رواية أحببت مجرمة الفصل الرابع عشر والخامس عشر بقلم جهاد محمد حصريه وجديده على مدونة النجم المتوهج للروايات والمعلومات
 |
تبَكين على عِتابًا قد مضى ؟
ولو كان يُحبكِ قـد بقى !
آفيقي قليلًا أيتُها الجَميلة .
هل سَمعتي "بميتِ"
بعد الرحيل قد اتى ؟🥀
اياد روح البيت مامته كانت بتنادي عليه بس هو مردش دخل الأوضة وقفل على نفسه طلع صورة من الدرج كانت الصورة عبارة عن رزان وهي حاضنة حمزة من وراء ومطلعه لسانها وإياد وباباها ومامتها في نفس الصورة اياد بص عليها
= اتغيرتِ أوي يا روحي كده تبعدي عني طول السنين دي طيب انا ذنبي ايه تبعدي عني مكنتش اعرف انك ظابط كنت فاكر ان مهران لعب في دماغك
اياد تليفونه رن وكان المتصل وعد
_ السلام عليكم ورحمة الله وبركاته
= وعليكم السلام ورحمة الله وبركاته
_ اياد هو ايه اللي حصل
= حصل ايه في ايه ؟؟
_ مؤمن جاي مضايق جدا وبقاله سنة مش على بعضه من آخر مهمة
= معرفش
_ هو أنت كويس
= لا
_ هو في ايه أنتوا عايزين تجنونني حصل ايه لده كله
= أنا عايز أشوفك
_ طيب نتقابل في المطعم
= ماشي
______________________________________
اياد ووعد وصلوا للمطعم
وعد:- في ايه يا اياد حصل ايه
اياد:- شفتها ومقدرتش اخدها في حضني اتغيرت أوي بقيت باردة وجامدة
وعد وشها بقى أحمر:- هي مين
اياد:- رزان
وعد خدت نفسها براحه:- رزان أختك شفتها فين؟؟
= هي القائدة في المهمة الجديدة
وعد وإياد فضلوا يتكلموا شوية اياد حس براحه كبيرة أول مرة يحس بيها مع حد
وعد رجعت البيت ودخلت على أوضة أخوها مؤمن
وعد:- حبيتها؟
مؤمن:- هي مين
وعد:- اللي بتفكر فيها
مؤمن:- بس انا مش بفكر في حد
وعد:- أبيه أنت عارف إني بحبك وبأعتبرك أبويا لأنك أنت اللي مربيني، اعترفلها بحبك
مؤمن:-اعترف لمين بس يا وعد أنت بتقولي ايه
وعد:- بلاش تخسرها لو قعدت كده هتخسرها
وعد خرجت وهي عارفه انه كلامها هيأثر عليه ولو شوية
وعند ملك وسيف ملك نزلت وكانت هتركب العربية لكن لقيت اللي بيشدها ويدخلها عربيته
ملك:- سيبني أنت مين سيبني
سيف:- اسكتي خالص
ملك:- سيف!!
سيف طلع بالعربية
ملك:- أنت اخدني على فين
سيف مردش
ملك استغفر الله العظيم يا رب صبرني
سيف اخدها على مكان شبه صحراء
سيف:- انزلي
ملك:- مش نازلة
سيف نزل فتح الباب وشدها
سيف:- ليه عملتي كده
ملك:- سيف اسمعني
سيف:- أنت طلعتي كدابة زيك زي اي واحده
ملك:- ممكن تسمعني
سيف:- اسمع ايه ها عايزاني اسمع ايه
ملك:- عايزاك تسمع ان زي ما أنت كنت في مهمة أنا كمان كنت في مهمة والمهمة دي اني اقبض على أبويا تخيل سيف انا خسرت كتير اوي أبويا اللي يعتبر كان سبب في قتل أخوه وابنه وأخويا اللي كان دايما يتعمد انه يأذيني وكملت وهي دموعها بتنزل على خدها أنت كمان كذبت لما خبيت عليا انك ظابط شرطة استنيت انك تقول الحقيقة بس أنا مقولتش ليه بتعاقبونا على حاجه أنتوا عملتوها قبلنا
سيف بحزن للي وصلت له:-أنا آسف مكنش قصدي اجرحك
ملك:- لا عادي أنت مش اول حد يعمل كده
سيف:- خلاص متزعليش
سيف اخدها وراحوا قعدوا في مطعم شوية وروحها بعربيته لبيت هي ورزان قاعدين فيه
سيف:- خلي بالك من نفسك
ملك:- حاضر وأنت كمان خلي بالك من نفس
تاني يوم اتجمعوا في المقر
رزان وهي بتوريهم شوية صور ده معتز الصاوي رجل أعمال عنده شركات كبيرة بس اللي محدش يعرفه ان شركاته دي تمويه للأعمال الغير مشروعة جوان ماسبيرو بيدخل الشحن عن طريق شركته
وده محمود الدالي عميد كلية الحقوق بيدخل رجالة جوان يوزعوا المخدرات على شباب الجامعة
أما ده دكتور منصور عار على مهنة الطب الناس بتروح له وهما واثقين فيه وهو يسرق أعضائهم
ودي دعاء الحُسيني دكتورة نفسية للاسف الشديد الاتنين دول عار مهنة الطب بريئة منهم
دعاء بتحرد على الانتحار وخاصة الرجال
معتز الصاوي هيتولوا مهمته ⬅ ملك وسيف
محمود الدالي مهمته على ⬅ انا وإياد ومؤمن
دكتور منصور مهمته على ⬅ عاصم وميار
دكتورة دعاء الحُسيني ⬅ فهد وريماس
كل فريق قداموا ملف في كل المعلومات الخاصة بالقضية اللي هيمسكها
دلوقتي هتطلع صالة التمارين نتمرن شوية
طلعوا
رزان:- دلوقتي هاختبر قدرتكم في التصويب
كان في الواح دائرية كل لوحه في نقطة صغيرة المفروض ان الطلقة تيجي في النقطة دي
مؤمن:- لازم نشوف القائدة بتاعتنا يا ترى بتعرف تصوّب ولا لا
رزان بصت له ببرود وفجأة طلعت مسدسين من هدومها وفتحت يدها وهي لسه بتبص عليه وضربت ووجهت يدها وراء أكتافه وضربت بعدها بصت كانت الرصاصة في النقطة بالظبط
اندهش الجميع من مهارتها في التصويب وانها مبصتش على اللوحة اصلا(دي النمر مش أي حد)
رزان بصت لمؤمن وقالت:- اعتقدت الإجابة وصلت يا سيادة المقدم مش كده
(اياد كان مندهش من القوة اللي أخته بقيت فيها وكان فخور بيها)
بدأوا يصوّبوا
عند ملك صابتها بمهارة وسيف كذلك
عاصم وفهد صابوها بالظبط ولكن ميار و ريماس هما اللي معرفوش
ميار بعد ما حاولت وفشلت:- يوه بقى انا قلت لكم مليش في الحاجات دي انا ليا في التقطيع والسكاكين بس مليش في المسدس
عاصم جه من وراها وعلمها ازاي تصوب
ريماس في المرة الأولى مقدرتش تصيب الهدف ولكن في المرة التانية قدرت
رزان:- يلا ،فضلوا يتمرنوا شوية
رزان:- بكرة نتقابل هنا وبعدين كل واحد يتوجه لمهمته
______________________________________
تاني يوم وصلوا للمقر ولقيوا رزان مستنياهم
رزان:- دلوقتي هنطلع انا ومؤمن وإياد على الكلية طبعا ريماس خبيرة في الميك اب هتتغير شكلنا شوية
رزان:- ريماس عملتي اللي قلت عليه
ريماس:- تم يا فندم
رزان:- حلو أوي
وجهت كلامها لمؤمن و اياد
اياد:- هتدخل على اساس انك دكتور جديد للمادة هتتعرف عادي جدا على الطلاب
انا هأكون على اساس طالبة جديدة منقولة من كلية تانية ومؤمن هيكون مساعد العميد في الحقيقة أنت هتكون بتراقبه وانا وإياد بنراقب الطلاب
عاصم وميار هيروحوا للدكتور منصور على أساس انهم طلاب ويتدربوا ولكن هتفتحوا عينكم كويس اوي على اللي بيحصل
ملك وسيف هيروحوا لمعتز على اساس انهم أصحاب شركات كبيرة وعايزين تعملوا مع صفقة هو لما هيلاقيكم اجانب اه أنتوا هتتعاملوا على اساس إنكم اجانب سيف هيكون اسمه جاك وملك هيكون اسمها كريستين اول حاجه هيعملها انه هيعرض عليكم صفقة مخدرات وطبعا أنتوا هترفضوا في المرة الأولى
ملك بهزار كالعادة:- نعمل كأننا من أشراف مصر مش كده😂😂
ولكن نظرة واحده من رزان سكتتها
فهد وريماس هيروحوا للدكتورة دعاء على أساس انهم متزوجين وفي مشاكل بينهم وعايزين تحلوها طبعا هي هتكبر المشاكل وهتحردكم على الانتحار أنتوا بقى لازم تعرفوا هي ليه بتعمل كده
ريماس:- واحنا ايه اللي هيعرفنا
رزان:- هو أنا هعلملك ازاي تشتغلي ولا ايه
ريماس:- خلاص اي ده فريزر أعوذ بالله منك
رزان وهي تتجاهل كلامها دي سماعات متصلة اي حاجه تحصل لما هتقولوها هسمعها طبعا لو اي حد عارف اي حاجه عن اللي بيقولها زميله تمام
كلهم في صوت واحد تمام يا فندم
كل واحد فيهم انطلق للمهمته
مؤمن وإياد ورزان وصلوا الكلية
رزان:- إياد عندك محاضرة كمان ١٠ دقايق هتدخل قبلك وتدخل ورايا وأنت يا مؤمن تقدر تروح للعميد كل حاجه جاهزة من بدري
رزان دخلت وكان من نصيبها انها تقعد جنب وعد
وعد:- هو أنت جديدة
رزان:- اه
وعد:- أنا وعد الصياد وأنتِ
رزان بابتسامة بعد ما عرفت انها اخت مؤمن:- وأنا رزان
وعد:- أهلا بيكِ
اياد دخل في الوقت ده
وعد وهي مصدومة:- اياد!!
رزان:- هو أنتِ تعرفيه
وعد كانت لسه هترد عليها ولكن انتبهت لكلام اياد اللي بيقول:- اهلا وسهلا بكم انا دكتور اياد الحديدي هدرسلكم المادة دي بإذن الله تعالى لأن الدكتور بتاعكم تعب شوية كل واحد يقوم ويقول اسمه
البنات كانوا مبهورين بجماله
واحده من اللي قاعدين:- اي الجمال ده من امتى واحنا بيجينا دكاترة بالجمال ده
وعد كانت مخنوقة منهم :- اي البنات دي
رزان لاحظت غيرتها بس معلقتش جه دور رزان
وقفت وقالت:- رزان كمال ووقفت هي نسيت تماما الاسماء وقعدت مرة تانية من غير ما تكمل والا هياخدوا بالهم من تشابه الأسماء بينها وبين اياد
وعد:- وعد محمود الصياد
اياد فضل مركز عليها جامد والكل لاحظ ده ختى قعدت بكسوف واتحرجت جدا
رزان في السماعة:- كفاية البنت هتجرالها حاجه
اياد:- احم احم اتفضلوا كملوا
رزان في نفسها:- وقعت يا اياد ومحدش سمّى عليك
وبعد ما الكل خلص بدأ يشرح (هو اخد كورسات كتير في الحاجات دي وكان شرحه ممتاز)
وعند عاصم وميار دخلوا للدكتور منصور وتكلموا معاه وهو وافق انه يتدربوا عنده
منصور خلاهم يشتغلوا كتير مع انهم المفروض تدريب ميار كانت داخله تكلمه ولكن سمعته وهو بيكلم واحد وبيقول
الشخص:- عايزة كمية مخدرات الطلاب في الكلية طالبوني وانا الكمية اللي معايا خلصت
منصور:- أنت مجنون ايه اللي جابك هنا
الشخص:- أنا مبحبش اعيد كلامي معاك ولا لا
منصور:- خد امسك ومتجيش هنا تاني كلمني وانا ابقى انزلك
الشخص:- ماشي ان شاء الله
رزان كانت خارجه من المحاضرة بعد ما خلصت
وعد:- رزان رزان
رزان:- نعم
وعد:- ممكن نمشي مع بعض
رزان:- تمام معنديش مشكلة
رزان سمعت صوت ميار في السماعة
ميار:- رزان في شخص هيجي الكلية لابس جاكيت اخسر وبنطلون جينز شعره اصفر معاه مخدرات هيوزعها خدي بالك
رزان:- تمام
وعد:- هو أنت بتكلمني
رزان:- لا اه اه كنت بقولك يلا بينا
رزان انتبهت للشخص وهو داخل
رزان لوعد:-دقيقة واحده وجاية
وعد:- تمام
رزان لحقت بيه لقيته رفع تليفونه واتصل على حد
الشخص وصل لمكان مفهوش حد وقابل شخصين
الشخص:- فين الفلوس
الولدين بصوا لبعض وطلعوا الفلوس
الشخص:- اي ده اللي حاجه غليت
الولدين:- طيب خد دول وهنجيبلك تاني بعدين
الشخص:- أنا هسيبك المرة دي بس ماشي
الولدين:- ماشي ماشي
كل ده ورزان كانت بتصور من ورا شجرة ولكن داست على ورق الشجرة وطلع صوت
كلهم بصوا للمكان ولكن هي كانت استخبت وكتمت نفسها
مؤمن في السماعة:- هو أنت رحتي ليه
رزان مردتش
مؤمن:-رزان أنت كويسة
مؤمن قلق أوي لما مسمعش صوتها
ميار:- معقول يكون اتكشفت ،اياد فين
اياد:- في ايه؟؟
ميار:- رزان لحقيت بشب بيوزع مخدرات في الكلية
اياد:- ايه لوحدها
ميار:- ومن بدري بنكلمها ومش بترد
رزان بعد ما الولاد مشيوا
رزان:- اهدوا انا كويسة
الخامس عشر
أحببت مجرمة
بقلم/جهاد محمد
"في النهاية أدركت أن نبضات قلبي كانت كأجراس الكنيسة وقلبك مسلم لا يلتفت"
"معظم الناس يموتون في عمر صغير،ولا يدفنون إلا في عمر كبير"
رزان:- أنا كويسة
مؤمن بغضب:- أنتِ غبية ازاي تروحي هناك لوحدك
رزان وهي تتوقف عن المشي:- نعم أنا غبية؟؟
مؤمن وهو يكمل:- اه غبية ازاي تروحي وراهم من غير ما تاخدي حد معكِ
رزان وهي تتحدث معه بغضب مثل الأطفال:- ملكش دخل بعدين انا ظابط مش بيبي يعنى اعرف ادافع عن نفسي كويس لو حصلت لي حاجه
كان مؤمن سيكمل كلامه ولكن أوقفه صوت ريماس المنزعج منهم فإنهم يتشجارون مثل الأطفال
ميار:- (اسكتوا أنتوا الاتنين) وأكملت وهي توجّه حديثها إلى رزان:- رزان أنتِ كويسة
رزان:- اه انا كويسة
(عادوا إلى ما كانوا يفعلوا من قبل)
رزان:- اسفه اتأخرت عليكِ
وعد:- أنتِ رحتي فين
رزان:- متشغليش بالك
______________________________________
عند ملك وسيف ذهبوا إلى معتز الصاوي
بدأت ملك بالتقديم عن نفسها فقالت:-"مرحبا سيد معتز أنا كريستين."
معتز الصاوي:-"مرحبا سيدة كريستين."
ملك:-"قبل أن نتحدث أودّ أن أعرفّك بمدير أعمالي،وجهّت نظرها إلى سيف وأكملت:-"السيد جاك."
معتز الصاوي:-"مرحبا بكم في شركتي."
ملك:-"لقد أتينا من أمريكا من أجل أن نعقد معك صفقة مربحة جدا
معتز الصاوي:- هذا شرف لي ولكن لماذا أنا تحديدًا
سيف هنا كمل سيد معتز لقد سمعنا عنك كلامًا رائعًا وعن تقدم وتفوق شركاتك ونتمنى أن توافق على هذا العرض
معتز فرح في نفسه جدا بشركاته
معتز:- حسنا ولكن ما هذه الصفقة
سيف:- انها صفقة أدوية ستدخل عبر المينا
فضلوا يتكلموا شوية
معتز:- رائع سنتفق على كل شيء في الاجتماع الذي سيقام الاسبوع القادم
سيف:- تشرفنا بمعرفتك سيد معتز
معتز:- وانا كذلك سيد جاك.
______________________________________
وعند فهد وريماس راحوا للدكتورة دعاء
ريماس:- اهي اهي 😢😢أنا مش قادره اتقبل فكرة ان هو خاين😭😭
فهد:- أنا مخنتهاش
الدكتورة:- ممكن حضرتك تخرج شوية
فهد:- تمام
الدكتورة:- ها اتكلمي
ريماس:-الواطي الخاين خاني 😭😭
الدكتورة:- طيب وأنت عرفتي ازاي
ريماس شفته وهو بيخوني😭😭
الدكتورة كلهم خاينين
ريماس وهس شايفه صورة ست وراها
هو هو انا ممكن اسأل حضرتك سؤال
الدكتورة اتفضلي
هي دي مامت حضرتك
_ اه
=ما شاء الله شبها أوي
_ هي كمان بابا خانها بس....
= بس ايه ...
_ بس هي قوية وقتلت نفسها
=قتلت نفسها؟؟
_اه الدنيا دي وحشة عشان كده
= تفتكري ان لازم اكون قوية زيها
_ اه
ريماس عملت نفسها سرحانه وبتفكر في كلامها وخرجت
فهد اخدها على جنب
فهد:- حصل ايه
ريماس:- ادخل وأنت هتعرف بنفسك
___________________________________
فهد دخل
فهد:-هي كدابة انا مخنتهاش
الدكتورة:- لا أنت خنتها
فهد:- بصراحه ايوة بس أنا بحبها اوي
الدكتورة:- مادام بتحبها أوي لازم تكفر عن ذنبك وانك جرحتها
فهد:- طب ازاي
الدكتورة لازم تموت عشان هي تكون مبسوطة
فهد:- ايه أموت؟؟
الدكتورة:- اه بس متقوش لمراتك عشان متحسش بالذنب
خرجوا من عندها وهما مصدومين من الدكتورة دي هي ازاي كده
_____________________________________
تاني يوم اتجمعوا كل واحد اتكلم وقال اللي حصل معاه
رزان:- حلو أوي خليكم مستمرين يا أبطال برافو
ميار:- رزان جوان هينزل مصر بعد يومين
رزان:- ينور😎
عدا يومين وجه ميعاد نزول جوان تعالوا اقولكم حصل ايه في الومين دول(رزان ووعد بقوا أصحاب جدا ورزان حست بشعور اياد ناحيتها ، عرفوا ميعاد التسليم وقدروا يمسكوا حاجات كتير يعني مؤمن قدر يمسك حاجات تدين محمود الدالي وميار وعاصم صوروا دكتور منصور وهو بيسرق أعضاء المرضى وفهد وريماس سجلوا للدكتورة وهي بتحرد أكتر من مريض على الانتحار)
رزان:- جوان هينزل النهاردة وبكرة هيكون التسليم في الميناء اجهزوا كل حاجه هتسير زب ما هي الدكتورة خلاص اقتنعت ان فهد و ريماس انتحروا وانا ومؤمن وإياد هنروح الكلية عادي جدا تمام
تمام يا فندم
دخلوا ولكن في حاجه غريبة جدا الكلية هادية غير العادة وفجأة لقيوا اللي بيمسكوهم و يربطوهم
منصور الدالي:- اهلا اهلا بحضرة الظباط، قد ايه أنتوا أغبية أوي
رزان:- لا لا يا منصور مش لازم عشان أنت غبي يبقى الكل زيك😎(رزان تقصف ولا تبالي 😂)
منصور:- هنشوف مين الغبي أنتوا كنتوا فاكرين انكوا هتقدروا تمسكوا جوان بس للاسف طلعتوا اغبية
مفكرتوش ليه احنا مشكناش فيكوا في الحقيقة احنا اوهمناكم إنكم قدرتوا تضحكوا علينا
منصور اتجه لرزان:- عرفت ان دي فكرتك بس طلعتِ زكية
اياد بغضب:- منصور ابعد عنها
(ملحوظة منصور كان مقعد الطلاب ورجالته محتجزينهم في الكلية)
منصور:- اي ده أنت طلعتي خربها مع الكل
اياد بغضب أكبر بعد ما فك الرباط نزل ضرب في منصور ولكن رجالته شالوه من عليه
منصور بغضب:- أنت ازاي تعمل فيا كده أنت عارف أنا مين انا هعرفك ازاي تطاول على اسيادك منصور جاب حديدة ونزل بيها على دماغ اياد ،اياد أغمى عليه
رزان بعد ما عينها اتحولت للون الأسود:- منصور ابعد عنه أقسم بالله ما هرحمك، اياااااد
رزان ف الوقت ده كانت قطعت الحبل بالسكينة نزلت ضرب في منصور محدش قدر يبعدها ولكن الكترة تغلب الشجاعة وخصوصا انها بنت في الأول والأخير ربطوها باحكام منصور فضل يضرب اياد برجله
رزان بصت لقيت في وشها وعد شاورت لها بعينها على المسدس اللي في هدومها
وعد فهمت وقامت تتخانق مع رزان عشان تاخد المسدس وعد مسكت فيها أنت ليه بتعملي كده يا واطيه
مؤمن كان مستغرب من كل ده ولكن فهم لما لقى أخته بتسحب المسدس وبتوجه على منصور
وعد:- محدش يتحرك انا بحذركم وعد فكت رزان وهي لسه موجه المسدس عليه رزان اخدت المسدس
رزان:- فكي أخوكِ بسرعة يلا مفيش وقت
منصور هرب وراح استخبى لما لقى عناصر الشرطة وصلت وبدأت الاشتباكات بين رجالته وعناصر الشرطة وإياد اتنقل للمستشفى
رزان وهي بتمسكه من قفاه تعالى خد رايح فين
رزان قعدت تضرب فيه
مؤمن شالها من عليه بالعافية
رزان:- ابعد عني ده كان هيقتلوا عايزين يحرموني منه هو كمان
مؤمن وهو بيطمنها :- اش اهدي مفيش حد هيقدر يحرمك منه
منصور:- جوان دلوقتي تلاقيه دخل الشحنه هههه
رزان نزلت للمستواه:- اللي متعرفوش أن باقي الفريق دلوقتي في الميناء وبيقبضوا عليه كان بودي اقولك انه هيلحقك بس لا أنتوا هتتقابلوا في جهنم بس
رزان خرجت ووصلت للميناء وكان اياد هناك هو أصر بعد ما فاق أن يجي لأنه عارف أخته كويس اوي
جوان:- اوه رزان عزيزتي أنتِ
رزان:- اصمت جوان فأنا لست بعزيزتك
جوان:- أوه يا صغيرتي ما زلتِ شرسة مثلما كنتِ منذ خمس سنوات هل تتذكري ما حدث
رزان اتحولت عينها للون الأسود:- وكيف لي أن أنسى ذلك اليوم، اليون الذي قتلت فيه أخي وأبي
جوان:- أخاك كان يريد أن يلعب معيّ وعندما علم أبوكِ بهذا أراد أن يخدم بلده وكانوا سوف يسلماني للشرطة من أجل هذا قتلتهم ومن سوء حظك أنك رأيتهم وهم يموتون أمام عينك
رزان رفعت مسدسها:- والان جوان حان دورك ضربت رصاصة قتلته بيها ولكن قبل ما يموت كان ضرب عليها رصاصة جت في كتفها رزان وقع من ايدها المسدس
وبعدها وقعت اياد كان جنبها و سندها
رزان قبل ما يغمي عليها :- هو أنا كده اخدت حقهم صح يا ايدو
اياد:- رزان فوقي فوقي يا حبيبتي
رزان اتنقلت للمستشفى
مؤمن ل اياد:- متخافش دي النمر هتكون كويسة
اياد:- هي تعبت اوي يا مؤمن
الدكتور خرج وقال:- هي دلوقتي الحمد لله احنا قدرنا نخرج الرصاصة بس عندها ضغوطات نفسية وانهيار عصبي
اياد:- طيب هتفوق امتى
الدكتور:- كمان ساعة بإذن الله حاولوا تريحوها وما تضغطوش عليها
اياد:- تمام
بعد ساعة رزان فاقت ودخل عليها اياد
اياد:- أنت كويسة يا أميرتي
رزان:- أنا كويسة يا حبيبي، أنت عامل ايه
اياد:- لو أنتِ بخير أنا بخير، أنا آسف آسف يا قلب أخوكِ عشان مكنتش جنبك
رزان كانت هترد ولكن سمعوا تخبيط على الباب
مؤمن:- حمدلله على السلامه يا نمر
رزان:- الله يسلمك يا ثعلب
مؤمن:- اياد بما ان المهمة خلصت انا طالب ايد أختك المجنونة رزان
رزان:- نعم مجنونة
مؤمن:- يعني أنت مختيش بالك غير من كلمة مجنونة
رزان نزلت رأسها بخجل
مؤمن:- اي ده أنتِ بتخجلي زي البنات عادي
رزان:- اه ابو تقل دمك😂😂
______________________________________
اياد كان داخل وساند رزان
رزان:- يا ابني في ايه ده أيدي بس
اياد:- يا ستي وأنت مالك أنا بحب أختي وبهتم بيها الله
حياة جريت على بنتها لما شافتها
حياة:- رزان بنتي أنتي كويسة
رزان ببرود:- اه
رزان وجهت كلامها لاياد:- أنا طالعه اوضتي ارتاح فيها شوية
نظرت حياة بحزن وهي تطلع على السلم
اياد راقب بحزن بينما مؤمن كان مستغرب اذا دي مامتها ليه عملت كده معاه لما كانت في الحارة وليه بتعاملها كده دلوقتي كان محتارة جدا
اياد وهو بيحاول يداري على الموضوع
ماما:- ده صاحبي مؤمن اللي قلت لك عليه
حياة:- اهلا يا ابني
مؤمن بابتسامة:- اهلا بحضرتك يا مدام حياة
حياة:- مدام ايه بس يا ابني أنت تقولي يا ماما
مؤمن:- ده شرف لي والله يا...
حياة:- يا ماما
مؤمن:- يا ماما
حياة حضنته بكل حب
مؤمن حس بحنان الأم اللي افتقده من زمان اوي
اياد:- طيب مؤمن تعالى عايزك
مؤمن:- ماشي
طلعوا الأوضة
اياد:- مؤمن هو أنت بتحب رزان
مؤمن:- أنا بعشقها
اياد بابتسامة:- طيب تعرف عنها حاجه
مؤمن:- يمكن معرفش حاجات كتير اه بس أنا بحبها هي مش بحب ماضيها ولا حياتها
اياد:- طيب انا مش هقولك حاجه لأني حابب أن هي اللي تحكي لك
مؤمن:- وأنا مش عايز اعرف حاجه يا صاحبي
اياد اكتفى بابتسامة
اياد:- طيب هتنورنا أنت وأهلك النهاردة بليل
مؤمن حضن اياد
_____________________________________
وعند ملك وسيف ،سيف كان كلم كارم أخوها عشان يتقدم واتفقوا انه يجي تاني يوم عشان مؤمن يكون معاه وهو يكون مع مؤمن النهاردة
مؤمن كلم باباه ومامته اللي مكنتش راضية ابدا عليها ولكن مؤمن قال لها
مؤمن:-ماما انا بحبها انا لما حبيت اللي أنتِ كنت عايزاه النتيجة كانت انها خاينة وكل همها الفلوس وبس افرحي لفرحي
مامته:- بس يا مؤمن
محمود:- خلاص يا صفاء سيبي ابنك يفرح شوية
صفاء سكتت ولكن الكلام مكنش عاجبها
بليل كانت ملك بتساعد رزان انها تلبس عشان دراعها المصاب
رزان:- اي ده انا أول مرة البس فستان مش هيطلع حلو
ملك:- أنتِ جربيه بس وملكيش دعوة و الله أنت قمر في كل حاجه
رزان:- قلبي انا

الفستان كان طويل ومحتشم يعني ينفع للمحجبات وده اللي خلاها جميلة جدا
رزان خرجت ومؤمن كان معلق نظره عليها من شدة جمالها
باباه واللي كان قاعد جنبه:- كفاية الناس هياخدوا بالهم
مؤمن مسمعهوش اصلا(يعيني الواد اتهبل😂)
ابوه خبطه في كتفه
مؤمن:- اعمل ايه طيب البنت قمر🤩
سيف كمان كان معلق نظره على ملك اللي كانت لابسه فستان سيمبل وبسيط
محمود:-طبعا يا اياد يا ابني أنت عارف اننا جاين نطلب ايد أختك الكريمة لابني مؤمن
اياد:- احنا يشرفنا والله يا محمود بيه انكوا تناسبونا
مامت مؤمن:- طبعا لازم تتشرفوا
الكل لاحظ تكبره وغرورها ولكن محدش علق
اياد كان بيخطف نظرات لوعد اللي كانت لابس فستان جميل جدا
مؤمن ورزان طلعوا قعدوا في الجنينة و.......
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق