رواية تاني حب اقتباس بقلم الكاتبه ملك إبراهيم حصريه وجديده
 |
انت ابن عمي وبس ياريت تقبل ان كل حاجة بينا خلاص انتهت
خبط علي الباب بقوة وقال بغضب: طب افتحي الباب نتكلم.
اتكلمت من خلف الباب: مفيش كلام بينا وانا خلاص هنساك ومش هرجع في قراري.
رد بغيظ: دا كان قراري انا على فكرة.
اتكلمت بصوت عالي وهي جوه اوضتها: انا برضه كنت بفكر في نفس القرار ده بس انت سبقتني واخدته.
اتغاظ منها اكتر وقال: ده كان احسن قرار انا خدته في حياتي.
ردت بعناد: وانا كمان.
= اكيد يعني مكنتش هتجوز واحدة مجنونه زيك.
_ وانا كمان
= طب انا لسه بحبك.
_ وانا كمان.
ضحك وسند على باب اوضتها وهي كانت قصاده بتسند على الباب من جوه.
اتكلم بصوت هادي: انتي ليه بتعملي فيا كده؟
ردت بحزن: عشان انت اللي بتعمل فيا كده!
بعد عن باب اوضتها وقال بثقة: صدقيني هتندمي وهتترجيني عشان نرجع لبعض وانا اللي هرفض ارجعلك يا مجنونه
ابتسمت وهي حاسه ان قلبها بيرقص من الفرحة انها قدرت توقفه علي باب اوضتها كده و ردت بنفس طريقته: لسه هتشوف المجنونه هتعمل فيك ايه... بقلمي ملك إبراهيم
تفاعل حلو على الاقتباس شجعوني ابدأ نشر الرواية وقولولي توقعاتكم بأسماء الابطال الجداد🙈
تابعووووني
