expr:class='data:blog.languageDirection' expr:data-id='data:blog.blogId'>
روايات وقصص

رواية دوار العمدة البارت الاول حتى البارت العاشر بقلم ميار بدر حصريه وجديده على مدونة النجم المتوهج للروايات والمعلومات

كاتب مميز
اخر تحديث :

 رواية دوار العمدة البارت الاول حتى البارت العاشر بقلم ميار بدر حصريه وجديده على مدونة النجم المتوهج للروايات والمعلومات 

رواية دوار العمدة البارت الاول حتى البارت العاشر بقلم ميار بدر حصريه وجديده على مدونة النجم المتوهج للروايات والمعلومات 

البارت الاول

في قرية النجعاوي تعيش هنادي بطلة قصتنا 15 سنه في أسرة متوسطة الحال في منزل مكون من طابقين

الدور الاول ينقسم لقسمين

القسم الأول مقابل الشارع العمومي للقرية ويحتوي علي غرفة للضيوف

القسم الثاني خاص بأمور الطبخ وفرن فلاحي تعد فيه أشهى الأكلات وغرف لتربية الطيور

الطابق الثاني خاص بغرف النوم

السطح يوجد به برج حمام كبير


الشخصيات

الأب / كامل فلاح (عامل زراعي)

الأم / سعدية ربة منزل

وائل / شقيق هنادي


في الصباح تستيقظ هنادي باكراً كعادتها تلقي تحية الصباح علي والدتها سعدية الجالسه أمام الفرن تعد الأرز المعمر

هنادي / صباح الخير يا امه

سعدية / صباح النور علي البنور قربي يا هنادي ناوليني العيش اسخنه في الفرن بالمره وهو سخن قبل ميبرد

هنادي وهي بتعطي العيش لسعدية / ريحة الرز المعمر حلوه قوي يا امه انتي صحيتي امتي

سعدية / صاحيه من بدري صليت الفجر وابوكي خد مكنة الميه وراح يسقي الأرض وأني ولعت الفرن علشان اعمل الفطور

هنادي وهي ممسكه الملعقة تتذوق الأرز المعمر / تسلم ايدك الرز يجنن

سعديه / هاتيلي معلقة سمنه بلدي من البطرمان اللي جنبكي ده علشان احطه علي البطاطس

هنادي / وكمان شاوية بطاطس اوعى تكوني نسيتي تشوي البطاطا

سعدية/ لا يا قلب أمك اني غسلتها من بدري وحاطتها في الفرن وهي استوت أهي هاتي صينيه علشان اطلع البطاطا عليها

هنادي ماسكه الصينيه البطاطا تلسعها / ااااه يا امه البطاطا سخنه

سعدية / حاسبي يا بنتي ما انتي عارفة إنها طالعه من الفرن سخنة

الباب يخبط

سعدية / افتحي الباب دي خبطت ابوكي

تفتح هنادي الباب

كامل ببتسامة / يا صباح الفل علي هنوده

هنادي ببتسامة وهي تقبل يد والدها / صباح الخير يا ابا

كامل/ ايه الروايح الحلوه دي يا سعدية

ويقعد كامل بجوار الفرن

سعدية / هاتي صينيه وفرشة علشان ابوكي يقعد عليها

يقعدوا كلهم يفطروا

كامل / كان نفسي وائل يكون معانا في القعدة الحلوه دي

سعدية / يا أبو وائل سيب الواد يسلك فى مصر أهي شغلانه احسن من الفلاحه ووجع القلب

وائل / كان يساعدنى علي الأقل في زراعة الأرض بدل ما اني بجيب انفار بالشيء الفلاني الأرض مش بقت جايبه همها يا سعدية

هنادي / متبيعها يا ابا وناخد شقه في مصر ونعيش في البندر بدل العيشه هنا

سعدية/ آه منكي انتي تموتي في مصر مش عارفة علي ايه

هنادي / طب بالذمه يا امه مش لما روحنا ل عاليه مرات خالى هناك فسحتنا وشوفنا الجناين والخضرة وتمشينا على النيل

كامل/ ههههههه واحنا هنا مش عندنا خضرة وميه يا هنادي

هنادي/ آه عندنا بس دى بقي يا ابا حلوه قوى والكورنيش جميل

سعدية / مش تفكريني كان يوم فاكره الواد الرزل اللي فضل يعاكس لحد ماابن خالكي ضربوا وفتحله راسه

هنادي/ ههههه ايوه فاكره يستاهل علشان مش يعمل كده تاني

كامل / شوفتي بقي إن الولاد في مصر مش بيحترموا البنات وبيضايقوهم وانتي عايزة تعيشي هناك كمان

هنادي/ مش عايزة أعيش هناك بس علشان خاطري يا ابا وافق اني أدخل ثانوي اني جايبه مجموع كبير في تالته إعدادي ولو دخلت ثانوي مش بعيد أجيب مجموع كبير وادخل كلية حلوه

كامل بسخرية / شوفتي بنتك يا سعدية عايزة تدخل الجامعه كمان

سعدية/ وفيها ايه بس يا ابو وائل

كامل/ مش عندنا بنت في الكفر دخلت الجامعه غير بنت العمده عايزة تعملي راسك براسهم يا بنت كامل

سعدية/ وماله واني بنتي أقل من مين في البلد علشان تقول كده

كامل / قفلوا علي الموضوع ده واني قولت قبل كده هو دبلون ويجيلها ابن الحلال ونخلص مش هوجع قلبي واوديها الجامعه وتتأخر وتجيلي في الليل ولا يحصلها حاجة في الطريق اني مش ناقص

قامت هنادي وهي بتبكي

سعدية/ زعلتها قوي يا ابو وائل قوم صالحها متكسرش بخاطرها علشان خاطري

كامل/ اكسر بخاطرها احسن ميحصلها حاجة وبعدين ترجعي تقولي ياريت اللي جرا ماكان دي بنت مش ولد اني علمت اخوها ودخل الجامعه علشان يشتغل ويجوز نفسه لكن دي بنت مسؤلة مني وبكره تبقي في رقبة راجل يحميها ويحافظ عليها ولحد اليوم ده مايجي اللي اقول عليه يتنفذ بكره اروح معاها نقدملها في مدرسة الصنايع اللي في المركز وحد من ولاد عمها ولا اني لما أكون فاضي هبقي اجيبها معايا في العربية النص نقل بتاعتنا

سعدية باستسلام/ اللي تشوفه يا ابو وائل اعمله

كامل/ اعملي فطرتين لامي نفسها فيه واني هبقي أشيع الواد فتحي ابن اخويا يجي يودهملها علي البيت سلام يا سعدية رايح الغيط

سعدية/ مع السلامة ابقي شيعلي كامليا بنت اختي علشان تساعدني انتا عارف هنادي مش إلها في الخبيز والعجين

كامل وهو بيقفل الباب / حاضر

. .....................

في أرض كامل

كامل جالس وفي ايده عصايه بيخطط بيها علي الأرض

يقرب فهمي جاره في الأرض / صباح الخير يا كامل

كامل وهو بيرفع نظره بعين واحده بسبب ضوء الشمس / صباح الخير يا فهمي تعالي اقعد

جلس فهمي بجوار كامل

كامل / تشرب شاي

فهمي/ ههههه طول عمرك مش بتمشي غير بترمس الشاي يا كامل اشرب مشربش ليه

كامل وهو بيصب الشاي/ إلا قولي يا فهمي سمعت إن اخوك عادل ناوي يبيع الأرض اللي حداه مش تعرف هيبيع القيراط بكام

فهمي وهو بياخد كوباية الشاي من ايد كامل / بيقول بخمستشاشر ألف ليه معاك تشتريها

كامل / لأ الأرض كبيره عليه اني ممكن اخد النص وعامر اخويا ياخد النص

فهمي/ ماشي هقوله. ..ارضك عامله ايه السنه دي

كامل / الحمد لله. ...بس الميه اللي قليله قوى السنه دي وانتا عارف الرز بيحب الميه

فهمي / أهو مره كده ومره نسقيها ارتوازي هنعمل ايه بس

كامل /'أهي اللي هيمشي عليه هيمشي علي الناس

ربنا يصلح الحال

فهمي / آمين. ...أقوم اني بقي اشوف مصالحي

كامل / هتروح الجمعيه تجيب الكيماوي

فهمي/ حسانين بيقول لسه مجاش لما يجي هيقولي نبقي نروح سوا

كامل / ماشي بس متنساش تقول لاخوك عادل اللي قولتهولك علشان مش يبيع الأرض لحد تاني

فهمي/ ماشي هقوله سلام

.....................

في منزل كامل

سعدية / شهلي يا كامليا احنا بقينا العصر

كامليا / ما هو يا خالتي انتي اللي عامله فطير كتير

سعدية / قولي. ..ماشاء الله. ..

ايه يا بت انتي هتبصي للناس في اللقمه اللي هيكلوها

كامليا / لا يا خالتي بس انتي لما بتعملي لازم توزعي علي العيله كلها بتتعبي نفسكي وفي الآخر بردو بيجيبوا في سيرتك

سعدية / اللي يتكلم يتكلم اني بعمل الواجب والأصول

كامليا / هي هنادي فين مش باينه يعني

سعدية / تلاقيها قاعدة فوق السطح بتوكل الحمام

كامليا / هي بنتك دي مش بتزهق من قعدة السطح دي

سعديه/ زي ناس كده مش بتزهق من البص علي الطريق يوم الخميس العصر

كامليا بخجل/ آه يا خالتي مش لازم اطمن

سعدية/ اطمني يا اختي جاي بعد بكره

كامليا / يجي بالسلامة هو عامل ايه

سعديه بمكر/ تقصدي مين وائل ابني

كامليا بخجل/ ايه يا خالتي انتي عايزاني أقولها بالمفتشر كده

سعديه/ لا يا بت بتتكسفي قوي. ..حلو بيسلم عليكي

كامليا / يسلم من كل شر ويجي بالسلامة

سعدية / خلي ابوكي يشتري ليكي تليفون علشان تتكلموا براحتكوا

كامليا / يا لهوي انتي عايزة ابويا يدبحني دا اني من يوم مخلصت الدبلوم مقعدني لا بشوف حد ولا بكلم حد كويس إنه بيخليني أجي عندكو

تنزل هنادي من فوق

كامليا بغمز/ كنتي بتعملي ايه فوق يالي تنشكي مش تيجي تساعدينا ولا المنظر فوق نساكي اللي وراكي

هنادي/ طول عمرك السانك متبري منك ايه يا بت انتي عايزة مني ايه

كامليا / شايفة يا خالتي بتشتمني ازاي

سعديه / قربي يا هنادي ساعدينا علشان نخلص

هنادي / انتي عارفه يا امه اني مش بعرف اعمل الفطير

كامليا / تعالي بطي يا اختي وانا هعلمكي

الباب يخبط

سعديه / افتحي يا هنادي تلاقيه فتحي ابن عمكي جاي ياخد الفطيرتين بتوع ستكي

هنادي بضيق تفتح لفتحي

فتحي ببتسامة / مساء الخير علي ست البنات

سعديه / ادخل يا فتحي خد الفطير أهو جنب الفرن بس حاسب علشان سخن

يدخل فتحي / تسلم ايدك يا مرات عمي

سعديه / ابقي ارجع علشان تاخد فطيرتين تدوقهم لامك

فتحي/ طول عمرك كريمه يا مرات عمي

وببتسامة ل كامليا/ ازيك يا ست البنات

كامليا / الحمد لله

يخرج فتحي وتغلق هنادي الباب بضيق

كامليا / مش عارفة انتوا مستحملين الواد ده ازاي

سعديه / ليه يا بنتي ماله

كامليا / عينه زايغة مش بيسيب بنت في حالها

سعديه / بكره يتجوز ويعقل

ونظرت ل هنادي

هنادي / اني هعمل العشا وانتوا بقي خلصوا علي مهلكو

سعدية/ ماشي. ...وكلتي الحمام

هنادي / لأ

سعدية/ اومال كنتي بتعملي ايه ده كله فوق

كامليا / كانت بتشم هوا يا خالتي أصلي الهوا فوق يرد الروح

خبطتها هنادي في كتفها

سعدية بغضب ل هنادي/ يعني مش كفايه مش بتمدي ايديكي في حاجة وكمان مش سايبها تخلص اللي في ايدها

هنادي / اني قايمه اشوف ورايا ايه

كامليا / هي مالها يا خالتي حد مزعلها

سعديه / أبوها مش عايزها تدخل ثانوي وهي حابه تكمل تعليمها

كامليا/ ثانوي ايه ووجع قلب ايه تاخد دبلوم زيي وتقعد في البيت هي غاويه تعب وو

يتبع قولولي رايكم اكمل ولا لا 

اقبل ي ادمن لو سمحت.

#دوارالعمدة 

البارت الثاني 

في الصباح في منزل العمدة تأتي بنات العمدة المتزوجات إلى المنزل (كوثر وصباح)

كوثر تقبل يد والدتها الحاجة أمينه / صباح الخير ياامه

الحاجة امينه/ صباح الخير يابنتي اومال ولادك فين

كوثر/ بيلعبوا بره ماانتي عارفه بقي لما بيجو هنا مش يبطلوا لعب مع ولاد محسن

الحاجة امينه/ مالك يا صباح مفيش حتي صباح الخير

تهمس كوثر لوالدتها/ معلش ياامه أصلها متخانقه مع جوزها

الحاجة امينه/ والمحروس بيتشاكل معاكي ليه

صباح/ أهو ياامه كل ميشوفني يتخانق معايا

الحاجة امينه/'لما ابوكي يجي من الغيط هقوله علشان يبطل ينكد عليكي

صباح/ كل ميشوفني يقولي انتي كبرتي وعايز اتجوز بت صغيرة ترجعلي شبابي

الحاجة امينه/ وهو لما اتجوزك مش كنتي صغيرة بردو دا انتي مكملتيش الستتاشر سنه وكنا مجوزينك عايز يتجوز دلوقتي بعد مبقي عندك رجاله وعرايس على وش جواز

صباح / فكرتيني ياامه الواد فوزي ابن عمتي هيام كلمني علي أسماء بنتي

كوثر/ البت لسه صغيرة يا صباح دي لسه بتتعلم

الحاجة أمينة / مش في تانية دبلون

صباح /'آه ياامه

الحاجة امينه/ خلاص يابنتي يبقى علي البركه تتجوز وتكمل تعليمها ولا لو مكملتش يعني هيجرا ايه هي البنت ليها غير رجالها وبيتها

كوثر/ لا ياامه انا مش معاكي في الحته دي البت تخلص تعليمها الأول وبعدين تتجوز

تنزل نرمين

نرمين/ صباح الخير

كوثر/ اه يااختي نموسيتك كحلي ايه اللي كان مسهرك طول الليل

الحاجة امينه / هو فيه غيره التلفون اللي مسكاه ليل نهار

نرمين/'أهو الأجازة قربت تخلص وبكره اروح مصر مع طارق واقعد هناك علشان الجامعه

الحاجة امينه/ الجامعه اللي وقفتي حالك بيها وطفشتي كل عريس يجيلك بسببها

نرمين/ هو انتي ياامه كل مشوفيني تسمعيني الكلمتين دول

الحاجة امينه/ طب ادخلي ل رسميه خليها تعمل فطور لاخواتك البنات وتولع علي الطير اخوكي هيجي ياحبة عيني هفتان من الاكل اللي بياكله هناك

صباح/ طارق جاي النهاردة

نرمين /جاي العصر

كوثر/ يوصل بالسلامة بس متعملوش حسابي في الأكل انا لسه فاطره قبل مااجي هقوم اشوف العيال مش سامعه ليهم صوت


نرمين/ ههههه الحقيهم لو كانوا بيعلبوا مع عيال محسن يبقى دلوقتي رموهم في الترعة دول عيال عفاريت

الحاجة امينه/ ميت مرة اقولك مش تقولي علي العيال الكلمة دي

تنزل شوق بضيق/ سبيها يا مرات عمي بكره نشوف عيالها بس تخلص كليتها

نرمين /'انا ولادي هربيهم احسن تربية

شوق/ تقصدي ايه يا نرمين إن ولادي مش متربيين

الحاجة امينه/ بس انتي وهي عمالين تردحوا لبعض قدامى ومفيش أي احترام

صباح/ يا خارج من بيتك حزين هتلاقي الفرح فين هو انا اسيب البيت علشان افك عن نفسي شوية الاقي الهم والنكد ورايا ورايا شوق/ انا رايحه اشوف هنعمل أكل ايه النهاردة

وتقوم شوق

كوثر/ شوفتي ياامه بنت عمي مرمتش علينا الصباح حتي

نرمين/ متاخديش في بالك هي اصلا معندهاش ذوق

هو محسن هيطق منها من شوية

الحاجة امينه ل نرمين/ بطلي تصطادي في الميه العكره وروحي نضفي اوضتك علي الأقل

كوثر/ هقوم اشوف العيال

صباح/خوديني معاكي يااختي أشم هوا بره شوية

...............

في منزل كامل

هنادي تحت مع سعدية اللي كانت بتغربل رز

هنادي / هو وائل مشي على طول ليه ياامه

سعدية بضيق/ لما يرجع ابقي أسأليه

هنادي/ هو انتي زعلانه من حاجة ياامه

سعدية/ نقي الرز وانتي ساكته وبطلي لعب

هنادي/ كامليا امبارح مشيت زعلانه مش عارفة وائل قالها ايه زعلها

سعدية/ متطبي لحد خالتك صفيه قوليلها امي عايزاكي

هنادي /مش أخلص تنقيت الرز معاكي الأول

سعدية/ لا لسه قدامى كتير في الغربله ناديها أهو تتسلي معايا

هنادي / حاضر هطلع البس

سعدية/ ومالها هدومك دي

هنادي /عايزاني اطلع بهدوم البيت

سعدية/ معاكي حق. ..البسي وتشيكي كده يمكن تلاقي عريس هنادي/ عريس ايه ياامه انا هكمل تعليمي الأول

سعدية/ بس اعملي حسابك مش هتدخلي غير صنايع ابوكي هيروح معاكي بكره المركز علشان يقدملك في المدرسة اللي هناك

هنادي وهي طالعه اوضتها بحزن/ ماشي ياامه اللي تشوفوه

....................

هنادي لبست وخرجت وفي طريقة لبيت خالتها صفيه

فتحي ابن عمها يقابلها/ ازيك يا هنادي

هنادي/ الحمد لله

فتحي/ رايحة فين

هنادي /رايحة عند خالتي صفية

فتحي/ ومش بتيجي عندنا ليه

هنادي/ انا بروح لخالتي واقعد مع كامليا هاجي بقي بيتكو اعمل ايه كلكو ولاد

فتحي/ تقعدي معايا يا بنت عمي

هنادي /اقعد معاك؟!

فتحي /بلاش أقولك تعالي نقعد في الغيط محدش هيشوفنا

هنادي بضيق/ أظن عيب لما تقول لبنت عمك كده انا ماشيه

....................

توصل لحد باب بيت خالتها تخبط علي الباب

علي بالداخل/ تقفلي علي سيرة ابن اختك دي لانه ندل وميستهالش اللي عملناه معاه

صفيه/ طب وأختي ذنبها ايه

علي /ياوليه انتي مش صعبان عليكى بنتك اللي هارية نفسها من العياط جوه دي ايه عايزة تبدى اختك عن بنتك

الباب يخبط

صفيه /طب اسكت دلوقتي اما اشوف مين علي الباب

تقرب صفيه تفتح الباب تتفاجأ ب هنادي

علي بسخرية / أهي اخت المحروس جات اهه

تغمز صفيه لعلي/ ادخلي يا هنادي يابنتي

هنادي/ معلش ياخالتي بس امي كانت بعتاني ليكي عايزة تقعد معاكي شوية

علي بضيق/ وامك متجيش ليه

هنادي/ أصلها مشغولة شوية

علي/ وعايزة خالتك بقي تروح تساعدها زي مكانت عامله بنتي خدامه ليكو وياريته طمر فيه الندل بكره يشوفه في أخته

صفيه/ وهنادي ذنبها ايه بس ياعلي

هنادي / هو في ايه ياخالتي اني مش فاهمه حاجة

علي بانفعال/ روحي قولى لامك خالتي وبنتها بطلوا خدمه خلاص في بيتك والمحروس ابنها لو كان آخر عريس احنا مش عايزينه يابنت كامل

تخرج هنادي ببكاء

صفيه/ ليه كده ياعلي البت معملتش حاجة علشان تقولها كده

تلبس صفيه حجابها علشان تخرج تلحق هنادي

علي/ بتعملي ايه يا صفيه

صفيه / هطلع ألحق البت قبل متوصل لأمها

علي /طب عليه ال

صفيه تقعد/ خلاص ياعلي قعدت اهه

.................

هنادي ماشية بخطوات سريعة بتعيط من كلام جوز خالتها ليها

هنادي ماشية بسرعة وخارجة من الشارع اللي فيه منزل خالتها تتفاجأ بعربية تفرمل بسرعة قدامها توقع هنادي علي الأرض

يخرج الشاب من العربية

تقوم هنادي تنضف هدومها وبغضب/ مش تفتح لما مبتعرفوش تسوقوا بتركبوا عربيات ليه

طارق/ انتي اللي غلطانه وكمان بتتكلمي

هنادي/'انا اللي غلطانه؟!. ...ولا انتوا علشان راكبين عربيات مش شايفين الناس اللي ماشية علي الأرض

طارق/ علي العموم انا اسف

يقرب محمود ابن عم طارق

محمود/ اما انتي بت لسانها طويل صحيح غلطانه وكمان ليكي عين تتكلمي

هنادي/ انا لسانى طويل انت اللي قليل الأدب

طارق /'خلاص يا محمود محصلش حاجة بنت صغيرة بردو مش فاهمه

هنادي بغضب/'مين دي اللي صغيرة؟ !!!...وانت بقى الكبير العاقل

محمود / البت دي لسانها طويل سيبني اقطعولها

هنادي /نعم! ...وريني كده هتقطع لساني ازاي

طارق/'خلاص يا محمود عيب كده

احنا آسفين يا شاطره اتفضلي بقى ارجعي لابوكي علشان ميقلقش عليكي

محمود/ هههههههههههههههه

هنادي تتركهم وتمشي وهي غضبانه

طارق/'وحشني ياابن عمي

محمود/ وانت اكتر ازيك اخبارك أيه

طارق / الحمد لله ....اركب اوصلك في طريقي

محمود/ لا ياعم انا هروح معاك طالما لسه جاي يبقي مرات عمي عامله المحمر والمشمر النهاردة واني بقي عازم نفسي عندكو

طارق/ تشرف. ..اركب بقي علشان نرمين عماله تتصل

محمود/ طبعاً تلاقيها قلقانه عليك

طارق أثناء الطريق /'متعرفش البنت دي بنت مين في البلد

محمود/ تقصد مين البت أم لسان طويل

طارق /هههههه ياابني عيب عليك تلاقيها بس مخدتش بالها

محمود/'تلاقي أبوها مديها حتة علقة ومش شايفة قدامها انت مش شايف عينها حمرا من العياط ازاي

طارق/'بصراحة صعبت عليه وانت كمان زودتها معاها اوى

محمود/ بصرف النظر عن كلامك المصري اللي مش بقي فيه حاجة مننا بس دي بت غلاطه اوي وضايقتني

............

في منزل كامل

تفتح سعدية لهنادي وتتفاجا بملابسها المتربه

سعدية/ يالهوي مين عمل فيكي كده

هنادي /وقعت علي الأرض وانا ماشية

سعدية /ومالك كده انتي معيطه ولا ايه

هنادي /هو وائل عمل ايه مع خالتي وجوز خالتي ياامه

سعدية/ ليه يابنتي في ايه

هنادي/ جوز خالتي بهدلني وسمعني كلام خلاني اطلع من بيتهم أعيط

سعدية/ ياريتني مبعتك انا مش كنت أتعرف إن وائل قالهم حاجة هنادي / هو وائل قالهم ايه

سعدية /اخوكي هيتجوز بت من مصر

هنادي/ ايه! !!...طب وكامليا ياامه

سعدية/ هعمل ايه يابنتي مش بأيدي حاجة اطلعي غيري هدومك زمان ابوكي راجع من الغيط

...........

في منزل العمده حامد

نرمين / ومش ادبت البت دي ليه ياطارف

طارق /ياجماعة الموضوع بسيط ميستهلش كل اللى انتوا عاملينه ده

محسن /انا لو كنت معاك كنت علمتها الأدب بنت مين دي يا محمود

محمود/ مخدش بالي منها أصلها صغيرة مش كبيره يعنى

سعيد/ هي البلد دي كلها عايزة تتربي

العمده حامد/ مفيش غيرك عايز يتربي ايه نسيت انك من البلد دي ولا ايه

محسن / سعيد عنده حق ياابه

العمده / ايه ياولاد العمده هتتجبروا علي الناس ولا ايه

الحاجة أمينه / المهم ياابني. ..حمدا لله علي سلامتك

خلصي يارسمية الأكل وهاتيه يلا

محمود/ آه ياجماعة شهلوا كده انا واقع من الجوع

نرمين/ انت دايماً كده جعان وطفس

تقرصها الحاجة أمينه

نرمين لطارق/ علي فكرة صباح وكوثر كانوا عندنا النهاردة وبيسلموا عليك

طارق/ بجد. ..دول واحشني اوى هبقي اروحلهم اشوفهم وكمان العيال واحشني اوي

العمدة حامد/ ممسكتيش فيهم ليه ياحاجة علشان يتغدوا معانا

الحاجة امينه/ صباح مرضيتش ياحاج وكمان جوزها متخانق معاها

محسن /تاني هو مش هيبطل تلاقي الهباب اللي بيشربه ده هو اللي لحس مخه

وينظر لسعيد اللي يرتبك

سعيد / متخلف ياهدي انتي وترميم اومال

تيجي شوق

شوق/ خلاص الأكل جهز ياابن عمي

العمده حامد/ انا هقعد معاه وشوف ايه حكايته

الحاجة امينه/'حكايته إنه عايز يتجوز علي بنتك

محسن / وقعته مهببه ازاي يعني عايز يتجوز عليها اومال لو مكناش ولاد عم كان عمل ايه

العمده حامد/ هشوف حكاية الجواز دي كمان

ينزل طارق بعد مغير هدومه / إيه ياجماعه الغدا لسه مخلصش انا وقعت من الجوع خلاص

اومال فين محمود

الحاجة امينه/ البركه في اختك كسفته وخد بعضة ومشي

...................

في القاهرة

في مصنع سمير الحسيني

بثينه / صباح الخير ياباشمهندس

وائل / صباح الخير جايه بدري يعني

بثينه / الأول قولي كلمت باباك في موضوعنا

وائل / متقلقيش كلمته وكله تمام

بثينه/ انا مش عارفه اقولك ايه

وائل / متقوليش حاجة المهم الجواز يتم وبس

بثينه/ يعني علي نفس الميعاد اللي اتفقت فيه مع بابا ولا في خلاف

وائل / نفس الميعاد المهم زي مااتفقت معاكي الشقة هتكون بأسمى

بثينه/ الشقة والعربية وكمان مرتبك هيزيد طبعاً ماانت هتكون جوز بنت صاحب المصنع

وائل / انتي اللي هتبقى مرات الباشمهندس وائل كامل

وبلاش جوز الست دي

بثينه / انا مقولته كده انا كنت أقصد

يقاطعها وائل / المهم دلوقتي تاخديلي ميعاد من والدك علشان والدي جاي الاسبوع الجاي علشان نتمم الخطوبة

بثينه/ أوك هكلمه

...............

في منزل كامل

سعدية/ يعني ايه يا كامل انت موافق علي اللي ابنك ناوي يعمله

كامل/ ولو موافقتش يعني تفتكري ابنك هيرجع عن اللي في دماغة

سعدية/ والبت الغلبانه اللي كسر قلبها دي ذنبها ايه

كامل/ إن شاء الله. ..هيجيلك اللي احسن منه

سعدية /اني داعيه عليه من قلبي علشان خاطر المسكينه اللي عشمها وبعدين يسيبها كده بعدما الناس كلها عرفت إنها مخطوبة ل ابن خالتها يوقف حالها السنين دي كلها

كامل/ مش تدعي عليه يا سعدية دا مهما كان ابنك ومش هيهون عليكي بردو

سعدية/ يلا أهو في حاله واحنا في حالنا واعمل حسابك انا مش رايحة الخطوبة ولا الفرح علي الأقل علشان خاطر اختي

كامل/ قفلي علي الموضوع وهاتيلي الجلبيه من الدولاب خليني اروح أقدم للبت في المدرسة

ينزل كامل تحت يلاقي هنادي قاعدة وايدها علي خدها

كامل/ مالك يا هنادي

تقبل هنادي يد ابيها

هنادي/ صباح الخير ياابه

مش يلا علشان مش نتأخر اكتر من كده

كامل/ بس انا شايفك مش مبسوطه

هنادي/ اللي تشوفه ياابه

كامل/ انا عارف انك نفسك تدخلي ثانوي

بس يابنتي انتي عارفة مصاريفها كتيرة واحنا علي قدنا اللي اصرفة في علامك اجهزك بيه

هنادي/ جهاز أيه ياابه انا لسه صغيرة

وبعدين وائل بيشتغل وممكن يعني

يقاطعها كامل/ اخوكي من يوم مشتغل في مصر مصرفش جنيه واحد علي البيت وانا مش عايز منه حاجة مصاريف علامك لحد متاخدي الدبلون وتطلعي من هنا علي بيت عريسك مسؤل مني اني سامعه ياهنادي ومش عايزك تقولي الكلام دا تاني ابوكي لسه عايش يابنتي

هنادي تحتضنه/ يطولنا في عمرك ياابه

كامل/ طيب يلا علشان مش نتأخر

في الطريق

هنادي / مين هيوصلنا ولا هنركب من علي الطريق

كامل / فتحى ابن عمك هيوصلنا وهو اللي هيبقى يوصلك بعد كده

هنادي/ مبلاش فتحي ياابه ابقي اركب من عفاف ورنا هما كمان هيقدموا في نفس المدرسة

كامل/ لأ مش تركبي مع حد غريب يبقوا يركبوا معاكي في عربية عمك

يوصلوا لبيت عادل شقيق كامل

فتحي قاعد في العربية يلمحهم ينزل ببتسامة

فتحي/ صباح الخير ياعمي. ..صباح الخير يا بنت عمي

كامل/ صباحك نادي يا فتحي يلا علشان مش نتأخر

تنظر هنادي لفتحي بضيق / يلا ياابه

.....................

في أرض العمدة

محسن / شايف الأرض دي كلها أهو انا وابويا اللي كبرناها ورعناها مكنتش بتجيب محصول بس بدماغي بقي خليتها أرض عافيه وبتجيب محصول اكتر من الاراضي اللي جارنا

طارق/ واضح فعلاً. ..المحصول. .ماشاء الله. ..مفيش بور في الأرض

محسن بمكر/ ماهو انا بقول لابويا يديني حتة الأرض دي ازرعها لحسابي وسعيد ياخد الأرض التحتنيه مش راضي

طارق/ والبيت واخواتك البنات انت عارف إن ابويا بيوزع المحصول بتاع الأرض عليهم وعلي البيت بعد ميطلع الزكاة

محسن/ وهما اخواتك البنات كانوا تعبوا في حاجة ولا جوز واحده فيهم قال ماراح اشوفهم بيعملوا ايه واساعدهم

ولا اختك نرمين اللي عماله تصرف يمين وشمال من تعبي وشقايه انا وسعيد ليل ونهار في الغيط نكري علي انفار وأوقات نشتغل معاهم علشان نخلص

طارق/ عارف يااخويا انكو بتعبوا بس يعني

محسن يقاطعه/ بص ياطارق يااخويا من الاخر كده وهجيبها علي بلاطه بعد عمر طويل اللي تعب في الأرض دي هياخد اكتر من الباقي يعني انت ونرمين اتعلمتوا وانت معاك شهادة بتشتغل بيها هتاخد زينا اللي مكملناش علامنا وطفحنا الكوته في الأرض دي

طارق /في ايه يا محسن انت بتكلمني كده ليه

محسن/ ماهو اللي بيلبس هدمه نضيفه ويرجع من شغله أيده نضيفه مفيهاش إلا نقطه حبر مش هيتساوي باللي بيرجع بهدومه مرتبه وأوقات بتبقى لامؤاخذة فيها طين ولا متبهدله من البهايم

طارق/ خلاص يا محسن موت أبوك وبتقسم دلوقتي علي العموم الأرض عندك اهه ابقي خد اللي انت عايزة

تركه طارق وخرج من الأرض

..............

كامل وهنادي راجعين من المدرسة

كامل/ مش كنتي كملتي مع ابن عمك لحد البيت

هنادي/ لا ياابه أهو همشي معاك شوية

كامل/ طيب انا هحود لغاية الغيط أشقر عليه وروحي انتي البيت علشان أمك متقلقش عليكي

هنادي /مش كنت جبتلك تليفون علشان لو امي احتاجت حاجة تتصل بيك تجيبهالها واحنا هناك في المركز

كامل/ دا انا كده عايز أجيب تلفون ليه ولامك وليكي

هنادي /ههههههههه

كامل/ هجيبلك تلفون قبل متروحي المدرسة علشان ابقي أطمن عليكى

هنادي/ ههههه ومتنساش تيجبلك واحد كمان

كامل/ هههههه طيب يا لمضه علي البيت طوالي لا توقفي مع حد ولا تكلمي حد يعني متروحيش عند خالتك

هنادي ماشية في الطريق الزراعي للبلد في طريقها للبيت

توقف فجأة وتصرخ

ينزل الشاب من علي الحصان

هنادي تنظر له بضيق /أظن اني المرادي اللي غلطانه صح

طارق/ انا آسف انا المرادي اللي غلطان ماخدتش بالي

هنادي/ انت مستقصدني يا جدع انتا

طارق/ هههههه لا ابدا دي كلها صدف

وانا آسف كمان مره

هنادي/ وانا قبلت اسفك وسع بقي علشان اعدي

طارق/ ممكن أسألك سؤال

هنادي /لا مش ممكن

طارق / انت بنت مين في البلد

هنادي تتركه وهي تبتسم في داخلها

طارق بصوت عالي/ مردتيش يعني

تسرع هنادي في خطواتها وتبتعد عنه حتي تصل أمام منزل عمها عادل

طارق يركب الحصان ويسرع نحوها / طيب انا اسمي طارق انتي اسمك ايه

هنادي /لو ممشيتيش من هنا هنادي علي ولاد عمي يتصرفوا معاك

يخرج فتحي من بيته

فتحي/ في ايه ياهنادي.

#دوارالعمدة 

البارت الثالث 

يخرج فتحي من منزله/ في ايه ياهنادي

ويخرج بعده إيهاب شقيق فتحي

وسعدية / في ايه يا بنتي مالك

طارق بارتباك/ انا آسف ياجماعة بس الظاهر الانسه رجلها اتعورت

تنظر هنادي تجد دم يسيل من أصابع قدمها

تبكي هنادي تسرع سعدية نحوها

سعدية/ايه بابنتي مين ايه ده

يجري إيهاب ويحضر شاش وقطن ليضعه علي الجرح

طارق/ انا آسف الحصان بس

يقاطعه فتحي / وانت بقي مش تفتح وانت ماشي

سعدية/ خلاص ياابني محصلش حاجة

طارق/ انا ممكن اخدها للدكتور خمس دقايق وجاي

فتحي / لا متشكرين يلا يامرات عمي يلا ياهنادي

يدخلوا كلهم جوه ويقفل فتحي الباب في وجه طارق

يركب طارق حصانه ويرجع البيت

..............................

في منزل على

جلال شقيق صفيه / تسلم ايدك يا صفية

صفيه/ الف هنا يااخويا مجبتش منيرة ليه تقعد شوية مع كامليا

جلال /قاعدة مع أمها قدام الفرن بيخبزوا

ازيك يا علي ايه مالك انت زعلان مني

علي/ بقولك ايه يا جلال بلاش يااخويا اللف والدوران قول جاي ليه وخلصنا

صفيه/ ايه يا علي جراايه اخويا وجاي يطمن عليه فيها ايه

علي /مفيهاش ياام كامليا بس دا لو كان جاي فعلا يطمن عليكي

جلال / شوف ياعلي انا عارف انك بتفهمها وهي طايرة وهدخل في الموضوع

علي/'اتفضل وانا مستنى تتكلم من أول مقعدت

جلال/انت محرج علي صفيه تروح بيت سعدية اختي ليه

علي / بقولك ايه ياجلال احنا متربيين سوا وفاهمين بعض انت عارف الحكاية كلها وجاي تلف وتدور

جلال/ إن كان علي وائل واللي عمله فالجواز قسمه ونصيب

علي/ وانا مقولتش حاجة بس ده مرحش كده يخطب ويتجوز قبل كل حاجة كان يجي ليه ويقولي يا عمي مفيش نصيب دا أقل مافيها يعبرني حتي يعبر الراجل اللي دخل بيته وطلب ايد بنته مش دي الأصول بردو ولا انا غلطان

جلال/ عداك العيب ومحدش يقدر يغلطك في دي

لكن دا ماله ومال صفيه تقطع ليه صلتها باختها

علي / لو عايزة تروح لاختها تروح بس مترجعش هنا تاني

تنظر صفيه لعلي بغضب

جلال/ يعني ايه ياعلي مش عايزها تروح

على / اسمع ياجلال سعدية وجوزها مجوش حتي يعتذروا علي اللي ابنهم عمله في حق بنتي خمس سنين مربوطه جمبه وفي الآخر يروح يخطب كده بالساهل من غير حتي منعرف دا ايه النداله وقلة الأصل دي

جلال/ إن كان علي كامل ولا سعدية هما مش موافقين علي الجوازة ومحرجين منكو وبعتت بنتها امبارح ليكو وانت خرجتها معيطه وان كان علي الجواز انا اتحايلت عليك قبل كده اخد كامليا لعمر ابنى وانت موافقتش

علي /كنت خايف كامل ولا سعدية يزعلوا قولت اعملهم قيمه ومرجعش في كلمتي اللي اديتهالهم لكن اختك بقي رجعت هي وابنها.

جلال /نهايته دا اللي حصل متقطعش الاخوات من بعض يا علي وإن كان علي سعدية هي قالتلي انها مش هتحضر لا خطوبة ولا فرح ابنها

علي /تحضر ولا متحضرش هي حره وانا كمان حر

جلال /يعني مش عامل لمجيتي دي أي اعتبار

علي /جيتك بيتي علي عيني وعلي راسي بس أنا بعمل كرامه لبنتي اختك عندك اهه عايزة تاخد خليها تروح بس تفضل عندك ولا في بيت أختها عن اذنك أنا داخل اريح شوية

يدخل علي الغرفة

صفيه تطبطب علي جلال / معلش يااخويا علي ميقصدش بس هو زعلان من اللي حصل مكنش العشم ابن اختي يعمل كده

جلال / فين كامليا ناديهالي عايز أتكلم معاها شوية

صفيه/ حاضر يااخويا من عينيه

تنادي صفيه علي كامليا اللي تنزل بسرعة وتسلم على خالها

...........................

في المساء في منزل العمده

في غرفة محسن

محسن داخل الغرفة تستقبله شوق ببتسامة

محسن/ خير مش عوايدك

شوق/ ايه ياراجل هو لاكده عاجب ولا كده عاجب

محسن/ ايه اللي عملاه في وشك ده يا ام العيال

شوق/ قولت اغير شوية يمكن اعجب

محسن/ ومين عملك ده

شوق / الكوافير البت اللي هناك اديتها مية جنيه عملتلي شعري وحاطتلي الحاجات دي حلو مش كده هي قالتلي بردو كده

محسن/'متروحلهاش تانى

شوق/ دايماً كاسر نفسي كده

محسن/ وفري فلوسك يابنت عمي الكوافير مبيرجعش الست صبيه تاني

شوق/ أخص عليك يامحسن هو انا كبرت دا انا حتي لسه صغيرة وفي عز شبابي

محسن/ طيب ياصغيرة اطفي النور خليني انام

شوق/ اقعد معايا شوية علشان خاطري

محسن/ إنتي فاضيه طول النهار موراكيش حاجة وعايزاني اقعد معاكي طول الليل أنا راجع تعبان اطفي النور خليني انام

.....................

في غرفة سعيد

سعيد داخل الغرفة بيتمطوح يمين وشمال تقوم هدي من علي السرير بسرعة تسنده

هدي /هو كل ليله كده ارحم صحتك شوية من الهباب ده

سعيد / اسكتي انتي متعرفيش إن دا المزاج كله ماهو لو توافقي كنت شربته في البيت.

هدي/ يالهوي عايز تشربه علشان العيال تشوفك هو دا اللي كان ناقص

سعيد/ أهي العيال دي اللي معكره مزاجي علي طول

هدي/ طب هات رجلك اخلعك الجزمه.

سعيد/ تسلمي ياهدي انتي طيبه قوي

هدي/ مش العيال اولي بالفلوس اللي بتجيب بيها الهباب ده

سعيد/ انتي هتقلي مزاجي ليه انى لسه كنت بقول عليكي طيبه وكنت هكمل وأقول عاقله بس انتي قفلتيني منك

هدي/ طيب خلاص متزعلش

سعيد /ايوه كده اتعدلي وهاتيلي حاجة اشربها الظاهر الدماغ اللي عملتها دي صحصحتني وهسهر معاكي للصبح

تبتسم هدي وتخرج من الغرفة

...............


في غرفة طارق

نرمين قاعدة علي السرير وطارق خارج من الحمام

طارق /كفاية لعب بالتليفون بتاعي

نرمين/ بصراحة ياطارق تليفونك أحدث من بتاعي وفي إمكانيات رهيبه انا عايزة واحد زي ده

طارق / هجمعلك مرتب شهرين واجيبلك وأحد

نرمين بفرحه/ بجد يا طارق متحرمش منك

تدخل الحاجة أمينه / هو دا اللي انتي شاطرة فيه التليفونات وبس إنما تطبخي اكله حلوه ولا ترتيبي اوضتك لأ ازاي اابرنسيسه تتعب نفسها

نرمين/ ايه ياامه هو انتي كل متشوفيني تسمعيني الكلمتين دول

طارق بمزح/ عايزة مصلحتك افرض جالك عريس دلوقتي هتعملي ايه وانتي حتي مبتعرفيش تسلقي بيضه

الحاجة أمينه / وانت مشوفتلكش عروسة ليه

نرمين/ استلم بقي ياعم انا خارجه كفاية اللي سمعته

تخرج نرمين

طارق يقبل يد والدته

طارق/ في ايه يا ست الكل

الحاجة امينه/'فيه اني عايزة اطمن علي ابني واشوفه قاعد في الكوشه وجمبه عروسته

طارق/ طب ماانا كمان نفسى بس هي فين

الحاجة أمينه / يعني عايز تفهمني إن مفيش واحده كده شغلت دماغك

طارق ببتسامة / يعني لو فيه هستني ايه دا انا كنت خطفتها وجبتهالك وقولتلك ياامه لادي لابلاش

الحاجة أمينه بغمز/ياولا مش عليه دا انت ابني وافهمك بس من عنيك

طارق /بصراحة ياامه

الحاجة امينه/ ايوه انا عايزة الصراحة دي

طارق/ملقتش لسه اللي تدخل دماغي وتدخل قلبي قبل كل حاجة

الحاجة امينه/ طب متيجي نروح

يقاطعها طارق/ لأ ياامه لانروح ولانيجي انا مبحبش الطريقة دي

الحاجة امينه/'اومال عايز تتجوز ازاي اوعى بقي تقولي لازم اشوفها واقعد معاها انا وهي وبس مش عاداتنا دي ياابني

طارق/ مين قال كده ياامه بس انا لازم أكون شوفتها قبل مدخل بيت أبوها يعني صدفة مش اكتر علشان بس الاحراج محبش أدخل بيت حد وأخرج ومرجعش تاني بيبقى إحراج

الحاجة امينه/'ايه رأيك اجيبلك كام صورة لكام بنت في البلد علي وش جواز

طارق/ ههههههههه حلو اوي بس الطريقة دي قديمة ياامه لا طبعاً مش موافق وانا هعمل ايه بشكلها

الحاجة امينه/ حيرتي ياابن بطني مش عارفه انت عايز ايه

طارق / لما ألقي البنت اللي تدخل قلبي واحبها هقولك وتيجي معايا تخطبهالي

الحاجة امينه/ ياابني هتستني ايه أكتر من كده انت عندك دلوقتي خمسه وعشرين

طارق / ههههه سته وعشرين وشهرين

الحاجة امينه/ كمان انت عارف محسن وسعيد اتجوزوا علي كام

مكملوش العشرين وكانوا متجوزين

طارق/ هههههههه لا أنا كده عنست خلاص

الحاجة امينه/ بعد الشر عليك يا حبيبي انت بس شهل كده وشوفلك عروسة وانا اللي هخطبهالك

طارق يقبل يد والدته / تسلمي ياامه متحرمش منك

الحاجة امينه/ ولا منك يا حبيبي هجبلك كوباية لبن تشربها قبل متنام

طارق/ لا مش قادر اشرب حاجة انا هقعد شوية وبعد كده انام

الحاجة امينه /'تصبح علي خير

طارق / وانتي من أهل الخير ياست الكل

تخرج الحاجة امينه

طارق يوقف في البلكونة القمر مكتمل ينظر للسماء ببتسامة

صورة هنادي تتجسد أمامه يبتسم ويتذكر ما قالته له

طارق يحدث نفسه / معقوله يكون قلبي. ....

هي لمضه بس زي القمر ياخسارة لو كانت كبيرة شوية

ممكن تكون كبيرة بس شكلها هو كده

انا لازم اعرف عنها كل حاجة

هنادي قد ايه اسمها جميل. ..آه ياهنادي عملتي فيه ايه

معقولة بس اعرفك امبارح وكل ده يحصل ليه

يتنهد بعمق ويبتسم ثم يغلق البلكونه ويقترب من السرير لينام

...................

في منزل كامل

هنادي وصديقتها سماح فوق السطوح

سماح /يعنى كده هنبقي مع بعض في نفس المدرسة

هنادي بحزن/ آه

سماح / مالك ياهنادي مش مبسوطه ليه

هنادي /كان نفسي أدخل ثانوي علشان ادخل الجامعه ويبقي معايا شهادة كبيرة

سماح/ ماهو انتي ممكن تدخلي الجامعه بردو بعد الدبلوم

هنادي/ المشكلة إن ابويا رافض إني أكمل بيقولي هو دبلوم وخلاص

سماح/ صحيح يا هنادي هو وائل اخوكي هيخطب بنت من مصر

تطلع سعدية ليهم فوق السطوح

سعدية / أمك سمعتها بتنادي عليكي ياسماح

سماح/ بتنادي عليه فين هو انا تايهه

سعدية/ انا بقول تروحي تشوفيها عايزة منك ايه

سماح/ حاضر ياخالتي تتمسوا بخير

تنزل سماح

سعدية لهنادي/ متبقيش تتدلقي في الكلام مع البت دي

هنادي/ انا متكلمتش معاها في حاجة

سعدية/ تلاقيها أمها بعتاها تتقصي وتعرف الأخبار

هنادي/ ماهو اللي عمله وائل بردو مش شوية ياامه شوفتي أهو كامليا مش هتدخل بيتنا تاني ولا حتي خالتي

سعدية /"ماهو دا اللي تعبني ومزعلني

هنادي /هو ياامه ازاي يعني واحد يحب واحده وبعد كده يسيبها ويتجوز غيرها

سعدية/ متتكلميش كلام أكبر من سنك وبعدين تعالي قوليلي هنا مبن الجدع اللي كان راكب الحصان ده

هنادي/'وانا هعرف منين ياامه انا كنت جايه انا وابويا من المدرسة وابويا حود علي الأرض وانا كملت مشي لوحدي لاقيت دا واقف قدامى

سعدية/ ورجلك بقي اتعورت من ايه

هنادي /وانا بجري بعيد الحصان رجلي اتخبطت في طوبه ومحستش بيها إلا وانا قدام بيت عمي

سعدية/ تعرفي إن فتحي ابن عمك كان هيضربه شوفت الشر طالع من عينيه

هنادي/ يضربه ليه ياامه هو كان عمل ايه دا كان عاوز يوديني للدكتور

سعدية/ أهو دا اللي كان ناقص

عارفه ثناء مرات عمك بتقول إن الواد ده ابن العمده

هنادي / بس شكله مؤدب ياامه

سعدية/ واحنا مالنا مؤدب ولا قليل الأدب المهم بعد كده تاخدي بالك وانتي ماشية امبارح جايه هدومك كلها تراب والنهاردة رجلك اتعورت انا خايفة من العربيات لما تروحي المدرسة

هنادي / دا صوت ابويا تحت

سعدية/ طيب يلا علشان نجهز العشا

......................

في القاهرة

وائل / اسمعي يا بثينه انا راجل فلاح وافهم في الأصول كويس

بثينه/ وانا مقولتش حاجة بس باباك يعني مش معقولة يجي بجلابيه خطوبتنا صحباتي وقرايبنا يقولوا ايه

وائل / ههههه علي آخر الزمن عايزة تلبسي ابويا بدلة

بثينه /'ماهو مينفعش يا حبيبي يعني يجي بالشكل ده

وائل /'هو انتي هتتتجوزيني انا ولا ابويا سيبك من الشكليات دي وخلينا في المضمون

بثبنه/ عايز تسأل علي هيثم مش كده

وائل /لسه بيكلمك

بثينه/ لأ ماانت عارف اني غيرت نمرتي حتى النادي مبقتش اروح هناك زي الأول

وائل / انا عارف إن الموضوع صعب عليكى وخصوصاً انكو كان مكتوب كتابكو

بثينه/'خلاص يا وائل انا نسيت الموضوع ده ياريت انت كمان تنساه علشان نعرف نعيش مع بعض أخبار الشغل ايه

وائل / كله تمام اشتريتي الفستان

بثينه/"جهزت كل حاجة وكمان اشتريتلك بدله علي ذوقي وعلشان خاطري متقولش لأ مفيش فرق بينا واعتبرها هدية

وائل / أوك هعتبرها هدية وانا كمان حوشت مبلغ مش بطال هاخدك بكره لما ابويا يجي من البلد ونروح نشتري الدبل

بثينه / لأ انا من رأيي تشتريها انت وبلاش وجودي معاك علشان تبقي مفاجأة انا بحب المفاجآت اوي

وائل / أوك بس الشقة

تقاطعه بثينه/ انا قولتلك مفيش فرق بينا الشقة هتنزلك عنها وكمان العربية

وائل / وباباكي بقي هيجبلك واحده جديدة

بثينه / مفتكرش

وائل / معقولة يعني بنته الوحيدة مش هيجيبلها هدية جوازها

اطلبي منه يشتريلك عربية علشان كمان محسش إني أخدت حاجة منك

بثينه / هشوف بس دا سر بينا يعني بابا ميعرفش حاجة عن موضوع الشقة والعربية ده

وائل / اكيد احنا ستر وغطا علي بعض

بثينه بحرج/ طبعاً

وائل / وكويس اننا هنتجوز هنا مش في البلد

بثينه / ليه

وائل /'اصلنا يعني عندنا عادات كده في البلد مش هتمشي معاكي انتي فهماني

بثينه /'وائل انا قولتلك قبل كده إن اللي حصل بيني وبين هيثم كان مكتوب كتابنا قبلها وانا للأسف مكنتش اعرف إن الموضوع هينتهي بينا بالسرعة دي

وائل / فاهم. ..فاهم وانا احترمت صراحتك من الأول علشان مغشتنيش وراضي عادي يعني

بثينه / وائل اوعدني انك عمرك مهتتكلم في الموضوع ده معايا بعد منتجوز

وائل / طبعاً اوعدك متقلقيش من الناحية دي بس أهم حاجة متبقيش نكديه

تنظر بثينه له بضيق

وائل / كنت بهزر معاكي اوعى تكوني زعلتي

بثينه / بس انت اوعى تقلب ويكون في وش تاني خليك كده علي طول

وائل / انا بحب الفرفشة ومحبش النكد ابدا

بثينه /وانا هخليك أسعد راجل في الدنيا

وائل / طب شوفي هناكل ايه انا جوعت

بس بلاش الاكلات الغريبة اللي بتطلبيها دي

يعني تطلبيلنا فراخ مكرونه لحمه شوربه حاجات كده أعرفها

بثينه/ هههههه حاضر متخافش هطلبلك كل الأكل اللي بتحبه

................... ....

في الصباح

في منزل كامل

سعدية/ بردو مصمم تروح مصر

كامل/ عايزاني أقصر برقبة ابنك ويقولوا ملوش أهل

سعدية/ مش هو اللي راح أتقدم لواحده منعرفلهاش أصل ولا فصل

كامل/ خلاص يا سعدية خلصنا من الموضوع ده ياريت تفقلي عليه وتدخلي تلبسي

سعدية/ لا انا ولابنتي هنروح ياكامل قولت ايه بقي

كامل بانفعال/ قولت ماشي يا سعدية ووسعي بقي علشان عادل اخويا مستنى تحت

...............................

يخرج كامل من المنزل بغضب

هنادي لوالدتها/ هو في ايه ياامه

سعدية بتمسح دموعها / حرمني من انى افرحله في يوم زي ده ياخسارة تربيتي وسهر الليالى عليك ياابن بطني

تقعد هنادي علي السلم بحزن تقرب منها سعدية

سعدية/ ايه يابنتي هتفضلي قاعدة كده

هنادي / هروح فين ياامه ادينى قاعدة

سعدية / تعالي نوصل عند خالك جلال أهو تقعدي مع بنت خالك هنادي /مليش نفس ياامه

سعدية/ طب اقولك تعالي نوصل لحد الغيط أهو نشم شوية هوا هنادي /'مش عايزة أخرج ياامه

الباب يخبط تفتح هنادي

سماح/ صباح الخير يا هنادي

سعدية/'ادخلي يا سماح

هنادي /مالك لابسه ومتشيكه كده انتي رايحة فين

سماح/ فرح مروة النهاردة ايه مش هتيجي معايا

سعدية/ شوفتي بقي اهي سماح هي اللي هتخليكي تطلعي من البيت

هنادي /يعني موافقة ياامه اروح معاها

سعدية/ وماله يا ضنايا أهو تفوكي عن نفسك وتغيري جو بس اوعى اتاخريها يا سماح

سماح/ لا ياخالتي اطمني هنيجي قبل المغرب

سعدية / ماشي اطلعي البسي يا بنتي

هنادي تطلع فوق

سعدية لسماح / اعملك شاي

سماح/ لا ياخاله انا لسه شاربه مع امي

بقولك هو مين الجدع اللي كانت هنادي بتشاكل معاه امبارح

سعدية/ بنتي مبتتشاكلش مع حد يا سماح

سماح/ لا مش قصدي بس امي بتقول الجدع اللي كان راكب الحصان سمعته بيقول يوديها للدكتور ليه هو ايه اللي حصل

سعدية/ وامك مكملتش الحكاية وقالتلك إن هنادي وقعت ورجلها اتعورت

سماح/لأ أمي مشافتش حاجة دا خالتي أم إبراهيم جارتنا هي اللي قالت لأمي

تنزل هنادي

سماح / ايه دا يا هنادي انتي هتطلعي كده

سعدية /ليه مالها

سماح/ احنا رايحين فرح وهي عايزة تطلع كده لا كحله في عينها ولا حتي تعمل الطرحة بشكل حلو بس مش مهم هبقي اظبطك هناك

سعدية/ لأ يا هنادي اوعى تخلعي الطرحه هناك ولا تحطي حاجة في وشك انتي كده حلوه من غير أي حاجة

هنادي /حاضر ياامه. ..يلا يا سماح

تخرج هنادي وسماح من المنزل

سماح / أمك دي محبكاها قوي كده ليه

هنادي/ علشان عيب

سماح/'هو ايه اللي عيب انتي مش بتشوفي البنات بتعمل ايه في المدرسة اقولك بكره تشوفي لما نروح مدرسة الصنايع هتشوفي البنات بيعملوا ايه في وشهم

هنادي/ مش عايزة اشوف حاجة يا سماح

سماح/خليكي كده هبله ومش فاهمه حاجة دا اني امي بتقولي الواحده لو مش طلعت بالاحمر والأخضر واحلي لبس مش هتتجوز

هنادي/ والجواز ماله ومال الحاجات دي

سماح / ياخيبتك الظاهر إن انتي مش فاهمه حاجة ماهي الحاجات دي اللي بتجيب العريس يا خايبه

هنادي/ ههههه وانتي بقي عايزة تتجوزي

سماح/ ومتجوزش ليه دا انا عندي ستاشر سنه

هنادي /طيب

سماح / خبطي بقي علي الباب هو دا بيت مروة

تخبط هنادي يفتح كريم أخو مروة

سماح ببتسامة/ ازيك ياكريم مروة هنا ولا في الكوافير

كريم ينظر ليهم / مروة هتتعدل هنا انتوا اصحابها مش كده

سماح/ هههههه ايوه أصحابها هي فين

وتدخل سماح علي طول


كريم لهنادي/وانتي هتفضلي واقفه كده اتفضلي ادخلي

تخرج مروة من غرفتها تسلم على سماح وهنادي ويدخلوا جوه

سماح/ هو اخوكي في سنه كام يا مروة

مروة/ كريم خلص الدبلوم وفي الجيش دلوقتي جاي النهاردة أجازة علشان فرحي

سماح/ يوم واحد بس ياخسارة

مروة/ هو ايه اللي خسارة

قربوا بقي اقفلولي الشنط

سماح تنبهر بفستان مروة/ عقبالنا بقى

مروة/يااختي مستعجله علي ايه بكره تتجوزي

سماح/ مالك يا بت انتي مش مبسوطه

مروة/ اهي جوازة والسلام مالك يا هنادي ساكته ليه

هنادي /لا مفيش

سماح بمكر/ إلا بالحق يا مروة مش تباركي لهنادي

تنظر هنادي بدهشة

مروة/ ايه اتخطبت من غير منعرف

سماح/ لأ دا وائل اخوها خطوبته النهاردة

مروة / الف مبروك محدش قاللنا يعني وجايه اتباركلي

يا حبيبتي يا هنادي

والخطوبة عندكو في البيت ولا في بيت خالتك

سماح/ لأ في مصر

طلع بيفهم حد يسيب عيشة مصر ويجي يعيش هنا

مروة/ هو هياخد كامليا معاه مصر يابختها

سماح /كامليا مين دا هيخطب بنت من مصر

مروة/ يالهوي وكامليا

هنادي /ايه يا بنات كل شيء نصيب وبعدين واضح يا سماح انك عارفة كل حاجة

سماح / ماانا قبل ماادخل عندكو شوفت عربية عمك واقفة قدام الباب وسألت فتحي ابن عمك وقالي انهم رايحين خطوبة وائل اخوكي في مصر

....... ..............

في منزل العمده

نرمين / ايه الشياكة دي كلها رايح فين

طارق /واحد صاحبي عازمني علي فرحه

الحاجة أمينه / عقبالك ياابني

نرمين / يعني أصحابك عمالين يتجوزوا وانت كده قاعد متتحرك ياابني اعمل أي حاجة

طارق /ههههه اعمل ايه يعني

الحاجة امينه/ كله باوانه يابنتي وبعدين قولي الكلام دا لروحك ماانتي عماله ترفض كل العرسان اللي بيتقدمولك

طارق/ هههههه انتي اللي جبتيه لنفسك سلام انا بقي

.............. ... ..

هنادي/ انا ماشية يا سماح الدنيا ليلة وأمي هتقلق عليه وقاعدة لوحدها في البيت

سماح/ يابنتي خلينا بس شوية كمان نشوفها وهي علي المسرح هنادي/ بس امي

تقاطعها سماح/ خمس دقايق بس اهي طلعت اهيه هصورها صورة واطلع أتصور معاها تعالي يلا

هنادي /لا يااختي اتكسف اطلع قدام الناس دي كلها وبعدين امي متعرفش أننا رحنا الفرح هي عارفةاننا هنروح عند مروة في بيت أبوها بس

سماح / خليكي انا طالعه انتي فقعتي مرارتي ياريتني معديت عليكي ولا قولتلك تيجي معايا

تسيبها سماح وتطلع تبارك للعروسة

هنادي لسه واقفة مكانها بعيد عن الناس ومستنيه سماح

علي الجانب الآخر في قسم الرجال

العريس يسلم علي طارق

العريس / متشكر قوى انك مش كسفتني ومجيتك دي علي راسي

طارق / الف مبروك. ..ازاي مجيش دا انافرحان انك افتكرتني

العريس / وحد ينسى ولاد العمده بردو أومال سعيد فين

طارق /في البيت انت عارف بقي بيرجع من الشغل تعبان هو هيبقى يجي يباركلك


الناس مبسوطه وبتصقف

فجأة ولد يرمي صاروخ يجي جمب هنادي ويفرقع

تصرخ هنادي بصوت عالي

الجميع ينظروا ليها

طارق بدهشة يقوم من علي الكرسي

هنادي بتعيط وتجري وتبعد عن الفرح

تجري سماح تلحقها

طارق/ هنادي. ...هناااااااااااااادي

سماح/ مين دا يابت يا هنادي

هنادي وهي بتاخد نفسها / امشي وانتي ساكته مش كفاية اللي حصلي من تحت راسك

سماح/ هههههههههههههههه اعملك ايه ماانتي اللي قلبك خفيف في حد يخاف من حتة صاروخ صغير هههههههههههه

طارق بينظر ليهم من بعيد

طارق يحدث نفسه / ياترى ساكنه فين يا هنادي

.........................

#دوارالعمدة 

البارت الرابع 

تسيرهنادي بسرعة نحو منزلها

سماح / استني ياهنادي انتي ماشية بسرعة ليه

هنادي/ اتاخرت وأمي زمانها قلقانه عليه

سماح/ طب مين الشاب اللي كان بينادي عليكي

هنادي / معرفش. ..سلام يا سماح

تدخل هنادي المنزل

سعدية تقابلها بغضب/ ايه اللي اخرك لحد دلوقتي

هنادي/ أصل سماح ياامه

تقاطعها سعدية /سماح دي مش هتعرفيها تاني سمعتي

هنادي /'حاضر ياامه

سعدية/ كويس إن ابوكي في مصر لو كان هنا مكنش عدي اللي عملتيه ده علي خير

هنادي/ انا مكنتش عارفة إنها هتاخرني كده

سعدية/ اطلعي غيري هدومك لما احط العشا علشان انام

هنادي/ حاضر ياامه

تطلع هنادي اوضتها وهي بتحاول تاخد نفسها بصعوبة

هنادي لنفسها/ هو انا كل مشوفك تحصلي مصيبه

تغير هنادي ملابسها وتفتح الشباك تتنفس شوية هوا

تنظر تحت

هنادي /يخرب عقلك أنت ايه اللي موقفك هنا

طارق تحت ينظر للمنزل ويرفع رأسه ينظر للشباك

هنادي بسرعة تقفل الشباك / امشي متودنيش في داهية

طارق تحت يبتسم ثم يذهب في هدوء

سعدية لهنادي/ ايه يابنتي كل ده بتغيري

تتخض هنادي

سعدية / مالك ياهنادي انتي مش علي بعضك ليه

هنادي باضطراب/ لا ياامه انا بخير يلا علشان نتعشا انا جعانه

تحت بالأسفل

سعدية/ صاحبتك كانت حلوه بفستان الفرح

هنادي/ كانت حلوة قوي ياامه

سعدية/ عقبالك يابنتي

هنادي/ أمه اني كنت عايزة أسألك علي حاجة

سعدية/ أسألي يا قلب أمك

هنادي بتردد/ هو انتي وابويا اتجوزتوا بعد محبيتوا بعض

سعدية بحرج/ خلصي أكلك خلينا نطلع ننام

هنادي/ مش عايزة تقوليلي ليه

سعدية/ انتي مالك يابت اليومين دول تصرفاتك غريبه كده مش فهماكي

هنادي/ هو الحب عيب ياامه

سعدية/ ايوه عيب ومتفتحيش الموضوع دا تاني

هنادي/ مش انتي وابويا بتحبو بعض

سعدية/ ايوه علشان هو جوزي لكن الحب اللي بالك فيه ده عيب ومش عارفة مين دخل في مخك حكاية الحب والكلام الفاضي ده

انا طالعه انام لما تخلصي شيلي الطباق هنام معاكي الليلة

........................


في الصباح

سعدية/ شهلي يابنتي خلينا نروح الغيط ابن عمك زمانه طلع بالبهايم دلوقتي

هنادي وهي بتلبس الطرحه/ طب ماكان كمل جميله ووكل البهايم بالمره ولا هي مشوره وخلاص

سعدية /يعني مش كتر خيره إنه خد البهايم عندهم في الزريبه وطلع بيهم الغيط

هنادي / خلاص ياامه يلا بينا

في الطريق

سعدية / مالك يا بت انتي بتتكعبلي وانتي ماشية ليه

هنادي بتوتر/ مفيش ياامه أصل الجزمة كعبها وجع رجلي

سعدية/ ولازم تلبسي الجزمة دي

وصلوا الأرض

هنادي واقفة بقلق

سعدية/ انا هخف شوية دره للبهايم خليكي واقفة هنا علشان تحطيلهم

هنادي/ حاضر

تدخل سعدية جوه الأرض

طارق يقرب من هنادي

هنادي /انت عايز مني ايه أبعد من هنا أمي لو شافتك هتموتني

طارق/ انا منمتش طول الليل

هنادي/ ليه امك مشربتكش اللبن قبل متنام

طارق /ههههه انتي لمضه اوي بس دمك زي العسل

هنادي/ يالهوي

طارق / ايه في ايه

هنادي/ انت ازاى تقولي كده

طارق / انا غرضي شريف

هنادي بسخرية/ طب امشي يا شريف من هنا

طارق / بس انا مسميش شريف انا اسمي طارق

هنادي ساكته

طارق/ حلو اسمك يا هنادي

هنادي/ علشان خاطري امشي من هنا امي طالعه من الأرض وهتشوفك

سعدية تنادي / هنادي تعالي يابنتي ساعديني

أيدي وجعتني.

هنادي/ حاضر ياامه

طارق /أمك جايه استخبي فين

سعدية تقرب بغضب/ مش بقولك قربي ساعديني

هنادي تتلفت حواليها / راح فين ده

سعدية/ هو مين دا يابت انتي بتكلمي نفسك

هنادي/ لا ياامه هاتي عنك

سعدية/ حطيه كله قدام البهايم

تبعد سعدية عن هنادي وتنزل الأرض تاني

تحط هنادي الدره للبهايم

تلمح طارق جوه جمب الجاموسة

هنادي / يالهوي انت بتعمل ايه هنا

طارق /ملقتش حته استخبي فيها اعمل ايه

هنادي بتضحك/ هههههههه

تيجي سعدية

سعدية/ انتي يابت بتضحكي علي ايه

هنادي /مفيش ياامه

سعدية/ اوعى وريني في ايه

تدخل سعدية وتقرب من المواشي

هنادي بتتنفس بخوف

سعدية / ابقي شيلي القش دا من قدام البهايم علشان يعرفوا ياكلوا

تبعد سعدية وتقرب من الأرض

تقرب هنادي وتشيل القش من قدام المواشي

تلاقي طارق تحت القش تصرخ

سعدية تجرى /'في ايه يا هنادي

هنادي بتوتر/ مفيش ياامه دا فار كان تحت القش وخلاص خرج

طارق / انا فار بردو

هنادي/ هههههههه اعملك ايه يعني

امشي بقي قبل ماامي تشوفك

يخرج طارق بسرعة

طارق/ ابوكي فين يا هنادي

هنادي/ ياجدع انت امشي بقي هتوديني في داهية

طارق / ابوكي فين بس قوليلي

هنادي/ ابويا مش هنا في مصر امشي بقي

طارق /راجع أمتي

هنادي/ يوووووه بقولك امشي انت مصمم إن تشوفك وتعملي مشكلة

طارق/ جيلكو بكره بعد المغرب عايزك تبقي موجودة في البيت

ويمشي طارق بسرعة

هنادي بدهشة / يجي فين ده

الواد انت أهبل ولا ايه

سعدية/ يلا يابنتي خلينا نرجع البيت يمكن ابوكي يكون رجع من مصر

هنادي/ بتقولي حاجة ياامه

سعدية/ لأ مش بقول حاجة خليكي واقفة مكانك واني مروحه

............

يدخل طارق المنزل

الحاجة امينة/ يالهوي ايه ياابني مين عمل فيك كده

نرمين/ هههههه انت كنت فين يا طارق

طارق / وقعت جمب الأرض بتاعتنا

تقرب نرمين منه / اف ريحة هدومك وحشة

انت كنت فين

طارق/ هطلع اخد دوش واغير هدومي

الحاجة امينة/ الواد دا ماله حاله متشقلب كده ليه

نرمين بمزح/ يمكن بيحب

الحاجة امينة/ اه يااختي يابتاعت الحب انتي خليكي في تلفونك اللي لزقاه في ايدك ليل نهار

........................

في منزل علي

كامليا/ مش عايزة أخرج ياامه مليش نفس

صفيه/ تعالي نوصل عند خالك جلال تفوكي عن نفسك شوية

كامليا/ علشان اسمع كلمتين من مرات خالي لأ مش عايزة اروح هناك

يدخل علي / اومال عايزة تروحي فين يكونش عايزة تروحي عند خالتك سعدية

كامليا/ مش عايزة اروح في حته استريحوا وسيبوني في حالي

تدخل كامليا اوضتها

صفيه/ ليه كده ياعلي هي كانت قالتلك إنها عايزة تروح هناك

علي/ ماهو كله منك فضلتي تقولي ابن اختي اولي وأختي هتراعي بنتي وهتعاملها زي بنتها وانا زي الاهبل صدقت كلامك لما خليت البنت تقعد لحد دلوقتي من غير جواز

صفيه /علشان خاطري ياابو كامليا انسي الموضوع ده بقي

على /انسي ايه دا بقي تار خلاص يا صفيه

صفيه /تار ايه بس ياعلي خلينا في حالنا وهما في حالهم وبنتنا هيجيلها اللي احسن منه

............ ... ...

في المساء في منزل كامل

سعدية والدموع في عينها / يعني هو بخير

كامل/ بخير متقلقيش عليه دا كان مبسوط قوي لما رحت

سعدية/ مسالش عليه

كامل/ سأل عليكي انتي وهنادي

ينادي علي هنادي/ قربي يابنتي اشوف كده تعرفي تفتحي التلفون ده

هنادي بانبهار/ ايه دا ياابه دا تليفون حلو قوي اشتريتوا من مصر

كامل/ اخوكي ادهولي

شوفي كده تعرفي تفتحيه وائل متصور هو وعروسته وقالي خلي امي وهنادي يشوفوا الصور

سعدية/ بقي دي اخرتها ياابني نتفرج علي صور خطوبتك زينا زي الاغراب

كامل /خلاص يا سعدية اللي حصل حصل

هنادي تفتح الصور

هنادي /حلوه بس كبيره شوية

سعدية تاخد التليفون/ وريني كده

سعدية /شكلها بنت عز بس باين عليها كبيره علي ابنك ياكامل

كامل/ مش هو اللي اختار خلاص يا سعدية هو حر

سعدية/ بس ياريت تسعده مش تطلع كل اللي عمله معانا علي عينيه

كامل/ ادعيلوا يتهنوا مع بعض بدل اللي أنتي عملاه ده

سعدية /أدخلي جهزي العشا لابوكي ياهنادي

كامل/ لا اني شبعان هطلع انام

بعد فترة هنادي قاعدة محتارة مش عارفة تقول

تقول لوالدتها علي اللي حصل النهاردة ولا تسكت ويمكن يكون الموضوع هزار

سعدية / مالك يابنتي عايزة تقولي حاجة

هنادي /لا ياامه انا طالعه انام تصبحي علي خير

سعدية/ مش هتتعشي

هنادي/'لا ياامه اني شبعانه

.....................

في منزل العمده

الحاجة امينه/ قولي بقي شوفتها فين وبنت مين

العمده حامد/ المهم تكون اخلاقها كويسه وبنت ناس

طارق/ انا شوفتها صدفه وانا ماشي في البلد وهي بنت مؤدبة

محسن/ وعرفت منين انها مؤدبة انت كلمتها

طارق/ لأ بس يعني شكلها باين عليه إنها متربية

نرمين/ تعرف أهلها

طارق/ انا سألت عنها وعرفت إنها من البلد أبوها اسمه كامل علوان

سعيد/ اوعى يكون كامل علوان اللي كان أبوه شغال عند جدي زمان

طارق /وانا هعرف منين

محسن/ لا لو كان هو يبقي بلاش من الجوازة دي يااخويا

العمده حامد /ليه ياابني بتقول كده

محسن/ لانهم لا من قيمتنا ولا من توبنا ياابه ايه عايز اخويا يتجوز بت أهلها كانوا شغالين عندنا

سعيد/ أهو دا اللي كان ناقص عاوزين البلد تجيب سيرتنا وتقول ملقيوش بنت يجوزها لابنهم غير بنت خدامينهم

طارق بانفعال/ وحتي لو كانت بنت الراجل اللي تقصدوه دا ميقللش منها في حاجة والشغل مش عيب الراجل لا كان حرامي ولا بيعمل حاجة وحشة

الحاجة امينه/ متشوف بت غيرها ياابني

طارق/ مش هشوف غيرها ياامه هي دي اللي دخلت قلبي

سعيد/ لاحقت تحبها ههههههه الظاهر بقي تعرفها من زمان

وتقولي مؤدبة

طارق/ لا معرفهاش من زمان ولا حاجة دي البنت اللي كنت هخبطها بالعربية من يومين

نرمين/ كمان دا محمود بيقول البت دي لسانها طويل وقليلة الأدب

طارق/ هي كانت بتدافع عن نفسها علشان كانت هتتخبط بعربيتي

نرمين/ وانا بقي مش موافقة علي إنك تتجوز البت دي

طارق/ وانتي مين بقي علشان توافقي ولا ترفضي حد اخد رأيك

العمده حامد/ بس انت وهي عال قوي قاعدين تردوا علي بعض ومفيش حد فيكو عاملي حساب

طارق/ انا اسف ياابه

العمده حامد يشاور لأولاده / يلا كل واحد يطلع شقته ينام واطلعي يا نرمين نامي واستني انت يا طارق عايز اتكلم معاك

يطلع سعيد ومحسن ونرمين

العمده حامد وبجواره الحاجة امينه

العمده حامد/ شوف ياابني انا ميهمتيش اللي عايز تتجوزها أبوها فلاح ولا غفير ولا حيلته الفدادين علي قد ميهمني إن أهلها يكونوا ناس طيبين محترمين ربوا بنتهم احسن تربية علشان دي اللي هتعيش معاك العمر كله

يعني لازم تختار كويس

انا دلوقتي هسالك أنت متأكد من أخلاقها

طارق/ البنت كويسه ومؤدبة ياابه وانا سألت علي أبوها الناس قالتلي إن الراجل طيب وفي حاله وعمره متخانق مع حد

العمده حامد/ الحق يتقال ياابني انا عمري ماسمعت عنه حاجة لاحلو ولا وحش احنا نروحلهم ونشوف ردهم ايه

طارق بفرحه/ بتتكلم بجد يا ابه

العمده حامد /انا قولت هنشوف

طارق/'يعني بكره كويس

الحاجة امينه/ ومستعجل علي ايه ياابني هي هتطير

العمده حامد/ خلاص يبقي بكره بالليل نروحلهم بس متتكلمش انا اللي هتكلم أطلع نام انت دلوقتي

طارق /حاضر. ..تصبحو علي خير

يتنهد العمده

الحاجة امينه/ انا بقول بلاش منها الجوازة دي يا حاج والبنات في البلد زي الرز

العمده حامد / ماشي بلاش منها بس تقدري تقولي لابنك كده

الحاجة امينه/ يعني ايه

العمده حامد/ يعني دي اللي اختارها ابنك من وسط البنات اللي زي الرز اللي بتقولي عليهم وبعدين انا ليه وجهة نظر في اللي قدامي بكره هنروحلهم واقعد مع أبوها واشوف مايته ايه

..............................

في الصباح

في منزل علي

صفيه/ يعني ايه يا بنتي الكلام ده ومين هيوافقك علي اللي انتي عايزة تعمليه ده

كامليا/ وايه اللي في كلامي غلط بس ياامه هو انا علشان قولتلك أكمل تعليمي كده يبقي غلطت

صفيه/ عارفة يعني ايه تكملة تعليمك يعني تروح مصر وبعدين الكلية اللي بتقولي عليها دي خمس سنين واشمعنه دي بالذات ولا عايزة تبقي مهندسة زي ابن خالتك

كامليا/ لا ياامه هي دي الكلية اللي مجموعي جابها وبعدين ابقي جايبه مجموع كبير وادخل كلية أقل من مجموعي

صفيه /بس دي خمس سنين هتتجوزي أمتي يابنتي

كامليا/ اني مبفكرش في الجواز ياامه

يدخل علي فجأة / ليه يابنتي عايزاهم يقولوا ايه البت بارت بعد ماالمحروس سابها

كامليا/ كلامك بيوجعني ياابه

علي/ لا عاوزاني أكد عليكي واقولك إننا اللي سيبناه

صفيه/ خلاص ياعلي كل حاجة قسمه ونصيب واهو راح لحاله

علي/ راح لبنت من مصر تبقي بنت صاحب المصنع اللي شغال فيه علشان احنا مكناش قد المقام ازاي نجوز بنتنا للباشمهندس اللي معاه شهادة كبيره

كامليا/ علشان كده هتعلم وادخل هندسة والكل لازم يعرف اني مش قاعدة مستنيه حد

علي /هندسة ايه اللي عايزة تدخليها عايزة تعنسي

كامليا/ ياابه يعني اللي اتجوزوا خدوا ايه علشان خاطري مش تحرومني من اني ابقي حاجة كبيرة

علي/ كملي تعليمك يابنتي علشان يتأدب

صفيه/ احنا اللي هنتادب مش هو

علي/ اطلعي ياكامليا وسيبيني مع أمك شوية

تطلع كامليا اوضتها

صفيه/ جرالك ايه ياعلي انت موافق علي اللي بنتك عايزة تعمله في نفسها ده

علي/ بنتك بتفكر صح يا صفيه التعليم هو اللي هيردلها كرامتها

صفيه/ ياراجل دي البت اللي حيلتنا نفسي اجوزها واطمن عليها مع راجل يصونها

علي /وافرض اتجوزت وطلع راجل أي كلام هتعملي ايه ساعتها يا صفيه

صفيه/ هي ونصيبها بقي ياعلي

علي/ انا هاخدها من بكره واروح أقدملها في الجامعه اللي في مصر

صفيه/ يبقي عايز تموتني بحسرتي علي بنتي

علي /بكره تعرفي إني صح وعايز مصلحة بنتي

......................

في مصنع سمير الحسيني

سمير في المكتب

مدير مكتبة يدخل

سمير/ابعت للباشمهندس وائل عاوزه في مكتبي

مدير المكتب/ حاضر ياباشا

يرسل مدير المكتب أحد الموظفين ل وائل

يطرق وائل باب المكتب

سمير/ أدخل

يدخل وائل ببتسامة/ صباح الخير يا باشا

سمير/ اقعد ياباشمهندس عايز اتكلم معاك شوية

وائل يقعد بتوتر

سمير/ الماكينه اللي كانت عطلانه اتصلحت

وائل / مخدتش معايا نص ساعة

سمير/ بيعجبني ثقتك في نفسك

بس الثقة الزايدة في بعض الأوقات بتضر بصاحبها

وائل بضيق/ قالولي إن حضرتك عايزني

سمير/ ايه مستعجل اوي

وائل / عندي شغل كتير

سمير/ أطمن مش هعطلك

بثينه كانت قالتلي انكو هتعيشوا في الشقة اللي في المهندسين وائل / حضرتك عارف اني لسه ببني مستقبلي وإن في أزمة سكن في البلد

سمير مقاطعا / مفهوم. ..مفهوم...وأنا موافق لكن بشكل مؤقت

وائل بضيق يحاول يداريه / وهو دا اللي اتفقت عليه مع بثينه

سمير/ ايه الميعاد اللي يناسبك علشان انت فاهم بثينه كانت مخطوبة قبل كده وانا مش حابب الخطوبة تطول

وائل / الميعاد اللي يناسبك يا باشا

سمير/ الشهر الجاي كويس

وائل / كويس يادوب نلحق نجدد في الشقة

سمير/ الشقة كويسه ومش محتاجة تجديد كل الحكاية إن الفرش هو اللي هيتغير

وطبعاً عفش بثينه سمير الحسيني لازم يكون من أفخم محلات الموباليا

وائل بمكر/ طبعاً ياباشا لازم تكون حاجة تليق بمقام سمير بيه الحسيني

سمير/ اتفضل دلوقتي روح شوف شغلك

يقوم وائل ببتسامة مصطنعه / بعد اذنك ياباشا

.....................

في منزل كامل

سعدية / ناوليني المعلقة دي يا هنادي علشان اقلب الأكل اللي علي النار

هنادي تمد يدها بكوب ماء

سعدية/ ايه ده يابنتي اني مش عاوزة اشرب اني بقولك هاتي معلقة

هنادي/ معلش ياامه مش سمعتك

سعدية/ لأ انتي اللي مش علي بعضك

يدخل كامل من باب المنزل

كامل/ بتعملي ايه يا سعدية

سعدية /بجهز العشا

كامل / خدي بنتك واطلعي فوق

سعدية/ ليه ياراجل هو احنا هنام من دلوقتي

كامل/ جاي لينا ضيوف يلا خدي بنتك واطلعي فوق

سعدية / طب مش اقعد هنا علشان اعملهم حاجة يشربوها

كامل/ لأ اني هبعت حد من ولاد اخويا يشترى حاجة ساقعه من الدكان

سعدية / طالما حاجة ساقعة يبقي ضيوف مهمين ياكامل ليه هتشتري الأرض

هنادي واقغه بتوتر

كامل / لما الضيوف يمشوا هبقي اقولك هما مين اني معرفش اصلا هما جايين ليه

سعدية تمسك يد هنادي/ يلا يابنتي

يالهوي انتي ايدك ساقعه كده ليه

هنادي بتوتر/ مفيش ياامه يلا قبل الناس متيجي

بعد شوية

كامل مرحباً / يا هلا وسهلاً اتفضل ياعمده احنا بيتنا نور

اتفضل يا استاذ

طارق/ اسمي طارق

كامل/ اتفضل يا استاذ طارق

يقعدهم كامل في الغرفة المخصصه بالضيوف

يدخل فتحي ومعاه الحاجة الساقعه

العمده حامد/ ابنك ده يا كامل

كامل/ لأ دا ابن اخويا ابني شغال في مصر

العمده حامد/ وشغال ايه بقى

كامل مفتخرا/ابني مهندس في مصنع كبير في مصر

العمده حامد/ ماشاء الله

ومعندكش ولاد غيره

كامل/ عندي بنت رايحه أولي دبلوم

طارق باندهاش / معندكش غيرها

كامل مندهشا/ لا ياابني ليه هو في حاجة

العمده حامد/ بنتك كام سنه يا كامل

كامل/ اني مش فاهم حاجة هي بنتي عملت حاجة يا عمده

العمده/ هههههه متخافش احنا جايين نوفق راسين في الحلال

كامل/ مش فاهم

العمده/ شوف يا كامل اني جاي اخد بنتك لابني طارق قولت ايه كامل مندهشا / بس بنتي لسه صغيرة

العمده/ ياراجل البنات بتكبر بسرعة قولي بس هي عندها كام سنه

كامل/ داخله علي الستاشر

العمده / ماهي كويسه اهيه

طارق قاعد مصدوم

..................

العمده / مش هنشوف عروستنا ولا ايه

كامل/ بس يا عمده اني مش بفكر اجوز بنتي دلوقتي

العمده/ إزاي يعني يا كامل هتقعدها جارك ولا ايه

كامل/ بس يا عمده

العمده/ ياراجل دا نصيب يعني لو مكتوبلها تتجوز دلوقتي هتتجوز

يخرج كامل ينادي علي سعدية

فتحي قاعد بينظر لطارق بضيق

العمده بهمس/ مالك ياابني ساكت ليه هو أني علشان قولتلك متتكلمش تقوم تخرس خالص

طارق /بصراحه ياابه انا كنت جاي فرحان بس بعد معرفت سنها اترددت

العمده/ ليه ياابني دا اني اتجوزت أمك وكانت مكلمتش الاربعتاشر سنه

طارق/ دا غير إنها صغيرة كمان في فرق سن كبير بيني وبينها

العمده /وماله ياابني طب ده احسن حاجة علشان تربيها علي ايدك

طارق بغصب/ انا بقول نقوم نمشي ياابه انا مش عارف أفكر خالص دماغي وقفت عن التفكير

خارج الغرفة

سعدية/ ايوه ياكامل في ايه

كامل / خلي بنت تلبس وتنزل

سعدية/ ليه هو في ايه

كامل بضيق/ خليها تنزل وخلاص

خلي الليلة دي تعدي علي خير

سعدية/ عايزها تنزل حاضر هنزلها

يدخل كامل مره تانيه غرفة الضيوف

كامل/ ثواني وجايه اتفضلوا اشربوا الحاجة الساقعه

العمده / مش هنشرب غير منشوف عروستنا

تنزل هنادي باضطراب وخجل تخبط علي الباب من بعيد يخرج كامل

كامل/ أدخلي قولي سلام عليكم وتقعدي فاهمه

هنادي بتوتر/ حاضر

كامل ممسك ايدها / تعالي يا بنتي

هنادي وهي ناظره في الأرض / سلام عليكم

يرددوا / وعليكم السلام ورحمة الله

العمده بفرحه/ ما شاء الله

ايه ياكامل بتخزي العين ولا ايه ماانت عندك عروسة اهيه وزي القمر كمان.

ينظر طارق لهنادي ببتسامة يتورد وجه هنادي خجلا

العمده/ ايه رأيك يا عروستنا بالعريس اللي قاعد جاري ده

هنادي تخرج سريعاً من الغرفة

يضحك العمده/ خلاص يبقي عرفنا الجواب واخدنا الموافقة من العروسة

قولت ايه ياكامل

كامل/ اني مش عارف اقولك أيه يا عمده

العمده / شوف يا كامل اني مش بتفرق معايا الحاجات اللي كل الناس بتفكر فيها دلوقتي اني أهم حاجة عندي إن العروسة اللي ابني يختارها تكون بنت حلال وأهلها ناس طيبين

كامل/ متشكر يا عمده

العمده/ ابني طارق بقي مدرس انجليزي في مدرسة في مصر

كامل/ ما شاء الله

العمده /عنده شقة هنا وشقة في مصر

بنتك هتكمل تعليمها ولا هتقعدها علي كده وخلاص

كامل/ لأ هتكمل وتاخد الدبلوم

العمده/ مفيش مشكلة تكمل وهي بيت جوزها

طارق/ ممكن تكمل واحنا مخطوبين عادي

ينظر العمده لطارق

طارق/ انا بقول تكون كبرت شوية وبعدين علشان كتب الكتاب

العمده/ كتب الكتاب أمره ساهل

المأذون يجي يكتب الكتاب عادي والقسايم تطلع بعدين

كامل/ الحاجات دي لازم اتكلم فيها مع الجماعه واخواتي معلش يا عمده متزعلش مني

العمده وهو بيقوم/ مفيش زعل ولا حاجة دي الأصول

شاور أخواتك وأبقى رد عليه

...........................


#دوارالعمدة 

البارت الخامس والسادس بارتين اهو  🤗

البارت الخامس


كامل/ شرفتوا وانستوا

العمده/ خلاص ياكامل اتفقنا

كامل/ إن شاء الله.... خير

يخرج العمده وطارق بعد ميسلموا على كامل وفتحي اللي قاعد من أول ماجم

طارق وهو خارج بينظر حواليه يمكن يلمح هنادي

العمده يقرصه من غير ماحد ياخد باله ويخرجوا من بيت كامل

سعدية تنزل بسرعة

سعدية/ في ايه ياكامل مين دول وكانوا عايزين ايه

يغمز لها كامل علشان تسكت

فتحي/ تصبحو علي خير انا رايح انام محتاج مني حاجة ياعمي

كامل / ياابني كتر خيرك

يخرج فتحي

سعدية/ ايه ياراجل بسالك مش عايز تقولي ليه

كامل/ بنتك جايليها عريس

سعدية/ عريس ويطلع مين ده

كامل/ مش هتصدقي يا سعدية

ابن العمده ذات نفسه جاي طالب ايد بنتك

سعدية بفرحه/ ياالف نهار ابيض ياالف ليلة بيضه ابن العمده حته واحده ازغرط ولا اعمل

كامل/ انى اللي مش عارف اعمل ايه علي قد مااني فرحان اني هجوز بنتي جوازه حلوه زي دي علي قد مااني محتار دلوقتي أوافق ولا اقولهم كل شيء نصيب

سعدية/ ليه ياراجل بتقول كده في حد يرفض ابن العمده بردو

كامل/ ماهو علشان ابن العمده الجوازه دي هتقطم وسطنا في مصاريف الجهاز والخطوبة دا اني هبيع كام قيراط من اللب حدايه علشان اجوزها

سعدية/ وماله يااخويا مش جوازه تستاهل وبنتك هتعيش مستريحة دا اني بسمع انهم عندهم شغالين ياما وبيتهم واسع قوي يرمح فيه الخيل

كامل/متنسبش ياسعدية إن في فرق كبير بينا وبينهم وانا خايف من بنتك انتي عارفه بتاخد علي خاطرها من أقل حاجة يعني لو حد فيهم قالها كلمه كده ولا كده هتلاقيها جايبه بعضها وجايه

سعدية/ لأ اطمن اني هفهمها علي كل حاجة وانت ترد عليهم علي طول عايزين نفرح ياكامل

كامل/ مش تستني ناخد رأي البت الأول

سعدية /اني عارفة أنها موافقة شوفتها طالعه تجري علي السلالم والفرحه هتنط من عنيها

كامل/ طيب نادي عليها الأول أسمعها منها

سعدية تنادي علي هنادي تنزل هنادي بخجل

كامل/ تعالي اقعدي جاري هنا يابنتي

هنادي/'حاضر ياابه

كامل وهو محاوط هنادي بذراعيه / قوليلي يابنتي ايه رأيك في الجدع اللي جه هنا الليلة علشان يخطبك

هنادي بخجل وتردد/ اللي تشوفوا ياابه

كامل/ انتي شوفتيه الأول؟

هنادي/ مش انت شوفته

كامل/انا بسالك شوفتيه يعني اتحققتي منه كويس

تخجل هنادي وتصمت.

سعدية /متكسفهاش بقي ياكامل ماهي قالتلك اللي تشوفه

كامل/ عارفه انه مدرس في مصر

هنادي /واني اعرف منين

كامل/ أبوه ده يبقي عمدة البلد وقالي إن ابنه شغال في مصر وعنده شقة هنا في بيت أبوه وشقة في مصر هيخطبك دلوقتي والفرح بعد متخلصي. ..إن شاء الله

ترفع سعدية يدها لتزغرط

كامل ممسك يدها/ جرا ايه يا سعدية عايزة الناس تقول علينا ايه مصدقنا وبعدين لسه هشاور اخواتي في الموضوع

سعدية/ واخواتك مالهم ومال الموضوع ياكامل

كامل/ لسه اشاورهم علشان لو حصل حاجة الاقي حد يقف جاري مش كلهم يسيبوني ويقولولي أنت كنت شاورتنا من الأول في جوازة بنتك

سعدية/ اتفاءل خير ياراجل

هنادي/ عن اذنك ياابه اني هطلع انام

كامل/ استني يابنتي اتعشي الأول

هنادي/ لا اني شبعانه.

سعدية /البت من فرحتها معدش ليها نفس للأكل يا كامل هههههههه

كامل بغمز/ بقولك ايه ياسعدية متجهزي الأكل خلينا نطلع ننام

سعدية /هههههه حاضر

............................

في منزل العمده

العمدة/ ايه ياابني مش مبسوط ليه مش دا اللي كنت عايزة

طارق/ بس ياابه انا كده حساباتي كلها اختلفت

الحاجة امينه/ ليه ياابني هو حصل ايه

العمدة/ محصلش حاجة ياحاجه البت زي القمر وأهلها ناس طيبين

طارق/ بس ياابه دي صغيرة عليه اوي دا الفرق بينى وبينها عشر سنين

الحاجة امينه/ وفي ايه ياابني طب دا اني الفرق بيني وبين أبوك حوالي سبعتاشر سنه

العمدة بغمز / مش قوي كده ياحاجة

الحاجة امينه/ اني لما اتجوزتك كان عندي تلاتاشر سنه وانت كنت داخل علي التلاتين

طارق/ بس خايف فرق السن ده يعملي مشكلة في التعامل معاها

العمدة/ ياابني أنت صغير سته وعشرين يعني لسه في عز شبابك ولما تتجوز بت صغيرة هتفضل فرفوره كده وحلوه لحد ماتم انت الستين. ..تتهني بشبابك ياابني وبعدين الصغيرة دي بتفضل مورده كده وحلوه

الحاجة أمينه بخجل/ هههههه بس ياراجل بقي ابنك قاعد

طارق/'ههههه انت بتغازل امي يا حاج

العمدة/ قوم بقي يا طارق خليني اقعد مع أمك شوية

الحاجة امينة بغمز/ متسيبوا قاعد يا حاج

طارق ببتسامة/ لأ انا طالع انام تصبحو علي خير

..................

في الصباح

في منزل علي

علي/ يلا يابنتي شهلي علشان منتاخرش علي ميعاد القطر

صفيه/ يعني مصمم انت وبنتك علي اللي دماغها

على / افرحي لبنتك وتفاءلي خير يا صفيه

صفيه/ خلي بالك من البت يا علي

علي/ جرا ايه يا صفيه انتي هتوصيني علي بنتي ولا ايه

صفيه/خايفة قوي عليها من مصر واللي بيحصل فيها

علي/ بنتك بمية راجل يا صفيه

صفيه/ راجل!!!طيب يا علي

السندوتشات اهيه اوعى تشتري حاجة من المحلات اللي هناك بيقولوا بيعملوا هناك اللحمة مش مضمونه

تنزل كامليا من فوق

صفيه/ ما شاء الله

قمر يابنتي خسارة تضيعي شبابك في هناك

علي/'يلا يابنتي اتاخرنا

يخرج علي من المنزل تتبعه كامليا

كامليا / مع السلامة ياامه

صفيه بحزن / مع السلامة يا ضنايا

......................

في منزل عادل شقيق كامل

كامل/ اني قولت اجي اشاوركوا واشوف رأيكوا ايه

فتحي ياخد كوباية شاي يعطيها لكامل

فتحي/ اتفضل يا عمي

عادل/ بصراحة يااخويا اني اتفاجات بالموضوع ده وبعدين انى بقول ابن عمها اولي بيها من الغريب حتي لو كان ابن العمدة

ولا ايه يااخويا

ترد كريمة شقيقة كامل وعادل

كريمة/ طبعاً يا عادل ودي عايزة كلام بردو

يدخل ايهاب/ صباح الخير ياعمي صباح الخير يا عمتي

كامل / حد من ولادك عايز بنتي يا عادل

عادل/ جرالك ايه ياكامل مالك خوفت كده ايه ولادي مش قد المقام

ثناء زوجة عادل وهي بتشرب الشاي/ يمكن ياابو فتحي مش قد المقام

كامل/ ومين قال كده بقى انت اخويا ولو كان حد من ولادك عينه من بنتي اني اجهزهاله واجيبها هنا لحدية الدار

كريمة/ تسلم يااخويا ودا العشم بردو انتوا إخوات وملكوش إلا بعض

عادل /فتحي ابني عينه من بنت عمه من زمان واني قولتله لسه صغيرة بس طالما بقي موافق تجوزها دلوقتي يبقي ابني أولي

فتحي ببتسامة/واني ياعمي هحطها جوه عنيه

كامل/ تسلم عنيك ياابني اني معنديش مانع بس هسالها الأول

عادل/ بنتك مش هتقول حاجة ياكامل بنتك انت مربيها اللي تشوفه هي هتوافق عليه

كامل وهو بيقوم/ شوف يااخويا علشان أكون صريح معاك اني هوصل لحداية الدار دلوقتي واسألها والمغرب هجيلك

عادل/ واني مستنى وفلوسي جاهزة من بكره اخدها بالعربية تنقي الشبكه اللي على مزاجها

كامل/ اني هقولها وارد عليك سلام يا جماعة

ثناء/ مشربتش الشاي ياابو وائل

كريمة/ المغرب نروح نشرب الشربات حداه في الدار

كامل/ تشرفي وتانسي يااختي

........................

في منزل العمدة

تدخل نرمين غرفة طارق ببتسامة/ صباح الخير

طارق ببتسامة/ صباح الورد

نرمين/ ايه الشياكة والحلاوة دي ولا ريحة البرفيوم تجنن يا طارق

طارق /ههههه اتفضلي ولا اقولك هبقي اجيبلك واحده تهادي بيها خطيبك

نرمين/ خطيبي! !!

طارق/ أقصد لما تتخطبي يعنى

نرمين/ عملت ايه امبارح

طارق/ تقصدي المشوار اياه

نرمين / طارق اتكلم علي طول وبلاش اللف والدوران بتاعك ده انا اكتر واحده فاهماك هنا

طارق/ طيب يا عم الذكي انتي

اتقدمنا ومستنيين الموافقة

نرمين/ كمان انتوا اللي مستنيين دا انا قولت اول مشفوكوا زغرطوا ومش بعيد كانوا قالوا الفرح بكره

طارق/ ليه يعني دا كله

نرمين/ علشان مقامنا أعلي منهم وهما دلوقتي مصدقوا يس بيحبوا يتقلوا مكر فلاحين بقي

طارق /متنسيش إننا فلاحين وعيب تقولي كلمة زي دي

نرمين /البت حلوة ولا أي كلام

طارق/ أولا اسمها عروستك ثانيا هنادي زي القمر مشوفتش في جمالها

نرمين بضيق/ ليه هي احلي منى

طارق /انتي اختي يعني مبشوفيكش حلوة أو وحشة اختي وبس وراضي بيكي زي ماانتي مش هختار يعني

بس هنادي دي القلب اللي اختارها

نرمين /خليهالك اشبع بيها يلا علشان تفطر مجهزين الفطار من بدري ومستنينك

طارق/ اوك نازل وراكي

نرمين/ يعني مكنتش عارف تحب واحده من مصر بدل متجيبلنا واحده من البلد يااخي كنت غير كفاية اخواتك والهوانم اللي اتجوزوهم

طارق/ صفي قلبك يا نرمين

نرمين/ ليه شايفه اسود

طارق /انتي ادرا مني. ..وسعي خليني أنزل أفطر

......................

البارت السادس 

في منزل كامل

سعدية/ يعني ايه ياراجل بقي ابن اخوك ولا ابن العمدة

كامل/ ابن اخويا يا سعدية

سعدية/ بقولك ايه ياكامل متنسيش بقلب البت

كامل/ ليه هي قالتلك ايه

سعدية/ البت فرحانه من ساعة ماالناس دخلوا بيتنا ونازله ترويق في البيت تقولش هيهلوا علينا دلوقتي

كامل/ يعني انتي شايفة ايه

سعدية/ شايفة إنك تقول لاخوك الجواز قسمه ونصيب وبنتي اللي اختارت واني لو عليه كنت أحب إن ابن اخويا اللى ياخدها بس القلب ومايريد

كامل/ بس كده هيزعل

سعدية/ متكسرش قلب بنتك يا كامل

ينادي كامل علي هنادي

تنزل هنادي بفرحه

هنادي/ نعم ياابه

كامل بتردد/عايز اقولك حاجة يا بنتي بس تقوليلي بصراحه

فتحي ابن عمك طالب يدك للجواز قولتي ايه

يتغير وجه هنا من الفرحه للعبوس

سعدية /تقول ايه في ايه ماهو الجواب باين علي وشها اهه

هنادي /قولت إن ولاد عمي زي اخواتي ياابه

كامل/ يعني أقوله إنك مش موافقة

تهز هنادي رأسها

كامل/ خلاص يابنتي دي حياتك وانتي حره فيها مش هغصبك علب حاجة علشان مش تلوميني بعد كده

يتورد وجه هنادي بالفرحه

سعدية تحتضنها / مبروك يا ضنايا

......................

في منزل العمدة ...في المساء

العمدة/ علي فكرة ياابني أبو العروسة شيع لينا جاروا في الغيط وبيقول إنه موافق

يتهلل وجه طارق بالفرحه

بينما اخوته يغيم علي وجههم الضيق والحزن

العمدة/ ايه ياولاد مش هتقولوا لاخوكوا مبروك

محسن/ مبروك علي ايه ياابه هي دي جوازه نباركله عليها

هدي زوجة سعيد/ مبروك يا طارق تتهني وتسعد. ..إن شاء الله سعيد/ اني طالع انام يلا يا هدي

شوق زوجة محسن/مبروك ياابن عمي

نرمين بضيق /مبروك يا طارق. ..تصبحو علي خير

الحاجة أمينه تحتضن طارق والدموع في عنيها / مبروك يا ضنايا الف مبروك عقبال مشوف ولادك يا حبيبي ببجروا حواليه اني عايزة عيال كتير

محسن بضيق/ يلا يا شوق نطلع نتخمد

العمدة / الملافظ سعد ياابني

محسن / اني بصراحة مش عارف اقولك أيه ياابه

عايز تحط راسنا في الطين بقي دي جوازه تجوزها لاخوي

يقوم العمدة منفعل ويرفع يده ليصفع محسن علي وجهه

محسن ممسك يد والده/ كمان عايز تضربني ياابه

يقف طارق بينهم

طارق/ خلاص ياابه حقك عليه

محسن/ اعملوا حسابكو اني مش حاضر لا فرح ولا خطوبة

لبنت كامل وأبقى وريني ياطارق هدخلها بيتنا ازاي

العمدة منفعلا / ليه كانت دارك ياواد انت ولا ايه

محسن/ ابنك عايز يعمل اللي علي مزاجوا

يتعلم ويشتغل ويتجوز اللي يختارها إنما احنا لأ كاننا مش ولادك العمدة لشوق/ اطلع يا بنتي نامي انتي عايز جوزك في كلمتين

تطلع شوق شقتها

العمدة/ ايه يا محسن كبرت وبقيت تعلى صوتك عليه

محسن/ ابنك مش هيتجوز البت دي ياابه ولا هيجمعوا بيها بيت واحد ولااني لا هما في البلد

العمدة/ الظاهر عليك اتجننت ياواد ومنتش واعي بتقول ايه

محسن/ بقول الصح ياابه اني مش هستني لما الناس تجيب سيرتنا في البلد من بكره هولعلوا في أرضه واطردهم من البلد

طارق/ انت بتقول ايه يا محسن

محسن/ وعروسة الهنا بتاعتك دي هيطلعها من البلد بفضيحه وبكره تشوف يا طارق

طارق ممسك بيد محسن وهو خارج من الغرفة

طارق/ لو مسيت شعره واحده من هنادي ولا أهلها مش هيحصل طيب يا محسن وانا بقولك اهوه

محسن/ لو صممت علي الجوازة دي هطلعهالك بفضيحه قبل متتجوزها

العمدة ممسك بمحسن بيضربه

الحاجة أمينه تصوت

طارق بيدافع عن محسن ينزل سعيد تحت بسرعة

يخلصوا محسن من ايد العمدة ويطلع محسن شقته

العمدة/ شوفتي ابنك يا حاجة

الحاجة أمينه تبكي

سعيد / هو في ايه ياابه

العمدة / اخوك مش عايز يجيبها لبر مش عارف هو عايز يعمل فيه ايه

طارق/ ابه اللي بيقولوا محسن ده لو حصل هيبقي آخر مابيني وبينكو

يطلع طارق شقته يبات فيها لوحده

العمدة/ شايفة يا حاجة ابنك عايز يموتني

الحاجة امينه تطبطب عليه/ بعد الشر عليك يا حاج

العمدة/ واني اللي بقول ابني الكبير اللي هيشيل كل حاجة من بعدي هيحمل هم اخواته يطلع كده يا خسارة تربيتي فيه

الحاجة أمينه / متاخدش علي كلامه دول كانوا كلمتين وقت زعل وهيروق وهيجي يحب علي ايدك الصبح

العمدة/ مش عايز اشوفه ولا المحه في الدار يجي من شغله علي فوق مشوفش خلقته حتي الوكل مياكلش معانا ياكل هو مراته وولاده فوق

الحاجة امينه/ حاضر يا حاج بس هدي نفسك بس

العمدة / ومن الصبح بدري تطلعي لطارق تخليه يلبس وينزل علشان نروح نتفق مع الناس

الحاجة أمينه /طب استني لما الأمور تهدي

العمدة/ ليه خايف من ابنك. ..فاكر إنه هيلوي دراعي

الحاجة امينه/ اللي تشوفه يا حاج.

العمدة/ وانتي كمان تجهزي الصبح علشان تيجى معانا

.......................

في الصباح

وائل في التليفون / بسرعة كده ياابه

كامل /ماانت كمان خطبت وهتنجوز في أقل من شهر

وائل / علي العموم الف مبروك

كامل/ ايه مش هتيجي بكره الناس جايين يتفقوا

وائل / لا معلش أصلي عندي شغل كتير هبقي اجي في الخطوبة

كامل/ طيب ياابني تصبح على خير

سعدية /ها قالك ايه هيجي

كامل/ قال هيجي في الخطوبة

سعدية /مش هاين عليه يجي يشوفنا حتي

كامل/ بقولك ايه يا سعدية اني دماغي مش رايقه لمواضيعك دي

سعدية/ ليه مالك يا كامل

كامل/ عادل اخويا لما رحتله علشان أقوله مفيش نصيب كان زعلان قوي وكلامه مريحنيش

سعدية /يوه وانت هتعمله ايه يعني هو الجواز فيه غصب

كامل/ ايوه يا سعدية بس دا اخويا وكان معشم فيه وهو إن جيتي للحق أولي من الغريب

سعدية/ ياراجل هي حتة أرض هتبيعها دي بنتك هو احنا هنجوزها كل يوم دي جوازة العمر

حسب ونسب واسم ومعه في البلد دا غير إن العريس متعلم ابن اخوك بقي مبيعرفش يفك الخط وانت بنتك شاطرة ومتعلمه

كامل/ خلاص يا سعدية ممنوش فايدة الناس جايين بكره عايزك تعملي غدا محصلش

سعدية/ من عنيه من الصبح بدري هوم ادبح الحمام وكان جوز بط وفراخ واعمل محاشي وهاهيصهم بكره

كامل/ تسلم يدك يا سعدية

سعدية/ متحرمش منك ياراجلي ولا من كلامك الحلو

كامل/ ههههههه أيه ياوليه الناس بتكبر وانتي كل مادا مبتصغري في السن وبتحلوي

سعدية / هههههه متكسفنيش بقي ياراجل

.....................

في الصباح في منزل علي

علي /ادريتي باللي حصل

صفية بقلق/ ايه اللي جرا يا علي خير

علي وهو بيشرب الشاي / بيقولوا بنت اختك جالها عريس

صفيه/ مين هنادي

علي /ايوه هو انتي عندك اخت غير سعدية لأ وايه العريس يبقي ابن العمدة

صفيه بفرحه/ بتتكلم جد يا علي

علي/ ومالك فرحانه كده إيه

صفيه / يوه مش بنت اختي ولازم افرحلها

على / اني بقي نفسي الهم يركبهم علشان يتهدوا

صفيه/ انت مش عملت اللي في مخك ورحت قدمت لبنتك في الجامعة وتبقى معاها شهادة احسن من بنت اختي يبقي طلعهم بقي من دماغك يا علي

تنزل كامليا / صباح الخير

صفيه/ قربي افطري اني مشلتش الأكل علشان عارفة إنك شوية وهتصحي

كامليا/ اني فرحانه قوي ياامه النهاردة وحاسه إن الدنيا مش سيعاني

صفيه / ربنا... يسعد قلبك يا بنتي

علي / صحيح ياولاد العلام حلو قوي آه يا صفيه لو كنتي جيتي معانا وشوفتي الجامعه اللي بنتك هتتعلم فيها ولا زمايلها هناك ناس كده عليهم القيمه

صفيه/ المهم تكون كامليا مبسوطه

.......................

في شقة بثينه

وائل لأحد العمال / انا عايزك تغيرلي ألوان الريسبشن كلها

العامل/ بس حضرتك نشوف الأول ألوان الفرش اللي هيتفرش هنا

بثينه /انا معايا كتالوج فيه كل حاجة هنفرشها هنا

العامل/ تمام كده نبدأ الشغل

وائل يغمز لبثينه ويخرجوا يتكلموا في البلكونة

بثينه / انا عارفة انت عايز تتكلم معايا في ايه

وائل / دي حاجة متزعلكيش يا بسبوس

بثينه ببتسامة/ أدي تنازل عن الشقة انا كنت مجهزه العقد بس قولت بعد كتب الكتاب تاخده ودا كمان ميزعلكش

وائل / طبعاً يا حبيبتي احنا خلاص بقينا واحد وبقيتي بتاعتي انا بس

تفتكر بثينه كلام هيثم الخطيب السابق وتضايق

بثينه /بلاش بتاعتي والحاجات دي يا وائل أرجوك

وائل /ليه حد قالهالك قبل كده

بثينه /قولي بقي ناوي على ايه بعد متتجوز

وائل /مش فاهم تقصدي ايه

بثينه/ انا فكرت في مشروع كده علي قدنا هنفتح ورشة ميكانيكا

وائل / ههههه لا لا أنسى الموضوع دا نهائى أنا مش هسيب شغلي في المصنع اللي تعبت فيه إيجي مهندس تاني ياخد الجمل بما حمل انا ناوي أكبر مصنع والدك وعندي أفكار كتيره بس مستني الفرصة المناسبة

بثينه /اللي تشوفه يا حبيبي

وائل يحتضن بثينه/ طالعه من بوقك حلوه اوي حبيبي دي

بثينه بخجل/ وائل العمال يشوفونا ميصحش كده

وائل / أمتي بقي يجمعنا بيت واحد

بثينه /متستعجلش كلها تلات أسابيع بس

وائل / تعرفي إن اختي هتتخطب

بثينه /بجد. ..ألف مبروك

وائل / احتمال كده ابقي اخدك ونروح عندنا البلد نحضر الخطوبة وتتعرفي علي أهلي

بثينه / بجد يا وائل انا كان نفسى اقولك كده من زمان

وائل بضيق/ بس المهم باباكي يوافق

بثينه / هيوافق بابا مبيرفضليش طلب ابدا

وائل يحدث نغسه/ ودا اللي حببني فيكي اكتر يا بنت سمير الحسيني

......................

في منزل كامل.

تنزل هنادي / أمه شوفي كده الفستان دا حلو عليه

سعدية بفرحه/ هتتحسدي يا بت البسي حاجة تانية

كامل/ وماله الفستان ماهو حلو اهوه

سعدية /ماهو علشان حلو خايفه عليها

تهمس سعدية لكامل / بنتك كبرت ياكامل وهتتجوز

كامل/ طالعه حلوه لأمها

هنادي ببتسامة خجل/ متكسفنيش بقي ياابه

سعدية/ اطلعي كملي لبس عبال مخلص حلة المحشي دي

هنادي /انتي عامله الأكل دا كله لمين ياامه

سعدية/ يابت الناس اول مرة ياكلوا في دارنا ولازم نعملهم حاجة تليق بيهم

هنادي / اني هطلع عايزة مني حاجة

سعدية /لا يا ضنايا

كامل/ فين الجلبيه اللي هلبسها يا سعدية

سعدية/ كوياها وحطاها علي السرير فوق يا كامل

كامل/ طب شهلي بقي علشان تغيري هدومك دي الناس زمانهم علي وصول

سعدية/ انى خلصت اهوه ولعت علي الطير وخلصت المحشي هولع عليه. ..هو حد من اخواتك جاي

كامل/ اني قولتلهم معرفش بقي هيجوا ولا ايه

سعدية/ اني عملت حسابهم بردو علشان الأكل يكفي

كامل / ماشي يا سعدية اني هطلع اغير هدومي

............

في الطريق

الحاجة أمينه بتطبطب علي كتف طارق وهو سايق / متزعلش من اخوك ياابني هو شوية وهيروق وهيجي يصالحك

العمدة اللي كان راكب جمب طارق/ ولا ميروقش هو حر يخبط راسه في الحيط

طارق/ حتي سعيد ونرمين مرضيوش يجوا

العمدة/ ولا ايه اللمه ياابني احنا رايحين نتفق يبقوا يجوا في الخطوبة

العربية تقف قدام منزل كامل

يخرجوا الجيران يشوفوا مين اللي داخل الشارع

العمدة ينزل من العربية/ خبط ياابني

الحاجة أمينه / هي الناس دي بتتفرج علي ايه ؟!

العمدة/ متاخديش في بالك يا حاجة

هنادي في غرفة والدها تنظر من الشباك

هنادي بفرحه/ أمه دول واقفين تحت يلا البسي قوام

سعدية/ حاضر يابنتي اديني بلبس اهه

هنادي / ابويا فتحلهم ياامه

سعدية/ مالك يابت بترتعشي كده ليه

هنادي/ اصلوا حلو قوي ياامه

سعدية/ يابت اختشي عيب

هنادي/ قلبي هيوقف من الفرحه ياامه

سعدية/ اجمدي كده ولما تنزلي تحت خليكي عينك في الأرض مترفعيهاش

هنادي/ حاضر

بالأسفل

كامل مرحباً بهم/ يااهلا وسهلاً خطوة عزيزة يا حاجة

الحاجة امينه/ يعز مقدارك ازيك يا كامل

كامل/ الحمد لله. ...

الحاجة امينه/ يااااه علي الزمن تعرف مشوفتكش من أمتي

كامل / من أيام ماكنت بروح حداية النخل بتاعكو وازقلوا بالطوب وابويا الحاج يطلع يزعقلي

الحاجة امينه/ كانت أيام. ..كان ابويا وقتها لسه بصحته

العمدة/ ندخل في الموضوع يا كامل بقي علشان مش نعطلك علي مصالحلك

كامل/ ناكل لقمه الأول يا عمدة ولا انت مش عايز تاكل في دارنا

طارق /ازاي يا عمي بس احنا يشرفنا طبعاً بس ندخل في المهم وبكرة ناكل عندكو في الأفراح. ...إن شاء الله

الحاجة أمينه / قبل كل حاجة اشوف عروسة ابني الأول

كامل/ حاضر يا حاجة دقيقة وجاي

يطلع كامل خارج الغرفة تقابله سعدية

كامل/ ادخلي سلمي علي الحاجة مرت العمدة

سعدية /حاضر

كامل/ بقولك ايه هي الاوضة التانية نضيفة

سعدية/ اه ليه

كامل/ الحاجة عايزة تشوف بنتك بقول تقعد في الاوضة دي علشان اتكلم انا والرجاله براحتنا

سعدية/ ماشي اللي تشوفه

كامل/ هاتي الحاجة اللي هتقدميها ليهم واني هقول للحاجة تيجي هنا واطلعي نادي علي بنتك

............

بعد شوية

العمدة وطارق وكامل قاعدين في اوضة الجلوس بيتفقوا علي ميعاد الخطوبة وكتب الكتاب

وفي الاوضة المقابله سعدية والحاجة أمينه قاعدين مع بعض

سعدية/ البيت نور بوجودك يا حاجة

الحاجة أمينه / البيت منور باصحابه اومال عروستنا فين

سعدية / أهي جات اهيه تعالى يا هنادي

هنادي داخله من باب الغرفة يلمحها طارق في الغرفة المقابله

تخجل هنادي وتنظر للأسفل وتدخل الغرفة تسلم علي الحاجة أمينه تتكعبل

سعدية /حاسبي يا بنتي

تبتسم الحاجة أمينه /ماهي اللي باصه في الأرض ارفعي راسك يا بنتي علي الأقل علشان اعرف اشوفك كويس

هنادي تسلم علي الحاجة أمينه

الحاجة أمينه /ماشاء الله

عروسة ابني زي القمر

تقعد هنادي بجوار والدتها

الحاجة امينه/ متتكسفيش يا ضنايا اني زي أمك

سعدية/ انتي عارفة بقي بنتنا مبتطلعش بره ولا بتقعد مع حد من البيت للمدرسة

الحاجة امينه/ باين عليها بس اني عايزاها تاخد راحتها في القعده تعالي يا هنادي اقعدي جاري هنا

تنظر هنادي لوالدتها

سعدية/ اسمعي كلام الحاجة يابنتي

هنادي تقرب وتقعد جمب الحاجة أمينه

الحاجة أمينه تنظر لهنادي بتمعن

الحاجة امينه/ متخلعي الطرحه دي يا بنتى الدنيا حر

تغمز سعدية لهنادي

تخلع هنادي حجابها ويظهر شعر هنادي الذي يغطي ظهرها

تنبهر الحاجة أمينه بهنادي/ ما شاء الله

داري يا بنتي شعرك

تلبس هنادي حجابها

الحاجة امينه/ دي كلها هدوم يا بنتي انتي مستحمله كل ده ازاي

سعدية /لأ هنادي بنتي مبتلبسش هدوم كتير دا الواحد لابس جلبيته بالعافية

الحاجة امينه/ عودك حلو يا هنادي اني محبش التخينه ولا الرفيعه أحبها كده وسط زيك

تخجل هنادي من حديث الحاجة

سعدية /اني بقول اطلع احط الغدا يا حاجة خليكي يا هنادي

الحاجة أمينه لهنادي/ هو انتي ساكته كده علي طول ولا مكسوفه مني

هنادي/ لا يا حاجة بس يعني هقول ايه

الحاجة امينة/ هتقوليلي ها بتحبي الواد ابني ولا لأ

هنادي تبتسم بخجل

الحاجة أمينه / اسمعي بقي ماهو اني لازم اسمعها منك وإلا بقي اخد بعضي وامشي

هنادي بخجل /مش هينفع اقول

الحاجة امينه/ خلاص هناديه يقول هو

هنادي ممسكا بيد الحاجة / لا هقول

الحاجة أمينه /طيب متقولي

هنادي / لو هو بيحبني يبقي اني

الحاجة امينه/ ها انتي ايه

هنادي بخجل/ بحبه

الحاجة أمينه تحتضنها بفرحه/ يا قلبي ومالك بترتعشي ليه كده يا بنتي

قومي شوفي أمك عايزة منك ايه

تقوم هنادي

سعدية/ ايه يا بنتي سيبتي للحاجة وجيتي ليه

هنادي/ أمه اني جسمي متلج وعايزة اتغطي

سعدية/ هههههههه يا خيبتك اومال هتعملي ايه لما تقعدي معاه في أوضحة واحدة

هنادي/بس ياامه اني بتكسف

يطرق عادل الباب

سعدية/ههههه طب شوفي مين علي الباب أيدي مش فاضيه

تفتح هنادي

هنادي/ عمي اتفضل

عادل بضيق / ابوكي جوه يا هنادي

كامل بالداخل/ ادخل يا عادل اني هنا

يدخل عادل ويسلم علي طارق والعمدة ويعرف بالإتفاق

الخطوبة وكتب الكتاب بعد تلات أسابيع تكون هنادي تمت الستاشر سنه وعملت البطاقة

عادل ببتسامة مصطنعه / مبروك يااخويا

كامل/ نقوم بقي نتغدا مع بعض واهو يبقي عيش وملح

تزغرط سعدية أمام البوتاجاز.

#دوارالعمدة 

البارت السابع 

عادل / لا اني همشي

كامل بهمس/ ميصحش يا عادل اقعد حتي علشان خاطري متكسفنيش

يخرج كامل ياخد الأكل من سعدية ويضعه علي الطبليه

كامل/ لقمه كده علي قدنا

العمدة ببسامة/ علي قدكو ايه بس يا كامل انت مكلف نفسك جامد

كامل/ دا احنا الفرحه مش سيعانا بوجودكم حدانا النهاردة

طارق/ تكرم ياعمي انتوا أهل الكرم كله ومكنش ليه لزوم تعب خالتي وهنادي

كامل بمزح/ متخافش عروستك ممدتش ايدها في حاجة خالتك سعدية اللي عملت كل حاجة

بعد شوية يقوم طارق

كامل/ ايه ياابني مبتاكلش ليه ولا الأكل مش عاجبك

طارق/ تسلم الايد اللي طبخت. ..انا...الحمد لله. ..شبعت

يخرج طارق يغسل أيده

هنادي جوه تخلص أكل وتروح تغسل ايدها تتفاجا بطارق

طارق مبتسما / ازيك يا هنادي

هنادي بخجل/ الحمد لله

طارق / وحشتيني اوي يا هنود

هنادي/ وسع علشان اغسل أيدي

طارق/ مبسوطه يا هنادي

هنادي تبتسم صامته

سعدية / ايه ياابني ماكلتش ليه

طارق/'الحمد لله. ..تسلم ايدك يا خاله

سعدية/ بالف هنا ياابني اتفضل انت

طارق وهو بينظر لهنادي / حاضر. ...بعد اذنكو

سعدية / كان بيقولك ايه

هنادي /اني

سعدية/ اومال خيالك

هنادي/ ولا حاجة ياامه

سعدية/'هنبدأ اللءم من دلوقتي

هنادي/ ادخلي ياامه غسلي واني هشيل الأكل

تدخل سعدية تغسل ايدها

تقرب هنادي تشيل الأطباق في غرفة الحريم

الحاجة أمينه /'عنك يا حبيبتي هساعدك

هنادي بحرج/ لا مينفعش حضرتك تشيلي حاجة

يدخل طارق بعد ميخبط علي الباب تلتفت هنادي ناحية الباب

طارق يدخل ببتسامة

الحاجة امينه/ تعالي يا حبيبي أدخل

طارق/ كنت عايز هنادي في حاجة

الحاجة أمينه / طب اني هطلع اغسل أيدي

يقرب طارق من هنادي وهي في ايدها الأطباق

طارق ياخد الأطباق منها ويضعها علي الطبليه ويخرج موبايل من جيبه ويعطيه لهنادي

هنادي /ايه ده

طارق/ تليفون علشان اعرف اكلمك

هنادي وهي بترجع التليفون/ لا مش هينفع ابويا هيزعقلي

طارق/ خلاص متقوليش إن معاكي تليفون

هنادي/ بس اني عمري مكدبت علي ابويا

طارق /حيرتيني معاكي خلاص قوليلوا عادي مش انا بقيت خطيبك

هنادي تبتسم بخجل

طارق / بحبك يا هنادي

تدخل سعدية/ احم احم

طارق/ انا كنت بساعد هنادي

سعدية/ ودي تيجي ياابني لا مينفعش اتفضل انت في الأوضة التانية مع الرجاله واني وهنادي هنشيل الأكل

بعد نص ساعة يقوم العمدة

العمدة/ نستاذن احنا بقي يلا ياابني

كامل/ ماهو بدري ياعمدة

العمدة ببتسامة / بدري ايه بس دا احنا قعدنا كتير مش ناقص غير اننا نبات هنا

كامل/ يزيدنا الشرف ياعمدة

العمدة/ دايماً عامر. ..وسفرة دايماً. ..وقول لام وائل تسلم ايدها علي الأكل الحلو بتاعها

كامل/ الف هنا تعملها بقي قريب وتشرفنا

العمدة /المرة الجايه بقي في بيتنا تيجي وتشوف شقة عروستنا كامل/ إن شاء الله

.............................

في منزل العمدة

العمدة/ ناس كرمه قوي ياابني ضيفونا وجابوا آخر ماعندهم

طارق/ آه ياابه ناس طيبين اوي

الحاجة امينه/ ولا العروسة زي القمر

العمدة ببتسامة/ عينتيها كويس يا حاجة

الحاجة امينه/ طبعاً ودي حاجة تفوتني فصصتها من راسها لصوابع رجليها

طارق/ اوعى تكون زعلت ياامه

الحاجة أمينه /دي حاجة مفيهاش زعل ياابني دي هتبقى مراتك ولازم أطمن

طارق بخجل/ انا طالع انام تصبحو علي خير

..............

في منزل كامل

سعدية / آه يااني ياضهري تعبت قوي يا كامل النهاردة

كامل /الف سلامة عليكي ياام العروسة

سعدية/ من الصبح واني واقفة علي رجلي بس تصدق اني مبسوطة قوي عريس بنتك زي القمر طول بعرض وكلامه حلو قوي

كامل/ يعني ايه كلامه حلو؟!

سعدية /أقصد يعني لسانه حلو في الكلام محترم كده صحيح العلام بيخلي للواحد قيمه

كامل/ أهو نصيب بنتك. ..الحمد لله

بس ادعي تعدي علي خير انا طالع انام علشان اروح الغيط

سعدية/ هو عادل اخوك كان ماله مبوز كده ومش مبسوط

كامل/ ماانتي عارفة اللي فيها يا سعدية نهايته المهم سعادة بنتنا اني ميهمنيش حاجة في الدنيا غير اني اشوف ولادي مستريحين ومبسوطين في حياتهم

سعدية/ تسلم ياابو عيالي

كامل/ هطلع انام علشان اعدي على عادل الصبح اشوفه عايز مني ايه مش هتطلعي تنامي

سعدية/هروق المطبخ واطلع انام علي طول

...........

في غرفة هنادي

قاعدة علي السرير سرحانه وبتفكر

تفتكر طارق ابتسامة تملأ وجهها

التليفون يرن

تجري بسرعة تمسكه علشان تقفله قبل ماحد يسمع

تلاقي المتصل حبيبي طارق طبعاً هو اللي مسجل الرقم علي التليفون

هنادي /الو مين

طارق / ههههههه حلوه مين دي يعني اسمي مظهرش عندك

هنادي بارتباك/ مين اللي سجله كده

طارق/ ايه مش عاجبك حبيبي طب ماانا مسجل رقمك عندي حبيبتي وروحي نوده

هنادي بضيق / لو كلمتني كده تاني مش هرد علي التليفون وهرجعهولك اني مش عايزاه

طارق/ خلاص خلاص. ..متبقيش حمقيه انا اسف مكنتش فاكر إن كلامي هيزعلك

هنادي /الاحسن متتصلش تاني واني هقفله خالص

طارق/ لا علشان خاطري متقفلهوش انا مش هضايقك تاني بس عايزك تفتحي تليفونك دايما علشان ابقي أطمن عليكي وانا في مصر

هنادي/ خلاص يبقي بعد كتب الكتاب

طارق/ حاضر مش هتصل تاني قبل كتب الكتاب بس هتصل علشان اخدك اعملك البطاقة

هنادي /ابقي كلم ابويا

طارق /بس دي حاجة تخصك انتي

هنادي /انت بقي هتعملها حجه كل شوية علشان تكلمني

طارق /على فكرة انا خطيبك ومينفعش تكلميني كده

هنادي /انت زعلت ولا ايه

طارق /تصبحي علي خير

هنادي /اني مش قصدي يا طارق استني مش تقفل التليفون

طارق /انا تعبان وعايز انام. .. سلام

هنادي بحزن/ طيب براحتك

ويقفل طارق التليفون مع تنهيدة قوية ويغلق عينيه لينام

......

هنادي بتتقلب مش عارفة تنام

هنادي تحدث نفسها / طب هو زعل من ايه هو اني عملت ايه

ماهو مش هينفع كل شوية يكلمني وابويا لو عرف مش هيعديها علي خير

تنام هنادي بعد تفكير طويل

....... .. .........

في الصباح بعد مرور أربعة أيام

سعدية/ قومي ياهنادي يلا ابوكي مستني تحت

هنادي/ ايه ياامه في ايه

سعدية/ ابوكي صاحي من بدري قومي افطري معاه علشان تروحي تعملي البطاقة يلا

هنادي /ابويا بس اللي تحت

سعدية/ يعني هيكون مين معاه قومي اغسلي وشك والبسي يلا علشان مش تتاخروا

هنادي / حاصر.

تنزل سعدية

كامل/ ايه يا سعدية هنادي مصحيتش لسه

سعدية/ صاحيتها ونازله

كامل/'مالك يا سعدية وشك متغير في حاجة

سعدية/ مش ملاحظ إن عريس بنتك من آخر مره كانوا فيها هنا مجاش ولا حس ولا خبر

كامل/'تلاقيه مشغول وبعدين هيجي ليه انى مش عاوزة كل شوية الاقيه هنا

سعدية / قلبي مش مطمن كده وخايفة مش عارفة ليه

كامل/ يا ستي مش تبقي موسوسه كده هيكون في ايه

تنزل هنادي

هنادي/ اني البست ياابه

كامل/ طب قولي صباح الخير الأول

هنادي/ صباح الخير معلش أصل امي صحيتني واني مشبعتش نوم وراسي بتوجعني

كامل/ ساعة زمن. ..إن شاء الله. ..وراجعين

صوت عربية بالخارج

سعدية بفرحه/ تلاقيه عريس بنتك

هنادي قلبها ينبض بفرحه

كامل يقرب يفتح الباب.

كامل مرحبا/ اتفضل ياابني

طارق/ صباح الخير ياعمي معلش مش هقدر ادخل

هنادي جهزت

كامل/ ملوش لزوم نتعبك ياابني

طارق/'تعبكم راحة بس انا قولت اوصلكوا

كامل ينادي على هنادي/ يلا يابنتي

تخرج هنادي ببتسامة

يفتح طارق باب العربية ببتسامة/'صباح الخير.

هنادي بصوت خافض/ صباح النور

طارق بمكر/ ها بتقولي حاجة

تبتسم هنادي وتركب

يركب كامل جمب طارق

طول الطريق وهنادي تنظر من شباك العربية علي الطريق

طارق من وقت للتاني ينظر لها من خلال المرآة ببتسامة

أمام السجل المدني يسحب طارق إستمارة ويملأ بياناتها ويسلمها للموظف

تنتهي كل الإجراءات في طريق العودة

كامل/ هنزل أجيب حاجة مش هتاخر

طارق/ قولي عايز ايه ياعمي وانا أنزل اجيبها بلاش حضرتك تتعب نفسك

كامل/ لا ياابني كتر خيرك اني عارف اللي هجيبه

ينزل كامل أمام أحد محلات العطارة

طارق لهنادي/ ايه ساكته يعني مش عايزة تقولي حاجة

هنادي / لأ

طارق/ طيب

هنادي/ هو انت زعلان مني

طارق /لا ابدا ليه انتي عملتي حاجة تزعلني

هنادي/ انت عارف إنه مينفعش يعني تكلمني في التليفون

طارق /طب ماانا وانتي بنتكلم مع بعض ولوحدنا ايه الفرق بقي

هنادي /معرفش هو كده وخلاص

طارق/ هههه طيب تشربي ايه واوعي تقوليلي مش عايزة والكلام ده انا عطشان وعايزة اشرب

هنادي /خلاص هاتلي مانجه

طارق ببتسامة وهو نازل/ حاضر يا مانجه

تبتسم هنادي

طارق/ أخيراً فكيتي ههههههه

.....................

في صباح أحد الأيام

كامل / يعني ايه يا عادل الكلام ده

عادل/ اني قولت اكيد هتتزنق علشان جوازة بنتك وتبيع كام قيراط من اللي حداك فقولت اني أولي من الغريب

كامل/ ايوه طبعا انت أولي من الغريب بس المبلغ اللي بتقوله ده قليل قوي يااخويا يعني كده برمي الكام قيراط في الأرض دا ولا نص المبلغ اللي بيتباع بيه الأراضي اللي جارنا

عادل/ ماانت ارضك مش عفيه قوى يا كامل ومحصولها مش قد كده

كامل/ بتلوي دراعي يا عادل علشان عارف اني مزنوق

في فلوس جهاز البت

عادل/ اني مستعد اكملك علشان تجهزها

كامل/ لأ اني هبيع الأرض بالتمن اللي تستحقة ليك أو لغيرك

عادل/ محدش هيشتريها يا كامل غيري

كامل/ يعني ايه

عادل/ يعني محدش هيحط رجله فيها غيري ياكامل فوتك بعافيه يااخويا

كامل/ بقي كده يا عادل بتهددني

.........................

يأتي يوم الخطوبة وكتب الكتاب

سعدية/ شوفي الفستان ده يابنتي

هنادي /مش حلو ياامه

سعدية/ طب شوفي ده كمان حلو يابت

هنادي /لبستوا كتير ياامه

كامل ينادي من تحت علي سعدية

سعدية /حاضر جايه

اني رايحه اشوف ابوكي عايز ايه وشوفي انتي فستان واني شايفة انهم كلهم حلوين عليكي

تتنهد هنادي وهي غاضبة

......

بالأسفل

سعدية/ مين دي ياكامل

البنت / اني أميرة بعتتني الحاجه امينه علشان ازين العروسة

سعدية ببتسامة/ تعالي يابنتي العروسة فوق

كامل/ استني خدي الحاجات دي معاكي

سعدية /ايه دول

كامل/ طارق جاب الحاجات دي ومشي علي طول

تطلع سعدية ومعاها أميرة

هنادي تفتح الشنط / شوفي ياامه طارق جايبلي ايه

سعدية/ كل دي فساتين

هنادي/ شوفتي بقي أهو اني دلوقتي محتاره البس أنهو واحد فيهم

سعدية الشبكة كمان مع ابوكي لسه جايبها طارق دلوقتي

هنادي/ اشوفها ياامه

كامل/ ابوكي بيقول لما تخلصي لبس

اميرة/مبروك يا هنادي

هنادي /عقبالك يااميرة

سعدية/ انتوا تعرفوا بعض ولاايه

اميرة/ اني وهنادي كنا في مدرسة الاعدادى مع بعض بس اني أكبر منها بسنتين

سعدية/ عقبالك يابنتي عاوزاكي تطلعي هنادي بقي زي عرايس التلفزيون

اميرة/'هنادي اصلا حلوه يا خاله من غير أي حاجة

هنادي/ تسلمي يا أميرة بس تحطيلي كده حاجات خفيفه

أميرة / من عنيه

سعدية/ اني نازله للستات اللي قاعدين تحت علشان نخلص تسوية الأكل

............

في منزل علي

صفيه/'بتعملي ايه يا كامليا

كامليا/ بلبس ياامه

صفيه/ ليه رايحه فين

كامليا /طالعه ياامه

صفيه/'ايوه مااني عارفة انك طالعه رايحه فين بقي

كامليا بتنهيدة/ رايحه لبيت خالتي سعدية

صفيه باضطراب تسرع في إغلاق باب الغرفة وترجع لكامليا

صفيه/ يالهوي انتي بتقولي ايه ابوكي لو عرف مش هيعدي الليلة دي علي خير أعقلي يابنتي

كامليا/ أمه هنادي ملهاش ذنب في اللي حصل واني بقي مش هسيب بنت خالتي في يوم زي ده

صفيه/ بس يابنتي ابوكي لو عرف هتبقى مصيبه

كامليا / ابويا حدا عمي ومش هيعرف حاجة علشان خاطري ياامه سبيني اروح

صفيه باستسلام/ماشي يا ضنايا بس متتاخريش

وأبقى سلميلي علي خالتك وهنادي

كامليا/ حاضر ياامه

صفيه /عقبالك يابنتي

...................

في الطريق

وائل / الطريق طويل معلش بقي

بثينه/ دا انا كده هروح عندكو انام ههههههه

وائل /'مفيش مشكلة اوضتي موجودة

بثينه/ نعم

وائل /'خلاص ابقي نامي في اوضة اختي هنادي

بثينه / انا حاسة اني انا واختك هنبقي أصحاب

بس انا شايفة إنها صغيرة اوي علي الجواز

وائل /عندنا في البلد كده البنت بتتجوز صغيرة يعني البنت لو وصلت للعشرين ومتجوزتش يبقي كده كبيره هههههه

بثينه/ انتوا تقاليدكو صعبه اوي

وائل / ههههه انتي لسه شوفتي حاجة

بس ايه القمر ده انا خايف عليكي من الحريم اللي عندنا

بثينه /ليه

وائل / أصلهم مبيسبوش حد في حاله وهيقعدوا يبصولك بقي ومش هنخلص من قرهم وعنيهم

بثينه/ يعني هبقي احلي من العروسة !!

وائل /بس هما يعرفوا هنادي بس انتي هتبقي وجه جديد بالنسبهلهم

تنظر بثينه للطريق الزراعي للبلد

بثينه بفرحه/ اللون الأخضر جميل اوي عارف يا وائل انا كان نفسي من زمان بابا يبني لينا فيلا في الريف ونقضي الأجازة فيها

وائل / هههههه وانا بقي زهقان من البلد ولو مش خطوبة اختي مكنتش عتبتها

بثينه/ ليه دي شكل البلد جميلة والناس شوفت طيبين وباين عليهم البساطة في كل حاجة لبسهم ونظراتهم لينا كلها انكسار معرفش ليه

وائل / الفقر وحش هو اللي بيخلي الناس عينها مكسوره

بثينه/ أنا مش معاك في الحته دي الفقر عمره مبيكسر صاحبه اللي بيكسر أي واحد قدام الناس هو العمل الغير شريف ودول فلاحين كل قرش جيبينوا بعرقهم وتعبهم ايه اللي يكسرهم

وائل / اصلك معشتيش عيشتهم ولا جربتي إن يكون نفسك في حاجة وباباكي مش قادر يجيبهالك علشان معهوش فلوس

بثينه/هحوش من مصروفي واشتريها المهم راحة البال

وائل / انتي طيبه اوي هههههه عايشة في دنيا تانية وزمن غير زمانا

خلاص وصلنا

يوقف وائل بالعربية أمام منزل والده

وائل / خليكي في العربية وانا هنزل اخبط علي الباب

هزت بثينه رأسها ببتسامة

يطرق وائل الباب يفتح كامل الباب ببتسامة وترحيب ويحتضن وائل

وائل / ثواني ياابه هنزل الحاجات من العربية

تنزل بثينه تسلم علي كامل وتدخل المنزل

وائل / اومال فين امي وهنادي

كامل/'فوق ياابني

تعالوا ادخلوا هنا

الستات اللي في منزل يهمسون لبعض

مين دي يااختي

ترد سيدة تانيه/ تلاقيها عروسة الباشمهندس

سيدة اخري/ بس باين عليها بنت ناس اغنيه قوي شوفتوا لبسها

سيدة أخرى /حظوظ يااختي بايضلهم في القفص ولاد سعدية

سيدة اخري/ خلصوا اللي في ايدكو سعدية زمانها نازله دلوقتي

سيدة تانية/ يااختي إلا مامدت ايدها في حاجة كل شوية تنزل تتأمر علينا وتطلع تاني

سيدة اخري/ شوفتوا لا أختها صفية شوفناها ولا حتي سلفتها ثناء شكلهم متخاصمين

سيدة تانية/ ماهو اللي عمله ابنها في بنت خالته مش شوية بردو ياجماعه

سيدة تانية/ طيب صفية وعرفنا مجتش ليه ثناء بقي وعمتها كريمة مجوش ليه

سيدة اخري/ شكلهم كده مش موافقين علي الجوازه دي

سيدة اخري/ بيقولوا الواد فتحي ابن عمها كان عينه منها وطلب ايدها وكامل بقي بدا ابن العمدة علي ابن أخوه

سيدة تانية/ ماهو معاه حق يااختي بقي ابن العمدة ولا ابن أخوه

سيدة اخري/ شوفتوا كامليا بنت صفيه لسه كانت طالعه من شوية

في غرفة هنادي

سعدية محتضنه كامليا/ بقي كده متساليش علي خالتك ولا هنادي دا انتوا أخوات وطول عمركو متربيين مع بعض

كامليا/ معلش ياخالتي ماانتي عارفة اللي فيها علي العموم اني بردو مهانش عليه اسيب هنادي في يوم زي ده

مبروك يا هنادي

سعدية /عقبالك يا ضنايا و...إن شاء الله

هيجيلك احسن منه متزعليش نفسك اني من يوم اللي حصل لساني مخاطبش لسانه

كامليا/ لا ياخالتي خلاص اني مبفكرش في الموضوع ده

اني قدمت في الجامعه اللي في مصر

هنادي /بتتكلمي بجد يا كامليا

كامليا/ آه ياهنادي وقدمت في كلية الهندسة كمان

هنادي / مبروك يا كامليا

سعدية/ بس يابنتي هتضيعي عمرك في التعليم

كامليا/ دول هما خمس سنين ياخالتي

سعدية/ والخمس سنين شوية يابنتي علي العموم الف مبروك يا ضنايا عقبال منباركلك علي العريس قريب. ..إن شاء الله

كامليا/ معلش بقي ياخالتي معلش ياهنادي اني همشي علشان امي مش تقلق عليه

سعدية/ سلميلي عليها يا بنتي وقوليلها خالتي واخده علي خاطرها منك

كامليا /متزعليش ياخالتي امي نفسها تيجي بس ابويا اللي زعلان شوية بكره يروق

عن اذنكو

تقبل هنادي / الف مبروك اوعى متعزمنيش علي الفرح ازعل

هنادي /انتي اول واحده تيجي يا كامليا بس لسه بدري علي الفرح

تنزل كامليا بسرعة ومعاها سعدية

الستات اللي تحت / ازيك يا كامليا

كامليا بحرج/ الحمد لله

يخرج وائل من غرفة الضيوف

توقف كامليا مكانها

وائل بحرج يسلم علي سعدية

وائل /ازيك ياامه وحشاني

سعدية /لو كنت وحشتك كنت سألت عليه

وائل / ازيك يا كامليا

كامليا / الحمد لله

اني ماشية ياخالتي

سعدية/ مع السلامة يا بنتي

خرجت كامليا في هدوء وعندما ابتعدت عن منزل خالتها صارت تبكي

وائل / ايه ياامه مش هتيجي تسلمي علي بثينه

سعدية/ ومين بثينه دي كمان

وائل بهمس/ دي عروستي ياامه

سعدية/ طيب لما أخلص اللي ورايا

تخرج بثينه من الغرفة ببتسامة تقرب من سعدية

بثينه/ حضرتك مامت وائل صح؟

تقرب من سعدية تحتضنها

سعدية واقفة مكانها باندهاش

بثينه / انا عارفة إن حضرتك اول مرة تشوفيني بس انا حاسه اني شوفتك قبل كده

سعدية بحرج/ ازيك يا بنتي

بثينه /الحمد لله. ...انا بقي مامتي متوفيه اسمحيلي بقي تبقي انتي مامتي

سعدية بتأثر / يا ضنايا يا بنتى طبعاً بنتي وزيك زي هنادي

بالظبط

وائل /شوفتي بقي ياامه بثينه بتحبك ازاي وكمان لما تعرفيها هتحبيها اوي

سعدية/ أحبها آه بس ده مش هينسيني اللي عملته بردو

يغمز وائل لوالدته

بثينه / انا عارفة إن حضرتك زعلانه علشان يعني الخطوبة حصلت بسرعة بس صدقيني كان نفسي اوي تحضري الخطوبة معلش بقي تتعوض في الفرح

سعدية/ والفرح أمتي بقى

وائل / الاسبوع اللي جاي

سعدية/ طيب هروح اشوف الناس اللي بره واشوف الأكل

بثينه / اسمحيلي اساعدك

نظرت سعدية لملابس بثينه

بثينه/ انا ممكن اغير هدومي

وائل / لا يا بثينه خليكي بلاش تتعبي نفسك الستات بره كتير

سعدية/ أهو عريسك قالك اهه. ...كتر خيرك يا بنتي

.................

في غرفة طارق

الحاجة أمينه تطرق الباب وتدخل/'ايه ياابني كل ده بتلبس

طارق ببتسامة/ ايه رأيك ياامه

الحاجة أمينه / محروس من العين ياابني قرب مرقيك لتتحسد

طارق/ هههههه ماشي ياامه متحرمش منك

....

في شقة محسن

شوق وهي بتلبس/ ايه يا محسن انت مش هتلبس ولا هتيجي كده

محسن/ اني مش هروح في حته كفاية انتى

شوق/ تصدق اني منفسيش اروح معاهم بس علشان عمي ومرات عمي ميزعلوش اانت عارف لو زعلوا مني هيقلبوا علينا واحنا مصلحتنا في رضاهم هنعمل ايه

محسن/ اني بقي عارف هعمل ايه

شوق/ بلاش تشتري عدواة حد يا محسن طب دا حتي هدي قالتلي إن سعيد رايح معاهم

محسن / هي قالتلك كده

شوق/ ايوه قالت كده سعيد بيفكر صح العند مش هيجيب نتيجة صدقني وكمان نرمين جايه معانا يلا بقي تعالي معانا انت كمان هتقعد لوحدك تعمل ايه

محسن/ اني هلبس وهطلع افك عن نفسى شوية

شوق وهي خارجة من الغرفة / براحتك اني هاخد العيال معايا

.............

العمدة / متشهلوا يا ولاد بتعملوا ايه ده كله

شوق نازله من فوق / اني خلصت أهو انا والعيال ياعمي

العمدة/ وجوزك فين

شوق تصمت

العمدة / براحته

ينزل طارق والحاجة أمينه

شوق ببتسامة/ ماشاء الله. ...عليك ياابن عمي زي القمر في البدله

طارق / متشكر يابنت عمي

نرمين بضيق/ انا خلصت يلا بينا

طارق /لو مش عايزة تروحي براحتك محدش غاصبك

الحاجة أمينه / خلاص بقي ياابني احنا مصدقنا

طارق^ لأ صحيح لو رايحه غصب عنها بلاش احسن

نرمين/ يعني أدخل اغير هدومى

الحاجة امينه/ يابنتي خلاص بقي اخوكي بيهزر معاكي

اومال هدي فين مش جايه ولا ايه

تنزل هدي جري علي السلم

هدي ببتسامة/ ودى تيجي بردو ياحاجة ازاي بقي منحضرش خطوبة الأستاذ طارق دا اني اول واحده هزغرطله

طارق ببتسامة/ متشكر يا هدي

ينزل سعيد ببتسامة مصطنعه/ يلا يا جماعة ولا مش رايحيين

. .................

في منزل كامل

.........

في غرفة هنادي

بعد لبس الفستان

هنادي /شوفي كده ياامه حلو عليه

سعدية والدموع في عنيها/ زي القمر يا ضنايا. ..ربنا يسعدك

هنادي/ طب وايه لازمة العياط بقي دلوقتي

سعدية انهارت بالبكاء/ ملحقتش اشبع منك اتخطفتي بدري يا ضنايا

أميرة بتضحك/ هههههههه

هنادي /اتخطفت ايه ياامه أنتى شايفاني هروح معاه ولا ايه

اميرة/'ياخالتي ادعيلها ...بدل اللي انتي عملاه ده

سعدية تحتضن هنادي/ دعيالك ياضنايا

اميرة/ طب وسعي بقي ياخالتي علشان اخلصها العريس زمانه جاي

.......

بالأسفل

المنزل مليء بالناس الأقارب والجيران وزغاريط من بعض السيدات

يدخل عادل وزوجته ثناء والأولاد فتحي وايهاب وكريمة شقيقة كامل

يقرب وائل وكامل يسلموا عليهم

بالخارج أمام المنزل يوقف طارق بعربيته ومعاه والده ووالدته ونرمين

وعربية تانية فيها سعيد وزوجته وأولاده

كل الحضور مهللين وأصوات الزغاريط تملأ المكان

......

هنادي / أمه الظاهر جم

سعدية/ خلصيها يااميرة واني هنزل للناس تحت

تخبط سماح وتدخل

هنادي /أخص عليكي لسه جايه محدش شافك يعني النهاردة

سماح/ معلش أصل امي تعبانه شوية سيبتها وجيتلك

الف مبروك يا هنادي عملتيها قبلي يامكاره

اميرة/ نصيب بقي يا سماح

سماح/ ازيك يااميرة تسلم ايدك مطلعه هنادي قمر

اميرة/ تسلمي يا حبيبتي عقبالك واني اللي ازوقك بنفسى

..........

بالأسفل

المأذون /فين العروسة ياابو العروسة

كامل بارتباك / حاضر هاندهلها

سعدية/ خليك اني هطلعلها

نرمين/ بتتقل علينا فاكره نفسها مين

الحاجة امينه/ خلي ليلتك تعدي علي خير

سعيد/ هما مستعجلين على ايه مش نشوفها الأول

الحاجة امينه/ اخوك شافها وعجبته وكل واحد يحط لسانه في حكنه خلي الموضوع يتم علي خير

......

تنزل هنادي بخجل سماح ممسكه الفستان

وسعدية أمامها بتدعي لهنادي ودموعها نازله علي خدها

يقرب وائل يمسك ايد هنادي ينزلها

طارق ببتسامة يقرب من هنادي/ مبروك يا احلي عروسة

هنادي صامته بخجل

وائل / معلش بقي ياعريس العروسة مكسوفة شوية

تقعد هنادي بجوار والدها والماذون في المنتصف وفي الناحية الأخرى العمدة وبجواره طارق

المأذون / بطايق العريس والعروسة

هدي لنرمين/ ماشاء الله

العروسة زي القمر عقبالك يا نرمين

نرمين/ يعني مش اوي بس شكلها بردو فلاحه

تصمت هدي

ينتهي المأذون من إتمام إجراءات الزواج

المأذون / مبروك بالرفاء والبنين

ترفع سعدية يدها لتزغرط وهي عيونها بتدمع من الفرحة

المعازيم مهنءين العريس والعروسة

تدخل سعدية وبعض السيدات المطبخ لتجهيز العشاء للحضور

تقترب بثينه من هنادي

بثينه /مبروك يا هنادي هدية بسيطة اتمني تعجبك

طارق مبتسما / طب الأول البس عروستي شبكتها

بثينه/ معلش بقي سبقتك

وائل / مفيش فرق اتفضل يا طارق

كامل/ استنوا الناس تتعشا الأول

طارق /معلش بقي يا عمي البس هنادي شبكتها الأول

كامل ينادي سعدية

هنادي تلبس شبكتها وهي مبسوطه

طارق /ايه مش هتلبسيني الدبله

وائل / هههههه هي المهم عندها إنها تلبس شبكتها وخلاص

طارق ممسك الدبله يعطيها لهنادي

هنادي بخجل تمسك الدبله

هنادي/ قرب ايدك

طارق / ههههه اكتر من كده

وائل / يا بنتي خلصي بقي

هنادي أيها بترتعش ممسك يد طارق

طارق بهمس/ ايه اتكهربتي ولا ايه ههههههه

متنسيش انك بقيتي مراتي

هنادي وجهها يتورد من الخجل وتدخل الدبله

طارق / متتكيفيش كده احنا لسه في الأول

وائل / مبروك يا هنادي

يحتضن كامل هنادي بدموع / مبروك يا بنتي

تغمز الحاجة امينه لنرمين

تقرب نرمين تسلم علي هنادي ببتسامة مصطنعه / مبروك يا عروسة

هنادي/ متشكرة يا. ..

طارق / نرمين اختي

هنادي /ازيك يا نرمين

تقرب هدي وتبارك لهنادي وكذلك الحاجة امينه.


#دوارالعمدة 

البارت الثامن 

عدو شوية

يقوم العمدة واولادة واحفاده/ نستاذن احنا بقي

كامل/ لسه بدري يا عمدة

العمدة بغمز لكامل يهمس له/ نسيب العرسان يقعدوا مع بعض ولا ايه ياكامل

كامل/ وماله باعمدة البيت بيته

العمدة/ يلا ياسعيد شغل العربية وخد مرات اخوك معاك واني هاخد اختك وامك والعيال معايا

سعيد/ حاضر ياابه

العمدة بهمس لطارق/ اقعد انت مع عروستك وهبعتلك العربية بعد ساعة مع سعيد اخوك

طارق ببتسامة/ متحرمش منك ياابه

العمدة/ يلا بينا احنا ياحاجة

................

طارق وهنادي قاعدين في غرفة الضيوف

كامل وسعدية قاعدين قصادهم خارج الغرفة

طارق ببتسامة /ايه ياهنادى هتفضلي ساكته كده اومال فين اللماضه بتاعتك

هنادي بخجل/ هقول ايه يعني

طارق /فرحانه يا هنادي

تهز هنادي رأسها

طارق/ طب قوليلي بقي انتي وافقتي عليه ليه

يعني ايه اللي عجبك فيه

هنادي بعفوية/ مش عارفة

طارق/ ههههههه ازاي يعني متعرفيش هو انا مفيش فيه ميزة يعني تخليكي تحبيني

هنادي بدهشة/ حب! !!

طارق/'ايه ده يعني مبتحبنيش

هنادي/'اني هروح اعمل شاي

طارق ممسك يدها/ انا مش عايز اشرب حاجة واقعدي بقي احنا دلوقتي بقينا واحد يعني لازم تقوليلي كل اللي في قلبك من ناحيتي

تقعد هنادي / اني مش عارفة اقولك ايه يمكن متصدقنيش لو قولتلك إنك اول راجل اكلمه في حياتي بعد ابويا وعمي وخالي وولاد عمي واخويا

طارق/ انا عارف ومصدقك انتي يا هنادي طيبه اوي وعلشان نبقي علي نور كده من أولها انا يابنت الناس مختارتش واحده علشان تخدمني ولا تكون زوجة والسلام

انا اخترت واحده أحبها وتحبني يعني الجواز التقليدى دا انا مبحبوش يعني اللي هتكون مراتي هيبقى سري كله معاها وزي ماسري هيبقى معاها هي كمان سرها لازم يكون معايا

يقرب طارق من هنادي ويحاوطها بذراعية

هنادي تستجيب مشاعرها له / انت حنين قوي يا طارق

يبتسم طارق / ممكن اطلب منك طلب

هنادي /طبعا

طارق يطيع قبله علي جبين هنادي

تخجل هنادي وتبتعد عنه/ ابويا يشوفنا

طارق/ آه لو مش المدرسة كنت خدتك علي بيتنا الليلة

هنادي/ متعملش كده تاني

طارق/ حاضر

هي الدراسة هتبتدي أمتي

هنادي/'الاسبوع الجاي

طارق/ عندنا كمان الدراسة الاسبوع الجاي تعرفي اني بعد كده مش هعرف اشوفك غير يوم الجمعه

هنادي/ الجمعه بس

طارق /انا بوصل هنا الخميس بالليل وبسافر يوم السبت الضهر

هنادي /اجازتك قصيرة قوي

طارق/ هههه هعمل ايه بس الشغل بقي

هنادي/ تعرف إن وائل اخويا فرحه يوم الخميس

طارق /الف مبروك

هنادي/ هيبقى في مصر هنروح يوم الخميس ونرجع السبت علشان المدرسة

طارق/ ايه ده يعني مش هعرف اشوفك قبل مسافر

هنادي/ مش عارفة

طارق/ خلاص يبقي أسافر من يوم الخميس الجاي واوصلكو معايا بالعربية

هنادي/ مش عارفة قول لابويا الأول

طارق وهو بيقوم/ هكمله مش عايزة أي حاجة مني همشي انا بقي

هنادي /علي طول كده

طارق /سعيد اخويا واقف بالعربية بره

هنادي بحزن /طيب

طارق / هجيلك بكره

تبتسم هنادي / طيب تصبح علي خير

...........

في منزل العمدة

في شقة محسن

شوق/ اه يامحسن لو تشوف الدهب اللي اخوك جايبهولها مجاش لأي واحده في البيت ولا مرات عمي هداتها بالعقد اللي كانت بتلبسه

محسن/ بقي بنت كامل بجيلها الدهب دا كله

شوق/ السؤال هنا بقي ياترى اخوك جاب الفلوس دي كلها منين دا مرتبه يعني بيقولوا يدوب بيسدد بيه أقساط الشقة اللي أبوك واخدهاله في مصر والباقي بياكل ويشرب بيهم هناك دا غير اللبس بتاعه اللي كل أسبوع يجيلنا بطقم شكل

محسن /تلاقي ابويا اللي دفعله فلوس الدهب ماهو آخر العنقود بقي في الصبيان والواد المتعلم لكن احنا الفلاحين اللي تطلع عينا في الغيط وياريتنا بنتعامل زيه

شوق/ محسن انت لازم تدبق حاجة للزمن حدانا عيال عايزة تتربي وتتعلم مضيعش عمرك كله في الغيط تكبره وفي الآخر اخواتك يشاركوك فيه

محسن/ لا متخافيش اني مصحصح قوي ولايمكن هناولهم اللي هما عايزينه

شوق/ ايوه يعنى مش معقولة نتقاسم كلنا زي بعض انت اكتر واحد تعبت في الأرض دي واخواتك البنات بيوصلهم المحصول من غير تعب احنا مش هنعيش خدامين للكبير والصغير هنا

محسن / الظاهر طارق جه

شوق/ اني هنام تصبح علي خير

محسن / اني نازل اباركله مش معقولة مباركش لاخويا

شوق/ ناوي علي ايه يا محسن

محسن/ نامي انتي يا شوق متشغليش بالك انتي

........

سعيد / اني طالع انام عايز مني حاجة يااخويا

طارق /لا يا سعيد كتر خيرك سهرتك الليلة

سعيد / لا ولا يهمك تصبح علي خير

ينزل محسن ببتسامة صفراء/ مبروك يا عريس

طارق /متشكر يا محسن

محسن/ عروستك عامله ايه

طارق بدهشة / الحمد لله

محسن/ ابقي سلملي عليها وقوللها الجماعة مستنيينك تنوري بيت العمدة

طارق/ ماشي يوصل تصبح علي خير

محسن ممسك يد طارق/ استني رايح فين

طارق / داخل انام

محسن /مش نتحاسب الأول

طارق/ نتحاسب! !! نتحاسب علي ايه مش فاهم؟!

محسن/ نشوف الفرح اللي عملته ده اتكلف كام

يخرج العمدة من باب المنزل

العمدة/ ليه هتدفع حاجة من جيبك يا محسن

محسن/ اني متحاسب علي مصاريف فرحي ياابه وسعيد كمان يبقي طارق زينا بالظبط

العمدة/ اتحاسبتوا كلكو زي بعض

محسن/ يعني ايه

العمدة/ يعني اني مدي كل واحد فيكو عشر قراريط مكانهم واخوك مخادش حاجة

محسن/ واحنا فرحنا اتكلف زي فرح طارق

العمدة /ماهو العشر قراريط دلوقتي يسوا كتير وبعدين تعالي هنا انت تتحاسب مع اخوك ازاي واني عايش علي وش الدنيا

طارق /خلاص ياابه انا هدفع تكاليف الخطوبة كلها

العمدة/ أدخل نام يا طارق وانت يا محسن حسابنا الصبح علشان اني تعبان وعايز انام

يغلق العمدة باب المنزل في وجه محسن

محسن/ ماشي ياابه الحساب يجمع وكله متسجل ومكتوب

.............

في الصباح

تدخل كوثر وصباح المنزل

صباح/ صباح الخير ياامه

الحاجة امينه/ صباح النور ازيكو محدش شافكوا امبارح يعني

كوثر/ أصل الواد حامد ابني كان تعبان شوية

الحاجة امينه/ كان تعبان ولا ولاد عمكوا منعكوا انكو تحضروا خطوبة اخوكو

صباح /بصراحة ياامه احنا مكسوفين من الجوازة دى

يخرج طارق من الغرفة/ ليه ياكوثر يااختي مالها الجوازة مش قد المقام

صباح/ كان نفسنا تنجوز جوازة تليق بابن العمدة وخصوصاً انك المتعلم فينا يعني

الحاجة امينه/ واللي خطبها متعلمها بردو يا صباح

صباح/ انت حر يااخويا بس متزعلش لو محضرناش الفرح

طارق /وانا ايه اللي هيزعلني كل واحد حر اللي عايز يحضر ياهلا بيه واللي جاي مغصوب عليه بلاش يجي احسن

نرمين تخرج من الغرفة/ انا رحت بس علشان خاطر ابويا وامي

طارق /فيكي الخير

أمه انا خارج عايزة مني حاجة

الحاجة أمينه /مش تفطر ياامه

ينظر طارق لاخوته/ لأ مليش نفس. ..سلام

الحاجة أمينه بعد خروج طارق / ايه يابت انتي وهي دي الف مبروك اللي تقولها لاخوكو ايه معندكوش ذوق للدرجة دي

نرمين/ أمه انا ساكته من امبارح ومش عايزة اتكلم

الحاجة أمينه بسخرية/ ليه ياضنايا حد مسك لسانك اتكلمي براحتك

نرمين لصباح وكوثر/ احنا رحنا امبارح عند عروسة الهنا

عروسة اخوكو اه لو تشوفوا بيتهم عامل ازاى ولا حماة اخوكي فلاحه ولا العروسة

الحاجة أمينه بغضب/ ماله بيتهم يابت ناس علي قدهم وبعدين احنا مالنا ببيتهم احنا هنعيش فيه والست وبنتها ناس محترمين وذوق ومشوفتش منهم حاجة ولا انتي عايزة تطلعي فيهم عيب وخلاص

كوثر/ آه يااخويا علي بختك

الحاجة امينه/ ماله بخته زي الفل والبنت متربية ومبترفعش راسها من كتر الأدب وتربية أمها وابوها ليها

صباح/ ياخوفي من اللي ساكته دي

بيتمسكنوا لحد ميتمكنوا ياامه

تنزل شوق من فوق

شوق/ صباح الخير

الحاجة امينه/ مش عايزة تقولي حاجة انتي كمان يامرات ابنى

شوق/ اني!!..هقول ايه بس يامرات عمي

الحاجة امينه/ لأ متتكلمي هي يعني جات عليكي

ياعيني عليك ياابني وعلي نصيبك في اخواتك

تقوم الحاجة امينه/ اني قايمه اقعد تحت شوية أشم هوا بدل قعدتكوا اللي تخنق دي

شوق/ هي مالها مرات عمي

نرمين/ ومسالتهاش ليه يااختي

................

في منزل كامل

سعدية/ ماكنت تقضى اليوم معانا ياابني

وائل / معلش ياامه علشان نوصل قبل الدنيا متليل

كامل/ سبيه يا سعدية يمشي علشان يوصل بثينه بيت أبوها

بثينه/ انا بصراحة مش عايزة امشي واسيبكوا بس اللي مطمني اني هشوفكوا في الفرح

اوعوا متجوش

سعدية/ هنيجي يابنتي بس تعزمونا

بثينه/ حضرتك ياماما مش محتاجة عزومة انتي صاحبة الفرح

تسلم بثينه علي هنادي

بثينه/ انا هستناك بره يا وائل

وائل / عايزين مني حاجة قبل ممشي

كامل/ خلي بالك من نفسك ومن شغلك ياابني

وائل / حاضر ياابه. ...سلام

سعدية/ مع السلامة يا ضنايا

يخرج وائل من المنزل

كامل/ بتعيطي ليه يا سعدية ماانتي كنتي قالبه عليه امبارح

سعدية/ ابني بردو يا كامل وقلبي بيوجعني علي فراقه

تليفون هنادي يرن

سعدية تمسح دموعها ببتسامة/ شوفي مين اللي بيتصل يا هنادي

هنادي بارتباك / حاضر ياامه

ترد هنادي بهمس/ الو مين

طارق / ههههه تاني انتي مسحتي رقمي ولا ايه

هنادي بهمس/ لأ بس امي وابويا جمبي

طارق/ طب متطلعي فوق السطوح

هنادي بهمس/ طب اقفل واتصل تاني عبال مطلع فوق

طارق/ بس اطلعي علي مهلك ماشي

هنادي/ حاضر

...................

مرت الأيام وجه فرح وائل اللي حضرته سعدية وكامل وهنادي وجه طارق الفرح

وكانت هنادي سعيدة اوي وبدأت تاخد علي طارق اللي غرقها بالحب والاهتمام

بيسهروا طول الليل مع بعض علي التليفون هنادي تحكى لطارق علي يومها الدراسى من أول دخولها الفصل لحد متوصل البيت

وكمان طارق يحكيلها علي شغله واصحابه وأي موقف يحصله

وطبعاً بيتقابلوا يوم الجمعه في منزل والد هنادي

.........

بعد مرور أكثر من شهر من بداية الدراسة

في مساء يوم الخميس

هنادي خارجه من المدرسة تنادى عليها سماح

سماح/ هنادي استني انتي مروحه

هنادي /آه عايزة حاجة مني

سماح / حد من ولاد عمك هيجي يوصلك

هنادي/ لأ انى هروح مواصلات

سماح/ ليه مش ابن عمك كان بيجي ياخدك من قدام المدرسة

هنادي/ لأ خلاص اني اصلا مبحبش حد يجي ياخدني اني مش صغيرة

سماح/ طب تعالي معايا مشوار وهنروح علي طول مش هاخرك هنادي/ بس ابويا وأمي هيقلقوا عليه

سماح/ احنا بنطلع النهاردة بدري ساعة يعني كده كده هنروح في ميعادنا عادي

هنادي /بس امي عارفة اني يوم الخميس بطلع بدري من المدرسة

سماح/ تعالي بس مش طارق جاي النهاردة

هنادي/ اه بس بيجي حدانا البيت يوم الجمعه

سماح/ طيب تعالي هنروح مكان مصلحه كده وهنرجع علي طول هنادي راحت معاها وهي مترددة وبسبب إلحاح سماح وافقت هنادي وراحت معاها منغير متعرف هي رايحة فين

قدام أحد المحلات

هنادي/ انتي رايحه الكوافير

سماح / آه تعالي يلا

تدخل هنادي مع سماح

تنادي سماح علي صاحبة الكوافير وطبعاً يعرفوا بعض وتطلب منها تعلمها شعرها

سماح/ مش عايزة تذوقي لعريسك يا هنادي

هنادي بدون تردد /لأ مش عايزة ويلا علشان منتأخرش

تليفون هنادي يرن

هنادي بارتباك^ الو

طارق /ازيك يا حبيبتي

هنادي/ الحمد لله

طارق /انتي لسه في المدرسة

هنادي/ لأ لسه طالعين من شوية انتي جاي ولا ايه

طارق/ لأ انا لسه جاي في الطريق وجاي تعبان

هنادي/ خلاص روح استريح

طارق/ مش عايزة حاجة اجيبها معايا وانا في الطريق

هنادي /عايزاك تيجي بالسلامة

طارق /بحبك يا قمري

تبتسم هنادي/ طيب سلام بقي علشان تركز في الطريق

تقفل هنادي مع طارق

سماح ببتسامة / ايه دا الجو ؟

صاحبة المحل تبتسم

هنادي/ خلصي علشان اروح اني اتاخرت

......................

في شقة وائل

وائل راجع من شغله تستقبله بثينه ببتسامة

بثينه /هتتغدي؟... الأكل جاهز

وائل /لأ هدخل اخد شاور الأول

بثينة / هجهز السفرة لما تخلص

تدخل بثينه المطبخ. ..ويدخل وائل الحمام

بعد شوية و وائل في الحمام تليفون بثينه يرن

وائل من داخل الحمام/ بوسبوس شوفي مين بيتصل

بثينه مش سامعة

يتكرر الاتصال كتير

وائل يخرج من الحمام / يووووه التليفون دا مبيفصلش

وائل ممسك التليفون بدهشة وغضب

بثينه تدخل الغرفة / في حاجة يا حبيبي كنت بتنادي

وائل بانفعال/ اتفضلي اقري الرسالة اللي جاتلك دي

بثينه تقرأ

بثينه / بس انا معرفش مين اللي بعتها

وائل / يعني دي محتاجة ذكاء خطيبك السابق يا هانم

بثينه /حتي لو هو انا ذنبي ايه

وائل / واضح انك مقرتيش الرسالة كويس دا باعت بيقول

مبروك علي البقف اللي ادبس فيكي يا عروسة

بثينه / وانت شايف انك ادبست

وائل / انا في الشتيمه اللي البيه شتمها ليه وكمان عرف رقمك منين

بثينه / وأنا هعرف منين.

وائل /لأ بقي دا واضح إن في حاجات كتير انا معرفهاش

بثينه / كنت فاكرة عقلك أكبر من كده

جاب الرقم من أي حد مش دي المشكلة

وائل / اومال ايه المشكلة يامدام

بثينه وهي بتعيط / المشكلة انك بتشك فيه

وائل يقرب منها/ غصب عنى يا حبيبتي احنا لازم ننسي الماضي وعلشان ننساه لازم نقطع صلتنا بأي حاجة تعكر حياتنا

بثينه / طب اعمل ايه

وائل / غيري رقمك ومتعرفيش أصحابك بالرقم الجديد

بثينه/ حاضر

وائل / طب ايه مش هنتغدا بقي

بثينه /الأكل جاهز علي السفرة

............

في منزل كامل

كامل بانفعال/ بنتك مجتش لحد دلوقتي

سعدية /اعمل ايه اديك شايف اهوه واقفة علي السطوح من ساعة أراقب الطريق علشان اشوفها

كامل/ وبتصل بيها مبتردش

سعدية /انى قلقانه يا كامل ياترى البت حصلها ايه

كامل/ بس اما اشوفها بس

سعدية/ بس تيجي

.....

هنادي أمام منزل سماح

هنادي /اني معدتش رايحه معاكي في حته

سماح/ يابت متبقيش خوافه تلاقي ابوكي لسه في الغيط

هنادي /ياريت احسن لو كان في البيت هيموتني اني ماشية

عند باب منزل كامل هنادي بخوف تطرق الباب

تجري سعدية تفتح الباب

هنادي / ازيك ياامه

سعدية بلهفه/ايه اللي اخرك كده

كامل وهو ممسك ايد هنادي بعنف/ انتي لسه هتسالي

ادخلي أما نشوف المحروسة بنتك كانت فين

هنادي بخوف/ اني جايه مع سماح والمواصلات

قاطعها كامل بالضرب علي وجهها

تصرخ سعدية

سعدية/ سيبها يا كامل البت هتموت في ايدك

كامل ممسك هنادي من شعرها وسط بكاء سعدية وتوسل هنادي لوالدها يسيبها

كامل ممسك بعصا خشبيه يضرب بها هنادي

تحاول سعدية أخذ هنادي من قبضة والدها

سعدية /اطلعي فوق بسرعة

تجري هنادي علي السلم توقع وتقوم تكمل لحد وصولها للغرفة

كامل/ بنتك مش طالعه من البيت تاني يا سعدية

سعدية وهي بتبكي/ خلاص ياكامل اللي تشوفه يااخويا بس اهدي مش كنت تسمعها الأول يمكن المواصلات كانت زحمه

كامل بصوت عالي بألفاظ بذيئة / كانت فين بنتك بتصرمح مع البت دي اني مش قايلك قبل كده متمشيش مع البت دي وكنت ببعت ابن عمها يجيبها من المدرسة وهي تقول مش عايزة حد يجي ياخدني طبعا علشان تمشي براحتها ومحدش يعرف بتروح فين

سعدية/ لا ياكامل اني بنتي متربيه

كامل/ طب اسكتي بدل معملها معاكي انتي كمان وبعدها مش هقعدك في الدار ابقي خدي بنتك وروحي عند اخوكي

سعدية/ هي حصلت لكده علي العموم اني طالعه فوق اشوف بنتي

الباب يخبط

يقوم كامل يفتح الباب يتفاجأ بطارق

طارق ببتسامة/ انا اسف ياعمي بس انا بتصل بحضرنك وهنادي الشبكة هنا وحشة اوي

كامل / اتفضل ياابني أدخل

يدخل طارق

سعدية لسه واقفه مكانها تسلم علي طارق وتدخل تعمل شاي

بعد فترة

طارق بهمس لسعدية/ هي هنادي نايمه يا خالتي

سعدية/ آه ياابني جات من المدرسة ونامت علي طول

كامل/ اطلعي صحيها

تغمز سعدية لكامل

طارق / خلاص انا همشي وأبقى اجي اشوفها بكره

كامل/ لا ياابني متجيش اطلعي يا سعدية صحي بنتك وادخلي جهزي العشا

طارق/ لا ملوش لزوم يا عمي انا جاي من الشغل تعبان هبقي اجي بكره

كامل/ لا ياابني اقعد. ..اعملي اللي قولتلك عليه يا سعدية

تطلع سعدية

........

في غرفة هنادي

سعدية تصحي هنادي/ قومي يابنتي طارق قاعد تحت من بدري هنادي / قوليلوا نايمه ياامه

سعدية/ ميصحش يابنتي هو بيجي كل يوم

تقوم هنادي ببكاء / علشان مش هينفع اطلع كده

سعدية بدهشة لوجه هنادي / خلاص يابنتي حقك عليه قومي اغسلي وشك وحطي أي حاجة علي وشك من اللي جايبهالك

مش هيبان حاجة

هنادي /ووشي اللي وارم ده اداريه ازاي

سعدية/ اني عارفه بقي أهو أتصرفي وخلاص انى نازله اجهز العشا

......

بعد شوية تدخل هنادي

هنادي بصوت متعب/ السلام عليكم

يرددوا / وعليكم السلام

سعدية / تعالي يابنتي اقعدي هنا

تقعد هنادي بجوار والدتها

الباب يخبط كامل يفتح الباب

كامل لطارق / معلش ياابني خمسه كده وراجع اشوف اخويا وجاي

طارق/ اتفضل ياعمي

سعدية^ اني هروح اشوف الأكل البيت بيتك ياابني

طارق يقرب من هنادي/ مالك ياهنادى انتي تعبانه

هنادي بصوت مكتوم/ لأ اني بخير

طارق / طب ارفعي راسك علشان اشوفك كويس انتي بتوحشيني

يضع طارق يده علي وجه هنادي ويرفع راسها

طارق بدهشة / ايه اللي وشك دا يا هنادي

هنادي ببكاء/ وقعت من علي السلم

تدخل سعدية / متقلقش ياابني جات بسيطة

طارق / بس دي مش وقعه يا هنادي

هنادي/ هو ده اللي حصل

طارق ممسك يدها / قوليلي في ايه مين عمل فيكي كده

حصلك حاجة وانتي راجعه من المدرسة

سعدية/ ياابني مفيش حاجة حصلت

هنادي ببكاء/ سيب أيدي بتوجعني

طارق يخلع حجاب هنادي/ ايه رأيك في اللي انا شايفة دا ياخالتي

يدخل كامل بانفعال / بنتي وكنت بربيها لما تبقي في بيتك ابقي اتكلم

طارق بانفعال/ يعني ايه بتربيها انت ناسي إنها مراتي

كامل/ لا ياابن العمدة مش ناسي بس انت اللي نسيت انها بنتي طارق لهنادي/اطلعي البسي علشان اخدك للدكتور

كامل/ لو بنتي طلعت معاك مش راجعه هنا تانى

طارق / مفيش مشكلة هخدها علي بيتنا

كامل/ شايفه خطيب بنتك بيقول ايه الظاهر يااستاذ انك متعرفش الأصول

طارق يكشف ايد هنادي وممسك يوجهها / هي دي بقي الأصول اللي انت تعرفها تعمل فيها كده

كامل/ اتفضل دلوقتي واني ليه كلام مع أبوك الصبح

طارق/ وانا مش همشي من هنا إلا اما اخد هنادي للدكتور واطمن عليها

سعدية/ اخزي الشيطان ياابني هي كويسه مفيهاش حاجة

طارق بانفعال / كل اللي في جسمها ده ومفيهاش حاجة

كامل ممسك هنادي من ايدها وهي بتصرخ تحتمي في ضهر طارق وهي بتبكي

طارق / لو مديت ايدك عليها مش هطلع من هنا إلا وهي معايا

كامل باستسلام / اني داخل انام وكلامي مع أبوك

سعدية / يلا ياابني استعيذ من الشيطان وروح انت

هنادي وهي ممسكه بطارق / مش تسيبني يا طارق ابويا هيموتني.


#دوارالعمدة 

البارت التاسع 

بقلمي: ميار بدر

 يقعد طارق وهو ممسك يد هنادي

طارق /وانا مش هطلع من هنا إلا وفي أيدي هنادي

سعدية / ياابني علشان خاطري بلاش تحصل مشكلة

اقولك اني أصبح هخدها للدكتورة تكشف عليها

هنادي بتبكي/ دراعي ياامه بيوجعني مش قادرة احركه

سعدية/ طيب استحملى للصبح يابنتي

طارق / وفيها ايه لما نخدها دلوقتي ونكشف عليها

سعدية/ أبوها متعصب دلوقتي ولو حد اتكلم معاه هتحصل مصيبه علشان خاطري لو خايف عليها سيبها للصبح واني اللي بقولك هخدها واكشف عليها ولو عايز تتاكد أبقى تعالي معانا بس الصبح ياابني روح انت دلوقتي استريح والصباح رباح

طارق/ هتستحملي للصبح ياهنادي

تهز هنادي راسها بدموع

يقبل طارق راسها / خلاص انا هاجي الصبح اخدك اكشف عليكي سعدية/ عين العقل ياابني. ..تصبح علي خير

يخرج طارق من المنزل تجري هنادي تطلع غرفتها وتقفل على نفسها

........

في منزل العمدة

في غرفة طارق

طارق في التليفون/ لا ياباشمهندس الكلام مينفعش في التليفون واللي حصل النهاردة ده انا مش هعديه علي خير

وائل / طب اهدي بس وفهمني ايه اللي حصل بالظبط

طارق /أبوك يضرب اختك ويبهدلها ويكسر ايدها وتقولي اهدي

وائل / كسر ايه بس يااستاذ طارق وبعدين ابويا عمره مامد أيده علي هنادي

طارق/ خلاص تعالي بنفسك وشوف

وائل / طب انا مينفعش أجي دلوقتي ممكن تقولي هو ضربها ليه

طارق /هي مقالتش وبعدين مفيش سبب يخليه يعمل فيها كده

وائل / طيب انا جاي الصبح اشوف فيه ايه

طارق / خلاص اوك هستناك علشان نعرف نتفاهم لانى مش عارف اتفاهم مع والدك

وائل / حاضر معلش مضطر اقفل. ..تصبح علي خير

طارق / وانت من أهل الخير

..... ....

في شقة وائل

بثينه / في ايه ياحبيبي حاجة حصلت في البلد

وائل / لا متشغليش بالك مشكلة بسيطة وهتتحل

بثينه / مشكلة ايه؟

وائل / والدي متخانق مع هنادي وخطيبها

بثينه / ليه كده بس هما لحقوا

وائل / انا هوصل البلد الصبح وهرجع قبل المغرب

بثينه / طب أجي معاك

وائل / لا مش هينفع هتتعبي الطريق طويل وانا هاجي في نفس اليوم مش هتاخر

بثينه / اوك يا حبيبي هبقي اروح عند بابا بزهق هنا من القعدة لوحدي

وائل / وهناك يعنى بتستريحي مع مرات باباكي

بثينه/ أهو الاقي حد اتكلم معاه

وائل / بكره يجي اللي يشغلك ومتلاقيش وقت تقعدي مع حد ابدا

بثينه / ماهو انا كنت عايزة اتكلم معاك في الموضوع ده

وائل / خير يا حبيبتي

بثينه/ عايزة اروح اعمل شوية تحاليل كده بس خايفة

وائل بارتباك / خايفة من ايه

بثينه / معرفش قلبي مش مطمن متبقي تيجي معايا يا حبيبي

وائل / أي يوم فاضى عندي هبقي اروح معاكي

بثينه / وانت مش هتعمل تحاليل علشان نطمن

وائل / لا انا مطمن عملت تحاليل قبل كده

بثينه / ولو بردو لازم كل فترة تطمن علي نفسك

وائل / قولتلك انا مطمن المهم انتي تطمني على نفسك

بثينه / انا؟!...

وائل / احنا العيله عندنا كلهم مخلفين ومفيش عندنا واحده اتاخرت في الحمل

بثينه / أنت شايف اني كده اتاخرت

وائل /:لا طبعا يا حبيبتي مقصدش احنا بقالنا شهر واحد متجوزيين هههههه

أقصد يعني اطمنك إن العيلة عندنا كلهم يعني. ...ماشاء الله. .

بس حبيت اطمنك لاني شايفك قلقانه

بثينه / لا يا حبيبي انا طول ماانا جمبك عمري مقلق من أي حاجة

وائل ببتسامة / طيب ننام بقي لاني ورايا سفر الصبح

مشوار مكانش علي البال خالص

بثينه / معلش يا حبيبي أهو تروح تشوف في ايه وتحل الموضوع

وائل / تصبحي علي خير

......

في منزل العمدة

العمدة / لا الموضوع ده ميتسكتش عليه

يعني يضربها بالشكل ده وكمان عايز يقعدها من المدرسة

طارق/ انا بقولك ياابه علشان اعرف انا كده غلطت لما شديت معاه في الكلام

العمدة/ لا ياابني انت معاك حق هو صحيح أبوها وليه انه يادبها بس مش بالطريقة دي

طارق / انى هطلع انام وأبقى روحله معلش ياابه لأنه بيقول كلامي هيبقى مع أبوك معرفش يقصد ايه

العمدة/ ليه هو كان كلام عيال

طارق^ معرفش نيته ايه

العمدة / طيب ياابني أدخل انت نام دلوقتي ونشوف الصبح اروحله واعرف ميته ايه

............... ..

في الصباح

كامل بصوت عالي ينادي علي سعدية

سعدية تنزل جري

كامل/ بتعملي ايه عندك فوق

سعدية / كنت بوكل الحمام

كامل/ تعالي يلا جهزي الفطور علشان رايح الغيط

سعدية / مالك ياكامل في ايه

كامل بانفعال / هتجهزي الفطور ولا امشي

سعدية / حاضر هجهزلك الفطور بس علشان خاطري تطلع تطيب بخاطر البت الغلبانه دي مبطلتش عياط طول الليل ومحطتش حاجة في حكنها من امبارح من ساعة مطلعت علي المدرسة

كامل/ لااني طالع ولانازل وفضيها سيرة بقي

سعدية /'الفطور اهه

هعملك الشاي

كامل/ مش هتفطري معايا

سعدية /ملياش نفس

كامل يضع رغيف الخبز من يده / واني كمان ملياش نفس

سعدية/ ليه ياكامل فيه ايه انت متغير من ساعة مجيت من الغيط امبارح الموضوع مهواش تأخير هنادي امبارح في حاجة تانية انت مخبيها

كامل/ عادل اخويا

سعدية وهي بتصب الشاي /ماله عمل ايه

كامل /كل مشوف مشتري للأرض يوقفله ويعمل مشكلة معاه

سعدية /وهو ماله ومال الأرض هو يعنى لياخدها برخص التراب ليوقف حالها

كامل/ أهو ده اللي حصل وكمان لما رحتله امبارح بعد ماشيع ابنه ليه قالي الأرض اني هاخدها ومفيش رجل هتعتبها غيري

سعدية / ايه الفترا ده

كامل/ في صوت عربية بره

سعدبة/تلاقيه طارق

كامل/ قومي افتحي اني مش عايز اشوف وشه من ساعة اللي عمله امبارح

سعدية/ ياراجل خايف علي البت حقك تفرح

تقرب سعدية وتفتح الباب تتفاجأ ب وائل

وائل / صباح الخير ياامه مالك مش مصدقه ولا ايه

كامل/ ابن حلال تعالي ياابني أفطر معانا

يسلم وائل علي والدته ويدخل يقعد علي الطبليه

وائل ببتسامة/ لا سلام علي الطعام مش كده ياابه

كامل/ حماتك بتحبك

يقرب كامل الأطباق قدام وائل

وائل / ريحة السمنه البلدي مفحفحه من البيض تسلم أيدي ياامه

سعدية/ بالف هنا ياابني مجبتش مراتك ليه معاك

وائل /أصل انا جاي وماشي علي طول

هي هنادي فين

سعدية/ فوق في اوضتها

وائل / انا هطلعلها

كامل/ كمل اكلك ياابني

وائل / الحمد لله.... شبعت

.........

في غرفة هنادي

وائل يطرق الباب

هنادي/ ادخلي ياامه

وائل / ولو وائل اللي بره ميدخلش

هنادي/ وائل

يدخل وائل / ايوه انا ازيك يا هنادي وحشاني

ويقرب منها يحتضنها

تبكي هنادي

وائل /'بس متعيطيش انا جاي اشوف في ايه

هنادي ببكاء/ ابويا ضربني وبهدلني ومسك في طارق امبارح

وائل / طب انا عايز اعرف ايه السبب

هنادي/'جيت امبارح متأخر من المدرسة

مسكني وضربني بص شوف عمل فيه ايه

وائل بدهشة/ دا كله علشان اتاخرتي امبارح

هنادي/ هو ده اللي حصل

وائل يوقف في الشباك / طب اهدي بس دلوقتي طارق وابوه واقفين تحت قدام البيت

في الأسفل

يفتح كامل الباب

العمدة/ ندخل ياكامل ولا مش هدخلنا

كامل/ لا ياعمدة ودي تيجي بردو اتفضل

يدخل العمدة يتبعه طارق بضيق

كامل/'اتفضلوا هنا

ينزل وائل ويدخلوا كلهم غرفة الضيوف

كامل/ اعملي شاي يا سعدية ولا اقولك جهزي الفطور علشان العمدة يفطر معانا.

العمدة / لأ احنا فطرنا وجايين نقول كلمتين علشان مفيش وقت يدوب نلحق صلاة الجمعه

كامل/ اتفضل ياعمدة

العمدة/ ايه اللي حصل امبارح ياكامل

كامل/'ايه اللي حصل بنتي وبادبها علي تأخيرها امبارح

طارق بانفعال/ تقوم تعمل فيها كده جسمها كله متبهدل من ضربك فيها

كامل بدهشة / وانت بقي عرفت منين

طارق بارتباك / هي قالتلي في التليفون

وائل / اسمحلي أتكلم ياابه

يا عمدة دي أختنا ولو حصلها حاجة هتبقى في وشنا وكمان دي بقت امانه عندنا لحد ميجي عريسها يستلمها مننا

كامل/ واني مش هطلعها من البيت بعد كده

العمدة/ يعني ايه يا كامل انت عارف انها لسه بتتعلم

كامل/ بلاها من التعليم ده اللي هيودينا في داهية مش كل يوم هقف علي الطريق استناها واني قلبي مرعوب وخايف

طارق/ خلاص وانا هيريحك من تعب اعصابك وخوفك يا عمي

كامل/ يعني ايه

العمدة/ احنا كنا اتفقنا إن الفرح هيتم بعد متخلص مدرستها بقول بقي دلوقتي ملوش لزوم نستني وعروستنا تبقي في بيتنا الاسبوع الجاي

كامل/ الاسبوع الجاي ايه يا عمدة اني لسه مجهزتش حاجة

العمدة / وإحنا مش عايزين منك حاجة احنا هناخد عروستنا كده زي ماهي وشقة ابني هفرشها من كل حاجة متقلقش

نادي عليها بقي علشان طارق ياخدها يكشف عليها

كامل/ بس استني ياعمدة

العمدة/ استني ايه ياكامل ابني وكاتب كتابه على بنتك وانت خايف عليها ومش عايزها تروح المدرسة وابني عايزها تكمل تعليمها يبقى اني بقولك الحل اهه قولت ايه

وائل بفرحه/ انا بقول توافق ياابه والخطوبة ملهاش لازمة تطول علشان متحصلش مشاكل

كامل/ اني مش عارف اقولك ايه يا عمدة

العمدة/ تقول لام وائل تزغرط افرح يااخي أهو حمل وهنشيله من علي اكتافك زعلان ليه بقي

اطلع يا وائل ياابني خلي اختك تلبس علشان لما طارق يرجع من الصلاه ياخدها للدكتور

تخبط هنادي علي الباب

العمدة / أهي عروستنا جات اهه

تدخل هنادي بخجل تقبل يد العمدة وتقعد بجوار وائل

العمدة / لأ تعالي يا عروسة هنا جاري مفيش حد غريب انى ابوكي ودا عريسك

وائل يغمز لها تقوم هنادي وتقعد في المنتصف بين العمدة وطارق

ينظر لها طارق ببتسامة حزينه

العمدة/ عامله ايه يا بنتي

هنادي بحزن / الحمد لله

العمدة / اخلعي الطرحه دي

هنادي بدموع علي خدها تخلع حجابها

العمدة بدهشة / بقي تعمل في بنتك كده ياراجل ايه عقلك كان فين

يصمت كامل بخجل

العمدة/ ايه اللي بيوجعك يابنتي

هنادي بصوت مخنوق بالدموع/ دراعي بيوجعني من هنا ورجلي العمدة / وريني كده دراعك

هنادي تنظر بخجل

العمدة/ يا بنتي انتي مكسوفه من ايه هو في حد غريب

تكشف هنادي ايدها

يشاهدها كل الموجودين

العمدة/ بقى تضرب بنتك لما تزرق ايدها كده ايه كنت شارب حاجة ولا ايه وطبعاً رجلها كده بردو

تهز هنادي راسها ببكاء مكتوم

العمدة يقوم/ اني هقوم علشان الصلاه وطارق هيبقي يجي علشان ياخدها للدكتور يشوف دا كسر ولا ايه وزي مقولتلك ياكامل الفرح الاسبوع الجاي

تنظر هنادي لطارق بدهشة

يغمز لها طارق

العمدة/ يلا ياابني بينا نلحق صلاة الجمعه هتيجي معانا يا كامل

كامل/ جاي يا عمدة يلا يا وائل

وائل / يلا ياابه

..............

تركتهم هنادي وصعدت لغرفتها

.............


في منزل العمدة

سعيد /هو دا اللي حصل

محسن /لأ بقي أبوك الظاهر. ...

سعيد/ اششش وطي صوتك المهم هنعمل ايه دلوقتى

محسن /والأستاذ طارق مستعجل علي الجواز ليه هي الهانم هتطير

سعيد/ اني عارف شكل الموضوع في انه

محسن / تقصد يعني حصل حاجة خلتهم يستعجلوا الفرح قوام كده

سعيد/ انت بقي وتفكيرك اني مقولتش حاجة

محسن/ هههههه يادي الوقعة المهببه كمان

يدخل العمدة

يسكت محسن وسعيد

العمدة/'ايه مالكو واقفين كده

محسن/ اني لسه جاي من بره وكنت طالع فوق

العمدة/ احسن بردو علشان مش طايق اشوف وشك

يسرع العمدة في الدخول للمنزل

يمسك محسن يد والده

العمدة وسعيد في دهشة

محسن/ ابه ياابه هو صحيح طارق فرحه الاسبوع الجاي

العمدة / اه عندك مانع

محسن/ لأ واني مالي بس ليه السرعة دي وبعدين الشقة لسه مجهزتش

العمدة/ اني هجهزها لاخوك عندك مانع في دي كمان

محسن/ انت كده بتظلمنا ياابه

العمدة / ظلمتكوا في ايه انت اتعملك شقة واخوك كمان شقة واخواتك البنات جهزتهم زي بعض ونرمين كمان هكتبلها كام قيراط تمن جهازها علشان لو مت قبل متتجوز يبقي ليها حاجة تبيعها وتتجوز بتمنها

محسن/ بس اني وسعيد شقتنا مكلفتكش حاجة أما بقي شقة طارق هتتكلف كتير

العمدة/ انت مالك ومال اخوك هو عدوك ياابني

وهقولك إن كل حاجة بتمنها حسب وقتها

محسن/'انت اللي بتربي العداوة بينا ياابه

يطلع محسن شقته سريعاً وهو غاضب من كلام والده

العمدة لسعيد/ عاجبك كلام اخوك ده

سعيد بمكر/ دا مالك ياابه وانت حر التصرف فيه

عن اذنك ياابه هطلع اريح فوق شوية

............

في منزل كامل

كامل/ ايه الكلام اللي بتقوله ده ياابني

وائل / ياابه الراجل مش هيكلفك حاجة وانت بتقول ممعكش فلوس تجهزها وعمي موقف حال الأرض يبقي الفرصة جاتلك لحد عندك تضيعها

سعدية/ ازاي ياابني منجهزش اختك دا يبقي عيب في حقنا الناس تقول ايه

وائل / والناس هتخسرلنا حاجة من جيبها ولا هتقول خدوا جهزوا بنتكو

سعدية/ لأ هيقولوا اخوها باشمهندس قد الدنيا ميجهزهاش ليه

وائل بحرج/ وانا لو معايا مش هتاخر

سعدية/ بقالك اكتر من خمس سنين شغال في المصنع ده مشوفتكش اديتني مية جنيه حتي وقولتلي خدي ياامه هاتيلك حاجة ولا هاتي اللي ناقصك في البيت واتجوزت جوازة ببلاش شقة مراتك وتلاقي العربية كده بردو

فلوسك بتوديها فين

وائل / العيشه في مصر غاليه ياامه وهو إللي بيجي بيتصرف قبل الشهر ميخلص

نظرت سعدية له بضيق

وائل / وافق ياابه علي الأقل بدل متفضل كده قلقان عليها كل متطلع من البيت ماهو كمان مش هتحبسها لازم هتطلع

سعدية/ جوزها يا كامل علشان ابنك يشيل حمل أخته من علي كتافة وأهي تبقى جوزتها من غير متغرم حاجة علشان بكره تتعاير من سلايفاها ولا جوزها يعايرها مااحنا مش عارفين هيفضل حلو كده معاها علي طول ولا هيتغير

وائل / اني همشي علشان ألحق قبل الدنيا متليل عليه في الطريق

سعدية/ مش هتستني اختك لما تيجي وتطمن عليها

وائل / هبقي اتصل أطمن عليها بالتليفون وهاجي الاسبوع الجاي علشان الفرح سلام ياابه سلام ياامه

ويخرج وائل من المنزل

سعدية بدموع / مش عارفة الواد ده جاب قساوة القلب دي منين

............


#دوارالعمدة 

البارت العاشر 

بقلمي:ميار بدر 


 جه أسبوع الفرح

وهنادي مبترحش المدرسة من يوم الخميس وجه يوم الثلاثاء اللي جه فيه طارق بعد مسافر السبت زي كل أسبوع اخد إجازة عشر ايام ابتداء من يوم الأربعاء

اتصل بهنادي علشان تلبس وتجهز نفسها علشان خارجين يشتروا فستان الفرح وفي الوقت ده كان الفرش بيتفرش في شقة طارق وكان والدة العمدة هو اللي ببشرف علي كل حاجة

مع تخلي الأخوات الصبيان محسن وسعيد من المسؤلية وغضب من اخواته البنات صباح وكوثر ونرمين لرفضهم إتمام الجواز بالسرعة دي ورفضهم لهنادي من الأساس

.....

هنادي وطارق في العربية في طريقهم علشان يشتروا فستان الفرح

يقف طارق قدام اتيليه يشاهد فستان يعجبه

طارق/ ايه رأيك يا حبيبتي في ده

هنادي /اللي تشوفه لو عجبك خلاص نشترية

طارق/ مفيش حاجة اسمها اللي اشوفه لازم تختاري علي ذوقك انتي انا بس مجرد بقترح عليكي عاجبك ولا نشوف غيرو

هنادي/ خلاص ندور يمكن نلاقي حاجة احسن

طارق ببتسامة / ماشي يا جميل

وفي الطريق هنادي تصرخ

هنادي/ هو دا يا طارق الفستان دا حلو قوي

طارق/ هههههه اوك يلا انزلي نشوفه

وتنزل هنادي من العربية وتدخل جري تقيس الفستان

هنادي/ ايه رأيك

طارق/ بصراحة أجمل من اللي اخترته ذوقك يجنن يا حبيبتي

هنادي/ يعني هتشترهولي

طارق / طبعا

ادخلي بقي غيري وهاتيه وانا هحاسب

تخرج هنادي من غرفة اللبس

البنت اللي في المحل/ عشر تلاف يا استاذ

هنادي بدهشة / عشر تلاف ايه دا أما هلبسه ساعة واحده بس

طارق يغمز لها ويخرج الفلوس ويحاسب علي الفستان

وهما خارجين من المحل

هنادي / طارق رجع الفستان انا مش عايزاه

طارق /ليه يا حبيبتي هو مش عاجبك

هنادي/ عاجبني بس غالي واني مش هلبسه دي كلها ساعة زمن بس والفرح يتفض

طارق /ومين قالك إن الفرح هيخلص بعد ساعة

هنادي /يعني ايه

طارق/ يعني هخليكي تلبسيه كل يوم علشان يفكرني باللحظة الحلوة اللي جمعتنا مع بعض

تنظر ليه هنادي بحب

طارق بمزح/ انتي لسه هتبصيلي يلا نلحق نشتري باقي الحاجة قبل المحلات متقفل

هنادي / انت لسه هتشتري

طارق / هو احنا لسه اشترينا حاجة

واخدها طارق علي محلات كتير اختارت هنادي كام فستان للخروج وملابس للبيت ومكياج وبرفانات

هنادي /كفاية بقي انا تعبت

طارق /خلاص نكمل بكره قوليلي بقي تتعشي ايه.

هنادي/ عشا ايه اني لازم اروح اتاخرت قوي

طارق/ اتاخرتي ايه انتي ناسيه انك مع جوزك ولا ايه

هنادي /ها

طارق/ ههههه ها ايه تعالي ناكل انا واقع من الجوع

........

في منزل كامل

سعدية وكامل قاعدين علي الطبليه بيتعشوا

كامل/ بنتك اتاخرت هاتي التليفو اتصل عليه اخليه يجيبها كفاية كده بيعملوا ايه كل ده بره

سعدية/ قال إنه رايح يجيب لها شوية حاجات

كامل/'ومرحتيش معاهم ليه

سعدية / واسيبك قاعد في الدار لوحدك

الباب يخبط تقوم سعدية

كامل/ خليكي انتي اني اللي هفتح

يقرب كامل ويفتح الباب

طارق / سلام عليكم ياعمي

كامل/ وعليكم السلام

تدخل هنادي باضطراب

سعدية/ ايه يا بنتي التأخير ده كله

هنادي بفرحه/ تعالي ياامه شوفي طارق جابلي ايه

كامل/ ادخل ياابني

طارق/ معلش ياعمي الوقت متأخر تصبحو علي خير

يقفل كامل الباب ويتجه ناحية السلم

سعدية / مش هتكمل اكلك

كامل/ شبعت اني طالع انام

سعدية / قربي يابنتي اتعشي

هنادي /اني اتعشيت اني وطارق بره

ينظر لها كامل بغضب ويصعد للأعلى

سعدية/ طب وريني جيبتي ايه

......

في غرفة كامل

سعدية / متصالح بنتك وطيب خاطرها بكلمتين دي بردو عروسة وعايزة تفرح

كامل/ هي مش فرحانه خلاص اني بقي مبقاش ليه لازمة افرحلها ولا ادعي عليها متفرقش

سعدية/ ليه كده يا كامل يعني مش ناوي تروح توصلها لبيت جوزها

كامل/ ابقي روحي انتي وابنك اني مش رايح

سعدية/ الناس تقول ايه بس اخزي الشيطان ياراجل وصالح البنت

كامل / طب عليه ال

سعدية/ خلاص. ..خلاص بلاش براحتك

كامل / سبيني بقي اتخمد

.............

يوم الزفاف في الصباح

العمال بيطلعوا الفرش لشقة طارق

العمدة/ أظن كله بقي تمام ياابني المطبخ اتنصب وأوضة النوم والاوضة التانية اللي مش عارف لازمتها ايه ههههه

طارق /دي بقي علشان لما يشرف حامد الصغير ينام فيها

العمدة ببتسامة / ماشي بس متغيرش الأسم بقي

وادى الصالون والمجلس ده بقي عاجبني وهعمل واحد زيه تحت طارق ينظر في الساعة

العمدة/ وراك مشوار

طارق/ مشوار مهم قوي ياابه

العمدة / طيب روح انت واني واقف هنا لما العمال يخلصوا

طارق / ماشي ياابه

.......

في الطريق

طارق في التليفون/ خلاص اني وصلت واقف قدام الباب

تبتسم هنادي من الشباك / واني شايفاك ثواني ونازله افتحلك

طارق/ وانا مستني

تجري هنادي علي السلم توقع وتقوم بسرعة بس حاسه بوجع في رجلها

تفتح الباب ببتسامة

طارق / صباح الخير

هنادي /أدخل ياطارق

طارق/'مالك يا هنادي

هنادي/ رجلي بتوجعني شوية

طارق/'مش دايما اقولك تمشي علي مهلك

هنادي /معلش أهو دا اللي حصل تعالي جوه في اوضة الضيوف

طارق/ هو مفيش حد هنا ولا ايه

هنادي/ امي فوق عند الحمام وابويا في الغيط.

طارق / يعني احنا لوحدنا

هنادي /ومالك فرحان كده ليه

طارق / لا مفيش

هنادي/ هروح اعملك شاي

طارق /متعمليش حاجة واقعدي بقي

هنادي/'ايه اللي في ايدك ده

طارق / جايبلك شنط علشان الهدوم بتاعتك

هنادي/ دا اني كنت لسه بفكر هحط الهدوم فين

طارق يقرب منها ببتسامة / لا متفكريش خالص وانا موجود

هنادي /طب أبعد شوية امي ممكن تنزل في أي وقت

طارق / وحشتيني مش مصدق إن النهاردة فرحنا

هنادي تقرب منه وتحتضنه

طارق / ياااه أخيراً

هنادي /انى بحبك قوي يا طارق

طارق/ لا احنا اتغيرنا اوي

يفتح كامل الباب ويدخل علي غرفة الضيوف

كامل/ هو فيه حد هنا

يبتعد طارق عن هنادي وبارتباك/ انا ياعمي

كامل/ في حاجة ياابني.

يقوم طارق / لا انا بس كنت جايب الشنط دي لهنادي بعد اذنك ياعمي ورايا كام مصلحه كده هعملها انت عارف بقي الفرح النهاردة والواحد مشغول

كامل/ مع السلامة

ينظر لهنادي نظرة حادة/ أمك فين

هنادي /امي فوق

تنزل سعدية / في حاجة ياكامل

كامل بغضب/انتي فوق من أمتي

سعدية / من ساعة كده كنت بنصف كام جوز حمام وبط وفراخ علشان عشا هنادي

كامل/ يعني مشوفتيش طارق

سعدية/ لأ هو كان هنا

كامل/ كان هنا وقاعد هو وبنتك لوحدهم

هنادي تقوم وتخرج من الغرفة يمسك كامل ايدها بعنف

كامل/ كان بيقولك ايه قبل مدخل

هنادي /مبيقولش حاجة

كامل/ اومال اتلخبط ليه لما دخلت

سعدية /يا راجل متكبرش الموضوع دا كاتب كتابه عليها فيها ايه لما يقعد معاها

كامل/ يقعد معاها من غير ميكون راجل البيت موجود

هنادي/ اديني ماشية كمان كام ساعة وهيريحك مني خالص

كامل/ ياريت تمشي من دلوقتي احسن علشان اني مش طايقك في البيت

هنادي / خلاص هقوم البس وامشي دلوقتي

ينهال عليها كامل بالضرب تصرخ سعدية

سعدية/ سيبها يا كامل البت فرحها الليلة بلاش فضايح

تصرخ هنادي يضربها كامل اكتر

الباب يخبط تجري هنادي وتطلع اوضتها

كامل يفتح الباب

وائل / في أي ياابه ايه الصويت ده

كامل بخجل من بثينه /أدخل انت ومراتك ياابني

تدخل بثينه / صباح الخير ياعمي

وتقرب تسلم علي سعدية/ مبروك لهنادي هي فين

سعدية بحزن/ فوق يابنتي تعالي اطلعي معايا

يدخلوا غرفة هنادي

هنادي بتعيط تقرب بثينه منها وتحتضنها / مالك يا حبيبتي بتعيطي ليه

سعدية/ معلش يابنتي حطيلها أي حاجة علي وشها دي عروسة الراجل يقول علينا ايه

بثينه /حاضر يا ماما بس لما تغسل وشها يعني

سعدية/ وقتها بقي تتصرف المهم دلوقتي علشان الناس والجماعة اللي في البيت عندهم

هنادي ببكاء/ لأ اني هروح كده زي مااني

وتمسك التليفون تتصل بطارق

سعدية تاخد التليفون من ايدها / يابنتي بلاش فضايح بقي خليها تعدي علي خير

بثينه / بلاش يا هنادي خطيبك يعرف حاجة علشان دا باباكي بردو وأي حاجة هتحصل بينكو هيفكرك بالموقف ده

هنادي/ يعني اعمل ايه هو مش طايقني في البيت وكل ميشوفني يضربني

سعدية/ كله من عمك تغور الأرض ياخدها ويبعد عننا

.........

في المساء

جه طارق ووالده وسعيد

سعدية / تسلم ايدك يابنتي مطلعاها زي القمر

يلا يا هنادي افردي وشك بقي

بثينه / افرحي يا حبيبتي دي ليلة في العمر

سعدية / هاتي يا ضنايا ايدك انزلك لعريسك

يدخل وائل / وانا بقي رحت فين

يمسك ايدها وائل وينزلها تحت وسط زغرايط المعازيم

ياخد طارق عروسته

سعدية بدموع/ خلي بالك منها ياابني

طارق ببتسامة/ هنادي في عنيه متخافيش عليها

العمدة/ يلا بينا ياابني

طارق / يلا يا هنادي

هنادي تنظر لأعلي بدموع

سعدية/ يلا يابنتي. ..ربنا يسعدك

تخرج هنادي من المنزل وهي بتمسح دموعها

......

في منزل العمدة

الحاجة أمينه / شهلي يارسمية علشان نطلع العشا فوق

رسمية / خلصت أهو يا حاجة

الحاجة امينه/ طب تعالي معايا يلا

نرمين / رايحه فين ياامه

الحاجة امينه/ هتطلع عشا اخوكي عايزة حاجة

نرمين /لأ ياامه انى داخله انام

الحاجة امينه/ استني لما اخوكي يجيب عروسته علشان تباركيلهم

نرمين / بكره بقي

........

في شقة طارق

بعد دخول هنادي الشقة

تخرج سعدية هنادي ممسكه ايدها / انتي ماشيه ياامه

سعدية/ هجيلك الصبح يابنتي

وتخرج سعدية بسرعة قبل متنزل دموعها

يقفل طارق الباب

هنادي بارتباك / هو الحمام منين

طارق ببتسامة / في حمام هنا وحمام جوه في اوضه النوم

هنادي/ طب هدخل اللي جوه علشان اغير هدومي

طارق/ استني انا هساعدك

هنادي /لأ اني هغير لوحدي

طارق /طب افكلك الطرحه علي الأقل

تدخل هنادي الغرفة بخجل

يدخل طارق الغرفة

هنادي بتخلع الطرحه

طارق/ لأ انا اللي لازم اخلعها داانا مستنى اللحظة دي من زمان طارق بانبهار/ دا شعرك

هنادي بخجل تهز راسها

طارق ببتسامة / لأ انا كده اطمنت على مستقبلي هههههه

هنادي / مش فاهمه

طارق بغمز/ هقولك بعدين

هي والدتك مقلتلكيش حاجة

هنادي /حاجة! !...مش فاهمه

طارق/ لاااا انتي واضح انك متعرفيش حاجة خالص

هنادي تقوم

طارق / رايحه فين

هنادي /هقفل الشباك الجو برد

طارق / استني انا هقفله

هنادي/ هروح أجيب العشا هتاكل هنا ولا في الصالة

طارق /لا انتي خليكي مستريحة انا هجبلك كل حاجة لحد عندك. تبتسم هنادي يحتضنها طارق

طارق/ مبسوطه معايا يا هنادي

تهز هنادي راسها

طارق/ لا انا مش عايز الحركة دي انا عايزك تتكلمي دا بيتك وأنا بقيت جوزك

هنادي /اني الدنيا مش سيعاني النهاردة من الفرحه

طارق / هخرج انا علشان تغيري براحتك انا عارف انك مكسوفة

..................

في منزل كامل

كامل وسعدية ووائل وبثينه قاعدين تحت

كامل لسعدية/ مش وصلتي بنتك لحد باب بيتها واطمنتي عليها مع عريسها جايه قالبه وشك ليه

سعدية / اطلع ياابني خد مراتك وناموا فى اوضتك تلاقيها تعبانه من السفر

واني هطلع انام في اوضة هنادي

وائل يقرب من والدته / أمه اخزي الشيطان واطلعي نامي في اوضة ابويا

سعدية/ اني مش هنام غير في اوضة بنتى

كامل بحرج من بثينه / سيبها ياابني تنام مكان ميعجبها

سعدية/ آه هنام علي سرير بنتي ضنايا علشان محسش إنها سابت البيت

أظن ارتحت دلوقتي ياكامل بعد مطفشتها من البيت أهي سبتهولك ومغرمتش في جوازتها حتى جنيه

وائل بغمز لوالدته / ملوش لزوم الكلام دا ياامه

يلا يا بثينه نطلع ننام تصبحو علي خير

كامل بعد ما وائل طلع هو ومراته / ايه يا سعدية مش عايزة تجبيها لبر الليلادي

سعدية/ انت اللي ابتديت يا كامل لما خرجت بنتك بالشكل ده قدام جوزها دلوقتي ياترى هو وعيلته بيقولوا علينا ايه

حتي كلمة مبروك مقولتهاش للبت وخرجتها نفسها مكسورة

كامل/ فضيها سيرة بقي يا سعدية بنتك دلوقتي مبسوطة هي وعريسها وانتي منكده عليه اقولك اني هطلع انام وانتي نامي مطرح ماانتي عايزة

...........

في منزل العمدة

العمدة/ جراايه يا حاجة انتي مش هتنامي

الحاجة امينه/ هطلع لطارق يمكن يحتاج حاجة

العمدة/ هههههه يا ستي اقعدي اطمني ابنك مبقاش محتاج منك حاجة خلاص مراته معاه لو احتاج حاجة هيقولها وتعالي بقي نامي الناس جايه تبارك بكره ولازم تقابليهم وتجهزوا غدا ليهم

الحاجة امينه / اني مش قادرة اعمل حاجة هطلع الصبح بس أطمن علي ابني واطلعله فطوره هو وعروسته

العمدة / أهو الفجر أذن هقوم أصلي

الحاجة امينه / واني هقوم كمان أصلي وادعى لابني

.........

في الصباح جرس الباب يرن

يقوم طارق بكسل يفتح الباب

الحاجة امينه / صباح الخير يا ضنايا

طارق/ أمه صباح النور في حاجة

الحاجة امينه/'ايه ياواد مالك جايبالك الفطور

ادخلي يا هدي

هدي بخجل/ لامؤاخذة يا استاذ طارق أمه الحاجة هي اللي قالتلي اطلع الفطور معاها

الحاجة امينه/'ومالك خايفة كده

اني قولت تفطر قبل متروح تصلي الجمعه ولا منتاش رايح

طارق /لأ ياامه هروح طبعاً

الحاجة امينه/ نقول مبروك

هدي بحرج / اني نازله ياامه الحاجة عايزة مني حاجة تانية

الحاجة امينه/'استني علشان تسنديني واني نازله

طارق / قولي مبروك ياامه

تبتسم الحاجة امينه /زغرطي يا بت

عقبال مشوف عوضك يا ابني

طارق/ في حياتك ياامه

الحاجة امينه/يا هدي استني يا بنتي

تخرج هنادي من الغرفة تسلم علي الحاجة / مبروك يا بنتي

تنظر هنادي لطارق

الحاجة امينه/'ايه ياابني مراتك مش عايزة تاخد نقطوها

طارق/ خديهم يا هنادي محدش هنا بيقول للحاجة لأ ابدا

الحاجة امينه ببتسامة/ فطري بقي جوزك كويس قبل ميطلع

...........

في منزل كامل

وائل / مش عايزة مني حاجة ياامه

سعدية/ مش هتروح تبارك لاختك قبل متمشي

وائل / أنا بركتلها ونقطها امبارح علي فكرة

سعدية/واني مش بتكلم علي النقوط

اني كنت عايزاك تصبح عليها وتروح تطمني عليها أبوك مش عايزني اعتب هناك

وائل / معلش ياامه هدي الأمور اليومين دول وهو هيروق لوحده وياخدك من نفسه ويقولك يلا نروح نشوف هنادي انا عارف ابويا

سعدية/ الظاهر انكو فاهمين بعض واني اللي طلعت مش بفهم في الآخر

وائل / انتي ست العاقلين ياامه متقوليش علي نفسك كده

سعدية/ فضلت تزن ورا أبوك لحد موافق يجوز اختك بالطريقة دي ودلوقتي عايزني اسكت ووافق علي اني اقاطع اختك ماهو الموضوع طالما فيه توفير ليك لازم تقول كده

وائل / انا ماشى ياامه يلا يا بثينه

وأبقى سلميلي علي ابويا لما يجي من الغيط

.......

في شقة طارق

هنادي / أنزل ازاي بس ياطارق اني مكسوفة

طارق/يا حبيبتي تتكسفي من ايه بس دول خلاص بقوا أهلك ولازم تتعودي عليهم

هنادي/ طب خليها بكره علشان خاطري

طارق ببتسامة/ لأ انا قولت هننزل نتغدا النهاردة معاهم يعنى

هننزل متخليش شكلي وحش قدام ابويا واخواتي

هنادي/ خلاص حاضر

طارق/ البسي بقي حاجة واسعة غير دي

هنادي /حاضر

طارق/ واغسلي وشك بلاش الحاجات دي

هنادي/ حاضر

طارق /انتي مضايقة من كلامي يا حبيبتي

هنادي / لا ابدا بس يعني واحده واحده عليه

طارق / ههههه حاضر يلا بقى علشان منتاخرش اكتر من كده

....

بالأسفل

شوق تضع الطعام / يااختي اني مش متصوره إن البت دي هتقعد تاكل معانا علي طول كده

هدي/ وفيها ايه أهو تاخد علينا وناخد عليها

شوق/ اني عن نفسي مش هيبقى بيني وبينها عمار

هدي تدخل المطبخ / علي راحتك كل واحد ينام علي الجنب اللي يريحه

شوق/ ماهو ناس ليها النوم والراحة وناس تصحي من بدري تجهزلهم الأكل مش كفاية هدت حيلنا امبارح

هدي تضع الطبق / يعني مش كده كده بنعمل لنفسنا أكل فرقت ايه

شوق/ فرقت الحمام والبط والكوارع اللي بعمل فيهم من الصبح دا غير أكل امبارح

الحاجة أمينه تدخل/ خلصتوا يا بنات

شوق بارتباك / خلصنا يا مرات عمي

الحاجة امينه/ خلصتي الأكل ولا خلصتي كلام يا مرات ابني ؟

شوق / اني يا مرات عمي ؟

الحاجة امينه/ الأكل ده مش جوزك ووالدك هياكلوا منه بردو وبعدين انتي عايزة ننزل العروسة يوم صباحيتها تطبخ اني خليتك تسيبي جوزك يوم صباحيتك ونزلتك المطبخ

شوق/ اني هطلع اصحى محسن

الحاجة امينه/ تعالي يا هدي عايزاكي

هدي/ نعم ياامه الحاجة

الحاجة امينه / اني عارفك انك طيبه يابنتي

عايزاكي تصاحبي هنادي وتعلميها الطبيخ اني عارفة انها لسه صغيرة وفي حاجات كتير مش بتعرف تعملها وشوق اديكي شايفة سانه سنانه علي الآخر للبنيه

هدي/ حاضر من عنيه هنادي هتبقى اختي

الحاجة امينه/ تسلم عيونك يا ضنايا اطلعي نادى علي جوزك وهاتيلي التلفون ده اتصلي علي طارق خليني اشوف منزلش ليه يقرب طارق من خلف والدته ببتسامة /وطارق نزل هو وعروسته يا حاجة

الحاجة امينه بخضه/ ايه ياابني مش تقول حاجة وانت داخل

طارق يقرب من السفرة وهو ممسك بإيد هنادي / واللي جعان هيقدر يتكلم بردو

الحاجة امينه / يا ضنايا تلاقيك ممدتش ايدك علي الأكل اللي طلعتهولك الصبح

طارق / ملحقتش ياامه

الحاجة امينه/ ليه ياضنايا

طارق بغمز لهنادي/ اعمل ايه يه بقي في مراتي شغلتني وملحقتش أفطر

تقرصه هنادي

الحاجة امينه/ ايه يا بنتي انتي مبتتكلميش ولا ايه

هنادي/ لا يا حاجة بس

طارق / معلش ياامه أصلها مكسوفة شوية

الحاجة امينه/ خلاص دا بقي بيتها هتتكسف من ايه

ينزل محسن ومراته / مساء الخير

طارق ميردش

هنادي / مساء النور ازيك ياعم محسن

شوق / عم!!!طيب

طارق /فين ابويا وسعيد ياامه

سعيد يدخل / اني جيت اهوه تعالي يا حاج

تقوم هنادي وتقرب تقبل يد العمدة

العمدة / ربنا يبارك. ..فيكي يا بنتي

شوق تنظر لمحسن بغمز

محسن/ مش يلا ناكل قبل الأكل ميبرد

العمدة للحاجة امينه/ قربي الطبق ده قدام طارق

طارق/ بس دا كتير مين هياكل ده كله

الحاجة امينه لهنادي /وكلي جوزك بقي اوعى تسيبوا حاجة في الطبق

العمدة/ كل ياابني انت عريس دا اني يوم الصباحيه كنت وأكل قد ده مرتين تلاته أيام بقي مكنت شباب

محسن / ههههههه ماانت لسه شباب اهوه يا حاج

.................

في المساء في شقة طارق

طارق /لأ انتي كده بتغشي ههههه انا قومت أجيب العصير وقولتلك تاكلي طبقك كله اخدتني من طبقك حطيتي في طبقي علشان تخلصي بسرعة

هنادي بحزن/اني أكلت كتير النهاردة من الصبح واني باكل

يقرب منها طارق ويحاوطها بذراعيه / ايه يا حبيبتي مالك

هنادي/امي وحشتني قوي

طارق / طيب التليفون عندك اهوه كلميها

هنادي/ خايفة ابويا يرد عليه

طارق / اتصلي وشوفي وعادي لو رد عليكي كلميه

هنادي ممسكه التليفون

.....

في منزل كامل

كامل نايم وسعدية قاعدة فوق السطوح ماسكه التليفون يمكن هنادي تتصل

سعدية/ مش لوكان أهلي علموني كنت عرفت اتصل ببنتي

التليفون يرن

سعدية بتحاول تكتم الصوت علشان كامل ميسمعش ويعرف إن التليفون معاها

وفي نفس الوقت قلبها حاسس إنها هنادي بنتها

سعدية / بيفتح منين ده ؟

هدوس وزي ماتيجى اني بتهيئلي هو ده الزرار اللي كامل بيدوس عليه

هنادي/الو ازيك ياامه وحشاني

سعدية بفرحه/ هنادي ازيك يا ضنايا عامله ايه

هنادي /الحمد لله بخير

بقي كده ياامه متجيش تطمني عليه

سعدية/ معلش يا بنتي انتي عارفة المهم عامله ايه وجوزك عامل ايه معاكي

هنادي /احنا بخير ياامه يعني مش ناويه تيجي

سعدية/ يوم ولا اتنين ابوكي بس يهدي معلش يابنتي

هنادي/ طيب ياامه المهم انكو بخير

تصبحي علي خير

سعدية/ قوام كده هتقفلي انتوا هتناموا من دلوقتي

هنادي/ هبقي اكلمك بكره ياامه

سعدية/ لأ اني اللي هبقي اكلمك هاخد التلفون لسماح وتتصل عليكي تصبحي علي خير يا ضنايا وخلي بالك من نفسك وجوزك

هنادي بدموع/ حاضر ياامه

تقفل هنادي مع والدتها

طارق يدخل الغرفة

هنادي تمسح دموعها

طارق/ ايه يا هنادي أمك بخير

هنادي/ آه بخير

طارق /وايه لازمة العياط بقي في عروسة تعمل في نفسها كده

هنادي/ معلش اني اسفة

طارق ببتسامة/ايه رأيك نطفي النور بقي ونام

هنادي ببتسامة/ ماشي

طارق /ايوه كده فكيها بقي هههههههه

..................


تكملة الرواية من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺




تعديل المقال
الأقسام

مقالات قد تهمك

تعليقات



CLOSE ADS
CLOSE ADS
close