رواية دوار العمدة البارت الحادي عشر حتى البارت العشرون بقلم ميار بدر حصريه وجديده على مدونة النجم المتوهج للروايات والمعلومات

 رواية دوار العمدة البارت الحادي عشر حتى البارت العشرون بقلم ميار بدر حصريه وجديده على مدونة النجم المتوهج للروايات والمعلومات 

رواية دوار العمدة البارت الحادي عشر حتى البارت العشرون بقلم ميار بدر حصريه وجديده على مدونة النجم المتوهج للروايات والمعلومات 

البارت الحادي عشر 

بعد مرور أسبوع من الأحداث

في الصباح في منزل العمدة وتحديداً في المطبخ

الحاجة أمينه تدخل المطبخ

شوق وهدي واقفين في المطبخ وهنادي واقفه بعيد شوية

الحاجة أمينه لهنادي/ بتعملي ايه يا بنتي هنا

هدي/ واقفه معانا ياامه الحاجة

الحاجة امينه/ طب اطلعي صحي طارق علشان يلحق يفطر إحنا قربنا علي الضهر وهو هيسافر النهاردة قبل الدنيا متليل عليه في الطريق

هنادي /حاضر يا حاجة

تطلع هنادي شقتها

الحاجة أمينه / هي مالها حد مزعلها

شوق/ تلاقيها زعلانه علشان عريسها مسافر

هدي/ هو مينفعش ياامه ياخد اجازة الاسبوع دا كمان

الحاجة أمينه /معرفش يابنتي كل واحد ادرا بشغله

..........

هنادي تقرب من طارق وهو نايم

هنادي/ طارق اصحى علشان تفطر

طارق/ معلش يا حبيبتى سبيني نايم شوية

هنادي/ بس الحاجة قالتلي اصحكيك علشان السفر

طارق / سفر ايه

هنادي /انت مش هتسافر مصر النهاردة

طارق بفزع / يا نهار ابيض الساعة كام يا هنادي

هنادي/ الساعة اتناشر

طارق/ ياااه يدوب ألحق البس

هنادي بحزن / مستعجل قوي

طارق / معلش يا حبيبتي غصب عني انتي عارفة ظروف شغلي كده هي نرمين جهزت

هنادي /معرفش هي جايه معاك

طارق /ايوه جايه معايا ماانتي عارفة إنها قاعدة معايا هناك علشان الجامعة بتاعتها

هنادي بضيق /طيب

طارق /مالك يا هنادي في حاجة

هنادي/ بصراحة مفيش بيني وبين اختك عمار هي مش طايقاني من ساعة مدخلت بيتكو

طارق / هههه ايه ده احنا ابتدينا ولا ايه

هنادي/ لا مفيش حاجة بس اني في حالي وهي في حالها

طارق /بس انا مش عايزك تبقي كده عايز قلبك يبقي ابيض علي طول ومتشليش في قلبك من ناحية أي حد في البيت دول مهما كان أهلي بردو

هنادي /انت زعلت اني مش قصدي حاجة اني بس كنت بقولك إن هي ال

يقاطعها طارق/ نرمين اختي وانتي مرات ومعنديش إستعداد اخسر حد فيكو فهماني يا هنادي

هنادي/ حاضر يا طارق اللي تشوفه

يقرب طارق منها ويحتضنها / هتوحشيني يا قلبي الكام يوم دول هنادي /بس بقي احسن اعيط اني مش ناقصة

جرس الباب يرن

هنادي/ يلا علشان متتأخرش وهشوف انى مين علي الباب

يدخل طارق الحمام

تفتح هنادي الباب

نرمين / ايه هو طارق لسه نايم

هنادي/ لأ صحي ادخلي يا نرمين

تدخل نرمين / طب قوليلو اني قاعدة مستنياه يا هنادي

هنادي/ حاضر

نرمين/ استني عايزة اقولك حاجة

هنادي/ نعم يا نرمين

نرمين/ انا مسميش نرمين

هنادي/ اومال اسمك ايه

نرمين/ اسمي الأستاذة نرمين متعرفيش انى هتخرج السنادي من الجامعة وهبقي مدرسة في مدرسة البلد هنا يعنى مينفعش تناديني باسمي كده من غير ألقاب يا هنادي ماهو مش هتتساوي الشهادة الاعدادية زي الشهادة الجامعيه

هنادي كتمت غيظها وافتكرت كلام طارق ليها وكمان مش عايزة كل شوية تجيب سيرة نرمين معاه علشان ميكرهاش

هنادي/ حاضر يااستاذة نرمين بعد اذنك

يخرج طارق من الغرفة

طارق/ نرمين انتي لبستي

نرمين/ ايوه وحضرتك لسه ملبستش كالعادة

طارق/ خمس دقايق وأكون خلصت.

نرمين/ اوك انا هنزل أفطر وأبقى حصلني

طارق /تعالي معايا يا هنادي شوفيلي الشنطة

هنادي/ اني جهزتها من بالليل

طارق واقف قدام المرايا بيزرر القميص

وهنادي واقفه بعيد عنه ودموع نازله علي خدها

يجري عليها طارق بعد ميلمحها في المرايا

طارق/ ايه يا حبيبتي مالك بتعيطي ليه دلوقتي

تحتضنه هنادي وتنهار بالبكاء

طارق بتأثر / ليه بس كده يا هنادي هتقلقيني عليكي ليه

يمسح دموعها ويطبع قبله علي رأسها

طارق /مش هتبطلي شغل العيال الصغيرين بقي

هنادي/ متسبنيش يا طارق اني هخاف انام لوحدي هنا

طارق / ياحبيبتي دا بيتك هتخافي من ايه وبعدين انا يعني مش هغيب كتير كل خميس هتلاقيني هنا

هنادي / لا اني مش عايزة اقعد هنا لوحدي

طارق /ماهو لو مش مدرستك كنت اخدتك معايا

هنادي/ طب مينفعش تنقلي في مدرسة في مصر

طارق/ معرفش ينفع ولا لأ بس كمان الترم الاول قرب يخلص والتقديم بيكون اول السنه معلش استحملى يا حبيبتي

هنادي بتمسح دموعها / طيب بس اوعى تغيب في الاتصال عليه اتصل على طول الصبح وأول مترجع من الشغل وقبل متنام

طارق/ ههههههه حاضر تحبي كمان اتصل وانا في الفصل

هنادي ببتسامة/ لأ علشان تركز في شغلك

طارق /لا انتي كمان صدقني يلا بقي اغسلي وشك وتعالى علشان نفطر مع بعض عايزك تاكلي كويس وتخلي بالك من نفسك وانتي في المدرسة

هنادي/حاضر

طارق /طيب سيبي رقبتي بقي وانتي عامله زي العيال الصغيرة كده

هنادي/عارف يا طارق اني شايفك دلوقتي ابويا

طارق بمزح/طيب خليني أنزل بقي قبل متنرفز عليكي واضربك

هنادي/ هو انت ممكن تضربني ياطارق

طارق/ يعني ههههههه

هنادي/ بتتكلم بجد

طارق /لا طبعا بهزر معاكي

هنادي انا كده هتاخر يلا بقي

...............

بالأسفل

هنادي وطارق قاعدين علي السفرة

الحاجة امينه/'كل علي مهلك يا حبيبى مجاتش يعنى من النص ساعة دي

نرمين/ بسرعة يا طارق علشان لسه هعدي علي واحده صاحبتي في الطريق اخد منها المحاضرات اللي فاتتني الاسبوع اللي فات طارق/ خلاص. ..الحمد لله. .شبعت

هنادي/:كمل اكلمك

طارق يقف / عايزة مني حاجة ياامه

الحاجة امينه/ سلامتك يا حبيبي

استني يا نرمين خدي الأكل دا معاكي ابقي سخنيه واتعشي منه انتي واخوكي

نرمين/ حاضر

الحاجة امينه/ وأبقى اطبخي كل يوم بلاش أكل الشوارع ده اللي منعرفش بيعملوه ازاي

طارق/ متقلقيش ياامه أهي بتتقضي سلام ابقي سلميلي علي ابويا واخواتي لما يجو من بره

هنادي واقفة والدموع تتلألا في عينها

طارق بهمس / هتوحشيني ياحبيبتي خلي بالك من نفسك

تمد هنادي يدها تسلم عليه

طارق / خلي بالك من هنادي ياامه

هنادي بتمسح دموعها

الحاجة أمينه /متخافش عليها مراتك في عنيه

يقبل طارق يد والدته ويخرج من المنزل

تقف هنادي تشاورله لحد ميخرج بالعربية ويبعد

الحاجة امينه/ تعالي يا هنادي عايزة اقولك كلمتين

هنادي تدخل بحزن/ نعم يا حاجة

الحاجة امينه/ في الأول كده اني أمه الحاجة كل اللي في البيت بيقولولي كده حتي سلايفك ماعدا شوق يعني أوقات تقولي يامرات عمي

هنادي/ حاضر ياامه الحاجة

الحاجة أمينه ببتسامة / هقولك بقي علي نظام البيت هنا

الطبيخ بيتقسم علي الستات اللي في البيت يعني قبل متيجي كان الاسبوع بيتقسم بين شوق وهدي في المطبخ رسميه يتوقف معاهم في المطبخ بس احنا اكلنا بنعمله بايدنا

يعني هتبقى كل واحده فيكو يتقسم المطبخ عليها يومين أكل بس غسيل المواعين وتنضيف المطبخ والدور الأرضي رسميه بتعمله وكل واحده ليها شقتها هي اللي بتنضفها

واني بنضف شقتي على قد مقدر

ساكته ليه

هنادي/ اللي تشوفيه ياامه الحاجة

الحاجة امينه/ انتي عليكي المطبخ يوم الخميس والجمعه علشان جوزك ياكل من ايدك

هنادي/ حاضر

الحاجة امينه/ هدي هتقف معاكي في الأول لحد متتعلمي تعملي الأصناف اللي بنعملها

هنادي تهز راسها

الحاجة امينه/ انتي يابنتي مبتتكلميش خالص

هنادي/ اللي تطلبيه مني هنفذه ياامه الحاجة.

الحاجة امينه/ طيب اطلعي روقي شقتك تلاقيها متبهدله دلوقتي

هنادي/ حاضر بعد اذنك

وتطلع هنادي شقتها وأول متقفل الباب تنهار بالبكاء

..........................

في الصباح في منزل كامل

سعدية علي الفطار / مش عارفة ليه هنادي واحشني قوي يا كامل

كامل /ابقي روحيلها آخر النهار لما ترجع من المدرسة

سعدية بفرحه/ بتتكلم جد يا كامل

كامل/ ايوه روحيلها يس متتاخريش هناك

سعدية/ حاضر

هقوم أوكل الطير وانضف الدار واجهزلها غدا اخده معايا

كامل/ اني رايح الغيط عايزة حاجة

سعدية/ تسلم ياابو وائل متحرمش منك

............

في المدرسة

سماح /البت هنادي دي لءيمه مش عايزة تتكلم

هنادي/ هتكلم اقول ايه

صديقة/ تقوليلنا الجواز حلو ماهو لازم تتكلمي

هنادي / حلو

سماح/ ومالك بتقوليها كده من غير نفس ولا علشان حبيب القلب سافر يعني

هنادي/ هو الجواز حلو لو جوزك معاكي وأما بقي لوكان مسافر وانتي قاعدة في البيت لوحدك وزهقانه فرقت أيه بقي بيت جوزي من بيت ابويا

سماح / معاكي حق اني اللي هتجوزة مش هخليه يطلع من البيت

صديقة/ ابقي اربطيه في رجل السرير ههههههه


هنادي/ حصة الألعاب خلصت هتروحي معايا ياسماح

سماح/ لأ اني هنزل اشتري حاجات ليه بقولك لو قابلتي امي ابقي قوليلها سماح هتتاخر في الدرس

صديقة / درس ايه يابت هو انتي بتاخدي درس من ورانا

سماح/ ابقي قوليلها كده وخلاص يا هنادي

هنادي/ بتكدبي علي أمك ليه يا سماح انتي رايحه فين

سماح/ مالكو بتبصولي كده ليه تعالوا معايا لو عايزين

هنادي /لا يااختي كفايه اللي حصلي من ابويا المره اللي فاتت

.. ....

توصل هنادي البلد وتشتاق لمنزل والدها تجد نفسها أمام الباب

تطرق الباب بحنين

سعدية في المطبخ ت

طلع بسرعة

سعدية/ ايه ياكامل نسيت المفتاح ولا ايه

بفرحه عندما ترى هنادي/ هنادي يا ضنايا ازيك يا بنتي دا اني لسه كنت بجهز وجايالك

هنادي وهي تحتضن والدتها/ القلوب عند بعضها ياامه ازيك عامله ايه في حد هنا

سعدية/ الحمد لله ...يا ضنايا ادخلي مفيش حد هنا اني لوحدي. هنادي وهي بتدخل/ ليه ابويا فين

سعدية/ابوكي في الغيط

حماتك بتحبك اني كنت مجهزه الغدا وكنت جايه عندك علشان نتغدا سوا

هنادي /اني باكل مع الجماعة تحت

سعدية/ وماله يابنتي أهو بدل متاكلي لوحدك

قوليلي جوزك عامل ايه معاكي

هنادي بحزن/ كويس ياامه سافر امبارح

سعدية/ معلش يابنتي ماهو لازم يشوف أكل عيشه بردو هجيبلك الغدا. هنادي/ لأ اني همشي علشان مش اتأخر محدش في البيت يعرف اني هنا

سعدية/ قوام كده يابنتي

هنادي/ معلش ياامه انتي بقي ابقي اعمليها وتعالي اقعدي معايا شوية

سعدية/ هجيلك يابنتي بس استني خدي الأكل دا معاكي ابقي كليه بالليل لو جوعتي ولا حاجة واللي يفيض حطيه في التلاجه

هنادي / معلش ياامه مش هينفع

سعدية/ طيب يابنتي هبقي اجيلك خلي بالك من نفسك

هنادي/ حاضر ياامه مع السلامة

في الطريق بالقرب من منزل العمدة

توقف هنادي بعد مينادي عليها إيهاب ابن عمها

ايهاب/ ازيك ياهنادي عامله ايه

هنادي/ الحمد لله. ..بخير ازيك وازاي عمي ومرات عمي وفتحي عاملين ايه

إيهاب /كلهم بخير لو احتاجتي حد يوصلك المدرسة اني موجودة

هنادي/ اني متشكرة قوي يا إيهاب معلش لازم امشي

اتفضل بيتنا هناك اهوه

ايهاب/ مرة تانيه هبقي اجيلك اني وأمي

هنادي / تشرفوا وتنوروا سلملي عليها كتير

......

شوق واقفه في المطبخ

تنظر من الشباك وتنادي بصوت عالي / يا هدى بت ياهدي تعالي شوفي

تدخل هدي بسرعة / في ايه ياام محمود حصلك حاجة

شوق/ لا يااختي تعالي شوفي سليفتك واقفه مع مين

هدي/ مين. .هنادي؟ !

شوق/ هو في غيرها المحروسة مرات ابن عمي

هدي تنظر من الشباك

شوق/ ايه رأيك بقي شوفتي يااختي

هدي/ تلاقيه اخوها

شوق/ لأ اخوها عايش في مصر وبعدين لو اخوها مش يجيلها البيت ولا لازم يوقف بره

تدخل الحاجة امينه المطبخ/ بتعملي ايه انتي وهي ايه يا شوق لسه مخلصتيش الغدا

شوق/ خلصت يامرات عمي

الحاجة امينه / وسعوا كده وروني بتبصوا علي ايه

الحاجة امينه بدهشة/ مين ده؟ !

شوق/ اني عارفة أهي لما تيجي اساليها

.....

تدخل هنادي المنزل

شوق/ أهي جات اهه

هنادي/ السلام عليكم

الحاجة امينه /هنادي تعالي هنا

هنادي باضطراب/ نعم ياامه الحاجة

الحاجة امينه/ مين اللي كنتي واقفه معاه ده

هنادي/ دا ابن عمي

الحاجة امينه بانفعال/ يعني ايه ابن عمك وتوقفي معاه ليه

هنادي/ دا ابن عمي ومتربيين مع بعض

الحاجة امينه /مفيش حاجة اسمها ابن عمك اي راجل غير جوزك يبقي غريب عليكي وميصحش إنك توقفي وتتكلمي معاه

هنادي/ اني آسفة ياامه الحاجة

الحاجة امينه /مش تتكرر تاني اني المرادي هعيديها بس علشان لسه مش واخده علي عوايدنا هنا في البيت

وبعدين قوليلي انتي بتطلعي من المدرسة الساعة كام

هنادي/ الساعة اتنين

الحاجة امينه / والساعة معاكي كام دلوقتى

هنادي/'اربعه إلا ربع

الحاجة امينه /ايه اللي آخرك ده كله بتطلعي اتنين يعني لو المواصلات زحمه نقول بالكتير تكوني هنا تلاته

هدي/ تلاقي ياامه الحاجة مفيش مواصلات

الحاجة امينه /اسكتي انتي ياهدي اني بسالها هي

هنادي/ اني عديت علي امي كانت وحشاني سلمت عليها وجيت علي طول

الحاجة امينه/ كمان لأ بقي انتي لازم تعرفي إن البيت فيه رجاله يعني جوزك مش موجود عايزة تروحي مكان تستأذني من راجل البيت هنا

هدي/ معلش هي بس لسه متعرفش عوايدنا هنا زي مقولتي ياامه الحاجة وده مش هيتكرر تاني مش كده ياهنادي

هنادي تقرب تقبل يد الحاجة امينه/ اني آسفة مش هتتكرر تاني الحاجة امينه/ طيب اطلعي غيري هدومك علشان تتغدي

هنادي/ حاضر

وتطلع بسرعة

الحاجة امينه/ بالراحة وانتي ماشيه

هنادي /حاضر

شوق/ ايه ده يامرات عمي انتي لازم مش تسكتي علي كده عمى لازم يعرف

الحاجة امينه /خلاص يا شوق حصل خير وهي مش هتكررها تاني اني عارفة

نادي علي رسميه تجهز السفرة الرجاله زمانها جايه من بره

.................

في المساء في شقة طارق في القاهرة

طارق قاعد في غرفته بيقرأ كتاب ومستمتع فجأة يشم ريحة شياط يجري علي المطبخ

يوقف قدام البوتاجاز بضيق ويخرج

طارق بانفعال ينادي علي نرمين

نرمين تخرج من غرفتها وفي أيدها التليفون

نرمين / في ايه ياطارق بتزعق ليه

طارق/ طبعاً مشغولة بالتليفون كالعاده ابقي بقي شوفي هتتعشي ايه

نرمين بفزع/الاكل علي النار

تجري علي المطبخ

طارق واقف علي باب المطبخ / ابقي شوفيلك حاجة اتعشي بيها نرمين / معلش بقي ياطارق أنزل هات أكل من تحت

طارق بضيق/ لأ انا هنام خفيف

نرمين / طب وانا اتعشي ايه

طارق / تصدقي انك معندكيش دم اقولك هاتي رغيف عيش وغمسيه من الأكل اللي اتحرق جوه حضرتك تنزليني السوق بعد مارجعت من الشغل وكنت تعبان وفي الآخر تحرقي الأكل وليكي عين كمان تسألي هتاكلي ايه

نرمين / اعتبر انك مجبتش حاجة من السوق وأنزل جيبلي أكل

طارق / لأ عقابا ليكي انا داخل انام

................

هنادي واقفة في البلكونة

هنادي بضيق/ ايه ياطارق مش هتتصل ولا ايه معقولة تكون نمت

بالأسفل محسن يقرب علي المنزل واتنين شباب ماشيين قدامه

الشاب الأول يرفع رأسه / شوف مين اللي فوق مش دي العروسة الجديدة

الشاب الثاني/ آه هيه وهي دي شقة طارق بس الواد ذوقة ايه بيقولوا اللي متجوزها قمر

محسن ينظر للاعلي بضيق وبعد كده يدخل المنزل

الحاجة امينه/ ايه ياابني بتجري علي السلم كده ليه

محسن بانفعال/ طالع للهانم اللي فوق فاكره نفسها فين معندناش احنا الكلام ده

الحاجة امينه /اني مش فاهمه حاجة قولي تقصد مين

محسن/ مرات البيه اللي في مصر خلاص كانت في جرا وطلعت لبره

الحاجة امينه /هنادي يالهوي وانت عايز تطلع فوق واخوك مش موجود هي عملت ايه قولي

محسن/ واقفه في البلكونة للي رايح واللي جاي يتفرج عليها ومشغله نور البلكونة

الحاجة امينه /طيب اطلع لمراتك تقولها تقفل باب البلكونة وتنام واني ليه معاها كلام الصبح

محسن ينادي بصوت عالي / يا شوق انتي ياوليه

تنزل شوق جري/ في ايه يا محسن بتنادي كده ليه

الحاجة امينه/اطلعي يا بنتي عند سلفتك هنادي قوليلها تقفل باب البلكونة

شوق/ اني مش قادرة اطلع

محسن/ هتطلعي ولا اطلع اني

.......

في شقة طارق

هنادي خارجة من البلكونة جرس الباب يرن تفتح

هنادي/ أم محمود اتفضلي

شوق بضيق/ مرات عمي بتقولك كفاية واقفة في البلكونة الساعة احداشر اقفلي ونامي بقي

هنادي / حاضر

تعالي اتفضلي

شوق/ لأ اني نازله انام

التليفون يرن تجري هنادي

هنادي/ الو ايوه ياطارق انت نمت ولا ايه

طارق/ معقولة هنام قبل مكلمك

هنادي/ اومال اتاخرت ليه في الاتصال دا اني كنت هنام

طارق/ معقولة تنامي من غير متسمعي صوتي

هنادي /انت وحشتني قوى يا طارق

طارق/ اتعشيتي ولا لأ

هنادي /اتعشيت

طارق/ انا بقي هنام من غير عشا هههههه

هنادي /ليه يا حبيبي

طارق/ هعمل ايه نرمين حرقت الأكل

هنادي/ اعمل غيره

طارق / بصراحه مليش نفس

هنادي/ ليه يا حبيبي

طارق/ مليش نفس من وقت مخرجت من البيت اتعودت أكل معاكي الأكل ملوش طعم هنا

هنادي/ واني كمان زيك مليش نفس للأكل

طارق/ لأ يا حبيبتي لازم تاكلي علشان حامد الصغير يتغذي

هنادي/ مين حامد

طارق/ ههههه ابني

هنادي /انت مستعجل قوي مش لما أخلص مدرسة

طارق/ لا بقولك ايه دا انا ابويا وأمي موصييني املا البيت عيال

هنادي تتاءب

طارق / واضح انك عايزة تنامي

هنادي /لأ اني مش هنام دلوقتي

طارق/ لا يا حبيبتي نامي انتي بتصحي بدري

هنادي/ تصبح علي خير

طارق/ وانتي من أهل الخير يا حبيبتي غطي نفسك كويس الجو برد

هنادي/ حاضر

........................

في الصباح

هنادي لابسه وخارجه من المنزل

الحاجة امينه/ رايحه فين يا هنادي

هنادي/ رايحه المدرسة

الحاجة امينه /من غير فطار

هنادي/ أصلي اتاخرت علي المدرسة

الحاجة امينه / طب استني عايزة اتكلم معاكي

تدخل هنادي باضطراب/ في حاجة ياامه الحاجة

الحاجة امينه /فيه انك غلطتي امبارح كتير واني قولت معلش عادي حكاية وقوفك مع ابن عمك ومرضتش اعمل مشكلة وكمان تأخيرك ومرواحك لامك من غير متقولي لحد في البيت إنما كمان توقفي في البلكونه لنص الليل ده بقي اللي ميتسكتش عليه

هنادي/ كنت زهقانه ووقفت شوية ودخلت علي طول

محسن/ فضلتي واقفه للي رايح واللى جاي يعاكس ويقول كلام ملوش لازمة خليتي اللي يسوا واللي ميسواش يتكلم علي حريم بيت العمدة انتي عارفة يعني ايه

هنادي/ اني معملتش حاجة غلط اني واقفة في بيتي

محسن بانفعال / عال قوي بنت كامل بقت بتعرف تتكلم ايه نسيتوا اصلكوا

الحاجة امينه/ محسن اني بتكلم مع مرات اخوك متتدخلش

محسن/ ماهو يا حاجة لو سمعتي الكلام اللي تقال امبارح من شوية شباب صايع علشان الهانم واقفة وتلاقيها حابه كده

هنادي ببكاء / انت عمال تغلط فيه من الصبح واني ساكته

محسن/ لا يا بت متتكلمي الخدامين كمان طلعلهم صوت

يدخل العمدة بانفعال / محسن اتكتم مش عايز اسمعلك حس

محسن/ تعالي شوف ياابه الهانم مرات ابنك خلت الناس تتكلم علينا

العمدة/ هنادي اطلعي روحي مدرستك السواق بره هيوصلك ويجيبك

هنادي ببكاء/ اني مش رايحه في حته اني اتهانت وعايزة حقي

محسن / حق ايه يابت انتي احنا عارفين بتطلعي تروحي فين بإمارة تأخيرك امبارح

العمدة/لحد كده وكفاية يا محسن

تجري هنادي علي السلم

العمدة/ في ايه يا حاجة

الحاجة امينه لسه هتتكلم

العمدة يقاطعها / استني يا حاجة

غور انت دلوقتي علي الغيط تابع الانفار اللي بيشتغلوا ولما ترجع حسابي هيبقى معاك

تدخل شوق بمكر/ بصراحه بقي يا عمى اني امبارح اطلع لها علشان تقفل البلكونة وتنام زي مامرات عمي قالتلي فاتحتلي الباب ولاقتها يعني لابسه كده لبس مش مظبوط اني كست اتكتسفت معرفش كانت لابسه كده ازاي وواقفه في البلكونة

الحاجة امينه / اسكتي يا شوق بلاش تولعيها

محسن/ وتسكت ليه ياامه مش ده اللي حصل ولازم بقي جوزها ياخد خبر باللي الهانم بتعمله ماهو كله في وشنا

#دوارالعمدة 

البارت الثاني عشر. 

بقلمي: ميار بدر 

طلعت هنادي شقتها وهي منهارة من العياط مسكت تليفونها تتصل علي طارق

طارق جوه الفصل التليفون يرن ميعرفش يرد يقفله

هنادي وهي بتعيط / يعني اروح لمين دلوقتي حتي طارق بيقفل التليفون

.......

بالأسفل

الحاجة أمينه للعمدة/ هو ده كل اللي حصل امبارح واني قولت خلاص أهي اول وآخر مرة تعملها

شوق/ لا يامرات عمي لو متشدش عليها من الأول هتعملها تاني

العمدة/'لما الكبار يتكلموا الصغار يتكتموا

شوق/ بقي كده ياعمي طيب اني طالعه شقتي

الحاجة امينه/ ادخلي اعمليلنا شاي يا شوق وشوفي هدي نايمه لحد دلوقتي ليه خليها تنزل علشان تجهز الغدا

شوق/ حاضر يامرات عمي

العمدة/ بالراحة علي البت شوية ياحاجة

الحاجة امينه/ واني قولتلها حاجة اني بقولها تعملنا شاي

العمدة/ اني مش اقصد شوق اني بتكلم علي مرات طارق البت لسه صغيرة ومتعرفش حاجة واحده واحده عليها وهي هتتعود علي أطباعنا

الحاجة امينه / مااني قولت كده بردو وكنت بتكلم معاها بالراحة دخل محسن ومراته ولعوا فيها اكتر

العمدة / ماانتي عارفة محسن مكنش عايزة الجوازة دي تتم وميصدق يلاقي حاجة علشان يعمل مشكلة

الحاجة أمينه / أهم حاجة طارق ميعرفش حاجة علشان الموضوع مش يكبر

العمدة/ اني من ناحيتي هقفل علي الموضوع ده نهائي وطالما انتي كلمتيها وقالتلك مش هتعمل كده تاني يبقي خلاص

واني بقى ليه حساب مع محسن علشان مش عايز كل شوية مشاكل تيجي من ناحيته

الحاجة امينه/ عين العقل ياحاج

.....................

في القاهرة

وائل في التليفون / لأ لسه موصلتش المصنع

بثينه/ طب اول متوصل لو قابلت بابا خليه يفتح تليفونه عايزة اكلمه

وائل / طيب متنسيش بقي تكلميه في موضوعنا

بثينه /حاضر بس بقول بلاش دلوقتي يا حبيبي نستني شوية

وائل /وليه التأخير يا حبيبتي الفكرة اللي قولتهالك دي هتكبر المصنع وتزود الإنتاج

بثينه /طيب متكلم بابا واهو كمان تعرف تقوله علي تفاصيل المشروع انا مبفهمش حاجة في شغلكو

وائل / يا حبيبتي انتي ليكي دلال علي والدك وهتقدري تقنعيه

بثينه / بالعكس بقي انت اللي هتقدر تقنعه اكتر بالمشروع لأنك فاهم هتعمل ايه

وائل / خلاص يا بثينه براحتك

بثينه/ ايه يا حبيبي انت زعلت

وائل / لأ خلاص مفيش زعل ولا حاجة انا كان غرضي المصلحة وبس

بثينه /خلاص هكلم بابا متزعلش بقي

وائل بفرحه / مش زعلان يا حبيبتي متحرمش منك

يلمح كامليا واقفه على الطريق

بثينه/ تحب تاكل ايه على الغدا

وائل / ايه حاجة من ايدك بحبها

بس هقفل معاكي دلوقتي علشان اركز في الطريق

بثينه /'مع السلامة يا حبيبي

يقف طارق أمام كامليا وينزل من العربيه

وائل ببتسامة / صباح الخير يا بنت خالتي

كامليا في محاولة لتجاهل وائل / كويسه

وتتركه وتمشي

وائل / استني رايحه فين واضح إنك متأخرة ومش لاقيه تاكسى يوصلك هوصلك انا

كامليا /لا متشكرة

وائل / يبقي لسه زعلانه

كامليا/ هزعل من ايه

وائل /طب اسبتيلي انك مش زعلانه واركبي علشان أوصلك

كامليا/ لا متشكرة

وائل / عاجبك كده يعني الناس بتتفرج علينا والجو كمان بيمطر هتتبهدلي وانتي رايحه الجامعة

كامليا باستسلام / ماشي علشان بس الجو مش اكتر

وائل ببتسامة/ أوك حتي مش عايزة تقولي علشان خاطرك

بس مش مهم يكفي إنك مكسفتنيش

ركبت كامليا في الكرسي الخلفي

وائل /اخبارك ايه يا كامليا

كامليا/ الحمد لله

وائل /عرفت إنك دخلتي الجامعة وهتبقي مهندسة تعرفي إنك كبرتي في نظري اوي لانك مستسلمتيش لحزنك وفكرتي صح

كامليا/ مفيش حاجة تستاهل اني أحزن عليها ومستقبلي أهم من أي حاجة

وائل بارتباك / طبعاً مستقلبك أهم من كل حاجة بس أهم مني معقول

كامليا/ وانت بقى تبقي ايه علشان تكون مهم بالنسبه ليه

وائل / معقول نسيتي حبنا بالسهولة دي

كامليا/ بصراحة انا مندهشة من كلامك ومش عارفة جبت العشم ده منين علي العموم نزلني هنا

وائل يوقف بالعربية

كامليا/ حسابك كام ياسطا

وائل ينظر لها بدهشة

كامليا / معلش متزعلش بس انا اتعلمت منك إن مفيش حاجة بدون مقابل

تضع يدها في الحقيبة وتخرج بعض النقود وتضعهم أمام وائل وتتركه وتذهب

وائل / اتغيرتي اوي يا بنت خالتي بس بقيت احلي من الأول

وقوية هي دي البنت اللي نفسي فيها بجد

............................

في كفر النجعاوي

محسن في الأرض يتصل ب طارق

محسن/أخيرا فتحت التليفون

طارق /خير يا محسن في حاجة

محسن/ قلقت عليك يااخويا ايه كنت قافل تليفونك ليه

طارق / كان عندي حصه ومعرفتش ارد علي التليفون في حاجة

محسن/ كنت عايز أتكلم معاك شوية انت لسه في المدرسة

طارق /لأ انا خلصت شغل بس هعدي علي نرمين اخدها معايا في الطريق

محسن/ يعني انت لوحدك

طارق /آه انا في العربية ليه في ايه يا محسن قلقتني

محسن /متقلقش قوي كده بس هو بردو موضوع ميتسكتش عليه

هنادي تتصل ب طارق

طارق/ طيب بسرعة معلش أصل هنادي بتتصل ودي مش أول مره

محسن/ اني عارف هي عايزة ايه ماهو زي مبيقولوا يقتل القتيل ويمشي في جنازته عايزة تسبق وتكلمك علشان تآلف أي قصة وخلاص

طارق /محسن انا لسه مخلص شغل ودماغي مصدعه عايزة اروح اخد حبيتين للصداع وانام شوية قولي في ايه

محسن / شوف يااخويا اني بس علشان خايف عليك وعلي مصلحتك ومش عايز حد يجيب سيرتنا في البلد هقوله إن اللي عملته مراتك ده عيب في حقنا

طارق بقلق/ في ايه يا محسن هنادي عملت ايه

محسن/ يرضيك مراتك ترد عليه وتعلي صوتها علشان بتكلم في الأصول

طارق /لا طبعا ميرضنيش بس انا عايز أفهم الموضوع

محسن/ مراتك امبارح طلعت من البيت علي انها رايحه المدرسة تقوم تروح لأمها من غير متقول لحد من البيت وراجعه بعد العصر

طارق / هنادي عملت كده

محسن/ هي قالت لأمي كده بعضمة لسانها وأبقى أسأل امي لأ ومش كفاها كده ابن عمها كمان موصلها لحد البيت وواقفه تتكلم معاها ولا كأن في رجاله في البيت ولا عامله حساب لحد

طارق / مش معقولة يا محسن هنادي تعمل كده انا عارفها كويس ولو كانت راحت بيت أبوها كانت كلمتني

محسن /طيب اني كداب هقولك بقي علي الكبيره

مراتك امبارح بالليل كانت واقفة في البلكونة ولا مؤاخذة يعني كانت لابسه كده ملوش لزوم الوصف يعني واني بعتلها شوق علشان تقفل باب البلكونة وتدخل جوه وسمعت كلام من شوية عيال كانوا معديين من تحت البيت بلاش اقولك قالوا ايه علشان دمك ميتحرقش

طارق مستمع لكلام محسن في ذهول / انت بتقول ايه يا محسن مستحيل يكون ده اللي حصل

محسن/ اتصل بأمي واسألها طالما مش مصدقني

طارق/ اقفل دلوقتى يا محسن

يقفل طارق ويتصل بهنادي

هنادي تمسح دموعها

هنادي/ ايوه يا طارق انت مبتردش عليه ليه

طارق / بتتصلي كتير ليه في حاجة

هنادي ببكاء / كنت عايزة اتكلم معاك

طارق /قولي اللي عندك

هنادي/ في ايه يا طارق بتكلمني كده ليه

طارق /يا بنت الناس انا لسه خارج من المدرسة ودماغي هتنفجر من الصداع قولي في ايه خليني اروح استريح

هنادي ببكاء / اخوك غلط في حقي وقالي كلام وحش انت لازم تجيبلي حقي

طارق /محسن

هنادي/ ايوه اخوك محسن

طارق/ طب قوليلي اللي حصل

هنادي/'كنت واقفك مع الحاجة تحت وقعد يزعقلي واني مرضتش ارد قولت اكلمك الأول

طارق/ هو دا كل اللي حصل

هنادي /ايوه هو ده اللي حصل اني معملتلوش حاجة هو اللي بيكرهني

طارق / يعني مروحتيش بيت ابوكي امبارح من غير متقولي لحد في البيت

تسكت هنادي

طارق/ مبترديش ليه حصل ولا محصلش

هنادي/ حصل بس انت متعرفش باقي الحكاية

طارق / يعني حصل وروحتي من غير معرف ولا قولتي كمان لابويا وقفتي مع ابن عمك قدام البيت ولا لأ

هنادي/ مين اللي قالك الكلام ده

طارق بانفعال/ حصل ولا لأ

هنادي/ حصل بس اني مكانش قصدي هو اللي نادي عليه

طارق /كنتي واقفه في البلكونة امبارح في وقت متأخر بالليل ولابسك مكشوف ولا لأ

هنادي/ اني كنت واقفة في البلكونة ايوه حصل بس اني كنت لابسه عباية من بتوع البيت مين قالك إن لبسي كان مكشوف

طارق / يعني حصل كل ده وكمان زعلانه من كلام محسن ليكي كويس بقي اني مكتتش موجود وقتها لاني معرفش كنت هعمل ايه

هنادي /يعني سبت شتيمة اخوك ليه ومسك في الحاجات دي

طارق بغضب/ هنادي اقفلي ومش عايزك تتصلي بيه نهائي انتي سامعه

هنادي/ ماانت لازم تسمعني انت كده بتظلمني طارق رد عليه انت سكت ليه

الو....الو....طارق انت قفلت

قفلت هنادي التليفون وظلت تبكي

..........

في شقة طارق

طارق لنرمين بغضب/ اتغدي انتي انا داخل انام

نرمين/ مالك يا طارق في حاجة مزعلاك

طارق /لأ بس تعبان شوية وعايز انام

نرمين/ انا مليش نفس للأكل شوية كده لما تصحي نبقي ناكل مع بعض

طارق/ طيب بس لو شغلتي التليفزيون بلاش تعلى الصوت علشان مصدع

نرمين/ لأ انا هدخل اوضتي

...........................

في شقة وائل

بثينه واقفه في المطبخ

يدخل وائل من باب الشقة

وائل ببتسامة/ ايه الروايح اللي تفتح النفس دي

بثينه/ غير هدومك الغدا جاهز

يدخل وائل المطبخ / تسلم ايدك يا حبيبتي

ايه دا انتي عاملة بطاطس محمره هو دا الغدا هههههه

بثينه تخبطه علي ايده/'متمدش ايدك في الأكل قبل ميتحط علي السفرة وبعدين انا عاملة فراخ ومكرونة البطاطس دي علشان نفسي راحت لها قولت اعملها

وائل بغمز/'ايه هو حصل ولا ايه

بثينه /'مش عارفة بس حاسه كده إن نفسي مفتوحة اوي النهاردة

وتخرج بثينه بطبق البطاطس

بثينه / هات الكاتشب معاك يا حبيبي

وائل /'حاضر

ترجع بثينه المطبخ وتفتح الفرن

وائل يقبل يدها

بثينه ببتسامة/ انت كمان واضح إن رايق اوي

وائل / بصراحة بقي بعد مكلمتك لباباكي واضح كده إن المشروع هيتنفذ قريب باباكي طلب مني كل التفاصيل عن المشروع

بثينه / بجد يبقي اطمن بابا لما بيحط حاجة في دماغه بينفذها

تعرف إنك فيك كتير من بابا

وائل / ههههه طب يلا بقي علشان انا واقع من الجوع هدخل اغير هدومي

............................

في منزل العمدة

هدي تضع الغدا علي السفرة

هدي للحاجة امينه/ هي هنادي مرحتش المدرسة النهاردة ياامه الحاجة

الحاجة امينه/ لا يا بنتي مرحتش اطلعي قوليلها تنزل تتغدا مفطرتش ولا نزلت من الصبح

هدي / حاضر

تدخل شوق/ انتي خلصتي الغدا يا هدي اني كنت نازله أساعدك

الحاجة امينه/ اطلعي يا هدي لسلفتك وانتي يا شوق تعالي عايزاكي في كلمتين

تقرب شوق/ خير يا مرات عمي

الحاجة أمينه / خير هو أني عمري جيتلك بشر

شوق/ شوفي يا مرات عمي لو كنتي عايزة تكلميني في اللي حصل الصبح فأني

تقاطعها الحاجة امينه/ طلعي هنادي من دماغك يا شوق احنا مش عايزين مشاكل كل شوية

شوق/ اني اللى يجيب مشاكل بردو

الحاجة أمينه / يعني انتي الصبح شايفة الموضوع مولع علي الآخر يقوم تقولي كلمتين ملهمش لازمة علشان تولع زيادة

شوق/ واني مجبتش حاجة من عندي هو ده اللي حصل لما طلعتلها كانت لابسه بتاع كد شفاف وجسمها كله يعني

تقاطعها الحاجة امينه/ هنفرض إن ده اللي حصل مع أني مش مصدقه بس ميصحش إنك لما تشوفي حاجة تيجي تقوليها لو عايزة مصلحتها كنتي كلمتيها بينك وبينها ونصحيتها بدل ماتيجى تفضحيها كده قدامنا عارفة لو الكلام دا وصل جوزها ممكن يحصل ايه

شوق/ عندك حق يا مرات عمي بس هي حرقت دمي الصبح لما صوتها علي على محسن وردت عليه

الحاجة امينه / هو اللي غلط فيها وفي اهلها وعمك مش هيسكت علي اللي حصل الصبح

...............

في شقة هنادي

جرس الباب يرن تقوم هنادي من علي السرير وهي بتمسح دموعها

تفتح الباب

هنادي/ أم حامد اتفضلي

هدي/ ايه ياهنادي انتي حابسه نفسك في الشقة ولا ايه

هنادي/ لا ابدا بس تعبانه شوية

هدي/ طب انزلي معايا اتغدي ونقعد مع بعض نفك شوية قعدتك دي هي اللي تعباكي

هنادي/ معلش ياام حامد اني مش قادرة أكل ولا أنزل تحت

هدي/ ليه بقي عامله إضراب وبعدين ايه حكاية أم حامد دي اللي عماله تقوليها كل شوية احنا مش أخوات واتفقنا اني أقولك هنادي وانتي تقوليلي هدي

هنادي ببكاء / طبعا أخوات

تقرب منها هدي وتحتضنها / مالك يا هنادي حد مزعلك

هنادي/ اني هقولك علي كل حاجة وشوفيني اني غلطت في ايه

..........................

في شقة طارق ...في المساء

نرمين/ ايه ياطارق قومت ليه الأكل مش عاجبك

طارق / لا انا شبعت تسلم ايدك

نرمين/ استني اقعد عايزة اتكلم معاك

طارق/ خير

نرمين/ انت زعلان مني

طارق/ وهزعل منك ليه كل الحكاية اني مصدعه شوية هقوم اعمل كوباية شاي واخد باندول وانام

نرمين /ايه حكاية النوم معاك النهاردة أنت مش لسه صاحي

طارق/ هقعد اعمل ايه

نرمين / هدخل اعمل نسكافيه ونقعد قدام التليفزيون

طارق / ماشي

نرمين/ طيب انا هشيل الأكل ودورلنا علي حاجة حلوة كده نتفرج عليها

طارق /بس ياريت متحرقيش حاجة في المطبخ

نرمين /يوووه بقي انت مش عايز تنسى اللي حصل امبارح

طارق /هو ده موضوع يتنسي بردو

نرمين/ معلش استحمل انا لسه بتعلم بردو

طارق/ وذنب معدتي انا ايه

نرمين/ يعني معجبكش الأكل النهاردة

طارق/ بصراحة في تقدم ملحوظ يجي منك بردو

نرمين/ ههههه ماشى بس ابقي قول لأمي علشان مبهدلاني بسبب موضوع الطبخ ده

اقولك كلمهم وحشوني

طارق /ابقي اتصلي بيهم

نرمين/ ايه مش هتتصل بمراتك ولا ايه

طارق بارتباك/'زمانها نايمه دلوقتي

نرمين/ حد ينام الساعة تمانيه بردو

طارق/ أصلها بتصحي بدري

نرمين/ لأ وأنت الصادق دي تلاقيها كانت بتنام في بيتهم مع الكتاكيت هههههههه

طارق/ نرمين محبش تتكلمي كده علي هنادي

نرمين/ ايه ده انت زعلت انا كنت بهزر

.............

في منزل كامل

كامل بغضب/ ايه يا سعدية متنامي بقي اني مش عارف انام منك عماله تتقلبي وقلقتي نومي

سعدية/ مش عارفة مش مستريحه وقلبي واكلني علي هنادي

كامل /جرا ايه يا سعدية انتي كل شوية تقولي هنادي. ..هنادي ايه معندكيش أي موضوع تاني تتكلمي فيه

سعدية/ ايه ياراجل انت بتغيير من بنتك ولا ايه

كامل/ لا بس هي مش كانت عندك امبارح واطمنتي عليها

سعدية/ هي قعدت ولا لحقت أتكلم معاها

كامل/ انتي عايزة بقي كل شوية تجيلك هنا ولا ايه بنتك اتجوزت وخلاص بقي ليها بيتها سبيها تعيش ونامي بقي اني تعبان طول النهار في الغيط

................. ........

في شقة هنادي

هنادي نايمه علي السرير ماسكه التليفون في ايدها

هنادي/ ايه ياطارق مش هتتصل بردو للدرجة دي هونت عليك

واني اللي كنت فاكره لما اكلمك هتنصفني وتجيبلي حقي

تبكي هنادي

......

طارق ممسك التليفون ورقم هنادي قدامة علي التليفون

بيفكر يتصل ولا يسيبها شوية

طارق/ لأ خليها كام يوم علشان تحس بغلطتها

يضع التليفون بجواره ويغمض عينيه لينام

....

هنادي تستسلم للنوم بعد أن فقدت الأمل في إتصال طارق بيها

........................

في الصباح

الجميع علي السفرة


هنادي نازله من فوق

هنادي/ صباح الخير

العمدة/ صباح الخير يابنتي تعالى افطري

هنادي /معلش ياابه الحاج اني متأخرة علي المدرسة

العمدة / هتكسفيني ولا ايه

تدخل هنادي بحرج

يقوم محسن بضيق/ انى رايح الغيط ياابه عايز مني حاجة

العمدة/ ابقي عدي علي الجمعيه شوف الكيماوي جه ولا لسه اني سألت امبارح قالوا هيجي النهاردة وهيصرفوه للناس متنساش تاخد حيازة الأرض معاك

محسن/ شويه كده ياابه هروح الغيط الأول تكون الجمعية فتحت انت عارف بيفتحوا متأخر

العمدة $ اقعدي هنا جاري يا هنادي

يقوم سعيد ويقعدها

العمدة لهنادي/ انتي مش عجباني اليومين دول مش بتاكلي ليه يا بنتي

هنادي تمد ايدها وتقسم رغيف عيش وتاكل لقمه صغيرة

الحاجة امينه /هو ده أكل يا بنتي دا ولا النمل يعمل كده

شوق/ سبيها علي راحتها يا مرات عمي نفسها هتتفتح لما طارق يجي

الحاجة امينه/ بالحق يا بنتي انتي بتطلعي بدري من المدرسة النهاردة

هنادي /كل خميس بطلع بدري ساعة

الحاجة امينه /طيب كويس علشان تيجى تطبخي لجوزك اني هطلعلك كل حاجة من التلاجة وانتي بقي لما تيجى ابقي اطبخي هنادي/ حاضر ياامه الحاجة

تقوم هنادي

العمدة/ كملي فطورك يا بنتي

هنادي/ الحمد لله ...شبعت وبعدين هتاخر علي المدرسة

عايزين مني حاجة

الحاجة امينه/ سلامتك يا بنتي خلي بالك من نفسك

تخرج هنادي

العمدة/ هي بتروح المدرسة لوحدها يا حاجة

الحاجة امينه /لأ بتقول بتروح مع بنت صاحبتها من البلد

العمدة/ طيب كويس أهو ونس معاها في الطريق

اني هروح للحاج ممدوح شيخ البلد كنت معدي عليه امبارح وقالي عايزني في موضوع واني قولتله بكره علشان الوقت كان متأخر

الحاجة امينه /طيب ابقي ابعتلنا شوية فاكهة مع حد من الانفار اللي في الغيط

العمدة/ حاضر بس زودي في الأكل علشان تبقي تطلعي عشا لطارق وعروسته مش لازم يعني يتعشوا معانا انتي فاهمه بقي يا حاجة

الحاجة امينه ببتسامة/ فاهمه يا حاج

تنظر شوق لهدي وهي بتلوي بوقها

شوق بهمس/ شوفتي يااختي حماكي وحماتك بيقولوا ايه

هدي/ وانتي مكنتيش عروسة ياام محمود هههههههه

شوق/ اني؟! حسره عليه

الحاجة امينه / بطلي غمز يا شوق ياما ادلعتي متبقيش زي القطط تاكلي وتنكري

هدي/ هههههههههه

شوق/ عجبتك قوي يااختي

هدي/ اني قايمه اشوف العيال البسهم هيتاخروا علي المدرسة ههههههههه

.................

بعد خروج هنادي من المدرسة

سماح / تعالي معايا نشتري حاجة يا هنادي

هنادي/ لا مش هينفع

سماح / يابت احنا طالعين بدري النهاردة

هنادي/ أصل طارق جاي النهاردة وبعدين يااختي اني بقيت أخاف من مشاوريك

سماح بغمز/ هو العريس جاي النهاردة يابختك ياعم

هنادي /ايوه انبروا فيها أصلها ناقصاكي كمان اني ماشية سلام

............ .

الحاجة امينه في المطبخ / يعني ايه الكلام ده

هدي /معرفش ياامه الحاجة سعيد اللي قالي كده

الحاجة امينه /دا عريس ازاي يعني ميجيش في أيام اجازته

هدي/ سعيد كلمه الصبح يطمن عليه وسأله هتيجي النهاردة قاله لأ مش جاي الاسبوع ده

الحاجة امينه / هاتيلي التلفون اكلمه

هدي تتصل/ تليفونه مقفول نستني شوية يمكن يفتحه

الحاجة امينه / اني عامله علي اللي هترجع من المدرسة دي هقولها ايه

هدي/ يمكن عندها خبر

تدخل هنادي

هنادي ببتسامة / مساء الخير

الحاجة امينه/ حمدا لله علي السلامة

اطلعي غيري يا بنتي

هنادي/ حاضر اني هطلع اغير وأنزل علي طول علشان اطبخ

الحاجة امينه / لا يا بنتي هدي اللي هتطبخ انتي جايه من المدرسة تعبانه

هنادي/ لا اني مش تعبانه هطلع وأنزل علي طول

تطلع هنادي جري على السلم وهي فرحانه

تخرج شوق من شقتها

شوق / علي مهلك يا حبيبتي وانتي طالعه لتوقعي

هنادي/ ازيك يا ام محمود

شوق مش انتي بخير يبقي اني كمان بخير

هو طارق مش كلمك النهاردة

هنادي بارتباك / لا مكلمنيش ليه في حاجة

الحاجة امينه من تحت / شوق تعالي عايزاكي

هنادي/'هو في ايه ياام محمود

الحاجة امينه/'اطلعي يا هنادي شقتك وانتي يا شوق انزلي عايزاكي

تطلع هنادي شقتها تمسك تليفونها باضطراب

وتتصل بطارق

يتردد طارق إنه يرد علي هنادي بعد محاولات كتيره من هنادي

طارق/"الو

تتنفس هنادي بهدوء/ الحمد لله

إنك كويس

طارق /عايزة حاجة

هنادي/ طارق انت فين دلوقتي وحشتيني بقالك يومين متكلمتش

طارق /انا في الشقة

هنادي/ اتاخرت ليه كده هتوصل بالليل يعني

طارق /أوصل فين

هنادي /هتوصل هنا البلد

طارق/ لأ مش جاي

هنادي بحزن/ يعني مش جاي النهاردة

طارق / لأ مش جاي الاسبوع ده

هنادي بدموع/ ليه في حاجة عندك

طارق /لأ بس مليش نفس أنزل البلد الاسبوع ده

هنادي ببكاء/ براحتك

وتقفل التليفون وهي بتبكي

تطلع شوق وهدي والحاجة امينه علي صوت بكاء هنادي

هدي ترن الجرس

تفتح هنادي وهي بتمسح دموعها

الحاجة امينه/ ايه يابنتي في ايه

هنادي بدموع/ مفيش حاجة رأسي تعباني شوية

الحاجة امينه/ انزلي يا شوق انتي وهدى وسبيني مع هنادي شوية

تنزل شوق وهدى

الحاجة امينه لهنادي/ هاتي التلفون

هنادي/ ليه ياامه الحاجة

الحاجة امينه /هاتيه بس

هنادي/ اتفضلي

الحاجة امينه /اتصلي على طارق

هنادي/ بس ياامه

تقاطعها الحاجة امينه / اتصلي بيه يلا ولا مش عايزة تسمعي كلامي

هنادي تتصل / اتفضلي يا حاجة

طارق بانفعال/ انتي عايزة ايه دلوقتي

الحاجة امينه / ازيك ياابني

طارق/ أمه! !!

ازيك عامله ايه

الحاجة امينه/ اني بخير انت بقي مالك

طارق /انا كويس ياامه

الحاجة امينه / طب مش عايز ليه تيجي تقضى اجازتك هنا

طارق/ عندي شغل كتير لازم اخلصه قبل يوم الحد

الحاجة امينه / الشغل يتأجل عيب اللي بتعمله انت عريس مفروض تبقي ملهوف وعايز تيجي قوام دا اني قولت هلاقيك هنا من الصبح

طارق /معلش ياامه مش هينفع أجي الاسبوع ده

هنادي ببكاء/ خلاص يا حاجة متتحايليش عليه خليه براحته

تبعد الحاجة امينه عن هنادي وتهمس في التليفون لطارق / ياابني بلاش تكسر بخاطرها دي لسه عروسة وعايزة تفرح علشان خاطري تعالي وبلاش عند لما تيجي اني هقولك على كل حاجة

طارق /موضوع ايه ياامه هي بنفسها اللي قالتلي علي كل حاجة

الحاجة امينه / طيب ياابني هي قالتلك يعني مكانش قصدها تعمل كده وهي قالتلي إنها مش هتتكرر تاني

طارق /أمه معلش مش هينفع أجي الوقت اتأخر وانا مبحبش أسوق بالليل

الحاجة امينه / طيب ابقي تعالي الصبح

طارق / هشوف

الحاجة امينه/ لأ تعالي ياابني البت مموته نفسها من العياط

طارق بتنهيدة / هشوف ياامه

الحاجة امينه/ طيب ياابني مع السلامة تاخد مراتك تكلمها

طارق/ لأ أصلي جاي تعبان من الشغل وهدخل انام

الحاجة امينه / طيب ياابني مع السلامة

تلفونك يا هنادي

تاخد هنادي التليفون

الحاجة امينه / متزعليش هو هيجي الصبح اغسلي وشك بقي وتعالي نتغدا هدي هي اللي طبخت النهاردة

هنادي/ اني مكنتش عايزة يا حاجة حد يكلمه خليه براحته

الحاجة امينه/ ميبقاش زعلك وحش كده هو هيراضيكي وهيجي الصبح خلاص بقي

....

شايفين إن طارق معاه حق في اللي بيعمله مع هنادي ولا ده أمر طبيعي علشان مش موجود وميعرفش ايه اللي حصل بالظبط ؟

وياتري هيبقى ايه موقفه لما ينزل البلد ؟

هيجي الاسبوع د

الثالث عشر والرابع عشر 


الحاجة امينه / طيب ابقي تعالي الصبح

طارق / هشوف

الحاجة امينه/ لأ تعالي ياابني البت مموته نفسها من العياط

طارق بتنهيدة / هشوف ياامه

الحاجة امينه/ طيب ياابني مع السلامة تاخد مراتك تكلمها

طارق/ لأ أصلي جاي تعبان من الشغل وهدخل انام

الحاجة امينه / طيب ياابني مع السلامة

تلفونك يا هنادي

تاخد هنادي التليفون

الحاجة امينه / متزعليش هو هيجي الصبح اغسلي وشك بقي وتعالي نتغدا هدي هي اللي طبخت النهاردة

هنادي/ اني مكنتش عايزة يا حاجة حد يكلمه خليه براحته

الحاجة امينه/ ميبقاش زعلك وحش كده هو هيراضيكي وهيجي الصبح خلاص بقي

........

بعد مرور ثلاثة أيام من الأحداث

هنادي نايمه في شقتها جرس الباب يرن تقوم هنادي تفتح الباب بكسل تتفاجأ بوالدتها

هنادي بفرحه / أمه

تقرب منها سعدية وتحتضنها

سعدية/ ايه يا بنتي انتي ايه اللي منيمك دلوقتى دا احنا العصر

هنادي/ اتفضلي ياامه وحشاني

تدخل سعدية/ ايه انتي مرحتيش المدرسة النهاردة

هنادي/ رحت ولسه جايه من شوية

سعدية/ جوزك مشي

هنادي/ هو مجاش اصلا علشان يمشي

سعدية بدهشة /ليه يابنتي خير مجاش ليه

هنادي/ براحته ياامه هدخل اعملك حاجة تشربيها

سعدية ممسكه ايد هنادي/ اني مش عايزة اشرب حاجة اقعدي فهميني انتي متخانقة مع جوزك ولا ايه

هنادي/ حاجة زي كده

سعدية/ يالهوي انتوا لحقتوا دا انتوا لسه عرسان.

هنادي بسخرية /عرسان ههههه كل سنه وانتي طيبه ياامه الظاهر انه كان بيضحك عليه وكله بان بعد كده

سعدية/ في ايه يا بنتي انتي قلقتيني

هنادي بدموع/ فيه إن ولاد العمدة شايفنا خدامينهم ياامه واحد يشتمني ويقولي نسيتوا اصلكو واخوك يقفل التليفون ويفكر يتصل بيه ولا يراضيني بيادبي يعني

سعدية/ معلش يابنتي بس قوليلي ايه السبب

هنادي/ علشان عديت عليكي وشوفتك وكأني عملت جريمه

سعدية/ انتي مقولتلوش

هنادي/ اني مكنتش ناوية اروح عندك دا اني جايه من المدرسة وكنت معديه علي البيت بالصدفة قولت ادخل أطمن عليكي.

سعدية/ ومقولتيش لجوزك كده ليه

هنادي/ اني ملحقتش أقوله حاجة الظاهر أخوه سبق وقاله كلام تاني واللي زاد وغطي كمان إيهاب ابن عمي قابلته معدي من عندنا هنا واني راجعه من المدرسة نادي عليه وعزم عليه يوصلني المدرسة واني عزمت عليه يدخل علشان مقفش معاه بره من بختي الجماعة يشوفوني وقالوا لطارق اني كنت واقفه معاه

سعدية/ يادي النيله وبعدين

هنادي/ قافل تليفونك من يومها ومكلمنيش ولا حتي جه

تبكي هنادي

سعدية/ معلش يا ضنايا شوية وهيروق

هنادي /لا ياامه شكلها مفيهاش روقه ابدا لو الموضوع ده عدي علي خير اللي تحت مش هيسبوني في حالي دول بيكرهوني

دي سلفتي بنت عمهم قالت اني كنت لابسه مكشوف وواقفه في البلكونة

سعدية/ يالهوي آخص عليها ليه كده عايزة تخرب عليكي

هنادي/ انتي تصدقي إني اعمل كده ياامه

سعدية/ لا يا ضنايا دا انتي كنتي بتتكسفي حتي من ابوكي

هنادي بدموع/ أهو طارق صدق ومخصامني من يومها

سعدية/ كل ده يحصل يا ضنايا واني معرفش

هنادي /حاسه اني مليش حد ياامه مكسورة ومش لاقيه حد ينصفني

سعدية/ ازاي يابنتي ابوكي واخوكي موجودين متقوليش كده

هنادي/ ابويا واخويا؟ !...هما فين ياامه دا ابويا مفكرش يجي يسأل عليه حتي ولا دخل شقتي من يوم متجوزت واخويا متصلش حتي يطمن عليه مراته بس اللي كلمتني

سعدية/ اني مش عارفة اقولك ايه يابنتي

هنادي/ عارفة لو ابويا كويس معايا كنت واقفتلهم وسبتهم ورحت اتحميت فيه وقولتلوا هاتلي حقي لكن اني عيني مكسورة وهما عارفين كده علشان كده بيذلوني اكتر

سعدية 'لا يا ضنايا محدش يقدر يذلك ابدا وابوكي موجود مش هيتاخر بس بلاش نكبر الموضوع عديها المرادي ولو اتكررت مرة تانية ابقي تعالي بيت ابوكي مفتوحلك ياضنايا

جرس الباب يرن

تفتح هنادي الباب

هدي ببتسامة/ ايه ياهنادي مش هتنزلي تتغدي أمه الحاجة بتقولك هاتي أمك وتعالي علشان نتغدا سوا

سعدية تقوم/ لا يا بنتي تسلم ايدك اني سايبه عمك كامل في البيت لوحده هروح اني علشان اغدية مش عايزة حاجة ياهنادي

هدي/ لا لايمكن ابدا دا انتي لومشيتي أمه الحاجة تبهدلني لازم تغدي معانا

سعدية/ بقولك الراجل لسه متغداش اني سبتهم وقولت اجي اقعد خمسه مع هنادي واروح علي طول

هدي/ خلاص انزلي قولي لأمي كده

سعدية/ حاضر يا بنتي

هدي/ يلا ياهنادي انزلي انتي كمان ولا ملكيش نفس زي عوايدك

سعدية /قوليلها يابنتي تاكل شايفاها خاسه قوي وعنيها دبلانه

هدي/ غلبت فيها ياخاله حتي أسأليها اهه ريقي نشف من الكلام معاها

هنادي /هنزل أكل علشان خاطرك ياهدي

هدي/ لا يااختي مش علشان خاطري دا علشان صحتك الناس تقول ايه علينا مش بناكلك هههههههه

سعدية/ دمك زي العسل ياهدي شكلك بنت حلال

خليكي وراها يابنتي علشان تاكل

هدي/ تسلمي ياخاله هنادي دي اختي الصغيرة

...................

تنزل هنادي مع والدتها وهدي

تقوم الحاجة امينه من على السفرة

الحاجة أمينه /تعالي اتفضلي ياام وائل الغدا جاهز

سعدية /لا معلش اعذريني الراجل في البيت لسه متغداش يرضيكي يعنى اتغدا واسيبه ياكل لوحده

الحاجة أمينه /وهو مجاش معاكي ليه

سعدية/ معلش أصله جاي من الغيط تعبان

الحاجة امينه/:بس ميصحش تمشي كده من غير غدا

سعدية/ احنا مش غرب عن بعض بألف هنا

مش عايزين مني حاجة

هنادي/ سلامتك ياامه

سعدية تمسك هنادي من ايدها ويوقفوا يتكلموا بره

سعدية/ معلش يابنتي هدي الأمور بينك وبينهم علشان جوزك لما يجي يبقي وقتها ليكي حق وهو يجبهولك

هنادي/ مش باين ياامه اكتر من أسبوع مشوفوش ولا حتي بيتصل بيه للدرجة دي رخيصة في نظرة ياامه دا اني لسه عروسة

تعيط هنادي

سعدية/ ياضنايا متزعليش نفسك كده استحملي لما يرجع بس اني ليه كلام معاه مع السلامة وهبقي اكلمك من عند سماح

هنادي / مع السلامة ياامه

تدخل هنادي وهي بتمسح دموعها

الحاجة أمينه /تعالى بقي يا هنادي اتغدي مع عماتك

كوثر وصباح ينظروا لبعض

تقرب هنادي وتبتسم ليهم

كوثر/ ازيك يا عروسة مفيش سلام على الأكل

هنادي/ ازاي حضرتك

صباح / احنا. ..الحمد لله. ..بخير

هدي /اقعدي كلي بقي يا هنادي

كوثر لهنادي/ قومي هاتيلك معلقة

تقوم هنادي تدخل المطبخ

تقوم كوثر وصباح من علي السفرة

الحاجة امينه/ كملوا أكلكو يا بنتي

صباح / احنا شبعنا يلا يا كوثر ندخل نغسل ايدنا مش ناقص كمان إلا اننا ناكل معاها علي سفرة واحده

تيجي هنادي وتقعد ببتسامة

تخرج صباح من الحمام / اعمليلنا شاي يا شوق لما تخلصي أكل

هنادي /اني هقوم أعمل الشاي

الحاجة أمينه /لا يابنتي اقعدي كلي انت مكلتيش

تميل كوثر على شوق / اعملي انتي الشاي متخلهاش هي تعمله انتي عارفة اني بقرف

شوق/ حاضر

تسمعها الحاجة أمينه وتنظر ليها بغضب وتصمت

بعد شوية

هدي/ تعالي يا هنادي معايا فوق

هنادي بهمس/ بس يعني ميصحش أقوم واسيبهم

هدي / تعالي بس نقعد مع بعض فوق علشان نتكلم براحتنا

.........

في شقة هدي

هدي/ ادخلي متخافيش سعيد مش هنا ولا بيرجع دلوقتي خالص قدامه لآخر الليل وعليكي خير

هنادي تدخل ببتسامة

هدي/هدخل نرمين تنام واجيلك

تدخل هدي الغرفة هنادي قاعدة بخجل اول مرة تدخل شقة هدي

هدي/:تشربي ايه بقي ولا اقولك اني هجابلك كيكه عملاها أيدي دوقيها وقوليلي ايه رأيك فيها

هنادي/ متتعبيش نفسك يا هدي اني مش ضيفة

هدي/ مدى ايدك مش تكسفيني اني عملاها علشان العيال بيحبوها الجماعة تحت مش بيعملوها علشان ايويا الحاج عنده السكر

هنادي / جميله تسلم ايدك

هدي/ قوليلي بقى انتي زعلانه ليه دايماً كده وحابسه نفسك في الشقة فوق

هنادي /يعني مش عارفة اللي حصل وطارق مخصامني من يومها

هدي/ ياما بيحصل يا هنادي وبكره يعدي عليكي من ده كتير أهم حاجة متزعليش جوزك

هنادي /هو اللي زعلان لوحده

هدي/ هو في الأول كده علشان لسه مخدوتوش علي بعض

اني لواحكيلك على اللي حصل بيني وبين سعيد اول متجوزنا مش هتصدقي أننا لسه متجوزين لحد دلوقتي خلاص اتعودت عليه ومهما يحصل مش بيشتكي لحد ابدا ومشيه حالي وخلاص

هنادي /ممكن أسألك سؤال هو ملوش علاقة بالموضوع اللي بنتكلم فيه بس فضول

هدي/ هههههه قولي يا هنادي

هنادي /انتي ليه مسميه حامد ونرمين وشوق اللي مفروض متجوزة قبلك مسمتش علي اسم حد في البيت

هدي/ هقولك حاجة بس متقوليش لحد

هنادي/ اكيد مش هقول لحد

هدي/ شوق اتجوزت قبلي بس اني حملت الأول وابويا الحاج قال اول حفيد في البيت لازم يتسمي بأسمى بعدها بقي بشهرين كانت شوق حامل اني سميت حامد وهي سمت محمود علي اسم اخوها

هنادي/ آه فهمت

هدي/ كوثر بقي مسميه حامد وطارق أصلها بتحب الأستاذ طارق قوي

هنادي تنظر في الساعة / ياااه الوقت خدنا واني ورايا مدرسة الصبح

هدي/'لو مش المدرسة كنت قعدتكي معايا شوية اني اصلا مش بنام إلا لما يجي سعيد

هنادي/ معلش بقي تصبحي علي خير

هدي/ طب مش هتتعشي

هنادي/ اني لسه متغديه مش هقدر أكل حاجة

تليفون هنادي يرن تنظر بفرحه

هدي/ طارق مش كده

هنادي/ لأ دا وائل اخويا

هدي/ طيب اطلعي كلميه تصبحي علي خير


..........................

في شقة هنادي

هنادي /ياااه لسه فاكر تكلمني

وائل / معلش يا هنادي الشغل اخدني شوية

هنادي/ علي العموم وحشتني انت مش جاي البلد قريب

وائل /لأ انتي عارفة معنديش وقت

هنادي/'بثينه عامله ايه

وائل / كويسه بقولك يا هنادي معكيش رقم كامليا

هنادي بدهشة/ليه

وائل / يعني كنت عايز أكلم خالتي واطمن عليهم

هنادي/ بس كامليا في مصر مش في البلد

وائل / اه ماانا عارف انا هتصل بخالتي لما كامليا تنزل البلد

هنادي/ بس خايفة تزعل مني

وائل / وهنزعل منك ليه انا عايز اطمن علي خالتي

هنادي/ طيب استني هطلعه من علي التليفون

وائل بفرحه /متشكر اوي يا هنادي

هنادي/ سجل عندك. .......

وائل / طيب عايزة مني حاجة

هنادي /سلامتك يااخويا بس ياريت متقطعش الاتصال بقي

وائل /حاضر هو طارق عامل ايه

هنادي /كويس

وائل / طيب تصبحي علي خير

..........................

تدخل هنادي غرفتها تنام

يقفل وائل مع هنادي ويدخل اوضته يطمن إن كامليا نايمه

يدخل المكتب ويتصل بكامليا

جرس طويل ومفيش رد

وائل /ردي بقي يا كامليا

.......................

في المدينه الجامعية

كامليا تفتح عينها

أحد الاصدقاء/ اقفلي التليفون دا ياكامليا عايزين ننام

كامليا تنظر في التليفون / حاضر هطلع اتكلم بره

كامليا/ الو مين معايا

وائل بفرحه/ انا يا كامليا

كامليا بدهشة/ وائل انت جبت رقمي منين

وائل / مش مهم المهم اني سمعت صوتك

كامليا / وانت بقي عايز مني ايه

وائل / انتي ازاي بقيتي قوية كده

كامليا/ اقفل يا وائل احسنلك وأحسنلي

وائل /'كامليا انا مش عارف أعيش من غيرك ازاي انتي قادرة تعيشي كده عادي

كامليا / زي كل الناس

وائل / انا بندم في كل لحظة عايشها من غيرك كامليا انتي حب العمر كله

كامليا/ بلاش الكلام دا يا وائل احتراما للست اللي انت متجوزها

وائل / انتي عارفة كويس اني مبحبهاش وجوازي منها مصلحة مش اكتر

كامليا /'متحبها مبتحبهاش شيء ميخصنيش وياريت متتصلش علي الرقم دا تاني

وائل / انا مش هضايقك بس اسمحيلي من وقت للتاني اتصل اطمن عليكي

كامليا/ تصبح علي خير يا باشمهندس

..........

في صباح أحد الأيام

تنزل هنادي من فوق رايحه المدرسة

الحاجة أمينه / تعالي يا هنادي عايزاكي

هنادي/ خير ياامه الحاجة

الحاجة امينه/ هو طارق جاي النهاردة

هنادي /معرفش

شوق/ نرمين مكلمه محسن وقالتله انهم جايين النهاردة

الحاجة امينه/ طيب ابقي تعالي بدري بقي

هنادي/ معلش ممكن تتصلي علي طارق قوليلوا اني هروح ابات عند امي الليلة

الحاجة امينه/ ازاي يعني يا بنتى

هنادي /مااني بكره اجازة وأمي وحشتني هعدي عليها بعد مطلع من المدرسة

الحاجة امينه ممسكه ايد هنادي بقوة/ بلاش عند يا هنادي واقعدي مع جوزك

هنادي /هو مش جاي علشاني يبقي لازمته ايه اقعد

الحاجة أمينه /مين قالك كده يعني عريسك جاي مثلا يقعد معايا اني

هنادي /معرفش ياامه الحاجة أساليه

الحاجة امينه/ اني مش فاضيه للعب العيال ده اعقلي واقعدي في بيتك

هنادي /حاضر اني ماشية

تخرج هنادي

شوق/ ماهي طالما ماشيه علي مزاجها لازم تعمل كده عارفة يا مرات عمي اللي زي هنادي دي عايزة تاخد علقة علشان تمشي عدل

الحاجة امينه/ بلاش تولعي فيها اكتر وادخلي المطبخ انتي اللي هتطبخي النهاردة

شوق/ ليه وهنادي هانم مش هتمد ايدها في حاجة النهاردة

الحاجة امينه /معلش يا شوق مشيها النهاردة خليها ترجع تروق شقتها

شوق/ ماشى يا مرات عمى بس انتي كده مقسمة الشغل بيني وبين هدى بس

الحاجة امينه /معلش عدي الاسبوع ده واني هقسم عليكو من الأسبوع الجاي

.........................

في الطريق

نرمين /عارف يا طارق انا مليش نفس أنزل البلد معرفش ايه لازمة اننا ننزل كل أسبوع

طارق/ احنا بقالنا أسبوعين منزلناش

نرمين /وحسابهم هههههه

طارق /معلش بقي يا نرمين استحملي

نرمين/ طيب كله علشان خاطر الست هنادي

طارق $ وبعدين معاكي شليها من دماغك

نرمين/ انت متخانق معاها صح

طارق يسكت

نرمين/ بقالك كتير مكلمتهاش اكيد متخانقين

طارق/ تعرفى تخليكي في نفسك

.................

هنادي خارجه من المدرسة التليفون يرن تنظر بلهفة

تلاقي كامليا اللي بتتصل

هنادي /ازيك يا كامليا

كامليا/ الحمد لله

وائل أخد رقمي منك صح

هنادي /ليه هو في حاجة

كامليا/ ايه اللي يخليكي تعطيه رقمي

هنادي/هو طلبه مني علشان يكلم خالتي

كامليا / وانتي بقي عايزاني أصدق الكلام ده

هنادي /طلعيني من الموضوع يا كامليا لما اروح البيت هبقي اكلمك

كامليا/ ليه انتي في المدرسة

هنادي /رايحه اركب اهوه علشان اروح

كامليا/ طيب توصلي بالسلامة

....................

في منزل العمدة

الحاجة امينه/ شهلي يا شوق

جرس الباب يرن

رسميه تفتح

نرمين ببتسامة/ ايه يا جماعة الروايح الحلوة دي جوعتونا

طارق/ طب وسعي بقي الشنط تقيله

تخرج الحاجة امينه من المطبخ

يقرب طارق ببتسامة ويقبل يد والدته

الحاجة امينه / حمدا لله علي السلامة

نرمين/ وحشتونا اوي ياامه

طارق/ ههههه بامارة إنك مكنتيش عايزة تيجي

شوق/ ازيكو ايه مالكو شكلوا خاسس كده ليه

الحاجة امينه/'ايه يا بنتي انتوا مبتكلوش

طارق/ هههههه معدتي تعبتني اوي ياامه من طبيخها

نرمين/'بقي كده يا خسارة تعبي طول الليل في المطبخ

شوق/ انتوا مبتكلوش غير بالليل ولا ايه هههههه

تدخل هنادي من بره/ مساء الخير

يلتفت ليها طارق يسلم عليها / عامله ايه

هنادي /الحمد لله

اني هطلع اغير هدومي ياامه الحاجة عايزة مني حاجة

الحاجة امينه /'لأ يابنتي سلامتك

تطلع هنادي شقتها

تغمز الحاجة لطارق

طارق/ طيب بعد اذنكو هطلع اغير هدومي

..............

في شقة طارق

هنادي خارجه من الحمام

طارق قاعد علي السرير

طارق ينظر لها

هنادي تفك شعرها وتفتح الدولاب

طارق /ايه المقابله الباردة بتاعتك دي

هنادي صامته

طارق /مش عايزة تتكلمي معايا

هنادي /انت اللي مش عايز تتكلم معايا مهانش عليك تتصل ولو مرة تطمن عليه

طارق/ كنت بكلمهم تحت وبتطمن عليكي

هنادي/ فيك الخير

طارق/ متبقبش غلطانه وتعملي نفسك صاحبة حق

هنادي/ خلاص اني غلطانه جيت ليه

طارق / يعني مكنتش اجي

هنادي/ براحتك متفرقش

يقرب منها طارق / طب عيني في عينك كده يعني مكنتش واحشك

هنادي/:لأ

طارق يحتضنها/ بس انتي كنتي وحشاني

تبعد هنادي عنه/ اللي ميبقبش عليه مبقاش عليه

طارق/ نكمل كلامنا بعدين انا تعبان هغير وأنزل اتغدا مش هتنزلي معايا

هنادي/ لأ اني هنام

طارق/ براحتك

يغير طارق هدومه وينزل يتغدا

الجميع مندهش من عدم نزول هنادي معاه ولكن صامتين مبيتكلموش

....................

في شقة طارق في المساء

هنادي/ يعني لو منفذتش اللي انت عايزة هتفضل مبوز كده في وشي صح

طارق /الواحده مفروض ترضي جوزها

هنادي/ يعني اخوك يشتمني ويعيب في أهلي وانت كمان عايزني أنزل اعتذرله ايه الذل ده

طارق/ يعني أنك ترضيني وتكبري بيه وتحترمي اخويا الكبير يبقي ذل

هنادي بدموع/ ماشي يا طارق هنزل وأعتذر لاخوك وكده يبقى جبتلي حقي صح

تفتح هنادي الباب

طارق يمسك ايدها/ استني جاي معاكي

...................

يرن طارق جرس باب شقة محسن

تخرج شوق تفتح/'طارق اتفضل

طارق/'محسن موجود

يخرج محسن من الغرفة

محسن/ اتفضل يا طارق أدخل

طارق لهنادي/ تعالي يلا

تدخل هنادي بضيق

طارق / معلش الوقت متأخر بس جيت ومعايا هنادي علشان تعتذرلك

محسن / هنادي اختي الصغيرة واني مش زعلان منها

طارق / دا العشم يااخويا

يغمز طارق لهنادي

هنادي تحاول التماسك / اني آسف ياابو محمود

شوق/ خلاص يا جماعة محصلش حاجة واحنا أهل

هنادي/ تصبحو علي خير

وتطلع شقتها بسرعة

شوق تنظر لمحسن

طارق يستاذن ويطلع شقته

هنادي منهارة من العياط

طارق/ خلاص بقي يا هنادي

هنادي / خلاص عملت اللي انت عايزة

سيبني انام بقي

طارق /يعني ايه تنامي انتي بتستهبلي يا هنادي

هنادي/ انى تعبانه وعايز انام

طارق/'انا مش عارف ايه الجوازة النكد دي

هنادي / تقصد جوازك مني صح

طارق /انا زهقت من لعب العيال بتاعك ده احنا مش عارفين نتفاهم مع بعض خالص

هنادي/ خلاص كل واحد يروح لحاله

ينظر لها طارق بغضب

تصرخ هنادي بعد ما تحس انه هيقرب منها وعايز يضربها تجري على غرفتها وتقفل الباب.

يقعد طارق في الصالة بغضب

جرس الباب يرن

يفتح طارق الباب سعيد وهدي واقفين علي الباب

هدي بخجل/ احنا اسفين بس قلقنا وسمعنا صوت هنادي

طارق/ لا مفيش حاجة هي جوه

تدخل هدي وتخبط علي هنادي تفتح بعد متطمن انها هدي

هنادي ببكاء/ في حاجة يا هدي.

هدي/ اني اللي جايه أسألك في ايه يا هنادي

بعد شوية تخرج هدي من الغرفة وتقعد تتكلم مع طارق

هدي/ معلش يااستاذ طارق هنادي بردو صغيرة ومتعرفش كتير في الحياة استحملها شوية وبكره تتعودوا علي أطباع بعض

هنادي/ دا كان عايز يضربني

طارق بدهشة/ انا اضربك ؟! دي كانت تقطع أيدي قبل معملها

هنادي بلهفه/ بعد الشر عليك

هدي ببتسامة / أظن ملناش لازمة احنا بقي يلا يا سعيد

يقفل طارق الباب ويقرب من هنادي

طارق/ انتي بردو تصدقي إن ممكن أمد أيدي عليكي في يوم

هنادي/ اومال كان شكلك عامل ليه كده من شوية

طارق /انا بس كنت مضايق علشان بتقولي كل واحد يروح لحاله انتي مش عارفة انك روحى اللي عايش بيها

هنادي/علشان كده فضلت كذا يوم متكلمنيش

طارق/ غصب عني كنت مضايق اوي من اللي حصل وكنت هتجنن واكلمك بس

هنادي/ كنت بتادبني

طارق/ خلاص بقي يا حبيبتي انسي

هنادي / وانت كمان حقك عليه مش هعمل كده تانى

طارق ببتسامة / طيب ادخلي سخني الأكل امي طلعت لينا العشا علشان انتي ماكلتيش وانا كمان معرفتش أكل من غيرك

هنادي ببتسامة /'حاضر من عنيه

طارق/ تسلملي عيونك يا روحي

................... 

البارت الرابع عشر 

.


................

طارق /انا بس كنت مضايق علشان بتقولي كل واحد يروح لحاله انتي مش عارفة انك روحى اللي عايش بيها

هنادي/علشان كده فضلت كذا يوم متكلمنيش

طارق/ غصب عني كنت مضايق اوي من اللي حصل وكنت هتجنن واكلمك بس

هنادي/ كنت بتادبني

طارق/ خلاص بقي يا حبيبتي انسي

هنادي / وانت كمان حقك عليه مش هعمل كده تانى

طارق ببتسامة / طيب ادخلي سخني الأكل امي طلعت لينا العشا علشان انتي ماكلتيش وانا كمان معرفتش أكل من غيرك

هنادي ببتسامة /'حاضر من عنيه

طارق/ تسلملي عيونك يا روحي

...................

في الصباح

تقوم هنادي بفزع من جمب طارق

طارق ممسك يدها/ رايحه فين يا حبيبتي

هنادي /هنزل تحت علشان

يقاطعها طارق ويحتضنها/'مينفعش أكون هنا وتسبيني وتنزلي

هنادي /بس يا طارق أمه الحاجة عايزني أنزل

يقاطعها طارق ويحتضنها بقوة/ وانا مش عايزك تنزلي خليكي نايمه جمبي

تبتسم هنادي / حاضر يا حبيبي

... ...........

بالأسفل

الحاجة أمينه / خلي رسميه تشيل الأكل وانتي ياهدي طلعي الأكل من التلاجة انتي وشوق هتعملوا الغدا النهاردة

شوق/ طيب!!!

ماهو ناس ليها الدلع وناس ليها الوقفه في المطبخ

الحاجة أمينه / معلش يا شوق انتي مكنتيش عروسة زيها

شوق وهي داخله المطبخ / آه يا مرات عمى كنت عروسة وبنزل اطبخ عادي

الحاجة امينه/'قومي اطبخي انتي يا بنتي وسبيها تستريح

شوق/ في ايه يا مرات عمي انتي مش طايقالي كلمة ليه

تنزل هنادي

هنادي /صباح الخير

الحاجة أمينه / صباح النور يا بنتي

ايه اللي نزلك دلوقتي

شوق بسخرية/ صحيح ايه اللي نزلك كنتي خليكي فوق

هنادي/ نزلت علشان اطبخ

هدي/ اني كنت هطبخ ومكنتيش تنزلي

الحاجة أمينه / خلاص يا هدي ادخلي انتي وهنادي خلصوا الغدا علشان يكون جاهز علي جيت الرجاله من الصلاة

هدي/ حاضر ياامه الحاجة

الحاجة أمينه /طارق صحي يا بنتي

هنادي /شوية كده وهطلع اصحيه

...............

في الأرض

كامل/ بس اني مش هبيع يا عادل

عادل/ اومال ليه مكلم جارك في الغيط علي إنك عايز تبيع

كامل/ كنت عايز ابيع قبل هنادي متتجوز دلوقتي خلاص ملوش لازمة البيع وبعدين في حتة أرض بتتباع جارنا هنا بقول اشتريها انا وانت

عادل /ماشي اشوفها الأول سعر القيراط عامل كام

كامل / خمستاتشر بس الراجل هيبيعها علي بعضها

عادل /كام قيراط

كامل/ فدان ونص

عادل/ خلاص مبروكين عليك

كامل/ بس اني مش هقدر اشتريها كلها ممعيش المبلغ كله بقول تشتري نصها بدل متضيع مننا

عادل /لأ اني هشتري في حته تانيه

كامل/ خلاص اشتري معاك فيها لو كانت أرض عافيه وسعرها معقول

عادل/:لأ اني خلصت فيها خلاص

كامل/ مقولتليش يعني

عادل/ وانت يعني كنت قولتلي علي موضوع الأرض دي غير دلوقتي

كامل/'الراجل كان مكلمني من كذا شهر بس جات جوازة هنادي وقولت الفلوس هجهزها بيها وابيع كام قيراط عليهم.

عادل /ومعاك فلوس بقي دلوقتي؟ !

خلاص يااخويا اشتري علي قد فلوسك

يعدي علي جوز صفية من قدامهم

كامل/ اتفضل يا علي اشرب الشاي

علي بضيق/ لا اكتر خيرك ياابو وائل

عادل/ اني ماشي عايز حاجة

كامل/'اشرب الشاي اني صبيته

عادل / لا يدوب هروح اتشطف علشان صلاة الجمعه

كامل/ طب استني اني جاي معاك

..............................

في منزل العمدة بعد الغدا

العمدة ومحسن وسعيد وطارق والحاجة أمينه قاعدين مع بعض بيشربوا الشاي

العمدة/'نادي علي نرمين يا حاجة

شوق وهدي وهنادي ونرمين قاعدين مع بعض في غرفة تانية

نرمين تاخد كوباية الشاي وتقوم/ هروح اشوف امي عايزة مني ايه

هدي/ اني هقوم انام شوية

..........

العمدة /تعالي يا نرمين اقعدي جاري هنا

نرمين ببتسامة/'خير ياابه

العمدة/ خير يا بنتي

طارق/ الموضوع شكله فيه عريس هههههه

نرمين/ تاني ياابه

طارق/ انا طالع شقتي عايزين مني حاجة

العمدة/ مش تقعد علشان تعرف مين العريس

نرمين/ يعني الموضوع بجد

الحاجة أمينه / وماله يا بنتي انتي مش خلاص هتخلصي السنه دي ....ان شاء الله

طارق /بعد اذنكو

نرمين/ واني مش عايزة اتجوز

العمدة /مش تعرفي مين الأول

نرمين/ هيكون مين. ..لو من البلد مش عايزة اتجوز

سعيد / ومالها البلد يا نرمين

نرمين/ اني مش هتجوز في البلد دي دا اني مبصدق اطلع منها واروح مصر تقوموا عايزين تجوزوني فيها

سعيد /طب اقعدي واعرفي مين العريس الأول

نرمين/ هيكون مين يعني

العمدة / جمال ابن الحاج ممدوح شيخ البلد أظن شاب زي الورد ومتعلم وأهله ناس طيبين

نرمين/ جمال ههههههه معدش إلا ده كمان

محسن/ وماله جمال اني اعرف إنه مخلص كلية تجارة

نرمين/ بس فلاح بردو

العمدة/ فلاح ايه !!هو بيشرف علي أرض أبوه مش شغال فيها يعني

الحاجة امينه/'وماله الفلاح يا بنتي بلاش بطر

ومتنسيش إن ده اصلنا

نرمين بغضب/ واني مش هتجوز فلاح استريحوا بقي

تقوم نرمين

العمدة/ معرفش البت دي طالعه لمين مش عاجبها حد

الحاجة امينه / خليها بكره يجيلها اللي يطلع عينها

محسن/ اني هقوم اريح شوية عايز مني حاجة ياابه

العمدة/ لا ياابني بس ابقي عدي على الأستاذ فهمى وشوف باقي الكيماوي هيجي أمتي الكيماوي اللي جبته مش هيكفي الأرض

محسن/ حاضر ياابه هبقي اروحله المغرب

سعيد/ استني يا محسن جاي معاك

العمدة لسعيد/ وانت ياابني مش ناوي تفوق بقى وتشوف مصالحك بلاش سهر كل ليلة ده

سعيد / حاضر ياابه

الحاجة امينه/ حد من الحريم قاعد بره

محسن/ لأ الظاهر طارق خد مراته وطلعوا وشوق وهدي كمان

الحاجة أمينه / خليهم يستريحوا تعبوا النهاردة في المطبخ

العمدة / هروح أصلي العصر واعدي علي الغيط

الحاجة أمينه / واني هدخل اشوف رسميه خلصت المواعين علشان تعمل حتة الزبدة دي وتوزع اللبن علي كام واحده كده كانوا طلبوه مني واني قولتلهم مببعش اللبن

العمدة/ مترديش حد محتاج يا حاجة واوعي تاخدي من غلبان فلوس

الحاجة امينه/ حاضر يا حاج

...............................

في المساء في شقة طارق

يستيقظ من النوم ليجد هنادي جالسه في الغرفة المقابلة لغرفة النوم

طارق ببتسامة/ سيباني نايم لوحدي وبتعملي ايه

هنادي/ بكتب الواجب

طارق / هههههههه

طب وريني بتكتبي واجب ايه

هنادي/ انجليزي

طارق/ طب تحبي أساعدك

هنادي /لأ محبش حد يحللي الواجب

طارق بمزح/ شكلك دحيحه يابنت الايه

هنادي بدهشة/ يعني ايه دحيحه دي

طارق/ يعني شاطرة ههههه متخافيش مش شتيمه

هنادي/ واضح انك بتتريق عليه

طارق/ لا يا حبيبتي انا مبتريقش عليكي بس يعني الواجب والمذاكرة ممكن تتأجل الليلة

هنادي/ معلش بقي يا حبيبي انا قربت أخلص

طارق يقرب منها ويحملها

هنادي/ استني بس انا قربت أخلص

طارق / لا مستناش الاجازة قربت تخلص وانتي قاعدة بتذاكري!!!

هنادي/'نزلني بقي يا طارق هقع بجد

طارق/ لا متخافيش انا ماسك كويس

هنادي/ طب حاسب لتتكعبل في الكرسي

تصرخ هنادي وتوقع هي وطارق

طارق بلهفة/ حصلك حاجة

هنادي /ضهري بيوجعني شوية

طارق /سلامتك يا حبيبتي وريني اشوفه

هنادي /تشوف ايه؟ !!...بقولك حاسب تقوم توقعني

طارق بتعب/ مكانش قصدي

هنادي/ حصلك حاجة

طارق /لأ مفيش حاجة بسيطة

هنادي / رجلك متعوره يا طارق هجبلك قطن وشاش واربطهالك

طارق/ متتعبيش نفسك دا جرح بسيط

تجيب هنادي الشاش والقطن وتربط رجل طارق

طارق/ تسلم ايدك يا حبيبتي

هنادي/ قوم بقي وانا هسندك للسرير

طارق/ لا انا هقوم لوحدي متكبريش الموضوع

هنادي/ فاكر لما رجلي اتعورت وانا بجري من قدام الحصان

طارق/ ههههههه كان كل مشوفك لازم تحصلك حاجة

هنادي /بس يومها عرفت اسمي صح

طارق/ هههههه ايوه صح وبعدها بيوم عرفت بيتكو

والليلة اللي بعدها اتقدمتلك

هنادي/ لأ دا كان بعد مجيت ورايا الغيط فاكر لما استخبيت في القش هههههه

طارق/ مش عارف انتي عملتيلي ايه من أول يوم شوفتك فيه

هنادي /النصيب بقي

طارق/ بس نصيبي طلع حلو وزي القمر

هنادي/ هههه طب يلا علشان تنام عندك سفر الصبح

طارق /متفكرنيش انا بحاول أنسى

هنادي/ وانا كمان

متتصورش البيت بيبقى وحش ازاي من غيرك

طارق يحتضنها/ معلش فترة وهتعدي يا حبيبتي خلصي انتي بس دراستك وانا أخدك معايا ونعيش مع بعض

هنادي/ أمتي بقي

طارق/ هانت يا حبيبتي لو عرفت انقلك السنه الجايه هسحب ورقك واقدملك في مدرسة قريبه من المنطقة اللي ساكن فيها

هنادي/ ياريت حتي نبعد عن المشاكل هنا

طارق/ وبعدين بقي مش قولنا ننسى

هنادي / خلاص يا حبيبتي نسيت

يحملها طارق ويدخل بيها الغرفة

هنادي/ لا بقي انت مصمم حاسب لتوقع

طارق/ ههههههه لا متخافيش مفيش كراسي هنا

هنادي/ ههههههههه

................

في منزل صفيه

صفيه/ وكان عايز منك ايه

كامليا/'معرفش ياامه بس حسيت من كلامه إنه ندمان

صفيه /ندمان؟!...اسمعي يا بنتي لو اتصل بيكي تاني اوعى تردي عليه خليه كده ندمان لوحده

قال ندمان قال.

كامليا/ بس اني مبسوطه قوي ياامه

صفيه/'وايه اللي باسطك في كده

كامليا/ حسيت انه مكسور وبالرغم انه عمل اللي هو عايزة بردو مش سعيد في حياته

صفيه/ شليه من دماغك يا بنتي انسيه خالص والتفتي لحياتك

كامليا/ لا ياامه خلاص موضوع وائل ده اتنسي خلاص

الباب يخبط تفتح كامليا

كامليا/ اتفضلي يا خالتي

صفيه/'مين يا بنتي

سعدية/ اني يا صفيه ايه أدخل ولا امشي

كامليا/ يا خبر يا خالتي اتفضلي طبعاً

تقرب سعدية تسلم علي أختها

صفيه/ اقعدي يا سعدية

سعدية/ هقعد بس يبقي من قلبك

صفيه/ من قلبي يااختي احنا أخوات والضفر عمره ميطلع من اللحم اعملي شاي لخالتك يا كامليا وهاتي حاجة حلوه من اللي انتي جايباها معاكي من مصر

كامليا/ اني بقول خالتي تتعشي معانا هدخل اجهز العشا

سعدية/ لأ عشا ايه اني هشرب شاي

صفيه /طيب يا بنتي روحي اعملي شاي

سعدية/'عامله ايه يااختي

صفيه/ الحمد لله. ..بخير انتي عامله ايه

سعدية/اني بخير طول ماانتي بخير اوعى تكوني لسه شايله مني بسبب اللي حصل من وائل

صفيه /اني مبشيلش من حد يا سعدية وخلاص دا كان موضوع وانتهي

سعدية /طيب مبتجيش عندي ليه

صفيه/ مش هكدب عليكي على واخد علي خاطره شوية اكمن كامل مجلوش ولا حتي دعاه في فرح هنادي هي مش بنته وفرحكو يفرحنا احنا كمان

سعدية/ بصراحه يااختي احنا مكسوفين من اللي حصل ومكناش عارفين نيجي نقولكو ايه

كامليا جايه بالشاي

كامليا /الشاي ياخالتي

سعدية/ تسلم ايدك يا بنتي عامله ايه يا كامليا

كامليا/ الحمد لله

سعدية/ هنادي بتقولي انكو بتكلموا بعض في التلفون

كامليا /آه بكلمها علي طول

سعدية/ انتوا أخوات يا حبيبتي اوعى تقطعي بيها

كامليا/ لا طبعا يا خالتي هنادي اكتر من أختي وعمر مافي حاجة تبعدنا عن بعض ابدا

صفيه/ اخوكي جلال جالي امبارح وطلب ايد كامليا لعمر

تنظر كامليا لوالداتها بدهشة

سعدية/ عمر أبن اخويا زينة الشباب يا بخت اللى هتتجوزه هتعيش سعيده جلال اخويا طيب ومراته كمان متتخيرش عنه

كامليا /بس اني مش بفكر في الجواز دلوقتي يا أمه

سعدية/ ليه يا بنتي إن كان علي التعليم تتجوزي وتكملي تعليمك عادي هنادي ماهي متجوزه وهي في التعليم اهوه

كامليا / بس اني جامعتي في مصر ياخالتي لأ مش هينفع

سعدية/ طيب تتمسوا علي خير الوقت اتأخر تصبحو علي خير

صفيه/ لسه بدري يا سعدية

سعدية/ بصحي بدري عندي كام بطه كده طالعينلي لو موالتهمش يموتوا

صفيه/ طيب يااختي بس ابقي تعالي اقعدي معايا أهو نونس بعض كامليا بتسافر مصر واني بقعد لوحدي

سعدية /الحال من بعضه اهي هنادي كانت مونساني قطعت بيه بعد متجوزت والبيت فضي عليه وكامل طول النهار في الغيط

صفيه/ خلاص ابقي تعالي

سعدية/ ماشي تصبحي علي خير

تخرج سعدية

صفيه/ مالك يا كامليا زعلانه ليه

كامليا/ انتي ليه قولتي لخالتي سعدية إن عمر ابن خالي أتقدملي عايزة تغظيها

صفيه/ واغيظها ليه يا بنتي ماهو ده اللي حصل فعلا خالك جالي امبارح وقالي إن عمر عايزك وكان محرج يتكلم قبل كده علشان خاطر وائل ابن عمته

كامليا/ ايه يعني خالي جه حقيقي

صفيه/ ايوه

كامليا / واني مش موافقة

صفيه/ ليه كده يا بنتي

كامليا / أهو كده وخلاص ياامه. ..تصبحي علي خير

..................

بعد مرور عدة شهور من الأحداث

في منزل كامل

سعدية/ عامله ايه في الحمل يا ضنايا

هنادي /كويسه ياامه بس تعبانه ودايخه وعايزة أفضل نايمه علي طول هو كده عادي ياامه

سعدية/ ايوه يا بنتي في ناس حملها بيبقي نوم وفي ناس عادي يعني بتتوحم علي أكل معين

هنادي/ آه ياامه فكرتيني. ..

نفسي هفاني علي جبنه حادقه هموت واكلها

سعدية/ يا ضنايا حاضر هطلع اجيبلك من الجره اللي فوق السطح

تطلع سعدية بسرعة وتنزل

سعدية /كلي يا حبيبتي الجبنه اهه غمسيها بعيش خبزاه الصبح

هنادي/ تسلم ايدك ياامه

سعدية/ هسلقلك بيض واغليلك لبن

هنادي/ لأ اني مش هاكل إلا الجبنه

سعدية/ متكلهاش حاف يا بنتي هتتعبك

هنادي/ خليني أكل لا الواد يطلعوا حتة جبنه

سعدية/هههههه بس مش تكتري منها هعملك بيض بسمنه بلدى علشان تتغذي

تدخل سعدية المطبخ

هنادي/ شوفتي ياامه عايزين يسموا الواد ايه

سعدية/ أي اسم يا بنتي المهم يجي بالسلامة

هنادي/ طارق اول معرف اني حامل وهو معلق علي اسم حامد سعدية/ وماله يا بنتي اسم أبوه متزعلهوش وسمي زي ماهو عايز

هنادي/ لا يمكن ابدا ....اني اسمي ابني حامد!!!

تخرج سعدية/ وهو اسم حامد وحش ارضيهم علشان يرضوا عنك سعدية تنظر بدهشة ^ايه يا بنتي ده انتي خلصتي الجبنه

هنادي/ ههههه ايه ياامه قولي بالف هنا

سعدية/ بالف هنا يا بنتي بس العيش قدامك زي ماهو كلتي الجبنه حاف

هنادي/ مش هيبقى هنا وهناك ياامه دول مش بيخلوني أمد أيدي في طبق الجبنه ولا المخلل قال ايه مش كويس علي الحمل سعدية /ايوه يا بنتي بلاش تكتري من الحوادق كلي بقي طبق البيض ده واشربي كوباية اللبن دي

هنادي /طب اطلعي هاتيلي حتة جبنه

سعدية/ لأ اني مش قادرة اطلع

هنادي/ خلاص هطلع اني

سعدية/ ولا انتي هتطلعي وكفاية أكل جبنه بقي وكلي حاجة مفيدة تغذي اللي في بطنك

هنادي/ عمي ومرات عمي كويسين ياامه

سعدية/ آه بخير

هنادي/ ايه ياامه مالك

سعدية /مبرحش هناك كتير بعد اللي عمله عمك

هنادي/ياااااه. .دا موضوع قديم ياامه

سعدية/ يعني يروح يشتري الأرض اللي ابوكي مكلمه عليها من غير ميقوله وابوكي اللي عايزة يشتري معاه علشان يبقوا مع بعض

هنادي/ معلش ياامه ماانتي عارفة عمي

سعدية/ لأ ومرات عمك ثناء كمان مبقتش تيجي ومقابلاها في السوق بسلم عليها

سلمت ودارت وشها زي اللي مش كانت عايزة تشوفني

هنادي/ محدش منهم دخلي بيت من أول متجوزت

سعدية/ بقولك ايه يا بنتي هي مرات اخوكي بتكلمك

هنادي/ آه ياامه كل فترة كده تكلمني وتسأل عليه هي مش بتكلمك ولا ايه

سعدية/ لا بتكلمني علي طول دي بتكلمني اكتر من اخوكي متعرفيش حملت ولا ايه

هنادي/ اني مش بسأل ياامه

سعدية/ قلقانه قوي يابنتي اخوكي داخل علي سنه متجوز

هنادي/ مااني لسه حامل اهوه في الأول واني متجوزة بعدهم بشهر واحد

سعدية/ بس خايفة يكون في حاجة وهما مش عايزين يقولوا اخوكي ساكت يعني لا بيشتكي ولا حتي بيفتح الموضوع معايا

هنادي/ متقلقيش ياامه خير. ...إن شاء الله

هقوم اني بقي يدوب أروح اذاكر شوية وانام علشان الامتحان الصبح

سعدية/ هتخلصي امتحاناتك أمتي

هنادي/ الاسبوع الجاي

سعدية/ على خير يابنتي. ..ذاكري كويس علشان تعدي السنه دي علي خير

هنادي/ يارب

سعدية/ محدش هيجي ياخدك

هنادي/ لأ ياامه وبعدين الدنيا لسه مضلمتش قوي

الباب يخبط تفتح هنادي

هنادي/ خاله رسميه

رسميه/مساء الخير ياام وائل

سعديه/ يسعد مساكي اتفضلي ياام احمد

رسميه / تشكري بس الحاجة بعتتني علشان الست هنادي أهو نمشي مع بعض ونس

هنادي/ واني كنت لسه طالعه اهوه

مع السلامة ياامه

سعدية/ مع السلامة يا ضنايا خلي بالك وانتي ماشية

هنادي / حاضر ياامه 

الخامس عشر 


رجعت هنادي البيت مع رسمية وأول مدخلت قابلته محسن نازل من علي السلم

محسن لرسميه بضيق / كنتي فين لحد دلوقتي

رسميه/ شيعتني الحاجة علشان اروح للست هنادي بيت أبوها

محسن بسخرية /ست

هنادي بتحاول تتجاهل نظراته ليها

محسن/ وانتي بقي قولتي لحد في البيت إنك رايحه لبيت ابوكي

هنادي بحده/ طارق عارف واني كمان استاذنت من ابويا الحاج

تخرج الحاجة أمينه /هنادي انتي جيتي يا بنتي

هنادي /مساء الخير ياامه الحاجة

الحاجة امينه / مساء النور يا بنتي ادخلي علشان تتعشي

ادخلي يارسميه ساعدي البنات في المطبخ

هنادي/ لأ اني مش هقدر اتعشي هطلع اذاكر شوية وانام

الحاجة امينه/ مينفعش تباتي من غير عشا حتي علشان اللي في بطنك ادخل يا محسن ياابني انت رايح فين كده

محسن / رايح مشوار كده علي السريع وجاي علي طول

هنادي/ تصبحو على خير

الحاجة أمينه /بردو مش هتتعشي؟!

دماغك ناشفه اني هقول لجوزك يشوف حل معاكي

تطلع هنادي شقتها

محسن/ ماعنها متعشيت ياامه انتي مضايقك نفسك ليه

الحاجة امينه/ ليه بتتكلم كده ياابني مش عيب دي مرات اخوك وميصحش كده

محسن/ يصح ايه وميصحش ايه ياامه

انتي عماله تعزمي عليها وهي بتتكبر عليه مش عارف

لتكون فاكره انها هتجيب الديب من ديله ولا اول اللي هيخلفوا

الحاجة امينه/كلامك مش عاجبني يا محسن احسنك متكونش فرحان لاخوك

محسن/ واني افرح ولا ازعل ليه مش هو اللي اختارها وجابهالنا تعيش معانا

الحاجة امينه/ روح يا ابني شوف وراك أيه الكلام معاك مش هيجيب نتيجة

......................

هنادي في التليفون / لسه جايه من عند امي دلوقتي

طارق /متبقيش تتاخري كده تاني

هنادي /حاضر بس امي مسكت فيه علشان اتعشي معاها وهو ده اللي اخرني

طارق/ يعني متعشتيش مع الجماعة تحت

هنادي/ شبعانه ومش قادرة احط حاجة في بوقي

طارق/ بتعملي ايه دلوقتي

هنادي/ كنت لسه هفتح الكتاب علشان اذاكر

طارق/ طيب هسيبك علشان تذاكري

هنادي/ لا يا طارق خليك معايا شوية

طارق /يا حبيبتي انا عايز ابقي معاكي علي طول بس علشان خاطر السنه دي تعدي علي خير وتنجحي لازم نضحي شوية ومش عايز دلع ذاكري كويس وركزي في الإمتحان

هنادي /هركز ازاي واني ببقي قاعدة في الامتحان بفكر فيك وبشوف صورتك في ورقة الأسئلة

طارق /هههههه أنتي

آه منك. ..بتاكلي بعقلي حلاوة بالكلمتين دول

هنادي/ لا بجد هو دا اللي بيحصل

طارق/ يعني ايه مبتحليش في ورقة الاجابة

هنادي/ لا بحل ماهو انا لما بشوف صورتك بفتكر الاجابة علي طول

طارق /ههههههه بجد مش عايز اقفل معاكي بتوحشيني اوى بس هعمل ايه مستحمل بس علشان خاطرك

هنادي/ بتحبني يا طارق

طارق / مش هجاوبك علشان السؤال ده مش مفروض تساليهولي مفروض تبقي عارفة الاجابة لوحدك

هنادي/ يعني عمرك مهتسيبني

طارق /ايه الكلام ده يا هنادي

هنادي/ مش عارفة ليه دايما عندي إحساس إن السعادة اللي اما فيها دي مش هتدوم

طارق /ليه كده يا هنادي

هنادي ببكاء / مش عارفة إحساس بيجيني

انا كده من وانا صغيرة مفيش فرحه ليه كملت للآخر

طارق / ادخلي اغسلي وشك وصحصحي وذاكري كويس علشان الاسبوع الجاي هاخدك معايا مصر تقعدي لحد مخلص امتحانات في المدرسة ونرجع نقضي الاجازة في بيتنا

هنادي بفرحه/ بجد يا حبيبي

طارق /بجد ياروحي

هنادي/ ونرمين ؟

طارق/ مالها ؟

هنادي/ هتبقى معانا

طارق/ اه ليه

هنادي/ لا ولا حاجة

طارق /نرمين مبتقعدش في الشقة لانها بترجع من الجامعة متأخر والوقت اللي بتقعده هنا بتبقي في اوضتها احنا تقريباً مبتقعدش مع بعض غير ساعة الغدا بس

هنادي/ طيب

طارق/ هقفل علشان تذاكري تصبحي علي خير يا حبيبتي

هنادي/ وانت من أهل الخير يا حبيبي

سلام

طارق / سلام

ينتظر شوية وبعدها

طارق /مبتقفليش ليه

هنادي/ لما تقفل انت الأول

طارق/ اقفلي يا مجنونه هههههه

هنادي/ بصراحة مش عايزة اقفل

طارق/ لو مقفلتيش ودخلتي اتذاكري هتعيطي الصبح

هنادي/ بتفكرني علشان اقفل يعني طيب مش قافله

طارق/ طيب انا اللي هقفل ايه رأيك بقي

يقفل طارق التليفون

هنادي بحزن/ كنت خليك شوية يا طارق

مع السلامة يا حبيبي هتوحشني لحد مسمع صوتك بكره

وتدخل اوضتها تذاكر

.............

في شقة وائل

وائل / يوووووه انتي ايه مبتزهقيش من الكلام في الموضوع ده بثينه / هو في أهم منه في حياتنا

واءل/ اه فيه

بثينه / طب قولي انت ليه مش مهتم

انا عملت التحاليل وطمنتك ليه انت متعملش وتطمني

وائل / وانا بقولك اطمني

ومتفتحيش الموضوع دا تاني

بثينه / يا حبيبي ماهو لازم انا وانت تطمن علشان لو الأمور طبيعيه يبقي خلاص نسكت ونستني

وائل / بردو مصره يبقي كلامنا في الموضوع ده وبس

قوليلي بقي سحبتي الفلوس من البنك

بثينه / بصراحة لأ

وائل / ليه

انتي مش مستامناني عليها

بثينه / لأ طبعا يا حبيبي بس يعنى الموضوع دا محتاج تفكير شوية

وائل / مش انتي صاحبة الاقتراح من الأول

بثينه / اه انا قولتلك تعمل مصنع علي قدك بس مش دلوقتي يعني بعدين تكون جمعت مبلغ كويس علشان متكونش مديون لحد

وائل / وانا قولتلك فلوسك هرجعها بعد ميبدأ المصنع يشتغل

بثينه / المبلغ اللي معايا ميكفيش

وائل/ اسحبيه وانا هتصرف

بثينه بتردد/ اوك بس الاسبوع الجاي

وائل / براحتك انا مش مستعجل

بثينه / هروح احضرلك العشا

تدخل بثينه المطبخ

بثينه تحدث نفسها/هو ايه اللي انا بعمله في نفسى ده ازاي ضعيفة كده قدامه ومش قادرة أقوله لأ

حتي حقي اني ابقي أم مش عارفة اواجهه واقوله لازم يعمل التحاليل

ياترى في ايه مخبيه عليه يا وائل

اخدت كل حاجة الشقة والعربية حتي فلوسي اللي في البنك عايزها

بس هو بيحبني وبيعمل كل ده علي مستقبلنا

انتي بتضحكي علي نفسك يا بثينه أنهي مستقبل ده وانتي مش عارفة تجيبي طفل منه ولا حتي راضي يكشف لو في حاجة حتي يتعالج

ولا يمكن مش عايز يجيب منك اطفال

يدخل وائل المطبخ تفزع بثينه

وائل / في ايه يا حبيبتي مالك اتخضيتي كده ليه

بثينه / لا مفيش

وائل/ طب بسرعة بقي علشان عندي شغل الصبح بدري

بثينه / حاضر يا حبيبي ثواني والعشا يبقي جاهز

........................

في أحد الأيام

في منزل صفيه

كامليا / اني قولتلك ياامه لأ معرفش انتي مصره ليه

صفيه/ خالك جاي دلوقتى يتكلم معاكي واني قولتله إنك هنا

كامليا /ليه كده ياامه بتحرجيني معاه

صفيه /طب اسمعي منه وبس ومحدش هيغصبك علي حاجة يا بنتي

كامليا باستسلام/ حاضر ياامه

الباب يخبط تفتح صفيه

صفيه / اتفضل يا جلال. ..انت يا عمر ياابني

كامليا توقف بارتباك

جلال ببتسامة/ ازيك يا كامليا

كامليا / الحمد لله. . ياخالي بخير

عمر/ ازيك يا بنت عمتي

كامليا / الحمد لله

صفيه/ اقعد يااخويا واقف ليه

جلال / طب ممكن عمر يقعد مع كامليا يتكلم معاها شوية

صفيه/ وماله يااخويا

جلال / خلاص نسيبهم يتكلموا هنا براحتهم واني عايزك في كلمتين

صفيه / تعالي نقعد هنا

تقعد صفيه وجلال في ركن بعيد عنهم

عمر ل كامليا / عامله ايه في درستك

كامليا / كويسه النهاردة اجازة ومسافرة الصبح بدري

عمر/ اني أدخل في الموضوع علي طول علشان مطولش عليكي انتي اكيد عندك علم احنا جايين ليه

كامليا/ عمر اني بقول

يقاطعها عمر/ معلش يا بنت عمتي اسمحيلي أكمل كلامي وبعدين اتكلمي انتي براحتك

كامليا/ اني مقصدش حاجة بس حابه أوفر عليك واقولك متزعلش مني طلبك يعني

عمر /سكتي ليه

لسه بتفكري في وائل ابن عمتي

كامليا / اني! !!

لأ طبعا

عمر/ ممكن اعرف ليه رفضاني

كامليا / اني مش رفضاك انى رافضة الموضوع من الأساس ومبفكرش فيه دلوقتي

عمر/ إن كان يعني تقصدي الجامعة وكده وقعادك في مصر فاني معنديش مانع انتي بنت عمتي ومش هلاقي واحده في اخلاقك واحنا عارفين بعض كويس يعني لو فيه عيب قوليلي عليه

كامليا / عمر انت الف واحده تتمناك والموضوع ملوش علاقة بيك اني قولتلك مبفكرش في الموضوع ده

عمر /يعني مفيش فايدة

مفيش أمل تراجعي نفسك

كامليا/ عمر اني آسفة

عمر/ وعلي ايه الأسف يا بنت عمتي الجواز مفهوش غصبنيه بالعكس لو مفيش رضا عمرك مهتبقي سعيدة بس اني حابب اقولك كلمتين واعتبري اني مش اتقدمتلك نهائي

هقولك اوعى تشتري اللي باعك في يوم لان اللي باع مره هيبقى الف مرة وافتكري اني قولتلك

كامليا / متشكرة علي نصيحتك دي وانت اخويا يا عمر واوعي تزعل

عمر/ مش زعلان بالعكس اني بتمنالك السعادة كل قلبي

ويبتعدت عمر عنها قائلاً / يلا ياابه

صفيه/ ايه ياابني مستعجل ليه اقعدوا اتعشوا معانا علي زمانه جاي يلا يا كامليا ندخل نجهز العشا.

جلال / لا معلش يا صفيه اني عندي مشوار كده لازم اروحه مره تانية بقي

يخرج جلال وعمر من المنزل يقابلوا علي بالخارج

علي/ علي فين يا جلال ازيك يا عمر

عمر/ الحمد لله

جلال / مروحين البيت كنا جايين نطمن علي صفيه ازيك محدش شافك من زمان مختفي فين

علي /ابدا يااخويا انت عارف من البيت للغيط

جلال /ابقي هات صفيه وتعالوا اقعدوا معانا شوية

علي /طيب متدخل نتعشي سوا

جلال / لا معلش

انت عارف أم العيال مبتاكلش من غيري

علي/ ههههه ماشي يا عم مع السلامة

............ ......

في منزل العمدة

الكل مجتمع علي السفرة ماعدا هنادي والعمدة

الحاجة أمينه لهدي/'اطلعي يا بنتي لهنادي خليها تنزل تتعشي

سعيد/'وتطلع ليه ياامه متنزل لوحدها

الحاجة أمينه /يمكن نايمه يا ابني يعني محدش يطلع يشوفها يمكن تعبانه ولا حاجة

هدي/ حاضر ياامه الحاجة

سعيد بحده/ لأ مش هتطلعي

ينظر محسن لشوق بغمز

محسن/ سبيها ياامه براحتها لو جعانه هتنزل لوحدها

الحاجة أمينه / يعني مفيش حد منكو عايز يطلع طيب اني اللي هطلع

محسن بغضب/'خليكي ياامه اطلع يا واد يا محمود خبط علي مرات عمك خليها تنزل تتعشي

يطلع محمود فوق عند هنادي

الحاجة امينه/ انتوا مالكو عاملين ليه كده هي دي مش مرات اخوكو يعني مفروض مسؤلة مننا علشان اخوك مش موجود

محسن/ ياريت ياخدها معاه لما يجي كل واحد فيه اللي مكفيه ومكناش ناقصينها هي كمان

ينزل محمود

محمود/ طلعت يا ستي محدش بيرد

هدي/ اني هطلع ياامه الحاجة

ينظر لها سعيد بغضب

الحاجة امينه/ اطلعي يا بنتي طمنيني بدأت اتوغوش عليها

تطلع هدي وتخبط علي شقة هنادي محدش يرد ترن الجرس كتير

تقوم هنادي بكسل وتعب تفتح الباب

هدي/


الخامس عشر والسادس عشر 


تنزل هدي لتحت جري

تلاقي الحاجة أمينه قاعدة في غرفة العمدة تبكي

محسن بيتكلم في التليفون.

سعيد/ كنتي فين

هدي / كنت فوق عند هنادي أصلها تعبانه

سعيد يقاطعها / ادخلي لأمي جوه شوفيها يمكن تعوز منك حاجة لما اتصل بالدكتور

هدي / آه كلم الدكتور ولا اقولك شغل العربية وتعالي وديها للمستشفي

سعيد/ أودي مين؟ !

هدي / هنادي اني فاكره انك بتتكلم عليها

سعيد بضيق/ اني أقصد ابويا

هدي / ليه ماله

سعيد /تعبان قوي يا هدي ادخلي لأمي هديها دي موتها روحها من العياط

تدخل كوثر وصباح بصراخ وبكاء

محسن بانفعال/ مش عايز اسمع صوت حد

يدخلوا جري لوالدتهم

هدي/ سعيد هنادي فوق تعبانه ولازم تروح المستشفي

سعيد /مش وقته دلع الست هانم خليها تتكسف علي دمها بقي محدش فاضيلها

تركها سعيد وخرج

هدي واقفه في حيره مش عارفة تعمل ايه تطلع لهنادي تشوفها ولا تدخل تطمن علي حماها

الدكتور يدخل بسرعة ومعاه محسن وسعيد

........

في شقة هنادي

هنادي بتصرخ من الوجع ومش لاقيه حد معاها بعد تلات ساعات من الألم اللي عاشتهم وبجانبها هدي

هنادي/ اتصلي علي ابويا يجي ياخدني يا هدي

هدي ممسكه التليفون تدور في الأسماء

تتصل

كامل يرد بصوت ناعس هنادي بتصرخ

كامل لسعدية/ تعالي معايا نشوف بنتك مالها

........

قدام منزل العمدة قبل دقايق من شروق الشمس

أهل البلد مجتمعين عند منزل العمدة مع بكاء وصياح أهالي القرية

يخرج الدكتور من المنزل وصراخ بنات العمدة بالداخل

يجري كامل وسعدية للأعلى

كل اللي كان شاغلهم هنادي

يحمل كامل هنادي وينزل لأسفل يدخلها العربية في طريقهم للمستشفي

............

في اليوم التالي

هنادي نائمة ممدده علي السرير في شقتها دموعها علي خدها بجانبها والدتها

بالأسفل

بكاء كل الحضور

احدي السيدات للحاجة امينه/ متعلميش في نفسك كده يا حاجة انت ست مؤمنه

سيدة اخري/'لا حول ولا قوة إلا بالله

الحاج حامد كان راجل طيب كفاية بس دعا الناس اللي بره دي ليه

سيدة اخري/ آه يااختي صدقتي الناس كلها كانت بتحبه مفيش واحد قصده في حاجة ورده مكسور الخاطر ابدا

تدخل نرمين ببكاء وتحتضن والدتها

الحاجة امينه/ كده نرمين لسه جايه

ابوكي كان نفسه يشوفك قبل

تبكي نرمين وصوتها يعلو

احدي السيدات/ شدي حيلك يا بنتي

ادخلي اغسلي وشك واستريحي انتى جايه من سفر

سيدة أخري بهمس/ هي يااختي مش خلصت علامها كانت بتعمل ايه في مصر

سيدة تانية/ بيقولوا بتكمل علامها بعد الكلية

الحاجة أمينه / طارق اخوكي جه

نرمين/ قاعد بره مع الرجاله

الحاجة امينه/'شيعي حد لاخوكي خليه يطلع يطمن علي مراته

احدي السيدات/'بالحق اومال فين هنادي محدش شافها لا هي ولا أمها

سيدة أخري /بيقولوا سقطت امبارح وكانت في المستشفي لسه راجعه من شوية اني شوفتها

إحدى السيدات / ياعيني دي تاني مره تسقط

سيدة اخري/ دول بيقولوا ده رابع ولا خامس حمل ليها وميكملش الظاهر بطنها مبتشيلش عيال

سيدة تانية/ يااختي واحنا مالنا احنا جايين نعزي ولا نشوف مين حملت ومين سقطت

سيدة اخري/ يااختي ولو عندها حاجة هتتعالج هما اللي عندهم شوية

سيدة تانية/'بيقولوا محدش من سلايفاها بيحبها اكمن أبوها علي قد حاله

سيدة أخري / هو الفقير كده دايما منداس يعني علينا

.................

يدخل طارق ويقرب من والدته

تبكي الحاجة أمينه وهي بتحتضنه

طارق/ شدي حيلك ياامه. ..احنا حواليكي متقلقيش

الحاجة أمينه /'اطلع اطمن علي مراتك ياابني

طارق / شوية وهطلع بس لما الرجل تخف شوية

الحاجة امينه/'لا اطلع دلوقتي قبل العشا علشان ناس كتير هتيجي

طارق /حاضر ياامه خمس دقايق ونازل

. ..................

في شقة هنادي

سعدية مسنده هنادي وخارجة من الحمام جرس الباب يرن

هنادي/ شوفي مين ياامه

سعدية / طيب ياابنتي انيمك الأول علي السرير

تفتح سعدية الباب

سعدية/ طارق ادخل ياابني

طارق/ ازيك يا خاله عامله ايه

سعدية/'الحمد لله

شد حيلك ياابني. ...البقاء لله

طارق/ الدوام لله وحده

هنادي عامله ايه

سعدية/ جوه ياابني في الاوضة

تبكي سعدية / بنتي كانت هتروح مني

يدخل طارق الغرفة

يقرب من هنادي

هنادي بدموع/ شوفت اللي حصلي يا طارق كنت هموت

طارق /بعد الشر عليكي يا حبيبتي

سعدية/ بنتي تفضل أربع ساعات بتنزف متلاقيش حد يوديها المستشفي

طارق/ معلش يا خاله الظروف جات كده

هنادي/ ظروف ايه

انا عارفة حتى لو مفيش حاجة محدش هيهتم ايه اللي يحصلي حتى لو مت

طارق/ أظن انتي شايفة الموقف مش مستحمل أي كلام أجلي الكلام دا بعدين انا نازل اقعد مع الرجاله تحت اخد عزا ابويا

تركتها طارق وخرج.

سعدية/ معلش ياابني هي بس تعبانه من اللي حصلها اعذرها

طارق/ عذارها علشان كده سيبها ونازل ياريت تعرفيها ياخاله إن ابويا مات يمكن تحس باللي انا فيه

سعدية/ ليه ياابني ماهي عارفة

طارق/ لأ أقصد تفكريها علشان الكلام اللي قالته مش وقته خالص

سعدية/ حاضر ياابني

ينزل طارق تحت وتدخل سعدية لهنادي

سعدية/ مكانش ليه لازمة اللي قولتيه يابنتي

هناظي/ قولت ايه ياامه مش ده اللي حصل

سعدية/ معلش هو جاي تعبان ومش ناقص يابنتي كفاية خبر موت والده عليه

هنادي /الراجل ده كان طيب قوي ياامه

سعدية/ البلد كلها زعلانه عليه والدنيا مقلوبة تحت عالم يابنتي معرفش جايين منين دول

.. ...........

في المساء وبعد انتهاء العزا

طارق/ انا طالع استريح شوية عايزين مني حاجة

الحاجة امينه / سلامتك ياابني استنى طلع معاك صنيه العشا دي لمراتك وحماتك

الأخوات البنات ينظروا لبعض بضيق

يدخل محسن / علي فين يااستاذ

طارق/ عايز مني حاجة يا محسن

محسن/ اقعد علشان نتحاسب

الحاجة امينه/ نتحاسب علي ايه ياابني

طارق /أظن مش وقته يا محسن

الحاجة امينه/ الظاهر اتجننت في مخك

تنظر شوق بضيق

محسن/ ليه ياامه مش المثل بيقول إن كنتو أخوات اتحاسبوا

واني عايز اتحاسب اني واخواتي وهما كلهم موجودين أهم

يخرج محسن ورقة من جيبه

محسن لطارق/'بيقولوا عليك متعلم ومتنور تعرف تقرا الورقة دي ولا مش بتعرف غير انجليزي

طارق /من غير تريقة انا تعبان وطالع انام

محسن / تعالى يا سعيد اقراها لاخوك

طارق /مش ده عقد الأرض

محسن/ آه هو

طارق /خلاص تبقي مبروكة عليك أنت وسعيد

الحاجة امينه /هو ده الحساب اللي عايزنه فيه

محسن/ لا لسه ياامه

الحاجة امينه / حسابك باطل ياابني

محسن/ ليه ياامه

العقد معايا سليم اهه وبختم ابويا وأخواتي البنات كانوا شهود عليه

تنظر كوثر وصباح لوالدتهم بحرج

نرمين/ بس اني مشهدتش علي العقد ده

الحاجة امينه / وهو صاحب الملك كان ختم اصلا علي العقد ده ماانت موت أبوك بحسرته وجاي دلوقتي تقول حساب

لو عندك ضمير قطع العقد ده

محسن/ دا شقايا وعرقي اكتر من عشرين سنه ارميه كده بسهولة

على فكرة ياامه نصيبك محفوظ في الأرض انتي واخواتي البنات وكمان في البيت اللي في وسط البلد

اه اني مباكلش حق حد

الحاجة امينه / وحق اخوك فين

محسن/ حقك اني قولت قبل كده انه اخد حقه

بس معلش يااخويا البيت ده متباع ليه بيع وشرا واني خلصت اخواتك واديتهم في الأرض

والشقة بتاعتي اني وسعيد ابويا كتابها باسمنا

طارق/ تحب تطلع تاخد الفرش بالمره

الحاجة امينه بانفعال/ اللي بتقوله ده ميرضيش حد ابدا

طارق/ انا طالع أنام واللي عايز تاخده خده مبيفرقش معايا في حاجة

..............

يطلع طارق شقته

هنادي نايمه

سعدية /اني همشى ياابني وهبقي أجي الصبح

طارق/ خليكي مع هنادي الليلة

سعدية /لا ياابني هي كده كده مش محتجاني في حاجة اني عيشتها ونامت وهبقي اجيلها الصبح

تخرج سعدية من الشقة

يقعد طارق في الصالة بحزن تصحي هنادي

وبخطوات بطيئة تقرب من طارق

طارق يبتسم ليها ابتسامة يحاول فيها انه يداري حزنه

هنادي/ مالك يا طارق

طارق/ مفيش يا حبيبتي انتي عامله ايه دلوقتي

هنادي /تعبانه قوي يا طارق

وتقرب تضع راسها علي صدره

هنادي/ طارق اني تعبت كتير قوي من غيرك اني مبقتش مستحمله خلاص

طارق/ ولا انا لو مش امي انا مش جاي هنا تاني هاخدك ونعيش في مصر

هنادي /ياريت

طارق يحتضنها بقوة

هنادي/ ياااه انت متعرفش اني قد ايه كنت محتاجة الحضن ده

طارق /مش عارف مين محتاج لحضن مين

هنادي/ مالك يا طارق

طارق /موت ابويا كسر ضهري يا هنادي حاسس إني من غيره ولا حاجه

هنادي/ متزعلش مني علشان الكلام اللي قولته بس اني تعبت الليلة اللي فاتت وكنت هموت

طارق /بعد الشر عليكى

هنادي /كان نفسى افرحك

تبكي هنادي

طارق /يا حبيبتي وانتي كده مش مفرحاني كفاية عليه ضحكت دي اللي لما بشوفها بتنسيني كل همومي

هنادي/ مش هتنام

طارق /تعبان وعايز انام ومش عارف هقدر انام وانا عارف إن ابويا مش موجود في البيت ولا هيرجع لينا تانى

هنادي/ هون علي نفسك يا طارق ويلا خلينا ننام

...... ...

في الصباح جرس الباب يرن

يفتح طارق بنعاس

سعدية ومعاها هدي

سعدية/ معلش ياابني شكلنا قلقنا نومك

هدي/ معلش يااستاذ طارق أمه الحاجة قالتلي اطلعلكوا الفطور

تدخل هدي وتضع الأكل علي السفرة

طارق/ متشكر يا هدي تسلم ايدك

تحرج هدي

طارق /اتفضلي يا خاله

سعدية/ هي هنادي نايمه

تخرج هنادي / لا ياامه اني صاحيه

سعدي ببتسامة/ ايه الحلاوة دي شكلك احسن من امبارح

هنادي /الحمد لله

سعدية/ مكنتش عارفة إن طارق هيبقى سبب إن اشوف الضحكه منوره وشك تاني

هنادي بخجل/ متحرمش منه ابدا

طارق/ ولا منك يا حبيبتي

هروح اغسل وشي واجي نفطر مع بعض

سعدية /افطروا لوحدكو اني فطرت

..................

بالأسفل

الحاجة امينه لرسميه/ هاتي الفطار علشان البنات يفطروا

صباح / لا مليش نفس ياامه

الحاجة امينه / ليه ملكيش نفس مش خدتي حقك؟ !

كوثر /سبيها ياامه باللي هي فيه

الحاجة امينه/ ليه مالها زعلانه علي أبوها قوي كده

صباح / أيمن اتجوز عليه ياامه

الحاجة امينه/ روحي قولي لاخوكي يجيبلك حقك منه مش اتفقتوا سوا وقسمتوا كل حاجة

تدخل شوق

الحاجة امينه / ولا قولي لاخته أهي جات اهه خليها تجيبلك حقك

شوق / صباح الخير. ..خير ماله اخويا

كوثر/ اخوكي اتجوز علي صباح

تسكت شوق.

الحاجة امينه/ تلاقيها عارفة

شوق/ عارفة ايه ياامه انتي دايما كده ظلماني

الحاجة امينه/ اطلعي شقتك مش عايزة اشوفك انتي وجوزك غوري في داهية

شوق/ كده بردو يا مرات عمي بقي هي دي اخرتها

الحاجة امينه / لا دي اولها وبكره تشوفي انتي وجوزك

شوق/ علي العموم اني كنت جايه اعمل الأصول بس انتي بقي مش عايزاني

الحاجة امينه / ابقي قولي لابوكي يبعد عننا

شوق/ وابويا ايه داخله ياامه

الحاجة امينه /ليه هو أني مش عارفة ان ابوكي سبب اللي احنا فين خليه يبطل يزن علي جوزك

تخرج نرمين من غرفتها/ علي أساس إن محسن صغير ياامه

الحاجة امينه/ علي رأيك يا بنتي هو مش صغير بس قلبه اسود قوي

شوق/ ماشي يا مرات عمي اني طالعه بس مش هتشوفي وشي هنا تاني

الحاجة امينه/ يااختي غوري في داهية

............

تدخل صفية ومعاها كامليا

صفيه/ صباح الخير يا حاجة

شوق / كلمي يا مرات عمي ناس جايين يعزوكي

تنظر الحاجة امينه لصفيه / تعالي يا بنتي اتفضلي

تدخل صفيه وكامليا

صفيه/ البقاء لله

الحاجة امينه/ اني بشبه عليكي مش انتي

صفيه/ ايوه اني صفيه اخت سعدية ودي بنتي الباشمهندسه كامليا

الحاجة امينه /ما شاء الله

اقعدي يا بنتي واقفة ليه

نرمين/ انا داخله اوضتي عايزة مني حاجة يا أمه

. .......

هنادي/ يعني خالتي وكامليا تحت طب خليهم يطلعوا ياامه

سعدية/ حاضر يا بنتي انى هنزل اقولهم

...........

تقعد كامليا مع هنادي في الغرفة

كامليا/ عامله ايه دلوقتي يا هنادي

هنادي /الحمد لله

احسن من الأول

كامليا/ لازم تاخدي بالك من نفسك

هنادي/ اني مبعلمش حاجة في البيت بس مش عارفة اللي بيحصل ده من ايه

كامليا/ المهم صحتك يا حبيبتي خدي بالك منها وبلاش الحمل ده دلوقتي

هنادي /يالهوي دول كانوا طلقوني

كامليا /ليه يعني

هنادي/ هما بيحبوا العيال ولو محلتش ممكن يخلوا طارق يتجوز عليه

كامليا/ مش للدرجة دي يعني هو الناس بتتجوز بس علشان تجيب عيال

هنادي /اومال بتتجوز ليه.

كامليا/ اني عارفة يااختي انتي ادرا ههههههه

هنادي/ ايوه هو أهم حاجة الحب بس ده لو انتي وجوزك عايشين لوحدكو بس اني عندي هنا بقى الحب ده عيب المهم الواحدة تحمل وتخلق

كامليا/ علشان كده اني مستريحه وبعمل اللي نفسي فيه

هنادي/ محدش مستريح في الدنيا دي

كامليا/ اللي بتعمل الحاجة اللي مقتنعه بيها بتعيش مرتاحة

هنادي/ معرفش ليه حاسة انك بتضحكي علي نفسك وانتي مش سعيدة ولا حاجة اني حاسة بيكي

كامليا/"مين قالك كده

هنادي /وائل لسه بيكلمك

كامليا/ اه فكرتيني علي سيرة وائل بقي لما يكلمك قوليلوا أبعد عن كامليا احسنلك علشان اني لحمي مر

هنادي/ ايه ده يا بنتي مالك هو ايه اللي حصل

كامليا/ اخوكي كل شوية ينطلي في الجامعة اهزءه بردو مفيش فايدة الاقيه تاني يوم واقف بالعربية عند بوابة الجامعة

هنادي /معقول وائل يعمل كده مستحيل

كامليا / اخوكي من النوع اللي مبيحبش غير اللي يديه علي دماغه قوليلوا يعقل ويخليه في بيته ومراته لاحسن في مره هتلاقيني رايحه لمراته وهقولها علي كل حاجة

.......

صفيه وسعدية قاعدين في الصالة

صفيه/ ومعرفتوش سبب السقط دا ايه

سعدية/ من غير سبب يااختي

صفيه/ ازاي بس كل حاجة وليها سبب

سعدية/ الدكتورة قالت كده

صفيه/ يكونش حد عامل لها حاجة

سعدية/ حاجة ايه

صفيه/ اني بقول بنتك محتاجة شيخ يشوفها

يمكن يكون فيه علاج

سعدية/ وانتي فكرك هنادي هترضي تمشي في السكه دي

صفيه/ قوليلها مش هتخسري حاجة

.........

في شقة وائل

بثينه/ يعني ايه يا وائل اللي انت بتقوله ده

وائل /ايه مش فاهمه ؟!

يعني لو فضلتي ماشية في السكه دي يبقي انتي من سكه وانا من سكه وفلوسك هرجعهالك علي داير مليم

بثينه/ لأ دا انت بتتلكك بقى

هو انت عايزني أفقد الأمل في الحمل واقعد كده حاطه أيدي علي خدي

وائل / هو دا اللي عندي عاجبك عاجبك مش عاجبك انتي حره

بثينة /بقي كده يا وائل دى اخرتها

.............


#دوارالعمدة 

البارت السابع عشر والثامن عشر  

بقلمي: ميار بدر 

آسفه جدا جدا جدا علي التاخير والله 

في شقة وائل

بثينه/ يعني ايه يا وائل اللي انت بتقوله ده

وائل /ايه مش فاهمه ؟!

يعني لو فضلتي ماشية في السكه دي يبقي انتي من سكه وانا من سكه وفلوسك هرجعهالك علي داير مليم

بثينه/ لأ دا انت بتتلكك بقى

هو انت عايزني أفقد الأمل في الحمل واقعد كده حاطه أيدي علي خدي

وائل / هو دا اللي عندي عاجبك عاجبك مش عاجبك انتي حره

بثينة /بقي كده يا وائل دى اخرتها

وائل / انا زهقت من الكلام في الموضوع ده معندكيش حاجة تانية تعكنني بيها عليه

بثينه /'هي حياتنا ومستقبلنا بقوا عكننه واضح إنك مش بتحبني لو كنت بتحبني كنت اهتميت إنك تجيب طفل مني زي ماانا بتمني أجيب طفل منك

وائل / انتي ليه مش عايزة تفهمي هي المواضيع دي بادينا

بثينه / عارفة بس انا بقولك نروح لدكتور ونشوف ايه سبب التأخير

وائل / وانا مش عايز اطفال دلوقتي خلينا نعيش حياتنا الأول

بثينه/'حياتنا! !...انت طول الوقت في الشغل وانا قاعدة لوحدي في البيت زهقت ونفسى في طفل يسليني اضيع وقتي معاه اكسر الفراغ اللي انا فيه

وائل / حاضر شوية كده

بثينه/ هو ايه اللي شوية كده هو انا بسالك هتاكل دلوقتى؟

وائل انت لازم تحدد موقفك بتحبني وعايز تجيب اطفال مني ولا الموضوع مش فارق معاك لانه بصراحة فارق معايا اوي ومتوقف عليه حياتنا مع بعض

وائل / اووك الموضوع مش فارق معايا وعايزة تنهي حياتنا اللي كلها نكد دي انا مستعد

بثينه / دي تاني مره بتقولها دلوقتي انت جاد في كلامك

وائل / بصراحة آه انا اصلا ندمان اني اتجوزتك كفاية اني نسيت كل الماضي وقبلت واتجوزتك

بثينه بحزن/ دا جزائي اني كنت صريحة معاك من الأول

وائل /'البنت المتربيه بتحافظ علي نفسها حتي لو كان اللي خطبها كاتب كتابة عليها

بثينه / انت شايف اني مش متربية بالرغم من كل اللي عملته معاك

وائل / اوعى تفتكري انك هتكسري عيني علشان اخدت منك فلوس

فلوسك هردهالك أول ماالمصنع يشتغل

بثينه / بتسمي وقوفي جمبك كسر عين

لا يا باشمهندس انت اللي كسرت قلبي مش عيني بكلامك علي أخلاقي لو كنت بتحبني مكنتش جرحتني كده

علي العموم انت حر

يخرج وائل من الغرفة ويتركها

تجري بثينه وتحتضنه

بثينه / للدرجةدي هونت عليك يعني بعتني بسهولة كده

وائل بمكر / انا ميتلويش دراعي لو كنتي فاكرة إن فلوسك هي اللي هتذلني وتخليني عايش معاكي مش عايزها المصنع موجود اتفضلي خديه ومش هقولك بتعملي ايه لانه حقك

بثينه/خلاص حقك عليه انا آسفة

علشان خاطري متسبنيش يا وائل انا بحبك لو سبتني ممكن اموت

وائل / بعد الشر عليكى يا حبيبتي بس اوعديني متفتحيش الموضوع دا تاني

بثينه وهي بتمسح دموعها / حاضر عمري مهفتحه معاك تاني بس متسبنيش

وائل / طيب جهزي العشا بقي انا واقع من الجوع

تجري بثينه بفرحه نحو المطبخ / حاضر يا حبيبي

وائل /غبيه أهو قلبها ده اللي موديها في داهية

.......... .

في الصباح في منزل العمدة

يقترب طارق من هنادي بهدوء ويطبع قبله على خدها

تشعر هنادي بانفاسه وتفتح عينها ببتسامة

طارق/ صحيتي يا حبيبتي مكنش قصدي

هنادي تنظر له بعتاب/ ايه كنت عايز تسافر من غير مشوفك

يقعد طارق جمبها / كنت عايزك تنامي انتي تعبانه

هنادي متعلقة في رقبته / واني مكنتش هسامحك لو سافرت منغير متودعني

طارق/ وداع ايه بس دي كلها يومين وراجع تاني

هنادي / إن شاء الله

بس كنت عايزة اقولك حاجة

طارق بمزح / طب سيبي رقبتي انا كده هتخنق

هنادي وهي بتبعد ايدها/ بعد الشر عليك

طارق /ها كنتي عايزة تقولي ايه

هنادي/ اني عايزة أقعد في دارنا واجي يوم الاجازة بتاعتك

نظر لها طارق بدهشة/ ليه يا هنادي

هنادي/ بصراحة مش مستريحه هنا

طارق يقوم بغصب/ هو ايه اللي مش مستريحه هو دا وقت دلع

هنادي/ اني عارفة الظروف في البيت صعبه دلوقتي بس اني كمان تعبانه ولو مشيت دلوقتي اني هفضل في شقتي لما ترجع مش هنزل تحت

طارق

طارق /علشان خاطري يا هنادي استحملى شوية بس السنه دي تخلص وهقدملك في مدرسة في مصر

هنادي/ قولتلي كده السنه اللي فاتت وبردو معملتش حاجة

طارق/ كان ابويا عايش ومكنتش عايز ازعله واخدك معايا وطبعاً مكنتش هاجي كل أسبوع زي دلوقتي لكن الوضع اتغير البيت بقي لا يطاق لو مش امي مكنتش جيت اصلا

هنادي/ ليه يا طارق في ايه

طارق /حاجات كده مش عايز أوجع دماغك بيها المهم يهتمي بدراستك علشان تخلصي بقي واستريح انا من الشحططه دي كل شوية

هنادي /حاضر هعمل اللي عليه

طارق /تعالي معايا تحت تعزي امي وبعد كده هطلعك وأنزل انا علشان متأخرش عندي حصه الساعة تسعه

ينزل طارق ومعاه هنادي تعزي الحاجة أمينه وبعدها تطلع هنادي شقتها ويسافر طارق .

............

بعد كام أسبوع هنادي في منزل والدها

سعدية/ ايه يا بنتي لسه محصلش حمل

هنادي/ لسه ياامه

سعدية/ مكشفتيش ليه يا بنتي

هنادي / طارق مش عايز حمل دلوقتي

سعدية/ ليه كده يا بنتي

هنادي/ بيني وبينك ياامه اني تعبت من المرتين اللي فاتوا طارق بيقولي استريحي شوية

سعدية/ جارتنا أم إبراهيم بتقول في شيخ حلو قوي ناس كتير بتروحله وبستريح بعلاجه

هنادي/ ودا بيعمل ايه ياامه هو دكتور

سعدية/ لا بس بيفك الأعمال والربط ولو واحده زعلانه مع جوزها بيرجعهم لبعض

هنادي/ استغفر الله العظيم. ..أعمال ايه ياامه

سعدية/ انتى مش فاكره لما كان مكتوب كتابك وجيتي قولتيلي إنك لاقيتي مياه قدام البيت

هنادي /وفيها ايه ياامه

سعدية /اني مرشتش قدام الدار وبعدين الكلام دا كان الصبح بدري مين بقي اللي رش المياه

هنادي/معرفش ياامه بس اني مش شايفة الموضوع يستاهل يعني

سعدية/ يا بنتي زي مافيه ناس بتحبنا فيه اللي بيكرهونا وبيتمنوا يحصلنا شر. ..الله أكبر

هنادي/ انى مش في الحمل والخلفة دلوقتي اني في الناس اللي عايشة معاهم

سعدية/ مالهم يا بنتي حد ضايقك تاني

هنادي/ بيطفشوني من البيت ياامه

سعدية / مين يا بنتي

هنادي /محسن وأخواته البنات

سعدية/ ومقولتيش لجوزك ليه

هنادي/ دا اني مبقتش عارفة انشر هدومي بيطلعوا فوق ينضفوا السجاد ويغسلوه علي هدومي وميختاروش غير البلكونة اللي بكون ناشرة فيها

لأ ولا كوثر وصباح اول ميجوا يبعتوا عيالهم الصغيرين يطلعوا يبهدلوا في الفرش بتاعي وميدخلوش غير بالجزم بتاعتهم

سعدية/ ومتكلمتيش ولا قولتليهم كده عيب ليه

هنادي/ دا اني في مره كنت لسه ماسحه ومعرفش دول عرفوا منين لاقيتهم طالعين جري علي السلم وداخلين جوه بهدلوا الدنيا ومسحت تاني ولما اتكلمت طلعتلي صباح واختها كوثر بهدلوني

سعدية/ ومبتقوليش كل الكلام دا لجوزك ليه

هنادي/ انتى مدرتيش كمان

سعدية/ ايه يا بنتي

هنادي/ البت بنت محسن طولت لسانها عليه ولما اتكلمت قولتلي اني قاعدة في بيت أبوها ولو كلمتها تاني هتطردني من البيت

سعدية / وجوزك يعرف الكلام ده

هنادي/ ماهو محسن خد كل حاجة البيت والغيط بيقول أبوه كاتبهوله بيع وشرا

سعدية/ وجوزك ايه رأيه فى الكلام ده

هنادي /قالي إن محسن معاه عقد بالأرض وكل واحد من أخواته شقته مكتوبه باسمه وشقتنا ميراث للكل

سعدية/ يالهوي انتي بتقولي ايه

هنادي / هو ده اللي عرفته

يدخل كامل

سعدية/ إدخل يا كامل شوف المصيبة اللي احنا فيها

...................

وائل / بصراحة مش مصدق إنك قبلتي إننا نقعد ونتكلم مع بعض كامليا/ علشان تبطل تتصل قول بقي انت عايز ايه

وائل / نشرب حاجة الأول

كامليا/ لا ندخل الموضوع علي طول

وائل /كامليا انا لسه بحبك وانا عارف انك بتحبيني بس كرامتك ناقحه عليكى صح

كامليا/ لا مش صح

وائل / طب عيني فى عينك كده

كامليا/ خواطر ايه اللي عيني في عينك أمانة بقولك خلاص مبقاش ليك مكان في قلبي

وائل /بتكدبي وبين عليكي

كامليا / وانت بقي عايزني اقولك اني لسه بحبك بعد اللي عملته دا انا ابقي غبي اوي

وائل / انا عايش في عذاب عايش مع انسانه مبحبهاش

كامليا / واتجوزتها ليه

وائل / كانت غلط ومستعد أصلها بس توافقي

كامليا/ أوافق علي ايه

وائل / أطلقها واتجوزك

كامليا/ على أساس اني لو وافقت ابويا هيوافق

وائل ببتسامة / يعني موافقه

تسكت كامليا

وائل /انا عارف انك بتحبيني متحاوليش تنكري

لاني متأكد من ده والا مكونتيش قبلتي إننا نقعد ونتكلم

كامليا / ويفيد بايه مخلاص كل شيء انتهي

وائل / مفيش حاجة انتهت الفرصة لسه قدامنا انا بحبك وانتي كمان بتحبيني

كامليا/ ومراتك هتعمل معاها ايه

وائل /اللي تشوفيه يا حبيبتي

كامليا/ بس انا مش عايزة ابدأ حياتي معاك بظلم لإنسانه ملهاش ذنب إنك اتجوزتها وانت بتحب غيرها

وائل / انا مظلمتهاش بالعكس هي اللي ظلمتني طب انا هقولك سر بس بيني وبينك محدش غيرنا يعرفه

كامليا/ سرك في بير

وائل / انا يعني لما بشوفها مبحسش بأي مشاعر ناحيتها ولا في قبول خالص ليها فهماني

كامليا تهز رأسها بخجل

وائل / نفسي أكون أب وهي حرماني من الحق ده

كامليا/ ازاي؟ !

وائل / يعني بتقول إنها عايزة تعيش حياتها والحمل والرضاعة والحاجات دي هتاثر علي جسمها وجمالها

كامليا/ معقولة في واحده تفكر كده

وائل / دا انتي لو شوفتيها يعني عادية خالص مش جميلة ولا حاجة بس هما الناس دي كده بتخاف علي نفسها

كامليا / معقولة عايش في الجو دا ازاي

وائل / مبتعملش أي حاجة خالص في البيت لا أكل ولا تنضيف ومريحها علي الآخر وعي مش مدياني حقوقي يبقي مين اللي ظالم التاني

كامليا /انا مش عارفة اقولك ايه

وائل / انا عارف اني ظلمتك وان جوازي منها كان أكبر عقاب ليه بس انا بقولك دلوقتي ياريت تديني فرصة تانية

كامليا / بس يا وائل ابويا وأمي مش هيوافقوا ابدا

وائل / ماهو الموضوع هيبقى سر بيني وبينك

كامليا / تقصد إننا نتجوز

وائل / ايوه نتجوز في السر ومحدش يعرف لحد بس مخلص المشكلة اللي أنا فيها دي

كامليا/ مشكلة ايه

وائل / كاتب ليها مؤخر اتنين مليون جنيه ومش عارف أتصرف ازاي

كامليا / وايه اللي خلاك تعمل كده

وائل / الظروف بقي كنت فاقد الأمل في اني اقدر اتجوزك فرميت نفسي في أي جوازة والسلام ومكنتش عارف إنها هتطلع كده

كامليا / اوووك انا هستناك لحد متخلص مشاكلك وبعد كده أتقدم لابويا

وائل / لا ارجوكي يا كامليا انا مش قادر استني اكتر من كده وكمان خايف تضيعي مني وابوكي يجوزك لحد غيري

كامليا/ متخافش انا قافله معاهم علي موضوع العرسان ده وقولتلهم لما أخلص دراستي ابقي أفكر

وائل / احنا لو اتجوزنا دلوقتي الموضوع هيبقى أمر واقع بالنسبلهم لكن لو أتقدمت ابوكي هيرفض

كامليا/ مستحيل اعمل حاجة زي دي

وائل / جواز بس علي ورق علشان أضمن انك مراتي ومحدش تاني يقدر ياخدك مني

كامليا/ لا..لا. .مستحيل

وائل / فكري وردي عليه قدامك لآخر السنه دي

يعني حوالي شهرين قولتي ايه

كامليا / انا همشي اتأخرت

وائل / استني هوصلك

............................

في منزل كامل

كامل/ يعني جوزك مخدش حاجة من ميراثة

هنادي/ هما اصلا مش معترفين انه ليه حاجة

كامل/ وهو ساكت كده مبيعملش حاجة

هنادي/ هيعمل ايه بى ياابه

سعدية / اني نضفت الأوضة بتاعتك يا بنتي لو كنتي عايزة تنامي اطلعي

هنادي /ليه بس ياامه اني كنت هنضفها

سعدية/ هي نضيفة بس محدش دخلها من زمان فروقتها كده علي خفيف

هنادي/ تسلم ايدك ياامه تصبحو علي خير

سعدية / استني اني طالعه معاكي

......

في غرفة هنادي

هنادي بتنهيدة غضب/ اني مخنوقة ياامه

سعدية/ مالك يا بنتي

هنادي/ طارق بقي يغيب كتير مبقاش يجي كل أسبوع زي الأول سعدية/ ماهو تلاقي من النكد اللي في البيت

هنادي/ واني يعني ذنبي ايه

سعدية/ طب اقولك علي حاجة بس متقوليش امي جرالها ايه

هنادي /لا ياامه مش هقول هههههه

سعدية/ بدل ميجا متروحيلوا انتي

هنادي/ اروحله

سعدية/ اركبي قطر الصبح بدري وروحيله بكره الأربع مش لازم تروحي المدرسة غيبي بكره وبعده

هنادي / تصدقي ياامه فكرة بس اني معرفش أوصل هناك

سعدية/ انتى مش روحتي قبل كده

هنادي /ايوه بس مع طارق

سعدية / مش عارفة العنوان

هنادي/ عارفة بس خايفة معرفش أوصل

سعدية/ ابقي اتصلي بيه وانتي في المحطة

هنادي /لا مش عايزة أحرق المفاجأة هروح وانا ونصيبي

سعدية / طيب يا بنتي تصبحي علي خير

هنادي / وانتي من أهل الخير متنسيش تصحيني الصبح بدري علشان الحق القطر

سعدية / حاضر يا ضنايا

................

في منزل العمدة

هدي للحاجة امينه/ تصدقي ياامه البيت وحش قوى من غير هنادي

الحاجة أمينه / عندك حق يا بنتى

اومال اني هعمل ايه بعد متخلص مدرستها وتروح مع جوزها وميجوش غير كل فين وفي

هدي/ بس تخلص مدرسة ياامه الأول وبعدين تبقي تروح مع جوزها يعني عاجبك وضعهم كده

الحاجة امينه/ خايفة قوي من موضوع التسقيط بتاعها ده وكمان اتأخرت المرادي في الحمل

هدي/ متقلقيش ياامه لو في حاجة مكنتش حملت من الأول

الحاجة أمينه / عاجبك إللي بتعمله شوق ده

هدي /اني ساكته ومش عايزة اتكلم علشان متقولوش اني يوقع الناس في بعضيها

الحاجة امينه / لأ قولي يا بنتي

هدي/ فاكرة يوم الحمام لما طلعتي ملقتيش ولا فردت حمام فوق

الحاجة امينه/ ايوه فاكره

هدي/'شوق قالت إن هنادي طلعت دبحت الحمام كله وخدته وراحت دار أبوها ده مش حصل

الحاجة امينه/اني عارفة يا بنتي إن هنادي متعملش كده

هدي/ سمعت يومها شوق بتقول لبنتها هاتي جوز الحمام اللي فاضل علشان اعمله بالمره وكانت واقفه علي السلم ومخدتش بالها انني واقفة ومرضيتش أتكلم يومها

الحاجة أمينه / بقي كده يا شوق يعني لو قولتيلي إنك عايزة تعملي حمام لجوزك وعيالك هقولك لأ

هدي / شوق بتحاول تعمل مشاكل لهنادي علشان تطفشها من البيت

الحاجة أمينه / مش شوق بس دول كلهم يا بنتي مش عارفة هي عملالهم ايه ولما باجي أتكلم مع واحده من بناتي بتفضل تعيط وتقول يعني منجيش بيت ابونا ولا خلاص علشان ابويا مات ملناش مكان هنا بسكت وقتها هعمل ايه

هدي/ ماهو علشان كده احسن حاجة إن الأستاذ طارق يقفل شقته وياخد هنادي معاه ولوانها هتوحشنا

الحاجة أمينه / بس أصلي شوق الظاهر نازله من علي السلم

شوق / السلام عليكم

يرددوا/ وعليكم السلام

الحاجة أمينه /'رايحه فين دلوقتي يا شوق

شوق/ رايحه اشوف ابويا يا مرات عمي

الحاجة أمينه / دلوقتي؟!....طب استني للصبح

شوق/ سالم اخويا شيعلي بنته بتقولي تعالي يا عمتي جدي تعبان وعايز يشوفك

الحاجة أمينه / لأ الف سلامة عليه سلملينا عليه وقوليلوا مرات عمي هتيجي تشوفك الصبح

شوق/ حاضر أني هبات هناك معلش يا هدي لو محسن حب يتعشي حضريله العشا هو زمانه جاي

هدي /حاضر يا شوق وألف سلامة علي ابوكي ابقي سلملينا علي الجماعة

شوق /يوصل. ..تسلمي من كل شر

تخرج شوق

الحاجة أمينه / اطلعي نامي يا بنتي الوقت اتأخر العيال وراها مدرسة الصبح

هدي/ هعشي عمي محسن الأول

الحاجة امينه/'لا يا بنتي اطلعي نامي هي يعني تمشي وتسيب جوزها من غير عشا وانتي تقعدي تستنيه لما يرجع

هدي/ ماهو سعيد هو كمان لسه بره هستني واحطلهم العشا بالمره

الحاجة أمينه / طيب يا بنتي تصبحي علي خير اني مش قادرة اقعد اكتر من كده

هدي/:اتفضلي ياامه ادخلي نامي اني هقعد لما يجوا

.................

في الصباح

سعدية/ يلا يا بنتي علشان تلحقي القطر

هنادي/ حلو دا ياامه

سعدية/ ايه اللي انتي لابساه ده يا بنتي هتطلعي كده

هنادي /لأ ياامه دا هيبقى تحت العباية

سعدية / هههههه طيب يا بنتي

هنادي /مع السلامة ياامه

سعدية/ عملتلك الساندوتشات دي علشان لو جوعتي في الطريق.

هنادي /تسلم ايدك ياامه

سعدية/ خلي بالك من نفسك يا بنتي وأول متوصلي مصر اتصلي علشان أطمن عليكي.

هنادي عند الباب/حاضر ياامه

تخرج هنادي وهي فرحانه انها هتقابل طارق اللي مشفتوش من عشرين يوم

تركب ميكروباص لحد محطة القطر وبعدها تركب القطر وهي بتنظر حواليها اول مره تسافر مصر لوحدها

كانت حاسه بشعور غريب فرحه مع خوف وإحساس إنها اتحررت من جو البلد والحياة هناك. أ

أمور بسيطة بس هنادي حاسه إنها حاجة كبيرة إنها تسافر لوحدها

فتحت شنطتها وفطرت من أكل والدتها

يعدي الراجل بياع الحاجة الساقعة طلبت ازازة ليها كانت فرحانه اوي وكل شوية تسأل بنت جمبها هي محطة مصر قربت

تنظر ليها البنت / لا لسه بدري

هنادي تسأل / انتي في المدرسة

البنت / في الجامعة

هنادي /وبتسافري لوحدك

البنت / آه عادي يعني

هنادي / أهلك مبيخافوش عليكي

البنت /هو انا لسه صغيرة علشان يخافوا عليه

هنادي /اصلنا اول مره أسافر لوحدي

البنت / انتي متجوزة صح؟

هنادي/ آه .

البنت / وعارفة المكان اللي انتي رايحاه

هنادي / حافظة العنوان

البنت / طيب خليكي معايا لما ننزل وانا هركب معاكي واوصلك لهناك مينفعش تروحي لوحدك الدنيا مش أمان

هنادي بفرحه/ اني متشكرة قوي يا

البنت / أسمى مايسه وبعدين بلاش اللهجة الفلاحي دي وانتي في مصر انا من الفلاحين بس لما بروح مصر بتكلم زيهم عادي

هنادي /حاضر يا مايسه

وفضلت هنادي طول الطريق تتكلم مع البنت لحد منامت.

وقبل وصولهم للمحطة بخمس دقايق

مايسه صحت هنادي ونزلوا مع بعض

مايسه/ انتي متأكدة من العنوان اللي في الورقة ده

هنادي/ ايوه هو العنوان

مايسه/ طيب يلا نشوف تاكسي

توقف مايسه تاكسي وتقوله علي العنوان

يوقفوا قدام مدرسة

السواق /هو دا العنوان يا انسه

مايسه / بس دى مدرسة انتي قولتيلي إنك رايحه شقة ناس قرايبكوا

هنادي/ ايوه والمكان دا مش هو اللى رحته قبل كده

السواق بانفعال/ يعني هدفعوا الأجرة ولا دي حركة انتوا عملينها

هنادي تخرج الفلوس بخوف

السواق/ اتفضلوا بقي انزلوا خليني اشوف أكل عيشي

تنزل هنادي ومايسه

مايسه / ازاى بتقولي إنك جيتي هنا قبل كده والعنوان يطلع غلط

هنادي وهي ناظرة للمدرسة

اه افتكرت مش دي العمارة طبعا اللي ساكن فيها جوزي بس دي المدرسة اللي شغال فيها

مايسه / هههههه انتي مشكلة يا هنادي يعني طلع العنوان في الآخر مكان شغل جوزك

طيب ادخلي بقي اسالي عليه

هنادي /انا متشكرة يا مايسه تعبتك معايا

مايسه / لا مفيش تعب ولا حاجة ادخلي اسالي جوه وانا هنا مستنيه اطمن عليكي وهمشي

هنادي/ لأ امشي انتي علشان متأخريش علي محاضراتك

مايسه / لا انا معنديش محاضرات النهاردة انا رايحة بيت الطلبه اللي ساكنه فيه

هنادي/ طيب يا حبيبتي مع السلامة

مايسه تنظر في الساعة / يا خبر انا فعلا اتأخرت لازم امشي دا ميعاد إمضاء الحضور بتاعي لو اتأخرت مش هيدخلوني

هنادي /طيب مع السلامة

توقف مايسه تاكسي وتركب وهي بتشاور لهنادي

هنادي واقفة في الحيره لحد مقرب منها بواب المدرسة

البواب /فى حاجة يا بنتي

هنادي بتردد/ كنت عايزة أسأل على الأستاذ طارق هو موجود هنا

البواب/ الأستاذ طارق مين مدرس الكميا ولا الانجليزي

هنادي بسرعة/ مدرس الإنجليزي

البواب /لسه خارج من المدرسة من شوية

هنادي بحزن/ خرج

البواب/ اه خلص الحصص بتاعته ومشي انتي عايزة منه حاجة ابقي أقولهالوا الصبح

هنادي/ لا اني هتصل بيه

تخرج هنادي تليفونها

هنادي بعيون مليئة بالدموع التليفون فاصل شحن

البواب/ طب هاتي الرقم بتاعوا وانا اتصلك عليه

هنادي /لسه مغير رقمه من كام يوم واني مش حفظاه

البواب / طب لو مسجله الرقم علي الخط هاتيه واني هتصلك من تليفوني

ياخد البواب الشريحة ميلاقيش الرقم

انتي مسجله الرقم علي التليفون هاتي اشحنه

هنادي / طب ادخل أسأل علي عنوانه جوه كده

اصلي انا قريبتوا من البلد معرفش عنوان بيته هنا

البواب / استني هسالك .

تنتظر هنادي خارج المدرسة

البواب جاي من بعيد وفي أيده ورقة يقرب

البواب / العنوان اهوه انتي بنت حلال كويس إن المديرة رضيت اني اخد العنوان

هنادي بفرحه /متشكرة يا عم هاتوا بقي واني هتصرف

البواب / لا انا هوصلك لحد هناك زي المديرة مقالتلي علشان اطمن

.......

عند العمارة اللي ساكن فيها طارق

البواب قربي اركبي الاسانسير

هنادي واقفه خايفة اول مره تركب اسانسير

يوقفوا قدام باب الشقة

طارق واقف في المطبخ بيجهز الغدا

الجرس يرن

طارق /حاضر جاي استني يلي على الباب الأكل هيتحرق

يخرج من المطبخ يفتح الباب يتفاجا بالبواب

طارق/ عم كرم في حاجة

تنظر هنادي من خلف البواب

طارق بدهشة / هنادي

البواب / يبقي تعرفها يا أستاذ طارق كويس امشي انا بقى

هنادي تقرب من باب الشقة

طارق بغضب/'انتي جيتي هنا ازاي

هنادي /وحشتني لاقيت رجلي جايبني هنا

تحتضنه هنادي بحب

طارق بانفعال/ بلاش اللي بتعمليه ده احنا علي الباب

هنادي /انت زعلان اني جيت

طارق /ادخلي نتكلم جوه

................. 

البارت الثامن عشر. 

طارق واقف في المطبخ بيجهز الغدا

الجرس يرن

طارق /حاضر جاي استني يلي على الباب الأكل هيتحرق

يخرج من المطبخ يفتح الباب يتفاجا بالبواب

طارق/ عم كرم في حاجة

تنظر هنادي من خلف البواب

طارق بدهشة / هنادي

البواب / يبقي تعرفها يا أستاذ طارق كويس امشي انا بقى

هنادي تقرب من باب الشقة

طارق بغضب/'انتي جيتي هنا ازاي

هنادي /وحشتني لاقيت رجلي جايبني هنا

تحتضنه هنادي بحب

طارق بانفعال/ بلاش اللي بتعمليه ده احنا علي الباب

هنادي /انت زعلان اني جيت

طارق /ادخلي نتكلم جوه

.................

يدخل طارق جوه تتبعه هنادي

هنادي /واني اللي كنت فكراك هتفرح لما تشوفني أخص عليك مكنتش اعرف إنك كده

طارق/ سيبك من كل ده انت ازاي جيتي هنا وازاي كمان متتصليش وتقوليلي

هنادي وهي مقربه من طارق / جيت علشان بحبك ومعرفتش اتصل التليفون فصل مني

طارق/ ازاي بس يا هنادي تيجي لوحدك مخوفتيش علي نفسك

هنادي / مفكرتش في حاجة غير أني عايزة اشوفك

يبتسم طارق/ يا مجنونه أنتي عارفة إنك كان ممكن تتخطفي ولا يحصلك حاجة وحشه بعد الشر

هنادي/ الحمد لله

اتعرفت علي بنت في القطر هي اللي وصلتنى للمدرسة ومن هناك البواب جابني هنا

طارق / وازاي تمشي مع حد متعرفهوش

هنادي/ لأ دي بنت طيبه وسلتني طول الطريق

طارق / وازاي تمشي مع راجل غريب

هنادي/ مش انت تعرفة

طارق/ آه بس انتي تعرفيه؟!

هنادي/ عندك حق اني آسفة

طارق وهو بيحملها/ وحشتيني موووووت ياروحي

هنادي / نرمين اختك فين

طارق بغمز/ مش موجودة لسه مجاتش من بره

هنادي/ طيب

طارق بمكر/ طيب ايه

هنادي بخجل / طيب وخلاص

طارق ببتسامة /اموت انا في كسوفك اللي هيجنني ده

هنادي/ كل ده وتقولي كسوف يعني جيتلك لحد عندك وكمان مكسوفة

طارق بمزح / تعالي جوه نتفاهم بقي علشان انا زعلان منك اوي

هنادي/ معلش يا طارق بس اني جعانه قوي

طارق ينزلها سريعاً ويجري ناحية المطبخ

هنادي بدهشة / هو في ايه

تدخل هنادي المطبخ

هنادي /هههههههههه حرقت الأكل اومال هناكل ايه

طارق / مش وقت أكل دلوقتى

يحملها مرة تانية.

هنادي /بس اني جعانه قوي

طارق / مش وقته يا حبيبتي تعالي بس معايا وانا هبقي اجيبلك أكل من بره

تبتسم هنادي / طب حاسب لتوقعني

طارق / عيب عليكي اللي شايلك أسد

هنادي بمزح/'طب حاسب يا أسد لتوقع وتوقعني معاك

طارق /ههههههههههه

.... ..............

في منزل كامل

سعدية وكامل قاعدين علي الطبليه

كامل/ ناوليني المعلقة اللي قدامك يا سعدية.

سعدية سرحانه

كامل/ بقولك ناوليني المعلقة انتي مالك النهاردة

سعدية بدهشة / بتقول حاجة يا كامل

كامل/ بقولك ناوليني المعلقة يا وليه مالك انتي روحتي فين

تمد سعدية ايدها لكامل بالمعلقة

سعدية/ هنادي متصلتش قلقانه عليها

كامل/ ههههه تلاقيها وصلت لجوزها ونسيت تكلمنا ماانتي عارفة بقي الشوقه تعمل اكتر من كده

سعدية /معقول دا اني موصياها وهي طالعه انها تتصل علي التلفون تطمنا

كامل/ شوية كده وهكلم جوزها

سعدية /متكلموا دلوقتي

كامل/ لما أكل الأول انتي مستعجله علي ايه

سعدية/ عايزة اطمن علي البت يا راجل

كامل/ طيب حاضر

يخرج كامل التليفون ويتصل

كامل/ اهوه جرس ومحدش بيرد

......

في شقة طارق

طارق/هنادي انتي نمتي يا حبيبتي؟ !

طارق ببتسامة يقبلها / لما تصحي أبقى اتصلي علي ابوكي عمال يتصل

تفتح هنادي عينها ببتسامة هنادي / انت رايح فين وسايبني لوحدي

طارق/ هنزل أجيب أكل

هنادي / لأ اني هدخل اطبخ قولي ايه في التلاجه علشان اطبخ.

طارق/ لا متتعبيش نفسك خليكي مستريحه انتي جعانه وكمان نرمين زمانها جايه هتيجي جعانه بردو ومفيش وقت

هنادي/'طب خلي بالك من نفسك

طارق ببتسامة / حاضر اتغطي كويس الجو برد

................ .

في الكفر

محسن قاعد تحت شجرة توت في طرف الأرض

سعيد يصب الشاي / بقولك ايه يا محسن متيجي نوزع الأرض بالعدل بينا وبين اخواتك

محسن/ اخواتك اخدوا نصيبهم اني رضيتهم ونرمين حقها محفوظ أبوك كاتب ليها كام قيراط علشان جوازها

سعيد/ طب وطارق

محسن / ماله طارق ماهو خد حقة

سعيد / يعني انت حاسبها صح يا محسن تكاليف جواز طارق وعلامه يساوي نصيبه في الأرض

محسن/ متنساش إن ابويا جايبله كمان شقة في مصر

سعيد /ايوه بس هو اللي بيدفع اقساطها

محسن/ وابوك هو اللي كان دافعله مقدم الشقة وانت عارف دلوقتي الاراضي والشقق غليت يعني الشقة دلوقتي تسوالها الشيء الفلاني

سعيد/ علي رأيك اني بس كنت عايز أطمن علشان منبقاش ظلمناه انت عارف انني مش ساعة ماابوك مات واني مش عارف انام خايف إن طارق يكون اتظلم

محسن / طارق متظلمش ولا حاجة بالعكس بقي هو اكتر واحد خد حقه فينا علام وتربية ودلع واتجوز مخسرش حاجة في جوازاته دي

سعيد/ بس لسه مخلفش يااخويا

محسن/ احسن اني بقول ياريت ميكونش ليه نصيب انه يخلف منها علشان يتجوز واحده غيرها تكون من قيمتنا بدل الجوازة اللي تكسف دي

سعيد/ بيحبها يااخويا

محسن/ حب ايه بكره يندم

سعيد/ احنا مالنا كل واحد حر المهم دلوقتى هنزرع الأرض ايه دره ولا رز

محسن/ هنزرعها رز بتجيب محصول حلو الدره انت عارف العيال اللي جار الأرض بيبهدلوها

سعيد/ خلاص يبقي رز بس المياه تكتر شوية في الترعة لأحسن مياه الرتوازي دي بتعدم الأرض

محسن/ أهو اللي هيمشي علي الناس هيمشي علينا

سعيد/ انى راجع الدار الدنيا شكلها هتمطر.

محسن/ أهو الشتا خلص ولسه الدنيا بردو برد

سبحان الله

سعيد/ احنا في شهر اربعه كلها كام يوم والدنيا تدفي

محسن/ الناس لابقت مستريحه صيف ولا شتا

استني هات ايدك لما أقوم اروح اني كمان جسمي متكسر من البرد

سعيد / ابقي تقل علي نفسك شوية متخففش هدومك مره واحده الجو لسه برد

محسن/ عندك حق اليومين اللي الدنيا دفت فيهم خففت هدومي قولت خلاص الشتا خلص اتاري لسه الدنيا هتمطر تانى

..... .. ... ......

في شقة طارق

تدخل نرمين الشقة وتنادي/ طارق. ...طارق

خلصت الأكل ولا لسه انا واقعه من الجوع تنظر لغرفة طارق تلاقيها مفتوحة تدخل تلاقي هنادي نايمه ومغطيه نفسها بالبطانية ورجلها من تحت مكشوفة

نرمين بغضب/ هي حصلت يا طارق لكده

تقرب من هنادي بأنفعال / انتي يا بت انتي قومى

هنادي تتقلب وشعرها مغطي وشها

نرمين/ انتي يا بت انتي يلي معندكييش دم نايمه يااختي في بيتكو؟!

هنادي تفتح عينها وتصرخ

نرمين تصرخ بفزع وتجري تخرج من الاوضة

طارق بيفتح الباب ويدخل بسرعة

طارق لنرمين/ في ايه بتصرخي ليه

نرمين بغضب/ مين اللي نايمه جوه علي سريرك دي

طارق / هتكون مين يعني

نرمين/ انا عارفة انا اللي بسالك

طارق/'هنادي. .يعني تفتكري هجيب واحده الشقة

وسعي أما اشوف عملتي ايه فيها

يدخل طارق الغرفة يلاقي هنادي بتعيط ومغطيه جسمها بالبطانية وقاعدة علي السرير

طارق /ايه يا حبيبتي مالك؟

هنادي ببكاء/ اختك فزعتني

نرمين /انا اللي فزعتك ولا انتي اللي خضتيني

طارق /ههههههههه معلش حقكو عليه

يلا يا حبيبتي البسي وأخرجي جبتلك حتة اكلك إنما ايه عارفك إنك بتحبيها

يلا يا نرمين اغسلي ايدك وتعالي ظبطي السفرة

يدخل طارق المطبخ يوزع الأكل في الأطباق

تدخل هنادي المطبخ تمد ايدها من خلف طارق تاخد الطبق

طارق يلتفت ليها ببتسامة/ القمر أعصابه عامله ايه دلوقتي.

هنادي /اسكت اختك خلتني مهخلفش تاني

طارق/ ههههههه معلش يا حبيبتي كان مفروض اتصلت بيها وقولتها انك هنا علشان ميحصلش اللي حصل من شوية

هنادي /انا كل اللي خوفني إنه يكون راجل وانا لبسي يعني

طارق/:هههههه ايه مكنتيش متغطيه كويس

هنادي بخجل/ بس بقي يا طارق

طارق يحتضنها / بحبك يلي جننتي طارق

توقف نرمين علي باب المطبخ / انا بقول كفاية كده ويلا علشان جوعت

ترتبك هنادي وتخرج من المطبخ في ايدها الأطباق

علي السفرة

طارق ببتسامة/ كلو بقي وقولولي رأيكو ايه

نرمين/ مخلتش هنادي تطبخ ليه

طارق/ لا انا كنت بطبخ والأكل اتحرق مني

نرمين بسخرية ونظرة لهنادي / اللي واخد عقلك

قوليلي يا هنادي جيتي ازاي

هنادي /في القطر

نرمين / ومخوفتيش تيجي لوحدك

نظرت هنادي لطارق ببتسامة/ لأ

طارق/ هنادي مش صغيرة بس متعملهاش تانى

هنادي/ حاضر

نرمين/ امي وأخواتي عاملين ايه

هنادي/ بخير كلهم كويسين

طارق لنرمين/'ممكن تاكلي وتبطلي أسأله

وينظر لهنادي / كلي يا حبيبتي تلاقيكي ماكلتيش من بالليل

هنادي /لا امي عملتلي ساندوتشات أكلتها في القطر

نرمين تضحك / هههههههههه

طارق/ عجبتك اوي ايه امي معملتهاش معاكي قبل كده

نرمين /آه بس مكنتش باكل

هنادي/ انا قايمه اغسل أيدي

طارق/ كملي أكل يا حبيبتي.

هنادي/ الحمد لله. ...شبعت

تقوم هنادي وتدخل الحمام

طارق لنرمين/ مش هتبطلي غلاسه بقي

هنادي/ طارق عايزة تليفونك علشان أكلم امي تليفوني فاصل شحن

طارق/ عندك يا حبيبتي جمب السرير وهتلاقي الشاحن بردو هناك اشحني تليفونك

نرمين/ هو ايه اللي جاب هنادي مش عوايدها يعنى

طارق / وحشتني وجات تقعد معانا يومين عندك مانع

نرمين وهي بتقوم من علي السفرة / لا معنديش مانع بس ياريت تبقي تخليها تشيل الأكل انا داخله انام

طارق/ لا متقلقيش انا هشيله وهنضف السفرة خلاص اتعودت علي طبعك اللي لا يطاق

نرمين/ مالك شادد حيلك عليه كده هو انا عملتلك حاجة

طارق/'لا ابدا انتي مبتعمليش حاجة خالص وهو دا اللي هينقطني

نرمين/ انا جايه تعبانه وانت بقى والمدام شكلكو نمتوا وفايقين عليه اوي

طارق/ تصدقي معندكيش دم

تخرج هنادي من الغرفة ببتسامة/ امي بتسلم عليك يا طارق

تنظر ليها نرمين بضيق وتدخل اوضتها وتقغل الباب جامد

هنادي/ هو في ايه يا طارق اني عملت حاجة

طارق/ لا يا حبيبتي مفيش

هنادي تقرب تشيل الأطباق / ادخل اغسل ايدك واني هنضف المكان واعملك شاي

طارق ببتسامة/ تسلم ايدك يا حبيبتي

..........................

كامليا قاعدة بتذاكر

تدخل واحده صاحبتها

نسرين/ كامليا ممكن تليفونك اعمل مكالمة لماما ضروري معنديش رصيد في التليفون والوقت اتاخر

كامليا /اوووك يا حبيبتي اتفضلي

نسرين / هتكلم دقيقة واحده بس متقلقيش

كامليا ببتسامة/ براحتك التليفون معاكي

تدخل إلهام

إلهام / كامليا ممكن تسرحيلي شعري بقالي نص ساعة مش راضي يفك من بعضه أيدي وجعتني

كامليا /:في ايه يا بنات انا مش هذاكر بالشكل ده

إلهام /'خلاص يا كامليا هشوف واحده من البنات تسرحولي

كامليا/ قربي يااختي مسرحه ليكي

اصلا شعرك طويل وكمان بتسرحيه وهو مبلول لازم يتعبك

إلهام / بتحايل علي ماما اقصه وهي تقولي البت انوثتها في شعرها

كامليا/'عندها حق

إلهام / يااختي طويل قصير ايه الفرق ماانا في الآخر بلفه واغطيه بالطرحه

كامليا /ههههه'مامتك قصدها لما تتجوزي يعني تتباهي بشعرك قدام عريسك

إلهام / مش لما يجي الأول

كامليا /'ههههه ايه مستعجله اوي

إلهام / ومين فينا يا حبيبتي مش مستعجلة ولا هنضحك علي بعض

كامليا/ خلصي دراستك الأول وبعدين فكري في الجواز

إلهام /'متفكرنيش يااختي الامتحان الاسبوع اللي جاي وانا مرعوبه

تدخل نسرين / اتفضلي تليفونك

كامليا / مامتك كويسه

نسرين/ آه بخير. ..الحمد لله. ..بتسلم عليكي قولتلها اني بتكلم من تليفون واحده صاحبتي فضلت تدعيلك

إلهام / خلصي يا كامليا عايزة انام

نسرين / انتي مش هتبطلي بهدله في شعرك

إلهام / هعمل ايه بس انتوا كده هتخلوني فعلا اقصه

نسرين لكامليا/ علي فكره كان فيه واحد عمال يتصل كتير

كامليا/ عندي انا

نسرين/ هو مين وائل دا يا كامليا

إلهام بغمز/ اوبااا هو الموضوع فيه وائل

كامليا /بس أنتى وهي

نسرين/ انا قلت يمكن اخوكي بس افتكرت انك قولتيلي مرة إنك معندكيش أخوات

إلهام / بلاش ظلم بقي يمكن خالها ههههه

كامليا/ لأ ابن خالتي

إلهام / ههههه شوفتي ظلمناها ازاي

نسرين/ امممم ابن خالتك طيب

تليفون كامليا يرن

كامليا/ دقيقة وراجعالكو

نسرين/ الموضوع كده فيه إنه

إلهام /

لو في حاجة هتقولنا

كامليا / في ايه يا وائل بتتصل كتير ليه في حاجة

وائل / ابدا بس كنت عايز اطمن عليكى

كامليا بغضب/ انا كويسه

وائل / مالك يا حبيبتي في حاجة

كامليا بانفعال/ لأ مفيش. ..وبعدين ايه حبيبتي دي

وائل / هو انتي مش حبيبتي ولا ايه

كامليا/ وائل مبحبش الطريقة دي في الكلام ها قول بقى كنت عايز ايه

وائل / الظاهر انك مشغولة

كامليا/ آه مشغوله في المذاكرة

وائل / طيب خلاص اسيبك تكملي مذاكرة علشان معطلكيش

كامليا / طيب مع السلامة

وتقفل كامليا التليفون/'ايه اللي انا عملته ده اكيد زعل دلوقتي

وايه يعني لما يزعل هو كل شوية هيتصل ويعملها حجه بقي

تدخل الغرفة تستلمها صاحبتها

نسرين بغمز/ ايه أخبار الجو

كامليا/ جو ايه؟ !

إلهام / مش علينا الشويتين دول نسرين تقصد وائل

كامليا/ ماله

نسرين/ بنسال علي أخباره

كامليا/ وانتوا يهمكو اخباره في ايه

إلهام / شوفتي اللئيمه مش عايزة تتكلم

كامليا / أتكلم عن ايه

نسرين/ انا عن نفسي لما يبقي عندي جو هحكيلوا علي كل حاجة

إلهام / هههههه طب شدى حيلك بقي

كامليا/ تعرفوا تشدوا حيلكوا في المذاكرة احسن

إلهام / لاااا انا هنام

نسرين / وانا شرحه تصبحو علي خير

كامليا / أبقوا قابلوني لو فلحتوا

............

في شقة طارق

طارق وهنادي قاعدين قدام التليفزيون وطارق محاوط هنادي بذراعيه تخرج نرمين من الغرفة بهدوء وتوقف خلفهم

تهمس هنادي في أذن طارق فيضحك

تقرب نرمين منهم وببتسامة مصطنعه تقعد بجوارهم

نرمين/ متضحكوني معاكو

يعتدل طارق في جلسته

طارق / ايه قلقنا نومك

نرمين/ لا انا مكنتش نايمه كنت بذاكر ايه يا هنادي انتي مبذاكريش ولا ايه

هنادي /لأ بذاكر بس مجبتش الكتب بتاعي معايا

طارق /مذاكرة ايه دلوقتي

نرمين / مش علشان تخلص ولا ناويه تقعد كام سنه في الصنايع بتاعتها دي

هنادي /إن شاء الله. ..هخلص

طارق انا داخله انام تصبح علي خير

طارق /استني انا جاي معاكي

نرمين /طارق استني عايزة اتكلم معاك

ينظر طارق لهنادي تتركهم وتدخل غرفتها

طارق ببتسامة/ اختي العزيزة بقي كانت عايزاني في ايه

نرمين/ هو موضوع كده مش عارفة الظروف تسمح ولا ايه

طارق/ قولي واشوف إن كانت الظروف تسمح ولا لأ

نرمين/'انا في شاب يعني

طارق ببتسامة/ يعني ايه؟!

نرمين/ عايز يتقدم وانا قولتله مش وقته

طارق/ ياااه اخيرا بس هو مين وعرفتيه ازاي دي أهم حاجة

نرمين/ معيد عندنا في الجامعة

طارق/ وكلمك ازاي

نرمين/ عادي يعني كنت بساله علي حاجة فتح معايا الموضوع

طارق /بس كده

نرمين بضيق/ اه بس كده تقصد ايه يعني اتقابلنا بره الجامعة مثلا

طارق /انا مقصدتش كده علي العموم خليه يكلمني وانا اشوفه في أي مكان حتي لو هنا

نرمين / اوووك رقمه اهوه

طارق/ وانا هعمل ايه برقمه هو اللي لازم ياخد رقمي

لو جاد يعني لو قابلتيه صدفه قوليلوا دا رقم اخويا لو عايز تدخل البيت من بابه

نرمين/ ماشى يا طارق ولو إن كلامك فيه تلميح مش كويس بس هقوله

طارق/ طيب تصبحي علي خير

نرمين/ هتنام دلوقتي

طارق/ عندى شغل الصبح

نرمين/ ماانت كل يوم عندك شغل ومبتنامش في الوقت ده

طارق/ نرمين تصبحي علي خير

نرمين تمسك الريموت تقلب في التليفزيون

......

في غرفة طارق

طارق يقرب من السرير

طارق لهنادي/ انتي نمتي يا حبيبتي

تنفض هنادي الفراش / لأ لسه صاحيه

طارق /ههههههه كنت عارف إنك صاحيه

هنادي/ طب وبتسأل ليه ولا هي رخامه زي مااختك بتتعمد ترخم عليه

طارق /ههههه تقصدي نرمين

هنادي/ هو في غيرها معانا هنا

طارق /على فكرة هو دا طبع نرمين

هنادي/ سيبك من موضوع نرمين وخلينا في موضوعنا

طارق /طب اطفي النور الأول

هنادي/ طارق انا عايزة اكشف

طارق/ ليه يا حبيبتي انتي تعبانه

هنادي /لأ بس اني اقصد اكشف علشان الحمل

طارق /قولتلك يا حبيبتي متفكريش في الموضوع ده

هنادي/ واني خايفة من التأخير ده

طارق /تأخير ايه اومال لو مكنتيش حملتي قبل كده مرتين كنتي قولتي ايه

هنادي/ ماهو علشان كده اني خايفة

طارق /متخافيش العيله عندنا كلها تمام ههههه

هنادي/ خايفة تتجوز عليه

طارق/ هههههههه يا مجنونه اتجوز ايه بس

هنادي/ يعني لو اتاخرت في الحمل مش هتفكر تتجوز

طارق/'ههههه لأ

هنادي / توعدني

طارق / متبطلي جنان وخلينا ننام

هنادي تجري ناحية الشباك.

طارق واقف بدهشة / هو في ايه؟ !

هنادي/ الجو بيمطر

طارق/ بتحبي المطر اوى كده

هنادي /قوي قوي

طارق/'ههههه طب وسعي اقفل الشباك علشان الجو برد قوي قوي هههههههه

تحتضنه هنادي وهو بيقفل الشباك / بحبك

طارق / قولتي ايه

هنادي بخجل/ اللي سمعته

طارق / لأ قوليها تاني

هنادي /لا خلاص شطبنا

طارق/ هو احنا لسه قولنا حاجة

يقرب يقبلها

هنادي تبتسم

طارق وهو يقبلها / بقي حد يسيب القمر ده دا انا عايز اخلف منك عشر بنات علشان يبقوا بالحلاوة والطعامة والطيبه والكسوف ده

هنادي / عشره! !!

طارق/ اه عشرة عندك مانع

هنادي بضحكه عاليه /هههههه لأ

طارق/ طب وطي صوتك نرمين صاحيه

هنادي تبتعد عن طارق وتقرب تفتح الباب بهدوء

طارق من خلفها/ بتعملي ايه.

هنادي/ بطمن إن نرمين نامت

طارق/ ههههههه طب اقفلي وتعالي

......................................

في منزل صفيه

علي لعمر/ واني يا ابني اتمني بس انت عارف لازم اخد رأي كامليا الأول

عمر/ واني مش مستعجل يا عمي بس هي توافق

علي/ هكلمها تاني وارد عليك

عمر/ قولها يا عمي اني شاريها ومستعد أصبر لحد متخلص كليتها

علي /هنعمل ايه في ابن عمتك اللي عقدها في الجواز كله

عمر/ اني هعوضها عن كل حاجة بس قولها توافق

علي/ حاضر ياابني

عمر/ طيب ياعمي اني همشي الوقت اتاخر تصبحو علي خير

صفيه / وانت من أهل الخير ياابني سلملي علي أبوك

عمر/ يوصل يا عمتي

يخرج عمر

علي/ ايه يا صفيه قاعدة ساكته ليه

صفيه/ اقول ايه بس اني شايفة الواد يا حبة عيني هيموت علي البت وهي ولا هنا

علي / تكون بنتك لسه بتكلمه

صفيه /هو مين وائل؟

لا يا علي مش ممكن دي خلاص كرهتكوا خالص ومبتجبش سيرته نهائي

على /ياريت يكون كلامك هو الحقيقة مش تكون بتستغفلنا

صفيه/ يبقى معندهاش دم بعد اللي عمله فيها

..............

في الصباح

هنادي تقوم من النوم بعد خروج طارق للشغل نرمين نايمه في اوضتها

تدخل هنادي المطبخ تجهز فطار واقفة في حيره

هنادي/ اعمل فطار ايه

آه هطلع كبده اعملها نفسي رايحالها

تخرج هنادي الأكل من التلاجه وتبدأ بتقطيع الخضار

جرس الباب يرن

هنادي تفتح

كامليا / صباح الخير اهوه متأخرتش زي ماقولتلك

هنادي ببتسامة/ طول عمرك مواعيدك مظبوطة كويس إنك عرفتي توصلي

كامليا/ هههههه خلاص يا حبيبتي انا بقيت من أهل البلد دي يعني أعرفها حته حته

هنادي/ ههههههه طب تعالي معايا المطبخ نجهز الفطار

كامليا/ ايه الريحه دي

هنادي/ بعمل كبده

كامليا/ بتفطري كبده اومال هتتغدوا ايه

هنادي/ لحمه.

كامليا / ههههه انتي بتتوحمي ولا ايه

هنادي/ ياريت يااختي بس لسه محصلش

كامليا/ متستعجليش. ...قوليلي اعمل ايه معاكي

هنادي/ انتي تقعدي هنا وانا هجيب الأكل لحد عندك

كامليا / بصراحه مفطرتش لسه والكبده ريحتها تجوع

هنادي /وسعي بقي الكبده وصلت

كامليا/ هههههه تسلم ايدك يا عم الشيف

هنادي /كلي بقي وقوليلي رأيك ايه

كامليا/ هو مفيش حد هنا

هنادي/'أخت طارق نايمه جوه

كامليا/ طيب سبيلها طبق بقي هاتي معاكي طبق

هنادي/ متقلقيش انا شيلت نص الكبده علشانها هي وطارق انا ميهونش عليه أكل حاجة هو مياكلهاش

كامليا /ايه يا عم الحب ده

هنادي/ طب كلي وانتي ساكته

كامليا /بتعملي ايه عندك انا هاكل لوحدي

هنادي/ جايه اهوه بس بولع علي الأكل علشان الغدا

كامليا/ مبتضيعيش وقت

هنادي /هههه عايزة الوقت ياخدنا ومعملش الغدا

كامليا / لا يااختي انا مش عايزة تحصل مشكلة بسببي

تقرب هنادي وتقعد تاكل

هنادي/ امممم تسلم أيدي الأكل حلو

كامليا/ ههههههه طب استني لما ادوق انا الأول

تدخل نرمين بضيق

نرمين/ احنا عندنا ضيوف ولا ايه

هنادي/ دي كامليا بنت خالتي

نرمين/ ومالكو معليين صوتكو كده انا مش عارفة انام

هنادي/ فين اللي معليين صوتنا احنا بنتكلم عادى

نرمين/ لا واضح إنها وكالة من غير بواب

هنادي /لو سمحتي يا نرمين بلاش تلميحاتك دي

وبعدين دي شقتي وادخل فيها اللي يعجبني

نرمين/ عال اوي وكمان بقيتي تعرفي تتكلمي يا هنادي

كامليا/ انا ماشية يا هنادي

هنادي/ استني يا كامليا دي شقة جوزي ومن حقي بقي اقابل فيها اللي يعجبني

كامليا/ انا مش عايزة تحصل مشكلة بسببي انا ماشية

نرمين /ياريت تاخدي الباب وراكي

تخرج كامليا من الشقة

تجري هنادي تلحق كامليا اللي كانت وصلت لمدخل العمارة

هنادي بغضب/ انتي ايه اللي عملتيه ده

نرمين /فاكره نفسك ست البيت وهتتامري عليه

هنادي /اني فعلا ست البيت هنا وإن كان عاجبك

نرمين/ القوالب نامت والانصاص قامت فعلا معدش اللي انتي كمان تتكلمي

هنادي /أني مش هرد عليكي لما يجي طارق هحكيلوا علي اللي حصل واشوف بقى مين ست البيت هنا

نرمين /وانا مش فاضيه للعب العيال ده انا نازله الجامعه 


#دوارالعمدة 

البارت التاسع عشر 

بقلني: ميار بدر


تخرج نرمين من الشقة بعد متخبط الباب جامد وهي خارجة

هنادي واقفة في المطبخ منهارة وبتعيط

تجري تدخل اوضتها تمسك تليفونها وتتصل

كامل/ الو. ..ايوه يا هنادي ازيك يا بنتي

هنادي تحاول تداري حزنها / الحمد لله. ..بخير ياابه

كامل/ مالك يا بنتي في حاجة جوزك بخير

هنادي/:احنا بخير ياابه امي عندك

كامل/ اه يا بنتي موجود استني هناديلك عليها

يا سعدية. ...سعدية

تنزل سعدية من فوق

سعدية /في ايه يا كامل

كامل/ خدي التلفون كلمي هنادي

سعدية/ ايوه يا ضنايا ازيك

هنادي /أمه لو ابويا جارك ابعدي بالتليفون شوية عايزة اتكلم معاكي

سعدية بقلق/ خير يا بنتي

هنادي / عايزة اقولك حاجة ومش عايزة ابويا يعرف

سعدية /هههه حاجة سر يعني ماشي اديني بعدت اهوه قوليلي بقي في ايه

هنادي/ أمه انا مقهورة قوي

سعدية/ سلامتك من القهرة يا ضنايا مالك يا بنتي جوزك مزعلك ولا ايه

هنادي/ لأ ياامه دي اخته

شتمتني وبهدلتني وطردت كامليا من عندي

سعدية/ يالهوي ليه يا بنتي تعمل كده أخص عليها

هنادي /عايزة اخد حقي منها ومش عارفة اعمل ايه

سعدية/ ولا تعملي حاجة

هنادي /يعني ايه ياامه اسيب حقي اني لازم اقول لطارق

سعدية/ وبعد متقوليلوا هيحصل ايه

هنادي/ يحصل اللي يحصل ياامه اني تعبت من معاملة اخواته ليه بيعاملوني كأني خدامتهم

سعدية / بلاش كل شوية تشتكيلوا منهم وتقوليلوا اخواتك عملوا وسووا علشان هيكرهك انتي وهيقول إنك انتي اللي بتنكدي عليه

هنادي /اني ياامه؟!

سعدية /'سبيه هو يشوف افعالهم لوحده من غير متشتكي وتعكننوا علي بعض انتي رايحه تقعدي معاه يومين علشان تتبسطوا بلاش تنكدوا على بعض يا بنتي

هنادي/ بس اني تعبانه منهم قوي ياامه

سعدية/ اسمعي كلامى يا ضنايا البسي واتزيني لجوزك واطبخيلوا اكله حلوه ولما يدخل البيت خليه يشوف الإبتسامة علي وشك علشان يحبك

هنادي /واللي بيعملوه فيه استحملوا ازاي

سعدية/ سبيه هو هيعرف لوحده ماهم لازم هيعملوا حاجة قدامه اكيد وهو ساعتها هيجيبلك حقك

هنادي/ انتي رأيك كده ياامه

سعدية/ اعملي اللي بقولك عليه ادخلي اغسلي وشك وغيري هدومك واستني جوزك لما يجي واوعي تبيني حاجة قدامه علشان انتي اللي هتتعكنني في الآخر وكامليا ابقي اتصلي راضيها هي عاقلة ومش هتزعل

هنادي باستسلام / حاضر ياامه

قفلت هنادي التليفون ودخلت المطبخ جهزت الأكل وغيرت هدومها وقعدت قدام التليفزيون

باب الشقة يتفتح يدخل طارق ببتسامة

تبادلة هنادي ابتسامة مصطنعه تداري بيها حزنها

هنادي /حمدا لله. ..علي سلامتك

يحتضنها طارق / وحشتيني

هنادي/ انت اكتر يا حبيبي

طارق/'اممممم ريحة الأكل تجوع

هنادي/ أدخل غير هدومك واني هجهز السفرة

طارق/ علي مهلك انا مش مستعجل هستني نرمين

يدخل الغرفة

هنادي / ممكن تتأخر

طارق /لا زمانها جايه

هنادي/ خلاص براحتك اني هنام ولما تيجي أبقى صحيني

طارق/ مالك يا هنادي في حاجة مزعلاكي

هنادي/ لأ

طارق/ خلاص جهزي السفرة شكلك جعانه

تتركه هنادي وتدخل المطبخ

علي السفرة

طارق/ لاحقتي طبختي؟ ...انتي صاحيه من أمتي

هنادي/ بعد مخرجت من الشغل علي طول

يدوق طارق الأكل / تسلم ايدك الأكل مظبوط السوا بتاعه

هههههه أصلي بقيت طباخ محترف

هنادي /بامارة الأكل اللي اتحرق امبارح

طارق/ ههههههههه

باب الشقة يتفتح تدخل نرمين

نرمين/'مساء الخير

طارق/ اغسلي ايدك وتعالي الأكل سخن

نرمين/ لأ مليش نفس

وتدخل اوضتها

طارق / هي مالها

هنادي بعدم اهتمام / معرفش

يقوم طارق ويدخل لنرمين

نرمين/ في حاجة يا طارق

طارق/ مش عايزة تاكلي ليه

نرمين/ عادي يعني مليش نفس

طارق /ليه انتي اكلتي بره

نرمين/ لأ اصلى مصدعه وعايزة انام

هنادي قاعدة علي السفرة ايدها علي خدها يقعد طارق ويبدأ ياكل

طارق / مبتاكليش ليه

هنادي /شبعت

طارق/ كان مفروض تعزمي علي نرمين وتقوليلها تيجى تاكل معانا

هنادي/ يعني نرمين ضيفه مثلاً ماهو دا بيتها

دا انا اللي ضيفه هنا

تقوم هنادي

طارق بانفعال/ مالك يا هنادي

من وقت مرجعت من الشغل وانا شايفك متغيره

هنادي/ انا مش متغيره ولا حاجة بس انا كلمتك في موضوع امبارح وانت طنشت

طارق/ انا؟!!...موضوع ايه؟

هنادي/ اني عايزة اكشف

طارق/ هههه بس كده هو ده اللي مضايقك خلاص البسي وهننزل مع بعض

هنادي تدخل الغرفة

طارق يخبط باب غرفة نرمين

طارق ببتسامة/ منمتيش يعني

نرمين / كنت بحاول انام

طارق/ شكلك كده مش جيلك نوم بقولك ايه متيجي نخرج نتمشي شوية

نرمين/ رايح انت وهنادي

طارق / اكيد هههههه

نرمين/ خلاص هاجي معاكو

تلبس هنادي وتخرج تلاقي نرمين لابسه وقاعدة في الصالة

هنادي بهمس/ هي نرمين جايه معانا

طارق /طبعاً اومال هسيبها تقعد لوحدها

نرمين/ يلا يا طارق

وينزلوا مع بعض يوقف طارق قدام عمارة فيها دكتورة نساء

وتنتظر نرمين في العربية

تنزل هنادي وطارق من فوق بعد متخلص هنادي الكشف

طارق / ها تحبوا تاكلوا ايه

نرمين/ لأ أكل ايه بصراحه بقى شوفت طقم الصبح عجبني اوي نفسي اشتريه

طارق/ طيب قليلين شوفتيه فين

يدخل طارق ومعاه هنادي ونرمين أحد المحلات

تشتري نرمين طقم غالي اوي وتختار الشوز والشنطة

طارق لهنادي/ اختاري حاجة علي ذوقك يا حبيبتي

هنادي بهمس لطارق/ المحل هنا غالي قوي اني مش هشتري حاجة

طارق/ لا مينفعش لازم تشتري

بالرغم من إلحاح طارق لهنادي علشان تشتري خرجت منغير متشتري حاجة

طارق يوقف قدام صيدلية تشتري الدوا لهنادي

اللي كان بمبلغ كبير

هنادي/ يلا بقي نروح

طارق/ نشتري عشا الاول

هنادي أصرت إنهم ميشتروش أكل وإن الأكل كتير في البيت لانها حست إن طارق دفع آخر فلوس كانت معاه في الحاجات اللي اشتراها لنرمين وفي الدوا

طارق لنفسه/ الحمد لله

كنت هعمل ايه شكلي كان هيبقى وحش

يروحوا للشقة ونرمين فرحانه إنها اشترت كل اللي نفسها فيه وقدرت تبوظ الخروجه لهنادي

......................

في اليوم التالي

في الصباح كامليا في منزل والدها

صفيه/ تعالي ساعديني في المطبخ يا بنتي

كامليا/ حاضر ياامه جايه

صغيه/'مالك ماسكه التليفون في ايدك كده مش عايزة تسيبيه

كامليا /أصلي مستنيه مكالمة مهمه

صفيه /مكالمة مهمة! !!طيب

كامليا / الناس في البلد أخبارها ايه

صفيه / بخير يا بنتي

كامليا / خالتي سعدية عامله ايه بتجيلك

صفيه /بتيجي بس مش كتير

كامليا / وخالي جلال ومراته عاملين ايه وحشني قوى

صفيه /بخير وطالما جيبتي سيرة خالك يبقي افاتحك في الموضوع اللي عايزة اكلمك فيه

كامليا /خيرا ياامه موضوع ايه

صفيه/ خالك جلال كان هنا من كام يوم هو وعمر

كامليا / آه وبعدين

صفيه / الواد هيتجنن عليكي وافقي يا بنتي عمر ميتعيبش

كامليا / أمه احنا اتكلمنا في الموضوع ده قبل كده واني قولتلك مش هتجوز عمر ابن خالي

صفيه / لا مقولتيش كده انتي قولتي مبفكرش في الموضوع ده دلوقتي صح ولا حنيتي

كامليا / حنيت! !!تقصدي ايه ياامه

صفيه/ انتي عارفة قصدي وبلاش تلفي وتدوري عليه يا بنتي علشان اني بعرفك منغير متتكلمي

كامليا / أمه ياريت منتكلمش في الموضوع ده علشان خاطري

يدخل علي من باب المنزل

على /الفطور يا صفيه انتي لسه مخلصتيش

صفيه/ حاضر جايه اهوه

شوفتي الكلام خدنا وابوكي رجع من الغيط قبل منخلص الأكل. تليفون كامليا يرن تجري تطلع فوق السطوح تتكلم

علي لصفيه/ مالها بنتك بتجري ليه

صفيه/ ابقي اسالها لما تنزل

على /مالك يا ام كامليا

صفيه/ قلبي مقبوض ومش مطمنه

علي /ليه كلمتي بنتك في حاجة

صفيه/ كلمتها

علي/ ها وردت قالت ايه

صفيه/ مش عايزاة

علي /ليه كده بس الواد كويس وهيسعد بنتك وباين عليه بيحبها قوي

صفيه/ ملوش نصيب معاها يا علي هنعمل ايه.

على / اني اللي محرج من جلال هقوله ايه

صفيه /اني اللي هكلمه

في الأعلي

كامليا في التليفون / آه لسه وأصله من شوية

وائل / خالتي وجوز خالتي عاملين ايه

كامليا /بخير بس

وائل / بس ايه في حد تعبان

كامليا/ لأ بس عمر ابن خالي

وائل / اوعى تقولي إنه اتقدملك

كامليا / عرفت ازاي

وائل / مش مهم عرفت ازاي المهم ردك كان ايه

كامليا / ماانت عارف ردي يا وائل

وائل بغرحه/ يعني رفضتي

كامليا / طبعاً

وائل / لا الموضوع مبقاش يطمن كل شوية هيجيلك عرسان بالشكل ده وبعدين بقي انا اعمل ايه

كامليا / هتعمل ايه يعني

وائل / توافقي علي الكلام اللي قولتهولك قبل كده

كامليا / لا يا وائل اني خايفة

وائل /خايفة من ايه ماهو محدش هيعرف

كامليا / وبعدين

وائل / لما تخلصي نبقي نواجههم ووقتها هتبقى مراتي ومحدش له حاجة عندنا وتقدري تسيبي بيت ابوكي براحتك

كامليا / بس اني خايفة من رد فعل ابويا وأمي

وائل / يبقي مبتحبنيش

كامليا انا؟!!!

وائل /كامليا حددي موقفك يا كامليا

كامليا / سيبني أفكر

وائل / وانا هسيبك براحتك وفكري علي مهلك قدامك لما تخلصي امتحانات بس خلال الفترة دي متقولليش بقى جالي عريس وابويا مصمم

صفيه تنادي / كاملياااااا. ...

كامليا/ طيب هقفل معاك ونتكلم بعدين امي بتنادي عليه

وائل / خلاص مع السلامة هتوحشيني بلي ريقي بكلمة

كامليا / مع السلامة يا وائل

تقفل التليفون وتنزل جري

علي/ أيه يا بنتي هو التلفون هيطير قربي افطري

كامليا / حاضر ياابه

.............

في منزل العمدة

تنزل هنادي وطارق ونرمين من العربية تقابلهم الحاجة أمينه بغرحه

الحاجة أمينه بدموع/ بقى كده يا طارق مكنتش عايز تيجي تشوفني

طارق / غصب عني ياامه متزعليش

نرمين / وانا ايه موحشتكيش ولا ايه

الحاجة أمينه / قرب يا بت أما احضنك

تحتضنها/ أخص عليكي مش عارفة تقولي لاخوكي ننزل نشوف امي

نرمين/ وحشاني ياامه

تقرب هنا وتقبل يد الحاجة أمينه

الحاجة امينه/ مكونتش عارفة إن هنادي هي اللي هتجيبك

طارق/ المهم عاملين ايه يتاكل

الحاجة أمينه / يا ضنايا جعان

تنادي علي هدي اللي كانت واقفه في المطبخ

تقرب هدي وتسلم على هنادي ونرمين

الحاجة أمينه / جهزي الفطور بسرعة

هنادي/ استني يا هدي جايه معاكي

طارق / اومال فين اخواتك

الحاجة أمينه بغضب/ محسن فوق وسعيد بره

طارق / اومال العيال فين ملهمش حس

الحاجة أمينه / بنت عمك حايشاهم عني مش بينزلوا هنا

طارق/ مين شوق؟ !

الحاجة أمينه / وهو في غيرها

طارق/ اومال فين ولاد سعيد فين

الحاجة امينه/ الواد حامد كان هنا من شوية ونرمين في المطبخ بتساعد أمها

طارق^ وانتي ياامه صحتك عامله ايه

الحاجة أمينه / الحمد لله

ياابني بخير

هدي/ يلا ياامه يلا يا استاذ طارق الأكل جاهز

تخرج هنادي بالاطباق علي السفرة

يقعدوا ياكلوا

طارق / تصدقي ياامه البيت وحشني واكلكوا وحشني

الحاجة أمينه / متغبش تانية ياابني تعالي كل أسبوع زي الأول

طارق /معلش ياامه غصب عني

يخبط سعيد ويدخل

محسن/ احنا عندنا ضيوف ولا ايه

ترد نرمين/ ضيوف ايه بس يااخويا

محسن ببتسامة/ نرمين ازيك جيتوا أمتي

طارق/ ازيك يا سعيد

سعيد/ لا سلام علي الطعام

ويقرب ياكل

محسن/ واني يا طارق مفيش ازيك

يصمت طارق

الحاجة امينه/ تعالي يا محسن أفطر مع اخواتك

محسن/ لا اني طالع شقتي

الحاجة أمينه /ايه بنت عمك موصياك متاكلش في بيت أبوك

محسن / أمه انتي عارفة شوق لا بتقول ولا بتعيد شليها من دماغك

الحاجة أمينه بسخرية/ حاضر ياابني هشيلها من دماغي

محسن/ اني طالع أفطر مع عيالي لما تخلص أكل يا طارق ابقي تعالي فوق اني عايزك

طارق/ بعد الصلاة. ..بقي

الحاجة أمينه / كل يا طارق كلام يا سعيد علشان تلحقوا الجمعه

محسن / بعد اذنكو

نرمين الصغيرة/ عمتي نرمين جبتيلي الألوان اللي قولتلك عليها

نرمين / كلي الأول وبعدين هوريهالك

تقوم نرمين بغرحه / اني شبعت يا عمتي هروح اجيبهم

نرمين بانفعال/ اقعدي هنا رايحه فين متقول حاجة يا سعيد لبنتك

هدي/ بس يا نرمين عيب

نرمين /ده اللي قدرتي عليه

بس يا نرمين عيب !!!!

الحاجة أمينه / يا بنتي عيله متعرفش حاجة وفرحانه بالحاجة اللي جيبهالها

نرمين تنظر لهنادي / الصغير يتعلم ياامه ولازم يعرف كل واحد حجمه

هدي/ معلش يا نرمين هي متقصدش

سعيد/ خلاص يا نرمين متعملهاش حكاية بقي

هنادي تقوم/ الحمد لله

الحاجة أمينه / كلي يا بنتي

هنادي/ شبعت ياامه الحاجة

هدي /الظاهر اكلي مش عاجبك

هنادي /تسلم ايدك يا هدي هو فيه زي اكلك

طارق / يلا يا سعيد نلحق ....الجمعه

...................

بعد كام ساعة

هنادي واقفة في بلكونة شفتها تلاقي شاب في البيت اللي قصادها بيشاور كأنه بيكلم حد

هنادي واقفة بدهشة

الشاب يشاور على ساعته وينزل جري

تنظر هنادي لتحت يمكن في حد واقف في البلكونة متلقيش حد

تنظر للأعلى تلمح مي بنت محسن

تفتح هنادي الباب تلاقي مي نازله من فوق

هنادي /زيك يا مي

مي / الحمد لله

ازيك ياابله هنادي

هنادي /الحمد لله

رايحه فين كده

مي/ رايحه الدرس

هنادي/ كنتي بتوكلي الحمام فوق

مي بارتباك/ اه

هنادي /طيب انزلي علشان متأخريش علي الدرس

تنزل مي جري

تقرب هنادي من باب الشقة تقفله وتدخل

تسمع صراخ تحت في شقة محسن

هنادي تجرى علي السلم

باب شقة سعيد مفتوح وبيحاول يبعد طارق ومحسن عن بعض وشوق بتصرخ

وهدي بتحاول تهديها

محسن / بقي دي اخرتها يا طارق

طارق / يعني عايز تمد ايدك عليه ومدافعش عن نفسي

تطلع الحاجة أمينه السلم ببطء تاخد هنادي بايدها ويدخلوا شقة محسن

محسن/شايفة ياامه البيه المتعلم عايز يمد أيده عليه

شايفة اللي ابويا فضلوا علينا أهو كبر اهوه وأول مشم نفسه عايز يضربني

طارق/ انا كنت بدافع عن نفسي ممدتش أيدي عليك يا محسن بلاش تقول حاجة محصلتش

محسن/ وكمان عايز تطلعني كداب طب اني هشهد عليك أخوك سعيد اهوه كان واقف معانا من الأول

الحاجة أمينه / انت عايز ايه يا محسن من الاخر

محسن/ توقفي القضايا اللي رفعاها علينا ياامه

الحاجة أمينه / انى رافعه القضايا دي علشان اخوك ياخد حقه اللي انت اخدتو

محسن/ طب بلاش كلام قدام الناس وخلينا نتكلم لوحدنا

الحاجة أمينه / مفيش حد غريب دول اخواتك ومراتك وحريم اخواتك

محسن /محدش له حاجة عندي ياامه عقودي سليمه

الحاجة أمينه /'خلاص يبقي خايف ليه من القواضي

محسن/ اني عايزك توفري فلوسك المحامي بيضحك عليكي علشان ياخد فلوس

الحاجة أمينه /عيب لما علي آخر الزمن تقول لمرات العمدة حامد منصور بيضحك عليكي

سعيد/ اقعدي ياامه اعملي شاي يا هدي

الحاجة أمينه / اني مش قاعة ولا جايه اضايف اني هقولكوا من الاخر العقد اللي معاك يا محسن بتبله وتشرب مايته لأنه زي قلته

محسن بقلق/ ليه بقي دا بختم ابويا

الحاجة أمينه / علشان أبوك موزع الأرض بينك وبين اخواتك وده قالهولي قبل ميتعب التعب الأخير

محسن/ ههههه طب فين العقد

الحاجة امينه/ العقد هتشوفه في المحكمة

محسن بانفعال/ وإني اللي هينزل الأرض هقطع رجله اني خلصت اخواتي البنات

اني ميضحكش عليه

طارق / خد الأرض أشبع بيها بس ياريت تشبع منتطمعش في حاجة تاني يلا يا هنادي

يطلع طارق وهنادي شقتهم وتنزل الحاجة أمينه تحت

سعيد/ هنعمل ايه يا محسن أمك شكلها بتتكلم جد

محسن/ محدش نازلها يا سعيد دا علي جثتي لو رجل هوبت ناحية الأرض

شوق/ شوفتوا ابوكو عمل ايه

يعني مش كفاية ظلمكوا وهو عايش كمان بعد ميموت ظالمكو بردو

هدي/ بس ابويا الحاج مظلمش حد أمه الحاجة بتقول كتب الأرض بينكو يعني بالعدل

محسن بغضب/ سعيد قول لمراتك متدخلش وتنقطنا بسكاتها

تقوم هي بحرج تدخل اوضتها

................

في شقة طارق

هنادي /يعني ايه عايز تفرط في الأرض

دا حقك ميراثك من أبوك

طارق / مش عايز جايه بالغصب والمشاكل دي

هنادي/ يعني اخوك ياخد الأرض كلها بحجة إنك اتعلمت

طارق/ هنادي قفلي علي السيرة دي انا تعبت وداخل انام عندى سفر الصبح

هنادي/ اني هنزل للحاجة تحت شكلها كان تعبان

طارق / طب استني هنزل معاكي

مرت الشهور وخلصت هنادي السنه الثانية من دراستها في المدرسة الفنيه وبالفعل سحبت اوراقها وقدملها طارق في مدرسة في القاهرة في مكان قريب من العمارة اللي بيسكنوا فيها

عايشة هي وطارق ومعاهم نرمين

بتحاول هنادي متحتكش خالص بنرمين والحياة ماشية

والسنه النهائية لهنادي قربت تخلص

أما طارق وعلاقته باخواته فالقضايا لسه شغاله من جانب الحاجة أمينه وطارق مبينزلش البلد كتير

.................

في شقة وائل

بثينه بغضب / واضح يا وائل إنك شايفلك شوفه تانية

يضحك وائل بمكر/ هههههههههه

بثينه / قولي الصراحة يا وائل انت عايز مني ايه بالظبط

وائل / مش فاهمك تقصي ايه

بثينه/'يعني اتجوزتني علشان بتحبني ولا انا بالنسبة ليك بنك وخلاص

وائل / تاني بتكرريها انا قولتلك فلوسك هتاخديها

بثينه / وانا مش عايزة الفلوس انا عايزة تعاملني كبني آدمه ليه حقوق تحافظ علي مشاعري انا بالشكل ده متجوزة علي ورق لا بشوفك ولا بتقعد في البيت

البيت بقي بالنسبه لك لوكاندة تيجي تنام فيها وبس

وائل / انت مش مكسوفه من اللي بتقوليه ايه مبتشوفنيش برجع من الشغل تعبان ازاي وكل ده علشان مستقبلنا

بثينه /'مستقبلنا!!!!

أنهي مستقبل ده ؟!

أنا تعبت تعبت بجد

تبكي بثينه بحرقه

وائل/ خلاص وانا هريحك من حياتك معايا اللي تعباكي دي

بثينه / كرهت طريقتك دى وكأنك بتتلكك علشان تخرج من حياتي وخلاص

اوووك أنا المرادي مش هتمسك بيك وهسيبك براحتك

بس مش مسمحاك علي اللي عملته فيه

وائل / مش مسمحاني ليه يا مدام

بعد مرفعت راسك قدام الناس كلها واتجوزتك

بثينه / انت إنسان معندكش مشاعر عمري محسيت معاك بالأمان دايماً حاسه بالقلق من ناحيتك عارفة إنك واطي ومعندكش أصل

ينفعل وائل وينهال عليها بالضرب

بثينه /'انت إنسان معندكش قلب انا ازاي مكنتش شايفة دا كله

اتجوزتني ليه يا وائل

وائل /'اتجوزتك علشان استر عليكي اتجوزتك وانتي عارفة إن التمن شقة وعربية

بثينه/ ياااه للدرجة دي كنت رخيصة في نظرك واخدت المصنع كمان فوق البيعه

وائل / متنسيش المصنع انا اللي عملته بمجهودي

بثينه / فلوسي ترجعها وإلا هوديك في داهية

وائل / ملكية حاجة عندي واعلي مافي خيلك اركبيه

وهسيبك كده زي البيت الوقف لا متجوزة ولا مطلقة

بثينه / هخلعك علشان استريح من عيشتي معاك

وائل بسخرية/ جربي تعمليها وانا هفضحك في كل حته هقول إنها غشتتني ومطلعتش بنت شوفي ساعتها سمعتك وسمعت والدك هتبقى ايه

بثينه / مستحيل تكون انسان زينا

وائل / الدكتور هيثم خليه بقي يوقف جمبك ويجيبلك حقك

يخرج وائل من المنزل

بثينه بتبكي

..........

وائل قاعد في العربية يتصل بالتليفون

كامليا / الو

وائل / قابليني في الشقة

كامليا/ الوقت اتأخر مش هينفع

وائل بانفعال/ لو مجتيش هروح عندك واخدك من وسط البنات اللى ساكنين معاكي ووقتها محدش له حاجة عندي

كامليا / وائل انت بتقول ايه طب خليها الصبح علشان خاطري

وائل /لأ دلوقتي. ..نص ساعة والاقيكي هناك

كامليا بخوف/ حاضر 

••••••••••••••••••••••••••••••••••••••••••••••••

االفصل العشرون وائل قاعد في العربية يتصل بالتليفون

كامليا / الو

وائل / قابليني في الشقة

كامليا/ الوقت اتأخر مش هينفع

وائل بانفعال/ لو مجتيش هروح عندك واخدك من وسط البنات اللى ساكنين معاكي ووقتها محدش له حاجة عندي

كامليا / وائل انت بتقول ايه طب خليها الصبح علشان خاطري

وائل /لأ دلوقتي. ..نص ساعة والاقيكي هناك

كامليا بخوف/ حاضر

......

كامليا واقفة مش عارفة تتصرف ازاي

كامليا لنفسها /'ياترى يا وائل عاوز مني ايه اول مرة تطلب منى اقابلك بالليل لا مينفعش أنزل طب اعمل ايه

تمسك تليفونها وتتصل بهنادي

هنادي قاعدة بتذاكر في الصالة وطارق نايم في اوضته التليفون يرن

هنادي ببتسامة/'الو ازيك يا كامليا اخبارك ايه

كامليا / الحمد لله. ..بخير

هنادي انا عاوزة اطلب منك طلب بس متستفسريش علي حاجة

هنادي/ طيب ماشى قولي عاوزة ايه

كامليا/ اتصلي ب وائل اخوكي

هنادي/ وائل! !...ليه

كامليا/ قولتلك متستفسريش علي حاجة اتصلي بيه وقوليله إنك تعبانه وعاوزاه ياخدك للدكتور

هنادي /انتي بتقولي فيها انا فعلا تعبانه بس هو هيسال ليه طارق ميودكيش للدكتور ؟

كامليا/ قوليله طارق في البلد

هنادي/ ازاي بس ماهو هيجي هنا وهيشوفة

كامليا / لما يجي قوليله طارق لسه راجع دلوقتي وإنك خفيتي وفهمي جوزك كده وقوليله اخويا وحشني وملقتش طريقة تانية علشان اشوفه غير دي علشان خاطري يا هنادي

هنادي/ هنفذ كل اللي قولتهولي بس الصبح هتفهميني علي كل حاجة

كامليا / حاضر بس علشان خاطري اتصلي بيه دلوقتي وخليه قاعد عندك لوقت متأخر ولو اتصلت بيكي ابقي ردي عليه علي طول

هنادي / حاضر

تقفل هنادي مع كامليا وهي مستغربه ياترى في ايه

وايه علاقة كامليا ب وائل

تتصل هنادي ب وائل اتحجج في الأول وقالها اصبري للصبح ولكن مع إلحاح هنادي وانها تعبانه اوي قالها انه جاي

وبعد نص ساعة كان عندها واندهش طبعا من وجود طارق في البيت لكن هنادي كانت قالت لطارق علي كل حاجة واتصرف طبيعي

وقام وائل واتكلم بعيد عنهم في البلكونة اتصل بكامليا وقالها لو كانت خرجت ترجع تاني لأنه مش جاي وهيتأخر عند هنادي

دخلت هنادي جهزت العشاء واتعشوا مع بعض وخرج وائل من عند هنادي الساعة 12

.................

في اليوم التالي اتصلت هنادي بكامليا علشان تفهم الموضوع

كامليا قالتلها إن الكلام في التليفون مش هينفع وهتبقي تجيلها بس بعد الإمتحانات

دخلت هنادي المطبخ كانت لسه راجعه من المدرسة ودخل طارق يغير هدومه

هنادي/ نص ساعة والغدا يبقي جاهز انا طابخة كل حاجة مفيش غير الرز بس هعمله واسخن الأكل

طارق/ براحتك انا هقعد قدام التليفزيون لما تخلصي

تفتح نرمين باب الشقة

طارق يتفاجأ /'ايه ده راجعه بدري النهاردة متصلتيش بيه ليه علشان اجيبك من الجامعه

كامليا /'لا مش عايزة اتعبك المشوار بعيد عليك كفاية مشوار هنادي

طارق/ طب غيري هدومك علشان نتغدا مع بعض

نرمين /انا هدخل اعملي فنجان قهوة الأول دماغي مصدعه

هنادي تخرج من المطبخ وتدخل اوضتها

يخبط طارق الباب ويدخل

طارق/ ايه انتي هتنامي يا حبيبتي

هنادي/ لا انا بس هريح جسمي رجلي بتوجعني من الوقفه

طارق يقعد علي السرير بتنهيدة

هنادي /مالك يا طارق

طارق/'امي وحشتني

هنادي/ طب متكلمها في التليفون

طارق/ نفسي اشوفها بس مش عايز اروح البلد

هنادي/ طب ايه رأيك تروج تجيبها وتقعد معانا هنا كام يوم

طارق/امي مش هتوافق تيجي هنا مبتحبش تسيب البيت ولا بستريح في أي مكان غير بيتها

هنادي/'خلاص نروح لها الاسبوع الجاي نقضي الاجازة هناك معلش يومين نستحملهم وخلاص علشان بس متزعلش مننا

طارق /هشوف كده ينفع ولا ايه لإن الامتحانات قربت وهيكون في شغل هيجيبوا معايا البيت

هنادي/ واني كمان الامتحانات قربت وخايفة قوي

طارق /لا شدى حيلك خلينا نخلص بقي

هنادي/'ليه انت مش هتقدملي في الجامعة لو جابت مجموع كويس

طارق/'معرفش بصراحة يا هنادي انا تعبت من موضوع الدراسة بتاعتك دي بالنهار في المدرسة وبالليل بتذاكري نفسننا نقعد براحتنا من غير ملاقيكي قايمه تجري علشان تذاكري ولا تخلصي الواجب

هنادي تقوم تجري وهي بتقول/ الرز اتحرق

تدخل المطبخ تلاقي حلة الرز جمب البوتاجاز مستوتش

طارق/'ايه الرز اتحرق

هنادي بغضب / لأ انا اللي دمي اتحرق

طارق/ في ايه يا هنادي

هنادي/ تعالي شوف اختك عملت ايه

طارق / عملت ايه

هنادي /نزلت حلة الرز من علي النار قبل متستوي علشان تعمل قهوة. ..ينفع يعني كده

طارق/ معلش اعملي غيره

هنادي/ طب كانت نزلت حلة الخضار وكنت هسخنها تاني عادي لكن الرز حد ينزله قبل ميستوي

طارق بانفعال / خلاص يا هنادي قولتلك اعملي غيره

هنادي/ لأ أختك قاصدة تضايقني

طارق/ يوووووه اعملي غيره انا داخل انام لما تخلصي صاحيني

هنادي واقفة قدام البوتاجاز دموعها نازله علي خدها ومخنوقة

تدخل نرمين بفنجان القهوة تضعه علي حوض المطبخ وتوقف خلف هنادي وهي واقفة قدام البوتاجاز

تضحك نرمين بسخرية كانت كفيله إنها تخرج هنادي عن شعورها وتصرخ في وشها

نرمين / انتي الظاهر عليكي اتجننتي خلاص هههههههه

هنادي/ انتي عايزة مني ايه بتتعمدي تضايقني ليه انا عملتلك ايه

نرمين/ خلصي الأكل وانتي ساكته

هنادي/ مش هعمل الأكل

وتطفي البوتاجاز

هنادي/ ابقي كملي انتي واطبخي وانا من هنا ورايح مش هطبخ إلا على قدي انا وجوزي وأبقى شوفيلك خدامة تخدمك يا نرمين هانم

نرمين تمسك يد هنادي وهي خارجة من المطبخ

نرمين / انتي قد كلامك ده

هنادي /ايوه قده اوعى تفتكري انى جايه هنا علشان اخدمك وانتي قاعدة في اوضتك اخدمي نفسك

وتخرج هنادي من المطبخ وتدخل اوضتها

وتخبط الباب جامد

طارق بفزع/ ايه يا هنادي مش تحاسبي مش شايفه حد نايم علي الزفت السرير

هنادي ببكاء / مخدتش بالي

طارق يقوم ويقرب منها / ايه يا حبيبتي مالك

هنادي/ طارق هو ليه الواحد لما يبقي طيب وغلبان وعايش في حاله بردو الناس بضايقه

طارق /ليه يا حبيبتي بتقولي كده

هنادي/ علشان اختك مش سايباني في حالي

طارق/ دا كله علشان الرز هههههه مخك صغير اوي

يمكن مكانتش تقصد ومتعرفش الحله فيها ايه عديها يا حبيبتي

هنادي /على فكرة بقي انا مش طابخه رز تاني النهاردة

طارق/ هههههه طيب خلاص متزعليش انا هعمل الرز ومضايقيش نفسك انا مبحبش اشوفك زعلانه

يمسح دموعها ببتسامة ويقبلها في خدها

هنادي/ اني مبقولش كده علشان انت اللي تطبخ بس يا حبيبي اختك تصرفاتها بضايقني قوي

طارق /طب اعمل ايه اختي ومقدرش اغيرها علشان خاطري استحمليها

هنادي ببتسامة / علشان خاطرك بس

طارق ببتسامة/ أووووك هروح انا بقي اعمل الرز

هنادي/ لا اني اللي هعمله

طارق ببتسامة/ انا قولت انا اللي هعمله يعني انا اللي هعمله

هتاكلي احلي رز النهاردة

ويخرج طارق ويعمل الرز ويتغدي هو وهنادي ونرمين مترضاش تاكل

طارق يدخل المطبخ لهنادي وهي واقفة قدام حوض المطبخ تغسل الأطباق

طارق / هساعدك وسعي شوية

هنادي/ لأ كفاية عليك كده النهاردة

طارق/ ههههه لأ هساعدك علشان نخلص بسرعة

هنادي/ اعمل الشاي انت

طارق/'حاضر يا حبيبتي

...............................

في شقة وائل

كامليا / دي آخر مرة هنتقابل فيها هنا

وائل / يعني ايه

كامليا / لو عايز تشوفني يبقي في مكان عام قدام الناس

وائل / ههههه انتي ناسيه انك مراتي ولا ايه

كامليا/ وانت ناسي إن جوازنا دا علي ورق بس يعني ملوش لزوم نتقابل هنا

وائل / انتي زعلانه علشان انفعلت عليكي امبارح

كامليا / ليه مكونتش داري بنفسك بتقول ايه

وائل / معلش يا حبيبتي اعمل ايه بس اتخانقت مع بثينه امبارح

كامليا / ليه

وائل /'اتخنقت منها مبتعديش يوم من غير نكد فاكرة نفسها هتخليني جوز الست وانا بقي راجل فلاح والنظام دا ميعجبنيش

كامليا / وافقت ليه من الأول

وائل / قولتلك كنت فاقد الأمل في اني اقدر اتجوزك ومكنش في طريقة قدامى غير دي علشان انساكي

كامليا / وايه اللي اتغير

وائل / خوفت تتجوزي وأعيش ندمان طول العمر

كامليا / وائل انا مبنمش طول الليل خايفة من رد فعل ابويا وأمي

وائل / انا قولتلك متخافيش اول متخلصي دراستك هتقدملك

كامليا / بس ابويا وأمي كل منزل اجازة يكلموني علي عريس وانا مش عارفة اعمل ايه رفضت كتير ومش لاقيه كلام اقولهولهم غير أني مبفكرش دلوقتي غير بعد مخلص دراسة

دا غير عمر

يقاطعها وائل / لسه بيجي عندكو بعد مرفضتيه

كامليا / بصراحة صعبان عليه

وائل / خلاص وافقي واتجوزيه

كامليا / انت بتهزر ولا بتتكلم جد

وائل / اومال عايزاني اعملك ايه وانتي كل متشوفيني تسمعيني نفس الاسطوانه

كامليا / لازم تحس بيه يا وائل

وائل يقرب منها / طب ماانا حاسس بيكي اهوه بس انتي اللي مش عايزة

تنتفض كامليا من مكانها بخجل / انا لازم امشي

وائل / هو انا كل مقرب منك تعملي الشويتين بتوعك دول

كامليا / دا كان شرطي علشان أوافق واتجوزك

وائل / طب انتي خايفة من ايه ماهو انا متجوزك

كامليا / وائل يلا علشان متأخرش

تفتح كامليا الباب وتخرج

وائل / طيب يا كامليا بس لازم تعرفي إن للصبر حدود

....................

في منزل العمدة

الحاجة أمينه لهدي/ ايه يا بنتي بتعملي ايه عندك

هدي/ بخلص الأكل عايزة مني حاجة ياامه

الحاجة أمينه / مين اللي كان نازل من شوية ده

هدي/ اتخايلت ب مي نازله مش عارفة هي ولا واحده صاحبتها

الحاجة امينه/ مي! !!..نازله بعد المغرب تعمل ايه

هدي/ يمكن رايحه تشتري حاجة من المكتبه ياامه

الحاجة امينه/ ابقي قولي لأمها متنزلهاش في وقت متأخر كده دي بنت خليها تاخد بالها منها

هدي/ اني؟ !!..طب دا اني لو قولتلها يمكن تمسك فيه لا ياامه اني مش عايزة مشاكل معاها ابعديني عنها

الحاجة أمينه /مااني لو بكلمها كنت قولتلها بس اني مش طايقة ابص في وشها هي ولا محسن ابني

هدي/ معلش يا أمه الطيب احسن

الحاجة امينه/'بعد كل اللي عمله مش كفاية أخوه معدش ليه نفس يجي البيت وقافل شقته هي قفلت الشقة دي بالساهل عليه

هدي/ متزعليش نفسك ياامه كفاية اللي حصل قبل كده وقعتي من طولك واني لوحدي كنت تايهه وبلف حوالين نفسي لحد مجه سعيد

الباب يخبط

الحاجة امينه/ قومي شوفي مين

هدي تفتح الباب

الحاجة أمينه / اتفضل يا حاج عيد


الحاج عيد / ازيك يا حاجة اومال الولاد فين محدش منهم هنا ولا ايه

هدي/ سعيد راح لواحد صاحبه وعمي محسن معرفش فين

الحاجة امينه/'بنتك شوق في شقتها

الحاج عيد يدخل / اني كنت جايلك يا حاجة في موضوع

الحاجة امينه/ اعملي شاي يا هدي

تدخل هدي المطبخ

الحاج عيد / ايه يا حاجة هتفضلي كده غضبانه علي محسن وشوق اني اعرف إن قلبك ابيض وعمرك مزعلتي حد منك

الحاجة امينه/ طب سيبك من ابني واللي بيني وبينه حاجة متخصش شوق لكن بنتك زعلانه مني ليه

الحاج عيد/ ماهو بردو جوزها يا حاجة ولازم تزعل

الحاجة امينه/'خلاص خليها زعلانه ولا عايزني اروح ابوس ايدها واقولها حقك عليه يا مرات ابني

الحاج عيد/ لا اني اللي هطلع اجيبها تتاسفلك وتبوس ايدك

الحاجة امينه / لا يا حاج اني مش عايزة حد يبوس ايدى حتي لو ابني

الحاج عيد /'طب علشان خاطر الحاج حامد اخويا ولا انتي مش يهمك يبقي مرتاح

الحاجة امينه / اللي مات استريح الدور والباقي علي اللي عايشين مش مرتاحين ولا مريحين الناس اللي حواليهم

تخرج هدي بالشاي

الحاج عيد/ يعني دا أخر كلام عندك يا حاجة

هدي/اتفضل يا عمي الشاي

الحاجة امينه/ ايوه يا حاج وأبقى قول لبنتك خليكي ورا جوزك واني هخليني في القضية اللي رفعاها علي جوزها علشان مش عايزة حد من ولادي يتظلم

الحاج عيد/ اني مليش صالح بالقضية ولا بقسمة الأرض يا حاجة اني كنت جاي علشان تتصالحوا مع بعض لكن واضح انك مش عايزة فوتك بعافيه اني هطلع أطمن علي بنتي وعيالها وامشي

الحاجة امينه / خد الشاي معاك

الحاج عيد/ لا ملوش لزوم بعد اذنك معلش يا هدي يا بنتي كتر خيرك

هدي/ علي ايه يا عمي

انست ونورت

الحاجة امينه/ اقفلي الباب يا هدي ورا الحاج لاحسن قطه تدخل ولا حاجة زي امبارح

ينظر لها الحاج عيد ويخرج

الحاجة امينه / قال جاي يصالحنا علي بعض قال ليه فاكرني مش عارفة إنه اللي قال لمحسن يعمل اللي عمله ده

هدي/ عايزة مني حاجة ياامه اني هشيل نرمين واطلع فوق

الحاجة امينه /صاحيها يا بنتي تقيله عليكي

هدي/ لو صاحيتها مش هتنام تاني وهتزهقني لما اصاحيها الصبح للمدرسة تصبحي علي خير ياامه

الحاجة امينه/ وانتي من أهل الخير مش هتستني جوزك

هدي/ لأ شكله هيتاخر واني بتعب من السهر كل ليلة علي النظام ده لما زهقت

الحاجة امينه /معرفش الواد ده مبيزهقش من سهر كل ليلة ده

هدي/ اتعود علي كده ولو كلمته بيتخانق معايا واني بصراحة بطلت اتكلم علشان مفيش فايدة

الحاجة أمينه /معلش يا بنتي

ابني واني عارفاه

هدي /يلا هعمل ايه اني مستحمله بس علشان العيال

الحاجة امينه/ ههههه العيال بس

هدي /صدقيني ياامه علشان العيال يلا تصبحي علي خير

...........

في شقة محسن

شوق / براحتها ياابه واني هتحايل عليها ؟!

الحاج عيد / مرات اخويا واني عارفها مش هتسكت وهتفضل ورا القضيه لحد متحكملها

شوق/ خليها تدفع فلوس وتخسر هي حره

الحاج عيد / هو جوزك معهوش صورة من العقد اللي مع مرات عمك

شوق/ معرفش ياابه لما يجي هساله

يفتح محسن الباب

شوق/'أهو جه اهوه

محسن/ عمي البيت نور

الحاج عيد/ منور باصحابه ياابني

محسن / جهزي العشا يا شوق علشان نتعشي مع بعض

الحاج عيد/ لا اني اتعشيت اومال العيال فين يا بنتي عايز أسلم عليهم قبل ممشي

شوق / محمود بيذاكر جوه ومي نزلت تجيب حاجة من تحت وزمانها جايه

محسن/'نزلت فين يا شوق

شوق/ قالت رايحه تجيب حاجة من صاحبتها وجايه علي طول

محسن بانفعال/ وازاي تسبيها تنزل لوحدها أخوها مرحش معاها ليه

شوق/ ايه يا محسن الدنيا أمان وبعدين دي صاحبتها جارنا هنا

محسن/ لما ترجع اني ليه حساب معاها ومعاكي انتي كمان

شوق/ يوووووه انت هتحبس البت في البيت

الحاج عيد/ محسن عنده حق يا بنتي مينفعش تنزلي بنتك في وقت زي ده

محسن/ قولها يا عمي أصلها عايزة تمشي البت على مزاجها

الحاج عيد/ لما ترجع ابقي اتكلم معاها بالراحة ياابني دي بردو صغيرة ومتعرفش حاجة والحق علي أمها

محسن/ شوفتي اني مش جابت كلام من عندي اهوه ابوكي اللي بيقول

شوق/ اني هدخل اجهز العشا

الحاج عيد/ ابعتيلي محمود عايز اشوفه قبل ممشي

شوق / حاضر ياابه

.................

في اليوم التالي

هنادي خارجة من المدرسة مع اصحابها

دعاء/ استني يا هنادي مالك ماشيه بسرعة كده ليه

هنادي/ انتي مش شايفة العيال اللي عماله تغلس دي

ياسمين / يا بنتي دول هما كده مهما تعملي مفيش فايدة معندهمش دم

أحد الشباب / لا عندنا دم يا عسل تبحبي اعور نفسي واوريكي

دعاء/ آه عور نفسك علشان تموت وتريحنا

شاب اخر/ طب يرضي القمر اللي في النص دي إننا نموت

دعاء لهنادي/ ردي يا قمر

هنادي/ اني مش هرد عليهم خليهم محدش يعبرهم

الشاب الأول / تصدقي إنك احلي واحده فيهم ماتيجو نشرب حاجة ونتعرف علي بعض

الشاب التاني/ انا كريم في تالته ثانوى في المدرسة اللي جمبكو دي

الشاب الثاني/ وأنا معتز في تانيه ثانوي

ياسمين /وكمان طلعت عيل

دعاء/'أبعد يا شاطر انت وهو من هنا

طارق جاي بالعربية يوقف قدام المدرسة يلمح هنادي من بعيد

الشاب الأول / تعالوا بس معانا وانتوا مش هتندموا

الشاب الآخر يمد أيده ناحية البنات /"متبطلوا تقل بقي

طارق ينزل من العربية بسرعة ممسك الشاب التاني وينهال عليه بالضرب

هنادي بخوف/ دا طارق يا دي المصيبة

دعاء ل ياسمين/ يلا بينا احنا

الشاب الأول يضرب طارق

هنادي تخبطه بالشنطة علي دماغه

يقرب مجموعة من الشباب يحاولوا يبعدهوهم عن بعض

واحد منهم / كل المصايب مبتجيش إلا من البنات

طارق /لو سمحت عندك كلمة كويسه قولها معندكش اتفضل بقي ورينا عرض اكتافك

الرجل/ تصدق بقي انت عيل قليل الأدب وتستاهل الضرب فعلا

ويقرب من طارق يضربه

تحتضنه هنادي علشان يبعدوا عنه

الكل واقف بدهشة

رجل آخر / أهي طلعت قريبته يا عم وكان بيدافع عنها

الشاب الأول / لأ مش قريبته

طارق يقرب يضربه

رجل آخر /خلاص احنا نروح القسم واللى غلطان يتروق بقي هناك

هنادي وهي بتعيط/ لأ دا جوزي

الجميع / جوزك!!!!

الرجل/ جوزك ازاي يا بنتي انتي مش في المدرسة

طارق/ اما شيء بارد مش قالتلك جوزها خلاص بقي اتفضلوا من هنا

يجري الشابين أصحاب المشكلة

الرجل/'معلش ياابني اعذرنا بس


احنا منعرفش ايه سبب الخناقة طارق/ شوية عيال بتعاكس تفتكر بقي أقف اتفرج

الرجل / حقك ياابني

طارق بغضب لهنادي/ يلا بينا نروح

..............

هنادي وطارق في العربية

طارق بانفعال/ سايبه المدرسة وماشية بعيد ليه مهما ليهم حق يعاكسوكو

هنادي/ يعني احنا اللي غلطانيين

طارق / مفيش خروج للمدرسة تاني

هنادي /انت بتقول ايه دا لسه أسبوع والامتحانات تبدأ عايز تضيع عليه السنه كلها


الفصل الاخيره من هنا


بداية الرواية من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺




إرسال تعليق

أحدث أقدم

إعلان آخر الموضوع

CLOSE ADS
CLOSE ADS
close