رواية أحببت مجرمة الفصل الحادي عشر والثاني عشر والثالث عشر بقلمي جهاد محمد حصريه وجديده على مدونة النجم المتوهج للروايات والمعلومات
 |
يا أبيضَ القَلبِ لا تَحزنْ إذَا زعموا
أنَّ البياض بِهــذَا العصر تغفيل
إنَّ البياض وإِنْ أعيتهُ غربتهُ
أبهَى الصِّفاتِ وفَـوقَ الرٌّوح إكلِيـلُ
دعِ السَّوادَ الَّذِي يَغشَى ضَمائِرهُـم
وعـشْ نَقِيًـا فِــداكَ القَـالُ والقِيـلُ
تاني يوم جه تليفون لوعد وكان المتصل هو إياد
وعد:-السلام عليكم ،عامل ايه يا اياد باشا
اياد:- وعليكم السلام، الحمدلله بس بلاش باشا دي
وعد:- OK
اياد:- أنتِ عامله ايه
وعد:- الحمد لله
سكتوا شوية وإياد مش عارف يقول ايه
وعد:- خير يا اياد رانن عليا ليه
اياد بحرج:- ايه رأيك لو عزمتك على شاورما
وعد وهي بتحاول تشيل عنه الحرج:- إن كان كده يبقى ماشي
اياد:- طيب نتقابل الساعة ٣ في مطعم......
وعد:- تمام
______________________________________
وعد وصلت لقيت اياد مستنيها
وعد قعدت
وعد بمرح:- ها متأكد إن الشاورما بتاعتهم حلوة
اياد:-ههههه اه متخافيش
وعد:- خلي بالك انا جايه على لحم بطني
اياد:- الأكل شوية ويوصل
وعد:- تمام حلو أوي
اياد:- ايه رأيك على بال ما الأكل يجي تحكي لي شوية عن نفسك
وعد:- تمام ، أنا وعد الصياد عندي أخويا مؤمن اكيد تعرفه هو ظابط في المخابرات السرية أنا بحبه أوي لأن هو اللي رباني في كلية حقوق سني ٢٠ سنة بحب الهزار ومجنونه زي ما الكل بيقول عني بس وقت شغل مفيش هزار ها وأنتَ
اياد بعد ما أعجب بيها وشخصيتها :- أنا ايه
وعد:- احكي لي عن نفسك
اياد:- أنا اياد الحديدي بابا متوفي من خمس سنين هو اللواء كمال الحديدي أمي ست مصرية اسمها حياة المنشاوي عندي أختي زيك كده اسمها رزان
هي قوية وبتحبنا كلنا وبتخاف علينا افتكر مرة لما كنا في المدرسة في واد رخم عليها خلته يقعد اسبوع في المستشفى
وعد بإعجاب:- حمستني إني أشوفها
اياد والحزن ظاهر على وشه:- قريب قريب إن شاء الله
وعد وهي ملاحظة تغيره:- اهو الأكل وصل قعدوا ياكلوا شوية وعد بعد ما خلصت
وعد:- هو ايه سبب العزومة دي
اياد:- امم اعتبري هدية نجاح القضية مثلا
وعد:- اه تمام
اياد:- هو أنا لاحظت إنك لما اتكلمتي عن نفسك اتكلمتي عن الكل ماعدا مامتك ليه
وعد:- لأن وجودها معايا من عدمه مش هيفرق
اساد:- قصدك ايه
وعد:- أمي كل همها منظرها قدام صحابها والنادي والخروجات إنما عيالها يولعوا عشان كده مؤمن أخويا رباني مكنش عايز إني اطلع زيها
اياد:- بس دي مهما كان مامتك وليها حق عليكِ
وعد:- معرفش بقى
وعد وهي بداري على الموضوع:- هو أنت ليه ظهرت ملامح الحزن لما اتكلمت عن أختك رزان
اياد:- لأنها من ساعة ما بابا وأخويا ماتوا وهي اتغيرت تمامًا
وعد:- هو أنت عندك أخ
اياد:- كان عندي حمزة أخويا الكبير رزان كانت متعلقة بيه أوي و يمكن أكتر من بابا كمان بس هو مات وهي من بعد موته اتغيرت بقيت واحده تانية غير اللي نعرفها أنا عارف إني ماما بتروحلها من ورايا بس بسيبها يمكن تقدر ترجعها لعقلها
وعد بحزن عليه:- ربنا يرجعها بالسلامة ويبعدها عن الطريق اللي ماشية فيه
اياد:- يارب اللهم آمين
______________________________________كل واحد فيهم مشي وهو بيكن للآخر مشاعر مختلفة يا ترى ايه اللي هيحصل معاهم
وعند ملك كانت طلعت على السطح عشان تشوف وردتها هي بتحب الورد أوي
سمعت صوته من وراها وهو بيقول:- حلو الورد
ملك:- اه انا بحبه أوي
سيف:- يا بخته
ملك وهي بداري خجلها وخدودها اللي بقى لونهم أحمر من الخجل:- بص ايه رأيك في الوردة دي

سيف بانبهار:- جميلة اوي وكمل باستغراب:- بس اللي اعرفه إنه البنات بتحب الورد الأحمر
ملك:- ايوة بس أنا بحب الوردة البنفسجي دي
وكملت بغيرة ثم أنت عرفت من فين ان البنات بتحب الورد الأحمر
سيف:- ع عادي يعني ايه حد ممكن يعرف وبعدين أنتِ بتغيري ولا ايه
ملك:- أغير أغير ده بتاع اي ده إن شاء الله
سيف بضحك خلاص في ايه احمرتي كده ليه
ملك طلعت تجري على السلم بخجل شديد
______________________________________ تاني يوم صحيوا على صوت صويت والناس رزان فاقت ايه الصوت في ايه لبست هدومها بسرعة ونزلت رزان لقيت مجموعة كبيرة من الناس قدام المحل ولما راحت لقيت النار بتولع في المحل رزان وهي بتجري تطفي المار اللي والعة:- لا لا
مؤمن جه ومسك ايدها المحروقة
مؤمن بغضب:-أنت بتعملي ايه سا مجنونة
رزان:- المحل المحل بيولع
مؤمن:- تقومي تحرقي نفسك
رزان سكتت بس كانت معلقة نظرها على المحل
وبعد ما المطافي طفت النار
ملك وهي زعلانة على حال صحبتها اللي ساكته ونش مدية اي ردة فعل
ملك:- رزان اتكلمي اصرخي عيطي اعملي ايه حاجه بس متسكوتيش أرجوكِ( اه هي دي الصحاب الجميلة🥰)
رزان بردو ساكتة قامت ببرود و وطت حطت صوابعها ولمست الرماد اللي متبقي على الأرض
بصت على صوابعها بعيونها اللي اتحولت للون الأسود من شدة الضيق وقالت:- أقسم بالله ما هرحم اللي كان السبب
______________________________________
ملك بخوف من بصتها وقالت بعد ما مشيت رزان اللي عمل كده قال على نفسه يا رحمن يا رحيم بعملته دي لأن هيقابل الجحيم على ايدها
مؤمن باستغراب:- للدرجادي بتحب المحل ده أوي يا رزان للدرجة إن مهمكيش الحرق اللي في ايدك وأنت بتطفي النار
يا ترى ايه اللي يخلي رزان تبقى متعلقة بالمحل ده أوي كده
______________________________________
مؤمن حاول يلحقها بس كانت ركبت عربيتها وطلعت على أكتر مكان بتحب تقعد فيه فوق الجبال
رزان نزلت من العربية وقعدت ضمت رجلها فضلت باصه للجبال ببرود شديد خلينا نقول هدوء ما قبل العاصفة
مؤمن جه وقعد جنبها مؤمن:- للدرجة دي بتحبي المحل للدرجة إنك ممكن تحرقي ايدك عشانه
رزان:- أنت جيت ليه وعرفت مكاني ازاي
مؤمن:- لحقتك وجيت وراكي بس مش عارف جيت ليه
رزان:- دلوقتي اللي فهمت معنى كلامه لما قالي العين تكره الأحسن منها قالي الكراهية تكلف أكثر من الحب لأنها إحساس غير طبيعي إحساس عكسي مثل حركة الجسم ضد جاذبية الأرض تحتاج لقوة إضافية وتستهلك وقوداً
لكل حريقٍ مطفئ فللنار الماء وللسم الدواء وللحزن الصبر وللعشق الفرقة ونار الحقد لا تخبو أبداً
مؤمن:- هو مين اللي قالك كده
رزان:- حمزة
مؤمن بغيرة من فكرة انها تعرف راجل:- مين حمزة
رزان:- أخويا
مؤمن:-هو أنت قصدك على أخوكِ الميت
رزان:- اه عارف أنا كنت بحبه أوي برغم من خناقاتنا اللي مش بتنتهي كنا نلعب ونهزر كان يجي بليل ونقعد في الجنينة ويحكي لي كل حاجه حصلت معاه حتى حتى......
مؤمن:- حتى ايه
رزان كملت :- حتى بعد ما اتزوج كان يجي يحكي لي كنا نجري ونلعب زي الأطفال بابا كان يفضل يقولنا امتى هتكبروا بقى واحنا نقولوا مش هنكبر ابدا ههه كان يفضل يقولي يقولي يا طفلتي وانا اقوله أنا مش طفلة🥺😢 حتى اياد لما كان يتخانق معايا كان يجي و يقوله لو قربت منها هزعلك بس هو مات مات وسابني من غير ما يعودني على غيابه مقليش انه هيبعد 😔
مؤمن بحزن على اللي شافته:- ربنا يرحمه هو في مكان أحسن من هنا، بس هي فين مراته
رزان بصت له بدموع ولأول مرة تضعف بالشكل ده قدام حد ولكن رجعت بصت قدامها ببرود من غير ما ترد عليه
مؤمن:- طيب الجو هيبدأ يبرد
رزان مكنش عندها طاقة انها ترفض
______________________________________رزان وصلت الحارة لقيت ملك مستنياها ملك جريت عليها:- رزان أنتِ كويسة حصلك حاجه روحتي فين
رزان ببرود:- أنا كويسة
ملك بصراخ:- فوقي بقى يا رزان هو مات خلاص فكرك انه فرحان ونو شايفك كده ضعيفة
رزان:- ملك وطي صوتك وأنتِ بتكلميني وخدي بالك من كلامك
رزان طلعت شقتها
ملك بحزن:- أنا مكنش قصدي ازعلها أنا بس كنت خايفة عليها
سيف:- معلش هي بس مضايقة دلوقتي
______________________________________
رزان طلعت أوضتها ومسكت نفس الصورة:- وحشتني وحشتني أوي يا ميزو وأنت يا بابا ليه سبتوني لوحدي ومشيتوا😔😔
فجأه سمعت صوت هي عارفاه وده ما كان إلا كارم
كارم بضحكه مستفزة:- ايه قلتلك مش هخليكِ تفرحي
رزان بصت له ببرود شديد ومردتش عليه
كارم:- ولسه اللي جاي أحلى ههههه
ولكن جاته صفعة أوي من مامته
مامته:- أنت ايه ، ايه الحقد والكره اللي جواك ده عملتك ايه دي بتعتبرك زي أخوها كل الحقد اللي مالي قلبك ليها ده ليه
كارم بحقد:- عشان كل حاجه ليهم هما أنتِ وبابا كنتوا تحبوها هي وأخوها أنا ارتحت من أخوها لما مات ولكن فجأة سكت على ضربة رزان له بالقلم (الله عليكِ اديلوا😂)
رزان بعيون سوداء من شدة الغضب:- أخرس خالص يا كارم طول عمرك الحقد مالي قلبك نسيت زمان لما كانوا الولاد يتنمروا عليك في المدرسة مين كان يقف في وشوهم حمزة ولما كانت هتخبطك عربية من اللي أنقذك حمزة
ولو على باباك ف أنت عارف كويس اوي هو ليه بيعاملك كده حمزة طول عمره بيعتبرك أخوه ولازم تعرف إني لو عايزة اقتلك مش هتردد لحظة بس أنا سايباك ترجع لعقلك
رزان مشيت وسابت كارم يفكر ف كل اللي قالته كارم مشي من غير كلام وكان بيفكر يا ترى معقول هو يكون غلطان هو ازاي بقى بالشر ده ازاي بقى كده كان زعلان من نفسه أوي أخته طول الوقت كانت محتجاه وهو مكنش جنبها
صاحبه ايوة حمزة كان صاحبه ولكن ولاد الحرام هما اللي خلوه يكره بنته عمه وأخته وصاحب عمره افتكر يوم ما اعرف بموته زعل بس فسّر ده بأنه شفقة
ملقاش مكان يلجأ ليه غيره لا ملجأ غير الله .........
الثاني عشر
أحببت مجرمة
بقلمي/جهاد محمد
لأجل أننا مُسلمون ،
و تعظيم شعائرِ اللهِ فريضة ،
عيدُكم مُبارك ، وكل عامٍ و أنتم بخير 🤍
طَابَت أعيادُكم برِفقةِ مَن تُحبّون، ولا قطع الله عن بيت عيدًا
عيدكم مُبَارك ❤
كارم راح المسجد صلى ركعتين وفضل يعيط جامد افتكر صاحب عمره حمزة واللي أمنه على أخته قبل ما يموت بفترة وكأنه كان حاسس انه هيموت وازاي هو محفظش الأمانة
بعد شوية قرب منه شيخ
الشيخ:- السلام عليكم ورحمة الله وبركاته يا ابني
كارم:- وعليكم السلام ورحمة الله وبركاته
الشيخ:- عامل ايه يا ابني
كارم:- الحمد لله
الشيخ:- أنا آسف لو بدخل في حاجه متخصونيش بس انا شوفتك ساجد و بتعيط
الدنيا مش مستاهلة كل ده
كارم:- بس أنا عصيت ربنا كتير وخونت صاحبي أقصد انه كان مأمني على أخته بس انا محفظتش على الأمانة بالعكس أنا اذيتها
الشيخ:- بص يا ابني طول ما باب التوبة مفتوح يبقى أنت بايدك تغير كل حاجه
كارم:- يعني ايه؟
الشيخ:- الرسول صل الله عليه وسلم قال لنا حديث فيم معناه أن التاب من الذنب كمن لا ذنب له
كارم:- يعني ممكن ربنا يسامحني
جهاد محمد
الشيخ:- اكيد يا ابني ربنا غفور رحيم بس أنت توب من الذنب ده ومترجعلوش تاني
كارم:- إن شاء الله يا شيخ شكرا
كارم خرج وهو متغير ١٨٠ درجه قرر إنه يبقى شخص تاني خالص وكل ده بفضل ربنا ثم رزان اللي فوقته
كارم وصل الحارة وأول حاجه عملها راح اعتذر لرزان
رزان:-أنا عمري ما أزعل من أخويا
كارم:- أنا عمري ما كنت أخوكِ كنت دايما أذيكِ حتى أختي عمري ما كنت الأخ اللي تتمنى أي واحده
رزان:- لا متقولش كده وبعدين خلاص حاول تعوض ده دلوقتي
كارم:- تفتكري ملك هتسامحني
رزان:- ملك طيبة صدقني هتسامحك
كارم:- طيب أنا رايح لها دلوقتي شكرا☺️
كارم راح لأخته
كارم:- ملك أنا آسف آسف يا حبيبتي
ملك مردتش عليه
كارم:- أنا عارف إني غلطت كتير بس أرجوكِ سامحيني
ملك مردتش اكتفت بس بأنه تحضنه وتعيط
ملك من داخل عياطها:- ليه ليه يا كارم تعمل كده
كارم بحزن:- أنا اسفه أوعدك مش هسيبك تاني
سيف جه في الوقت ده والغيرة اتملكت منه
راح شد كارم من ملك
سيف بغيرة شديدة:- في ايه ايه اللي بيحصل هنا
كارم بغيرة على أخته:- في ايه يا عم أختي وبحضنه الله
سيف:- وأنت تحضنه ليه من الأساس
كارم:- لا حول ولا قوة إلا بالله بس يا بابا ايه ده
ملك:- بسسسس اسكتوا أنتوا الاتنين اي ده أطفال
سيف و كارم كانوا لسه هيتكلموا قاطعتهم بغضب:- اسكتوا مش عايزة اسمع ولا كلمه ايه ده ومشيت من قدامهم
سيف باستغراب:- مالها دي
كارم:- مش عارف شكلها اتجننت وبعين بصوا لبعض بكره ومشيوا(لا حول ولا قوة إلا بالله 😂😂)
______________________________________
رزان راحت لملك المصنع لأن هما خلاص هيشتغلوا في المصنع كل واحده ليها نصيب بس رزان كانت بتحب المحل لأن كان شغال فيه حمزة😔
رزان:- أنا أنا آسفة
ملك لفت وشها ومردتش عليها
رزان:- أنا آسفة مكنش قصدي ازعلك بس انا كنت متعصبة وجت فيكِ أنتي
ملك مردتش عليها
رزان:- ملك يا لوكا يا بت أنا آسفة خلاص بقى ميبقاش خلقك ضيق خلي البساط أحمدي
ملك ضحكت
رزان بمناغشة:- ضحكت يعني قلبها مال
ملك:- خلاص انا مش زعلانة منك وبعدين اصلا مقدرش ازعل منك
رزان حضنتها و بادلتها ملك بنفس الحضن
سيف ومؤمن جم في اللحظة دي وحبوا صداقتهم أوي
______________________________________
عدت الأيام ورزان وملك والشباب كانوا ينزلوا المصنع مصنع الملابس مهران كان عنده عدة مصانع منها ملابس ولعب أطفال
وعند وعد وإياد اتقابلوا كتير وهي قابلت مامته وحبيتها أوي وكذلك مامته حبيتها واتمنت لهم الخير
______________________________________
وفي يوم جديد ملئ بالأحداث الشيقة
مؤمن كان شغال ولكن جاله اتصال مهم أوي لدرجة انه خرج برا المحل عشان يرد وده ما مانم إلا اللواء محمد اللي كان ظاهر على الضيق جدا
اللواء محمد:- مؤمن أنت لازم تيجي حالا
مؤمن:- بس يا سيادة اللواء أنا في المهمة دلوقتي
اللواء محمد:- قدام ٢٤ ساعة وتكون قدامي غير كده هعمل تصرف مش هيعجبك وقفل الفون
مؤمن:- هو ايه اللي حصل لكل ده
______________________________________
مؤمن راح لرزان
مؤمن:- أنا مضطر اني امشي دلوقتي
رزان:- ليه خير حصلت حاجه
مؤمن:- لا بس في مشكلة في العيلة يومين بالكتير وهاجي
رزان بتفهم:- تمام
مؤمن وسيف اللي مكنش فاهم حاجه مشيوا
ووصلوا للمقر ودخلوا ل اللواء محمد
مؤمن بعد ما أدي التحية العسكرية
اللواء:- ممكن افهم كل ده بتعملوا ايه ومفيش اي حاجه متقدمة اسمعوني كويس اوي معاكم شهرين لو معرفتوش حاجه يبقى المهمة هتسحب منكم
مؤمن:- بس يا سيادة اللواء
اللواء:- من غير كلام كتير يا مؤمن
مؤمن خرج وهو مضايق جدا وقف في نص الصحراء وخرج من العربية مؤمن بضيق خبط العربية برجله
سيف:- ممكن تهدى شوية
مؤمن:- اهدى ايه بس انا ولا مرة اتاخدت مني قضية عشان يجي دلوقتي وياخدها حد مني
سيف:- اهدى واحنا هنلاقي حل
مؤمن اركب العربية عشان هنرجع دلوقتي سيف ركب وصلوا للحارة ودخلوا على المصنع من غير كلام رزان لاحظت حالة مؤمن بس معلقتش
جه واحد ووجه كلامه لرزان:- الباشا الكبير عايز حضرتك
رزان:- تمام روح وانا جاية
رزان دخلت لمهران المكتب مهران ادخلي ادخلي يا رزان
رزان:- اهلا يا باشا
مهران:- اسمعي يا رزان أنت عارفه انك غالية عندي عشان كده انا هخليك أنت تعملي المهمة دي
رزان:- مهمة ايه
مهران:- مخدرات ، في شحنة مخدرات هتيجي في لعب الأطفال وانا واثق فيكِ عشان كده روحي أنت استلميها
رزان ببرود:- امتى معاد التسليم
مهران:- يوم الأربعاء الجاي
رزان:علم وسينفذ
رزان خرجت بس مخدتش بالها من اللي كان بيسمع كل حاجه
مؤمن:- يا ولاد ال.... ليه كده يا رزان
مؤمن دخل المصنع بعد رزان
رزان:- كنت فين
مؤمن:- كنت في الحمام
رزان:- اوك
______________________________________
عدت الأيام وجه معاد التسليم واللي كان الساعة ٥ الفجر
رزان نزلت وهي لابس لبس اسود رزان لبست جاكيت أسود وكوتشي أسود ونظارة سوداء
لبس رزان
ونزلت بس مكنتش تعرف ان مؤمن وسيف كانوا مستنينها تحت
رزان ركبت العربية وتحركت بيها
رزان في العربية:-أنا عارفه ان الصفقة دي هي اللي هتخليني اشوفك
رزان راحت جابت العربية اللي فيها الألعاب ولكن مؤمن كان قال للضباط يعملوا كمين للتفتيش
الضابط وهو بيخبط على زجاج العربية
رزان نزلت الزجاج
الضابط:- ايه اللي في العربية دي
رزان:- العاب أطفال
الضابط:- انزلي وريني وهاتي الرخصة معاكِ
رزان بهدوء:- OK
رزان نزلت من العربية وراحت تفتح الشاحنه الكبيرة اللي كان بيسوقها واحد من رجالة مهران
رزان فتحت الشاحنة وفعلا كانت لعب أطفال
مؤمن وهو بيكلم الضابط من السماعة:- قلها تفتش اللعب
الضابط بتنفيذ:- احنا هنفتش اللعب
رزان وهي بنفس الهدوء:- معنديش مشكلة
الضابط فتش و ملقاش حاجه
تقدري تمشي دلوقتي
رزان ركبت العربية بتاعتها ونزلت النضارة شوية وهي طالعة وغمزت للضابط😉(كيادة بنتنا كيادة😂)
مؤمن كان هيتجنن:- يا ولاد ال... بدلوها بدلوا العربية
رزان وصلت للحارة
ومؤمن وسيف طلعوا الشقة وأول ما فتحوا النور لقيوا رزان قاعدة على الكرسي وحاطه رجل على رجل وبتهز ف الكرسي
رزان:- ايه رأيكم زكية مش كده
سيف:- قصدك ايه
رزان بضحكة خبيثة:- هههههه كنت فاكرين إنكم ممكن تمسكوني تؤ تؤ تؤ بس انا ضحكت عليكم
مؤمن قبض على ايده من شدة الغضب وقعد على الكرسي التاني وحط رجل على راجل
مؤمن:- مصيرك توقعي تحت ايدي ووقتها مش هرحمك يا بنت الحديدي
رزان:- ههههه لما نشوف يا حضرة المقدم مؤمن الصياد هههههه بس ايه رأيكم في خطتي جميلة
انا اخد الشاحنة اللي فيها اللعب المزيفةوبعدين يوقفني كمين
بينما الشحنة الأصلية اللي فيها المخدرات تكون طلعت بس في شاحنة تانية هههههه
مؤمن:- امثالكم دمروا البلد وخربوها
رزان:- لا وقال ايه أنت تقول للضابط يفتش اللعب بس عايز الصراحة أنت كمان زكي بس مش ازكى مني
رزان وهي بتوقف ضحك:- هتاخدوا هدومكم و مشوفش وشكم احسن أنا مش عارفة ممكن اعمل فيكم ايه
رزان مشيت ومؤمن كسر الشقة من شدة الغضب يا ولاد ال..... أنا مؤمن الصياد يضحك عليا من عيلة زي دي بس ماشي
______________________________________
تاني يوم رزان نزلت
ملك بتساؤل:- هما فين الشباب اتأخروا ليه كده
رزان ببرود:- مشيوا
ملك:- مشيوا يعني وجاين تاني
رزان:- لا مش هيجوا تاني ومش عايزة اسمع سيرتهم
ملك:- يعني ايه مشي من غير ما يقولي
رزان مسكت كتف ملك :-ملك خلاص هما مشيوا واخنا هنكمل حياتنا زي ما كانت الأول واحسن كمان تمام كملوا اليوم وملك طول اليوم ساكتة ومش بتتكلم
رزان في نفسها:- شوية وتنسى
قلبها:- طب وأنتي هتنسي
عقلها:- اه هتنسى ده خاين ومخادع ومتنسيش انه ضابط شرطة
قلبها:-وايه يعني
رزان حطت ايدها على ودانها اسكتوا بقى خلاص
______________________________________
رزان لملك ١٠ دقايق وجاية
ملك معلقتش
رزان وصلت للمكان ولقيته واقف مستنيها
رزان:- خير
مؤمن:- أنا عارف انك مستغربة من اتصالي ومجيك هنا
رزان:- عايز ايه يا حضرة المقدم
مؤمن:- أنا هعرض عليكِ عرض
رزان:- اي هو
مؤمن بصدق:- رزان أنا عارف انك طيبة وبتعملي كده لسبب أنا مش عارف احدده لحد دلوقتي
صدقيني اللي بتعملي ده غلط بصي أنت ممكن تساعدينا في اننا نقبض على الناس دي وبكده عقوبتك هتتخفف لأنك ساعدتي الشرطة
رزان في نفسها:- أنا آسفة بس لازم اعمل كده
رزان:- ولو مش واقفت
مؤمن:- يبقى هتخليني اقبض عليك وعليهم وبكده مش هتكوني فرقتي عنهم بحاجه
رزان:- وانا مستنياك يا حضرة المقدم
______________________________________
عدت الشهور وعدت سنة كاملة ومؤمن ميعرفش عنها ايه حاجه هو اتخلى عن القضية ميقدرش يقبض على حبيبته ايوة هي البنت اللي حبها من كل قلبه
وفي يوم اللواء عملهم استدعاء
اللواء:- مهمة جديدة يا شباب بس انا مش المشرف عليكم انا بس الوسيط
مؤمن باستغراب اومال مين المشرف علينا....
الثالث عشر
أحببت مجرمة
بقلم/جهاد محمد
الابتسامة ليست سعادة بل أحيانا هي مجرد تخطي الألم 💔
وفي محافظة من محافظات الصعيد هنلاقي بيت كبير ،رزان وملك كانوا بيلعبوا بالكرة لحد ما طلع عليهم راجل كبير رزان وملك بصوا لبعض كده وهما ماسكين الكرة والأطفال حواليهم وبصوا على الراجل وهما بيضحكوا
الراجل:- تعالوا يا كبار يا عاقلين
رزان اتقدمت هي وملك والأطفال وراهم الراجل مسك العصا رزان شافته وطلعت تجري هي وبتضحك
رزان وهي بتجري:- ااااااع يالهوي اي ده أنت جايب الصحة دي منين آآآآآآه رزان صرخت بعد ما العصايا لمستها يخربيت كده اي ده
الراجل:- بقى يا كبيرة منك ليها بتلعبوا في الشارع مع العيال
ملك:- يا عم استهدى بالله بس أنت دي مكنتش ساعة اللي لعبنا فيها ولكن صرخت بأعلى صوتها لما جتلها ضربة من العصايا😂😂
اااه بتوجع وربنا
وطلعت تجري هي و رزان وهما بيضحكوا وقفت رزان على رنيت تليفونها واتغيرت ملامحها للجدية لما شافت مين المتصل.......
______________________________________
و عند مؤمن و سيف لما كانوا بيسألوا اللواء مين هيكون القائد أو المشرف عليهم
اللواء:- هينضم ليكم فريق النمور واللي هيكون القائد هو النمر وكمان هينضم ليكم اياد الحديدي
ملحوظة اياد صاحب مؤمن وسيف مقدم ولقبه الحوت بس مؤمن ميعرفش ان رزان تبقى أخته
سيف:- ايه النمر انا سمعت بمهماته الصعبة وإنه محدش شاف شكله قبل كده غير المقربين منه
اللواء:- فعلا هو بيشتغل مع وزير الداخلية يعنى يعتبر أعلى مني في الرتبة
مؤمن:- المهمة عبارة عن ايه
اللواء:- انا معرفش اي حاجه زي زيكم انا بس وسيط كل اللي عليا إني أوصلكم للمكان
مؤمن:- مكان ايه
اللواء:- مكان اجتماع فريق النمور
مؤمن:- امتى الاجتماع
اللواء:- بكرة
مؤمن:-تمام
______________________________________
وعند رزان
المتصل:- الاجتماع هيكون بكرة
رزان:- حلو أوي
تاني يوم مؤمن وسيف وصلوا للمقر اللواء استقبلهم وطلعهم على اخر دور في المقر
سيف:- أنا سمعت ان الدور محدش بيدخلوا ازاي احنا هندخل
اللواء:- فعلا لأن الدور ده خاص بفريق النمور محدش بيدخل غيرهم
سيف سكت ومردش اكتفى بهز رأسه طلعوا الاسانسير وصلوا
دخل اللواء ولكن المكان كان فاضي
سيف باستغراب:- هو مفيش حد ولا ايه
اللواء:- لسه مجوش النمر بيحب الالتزام بالمواعيد أوي يعني تلاقيهم هنا بالدقيقة و الثانية
اياد :- طيب الساعة كام دلوقتي
اللواء:- ٨ إلا ٥ (٧:٥٥)
اياد:-أول مرة أشوف حد كده (يعيني ميعرفش انها...... هتعرفوا 😂)
فضلوا مستنين
مؤمن ضربات قلبه بدأت تزيد وبتلاقية بص على الباب اللي فجأة اتفتح ودخلت منه واحده لبسه قناع مش باين منه غير عينها
رزان دخلت وهما أدوا التحية العسكرية
رزان بصت ل اللواء وقالت:- مهمتك خلصت لحد كده تقدر تمشي
اللواء خرج وهي بصت لهم ببرود فجأة دخلوا شوية شباب وبنات وكانوا مغطين وشهم كمان
رزان قلعت القناع سيف ومؤمن وإياد بصوا لها بصدمة
مؤمن بغضب:- أنتِ مستحيل أنتوا بتسهبلوا
رزان:- وطي صوتك يا سيادة المقدم احنا هنا في شغل مش بنهرج
مؤمن:- أنا عايز افهم كل حاجه دلوقتي .......
______________________________________
رزان:- اقعد وأنت هتفهم كل حاجه
مؤمن قعد بغضب والشباب والبنات كمان قعدوا
رزان:- قامت واقفت وفتحت شاشة كبيرة كانت موصلة بالاب توب اللي قدامهم وظهرت صورة
لشخص
رزان بصت للصورة شوية وبعدين بصت لهم وقالت:- ده جوان ماسبيرو زعيم المافيا الأمريكية من خمس سنين كان عايز يدخل شحنة لمصر بس وقف له راجل وابنه أبطال بمعنى الكلمة هما مش من شرطة ولكن من الشعب اللي أقسم على حماية بلده الحبيبة
ليه رجالته هنا في مصر بيوزعوا مخدرات على الشباب وحاجات كتير بتحصل بسببهم الراجلين قدروا يمسكوا عليه حاجات كتير وحطوا الحاجات دي في مايكروفيلم بس هو اخده ودلوقتي عايزين الراجل والمايكروفيلم
أنا تعاملت معاهم ٥ سنين قدرت اعرف عنهم حاجات كتير بي اتكشفت
مؤمن وسيف وإياد الصدمة احتلت وشهم
مؤمن:- يعني أنت كنت جاسوسة
رزان:- لما أنت جيت عرفت على طول انك ظابط بس استغربت لأن انا كنت منعت قبل كده اي حد يمسك المهمة دي ولما كلمت سيادة الوزير قالي ان لازم يبقى في ظباط والا أمرنا هيتكشف عشان كده دلوقتي المطلوب منكم قبل ما أتكلم واقول ايه حاجه خلوني اعرفكم بفريقي
ريماس الدمنهوري لقبها الذئب
فهد السيوفي لقبه الضبع
عاصم الأسيوطي لقبه الذئب
ميار المحمدي لقبها السفاح
عاصم بهزار:- مش عارف ازاي المجنونة دي تبقى سفاح
ملك الحديدي لقبها القناص
ميار:- بس يا بابا بدل ما أوريك ازاي ابقى السفاح
عاصم كان لسه هيرد عليها ولكن وقفه صوت رزان
رزان بغضب:- اخرسوا أنتوا الاتنين ولا عايزين تتدربوا على أيدي
عاصم:- لا وعلى ايه الطيب أحسن
رزان:- هتتقسموا فرق ملك وسيف مع بعض عاصم وميار مع بعض ريماس وفهد مع بعض
وأنا ومؤمن واياد مع بعض
طيب ليه هنتقسم فرق
رزان:- كل فريق هيروح لشخص معين هتعرفوا كل حاجه بكرة
تقدروا تمشوا دلوقتي
كلهم خرجوا ورزان فضلت تشتغل شوية ولكن خرجت بعد شوية قليلين بس لقيت اللي بيشدها ويكتم بوقها محاولتش تعمل حاجه عشان كانت عايزة تعرف مين ده وآخره ايه
الشخص رزعها على الحيطة وكتم بوقها
أحببت مجرمة
جهاد محمد
مؤمن بغضب:- ليه ليه تعملي كده ليه تخدعيني معنى كده انك كذبتي عليا في كل حاجه كل حاجه قلتيها كدب
رزان:- بس انا مكدبتش عليك في ولا كلمة
ومتنساش انك كمان كذبت ومقولتش انك ظابط
وبعدين يفرق معاك في ايه كذبت ولا لا
مؤمن:- عشان بحبك انا سبت المهم عشانك مكنتش هابقى مبسوط وأنا بحط الكلابشات في ايدك و ادخلك السجن زي ما كنت فاكر بس أنتِ ضحكتي عليا
مؤمن خرج بغضب و هي خرجت بعده بغضب
ركبت عربيتها كانت ماشية ومش مركزة غير في كلامه (أنتِ خدعتيني أنتِ كذابة) وقفت عند منحدر نزلت من العربية وقعت على الأرض وفضلت تصرخ بأعلى صوتها:- آآآآآآه من غدر الدنيا آآآآآآه ياااااارب يارب الدنيا غدارة وخاينة يارب يارب انا عمري ما خدعت حد
يارب كل ما الدنيا تعشمني وأحس انها بدأت تضحك لي تيجي وتغدر بيا انا تعبت اوي😢😣
ليه كل ده بيحصل فيا ليه 😭😭ليه كل ما أحب حد يبعد عني خسرتي أبويا وأخويا اللي كل ما ليا في يوم واحد وقدام عنيا بعدت عن عيلتي عشان كنت خطر عليهم خطر على عيلتي يارب ليه محدش بيحس بيا ليه😭😭 رزان حطت رأسها على رجلها وفضلت تعيط ولكن لقيت حد بيطبطب عليها رزان رفعت وشها وكان باباها
رزان:- بابا؟؟؟
باباها هز رأسه وهي قامت وحضنته وهي بتعيط وحشتني وحشتني أوي يا بابا خدني معاك انا مش عايزة أفضل في الدنيا دي يا بابا
قليلي ايه اللي مضايقك
رزان:- كيف لي أن أقول لك أن الحياة تسير عكس ما أريد تماماً ؟ أتمنى بقاء الشيء فيزول
أتمسك جيداً بالأشخاص فيرحلون، أقدم قلبي قرباناً من أجل لحظة اطمئنان، فأبقى في الخوف وحدي أسعى جاهداً أن لا أصيب أحد بأذى ، فيؤذيني الجميع كيف لي أن أعيش في هذه الحياة
واصبر وما صبرك إلا بالله الحياة دي يا بنتي مش محتاجه صبر بس
رزان بصت له باستغراب
_ ربنا بيقول بسم الله الرحمن الرحيم( واستعينوا بالصبر والصلاة) يعني الصبر والصلاة مكملين بعض مينفعش اصبر من غير صلاة ومينفعش اصلي من غير صبر
أحببت مجرمة
جهاد محمد
= بس أنا عصيته كتير معقول هيقبلني
_ وهو الذي يقبل التوبة عن عباده ويعفو عن السيئات
هزت رأسها وحضنته جامد رزان فتحت عينها ملقتش باباها فضلت تنادي بأعلى صوتها باباااا أنت سيبتني مرة تانية ليه😭
رزان مسحت دموعها وروحت قفلت على نفسها و راحت تشتكي لرب الناس اللي بيقبل أي حد ويغفر الذنوب إلا الشرك به رزان سجدت وهي بتعيط وبعدين خلصت صلاة وهي حاسه براحه كبيرة قوي 🥰وهنا اتعهدت على نفسها عهد انه مهما حصل لا تلجأ إلا لرب العباد
______________________________________
اياد روح وهو زعلان النهاردة شاف صغيرته ومقدرش يحضنها ويطمنها شاف الجمود في عينها معقول هي دي البنت اللي كانت تملي البيت بصوت ضحكها هي دي البنت اللي كانت تجري زي الأطفال وتلعب معقول هي دي 💔 دماغه كانت هتنفجر......
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق