رواية الاميره والمغترب الفصل السابع والعشرون والثامن والعشرون بقلم آلاء اسماعيل البشري حصريه وجديده
 |
بارت 27 🔥🔥🔥
في الصباح الباكر
-انتي رجعتي نمتي تاني يا سحر ؟؟
- لا يا ماما انا بس غمضت عينيا خمس دقائق
فاتن : حبيبتي انا طالعة المطار استقبل ابوكي اوعي ترجعي تنامي تاني لتتأخري عن امتحانك !!
سحر: لا ما تخافيش مش هارجع أنام ...انا يا دوبك اذاكر لي شوية و اقوم اكل لقمة و البس ...
- ربنا يوفقك... يالا عن اذنك
- بالسلامة و سلميلي على بابا
- أبقي اقفلي الباب عليكي من جوة كويس
- حاضر يا ماما
المجهول :انت بتقول ايه ؟؟ بنت ايه اللي لقتها عنده دي ؟؟؟
- زي ما بقولك يا باشا، و لما سألته قال لها أنه خبطها بالعربية و مالهاش حد تروح له
- بنت مين دي! هي ليليان عرفت اي معلومات عنها ؟؟
- لا يا باشا ..و لا قدرت تعرف اسمها حتى لإن ياسين اتدخل فورا و طردها
المجهول بتفكير: القصة دي مش داخلة دماغي يا منير...و محاوطته للقصر بالأمن بالطريقة دي معناها فيه وراها حكاية خطيرة
انا عايز معلومات مفصلة عن البنت دي ...أكيد فيه حاجة وراها
- بس لو ليليان راحت تاني أكيد مش هيسييها تقابلها !!
اصلك ما شفتوش عمل فيها ايه لما كلمتها بس !! ليليان بتقول انها اول مرة تشوفه متعصب بالشكل ده !
- مين جاب سيرة ليليان ؟ لو انتو تروحو تزوروه صدفة ...
مش انتو صحابه برضو ؟؟ و بعدين محدش يعرف علاقتك بليليان يعني هتروحو زيارة اصدقاء عادية و لا كإنك تعرف ان عنده ضيوف .
- ايوة و بعدين ؟؟
هتحاول تجمعلي اي معلومة و انت هناك و تبقي تخلي ليليان تحاول تقرب منه اكثر الفترة دي عشان تشغله عنها مفهوم؟؟
- حاضر يا باشا هأضبط موعد مع الشباب و اقولك في اقرب فرصة
اقفل منير الخط و دخل الى غرفة النوم
- ليلي ... يالا يا حلوة ورانا شغل كثير عايزك في حاجة مهمة
ليليان بنعاس : شغل ايه ده حرام عليك !! الساعة ما عدتش سبعة و نص الصبح !! 😓
- يعني تسيبي ياسين يطير من ايديكي عشان تنامي لك ساعتين زيادة يا عب'يطة ؟!
اعتدلت في جلستها بتذمر: اففف عايزني اعمل ايه طيب؟؟🥴
منير بخبث -مش هو قالك هيكلمك لما يهدى؟؟ يبقى تتصلي بيه تفكريه انك موجودة في حياته ..تحاولي تسرعي موضوع جوازكم ده ...تعملي أي حركة المهم تشغليه عن البنت اللي قاعدة في وشه دي !!
ليليان بتفكر : في دي معاك حق ..
منير : ألا قوليلي يا ليلي 🤔...هي البنت دي حلوة ؟؟ 🤔
ليليان بغيرة : مش اوي يعني 😒 🙄
منير بخبث: يعني بصراحة مين احلى انتي ولا هي ؟ 😁
ليليان بإندفاع : ايه المقارنة الغب"ية دي !! أكيد انا !! 😤
- طب ما تتقمصيش يا حلوة ..يالا اتصلي بيه عشان تفهمي الموضوع منه ..
خرجت سحر من البيت مبكرا كي تتجه نحو الباص و كان الشارع على غير العادة مزدحما بعض الشيء
حاولت الاسراع قليلا و فجأة صدمها احدهم بينما كان يركض في نفس الاتجاه و اسقط حقيبتها وكتبها
فنزلت لتلتقطها و نزل معها يساعدها بجمعهم
- أنا آسف يا آنسة لم أقصد
سحر بتذمر خفي : لا عليك 🙄
أمسكت بحقيبتها و كتبها و واصلت السير حتى الحافلة
كل هذا كان يحدث تحت انظار احدهم و هو يهمس
تمت المهمة بنجاح 🙂
استيقظ باكرا و اخذ حماما سريعا ثم صفف شعره و اخذ هاتفه
كان سيخرج لكنه تذكر تلك السا'قطة التي تحاول جره الى داخل لعبة خبيثة لا يعرف مدبرها
جلس على سريره ثم فتح هاتفه و راح ينظر إليهما بإشمئزاز عبر تطبيق الكاميرا و هو يتذكر كيف وضع الكاميرات يومها
فلاش
عادت ليليان و هي تمسك بكوبين و قنينة نبيذ
وضعت الكوب امامه و كانت تهم بفتحها
ياسين : انتي عارفة كويس اني ما باشربش و مع كدة مصرة تزعليني
ليليان : هتشرب معاي كاس بس .. عشان خاطري يا روحي ☺️
كانت تهم بأن تسكب لكنه قال بحدة : ليليان ..لو عايزة السهرة تعدي على خير تشيلي القر"ف ده من قدامي !! .
ليليان بخوف : حاضر حبيبي حاضر ما تزعلش مني .. دقيقة بس و اجيبلك عصير
عادت الى المطبخ و بقي ينظر في اثرها بإبتسامة غامضة
فور أن غابت اخرج ياسين قارورة صغيرة من جيبه و وضع قطرتين في كأسها الفارغ و اعاد القارورة لجيبه و في تلك اللحظة عادت بغنج و هي تمسك بكأس عصير ثم سكبت لنفسها من قارورة الخ"مر .. كأسا ثم اخرى ثم اخرى بينما يتبادلان أطراف الحديث
تابعها و هي تشرب و سايرها و هي تحاول اغراءه بكل طرقها المعتادة و بعد مدة قصيرة نظر الى ساعته ثم قام من امامها و هو يخرج من جيبه علبة بها كاميرتين مصغرتين
ليليان بسُكر : ايه ده يا حبيبي ؟؟ 🥴
- دي كاميرا يا روحي ...🙂
قالها بإبتسامة ساخرة و هو يضعها في قطعة اثرية بالحائط بحيث تعطي صورة واضحة للصالة بأكملها و كذا باب الشقة
- و دي بتاع ايه ...هو احنا هنصور فيلم مع بعض 😂
يا ريتك قلتلي عشان البس حاجة احلى 😁
- لا يا قلبي 🥰 انتي اللي هتصوريلي احلى افلام لانك بتوحشيني خالص فبحب اشوفك في أي وقت ..تعالي بقى اوضة النوم كدة عايزك في موضوع اللبس ده بالذات 😁
ثم توجه الى غرفة النوم فتبعته و هي تتمايل بسُكر و تستند على الباب و هي تقول : مش مصدقة انك معايا حبيبي 🥰
- و لا انا مصدق بصراحة 😂
قالها و هو يضع الكاميرا الثانية بمكان لا يمكن كشفه من الغرفة ثم اكمل و هو يخرج قميص نوم اسود مثير
- يالا يا روحي البسي القميص ده عايز اشوفه عليكي ☺️
ليليان بنعاس :حاضر يا قلبي 🥰
خرج من الغرفة فلبست القميص و لحقته الى الصالة
و ما أن وصلت إليه حتى ارتمت في احضانه و غطت في نوم عميق
ابتسم و هو يتذكر كلام الطبيب :
هذا الدواء إسمه البنزوديازيبينات، و هو من العقاقيير التي بإمكانها أن تسبب فقدان ذاكرة تقادمي مؤقت و خاصة إذا أُخذ مع الكحول... في هذه الحالة يكون تأثيره شديدا،
ياسين : ماذا تقصد بفقدان الذاكرة التقادمي المؤقت ؟
الطبيب : فقدان ذاكرة قصير المدى ...اي نسيان الذكريات التي تكونت بعد اخذه بوقت قصير...
- فهمت ...و لكن ماذا لو انتهى مفعول الدواء و استعادت اي من هذه الذكريات فورا بعدها ؟؟
- لا تقلق .. مفعول هذا العقار منوم ايضا ...لذا فمن المستحيل ان تتذكر اي شيء بعد ان تستيقظ ... تماما كما حدث معك يومها..
ابتسم ياسين و هو يهمس: هألاعبك بنفس لعبتك يا ليلي 😁
فور ان نامت ليليان توجه الى غرفة النوم و بعثر السرير و رمى بعض القطع من الملابس الداخلية الخاصة بليليان ارضا و كذا الحال في الحمام ثم اخذ احدى الاوراق الموجودة في محفظته و رماها بالقرب من رجل السرير و اخفاها هو يهمس بسخرية : عارف انك مش هتلاقيها ولا فاضية تنظفي حتى .. ما هي وساختك كثير هتلحقي على ايه ولا ايه بس 🙄😂 .
ذهب الى السفرة حيث كانت قد جهزت كل شيء للعشاء و تنتظر قدومه فقط
سكب بعض الطعام في صحنه ثم سكب القليل في صحن آخر
اكل القليل من كل صحن ثم سكب بعض العصير في كوب و ترك السفرة ليعود إلى الصالة و يأخذها في حضنه بعد ان بعثر شعرها و هيئنها و مسح أحمر شفاهها و تبرجها بفوضوية و هو يهمس من بين اسنانه
- ماشي يا ليليان هنشوف مين هيصطاد مين فينا ؟؟
قالها ياسين بسخرية و هو يربت على كتفها و جلس يشاهد التفاز و ينتظر أن تستيقظ
عودة من الفلاش
اقفل ياسين هاتفه و هو يتوعد لتلك السا'قطة و لصديقه الخائن و فجأة رن هاتفه و كانت هي المتصلة
ياسين : الو ليليان
ليليان : صباح الخير حبيبي
ياسين بخبث: صباح النور ☺️
ليليان : شايفة انك صاحي رايق و مزاجك احسن!
ياسين : ايوة احسن بكثير ☺️
ليليان : يبقى انا مستنية منك توضيح بخصوص ...
ياسين بمقاطعة : اوك ...نتقابل عندك في البيت بعد ساعة
ليليان بدهشة : بجد يا روحي ؟؟
ياسين بمزاح : و مستغربة كدة ليه ؟ مش كنتي عايزة نقعد و نتكلم ؟؟ و انا موافق اصلا كنت محتاجك في موضوع 🙂
ليليان بفرحة : طب حبيبي انا هأقفل عشان الحق أجهز
- طيب تمام ☺️.
اقفل الهاتف و هو يبتسم : حلو اوي... مش فاضل غير خطوة أخيرة و اخلص شغلي معاكي يا ليليان عشان أتفرغ بقى لصديقي العزيز منير و اعرف هو ذيل أي گلب بالضبط 🤔
تذكر أميرة فإبتسم بحب هامسا: زمانها صحيت
توجه الى غرفتها و طرق الباب
ما إن اقفلت ليليان الخط حتى قفزت من الفراش بحماس
منير بتساؤل : خير !! قالك ايه عشان فرحتي كدة؟؟
ليليان بفرحة : جاي بعد شوية 🥰
تذكرت شيئا ثم فزعت : انت لسة قاعد عندك ؟؟ قوم ساعدني الم الفوضى اللي عملتها يالاااااا زمانه جااااي !!! امشي قداااامي 😤
- يعني مش رايحة المجلة النهاردة ؟؟
- مجلة ايه بس ؟؟ مفيش حاجة اهم من ياسين ☺️
نادى ياسين بصوت عال
- أميرة ..انتي صاحية ؟
- ايوة ...اتفضل
دخل ياسين بإبتسامته المعتادة : صباح الخير ☺️
- صباح النور ☺️
- شكلك النهاردة مرتاحة اوي مؤكد نمتي كويس ☺️
اميرة بفرحة : كلمت والدتي و اتطمنت عليها و طمنتها هاعوز ايه من الدنيا اكثر من كدة !! ☺️
ياسين : دايمة يا رب 🙂
أميرة : يا رب
ياسين : جعانة؟
اميرة بخجل: يعني ..
ياسين : يعني ايه ؟جعانة او لا ههه اميرة بإحراج : شوية
ياسين بعملية و هو يدفع كرسيها: طب اتفضلي قدامي
اميرة بتعجب : على فين؟؟
ياسين بعملية : هنجهز الفطار 🙄
اميرة بدهشة : نجهز !! مين اللي هيجهز ؟؟
نظر حوله بمزاح و قال : هو فيه حد غيرنا هنا ؟؟
اميرة بتعجب : لا بس دي اول مرة تسمحلي فيها اطلع من الاوضة !
ياسين :انا قلتلك قبل كدة انتي مش محبوسة ..و عموما يا ستي خلاص من النهاردة مفيش داعي اقفل عليكي الباب تقدري تطلعي بالكرسي بعجل زي ما تحبي
اميرة بفرحة: بتتكلم بجد !!
- أكيد ... المهم ما تطلعيش برة البيت ..عشان سلامتك طبعا
دفع ذلك الكرسي بها الى الخارج
- يالا انا هأوصلك للمطبخ عشان تعرفي الطريق بعد كدة و تبقي تطلعي لوحدك لو احتجتي اي حاجة و انا مش موجود
صدمت أميرة و هي تقطع تلك الردهة و تنظر حولها بإنبهار
قال ياسين بإبتسامة : مرحبا بك في بيتي المتواضع 🙂
- بيت ايه و متواضع ايه !!! ماشاء الله ده. ... ده قصر ؟!
كان حقا يشبه قصور الملوك و الامراء الذي كانت تقرأ عنهم في الروايات و الاساطير ..مع كل تلك التحف و اللوحات و الأثاث الفاخر..
وصل بها وسط انبهارها الى المطبخ
- و ده يا ستي المطبخ...يالا هنحضر سندويشات بسرعة
اميرة بضحكة إعجاب : ده مطبخ ! انا فكرته صالون !!
ياسين بضحكة : لا و الله !!
اميرة : اه و الله بسم الله ماشاء الله حلو اوي 😍 .
- طب اتفضلي طلعي جبنة و بيض و مربى من التلفزيون ..قصدي الثلاجة 🙄😂
ضحكت ثم اخرجت ما طلب منها و هي تنظر حولها : طب اقدر اساعدك ب ايه ؟
- طلعي الاطباق و الكوبايات
اميرة بمزاح : هلاقيهم فين اوعة تقول في النيش !! 😁
ياسين بضحكة :لا هناك ف الدرج ..طلعي الشوك كمان و انا هاحضر البيض بسرعة .
وضع ابريق الشاي على النار ثم امسك البيض و في تلك اللحظة رن هاتفه ففتحه و وضعه على وضع مكبر الصوت و هو يكمل خلط البيض
- الو نانسي .... صباح الخير
- صباح الخير سيدي ...اتصلت لأذكرك بعد ساعتين لديك امضاء عقود مع شركة فيرمونت
- لم انس و سأكون في الموعد ابلغي كريس ان يأخذ العقود و ينتظرني هناك ...هل هناك شيء آخر ؟؟
- أجل لقد أتصل جوش يقول ان الامر مستعجل
- حسنا سأتصل به لاحقا..اه نانسي الغي مواعيد الفترة المسائية و اتصلي بجيرارد من اجل تأكيد طلبية أجهزة الحاسوب التي طلبناها منهم
- حسنا سيدي طاب يومك
انتهى من المكالمة و هو يبعد البيض عن النار
- ناوليني طبقين يالا
رن هاتفه ثانية : الو إدوارد
إدوارد : صباح الخير سيد ياسين.. .
- من المؤكد أنك تتصل بخصوص صديقنا العزيز اليس كذلك ؟
-اجل
- هل من الممكن أن أتصل بك لاحقا انا الان مشغول قليلا
- حسنا
اقفل الخط فإقتربت أميرة منه و اعطته الطبقين و هي تقول : الظاهر عندك شغل كثير النهاردة
ياسين و هو يسكب البيض : كل يوم من ده... هاتي كوبايتك اسكبلك شاي
انتهى من تحضير الفطور و سكب شاي له و لها ثم جلس على الطاولة و هو ينظر : بصي كدة لنكون نسينا حاجة !
ضحكت أميرة و هي تقول : نسينا ايه ! 😂 انت اللي عملت كل حاجة انا مليش دعوة ..
- طب يالا اتفضلي بسم الله
تناولا الفطار معا و ساعدها الى ان انتهيا
- الحمد لله انا شبعت كدة
- طب اتفضلي قدامي
اميرة بتساؤل :على فين !؟
- هتشوفي بعد شوية
دفع بها الكرسي المتحرك حتى وصل الى غرفة مكتبه
فتح الباب و ادخلها
- دي اوضة المكتب و عليها مكتبتي الخاصة ...فيها حاجات هتعجبك انا متأكد ☺️
اميرة بإنبهار : وااااااو !! كل دي كتب !! 😍
- بحب اقرا لما يكون عندي وقت فراغ ..اتفضلي ..اختاري اللي يعجبك عشان ما تحسيش بالملل لوحدك
اقتربت من الكتب و هي تنظر اليها بشغف شديد و فجأة صرخت بإعجاب : مش معقووووول !! عندك كتاب دافنشي كود الاصلي لدان براون !!
ابتسم ياسين بمزاح قائلا : و مالك استغربتي اوي كدة !!
- دورت عليه كثير مش لاقية النسخة الأصلية عادة الاقي المترجمة بس ..
ياسين : اهي قدامك يا ستي اتفضلي ...
اخذته بإعجاب واضح بينما اكمل ياسين : تحبي ارشح لك كتاب تاني ؟
اميرة بحماس: يا ريت 🙂
اقترب ياسين من الرف العلوي وسحب كتابا
- اتفضلي ..48 قانونا للقوة ..اقريه و اديني رأيك فيه
اخذت أميرة الكتابين و اعادها الى غرفتها و هو يقول
- انا مضطر اسيبك دلوقت مرتبط بمعاد بعد أقل من نص ساعة يا دوب ألحق.
أميرة بإمتنان : ميرسي اوي ☺️
ياسين بإبتسامة: على ايه بالضبط ؟؟
- بجد حسيت بالراحة لما طلعت من جو الاوضة
-قلتلك من هنا و رايح انا هسيب لك الباب مفتوح تقدري تروحي لأي مكان ،
كان سيذهب لكنه تذكر شيئا فإلتفت إليها و قال
- أميرة انتي تقدري تتصلي بأي حد من التلفون اللي جبتهولك بس بشرط
هزت أميرة رأسها بتعجب : شرط ايه ؟
- اوعي تستعملي الشريحة بتاعتك القديمة ..هتستعملي الخط اللي على الفون و بس مفهوم ؟
- أقدر اعرف ليه ؟؟
- لإن الخط ده آمن
- ايوة يعني ايه
- كل اللي يهمك تعرفيه إنك طول ما انتي قافلة تلفونك و شايلة شريحتك انتي في أمان .. لو عندك ثقة فيا اعملي زي ما بقولك ماشي ؟
اومأت برأسها : حاضر
ياسين بإبتسامة: يالا دلوقت ارتاحي... سلام عليكم
اميرة : و عليكم السلام ☺️
وقف خارج غرفتها و هو يتصل
- إدوارد ما الاخبار ارجوك قل لي انك استطعت اختراق سجل مكالمات منير و معرفة المتصل
- للأسف الخط آمن
ياسين : فهمت ... كنت واثقا من ذلك
حسنا لدي خطة اخرى سنترك منير للأخير
خرج ياسين و بقيت تنظر في اثره بإبتسامة ثم افاقت من شرودها و و اعتدلت في سريرها ثم اخذت ذلك الكتاب بحماس : يالا نسافر مع دافنشي كود دلوقت 😍
خرج ياسين و هو يوصي بيتر:
بيتر أنت المسؤول الاول عن المنزل حذار أن يدخل اي أحد الى الداخل بدون علمك ...سيكون عقابك شديدا
- لا تقلق سيدي
امسك هاتفه و أتصل بجوش
- جوش ما الاخبار ؟!
- كما امرت سيدي ..أرسلت الطردان اليك و سيصلان في خلال ساعة على الاكثر
- هذا خبر جيد يا جوش !! إهتم بالباقي
اقفل الخط و أتصل بشخص: الطرود في الطريق احسن استقبالهم الى حين وصولي اتفقنا ؟
- مفهوم سيدي .
دخل منير الى احد المقاهي ليجد فادي في انتظاره
- اومال حاتم فين؟
- ما تسأل ..حاتم مثقل في الشرب و سهران للصبح ما راح يصحى قبل الساعة ثلاثة ...ما علينا ..شو الموضوع المهم ؟
- عايزين نلم الجو مع ياسين من تاني
فادي : كيف ؟؟
- انت شايف أنه من يوم ما طلعنا سوا لبيت الجبل آخر مرة و هو بطل يطلع معانا او يكلمنا زي العادة ...
فادي : ايه و شو المطلوب ؟
منير بتصنع الود : بصراحة انا ما يهونش عليا ده مهما كان صديقنا و ملوش غيرنا في كندا .. انا متابع اخباره من بعيد و ملاحظ أنه من يوم ما بعد عننا و هو وحيد مفيش ف حياته غير الشغل و بس .
فادي : اي بس الزلمة ما بدو يانا بحياته شو طالع بإيدنا نعمل ! ما نقدر نفرض حالنا عليه ! ما احنا جربنا عزمناه كذا مرة ولا مرة وافق كل مرة بيتحجج بعذر شكل
منير بخبث : طب ايه قولك نطب عليه في البيت ؟؟ ما اعتقدش هيطردنا ! اهو نحاول نصلح الوضع ما بيننا و نرجع المية لمجاريها ؟؟؟
- ما بعرف... لنشوف حاتم شو رأيه بالأول 🙄
- طب هأعدي عليكم المساء في مكاننا اوك ؟
- اوك مان
أخيرا انتهت من ترتيب البيت و لبسها و تبرجها و وقفت تنظر الى ساعتها بلهفة و فجأة رن جرس الباب
فتحت ليدخل ياسين بطلته الانيقة المعتادة فاحتضنته ليليان
- نورت بيتي حبيبي 🥰
حاول اخفاء تذمره و هو يقول : حلوة زي عادتك ليلي ☺️
توجه الى الصالة و جلس ذهبت خلفه و سألت : تشرب ايه ؟
- قهوة
- دقيقة و تكون عندك 🥰
غابت في المطبخ بينما توجه نحو الكاميرا الموجودة في الصالة و اخذها ثم عاد الى مكانه
عادت بكوب القهوة و هي تتمايل كالعادة ثم جلست امامه و
نظرت إليه مطولا ثم قالت : هاااا
ياسين بإبتسامة : ايه ؟!
- مش هتفهمني البنت دي تبقى مين و بتعمل عندك ايه ؟
ياسين ببرود : قلتلك امبارح ..البنت مصرية مغتربة كانت هتعدي الشارع خبطتها بعربيتي و شفتي اللي حصلها ...لما عرفت أن مالهاش مكان تروح عليه جبتها معايا البيت
- طب و هي كانت رايحة فين يعني لما خبطتها ؟! كنت خذها هناك
امسك ياسين كوب القهوة و هو يرتشف بهدوء قائلا : كانت رايحة مصر عشان اقامتها خلصت.
- طب تروح مطرح ما كانت رايحة وتبقى اتحلت المشكلة
ياسين : ده كلام يا ليلي ؟! اخبطها و تبقى متجبسة مرتين و اطلعها في طيارة و اقولها امشي ارجعي بيتكم ؟؟ ما تكوني منطقية !!
ليليان بتذمر: يوووه بقى .. ماهي قعدتها كمان مش مريحاني !
ياسين بإبتسامة ماكرة: ليه ؟ تكونيش غيرانة منها ! 🤔😉
ليليان بغيظ : و اغير منها على ايه ؟ انت ما شفتهاش عاملة ازاي ؟؟ لابسة شوال و تلاقي شعرها عامل زي كومة القش و الا مكانتش مغطياه و هي في كندا
اخفى ياسين استيائه من كلام ليليان المستفز عنها و اومأ بإبتسامة فقط بينما اكملت هي
- الا ما قلتليش هي اسمها ايه ؟؟
- يهمك اسمها ف ايه ؟؟
- فضول بس
- سيبينا من سيرة الناس ..خلينا في موضوعنا
- موضوع ايه ؟
- مش لاقي ورقة عليها كود مهم بتاع حساب بنك خايف تكون وقعت عندك في البيت لما سهرنا ليلتها ..فقلت اعدي عليكي ادور عليها او اشوف يمكن لقيتيها و انتي بتنظفي
ليليان بتعجب : مش فاهمة بتتكلم عن ايه !
ياسين : ورقة كانت معاي و ضيعتها يوم ما جيت عندك ...طب تسمحيلي ادور عليها؟
ليليان بدهشة : تدور فين؟؟
ياسين : ما تركزي معاي يا ليلي 🤔...قلتلك يمكن وقعت هنا او في اوضة النوم
وقف ياسين يتفقد الصالة و يفتش تحت الاريكة وسط حيرتها ثم قال
- بصي انتي هنا و انا هشوف ف اوضة النوم
توجه إلى غرفة النوم و فورا الى تلك الكاميرا وضعها في جيبه بخفة و التفت هنا و هناك يبحث عن الورقة في تلك اللحظة دخلت ليليان التي لم تزل علامات الدهشة بادية عليها
رفع الملاءة و القى نظرة بالقرب من رجل السرير
- اهي ..الحمد لله لقيتها ☺️
أخذها و خرج وسط صدمة ليليان
جلس على الاريكة بإرتياح و راح يرتشف قهوته ثانية
خرجت ليليان تحاول أن تفهم ما الذي حدث
- ياسين انا لسة مش فاهمة الورقة بتاعتك كانت في اوضتي بتعمل ايه؟
- ما قلتلك .. وقعت مني لما كنت انا و انتي سوا
ليليان بعدم فهم : ده اللي هو امتى ؟؟
ياسين بتصنع التعجب: ليلي هو انت بجد مش فاكرة ايه اللي حصل يومها ولا بتستعبطي؟
- لا انا عايزة اعرف منك ! ايه اللي حصل ؟
وضع فنجان القهوة و هو يتذكر ثم قال
- انت شربتي كاسين او ثلاث مش فاكر .. بعدين قلتلك كفاية شرب خلينا نتعشى و قمنا اتعشينا سوا و رجعنا للصالون شربتي كمان كاسين بعدين قلتي هتدخلي تغيري هدومك بس اتاخرتي
ليليان بتعجب : ها!! و بعدين ؟!
ياسين : بعدين رحت وراكي اشوف ايه الموضوع
لقيتك يتغيري هدومك و بتلبسي قميص النوم إياه ...
وضع ياسين رأسه بتصنع الندم و قال : انا آسف يا ليليان
حاسس اني كنت نذ'ل معاكي لإن شكلك مكنتيش في وعيك و مش فاكرة اللي حصل
ليليان بضياع : ايوة يعني ايه اللي حصل ؟؟!
ياسين بإحراج مصطنع : بصراحة انا لما لقيتك بقميص النوم ضعفت و ... لم يكمل الجملة و وضع يديه على رأسه بتصنع الندم : آسف لإني استغليت الموقف و مش عارف ازاي حصل اللي حصل
شردت ليليان في ذلك اليوم و تذكرت وضع غرفة النوم صباحا و كذلك الحمام و قالت في نفسها : يعني بجد حصل !! ☺️
تهلل وجه ليليان بفرحة حاولت أن تخفيها
- يعني قصدك ليلتها حصلت ما بيننا علاقة ؟!
- يعني بجد مش فاكرة حاجة ؟؟
هنا هزت رأسها بضياع ...يمكن معاك حق ثقلت في الشرب زيادة ..
اقتربت منه و الصقت جسدها بجسده و هي تهمس
- بس بلاش تحس بالذنب و الندم اوي كدة ...ما احنا كدة كدة هنتجوز يعني ده امر طبيعي يحصل ما بيننا.
ياسين بندم مصطنع : بس انا كنت وعدتك اني مش هألمسك تاني لحد ما نتجوز لكن مش عارف ايه اللي جرالي 😓
- يالا حصل خير يا روحي ..
وقف ياسين و هو يعدل هيئته : طب انا هأمشي دلوقت هنبقى نتكلم وقت تاني
كان سينصرف لكنها حاوطت رقبته بيديها الإثنين و قالت
- نسيت تقولي البنت اللي قاعدة عندك دي اسمها ايه ؟
همس في اذنها :شيليها من دماغك يا ليلي ..دي مجرد بنت عيانة مستنيها تشيل الجبس عشان اوصلها المطار ما تخليش دماغك تروح لبعيد ماشي يا حلوة ؟؟
ليليان بحب : اوك حبيبي 🥰 و انا واثقة فيك
خرج و هو يرمي لها قبلة في الهواء و يقول : هأبقى أتصل بيك
تابعته و هي تهمس في سرها : انت غريب اوي يا ياسين ...ساعات بارد و قلبك كإنه حجر و ساعات بيبقى مفيش أحن منك ...
تذكرت ما قاله فإتصلت بحماس شديد
- منييييير !! إلحق عندي ليك خبر بمليون جنيه 🥰
- خبر ايه ده !!
- لا مش هينفع في التلفون .. الخبر ده يستاهل نحتفل بيه بكاسين
- شرب ايه عالصبح يا مجنونة !!
- لما تجي هتعرف إن كان عندي حق احتفل ☺️ او لا
بعد مدة
في احد المخازن القديمة
يقف رجلان مربوطان بسلاسل الى عمودين من اعمدة المخزن و هما ينزفان من كل مكان فجأة دخل و هو يخاف بحماس
- سااااامويييييل و اندروووووو 😀.... مرحبا بكم في ضيافتنا ...اتمنى أن يكون رجالي قد استوصو بضيافتكم بشكل جيد 😍
سامويل بخوف : سيد ياسين !!!
بارت 28 🔥
في احد المخازن القديمة
يقف رجلان مربوطان بسلاسل الى عمودين من اعمدة المخزن و هما ينز"فان من كل مكان فجأة دخل و هو يهتف بحماس
- سااااامويييييل و اندروووووو .... مرحبا بكم في ضيافتنا ..اتمنى أن يكون رجالي قد استوصوا بضيافتكم بشكل جيد ☺️
سامويل بتوتر: سيد ياسين!!!
نظرا الى بعضهما البعض بخوف بينما اكمل ياسين و هو يقرأ ملفا : ام أن علي أن اناديكما بأسمائكما الحقيقية : بيير و رونالد ؟؟
نظرا لبعضهما بصدمة بينما اكمل هو بثبات مخيف :
عملتما معنا لمدة ثمانية أشهر، كان عملكما متقنا و سلوككما مثاليا ...كما أننا كنا في غاية الكرم معكما اليس كذلك يا سامويل ؟
سامويل بندم: اجل سيد ياسين 😣
- و رغم معرفتنا بماضيكما القذ'ر الا اننا وافقنا منحكما فرصة لبدء حياة جديدة ..ها سيد اندرو؟؟
اطرق اندرو برأسه في ضيق قائلا : اجل سيد ياسين 😓
اقترب ياسين بهدوء و اكمل :
و اذا بكما و بكل وقاحة تأتيان لتحريض عمالي ضدي و اقناع الجميع بضرورة الدخول في اضراب ! و لماذا كل هذا !!! تمهيدا فقط للعبة حق'يرة كلفتنا خسائر ضخمة ..
قاطعه سامويل بخوف : سيد ياسين نح...
صرخ ياسين بصوت عال : اخررررررررس !!! لم اكمل كلامي بعد !!
نظر ثانية الى الملف و اكمل : دخل في حسابيكما في نفس اليوم الذي شب فيه الحريق خمس ألاف دولار !!
و قدمتما استقالتيكما في اليوم الموالي !! كم أن هذا الذي يحرككما كلاسيكيا و احمقا !!!
صمت قليلا وهو يكمل النظر اليهما بنظرات حارقة ثم اكمل
ايها الغبيان !! هل كنتما تعتقدان اني لن أعثر عليكما اذا هربتما ؟؟؟ أتعتقدان انكما ان زورتما جوازات سفر و هربتما على امريكا فلن أعلم ؟؟ انتما تستخفان بي كثيرا ..قد خيبتما ظني ..
اقترب منها كثيرا و همس : لو غيرتما اسمائكما للمرة المليون و ذهبتما لمجرة اخرى فسأعلم و سآتي بكما من أي جحر تختبئان
كان سامويل سيتكلم لكن ياسين أشار بيده و اخرسه بنظرة حارقة
- سامويل كان بإمكاني فقط أن أبلغ البوليس الدولي عن مكانيكما و انا متأكد ان هذا سيسعدهم كثيرا كما انا متأكد انكما ستتعفنان في السجن طويلا بسبب مصائبكم الكثيرة
...لكني سأعفو عنكما و لا داعي ليعرف الانتربول بشرط
نظرا اليه بتساؤل فأكمل بثقة: اريد اسم الرجل الذي تواصلتما معه و طريقه
نظر سامويل الى اندرو برعب و اكمل : سيد ياسين نحن لا نعرف شيئا ارجوك صدقنا
- كيف وصلتكما المبالغ تلك اذن ؟ مادامت قد وصلت النقود فمن المؤكد انه قد وصلت تعليمات قبلها ...اليس كذلك ؟
سكت سامويل و نظر الى اندرو الذي اطرق أيضا دون أي حرف ..
ياسين : انا أنتظر
سامويل : كانت تصلنا عبر شخص مجهول يقابلنا في الطريق صدفة
- و من المفروض أن أصدق هذه السخافة أليس كذلك ؟؟
سامويل بخوف : هي الحقيقة 😓
نظر ياسين الى احد رجاله الذي إقترب و بيديه مطرقة حديدية كان يهم ان يضرب بها اصابع رجل سامويل
سامويل بخوف : توقف.. سأقول لك ؛ارجووووك لا تفعل 😭
ياسين : تكلم اذن بدون تحذلق
سامويل : تواصلنا معه كان عن طريق لعبة 😭
ياسين : لعبة ؟
سامويل بخوف : في يوم من الايام وقف امامنا في الباص شخص مجهول طلب منا تحميل لعبة اسمها كايجا و هي لعبة بيلياردو اونلاين و هذا مقابل مبلغ مال قدره خمسون ألف دولار ثم وضع ورقة في جيبي عليها اسم صاحب الحساب الذي علينا أن نبحث عنه و غادر الباص دون ان ينطق اي كلمة اخرى
اندرو بخوف : لم يكن لدينا مال ولا عمل و وجدنا اننا لن نخسر شيئا إن نفذنا ما قال و حملناها و بحثنا عن اسم صاحب الحساب
سامويل : كان تطبيق اللعبة مزود بخاصية شات كانت تصلنا التعليمات هناك منذ البداية ...صدقنا لا نعلم من كان يتواصل معنا. اندرو :من هناك بدأنا بتلقي التعليمات بينما نلعب معه و آخر التعليمات كانت حذف اللعبة و التخلص من الهواتف
ياسين - هل تتذكران اسم الحساب ذاك ؟؟
سامويل : the gangster fruit
ياسين :حسنا أين هاتفك سامويل ؟
سامويل : رميته 😓
ياسين : اين ؟؟
سامويل: في سلة مهملات على طريق احد الشوارع 😓
ياسين لأندرو : و انت ؟؟
بقي ينظر إليه اندرو برعب فصاح ياسين : أين هااااتفك ؟؟؟
اندرو بضيق : بعته ..لم اشأ ان ارميه كما طلب مني 😖
ياسين : لمن بعته ؟؟
اندرو بضيق : لا أعرفه
نظر ياسين بإبتسامة الى احد رجاله الواقف أمام اندرو و يحمل سكينا و اومأ له ...فهم الرجل و هم بأخذ أحد أصابع يد اندرو و وضعها فوق لوح و وضع السكين فوقها فصرخ اندرو : لااااااا توقف .... اسمه ......و يسكن في شارع # ... رقم ...
اعطاه عنوان الشخص الذي اشتراه منه
ياسين : شكرا لكم على تقديم يد المساعدة ....ااااه يشرفني أن أخبركم بأننا سنستضيفكم لفترة اطول في فندقنا الفاخر و نتمنى أن تعجبكم الخدمات ☺️
خرج ياسين من المخزن بينما نظر سامويل بتعجب الى اندرو : ايها الغب'ي !! لديك في حسابك خمسة الاف دولار و بعت هاتفا لا يساوي مئتي دولار حتى !!!
خارج المخزن
أتصل ياسين بشخص : اريدك ان تذهب الى صاحب هذا العنوان و تأخذ منه الهاتف الذي اشتراه مؤخرا بأي ثمن يريده.
اقفل الخط ثم أتصل بإدوارد
- هل بإمكانك تتبع IP هاتف من خلال حسابه في لعبة ما ؟؟
إدوارد - حسنا أحضر لي الهاتف و سنرى ما الذي يمكن فعله
- سيكون عندك خلال يومين
اقفل الهاتف و هو يهمس: مهما كنت حويط هأجيبك يا گلب
انتهت أميرة من قراءة ذلك الكتاب و هي تشعر بسعادة غامرة .. احتضنته و هي تتذكر حديثهما صباحا
- يمكنك الذهاب إلى اي مكان الباب مفتوح
شعرت بالحماس لإستكشاف ذلك المنزل الكبير
جلست على طرف السرير و ببطء وقفت و جلست على كرسيها المتحرك ثم دفعت الكرسي بيدها السليمة ..كان من الصعب التحكم بالعجلة بيد واحدة لكنها جاهدت كثيرا و أخيرا وصلت الى باب الغرفة و خرجت و هي تتأمل تلك الفخامة و الروعة
- يا ترى عايش لوحده في القصر ده ليه ؟ هوما اهله فين طيب ؟
اقتربت من باب المكتب لإعادة الكتاب فوجدته مقفلا بمفتاح :طبعا واضح أنه مش هيسييه مفتوح
توجهت الى المطبخ بصعوبة و توقفت تنظر حولها تتأمل روعة الاثاث ثم اخرجت زجاجة ماء من الثلاجة و سكبت لنفسها كوبا
همت بأن تشرب حين استوقفها صوت امراة تقول بتعجب
- من انت؟
ارتعبت أميرة و أسقطت كوب الماء فإنكسر و تبعثرت اجزاؤه
تلعثمت و لم تدر ماذا تجيب اكملت تلك الواقفة سؤالها
- ماذا تفعلين في مطبخ سيدي؟؟
اميرة بتوتر : ا..اناا...ضيفة ياسين ..اسمي أميرة
لم تجبها و أمسكت هاتفها و اتصلت فورا : سيدي لقد وجدت فتاة في المطبخ تقول انها ضيفتك
- أميرة ..
ألبرتا : اجل اسمها أميرة ياسين : أجل ألبرتا إنها ضيفتي و هي مريضة ستساعدينها في أي شيء تطلبه منك مفهوم
- حاضر سيدي
اقفلت الخط و هي تبتسم بلطف
اعتذر عن فظاظتي اسمي البرتا انا مدبرة المنزل و آتي للتنظيف كل أسبوع هل تريدين شيئا آنستي ؟!
اميرة بتحفظ : لا شكرا
- اذن سأساعدك للعودة الى غرفتك ثم أعود لتنظيف المكان
- لا أريد اعذارا ايها الاغبياء !! مجرد فتاة خرقاء لم يستطع احد منكم اختطافها !! لماذا ؟؟😤
- لقد اخبرتك يا سيد دانيال ..الشارع كان يعج بالمارة لا نستطيع المغامرة في وجود كل هؤلاء الناس !!
- كل مرة عذر !! أشعر انها ليست مجرد ضربة حظ ... سأعمل على حل المشكل شخصيا
انتهت سحر من امتحاناتها و كانت تهم بالخروج من المدرسة حين وجدت من ينتظرها
سحر بتعجب : استاذ خالد ؟؟
خالد : انا كنت معدي من هنا و شفت الطلبة طالعين من الامتحان و فجأة شفتك معاهم قلت استناكي و اسأل عنك
سحر بخجل : انا الحمد لله كويسة
- طب وعاملة ايه مع الامتحانات ؟
- الحمد لله السنة دي حاسة اجاباتي احسن بكثير
- الحمد لله .. ربنا يوفقك
كان يهم بالإنصراف و هو يقول : طب استأذن انا بقى
في تلك اللحظة رأت سيارة والدتها فقالت بحماس
- استنى ماما و بابا جوم هاعرفك عليهم
وصلت فاتن و معها صالح فتوقف خالد بإحراج
اوقفت فاتن السيارة قريبا منهما و ترجلا نحوها
سحر بلهفة : باباااااا !!! وحشتني اووووي 🥰
- انتي اكثر يا روحي ...ما قدرتش استنى لحد ما توصلي البيت طمنيني عنك
- الحمد لله يا بابا ☺️
عانقته بشوق بينما بقيت والدتها من خلفها تنظر الى خالد بتوجس
ابتعدت سحر عن والدها و قد لاحظت نظراتهما الى خالد فقالت بإبتسامة : ماما بابا ..أعرفكم على استاذ خالد
نظرت إليه فاتن بتساؤل بينما اكملت سحر: ده الشاب اللي حكيتلك عنه يا ماما .. اللي ساعدني في الميناء
تهلل وجه فاتن بإمتنان ؛ ااااه عرفتك ...متشكرين مساعدتك دي يا ابني
خالد : العفو يا افندم
نظرت فاتن الى صالح و قالت : ده الشاب المصري اللي قلتلك انه ساعدها في اذن الإجازة بتاعك يا صالح
صالح :اه ... اشكرك يا ابني لولاك كان زمانهم رفدوني
- العفو ☺️ احنا ولاد بلد و واجب نقف جنب بعضنا
- ابن أصول و الله ..طب اتفضل نعزمك على شاي او قهوة
خالد بإحراج : خليها مرة تانية يا افندم
- مرة تانية ايه لا انا مُصر...دي أقل حاجة نقدر نقدمهالك مقابل الخدمة اللي خدمتهالنا ..اتفضل ☺️
توجه الجميع إلى كافيتيريا تحت نظرات رجال دانيال الحانقة
- انت فين من الصبح !!!
- خير يا ليليان ؟؟ جايباني على ملا وشي ليه ؟ ألا من حق هو ياسين كان جاي عايز ايه ؟؟
- ياسين كان جاي يدور على ورقة واقعة منه
- وقعت منه امتى ؟
- لما سهرنا سوا
- ها
-مش انا يوميها شربت زيادة ! و مكنتش قادرة افتكر اذا كنا. ...
قاطعها منير : ها ....و اكتشفتي ايه ؟؟
- اكتشفت انه حصل فعلا !!
منير بتفكير : طب و مالك مبسوطة اوي كدة ؟؟
- يعني دلوقت اقدر انفذ خطتنا 😁😉
منير بخبث : كإنك نسيتي انكم سهرتو سوا ليلة المؤتمر كمان !! يعني كان ممكن تنفذيها حتى لو مكنش حصل حاجة ليلتها مش كدة ؟؟ 🤔
توترت ليليان و قد نسيت كذبتها تلك فقالت بمحاولة منها لإخفاء ارتباكها
- اه طبعا .. بس هو يعني ... هو مكانش هيصدق من مرة وحدة .. قصدي .. عشان يبقى مقتنع اكثر
منير بتصنع التفكير : ااااه قلتيلي !! صح .. في دي معاكي حق 🙄.... طب انا رايح دلوقت عندي مشوار لصديقي العزيز و عايز لما ارجع ألاقيكي جاهزة ماشي؟
ليليان بتصنع البلاهة :جاهزة ل ايه ؟؟؟ 🙄
منير برغبة : هخليكي تجيبي لياسين بيبي حلو زيك كدة
ليليان بدلع : طب ما تتأخرش بس ☺️
منير بخبث: هو انا اقدر أتأخر عنك يا قمر ؟؟ يالا باي حبيبي
في منزل ياسين
كانت ألبرتا تهم بالخروج من المطبخ حين اوقفها ياسين و هو داخل الى المنزل يحمل يبده أكياس الطعام
ألبرتا : سيد ياسين مرحبا بك ☺️. ياسين : طاب يومك سيدة ألبرتا. ألبرتا : هات عنك سأضعها في المطبخ
ياسين : لا بأس سأضعها انا ... هل أميرة في غرفتها؟
ألبرتا: نعم سيدي
ياسين : اذهبي إذن و ساعديها لتأتي ثم تعالي لتضعي السفرة
- أين سيدي؟
- سنتناول الغداء في غرفة السفرة
- أمرك سيدي
ياسين - يمكنك الإنصراف بعدها سأتولى أنا امر ترتيبها لاحقا
- حسنا سيدي
كانت ستدخل الى أميرة فاوقفها ياسين قائلا
- سيدة ألبرتا لا داعي لأوصيك ...لن يعرف احد بوجود أميرة هنا .
- لا تقلق سيدي
توجه ياسين الى المطبخ حيث وضع الأكياس ثم صعد الى غرفته ليأخذ حماما بينما اخذت ألبرتا أميرة و توجهت بها الى السفرة
ألبرتا - سأحضر الأطباق حالا انتظري هنا
أحضرت ألبرتا ما يلزم و وضعته مسرعة فوق السفرة
أميرة - شكرا لك ألبرتا
- العفو سأنصرف الآن طاب يومك
غادرت ألبرتا بسرعة و بقيت أميرة تنظر الى تلك الطاولة
- انا ليه حاسة إن فيه حاجة ناقصة ؟
نظرت مليا ثم قالت بتذكر : ألبرتا نسيت المية و الشوك ! و المناديل كمان !
توجهت الى المطبخ لإحضار زجاجة مياه و بحثت في الأدراج لإيجاد شوكتين و مناديل ورقية
امام باب القصر
بيتر : سيد ياسين منع دخول اي احد ارجوكم لا أريد اي مشاكل
منير : نحن اصدقاؤه لذا فلن تكون هناك اي مشكلة لا داعي للقلق
بيتر بتذمر : حسنا دعوني ابلغه أولا بوصولكم
حاتم: نحن اصلا نريدها مفاجأة له ...لن نتركك تفسدها ابتعد هيا
دفعه كل من منير و حاتم بمزاح بينما فتح فادي الباب و دخلوا جميعا و بيتر خلفهم يهتف بتوتر : ارجوكم يا سادة انتظروا 😥
كانت أميرة خارجة من المطبخ لكنها تسمرت مكانها حين رأت ثلاثة شباب يدخلون الى المنزل و هم يتمازحون و من خلفهم بيتر الغاضب الذي يحاول منعهم بدون جدوى
فجأة وقف كل من حاتم و فادي بدهشة حين رأياها بينما لمعت عينا منير بمكر و همس في نفسه
- بقى هي دي المزة!! لا بصراحة معاه حق يخبيها عنك يا ليلي ! دي طلعت اجمل منك بمراحل 😁
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
