رواية أحببت مجرمة الفصل الرابع والعشرون بقلم جهاد محمد حصريه وجديده على مدونة النجم المتوهج
 |
"قبورنا تُبنى.....ولم نتوب ياليتنا توبنا قبل أن تُبنى"
مؤمن سمع صوت كعب نسائي لف ولقى رزان

شكل رزان
كانت آيه في الجمال
رزان اتصدمت ولكن أخفت صدمتها
سيف:- مرحبًا بكِ إمبراطورة المعمار
رزان:- مفيش داعي خلينا نتكلم عربي
سيف:- تمام
سيف لكم مؤمن بكوعه عشان يفوق
احنا جاين نعرض عليكم عرض
رزان:- اتفضلوا
مؤمن:- دي جزيرة على البحر موقعها جميل جدا لو اتفقنا إنكم تعملوا التصميم واحنا علينا المعدات هنطلع حاجه جميلة جدا
رزان:- تمام بس بشرط
سيف:- اي هو
رزان:- النسبة الأكبر هتكون لينا
مؤمن بصوت واطي:- طبيعي هتوقع ايه يعني من واحده بتحب الفلوس
رزان سمعته ولكن معلقتش
سيف:- بس كده احنا خسرانين لأن احنا بنجيب المعدات من برا مصر
ياسين:- ايوا ولكن أستاذ سيف متنساش ان التخطيط والتصميم علينا احنا
مؤمن كان ملاحظ علاقة رزان وياسين اللي في كل حاجه بيتناقشوا فيها مع بعض وكان مضايق منه جدا
مؤمن:- مين بقى الأستاذ
رزان:- شريكِ ودراعي اليمين
مؤمن بصوت واطي بإذن الله هقطعلك دراعك اليمين
سيف كتم ضحكته
مؤمن:- واحنا مواقفين
ياسين:- على بركة الله
مؤمن:- المره الجايه هيبقى التوقيع عندنا في الشركة المصرية رزان كانت هتعترض ولكن وقفها صوت أميرة
اميرة:- رزان الحقي
رزان:- في ايه
أميرة:- حور و يزن قالبين الشركة والموظفين كل واحد عمال يجري وراهم بسبب مقالبهم ومحدش عارف يمسكهم رزان بصت لياسين وقالت:- منك لله
ياسين:- الله وانا مالي
رزان:- تربيتك ياخويا
ياسين:- كده طب انا غلطان عشان قلت اساعدك شوية
رزان:- كمل الاجتماع وانا هقوم اشوف المصايب دي
ياسين:- تمام
رزان خرجت
مؤمن مكنش فاهم حاجه ولكن سيف كان فاهم كل ده وكان زعلان على صاحبه هو عارف ان صاحبه بيحب الأطفال جدا ولكن اتحرم من عياله بسبب ناس معندهاش ضمير
مؤمن:- توقيع الصفقة هتكون في شركتنا المصرية يلزمكم وقت قد ايه للتخطيط
ياسين:- ننزل مصر الاول وبعدين نحدد
مؤمن:- تمام الشهر الجاي هيبدأ التخطيط وتوقيع الاتفاقية في مصر
ياسين:- تمام
خلص الاجتماع مؤمن خرج هو وسيف
بس هو وخارج خبط في شيء صغير أوي
حور بغضب:- يوه بقى هو عسان ربنا مديكو طول تخبطو في الناس
مؤمن نزل لمستواها:- بتعملي ايه هنا يا صغيرة
حور:- أنا مس صغيرة
مؤمن:- امال ايه
حور:- أنا عندي ٦ سنين
مؤمن ضحك على البنت الجميلة دي
حور:- يخربيت ضحكتك
مؤمن ضحك أكتر
حور شافت سيف كانت لسه هتجري عليه
سيف في نفسه:- لا لا اوعي تقربي هيقتلني
ياسين جه من وراه:- حور
حور لفت:- ياسوو
ياسين رفعها من الأرض:- أنتِ بتعملي ايه
حور:- كنت بستخبى من يزن
يزن:- هاي لقيتك يا حور
حور:- لا خبيني يا ياسين بسرعة
يزن:- خلاص انا مسكتك
حور بغضب نزلت من ياسين:- ليه كده يا ياسين خليته يشوفني
ياسين:- بت وانا مالي هو أنتِ وأمك عليا
يزن هو بيبص على مؤمن:- ايه الحلاوة دي مع اني عايش في فرنسا الا اني اول مره اشوف الجمال ده
ياسين مسكه من قفاه:- ياسلام ولاه أنت بتعاكس
يزن:- يعم قلت لك متمسكنيش كده تاني
ياسين ساب يزن
يزن ضرب ياسين في رجله
ياسين:- اه يخربيتكم أنتو أطفال انتو
يزن وحور طلعو يجروا
مؤمن كان حاسس باحساس غريب اول مره يحس بيه تجاه الأطفال دي
سيف:- مؤمن يلا بينا عشان الطيارة
مؤمن هزّ رأسه ومشي
سيف لصوت واطي لياسين:- شكرا
ياسين بصوت واطي لسيف:- أي خدمه
سيف ومؤمن خرجوا من الشركة
رزان كانت بدور على يزن و حور
رزان دخلت مكتبها بتعب بعد ما يئست انها تلاقي القرود دول
رزان حست بحركة غريبة في المكتب حطت ايدها على مسدسها اللي في ظهرها
وقربت من المكتب ولكن لقيت حور و يزن
رزان:- أنتوا بتعملوا ايه هنا
حور ويزن خرجوا
رزان كانت مربعة ايدها وبتبص لهم بغضب
حور ويزن :- احنا اسفين ياروز
رزان:- اسفين اه منكم تعبتوني
رزان قعدت بتعب حقيقي على الكرسي
حور و يزن بصوا لبعض هما عارفين مامتهم كويس هي صحبتهم ومامتهم واختهم وباباهم وكل حاجه
حور:- مالك يا روز فيكِ ايه؟
يزن:- اخنا اسفين بس أنتِ كويسة
رزان رفعت رأسها واخدتهم في حضنها
رزان:- أنا كويسة يا قلب روز
حور و يزن:- احنا بنحبك أوي
رزان:- وانا كمان بحبكم أوي
بعد اسبوع ياسين كان بيحاول يقنع رزان انها تنزل مصر واخيرا رزان وافقت وهينزلوا خلال يومين
رزان:- أميرة أنتِ هتيجي معانا ومفيش اعتراض
أميرة:- حاضر
رزان:- يلا بقى عشان عايزين نخلص الشغل اللي هنا قبل ما ننزل
أميرة:- تمام
بالليل رزان روحت طلعت لحور و يزن لقيتهم بيلعبوا
رزان:- انتو لسه صاحين
حور بنعاس كنا مستنينك
رزان :- طب يلا قوموا ناموا عشان نازلين مصر بكره
حور:- أنا عايزة انام معاكِ النهاردة
يزن:- وانا كمان
رزان ابتسمت واخدتهم في حضنها وناموا هما التلاتة
في مصر مؤمن دخل البيت لقى سيرين قاعدة
سيرين بدلع:- مؤمن حبيبي أنت اتأخرت اوي يا بيبي
مؤمن زقها:- ابعدي عني يا سيرين وأياك تقربي مني أنتِ فاهمه
سيرين خافت من منظره وبعدت
مؤمن طلع اوضته
سيرين بغضب:- أنا نفسي اشوفها ايه الحلو فيها يعني عشان تفضل متعلق بيها طول السنين دي
( هتشوفيها يا حبيبتي استهدي بالله بس أنتِ وجهزي نفسك للجاي)
مؤمن دخل الحمام غسل وشه وبص لنفسه في المراية
أنتِ كنت قدري أوقعتِ الثعلب في حبك عشقتك عشق المجنون ل ليلى و لكنكِ خنتيني وخذلتيني
مؤمن افتكر حور البنت اللي قدرت انها تخرج ضحكته اللي طال غيابها لمدة ٦ سنين
مؤمن غير هدومه وخرج من الحمام اترمى على السرير وقعد يفكر في رزان واخيرا شافها بعد غياب ٦ سنين هو ما يعرفش ليه قلبه دق لما شافها كان فاكر انه كرها ونسيها مؤمن نام بعد تفكير طويل
تاني يوم الصبح
رزان:- حور يزن يلا عشان نفطر عشان منتأخرش على الطيارة يلا
حور:- هي طيارتنا يبقى نركبها في أي وقت
رزان:- طيب قوموا يلا عشان تفطروا،ايه اللماضة دي
حور ويزن نزلوا فطروا
وبعدين توجهوا للمطار
هبطت الطيارة على مصر الحبيبة أرض الوطن
رزان ركبت العربية هي وولادها وكان معاهم ياسين ووراهم أسطول من العربيات
وصلت قصر الامبراطورة
كان أقل ما يقال عنه انه فخم فهو قصر الامبراطورة
رزان طلعت حور و ياسين طلع يزن واللي كانوا تعبوا من مدة السفر
ياسين:- ينفع أسألك سؤال
رزان:- يا نعم
ياسين:- هو مؤمن ده هو هو...
رزان:- اه
ياسين:- طيب ا..
رزان:- كفاية يا ياسين مش عايزة اسمع حاجه قلت هتسأل سؤال وخلصنا على كده
تاني يوم
رزان اخدت حور و يزن لمدرستهم الجديدة واللي كانت مع ندى بنت ملك وسيف
حور و يزن كانوا فرحانين بمدرستهم الجديدة جدا وده اللي فرّح رزان جدا
رزان وصلت للشركة والكل كان خايف جدا ياما سمعوا عنها ولكن مشفهاش ايه حاجه كانت بتعملها أميرة او ياسين
رزان:- المدير فين
السكرتيرة:- أستاذ مراد في اجتماع هو حضرتك اخده معاد
ملحوظة هما عارفين ان المسؤول عن الشركة جاي ولكن ميعرفوش مين هو
رزان كانت مضايقة من لبس الموظفين جدا لبسهم كان كاشف والمشكلة انهم كلهم لابسين زي بعض
رزان:- لا
رزان كانت واقفه وفجأة خرجت بنت من المكتب كانت بتعيط
رزان:- أنتِ لو سمحتي استني
البنت بعياط:- نعم أنتِ مين
رزان:- هو أنتِ بتعيطي ليه
البنت:- هو انتِ هتقدمي في الشركة دي الظاهر انك جديدة
رزان:- اه في ايه أنتِ بتعيطي ليه
البنت:- اوعى تقدمي الإنسان ده زبالة بيجبرنا نلبس اللبس ده هو قذر بجد
رزان اتحولت عينها من شدة الضيق
ياسين بخوف من شكلها:- ربنا يستر
رزان:- ياسين جمّع الموظفين كلهم
رزان دخلت المكتب بغضب
رزان خرجت بعد شوية وكانت ماسكه من شعره وبتسحله على الأرض
رزان رمت المدير وقالت بغضب:- كان لازم اختار ناس نضيفة تدير الشركة في غيابي فاكر انك كده راجل لااا أنتِ كده سوسو
رزان رفعت رأسها للموظفين
وأنتوا مفيش راجل فيكم اعتبر زمايله زي اخواته زي ما رضيت ان زميلة ليك يتعمل فيها كده هيجي اللي يرضى ان أختك يتعمل فيها كده
وأنتوا سكتوا ليه كل ده الواحده فينا بتقعد تبني في شرفها طول عمرها لكن ثانية واحده كفيلة انها تهدم كل ده كان واجب عليكم لما تلاقوا زبالة زي ده بيعمل كده تخلعوا اللي في رجلكم وتعرفوه مقامه وان الله حق
يلاا كل من ليها حق تاخدوا بايدها وبعون الله مفيش حد فيكم هياخد فيه ساعة واحده
الموظفين كانوا حاطين رأسهم في الأرض بس لما سمعوا كلامها اللي خلع جزمته وضربه واللي معاه عصايا
رزان كانت بتبص عليهم برضى
الإنسان اللي زي ده هو ده مقامه وعقابه اللي يستحقه
عند مؤمن كان راح يجيب ندى من المدرسة هو بيحبها جدا وهي كمان قد ايه كان يتمنى يكون عنده أطفال من حبيبته رزان ولكن هي من وجهة نظره مقدرتش الحب اللي حبه ليها ولا الثقة والمكانة اللي منحها ليها في قلبه
ندى شافت مؤمن وجريت عليه
عمو مؤمن عمو مؤمن
مؤمن رفعها من الأرض وفضل يلف بيها
في الوقت ده السائق كان مستني حور و يزن
حور ويزن خرجوا
حور:- يزن يزن بص كده
حور شاورت على محل ايس كريم
يزن:- ايس كريم
حور:- تعالى نشتري
حور و يزن طلعوا يجروا وماخدوش بالهم من العربية اللي كانت هتخبطهم بس ايه.........
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق