رواية اغتصاب غير مقصود البارت الخامس والسادس بقلم أميره محمد حصريه وجديده على مدونة النجم المتوهج للروايات والمعلومات
 |
" في بيت امنية "
مرات ابوها مبسوطه عشان جوزها رفض يزور بنته تاني يوم فرحها
عبدو بغضب : سهير انتي ياللي اسمك سهييير
سهير : في ايييه صوتك عالي كدا ليه ؟
عبدو : اعمليلي كوباية قهوة اشربها
سهير : طب وكوباية القهوة محتاجه دا كله
عبدو بعصبيه : امشي انجري اعملي اللي بقولك عليه
سهير : جري ايه يخويا هوة علشان بنتك عملت فيك كده هتقلب علينا ولا ايه؟
قام مسكها من شعرها واتكلم بعصبيه : متجبيش سيرتها علي لسانك انتي سامعه ولا لا ؟
سهير بصريخ : ااااه ...سيب شعري ي عبدو هتموتني ف ايدك
عبدو بغضب : غورى من وشي مش عايز اشوف خلقتك قدامي
سابها وطلعت تجري علي جوة وقعد ع الكرسي وحط راسه بين ايديه
عبدو بحزن : ي تري يبنتي انا ظلمتك وجيت عليكي ولا ايه .؟البيت وحش من غيرك ي حبيبة ابوكي بس لازم اقسي عليكي عشان اعرفك غلطتك
• ونفس الوقت ده امنية ف اوضتها بتعيط عشان ابوها مجاش يزورها
امنية بعياط : انا بقيت وحيدة ي بابا حتي انت اتخليت عني هوة ليه محدش بيسمعني ويديني فرصه ادافع عن نفسي منك لله ي احمد انت السبب ف كل اللي بيحصلي والله لأدفعك التمن غالي
• احمد كان معدي وسمعها وهية بتعيط ف خبط علي الباب
احمد بقلق : امنيه انتي بخير ؟
مسحت دموعها : وانت مالك
احمد بيجز علي اسنانه : افتحي ومتعصبنيش
امنيه بغضب : مش هفتح وخليك ف حالك
احمد : ماشي ي امنية
وخرج برا الشقه خالص
امنية مسكت التليفون ورنت علي زهرة
امنية : السلام عليكم اذيك ي زهرة
زهرة بإبتسامه : وعليكم السلام الحمد لله ي قمري طمنيني عليكي
امنية بإبتسامه : انا بخير ي قلبي بقولك ايه ي امنية انا عايزة اشتغل ؟
زهرة : عايزة تشتغلي ليه ؟
امنية بحزن : طول الوقت قاعدة ف اوضتي وقافله علي نفسي انا تعبت ومبقتش مستحمله اخوكي
زهرة بحزن : حاسه بيكي ي حبيبتي انا اخته ومش طيقاه وبطلت اكلمه
امنية بصدمه : انتي بتقولي ايه ؟
زهرة : والله ي امنية من ساعت اللي حصل وانا لساني مخاطبش لسانه
امنية بحزن : طب ليه كدا حرام عليكى ي زهرة
زهرة بصدمه : بعد كل اللي عملو فيكي ده وصعبان عليكي ؟بقلمي اميرة محمد
امنية بسرعه : لا طبعا انتي اخته الوحيدة ومش حابة اكون سبب اي خلاف بينكم
زهرة: مش انتي السبب ي امنية لو اللي حصل ده كان مع بنت تانية مكنتش هقف معاه ودا شيء اكيد
امنية : مشيتي ليه كنت عايزاكي تقعدي معايا
امنية بتوتر : م ...مهو ااانا ..كنت
امنية بضحك : خلاص يبنتي بتهتهي كدا ليه
زهرة بتوتر : علي فكرة انتي رخمه
امنية بضحك : انا ي زهورتي
زهرة بغضب مصطنع : بت انتي قولتلك بلاش زهورتي دي
امنية بضحك : حاضر
زهرة بإبتسامه : انا مبسوطه اوي انك بتضحكي
امنية بحزن : ضحكتي ملهاش طعم
زهرة بمرح : خلاص نشوف طعم تاني
امنية : ننيييينيي رخمه .....المهم انا عايزة اشتغل
زهرة : هشوفلك حل وارد عليكي
امنية : اشطاا ي زميلي
زهرة بقرف : بيئه اوي
امنية بضحك : طب يلا يختي سلام
• عدي يومين بدون اي احداث تذكر
• احمد وباسم بيجهزوا كل حاجة لشركتهم الجديده واول صفقه هيعملهوها
• امنية قاعدة ف اوضتها مبتطلعش منها بس بترن علي زهرة تكلمها ويهزروا ويضحكوا مع بعض بس ف يوم امنية قررت تطلع تشم هوا علي البحر وخرجت من غير م تعرف حد واحمد رجع لقي باب اوضتها مفتوح وهية مش موجودة ف البيت اتصل عليها بس تليفونها مقفول بعد فترة كبيرة رجعت واول م دخلت لقته قاعد وحاطت رجل علي رجل وبيبصلها بغضب متنكرش انها خافت بس كلمته ببرود
احمد بغضب : كنتي فين ي هانم
امنية ببرود : والله دا شيء ميخصكش
قام مسكها من دراعها : انتي مراتي يعني كل حاجه تخصك تخصني
امنية بخوف : سيبني
احمد ببرود : لا
امنية بدات ترتعش وعيطت : سيبني بقولك
اول م شاف دموعها سابها فورا
امنية بعياط : انا بقرف منك لما تلمسني وبكرهك وبكرة اليوم اللي اتعرفت عليك فيه
احمد قلبه وجعه من كلامها بصلها بحنيه : انا اسف اديني فرصه واحده بس ارجوكي
امنية بعصبيه وعياط : ي اخي ارجوك انت طلقني انا زهقت حاسه اني عايشه ف سجن طلقني وهطلع من حياتك ومش هخليك تشوفني تاني واعتبرني مكنتش موجودة من الاول
احمد بغضب : انتي بتقولي ايه مستحيل طبعا
امنية قامت زي المجنونه وفضلت تكسر ف كل حاجه بهدلت الشقه كلها
امنية بزعيق : ارحمني بقي وسيبني ف حالي انت مش راجل عشان راضي علي نفسك تعيش مع واحده مش قبلاك
رفع ايدة عليها وضربها بالقلم وقعت ف الارض ومقامتش تاني نزل لمستواها وفضل يفوق فيها بس لا جدوي
اتصل علي زهرة مرة والتانيه مردتش والتالته ردت
احمد بخوف : الو ي زهرة تعالي بسرعه امنية اغمي عليها
زهرة بقلق : ايييييه ؟ طب انا جاية حلا
احمد بتوتر : هاتي معاكي ماما
زهرة : حاضر
• بعد خمس دقايق زهرة وامها وكمان ابوها نزل معاهم وطلب منها تجيب دكتور ابراهيم اللي ساكن قصادهم ف العمارة اول م دخلو لقو الشقه مقلوبه خافو وراحو بسرعه علي اوضه النوم
• امنية نايمه علي السرير واحمد واقف قصادها الدكتور جه ودخل كشف عليها
دكتور ابراهيم : الضغط عالي عندها ي استاذ جمال
جمال : طب هيه كويسه ؟
دكتور ابراهيم : ي ريت تبعدوها عن اي حاجة تأثر علي ضغطها وانا هكتبلها علي علاج لو فضلت ع الحال ده هيحصلها انهيار عصبي
احمد بقلق : لا ي دكتور هنعمل كل اللي بتقول عليه
دكتور ابراهيم : تمام خد العلاج ده هاتو عند اذنك ي استاذ جمال
جمال : اذنك معاك ي دكتور
• الدكتور مشي وام احمد وزهرة قاعدين مع امنية جوا بس طلعوا علي صوت الخناقه بين احمد وابوة
جمال بعصبيه : دا اللي عندي امنية هتيجي تعيش معانا ف شقتنا وانت خليك ف شقتك
احمد : ايه ي بابا الكلام اللي حضرتك بتقوله ده؟
جمال : يلا ي ام احمد جهزي لبسها وقوميها ترتاح عندنا
ام احمد : بس .....
جمال بغضب : مبسش اعملي اللي بقولك عليه
ام احمد بخوف : حاضر ي اخويا
• ام احمد دخلت وجهزت لبس امنية وقومتها وخدتها وطلعوا الشقه مفضلش غير احمد وجمال
احمد بغضب : ي بابا دي مراتي يعني المفروض تقعد ف بيتي
جمال : الكلام ده لو عندك اي ادني احساس بالمسؤلية انما انت مش مكفيك اللي عملته فيها وكمان بترفع ايدك عليها كل ده ليه
احمد : خرجت بدون اذني
جمال : ومن ايمته بنرفع ايدنا علي حريم
احمد بحزن : انا اسف ي بابا بس خلي امنية ترجع البيت
جمال : روح شوف حالك وشغلك وسيبها تنسي وتريح نفسيتها
• سابه وخرج واحمد كمان قفل الشقه وراح عند باسم
____///_____////____////_____////_____////___///
باسم : ايه ي زميلي انت اتطردت ولا ايه
احمد بضيق : بقولك ايه الحكاية مش نقصاك هبات عندك كام يوم كده عشان مخنوق
باسم بمرح : بعد الشر عليك من الخنقه ي بيبي
احمد : قسما بربي هقوم ارنك علقه لو مسكتش دلوقتي
باسم بخوف : خلاص ي جدع بهزر
احمد :........
باسم بجديه : طب احكيلي ايه اللي حصل
احمد بحزن : رفعت ايدي علي امنية وضربتها بالقلم
باسم بغضب : انت اتجننت ي احمد ولا اية
احمد بعصبيه : خرجت من غير اذني وبكلمها بهدوء قالت عليا مش راجل عشان مجبورة علي العيشه معايا وطلبت الطلاق
باسم بصدمه : اييييييه...؟؟؟؟
احمد بحزن : اتصلت علي زهرة وجات هيه وامي وابويا وجبنا دكتور ابراهيم اللي ف العمارة يكشف عليها وبعد م مشي ابويا اتخانق معايا وخدها تعيش معاهم
باسم : احسن انو عمل كده
احمد بضيق : انت بتقول ايه ؟؟؟
باسم بهدوء : دا الصح ي احمد لو قعدت معاك بعد اللي حصل ده هتكرهك زيادة وعمي جمال هيتكلم معاها ويحاول يهديها ريح اعصابك انت بقي
احمد بدموع : مش قادر ي باسم بتخنق لما اشوف دموعها قلبي بيوجعني لما تقولي بكرهك نفسي نرجع زي زمان ي ريتني م ارتكبت الجريمه دي ف حقها
باسم حضنه : بتحبها ي صحبي
احمد بعياط : ..........
باسم بهدوء : ششششش اهدي كل حاجة هتبقي بخير ويلا بقي عشان عندنا شغل كتير
احمد طلع من حضنه ومسح دموعه : يلا ع الشركه
باسم بإبتسامه : يلا
"في الشركه"
• احمد بيحاول يضغط نفسه ف الشغل ومبيرجعش شقته من ساعت م امنية سابتها وباسم معاه بيحاول يواسيه النهاردة الشركه هتعقد اول صفقه ليها ودا هيخليها ناجحه اكتر
باسم بجديه : صفقة النهاردة مهمه ي احمد ارجوك ركز
احمد : تمام انا جهزت كل حاجه ومفيش غير ان العميل الجديد يشرف
باسم : عندي فضول اعرف هوة مين
احمد بمرح : يخويا يعني هيكون توم كروز يعني
باسم : ي عم اسكت والله قاعد علي اعصابي
احمد : متقلقش الصفقه هتم بإذن الله
باسم : ان شاء الله خد بقي الملفات دي راجعها تاني
احمد : دي المرة المليون ي باسم
باسم : معلش عشان كل حاجه تبقي تمام
احمد : حاضر
• بعد ساعتين السكرتيرة دخلت عليهم وبلغتهم ان العميل وصل وخرجوا ليه واول م شافوة اتصدموا
احمد وباسم بصوت واحد : اااااااادم ؟؟؟؟؟
ادم بضحك اذيكم ي شباب
احمد بفرحه : انت اخبارك اية واختفيت كدا ليه فجاة
ياسر : متقولش ...هوة انت العميل الجديد
ادم بخبث : او الشريك
احمد : ازاي ؟
ادم بخبث : قصدي ي جماعه بعد الصفقه دي اية رايكم ابقي شريك تالت معاكم
باسم واحمد بفرحه : موافقين
ادم بإبتسامه وخبث : خش ف حضن اخوك ي فواز
وحضنو بعض
احمد بإبتسامه : طيب انا همشي بقي ورايا مشوار صغير كده هعملو واجي يلا سلام
باسم وادم: سلام
بعدين ادم راح علي جمب و طلع تليفونه وقال بخبث : نفذ
جمال ومراته وامنية وزهرة قاعدين بيتغدوا ومفيش اي حد فيهم بيتكلم الكل بياكل ف صمت
امنية بتوتر : عمي جمال
جمال : نعم يا امنية
امنية : ممكن تسامح احمد انا مش حابه اكون سبب اللي انتو فيه ده
جمال بتركيز : واية اللي احنا فيه ؟
امنية بتوتر : احمد لوحده واحنا هنا يعني .....
جمال : لا ي امنية احمد غلط واستحملناه كتير سبيه يعرف نتيجة غلطته
امنية : حاضر ي عمي
ام احمد بمرح : متاكلي يبت مش شايفه خسيتي ازاي
امنية بضحك : كل ده وخاسه؟
زهرة بزعل مصطنع : بقي كده ي ام احمد مفيش واحده كلي يا امنيه
ام احمد بضحك : هوة انتي مبطله دا انتي داخله طالعه ع الاكل
زهرة : شايف ي بابا
جمال بضحك : دي بنتي حبيبتي دي خليها تاكل براحتها بس علي قدك عشان متتخنيش
زهرة : بقي كده يبابا
امنية بضحك : ي كسفتك ي حازم
زهرة : ماشي ي امنية تعالي هنا بقي
فضالو يجرو ورا بعض لحد م وقعوا من كتر الضحك
جمال ف سرة : اللمه دي نقصاك ي احمد ربنا يهديك يبني وترجع لطبيعتك بقلمي اميرة محمد
• احمد كان راكب عربيته ورايح الشركه وفيه عربية تانية ماشيه وراه حاول يتافداها مقدرش فضلت لحد م خبطت فيه والعربية اتقلبت ع الطريق قبل م يفقد وعيه رن علي امنية كتير ومردتش عليه بعتلها ڤويس وهوة سايح ف دمه ومش قادر ياخد نفسه
احمد بتعب : سا ...سامحيني .ااانا..انا اسف اااني...خ..خو...خونت ثقتك ......ب ...بحبك
بعدين غمض عينه وحس ان دي النهايه وفقد الوعي 💔
يتبع ......
متابعه صفحتي عشان يوصلكم البارت السادس 💜🌼
البارت السادس
رواية اغتصاب غير مقصود
• امنية كانت قاعدة ف اوضتها بتقرء كتاب وكل اتصالات احمد رفضت ترد عليها لحد م جات منه ڤويس سمعتها وانهارت
امنية بصريخ : احماااااااااااااااااد ....
جمال وزهرة وامها دخلو عليها الاوضه حاولو يفهموا منها
امنية بإنهيار : اح ...اااحمد ...ع...عمل ..ححادثه
ام احمد بصريخ : ابنيييي انا عايزة ابني دلوقتي
جمال بقلق : اهدي ي ام احمد لما نفهم فيه ايه
زهرة بعياط : فهمينا ي امنيه اي اللي حصل
امنية سمعتهم رسالة احمد بس قفلت عند اخر كلمة
جمال بدموع : اكيد ابني بخير خلينا نتصل علي باسم
"عند ادم "
ادم : كله تمام ؟
محروس : كله تمام ي باشا العربية مقلوبة قدامي اهيه ومستحيل يطلع عايش منها
ادم بضحكه شريرة : برافو عليك
محروس برعب : ااا...ادم باشا كنت محتاج فلوس
ادم بعصبيه : نعم ي روح امك
محروس بخوف : والله ي باشا محتاجهم
ادم بغضب : طب اقفل وغور من وشي وفلوسك هتوصلك علي الجزمه
محروس بتوتر : تمام ي باشا
ادم قفل مع محروس وراح عند مجموعة صور لباسم وزهرة واحمد وامنيه
ادم بضحكه شريرة : خليتك شربت من غير م تعرفني عشان تسوق وانت سكران وتعمل حادثه وتغور بس روحت اغتصبت امنية ودمرتلها حياتها ومالو كله جه لصالحي
بعد كدة راح لصورة باسم وزهرة : وانت فاكرني معرفش ان عينك من الحلوة دي بس مش هخليك تطولها دمرتوني زمان ودوركم جاي
• احمد جوة العربيه مقلوبه عليه فاقد الوعي سايح ف دمه كان فيه عربية تانية معدية فيها اربع شباب
الشاب الاول : استنو ي شباب في عربية مقلوبة
الشاب التاني : يعم واحنا مالنا هنجيب لنفسنا مصيبه ليه
الشاب التالت : ايوة معاه حق يلا نمشي
الشاب الرابع : اخرسو انزلو يلا نشوف يمكن فيها حد محتاج مساعده
• ونزلو كلهم وراحو ناحية العربيه اللي فيها احمد
شاب منهم : الحقو ي جماعه دا فيها واحد وباين عليه بينزف جامد يلا نحاول نطلعه
شاب اخر : تمام يلا اتصلو بالاسعاف عشان تيجي لحسن يموت
• طلعوة من العربية وكل حته فيه مش باينه من الدم الازاز داخل جوة جسمه وشكله مش معروف
• اتصلو بلاسعاف وخدوة ع المستشفي ودخلوة اوضة العمليات
• الشباب كانو هيمشو والدكتور وقفهم
الدكتور: استنوا عندكم
الشباب : نعم
الدكتور : انا لازم اطلب الشرطه عشان يعملو محضر دي مش حادثه عادية
واحد منهم : حادثه عادية او مدبرة ملناش فيه احنا عملنا اللي علينا
الدكتور : تمام بس يريت تسيبوا بياناتكم تحت ولو معاكم اي حاجه نعرف بيها اهل المريض
الشباب :تمام
باسم كان ف المكتب ميعرفش حاجه وكان فجاة جاله اتصال من امنية
باسم : الو اذيك ي امنية
امنية بعياط : احمد عمل حادثه ي باسم
باسم بخضه : ايييييبه ايمته الكلام ده
امنية بعياط : مش عارفه بس من شوية بعتلي رسالة صوت وكان حالته وهوة بيتكلم مش طبيعيه
باسم : طيب طيب انا جاي بسرعة
وصل عندهم البيت وكانت حالتهم يرثي لها حاول يتصل بكل معارفه معرفوش عنه حاجه بعد شوية جالهم اتصال من مستشفي ********
راحو هناك وسالو علي مكانه قالولهم انو ف العمليات قعدو يستنوه قدام الاوضه لحد م يطلع
شوية والدكتور خرج جروا عليه كلهم
ام احمد بعياط : ابني ماله ي دكتور طمني
الدكتور : اسف بس حالته حرجه اوي ومحتاجين دم بسرعه
باسم بقلق : هوة فصيلة دمه ايه؟؟
الدكتور : o سلبي
باسم بفرحه : انا كمان ي دكتور فصيلة دمي o سلبي
الدكتور : طب كويس جدا يلا عشان يسحبو منك دمك مفيش وقت
جمال : روحي ي زهرة مع باسم
زهرة بحزن : حاضر ي بابا
• الممرضه اخدت باسم عشان تسحب منه الدم وزهرة راحت معاه
الممرضه بدلع : يلا ي باسم عشان ....
زهرة قاطعتها بغيرة : اية باسم دي ي ماما احنا هنا ف مستشفي متشوفي شغلك
الممرضه بسهوكه : مالك ي حبيبتي هوة انتي خطيبتو ولا حاجه
زهرة بتوتر : ااا..لا بس عشان اخويا اللي تعبان ده واحنا مش فاضيين لسهوكتك
باسم بيكتم ضحكته : احم....خلاص ي جدعان استهدوا بالله
زهرة بقرف : انا خارجه يا ....يا سي باسم
باسم بضحك : زهرة يبت خدي هنا
الممرضه بسهوكه : سيبها ي باسم خليك معايا
باسم بجديه وعصبيه : لو سمحتي شوفي شغلك
الممرضه بخوف : حاضر
امنية لنفسها وهيه بتعيط : بالرغم من كل اللي عملته فيا ده بس متمناش لعدوي اللي حصلك ، قوم ي احمد وانا هحاول اسامحك هدي فرصه ليا بيني وبين نفسي ، انا مش بكرهك بس مجروحه منك اوي ، ياااه كانت اجمل ايام بتاع الجامعه كنا اكتر اتنين محبوبين والكل كان بيقولنا هتتجوزو بعد التخرج بس فجاة كده الدنيا اتقلبت صدقني ي احمد انا مش قادره انسي شكلي وهدومي المقطعه و....
• قطع صوت تفكيرها ام احمد وهيه بتحط ايديها علي كتفها
ام احمد بعياط : عشان خاطري يبنتي كفاية قساوة وادعيله من قلبك
امنية بدموع : ركنت خلافاتنا علي جمب وبدعيلة من كل قلبي والله
ام احمد بإبتسامه : تسلم ايد اللي رباكي ي بنت الاصول
امنية خدتها ف حضنها : شششش متقلقيش احمد هيطلعلنا باللسلامه
ام احمد بعياط: يارب يبنتي يارب
جمال بدموع : دا بدل م تدعوله بتعملو كده
ام احمد بعياط : غصب عني دا ابني الوحيد مليش غيرة انت قلبك بقي حجر يراجل
جمال بهدوء : انا قلبي حجر ي ام احمد اللي جوة دة ابني زي م هوة ابنك
جات زهرة ف لحظة غضب وبدون وعي مسكت من امنية من دراعها : بتعيطي ليه مش هوة ده اللي انتي عايزاه قاطعنا اخويا بسببك وهوة يعيني مكنش فيه حد ف صفه ارتاحتي اهوة بين الحياه والموت
ام احمد بغضب : زهرة
امنية بصدمه وعياط : اا...انا ...
باسم جه علي صوتهم وسمع زهرة وهيه بتكلم امنية كده
باسم بغضب : زهرة انتي اتجنتي ايه اللي بتقولية ده
زهرة بغضب : وانت مالك
ف اللحظه دي جمال ضربها قلم علي وشها : انتي بنت قليلة ادب وشكلي معرفتش اربي ل انتي ولا اخوكي
بصت ل ابوها بدموع وبعدين طلعت تجري من المكان
باسم بحزن : ليه كدا يعمي؟؟؟
جمال : انت مش شايف عملت اية
ام احمد بعياط : معلش ي امنية يبنتي غصب عنها و..
امنية قاطعتها : لا عادي انا مقدرة موقفها
باسم كان لسه هيخرج ورا زهرة بس وقف لما شاف الدكتور خارج
جمال : هااا ي دكتور ابني عامل ايه دلوقتي
ام احمد بعياط : ابوس ايدك ي دكتور طمني علي ابني
الدكتور : اهدو ي جماعه هوة الحمد لله بقي بخير وعدا مرحلة الخطر بس مش هنقدر نقولكم علي حالته غير بعد اربع وعشرين ساعه ادعوله
باسم : يعني ي دكتور مفيش اي خطر علي صحته
الدكتور : لا اتطمنو ......بعد اذنكم
باسم : اتفضل
وبعدين خرج لزهره لقاها قاعدة ف جنينة المستشفي بتعيط قعد جمبها وحط ايدة علي كتفها
باسم بحزن : زهرة انا ....
مكملش كلامه واترمت ف حضنه تعيط مكنش عارف يعمل اية بس كان مبسوط ضمها ليه
زهرة بعياط : انا اسفه ي باسم مكنش قصدي ارد عليك بالطريقه دي وكمان جرحت امنية صحبتي وهية ملهاش ذنب واستحملت كتير بس كنت خايفه علي اخويا
باسم بحنيه : ششش اهدي انا جمبك وكل حاجه هتتحل الدكتور طمنا علي احمد هوة بخير وعدا مرحلة الخطر
زهرة طلعت من حضنه بعد م استوعبت اللي عملته
زهرة بإرتباك : انا ...اااسفه عن اذنك
وطلعت تجري
باسم بإبتسامه : مش عارف هحبك اكتر من كدا ايه تاني ؟
ادم اتصل علي باسم
ادم بتوتر : ايوة ي باسم اية يبني يعني اختفيت من الشركه كدا بدون م حد يعرف
باسم بتنهيدة : معلش ي ادم بس احمد عمل حادثه وكان لازم اكون موجود
ادم بدون وعي : ولسه عايش ؟
باسم بصدمه : اييييييه؟؟؟
ادم استوعب كلامه بسرعه : يعني قصدي هوة عامل اية دلوقتي
باسم بإستغراب : الحمد لله عدا مرحلة الخطر
ادم بغضب : طيب تمام انا هحاول اجيلكم
وقفل مع باسم واتصل محروس
ادم بغضب : الو ي حيوان هوة دة اللي مستحيل يفلت منها اهوة فالمستشفى عايش لو شوفتك مش هرحمك
محروس بخوف : والله يباشا عملت اللي قولتلي عليه
ادم بعصبيه : اخرررررررس
وقعد يكسر ف كل حاجة قدامه وعنية بقت حمرا من الغضب
ادم : والله م هسيبك ي احمد ودي مش اخر مرة لسه اللي جاي احسن
• بعد وقت مش قليل احمد حالته بدات تتحسن قعد ف المستشفي اسبوع امنية مسابتوش للحظه وكانت جمبه دايما و النهاردة معاد خروجه خلصو كل الاجراءات ورحوا وباسم استاذن منهم ومشي
• جمال : يلا يبني عشان تطلع ترتاح ف بيتك
احمد بتعب : معلش ي بابا بس مش هرتاح غير ف شقتي
ام احمد بدموع: اية اللي بتقولة ده يبني م بيتنا هوة بيتك
احمد : عشان خاطري ي ست الكل سبيني علي راحتي
زهرة : متاكد ي احمد
احمد بإبتسامه وجع : ايوة ويلا عشان ترتاحو انتو كمان وامنية معايا اهيه
ام احمد : طلعت بنت اصول م سابتكش لحظه واحده ربنا يجبر بخاطرها خش ارتاح ي حبيبي
احمد : حاضر ي ماما
طلعو شقتهم واحمد وامنيه دخلو
امنية بتردد وخوف : م ..ممكن اساعدك؟
احمد بإبتسامه : تعالي
راحت عنده ولفت ايديها حولين ضهرة وحط ايدة علي كتفها بس فجاه حس بيها بترتعش وجسمها بيتنفض قام زقها بعيد عنه
احمد بصدمه : انتي بترتعشي كدا ليه
امنية بخوف : ه..هو ااانا...
احمد بصدمه : انتي خايفه مني ؟؟؟؟؟؟
امنية برعشه : ل..لا
احمد بدموع حاول يداريها : للدرجادي انا وحش
امنيه : ......
احمد بدموع وألم : ابعدي ي امنية حتي لو بعدك فيه تعبي مش عايز اكون سبب وجعك ولو حابه تتطلقي هطلقك شوفي الوقت اللي تحدديه وانا هنفذ
امنية قعدت علي الارض وضمت رجليها و....
يتبع .....
متابعه صفحتي عشان باقي الحلقات مش هتوصل الا للمتابعين فقط
بارت كبير اهوة ي جدعان الناس اللي بتقرء بالله متنسوش الاڤ والكومنت 🥺🌻
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
