رواية الاميره والمغترب البارت الخامس والعشرين والسادس والعشرين بقلم آلاء اسماعيل البشري حصريه وجديده
 |
البارت 25 🔥
انتي مين يا روح أ'مك !!!! و بتعملي ايه في بيت خطيبي !!!
- خ...خ ط..يب مين !
- انتي هتستهبلي يا بنت انتي !! بقولك انطقي انتي مين ؟و قاعدة مع ياسين بأمارة ايه ؟؟ 😤😡
قالتها و هي تمسكها من ثيابها تهزها بغضب لدرجة أنها ضغطت على يدها المكسورة بشدة
فتأوهت أميرة بألم : سيبي ايدي من فضلك سيبيني ااااه 😓 😖
- أسيبك ايه يا متشردة انتي !! انتي لو مكنتيش عيانة انا كنت جبتك من شعرك من هنا لحد ما ارميكي في الشارع ..انطقي انتي مييييين ؟؟؟؟
- ليلياااااااان ؟!!!!
دوت صرخة ياسين في ارجاء الغرفة و فزعت ليليان فإبتعدت عنها بخوف بينما اكمل ياسين بغضب و هو يقترب من أميرة ليطمئن عليها
- انتي اتجننتي يا ليليان !! ايه قلة الادب دي !!! إزاي تتهجمي على ضيفتي في بيتي ؟؟ هاااااا !!!
ليليان بغضب : هي مين دي اصلا و بتعمل ايه عندك يا بيه 😒؟ عشان كدة كنت مطنشني طول الفترة اللي عدت ...عشان جايب وحدة متشردة مقعدها في بيتنا !!
رمقها بنظرات حارقة قائلا : ليلياااااااان احترمي نفسك و اطلعي برة ...انا جاي وراكي ! 😤
ثم نظر الى أميرة بعطف و قال : انتي كويسة ؟ فيه حاجة واجعاكي؟؟
اومأت أميرة بإحراج ممتزج بألم : لا مفيش 😓
نظر الى ليليان ثانية بينما بقيت في مكانها تنظر اليه بتحدي
فصاح بحدة : واقفة عندك بتعملي ايه ! قلتلك اطلعي !!
ليليان بتصنع الزعل : بس يا بيبي ...
ياسين بغضب جحيمي : برااااا !!! 😡
خرجت مسرعة و هي تنظر الى أميرة بكره
ياسين بحنان : متأكدة انك مش موجوعة ؟؟ أتصل بدكتور؟
- لا مفيش داعي ..مفيش وجع 😔😓
- انا آسف عالفصل البايخ ده ..شوية و هارجع لك
خرج و ترك باب الغرفة مفتوحا
في الصالة
ليليان تقطع الصالة ذهابا و إيابا بغضب
ياسين بعصبية :ممكن افهم ايه اللي انتي هببتيه ده ؟!انتي طينتك ايه بالضبط ؟؟
- انا ما عملتش حاجة غلط 🙄 و بعدين انا اللي عملت و لا انت؟؟
- كل ده و ما عملتيش ؟؟؟ هو فيه وحدة محترمة تتهجم على بيوت الناس بالطريقة دي؟؟ لا و كمان بتضرب بنت ضعيفة عيانة مش قادرة تدافع عن نفسها حتى !!
ليليان بعصبية : أولا ده مش اي بيت ده بيت خطيبي يعني هيبقى بيتي ...و ثانيا كنت عايزني اعمل ايه بعد ما بيتر طردني و هددني بالسلاح !! اضطريت ادخل غصب عنه لما عرفت انك هنا 😣
- طب و البنت الغلبانة اللي رايحة تتهجمي عليها !!
ليليان بتصنع الزعل: داخلة بيت خطيبي الاقي معاه وحدة كنت عايزني اعمل ايه يعني ؟ ارحب بيها و آخذها بالاحضان ؟؟ اي ست مكاني كانت هتعمل كدة و اكثر !! 🙄 😣
ياسين بجنون - انتي سامعة نفسك بتقولي ايه ؟؟ بتتكلمي و كإنك ماسكانا بالجرم المشهود ! البنت عندها كسور و لا انتي اتعميتي مش شايفاها متجبسة !!!
- ليليان بضيق : طب مين دي و بتعمل عندك ايه 😓
مسح ياسين وجهه بغضب و قال : البنت دي انا خبطتها بعربيتي و اتسببتلها بالكسور اللي انتي شايفاها دي ...مش معقول اسيبها في الشارع و اجري !!
ليليان بتذمر -يا سلام !! تقوم تجيبها عندك البيت ؟؟! ما كنت تسيبها في المستشفى مثلا !!
- البنت مالهاش حد هنا و انا مش نذ'ل عشان اخبطها و اسيبها في المستشفى و انا عارف انها مالهاش أهل يراعوها
ليليان بضيق : طب وهي هتفضل هنا لحد امتى ؟؟
ياسين بغضب : و انتي مالك ؟؟؟ بتسألي ليه عن حاجة ما تخصكيش!!! هاااا ؟؟
ليليان : مش خطيبي و المفروض نتفق على كتب الكتاب الأسبوع ده !! ولا عايزنا ناخذها معانا شهر العسل كمان !!😤
حاول ياسين أن يتمالك اعصابه حتى لا يتهور اكثر ثم قال
- ليليان مش عايز اتكلم في أي موضوع دلوقت اتفضلي امشي
ليليان بتصنع الحب و هي تقترب منه بإغراء : يا حبيبي هو انا جاية دلوقت عشان تقولي امشي ؟؟ انا اصلا كنت جاية عشان انت وحشتني اوي و حبيت أقضي معاك وقت حلو ...مش ملاحظ إنك مطنشني خالص الفترة دي؟
ياسين بمحاولة التحلي بالهدوء : ليليان انا على آخري من فضلك تطلعي برة لإنك لو فضلتي دقيقة واحدة زيادة مش هأضمنلك ممكن أعمل ايه !! اتفضلي اطلعي و أوعدك اول ما أهدى هأقابلك و هنتكلم على رواق
- حاضر ...ماشية اهوو 😤
قالتها بغل و هي تنظر بإتجاه الغرفة : بس اعرف اسمها على الأقل
ياسين بلا مبالاة : مش هيهمك في حاجة ...يالا مع السلامة
غادرت و هو ينظر في اثرها بغضب دفين ثم توجه الى غرفة أميرة
عند دانيال
كان يسير في ذلك المكتب ذهابا و إيابا ينتظر أتصالا هاتفيا
- ما الاخبار يا جورج ؟
- لقد تمكنت من اختراق الهاتف ..لا يوجد أي اتصال بالرقم الذي طلبته ولا أي اتصالات غريبة أخرى
- هل تفحصت الرسائل ايضا ؟؟
- اجل ...هاتف الفتاة نظيف تماما ..لا يوجد سوى مكالمات والدتها و صديقات المدرسة و مجموعات عليها رسائل تتعلق بدراستها فقط
- حسنا ابقني على اطلاع في حال اي جديد
اقفل دانيال و هو يفكر : هذا يعني انك لا تعرفين حقا مكانها ! حسنا اذن ..اينما كانت تختبيء قريبتك الجميلة فمن المؤكد أنها ستظهر حين تعلم بخبر اختطافك أليس كذلك ؟؟ ففي الاخير أنت من انقذ حياتها !
إبتسم بمكر و أكمل : سنرى لكم من الوقت ستظلين مختبئة يا أميرتي.
بسبب الاصوات العالية ،كانت أميرة تستمع لكل ما دار بين ياسين و ليليان و هي ترتجف ليس من البرد و إنما كان شعور بغيض لم تستطع أن تستبين ماهيته !!
منذ أن سمعت كلمة "خطيبي" و هي تشعر بنغز في قلبها لا يهدأ : طب و انا مالي ؟؟ ما يخطب ولا يتجوز ولا يطلق ولا يعمل اللي يريحه ..ده الراجل حتى شكله عدى الاربعة و ثلاثين سنة ..
.و كمان الست حلوة و انيقة و باين عليها راقية زيه بالضبط. ... لايقين اوي بصراحة 😣.... بس شكلها عصبية و قاسية و عقربة ...لا لااا ...ياسين مش كدة ...ده متواضع و قلبه فيه حنية الدنيا ازاي يتجوز وحدة بالغرور ده !! طب انتي مالك يا أميرة ؟ هو هيسألك عن رأيك قبل ما يخطب مثلا !!
بس لا هي زودتها اوي !! هي حصلت تقول عني مشردة !!
لالا هي أكيد مش قاصداها هي تلاقيها غيرانة بس ...و بعدين اي وحدة عندها راجل زي ياسين كانت هتغير عليه 🙄 ايوة غيرانة عليه .. بس ده مش مبرر ؟؟ تغير عليه ايوة بس مش لدرجة أنها تقلل من قيمتي و تهينني بالشكل ده !! 😓😭
كانت الافكار المتلاطمة بداخلها تسبب لها صداعل شديدا
أمسكت برأسها و هي تكاد تصرخ بأعلى صوتها
- هو حر في حياته ربنا يسعد قلبه طب انتي زعلانة ليييييه ؟؟؟ فاكرة ان واحد زيه هيبص لواحد زيك !!! اللي زينا ملهمش حق يفرحوا يا أميرة .. اوعي تنسي نفسك 😭💔😓
دخل ياسين الغرفة فوجدها تجلس على ذلك الكرسي المتحرك تبكي بحرقة و هي تعدل ثيابها التي بعثرتها ليليان
ياسين بأسف : أميرة انا آسف بجد حقك عليا ...بطلي عياط بقى أوعدك انها مش هتضايقك تاني 😥
اميرة بحزن تحاول أن تخفيه : لا انا باعيط عشان زعلانة من نفسي حطيتك في موقف بايخ قدام خطيبتك و حصلت ما بينكم مشكلة بسببي 😔
جلس ياسين بالقرب منها و تنهد بعمق : لا انتي ملكيش دعوة ...علاقتنا اصلا مش مستقرة اوي يعني
اميرة بتصنع اللا مبالاة :طبيعي اي علاقة مابين اثنين بيكون فيها مشاكل بس لما تكون العلاقة قوية و مبنية على الحب بتكون المشاكل دي غيمة صيف و تعدي ..
ابتسمت بإصطناعية و اكملت بكلمات تخرج رغما عنها: عموما لايقين على بعض و خطيبتك حلوة اوي الف مبروك 😔
كان يلاحظ نبرات صوتها و تعابير وجهها التي كانت تفضحها- رغم انها تحاول أن تظهر اللامبالاة - حتى ان بعض العبرات تجمعت رغما عنها بمقلتيها حين قالت آخر جملة لكنها اخفتها ببراعة
أراد ياسين إستفزاز مشاعرها أكثر ليتأكد مما يعتقده فقال بإبتسامة رضا : الله يبارك فيكي ☺️
في تلك اللحظة لم تستطع الصمود اكثر و انهارت تلك الدموع المتجمعة قسرا
رغم انها التفتت الى الاتجاه المعاكس لتخفي مشاعر القهر التي اجتاحت قلبها لا انه قد رآها و وصله الجواب
ابتسم في سره لكن تلاشت ابتسامته حين صدمته بجملتها
- أعتقد لحد كدة و كفاية..ما اقدرش اثقل عليك و اتسببلك بمشاكل مع حبيبتك أكثر من كدة .. انا هأمشي من هنا ..و شكرا على كل حاجة عملتها معاي 😣
نست للحظة بأن رجلها مكسورة و مجبسة و همت بالوقوف و هي تستند على الكرسي بيدها السليمة و فجأة صرخت من الألم حين ضغطت على رجلها و كادت أن تهوي ارضا ...لكن !!
كانت يداه اسرع إليها حيث هب نحوها و اسندها بكلتا يديه و هو يصرخ بلهفة : أميييييرة !!!
أمسكها و الذعر واضح في عينيه
تقابلت نظراتهما في تلك اللحظة و كان قريبا جدا منها لدرجة أنه لأول مرة يرى سحر تلك العيون السوداء عن قرب و كأن الزمن قد توقف عندها
كان الإثنان ينظران لبعضهما البعض و كأنهما يتقابلان لأول مرة .
انتبهت أميرة من شرودها و حمحمت بإحراج : احم .. آسفة مش عارف ازاي نسيت و قمت ...ممكن تساعدني ارجع السرير تاني ؟؟
افاق من توهانه و قال و هو مششت الذهن : ااه...طبعا ...تعالي
اسندها على الكرسي المتحرك و اخذها الى السرير ..
كانت تنظر الى نفسها و هيئتها بإحراج
فهم بأنها تريد شيئا لكن الموقف الذي حصل قبل قليل اربكها و بعثر مشاعرها فلم تجرؤ على قول شيء
نظر إليها و فورا فهم ماذا تريد
- انتي ما غيرتيش هدومك خالص ... ليه ! مع ان انا جايبلك هدوم كثير جوة
شعرت بالإحراج الشديد و لم تعرف بماذا تجيب ..
- هو ..بصراحة ...انا كنت ..عايزة ..
- محتاجة مساعدة !! انا اقدر اساعدك 🙂
جحظت عيناها بصدمة و قبل أن تتكلم قاطعها و هو يحاول التخفيف من هول صدمتها بإبتسامته لطيفة
- لا ما يروحش فكرك لبعيد 😂 ...انا اعرف اعمل كل حاجة و عينيا مغمضة
اميرة بتساؤل : مش فاهمة !!!
- هاساعدك تغيري ...ايه اللي مش مفهوم في كدة ؟؟
ذهب الى غرفة تبديل الملابس و أحضر دريس و بعض قطع من ملابسها وضعها فوق السرير و قال بعملية
- بصي يا أميرة ...انا لأسباب خاصة افضل احتفظ بيها لنفسي ما اقدرش اسيب معاكي ممرضة او حد تاني عشان يساعدك ،بس مش معنى كدة اسيبك في الحيرة اللي انتي فيها دي !! أكيد هأساعدك بأي حاجة اقدر عليها ! يالا
اميرة بإحراج : يالا ايه ؟؟ 😥
ياسين :أميرة انتي عندك ثقة فيا ولا لا ؟؟
نظرت إليه أميرة مطولا ثم قالت : ايوة.....واثقة فيك و الا مكنتش فضلت هنا في بيتك كل المدة دي .
اغمض عينيه و قال بمزاح : طيب خلاص يالا اساعدك تغيري هدومك عشان بعدها عندي ليكي مفاجأة هتعجبك 🙂
ساعدها متحاشيا لمسها قدر الإمكان و حين انتهت من اللبس و وضعت طرحتها قالت
- شكرا ليك انا خلصت
فتح عينيه بحبور : طب انا شوية و راجع لك ماشي؟
اومأت براسها : ماشي
في شقة ليليان
دخلت تدك الارض برجليها دكا من شدة الغضب
منير بسخرية : نفسي اشوفك مرة في حياتك بس داخلة البيت و انتي مبتسمة يا ليليان .
- ايوة اتريق حضرتك اتريق اوي !! ما انت مش عارف المصيبة اللي حصلت
منير بمزاح : ايه ..بيتر طردك تاني ؟ 😂
رمت ليليان حقيبتها بغضب شديد و هي تقول : يا ريت كان ضربني بالنا"ر حتى ولا اني أعيش الموقف الز'فت اللي عشته النهاردة مع ياسين !!
- يا ساتر !! ايه اللي حصل ؟؟اوعي تقولي أنه قفشك و انتي بتحطي الكاميرات ! 😱
- لا انا محطيتش اي كاميرا 😣
- اومال هنعرف هو مخبي ايه يا ناصحة!
- مفيش داعي للكاميرا....انا عرفت هو مخبي ايه
منير : بجد ؟؟ و مستنية ايه.. انطقي !!
ليليان : لقيت عنده بنت في بيته و لما واجهتهم طردني من البيت قدامها !! 😤😡
منير بإهتمام : بتقولي بنت !! قصدك وحدة من إياهم ؟؟
ليليان بعصبية : انت عارف ان ياسين مش كدة ! 😤
منير بخوف :يبقى الموضوع شكله كبير ؟؟احكيلي بالتفصيل كل اللي شفتيه
دخل ياسين إلى جناحه مسرعا
كان سيحمل كيس الهدايا لكنه تذكر شيئا فأمسك هاتفه و فتح تطبيقا و بقي ينظر بغل و هو يهمس من بين اسنانه
- ماشي يا ليليان ...أعرف بس مين الگلب اللي وراكم و بعدها أوعدك إني هأحاسبك بنفسي على كل دمعة نزلت من عين أميرة بسببك يا وا'طية 😤
بارت 26 🔥
كانت أميرة تقف في سفح جبل تنظر حولها فلا ترى أحدا سواها فجأة سمعت اصواتا عالية التفتت وراءها فإذا بمجموعة من الگلاب تنبح و هي تركض بإتجاهها
كانت مذعورة منها و من اصوات نباحها و هيئتها المخيفة
و راحت تركض بأقصى سرعتها ظنا منها انها تريد إيذائها و فجأة رأت صخرة فأسرعت نحوها و اختبأت و هي ترتجف بشدة و لكنها صدمت حين وجدتها تواصل ركضها للاعلى دون أن تنظر إليها
رأت الى حيث يتجهون فوجدت ذئبا أبيضا يقف في أعلى الجبل و اذا بمجموعة الگلاب تهجم عليه بشراسة
انكمشت على نفسها مما يحدث و قد بلغ الرعب منها مبلغه و اغمضت عينيها بشدة حتى لا ترى شيئا مما يحدث
بعد مدة قصيرة هدأت الأصوات فرفعت رأسها و فتحت عينيها لتجد ان الذئب قد قضى عليهم جميعا !!
صدمت لوهلة حين رأت الگلاب مترامية هنا و هناك و ذاك الذئب واقف بشموخ بينهم و هو ينظر إليها من قريب كأنما يناديها ... هنا ذهب الخوف عنها و هدأت نفسها فوقفت ثم توجهت نحوه بخطى ثابتة هادئة
في تلك اللحظة استيقظت فاطمة و هي تنهج : اعوذ بالله من الشيطان الرجيم .. اعوذ بالله من الشيطان الرجيم !! يا ساتر ياااا رب
- خير يا فاطمة ؟؟
فاطمة و العرق يتصبب منها : خير اللهم اجعله خير يا رب !
اعتدل رجب في مكانه بتذمر: شفتي كابوس تاني مش كدة ؟
يا ولية ارحمي نفسك بقى !! هو انتي طول ما البنت بعيدة عنك هتفضلي كدة كل يوم تشوفي لك كابوس و تصحي مرعوبة !!
فاطمة بيكاء :هو كان بإيدي يعني ؟؟ ما غصب عني يا رجب
قلب الأم بيقولي أنها مخبية عني حاجة ...قلبي مقبوض على طول 😓
- ما انتي لو تبطلي تفكري فيها طول اليوم مكنتيش تحلمي كل ليلة بحلم شكل !! هااا شفتي ايه المرة دي ؟؟😏
- مش عايزة احكيه يا رجب 😓...خليه في ستر ربنا المهم بكرة الصبح تطلع صدقة و انت طالع من صلاة الفجر عشان ربنا يحفظها من كل شر 😓
- حاضر يا فاطمة ..ممكن ننام بقى ؟
- ايوة ... بس ما تنساش عايزاك الصبح بدري قبل ما تروح تصلي تسيب لي تلفونك عشان اكلم فاتن
- حاضر ...ارجعي نامي يالا
اخذ ياسين تلك العلبة و ذهب إليها بحماس
ياسين بإبتسامة : جبتلك هدية 🥰
اميرة بدهشة ممتزجة بإحراج: هدية !! ليا انا ؟؟ بمناسبة ايه ؟!
- لما تفتحيها هتعرفي بمناسبة ايه 🙂
فتحت العلبة فوجدت هاتفا جوالا
دهشت أميرة و بقيت تنظر اليه بغموض : ده... فون !!!
- مش كنتي عايزة تكلمي والدتك و تتطمني عليها ؟؟
- بس انا معاي تلفون !!
- مش زي ده
- مش فاهمة ايه الفرق ؟
- مش انتي بتثقي فيا يا أميرة ؟؟
اومأت برأسها بخجل
اكمل ياسين بثقة : يبقى تاخذيه من غير مناقشة و أنا أوعدك اني هاوضحلك كل حاجة في وقتها ☺️
بينما كانت فاتن تهم بالخروج من المطبخ ليلا وجدت سحر تخرج من غرفتها
فاتن بتذمر : انتي لسة ما نمتيش الساعة بقت احداشر و نص عايزاكي تنامي عشان تقدري تصحي بدري و إلا مش هتلاقي مواصلات النهاردة كمان !
سحر : حاضر يا ماما هأكل لقمة بس و أنام على طول
في تلك اللحظة رن هاتف فاتن
فاتن: يا ساتر !! مين بيتصل الوقت ده !!
سحر بتعجب : يمكن بابا رحلته اتلغت !
فاتن : لا ما اعتقدش ..روحي هاتيه من اوضتي بسرعة
اسرعت سحر الى الهاتف الذي توقف عن الرن فوجدت اتصالا فائتا من زوج خالتها
توجهت نحوها بتخوف : دي أكيد خالتي فاطمة بتتصل من عند جوزها !!
فاتن : طب و مالك اتخطف لونك كدة؟
- يعني مش عارفة ليه ؟؟ أكيد هتسأل عن أميرة 😓
- هي مش قالتلها انها في تدريب مغلق ست اشهر ؟! خلاص يبقى حتى لو سألت احنا كمان ما نعرفش حاجة 🙄
-طب و بعدين يا ماما ؟؟ هنفضل نكذب لحد امتى !! بكرة تخلص الست اشهر 😓
رن ثانية فقالت فاتن : لما تخلص الست اشهر يبقى يحلها الف حلال ...يالا افتحي خلينا نشوف عايزة ايه
اعطتها الهاتف بتذمر و ذهبت الى المطبخ
- الو ايوة يا فاطمة ازيك يا اختي ؟
- الحمد لله يا حبيبتي انتي اخبارك ايه
- كله تمام ☺️
- معلش بأتصل في وقت متأخر عندكم بس انتي عارفة لما يكون عندكم الصبح رجب بيبقى برة البيت طول اليوم و انا ما معيش رصيد دولي فأنا قلت خليني أتصل قبل ما يطلع يصلي الفجر احسن
- ايه الكلام ده يا فاطمة انتي تتصلي ف اي وقت يا حبيبتي
-تسلمي يا روحي هااا طمنيني أخبار سحر ايه مش المفروض ابتدت امتحاناتها ؟
- ايوة يا اختي ابتدت...اهي بتذاكر و على الله تتوفق المرة دي
- ربنا يوفقها السنة دي ..و يعوض تعبها خير
- يا رب يا اختي يسمع منك ربنا
- الا قوليلي يا فاتن. . . هو لسة مفيش أخبار عن أميرة 😓
- لا و الله ...مفيش يا اختي
- قلبي مش متطمن أبدا لحكاية التدريب ده يا فاتن 😣
- يا اختي ادعيلها بس بدل التشاؤم ده ! الله!!! 😏
- بدعيلها في كل وقت و كل صلاة . و مع كدة الكوابيس مش بتفارقني يا اختي ... ربنا يسترها بس 😔
- يا رب يا فاطمة
- ألا صحيح يا فاتن ... انا سمعت خبر كدة و ما صدقتوش بصراحة !
فاتن بتساؤل: خبر ايه ؟؟
- هي صحيح حنان بنتك اتجوزت هنا في مصر ؟!
فاتن بإرتباك : هااا !! م ..مين اللي قالك الكلام ده !!
فاطمة : واحد قرايب صالح من بعيد ... مسعد ابن الحج جمعة أكيد تعرفيه !
فاتن بتوتر : ايوة أعرفه !😥
خرجت سحر من المطبخ فتظرت الى والدتها التي شحب لونها و اومأت لها سحر بإشارة إستفهام بمعنى فيه ايه ؟؟
فأجابت فاتن بإشارة لطم على وشها بمعنى : مصيبة !!
و اكملت فاطمة جملتها :
يا ستي مسعد يبقى صديق رجب و هو اللي قاله ان صالح هنا في مصر و جيه عشان كتب كتاب بنته ... انا قلتله أكيد مسعد غلطان ماهو مش معقول بنت اختي تتجوز و ابقى آخر من يعلم مش كدة يا فاتن ؟؟
نظرت فاتن الى سحر بتوتر لا تدري بماذا تجيب و فجأة و بسرعة بديهة اهتدت الى فكرة و قالت : الوووو. ...فاطمة !! سامعاااني ...الوووو
فاطمة : فاتن .....ايوة يا فاااااتن انتي لسة عالخط ؟؟
فاتن : الووووووو ... ايه ده هو الرصيد خلص ولا ايه انا مش سامعة حاجة !! 🙄
فاطمة : بس انا سامعاكي ...الووووو !!
فاتن بتصنع الحسرة : يوووه أكيد الخط اتقطع 😔.
و فورا أقفلت فاتن الخط و هي تتنفس الصعداء : اووف 😤
سحر بتساؤل : في أي ؟! هي خالتي كانت بتقول ايه عشان أصفر لونك كدة و عملتي الفيلم ده كله يا ماما؟؟
- الحقي يا سحر !! دي عرفت أن اختك اتجوزت !!
سحر بتعجب : عرفت ازاي ؟؟
- من واحد قريب صالح من بعيد و في نفس الوقت هو صديق رجب
- و مادام قريبهم من بعيد يبقى عرف ازاي و هوما ما عملوش فرح !!
فاتن بضيق : لإن مسعد ده مراته تبقى بنت عم سنية ضرة اختك و تعتبر في مقام اختها
سحر بمزاح ؛ شوفي الدنيا صغيرة قد ايه !! طب افرضي عرفوا .... ايه الي حصل يعني ؟؟؟ هو أكيد مش الخبر اللي يتخبى طول العمر !! ده جواز يعني
فاتن : يا غبية مادام عرفت انها اتجوزت بالطريقة دي يبقى أكيد هتعرف ليه ؟؟ يعني مش بعيد عرفت السبب ورا الجوازة دي .. و مش بعيد بيكونوا عارفين انها سرقت الفلوس من ابوها ... ماهو ابوكي مش بيخبي حاجة عن اخوه مرسي ... و أكيد مرسي بيكون قال لبدر على البلاوي دي كلها و بدر مش بيخبي حاجة على نسوانه ...يعني فضيحتنا بقت في كل مكان يا سحر 😓😭
- ادعي ربنا بس ما يوصلهاش خبر انكم اتهمتوا أميرة ...غير كدة هي مالها بحنان و جوازها 🙄
- مش خالتها ؟؟ أكيد هتطين عيشتي.. قال ايه ؟؟ ازاي تبقى خالتها لزم و ما تحضرش فرحها ! اذا كنت انا امها ما حضرتش
سحر بتهكم : مش لما يكون فيه فرح الاول !! 🙄
فاتن بحزن : ليه عملتي فينا كدة يا بنتي !! حرمتيني من اني افرح بيكي و خليتي سيرتنا على كل لسان!! لييه !!! 😭
ياسين - ها يا ستي ادينا ركبنا الخط اهو اتفضلي
نظرت أميرة بحماس إلى الساعة و قالت
- يعني اقدر أتصل بماما دلوقت ؟!
نظر الى الساعة بتعجب و قال : دلوقت ؟؟؟ بس الوقت في مصر بدري اوي !! أكيد هتكون نايمة !!
اميرة بفرحة: لا الفجر اذن من شوية في مصر ماما بتصحى تصلي و متعودين انا و هي نقعد بعد الفجر نقرأ قرآن أكيد هالاقيها صاحية ☺️
ابتسم ياسين لفرحتها و قال : طيب يا ستي زي ما تحبي
طب انا هسيبك براحتك ..تصبحي على خير ☺️
- و انت من اهله 🥰
كان يهم بالخروج حين استوقفته قائلة بلهفة
- ياااااسين !!
توقف قلبه عن النبض للحظة حين سمع اسمه بصوتها العذب
و قال في سره : دي اول مرة تقول اسمي! .. احلى ياسين سمعتها في حياتي كلها 😍
التفت إليها بإبتسامة دون ان يتكلم لكن نظراته كانت تقول ما اخفاه في نفسه فأنتبهت على ما قالت و اطرقت بخجل و قد توردت وجنتيها سريعا : احم ...استاذ ياسين انا باشكرك اوي على كل حاجة ...من كل قلبي شكرا ليك ☺️
ياسين : العفو ☺️ اهم حاجة تكوني مبسوطة
خرج من الغرفة و هو يستند على الباب كأن قلبه يعانده و يرفض التحرك بعيدا عنها
فسمعها تجري إتصالها و قد ضغطت على مكبر الصوت
وضعته على رجلها حتى تتحدث براحة اكثر خاصة انها لا تجيد إستعمال يدها اليسرى كثيرا بعد كسر يدها اليمنى
- الو . .. ماماااا
فاطمة بدهشة : ميييين !!! أميييييرة !!! مش معقووووول !! ايه المفاجأة الحلوة دي !!! ازيك يا حبيتي عاملة ايه و ايه الغيبة دي كلهاااا !!
- الحمد لله يا حبيبتي انا كويسة طمنيني عنك و عن بابا و ندى
- احنا بخير و مش ناقصنا غير شوفتك يا روحي ...
- و انا كويسة اوي يا ماما ما تقلقيش عليا 🥰 وحشتيني اوي و وحشتني ريحتك القمر 🥰
- انتي اكثر يا روح ماما ....بس كدة تسيبيني قلبي متشحتف عليكي يا أميرة !!! حرام عليكي ده انا مش عارفة أنام لي ساعتين ورا بعض من كثر خوفي عليكي !! 😔😖
- و ليه الخوف بس يا ماما... ما انا فهمتك اني في تدريب و مانعين عننا أي تواصل ! معقولة هتفضلي قلقانة كدة ست اشهر بحالهم ؟
فاطمة بحزن - غصب عني يا قلبي 😓 ... طب قوليلي انتي بتتكلمي منين دلوقت ؟؟
صمتت أميرة لبرهة ثم قالت بتوتر تحاول اخفاءه
-ااه ... هو فيه وحدة مدربة ...قلبها طيب اوي.. صعبت عليها لما شافتني باعيط و لما سألتني قلتلها ماما واحشاني قامت مدياني الفون بتاعها عشان اكلمك و اطمنك عليا
فاطمة بحب - فيها الخير يا بنتي ..إلهي ربنا ما يوقعها في ضيقة و يحميها و يديها الصحة و طول العمر
اميرة بتوهان و هي تفكر بياسين : يااااا رب يا ماما 😍..ادعيلها اوي كدة زي ما بتدعيلي لأنها طيبة و بتستاهل كل دعوة حلوة من دعواتك الفجرية السكر دي ☺️
- هي متجوزة ؟؟
اميرة بعدم انتباه : هي مين ؟؟
فاطمة :هيكون مين يعني؟ البنت اللي ادتك التلفون دي !!
اميرة بتذكر : البنت !! اااه !! قصدي لاااا .. هي مش متجوزة 😵💫
- إلهي ربنا يبعثلها نصيبها مع اللي ترضاه نفسها و يريح قلبها زي ما ريحت قلبي النهاردة 🥰
تهلل وجه اميرة و قالت بتصديق : يا رب ياماماا 😍 ..
لكن سرعان ما اختفت فرحتها حين تذكرت ليليان فقالت بكلمات مختنقة : احم طب يا ماما انا لازم اقفل عشان الرصيد .. و كمان الوقت هنا متأخر اوي يا دوب ارجع الفون لصاحبته و أنام
- طب خلي بالك من نفسك يا ضنايا ...ربنا يحميكي و أمانة كل ما تلاقي فرصة كدة كلميني ماشي ؟؟
-حاضر يا ماما .... لا إله إلا الله
- سيدنا محمد رسول الله
اقفلت الخط و هي تحتضن الهاتف النقال قائلة بصوت مسموع و الفرحة تملأ قلبها
- دي كانت احلى هدية في حياتي 🥰 يا ياسين ..ديونك كثيرة مش عارفة اسددها ازاي ..يا رب دعوة أمي تسدد لك و لو نصيب منها ☺️
كان يقف خلف الباب يستمع لكل الحوار و هو يبتسم بحب
و يهمس في سره : اهي دعوة الحاجة فاطمة دي عندي اغلى من الفون نفسه ☺️
صعد الى غرفته و هو يشعر بسعادة غير عادية تغمر روحه
تمدد على سريره و هو يفكر ...تنهد بعمق و هو يقول : انتي عملتي فيا ايه يا أميرة ...وسط كل المشاكل اللي انا عايشها و الوحوش الملفوفين حواليا جيتي انتي و خليتيني أبتسم غصب عني كل ما افتكرك
تذكر شيئا فتغيرت ملامحه الى الغضب
فلاش
- مش كنا عايزين ياسين يبقى بابا ؟ اهو الوقت المناسب جيه و عايزك تحملي بجد بقى
ليليان بتوتر : ا.. احمل!😳 ..اااه احمل 😕 🙄😥
منير بخبث : و مالك اتخضيتي!! مش ده اللي اتفقنا عليه !! و اديكي سهرتي معاه إمبارح و الدنيا ماشية معاكي اخر حلاوة ..يبقى مش فاضل غير أنك تحملي و يبقى ياسين احلى أب في الدنيا عشان نفرح بيكو بقى و نلحق بعدها نلهف منه الملايين دي كلها ..ولا انتي غيرتي رأيك يا ليلي ؟؟
عودة من الفلاش
ضغط على قبضته بغضب و هو يتمتم من بين اسنانه : بقى عايزة تحملي مني ! لا و كمان مفهمة عشي"قك انك سهرتي معايا ليلتها مش كدة يا حق'يرة!! حاضر ...انا هأحققلك امنيتك يا ليليان ..
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
