رواية الاميره والمغترب الفصل الحادي والعشرون والثاني والعشرون والثالث والعشرون بقلم آلاء اسماعيل البشري حصريه وجديده
 |
ناموسيتك كحلي يا عروسة ...تكونيش فاكراها صباحيتك بحق و حقيقي ولا ايه 🤔 😏
ما كادت أن تفتح عينيهاحتى شعرت بدلو ماء ينسكب فوقها ففزعت و هي تصرخ بشدة
- ايه ده انتي مجنونة يا ست انتي ؟؟؟ 😱🥶 انتي ازاي تصحيني بالطريقة الهمجية دي !
وقفت تتأمل منظرها الذي كان يشبه منظر فأر مبلول ثم نظرت الى الساعة الموجودة على حائط تلك الغرفة و قالت برعشة: الساعة حتى ما عدتش ستة الصبح !! هقوم دلوقت اعمل ايه بس ؟
ضحكت سنية بأعلى صوتها : هو ايه اللي اعمل ايه دلوقت ؟ تكونيش فاكرة نفسك في المالديف يا استاذة 🙄😂 !!!
تبدلت ملامح وجهها للإحتقار و قالت لها بنظرات حارقة هتقومي تنظفي الزريبة و توكلي البهايم يا عينيا أكيد مش هيستنوكي لحد العصر ! 😏 😤
حنان بغضب :زريبة ايه اللي انظفها يا زبا'لة ان...
ااااااااااه !! 😱😵💫
لم تكد تكمل جملتها حتى دوت فجأة صفعة قوية اسقطتها ارضا
- الزبا'لة الوحيدة هنا هي انتي يا..... بنت عمي...😒
التفتت لتجد زوجها و ابن عمها بدر و الذي كان يطالعها بنظرات اشمئزاز
جزت حنان على اسنانها بألم و هي تحاول أن تقوم : انت ازاي تتجرأ و ترفع ايدك عليا !!! ده أنا هأ....
امسكها من شعرها و رفعها و هي تتألم بشدة و قال بفحيح : الظاهر عمي صالح ما عرفش يربيكي
نظر الى زوجته و أكمل :شكلها محتاجة رباية من اول و جديد..ولا انتي ايه قولك يا سنية؟
اسندها على الجدار ثم وضع احدى يديه على فمها و الآخرى على رقبتها و هو ينظر إليها بغضب
- اسمعي يا حلوة ...أولا تخرسي خالص يا خا'طية و صوتك ما يتسمعش في البيت ده واصل لا عليا ولا على اي حد هنا... وثانيا إحمدي ربنا ان جدك عبد الرحيم مش عايش ولا كان زمانك تحت التراب و محدش قدر ينقذك من القت"ل عشان كدة انتي تسمعي كلام سنية و هناء من غير طولة لسان مفهووووم !!!! 😡😡
ازاح يده عنها فسعلت بشدة و هي تكاد تختنق و تحاول اخراج الحروف بصعوبة : ب...بس ...ا..ا..نا
قاطعها بدر : من غير بسبسة ...بصي انا وعدت ابوكي اني أتقي ربنا فيكي و اعدل ما بينكم و عندك أوضتك زيك زي حريمي الإثنين ...بس لو عرفت انك مش بتساعديهم في شغل البيت أو شايفة نفسك عليهم يمين بالله العظيم ثلاثة ما هآجي جنبك و هتبقي تنامي في الزريبة كيفك كيف البهايم سامعة !!!
حنان بخوف : بس ..يعني ...انا اشتغل ف زريبة 🤮😭
بدر بغضب : سنية قالت هتنظفي الزرايب يبقى هتنظفيها 😤
حنان بمحاولة التحلي بالشجاعة : و ما تنظفهمش هي ليه 😥
بدر بتصنع التفكير : تعرفي تطبخي و تخبزي عجين ؟؟ 🤔
حنان بخوف: لا 😓
بدر:انا قلت كدة برضو 🙂...طب تعرفي تروقي البيت و تغسلي الهدوم ؟؟🤔
حنان بضيق : لأ😓😣
بدر بحدة: يبقى خلاااااص طق حنك مش عاوز !! سنية شغلها الطبيخ و الخبيز و هناء الترويق و انتي هتشتغلي مع البهايم .... غووووري لشغلك يالاااا !!!! 😤😤
خرجت مسرعة و هي تلتفت نحوهما بخوف
و نظر بدر الى سنية قائلا : شكلهم مدلعينها قوي ...انتي هتفضلي وراها لحد ما تتعدل و تبقى حرمة بيت تمشي فوق العجين ما تلخبطهوش فاهمة ؟
-سنية بشماتة 😁 حاضر يا تاج راسي طلباتك أوامر .
استيقظ ياسين و نظر الى هاتفه فوجد أتصالا من خالد
- مادام اتصلت يبقى عندك اخبار جديدة...بس انا عايز نخلص من الحق'يرة ليليان الاول..عشان نهتم بموضوع الگلب اللي اسمه دانيال ده
ابتسم و هو يتذكر ما حصل ليلة الامس
فلاش
كان يقف وسط الحفل حين رن هاتفه
ياسين : ايوة با منذر ؟
منذر : بعد ما انت دخلت الاوتيل تاني طلع عندها الراجل اللي اسمه جاستن ده و طلعت معاه عربيته ... لحقتهم لحد ما وصلت بيتها وهو معاها و الصور عندك اهي ..
ياسين : حلو اوي.. خلي عيونك مفتحة عليها
- حاضر يا بيه
اقفل الخط ثم فتح تطبيقا خاصا في هاتفه وطالع تلك اللقطات ثم أغلق التطبيق و هو يهمس: وقتك قرب يخلص يا ليليان
عودة من الفلاش
أتصل بخالد : ايه يا صاحبي !! ما دمت متصل بيا بدري كدة تبقى أكيد في مونتريال !!
خالد : اعمل ايه طيب ...متابع القضية اللي طلبتها مني بنفسي
ياسين : طب فيه جديد؟!
خالد : أكيد فيه و إلا مكنتش اتصلت .و الظاهر كان عندك حق
ياسين : في ايه بالضبط ؟
خالد :الظاهر الثعلب لقى الحمامة اللي كان بيدور عليها
ياسين : يبقى زي ما فهمتك آخر مرة
خالد : ماشي ..
خرج من الغرفة
و توجه الى المطبخ لإعداد الفطور ثم رص كل شيء في صينية كبيرة و توجه إليها
كانت الساعة تشير الى التاسعة: يا ترى صاحية ولا نايمة ؟!
فتح الباب بالمفتاح و طرق مرتين فسمع صوتها من الداخل
- ادخل
ياسين بإبتسامة: صباح الخير
اميرة : صباح النور
- نمتي كويس ؟؟
- الحمد لله
- انا عارف انك جعانة لانك تقريبا ما اكلتيش حاجة إمبارح
- لا الحمد لله اكلت سندويشات الكبدة كلها
- عموما انا النهاردة جاي افطر معاكي لو معندكيش مانع طبعا !
اميرة بخجل : لا طبعا ..اتفضل
ناولها سندويشا و اخذ هو آخر ..
بعد دقائق
اميرة : هو انا ممكن اعرف انت بتقفل الباب عليا من برة ليه ؟؟
ياسين : عندي اسبابي بس أكيد مش لإني حابسك لا سمح الله
اميرة : و انا مقلتش كدة 😥
- يبقى انا هأفتح الباب في الوقت المناسب كل اللي مطلوب منك تعرفيه ان ده لحمايتك انتي مش اكثر
عم الصمت لفترة من الزمن
و أخيرا تجرأت و سألت للمرة الثانية : اخبار المؤتمر ايه ؟
ياسين بإبتسامة واثقة: كله تمام ☺️
اميرة بخجل : ألا صحيح ...انا ما اعرفش عنك حاجة
ياسين بهدوء: انتي دلوقت إهتمي بصحتك و بس و أكيد هتعرفي كل حاجة في وقتها.
اطرقت بإحراج و كانت ستجيب حين رن هاتفه
نظراليها و قام مسرعا: كملي انتي اكلك ...راجع لك
خرج من الغرفة بعد أن آتاه أتصالا من نانسي
- سيدي اتصلت لأذكرك بأن لديك موعد مع وكلاء شركة هولنز بعد نصف ساعة إن لم تستطع الوصول سألغيه و احدد مع الجماعة موعدا آخر
-لا لم انس...سأكون في الموعد نانسي
اقفل الخط و عاد اليها
- انا مضطر امشي دلوقت محتاجة حاجة ؟؟
اميرة بخجل: لا ..
كان يهم بالخروج حين استوقفته ثانية : احم ..هو انت هترجع امتى ؟
شعر ياسين أن في جعبتها كلاما آخر فأجابها بتعجب: حوالي الساعة 4 كدة ليه عايزة حاجة ؟!
اميرة بتحفظ:احم ..بصراحة ...النهاردة بنت خالتي هتمتحن ثانوية عامة ..ف انا قلت لو تقدر ..يعني ...😔
ياسين : عايزة تكلميها ؟؟
اطرقت اميرة راسها بخجل: لو معندكش مانع طبعا ☺️
ياسين : ما اعتقدش انها فكرة كويسة دلوقت
اميرة بتساؤل : ليه طيب ؟؟
ياسين : كدة أسلم لك يا أميرة ..
- مش انت قلت انهم سحبوا الشكوى ؟؟ ..يبقى فين المشكلة لما اطمنها عليا و بالمرة أتطمن عليها و ادعمها في يوم زي ده ؟
- دلوقت مضطر امشي مش هأقدر اشرحلك بس أوعدك هتفهمي كل حاجة في الوقت المناسب
خرج و اقفل الباب من الخارج و تركها في دوامة افكار
- ايه الغموض اللي بيلف الجدع ده !! وقت مناسب ايه ولا يشرحلي ايه ؟؟ ده كله حتة اتصال !! اللي يسمعه يفكر اني مطلوبة من الانتر"بول !!! اما شاي غريب !!
غادر ياسين المنزل و ركب سيارته و هو يتذكر جملة خالد " الثعلب لقى الحمامة اللي بيدور عليها "
ادار محركه و إنطلق مسرعا و هو يفكر بمكالمته مع خالد حين كان في مونتريال
فلاش
ياسين : انت قلت انك قابلت بنت خالتها ؟ امتى و ازاي ؟؟ إحكيلي كل كلمة بالتفصيل
بعد ان حكى له خالد كل ما حدث بينهما في الميناء قال ياسين بتفكير : جدع يا خالد ...عملت معاها معروف من غير ما تطلب منها حاجة ...
خالد : تربيتك طبعا ... و الا هتعتبرني استغلالي و نذ"ل
- صح ...دي اول خطوة هتخليها تثق فيك بعد كدة
- بعد كدة ؟؟! هو فيه بعد كدة كمان ؟؟
ياسين : أكيد فيه يا خالد ...انت مش شايف إن الصدفة دي غريبة اوي؟؟
خالد : ايه الغريب فيها بالضبط ؟؟
- حكايتها بتشبه حكاية بنت خالتها ...يعني زي ما ربنا بعثني في طريق اميرة عشان انقذها ربنا برضو بعثك لسحر
- ايوة ازاي يعني
- البنت دي ف خطر يا خالد .. و محدش هيقدر ينقذها غيرك
- يا ساتر !! خطر ايه ده ؟؟
ياسين : انا اتحريت أكثر عن الگلب اللي اسمه دانيال ده
- ايوة؟؟؟
- الو'سخ ده عايش بمبدئين اثنين في الحياة ملهمش ثالث :
عمره ما اتخلى عن حاجة هو عاوزها
و عمره ما سامح حد غلط معاه ...الانتقام عنده مبدأ مقدس
- يعني قصدك إن أميرة لسة في خطر ؟؟
- مش بس أميرة .... و سحر كمان
الوا'طي أكيد لسة مجند كل عناصر الما'فيا بتوعه عشان يلاقوها مادام هو متأكد انها لسة في كندا و ما سافرتش على مصر و مش هيهداله بال الا لما يلاقيها و يحصل عليها
- هاااا ؟؟
ياسين : و بالنسبة لسحر فهو ممكن جدا يوصل لها و يعرف انها هي اللي ساعدتها عشان تهرب منه في الاوتيل و هي السبب في انها هربت لاوتاوا
- و هو هيعرف ازاي !؟!
- زي ما احنا عرفنا يا خالد ...ده ش"يطان و أكيد هيوصلها ...مسألة وقت بس و ده معناه أنه هيفضل مراقبها و مراقب خطها لحد ما يوصل لأميرة و في نفس الوقت ينفذ انتقامه
- طب و الحل ؟؟
- انت هتحميها من بعيد و مفيش مشكلة لو اتقابلتو مرة أو اثنين هتخليهم يبينوا كإنهم صدفة مش اكثر
- طب ايه نوع الخطر اللي ممكن تتعرض له عشان ابقى عامل حسابي
ياسين : بص يا خالد نشاط مجموعتهم متقسم لثلاث عصابات كل واحدة او"سخ من التانية و أغلب شغلهم مع الستات :الاولانية د'عارة و الثانية تجارة مخد"رات و آثار و الثالثة تجارة أع"ضاء
لما تكون البنت من دول حلوة و جسمها حلو بيخطفوها و ينقلوها على منطقة بعيدة عن منطقتها يشغلوها لصالحهم بعد ما يزرعوا فيها شريحة فيها روبوتات نانو
لو حاولت تهرب منهم هيفعلوا الروبوتات المجهرية دي عشان تدمر جسمها من الداخل ...و بكدة يخل"صوا منها قبل ما تلحق توصل لأهلها او تبلغ عنهم
خالد : يا نهار ألوان !!!
ياسين : و لما تكون البنت من دول مهاجرة و متعودة تسافر مع عيلتها من كندا لبلدها الاصلي بيشغلوها في التهر"يب لان البنت اللي مسافرة وسط عيلتها محدش هيشك فيها و بيستعملوا عادة الترغيب يعني بيغروهم بفلوس كثير اوي عشان يوافقوا
اما الناس اللي عندهم معاهم ثا'ر او تصفية حسابات و ان"تقام فهم زباين العصابة الثالثة
- طب و سحر ؟!
- أكيد مش هيشغلها في الاولانية و لا في الثانية ..
-يا نهار اسود!! هيق'تلها و ياخذ اعضائها ؟؟؟
- لو احنا سمحتا بكدة أكيد مش هيتأخر
- طب ايه المطلوب مني ؟؟؟
- هتسيب كرم يمشي الشغل بدالك في اوتاوا و انت هتبقى ملازمها زي خيالها من غير ما تحس بيك ولا تحسس حد لانها احتمال تكون متراقبة .... لحد ما نشوف اخرتها
عودة من الفلاش
شكلك مش ناوي تجيبها لبر يا دانيال الگلب
ضغط البنزين و اسرع اكثر ليصل الى شركته في الموعد
في مصر
- أيوة يا منير ايه الاخبار ...فيه جديد بخصوص ياسين ؟؟
- مفيش يا باشا
- اومال متصل ليه يا غ"بي ؟؟مش انا قلت ما تتصلش غير للضرورة ؟؟
- بس انا بأتصل زي ما حضرتك طلبت بالخط الآمن !!
- و لو ...المهم ... اتصلت ليه؟!
- ليليان يا باشا
- مالها هي كمان ؟؟
- يا باشا البنت دي مش سالكة و انت عارف ..انا شاكك انها بتلعب لعبة من ورانا
- لعبة ايه؟ هي ليليان عندها عقل اصلا عشان تعرف تلعب ورانا ولا قدامنا حتى !!
- ما دمت عارف انها غب'ية اومال مُصِرٌ عليها ليه ؟؟ ما تسيبني انا اخلص عليه بطريقتي بدل ما نفضل متحملينها كدة !! انا خايف تبوظ كل اللعبة يا باشا !!
- بالعكس بقى ..ليليان هي انسب حد للمهمة دي ...و هتفضلوا ماشيين على الخطة زي ما هي ...
منير : طب هي هتفضل تتقرب من ياسين و هو هيضطر يتجوزها عشان اغت'صبها,و بعد ما يتجوزوا بمدة هتخلص عليه بالس'م اللي هي فاكرة أنه محدش هيكتشفه و هيظهر في التشريح أنه جاتله سكتة قلبية مش اكثر .. طب و بعدين ؟؟
- هتتجوزو انت و هي زي ما اتفقتو سوا
- هنتجوز انا و هي بجد ؟! طب فكرك مش هتفكر تلعب بذيلها و ترفض تتجوزني ؟؟ ماهي الورثة هتبقى كلها ليها ؟ يعني ممكن تعيش بالفلوس دي ملكة و مش هتحتاج تتجوز أبدا خصوصا بقى لو حملت منه بجد ؟؟
- مين قال انها ممكن تحمل منه ؟؟
- و ما تحملش ليه ؟؟
- ما تشغلش بالك انت ...المهم تستمر في الخطة عادي
و زي ما فهمتك اوعة تتصل الا لو فيه حاجة تخص ياسين
قفل الخط و هو يهمس: مش ناقصني غير حكايات الغ"بية ليليان اشغل بالي بيها انا !!
جاءت من الخلف و عانقته بحب : بس انا عندي فضول اوي اعرف حكايتها
-:سما انتي لسة ما نمتيش؟
- مش جابلي نوم و عاوزة اعرف ...انت قصدك ايه بانها فاكرة ان الس"م مش هيظهر في التحليل
- قصدي واضح ...اي حد بيمو"ت هناك يتعمل له تشريح و يطلع له تقرير وفا"ة عشان يعرفوا ما"ت مو"تة طبيعية او ات"قتل
- ايوة !!
- اول ما يطلع التحليل هيظهر أنه كان بياخذ س"م على فترات منتظمة و هو سبب وفا"ته ...و الس"م ده قات'ل كمان للنطف يعني مستحيل تحمل..بقى مين اول واحد هتروج اصابع الاتهام عليه ؟؟
تهلل وجه سما بإبتسامة شر : مراته ...لانها الوحيدة المستفيدة من مو'ته ...
اكمل هو بمكر : خصوصا لو حملت من منير و تشريح الجثة اثبت أنه الس"م اتسبب بالعقم للمرحوم و تحليل ال DNA للجنين اثبت خيانتها ... كدة حبل المش"نقة هيلتف حوالين رقبتها أكيد .
سما بتفكير: طب مش يمكن لما تلاقي نفسها لابسة الجر"يمة لوحدها تعترف بكل حاجة ؟؟
- ليليان ما تعرفش حاجة عني كل علاقتها كانت مع منير بس
- طب افرض اتعرفت علاقتها بمنير و اتقبض عليه ؟ مش ساعتها هو هيجيب اسمك و نروح احنا كمان معاهم ؟
- ده لما يكون منير عايش بالأول 🙄😁 🙂
بارت 22 🔥
في مصر
- ارجوك قول لي إن عندك حاجة مهمة
- ايوة يا باشا ... فيه حاجات غريبة بتحصل في القصر قلت لازم تعرفها يمكن تهم حضرتك
- حاجات ايه دي ؟؟
- ياسين بيه جايب حراسة زيادة برة القصر ده غير أنه مانع اي حد يفكر يقرب من الباب حتى و دي مش من عوايده
- ازاي يعني ؟؟
- يعني عادة مش بيقفل غير باب المكتب و باب الجناح اللي بينام فيه و الباقي كله سايبه مفتوح عشان تدخل الخدامة روبيرتا كل يوم الصبح تنظف القصر و كمان لو في حال سمع اي حد من الحراس حركة جوة يدخل يتطمن
لكن من فترة كدة منع اي حد يدخل مهما كان السبب لا الخدامة و لا حتى بيتر مسؤول الأمن بتاعه،ده غير إنه مزود الحراسة على غير العادة ...بتحس أنه مكلفهم يحرسوا حاجة غالية اوي ..بس محدش يعرف هي ايه ..و كمان ....
- كمان ايه ؟؟
- كانت عنده وحدة اسمها جاين الظاهر كدة انها ممرضة قعدت في القصر اسبوع محدش عارف ليه و بعدين اختفت فجأة !
- انت بتقول ايه ؟؟! جات وحدة عنده و قعدت اسبوع و اختفت و لسة فاكر دلوقت تبلغني يا حماااار انت !!! اومال انا بأدفعلك عشان ايه ؟؟ 😡😡😡😤
المجهول بخوف : يا باشا انا و الله ما كنت أعرف !! انا لسة امبارح بالليل بس لعرفت الموضوع بالصدفة لما سحبت الكلام من لسان بيتر سحب بعد ما خليته ثقل في الشرب زي ما وصيتني !!! صدقني يا باشا انا اي حاجة نحصل ابلغك بيها ف وقتها
- طب ما تقدرش تجيبلي قرار جاين دي !!
المجهول بخوف : حاضر يا باشا هأسألك و اول ما أوصل لأخبار هأبلغك .
اقفل الخط وهو يجز على اسنانه : يا ترى مخبي ايه و بتخطط لإيه يا ياسين ؟؟ لو مكنتش أعرف إنك مش بتاع حرام كنت قلت جايبها لمزاجك و عديتها ...بس الموضوع أكيد فيه إن 🤔
أتصل بمنير بسرعة : الو ...منير اسمعني هقولك ايه و تبلغه لليليان بالحرف .
في منزل خالة أميرة
- يا نهار ابيض !! انتي لسة ما صحيتيش انا فاكراكي فقتي من زمان !!
فتحت سحر عينيها بتوتر ثم اعتدلت حين سمعت صوت والدتها الخائف
سحر: ليه هي الساعة كام؟؟
- الساعة قربت على ثمانية... ادي اللي انا كنت خايفة منه !! مش هتلحقي مواصلات و لا غيرها !!
قامت سحر بفزع : يا خبر !!! هو التلفون ما رنش ليه انا عاملة منبه من الساعة سبعة
فاتن بتذمر: نايمة وش الفجر أكيد مش هتقدري تصحي !!! يالا بسرعة انا هأحضرلك فطار على ما تلبسي يمكن تلاقي تاكسي
سحر بخوف : لا فطار ايه !! انا هالبس بسرعة و امشي مفيش وقت !!
كان خالد جالسا في سيارته بعيدا عن الانظار في مكان يمكنه منه مراقبة الشارع الذي يقع فيه المنزل و هو يعبث بين الحين و الآخر هاتفه
كانت الأمطار تنهمر بغزارة و القليل فقط من المارة يركضون متفرقين هنا و هناك للذهاب إلى عملهم ..لكن لفت انتباهه شابا غريب الاطوار يقف من بعيد تحت المطر يترقب كأنه ينتظر احدهم ...
لم يعره خالد اهتماما في البداية لكن سرعان ما رأى الشخص ينظر بإتجاه واحد و هو اتجاه منزل سحر ثم امسك هاتفه و اجرى أتصالا و إنطلق بإتجاه المنزل.
نظر خالد الى حيث كان ينظر فرأى سحر التي خرجت مسرعة و هي تنظر يمينا و يسارا بحثا عن سيارة أجرة
لم تجد أي سيارة فهرولت في طريقها بإتجاه الميترو
كان الرجل يتبعها و هو يتخلف عنها ببضع امتار فشعر خالد بأن هناك خطب ما !!
ادار مفتاح السيارة و انطلق خلفهما مسرعا و هو يتذكر مكالمته مع إدوارد
فلاش :
إدوارد : مثلما توقع ياسين ... تحريات دانيال أوصلته في الاخير إلى سحر و علم فعلا انها هي من انقذ أميرة يومها
خالد بخوف : ترى هل علم أيضا بأن ياسين هو من أخذها ؟؟
إدوارد : لا أعتقد ...لا يوجد أي دليل يشير الى ياسين لذا فمن المستبعد أن يصل إليه او الى أميرة
خالد : اي أنه فقد أثرها في المستشفى...هذا جيد حسنا و الآن ماذا ادوارد ؟؟
إدوارد :سنخبر ياسين فورا ...من المؤكد أن دانيال سيحاول الوصول إليها و إيذائها .
عودة من الفلاش
خالد : اللي كنت عامل حسابه حصل يا ياسين ..الوا'طي باعث ناس تراقبها !! يبقى ناوي يخطفها فعلا !!
كاد خالد إن يصل حين رأى سيارة مشبوهة مقبلة في الإتجاه المعاكس لهم
استنتج فورا أن الرجل ينوي دفعها الى السيارة القادمة فتصرف بسرعة بديهة و قبل أن تصل اليهما السيارة اوقف هو سيارته و خرج منها متصنعا ملامح الدهشة
- آنسة سحر !! ايه الصدفة الغريية دي ؟؟
توقفت للحظة و هي مستغربة بنفس القدر : استاذ خالد ؟؟
انت بتعمل ايه هنا ؟؟
لم يشأ الشاب أن يلفت الإنتباه فأكمل طريقه و هو ينظر بتذمر الى سائق السيارة القادمة و خصوصا و ان هناك سيدتان ظهرتا تقطعان الطريق في نفس اللحظة التي توقف فيها خالد
اكمل خالد بإستفهام : انا كنت هأسألك نفس السؤال !! ده الشارع اللي بأعدي منه كل يوم في العادة لشغلي و انتي ؟؟
سحر بخجل : انا ساكنة في الشارع ده !!
خالد بإبتسامة : صدفة جميلة و الله ...امم شكلك مستعجلة !!
سحر بتوتر : ايوة ...انا عندي امتحان النهاردة 😔
خالد و هو ينظر الى هيئتها: بس انتي اتبليتي بالكامل !! خليني اوصلك المدرسة
سحر بتحفظ : لا شكرا انا رايحة المترو و لو ما لقيتش ممكن أشوف تاكسي
خالد : تاكسي ايه بس في الجو ده !! شكلك متأخرة أصلا ...يالا يالا مش عايز نقاش
ركبت سحر بإستسلام و انطلق مسرعا
سحر بتردد : و الله مكانش لزوم اغلبك انا كان ممكن الاقي اي تاكسي في الطريق يعني ! 😥
خالد بلطف : مش هيوصلك في الوقت المناسب .. ها قوليلي مدرستك فين و ان شاء الله هنوصل في الوقت المناسب 🙂
مجهول - ماذا فعلت ؟
-لا شيء سيدي
دانيال بغضب - كيف لا شيء يا أحمق ؟؟
- كنا على وشك جلبها لكن أحدهم توقف في آخر لحظة و أفسد لعبتنا
- احدهم ؟؟
- احد معارفها ...عربي أيضا توقف ليقلها بسيارته و لم نستطع فعل شيء كي لا نلفت الانظار
- حسنا ..إستمر بالمراقبة ستجد حتما فرصة اخرى
اقفل الخط و هو يهمس بتفكير : انت الوحيدة التي تستطيع ان تدلني على مكان أميرتي...مؤكد انك تعرفين شيئا ..لم يكن عليك أن تدخلي اللعبة من البداية أيتها الصغيرة ...قد رأيت ما حدث مع الغب'ية اختك .
في شقة ليليان
رن هاتفها فإستيقظت بتوتر و امسكته لتجد إتصالا من منير
وضعته بتذمر و لم تجب ثم نظرت حولها فلم تجد أحدا
تنفست براحة : بيتصل ليه ده !! الواحد صاحي رايق الا ما تجي حاجة تعكر مزاجه عالصبح !!
كانت تهم بإلتقاط قميص نومها الملقى على الارض
حين وصلتها رسالة نصية
- أعتقد انك صاحية انا اتصلت ابلغك اني هاكون عندك في البيت بعد نص ساعة و هاستناكي هناك يا ريت تعملي حسابك لإن في موضوع مهم لازم نتكلم عنه ما ينفعش في التلفون .
فزعت و نهضت مسرعة من سريرها لدرجة أن رجلها علقت بملاءة السرير و وقعت
- يا نهار اسود!! ده جاي هنا ؟؟ اعمل ايه دلوقت ؟؟؟
لفت الملاءة على نفسها بسرعة و دخلت لتأخذ حماما سريعا ثم خرجت تنظف كل مكان لتخفي آثار سهرة الامس من مشروب و لفافات تبغ و فوضى في غرفة النوم و الصالة و المطبخ
خالد : اتفضلي يا ستي احنا وصلنا ☺️
سحر بإمتنان : استاذ خالد انا مش عارفة اشكرك ازاي لولاك مكنتش وصلت في الوقت أبدا
خالد بمزاح : عشان تعرفي بس اني سواق شاطر و حافظ شوارع المنطقة و زقاقاتها كلها و لو روحتي بتاكسي مكانش وصلك في الوقت القياسي ده ☺️.
خرجت سحر من السيارة : طب عن اذنك يا استاذ خالد و ميرسي مرة تانية ☺️
خالد : يا دي استاذ اللي علقت معاكي !
اخرج من جيبه ورقة : بصي ده الكارت بتاعي ..عليه رقمي لو إحتجتي لأي حاجة اوعي تترددي ..
امسكته بتردد و لاحظ ذلك في عينيها فأكمل
- اعتبريني اخوكي الكبير يا سحر و اوعي تخافي مني ...لو وقعتي ف أي مشكل اتصلي بيا ف أي وقت ...انا في الخدمة دايما
اومأت بالإيجاب و غادرت مسرعة نحو الداخل و هي تفكر في هذا الشاب الغريب !! كلامه و كل شيء فيه يوحي بالأمان لدرجة أنها وافقت ان تركب معه بدون تفكير !
نجحت ليليان في ترتيب الشقة و ارتدت فستانا سماويا و وضعت لمسات سريعة من الميك آب ثم صففت شعرها و لبست كعبها العالي و دخلت المطبخ لتمسك عصيرا و تخرج به الى الصالة
جلست تشرب و هي تتنهد بأنفاس متسارعة و تنظر الى الساعة : اوووف. ... خلصت في الوقت المناسب
في تلك اللحظة دخل منير بالمفتاح الذي معه
فوجدها تشرب بإرتياح
- صباح الخير
- صباح النور حبيبي 🥰
اقترب منها و طبع قبلة على خدها ثم جلس ينظر الى هيئنها
- هو انتي لسة ما فطرتيش؟
ليليان بتصنع الزعل: افطر ازاي و انت سربعتني برسالتك ... انا اول ما شفتها قلت أكيد مسألة حياة او موت قمت لبست و جيت لك على طول....بعدين تعال هنا !! مش احنا اتفقنا لما اكون مع ياسين ما تتصلش و لا تبعث رسائل !! افرض شافها؟
منير : ما يشوفها فين المشكلة !! مش انتي مسجلاني عالفون ميمي؟؟ و بعدين انا ما قلتش حاجة تثير الشك
ليليان : طيب طيب ايه الموضوع المهم بقى !!
- هو فيه موضوع أهم من ياسين ؟؟ طمنيني الأول حصل ايه ما بينكم ؟
ليليان بخبث: كل خير يا حبيبي 🥰
تنهدت بعمق و قالت بتوهان: كانت سهرة العمر بجد 😍
انتبهت على كلامها حين وجدته يجز على اسنانه بغيظ
تداركت الموقف و اكملت : بس طبعا مش زي سهراتنا انا و انت !! مستحيل اي حد يوصل لليفل اداءك انت يا قلبي 🥰
همس منير في سره : اااه منك يا حية..فاكرة نفسك اذكى مني يا گلبة! بتكذبي عليا و انتي بتبصي في عيوني من غير ما يرف لك رمش ! اومال لو مكنتش قصاد شقتك من ساعتين و شايف الگلب اللي كان نازل من عندك ! طيب يا ليليان ...اول ما تخلص مهمتك أوعدك اني هأخلص عليكي بإيديا الإثنين لا هأستنى فيكي حكم إعد'ام و لا مؤبد ولا غيره
ليليان : سرحت ف ايه يا حبيبي ؟؟
- هااا ...لا يا روحي ولا حاجة .....المهم دلوقت اسمعيني كويس انا هقولك ايه
انتهى اجتماع ياسين مع وكلاء شركة هولنز و ما أن غادروا حتى دخلت نانسي مسرعة :
- ما الامر نانسي وجهك لا يبشر بالخير
- سيدي حين كنت في الإجتماع وردك اتصال من مخازن الفرع الشمالي، يقولون أن الموضوع مهم
- ما الامر المهم نانسي
- حدثت مشكلة بين مسؤول المخازن هناك و السائق الذي أحضر حمولة الخشب القادمة من مصنع غلوبانيكس
- ما المشكلة بالضبط ؟
نانسي : مسؤول المخازن يرفض انزالها و إستلامها يقول انها لا تستوفي معايير الصناعة المتفق عليها من حيث القوة والمتانة و السائق يقول لا علاقة لي بذلك انا مجرد سائق فقط و مطالب بتنزيل الشحنة و اخذ التوقيع بإستلامها
ياسين بهدوء و هو يمسك بهاتفه : حسنا اتصلي بجوش كي يحل المشكل و انا سأتصل بمدير شركة غلوبانيكس لأعرف أصل الصفقة
نانسي بمقاطعة : لكن يا سيدي هذا ليس كل شيء !!
قطع اتصاله و نظر إليها بتعجب بينما اكملت بتوتر:
حدثت مشادات كلامية تحولت الى شجار ، تدخل موظفو الأمن خاصتنا هناك لكن الامر تطور حين ...
تغير وجه نانسي و اطرقت لحظة
- حين ماذا نانسي ؟؟ قولي ما عندك دفعة واحدة !
نانسي : لقد اهتاج السائق و غافل أحد اعوان الأمن خاصتنا ،اخذ مسدسه و اطلق النار على مسؤول المخازن و إستطاع بطريقة ما الهرب منهم ...اتصلت بجوش لكنه يقول أن الوضع هناك متأزم و الأجواء مبعثرة سيدي و يتطلب الأمر وجودك شخصيا .
نظر الى ساعته و جز على اسنانه ..
- حسنا الغي كل مواعيدي اليوم
اخذ مفاتيح سيارته و هاتفه و انطلق مسرعا
مجهول : تمت العملية يا باشا
- هااايل ... دلوقت نفذ اللي اتفقنا عليه
اقفل الخط و هو يبتسم بشر : مفاجأة مش كدة !؟؟ ده مجرد سندويتش يا ياسين خذ إلتهي فيه لحد ما توصل الوجبة الرئيسية ...على الله بس تعجبك 😁
بارت 23 🔥🔥🔥
في الطريق إلى المخازن الشمالية
أتصل ياسين ليتبين الموضوع من مدير الشركة
ريتشارد: ما الذي تقوله سيد ياسين ؟؟ لماذا عسانا نغير نوع البضاعة ؟؟ بالتأكيد ارسلنا لكم نفس البضاعة المعتادة !!
ياسين بحدة : لكن هذا ليس ما وردني سيد ريتشارد ... حسب أمين المخزن فإن نوع الخشب لا يطابق معايير الصناعة التي اتفقنا عليها و فوق هذا فإن سائقك تسبب في مشكلة كبيرة جدا !!
- اي مشكل هذا ؟؟
- أصيب سائقك بالهياج و سحب سلاحا على أمين المخازن اصابه بطلق ناري و فر هاربا
- لا اعرف عما تتحدث سيد ياسين ! لكن السائق الذي نتحدث عنه هنا هو سيد ودود و مسالم جدا لا اعتقدك تعنيه أبدا !!
ياسين : لا أدري عليك أن تتحرى الامر من جهتك و سنبقى على تواصل ...
- لا تقلق ...سأستطلع الأمر شخصيا
ياسين بحدة : في أسرع وقت سيد ريتشارد
و أقفل الخط و هو يتمتم بغيظ : ليه حاسس إن الموضوع ده وراه لعبة ؟
بعد مدة من الزمن وصل ياسين الى المخازن الشمالية
- ماذا يحدث هنا يا جوش؟
جوش: سيد ياسين لقد وصلت في الوقت المناسب ..
ياسين : كيف حال آرثر ؟؟
جوش : لقد أخذت سيارة الإسعاف السيد آرثر الى المستشفى منذ أكثر من نصف ساعة من الآن و لم يصلني منه اي خبر للآن
- من أرسلت معه ؟؟
- أرسلت سامي مع سيارة الإسعاف و بقيت انا لفض المشكل القائم هنا ريثما تصل
ياسين : حسنا اخبرني ما الامر ؟
- العمال يا سيدي ..انهم يرفضون العمل بسبب ما حدث مع آرثر
ياسين بتفكير : حسنا .. سنحل الامر
أتصل ياسين مسرعا : ايوة يا سامي طمني ايه الاخبار ؟
سامي : ياسين بيه ! آرثر في العمليات دلوقت و الدكتور بيقول إنه هيطلع منها بخير ما تقلقش
في تلك اللحظة وجد أتصالا من ريتشارد فقال ياسين : طب يا سامي أنا معاي اتصال تاني هأقفل و أول ما يطلع من العمليات تتصل بيا فورا مستني منك خبر ماشي ؟؟
سامي : حاضر يا بيه
فتح الخط و قال بجدية : ما الاخبار سيد ريتشارد !
- سيد ياسين لا أدري ماذا اقول!!
ياسين : ماذا وجدت ؟؟
- أنت تعرف أننا ننقل بضائع بقيمة ملايين و لا يمكن أن نثق في السائقين مهما كان اخلاصهم لنا لذا فمن باب الإحتياط و الأمان نحن نضع نظام تتبع في جوالاتهم و كذا شاحناتهم و بضائعهم بدون أن يعلم أحد
و قد تتبعنا شريحة السائق المرسل إليك و جهاز التعقب الموجود في البضاعة ... و قد كان معك حق ... البضاعة التي كان يفترض أن تصل إليك تبدلت في الطريق ....و السائق الذي كان يفترض أن يحضر البضاعة وجد في أحد المستودعات القديمة البعيدة عن هنا مربطا بالسلاسل و مخدرا و بجانبه البضاعة الأصلية !!
ياسين بتفكير : اي ان السائق المزيف كان يقصد فعلها !! اي من فعل هذه اللعبة ليس سارقا ...لقد كان هدفه خلق الفوضى ليس اكثر !! شكرا سيد ريتشارد سأحل الامر من جهتي..و ساتصل بك لاحقا لحل أمر البضاعة .
اقفل الخط و نظر الى جوش بتمعن : تعال معي لنحل المشكل بسرعة ...حادثة آرثر و الاضراب ما هما إلا تمويه ...الذي خطط لكل هذا يمهد لشيء أكبر يا جوش !!
توجها الى ساحة كبيرة يتجمهر فيها عدد كبير من العمال بعضهم غاضب و الآخر متذمر و الاخر خائف و الكثير منهم يترقبون ..
همس جوش لياسين : بسبب ما حدث يهددون بالدخول في اضراب
همهمات متفرقة ما إن رأوا ياسين
- ها قد وصل المدير العام
- تكلموا....عليه ان يعلم الوضع المزر الذي تعيشونه!
- لن نعمل تحت وطء التهديدات ..!
- اجل لن نرضى بذلك !
- حياتنا في خطر... لا نقبل بهذا !
كان يمشي وسطهم و يسمع همهماتهم فهمس لجوش : ماذا حدث ؟ عمالنا في العادة لا يتصرفون بهذه الطريقة !
جوش: أعتقد أن هناك عناصر خفية بينهم تحاول اشعال فتيل فتنة لكني لم اعرف هوياتهم سيدي
همس ياسين بهدوء : دع الأمر لي.
وصل الى مكان أعلى حيث يراه الجميع و نظر إليهم بنظرات غامضة كانت كفيلة بلفت انتباههم و عم السكوت الوسط
اتصال هاتفي
- قد تم الامر تماما كما خططنا سيدي
- اخبرني ماذا حدث
- اطلق ماثيو النار على امين المخازن و هرب و حرض سامويل و اندرو العمال على التجمهر بعيدا عن المستودعات
- جيد جدااا ...حسنا و ماثيو ؟
- لا تقلق سيدي أنه يختبيء في مكان بعيد
- لقد ظهر في لقطات الكاميرا و من المؤكد أن الشرطة ستبحث عنه لذا فكما اخبرتك ...لن يخرج من مخبئه قبل انتهاء هذا الامر مفهوم ؟
- مفهوم سيدي
- ستصل المبالغ التي اتفقنا عليها الى حساباتكم بعد نصف ساعة بالضبط ... يمكنه الانتقال الى مكان آخر و بدء حياة جديدة
- مفهوم سيدي
اقفل الخط بشماتة : لسة يا ياسين ...هتجنن اكثر من كدة ...هتمشي تكلم نفسك ..هاخليك تشك في كل اللي حواليك
فاكر نفسك ناصح و محدش يقدر يتفوق عليك مش كدة ! بس انا اللي هأكسرك شوية شوية لحد ما اخذ منك كل حاجة
في المخازن
يقف ياسين أمام الجميع بإبتسامة هادئة و قد عم السكوت و بقي الكل يترقب ماذا سيقول لهم يا ترى !
ياسين : منذ أن توليت إدارة الأعمال في مكان المرحوم أبي و انا اعتبركم جميعا عائلتي ..كل موظف هنا إبتداءا من اكبر مسؤول و وصولا لأصغر عامل هو فرد من عائلتي ...ما يفرحكم يفرحني و ما يحزنكم بالتأكيد يحزن قلبي ..و ما حدث اليوم للسيد آرثر آلمنا جميعا بالتأكيد
لكننا في مكان عمل و مثل هذه الحوادث بالتأكيد أمر وارد
و تعلمون أنكم مؤمنون بالكامل من شتى انواع الحوادث و اني لن أتخلى عن أي أحد منكم ولا عن عائلته !
- لكن هذه أول مرة يهدد احدنا في العمل ..ما حدث للسيد آرثر يمكن أن يحدث لأي منا في المستقبل
نطقها احدهم بخوف و حنق
- ستكون الاخيرة بإذن الله هذا وعد مني
أعلم انكم خائفون على السيد آرثر و تتسائلون بخصوص وضعه الصحي ..لا تقلقوا ... الطبيب يقول أنه سينجو فالرصاصة بعيدة عن اي اعضاء حيوية ... لكن هذا ليس موضوعنا الآن ..
تهللت وجوه الجميع لسماع الخبر و نظروا مجددا الى ياسين الذي أكمل بجدية
إن توقيف خط الإنتاج بسبب حادث يعني تأخر عن تسليم طلبيات مهمة ...نحن مرتبطون بعقود تلزمنا بإحترام مواعيد التسليم و اي تأخير يكلفنا آلاف الدولارات
نطق عامل آخر بحدة: لكن حياتنا اهم !! نحن في خطر كيف نستطيع العمل في كل هذه الظروف ؟؟؟
ياسين بهدوء: لا ليس صحيحا ....ما يحدث هو اننا داخل لعبة حق'يرة لا ندري هوية مدبريها
كل الشركات التي نتعامل معها هي شركات محترمة و موظفوها نزهاء و ذوو اخلاق عالية ...ما حدث اليوم هو بسبب سائق مزيف كان هدفه منذ البداية إصابة إحدهم وخلق الفوضى ليس اكثر ...و حسبما ارى فقد نجح فعلا !!
كلكم هنا و لا أحد في المخازن و المصنع و كل منتجاتنا و موادنا الأولية بدون رقيب ..
نظروا الى بعضهم البعض بتوجس فلم يخطر لهم هذا قبل هذه اللحظة بينما اكمل هو بحدة
- توقفكم يعني توقف رواتبكم انتم.... مصدر رزقكم ما سيتوقف الآلاف من العائلات معيشتها ستتوقف حين يتوقف خط الإنتاج هذا !
و انتم تعلمون اني املك عشرات الفروع و كلها يعمل بشكل عادي ..هل يمكنني أن اتأثر بشكل شخصي من توقف خط انتاجكم هذا ؟! الإجابة هي لا بالتأكيد
نظر الجميع إلى بعضهم بلوم و إحراج و اكمل هو بحدة أكبر
ألا تعتقدون أنه يمكنني فورا حين سمعت بكلمة إضراب أن اطردكم جميعا و استبدلكم بالناس آخرين اكثر كفاءة ؟؟ لكن لا ... انا لم افعلها و لن افعلها فكما قلت لكم
انا اعتبرتكم عائلتي و أفراد العائلة لا يتخلون عن بعضهم مهما حدث ..و بالعكس فإنهم يتآزرون و يصبحون يدا واحدة عند المشاكل لا العكس
لهذا السبب فحالما سمعت بالخبر جئت فورا من تورنتو كي اطمئن على آرثر و اطمئنكم بأني سأحل هذا الامر و اعرف من وراء هذه المكيدة الحق'يرة...ألا تثقون في عدالتي و حسن بصيرتي؟؟
نظر الجميع إلى بعضهم بإحراج و ندم
- معك حق سيد ياسين نحن آسفون
- نعتذر سيد ياسين
ياسين : لا عليكم و ارجو منكم العودة الى مواقعكم في اسرع وقت قبل أن يحدث شيء غير متوقع
في تلك اللحظة بالذات و قبل أن يكمل جملته و يتفرق الجمع الى عملهم جاء احدهم ركضا بإتجاههم
- سيدي. ... سيدي ...حريق مهول شب في المستودع رقم 14
سقطت هذه الجملة كالصاعقة على رؤوسهم و دب الرعب في نفوس الجميع
ياسين الى جوش : أتصل بالإطفاء فورا !!
نظر إليهم بنظرات غامضة : قد عرفتم الآن اصل الموضوع أليس كذلك ؟؟ احدهم يخلق فوضى و يهرب و الاخر يثير الفتنة و يحرض على الاضراب و !!! هاهي النتيجة !!! الثالث يشعل النار في معدات بقيمة مليوني دولار !!! 😤
لكني اقسم لكم سأجدهم جميعا و ليعلم الجميع أن حسابي شديد بقدر رحمتي و محبتي ...هيا الآن سنكون كتلة واحدة و سنحاول انقاذ مجمعنا ...هياااااااااا !!!
هب الجميع بدون استثناء نحو الحريق فصاح ياسين
- لااااااا سيذهب جميع الحراس الى اماكنهم لا نريد مشكلة اخرى
اما الباقي فهيا سنتوجه الى مكان الحادث لإنقاذ ما نستطيع
من حسن حظ ياسين وصول المطافيء في وقت قصير جدا إضافة الى تظافر جهود الجميع تم منع النار من الانتشار الى المستودعات المجاورة و انقاذ ما امكن انقاذه ..
تواصلت عملية الإطفاء لما يتعدى الثلاث ساعات و انهك الجميع و بدا عليهم الإعياء و التعب و أصيب بعضهم بحروق و تم اسعافهم
وقف ياسين المتعب ينظر من بعيد الى الوضع بحنق
- مين اللي مش عاوزني مرتاح في حياتي للدرجة دي؟؟؟ وفي سبيل أنه يأذيني مستعد يعمل اي حاجة حتى لو فيها أذية ناس تانية كثير و قطع رزقهم !!! ميييييين !!!! 😡😤
كان ياسين منذ البداية يشك في وجود دخلاء لذا فقد كان منذ بدء خطابه ينظر الى وجوه العمال واحدا واحدا و يستطلع تعابيرهم فهو بارع في قراءة تعابير الوجه...و توصل الى شخصين غير مريحين نظراتهم كانت تدل على الريبة و لا توحي بالأمان
بعد ساعات جلس الجميع هنا و هناك البعض متحسر و البعض خائف و الآخر نادم ....فبسبيهم حدث ما حدث
نظر الى جوش الى اثنين واقفين من بعيد مع بعضهما يتهامسان و قال
- جوش اريد ملف هذين الإثنين و ستكلف من يراقبهما بدون أن تثير أي شبهات كما اريد قائمة العمال جميعا و تاريخ توظيفهم معنا
جوش بتعجب : جميعهم سيدي ؟!
- أجل جوش ..نفذ
في تلك الأثناء تلقى أتصالا هاتفيا
- ايوة يا سامي ؟! و الله !! طب الحمد لله ...أخيرا خبر كويس ...لا ما تشغلش بالك انت خليك معاه لحد ما اجيلك
اقفل الخط و إنطلق مسرعا بسيارته الى المستشفى
وصلت ليليان الى قصر ياسين بسيارتها و خرجت تتمايل في مشيتها كالعادة
بقي الحراس ينظرون الى بعضهم البعض و لم يتجرأ احد أن يكلمها فالجميع يعرف انها خطيبة السيد
وصلت الى باب القصر فأوقفها بيتر
- إلى أين آنسة ليليان؟؟
ليليان بتكبر : أتيت لرؤية خطيبي
بيتر بجدية : السيد غير موجود
- لا بأس سأنتظره في الداخل اذن 🙄
قالتها و هي تحاول أن تتخطاه متوجهة نحو الباب فأوقفها
ثانية : آسف آنسة ...ممنوع دخول اي احد بدون إذن السيد
ليليان بعصبية: و هل تراني أحد ؟؟؟ انا خطيبة السيد و سأصبح زوجته قريبا !!
بيتر بهدوء و هو يقف كحائط بينها و بين الباب : و حتى ذلك الحين سينطبق عليك أمر السيد
- قلت لك ابتعد من طريقي ايها الاح'مق و إلا ستدفع ثمن عملتك هذه !! قالتها و هي تبعده بقوة و توجهت الى الباب تفتحه فوجدته مغلقا !!
ليليان بغضب : أين المفتاح ؟؟؟ هياااااا افتحه الآن و إلا !!!
قالتها و هي تمسك ببذلته و تهدده بعصبية ... لكن في لمح البصر أخرج بيتر سلاحه و أشهره في وجهها
انا اتلقى اوامري من السيد فقط ... لو كان قد ذكرك كإستثناء كنت تركتك تدخلين ...الآن يمكنك الإنصراف و إلا فسأضطر الى التصرف بطريقة لن تعجبك
ليليان بغضب جحيمي : إياك أن تنس هذا يا بيتر ...حين اتزوج من السيد سيكون أول شيء أفعله في هذا القصر هو طردك أيها الو"قح !!
تراجعت نحو السيارة و هي تكاد تجن من الغضب
انا ليليان ترفع السلاح في وشي يا وا'طي !! يا متشرد... يا قذ'ر!!
غادرت و هي تشتمه بكل انواع الشتائم المتوفرة
إتصل بيتر فور مغادرتها
- سيدي لقد أتت آنسة ليليان و كانت تريد الدخول بالقوة
- هل تركتها تدخل ؟؟
- اقفلت الباب فورا حين رأيت سيارتها تدخل من البوابة الخارجية و منعتها بالقوة ..لكني اظنها ستعود فقد كانت ملامحها توحي بأنها سترتكب جر"يمة
- حسنا فعلت يا بيتر ...و لا تقلق سأتصرف معها انا حين أعود .
اقفل ياسين و هو يقول : يا ترى فيه ايه المرة دي يا ليليان ؟؟ هي بلاويكي مش بتخلص أبدا ! لااااا بقى الموضوع طول اوي امتى بس ينتهي كل ده و اخلص منك و من دلعك المقر"ف !!
يتبع بقلمي آلاء إسماعيل البشري 🔥
الأميرة و المغترب
متابعيني حبايبي زي ما انتو شايفين اهو مفيش اي تأخير في النشر ...يعني لما الاقي الوقت مش بأتاخر عنكم أبدا
ف لما تلاقوني اتأخرت شوية استحملوني بيبقى غصب عني بجد و عموما حكايتنا قربت تخلص مش فاضل كثير و كل حاجة تبان و المستور ينكشف ...دعم ب كمنتات كثير عشان استمر 🥰❤️
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
