رواية أحببت مجرمة الفصل السادس عشر والسابع عشر والثامن عشر والتاسع عشر بقلمي جهاد محمد حصريه وجديده على مدونة النجم المتوهج للروايات والمعلومات
 |
"يا من يظن إنني بدونه حُطام رفقًا بذاتك ياعدم"
رزان ومؤمن قعدوا على تربيزة في الجنينة
مؤمن:- أول مرة اشوفك لابسة فستان
رزان:- امم عارفه انه وحش
مؤمن:- لا مين قال كده جميل جدا
رزان اتكسفت:- بصراحه انا كمان اول مرة البس فستان
رزان:- أنا عايزة اعمل حاجه مهمة
مؤمن استغرب:- مش فاهم عايزة تعملي ايه
رزان قلعت الهيلز اللي لابساه وقامت قعدت على الأرض وبصت له هو كمان قام قعد جنبها فضلوا باصين للنجوم والقمر
مؤمن:- أنا عايز اقولك حاجه ، في يوم كنت في شركة بابا وفي بنت خبطت فيا واعتذرت ومشيت اقبل ما أرد عليها شفتها و عجبتني جدا وبعدين شفتها وهي بتساعد راجل كبير كان مودي الشاي لبابا والكوباية وقعت منه شوفتها وهي بتعامله بهدوء بالرغم من انه خبط فيها رحت اخطبها طلع باباها صاحب بابا بعد ما خطبتها اكتشفت ان كل ده كان لعبة من مامتها و أمي عشان يزوجنا وعرفت انها بتحب واحد تاني بس هو مش غني وأهلها رفضوه وأنهم كانوا عايزين يزوجنا عشان الفلوس وانا من وقتها وانا بكره كل البنات بس لما شوفتك نظرتي اتغيرت تماما
رزان:- طيب هو أنت ليه بتقولي الكلام ده
مؤمن:- معرفش حبيت اني اشاركك في حياتي
رزان:- ليه جيت اتقدمت لي بالرغم انك متعرفش عني حاجات كتير
مؤمن:- والحاجات دي هيفيد بايه انا بحبك أنت وهنعمل حياة جديدة مع بعض ملوش لازمة اني اعرف حاجه قديمة عنك
رزان:- بس انا عايزة احكي
مؤمن:- وانا سامعك
رزان بدأت تحكي:- كنت بنت مرحه بتحب الحياة عايشة حياتها بالطول والعرض كنت بحب بابا جدا وصدق إبراهيم حمدان لما قال عن الأب
أبي لا شعر يشرح من تكون
فيكفي أن تقر بك العيون
ويكفي أن هذه الروح ترجو
وجودك كي ترى الدنيا تهون
أبي يا أعظم الأحباب قدرًا
روت ما قد فعلت لنا السنين
أبي مهما بذلت فإن قلبي
لقلبك طول عيشته مدين
الأب عز....الأب قوة
هو السند الذي لا يمل ولا يميل..
اتنهدت تنهيدة طويلة وبعدين كملت
كان دايما يفضل ينصحنا كنت بحبه جدا وكنت بحب حمزة أوي لحد ما جه يوم وحمزة عرف ان عمي شغال مع ناس مش كويسة وقال بابا، بابا وحمزة راحوا لعمي وفضلوا يقنعوه ان ده غلطت بس عمي كان جبروت ورفض بابا وحمزة ما استسلموش وفضلوا يقنعوه لحد ما اقتنع بس مكنش عارف هيقول ايه لجوان وخصوصا ان هو عارف ان دخول الحمام مش زي خروجه
وقتها حمزة كلم صاحبه اللي في الشرطة واتفقوا على انهم يمثلوا انه يشتغل معاهم حمزة كان شغال في المحل عشان يفضل يراقب كل حاجه و المفروض انهم ميقولوش لحد بس انا سمعتهم وهما بيتكلموا كنت خايفه عليهم اوي ماما مكنتش تعرف أي حاجه عن الموضوع ده وفي يوم ماما سمعت بابا وهو بيتكلم عن صفقة هي عرفت ان بيشتغل مع عمي بس معرفتش ان ده تمثيل وفي يوم بابا وحمزة كان رايحين يشوفوا جوان وماما عرفت واتصلت بالشرطة وقتها انا سمعتها للاسف الشرطة مكنش ينفع انها تروح في الوقت ده طلعت اجري عشان الحقهم بس مقدرتش وصلت وكانوا لسه هيدخلوا وقفتهم وقتها حمزة وبابا زعقوا عشان جيت وراهم كنت عايزة اقولهم لن الشرطة جاية بس هما كانوا مستعجلين ومس سمعوني وقتها دخلت وراهم واستخبيت جوان طبعا كان ترف ان في حد بلغ الشرطة وكان ناوي على قتلهم بابا وحمزة كانوا عارفين اني شايفاهم وكانوا خايفين عليا اوي وقتها جوان قتلهم قدام عيني ومقدرتش انقذهم عارف بابا قاله ايه
البلد دي محمية من الخالق قبل المخلوق في يوم هيجي اللي هيقتلك وينقذ البلد من شر اعمالك
كلنا بأيدينا قادرين اننا نحمي البلد ونحفظها من اللي زيك وزي امثالك وقتها طلق عليه رصاصة هو وحمزة وسمع صوت الشرطة فهرب زي الجبان وقتها مقدرتش امنع نفسي من اني اروحلهم رزان بدأت تفتكر كلام باباها وحمزة قبل ما يموتوا بين ايديها وهي بتقول لمؤمن
Flash Back
كمال:- رزان يا بنتي انا عارف انك قوية وتقدري تحمي نفسك و أمك خلي بالك من نفسك يا حبيبتي
رزان وهي بتعيط:- بابا لا لا يا بابا متسبنيش😭😭
حمزة حمزة ما تمتش يا حمزة طيب عشان بنتك ومراتك
حمزة:- أوعي تشيلي نفسك ذنبنا ولا حتى ماما رزان بنتي حياة خلي بالك منها ومن فرح هي رقيقة اوي ومش هتستحمل خبر موتي وخلي بالك من نفسك يا قلبي كان نفسي اسلمك بأيدي لزوجك بس انا واثق ان اياد هيعوضك عني
رزان:- أنتوا ليه بتعملوا فيا كده بالله عليك يا حمزة قوم يلا انا هاخد للمستشفى وهتكون بخير والله
حمزة وباباه فقدوا النفس وطلعت روحهم للخالق
رزان:- حمزة بابا لااااااا لااااا يارب مش هقدر يارب آسفة انا عارفه اني لازم اصبر قي الصدمة الأولى بس والله مش قادرة الفراق صعب يارب فضلت تعيط وهي نايمة في حضن باباها 😭😢
Back
رزان مسحت دموعها اللي خانتها
مؤمن شفق على حالتها واللي مرت بيه
مؤمن:- طيب أنتِ مستنية ايه كلنا مكتوب علينا الموت مامتك لو حصلها حاجه هتستحملي
رزان بخوف:- لا بعد الشر
مؤمن:- مادام خايفه عليها ليه بتحمليها ذنب مش ذنبها اللي حصل ده مكتوب وربنا يرحمهم قومي كلمي مامتك ، مامتك مضايقة جدا بلاش تكوني أنتِ والدنيا عليها
______________
مؤمن ورزان قاموا ودخلوا
اياد لأخته:- ها يا حبيبتي احنا مستنين رأيك ولو عايزة وقت تفكري مفيش مشكلة
رزان نزلت وشها بكسوف وقالت:- موافقة
ملحوظة فرح وبنتها حياة (مرات حمزة) كانت موجودة ومعاها بنتها
حياة مامت رزان قربت منها بتوتر وقالت:- مبروك يا بنتي دايما في فرح يارب
رزان ابتسمت لها وحضنتها:- الله يبارك فيك يا اجمل واحلى أم في الدنيا حياة استغربت من تغيرها ولكن سرعان ما عرفت ان سبب ده هو مؤمن
حياة بصت لمؤمن بامتنان وهو رد لها النظرات دي بابتسامة جميلة
اتفقوا على معاد الخطوبة و كتب الكتاب بما ان هما عارفين بعض وكانت الاسبوع الجاي
حياة:- الاسبوع الجاي مش حاسس ان ده بسرعة اوي يا ابني
مؤمن:-يا ماما حضرتك انا اعرف رزان وبعدين احنا هنكتب الكتاب والفرح يبقى في الوقت اللي تحدديه حضرتك
حياة:- ماشي يا ابني ربنا يتمملكم على خير
صفاء كانت متغاظة جدا من حياة وازاي مؤمن ابنها يقولها يا ماما .....
__________
روحوا البيت وطبعا مؤمن ما سلمش من كلام مامته وان معاها صاحبتها بنتها زي القمر واحلى من رزان وان رزان عاشت في حارة ولكن مؤمن مسمعش كلامها و وعد كانت فرحانه ومبسوطة جدا لأنها بتحب رزان وعرفت انها ظابط زي أخوها وان هي اللي مؤمن كان بيفكر فيها
__________
رزان طلعت اوضتها شوية والباب خبط وكانت فرح مرات حمزة
فرح:- اي يا صاحبتي من ساعة ما جيتي وأنت بتتهربي مني انا عارفه انك محملة نفسك الذنب
رزان:- أنا آسفة آسفة
فرح:- أنت بتعتذري على ايه ده مش ذنبك وانا راضية والحمد لله
رزان:- هو أنتِ من امتى وأنت عاقلة كده
فرح:- من ساعة ما اتزوجت أخوكِ
رزان حضنتها جامد وجت حياة واللي كان عندها ٦ سنين
حياة:- ماما ماما
فرح:- نعم يا حبيبتي
حياة:- تعالي العبي معايا
فرح نظرت لرزان بنت أخوك
رزان ابتسمت وشالت البنت وقالت
رزان:-امم طب اي رأيك تلعبي مع عمته
حياة:- امم ماشي
رزان ضحكت على تقليد البنت الصغيرة ليها
وقعدت تلعب معاها
ملحوظة فرح صاحبة رزان هي يتيمة واتعرفت هلى حمزة عن طريق رزان واعجبوا ببعض وتزوجها
______________
تاني يوم رزان راحت للبيت ملك عشان سيف جاي يتقدم وهما لازم يكونوا مع بعض في كل حاجه
ملك:- أنا متوترة اوي تفتكري بابا هيوافق
رزان:- اكيد
ملك:- كارم بيحاول يعوض كل حاجه عملها قبل كده
رزان:- حلو أوي وأنت انسي كل حاجه حصلت
ملك:- بحاول
سيف جه وكان معاه مامته وعمه
كانت لابسه فستان جميل اوي
فستان ملك

ملك طلعت وسيف كان نفس حالة مؤمن
عمه:- يخربيت كده أنت وصاحبك هتودوني في داهية نزل عينك يا ابني
مامته كانت مبسوطه جدا من اختيار ابنها
حنان بطيبة:-تعالي يا بنتي اقعدي جنبي
ملك قعدت جنبها
ملك:- اهلا بحضرتك يا طنط
حنان:- لا طنط ايه أنت من النهاردة زي بنتي انا ربنا اداني سيف بس وانا بحب البنات
ملك:- حاضر يا ماما
حنان:- ايوة كده
ملك وسيف طلعوا يتكلموا مع بعض في البلكونة
سيف:- أنا مش عارف نتكلم في ايه
ملك:- ولا انا
سيف:- بس ايه الفرواليتين دول
ملك:- بطل تحرجني بقى
بعد شوية طلعوا
مهران بحب لبنته:- موافقة يا بنتي
ملك نزلت رأسها بكسوف وقالت:- اللي تشوفوا حضرتك يا بابا
اتفقوا على ان الخطوبة هتبقى مع خطوبة مؤمن ورزان
السابع عشر
أحببت مجرمة
بقلمي/جهاد محمد
"يعز على الإنسان أن يمشي طرقاً لا يرغبها، ولكنها الحياة ..!🍂🍁"
"سر قوتي هو كتمان تلك الرصاصة التي لم تقتلني،بل تنتشر كأنها سم
انتهي اسبوع وحان وقت الخطوبة مؤمن وزان وملك وسيف راحوا يختاروا الفساتين والذهب
ملك ورزان راحوا مع بعض يجيبوا فساتين الخطوبة
رزان جبت فستان أبيض عشان كتب الكتاب
رزان:- ملك ايه رأيك في ده
ملك:- تحفة بس مؤمن مش هيوافق
رزان:- ليه إن شاء الله
ملك:-يا بنتي ده مكشوف
رزان:- لا اسكتي بس أنت
وعد واللي كانت معاهم
رزان اتقي شر مؤمن وسيبي الفستان
رزان:- الفستان جميل وعجبني اي ده
وعد شوفي حاجه تاني غير ده
رزان طب استني
وعد هتعملي ايه
رزان مردتش صورت الفستان وبعتته لمؤمن
وكتبت....
مؤمن ايه رأيك في ده عايزة اجيبه حلو أوي
مؤمن كان معاه سيف وإياد في بيت سيف
ملحوظة الشباب اصدقاء من زمان
اياد:- ايه رأيكم نرن على فهد وعاصم
سيف:- رن عليهم
اياد اتصل بيهم وشوية والشباب دخلوا
عاصم وفهد ازيكم يا شباب
سيف ومؤمن وإياد ردوا الحمد لله أنتوا عاملين ايه
عاصم وفهد الحمد لله
فجأة تليفون مؤمن طلع صوت معلن على استلام رسالة
الشباب:- ايوا بقى يا عم
مؤمن:- بطل هبل يلا منك له
الشباب ضحكوا عليه وعلى لهفته
مؤمن فتح الفون ولقى رزان باعت له صورة فستان وكاتبة
مؤمن الفستان ده عجبني وانا عايزة اشتريه للخطوبة وكتب الكتاب
مؤمن رن عليها وكان مضايق جدا
رزان:- الو
مؤمن:- هو ايه اللي أنتِ باعتاه ده
رزان:- اي حلو مش كده
مؤمن:- يارب يارب صبرني بصي يا حبيبتي الفستان ده مينفعش شوفي حاجه تاني
رزان:- بس انا عجبني ده
مؤمن:- يا حبيبتي مينفعش ده مكشوف أوي
رزان:- يوه بقى يا مؤمن ما كل البنات بتلبس جت عليا يعني
مؤمن:- لا شوفي حاجه تانية وقبل ما تشتريه ابعتيه ماشي يا حبيبتي
رزان:- حاضر
رزان بعتت له صورة واحده تاني عاري الزراعين وكان هيرفض ولكن أصرت عليه اوي
مؤمن:- ماشي
____________________________________
تاني يوم كان كلهم في بيت رزان حتى وعد وكانوا بيجهزوا
رزان لبست ودخلت مامتها
مامتها بحب:- ايه القمر ده يا بنتي
رزان حضنتها أوي
فستان رزان
فستان وعد
فستان ملك
رزان طلعت لقيت اياد مستنيها اياد مسك ايدها وباسها
رزان في الوقت ده افتكرت باباها
نزلت وراحوا عند الماذون وكتبوا الكتاب حنان وحياة فضلوا يزغرطوا
وبعدهم سيف وملك اللي كانت متفاجئة لأنها مكنتش تعرف انهم هيكتبوا الكتاب
مؤمن قام ومسك ايدها وحضنها راحوا يرقصوا سلو و ملك وسيف لبسوا الشبكة ومؤمن ورزان كمان لبسها الشبكة وفضلوا يرقصوا مع بعض بكل حب
مؤمن:- أنا فرحان اوي اوي
رزان ابتسمت
سيف:- هو اي ده ؟
ملك:- ايه؟
سيف:-خو مفيش فستان محترم أكتر من كده
ملك:- خلاص بقى يا سيف
سيف:- خلاص ايه من هنا ورايح متلبسيش الحاجات دي تاني
كارم ومهران كانوا واقفين أصحاب مؤمن وسيف اخدوهم واخدوا كارم وفضلوا يرقصوا مع بعض
ملك بامتنان:-شكرا يا رزان
رزان:- على ايه
ملك:- لأنك قلتي ان بابا ساعدك وانه مكنش بيعمل حاجه غلط لا هو ولا كارم شكرا
رزان:- يا هبلة بطلي تشكريني أنتِ أختي
حضنوا بعض بكل حب ونزلوا رقصوا شوية مع بعض
اياد شد وعد واخدها لمكان بعيد
وعد بزعر:- في ايه
اياد:- ايه القرف اللي أنت لابساه ده
وعد:- قرف
اياد:- اه قرف انا عارف انك مش محجبة بس لو جبتي فستان محجبات كان احسن
وعد:- وأنت مالك أنا البس اللي انا عايزاه
اياد:- وعد متعصبنيش عشان مش ازعلك
وعد:- وتزعلني بتاع ايه
وعد زاحته بيدها وكانت بتعيط اوعى كده
اياد بغضب لنفسه:- ايه اللي انا عملته ده
رزان لاحظت غياب وعد ولما دخلت شافت اياد وراها ففهمت نوعا ما اللي حصل
خلص اليوم والكل كان مبسوط ماعدا واحده طبعا أنتوا عارفينها
_____________________________
بعد مرور فترة كان متبقي اسبوع على حفل زفاف الشباب
أخذ مؤمن رزان ليشتروا فستان الزفاف
رزان:- مؤمن بص كده اي رأيك في ده
مؤمن:- طيب روحي قيسي
رزان قاست الفستان وخرجت
ها اي رأيك
مؤمن:- لا لا ده حلو أوي
رزان:- واي يعني طب ما لازم يكون حلو
مؤمن:- لا غيري مش حلو
رزان:- مؤمن بالله عليك
مؤمن:- لا
رزان:- أنت بتغير
مؤمن:-وليه لا مش مراتي غيري بقى
رزان زفرت بغضب وقامت بتغير الفستان
وبعد مرور فترة كانت رزان قد قامت بتغير أكثر من ٥ فساتين مؤمن لم يوافق عليهم
رزان بتعب:- والله ده حلو كفاية بقى انا تعبت
مؤمن:- خلاص ماشي
رزان اخيرا
وعند ملك وسيف كان الوضع كما عند مؤمن ورزان ولكن انتهي بهم الحال جميعا على اختيار فساتين جميلة ولكن مؤمن وسيف كانوا مضايقين شوية لأن الفساتين مفتوحه شوية على الاكتاف بس سكتوا لما لقوا البنات مبسوطين
________________________________
أتى وقت حفل الزفاف وكان الجميع مبسوط
فستان رزان

فستان ملك

مامت رزان دخلت عليها هي وزينب أم ملك
حياة حضنت بنتها وهي بتعيط
رزان:- في اي يا ست الكل انا هتجوز ومش هموت
حياة:- بعد الشر عليكِ يا حبيبتي
رزان ابتسمت واخدتها في حضنها كانت حاسه انها محتاجه باباها وحمزة في الوقت ده
دخلت فرح
ناولتها علبة فيها خاتم حمزة جاب الخاتم ده ليكِ قبل ما يموت بفترة صغيرة رزان عينها دمعت بس حاولت تتماسك واخدتها في حضنها وجابت هدية مغلفة دي بقى عملناها احنا الاتنين وكنا هنديها ليك في عيد ميلادك بس حصل اللي حصل افتحيها رزان فتحت العلبة وكان عبارة عن ألبوم صور لهم حضنتها جامد وحضنت حياة البنت الصغيرة اللي تشبه باباه أوي.....
نزل اياد وهو ماسك ايد أخته رزان ووصل عند مؤمن
اياد:- أختي أمانه يا مؤمن اليوم اللي هتفكر تزعلها فيه افتكر اني امنتك عليها
مؤمن:- عمري ما اقدر ازعلها
اخدها وطلعوا على المسرح(الكوشة)
نزل كارم ومعاه ملك وقال نفس الكلام لسيف
سيف:- مستحيل ازعلها ولا ايه يا ملوكة
ملك اتكسفت اخدها وطلعوا مع مؤمن ورزان
كانوا بيرقصوا مع بعض بكل حب
مؤمن:-بحبك يا روزي
رزان:-وانا كمان
مؤمن:- أنتِ كمان ايه
رزان:- بحبك ❤️
___________
سيف:- بحبك
ملك:- أنت عارف انك محظوظ اوي
سيف:- ليه؟؟
ملك:- عشان أنا بحبك
ضحكوا هما الاتنين وكملوا رقص
الشباب مسكوا المايك وغنوا للبنات اغنية رومانسية
والبنات فرحوا أوي
___________________
خلص الفرح و كل واحد اخد عروسته وروحوا
مؤمن ورزان دخلوا البيت
مؤمن:- يلا يا حبيبي نتوضأ عشان نصلي
رزان ابتسمت وبانت غمزاتها
مؤمن:- أموت أنا في الغمزات دي
رزان ضحكت ودخلت عشان توضأ وهو غير هدومه
_______________
ملك وسيف دخلوا البيت
ملك:- سيف انا عايزة اطلب منك طلب
سيف:-اطلبي يا حبيبتي وبعدين أنت تؤمري مش تطلبي بس
ملك:- تعالى نتوضأ وتصلي بيا
سيف ابتسم:- طبعا يا قلبي
___________
تاني يوم رزان صحيت على صوت مؤمن وهو بيقول
مؤمن:- روزي قومي يلا عشان نفطر
رزان:- صباح الخير
مؤمن:- صباح النور والسرور على قلبي أنا
رزان:- أنتَ بتكسفني أوي
مؤمن:- عشت وشوفتك بتتكسفي
رزان ضربته بالمخده
يا بارد
_________
سيف:- لوكا يا لوكا قومي يلا عشان نفطر
ملك:- يا ماما سيبني شوية بالله عليكِ
سيف:- ماما؟؟
قومي قومي يا حبيبتي عشان نفطر
ملك قامت مفزوعة أنت مين ها
سيف:- انا مين ازاي أنا زوجك
ملك:- زوج مين انا معرفكش
سيف:- ملك أنا سيف
ملك:- سيف ااه
سيف:- بجد اي ده انا اضحك عليا ولا ايه
ملك:- ليه يا حبيبي اضحك عليك
سيف:- ايوة ايوة هي دي ملك اللي أنا اعرفها
ضحكوا وتفطروا مع بعض
___________
مرت فترة على هذه الأحداث ولم تسلم رزان من مضايقة صفاء لها ولكن كانت صابرة من أجل مؤمن الذي كان يتضايق من أمها أيضا وفي يوم
استيقظت رزان ونزلت على الفطار
محمود:- مؤمن فين يا بنتي
رزان:- هو خرج بدري على الشركة قلت له يستنى عشان يفطر بس هو مش وافق
صفاء:- اكيد نكدت عليه
رزان:- حضرتك بتقولي ايه يا طنط مفيش حاجه حصلت
صفاء:- ههه انا عارفه جايب لنا واحده من الشارع
رزان سكتت ومردتش عليها
ملك:- رزاااان
رزان:-ملك وقامت حضنتها باشتياق
ملك:-وحشتني أوي
رزان:- وأنتِ كمان وحشتيني اوي
حنان بحب:- عامله ايه يا بنتي
رزان باحترام:- الحمد لله حضرتك عامله ايه
حنان:- الحمد لله يا بنتي
تعالوا افطروا معنا
ملك:- طيب عن اذنكم يا جماعة هاخد رزان
عايزة حاجه يا ماما
حنان:- سلامتك يا بنتي
صفاء بعد ما البنات مشيوا أنتِ ازاي تخليها تقولك يا ماما كده
حنان:- وفيها ايه يا صفاء البنت كويسة وابني بيحبها ومرتاح معها
صفاء:- كويسة؟؟ دول بنات عاشوا في حارة عارفه يعني ايه يعني فقراء واكيد اتزوجوا ولادنا عشان الفلوس
حنان:- أنتِ بتقولي ايه وايه يعني فقراء هما الفقراء دول مش بشر ولا ايه
صفاء سكتت ولكن لسه مصرة على رأيها وكرهها تجاه رزان كل ما بيزيد
______________
ملك:- اي ده يا بنتي أنت عايشة مع الست دي ازاي
رزان ابتسمت:- عارفه انا طول ما مؤمن معايا مش هاممني اي حد اهم حاجه هو
ملك:- ربنا يخليكم لبعض يا حبيبتي
رزان:- يارب يا حبيبتي ويخليلك سيف
ملك:- اللهم امين يارب يا قلبي
__________
خلص اليوم وملك وحنان مشيوا ورزان طلعت أوضتها للتجنب كلام صفاء
مؤمن جه ولقى رزان كالعادة مستنياه
رزان:- عامل ايه يا حبيبي
مؤمن:- الحمد لله يا حبيبتي أنتِ عامله ايه
رزان:- كويسة طول ما أنت بخير
اتعشيتي؟
لا مسنياك عشان نأكل مع بعض
ماشي اجهزي
ليه
هاخدك ونتعشي برا
بجد
اه
طيب ماشي هوا
ضحك عليها ......
الثامن عشر
أحببت مجرمة
بقلمي/جهاد محمد
ياريت لو تشجعوني بتصويت وتعليق جميل بجد
اياد لاحظ غياب وعد في الفرح مع ان هو عارف انها راحت معاهم لما جابوا الفساتين ومر الوقت و وعد مش ظاهرة اياد قلق جدا
اياد اتصل على رزان
اياد:- عامله ايه يا حبيبتي
رزان:- الحمد لله يا حبيبي أنت عامل ايه
اياد:- الحمد لله ،احم مؤمن عامل ايه
رزان باستغراب:- الحمد لله في ايه يا حبيبي
اياد:- لا مفيش حاجه
رزان فهمت الموضوع بس كانت عايزة تلعب باعصابه شوية
اياد:- الباقي عامل ايه عندك
رزان:- كويسين بيسلموا عليك
اياد:- هما مين
رزان:- الباقي
اياد:- اه
رزان:- هو مؤمن سألك على حد
اياد:- حد مين
رزان:- لا اصل وعد متقدم لها عريس معانا ظابط فقولت يمكن سألك ولا حاجه
اياد:- ايه متقدم لها عريس
رزان:- اه
اياد وهو بيضغط على كف ايده:- مين ده؟
رزان ضحكت أوي ههههههههه😂😂
اياد:- في ايه بتضحكي ليه
رزان:- مش تقول من الاول انك عايز تسأل عليها
اياد:- يعني ايه ؟يعني مفيش حد أتقدم لها صح
رزان:-صح
اياد:- طيب الحمد لله بس انا بقالي فترة مشفتهاش حتى في الفرح
رزان:- هي كانت مسافرة بس مش عارفه ليه وبكرة راجعة عشان امتحاناتها
اياد:- ماشي يا أحلى اخت في الدنيا
رزان ضحكت
وافتكرت امبارح لما مؤمن اخدها عشان يتعشوا برا مع بعض
Flash Back
رزان دخلت غيرت هدومها ولبست فستان شيك ومؤمن لبس وطلعوا بالعربية
رزان دخلت المطعم وتفاجأت لما لقيته فاضي تماما
رزان:- مؤمن هو هو أنت..
مؤمن:- ايوة حاجز المطعم كله
رزان:- طيب ليه ده احنا لو جبنا عيلتك وعيلتي المطعم هيكفي
مؤمن ابتسم:- عشان عايز نكون براحتنا واصلا المطعم ده بتاعي
رزان اكتفت بابتسامة بسيطة
مؤمن:- ها هتطلبي اي
رزان:- بيتزا و شاورما
مؤمن طلب من الجارسون الحاجات وقعدوا ياكلوا في حب وكانوا بيتكلموا مع بعض
______________
سيف دخل الأوضة لقى ملك نامت
سيف:- اي يا حبيبتي أنت نمتي
ملك:- اه كنت تعبانة ونمت شوية
سيف:- طيب خلاص
ملك:- أنا مش ناسية
سيف لف ليها
ملك مش ناسية اننا هنسهر على فيلم النهاردة ولا ايه
سيف ابتسم لها ،قامت حضرت الفشار لزوم السهرة وقعدوا يتفرجوا مع بعض
_________________
رزان خلصت اكل و نظرت لمؤمن نظرة بريئة لا تمد لها بأي صلة
مؤمن وهو يعلم ما وراء هذه النظرة فهو يعلم أميرته عن ظهر قلب
مؤمن:- اي
رزان:- مؤمن احم يعني هو
مؤمن:-:قولي قولي
رزان:- أنا عايزة اروح الملاهي
مؤمن:- ملاهي؟؟ ده اللي هو ازاي الساعة ١ دلوقتي
رزان:- معرفش بقى هو كده وخلاص
مؤمن راح وزي ما توقع الملاهي قافله عمل شوية اتصالات وركبها العربية واخدها مكان شبه الملاهي بالظبط على البحر
رزان بدهشة:- اي ده واو
مؤمن:- دي مدينة انا عملتها اي رأيك
رزان:- تحفة روعة بجد
مؤمن:- طب تعالي ودخل فضلوا يلعبوا مع بعض لوقت متأخر جدا رزان ومؤمن ركبوا العربية واستعدوا للرجوع للبيت
وصلوا البيت بس مخدوش بالهم من العين اللي كانت بتراقبهم بحقد واقسمت على تخريب العلاقة دي
دخلوا الأوضة
رزان:- أنا داخله اخد شاور ماشي
مؤمن:- ماشي يا حبيبتي
رزان دخلت التوليت
تليفونها أصدر صوت معلن عن استلام رسالة جديدة
مؤمن مسك التليفون وكان مستغرب مين اللي يبعت رسالة في الوقت ده لقى رقم غريب باعت
عامله ايه يا حبيبتي؟
مؤمن الدم غلى في عروقه ولكن ساب التليفون وما تكلمش
رزان خرجت شعرت بأنه حدث شيء
أمسكت ب هاتفها لترى رسالة من أحد غريب يسألها عن حالها رزان وهي ترد باستغراب مين؟؟
ولكن لا يوجد رد لم تعطي للموضوع أهمية
End FlashBack
________________
في الصباح التالي
استيقظ مؤمن ورزان وهبطوا من أجل الفطار
رزان:صباح الخير يا عمي ،صباح الخير يا طنط
محمود بحب:- صباح النور يا بنتي
صفاء مردتش عليها
مؤمن:- صباح الخير يا بابا، صباح الخير يا ماما
صفاء:- صباح النور
محمود:- صباح الخير يا ابني
جت الخدامة بالعصير بس رجلها اتزحلقت ووقعت العصير على صفاء
صفاء بغضب:- أنتِ غبية ايه اللي أنت عملتيه ده
انا انا آسفة يا هانم والله مكنتش اقصد
صفاء:- غوري غوري من وشي
انا خارجه ايه القرف ده
رزان صعبت عليه الست أوي
قامت تشيل معاها الزجاج المكسور
متزعليش حقك عليا
لا يا بنتي مش زعلانه انا اتعودت عليها
عنك
لا لا يا هانم انا هشيلها
لا لا انا هساعدك بعدين أنتِ زي أمي يا أم محمد
ربنا يسعدك يا بنتي
مؤمن ابتسم من طيبة حبيبته و امراته
مؤمن:- طيب أنا ماشي يا حبيبتي هروح أجيب وعد من المطار
رزان:- ماشي خلي بالك من نفسك
مؤمن مشى عشان يجيب وعد من المطار
وعد ومؤمن وصلوا البيت
رزان حضنتها عامله ايه يا حبيبتي
وعد:- الحمد لله
رزان حست ان فيها حاجه بس قالت يمكن من السفر
وعد:- أنا طالعة عشان تعبانة
مؤمن ماشي يا حبيبتي روحي نامي وارتاحي
اومأت رأسها وطلعت على السلم
مؤمن:- عايزة حاجة يا روزي
رزان:- عايزة سلامتك يا حبيبي
بالليل رجع مؤمن من الشغل ولقى رزان قاعده بتاكل شوكلاته وشكلها متبهدل خالص
مؤمن:- اي ده
رزان:- ايه تاكل
مؤمن:- ايه اللي عاملاه في نفسك ده😂
رزان:- ايه بحب الشوكلاته فيها حاجه دي
مؤمن:- لا مفيهاش حاجه هههه😂
رزان:- أنت بتضحك على ايه
مؤمن:- شكلك يفطس وشك متبهدل خالص
رزان:- أنا كده لما بأكل شوكلاته تاخد؟؟
مؤمن:- لا انا عندي حساسيه منها
رزان:- مين قالك اصلا اني ممكن اديك
مؤمن:- ياسلام
رزان:- وحياة عبد السلام وسع وسع كده خليني اغسل ايدي
مؤمن ضحك عليها
وهي خرجت من الحمام وقفت قدام المراية
مؤمن جه من وراها و لفها وبص في عينها وقال:-
تِلكَ العُيونُ قَصَائِدٌ لَو تُرجِمَت
لَمْ يَبقَ عِندَ القائِلينَ كلامُ !
إنَّ العُيُونَ لها بوحٌ ورَقرَقَةٌ
أسمَى وأفصح ممَّا قِيلَ أو كُتِبا 🤎
رزان:- ده أنت شاعر بقى
مؤمن:- يعني انا بقولك كلام حلو تقوليلي اني شاعر ايه الفصلان ده
رزان ضحكت وبشدة
_____________
تاني يوم وعد جهزت وراحت الكلية قبل ما تدخل وقفها صوته الرجولي
اياد:- وعد
وعد وقفت ولفت ليه
اياد:- اخيرا
وعد:- خير يا أستاذ اياد
اياد:- وعد في ايه اه اكيد أنت مضايقة عشان مكنتش بسأل عليكِ طول الفترة دي بس حقك عليا يا ستي انا كنت مضغوطة وعد انا انا انا بحبك
وعد:- أنت بتقول ايه بتحب مين وازاي
اياد:- بحب مين بحبك أنتِ وازاي فأنا مش عارف بصراحه ازاي حبيتك وامتى
وعد:- الظاهر إن لما كلمتك شوية نسيتك نفسك
اياد:- وعد أنتِ قصدك ايه
وعد:- قصدي انك مش من مقامي انا فوق إنما أنت تحت حتى لو مكنتش فقير مستحيل توصل لمستوايا
اياد مسك ايدها بغضب:- أنت اكيد اتجننتي
وعد نزلت ايده بغضب:- اياك تلمسني مرة تانية بالطريقة دي أنت فاهم وابعد عني احسن لك
وعد أنت بتقولي ايه انا مش فاهم حاجه
اسمع يا اياد انا مش بحبك ويفضل انك تبعد عني.......
____________
يا ترى ايه اللي حصل خلى وعد تتغير بالطريقة دي وهل فعلا مش بتحب اياد
التاسع عشر
أحببت مجرمة
بقلم/جهاد محمد
كلنا آسفون على اللحظات الثمينة التي أوليناها للأشخاص الخطأ🥀❤️🩹
وعد مشيت و تركت إياد غارق في تفكيره
دخلت المدرج وأخذت نفسها بعمق حاولت تركز في الامتحان....
اياد عاد للبيت ما أتكلمش مع حد دخل أوضته على طول وقعد يكسر في كل حاجه بغضب ويصرخ ليه ليه يا وعد
مامته كانت سامعه كل ده وقلقانة بس حبيت تسيبه يهدأ لوحده
رزان كانت قاعده في الجنينة ف محمود في الشركة و وعد في الكلية و مؤمن في الشغل جت صفاء
معاكِ فونك
رزان استغربت جدا اه معايا
طيب هاتيه دقيقة فوني خلص شحن وأنا بأكلم صحبتي
رزان ادتلها التليفون وكانت مستغربة من الست الغريبة دي بعد شوية جت صفاء وادتلها التليفون وهي تبتسم بخبث ولكن رزان مخدتش بالها من البسمة دي
خدي ميرسي
رزان اومأت برأسها اتصلت بعدها على اياد ولكن مردش واتصلت على مامتها
مامتها حكت لها على كل حاجه سمعتها
رزان:- طيب خلاص ما تقلقيش انا هجي دلوقتي واكلمه
حياة:- ماشي يا بنتي
...................................
رزان وصلت بيتهم سلمت على مامتها وفرح
وطلعت لاياد
خبطت على الباب بس مردش
رزان:- إياد حبيبي افتح دي انا رزان افتح يا حبيبي
إياد فتح لها الباب واترمى في حضنها زي الطفل الصغير رزان قفلت الباب
تعالى في ايه بقى قافل على نفسك الباب ومش بترد على حد اي حصل
إياد هي مش بتحبني قالت إن مهما عملت مستحيل أوصل لماكنتها طيب ليه حسستني انها بتحبني
رزان:- وعد مستحيل تقول كده
إياد بس قالت هي قالت كده
رزان:- أكيد في حاجه حصلت طيب انا هروح انكلم معها قبل ما تروح عشان مامتها وكده ماشي
إياد:- لا هي اللي طلبت كده يبقى خلاص
رزان في حاجه بتحصل أنا لازم أفهمها أنا مش هقولها أي حاجه أنت قلتها
رزان مشيت بالعربية ووصلت للكلية انتظرت وعد
وعد خرجت وافتكرت اللي حصل معاها قبل فرح مؤمن ورزان بيوم
Flash Back
وعد كانت بتتكلم مع أسيل
وعد:- أسيل أنا بحب إياد معرفش ازاي ولا امتى بس أنا بحبه
أسيل:- ايوة بقى يا وعد هانم بتحبي من ورايا😂 طيب هو اعترفلك بحبه
وعد:- لا هو مش اعترف بس كان مضايق من الفستان اللي لبسته في كتب الكتاب
أسيل:- امم طيب وبعدين
وعد:- أنا مش عارفه اعمل ايه
أسيل قبل ما ترد دخلت صفاء بغضب وشدت وعد من ايدها
صفاء فتحت باب غرفتها وزقت وعد
وعد:- اه
صفاء:- أنت قلتي ايه بتحبي بتحبي أخوها
وعد:- اه بحبه فيها ايه يعني
صفاء:- أنا مستحيل أوافق على حاجه زي كده مش كفاية أخوكِ اللي اتجوز الفقيرة دي اللي عايشة في حارة
وعد:- هما مش فقراء هي كانت في مهمة
صفاء:- أياً كان مستحيل اجوزك للشخص ده
وعد:-أنتِ ليه بتعملي كده أنا اللي هتجوزه مش حضرتك
صفاء ضربتها بالقلم اسمعي الكلام ده كويس انا مستحيل اخليكِ تتجوزيه ولا حتى على جثتي أنتِ فاهمه أنت دلوقتي هتلمي هدومك وتسافري
وعد عيطت جامد أنا مش مسافرة لأي مكان
صفاء أنت لو مش سافرتي أنا هأقتله دلوقتي أنتِ فاهمه
وعد اتصدمت من مامتها أنتِ بتقولي ايه
زي ما سمعتي يلا
وعد ماشي بس لازم تعرفي إني مش مسامحاكِ يا ماما مش مسامحاكِ😢😭
وعد لمت هدومها وراحت المطار قطعت تذكرة لباريس
صفاء بكره:- مستحيل أخليها تتجوزه كفاية أخته حتى دي أنا هعرف ازاي اطلعها من حياتنا
End Flash Back
وعد فاقت على صوت تليفونها المعلن عن اتصال
وعد:- الو
رزان:- خرجتي من الامتحان
وعد:- اه
رزان:- طيب قابليني في الكافيه اللي جنب الكلية
وعد:- ماشي
وعد وصلت الكافية لقيت رزان مستنياها
رزان اخدتها في حضنها وقالت:- عامله ايه يا وعد
وعد:- الحمد لله
رزان تشربي ايه
وعد ينفع نتكلم على طول
تمام
رزان:- أنا عارفه انك بتحبيه مش عارفه ليه قلتي له كده ممكن يكون كلامك صح عارفه يا وعد أنا ليه بعدت عن أهلي ٥ سنين؟
وعد:- ليه
رزان:- عشانهم
وعد:- ازاي بعدتي عنهم عشانهم هما زعلوا لما أنتِ بعدتي يبقى ازاي عشانهم
رزان ابتسمت وأكملت
جوان لما بابا قال له ان هيجي اللي يقتلوا ويحمي البلد من شره دور وراه وعرف ان عنده ولد وبنت يعني أنا وإياد وقتها قرر يقتل إياد لأن من وجهة نظره البنت مش هتقدر تعمل حاجه
إياد في الوقت ده شرب عصير والعصير كان مسمم لدرجة انه اتلف الكلى عنده ومفيش متبرع وماما جالها انهيار عصبي وفرح دخلت في غيبوبة وقتها مكنش في حد معايا ولا جنبي
وعد حست بنغزة في قلبها لما سمعت كده
وفجأة وبدون أي مقدمات إياد نلاقي له متبرع وماما تفوق وحالتها تتحسن وفرح تقوم من الغيبوبة ونعرف انها حامل
تفتكري ده طبيعي؟
وعد اومأت رأسها برفض
لا طبيعي لأن ربنا بيقفل بابا ويفتح تجاه مليون باب وقتها أدركت إني لازم أحمي عائلتي رحت لعمي وقلت له اني عايزة انتقم وقتها قالي اني مش هقدر بس انا صممت على رأيي وبعدت عن عائلتي عشان احميهم أنت عارفه انا وماما مكناش دايما بنتفق فر الرأي بس بابا دايما كان بيدعمني في كل حاجه
وعد:- أنا آسفة
رزان:- على ايه
وعد:- لأن كنت هكون سبب في موت أخوكِ اللي أنتِ بعدتي عنه عشان تحميه
رزان:- قصدك ايه
وعد حكت لها كل حاجه حصلت
وقتها رزان اخدتها في حضنها بكل حب
أنت عارفه انك لما تسيبيه بكده بتقتليه إياد بيحبك اوي انا عمري ما شفت أخويا بالحالة دي قبل كده وبعدين هي في واحده تعيط وخطوبتها الاسبوع الجاي
وعد نظرت إليها بصدمة وكانت لسه هتعترض
رزان:- اش مش عايزة اسمع اي حاجه متخافيش أنا هتصرف
وعد حضنتها بكل حب
يلا بينا بقى احسن اخوكِ يطين عيشتنا ضحكوا
وعد:- أنا بحبك اوي يا رزان
انا اكتر يا قلبي ❤️
رزان وصلت البيت وطلعت عشان تتكلم مع صفاء
رزان:- ينفع اتكلم مع حضرتك
صفاء بتهكم:- نعم عايزة ايه
رزان:- أنا عارفه ان حضرتك بتكرهيني وانك كنت عايزة مؤمن يتجوز بنت واحده صحبتك وانك شايفه اني عشت في حارة ٥ سنين
صفاء:- طيب كويس انك عارفه
رزان:- اه عارفه بس أي ذنب وعد بنتك وعد بتحب اياد أخويا اي ذنبها تتحرم من حبها
صفاء:- دي بنتي وانا أدرى بمصلحتها
رزان:- ويا ترى حضرتك شايفه ان مصلحتها في انها تبعد عن حبها
صفاء:- اه هي مش هتكون مبسوطة معاه أنا عارفه
رزان:- يا صفاء هانم أخويا إياد مكنش معايا في الحارة و كان في القصر اللي بابا بنى عشانا حرام يتعاقبوا على ذنب مش ذنبهم الرسول صل الله عليه وسلم قال لنا أن أكثر أهل الجنة الفقراء مع ان احنا مش فقراء بس ده رد على كلامك
الفقر فقر العقل فقر الأخلاق مش فقر فلوس
صفاء كانت لسه هترد ولكن سبقها محمود اللي سمع كل حاجه
محمود:- عندك حق يا بنتي في كل كلمة قلتيها متقلقيش أنا هجهز فرح بنتي على إياد أخوكِ بايديا
رزان:- أنا مش بقول كده عشان هو أخويا
محمود:- فاهم فاهم يا بنتي
رزان ابتسمت
صفاء بغضب:- أنا مستحيل أوافق على حاجه زي كده
محمود:- صفاء اوعى تنسي اصلك كلنا زي بعض مفيش حد أحسن من التاني
رزان انسحبت بهدوء عشان متعملش احراج
رزان اتصلت باياد وقالت له يتطلب ايد وعد من محمود ومؤمن
إياد وافق بالرغم من انه مكنش فاهم حاجه
محمود قال لمؤمن والاتنين وافقوا وقالوا له يجي يقرأ الفاتحه الاسبوع الجاي......
________________________
يا ترى صفاء هتعمل حاجه تحاول تبوظ بيها الجوازة ولا لا مستنية رأيكم
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق