expr:class='data:blog.languageDirection' expr:data-id='data:blog.blogId'>

رواية بين الماضي والحاضر البارت الرابع والخامس والسادس بقلم جمانه السعيدي حصريه وجديده


رواية بين الماضي والحاضر البارت الرابع والخامس والسادس بقلم جمانه السعيدي حصريه وجديده 

رواية بين الماضي والحاضر البارت الرابع والخامس والسادس بقلم جمانه السعيدي حصريه وجديده 

خالد...بيوم رجعت من الدوام  بس دخلت سمعت صوت نور تسولف    بلبدايه كلت متوهم  بس من دخلت لكيته كاعده هي وخالتي تسولف على امي واختي سنا

بهاي اللحظه بلذات عرفت نور طلعت من حياتي للابد

لان ماحسيت بلهفه عليه ابد 

عادي   الموضوع اكثر من عادي    

حسيت نفسي فعلا تغيرت   وفعلا  كبرت   وكبرت مشاعري

وصرت انسان ثاني 

معقوله هي هاي نفسه الي جنت ذابح نفسي عليه بيوم من الايام 

دخلت بس كلت السلام عليكم 

خالتي عليكم السلام 

نور...هلو خالد شلونك 

خالد  كلت اهلا وسهلا بدون مالتفت ابد ودخلت غرفتي راسا 

لاتكولون ليش ماسلمت عليه إذا فعلا طلعت من حياتك 

لان مااربده تحس اي احساس غلط اتجاهي 

جائز هي راح تفسر السلام والكلام  تفسير ثاني بعقله

جمانه السعيدي 

اجت امي وراي     ...احضر الاكل 

خالد...لا شكرا اكلت  اريد انام ساعه حتى اروح للعياده

غيرت ملابسي   اندكت الباب 

خالد...تفضل 

راسا دخلت نور     شلونك خالد شلون صحتك 

خالد...الحمد لله تمام   انتي شلونج جهالج شلونهم زوجج انشاء الله بخير 

نور...الحمد لله   مبروك التخرج والوضيفه 

خالد...الله يبارك بيج 

بعدين سكتت  وماحجيت شي بيدي كتاب فتحته 

نور...من رخصتك 

خالد...تفضلي    تمددت وتغطيت    

فرحان لان ماعندي اي مشاعر اتجاها  ونسيت كلشي 

نمت  ومن كعدت العصر   مالكيتهم رايحين 

لكيت امي محضره الاكل   تغديت وبدلت 


امي...عندي موضوع مهم اريد احجي وياك 

خالد...اتاخرت ممكن اتاجلي لليل من ارجع    واذا موضوع مايتحمل التاجيل احجي 

امي...لا سالفه طويله مو مال واحد مستعجل ابد 

خالد...خلاص عوفيه لليل من ارجع

رحت للعياده  ومن رجعت بليل تعشيت   وسنا جابتلنا جاي 

خالد...شنو الموضوع الي ردتي تحجين بي وياي 


امي...اولا مااريدك ترفض طلبي  ولا تفشلني 

خالد...ماعاش الي يرفضلج طلب  لو يفشلج ابد  انتي اامري واني انفذ 


امي...اليوم خالتك ونور اجني بطلب وماكدرت افشلهن ابد 


خالد...اي شنو هذا الطلب 


امي...بت زوج نور  انقبلت كليه هنا بلعماره   والبنيه بيه حالة صرع  ويخافون  يخلوها بلقسم ويااا البنات 

ابوها شكد محاول ينقله  ومحد يقبل ينقله 

يكولون اله تخلص  سنه وطلع معدل عالي يله بكدرون ينقلوها  البغداد 

خالد...اي وين المشكله 


امي...تبقى هاي السنه بيتنا  وعينا عليه    والسنه الجايه 

ينقلوها   الله عليك اقبل ولا تفشلني ابد 


خالد....بس هاي مسوليه  خاف البنيه يصير بيه شي 

ليش نحمل نفسنا هيج مسوليه 

امي...  يايمه خطيه   يتيمه ومريضه   نكسب بيه اجر وثواب 


خالد...خاف اختج وبته كل شويه وجايات يتحججن بيه 


امي.. لا يمه شيجيبهن من بغداد  الهنا 

خالد...مو ابوها متمكن ليش مايدخله كليه اهليه وقريبه عليهم

جمانه السعيدي 

امي...يايمه مو كل الحجي ينكال     ابوها ماشي بدرب النسوان  والسوالف المكسره   وخسران نص فلوسه 

وداخل ويااا شريك بلمعرض 

وحتى البيت الثاني بايعه    وصارف فلوسه   لو سامع نور شلون تحجي ينكسر كلبك عليه 


خالد....ليش ينكسر كلبي عليه اسم الله على كلبي 

هو هذا اختيارها وخيار امه 

وكل واحد مسول عن اختياراته 


امي.. هسه شكلت 

خالد. .سحبت ايدها وبسته   كلمتج ماتنزل للكاع    انتي تامرين واحنا نفذ    بس اكدي عليهم 

احنا مامسولين عن حالته الصحيه 


امي....هي ما واكعه بس مره وحده  وماخذيه الاحسن دكتور 

جمله عصبيه بغداد 

ومااكدلهم  الاصابه بجزء من فص الدماغ الايمن  ومنطيه 

علاج  ومااكد على الهدوء   

وتبتعد عن المشاكل  والتوتر    والأصوات العاليه

والضوه  العالي 


خالد...اذا هذا التشخيص صحيح  يعني ممكن تتحسن صحته 


امي.. اكلك يوم   هو شنو الصرع الله يستر منه 


خالد....شحنه كهربائيه  تصير بلدماغ  وتعطل عمل الجسم 

يعني المصاب  تلكينه مايتحكم بتصرفاته 

لو يضرب نفسه   لو يضرب الكاع   


بس بحالة هاي البنيه   شغله بسيطه  واذا تتعالج راح تتحسن حالته اكيد 


امي...الله يشافيه ويعافيه انشاء الله   بعد اسبوع يجيبه 

ابوها يكمل اوراقه  


خالد...بكيفج  ماعندي مشكله 

جمانه السعيدي 

قبل لا ينتهي الاسبوع امي راحت وتسوكت السوك كله  مابقت شي ماجابته  تحضر للضيفه الجديده

ثاني يوم   اني عزموني جماعتي  نروح للاهوار  نتونس نبقى يومين ونجي 


بس وصلت والجماعه سمعو بيه دكتور بيطري 

خبصوني تعال شوف الحلال 

وتعال شوف الدجاجات      والطليان  مخوطات  تعال شوفهن 

تعاركت ويااا اصدقائي   ولكم اني شأرد من الشغل وانتم 

لحكتوني بلشغل لهنا  الله لا يوفقكم


المهم اتونسنا  ونسا حلوه  تخبل    لان اني من زمان ماطلع هيج طلعه حلوه ويااا اصدقائي 


المهم..امي اكثر من عشرين اتصال خلال يومين اتصلت بيه


رجعت ثالث يوم للبيت  وصلنا  قبل المغرب بشويه 

دخلت للبيت   اريد افاجئ   امي 

دخلت على كيف 

جان اشوف وحده كاعده بلكاع ومتربعه  وتاكل  والكصيبه 

نازله بلكاع  ومكومه يم ضهرها 

جمانه السعيدي 

باوعت  استغربت  هاي منو  مااعرفه  

صحت   يمه   يوم وينج 

هي راسا التفتت عليه        يمه عساها لا التفتت 

شني هاي من بنيه   الوجه دائري  الخدود ورديات 

العيون  مااكدر اوصفهن  اني مثل الي جمدت 

الصراحه انصدمت بلشكل الي شفته 


هي راسا طفرت ودخلت الغرفة امي 


طلعت امي على صوتي 

امي.. هله  هله   يبعد امك مشتاقتلك   بعد لو تاخذني وياك 

لو تبقى يمي 


خالد....صار من هاي العين وهاي العين  تدللين   اشتريت سمج  من سمج الناصريه  ادري بيج تحبين السمج 


امي....اي عفيه  حتى اطبخلكم تمن احمر وسمج شوي على الحطب 

خالد...منو هاي 

امي.. هاي البنيه الي كتلك عليه  بت زوج نور   

يمه شحلاته حكهم يخافون عليه 


خالد    هااا زين  اريد ارتاح  ولا تكعديني ابد 

امي  ..احضرلك اكل تاكل وتنام 

خالد...مو جوعان اريد انام   اني من اجوع اكعد واكل 

بس اسبح وابدل وانام 


دخلت الجنطه للغرفه  وطلعت تراك  ودخلت للحمام 

كل شويه تنعاد صورته من التفتت عليه كدامي 

معقوله هذا الجمال كله وبيه صرع 

صدك لو كالو الحلو مايكمل   سبحان الي خلق وابدع 


طلعت من الحمام ودخلت غرفتي  صليت  ونمت 


كعدت الساعه ١٢ بليل   عطشان  طلعت اشرب ماي 

اسمع سنا وهاي البنيه يسولفن على الكليه وتحضيراته 


طلعت سنا على صوتي 

سنا...هلو خالد  ماشفتك من اجيت   اجت حضنتني وباستني 

همزين رب العالمين دزلي وحده تسولف عليه 

انت كل النهار بره وبليل ويااا اصدقائك 

وامي لو بلمطبخ لو نايمه 


سنا ...تعاي كادي خل اعرفج على اخوي دكتور خالد 

خالد  اني غسلت وجهي  واسمع  صوت هادى    شلونك دكتور 

التفتت عليه  خاله شال على راسه  يمكن هي مو محجبه 

لان شامره الشال شلون مجان 


خالد...اهلا وسهلا   كل الهله  شلونج

كادي...الحمد لله 

....   اعتبري البيت بيتج 

كادي...شكرا  تسلم     ممكن اكولك خالو  لان سهله  عليه 

خالد...براحتج   

سنا...جوعان  احضرلك اكل 

خالد...لا موجوعان   راح اقرا شويه وارجع انام 

تصبحون على خيرررر 

سنا...وكادي... وانت من اهل الخيرررر

للحكايه بقيه تفاعل حلو مثلكم

#قصصmyhopes

#بين_الماضي_والحاضر 

#البارت_الخامس

#جمانه السعيدي 

خالد...دخلت للغرفه وفتحت الكتاب  بس مجاي اكدر اركز

النضره اله مثل السحر 

سديت الكتاب   اني شكاعد اخربط 

هي ووين واني ووين  اذا ماكو فرق بينا  فد ١٢ سنه 

اني ليش مركز وياها 

ترا هي مجرد خطار  فتره وتروح 

وشمعنه هي  اكو فروقات بينا لا تعد ولا تحصى 

وأهم واحد بيهن  هي بنت زوج نور 

هذا اهم سبب يخليني  ابتعد  وماافكر بيه اابد 

استغفرت ربي   وسديت الكتاب   وتمددت  

وبقت الأفكار تزاحم بعقلي 

كنت متصور اني كبرت وعديت كل المراحل   

بس  بنضره.  وحده من كادي انهزمة    اصلا عيب احجي بهيج موضوع 

بصعوبه نمت  مااسمع غير صوت امي وهي تكعدني للدوام 

كعدت  وطلعت برا اغسل 

لكيت امي محضره الريوك 

شويه ونزلن البنات  

مااعرف ليش عيوني راحن عليه كبل وكانما جنت منتضره تنزل واشوفه 

لابسه بنطرون قماش رصاصي  وستره رصاصي  وقميص 

ابيض  وضافره كصيبه 

الوجه يضوي والخدود حمر    لازمه الشال بايده 

جمانه السعيدي 

كادي..  صباح الخير 

خالد  وام خالد...صباح الخير 

كادي...اني مامتعوده البس حجاب   ومااعرف اصلا البسه 

اكدر اروح للدوام بدون حجاب 

خالد...باوعت عليه كلت هاي من كل عقله تطلع هيج  هو اني الشايف وعايف مااكدر انزل عيني من عليه 

شباب الكليه شلون  مالكيت نفسي غير اطفر واكول 

خالد...طبعا مو عادي

ام خالد....ليش مو عادي اصلا  هواي بنات بلكليه بدون حجاب   المودبه مو بلحجاب   والشريفه الي تحافظ على نفسه وين ماكان 


خالد....سنا علميه تلبس حجاب 

سنا..مو اليوم  لان اذا اكعد أعلمه منا الباجر ماتتعلم  راح الوقت علينا  خل نطلع 

ام خالد...والريوك 

سنا...نشتري لفات وناكل 

خالد...زين اوصلكم  

سنا...انت بعدك مامبدل وراح تتأخر علينا   وتاخرنا 

يله كادي امشينا 

طلعت واني عيني مانزلت منه ابد  واحس نفسي مقهور وضايج لان طلعت بدون حجاب 

اني شعليه ليش ضايج  اخوها ابوها ابن عمها خطيبه 

اني ليش شاغل نفسي بيه 

كمت وكلت الحمد لله 

ام خالد...بعدك ماتريكت 

خالد...شبعت   غسلت ودخلت بدلت ورحت للدوام 

اول مره من داومت لليوم 

كاعد وعقلي مو عندي       مثل السحر  جسمي بمكان 

وعقلي وكلبي بمكان ثاني 

اريد الدوام يخلص  حتى ارجع للبيت 

طلعت قبل لا ينتهي الدوام     

بس مارجعت للبيت   لكيت نفسي باب الجامعه واكف 

ومالكيت مكان اوكف بي   نهاية دوام والسيارات ازدحام مو طبيعي 

وكفت السياره بمكان بعيد  ورحت امشي  الدنيا ضهر وحاره 

وكفت باب الجامعه انتضر 

معقوله هذا اني  جاي اتصرف مثل المراهقين 

بدت الطلاب تطلع     طلعت التليفون وتصلت  على سنا 

جمانه السعيدي 

سنا...الووو هلو خالد شكو 

خالد...ماكو شي 

سنا..الله عليك امي بيه شي 

خالد...لا مابيه شي بس اني منتضركم برا اوصلكم للبيت

سنا...بستغراب   منتضرنا شعجب 

خالد...بدون حجي زايد  لان الشمس زرفة دماغي يله اطلعن بسرعه 

بقيت انتضر  تقريبا ربع ساعه يله طلعن   مو ربع ساعه

عبالك عشرين ساعه 

طلعن يمشن اني اشرتلهن 

سناء...هلو خالد  شعجب 

كادي...هلو خالو 

خالد...هلو..يله امشن ماكو مكان  وصفيت السياره بعيد 

سناء..ليش كلفت نفسك 

خالد...اسكتي ام السان 

سنا...بس سوال واحد   صار اربع سنوات ادرس هنا حتى الكليه ماتندل بابه شجابك اليوم 

خالد...كرصته من ايدها  وقربت عليه  هاي البنيه عدنا ضيفه 

ولازم نهتم بيه 

سنا.. اكثر من هيج اهتمام ماكو وغمزتلي 


هاي سنا شيطانه مايعبر عليه اي شي 

وصلنا للبيت البنات صعدن يبدلن واني دخلت سبحت على السريع ولبست تراك وطلعت 


امي.  اليوم جايين سوا  

خالد...اليوم اني طلعت من وكت ومريت عليهن جبتها وياي احسن من الازدحامات 

نزلن وكعدنا نتغدا   سنا تحجي  ولا سكتت تسولف تفاصيل يومها 

وكادي ساكته  واحسه مو ويانه  مثل الي مهمومه  او اكو شي زاعجه 

كملنا غدا   وكلمن راح الغرفته 

العصر طلعت للعياده  ومن رجعت جبت حلويات ونساتل

وعصير   

وكفت باب الدرج   وصحت  وينكم بنات 

نزلت كادي..هااا خالو اكو شي  سناء جاي تصلي 


اباوع لابسه تراك بنفسجي على فضي  اللون عليه يخبل 

والكصيبه نفسه مال الصبح 

ماحسيت اله واكفه بصفي   وتكول  

كادي...رايد شي  

خالد... هااا  لا بس جبتلكم حلويات 

كادي...شكرا خالو   اخذتهن ورجعت صعدت فوك  واني واكف بمكاني 

...استغفر الله ياربي واتوب اليه 

جمانه السعيدي 

شويه ونزلن للعشى   بس كادي اكلت قليل ورجعت صعدت

تكول مااشتهي 

كملنا عشى  واني دخلت للغرفه 

اكو محاضره  جاي احضر بيه   تحجي عن انتقال الامراض من الحيوانات  للانسان   وشلون تتطور هاي الامراض بجسم الانسان   وهاي الامراض شلون تكثر بين الحيوانات 

وكيفت الوقايه منه 


كعدت اقرا  وتصلت على كم واحد من اصدقائي 

وبعدين كعدت على النت  ونسيت نفسي 

انتبهت الساعه ثنتين بليل 

طلعت اغسل حتى انام لان عندي دوام الصبح 

وصلت للمطبخ  فتحت الماي   جان اشوف  كادي كاعده

برا  بلحديقه 

سديت المي وطلعت    اجيت  قربت عليه 

خالد...هلو كادي 

كادي..  هلو خالو     راسا شفته مسحت دموعها 

اني الصراحه خفت عليه   اصلا هي موزين عليه الانفعال 

والتوتر 

حبيت اللطف الجووو 

خالد...ممكن اكعد نحجي شويه لان مجاني نوم ابد 

كادي.. تفضل 

خالد...ممكن اعرف معنى اسمج 

كادي....ماء البحر الهادء 

خالد...منو الي سماج هذا الاسم الحلو 

كادي...امي الله يرحمه

خالد...اسمج كلش حلو 

كادي...شكرا 

خالد...اليوم حسيتج مو على بعضج اكو شي   اكدر اساعدج 

كادي...ماكو شي  بس ضايجه  لان بعيده عن اهلي 

خالد...ليش احنا مو اهلج 

كادي...لا ولله تعاملوني احسن معامله 

خالد...بعد ليش ضايجه فهميني 

كادي...راسا نزلن دموعي مره ثانيه 

خالد....لا  لا الدموع ممنوع  نهائيا    تردين اخذج باجر تشوفين اهلج ونرجع بنفس اليوم 

كادي...لا انتضر بابا  بنهاية الاسبوع 

خالد...تحبين اخذج نفتر بلعماره وتغيرين جووو 

كادي....تسلم خالو الله يحفظك 

جمانه السعيدي 

خالد...ترا العماره تخبل   ويمكن انتي ماشايفته ابد 

كادي...اول مره بحياتي ادخل للعماره   لوما دراستي جان ماشفته ابد 

خالد....لازم اخذج فد يوم ونفتر وتشوفين جمال العماره 

وليش فد بوم  تعاي ناخذ فره زغيره ونرجع 

كادي...هسه  بهذا الوقت 

خالد...اي السياره موجوده  

كادي.. ابدل واجي 

خالد....ماكو داعي  اني بلتراك   وانتي بنفس هذا التراك الي لابسته   شويه ونرجع 

بس اغسلي وجهج  خاف يشوفونج ويكولون خاطفه 

راسا غسلت وجه بلمغسله البرا 

واني طلعت السياره   صعدنا  ومشينا 


هي كعدت بالكرسي الي بصفي  وفتحت  جام السياره 

وطلعت ايدها  ووجها 

كادي...الله الجو حلو   يخبل 

خالد...هسه اشوفج جمال العماره بليل 

بقينا نفتر اكثر من اتلث ارباع الساعه  ولكينه  محل مفتح يبيع موطه وعصير   

نزلت اشتريت   ووكفت السياره  وكعدنا ناكل موطه 


كادي.. ..تعرف اني عشت عمري كله مامرتاحه  وحتى تمرضت بسبب الحاله النفسيه 

خالد...شلون يعني 

كادي...امي توفت واني زغيره  ومالحكت اشبع منه 

بعد وفاة امي بابا بدا يشرب   وصار اله عالمه الخاص 

وبعدين ازوج خاله نور 

بلبدايه ثنيبنهن زينين وياي 

بس بعدين  خاله نور بس صار عدها اطفال  كرهتني 

حيل وبدت اتضايقني 

وبابا  كل بوم يزيد عندا الا وعي   شرب بليل  ونوم بلنهار 

كنت احس بوحده مو طبيعيه 

واضم بكلبي  الحزن والقهر  والوحده 

منا لمن تمرضت 

تعرف اني صار اسبوع عدكم  بابا بس مره وحده حجا وياي 

بلتليفون 

للحكايه بقيه تفاعل حلو مثلكم

#قصصmyhopes

#بين_الماضي_والحاضر 

#البارت_السادس

#جمانه السعيدي 

خالد....حسيته تغيرت نفسيته   رجعنا للبيت  بس نزلت تكرمون اكو جلب بلشارع اجا على جهتنا 

راسا رجعت للسياره وطبكت الباب 

خالد...هااا شكووو 

كادي...هذا الجلب اجا عليه 

رحت اني من جهته  وفتحته الباب   الجلب بس شافني انهزم 

نزلت  تمشي بصفي وتتلفت على الجلب 

خالد...اصلا الجلب مايخوف  انتن البنات  حاطاتله قيمه 

هو والبريعصي 

كادي...اي مايخوف   اذا عضني يصير بيه داء الكلب 

واحتمال اكوم انبح

خالد....شو خل اشوف   اذا تنبحين مو حلو عليج 

اذا تنونوين  مثل البزونه احسن 

دخلنا  وهي رادت تصعد الدرج  بعدين نزلت واجتني 

كادي...شكرا خالو   ممكن نصير اصدقاء 

خالد...ممكن   اكيد    يعني اني اذا صارت عندي مشكله ممكن اخذ رائيج 

كادي.. اعتبرني المستشاره  الخاصه بمشاكلك

خالد...تمام 

جمانه السعيدي 

صعدت الغرفته   وأخذت كلبي وعقلي وياها   اني مااعرف شجاي يصير وياي  بنيه مثل هاي تسيطر على مشاعري 

ماصار اسبوع من عرفته 

ليش هلكد متعلق بيه ماادري 


ثاني يوم نزلن  هي وسنا   يسولفن ويضحكن 

من سمعت ضكحته   اطمنت   يعني اليوم وضعها احسن 


ثنيينهن كالن صباح الخير 

خالد  وام خالد   صباح الخيرات 

لابسه قميص نيلي  وتنوره  طويله وضيكه  نيلي  والشعر رافعته كبايه  ومنزله خصل  لا بسه تراجي ناعمات 

طالعه  فد شي 

ولله العضيم   كلبي يحترك  ليش بلا حجاب 

بس مااكدر اضغط عليه  اريدها تتعود عليه اكثر  وبعدين 

تلبس حجاب براحته 

خالد.  اني مبدل وجاهز اوصلكم 

سنا.. من يمته وجاي هاي المعزه 

خالد... عندي شغل بنفس طريقكم اوصلكم واخلص شغلي 

واروح للدوام 


صعدن وصلتهن للدوام   ورحت للكليه 

ومن رجعت طلعت من وكت حتى انتضرهن 


اتصلت على سنا وكتله اني منتضركم 


اول ماوصلن  وصعدن بلسياره  سنا تضحك  وكل شويه 

وكالت   ااكول 

كادي  كاعده ورا  اتاشرله اسكتي  اشوفه بلمرايه 

خالد...شكو   ضحكوني وياكم 

كادي...لا خالو ماكو شي 

خالد.  احجي سنا 

سنا...اكول   لو لا   ادفعي فلوس واني اسكت 

كادي.. مدت ايدها  وكرصته من جتفه    اسكتي 

سنا.. ماااسكت  بلاش 

خالد...احجو خلصوني شكووو 

سنا.. مادام ماقدمتي اي عرض  راح احجي 

خالد....بعصبيه احجووو لان صرت مثل الأطرش بلزفه 

سنا...اليوم كادي ثنيبن صارحوها 

خالد... صارحوها شلون يعنى 

سنا.. خوب واحد منهم يريد يجيب اهله اليوم وبتقدمله 

جمانه السعيدي 

راسا حسيت بحراره وضجت من سمعت هذا الكلام

ماانتبهت اكو سياره كدامي  جان دعمته 

ضربت بريك  بااخر لحظه جان انلطشت سيارتي  بذيج السياره 


سنا.  على كيفك انتبه   يمعود جان ضيعتنا 

خالد...كمت اصيح  بعصبيه اصيح على سايق السياره 

اثول ماتشوف   انت شنو حيوان ماتنتبه الدربك 


سنا.  خالد ترا انت الغلطان  هو جاي يمشي على كيف

يريد يستدير 

خالد...لا هو الغلطان   اسكتي لاتحجين جان سوينا حادث بسبج 


سكتنا كلنا بس اني كلش عصبي  واريد بس اوصل 

احس نار تغلي بداخلي 

وصلنا والبنات نزلن  وراحن يمشن بسرعه ودخلن للبيت 


ضربت الستيرن بعصبيه    استغفر الله 

قفلت السياره ودخلت 


امي.. الله يساعدك 

خالد..هلو يمه 

امي...  شبيك  على كيفك سنا تكول ردت تسوي حادث 

خالد...مابيه شي 

دخلت اخذت ملابسي ودخلت للحمام فتحت الماي البارد 

ودخلت جوا 

احس العصبيه ماتروح مني ابد 

طلعت  كعدنا نتغدا   والكل ساكت 

خلصت ودخلت اريد انام   بقيت احوس مااكدر انام ابد 

الحد مااجه موعد العياده 

طلعت  للعياده   بيومه  جابولي بزونه بيضه دنفش تخبل  

عمرها ست اشهر    

عجبني اشتريه الكادي 

عرضت على صاحبه يبيعه اليه  ماقبل  بعدين قدمتله سعر مغري  وقبل  يبيعه 

لقحته   وشتريتله  رمل معطر  حتى تخلي فضلاته بي 

وشتريتله اكل خاص 

ورجعت للبيت 

وكفت باب الدرج  وصحت كادي  كادي 

راسا نزلت  لابسه تراك اسود   بي ورده حمره جبيره من الصدر  وضافره شعرها كصيبه 

كادي... هااا خالو 

خالد...مفاجئه  تعاي انزلي 

كادي..اي  نزلت 

خالد وكفت على اخر الدرج 

خالد...غمضي عيونج 

كادي.. ليش 

خالد...مفاجئه 

كادي...يله غمضت 

خالد...طلعت البزونه يله افتحي عبونج 

كادي...هااا  صدك الله هاي اليه   تخبل    تخبل 

خالد  راسا اخذته  وحضنته 

شكرا خالووو    يااحلى خال بلدنيا 

راسا نزلت سنا على الصوت واجت امي 

خالد...اني اسف الصبح عيطت عليكم   صرت عصبي 

سنا.. الله حلوه هاي البزونه   واني ليش ماجبتلي وحده 

خالد...المره الجايه اجيبلج   كوه قنعت صاحبه  يبيعه اليه 

سنا..  لا هي مبينه كادي العزبزه 

خالد...اسكتي  لا اجيب جلب بوليسي  واربطه بغرفتج 

سنا.. يااا  لا سكتت 

جمانه السعيدي 

امي..  يمه خاف تمرضنا...لو تنكس البيت 

خالد.  لا لقحته  قبل لا اجيبه   هاي متربيه ببت  وتعرف وين تقضي حاجته 

امي.  بس حلوه 

كادي.. يصير اخذه الغرفتي   اريد اتصل بخواني حتى يشوفوها 

خالد..  اي  براحتج 


صعدت تركض على الدرج 


اسمعه تسولف وتضحك ويااا اخوانه    ياربي شكد بريئه وحلوه 


تعشينا وصعدن ثنيينهن هي وسنا يدرسن فوك بغرفتهن 

واني كملت كم شغله عندي 

راح اكللكم بعد ماخلصت وين رحت 

بس لا تضكحون عليه ولله الشغله مو بيدي  هلمره اني صدك حبيت  اول مره احب هيج حب 

رحت كعدت بلحديقه  منتضرها تنزل مثل البارحه 

حتى احجي وياها 

بقيت للساعه ٣ ونص كاعد بلحديقه بس مانزلت 

ايست ورحت نمت 

الصبح اريد افتح عيوني مااكدر  انعس  بلكوه كمت من الفراش   كبل للحمام  جوه الماي البارد 

حتى اصحصح 

جمانه السعيدي 

طلعت بدلت واسمعهن  نزلن    صبحت عليهن  وكعدت 

اباوع  كادي  لابسه  قميص ابيض  بي من الكتف ورد اصفر 

وتنوره سوده  ضيكه وطويله  بنهايته  اقلام ابيض 

والشعر ضافرته هندي  والوجه يلمع والخدود حمر 


اريد اكله تحجبي  بس مااعرف شلون افتح وياها الموضوع 

اريد اقنعه  بطريقه حلوه ماناثر على نفسيته 


لازم افكر زين 

وصلتهن للجامعه ورحت للدوام 

ومن رجعت جبتهن وياي بطريقي 

بليل تقريبا الساعه ١٠ اسمعها تحجي بلتليفون  بلحديقه  بس تحجي بعصبيه 


بدون قصد حبيت اسمعه شتكول 

كادي...بابا صار اسبوعين ماشايفتكم ليش ماتجي تاخذني 


رجعت كالت 

...شلون اجي وحدي من العماره البغداد 

ليش ماتجي تاخذني  اشتاقيتلكم 

انت بعد ماتحبني    اكيد عندك ثنيين غيري   


مااعرف هو شرد عليه 

بس اسمعه تكووول   بيش مشغول   يعني ماعندك وقت اليه ابد   دزلي سايق واجي وياااا 

مااريد فلوس اريد اشوفكم  محتاجه اشوفك بابا

جمانه السعيدي 

قفلت التليفون   وراسا كامت تتنفس بصوت عالي 

اباوع ايدها كامت ترجف   عرفت راح تجيه الحاله 

راسا ركضت عليه 

خالد...اهدي  اهدي   كادي   ركزي وياي اهدي 

سكتت  احسه ماتستجيب الكلامي 

ايدها ترعش اكثر   تحاول اتسيطر على نفسه 

قربت عليه واخذته بحضني   شلته دخلته جوا   كعدته على الكاع  وبعدت كلشي عنه  خاف اتاذي نفسه 

خليت ايدي على راسه  وكمت اقرا ايات قرانيه 

طبعا هي الحاله متجاوز دقيقتين 

قربت كعدت بصفه  وكمت اقرا ايات قرائنيه بصوت واضح 

وعيني على الساعه انتضر تعبر الدقيقه الاولى 

بس هي ماسويت اي حركات انفعاليه 

غير تهز ايدها بسرعه  وكام يطلع من حلكه  مي 

شويه وبدت تهدا  وتخف الحركه   مثل الي وعت على نفسه 

انتبهت  استحت مني 

اني رفعت التشربت مالتي ومسحت حلكه 

طلعت امي على الصوت 

امي...هااا شبيه كادي 

خالد...مابيه شي   بس تعبانه من الدراسه 

من رخصتج انطيني مي 

جابت امي المي غسلت وجه  وشربته شويه 

بعدين كومته    ودخلته غرفة امي  مااريدها تصعد الغرفته 

اخاف عليه 

عشر دقايق   صارت احسن 

خالد.. تحسين بشي 

كادي.  لا صرت احسن  اريد اصعد الغرفتي 

لزمته من ايدها وصعدته  الغرفته 

سنا..  هااا شبيه كادي 

خالد.. مابيه شي  شوفي علاجه وين   طلعت العلاج  ونطيته 

حبايه 

غطيته  وبقيت كاعد يمه  منا لمن نامت 

خالد...سنا عوفي باب الغرفه مفتوح خاف اجي اطمن عليه 

سنا.. اي   يعني احتمال ترجعله الحاله 

خالد...لا هسه هي اخذت علاج   وراح تنام  بس طفي الضوه موزين عليه 

للحكايه بقيه تفاعل حلو مثلكم 


بداية الروايه من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺


تعليقات



CLOSE ADS
CLOSE ADS
close