روايه_الهروب_إلى_المجهول الفصل الحادي والعشرون والثاني والعشرون بقلم أروي عادل حصريه وجديده على مدونة النجم المتوهج
 |
عزت٠٠٠أسمع يا عمر النهاردة تقطع علاقتك بالبت دى قبل ما تيجى و تلبسك مصيبه .. و تقولك ألحقنى انا حامل... والله أعلم بقى هتكون حامل من مين
عمر ٠٠٠ اطمن يا بابا مافيش حاجة زى دى هتحصل انا متأكد
عزت٠٠٠ (قال بعصبيه) وايه إللى يخليك متأكد من حاجة زى دى يابنى افهم إللى تبيع شرفها عشان الفلوس ممكن تعمل اى حاجة تتخيلها ....
دى واحده من الشارع مالهاش لا أب يقول عيب
ولا أم تقول حرام يعنى ماعندهاش حد يحكمها.
و إللى زى دى لا يفرق معاها انت ولا غيرك اهم حاجه عندها الفلوس
عمر ٠٠٠ يا بابا عشان خاطرى اهدى شويه العصبيه مش كويسه عليك
هنا حط عزت أيده على قلبه بتعب وقال
عزت ٠٠٠ هو انت فارق معاك صحتى.. طيب انستنا اموت واعمل إللى انت عايزه مستعجل ليه . ولا هى البنت دى أهم من ابوك
عمر ٠٠٠ خلاص بقى يا بابا إللى بتقولو ده انت عارف كويس انى معنديش حد أهم منك . لا دى ولا الف بنت غيرها .
كنت إيلا تسمع هى مصدومه . هى لا تسوى شئ بالنسبال عمر .. هنا سمعت عزت يقول
عزت ٠٠٠ خلاص تبقى تسمع كلامى
هنا ذهب عمر و جاب كوب ماء وقال
عمر ٠٠٠ طيب اشرب ميه الأول
عزت ٠٠٠ أنا مش شارب حاجة من البيت النجس ده
عمر ٠٠٠ بابا شكلك تعبان أشرب بق ميه طيب
عزت٠٠٠ قولتلك مش شارب. غير ما تنفذ إللى انا هقولك عليه . لو ما نفذتش طلبى انا هقطع علاقتى بيك نهائى
عمر ٠٠٠ بابا انتى ايه إللى بتقول ده هى حصلت
عزت ٠٠٠ ايوه حصلت قولى هتنفذ طلبى ولا لاء
عمر ٠٠٠ حاضر هنفذ إللى انت عايزه.
عزت ٠٠٠ يبقى تقطع علاقتك بالبت دى حالآ
عمر ٠٠٠ حاضر
عزت٠٠٠ و الأسبوع إللى جاى تتجوز بشرة بنت عمك
عمر٠٠٠ حاضر ممكن تهدى بقى
عزت ٠٠٠ لسه فى اخر حاجة .. ترجع تعيش معانا فى الفيلا انا وأختك حتى بعد ما تتجوز بشرة .و تبطل صرمحه بقى من بلد لبلد
لان عمر كان خائف على والده لم يفكر وقال قورآ
عمر ٠٠٠ حاضر يا بابا .
عزت٠٠٠ هو ده عمر أبنى...يبقى يلا بينا من هنا
و ترجع معايا القاهرة فورآ
عمر ٠٠٠ معلش أدينى بس النهاردة اظبط أمورى بكرة هكون فى القاهرة
عزت ٠٠٠ ايه عايز تستأذن من الهانم الأول
عمر٠٠٠ هى مالهاش دعوة .. انا بتكلم على الشغل
عزت ٠٠٠ يبقى هستنا معاك . انا مش راجع القاهرة غير رجلى على رجلك فاهم
عمر ٠٠٠ حاضر براحتك .
عزت٠٠٠ واقف ليه.. ممكن تروح تغير هدومك يلا عشان نمشى من البيت ده .. ولا اقول يلا معايا وانت كده
عمر ٠٠٠ بابا طيب اغير
عزت ٠٠٠ لأ بالهدوم إللى عليك
كانت إيلا واقفه مصدومه ليس من الكلام عزت لا
بل سكوت عمر على أتهامات عزت لها .. حتى عمر
لم يكلف نفسه عناء الدفاع عنها أمام والده
التى وصفها بأنها مجرد عاهرة تسعى لكسب المادية على حساب شرفها
هنا لعنت نفسها و لعنت حبها الذى جعل منها المرأة ضعيفة هشه ثم لعنت عمر لانه تسبب لها بالعديد و العديد من الإهانات و الخذلان القهر و الألم
و الكسره و الخيانه
لقد تعرضت طول حياتها لعديد من الخذلان و خيبة الأمل من اقرب الناس لها.... لكن ما فعلوا عمر بها كان اصعبهم و اشد قسوة و ألم..
** ما أصعب خذلان الحبيب لمحبوبته**
هنا سمعت صوت خروج عمر و عزت من غرفة الصالون لذلك ركضت لغرفة النوم حتى لا يراها أحد
لكنها نسيت حقيبتها فى الصالة
وعندما خرج عمر مع عزت للصاله راه عمر حقيبة إيلا لذلك علم انها موجوده فى المنزل هنا توتر عمر و قال لنفسه هل يمكن أن تكون سمعت ما قاله عزت لذلك حاول عمر يجعل عزت يغادر بدونه حتى يتحدث مع آيلا
و يعلم هل سمعت شئ ام لا
عمر ... بابا بصراحة ماينفعش انزل بالهدوم دى الناس تقول ايه عليا.. اتفضل روح حضرتك على الفندق و آنا هغير و احصلك
عزت ٠٠٠ مافيش الكلام ده انا هستناك تحت
لحد لما تغير و تنزل
عمر ٠٠٠ بابا كده كده كل واحد فينا هيمشى بعربيته
عزت ٠٠٠ خلاص انا هخلى السواق يمشى بعربيتى
و هستناك تحت فى عربيتك هات المفتاح
أخذ عزت مفتاح سيارة عمر انصرف لينتظر عمر فى السيارة
بحث عمر عن إيلا فى الشقة وهو ينادى عليها
لكنها لم تجيب
عندما كان يفتح باب غرفة النوم... لم يفتح الباب لأنه كان مغلق من الداخل لذلك وقال
عمر ٠٠٠ إيلا آيلا افتحى الباب ....إيلا انتى مابترديش ليه . إيلا افتحى.. إيلا افتحى الباب بقولك
أما آيلا كانت تجلس خلف باب الغرفة حضنه قدميها و تبكى بصمت ٠٠
لكنها فجأه فقدة السيطرة على نفسها و انفجرت مثل البركان عندما واقفت أمام المرآه
هنا مسكت زجاجة برفان وقامت بتكسير المرآه وهى تصرخ بهستريا و تقوم بتكسير اى شئ امامها بالغرفة كأنها فقدة عقلها
بينما كان عمر خاف ان تأذى نفسها لذلك كسر الباب
تم نظر لها وللغرفة التى أصبحت فى حاله لا يرثى لها
لذلك قال
عمر ٠٠٠ أنتى ايه إللى بتعمليه ده انتى اتجننتى
قال جملته و هو يقترب منها لكنها صرخت بكل
ما تبقى لها من قوه قالت
إيلا ٠٠٠ ابعدى عنى. اوعى تلمسنى
عمر ٠٠٠ ( قال بقلق) إيلا الأزاز فى كل حته فى الأوضة كده هتأذى نفسك
إيلا ٠٠٠ ( ببكاء و قهر قالت) ايه ده انت خايف على واحده من الشارع ماعندهاش لا أب ولا أب يحكمنى
عمر ٠٠٠ إيلا اسمعى بابا قال كده عشان......
قطعت إيلا عبارته وهى تصرخ فيه و تضع يديها على أذنيها ثم أغلقت عينيها و تقول بصراخ
إيلا ٠٠٠ بس كفايه مش عايزه اسمع اي حاجة تانى كفايه . مش عايزه اسمع حاجة تانى
هنا استغل عمر انها أغلقت عينيها ليقترب منها ثم حملها لخارج الغرفة و هى تصرخ فيها و تضربه لكى يبتعد عنها لكنه حضنها لتهدء لكنها كانت فى حالة صدمه لذلك دفعته بعيد عنها بكل قوتها و صرخت فيه بتحذير
إيلا ٠٠٠سيبنى فى حالى ..و ابعد عنى بقى
عمر ٠٠٠ أنتى عارفه انى مقدرش ابعد عنك ولا انتى كمان
إيلا ٠٠٠ ابعد عنى . احسن اقسم بالله اقتل نفسى .
عمر ٠٠٠اعقلى بقى إللى سمعتيه مجرد .....
قبل ما يكمل عبارته ركضت إيلا للمطبخ ثم رجعت وفى يدها سكينه ثم وضعت السكينه على معصمها
هنا قالت
عمر ٠٠٠ ( بخوف قال) إيلا انتى اتجننتى هتعملى ايه
إيلا ارمى السكينة من ايدك انتى كده هتأذى نفسك
إيلا ٠٠٠( بصراخ قالت) أمشى يا عمر من وشى بقى
عمر ٠٠٠ تمام همشى بس لحد لما تهدى و هرجع تانى
ساعتها هحسبك على بتعملى دلوقتى
قال جملته ثم غادر منزل
هنا بدأت إيلا من جديد تقوم بتكسير كل ما يقابلها فى المنزل وهى تصرخ
◇◇◇◇◇◇◇◇◇◇◇□□□□□□□
فى سيارة عمر
عزت٠٠٠ ايه ده انت مغيرتش
عمر ٠٠٠ قولت مالهوش لازم
عزت ٠٠٠ آمال اتأخرت كده ليه
عمر ٠٠٠ ماكنتش لاقى تليفونى
عزت ٠٠٠ طيب يلا بينا من المكان ده
◇◇◇◇◇◇◇◇◇◇◇□□□□□□□□
فى الفندق
أول ما وصل الفندق ذهب لغرفة خدمة الغرف ليقابل أميرة وقال لها
عمر ٠٠٠ روحى عندى على البيت خليكى مع إيلا
أميرة ٠٠٠ خير فى حاجة . هى تعبانه
عمر ٠٠٠ أنتى تروحى لما تشوفيها هتعرفى . و اوعى تسيبها لوحدها غير ما أجى
أميرة ٠٠٠ حاضر
عمر ٠٠٠ واقفه ليه عندك يلا روحى
أميرة ٠٠٠ أنا معرفش عنوان الشقة
عمر٠٠٠( كتب العنوان وقال) اتفضلى العنوان اهو
اخذت أميرة العنوان و غادرت الفندق
<><><><><><><><><><><><><><><><><>
فى المساء
بعد ما حكى عمر لمروان كل ما حدث
مروان ٠٠٠حصل كل ده امتى
عمر ٠٠٠ النهاردة الصبح . .. من ساعتها وهو حبسنى زى العيل الصغير فى الجناح
مروان ٠٠٠ آمال هو راح فين دلوقتى
عمر ٠٠٠ جاله تليفون .. بعد كده نزل
مروان٠٠٠ طيب و إيلا عامل ايه دلوقتى
عمر ٠٠٠ معاها صاحبتها أميرة انا بعتها ليها بعد ما شوفت حالتها
مروان ٠٠٠ طيب هتعمل ايه دلوقتى
عمر ٠٠٠ هستنا بس بابا ينام و هروح أشوفها تكون هديت عشان اعرف اتكلم معاها
مروان ٠٠٠ و اتعمل ايه فى إللى قالك عليه عمى عزت
عمر ٠٠٠ عادى هتجوز بشرة زى ماهو عايز
مروان ٠٠٠طيب هترجع تعيش فى القاهرة
عمر ٠٠٠ مؤقتآ لحد ما بابا ينسى الحوار ده
مروان ٠٠٠ و إيلا هتعمل معاها ايه
عمر ٠٠٠ الطبيعى هخدها معايا القاهرة. بس اعدى أسبوع الفرح ده
مروان ٠٠٠طيب افرض عمى عزت عرف انك مقطعتش علاقتك بأيلا
عمر ٠٠٠ و هيعرف مين بس
مروان ٠٠٠ زى ما عرف دلوقتى
عمر ٠٠٠ لأ ده فى حد هو إللى راح قالو
مروان ٠٠٠ مين إللى هيعمل كده بس
عمر ٠٠٠ حد عارف بعلاقتى بأيلا
مروان ٠٠٠ مافيش حد يعرف غير صحابك و صحابها
عمر٠٠٠ لاء ده حد من صحابى انا
مروان ٠٠٠ وليه مايكونش حد من صحاب إيلا
عمر ٠٠٠ لان إللى قال لبابا .. قالوا على عنوان الشقة ومافيش حد من صحاب إيلا يعرف عنوان الشقة . انا متأكد من الكلام ده
مروان ٠٠٠ طيب ما ممكن تكون رقية عشان تنتقم منك عشان طاردتها من الشغل
رقية ٠٠٠ لاء مش هى... دى لسه امبارح كانت بتترجاك. عشان تكلمنى ارجعها الشغل .بعدين هى هتعرف توصل لبابا ازاى . كمان هى بردوا متعرفش عنوان الشقة. إللى قال لبابا حد يعرف يوصل لبابا بسهوله
مروان ٠٠٠ يعنى حد من صحابنا .. تفتكر مين إللى يعملها.. ممكن ميار تعملها
عمر ٠٠٠ هى تعملها بس مش ميار إللى قالت لبابا
انا متأكد
مروان ٠٠٠ ليه متأكد اوى كده
عمر ٠٠٠ لأنى بابا مرضاش يقولى عرف من فين. .كأنه خايف يقولى من إللى قاله على علاقتى بإيلا . لكن
لو ميار هى إللى قالتو كان مايفرقش معاه
و قالى ميار على طول .هو اساسآ مابيحبهاش
مروان ٠٠٠ ما يمكن ميار قالت لحد ...و الحد ده هو إللى قال لعمى عزت..
عمر ٠٠٠ و آنا بردوا بفكر فى كده .. بس مين الحد ده إللى بابا مش عايزنى اعرفو ... على العموم انا كده كده هعرفوا
◇◇◇◇◇◇◇◇◇◇◇◇◇□□□□□□□
فى غرفة ميار
فطين ٠٠٠ حصل إللى كنا عايزينوا
ميار ٠٠٠ أيه هو إللى حصل
فطين ٠٠٠ عمى عزت هنا
ميار ٠٠٠ وعمر فين
فطين ٠٠٠ فى الجناح بتاعه مخرجش منه من الصبح
ميار ٠٠٠ ( بفرحه قالت) كده يبقى خلصت من إللى أسمها إيلا
فطين ٠٠٠ بس فى حاجة كده هتزعلك
ميار ٠٠٠ جواز عمر و بشرة الأسبوع إللى جاى
هنا دخلت مرام الغرفة بسرعة وقالت
مرام ٠٠٠ ( بخوف قالت) شوفتى عمى عزت هنا
ميار ٠٠٠ طيب فيها ايه .. مالك مخضوضه كده
مرام٠٠٠ افرض عمو عزت قال لعمر بشرة هى إللى قالته .. وراح سأل بشرة ساعتها بشرة قالته انا اللى قولتلها. انتى مش متخيله عمر ممكن يعمل فيا ايه
ميار ٠٠٠ متخافيش عمو عزت مستحيل يقول لعمر
إن بشرة هى إللى قالتو
مرام ٠٠٠ وليه مستحيل عمو عزت يقول لعمر
ميار ٠٠٠ هقولك . عمو عزت عارف ان عمر هيتجوز بشرة غصب عنه. ولو عمر عرف ان بشرة هى إللى قالت.. عمر مش ممكن هيرضا يتجوزها. عشان كده عمو عزت هيخاف يقول لعمر ان بشرة هى إللى قالتله
فطين ٠٠٠ اقسم بالله انت دماغك دى دماغ معلمه بصحيح
ميار ٠٠٠ ( قالت بسخريه) دلوقتى عن أذنكم أروح أشوف عمر ما انا لازم أكون جانبه فى أذمته بااااااى
◇◇◇◇◇◇◇◇◇◇◇◇◇□□□□□□
فى نفس الوقت
فى شقة عمر
طول اليوم كانت أميرة بتحاول تسيطر على غضب إيلا لكنها فشلت لذلك اتصلت على لبنى و الاثنين حاولوا مع بعض لتهدئت إيلا
أميرة ٠٠٠ خلاص بقى يا إيلا انا من الصبح وانا بحاول أهديكى وانتى زى ما انتى.
إيلا ٠٠٠ ماحدش حاسس بنار إللى جوايا
لبنى ٠٠٠ إيلا انتى قولتى انا ابوه عنده القلب يمكن خاف يزعلو ..لا جراله حاجة
إيلا ٠٠٠ أنتى معايا ولا معاه
لبنى ٠٠٠ أنا بحاول افكر معاكى بصوت عالى مش اكتر
أميرة ٠٠٠ ما خلاص بقى ارحمى نفسك.. و أرحمى إللى فى بطنك... و ارحمى الولاد . إللى قاعدين فى الأوضة خايفين منك و خايفين من منظر الشقة إللى كلها متكسرة
هنا مسحت إيلا دموعها كانت على وشك الدخول للولاد لكن لبنى قالت
لبنى ٠٠٠ لأ سيبهم دلوقتى متروحيش ليهم و انتى كده . عينك حمره و شكلك زى المجانين
أميرة ٠٠٠ لبنى عندها حق بلاش يشوفيكى بالمنظر ده
لبنى ٠٠٠ تعالى يا أميرة نحاول نشيل الحاجة المتكسرة من على الأرض
إيلا ٠٠٠ لأ سيبوا كل حاجة مكانها
لبنى ٠٠٠ أنتى تعبانه مش هتقدرى تنضفى لوحدك
إيلا ٠٠٠ لأ انا مش هنضف ولا انتم كمان انا هسيب البيت
أميرة ٠٠٠ تانى يا إيلا ما انتى حاولتى قبل كده و مانفعش. عمر مش هيسيبك
لبنى ٠٠٠ بعدين دى شقتك بأسمك . و حقك و حق إللى بطنك
إيلا ٠٠٠ أنا مش عايزه حاجة منه ...
قالت جملتها ثم دخلت غرفة النوم و طلعت عقد الشقة و السيارة ثم قالت
إيلا ٠٠٠ أنا رايحه على الفندق
مسكتها أميرة وقالت
أميرة ٠٠٠ تعالى هنا رايحه فين
إيلا ٠٠٠ رايحه أرمى عقد الشقة و العربية فى وشه
و وش ابوه و أعرفهم مين هى إيلا
لبنى٠٠٠ إيلا إللى انتى هتعمليه ده غلط
إيلا ٠٠٠ ياريت محدش ليه دعوة باللى انا هعمله
حاولت أميرة و لبنى يمنعوا إيلا لكن كان غضبها هو إللى مسيطر عليها لذلك صرخت فيهم هى تبعدهم عنها
ثم خرجت بسرعة من المنزل .و لم ترد على أصدقائها
◇◇◇◇◇◇◇◇◇◇◇◇◇□□□□□□□
فى الفندق
جناح عمر
طرقت ميار باب الجناح . عندما فتح عمر قال
عمر ٠٠٠ ميار انتى بتعملى هنا
ميار ٠٠٠ أيه غريبه .ولا دى أول مره
عمر٠٠٠ لا بس بابا جوه
ميار ٠٠٠ عمو عزت . طيب كويس عشان اسلم عليه.. ايه هتسيبنى واقفه كده على الباب مش هتقولى أدخلى
عمر٠٠٠ ميار بقولك مش وقتك خالص النهاردة
ميار٠٠٠ ( بدلع قالت) مالك يا حبيبى شكلك مدايق
عمر ٠٠٠ أه مدايق و مخنوق كمان مش عايز حتى اتكلم مع حد تمام
هنا اقتربت ميار من عمر حتى التصقت به و هى بتفتح زراير قميصه وتقول بدلع هى بداعب صدره بيديها
ميار ٠٠٠ بقولك ايه تعالى معايا على أوضتى وانا هنسيك الدنيا و ما فيها .
عمر ٠٠٠ ميار .. ابعدى عنى انا مش فايقلك
دل.......
قبل أن يكمل عبارته سمع صوت خلفهم يقول
إيلا ٠٠٠ كده صح .. ده عمر القاضى
ماذا ستفعل إيلا بعد ما رأعمر و ميار بهذه الحاله
هل سيعلم عمر أن ميار وراء كشف علاقته آيلا لعزت
#روايه_الهروب_إلى_المجهول
#الفصل_الثانى٠والعشرون
ميار ٠٠٠ بقولك ايه تعالى معايا على أوضتى وانا هنسيك الدنيا و ما فيها
عمر ٠٠٠ ميار .. ميار ابعدى عنى .انا مش فايقلك دل..
قبل يكمل عبارته سمع صوت جاى من خلفه و يقول
إيلا ٠٠٠ كده صح .. هو ده عمر القاضى بيوسخته
أتصدم عمر عندما رأه إيلا تقف أمامه وهو فى هذه الوضع لذلك أبتعد عن ميار وقال
عمر ٠٠٠انتى فهمتى ايه ..إيلا اكيد سمعتنى وانا بقولها تب....
قطعت جملته و هى تصرخ بألم
إيلا ٠٠٠ أنا تسكت خالص مش عايزه اسمع صوتك..أنت أيه يأخى ماعندكش دم
ميار ٠٠٠ أنتى أزاى تتكلمى مع عمر بطريقه دى شكلك نسيتى نفسك
عمر ٠٠٠ ميار اسكتى. ولا كلمة تانى و اتفضلى روحى على أوضتك دلوقتى
ميار ٠٠٠ أنتى بتكلمنى انا كده عشان واحده من الشارع انت اشترتها بفلوسك .. عشان
قبل أن تكمل جملتها
اقتربت إيلا منها ثم صفعتها على وجهها بكل قوتها حتى سقطت على الأرض من قوة الصفعة ثم قالت
إيلا٠٠٠ صح هو دفع. بس عشان أرضآ و أوافق يتجوزنى .. لكن انتى اخرك معاه ساعتين على السرير زى اى واحده رخيصه جايبها من شارع
قالت إيلا جملتها ثم انصرفت و تركت ميار تصرخ من ضرب و إهانة إيلا لها
أما عمر ترك ميار مرميه على الأرض حتى لما ينظر لها. و ركض خلف إيلا وهو ينادى عليها لكنها تجاهلته
إلى أن وصلت للسيارة
هنا أوقفها عمر وهو يمسكها من معصمها .و يقول
عمر ٠٠٠ أستنى هنا فرجتى عليا الفندق كله وانا بجرى وراكى
إيلا ٠٠٠ ابعد عنى يا عمر
عمر ٠٠٠ خلينى بس افهمك
إيلا٠٠٠ ( بعصبيه قالت) مش عايزه أفهم . حاجة فاهم.مش عايزه أفهم حاجة . اه صح اتفضل ده عقد الشقة و العربية هديه منى لعزت بيه بالمناسبة جوزك الجديده
و ابقى قول لعزت بيه البنت إللى من الشارع من عايزه حاجة منه و لا من ابنك
عمر ٠٠٠ اعقلى بقى . كلام بابا مالهوش ايه معنى هو قال كده بس لانه ميعرفكش
إيلا ٠٠٠ بس انت تعرفنى... ليه مقولتش انى مراتك و انى مش عايشه معاك فى الحرام انك انتى إللى جريت ورايا عشان أوافق اتجوزك . وانى مش مجرد نزوة فى حياتك.
عمر ٠٠٠ أيلا بابا مريض قلب . و اكيد بابا مش هيستحمل يسمع خبر جوازنا بسهوله
إيلا ٠٠٠ آه لانه أبوك احسن من الف واحده زيه مش كده .. ايه مستغرب ليه مش ده كلامك
عمر ٠٠٠ آمال كنتى عايزانى اقول ايه انا شايف بابا قدامى تعبان
إيلا ٠٠٠ بص قول إللى عايزه تقولو و اعمل إللى انت عايزه .. أنت حر فى حياتك تخونى مع ميار تسمع كلام ابوك. تتجوز بشرة . انت حر .
وانا كمان حره
عمر ٠٠٠( بعصبية قال) تقصدى ايه بأنك حر
إيلا ٠٠٠ يعنى من حقى إطلاق و اعيش حيا.....
قبل أن تكمل عبارتها رفع عمر يديه و كاد يصفعها لكنه و قف فى أخر لحظه
هنا قالت إيلا بجمود
إيلا ٠٠٠ ايه عايز تضربنى. اتفضل يلا انا قدامك
قال بغضب عارم و بصوت حاد مرعب
عمر ٠٠٠ أسمعنى كويس اوى . حياتك دى ملكى انا لوحدى بس . عشان كده هتسمعى إللى هقولو و انتى ساكته .. دلوقتى انتى هتروحى على البيت و تبطلى الهبل إللى بتعمليه ده .و خلال الأسبوع ده هبعتلك عشان تيجى القاهرة انتى و الاولاد عشان هتعيشوا فى القاهرة
إيلا ٠٠٠ مش عايزنى أرقص فى فرحك كمان
عمر ٠٠٠ ( بصراخ قال ) إيلا انا لحد دلوقتى ماسك نفسى بالعافيه . فبلاش تخلينى أفقد أعصابى و أذيكى
كانت إيلا تعرف عمر و غضبه كما كانت تعلم جيدآ ان لا يوجد فايده من الجدال مع عمر الآن لذلك قالت شئ و هى تخطط لشئ آخر
عمر ٠٠٠ حاضر .. إللى انت عايزه انا عملو
هنا فتح لها باب السيارة وقال
عمر ٠٠٠ اتفضلى اركبى . تروحى البيت على طول
إيلا ٠٠٠ حاضر
هنا نظر لها عمر و أستغرب من هدوئها فجأة
لذلك اقتربه منها وقبلها ثم قال
عمر ٠٠٠ ياريت يا أيلا تفضلى عقله عشان متزعلش منك
قالت عينيها مليانه دموع
إيلا ٠٠٠ مع السلامة يا عمر
قالت جملتها ثم انطلقت بالسيارة
أما عمر شعر بالقلق من الطريقة إيلا فى الكلام
◇◇◇◇◇◇◇◇◇◇□□□□□□□
بعد مرور يومين
==========
ما حدث خلال يومين
كان عمر مشغول بترتيبات الزواج
لكنه لم ينسى الاتصال على إيلا من الحين لأخر لكنها لم ترد عليه لذلك طلب من مروان ان يذهب ليتفقدها كل يوم ليطمئن
أما إيلا ذهبت للمدرسة الأولاد و أخذت لهم أجازة طويله
عزمت أميرة و لبنى على الغدا عندها فى البيت
===============
أميرة ٠٠٠ ممكن أعرف ايه سبب العزومه دى
إيلا ٠٠٠ عشان اشكركم
لبنى ٠٠٠ أنتى خلاص ناويتى تروحى القاهرة مع عمر
إيلا ٠٠٠ و آنا بايدى حاجة هو يأمر و آنا عليا اسمع و الطاعة
أميرة ٠٠٠ مش عارفه ليه بس انا مش مصدقاكى
لبنى ٠٠٠ ولا انا كمان٠٠ بعدين انتى مش شايفه نفسك بطنك بدأت تظهر . و.......
قطعت عبارتها إيلا وقالت
إيلا ٠٠٠ متخافيش كل حاجة هتتحل
أميرة ٠٠٠ أزاى يعنى
إيلا ٠٠٠ بقولكم يا بنات أنا عايزه اشبع منكم كفايه بقى كلام على عمر و الحامل
هنا رن جرس الباب لذلك قالت لبنى
لبنى ٠٠٠ أنا هفتح
عندما فتحت الباب تطلع لها مروان هو يتأملها بشرود ذلك قالت
لبنى ٠٠٠ نعم حضرتك مين ... يا حضرت
استاذ ...هو حضرتك أخرس ولا حاجة
هنا انتبه لنفسه وقال
مروان ٠٠٠ هى إيلا موجوده
لبنى ٠٠٠ حمدالله على السلامه هو حضرتك كنت فين
مروان ٠٠٠ فى عيونك . حلوه أوى
لبنى ٠٠٠ نعم يا عم النحنوح
هنا جاءت إيلا لذلك ذهبت لبنى
قالت ايلا
إيلا ٠٠٠ ايه ده استاذ مروان اتفضل
مروان ٠٠٠ لأ متشكر .. عمر طلب منى أجى اطمن عليكى لأنك مش بتردى على تليفونك
إيلا ٠٠٠ اقول يطمن لسه عايشه
مروان ٠٠٠ ياريت تردى عليا . احنا مش ناقصين جنان عمر
إيلا ٠٠٠ ابقى اشوف
مروان ٠٠٠ ممكن طلب
إيلا ٠٠٠ خير
مروان ٠٠٠ مين البنت إللى فتحتلى الباب
إيلا ٠٠٠ دى لبنى صاحبتى . بنت محترمه
و دوغرى.. مالهاش فى العك بتاعكم
مروان ٠٠٠ ياااه فكرتك عنى وحشه اوى كده
إيلا ٠٠٠ لأنى عارفاكم
مروان ٠٠٠ بصراحة عندك حق
إيلا ٠٠٠ لو عايز تتعرف عليها انا ممكن اساعدك بس بشرط
مروان ٠٠٠ ( بأستغراب قال) شرط ايه ده
إيلا ٠٠٠ أنت بقالك يومين بتيجى تطمن عليا صح
مروان ٠٠٠ صح لو انى مش فاهم حاجة
قالت كاذبه هى تخطط لشئ ما
إيلا ٠٠٠ بص انت عارف ان هسافر القاهرة مع عمر و يمكن معرفش اشوف صحابى تانى
على شان كده كنت عايزه أروح أقضى كام يوم مع البنات
مروان ٠٠٠ بس بردوا مش فاهم انتى عايزه منى اعمل ايه بالظبط
إيلا ٠٠٠ ما تقولش لعمر انى هروح أقعد مع البنات .. يعنى بلاش تيجى بكرة تتطمن عليا
بس تقول لعمر انك جيت و لاقتنى كويسه
مروان ٠٠٠ طيب متقولى لعمر يمكن يوافق
إيلا ٠٠٠ أنت عارفه عمر مستحيل يوافق
مروان ٠٠٠ عارف . بس انا مقدرش اكدب على عمر
إيلا ٠٠٠ خلاص براحتك . بس انسى انى اساعدك تتعرف على لبنى
مروان ٠٠٠ طيب خلاص بس يومين بس
و اليوم التالت هاجى أسأل عليكى عادى
إيلا ٠٠٠ تمام انا هفضل عندهم يومين بس
مروان ٠٠٠ طيب و لبنى
إيلا ٠٠٠ أنا هتكلم معاها و استنا منى تليفون
مروان ٠٠٠ طيب ممكن رقم تليفونها
إيلا ٠٠٠ تمام
اخذ مروان رقم هاتف لبنى و انصرف
أميرة ٠٠٠ إيلا انتى كل ده كنتى بتتكلمى مع مروان
إيلا ٠٠٠ كنت بطلب منه خدمه
لبنى ٠٠٠ بس ده شكله عبيط أوى
إيلا ٠٠٠ على فكرة اخد منى رقم تليفونك
لبنى ٠٠٠ نعم انتى بتهزرى صح
إيلا ٠٠٠ لأ أنا أديته رقمك بجد
لبنى ٠٠٠ طيب ليه عملتى كده
إيلا٠٠٠ طلبت منه خدمه مقابل رقم تليفونك
لبنى ٠٠٠انتى ازاى تعملى كده . بعدين خدمة ايه دى
إيلا ٠٠٠ هتعرفى بعدين . دلوقتى أول ما يتصل عليكى بهدليه وهو مش هيتصل عليكى تانى
لبنى ٠٠٠ أنا مش فاهمه حاجة
أميرة ٠٠٠ و آنا زيك بردوا .. فى ايه يا إيلا انتى مش شايفه نفسك غريبه النهاردة
إيلا ٠٠٠ معلش استحملونى النهاردة و بكرة هتعرفوا كل حاجة
لبنى ٠٠٠ أنا مش مطمنه ليكى
إيلا ٠٠٠ انسى . و دلوقتى مين بيحب ياكل كيك
بعد ساعتين انصرفوا البنات... دخلت إيلا غرفتها ثم جمعت جميع أغراضها
ثم ذهبت لغرفة الأولاد و جمعت ايضآ أغراضهم كلها
جمعت جميع الأغراض داخل الحقائب
ثم وقفت فى الصالة وهى تتذكر جميع ذكرياتها مع عمر بحلوها و مرها
هنا سمعت صوت كريم
كريم ٠٠٠ ماما هو احنا رايحين فين
كارما ٠٠٠ عند عمر مش كده
إيلا ٠٠٠ لأ أحنا مش هنشوف عمر تانى
كريم ٠٠٠ ليه يا ماما .هو عمر كمان راح عند ربنا زى بابا
إيلا ٠٠٠ لأ يا كريم أوعى تقول كده . احنا بس هنسافر بعيد عن المكان إللى عايش فى عمر
كارما ٠٠٠ بس انا بحب بيتنا مش عايزه امشى منه
هنا ركعت إيلا على ركبتيها لتكون فى مستوى الطفلين ثم قالت
إيلا ٠٠٠ أسمعونى البيت ده خلاص مبقاش بيتنا . و عمر خلاص سافر بعيد مش هنشوفوا تانى . احنا كمان هنسافر بعيد
كريم ٠٠٠ طيب هنروح فين
سكتت إيلا لانها لا تعلم إلى تذهب لذلك قالت
إيلا ٠٠٠ هشوف نصيبى هياخدنى لفين
من ٣ سنين نصيبى جابنى هنا على الغردقة
و إلله اعلم النهاردة هيودينى على فين
هنا قررت انها سوف تركب أول حافلة سوف تغادر الموقف الحافلات. نفس ما حدث المره السابقه
ثم أخذت الطفلين و الحقائب و غادرت المنزل
◇◇◇◇◇◇◇◇◇◇□□□□□□□
أوقفت إيلا تاكسى و طلبت منه توصيلها
للموقف الحافلات
و أول ما وصلت للموقف تذكر حالتها أول يوم وصلت فيه إلى الغردقة لذلك شعرت بألم
يبدو التاريخ يعيد نفسه انها هاربه إلى المجهول للمرة الثانية.. لا تعلم لأين . لكن كل ما يهمها ان تبتعد عن هذه المكان الذى لم يجلب لها إلا الوجع و الأهانة. و الخذلان
لذلك سألت عن أول حافلة
إيلا ٠٠٠ لو سمحت ممكن أعرف أول أتوبيس طالع على فين
الرجل ٠٠٠ طالع اسكندرية
أستقلت إيلا الحافلة و أغلقت هاتفها
ثم جلست على إحدى المقاعد و سندت رأسها على زجاج شرفة الحافلة. ثم تذكرت عندما كانت تأتى الاسكندرية مع امها
هنا تذكرت إيلا أمها و انها تركتها هى و إلين
بعد ٨ ساعات
وصلت إيلا الاسكندرية ثم ذهبت لأقرب فندق سعره رخيص و حجزت غرفة
◇◇◇◇◇◇◇◇◇◇□□□□□□□
بعد يومين
فى الاسكندريه
الفندق
=======
كانت إيلا تشعر بتعب منذ وصولها الاسكندريه
ذلكفتحت الهاتف و اتصلت على الطبيبه الخاصه بها
( بداية المكالمة )
إيلا ٠٠٠ الو يا دكتوره انا إيلا
الطبيبة ٠٠٠ اهلآ مدام إيلا
إيلا ٠٠٠ دكتوره انا عندى مغص قوى فى بطنى من تحت بقاله يومين
الطبيبة ٠٠٠ أنتى عملتى ايه مجهود او اتعرضتى لضغط عصبى
إيلا ٠٠٠ أنا سافرت مسافة طويله بالاتوبيس
الطبيبة ٠٠٠ إللى انتى عملتيه ده غلط ماكنش ينفع تسافرى غير ما تسألني الأول
إيلا ٠٠٠ هو كده فى خطوره على الجنين
سألتها الطبيبة على بعض الأشياء ثم قالت
الطبيبة ٠٠٠ ان شاء الله مافيش خطورة
بس لو التزامتى باللى انا هقولهولك..أول جاجة هبعتلك على الواتس اسم حقنة مثبته للحمل تخديها حالآ و برشام كمان بس لازم تنامى على دهرك لمدة أسبوعين على الاقل
لو حسيتى ان المغص زاد عندك لازم تروحى لدكتور نسا فورآ لان ده يعتبر طلق مبكر
إيلا ٠٠٠ ( قالت بألم )حاضر . يا دكتورة .
الطبيبة ٠٠٠ ياريت تبعدى عن اي توتر او ارهاق لان ده هيضر بالجنين .. يلا مع السلامه
إيلا ٠٠٠ مع السلامة
( إنتهت المكالمة )
شعرت إيلا بضيق من كلام الطبيبة و هى تفكر هل يمكن أن تفقد طفلها . ان نقذت كلام الطبيبة و نامت على ظهرها لمدة أسبوعين من الذى سيعتنى بالطفلين
هنا فكرت إيلا لأول مره ان أصابها مكروه ماذا سيحدث للطفلين بدونها .
هنا رن هاتفها كان الاتصال من عمر لكنها لم ترد لذلك اتصل بها أكثر من مره .... كما كان يوجد لديها ايضآ ٢٢ مكالمة فائته
هنا وصلت الرسالة من الطبيبة فيها أسم الحقنة . ثم بعد ذلك أغلقت إيلا الهاتف مره أخرى ..ثم قالت
إيلا ٠٠٠ كريم . كارما يلا هننزل .. نروح الصيدلية
كريم ٠٠٠ ماما انتى تعبانه قوليلى عايزه ايه من الصيدلية و آنا اروح أجيبهولك
إيلا ٠٠٠ طيب هو انت تعرف فين الصيدلية
كريم ٠٠٠ و ايه يعنى هسأل
إيلا ٠٠٠ متحرمش منك أبدآ يا حبيبى .. انا هنزل معاك عشان اخد الحقنة فى الصيدلية كمان
◇◇◇◇◇◇◇◇◇◇◇◇□□□□□□□□
ذهبت أيلا إلى موظف الإستقبال ثم سألته عن أقرب صيدلية
ثم ذهبت إلى الصيدلية و أخذت الحقنة
و هى رجعها للفندق مره أخرى.. كانت شارده وهى تفكر بالطفلين كيف ستعتنى بهم خلال هذه الفترة . التى يجب أن لا تتحرك حتى لا نفقد طفلها كان الأمر صعب عليها لانها لوحدها ليس معاها أحد..
هنا سمعت سائق الحافله ينادى و يقول
السائق ٠٠٠ حى العامرية.. حى العامرية
هنا وقفت إيلا عندما سمعت أسم الحى لانها نفس الحى الذى كان تسكن في أمها . كأنها اشارة من الله لها
دون أن تشعر او تفكر أستقلت الباص هى لا تعلم لماذا صعدت
و عندما و صل الباص لحى العامرية
نزلت إيلا. من الباص. هى كل ما تتذكروا ان أهل أمها كانوا يسكنون فى هذا الحى
انها كانت تأتى مع أمها لهنا فى الاجازات لزيارت جدتها و جدها..و أخر مره كانت هنا عندما كان عمرها ١٤ عام
كارما ٠٠٠ ماما احنا فين
إيلا ٠٠٠ رايحين نشوف تيته
كريم ٠٠٠ تيته مين
إيلا ٠٠٠ تيته أم مامتكم . اقصدى أمى
كارما ٠٠٠ ايه ده يا ماما هو انتى عندك إم
إيلا ٠٠٠ المفروض يكون عندى
هنا سألت إيلا أحد الرجال
إيلا ٠٠٠ لو سمعت متعرفش فين بيت الحاج إبراهيم عبد الواحد
الرجال ٠٠٠ لاء واللهى معرفش
ظلت إيلا تسأل لأكثر من ساعة لذلك شعرت بتعب ..
واقفت آمال محل لتشرب شئ
إيلا ٠٠٠ لو سمحت عايزه ٣ عصير
الرجل ٠٠٠ اتفضلى العصير
إيلا ٠٠٠ متشكرة
لأن إيلا كان واضح عليها التعب . قال الرجل بعد ما أعطاها كرسى
الرجل ٠٠٠ تعالى أقعدى يا بنتى شكلك تعبانه
إيلا ٠٠٠ متشكره يا حاج . انا فعلا تعبانه
الرجل ٠٠٠ أنتى مش من العامرية صح انا أول مره أشوفك هنا
إيلا ٠٠٠ و حضرتك عارف كل إللى السكان الحى هنا
الرجل ٠٠٠ يعنى معظم الناس إللى هنا لانى بقالى ٤٠ سنه عايش فى حى العامرية
إيلا ٠٠٠ طيب متعرفش فين بيت الحاج إبراهيم عبد الواحد
الرجل ٠٠٠ أه طبعآ اعرفوا ده حبيبى
إيلا ٠٠٠ بجد طيب بالله عليكى تقولى بيته فين
الرجل ٠٠٠ أشربى العصير وانا هروح أوديكى بنفسى لبيته .. قوليلى انتى تعرفى الحاج إبراهيم من فين
إيلا ٠٠٠ أنا بنت بنته
الرجل ٠٠٠ أنتى بنت نفين
إيلا ٠٠٠ حضرتك تعرفها
الرجل ٠٠٠ آه أعرفها طبعآ .. تعالى أوديكى البيت مش بعيد
أخده الرجل إيلا للبيت أشار لها على منزل مكون من أربع طوابق وقال
الرجل ٠٠٠ هو ده بيت الحاج إبراهيم هو قاعد فى الدور التانى
◇◇◇◇◇◇◇◇◇□□□□□□□□
شقة الحاج إبراهيم
شكرت إيلا الرجل ثم صعدت لدور الثانى
و واقفت أمام باب الشقة
. هى كل ما يشغل تفكيرها لماذا تركتها أمها
و تخلت عنها هى و شقيقتها منذه ٧ سنوات
لماذا لم تسأل عنهم حتى لو لمره واحده
هل تعلم أمها بموت إلين . هل ستتعرف أمها عليها عندما تراها
هنا طرقت إيلا الباب . و جاء صوت من داخل الشقه يقول
الجده٠٠٠ نفين شوفى مين على الباب
نفين ٠٠٠ حاضر يا ماما
شعرت إيلا بأن قلبها كاد ان يتوقف عندما سمعت صوت أمها لذلك دمعت عينيها غصب عنها
و عندما فتحت نفين الباب و رأت الواقفه امامها بعيون دامعة
يتبع
ما سيكون رد فعل نفين عندما ترى أبنتها
لماذا تركت نفين بناتها
هل نفين تعلم بموت إلين
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق