expr:class='data:blog.languageDirection' expr:data-id='data:blog.blogId'>

رواية بين الماضي والحاضر البارت الاول والتاني والتالت بقلم جمانه السعيدي حصريه وجديده


رواية بين الماضي والحاضر البارت الاول والتاني والتالت بقلم جمانه السعيدي حصريه وجديده 

رواية بين الماضي والحاضر البارت الاول والتاني والتالت بقلم جمانه السعيدي حصريه وجديده 


موضوع القصه جديد  انصحكم تقروها 

بس اريد تفاعل مو مثل القصه القبله 


اني خالد  حاليا اني دكتور بيطري 

ابد لا تستهزئون بلطب البيطري  لان احنا ندرس حالنا حال الطب البشري 

بلعكس الطب البشري اسهل   لان الانسان   ممكن يشرحلك 

من شنو يشكي 

او شنو يوجعه   ويحددللك  الأعراض الي يحس بيه 

اما الحيوان   انت لا زم تكتشف المرض

وتحدد الألم وتبقى مراقب تطور الحاله 

يعني مراح يشرحلك هو تحسن لو بعد  انت الي لازم تعرف 

لان تبقى مراقب الحاله

واغلب الأحيان نضطر نخدر الحيوان حتى نعالجه

اني اشوفه مهمه صعبه ومحتاجه ذكاء وادراك  ونباهه


احنا من العماره  بس عايشين بمركز المدينه 

من عائله متوسطة الدخل 

ابوي  متوفي  وعندي خوات ثنيبن ازغر مني 

جنه    و سنا

المهم  اني من جنت  عمري عشر سنوات واني احب بت خالتي  نور  الي هي ازغر مني بسنه وحده 


وامي وامها  كانن يشجعن هذا الحب 

ودائما يكولون نور الخالد   وخالد النور 

طبعا هذا اكبر غلط     

كنا متعلقين واحد بلثاني يوم بعد يوم   واني احس نور تخصني   واليه  ومحد غيري راح ياخذها 

حبه كبر بداخلي    الحد ماصرت مجنون بيه   

وخصوصا مع تشجيع العائلتين

خالتي جانت دائما تحاول تستغلني   

وتأخذ مني اي شي املكه      وتكول مو انطيتك بنتي 


يعني اذا احصل مصرف  تاخذه مني   او اذا عدهم اي عمل للبيت  تصخرني   مو انطيتك مرا 

واني طاير   كنت احس من كلامه اني صرت رجال 

وكد المسوليه

جمانه السعيدي 

منا لمن وصلت صف سادس اعدادي 

ونور صف خامس    واني كل يوم حبه يكبر بكلبي 

واشوفه  احلى بنيه بهاي الدنيا 

هي جانت حلوه كلش   بيضه وناعمه 

وشعرها حلو   وجسمه يخبل 

كنت اشوفه أجمل بنيه بهاي الدنيا

قبل الامتحانات باسبوعين    اقصد امتحانات السادس 

حسيت حركه غريبه بيت خالتي 

بس ماعرفت شنو 


نور كامت ماتجينا    وخالتي   مااعرف شبيه 

اروح عليهم   نور ماتطلعلي  وخالتي  تكول مشغولين 

روح البيتكم وبعدين ارجع 

كنت مستغرب من هذا التغير المفاجئ

جمانه السعيدي 


الحد ماسمعت الخبر الصادم    هذا الخبر حرفيا شلني 

وحطمني    نور انخطبت  واهله موافقين 


بلبدايه سمعت الخبر من امي 

وماصدكته ابد   توقعت تتشاقه وياي 


امي....نور بت خالتك انخطبت 

خالد...بشرفج لا تشاقين هيج شقا 


امي راسا دنكت وتحسرت لان تعرف اني شكد احبه ومتعلق بيه 


خالد...هاي شبيج  ليش دنكتي 

امي...نور انخطبت واهله موافقين    موهنا المصيبه 

يردون يزوجوه الواحد اكبر منه  ١٢ سنه

ارمل وعندا بنيه  عمرها  ٦ سنوات 


خالد... انتي تحجين صدك لو تشاقين 


امي...لا ولله احجي صدك   وهسه رحت عليهم تعاركت وياا 

خالتك واجيت 

كتله انتي طول عمرج تكولين نور الخالد وخالد النور 

وتعرفين الولد شكد يحبه ومتعلق بيه 

شلون تنطيه الغيره 

تكول واحد شبعان  وعنده معرض سيارات  وعنده بيوت ثنيبن  وبيتهم بغداد  وراح يعيشه ملكه 

ابنج بعده  بااول الطريق     طالب    وانتم تصرفون علي 

وحتى لو طلع معدل ونجح هم تبقون تصرفون علي 

منا لمن يتخرج 

وهاي خوش فرصه ومااريدها اضيع من ايدي 

ابنج راح يلكه   بنيه يزوجها  وراح ينسى نور 

بس بنتي مراح تلكه مثل هاي الفرصه ابد 


اتمنى مازعلين عليه ابد

جمانه السعيدي 

امي  شنو ماازعل عليج  ابني السنه سادس بس يسمع هذا الخبر  يتخبل 

واكيد راح اضيع علي هاي السنه 

عاد اجلؤ الموضوع منا لمن يخلص سادس  شدعوه هاكد  مستعجله 

بنتج بعدها زغيره   شنو دخلت بلعمرين 

اصبري شويه 

خالتي...لا ولله مااضيع هاي الفرصه ابد 

رجال متمكن وواصل  بلكت يشغل الولد وياااا 

بلكت  يشوفلنا سكن بغداد   احسن ماباقين هنا 


امي...بكيفج انتي الي اختاريتي  بس حوبت ابني مااضيع 

طول عمرج  انت معشمته خير 

وهسه غدرتي بي انتي وبنتج 


امي...هذا الحجي الي دار بينا   واني لا نقصت ولا زدت حرف علي    الله يعوضك احسن منه 

شني قحط بنات

خالد....شنو يعوضني  شنو احسن منه   نور اليه وماياخذها واحد غيري 

طفرت ركض  لبست شحاطنتي  وركض بلشارع   هم بيتهم بلشارع الي ورانا 

راسا دفعت الباب ودخلت 


خالد....وينج  ووينج نور   ووين خالتي    شنو هاي السالفه

الجديده    نور محد ياخذها غيري  سمعتو لولا 


طلعت خالتي على صوت العياط 

جمانه السعيدي 

خالتي  ...شتريد  داخل علينا مثل ثور هايج  اي مره مالك عندي 

شويه ودخل زوج خالتي والولد  جايين من الشغل 


خالد...اسمعو كلكم نور محد ياخذها غيري   لا بشرفي اقتله واقتل نفسي 


ابو نور....انت  داخل علينا تهدد بصفتك شنو  البنيه بنتي واريد ازوجها بكيفي 

واطلع برا لا اخلي الولد يكسرون عضامك تكسير 


خالد...مااطلع اله اسمع من نور ماتريدني 


ابو نور...طلعو برا  ماعوزي بس الزعاطيط  تتهجم عليه بيتي 


سحبوني إخوانه وطلعوني برا  وسدو الباب 

بقيت اكسر بابهم 

رجعو طلعو عليه إخوانه ثنيينهم وابوها وضربوني 

كسروني تكسير 

الجوارين  فرغتني من ايدهم  واخذوني شايليني للبيت 

امي بس شافتني كامت تعيط 


...ابني  كتلو  ابني مات 

اخذتني للمستشفى وضمدوني  ورادو بس اشتكي عليهم 

بس اني رفضت 

مااريد اكطع اخر امل عندي    جنت متوقع   راح يرجعون 

ويكولون تعال  نور الك  محد ياخذها غيرك 


عقل مراهق  وجنت حيل متعلق بيه  

طلعت من المستشفى وبقيت يومين نايم بلفراش عايش على المسكنات والمهدئات 

بس ماكطعت الامل    توقعت هي راح ادافع عن هذا الحب 

وتوكف بوجهم وتكول احبه واريده وماازوج غيره 

للحكايه بقيه تفاعل حلو مثلكم

#قصصmyhopes

#بين_الماضي_والحاضر

#البارت_الثاني

#جمانه السعيدي 

بقيت بلبيت يومين كلش مريض ومااكدر اتحرك   مو من الضرب   لا من الخذلان الي حاس بي 

احس كلبي يوجعني 

كلشي متوقع بس نور  تزوج واحد غيري 

كنت زغير ومراهق  وحسيت هاي اكبر مصيبه 

ومااكدر اتجاوزها ابد 

خالتي خافت اسببلهم مشاكل  عجلت بمرحلة الزواج 

طلبت عقد وخطوبه سكته بس عائلته  وعائلتهم 

حتى ماعزمت امي  

والعرس بغداد     

خافت لا اشوف زوج نور  واحجيله كلشي ويخرب هذا العرس     خالتي ابد ماكانت مصدكه عبالك ربحت كنز 

اني متأكد ماسئلة عليهم زين المهم عندا فلوس وبس 

باقي الاشياء مو مهمه 

جمانه السعيدي 


اني نور..   بت خالة خالد  اني ازغر منه بسنه وحده 

بس كبرت وكمت افتهم   بديت اسمع اسمي مرتبط باسم 

خالد     يعني اسمي واسمه مايتفاركن مثل المبتدأ والخبر 

لازكات واحد بلثاني 


ماكان حب بكد  ماهو ارتباط   يعني احس اهلي وجهو عقلي على خالد    وخصوصا امي   امي حيل جانت تشجع هذا الارتباط 

بحيث اني اروح البيت خالتي يمته مايعجبني 

وخالد عدنا على طول الوقت 

خالد صحيح يحبني ومتعلق بيه بس ابد ماحاول يستغل هذا الحب لو يتحرش بيه   مع ان احنا دائما نكعد وحدنا 

لو يوصلني البيتنا  لو اني اجي اكعد يمه بغرفته 

بعمره ماحاول يستغل هاي العلاقه ابد 


امي اكثر وحده كانت تستغل هذا الارتباط 

بس تسمع بيت خالتي مستلمين الراتب  وخالد ماخذ حصته 

تبدي تستغله 

نور  ماعدها ملابس    نور محتاجه شوية شغلات 

نور اليوم الشامبو مالته خلص 


مو بس استغلال مادي لا    دائما اذا عدنا شغل  تخلي خالد يخلصه    تنضيف السطح   تنضيف المجاري 

صبغ البيت    مشوار للسوك   للمستشفى

كل هذا  وهو مستعد يسوي اكثر  علمودي

جمانه السعيدي 

اما اني مثل ماكلتلكم  ارتباط اكثر ماهو حب 

يعني مو اني اختاريته وختاريت احبه    لكيت اهلي مختارين اليه 

من كبرت شويه تغيرت مشاعري  وصرت احبه  وتعلقت بي 

لان هو اربعه وعشرين ساعه عدنا لو اني عدهم 


والصراحه خالد ينحب  انسان مودب واخلاقه عاليه 

ونفسيته حلوه وكريم   وحنون حيل 


الحد مااجت وحده من الجوارين وخطبتني الاقاربهم 

واحد أكبر مني ١٢ سنه  وارمل وعنده بنيه عمرها ست سنوات 

امي بس عرفت بي عنده املاك  وحالته الماديه زينه 

راسا قلبت على خالد 

اني اصلا مالي رائي بهذا الموضوع 

جنت زغيره  ومااعرف  وين مصلحتي   وملحة امي عليه 

وحجيه طول لوقت    

خلتني سكتت  وماحجبت  مع اني من داخلي اريد خالد 

هذا الرجال اكبر مني بهواي 

ومااعرفه   ومن غير منطقه  ايجوز اني ويااا ماتنوالم 

بس امي ابد ماانطتني مجال اختار 

وحبستي  بلغرفه   من يجي خالد تمنعني اطلع علي 

واخر شي تعاركو ويااا  وحصل كتله بسببي 


امي اتصلت على نزار  الرجال الي خطبني وستعجلت الموضوع    

خلال بومين تمت الخطبه والعقد 

ورحنا البغداد  حجزنا بلفندق  وستعجل اجراءات الزواج 

كنت كل الوقت افكر بخالد   واكول شلون صار 

اعرف هو متعلق بيه حيل  وصعب ينساني 


خالد   ...اليومين الي تمرضت بيهن خالتي كملت كلشي 

ونور عقدت   وراحت البغداد علمود الزواج 


من سمعت الخبر   راسا  حسيت ألم مو طبيعي  بطني 

وحالتي ادهورت   تكرمون خروجي يطلع دم 

ومااكدر اوكف على طولي 

نقلوني للمستشفى    واسبوع كامل واني على العلاجات

وماكو اي تحسن 

كنت حاس بلهزيمه  ومااكدر اساعد نفسي حتى اطلع من هاي الازمه 

صعب عليه اجاوز كلشي وانسى شلون انسى  مااعرف 


اضطر الدكتور يكتبلي علاج خارجي  وسعرا كلش غالي 

لان حالتي مااطمن  

اكدلنا اذا بقه الوضع هيج  ممكن اخسر حياتي 


الحاله الماديه   ماكانت تساعد  احنا عايشين على راتب ابوي الله يرحمه   وامي تخيط   وماشيه حياتنا 


أصدقائي  وولد عمي جمعو فلوس العلاج وجابو 

وبديت اتعالج   شويه شويه صارت حالتي احسن 

وطلعت من المستشفى 

حالي كله تغير   صرت ضعيف  ووجهي اصفر  وشكلي هزيل 

وماليه واهس بكلشي 

قربت الامتحانات   ومااكدر امتحن 

قبل اريد انجح  واريد اتخرج علمود نور    هسه نور راحت 

علمود شنو ادرس 


امي ابد ماضغطت عليه     جانت حيل خايفه عليه 

لا تنتكس حالتي من جديد 

ويضيع منه ابنه الوحيد 


ضاعت عليه السنه  وماامتحنت  وصارت عندي مثل الكئابه 

كنت احس حياتي حيل خاليه 

بعد ماكانت نور طول الوقت كبالي  وهسه  عافتني 

جمانه السعيدي 

بدو جماعتي يحجون عليه  ويحاولون يطلعوني من هاي العزله الي اني اعيش بيه 

وينسوني حزني    ياخذوني وياهم ونفتر وناكل برا 


الحد مابدا العام الدراسي الجديد   وامي وجماعتي اثرو عليه   لازم ارجع للدوام  وأثبت النفسي  اولا  وللناس ثانيا اني انسان ناحج   واكدر اكمل 

فعلا رجعت للمدرسه وهلمره ركزت على دراستي بشكل موطببعي 

حتى أصدقائي مااطلع وياهم   اقرا طول الوقت


اما بلنسبه النور    خالتي شبه كاعده عدها  منا لمن امنت 

عمل الولدها بغداد بواسطة نسيبه 

لان همه ثنيبنهم تاركين المدرسه   وباعت بيته بلعماره  وشتريت بيت ازغر بغداد حتى تكون قريبه على عمل ولدها

وعلى حياة بته الي مستحيل تعوفه براحته 

لازم تخطط الكلشي  وتدخل بلزغيره والجبيره 

بهاي الفتره تصالحت هي وامي  من بعد سنه من زواج نور 


اني مااعترصت على هذا الصلح ابد  

مهما تكون اخته   وكلشي قسمه بهاي الحياة 


بعد سنه من زواج نور سمعت امي تحجي بلتليفون ويااا خالتي وتباركله   نور صار عدها ولد 

للحظه وحده تخيلت هذا الطفل ممكن يكون ابني 

ونور زوجتي 

بعدين استغفرت ربي   ورجعت اركز على دراستي 

خلاص حرام افكر هيج   نور بعد صارت الغيري 


المهم شديت حيلي وطلعت معدل زين  ونقبلت كليه طب بيطري   

هنا ركزت على دراستي اكثر واكثر  وكنت اطلع من الأوائل كل سنه   تركيزي على دراستي   وابتعادي عن الناس 

خلاني  اشوف هواي اشياء ثانيه بلحياة

تستحق المثابره والعمل 

بمرحله ثالثه كليه سمعت نور صار عدها بنيه 


طبعا اني من يوم زواجه الهذا اليوم واني بعد ماشفته ابد 

ولا شفت خالتي 


خالتي اجت كم مره للعماره  عدها شغل وتمر على امي 

بس اني بس اسمع اجت ادخل غرفتي وبعد مااطلع 

الصراحه اني كرهته 

ومااتحمل نكون اني وياها بمكان واحد ابد

جمانه السعيدي 

طبعا امي تحجيلي عن أوضاعهم    ولد خالتي  يشتغلون خير من الله  وابوهم  متعرض الحادث   ومايكدر يشتغل 

بس حياة نور مااعرف عنه اي شي 

غير   انو صار عدها اطفال ثنيبن  وولد وبنيه وبس 

مااعرف هي سعيده ويه زوجها 

مرتاحه بلحباة هناك لو لا 


ارجع واكول اني شعليه  هي اختارت حياته واني لازم اختار حياتي   ولازم انجح   وواكون شخص مميز 

والعبره بلاخير  منو راح يكون صاحب الاختيار الصح 


الحد ماوصلت الاخر مرحله   وكنت سعيد بهذا الانجاز 

وبيوم رجعت للبيت لكيت خالتي عدنا 


سلمت عليه وتحسرت    واني رديت السلام من ورا خشمي 

دخلت الغرفتي ابدل واسمع خالتي تكووول 

خالتي  . ماشاء  الله   خالد هاي السنه يتخرج

امي انشاء الله   لو ماضايعه على سنه جان هسه متخرج 

الله كريم 

خالتي.. ولله خالد يستاهل كل خير   شاطر ومودب  ومتفوق 

اني الغبيه ستعجلت على نور وزوجته 

امي.. اذكري ربج كلشي قسمه ونصيب 

خالتي...لا ولله ابد مامرتاحه ويه زوجه   يشرب  ويدور

نسوان  ويضربه   وكلما تشوفني تحجي عليه 

كله من وراج   عمت عينج الفلوس وستعجلتي 

اني ووين هذا السكير ووين

امي...الله يصلح حاله    لا تضوجين كلشي قسمه ونصيب 

خالد...الصراحه تشمتت بيه ولو الشماته حرام 

بس اني تشمتت بيه كتلت نفسه على الفلوس 

حيل بيه تستاهل اكثر 

للحكايه بقيه تفاعل حلو مثلكم

#قصصmyhopes

#بين_الماضي_والحاضر 

#البارت_الثالث 

#جمانه_السعيدي 

خالد...اتخرجت ولله الحمد   وطلعت من الاوائل وصعد كتابي للوزاره  وكرموني  واجا قرار تعييني استاذ جامعي 

بكلية البيطره    

هنا بدت حياتي الجديده    حياة ثانيه غير الي عشته قبل 

حسيت نفسي كبرت فعلا   وصرت انسان مسؤول

ولا زم اشيل الحمل عن امي 

امي من يوم مات ابوي لليوم وهي شايله كل المسوليه 

اجاني احساس اني كبرت 

مو كبرت سنه لا احس نفسي كبرت عشر سنوات 

الحياة العمليه غير 

اول راتب استلمته انطيته الامي 

خالد...هذا الراتب وبعد ممنوع اشوفج كاعده على المكينه 

ضهرج انحنا  وركبته انكسرت علينا 

امي...يايمه  الحمد لله والشكر   الله جعل بيه باب رزق  النا 


خالد...الف الحمد لله والشكر   بس ابنج هسه صار دكتور ومامحتاجين انتعبج بعد 

جمانه السعيدي 

بهاي المرحله اتعرفت على وحده  اداريه ويانا بلكليه 

حلوه  ومرتبه وتلبس اشياء نازكه 

بدت تصير بينا نضرات اعجاب  بلبدايه 

وكلام   شويه شويه   اني انعجبت بيه 

وهي كانت معجبه بيه بشكل 

قررت انطي نفسي فرصه   وخصوصا اني نسيت الماضي 

ومن اذكر  الاشياء الي سويته اضحك على نفسي 

شكد جنت تافه    وكبرت المواضيع  وهي بسيطه


لان مااريد اوكع بلخطى بهاي العلاقه   قررت بلبدايه يكون بينا خطبه  وانطي نفسي فرصه 

اذا اقتنعت اتوكل على الله وازوج   واذا ماقتنعت انسحب 

لان اي انسان مراح تعرفه على حقيقته اله تعاشره وجربه 

هواي ناس المضهر الخارجي شي  وحياتهم شي ثاني 


وفعلا هذا الي اكتشفته بعد الخطوبه   راح احجيلكم التفاصيل 

من اول يوم داومت حسيته مركزه وياي  ونضرات الاعجاب 

فاضحته  وتحاول تخلق مواضيع حتى تقرب عليه

ماانكر اني هم انعجبت بيه 

وقررت ان تكون هاي العلاقه صحيحه   يعني خطوبه 

بلبدايه  وبعدين انقرر 

بعد شهرين من الدوام  بيوم لكيته  جايه وتريد تفتح وياي موضوع خاص بلشغل 

بعدين كامت تسولف على اهله  وعلى مستواهم المادي والثقافي  وهي شلون درست  

قطعت كلامه

خالد....اني اريد اتقدملج  اذا ما مرتبطه 

ميسون....سكتت لان تفاجئت بلخبر     هااا شكلت 

خالد...اني معجب بيج واعتقد  انتي تبادليني نفس الشعور 

واني اريد اتقدملج  وانطي نفسي هاي الفرصه حتى اتعرف عليج


ميسون...اي اكيد  موافقه..بس انت جاي تحجي صدك لو تشاقه 

خالد...شتشوفين كدامج الموقف مال شقى 

ميسون...اكيد موافقه  بس انطي خبر الاهلي حتى تشرفنا يمتى ماتحب 


خالد...تمام       (  هاي اول خطوه ماعجبتني  المفروض تاخذ وقت  وتثكل شويه  وكانما ماصدكت   ترا الزلم يحبون المره الثكيله يحسوه مميزه   وهاي الي تحجي وياا هذا وذاك 

هاي رخيصه     المهم   قررت اكمل   وياها  ايجوز اغير رائي)


جمانه السعيدي 

بليل لكيته دازتلي مسج  شلونك دكتور 

...منو 

..اني ميسون  اخذت رقمك من الاداره   

...اهلا وسهلا 

...اهلي موافقين ويكولون خل يجي باجر  باجر جمعه ماكو دوام   العصر ننتضرك  الساعه  خمسه 

...تمام......( هاي ثاني خطوه ماعجبتني المفروض اني ادور رقمه واسئله   مو هي صاحبة هاي الخطوه ) 

مع ذالك قررت اكمل  واشوف 


ثاني يوم بدلت ورحت على الموعد 

بس ماحجيت بهذا الموضوع ويااا اي احد حتى امي


استقبلوني احسن استقبال  هي وامه وابوها   استقبال

ماله مثيل مبينين فرحانين بيه 

الابو ساكت  والأم تحجي   والأب بس يهز براسه 

والأم مستمره بلكلام  بدون توقف  تحجي عن اهله  وعن وضعهم    وشلون اشترو هذا البيت 

وشلون تعبو على ميسون بلدارسه 


واني ساكت  لان مجاي تنطيني مجال احجي ابد 

( هاي الخطوه الثالته الي ماعجبتني ابد ) 

رغم هذا قررت اكمل ومااريد اضلم البنيه   ايجوز اكو جوانب مااعرفه عنه


خالد....من رخصتج ممكن احجي بلموضوع الي اجيت علموده 

ام ميسون.. اي تفضل 

خالد....اني مااريد احجي وياا ميسون وانتم ماتعرفون 

اني اجيت  اثبت كلام بينا  واعتبر المرحله الجايه تعارف بينا 

واذا اتفقنا اني وياها راح تكون اكو اجراءات رسميه 


ام ميسون...يعني شنو ماتعقدون 

خالد...لا اني هسه مراح أعقد   اريد فترت تعارف   لان الزواج شركة عمر  لا يوم ولا يومين  ومااريد اضلمه ابد 

شهرين أو اتلاثه 

اذا اتفقنا  اني اكمل كل اجراءات الزواج 

اني ماعندي غير امي وخواتي ثنيين   واني اذا ازوج ازوج بيت ابوي  وامي وخواتي مراح اعوفهن ابد 

امي حيل تعبت عليه   ومااجازيه ابد 


ام ميسون....براحتك 

خالد...التفت على ابو ميسون   وانت سنو رائيك عمي 

ابو ميسون...بكيفك   هااا ام ميسون هاي هي 

ام ميسون...اي هاي هي 


طلعت من بيتهم  واني مامرتاح ابد 

بس  طلعت  ووصلت للبيت   امي سألتني وين جنت 

خالد....صديق مريض ورحت زرته ابيته لاتشغلين بالج 


هنا بدت مرحلة كشف الحقائق 

اتصالات ميسون ماتخلص  بس اتأخر وكالت وين جنت 

بس تلكه التليفون مشغول  ويامن تحجي 

كل شويه ليش ماجيبلي هديه 

بلدوام لا زكتلي   بحيث كرهتني بلساعه الي فكرت اتقدمله 

طبعا الي اخترع فكرة فترة الخطوبه عبقري 

احسن ما واحد يتورط 


شهر كرهتني بلزواج والخطوبه  كل شويه وكالت يمته تتقدملي   اجوني خطابه 

قررت انهي هاي المهزله          لزمته بلدوام 


خالد...اريد احجي وياج بموضوع مهم 

ميسون..ولو اني اعرفه  بس يله احجي 

خالد...اني اريد اسحب نفسي من هاي الخطبه   اكتشفت اني وياج مانتوالم ابد 

ميسون...   تشاقه  اكيد تشاقه  

خالد...لا احجي صدك 

ميسون...شنو تنسحب جنت تضحك عليه 

خالد...لا حاشا لله ماضحكت عليج ابد  كتلج فترة تعارف 

وهاي الفتره اكتشفت اني وياج مانصلح واحد للثاني 

جمانه السعيدي 

ميسون...شنو الي ماعجبك بيه واني اغيره 

خالد...  مو مسئلت تغيرين     انتي راح تكعدين تغيرين نفسج علمودي   تغيرين اطباع عمرها ٢٥ سنه علمودي 

لا مايصير..اكيد راح تلكين واحد يشبهج  وتتفقون تعيشون سوا 

ميسون....بعصبيه  بس اني ما موافقه تعوفني ابد 


خالد....بكيفج  بس اني هذا حدي وياج  اسمحيلي 

عفته ومشيت  اجت وراي اوكف  لا تعوفني ولله احبك 


خالد.. .اسف مااكدر اني ماكدرت احبج ابد 

ميسون...شنو ماتحبني   

خالد...عفته ومشيت   بيومها بقت تبجي  وكل شويه دازه عليه احد  

بس اني مااريد اضحك عليه ابد    اني ماكدرت احبه 

طبعا هي مثل مابيه جوانب حلوه اكو بيه خصل مو حلوه 

بس اني هاي  الانسانه ماتعجبني ومو هي شربكة حياتي المناسبه 

مراح ازوج حتلو صار عمري ٤٠  سنه اله الكه الانسانه الي اقتنع بيه   


بقت ميسون تلاحكني  وتتصل  ودز مسجات  وابلدوام

كل شويه دازه عليه احد  حتى ارجع اله 

غيرت رقمي ومانطيته الاي احد   واي احد يدخل بينا  اعتذر منه 


صدكوني كرهت الدوام بسببه شكد تلح الخاطر الله 


الحد ما اتفاجئت امه جايه للدوام  بيومها كانت ميسون مجايه 

بس دخلت للكليه   لكيته منتضرتني  راسا هجمت عليه بدون سابق انذار 

ام ميسون.... انت تعرف نفسك شسويت  بنتي مريضه بسببك 

خالد....سلامته 

ام ميسون...تضحك علينا شنو دخلت بيتنا واستقبلنك احسن استقبال تالي أدير وجهك وتروح 


خالد...ليش ضحكت عليكم اني كتلكم هاي فترة تعارف 

وكلشي قسمه ونصبب 

ام ميسون...اي اريد اعرف  ليش عفته   ميسون تبجي بسبلك 

ترا تحبك ومتعلقه بيك 

خالد.... اطباعي وأطباعه ماتتوالم   وعفته  احسن مانزوج وبعدين ننفصل 

...اي ازوجه وقرب عليه واعرفه شنو اكيد راح تحبه   

خالد...اسف   اني جنت واضح من البدايه وياكم  وماغشيتكم ابد 

...الله لا يوفقك  ولا يسعدك  ولا يهنيك  على هاي الدكه الناقصه 


   خالد....شكد ضجت بيومها   ضجت على ميسون   وضجت من فكرة الزواج كله 


بقت اسبوع مااداوم ميسون  وكل شويه دازه عليه احد 

يشرحلي حالته الصعبه  حتى ارجع اله 

بس اني قفلت ابد  هاي الانسانه ماتصلح تكون شريكة حياتي ابد 


بعد اسبوع رجعت للدوام مغيره شكله بلكامل

كصة شعرها  ومغير اللون    وملابس جديده

   حتى اشوفه واغير رائي 

بس اني كمت اخلص محاضراتي واطلع 

مااريد اتصادم وياها ابد 


سنة وهي تلاحكني  وماتقبل تعوفني ابد 

بعدين تقدمله واحد  من غير محافظه اقاربهم  وازوجت يله خلصت 

هاي ماطلعت فرصة تعارف ابد    اصعب مرحله مريت بيه 

كرهت الزواج كله من وراها 


بعد سنتين من تخرجي كدرت اشتري سياره حديثه 

وفتحت عياده خاصه بيه 

وعدلت بيت اهلي  وازوجت اختي  جنه  بعد ماتخرجت 

من معهد التحليلات 

بقت بس سنا  بلبيت  تدرس كلية علوم سياسيه 

هاي تريد تصير بلبرلمان   خابصتنا خبص 


بعد ١٣ سنه بلضبط من زواج نور  واني ماشايفه بعيني 

ونسيته كليا   رجعت ضهرت بحياتي مره ثانيه 

احزرو شنو السبب الي خلاها ترجع الحياتي مره ثانيه 

للحكايه بقيه تفاعل حلو مثلكم


تكملة الروايه من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺




تعليقات



CLOSE ADS
CLOSE ADS
close