ هقولك .. فى محل جانب بيت أمها
صاحبه راجل صاحب مزاج كده كل فترة بيجى ياخد منى المعلوم ( المخدرات) مقابل انه يراقب بيت الست إللى اسمها نفين .. وقولتله على موصفات إيلا لو ظهرت عند أمها يدينى خبر .و النهاردة اتفجأت انه
=============
فلاش باك
==============
عمار ٠٠٠ أيه حكايتك يا معلم دى تانى مره البضاعة بتعتك الحكومة تمسكها
المعلم ٠٠٠ اعمل ايه حظى بقى . انت بس اصبر عليا فى فلوسك إللى عندى
عمار ٠٠٠ لاء معلش يا معلم ماكنش يتعز واللهى الفلوس دى بتاعت ناس زى ما انا ليا عندك همآ بردوا ليهم عندى . وانا مقدرش أتأخر عليهم
المعلم ٠٠ بس انتى عارف الظروف ..طيب أدينى البضاعة ابيعها و أجيبلك الفلوس و.....
قطع عمار جملته وقال
عمار ٠٠٠ ماليش فيه . هتدفع هتخد بضاعة مش هتدفع ورينى عرض قفاك
المعلم ٠٠٠ بس انا مش معايا دلوقتى
عمار ٠٠٠ إللى معهوش ما يلزموش
هنا رن هاتف عمار لذلك قال
عمار ٠٠٠ اكس كيوز مى بقى يا معلم معايا مكالمة يلا اتكل على الله . معاك ربنا و اتنين ملايكة يلا روقنا
( بداية المكالمة )
عمار ٠٠٠ الو خير يا سعيد
سعيد٠٠٠ انت ناسينى بقالك فترة
عمار ٠٠٠ ما انت مابتجبش خبار يريحنى
سعيد ٠٠٠ عندى ليك خبر طازه
عمار٠٠٠ قول ياريت مايتطلعش خبر خايب
سعيد ٠٠٠ البنت إللى انت بتدور عليها ظهرت
عمار ٠٠٠ انت بتتكلم بجد . يعنى متأكد
سعيد ٠٠٠ متأكد . هى نفس المواصفات إللى انت قولتلى عليها بالظبط
عمار ٠٠٠ معقوله بعد السنين دى
سعيد ٠٠٠ اوعى تنسى حلوتى
عمار ٠٠٠ أتأكد بس . و أشوفها بعينى واللى انت عايزو .. انا جاى اسكندرية حالآ
( إنتهت المكالمة)
====================
العوده من الفلاش باك
===================
عمار ٠٠٠ هو ده كل إللى حصل
كوثر ٠٠٠ شاطر طالع ذكى زى امك
عمار ٠٠٠ اهم حاجة ياما خلى عينك عليها اوعى تهرب منك
كوثر ٠٠٠ متخافيش انا صاحيلها
عمار ٠٠٠ مال فين جوزك مش شايفوا يعنى
كوثر ٠٠٠ دخل يشوفها السنيوره فى الأوضة
◇◇◇◇◇◇◇◇◇◇◇◇◇◇◇◇◇◇◇
يقف جلال ينظر لأبنته بمظهره مزرية
لحية طويلة هو يكاد يستطيع يقف على قدميه وقال بصوت مهزوز ضعيف و متعب
جلال ٠٠٠ رجعتى ليه
إيلا ٠٠٠ أيه ماكنتش عايز تشوف بنتك
جلال٠٠٠ كبرتى. و حلوتى. و بقيتى. عروسه
إيلا ٠٠٠ و انت بقيت عجوز و شكلك يخوف.
جلال٠٠٠ طول عمرك لسانك طويل طالع لأمك
إيلا٠٠٠ أمى دى أطيب و اشرف ست فى الدنيا .
جلال ٠٠٠ أمك ست خاينه
إيلا ٠٠٠ لاء انت إللى راجل خاين خونتها مع كوثر . تنكر
جلال ٠٠٠ أنا راجل . رغم كده ندمت و سبت كوثر عشانها لكنها هى. عملت ايه خانتنى
إيلا ٠٠٠ طيب مسألتش نفسك لو ثانية واحده بس .ان كوثر دى كدابه .. ان نفين مظلومه
ان كل إللى حصل ده كان فخ نصبتو كوثر ليها
جلال ٠٠٠ لأ مش ممكن انا شوفتها بعينى وهى مع راجل فى السرير
إيلا ٠٠٠ كانت عامله ازاى قولى يا باشمهندس
جلال ٠٠٠ كانت نايمه جانبه بقميص نوم
إيلا ٠٠٠ كانت نايمه . نايمه .. طيب قولى الوقت إللى انت دخلت فيه عليها فيه كان وقت نوم . طيب لما مسكت الرجل و ضربت و ضربتها هى كمان. و ده غير زعيق وصراخ كوثر إللى كانت يا حرام بتحوش بينكم .. كل ده حصل و ماما كان حالتها ايه
فكر جلال ثوانى وقال بأستغراب وكأنه أول مره يفكر فى الحوار بطريقة دى
جلال ٠٠٠ كانت لسه نايمة...
إيلا ٠٠٠ أكيد يعنى مش نومها تقيل لدرجة دى
هنا تذكر جلال عندما كان يضربها كانت لا تستطيع تفتح عينيها ولا حتى تقف على قدميها . وكأنها كانت مثل المغيبه
فهمت إيلا بماذا يفكر جلال لذلك قالت
إيلا ٠٠٠ لو كنت فكرت لحظه بعقلك ماكنش ده بقى حالنا . يمكن كانت إلين معانا دلوقتى
صحيح لكل اجلآ كتاب بس يمكن على الاقل ماكنتش ماتت بطريقة إللى ماتت بيها
جلس جلال وهى ينظر للأرض ثم وضع يده على رأسه
إيلا ٠٠٠ حرام عليك عشان نزوة فى حياتك ضيعتنا كلنا
جلال ٠٠٠ أنا شوفتك من ٣ سنين وانتى بتهربى
و سيبتك تهربى .. ياريت كان عند إلين نفس الجرأة و هربت زيك
هنا دخلت كوثر وقالت
كوثر ٠٠٠ ايه يا حلوه . كنتى فاكره اننا مش هنعرف نلاقيكى
لم ترد عليها إيلا اكتفت فقط بالنظر إليها و هز رأسها بأشمئزاز . ذلك جعل كوثر تغضب تقوم بشد آيلا من ذراعيها لتقف مما جعل إيلا تصرخ
و تضع يديها على مكان جرح الولاده بألم
فهى لم يمر على الولادتها إلا عشر ايام فقط فمازال الجرح يؤلم .. وهنا قال جلال بصراخ وهو يبعد كوثر عن إيلا
جلال ٠٠٠ كوثر ابعدى ايدك عنها
كوثر ٠٠٠ نعم من أمتى الكلام ده ان شاء الله
هنا جلال اقترب من إيلا و قالها
جلال ٠٠٠ مالك انتى تعبانه
إيلا ٠٠٠ أتأخرت أوى يا باشمهندس .. لدرجة انى مش قادره احس انى بنتك وانك أبويا
جلال ٠٠٠ عندك حق يابنتى
هنا قالت كوثر بزعيق
كوثر ٠٠٠ بقولكم ايه انا مش طالبه معايا شغل نحنحه
هنا دخل عمار وقال
عمار ٠٠٠ فى ايه ياما بزعقى ليه
كوثر ٠٠٠ تعالى تشوف جلال بيه بنته
عمار ٠٠٠ فى ايه يا جوز امى مالك
بدأت يد جلال ترتعش قال وهو يمسح أنفه
جلال ٠٠٠ ولا حاجة .. شوفى معاك حاجة جسمى وجعنى مش قادر
هنا نظره عمار لإيلا هو يرمى كيس المخدرات على الأرض لجلال
بينما نزل جلال على الأرض ثم مسك الكيس على أنفه بدأ يشم بيه
هنا بكت إيلا هى تنظر للجهة الاخره حتى
لا ترى والدها فى هذه الوضع المهين
هنا مسكها عمار من فكها بقوة ليدير وجهها لترى وضح جلال وقال
عمار ٠٠٠ بصى . و شوفى كويس أوى دى هتكون حالتك بعد أسبوعين من دلوقتى
تحت رجلى
صرخت إيلا فيه وهى تدفعوا بعيد عنها بقوة
إيلا ٠٠٠ أنا بتحلم . واللى بتفكر فيه ده .نجوم السما اقربلك منه فاهم
هنا اخرج من جيبة أمبول و سرنجه ثم سحب بسرنجة من الأمبول وقال
عمار ٠٠٠ شايفه الحقنة دى .. دى إللى هتخليكى خدامه تحت رجلى ٠٠
بلعت ريقها بصعوبه هى تشعر أن قلبها يكاد يتوقف .. لكن حاولت تطصنع القوة وقالت
إيلا ٠٠٠ انت عايز تخلينى مدمنه .. ده اخر حل عندك عشان تقدر تسيطر عليا
عمار ٠٠٠ مش عايزه الحقنة بلاش . بس خليكى شاطره و اسمعى الكلام
إيلا ٠٠٠ أيه هو الكلام إللى المفروض اسمعوا
عمار ٠٠٠ نتجوز انا لسه عايزك
إيلا ٠٠٠ مستحيل انا عندى اموت ولا انى اتجوزك
عمار ٠٠٠ خلاص براحتك بلاش جواز يبقى اخدك من غير جواز
قال جملته و هو يقترب منها وهو يمسك الحقنة ..أما كوثر قامت بتثبت يديها ليعطيها لعمار الحقنى.
و عندما كان على وشك حقنها قالت بخوف
إيلا ٠٠٠ بابا .. بابا.. بابا ألحقنى
كانت تتأمل ان جلال سوف يساعدها لكنه عندما اخذ جرعة المخدرات
و ذهب فى عالمه الخاص وأصبح منفصل عن الواقع
فخذلها جلال و خيب أملها مره أخرى
لذلك قالت بقهر وجع يعتصر قلبها
إيلا ٠٠٠ خلاص. خلاص انا هعمل إللى انت عايزو. بس ابعد الحقنة دى عنى
عمار ٠٠٠ ايوه كده اسمعى الكلام و خليكى شاطره
كوثر ٠٠٠ البت دى شكلها بضحك عليك بتثبتك زى ماعملت قبل كده
وهو يضع يديه على خد إيلا وقال بتهديد
عمار ٠٠٠ ما أظنش . شكلها عاقله . لانى مش عمار بتاع زمان.. لو فكرت بس تلعب معايا يبقى هخليها تترحم على أمها .. بعد كده هخليها تتمنى الموت بس مش هتعرف تطوله
ضحكت كوثر بشر وخبث وقالت
كوثر ٠٠٠ هو ده ابنى حبيبى
بينما كانت إيلا تنظر إليهم بكره و رعب ظلت تفكر ماذا ستفعل كيف تتخلص من عمار و كوثر
لابد أن تغادر هذا المنزل لكن كيف
هنا فكرت فى عمر كم كانت تتمنى أن يكون بجوارها فى هذه اللحظه و برغم كل شئ هى
لم تشعر بأمانه إلى هى معاه
◇◇◇◇◇◇◇◇◇□□□□□□□□
الاسكندرية
محل الموبايلات
صاحب المحل ... باشا و إللهى معرفش دى مين ٠ دى واحده جت عايزه تبيع تليفونها وانا اشتريته
عمر ٠٠٠ يعنى انت متعرفهاش
صاحب المحل ٠٠٠ واللهى عمرى ما شوفتها قبل كده . بس الست إللى كانت معاها انا شوفتها قبل كده كانت ساعات بتجى تشحن باقه تليفونها عندى
عمر ٠٠٠ بتشحن من هنا معناه ان بيتها قريب من هنا
مروان ٠٠٠ طيب هنعرف بيتها ازاى دى
عمر ٠٠٠ عندك كاميرا هنا فى المحل
صاحب المحل ...اه عندى
عمر ٠٠٠ طيب انا عايزه تسجيل الكاميرا عايز اشوف شكل الست إللى كانت مع ايلا
شاف عمر تسجيل الكاميرا الوقت إللى كانت إيلا بتبيع التليفون ثم قال
عمر ٠٠٠ ابعت التسجيل ده على تليفونى
بعت صاحب المحل التسجيل على تليفون
عمر . ثم غادر عمر و اصدقائه المحل
عز ٠٠٠ أنت اخدت منه التسجيل ليه
عمر ٠٠٠ عشان نسأل فى المنطقة على الست إللى مع إيلا فى التسجيل اكيد بنتها قريب من هنا
مروان ٠٠٠ عمر ابعتلى التسجيل . على تليفونى ابعته كمان على تليفون عز و كل واحد فين يسأل فى مكان كده هنكسب وقت
ا
كتر
عمر ٠٠٠ عندك حق .. واللى يلاقى حاجة يتصل عليه فورآ
ظل عمر و مروان و عز يبحثوا لساعات
إلى أن اتصل مروان وقال انه قابل رجل يعرف من هذه المرأة
لذلك توجه عمر على المكان الموجود فى مروان ليقابل ذلك الرجل
الرجل ٠٠٠ دى الست نورا مرات المتر يوسف
عمر ٠٠٠ انت تعرف ساكنين فين
الرجل ٠٠٠ طبعآ بس البيت بعيد أوى عن هنا
عمر٠٠٠ ممكن تودينا و انا هديك إللى انت عايزه
الرجل ٠٠٠ بس معلش انا عندى شغل دلوقتى مش هقدر اروح معاكم
عمر ٠٠٠ طيب ٢٠٠٠ جنيه كويس عشان هتأخرك عن شغلك
الرجل ٠٠٠ دول قشطة اوى تعالوا هوديكم
ذهبوا مع الرجل عندما وصلوا للمنزل قال
الرجل٠٠٠ هو ده البيت المتر يوسف ساكن فى الدور التالت
◇◇◇◇◇◇◇◇◇◇◇□□□□□□
منزل الحاج إبراهيم
نفين فى حالة انهيار على أبنتها
نفين ٠٠٠ يعنى ايه يخطف بنتها من قدام عينى و انا مقدرش اعمل حاجة
يوسف ٠٠٠ أنا محامى و فاهم فى القانون
الجد٠٠٠ و القانون بيقول يخطف البنت عادى
يوسف ٠٠٠ يا بابا افهمنى انا لما روحت و كلمت الظابط صاحبى قالى انا إيلا متهمه فى قضية سرقه رفعها عليها كوثر .. لو بلغت ان عمار خطف إيلا كأنى ببلغ على إيلا بردوا
نفين ٠٠٠ بس بنتى مش ممكن تسرق و كوثر دى كدابه
يوسف ٠٠٠ القانون مالهوش دعوة بالعواطف
هو يعتمد بس على الأدلة و البراهين
نفين ٠٠٠ خلاص انا هنزل القاهرة اجيب بنتى انشالله اقتل عمار و كوثر بس مش هسيب بنتى ليهم
هنا مسكها شقيقها أسامة و قال
أسامة ٠٠٠ اعقلى احنا كلنا قلقنين عليها زيك
نفين٠٠٠ يا ناس بنتى لسه والده قيصرى
اكيد تعبانه .. ده غير ابنها إللى المفروض اروح اخده من الحضانة بكرة ده محتاج أمه
هنا رن جرس الباب و أول ما نفين فتحت الباب قالت نورا
نورا ٠٠٠ الجماعة دول بيسألوا على إيلا
نفين ٠٠٠ أنتم مين
قبل أن يردوا صرخ كريم و كارما فى نفس واحد
كريم و كارما٠٠٠ عمر
ثم ركضوا إليه و حضنوا بحب
نفين ٠٠٠ انت بقى عمر
عمر ٠٠ أيوه انا .
هنا ظلت عين عمر تبحث فى جميع الاتجاهات حتى يراها ليطمئن قلبه
لكن قالت نفين هى تبكى بقهر
نفين ٠٠٠ مدورش هى مش موجوده جيت متأخر
عمر ٠٠٠ ( بخوف قال) حضرتك بتعيطى ليه
و يعنى ايه جيت متأخر هى إيلا جرالها حاجة
نفين ٠٠٠ عمار اخدها
يتبع
ماذا سيكون رد فعل عمر من خطف عمار لإيلا
كيف ستواجه آيلا. عمار و كوثر
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق