رواية أغتصاب غير مقصود الحلقه التالته والرابعه بقلم أميره محمد حصريه وجديده على مدونة النجم المتوهج للروايات والمعلومات

ابوها بجمود : اخرسي واسمعي هقولك ايه لو عايزاني اسامحك توافقي تتجوزيه كدا كدا غصب عنك هتتجوزيه

امنية بصدمه : حضرتك بتقول ايه ي بابا ؟

ابوها : زي م سمعتي ودا اللي عندي

امنية بحزن: بس انا مش عايزة اتجوز وبالذات احمد

ابوها بسخرية : مش احمد ده اللي غلطتي معاه؟

امنية بدموع : ربنا يعلم قد ايه انا مظلومه وعمري م هسامحكم

• ابوها مردش عليها وسابته ودخلت اوضتها وقفلت علي نفسها الباب وقعدت تعيط

امنية بعياط : انا فين من اللي بيحصلي دا كله ليه ي بابا كده دا انا مليش غيرك بتسلمني بايدك للي اذاني ،كان نفسي تصدقني وتقف جمبي ، وتقولهم ان بنتي متعملش كده ، خلاص الثقه اتكسرت بس مهما يحصل هتفضل ابويا ،وهييجي يوم وتعرف الحقيقه

• عيطت كتير وراحت عند صورة مامتها واتكلمت معاها

وحشتيني اووي ي ماما ، ووحشني حضنك ، انا محتجالك الدنيا كلها دايسه علي قلبي ،هه تعرفي اني هتجوز اه والله وكمان هتجوز الشخص اللي اعتدي عليا عارفه مين .....؟

احمد اللي بحكيلك عنه كل م بروح ازورك ، انا مش هثق ف حد تاني ، حياتي انتهت طب قوليلي انتي هعيش معاه ازي انا بتصنع الجمود قدامه بس من جوايا برتعش وبخاف طب.....طب ازاي هنكون ف بيت واحد ااااااااه ....ي مامااااااا مش هقدر بنتك بتتعذب اوي ليه محدش بيحس بيا انا بكرهم كلهم مبقتش طايقه حد

• عنيها ورمت من العياط قامت اتوضت وصلت فرضها ونامت مكانها وهيه موجوعه متعرفش بكرة مخبيلها ايه

" عيلة احمد "

ابوة : انا هروح بكرة عشان نتفق مع الراجل علي معاد كتب الكتاب والله الواحد مكسوف يبص ف عينه

امه : خلاص الي حصل حصل اتفق معاه علي بكرة والشقه اهي جاهزة

ابوة : حااضر

• احمد كان قاعد وسطيهم وسامع الحوار وعرف ان امنية انجبرت علي الجوازة اتخنق من البيت وقرر يطلع يشوف صاحبه باسم

باسم : اذيك ي احمد عامل اي ؟

احمد : انا مش بخير

باسم : ليه كده احكيلي

احمد حكاله كل اللي حصل وباسم قاعد مصدوم مش مصدق انو يعمل كده

احمد بحزن : انا تعبت اوي ي باسم طاقتي خلصت

باسم : ليه ي احمد ...؟

احمد بصله وقاله : ليه ايه ....؟!

باسم : ليه عملت كده ومن ايمته وانت بتشرب ...؟

احمد بدموع : حتي انت ي صاحبي ؟

باسم بحزن : انت عارف انا بعزك قد ايه وخايف علي مصلحتك ، امنية كانت اقرب حد ليك ،صعب عليها اللي حصل والمفروض تقدر اللي هيه فيه

احمد بحزن : عارف ي باسم دا انا مش قادر ابص ف عنيها

باسم : وهتعمل ايه ي صاحبي

احمد بحزن : عرضت عليها الجواز بس رفضت روحت ل ابوها وطلبتها منه ضربني ودا طبعا حقه واللي اعرفه عنه انو هيجبر امنية عشان بيخاف علي سمعته وفعلا عمل كده وبابا هيروح يتفق معاه ويخلي كتب الكتاب بكرة

باسم : وهتخليها تعيش معاك وهيه مجبورة ؟

احمد : دي الطريقه الوحيدة علشان تسامحني

باسم : ازاي مش فاهم

احمد : لما تكون معايا ف البيت هعرف اتكلم معاها وافهمها اللي حصل ي اخي دا ابويا وامي قاطعوني حتي زهرة اختي رافضه تكلمني

اول م احمد قال اسم زهرة... باسم عينه لمعت بالحب ....بيحبها من زمان بس هيه للاسف مش شيفاه

باسم بإحراج : ابوك وامك تمام...احم طب وزهرة ليه

احمد : الله لا يسيئك ي باسم مش ناقصه غباء منتا عارف ان زهرة بتحب امنيه اكتر م بتحبني

باسم بضحك: خلاص ي جدع انت هتطلعهم عليا ولا ايه

احمد : وليك نفس تهزر دا انت معندكش دم

باسم بمرح : حبيبي ي ابو الصحاب

احمد بضحك : مش بقولك مفيش دم خالص

باسم : المهم هنفتح شركه صغيرة كده علي قدنا زي م اتفقنا

احمد : اه طبعا ...بس وحياة ابوك ي شيخ استني عليا لما احل المشاكل اللي عندي دي

باسم : بص ي احمد انا وانت وامنية وشوية من صاحبنا الولاد والبنات كنا مع بعض ف نفس الجامعه بس امنية كانت اقرب شخص ليك وعلي حد علمي بيها انها طيبه والطيب ده بيسامح كتير بس بييجي ليه يوم وطاقته تخلص ، فحاول تهدا عشان تعرف تفكر

احمد بحزن : فاهم ي باسم فاهم وانا مستعد اعمل اي حاجة هيه عايزاها

باسم : احمد انت عايز تتجوزها ليه ؟

احمد : .........

باسم : عايز تتجوزها عشان اللي حصل بينكم ولا عشان بتحبها ؟

احمد بصدمه : بحبها ؟ لا طبعا

باسم : يبقي الاختيار الاول مش كده

احمد : مش عارف ي باسم وخلاص مش عايز اتكلم ف الموضوع ده

باسم : تمام ي صحبي

• زهرة قاعدة ف اوضتها وماسكه التليفون ومترددة ترن علي امنيه ولا لا بس خلاص حسمت قرارها

زهرة بدموع : الو ....

امنية : اذيك ي زهرة عامله ايه ي حبيبتي

زهرة: ............

امنية بقلق : مالك ي زهرة بتعيطي ليه انتي كويسه

زهرة بعياط : انا كويسه بس انتي وحشتيني اووي

امنية بمرح : اي دا يبت بتعيطي عشان وحشتك

امنية بعياط : اه ...

امنية بإبتسامه : تعرفي انتي كمان وحشتيني اووي

زهرة : بجد.....هوة انتي مش زعلانه مني عشان اللي حصل ؟

امنية بدموع : لا وانتي ذنبك ايه

زهرة بعياط: حقك عليا والله انا ......

امنية : متكمليش مش عايزة افتكر صدقيني مهما يحصل هتفضلي اختي وصحبتي اللي بحبها

زهرة : انا بحبك اووي ي امنية

امنية : انا كمان بحبك كتشششير

زهرة بضحك : والله يبنتي وحشتني القعده معاكي

امنية بسخرية : متخافيش كلها كم يوم وابقي حرم اخوكي المصون بالاجباري

زهرة بحزن : اخويا اللي غلط وانتي بتدفعي التمن

امنية بحزن : مش هتفرق ي زهرة عايزة حاجه انا لازم اقفل دلوقتي

زهرة : لا حبيبتي عايزة سلامتك

• زهرة قفلت مع امنية واتنهدت تنهيدة كبيرة زعلانه علي صحبتها مع ان امنية اكبر منها واتعرفت عليها من زمان عن طريق احمد وكانت احلي معرفه

• ‏زهرة بحزن : ي خسارة ي احمد كان نفسي تتجوز امنيه ف ظروف احسن من كده مش عارفه ازعل منك ولا ازعل عليك

_____________________________________________

• ‏والد احمد راح البيت عند امنية عشان يتفقو علي كل حاجة ويحددو معاد كتب الكتاب ، ابو امنية وابو احمد الاتنين كانو محرجين من بعض اووي ووالاتنين كان ليهم تفكير مختلف

• ‏ابو امنية : فاكر ان بنته هيه اللي غلطت مع احمد بإرادتها وان حكاية الاعتداء قصه عملوها عشان يتجوزو

• ‏ابو احمد يالمنحرف يالموكوس (بهزر ى جماعه 😂)

• ‏ابو احمد : مكسوف من اللي ابنه عمله وحط راسه ف الارض وعمل كده ف بنت بريئه زي امنيه ، المهم اتفقو انهم هيعملو كتب كتاب بكرة مع حفله بسيطه يعزمو عليها زمايلهم عشان محدش يشك ف حاجه

يوم كتب الكتاب

الكل اتجمع وامنية لبست فستان ابيض هادي مع حجاب ابيض برضو وخرجت مع زهرة باسم اول م شاف زهرة تنح فيها من جمالها حتي هيه لاحظت دة بس لفت وشها الناحيه التانيه وركزت مع امنية

امنية لنفسها : كان نفسي ابقي مبسوطه ف يوم زي ده بس النهاردة انا اتعس واحده ف الدنيا

احمد لنفسه : قد اية انتي جميله بس انا طفيتك باللي عملته اتمني تسامحيني

"بارك الله لكم وجمع بينكم في خير "

كتبو الكتاب وقعدو شوية والحفله خلصت الناس مشيت وامنية بتعيط خايفه تسيب البيت وابوها مكلمهاش ولا كلمه ومرات ابوها شمتانه فيها ، امنية مسكت ايد زهرة وقالتلها متسبنيش

نزلو تحت وركبو العربيه ووصلو عن الشقه ودخلوو واحمد قفل الباب وامنية اترعبت ومسكت الفستان وهيه خايفه احمد لف وشه ليها واتصدم لما شافها بالطريقه دي قرب عندها وهيه بترجع لورا

احمد بحزن :..........

يتبع ....

متابعه_صفحتي_

الحلقه الرابع رواية اغتصاب غير مقصود

امنية بدموع : ابعد عني ي احمد اا ...اانت م ...مش خدت اللي انت ع..عايزو

لحظت صمت وصدمه نزلت عليه خلته وقف مكانه بدون ميتحرك خطوة

احمد بزهول وصدمه : خدت اللي انا عايزة ؟ انا مش مصدق اللي بتقولية ،

عينيه اتملت دموع وكأنه بيترجاها : امنية ارجوكي بلاش النظرة اللي ف عنيكي بتقتلني خلينا نفتح مع بعض صفحه جديده وصدقيني انا...

امنية بعياط وصريخ : انت اييييييه مبتحسش انت دمرتلي حياتي لا استني اقولك انت عملت ايه ،اعتديت عليا واغتصبتني مصعبتش عليك وقتها وانا بترجاك واقولك ابوس ايدك ي احمد سيبني وانت ولا هنا شايف جسمي ده بقيت بكرهو كل م افتكر اللي عملتو فيا وبعدين خسرت ثقة ابويا بسببك وطردني براا البيت واترميت ف الشارع ونمت يومين ع الارصفه وانا هموت من الخوف كل ده وعايزنا نفتح صفحه جديده ؟؟ شوفت كتير ف حياتي وكنت بقول عليك انت الحاجه الوحيده اللي طلعت بيها من الدنيا دي بس كنت غلطانه حسبي الله ونعم الوكيل فيك مش مسمحاك لاخر يوم ف عمري

• خلصت كلامها ودخلت الاوضه وقفلت علي نفسها بالمفتاح وقعدت ورا الباب تعيط وهيه ايدها علي بوقها

• ‏احمد واقف برا مكانه متحركش ومش مستوعب اللي قالته بعد شوية دخل الحمام ونزل تحت الدوش وهنا اختلطت دموعه بالميه

احمد بعياط : انا اسف ي امنية اسف بس عقابك ده قاسي عليا ياريتني اليوم ده م شربت ولا رجعت البيت ولا كنتي جيتي عندنا بس مش هيأس هحاول بكل جهدي اصلح علاقتي بيكي

• طلع من الحمام غير هدومه واترمي علي السرير ومحسش بحاجة بعدها اما امنيه غيرت الفستان وصلت فرضها ونامت

• باسم كان عايز يتطمن علي صاحبه وخايف ليتهور ويعمل حاجه فقرر يروح الصبح يشوفه كإنه بيباركله

• ‏الصبح طلع وباسم راح ل اهل احمد عشان يطلع معاهم عنده يعني باسم علاقته كويسه بيهم وكمان بيعتبروة زي احمد خلصوا كل حاجه وطلعت ام احمد وزهرة وباسم ابوة رفض عشان صعبان عليه امنيه

• ‏رنو الجرس واحمد قام خبط علي امنيه عشان تصحي سمعته بس مردتش عليه وراح فتح ليهم الباب

ام احمد ببرود : امنية فين

احمد : هتكون فين يعني ي امي

زهرة : انا هروح اندهلها

باسم : الف مبروك ي صحبي يلا تعالي ي خالتي هنفضل واقفين ع الباب كده ولا ايه

احمد : لا اتفضلو

• زهرة دخلت خبطت علي امنية وامنيه فتحتلها الباب ودخلتها وحضنوا بعض بعدين امنيه للبست وطلعت معاها

• ‏قعدت معاهم بس الجو كان مليان توتر وزعلت من نظرات ام احمد ليها

امنية : اذيك ي طنط

ام احمد بتوتر : الحمد لله انتي اخبارك ايه

امنية بحزن: انا بخير

باسم بتوتر : احم...مبروك ي امنية

امنية بدموع : الله يبارك فيك ي باسم

بعدين وجهت كلامها ل ام احمد : طنط ممكن تيجي معايا دقيقه بعد اذنك

ام احمد بإبتسامه : حاضر يبنتي

خدتها ودخلو وقفلت الباب وقعدو يتكلمو

ام احمد بقلق : خير ي امنية قلقتيني يبنتي احمد عملك حاجة

امنية بدموع : حضرتك زي اي ام بتحلم تشوف ابنها عريس يوم فرحه ،وانا كمان كان نفسي اعمل فرح كبير واكون مبسوطه وفرحانه من قلبي ، بس اللي حصل غير كل حاجه ، صدقيني انا ..انا

ام احمد : زمان كنتي بتناديني ماما ودلوقتي بقيت حضرتي ي امنية ، انتي فكراني جاية عليكي ، دا انا قاطعت احمد عشانك ، انتي زي زهرة يعني بنتي وانا مرضاش لبنتي اللي حصلك ده ، مكسوفه ابص ف وشك من اللي ابني عمله ياريت تسامحيني يبنتي

امنية بدموع : تعرفي اني بشوف فيكي امي الله يرحمها من ساعت م اتعرفت عليكي وانا قلبي ارتحلك ونادتلك ماما بدون م اتردد ومفيش ام بتطلب من بنتها السماح

ام احمد بعياط : مش قادرة اشوف الحزن ف عنيكي ي بنتي

فتحت ليها ايديها وقالتلها : تعالي

امنية اترمت ف حضنها وهيه بتعيط

ام احمد بعياط : اتكلمي متكتميش ف قلبك ي حبيبتي

امنيه بعياط : تعبت ي ماما تعبت احمد قتلني مش قادرة اسامحه ااااااااه ...

ام احمد بعياط : والله ل اطلقك منه واجوزك راجل بجد يستاهلك مش كفاية اللي شوفتيه ف حياتك

امنية قامت من حضنها ومسحت دموعها

انا خايفه ي ماما اقعد معاه لوحدي ف الشقه امبارح قفلت علي نفسي بالمفتاح سامحيني بس خوفت اوي

ام احمد : حاسه بيكي بس صدقيني احمد ابني مستحيل يقربلك تاني ابني وانا عارفاه اكيد في حاجه خلته يشرب

امنية : بس دا مش مبرر ي امي

ام احمد: عارفه والله يلا امسحي دموعك دي وتعالي نطلع عشان امشي

امنيه بزعل: ليه خليكي شوية كمان

ام احمد بإبتسامه : متخافيش هجيلك تاني

امنيه بحزن : ماما هوة عمي زعلان مني عشان كده مجاش

ام احمد بسرعه : لا لا ابدا دا هوة محروج منك يبنتي بس المرة هييجي معانا

امنيه : قوليله اني مش زعلانه منه واني بعتبرة زي والدي

ام احمد بإبتسامه : حاضر يبنتي

• احمد وباسم وزهرة كانو قاعدين ومحدش فيهم بيتكلم لحد م باسم قطع الصمت ده واتكلم

باسم بتوتر : احم...ايه ي جماعه ساكتين كده ليه

احمد بمرح : منور ي باسم منور ي حبيبي

باسم بإحراج :حبيبي ي ابو الصحاب

احمد بقلق : احم....زهرة هتفضلي كده كتير ؟

زهرة : كده كتير ازاي يعني ؟

احمد : مبتكلمنيش ....

زهرة بحزن : للاسف كلامي معاك بقي تقيل علي قلبي

باسم حاول يلطف الجو بينهم : استهدو بالله ي جماعه متقوم ي احمد تعملنا حاجه نشربها

احمد بصدمه : نعععععم ؟؟؟؟

باسم بقلق : اهدي ي جدع مش دي شقتك

احمد : طيب ي خويا قايم

احمد قام دخل المطبخ وباسم حاول يتكلم مع زهرة

باسم بجدية : انسه زهرة دي اول مرة اتكلم معاكي اتمني تفهميني انا عارف ان احمد غلط بس حابب يصلح غلطته منكرش اني زعلت لما عرفت اللي حصل بس انتي اخته ولازم تقفي جمبه

زهرة بصالو بس مش مركزة معاه وقالت لنفسها : احيييييييه ايه الحلاوة دي ، مهو مصاحب البتاع اللي اسمه اخويا ده اول مرة اخد بالي من ملامحه هوة ازاي حلو كده انتي اتجننتي ي زهرة

منتبهتش لباسم اللي بينده عليها

باسم : انسه زهرة يبنتي انتي سمعاني

زهرة بتوتر : هااا..اه ..اه معاك انا لازم امشي

وخدت بعضها ونزلت جري علي تحت مستنتش مامتها

باسم : مالها البت دي...... بس عسل هيييييح

احمد جاب صنية العصير وحطها وقعد جمب باسم

احمد بقرف : اطفح

باسم بضحك : شكلك مسخرة وانت جايب العصير كده

احمد : بعد كده ابقي قوم هات لنفسك اللي عايز تطفحه

باسم بمرح : ي اخي دا لو انت جوز امي مش هتعاملني كده

احمد بضحك : اسكت ي جدع اومال زهرة راحت فين

باسم بتوتر : مش عارف انا كنت بكلمها عنك وبصيت لقيتها جرت فتحت باب الشقه ونزلت

احمد اتنهد تنهيدة كبيرة وباسم حط ايده علي كتفه

باسم بإبتسامه : متقلقش كله هيبقي بخير

ونفس الوقت طلعت ام احمد ومعاها امنيه

ام احمد بصرامه : اياك تقرب منها ولا حتي تتعرضلها انت اه ابني بس هيه كمان بنتي ولو اشتكت منك حسابك هيبقي معايا انا مفهوم ؟

احمد بحزن : مفهوم ي ماما

باسم : احم...طب انا همشي بقي ي جماعه

ام احمد : ليه ي باسم يبني متنزل تقعد معانا تحت

باسم بإبتسامه : ربنا يخليكي ي خالتي بس معلش هستأذن انا علشان عندي شغل يلا ف رعاية الله

ام احمد : ربنا يسترها معاك يبني

• سلمو علي امنية وكلعادة مبيكلموش احمد بعد كده قفل الباب لف وشه لقي امنيه واقفه لسه هيكلمها وقفته

امنية بجمود : من هنا ورايح خلي فيه مسافه بيني وبينك يعني اياك تقرب مني دي اول حاجه...تاني حاجه بقي انا قررت اشتغل وعلي فكرة انا مش بستأذنك

احمد قعد الكرسي وحط رجل علي رجل وقالها:........ اممممم خلصتي

امنيه مزهوله ومردتش عليه

احمد بثقه : اسمعي بقي ي مراتي ي حلوة شغل من غير اذني مفيش إلا اذا.....

امنية بسرعه : إلا اذا ايه ....؟

احمد بإبتسامه : إلا اذا طلبتي بإحترام

امنية : والمعني

احمد بإبتسامه : يعني تيجي تقوليلي ي جوزي انا حابه اشتغل ممكن...؟؟ولو قولتي ي جوزي ي حبيبي معنديش مشكله

امنيه بسخريه : دا بعدك .....انا مش عارفه انت جايب البرود ده منين هوة ضميرك مات ولا ايه يابا

احمد بضحك : لسه دبش زي م انتي

امنية بإستحكار :بجد ليك نفس تضحك هوة انت معندكش دم ؟مش مدرك حجم الكارثه اللي عملتها لا وكمان عايزني استأذن منك عشان اشتغل مستحيل

• دخلت الاوضه وقفلت علي نفسها زي امبارح لانها مش واثقه فيه ولا حتي مأمنالو

• ‏احمد اتنهد : هحاول معاكي ي امنية تاني وتالت ومش هزهق ابدا لحد م تسامحيني ومستعد ومتقبل منك اي عقاب لاني انا اللي وصلتك للحاله دي ..

______________________________🌼

"في مكان اخر مجهول قاعد علي كرسي وبيلف بيه جاله مجهول اخر وكان حديثهم كالتالي :

مجهول ١ : عملت ايه ......؟؟

مجهول ٢: عرفت كل المعلومات اللي حضرتك طلبتها ي باشا

مجهول ١ بعصبيه : انطقققققققق اييييبه مستنيني اديك الاذن

مجهول ٢ بخوف : ح...حاضر ي باشا احمد وامنيه كتب كتابهم كان امبارح وعملو حفله صغيرة عشان يدارو الفضيحه اللي حصلت وكمان اهل احمد قاطعوه ومحدش فيهم بيتعامل معاه بعد اللي حصل

مجهول ١بضحك : ولسه اللي جاي اسؤء

تروح تراقبهم لحظه بلحظه وتعرف عنهم كل كبيرة وصغيرة المعلومات اللي جبتها مش كفاية

مجهول ٢:حاضر ي باشا عن اذنك....

مجهول ١ بحقد : اتقل ي احمد حسابك لسه مبتداش

وفضل يضحك بكل صوته ف المكان

يتبع .....

ي تري مين هما المجهولين ...؟؟

بارت طويل اهوة

متابعه_____صفحتي

الحلقه الخامسه والسادسه من هنا

بداية الرواية من هنا

🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹